اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-04-2017, 10:38 PM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها؛كاملة



السلام عليكم ورحمة الله وبركاته

أعضاء غرام الغالين بنقل لكم الروايه الثانية للكاتبة نبضي أبها

بعنوان

( جنوبية برت حالي ولاادري وين ديرتها-وكل ماأسأل من ين انتي تجاوبني جنوبية )





بسم الله الرحمن الرحيم

المقدمة:

بعد طول غياب ..هأنا أعود إليكم

بروايتي الثانية..رواية اجتماعية

بسيطة تحمل في طياتها قصص وحكايا قد

تكون واقع ..وقد تكون من نسج الخيال ..

رواية تحمل في طياتها عادات وتقاليد قديمة

قد تكون اندثرت بمرور الزمن ..او مازالت

راسخه رسوخ جبال عسير الشامخه..

أنــــــــــا لســــتُ كاتبه وانما هي

قصص وحكايا احببت ان انثرها لكم

بأسلوب سهل بسيط ..!

الرواية لا تمثل منطقة او قبيلة ..اسماء

المناطق والشخصيات من نسج الخيال

لاتمت للواقع بصله..ذكر بعض الدول

في الرواية لايدل على التقيل من الشأن..

ليس هناك شخصية واحده تدور الرواية

حوله فقط ..لكل شخص حكايه ومواقف..

عند نقل الرواية اتمنى كتابة الأسم ونقلها

بنفس ترتيب الأجزاء ..!

اتمنى يكون النقاش حول الرواية فقط

واحداثها بعيد كل البعد عن شخصي

وعائلتي ..!
...........................................
مرت سنتان منذ أن بدأت عاصفة الحزم التي

تقودها المملكة العربية السعودية بمشاركة

تحالف عربي واسع المدى ضد النظام الحوثي

والمخلوع علي عبدالله صالح ..

قدم خلالها الجنوب اكثر من 82شهيدآ للوطن

وعدد من المصابين والجراحى والمفقودين

قدموا ارواحهم فداء للوطن ومقدساته

لا يكاد يخلوا بيت في المنطقة الجنوبية

وقرى ومحافظاتها من بطل مرابط او

شهيد او جريح قدموا انفسهم دروع

منيعه للوطن ..بل بعض المنازل خرج

منها ثلاث او اربع اخوه مرابطين على

الحد الجنوبي ..!

كان حقآ علينا ان نفخر بهم وان تزين اسمائهم

شوارعنا وقاعات المدارس والجامعات في مبادرة

بسيطه كانوع من رد الجميل للأبطال الذين

نذروا انفسهم من اجل حمايتنا ..!

افترشوا الأرض ..والتحفو السماء من اجل

راحتنا ..

معارك شرسه مع الحوثيين في الحد الجنوبي

بينما نحن نمارس حياتنا بكل يسير وسهوله

بفضل الله ثم بفضل جنود ابطال الحد الجنوبي

انا اتحدث هنا عن نماذج من ابناء

المنطقة الجنوبية على وجه الخصوص .،!

وهناك ابطال في جميع انحاء المملكه

بكل قطاعاتها العسكرية عيونآ ساهره

كلن على ثغر عظيم سجلوا اعظيم معاني

الشجاعة والدفاع عن ارض الوطن الغالي ..!

اسأل الله ان ينصرهم ويثبت اقدامهم

ويجعل النصر حليفهم .!

البـــــــارت الأول

فاتنة يامدمية عين السحاب
وسحرش يفضفض عن آحساسه بهون
تحضنين الشمس ويفوح الضباب
والمطر ينثر على آرضش لحون
في جبالش هيبة بروح الشباب
والشتاء عطره على متنش يمون
آسمش آبها صدق مافيها آكتساب
لأنش آبها شي يسكن في العيون
آخذني ضيم الشفق فوق الهضاب
حزة المغرب إذا مال الشجون
وابتديت آحس آني مثل الكتاب
آحملش في داخلي شعر وفنون
والزلال اللي على هامتش شاب
وآنتثر مفقش بين الغصون
يوم علق بش قناديله وذآب
صار وصفش شي من ضرب الجنون
من جبال السودة آطلقت العتاب
بعثرتني نبضة القلب والحنون
وقمت آراجع فالذهاب وفالاياب
كم حبيب غاب وآضنتني الظنون
ياحضور اللي غيابش له غياب
آسمحيلي البسش تاج الفتون
والجنوب آبكبرها أم السحاب
جعل من يطعن بسيرتها يهون
الشاعر عبد الله جابر الصدامي


المكان
المنطقة
الجنوبية
قرية الخضراء
التابعة لسودة

تبعد عن مدينة
أبها حدود25ك
--------------------------------------------
الوقت /:3فجرآ
درجة الحرارة12

واقفة تنتظر سيارة النقل وكل كآبة العالم تسكن
صدرها!
هدوء المكان واصوات حشرات الليل زاد من كآبتها.!

واقفه في المكان ذا وبنفس الوقت من اربع سنوات ،،؟

حاولت تسبح تستغفر عجزت لسانها كأنه معقود..

اخذت نفس عميق وهي تشم روائح زكية من الأشجار

العطرية المزروعها في الحوش رفعت عيونها لفوق وهي

تهتف يارب يارب يارب والباقي وحدك تعلمه.!

والباقي تعلمه،؟

‏جالت بنظرها على كل شي في الحوش بغير هدف

تشوف الضباب اللي مغطي كل شي حولها ،،؟

حتى البوابه الكبيرة ماتشوفها بوضوح رغم وجود

كشافات كبيرة إلا ان الضباب مغطي كل شي،؟

رفعت يدها وهي تشوف الساعه باقي3و33دقيقة

والنقل ماجاء غريبة وللأول مره تتمنئ فعلا مايجي

تحس ودها تغيب مليت من الطريق؟مليت من وضع

المدرسة المزري،!مليت من تسلط المديرة ،؟مليت من

كل شي ،؟حتى السواق نفسه شينه ،؟مافي اي شي

يساعد ادوام ،،؟يالله الصبر من عندك ،؟

التفتت وهي تسمع صوت أشواق تكح وهي

تقترب منها؟!

أشواق /بصوت مبحوح ومن اثر الزكام والبرد،،؟

وهي تبتسم صباح الخير كنت ناويه اخوفك لكن

الكحه خربت علي،؟

ريم/وهي تشوف خشم أشواق ووجها المحمر من

من الزكام وهي تحاول تلم نفسها من البرد،؟

عادي مااخاف ابشرك تبلد احساسي كل

الاحاسيس عندي ماتت .!

أشواق /وهي تشوف مدى الكآبه والحزن المرتسم

على وجه اختها قربت منها وهي تحط يدها على

كتفها ياقلبي ليش كل ذا،؟

ضحكت ريم وهي تناظر بلا هدف تسألين ماكأنك

تعرفين،؟

وبلحظة انهيار أشواق افهميني انا تعبت والله ماعاد

فيني صبر فهمي أمي على الاقل اخذ ايجازه بلا راتب

اريح نفسي على الأقل والله حرام 8سنوات وانا في

حالة رغب وخوف،؟

أشواق /وهي عاجزه تقول اي شي.؟!

ريمحبيبتي أمي تبغى مصلحتش تحسب الإيجازه

والغياب يأثر على النقل وتعرفين امي كل شي

عندها إلا الوظيفة .،!

امي تحبش وتخاف عيش وتبغى لش الخير

ومن تروحين لين ترجعين وهي قلقانه عليش.،!

وانت شفتي بنفسش اول ماتعينتي في جزيرة فرسان

كيف تعبت معش وحاولت لين جاك نقل هنا،؟

وكيف كانت تداوم معش في المدرسة ذي اسبوعين،

وبعدين انت صبرتي سنتين تداومين في جزيرة في

فرسان ماتقدري تصبري على الدوام في قرية .،؟

ريم/:والله تمنيت مانقلت على الأقل في فرسان

اهون سكنت في جزيرة فيها خدمات وربع ساعه

في الفلوكه الى المدرسة في الجزيرة الثانية .!

وإذا العباره تعطلت او الأمواج مرتفعه ماعاد

نداوم ثلاث اربع ايام ونكلم مكتب الأشراف

جوال وخلاص .!

والمديرة طيبة واخلاق وتراعي وضعنا،؟

كانت اخر الأيام من الدراسة ماعاد تخلينا

نجي اللي من خارج المنطقة ،؟

صح ان السكن والحياة في الجزيرة غالية بس

على الأقل في جوال ونت وخدمات ومستشفى،؟

مو مثل قرية (سيال)احسها خارج الخريطة مره ،،؟

اشواق/ حبيبتي اصبري ووكلي امرش لله صدقيني

أمي تبغى مصلحتنا شوفي كيف هي تعبانه بس تفكر

فينا اكبر دليل انها ماتاخذ من رواتبنا ولا ريال،؟

ويوميآ تقوم معش لين تداومين يعني حتى هي

تتعب زود على تعبها .،؟

همها الوحيد انت ذحين تبغى تكمل الفلوس علشان

تشتري لش فله وتكتب عقدها وترتاح،؟

رغم اني كلمتها قلت ريم عندها محلات ويجيها

دخل مادي ممتاز منها رفضت إلا تشترين فله.!

ريم/اعرف انه من حرصها وحبها لي تسوي كذا.!

الله لا يخليني منها،؟

أشواق/ التفتت وهي تسمع صوت أمها وهي تهلل

وتستغفر

وتمشي بشويش من آلم رجولها وبيدها عصاها

عصاها اللي ماتفارقها .!

شوفي ماترتاح قلت لها تنام وانا بوقف معش

لين تروحين ومارضيت إلا هي تجي.!

قربت منهم وهي تشوف وجه ريم المتغير وهي تسلم

على يدها وراسها وتحضنها وهي تستنشق ريحتها،؟

ريم يمه والله اني احبش ادعيلي .!

الأم/عائشة وانا احبش انت واخواتش ولا عندي

اغلى منكم الله يحفظكم وييسر لكم كل عسير..!

مسكت يدها ريم وهي تسمع السواق يفتح البوابة

وبلهجة جنوبية بحته اكتسبها من طول إقامتة عندهم.؟

20سنه كانت كفيله بأن العم ايوب يحب هذا المكان

ويحبهم هذا البيت واهله ويتفانا في خدمتهم

وحرصه وخوفه عليهم ..!

ايوب/ صبحش الله بالخير ياعمه،؟

كيف اصبحتي اليوم من ضيم رجولش،؟

الأم عائشة /وهي ملتفه بعبايتها ومتغطيه

الله يصبحك بالخير الحمدلله بخير ابشرك،؟

كيف اصبحت انت بشري عنك وعن سليم .!

ايوب/الحمدلله كلنا بخير نايم سليم ،؟

الأم عايشة :/حرص عليه يقوم بدري .!

ينزلني تهامة معي حلال ببيعه وسمن وعسل ،؟

وانزل المنحل البرد زاد عليه هنا .،؟

معي ندى وخزامى عندها اعلان هناك.!

ايوب/ابشري على هذا الخشم وهو يأشر على

خشمه تزهبوا وهو بيكون جاهزبعد الصلاة إن شاءالله،؟

وعلاش وجه الله ماعاد تقومين ياعمه ذا الحزه برد

علاش ريم انا بقوم معها احتري السواق،؟

ريم/ وهي تقرب منه وتشوفه ملتف في الفروه،؟

لحيته اللي ماليه وجهه كلها شيب قضى كل حياته

عندهم جاهم سواق وهوصغير ولحد ذحين هو معهم،؟

يكفي انه حافظ لكتاب الله وذا شي يخليهم نطمن

وحنا معه نسافر ونروح كل مكان،؟

هو اللي يروح يقضي للبيت يرعى حلال امي ،؟

يهتم في المنحل ،؟!

المزارع اللي في الحوش كلها هو اللي غرسها،؟

وعلشان كثرة مشاويرنا جاب ولد اخته سواق

يساعده بس امي مستحيل تخلينا نركب

مع ولد اخته لوحدنا لازم هي معنا .!

واذا بنروح وحدنا ايوب هو اللي يودينا.!

شافت آمها تخرج بعد السواق لما وصل النقل

لفت تشوف الدنيا ظلام وزاد الضباب الكثيف،؟

ركبت وهي تسمع أمها تعيد نفس الأسطوانه

على السواق ،؟؟

امش على مهلك ،؟لا تسرع العقبه كلها ضباب

واذا جيت بتوقف علشان يصلون انزل انت اول

تفقد المسجد ولا تروح تصلي لين يصلون ويركبون

وقفل السيارة زين وبعدها تسهل انت صل ،؟

معك سلاحك وإلا نسيته مثل كل مره،؟

السواق عبدالله بنفس شينه ماحتاج سلاح

الحمدلله آمن وامان .!

عائشة/ وشخصيتها القوية اذا انت وحدك

ماعلي منك لكن معك بنات رجال وبذمتك ،؟

عبدالله/ وعلشان يخلص من الأسطوانه ذي اللي ترددها

العجوز عليه من 4سنوات قال طيب يصير خير،,وهو

يحرك السياره ويمشي .؟

لفيت اشوف أمي باقي واقفه هي والسواق

يناظرون فينا .،!

اربع سنوات وانا وهم على هذا الحال كل يوم

اودع اهلي بقلبي وانا اتوقع ماعاد بشوفهم

حست في السيارة تمشي بسرعة نفس

كل مره السواق الغبي ذا مايهتم كأنه

راكب طيارة وزود على شين اخلاقه

وشين سيارته وسواقته .!

رفض ماياخذ منا إلا 2500ريال .!

استغلال غير طبيعي من السواقين .!

الرياض


جلسة أرضية بدرجات البني والبيج

و العودي صوت القارئ المنبعثة من شاشة البلازما اللي

محتلة نصف جدار الصالة يبدد هدوء وكآبة المكان..؟‏

‏امرأة في 50 عامآ..

تحرك حبات المسبحه بيدها وتحاول قدر ماتقدر انها

تركز وهي تستغفر وتسبح..

معلمة التحفيظ قالت لهم لازم يكون القلب حاضر

عند الذكر مرات تتغلب على الشيطان وتستغفر

‏ وتسبح بقلب حاضر و خاشع..

ومرات كثيرة يغلبها الشيطان ويفتح لها ماضي

عجزت تنسااه..؟حاولت قد ماتقدر انها اتكون

راضيه بحكم الله لها.،لكن كل ماجلست لوحدها

جاها الشيطان وفتح لها باب لو ..؟

لو انها دافعت عن ولدها..؟لو انها وقفت في وجها زوجها

الظالم ..؟لو انها راحت مع ولدها ماكان ذا حالها..؟

علشان يكون عندها عذر انها سوت شي لو بسيط..؟

قاعده تلوم نفسها وتموت في اليوم الف مررره وهي

تذكر خبر وفاة ولدها أحمد..؟عجزت انساه وكيف انساه

وانا باقي اتذكر ادق تفاصيل حياته وهو في بطني
الى خبر موته..؟

تذكر لما زوجها ابوها لولد عمها محمد وهي كانت صغيره

مره على الزواج كان عمرها 14او15سنه..

رفضت أمها الزواج فهي ابنتها الوحيده ..؟

بس عاداتنا البنت تتزوج ولد عمها،،؟

كان ابوها شيخ قبيلتهم وكان يحب محمد

ولد اخوه الوحيد كان يشوف فيه الرجوله..

والشدة وقوة البأس قرر يزوجه بنته الوحيدة ..

ماكان يهمه صغر سن بنته كان يقول ولد عمها

ولا بيضرها ..!

أمي ماكان لها رأي كلمة ابوي هي اللي تمشي

على الكل قالت عندي شرط بنتي جلس عندي

سنه صغيرة ولا بتعرف تدبر نفسها وافق ابوي

ماكنت ادري ايش معنى زواج ..

تذكر ليلة زواجها كان الزواجات تخلص بعد المغرب

اخذتها امها ودخلتها على زوجها وهي تتمسك في

آمها سحبتها امها بقوه ودفتها داخل الغرفة وهي

تبكي وترتجف خاصه ان زوجها ولد عمها محمد

تخاف منه معروف عنه عصبي .!

وقفت عند الباب وهي تبكي شوي تنادي امها..

وشوي تنادي أبوها ..وشوي تنادي اخوها علي

بس محد رد عليها ...

ومارحم صغرها ولاضعف جسمها ولا قلة خبرتها ..

ومن ذيك الليلة تسلط عليها صارت تخاف منه ..

بعد الزواج ب5شهور لاحظت بروز في بطنها

قالت لها أمها انت حامل ..وهي جاهله بكل شي

وصتها بس تهتم بنفسها ولا تتحرك كثير .،

اللي تذكره ان شي كان ينمو في قلبها .؟

حب للكائن اللي داخل بطنها..مضت الأيام وجاء

جاء وقت الولاده وتعسرت عليها بحكم صغر سنها

ثلاث ايام وهي في طلق مستمر ولا يوجد مستشفى

في قريتهم الجبيلة الوعره ..ثالث يوم ولدت بمعجزه

من الله ..ثم مساعدة طبيبة شعبية لما شافت كيف

تتألم وتصرخ طلبت امها لحاف وحطوها فيه وقالت لهم

كل اثنين يشيلونها من طرف وحركوها اكثر من مره ..!

قالت لهم بحكم خبرتها الطفل مقلوب في رحمها

رجوله تحت وراسه باقي فوق ..استمروا يحركونها

في اللحاف لين تعدل وضع الطفل تيسرت ولدتها

بعد تعب شديد لهم ولها وكانت المفاجئه انها ولدت ‏توأم

أولاد..ماشافتهم إلا بعد ثلاث ايام لانها

كانت تعبانه ..لما شافتهم راح كل تعبها ..فرح زوجها

محمد خاصه انهم اولاد ذكور..وغم شدته وعصبيته

إلا انه كان يحبها ويغار عليها ولا يعرف كيف يعبر

عن حبه لها..كان حبه لها مقيدها مايسمح لها تخرج

مكان من شدة غيرته عليها .. وهي استسلمت له ..

مرت الأيام وهي تزداد ضعف ويزداد محمد معها تسلط

كان من عادتهم ان الطفل الذكر لايتم ختانه إلا بعد

مايتجاوز سن 6_ 7سنوات .!

كان يوم الختان يوم فرح يحضر كل الأقارب

ويتم الختان في الساحه الأمامية للمنزل .،؟وتذبح

الذبائح وتدق الطبول وسط اهازيج شعبية

يمدح بها الأب والجد والعائلة بشجاعة والقوة ..

كانت واقفة امام نافذة المنزل المطلة على الساحة

وهي تشاهد تجمع الناس في انتظار الشخص

الذي يقوم بعملية الختان ..

حضنت عيالها بقوة وهي تدعي الله التيسير لهم

خايفة عليهم من بطش وغضب أبوهم..؟

شافت زوجها جاي للبيت وعرفت ان الشخص الذي

يقوم بعملية الختان قد حضر ..

دخل زوجها بطوله الفارع وجسمة الضخم

‏ارتداء ‏خنجر والبندق بيده الثانية ..

مسك عياله وهو يقول بصوت كله تهديد ذحين بنروح

والله يامن بكئ منكم ماغير اذبحه الرجل يغدي رجل..

خرج معهم وهي انهارت تدعي ان اليوم يمر بسلام..؟

شاهدت تجمع الناس على عيالها وبعد مدة من الوقت

تفرق الناس وصوت الرمي من البنادق والرصاص

يصم الاذان،،؟

شافت زوجها وابوها وبعض الاقارب مسوين حلقه

حول عيالها اللي يلعبون على اصوات

الدفوف والاهازيج .،؟

شافت كيف الآلم واضح على تقاسيم عيالها وساكتين..!

جلست على الأرض وهي تحمد الله انها تمت على
خير..؟
كانت شايله هم غضب زوجها على عيالها..؟

وقفت بسرعه وهي تشوف ولدها أحمد داخل عليها

وجهه احمر مثل الدم من كثر ماضغط على نفسه

ومعه اخوه ملابسهم كلها دم..؟

حضنتهم وانا ابارك لهم.،!

دخل محمد بعصبيه وسحب مني أحمد وهو يهزه

ويقول ليش خرجت ليش ماكلمت لعب مع الرجال،،

تعبت ماقدرت تتحمل منت رجال،،؟ها وهو يهزه!!،.

؟حاولت افكه الا انه دفني بقووة بدون مايحس

احمد ناظر فيني وانا متكومه على الأرض ..؟

ويقول بعصبية إلا رجال بس خلاص

ماخلاه يكمل كلامه وهو يصفعه على وجهه

ويسحبة بقوة هو واخوه.،؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-04-2017, 10:39 PM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها




ومرت الأيام والسنين وكل يوم اقول بيتعدل محمد

يبخف غضبه وعصبيته وشدته على عياله

وكل يوم يزيد عن اللي قبله..وانا اسكت مغبونه

اذا كلمته قال مالش دخل بيني وبين عيالي

خليني اعلمهم المرجلة وقوة البأس .!

كان ياخذ عيالي معه عند الحلال من الصباح

الى وقت النوم .،؟

واذا ضاعت الحلال او جاها شي رجع يضرب
فيهم،،؟
كنت اوقف عاجزه اني احميهم.،؟

رحت كلمت ابوي قال عياله وهو حر فيهم خليه يعلمه

المرجله..ابوهم هو اعرف بمصلحتهم ..

كان احمد طبق الأصل من ابوه دمه حار كان يرادد

ابوه ولايسمع الكلام والنتيجة كانت ضربة او سجنه

عند الحلال لوحده في ايام كلها مطر وظلام

علي كان نفس شخصيتي ضعيف مايتكلم ولا يرادد

تنهدت بقووة وهي تستغفر بصوت مرتفع

وهي تمسح عيونها

الماضي يتعبها عجزت تنسااه عجزت حيل..!

رفعت راسها وهي تشوف فارس داخل عليها

بروحه المرحه اللي تغير نفسيتها،،

قامت وهي ترحب به حياالله من جاني يامرحبا

فارس وهو يدخل علي الطلاق ماتقومين وهو

يحضنها المرحب باقي يالشيخه هيلة .

قالت له وهي تضحك عليك الطلاق من مين .

فارس وهو يضحك من زوجتي ياجده اللي

مالها نيه تجي حسبي الله عليها ..

وهو يشوف دموع عيونها المختلطه بكحلها

قال افا ليه الدموع بنات الشيوخ مايبكون..

وهو يجلس جنبها ويمسك يدها ايش الجمال

ذا وايش العيون ذي الله يجعلني كحل في عيون

محبوبي وهو يضحك فديت العيون ياناس.!

جدته دفته عنها رجع مسك يدها وهو يبوسها

ايش عندش ترحبين فيني ماكأني الفجر معش.!

لاتكوني تبغين مشوار تسيرين اعرف الحركات ذي..

وهو يضحك،?

جدته /بحب لا والله فديتك ماابغى مكان إلا استفقدك

مامريت علي من بعد ماخرج الصباح والدنيا مطر

فارس /اليوم الدرسه معلقه وخرج مع اصحابي وبعدها

مريت جدي وبعدها الخبله اميره فرفرت بي السوق
لين دخت ..؟

جدته /بحب وهي تناظر في وجهه هون على اختك
وهب شانك بها،،؟

وفارس /والله ياجده انها ماخذه حقها دبل ماغير
انا الضعيف هنا.،؟
قال لها اسمعي يابنت هادي معي لش مفاجئه بس
كم تدفعين ،؟

جدته/قالت الله يعطينا خيرك ايش هي ،،؟
فارس لا اول كم تعطيني.،؟

هيلة/ وهي تشوف اللي داخلين عليها وبلبسهم

العسكري وقفت مرحبا مرحبا فديت ذا الفال

مرحبا الف ولا تسد في ذمتي اني صادقه.،

وهي تشوف عيال ولدها يقطعون المسافه بينهم
محمد وأحمد حضنوها ويسلمون عليها

جلست وجلس محمد جنبها واحمد من الناحيه
الثانيه ،،
تمسك يد كل واحد فيهم فديتكم ابركها ساعه

وبحنان وحب وينكم ماجيتوا الشهر اللي راح
فقدكم وقلبي معكم .،؟
محمد /وهو يحضن يدها بين يديه الكبيره والله

مرابطين ياجده مرره ومافي فرصه نطلع

الحوثيين اشغلونا الله يشغلهم..؟

رجعت تناظر للأحمد سمي ولدها الغالي كل ماشافته

تذكرت ولدها احمد وانت ياأبوي كيفك بشرني عنك

احمد /بخير ياجده مانسأل إلا عنكم،،؟

الجده/ ارب جاكم مطرر.،؟

احمد/ لا والله ماغير برد ينخر العظم نخر.،؟

الجده/ بروحي عنكم ادعي لكم ليل نهار

مسكت يد محمد بشري عن أذنك ابوك يقول

انك تشكي منها وبتسوي عملية .!

محمد/لا ابشرش بسيطه ويمكن مااحتاج

عملية اروح ويعطوني قطر وحبوب وخلاص .،؟

فارس /وهو يناظر في اخوانه ليش تدخلون ذحين

كنت بسويها مفاجئه مااسرع جيتوا من عند أمي.،؟

احمد/بضيق نايمه امي ..

شاف جدته تقوم مسك يدها وين ،؟

قالت بقوم اقهويكم .،؟

قال والله ماتقومي،؟ انا بقوم.،؟

ومن عند الباب دخل ابوهم بفرحه وهو يشوف عياله

فارس يقوم يقهوينا كلنا ..!

فارس /وهو يشوف اخوانه يسلمون على ابوه،،؟

كل شي فارس تحرك داخل للمطبخ

المفتوح على الصالة ..!

علي /وهو يشوف التغير والتعب الواضح على اولاده

بشروني عنكم كيف الأوضاع هناك على الحد .،؟

محمد/ الحمدلله بخير دعواتكم لنا نحتاجها

والله لكن ابشرك ان الروح المعنوية هناك مرتفعه .!

اروح مع فرقه تمشيط المنطقة حدود8ساعات

ولا نحس لا بتعب ولاشي خاصه لمانمسك متسللين

او نصد قذايف من فضل الله،؟

علي الحمدلله الله يقويكم وذا واجبكم وانتوا على

ثغر عظيم ومرابطين في سبيل الله.،!

أميرة/ دخلت وهي تنادي فارس شهقت بقووه

وهي تشوف احمد قدامها وقف وهو يضحك

لها تحركت له بسرعه وهي تحضنه وبحب خاص

له فقدك مره فقدك جعلني مااخلى منك .!

احمد /وهو يشد عليها وانا فقدش وفقد امي

بعدها عنه وهو يقول لها بشويش روحي سلمي

على اخوش علشاني .!

أميرة /حست انها متوترة ماتحب تحتك في محمد

اخوها تقدمت له وهي تشوفه جالس جنب جدته

ولا كلف نفسه حتى يوقف كانت تحاول تصلح

شي انكسر بينها وبينه بس هو ماساعدها مره

كل مره يثبت لها انه يكرها وهي ماتكرهه ولا

تحبه وبنفس الوقت ماتبغى يصير له شي

اخوها مهما كان لما قربت منه وقف اخيرآ

رفعت عيونها له وهي تشوف نظراته الباردة

المستفزه له مدت يدها له علشان تسلم عليه

وهو مد يده لها جفاء المفروض هي اللي تزعل

ماهو هو وعلشان تخلص قالت بسرعه الحمدلله

على السلامه وفكت يده ولا اهتمت يرد او لا .،!

تحركت مبتعده عنهم داخله المطبخ عند فارس

اللي كان يحوس في المطبخ وما خلا درج مافتحه.!

اميرة / ولد ليش الحوسه ذي تدور صحن صح

وهي تشوف ثلاجة القهوة بيده .!

فارس/بطفش اجل ايش بدور لقدر احط فيه

الثلاجة .!

اميرة /وهي تفتح اول درج وتطلع صحن وتحط

الثلاجه والفناجيل فيه وتشيله خارجه من المطبخ.!

حطت الصحن على الطاولة وهي تشوف عبدالله

اخوها داخل يسلم على اخوانها ..اخذت القهوة

والفناجيل وهي تصب قهوه وتعطي ابوها اللي

مبتسم لها على طول وبحب وهو ياخذ الفنجال

من يدها سلمت يدش ياقلب ابوش ،،!

كملت وهي تقهوي اخوانها وجدتها وكانت

سواليفهم عن الأوضاع في الحد الجنوبي .!

فارس /وهو يقرب منها ها كل شي جاهز !

أميرة /ايوه بس كيف راح نقول لجدتي

اخاف ذا يخرب علينا تقصد محمد.!

فارس/والله لا تستبعدين عليه شي لانه

نشبه اتوقع ان امه كانت تاخذ حبوب منع

الحمل علشان ماتحمل به بس انه نشبه حملت

به مسكينة وهي تستخدم الحبوب ..وترى برجه

برج النشبه.!

اميرة /وهي تضحك على فارس مافي برج اسمه

النشبه .،!

فارس/وقف وهو يغمز لها موجه كلامه للأبوه

ياابو محمد مساك الله بالخير ولا تهون جدتي

ولا اخواني الغالين التفت للأميرة وهو يضحك

قال اخس يا انا ماعرفت نفسي وانا رسمي وعاقل

رفع عيونه للأبوه اللي يضحك ومتعود على خباله

عندنا كلنا مفاجئه لشيخه هيلة في الديوانية

وابغاكم تجون معنا تشريف لا تكليف وهو

يضحك .،!

علي/وهو يضحك على فارس قال تستاهل

والله الشيخه هيلة من يروح معها وهو يوقف

قال لعياله يله نشوف ايش عند فارس واميرة

وبعدها ترتاحون .؟

فارس/تحرك مسرع لجدته وهو يقول انتوا روحوا

قدامنا..مسك يد جدته فديت اليد الناعمه.!

هيله/وهي تسحب يدها فكني من خبالك

يافارس .؟

فارس/رجع مسك يدها وهو يضحك امزح معش

خرج معها وابوه واخوانه لين وصلوا مدخل الديوانيه

محمد/فارس لا يطلع مقلب بايخ في جدتي

وانت ساحبها من الصالة ومتعبها ماراح يصير

لك خير .!

فارس/ناظر فيه وهو يقول انت ليش نشبه كذا

جدتي مااتوقع شكت لك طنشه وهوينادي

اميرة خلاص .!

اميرة /بسرعه وهي تثبت الكاميرا وتشغل السماعات

والليزر طفت الأنوار وهي تتاكد ان كل شي مرتب

رفعت صوتها ايو ادخلوا خلاص .!

فارس/سمي بالرحمن يالشيخه هيله وادخلي

برجلش اليمين .!

علي/وهو يدخل معهم ضحك على خبال ولده

ماشاء الله ماشاء الله حفله ايش المناسبة .!

هيلة /وهي تدخل وماتشوف زين قالت فارس

انت واميرة نمه ظلمه كه ولا مشوف .؟!

فارس/مسكها وهو يدخلها راح تشوفين ان شاء

الله صبرش شوي .؟!

محمد /وهو يشوف التجهيزات طاولة وعليها

كيكة متكوب عليها مبروك حفظ عشر اجزاء

من القران يالشيخه هيلة وحاط حرف f

ومنايل عليها ملاعق وشوك وصحون

وورد منثور على الطاولة كامل .!

وكيسين هدايا..وبكل بساطه راح وفتح النور

وفصل سلك السماعات سمع شهقت اعتراض

من اميرة وطنشها وهو يجلس.!

فارس /رفع عيونه لمحمد ولا تكلم يعرف انه إنسان

يحب النكد اذا مانكد عليهم فرحتهم مايرتاح

مسك يد جدته وهو يقول يله قطعي الكيكة

ياجده ذي بمناسبة انش حفظي عشر اجزاء

وهو يأشر للأبوه واخوانه تعالي نقطع معها

وانت اميرة جيبي الكاميرا وصوري .!

خلصوا تقطيع جلسوا وقف فارس وبيده

كيس هدايا كبير اخرج منه علبه كانت

عبارة عن طقم ذهب كبير تفضلي

يالشيخه هيله وتستاهلين اكثر الطقم

ذا مني انا واميرة واخواني لش واعذرينا.!

ومسك الكيس الثاني وهو يطلع جوال ايفون

الذهبي ويفتحه وهذا جوال لش هديه ياجده

ايفون اتحدى وحده من صديقاتش عندها ايفون

مثله.!

هيلة/بحب فديتكم وكثر الله خيركم جميع الله

لا يخليني منكم !

الطقم باخذها والله يستر على من تكلف

والجوال ذه ولا باخذه جوالي الصغير يكفي

وذه ولاجدتك بتعرف له ،!

فارس/وهو يفتحه إلا بتعرفين له شوفي ذا

السناب شات تفتحينه وتضغطين هنا وتسولفين

وإلا تصورين طبخش وترسلينه.!

هيلة/هو ذه السناب اللي يخرج كلام العرب

وصورهم .!

فارس/ايوه هو ياجده .!

هيلة /لا والله لا روح علي وانا بنت هادي،!

فارس /خلاص اذا ماتبغين سناب عندش

الواتس اب ولا تقولين ما اعرف اكتب مايحتاج

تضغطين ذي وهو يأشر على التسجيل وتتكلمين

وترسلينها وتفلح ياجده .؟

هيله /بعدم معرفه وين تفلح.!

فارس /يضحك هو وابوه واخوانه مثلا انت تبغين

جدي تضغطين على ذي وتقولين وينك يامحمد

فقدك جعلني قبلك ،!

هيلة /بزعل من سمعت طاريه الله يجعلني

افقده مثل مافقد احمد وهو باقي في عز شبابه

قم عني لا بارك الله في عدوك .!

اميرة /خصلت تصوير وراحت صورة غداهم

اللي طلبته من الأسر المنتجه وماقصروا .؟!

حتى الترتيب وكل شي محل لبنات سعوديات

يجهزون حفلات وكل شي .،!

وقفت بدون ماتنتبه لشخص كان يراقبها

صورة رجولها وبس ماتدري ليش.!

وفي اقل من جزء من الثانية كانت الكاميرا

تطير من يدها وتضرب في الجدار وتتحول

لقطع منثوره في الأرض.!

الكل انفجع من الموقف ولا يدرون ايش اللي

صار .!

اميرة /وعيونها مثبته على قطع الكاميرا

فيها كل لحظاتها الحلوه فيها كل الصور كل

مكان تطلع تصور..رفعت عيونها لمحمد اللي

يبادلها النظرات قربت منه وهي تقول ليش

وهي تأشر على الكاميرا ليش كسرتها .!

محمد/بغضب علشان حضرتش قاعدة

تصورين نفسش وكم مره حذرتش من التصوير.!

اميرة /نفس كل مره كل وجع يجيها يكون مصدره

نفس الشخص اخوها محمد هو الوحيد من بين

اخوانها ناشب لها على كل صغيرة وكبيرة

هو اللي احرمها حلم حياتها انها تدخل تمريض

هو سبب في انها عاطلة ذحين دخلت قسم

ماله مستقبل وظيفي .،قربت منه وكل الماضي

يرجع لها انت متى تفكني من شرك متى .!

كم مره قلت لك مالك دخل فيني .!

احمد/كان مصدوم فز واقف وهو يعطي ظهره

لمحمد ومقابل للأميرة مسك يدها وهو يقول خلاص

حصل خير وابشري بالعوض مني والله ان تجيش

اطلق منها.!

اميرة /اعرف اني بتعوضها بس الفرحه اللي كل

مره يسلبها مني اخوك مين يعوضها .!

محمد/وهو يثور لو تبكين دم بدال الدموع ولو

يجيني خبر انك تتصورين انك تتصورين

ذبحك راح يكون على يدي.؟

علي/اللي واقف عاجز مسك محمد الله يهديك

ياولدي خف عن اختك شوي ..!

محمد/وعلشان ما يتكلم كلام يندم عليه خرج بسرعه.!

علي/تنهد وهو يسمع امه تنادي على ولده ..

حضن اميرة والله ان تبشرين بالعوض وهو

يخرج بطاقة الصراف حلالش خذي اللي خاطرش

فيه.!

اميرة /وهي عارفه ان محمد اخوها ماراح يتغير ابد

مسكت يد ابوها جعلك سالم يبه اذا محتاجه

راح اطلبك .!

وعلشان ماتخرب فرحة جدتها وشوفة احمد حاولت

تكون طبيعية .راح تاخذ الذاكره الصورموجوده

يله الغدا برد تفضلوا جلسوا كلهم

وهي تناظر في جدتها واقفه تنادي على محمد

حب جدتها وجدها وابوها لمحمد .؟

لفت راجعه لهم دقوا على اخوكم يجي يتغدا

فارس/وهو يوزع الأكل جده تعالي انت تغدي

يد الجوع طويلة على قولتش محمد ماينخاف

عليه محد يحب الأكل كثره .!

هيلة /وهي تجلس معهم اذكر الله على اخوك

ساد الصمت بينهم وهم يتغدون دخل عليهم

اخر شخص توقعوا انه يدخل وبصوته الجهوري

السلام عليكم ويتبعه محمد سميه .!

الجد (محمد )توسط الديوانية بطوله وضاخمة

جسمه باقي بصحته رغم انه في 60من عمره .!

والله محد يقوم تموا على غداكم وانا بتغدا معكم

هو يأشر لمحمد تعال وانا جلس جنب اخوك

وهو تعمد يجلس مقابل لزوجته هيلة اللي عيونه

تعلقت فيها من دخل زوجته اللي حرمته على

نفسها من مات ولدهم .!

فارس/وهو يرفع عيونه للأخوانه اللي مستغربين

وجود جدهم معهم ..شاف اميرة تناظر فيه كأنها

تقول له ايش جابه ذا بعد .،!

فارس حتى هو ماتوقع حضروه ..الصباح

مرّ عليه في المزرعة متعود لازم يجلس مع

جده ويسولف واعتذر من جده انه مشغول

وجده متمسك فيه إلا يجلس معه قال له

مشغول مع اميرة بنسوي حفله لجدتي

علشان ختمت حفظ عشر اجزاء من القران

سكت وهو يخرج بطاقته الصراف وقال

اسحب المبلغ اللي تحتاجونه واشتروا

لها اغلى طقم واي هديه تشوفها انها

مناسبه ولا تدري جدتك انها مني .،!

رفع عيونه وهو يشوف جدته تقوم وتخرج

بسرعة والضيق على وجها ماتقدر تجلس

في مكان جده فيه من زمان حاولوا يصلحون

بينهم وجدته رفضت .،!

شاف جده يقوم وهو يقول جاد الله على من تكلف

وخرج وحنا نقوم بعده غسلنا وسلموا عليه اخواني.؟!

محمد(الجد)

دخل الصالة مع ولده وعياله شاف هيلة جالسة

قدامه انتبهت لوجوده اشغلت نفسها بالمسبحه

اللي بيدها ..تحرك لها لين وقف عندها وهي جالسه

دنق وهي يبوس راسها مبطي ماشافها وكل

ماجاء ماتظهر له ولا تخرج من غرفتها تعاقبه

كيفش ياهيلة حس فيهاوهي توقف وتحط

يدها على صدره وتدفه وهي تقول حالي

تخبره ولانت بجاهلن به وتجاوزته داخله غرفتها.!

حس بالقهر من حركتها له خاصه قدام ولده وعياله

اللي ساكتين يراقبون الوضع حس بدمه يفور في

عروقه تحرك وهو يلحقها لازم يكلمها تعب منها

ومن صدها عنه من مات ولدها وهي حالفه

تسكن معه بمكان واحد وطلبت من ولدها علي

يبعدها عني وعن الجنوب كله وراحت مع ولدها

وانا ماتحملت اعيش بعيد عنها وعن ولدي والوحيد

وعياله لحقتهم الرياض واخذت حلالي وشريت

ارض وسويت لي مزرعه وصرت اعيش فيها

اعترض طريقه عيال ولده محمد واحمد وفارس

رفع عيونه لهم بغضب خير ايش عندكم .!

احمد /وهو يحط يده على لحيته طلبتك ياجد

تخليها هي معصبه وانت معصب وجدتي

تعبانه .!

فارس/جد خلاص مره ثانيه وانا راح اكلمها .؟

محمد/جد علشان خاطري المره هذي اعتقها

اللي فيها يكفي ماحسبنا انها تقدر تتجاوز

اللي صار ،!

محمد(الجد)بغضب وهو يسمع كلامهم ضرب

يد احمد اللي ماسكه لحيته ودف فارس عنه

وهو يقول كلكم ذحين تخرجون يله واولكم هذا

وهو يأشر على ولده علي اللي واقف وساكت .،!

وبعصبية يله انت ويااه وقفلوا الباب وراكم ..!

تحرك داخل عندها وهو يشوف ان الباب

مفتوح ماقفلته لانها ماتوقعت انه يلحقها

توقعت نفس كل مره يجي وبعدين يروح

دخل غرفتها اللي ماعمره شافها ..قرب

منها وهو يشوفها سادحه على سريرها

حاطه يدها على وجها سمعها تقول

فارس ابوي انت انا بخير راسي اوجعني

شوي اذا صليت العصر خرجت لكم ،!

اخذ نفس عميق من ريحتها اللي منتشره

بكل مكان في غرفتها قرب منها لين وقف

عندها مباشره وهو يشوف يديها البيضاء

المزينه بحناء اصابعها الطويلة الخواتم محتله

جزء منها .،نفس جمالها ماتغير بمرور

السنين .،!

هيلة/مستغربه من فارس اللي مارد عليها

على غير عادته كان يجلس معها لين غصب

تخرج من الغرفة شالت يدها بسرعه وهي تحس

بثقل معها السرير انصدمت من زوجها اللي

بحركه سريعة رجعها على الكرسي لما شافها

تحاول تجلس وصار يشرف عليها من فوق

نفس نظراته المرعبه ماتنساها اذا عصب

وزعل وبرجاء محمد تكفى اعتقني منك

احشم شيب راسي ولدي وعيالها برا .،!

محمد(الجد)

ولا كأنه يسمعها كان يشرف عليها بضخامة

جسمه كان يحس بنبضات قلبه المتسارعه

من زمان عن القرب هذا منها دنق لها

وهو يحط خشمه في رقبتها ويشم ريحتها

وهو يحس فيها تقاومه وهو ماتحرك

فك شعرها ودفن خشمه فيه وهو يسمع

اعتراضها ومقاومتها الضعيفه ..الى

متى ياهيله ماتخافين الله فيني 17سنه

وانت ظالمه فيني

هيله /تقومه وهو ماتحرك مالك شي عندي

قلت لك اذا رجع احمد تعال وابشر بي .!

محمد(الجد)بغضب وحسره وندم على ولده

انت ماتخافين الله وحافظه القران وتصلين

ترى والله ماتدخلين الجنه وانا غضبان علاش

لو تصلين وتصومين وتحفظين القران كامل .؟!

هيله/دفته عنها وهي تبكي وانت والله ياربي

ماغير يعذبك بكل دمعه وقهر مني على ولدي

اللي احرمتني منه.؟!

محمد(الجد)شاف دموعها وندم على كل شي

بس عمر الندم مايصلح الغلط قام عنها وهو يعدل

شماغه وخرج ..!


انتهى


غراس الجنه/
سبحانَ اللهِ ، والحمدُ للهِ ، ولا إله إلا اللهُ ، واللهُ أكبرُ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-04-2017, 11:09 PM
الكرامة أولاً الكرامة أولاً غير متصل
©؛°¨غرامي نشيط¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


الله بداية مشوقة و فيها غموض. سلمت يمينك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-04-2017, 12:39 AM
في نو لي تر في نو لي تر غير متصل
©؛°¨غرامي جديد¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


بداية حلوة بانتظار التكمله 😚😚

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-04-2017, 08:25 AM
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


السلام عليكم
روايه جميله ومشكوره على النقل

سلام،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-04-2017, 06:08 AM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها



البارت الثاني


فديتش لا دعيتش ينتشي جاشـي علـى لبّـاش

تنعّشني سواليفـش وتنشـل م الحشـا جاشـي


و الى منش تفدّيتـي فـلا ردي : فـداش الاااش !

فداش اغلا خفوقٍ حبش ولا سمع بـش واشـي


شرى قربش وشافش كل شي بعيشته وأغلاش

نشا بأشواقه لشوفش تشـوّق مزنـش الناشـي


و غنّا لش و شل بشيلته مـن شعــره الشـوّاش

ودوّن لش من شعوره شعر ماهو على الماشـي


أحبش ايه أحبش كثر مـا هـذا الغــرور أعـمـاش

عسى قلبش يظلّي من ذنوبـه راجـي وخاشـي


دخيلش رشي وصـالش يكفيني ماغيـر إرشـاش

تشوا قـلـبـي و شاقـه علـى شوفـش تعطّاشـي


تعـالـي بـيـن جفنينـي لحـافـش ذا و ذاك إفـراش

أغمض بش و أصونش م القشر و أوّقف إرماشـي


و الى منش تحاشيتي وشمتي و الزمـان أغـراش

رشاش بضحكةٍ صفرا ..؟؟ بتفشل رشوة الراشي


يكشّر لش عن انيابه ويكشف لش من الغشّـاش

و تلفحش الهبايـب دون مـا ألحفـش بقـمـاشـي


و أخذتي ذنـب قلبٍ ما غفـر ذنبـش و لا بـرّاش

وشنتي في عيوني وأعتبرتـش حلـم متلاشـي


الشاعر سعيد بن مانع


من الماضي/

ولأول مره يصير شي في حياته غصب عنه هو الآمر

الناهي محد يتكلم قبله ولايتخذ قرار إلا بعد شوره

وكلمته هي اللي تمشي ومحد يكسر كلمته يحس

الدم يغلي بوسط عروقه من قهره من ولده أحمد اللي

منه عرفه وهو عاصي فيه ضربه سجنه مافاد فيه

رباه على الشدة والقسوة هو واخوه علشان يداحر

بهم الرجال ويستند عليهم كان يبغاها هو واخوه

نسخه ثانيه منه وقبل مايستند عليه كسره

أحمد ولده كان نسخه منه في القوة والشدة

ماكان يهاب ولا يخاف من احد حتى مني انا

ضربته سجنته مافاد به اللي براسه يسويه

حتى لو مايعجبني خلص الثانوي هو واخوه

وقال راح نسجل في كلية اعداد المعلمين رفض

أنا حلمي ان عيالي عساكر وضباط ..عاند

احمد وراح سجل هو واخوه في الكلية وكسر

كلمتي رحت الكلية وسحبت ملفه وضربته

قدام الناس وسجلته في التجنيد في خميس

مشيط هو واخوه علي غصب عنه وبعد

ماخلصوا الدورة خطبت له بنت صديقي

ولا قلت له لاني اعرف انه راح يرفض كنت

ابغى احطه قدام الأمر الواقع وقبل الملكه

بيوم قلت له وصار اللي كنت خايف منه عصب

وثار وقال والله مااتزوجها لو تنطبق السماء على

الأرض وخرج من البيت وماعاد رجع وانا متفشل

من صديقي وعزمت الناس كلهم وماكان بيدي حل

إلا اني ازوج علي بداله اللي كان يخاف مني ولايقدر

يرفض لي طلب تزوجها رغمآ عنه علشان مااتفشل

وأحمد اللي خرج وماعاد رجع كأنه ملح وذاب

ماعرفت له أرض من سماء ماخليت له مكان مادورت

له فيه وماحصلته حتى الدوام قالوا متغيب عن دوامه

من زمان قهرني ولدي وبدال ماافتخر فيه صرت ادعي

عليه ليل نهار تم زواج علي وحلفت أمه ماتحضره وهي

ماتدري وين ولدها ومن وقت ماخرج ودموعها ماجفت

تبكي عليها ليل نهار ..وكل من سألني عنه قلت جعله

يروح مراح جدي اللي راح وماعاد رجع ..احس

مثل النار تكويني وانا اتذكر انه فشلني كنت

اتمنى انه يجيني خبر موته علشان ارتاح على

الأقل انه مات وتبرد نار صدري لاني كل ماتذكرت

سواته شبت النار بصدري حاولت انساه ولا قدرت

مرت ايام وشهور طويلة وأحمد مانعرف عنه شي

وبعد سنين غياب وجفاء جاني مرسول من الشيخ

ناصر بيجيك بجاهه مع ولدك أحمد طالبين رضاك

عرف لو جاء وحده ذبحته لكنه جاني من الشق الثاني

وعرف اني مستحيل ارد جاهة الشيخ ناصر بيني

وبينه حب وغلا لوجاني يطلب علي ماقلت له لا .

زفر بقهر وهو يناظر في الحوش المفروش بزل

احمر وكراسي مرصوصه جنب بعض وشبة

النار في الوسط حولها دلال القهوة والتمر والبخور

والمقهوي يزين القهوة ..حوله عيال عمه وخواله دعاهم

اليوم يوقفون معه في استقبال جاهة الشيخ ناصر

وقف لما شاف علي ولده يدخل من البوابه المفتوحه

يبه الجماعه وصلوا وقف بكل شموخ وصلابة بطوله

الفارع وضخامة جسمه وحوله جماعته يستقبل الجاهه

دخل عليهم الشيخ ناصر معه مايقارب 100رجل

مابين شيوخ ونواب قبايل معروفين لابسين بشوت

وكل واحد سلاحه بيده واللي لابس مسدسه

و جنبيته بوسط عرضه..

الشيخ ناصر /بصوت جهوري وهو يتقدم الجاهه

السلام عليكم وكيف انتوا .،!

محمد وجماعته/بصوت واحد وعليكم السلام يالله

حيهم ومرحبآ الف من ممشاكم الى ملفاكم ..

الشيخ ناصر/المرحب باقي جيناكم يا ال هادي

بجاهه والقبايل ماتردالجاههه وحنا ياشيوخ ال مسفر

جيناكم لجل اللي طاح وانكسر ظهره وابطت به سنينه

عن مجالس ابوه وعيال عمه واخواله ولا احد سالم

من الزله وبعد الشينه تجي الزينه وجميع الناس

تخطي والله يلعن الشيطان واذا انت يامحمد بندق

مالك غنى عن محزمك المليان ..وحنا يا ال شيوخ

مسفر في وجهك يا محمد ماتردنا وبلمح البصر كل

واحد في الجاهه حذف شماغه وعقاله وبشته وسلاحه

عند رجولي ..حاول انه يثبت يكتم قهره تقدم لهم

الله يرفع قدركم ولا مثلكم ينرد لو جيتوا طالبين

واحد منا ..

الشيخ ناصر/بفرحه الله يرفع قدرك وهذا العشم فيك

التفت وهو ينادي أحمد تعال سلم على ابوك واستسمح

منه .!

محمد/
خطوتين او اكثر كانت تفصله عن ولده .!

من شاف الجاهه اللي جابها وهو يدوره بين الجموع

يبي يشوفه وطغى حب الأبوه على حب التسلط

والانتقام مهما كان قاسي يظل حنان الأب مايتغير

حس بشوق له مهما كان ولده وفرح سنينه لمحه وهو يخرج

من بين الصفوف لابس ثوب ابيض وشماغه على كتوفه

جثى على ركبه وهو يبوس رجول ابوه وبعدها وقف قدام

ابوه رفع عيونه للأبوه وهو يلمح نظرات الغضب فيها

حضن ابوه ويبوس يده وراسه ..

محمد(الأب)/وكل نار في صدره ترجع تشتعل دفه عنه


وهويتقدم لشيخ ناصر ومن معه ارحبوا حياكم الله اقلطوا

على واجبكم وكرامتكم ..

خلص العشاء وراح الضيوف ومابقي إلا انا وعيالي

رفعت عيوني لولدي احمد كان جالس جنب علي

وماسك يده بدون مايتكلم متغير مره وجهه صار

اسمر بدال ماكان ابيض شعره الطويل الواصل لكتوفه

كله صار شيب هذا الشعر اللي اكثر مشاكلهم عليه كانت

ابغاه يقصه وهو يرفض ..عنده فضول وين كان ولده

السنين ذي كلها ..سألته وين ايامك يااحمد وارتحت

يوم كسرت كلمتي .

أحمد/وهو يرفع عيونه للأبوه في ارض الله الواسعه والله

يشهد ماارتحت انت يبه ماخليت لي خيار كيف تزوجني

بدون شوري .!

محمد/بغضب من متى انا اشاور واحد فيكم .

احمد /وقف علشان يخرج يعرف نفسه مايتحمل تسلط

ابوه ومل من البعد عن اهله خاصه امه اللي يموت شوق

لها وللاخوه الوحيد عن اذنك يبه بقوم اسلم على أمي.

محمد/ انثبر مكانك لين اخلص كلامي مو انك جبت

جاهه اني خلاص بنسى فعلتك اللي كل يوم تصبح

تمسي بصدري جديدة .

احمد/ وبصبر سم يبه اسمعك.

محمد (الأب)/

انا ماسامحتك إلا علشان الجاهه اللي لويت ذراعي بها.!

وإلا انت عندي ماتسوى شي ولو انك جيتني وحدك

كان فضيت المسدس بصدرك ولافكرت فيك.!

احمد /يحاول قد مايصبر يتحمل علشان امه واخوه

اللي يموت الف مره شوق لهم اسلم يبه .

محمد(الأب)/

اسمع ابغاك ذحين توعدني وعد رجال

تكون تحت طوعي وشوري وماتخالف لي كلمه.!

وإلا قم ارجع مكان ماجيت بيتي يتعذرك وتروح لشيخ

ناصر وتقول له انك خرج انت من طيب خاطر ..

أحمد/ صار بين نارين غمض عيونه وهو يحاول قد مايقدر

انه يتحمل يبه ابشر على خشمي بشين يرضيك ويرضيني

ابوه بغضب وهو يحذفه بفنجال القهوة ومن متى

انا اهتم لرضاك.!


أحمد وهويقوم ويخلي ابوه وهو ينادي عليه يعرف لوجلس

اكثر راح تخرب بينه هو وابوه خرج من المجلس بسرعه

علشان مايسمع تهديد ابوه وصل داخل البيت وهويشوف

أمه جالسه في الصالة لما سأل علي عنها قال ان محد

قال لها انه بيجي وصل لعندها وجثى قدامها يبوس

رجولهاويحضنها ..

هيله/مصدومه ايش فيه علي يبكي عند رجولها ماشافته

من الظهر مع ابوه عندهم ضيوف ضعف بصرها

ونظاراتها في الغرفه دنقت وهي تمسك يده علي ابوي

ايش بك ابوك خاصمك .

وقف احمدوهو يمسك يدينها يمه انا احمد ..!

هيله بقلب أم مكلومه عرفته ميزته عن علي لما قرب منها

صارت في موقف مافي مجال انها تتكلم حضنته في

صدرها شوي تبوس وجه وشوي تتلمس وجهه ومره تشمه

كانت تحاول انها تخبيه داخل صدرها بكل قوتها وبلهفه

ياقلب امك وعيونها انشهد انك احمد ريحتك مانسيتها

حتى لو خذلتني عيوني ..

دخل محمد (الأب) بقوته وجبروته ليش خرجت وانا

باقي ماكملت كلامي تحسب اذا خط شنبك اني ولابقدر

اكسر ضلوعك.

أحمد / ساكت وحاضن أمه مايبغى اي شي يخرب

عليه اللحظه اللي كان يتمناها وينتظرها من سنين.

محمد(الأب)استفزه سكوت ولده وهو معطيه ظهره.

مشى لين وقف وراه وهو بحضن أمه سحبه بقوه لين صار

مقابل له وهو يهزه ..

أحمد/ وصبره نفذ فك يد ابوه بقوه وقال يبه تكفى

داخل على الله ثم عليك اعتقني منك ذا الليل .

هيله /وهي تشوف زوجها ثاير بوجه ولدها قامت وهي

تحاول تمسكه وتبعده عن ولدها يامحمد تعوذ من

الشيطان فك الولد منت صاحي الله يكفينا فيك.

محمد/ وكل شياطين الأرض راكبته وبدون قصد دفها

بقوته كلها على الأرض؟!

أحمد/ لما شاف امه متكومه على الأرض ثار

وبغير وعي لف على ابوه ليش تدفها ايش سوت لك

وهو يمسك يد ابوه ويلفها بقوه اخر مره اشوفك

تمد يدك عليها.دف ابوه وهو ينزل يقوم أمه ويساندها

لين جلست على الكرسي وهي تتحسب على ابوه.!

احمد معطي ابوه ظهره وهو يعدل الطرحه على شعر

أمه حس مثل الصاعقة ضربته على ظهره عرف انه ابوه

ضربه حاول يتحمل بدون مايلف للأبوه ضغط على نفسه

ويحس بألم بكل عرق في جسمه يمه قومي خذي عبايتش

وتعالي معي والله ماتجلسين عنده وهو دفك متعمد.!

بروح لخالي علي واقول له اني باخذش معي.

محمد(الأب )بعصبية قرب من ولده والعصا الكبيرة بيده

تخسى والله ماتتحرك شبر من هنا..وانت يله توكل بيتي

يتعذرك ..

احمد/ ابركها من ساعه بس أمي معي شاف امه

انهارت وهي تبكي فرحه ماتمت من زوجها وهي تتمسك

في ولدها والله ماتروح علشاني يا احمد كبدي

انحرق عليك وعيوني عميت من بعدك ..

احمد/بغضب ماعاد لي جلسه هنا يمه وانت معي .

مسكه ابوه وهو يدفه لين اخرجه مع الباب اخرج

قبل اقتلك الليله.!

و خرج أحمد ولاعاد شفته إلا وهو مكفن ورفضوا افتح

وجه مستعجلين علشان يلحقون يصلون عليه مع باقي

الجنائز بعدصلاة المغرب ثاني العيد مات ولدي

يوم عرفه بعد صلاة العصر وفاه طبيعية

بكيت عليه بقلبي بدال عيوني وحتى وانا اخذ عزا

ولدي كل من جاء يعزيني يقول الله يرحمه

ادع له وسامحه علشان يرتاح ولدك بقبره

يحسبون اني ماسامحته انا سامحته من وقت

ماخرج كنت ادعي بلساني عليه وبقلبي

اقول يارب لا تستجيب دعواتي ..

كل يوم وخيال ولدي يطوف حولي

احسه باقي معي ماتهنيت بنوم من بعده إلا

وانا اقوم انادي واهوجس به كل ماسمعت اسم احمد

انتفض قلبي شوق لراعي الأسم .

بعد موته رحت الأحوال وانا اطلع برنت بأسمه

ابغى اشوف يمكن تزوج يمكن عنده عيال

الحاله الأجتماعيه اعزب ولدي ماتزوج ..

مات وهو وحيد لا ذريه يحملون اسمه من بعده

ندمان اني قسيت عليه واخرجته من البيت وانا

اقول بيرجع ماراح يصبر عنا لكنه خرج وصمل

وماعاد شفته إلا في احلامي اشوفه واقف يناظر

فيني وساكت بنظرات كلها عتاب واذا تكلم يقول

كلام عجزت افهمه تصدقت عنه حفرت ابار كفلت

له ايتام عسى الله ان يغفر لي ذنبي في ولدي .

زوجته رفضته وقالت مايجمعني معك سقف بيت

واحد وانت سبب موتي ولدي اخذت العزبه ذي

واخذت لي حلال وراعي وجلست هنا والندم يأكل

روحه ..

غمض عيونه على ذكرى مؤلمه ونار الندم تكويه بكل

لحظه سمع الراعي السوداني يناديه فتح عيونه

لما حس انه قرب منه.

الفاتح /ياعم الناقه ماتت وهي تولد وخمس خرفان

ماتت..

محمد(الأب)وبندم ماعاد هي اغلى من احمد اللي راح

يالفاتح ..صار يشوف كل خسارة بعد ولده مايعتبرها

خساره.

‏في ‏‏أكبر ‏مستشفى خاص في المنطقة قسم الجراحه

رجال صوته واصل نهاية الممر اخوانه والمدير المناوب

ومدير شؤون المرضى لهم نص ساعه يحاولون فيه يهدأ

علشان يشرحون له الوضع إلا ان محمد ماترك لهم

مجال ماغير يسب ويشتم المستشفى والكوارد الطبيه

وبعصبيه مستشفى ذا وإلا زبالة موجه كلامه للمدير

اللي حس ان الكلام مع الإنسان ذا ضايع تنهد

المدير وهو يناظر في وجه محمد اللي قلب احمر وعروقه

بارزه من كثر ماهو معصب حتى صوته راح ..

اخ محمد ايش المطلوب ذحين اللي تأمر فيه حاضرين.

محمد/بعصبيه غصب عنكم تخدموني بخشم الريال

فلوسي دافعه لكم..

المدير اللي يحاول يضبط اعصابه طيب والمطلوب.

محمد /تبرر لي الحركه السخيفه اني ادخل غرفة عمليات

على اساس انه الزفت الدكتور مهند هو اللي راح يسوي

لي العمليه وفي النهاية اكتشف انها دكتورة

يشد بقوه على السرير من كثر ماهو مضغوط من

الموفق كامل لأنه مستحي من حكاية

العملية ذي بس ماعاد قد يتحمل خاص مع الدوام..


المدير/اخ محمد كل ‏ما في الأمر ان ‏دكتور مهند

تعرض لنوبة سكر قويه فقد فيها الوعي اثناء العملية

وماكان في حل إلا ان الدكتورة تكمل العملية

وعلى فكرة الدكتورة ذي من اكفأ الكوادر الطبية في

المنطقة والتصرف هذا هو الصح.

محمد/ ماشاء الله طبيعي جدآ تمدحها لو كانت حتى

عاملة نظافة عادي تخليها تكمل العملية اهم شي

عندكم الفلوس وإلا ارواح الناس عندكم رخيصه

وبتهديد وهو يرفع يده في وجه المدير لاتحسبني

راح اسكت والله مااخليها لكم راح تدفعون ثمن

حركتكم السخيفه ذي.

المدير/ رفع عيونه عنه وناظر اخوانه اللي ساكتين

رجع ناظر في مدير شوؤن المرضى واشر له

وقبل يخرج قال من ابسط حقوقك تقدم شكوى وخرج.


فارس /وهو يحاول يمسك نفسه من البداية لا يضحك

ناظر في اخوه وهو يقول ليش انت معصب وزعلان

غيرك يحسدك على العملية حاول يمسك نفسه مايضحك

بس ماقدر انفرط ضحك وهو يشوف محمد يحذفه بعلبة

المناديل وبتهديد فارس اسكت عني تراها واصله معي

الى هنا ويأشر على خشمه.


فارس /وهو يمسح عيونه ويحاول يتكلم ولا قدر

رجع يضحك بشكل هستيري وهو يستند على حافة

السرير سمع ضحكت احمد اخوه رفع راسه وهو

يشوف حتى محمد اللي كان معصب يحاول يمسك

ضحكته .لما شاف ان محمد ضحك شوي وضمن سلامته

قال نعلبو غيرك الحوسه ذي كلها علشان دكتورة

هي اللي مسويه لك العملية غيرك يتمنى ولايحصل

له ناس تتمنى وحمير تتهنى"

وبحركه كوميديه فارس يستقبل القبلة ويقول يارب تجيني

بواسير وهو يضحك ويلف وجهه لمحمد اللي بينفجر

باقي لك وجهه تشتكي هي المفروض اللي تشتكي .

وقبل لا يكمل كلامه شاف اخوه يحذف عليه علبة المويه

نزل راسه بسرعه وهي تطيح عند رجوله..

أحمد/وبطبعه الهادي وقف وهو يشوف محمد اخوه

يحاول يقوم حط يده على صدره ويرجعه على السرير

محمد انت صادق ذحين ماكملت حتى ثلاث ساعات

مسويه عملية وانت تقوم وتهابد ارتاح الله يصلحك بس

لف لفارس وهو يشوفه ماسك علبة مويه بيده وماسك

ضحكته غصب وانت الثاني لاعاد اسمع لك صوت .

رجع وهو يجلس على الكرسي.

سكت الكل وكل واحد مشغول بجواله ومحمد ماغير

يهوجس في اللي صار رجع ناظر في احمد اللي

جالس وقريب منه قال احمد لما جيت من غرفة العمليات

كيف كان وضعي .

احمد/ يناظر اخوه عادي ليش تسأل.

سكت وهو يتنهد ويحس بنار في صدره كيف الكلبة ذي

جتها ‏الجرأة تسوي عملية مثل كذا لرجل وين الخجل

مايستغرب عليها وهي بين الرجال.

كل خوفه لاتكون متدربه من طلاب الأمتياز وعادي عندها

تصوره سناب مايستبعد شي البنات يموتون بالتصوير.

باقي دمه يفور وهو يتذكر لما بدء يفوق من البنج بشكل

تدريجي جته الممرضه بأكل وعلاج رفضه وقال انا ابغى

اخرج علشان ابوه مايشك في الوضع لانهم قالوا له

عملية بسيطه وبدون جراحه تقدر تطلع بنفس اليوم

وهو قال للأبوه ان له موعد وبيخلصه وبيروح يسلم على

أمه ومعزوم هو واخوانه عند اصحابهم رحلتهم من الرياض

كانت الساعه ثلاث الفجر..

الممرضه قالت له ماتقدر تخرج لين تشوفك الدكتورة

وبعدها تقدر تطلع انصعق لما سمع كلامها معقوله دكتورة

اللي مسويه له العملية مستحيل الدكتور مهند هو كشف

عليه من اسبوع تقريبآ وحدد له موعد العملية رجع سأل

الممرضه دكتور اللي مسوي له عمليه وإلا دكتورة


قالت له لا دكتورة لما سمع كلامها عصب ونسى عمليته

قام واقف وسلك المغذي بيده ويصارخ

الممرضه لما شافته انفجعت وخرجت بسرعه رجع يستغفر

لو انه تحمل الألم احسن من المهزله والفشيلة ذي

سمع صوت جواله يدق رفعه وهو يشوف ابوه المتصل

نزله بدون مايرد ..سمع احمد يقوله رد ترى حتى انا

اتصل اكثر من مره هو وجدي ولارديت علشان ترد انت

ويطمن اكثر اذا سمع صوتك انك بخير لان فارس

قال لهم انك سويت العملية رفع عيونه لفارس اللي من

سمع كلام احمد فتح الباب وهو يخرج .

محمد بعصبيه ايش اسوي في فارس الخبل اللي

مستحيل انه يمسك كلام رجع جواله يدق قرر انه

يرد فتح الخط حاول يخرج صوته عادي هلا والله

علي/بحنان غمر عياله فيه اخذ على نفسه عهد

مايضيق صدر عياله يعاملهم بكل حب واحترام

خاصه محمد ولده البكر اللي كان ضحية زواج

فاشل نهايته طلاق وحرمان طفل من أمه كان

لولده الأم والأب الف سلامه عليك ياروح ابوك

ماتشوف شر ماعندي علم بك إلا مع فارس اتصلت

اطمن عليكم قال انك سويت العملية الظهر .

أحمد/جعلك تسلم تدوم ياتاج راسي ابشرك انها

عملية بسيطه مجرد تنظيف للأذن مثل ماقلت لك

وبعد شوي بطلع وامر امي اسلم عليها وبعدها

معزوم انا والعيال وإن شاء الله نرجع بكره او بعده.

علي/استودعت الله فيك خذ جدتك قلبها معك .!

أحمد/بحب لجدته وأمه الثانية وهو يسمع صوتها ولهفته

عليه ارحبي ارحبي .!

هيله/مجار والف سلامه ماتشوف شر ليته بروح جدك

كيفك اربك بخير بشرني عنك..

أحمد/بمجرد ماسمع صوت جدته تعدل مزاجه حطه

على السماعه وهو يضحك لازم تجيب سيرة جده وتدعي

عليه ..الله يجيرش وابشرش اني بخير.

هيلة/الله يصلحك قد قلت لك لا عاد تثور اذنك

بالمفتاح والعيدان لو انك حطيت زيت زيتون كان سلمت

من العملية .!

محمد /انفجع من كلام جدته ولاعاد عرف ايش يقول

لها اخر شي قفل الجوال وهو يرفع عيونه لأخوه احمد

اللي ميت ضحك على شكل اخوه وكلام جدته .!

عصب وقال احمد لو سمحت اخرج خلاص مااحتاج

مرافق روح ارتاح في الشقه وانا اذا خلصت بجيكم.

احمد/اللي حس انه غلط لما ضحك ومحمد زعل بس

غصب عنه ضحك على كلام جدته قام وهو يدنق على

راس اخوه ويسلم عليه المعذره والسموحه .

محمد/بعصبية خلاص اطلع وقفل الباب معك .

شافه وهو يخرج ويقفل الباب حس بقهر ايش اليوم

ذا اللي ماله نيه يخلص على خير تذكر كلام جدته

وزاد قهره وحمد الله ان فارس ماهو موجود ماكان

راح يسكت .

غمض عيونه وهو يحس بصداع فضيع كان متردد

من العملية وراح اكثر من مستشفى علشان يحصل

جراح ممتاز يسوي له العملية ويقدر يخرج بسرعه

من المستشفى مايبغى احد يعرف انه مسوي عملية

الكل مدح الجراح مهند يشتغل في مستشفى خاص

في أبها وياليته ماجاء ولا تنوم عندهم فتح عيونه

على صوت الباب اللي اندق ثلاث مرات وبعدين انفتح

شاف نفس الممرضه تدخل وبعدها دخلت وحده ثانيه

اكيد انها الدكتورة قربت منه وبيدها اوراق

اعطاها نظره شامله طولها المميز وسع عيونها رموشها

الكثيفه الواضحه من النقاب الواسع بياض يديها ساعتها

الماركه بالطوا ابيض وتحت لبس العمليات الأخضر

لفت نظره بطاقتها الطبية المعلقة اسمها والصورة

(استشارية جراحة

وجراحة المناظير والقولون والمستقيم وامراض الشرج

والسمنه)

تكلمت معه بصوت مبحوح .

كيف حالك اخ احمد قالوا انك تبيني وتبي تطلع .

احمد/بتقزز منها حاول يصفي حنجرته وبنبره فيها

‏استهزاءانت اللي مسويه لي العملية وهو يناظر

فيها من فوق لتحت ..

أشواق /وهي قد ماتقدر تكون طبيعية في الرد عليه

لو سمحت الدكتورررة أشواق وهي ترص على كل حرف

تنطقه ايه نعم انا واعتقد ان الأستاذ عبدالمحسن

فهمك السالفه كلها وماعاد له داعي نعيد ونزيد فيها

وإذا عندك كلام غير ذا تفاهمك يكون مع المدير مباشرة

وذحين قولي كيف حالك تحس بأي اعراض آكلت رحت

الحمام خروج الغازات طبيعي .

محمد/انلخم منها ومن طريقة كلامها فيها غرور وقوة

حتى في نظرات عيونها ماتركت له مجال يرد عليها

نطق لا بأختصار وبقرف منها ..

اشواق /طنشته وهو تشوف نظراته لها وبمهنيه بعد

شوي راح يجيك أكل اتمنى تأكل علشان نشوف حركة

ونشاط الأمعاء وبعدها اقرر اذا تقدر تخرج الليله.

طيب تحس بأي آلم .

محمد /وهو يبغى يعاندها ايوه احس بآلم قوي مكان

العملية .

اشواق /وهي تناظر فيه بأستغراب مستحيل يكون

آلم قوي يمكن وخز بسيط يروح مع المسكنات

لان العملية ليزر..

محمد /وهو ناوي يقهرها وليش ماتكون عمليتش

فيها خطأ.

اشواق /وهي تحس انه استنزف طاقتها وهي مو ناقصه

تعب من الساعه 8الصباح وهي في غرفة العمليات

وبعدها مرت علئ كل الحالات اللي سوت لهم العملية

وذا جاء يكمل الناقص.

العملية 100%ناجحه ويمكن الآلم طبيعي بحكم انها

ثلاث عمليات بوقت واحد.

محمد /وهو مصدووم وبصراخ بأي حق تسوين ثلاث

عمليات لي على كيف أبوك هو .

أشواق /حاولت تتحمل اسلوبه الغبي المستفز

آخ محمد انت في مكان محترم ماله داعي الصراخ

وقلة الآحترام ولا تجيب سيرة أبوي على لسانك،

انا دكتورة واعرف ايش اسوي صح كان المقرر عملية

بواسير فقط..

بس اثناء العملية حصلت ان عندك ناسور عصعصي

وكنت مضطره اشيلها مع بعض علشان ماتضطر

تسوي مستقبلآ عملية ناسور وكان فعلا ملتهب وينزل

منه صديد.؟

محمد /وهو ناوي مشاكل معها قال حتئ ولو ماكان له

داعي تسوينها بدون أذن مني الدنيا ماهي على

كيف أبوك.

أشواق تعد من واحد الى عشره وهي تحاول تمسك

نفسها ماتحذفه بعلبة المويه لان الشخص اللي قدامها

مستحيل يكون طبيعي نظرات الأحتقار اللي تشوفها

وبهدوء يعني انتظرك لين تصحى من البنج

واستشيرك انت وقعت على العملية قبل تدخل

ولازم انا اكمل العملية والجرح مفتوح..

و لو سمحت أبوي لاتجيب سيرته فاهم.

محمد/ ‏باستهزاء ليه زعلانه هذا اذا كان عندك

آب مثل الناس .؟

اشواق/انصعقت من رده ماعاد قدرت تقول كلمه

كل اللي سوته اخذت علبه مويه وبحركه سويعة حذفته

بها على خشمه بتحديد والله العظيم لتدفع ثمن كلامك

ذا والله ماغير اخليك تندم وارفع عليك قضية.

وخرجت وهي تضرب الباب وراها بكل قوتها

محمد/ يحس بصداع قوي وسائل حار ينزل

حط يده على خشمه رفعهاكلها دم .


انتهى

غراس الجنه/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-04-2017, 07:22 AM
الكرامة أولاً الكرامة أولاً غير متصل
©؛°¨غرامي نشيط¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


يا سلااام.بدأت الأحداث. أتوقع أن أشواق و ريم بنات أحمد أخو علي... استمري قلم مبتدع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-04-2017, 02:00 PM
الهرة الهرة غير متصل
©؛°¨غرامي فعال ¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


مساء الخير ياقلبي
بداية موفقة وجميلة
أولا الله يدوم علينا الأمن والأمان وعلى كل بلاد المسلمين
محمد (الجد )عصبي ولاتغير طبعة حتى بعد مافقد ولده أحمد
هيله لم تحاول نغير طباعة ولو قليلا ومالومها لوكرهته
علي الولد المطيع لوالده والحمدلله أنه متأثر بطبايع أبوه وطلع حنون على عياله
محمد ياترى ليش هذي القسوة على أميرة ياترى بسبب الي تشوفه في شغلك وإلي تسمعه ولا بسبب أنه فارق أمه يوم صغير
أحمد فديته حنون وطيب
فارس ملح الروايه للحين ماعرفنا عمره
أميرة ياحياتي الله يعوضج بزوج حنون
أشواق الله يعينج على لسان محمد
أحمد مااعتقد تزوج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-04-2017, 06:09 PM
صرخه وداع صرخه وداع غير متصل
©؛°¨غرامي جديد¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


والله روايتك روعة واسلوبك سلس وممتع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-04-2017, 03:20 AM
اسيرة الهدوء اسيرة الهدوء غير متصل
©؛°¨غرامي مشارك¨°؛©
 
الافتراضي رد: جنوبية برت حالي ولاادري وين ديرتها-وكل ماأسأل من ين انتي تجاوبني جنوبية/بقلم نبضي أبها


السلام عليكم
روايه رائعه واحداث واضح انها ممتعه
يعطيك العافيه

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1