اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات أدبية > منقولات أدبية
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-04-2017, 01:16 AM
صورة ابنه السماء الرمزية
ابنه السماء ابنه السماء غير متصل
©؛°¨غرامي جديد¨°؛©
 
21302798094 تبيني صدق ولاماتبيني






تبيني صدق وإلا ما تبيني
قبل لا أبهذلك وتبهذليني

وقبل لا أفقد شموخي واحترامي
وقبل لا يشمتون الناس فيني


أنا داخل عليك من الفضايح
تبيني صدق والا ما تبيني


أنا ماني بلعبه في يدينك
متى ما تعشقيني تعشقيني


أبيك ان كان جيتيني حبيبه
تجيني بصدق ولا لا تجيني


أنا ما أجرح مشاعر من عشقني
ولا أرضى لا عشقتك تجرحيني


ما دام أني عطيت بكل قلبي
مثل ما عطيك من قلبي عطيني


وإذا بعت العذارى واشتريتك
تبيعين الرجال وتشتريني


عشان أكون صادق لا عشقتك
و عشان أريحك واتريحيني


دخيل الله وقولي وبصراحه
تبيني صدق والا ما تبيني


أنا ما جيت ابي ألعب واتسلا
أنا جيت أحتويك وتحتويني


تبيني مثل كل الناس والا
ولاتبيني أقدرك واتقدريني


مثل ما استحملك لامن زعلتي
إلى مني زعلت استحمليني


عرفتيني وأنا رجال وافي
وأنا وافي قبل لا تعرفيني


أحب الصدق لو هو من عدوي
وأعاف الكذب لو من والديني


مثل ما أقبل بليني وبشموخي
لو أرحل رحت بشموخي وليني


إذا عن عاذلي ديني ودينه
وإذا عن غيرتي دينه وديني


أنا لي ثارت الغيره بقلبي
تقول الجن الأزرق معتريني


أبي وأنتي معي منتي لغيري
وإذا كنتي لغيري جنبيني


أروح وتذكريني بالحشيمه
ولا أمرح في ذراك وتلعنيني


طويلين الشوارب ما احقروني
تبيني أنتي تجين وتحقريني


إذا نفسي رضت لي بالمذله
أبذبحني قبل لا تذبحيني


مادام أني وفي كوني وفيه
لاني ما أخدعك لا تخدعيني


أنا لي أخذت قدري واحترامي
خذيني مثل ما تب تاخذيني


تبين بخوتي سيف(ن) مجرب
وإذا بمروتي ليث بعريني


فأن ألفيتني شهما شجاعا
فليس البر أن تستضعفيني


فأني ذقت بالالام ذرعا
وما بالغدر رمح يتقيني


أكف الدم لحزنا بعد حزن
وعشت القمع حينا بعد حيني


لعمري كم حيت الناس قلبا
وما في الناس قلب يحتويني


أنا الحزن الذلا حزن بعدي
ولا يغني حنين عن حنيني


فلا من كان قبلي كان قبلي
ولا من قد يليني قد يليني



أنا المختال من فخري بفقري
وتبت كل عين تزدريني


أنا من ذاق ملئ الأرض هونا
وما أخضعت للدنيا جبيني


فإن جاءت بي الأقدار يوما
أجوب الأرض بحثا عن أنيني


فروفي واحفظي لي ماء وجهي
ولاتخشيني واخشي الله فيني


فلو أني رجوت الله شيئا
فأرجوا الله أن لا تظلميني


علشان ان عشقت اعشقك كلي
أبيك كلك تجين وتعشقيني


فلا تقفي عيونك عن عيوني
ولا تدفي يديك ألا يديني


وأكون أقرب لقلبك من عروقك
وأحسك بين شرياني وبيني


اسامح لك خطاك اليا خطيتي
وأنا لا من خطيت تسامحيني


ولك مني عهد ما أصد عنك
وأبي منك عهد ما تخذليني


عشان أبقى معاك العمر كله
وأشيل محبتك برموش عيني


أنا بحلف يمين أني بصونك
فلا أخونك ولا أرد بيميني


وعساني للهلاك أن خنت
وأنتي عسى الله ياخذك لو تتركيني




[YOUTUBE]y20ElHQSQIs[/YOUTUBE]


حامد زيد



آخر من قام بالتعديل ابنه السماء; بتاريخ 11-04-2017 الساعة 01:30 AM.
الرد باقتباس
إضافة رد
الإشارات المرجعية

تبيني صدق ولاماتبيني

الوسوم
تبيني , ولاماتبيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية تبيني أتحمل الفرقى! و أنا من ليله غيابك دموعي كلها غرقى/بقلمي عِتق ! روايات - طويلة 8 09-12-2016 11:37 PM
كل الشباب عشقوها وهي ما عشقت إلا أبوها/بقلمي؛كاملة الوعد _ ALWAAD روايات كامله - يتم نقل الرواية هنا بعد اكتمالها 435 22-06-2016 02:02 PM
أغلب الكذبات سيأتي يوم وتُنتسى ! /بقلمي صرخه وفا روايات - طويلة 288 11-10-2015 03:27 PM
اختي تبيني اسافر معها beloved. ارشيف غرام 25 28-02-2015 04:45 PM

الساعة الآن +3: 06:20 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1