aryam00 ©؛°¨غرامي جديد¨°؛©

السلام روايتي جديده واتمنى الاقي دعم قووي عليها

aryam00 ©؛°¨غرامي جديد¨°؛©

منسدحه في سريرها تكلم صديقتها لكن قطع عليها صوت اختها وهي تنادها
خلود تكلم صديقتها بالجوال : معليش حبيبتي اختي تناديني ... ان شاء الله...طيب يلا سلاموو

خواطر تفتح عليها الباب بخوف : خلود!
خلود استغربت من خوف اختها عقدت حواجبها وجلست : وش فيك؟ لا تخوفيني لا يكون مقلب من مقالبك ترا اذبحك
خواطر نزلت راسها بخوف : ابوي يناديك ويبيـ*نزلت دمعه من عينها* ــك
خلود بخوف بس مابينت: خلاص حبيبتي روحي لا تخافي يلا بروح اشوف وش يبي
خواطر راحت لغرفتها وهي تبكي

اما خلود راحت تشوف وش يبي ابوها

ابو سعود : خلود تعالي اجلسي
خلود بلعت ريقها بخوف وجلست
ام سعود حاولت تكتم اصوات شهاقتها لكن ماقدرت وراحت تبكي بعيد
ابو سعود : انتي كبرتي وجاك خطاب كثار ورفضتيهم وبصراحه
خلود وقاطعته : ادخل بالموضوع مباشره
ابو سعود : شريكي بالشركه عرف ان عندي بنات وحب يخطب وانا وافقت
خلود انصدمت : بس مابي اتزوج بعدين انا مو كبيره ل ذي الدرجه ترا عمري 20 بس
ابو سعود بلا مباله : اللي سمعتيه بعدين حتى لو عمرك 20 وش تنتظرين تزوجي مو كل مايجيك واحد ترفضين ماراح تبقين في بيتي للابد بعدين
وش راح يقولون الناس؟ بنت ابو سعود ماراح تتزوج وبتبقى طول عمرها ب بيت ابوها؟ اصلا الرجال اللي بتتزوجينه صاحب اكبر الشركات وغني
بعدين لو صارت لي مشكله من بيساعدني؟ اكيد زوجك
خلود تنهدت : خلاص خلاص طيب بكيفك فكوني من شركم وبس يلا بروح
ابو سعود: راح يشوفك بكرا الساعه 1

راحت ل غرفتها و اول مادخلت للغرفه اغلقت الباب "اب مايبي الا مصلحته ..ماحبه! ماحبه! في اب كذا؟" رمت نفسها ب سريرها وبكت وبكت
حتى نامت قعدت الساعه 10 وراحت تتسبح بعد ماخلصت راحت للدولاب تطلع ملابس عشان راح يشوفها اللي خطبها وهي اصلا ماتعرف اسمه حتى او
اي شى عنه لبست تنوره سوداء وبلوزه بيضاء اكمامها قصيره وحطت اكسسوارات ابيض مع اسود ورفعت شعرها الاسود وطلعت خصلات بشرتها بيضاء
لذا ماحطت بودره حطت روج عنابي ماكثرت لانها ماتحب تكثر تحب تحط مكياج كثير تحط خفيف وحطت ظل اسود خفيف دمجته من ابيض شوي وعطرت
نفسها من عطرها المفضل وشافت نفسها ابتسمت برضا وسرعان ماكشرت لانها تذكرت انها مجبوره "ما تزينت حب فيك! انا ماعرفك اصلا لكن انا تزينت
شفقه ورحمه من اللي راح يجيك مني!" شافت الساعه 1 "ياويلي جاء"

نزلت تحت وكانت منزله راسها طول الوقت مارفعته ولا شافته
ابو سعود : خلود روحي عطيه عصير
خلود : طيب
اخذت الصينيه اللي فيها عصير ورفعت راسها عشان تعطيه شافته وانصدمت "توقعت ان اللي راح اتزوجه عجوز لكن هذا؟ شباب! لا و وسيم"
التقت عينه البنيه الناعسه بعيونها العسليه لكن سرعان ماتذكرت انها مجبوره ونزلت راسها وجلست

**
زياد : بشرته بيضاء وشعره اسود وعيونه بنيه ناعسه عمره 26 وهو كل شوي يتزوج ويطلق ومغازلجي المهم وسيم وسيم مرررره يخبل
**
-نسيت اعرفكم على العائله اسفه الحين اعرف-
ابو سعود : عمره 50 وهو همه الفلوس وطماع خبيث درجه اولى ومايهمه احد
ام سعود : تحب عيالها وطيوبه مره عمرها 46 وابو سعود يتحكم بها وهي من الخوف ماتقدر تنطق بحرف
سعود : عمره 26 يشتغل ضابط وعنده دوره 3 اشهر بالدمام وهو اسمر معضل شعره اسود وعيونه لونها اسود وطيب ويحب خواته
خلود : عمرها 20 بشرتها بيضاء وعيونها عسليه وشعرها اسود طويل يوصل اخر ظهرها وهي طيبه وماتسكت عن حقها ابد وماتسمح ل احد يغلط
عليها وماتحب تنغصب بشى ابد
خواطر : عمرها 17 شعرها بني يوصل ل اكتافها وعيونها عسليه وهي طيوبه وهبله وتحب تمزح لكن بالمواضيع الجديه تصير حساسه
**

زياد ينظر ل خلود بتفحص : احم السلام عليكم خلود
خلود منزله راسها " افف مايستحي ذا متى يبعد عيونه عسى تنعمي هالعيون" : وعليكم السلام
زياد ب ابتسامه : كيفك
خلود ترفع راسها وتلتقي عيونه بعيونها : بخير وانت
زياد عيونه بعيونها : بخير دامك بخير , انتي تدرسين؟
خلود هزت راسها ب نعم : بكليه
زياد : اها راح تفصلين منها
خلود ب صدمه : لا ماراح افصل اصلا ايش دخلك انت حنا باقي ماتزوجنا
ابو سعود بصراخ : خلود بلا طواله لسان
خلود تلتفت ل ابوها : يبه شف شيقول
زياد : مو لازم يكفي اني زوجك المستقبلي وللمعلومه الملكه بعد اسبوع والزواج شهر
خلود انصدمت : قليل الاخ طلع مستعجل لا وشرايك تاخذني اليوم بعد؟
زياد ب ابتسامه جانبيه : يكون احسن
خلود بقهر : حلم ابليس في الجنه
ابو سعود بعصبيه: خلود اعقلي ولا اخليك تشوفي شى مابيه ولا تبيه
خلود وقفت ونظرت لزياد نظره احتقار وقهر وكره : هين انتظر بس يلا استاذن سلام
وراحت فوق
ابو سعود : اسف على طواله لسانها شوي واعاقبها
زياد لازال مبتسم "عجبتني رغم كلامها علي لكن بالاخير راح اربيها": لا لا عادي الملكه بعد اسبوع مانبي وجهها الحلو يتشوه
ابو سعود هز راسه
وصاروا يتكلمون عن الشغل


--عند خلود--

معصبه : على كيف امه ذا؟ زودها وبقوة بعد ااااااه بس متى ترجع ياسعود! اشتقت لك..
سمعت دق باب عقدت حواجبها "ااف لا يكون ابوي"
:نعممممممممممممممممممم من
:..انا خــ..وــاطر
خلود : خواطر؟ ادخلي
دخلت خواطر بخوف : ايش صار
خلود تذكرت وعقدت حواجبها بغضب : الملكه بعد اسبوع والزواج بعد شهر
خواطر بضيق : مو كان مستعجل
خلود بقهر : يناظر لي نظرات تفحص ! مثل البنت اللي تدخل محل وتشوف المنتج وتتفحصه وماتخلي شى بالمنتج ماقراته او شافته , هو مثله
بالضبط
خواطر انسدحت من الضحك : هههههههههههه الـ... ههههههههههههه تشــ..ههههههههه بيــ..ههه ـــه
خلود ابتسمت وهي تشوف خواطر تضحك
خواطر سكتت فجاء كانها تذكرت شى بعدها التفتت على طول على خلود : خلود كم عمره ؟؟ اخاف انو كبير ! حلو او بشع؟؟
خلود سكتت شوي بعدها قالت : لا هو شباب مدري كم عمره بالضبط لكن اعطيه من شكله عمر 24 او كذا بالنسبه للجمال فهو يتعبر وسيم بشكل..
خواطر فهت : هه ياحظك
خلود بالامبالاه : لا تهتمي للمظاهر..تراها خداعه
خواطر تنتبه لسرحانها : هاه ايش؟ *تستوعب اللي قالته خلود* ااها ايه ايه اصلا عارفه
خلود بملل : واضح ايش فيك كل دقيقه سارحه من زمان وانا الاحظ هذا الشى
خواطر ب ارتباك واضح : مافي شى ابد ااه زوجك هنا؟
خلود بهدوء : ترا ماتزوجت الى الان .. لا تستعجلون
خواطر : طيب طيب لا تزعلين علينا متاسفين يا اختاه
خلود : مم تصدقي اشتقت ل اوقات هبالنا
خواطر بهبل : سوبهاان الله عندنا نفس التفكير
خلود بتمثيل : لالااااااااا انا ارقى من انني اكون نفس تفكيرك ياختي الهبله
خواطر بهبل : ايش رايك نمثل مثل المسلسلات الكويتيه
خلود بهبل تقلد الهنود : اوك مدام مافي مسكل
خواطر : بلا ون تو ثري .. اكشن!
خلود بتمثيل : حبيبتي ابي مجبوس دياي
خواطر بتمثيل : شنووو! مو حاس ان الشغل اللي عليا وايد!
خلود : هااا ايش شنو ترا شغلتس فالبيت مو لعب يلا فارجي عن ويهي
خواطر : اا انا ماقدر اتحمل جاسم! طلقني اهى اهى
خلود : انتي انتي اللي حديتيني على هالشى *تلف وجهها* انتي انتي طالق
خواطر تسوي نفسها منهاره: لالاااااااااااااااااااا اهى اهى
خلود : مليييييييييت
خواطر : مثلك تصدقي راح افقدك لو تزوجتي
خلود بهدوء : يمكن اتزوج يمكن لا
خواطر بتفكير : خلود تعرفي ان شخصيتك غريبه
خلود باستغراب: ليه؟
خواطر : يعني مرات هادئه ومرات هبله فيك غموض
خلود بضحك : انا اصلا هادئه ومؤدبه لكن انتي وبنات خالاتك خربتوني صرت نص ونص
خواطر بضحك : احسن عشان كلما زاد الهبال زاد الحماس
خلود تكتم ضحتها : يلا فارقي عني يا ام الهبال
خواطر : لحظه لحظه انا ! انااا خواطر الانسانه الرائعه الجميله ذات الهيبه تطرديني؟؟!
خلود بضحك : خفي علينا مو ناقص الا تقولين ملكه السعوديه
خواطر بضحك : اصلا لو كان في ملكه بالسعوديه فهي بتكون انا
خلود : يلا يلا من غير مطرود يا انسه خواطر
خواطر : ايه خليك كذا
ثواني نظروا لبعض وحركاتهم وماتوا ضحك
قطع على صوتهم الباب وشافوا ابوهم وفزوا تحول المكان ل هدوء.....
ابو سعود : ترا زوجس راح قبل شوي , المره الثانيه احترميه ماخبرتك كذا مو محترمه*طلع وسكر الباب*
خواطر : قبل شوي؟؟! *ركضت ل دريشه غرفه خلود*

ملاحظه/ : غرفه خلود تطل عالشارع يعني من نافذه غرفتها تقدر تشوف الطالع والخارج
دريشه = نافذه الغرفه

*خواطر تشوفه من الدريشه*: اااااااااااه يجنن وييي وسيم
خلود تبعد خواطر عن الدريشه وتنظر له بحقد وكره من الدريشه : وييييييع ماعجبني
خواطر بضحك : هو حلو لكن انتي تكرهيه عشان كذا تقولين ماعجبك
زياد قبل لا يدخل السياره انتبه ل خلود من النافذه تنظر له وابتسم لها
خلود بكره بعدت عن النافذه بسرعه : اكرهه اكرهه اكررهه اففففففف انقلعي عن وجهي انت
خواطر : لالا شكل الاخت جد عصبت بروح قبل لا يصير لي شى سلام *طلعت*
خلود رمت نفسها عالسرير بتعب كل شى صار تعبها سمعت صوت رساله جتها عالجوال شافتها من رقم ماتعرفه عقدت حواجبها وفتحت الرساله
وشافت مكتوب "مره ثانيه لا تسوي كذا اخاف احد يشوفك من النافذه , ترا اغار" عرفته وكشرت من رسالته : مصدق نفسه الاخ يحسب انني مثل
البنت اللي يشوفهم كل يوم *كتبت له " مالك دخل فيني " اصلا كيف جاب رقم جوالي؟؟ ااااه اكيد ابوي اعطاه ااااف ايش هالعيشه واغلقت الجوال وبكت بصمت
ونامت
اليوم الثاني
ركضت خواطر لغرفه خلود وفتحتها وصرخت : خلوووووووووووووووووووووووووووووووووووووووود
خلود كانت نايمه ومن صرختها فزت : هااا ايش في
خواطر بفرح : في مفاجاه تحت
خلود ب انزعاج : قعدتيني وخوفتيني عشان مفاجاه ؟
خواطر سحبتها تحت : يلالا شوفي
خلود : طيب طيب اتركيني اعرف امشي لحالي
ووصلت للصاله ورفعت راسها وشافت ؟؟؟؟؟؟؟؟؟؟؟؟َ!

----يـــــتبــع----------------------


سديـــم. ©؛°¨غرامي مشارك¨°؛©

الروااية باين عليهاا حلوووة
بداية موفقةة
استمررري

aryam00 ©؛°¨غرامي جديد¨°؛©

شكراااااااااا

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1