غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 191
قديم(ـة) 17-05-2019, 07:43 PM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


للرفع.........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 192
قديم(ـة) 19-05-2019, 02:10 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


للررفع ..........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 193
قديم(ـة) 19-05-2019, 08:32 AM
صورة elhaneen94 الرمزية
elhaneen94 elhaneen94 غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا/بقلمي


صباح الجمال ؛

تحدثتُ سابقًا بغضبي منهما و أنني لن أتحدث عنهما حتى حين !!

لكن !

يا لرجفة القلوب هذه التي تتقنين صنعها هُنا ؟!

أيُّ وصفٍ لهذا اللقاء و ما حمل معه من تلاقي لتلك الأعين المتعبة ؟!

لا أريد الحديث أكثر عنهما ؛ فهما حقًّا يغضباني ؟!

فهو شوق رغم سوء الفهم الذي تحول في لحظة إلى تلاشي الفهم و ذهاب العقول !

أتحدث قليلاً عن خالد و تلك الضحكات التي أسعدتنا ؛

قوة و حنان !!

من تلك التي ستحظى بكل تلك الهيبة و القوة ؟

سنرى ؛

فأنا أحبُّ أن أقرأ دونما التوقعات ؛

محبتي لكِ جميلتي



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 194
قديم(ـة) 22-05-2019, 05:07 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها elhaneen94 مشاهدة المشاركة
صباح الجمال ؛

تحدثتُ سابقًا بغضبي منهما و أنني لن أتحدث عنهما حتى حين !!

لكن !

يا لرجفة القلوب هذه التي تتقنين صنعها هُنا ؟!

أيُّ وصفٍ لهذا اللقاء و ما حمل معه من تلاقي لتلك الأعين المتعبة ؟!

لا أريد الحديث أكثر عنهما ؛ فهما حقًّا يغضباني ؟!

فهو شوق رغم سوء الفهم الذي تحول في لحظة إلى تلاشي الفهم و ذهاب العقول !

أتحدث قليلاً عن خالد و تلك الضحكات التي أسعدتنا ؛

قوة و حنان !!

من تلك التي ستحظى بكل تلك الهيبة و القوة ؟

سنرى ؛

فأنا أحبُّ أن أقرأ دونما التوقعات ؛

محبتي لكِ جميلتي


اشكرك على ردك الجميل ياجميلة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 195
قديم(ـة) 25-05-2019, 04:48 AM
صورة شتاء ~ الرمزية
شتاء ~ شتاء ~ غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا/بقلمي


تسلم يدينك على البارت الحلو
ننتظر البارت الجاي ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 196
قديم(ـة) 26-05-2019, 03:55 AM
Sarah Stefany Sarah Stefany غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


ايمتى البارت❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 197
قديم(ـة) 27-05-2019, 10:57 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها شتاء ~ مشاهدة المشاركة
تسلم يدينك على البارت الحلو
ننتظر البارت الجاي ان شاء الله
الله يسلمك
شكرا على ردك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 198
قديم(ـة) 27-05-2019, 10:58 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها sarah stefany مشاهدة المشاركة
ايمتى البارت❤❤❤
خلال هالاسبوع ان شاءالله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 199
قديم(ـة) 31-05-2019, 03:42 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


-34-

في نفس اليوم "الاثنين" العصر

وعد طالعه تجيب اغراض طالبتها امها من السوبر ماركت
رن جوالها وردت : هلا ام تركي ,, لا ماوصلت ارسلي لي وش تبين بعد ,, ابشري من عيوني ,, ماتبيني امر محل الحلا ؟ ,, خلاص اوكي

سكرت منها وفتحت الشباك تتنفس
تحس فيه شي تاك على قلبها و لها اسبوع مو على بعضها بس ماتدري وش السبب او تحاول تتجاهل السبب !

رن جوالها وكانت عذاري وردت عليها

وعد : هلااا والله
عذاري : هلا بالزين كله شخبارك
وعد : الحمدلله انتي اخبارك
عذاري : والله تمام الحمدلله
وعد : وش صاير جينا على بالك ؟؟
عذاري : والله مانسيتك ياقلبي بس اني منشغله بالدوام تعرفين انتي اول ماتطلبين اجازه ينزل لك شغل من كل مكان
وعد : هههههههههههههه الله يعيينك ياعمري
عذاري : امين وياك انتي بشريني عنك
وعد : والله على حطة يدك لا شغل ولا مشغله
عذاري : ماتفكرين تزورينا بالشركة ؟
وعد : لااا تكفين ماصدقت افتك
عذاري : على الطاااري
وعد : وشو ؟
عذاري : تخيييلي مييين بيتزوج ؟
وعد : ميين بعد !
عذاري : خااالد !!! لا وواضح ان الموضوع مستعجل مرة لانه ماخذ اجازه
وعد بانفعال : وش علي منه انا ! ان شاءالله يتزوج عشر
عذاري انصدمت من انفعالها وصوتها العالي : شفيك طيب كلتيني
وعد حاولت تهدي : لا بس يعني كل ماجلست مع احد قال خالد بيتزوج وخالد مدري شفيه خلاص لاحد يجيب طاريه
عذاري كتمت ضحكتها : اوكي اسفه خلاص
وعد حست انها اوفر وحاولت تغير السالفة : تعالي بس ماقلت لك
عذاري : ايوه ؟؟

وكملو مكالمتهم


....
في بيت ابو تركي

رهف مع امها من يوم رجعت من الكوفي وهي تحاول تشغل نفسها في شي ماجلست من الصباح

ام تركي بحنان : رهوفه خلاص روحي ارتاحي شوي اذا صار فيه شغل ناديتك
رهف وهي ترتب الكنب والخداديات : لااا ماتعبت عادي
ام تركي : طيب روحي حطي ميك اب والبسي لان مابقى شي ويجون الناس .. وتراك رتبتي هالكنب 50 مرة خلاص
رهف بضحكة : وانتي ليه تبين تطرديني
ام تركي ضحكت : لا والله بس ابيك ترتاحين ماجلستي من الصباح اول شي طلعتي انتي وافنان واللحين جايه تنشغلين بالبيت مع ان الخدامات مرتبينه من امس
رهف : شوي بس لما تجي وعد اروح اتجهز انا


...
....
..

في بيت الجده
كانو الكل مجتمعين عشان يتجهزون لعزيمة ام تركي
هيفاء ووجدان عند لطيفة بغرفتها وهي داخل بغرفة التبديل

طلعت لهم لطيفة وهي لابسه فستان اسود وبحماس : هاا شرايكم ؟

لفو عليها وجدان وهيفاء
وجدان بأنبهار : عمتي مررة يجننننن راسم جسمك
هيفاء : مرررة حلو مااشاءالله اتوقع لو احد لبسه غيرك ماطلع بهالجمال وهو عليك

لطيفة استحت وجلست تشوف نفسها بالمرايه
وجدان : تدرين بس ناقصك روج احمر وتغطين علينا كلنا
لطيفة بأحراج وهي تطق وجدان بخفيف : عاد لا تحرجيني كذا ما اروح
هيفاء : هههههههههههههههههههههه لا يرحم امك روحي خل يشوفون عمتنا الحلوه
لطيفة : طيب انتم وش بتلبسون
وجدان : بصراحة محتارة انا للان مادري
هيفاء : انا بلبس فستاني الازرق اللي شريته امس
لطيفة : ايه حلووو مرة
هيفاء رجعت تلقي نظرة على لبس عمتها : انتي الحلوة والله
لطيفة غطت وجهها بيدها : خلااااص تكفون
هيفاء ووجدان : هههههههههههههههههههههههههههههههههه

.......

المغرب
المعازيم قاعدين يجون على شوي شوي
خوات ام تركي كلهم موجودين وام نايف موجودة والجيران
دخلو ام محمد وحريم عيالها واحفادها

ام لولوة واختها ام حنين جنب
ام لولوة بصوت واطي وهي تشوف ام ماجد : تشوفين هذي اللي لابسة ابيض ؟ تدرين ان اكبر عيالها عمره 30 وشوفي كيف مابان عليها
ام حنين : اللي وراها لابسه فستان اسود مين هي ؟
ام لولوة : على ما اظن اختهم لطيفة
ام حنين : ماتذكر ان لهم اخت اسمها لطيفة اول مره اشوفها
ام لولوة : ايه اختهم من ابوهم
ام حنين : جميلة ماشاءالله
ام لولوة بحسد : بس شوفي صبغة شعرها مو حلوة مرة !
ام حنين : بالعكس اللون لايق على لون بشرتها لو وحدة غيرها يمكن يطلع مو حلو
ام لولوة بكبر : ماادري ماعجبني !


عند البنات

وجدان بهمس لرهف : وش فيك انتي ؟ احس ماعجبتيني اليوم
رهف تضحك : مافيني شي لا توسوسين
وجدان هزت كتفها بعدم اقتناع بس سكتت

الهنوف جتهم ومعها حلا اختها وجلست وهي تتأفف : وش اسوي في هالبنت ؟ تعبت معها
الجازي وهي تقبص خد حلا : ياطعاامتها ماشاءالله
الهنوف : ماتبون تاخذونها ببلاش ؟
الجازي تبوس حلا : هههههههههههههههه والله ماعندي مانع بس وقعو لنا تنازل عشان ماتاخذونها بعدين
الهنوف وهي تضحك : لا ابدآ لا تخافين ماراح ناخذها
رهف : الهنوف عاد انتي تحبين الاطفال وش فيك على اختك
الهنوف : ايه والله اموت فيهم بس نشبه ذا البنت خصوصآ بالعزايم ماتبي احد الا انا

حلا نطت بحضن رهف وباست خدها : رهف عاادي تعطيني جوالك
رهف وهي تضمها : هههههههههههههههه ياحلو راعية المصالح ذي
الهنوف : احسن انتي اللي وهقتي نفسك معها محد يعطيها جواله ترى الا انتي
رهف : والله ياقلبي جوالي مو معي ولا كان عطيتك
الجازي تكلم حلا : تعالي خذي جوالي بس اجلسي جنبي

قامت حلا مبتسمة وراحت عند الجازي


بعد العشاء
طلعو رهف والهنوف وجلسو بالصالة اللي ماكان فيها معازيم كثير
ورهف متحمسة تسولف مع الهنوف عن الفيلم اللي شافته امس

جت لولوة وهي تتمخطر بدلع وجلست جنبها : رهووفه
رهف لفت عليها : نعم ؟
لولوة : اممم اذا ماعليك امر ياقلبي تعطيني رقم تركي توني شريت جوال جديد و هو قايل لي كلميني عشان اخلص لك شغله وتذكرت اني ماحفظت رقمه
رهف حامت كبدها : لا بالله عليك ؟ ( وبصوت خفيف ) انتي حافظته اكثر مننا
لولوة : وش تقولين ؟؟
رهف بقرف : اقول وليش مااخذتيه من جوال امك
لولوة : توني تذكرت يوم شفتك وقلت اخذه منك اسرع
رهف : جوالي فوق يشحن يعني جوال امك اسرع
لولوة قامت وهي تحاول تمسك اعصابها : اوووكي


الهنوف : شفيها ذي تتكلم كذا ؟
رهف : وععع وععععع هنوف بذبحها تكفيين .. تحاول تتلزق بتركي بشكل هي وخالتي الله ياخذهم ونفتك من شرهم
الهنوف : طيب يمكن هو يبيها
رهف : مجنونه انتي ؟ يكرههم اكثر مننا
الهنوف : اووف لهالدرجه ؟
رهف : يختي وصخين مادري شلون يفكرون المهم خليني اكمل لك ماعلينا منهم
الهنوف : ايووه


............

الساعة 3 الفجر
بعد مافضى البيت وراحو كل المعازيم
رهف راحت غرفتها ومسحت الميك اب ولبست بجامتها وانسدحت بتعب عقب ماكانت مواصلة فوق الـ 24 ساعه
وهي تستعد للنوم فجأه جا ببالها الموقف اللي امس حصل بكامل تفاصيله

نظرة عبدالعزيز لها ... شكله اللي تغير 180 درجة
ريحة عطره اللي اخترقتها وذكرتها بتفاصيل ذاك اليوم من جديد

ماكانت عارفة ليه هي تحس داخلها ضياع ... فيها شوووق وحنين وبنفس الوقت كره
كانت فاهمة ليش الكره بس ماكانت فاهمة الشوق

واللي مشغلها ومضيعها اكثر انها شافت بعيونه نظرة حلوة .. حست كأنه هو مشتاق لها بعد

فزت بسرعه وهي تطق راسها : لا تتوهمين يا رهف لا تتوهمين .. بعدين ليه تفكرين فيه ؟ ليييه تشتاقين له ؟؟ مو هو اللي هددك مو هو اللي شك بشرفك مو هو قليل رجولة وحاول يتحرش فيك ... او بشكل اصح تحرش ( وتطق راسها بقوه اكثر ) ليه مازلتي تفكرين فيه يااااغبيه


جا ببالها موضوع سيف
سألت وجدان كم مرة وشلون عرف بس مالقت منها جواب .. ماتدري هي تخفي شي عنها او انها فعلا ماتدري
تعبت من التفكير بالموضوع كله و فتحت جوالها وقعدت تشوف بأعلى صوت على امل تنشغل بشي ثاني .. لأن حتى النوم طار عنها


....
...
.....


الساعة 7 الصبح
كان الجو غيم يبشر بهطول مطر
وكعادة الجدة لطيفة قررت انها تروح المزرعة بهاليوم بالذات

وكلمت عيالها كلهم وقالت لهم
محد اعتذر قررو كلهم ان الغداء يكون بالمزرعة

كان اكثر شخص مبسوط بهالقرار المفاجئ لطيفة امنيتها تشوف هالمزرعه

واول سيارة وصلت ابو محمد وام محمد وخالد ولطيفة والباقي للحين ماوصلو
نزلو ام محمد وابومحمد للفلة وخالد نزل بيروح لقسم الرجال

لطيفة : خااالد
خالد لف عليها : لبيه
لطيفة : شرايك توديني استكشف المكان
خالد بحنان : ابشري من عيوني بس دقيقه بشحن جوالي واجيك
لطيفة ابتسمت : اووكي


دخلت لطيفة وكانت منبهره من الفله على انها دور واحد الا ان تفاصيلها جدآ حلوة

لطيفة : خالتي وين الغرفة اللي يجتمعون فيها البنات ؟
ام محمد : شوفيها ابعد وحدة بالممر
لطيفة : طيب

دخلت وحطت اغراضها وطلعت تدور خالد عشان تستكشف باقي المكان معه


...
....
...


في سنغافورة
عند طيور الحب مشاعل وفيصل قاعدين يتمشون بالسوق

مشاعل : فصولي بس اخر محل تكفى
فيصل بتعب : ياقلبي والله بوديك للي تبين بس خلينا نفطر ميييت جوع
مشاعل : مااعاااش الجووع والله بس هالمحل ونروح ناكل بأحلى مطعم بعد
فيصل : اخخخ يارب صبرني
مشاعل ضحكت وهي توريه الشنط : تعال شوف البني او الاسود


...
....
..


في مطار الرياض
11 الظهر

سعود توه نازل من الطيارة
بعد ماخلص الاجراءات واخذ شنطه طلع من المطار ورجع مع ابوه بيتهم

اول مادخل البيت : والله البيت كبير وحلو بالصور مبين صغير
ابو ماجد : ايه والله الله وفقنا فيه والحمدلله تسهل كل شي
سعود : الا وين امي واخواني وخواتي
ابو ماجد : كلهم بالمزرعه ,, ماعلمتهم انك بتجي ؟
سعود : لا والله ماعلمت احد الا انت
ابو ماجد : اجل رح لهم اللحين
سعود بتعب : لا والله بنام واذا جاء العصر رحت لهم ان شاءالله
ابو ماجد : على خير رح نام بغرفة سيف ولا ماجد لين تأثث غرفتك
سعود : والله بروح انام بااي غرفه قبالي تعبببباااان

...
....
..


العصر

بعد الغداء البعض راح ينام
والبنات طلعو برا جنب الفله من جهة القسم النسائي وجابو قهوتهم وقعدو

ريوف وهي تفك شعرها وتستنشق الهواء : اخخ جو المزارع يجنن يابنات قسم بالله تخسى اوروبا عند هالجو
الهنوف : بشويش حبيبتي خقي بس مو كذا
ريوف : والله جد هذا الهواء النقي
وجدان : مابي جو نقي ابي اسافر احلى شي عندي التلوث انا
هيفاء : بلس ون لكلام وجدان
ريوف : مساكين والله
الهنوف : ترى والله لو قعدتي هنا اكثر من اسبوع بتطفشين اسألينا قعدنا شهر قبل العام بغينا نقطع صلة الرحم بعدها من الطفش
وجدان : ههههههههههههههه حتى يوم رجعنا الرياض قعدنا اسبوع مانكلم بعض من كثر ما احنا طفشانين
ريوف : والله انتم نفسيات
الهنوف : لا والله انتي اللي مدري وشلون تفكيرك جاي



بقسم الرجال
الجد والاعمام نايمين بعد الغداء
والعيال بالملحق الخارجي بعضهم يلعبون بلوت والباقي كل واحد ماسك شي .. احد على جواله واحد على اللاب توب

عبدالله : دحوم قم قل لجار الله يسوي شاهي
عبدالرحمن : ماعندك رجلين انت ؟
سيف : اي والله عبدالرحمن الله يعافيك رح قل له
عبدالرحمن : ياعمري هذا الاسلوب ابشر وتم على هالخشم ( ويأشر على خشمه )
سيف ابتسم وارسل له بوسة من بعيد : حبيبي والله ( ولف على عبدالله ) تعلم حبيبي كل شي يجي بالاسلوب
عبدالله : والله اقابل نوعيته كل يوم خلاص ماعاد لي خلق اتكلم معهم
ماجد : احمد ربك ياشيخ تقابلهم ربع اليوم بس وش تقول عن اللي يقابل انواع واشكال طول عمره
عبدالله : اي والله جد ماجد تصدق اني ناسي شكلك بالمجلس احس يبي لي اخذ صورتك بكل مكان دايم كلنا موجودين الا انت
ماجد : هههههههههههه ياخي خلها على ربك
عبدالعزيز : اي والله صدق عكس سيف اللي دايم بوجيهنا
خالد : عاد سيف جاء عند ناس يحسون ان اللي يروح للدكتور النفسي مجنون عشان كذا تشوفه طول الوقت متواجد
سيف : هههههههههههههه كلامك صح خالد بس ترى كنت متوقع هالنظرة ماتغيرت بس والله يوم جيت هنا استوعبت ان صار فيه وعي طبعآ مو من كل الطبقات لكن كويس اول الخير قطرة
عبدالعزيز : شف سيوف اذا فتحت عيادتك الخاصة اعتبرني اول مجنون عندك
خالد وهو يناظر عبدالعزيز : مااافيه فايدة والله
عبدالعزيز مات ضحك : والله امزح هههههههههههههههههههههههههههههه
سيف : احمد ربك مافيه شي صلب حولي ولا والله لاخليهم يطلعونه من راسك بعملية
عبدالعزيز : اووووف اوووف عنييف ولد عمتي
سيف : وش اسوي فيكم الاسلوب ماينفع معكم

فجأه فتح الباب وكانو كلهم مشغولين بالسواليف

سعود : هاااي شبااااب لفو كلهم لمصدر الصوت
ونطو عليييه كلهم لين سدحوه بالارض

سعود بكتمه : وجع وججججع كذا تعبرون عن شوقكم
قامو عنه وهم يضحكون وسلمو عليه

سعود وهو يجلس بتعب : الله لا يوفقكم لو اني جاي من الرياض للمزرعة على رجليني ماتألمت هالكثر
ماجد بضحكة : تعود على الدفاشه حبيبي
سعود : لا والله بستاجر بودي قارد لهالحالات مو ناقص افقد يد او رجل ببداية عمري
خالد : ياخي من حبنا لك ولا لو اننا مانطيقك محد تحرك
عبدالعزيز : اخبارك حبيبي طمنا عنك متى نويت تجي ومتى حجزت وليه ماقلت لنا
سعود : والله ابشرك بخير وناوي اجي من قبل زواج فيصل بس للاسف كان وقت اخر فاينال
خالد : ايييه اتذكرك بتجي على وقت الزواج
سعود : اي والله كنت حاجز ومرتب اموري كلها بس تقدم موعد الفاينال ورجعتي للسعودية بشكل نهائي عشان كذا جلست يعني لو اني مأجلها وراجع عشان الزواج احتمال ما ارجع للسعودية الا بعد عيد الاضحى
ماجد : اشوا انك جلست اجل
سعود : والله هزني الشوق وعلى اخر لحظة بغيت اسحب بس قلت يارجال هي كلها اسبوع وترجع للابد تحمل
عبدالعزيز وهو مبتسم : يعني اللحين المحامي سعود ؟
سعود : الله الله
مشعل : يمديني ارفع قضايا وتدافع عني ؟
سعود ضحك : ايييه بس من بترفع عليه قضية ؟
مشعل : على عمي خالد
سعود : ههههههههههههههههههههههههههههه لييه ؟
مشعل : قضية تعنيف اسري وصدقني انت قدها ياسعود والله بتكسبها
سعود : خالد وش مسوي بالولد ؟
خالد رمى على على مشعل علبة المناديل : والله انا اللي برفع عليك قضية وبكسبها من اول جلسة وبدون محامي بس خلني ساكت
مشعل : وبرفع عليك قضية ثانية عدم تقبل المزح
خالد : هذا مزح بس ؟ ياخي مشكلتي عم حنون وطيب ولا كان وريتك شغل الله
مشعل : لا لا خلاص اسف
سيف : ههههههههههههههههههه خف عليه خالد خلاص حرام عليك لعبت بنفسيته
خالد : لا لاحظ بعد زيادة على اللي سواه .. جاي من بداية الاجازة مقابلني ! وماتبيني ارفع عليه قضايا بعد ؟
مشعل : الحمدلله ان امي لطيفة تحبني ولا وش بيفكني من النومه بالشارع
عبدالعزيز : نصيحة من اخوك لا تثق بحب امي لطيفة
مشعل لف عليه : ليش فيها انفصام ؟
خالد يكتم ضحكته : ياحمارر والله ان ماسكت وقابلت البلايستيشن برجعك الشرقية على اول طيارة

سعود قام : الحريم عندهم احد ؟
خالد : لا ماعندهم احد
سعود : زين بروح اسلم على الوالده والله يااني مشتاااق


طلع سعود وراح لقسم الحريم وكانو البنات للان على قعدتهم
تنحنح وتحجبو البنات بسرعة

سعود : هااااي بنات
نطو عليه ريناد و ريوف وريما يضمونه وباقي البنات يرحبون فيه وهم جالسين

سعود وهو يضحك : ياعمري ياللطافه ليتني جايكم اول
وجدان : شخباارك سعود ؟
سعود التفت عليها وبأبتسامة : تمااام بنت خالي اخبارك انتي واخباركم بنات ( ولف على خواته وقبص خدودهم ) واخباركم انتم
اللكل : بخير .. تمام .. الحمدلله
سعود : طيب قلبي ريناد عادي تشوفين لي الوضع داخل ؟ ودي ادخل اسلم على امي وجدتي
ريناد : ابشرررر تعال معي



-
يوم الاربعاء الصبح
كان اخر يوم من ايام شعبان وبكرة اول ايام رمضان

كانو اللكل يفطرون و ريوف تاكل كأنه اخر يوم بحياتها

الهنوف تشوفها وتضحك : وراك تاكلين كذا خيير هههههههههههه ؟
ريوف : اخر مرة اكل الصباح
ام ماجد : من غيير شر ان شاءالله
ريوف : يعني اقصد الشهر الجاي كله
ام محمد : الله يتممه علينا بالرحمة والمغفرة والعتق من النار
اللكل : اميييين
ام سلمان : فيصل ومشاعل وصلو الحمدلله
ام محمد : الحمدلله على سلامتهم .. اجل نبي نقدم الرجعه للرياض عشان نسوي عزيمتهم هم وسعود
ام ماجد : كل اغراضنا جاهزة بس باقي يركبونها بالسيارات

هيفاء بهمس للهنوف اللي جنبها : اتوقع امي لطيفة لو ينجرح اصبعي الصغير من بكرة بتسوي عزيمه
الهنوف انفجرت ضحك : ههههههههههههههههههههههه من جد والله

خلصو فطورهم وراحو يجمعون اغراضهم عشان يرجعون الرياض

.......

المغرب بالرياض
بمناسبة رجعة مشاعل وفيصل و سعود ذبح الجد 5 ذبايح وعزم كل الجيران على الغداء


...
....
...


بنفس اليوم الليل
خالد له يومين يفكر بموضوع الزواج بشكل جدي
شاف بنات كثيييير انواع واشكال بس مادخل مزاجه ومادخل قلببه الا وعد بس وعد !
ماكان يعرف هي تبيه ولا لا ومو مستعد يقدم على خطوه كبيره مثل هذي وهو مو عارف ردها
وده يشاور احد بس كانت صعبه مرره .. شاف رقمها اللي للحين بجواله

خالد بنفسه : اكلمها ولا بتقول ذا قليل ادب ! ( وبصوت عالي ) ياشيخ كلمها واللي بيصير يصير
قطع تفكيره كامل وهو يضغط اتصال ماكان يفكر بالعواقب قد ماكان يبي يعرف هي تبيه مثل ماهو يبيها او لا


......

في بيت ابو تركي
وعد تجهز شنطتها لان رحلتهم لمصر بكرة بعد العصر
رن جوالها برقم غريب كانت السماعات بأذنها وهي ترتب ردت بدون ماتفكر

وعد : الوو
خالد : السلام عليكم
وعد استغربت من الصوت : وعليكم السلام .. ميين ؟
خالد : انا خالد ال...
وعد جلست على السرير وهي مصدومه : اهلين
خالد : هلا وعد شخبارك ؟
وعد : الحمدلله
خالد اخذ نفس : اممم ودي احاكيك بموضوع ولا ادري انا مستعجل ولا متأخر بس الظروف حدتني اني اتكلم بهالوقت

وعد خافت شوي وسكتت تنتظره يتكلم
خالد يسترسل : ماحبيت اصدمك بالامر الواقع عشان كذا قلت اشاورك اللحين
وعد بتوتر وعصبية : وش عندك !
خالد : بصراحة انا ابي اخطبك وابي اشوف قبل موافقه ولا لا؟

وعد سكتت مصدومة من كلامه
كان عندها اسئله كثيرة كلها تدور حول خبر خطوبته اللي سمعتها من رهف ومن عذاري ...

خالد شافها ساكته : اعتبر سكوتك رضى ؟
وعد تنرفزت : لا طبعآ وش هالثقه !
خالد استغرب من اسلوبها وانفعالها : طيب بعطيك وقت تفكرين
وعد بضحكة استهزاء : لا عاد اللحين يوم رفضتك امل جيت تجربني !
خالد رفع حاجبه : وش اللي تجربني ! وبعدين تتوقعين لو اني ابي امل بفكر فيك يعني ؟
وعد انقهرت من رده : يعني انا ما ارضى اكون سبير اذا رفضتك وحدة تلتفت لي
خالد بهدوء وهو ياخذ نفس : يابنت الحلال مو انا اللي ابي امل ,, صار لبس وخطبتها لي امي بدون ماتشاورني حتى
وعد انبسطت بس اخفت هالشي : طيب وش مطلوب مني اللحين ؟
خالد ابتسم على انفعالها وعصبيتها : ابيك تعطيني رايك سواء موافقة او رافضة ,, واذا رافضة ابي اعرف السبب بس بليز يكون سبب ثاني غير اني كنت مديرك الكلب

وعد ضحكت بحياء وسكتت
خالد قلبه قام يررقع من الضحكه اللي يمكن كانت اول مره يسمعها : اجل ماطول عليك ,, فمان الله
وعد : فمان الله


سكر وهو مستغرب ان موضوع امل وصل لها
واستغرب من اسلوبها المقهور بس مبسوووط بنفس الوقت لأنه يحس ان المشاعر متبادله


قطع تفكيره اتصال رفع جواله وشاف وجدان و رد عليها : هلا عيني
وجدان : هلااا عمي نايم ؟
خالد : لا مانمت .. ليه سمي ؟
وجدان : سهرانين بالملحق وش رايك تجينا ؟
خالد جت في راسه فكرة : عندكم فعاليات ؟
وجدان ضحكت : لا والله عشان كذا اضطرينا نكلمك
خالد : و انا ناوي اجيب لكم شي واونسكم فيه بس هين انسو
وجدان بسرعة : لا لا امزح والله بس جد طفش والسحور باقي عليه وقت
خالد : خلاص بجيب شي واجيكم
وجدان : وشووو ؟
خالد : ماعليك مفاجأه بس اسمعي
وجدان : هلا
خالد : اهم شي معكم لطيفة اختي ؟
وجدان : اييييه هي اولنا
خالد : خلاص قولي لها لا تنام هي بالذات
وجدان : طيييب بسرعة لو سمحت لأني تحمست
خالد : طيب شوي بس وجايكم ( سكت شوي ) لحظه لحظه عندكم لاب توب ولا اجيب معي ؟
وجدان تتلفت تدور : اممم لا مافيه لاب توب جب معك

خالد كان يتذكر يوم ينفضون المخزن انهم لقو اشرطه تصوير قدييمة واخذها وحولها على cd
وكان يدور فرصة عشان يشوفها وكان هالوقت هو انسب وقت


......


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 200
قديم(ـة) 31-05-2019, 03:52 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


تابع البارت -34-


بعد نصف ساعة نزل لهم خالد معه اللاب توب والـcd
الهنوف : شف عمي صح انت كنت تستغلنا ونرتب لك اوراقك ايام الدراسة وحالة بس معليش والله اذا كنت جايب لاب توبك تبينا نخلص شغلك انا مالي دخل ماراح اسوي شي
وجدان : من جد عمي ترى كنا نرتب اوراقك عشان ننسى الحزن وانك بتروح وتخلينا بس اللحين مافيه مجال شغلك هنا عاد
لطيفة : هاو وش فيكم على اخوي مامداه يدخل الا و اكلتوه
خالد : شكلي بطردهم واحلف انهم مايشوفون اللي معي واخليهم يندمون ندم العمر
الهنوف : انا ودي انك تطردني بس خايفة يطلع شي حلو
خالد : اوووه شي متعدي الحلاوووة
لطيفة بحماس : وشو طييب
خالد وهو يضحك : تصوير قديم
لطيفة : اماااا لكم ؟؟؟؟
خالد : اييه انا تحمست يوم دريت انك موجوده قللت بسس لازم تشوفه لطوف
الهنوف صرخت : اوووه الحمدلله اني ماانطردت

خالد وهو يشبك اللاب توب بالتلفزيون : اممممم يالله وش تبوني اشغل ؟
هيفاء : اي شي تحمسست يالله عمي
خالد وهو يشوف : ههههههههههههههههههههه طيب هذاا بالمزرعة 1998 اتوووقع وهذا 2005 يوم نسافر كلنا فرنسا ,, وهذا يوم يحجون اخواني كلهم شكلهم معلقين الكاميرا بالبيت تصورنا
وجدان : هههههههههههههههه الااا اذكرر كانت عمتي تصورنا ترى هي الوحيدة اللي ماحجت
خالد : والله اختي رايقة
ريوف : الله يالله خالي افتح اي واحد منها تحمست
خالد : طيب اختارو

قعدو يناظرون المقاطع محتارين وقررو يشوفون سفرتهم لمكة
كان طول التصوير بالفندق

خالد : ههههههههههههه يوووه اذكر انا اللي ماسك الكاميرا طول الرحلة
ريوف : هذي عام كم ؟
خالد : الله لا يعمينا ماتشوفين المكتوب ؟ 2003

كانو يتابعون والضحك مالي الاجواء

هيفاء : ههههههههههههههه شوفو مشعل وش يسوي بس ياربي يهبل ياليته جالس بهالعمر
وجدان : مين يصدق ان ذا بيدخل جامعه السنة الجاية

*
دخلو وجدان وسيف بالغرفة اللي فيها خالد
والهنوف وراهم تنطط وتطقهم وتنادي وجدان ووجدان ولاهامها
*

الهنوف : كالعاادة ههههههههههههههههههههههههههههههه

وجدان ضحكت بحياء
لطيفة : ياعمري ههههههههههههههه شووفو كيف ماسك يدها
وجدان تحاول تخفي خجلها : خلو عنكم والله ماقهررني الا شعررره شوفو حتى وحنا كبار شوي شعره اطول من شعري
ريوف : ههههههههههههههههههههههه اييه شعره ماشاءالله امي تقص شعورنا سوا وهو يطول من ثاني يوم وانا اقعد شهرين ابكي انتظره يطول
خالد فجأه مات ضحك : عزيييز الكلب ههههههههههههههههههههههههههههههه شوفو كيف سحب شعر فيصل
وجدان : ياعمررري يا اخوي متعذب منه وهو صغير و هو كبير ههههههههههههههههههه
مشاعل : المشكلة مااقدر اعصب على عزيز اببد ولا جد جد كان لاعب في حسبة فصولي
وجدان : و هي جت على فصولي بس !
الهنوف لفت على مشاعل : خلاص صرنا مانستحي فصولي وقدام عمي خالد بعد هههههههههههههههه !
هيفاء تشوف وجه مشاعل : لا لا والله صدق صرنا مانستحي خلاص شوفي وجهها ماتغير
الهنوف وهي تضحك : الحمدلله على الاقل اللحين نقدر نسولف عنه براحه

مشاعل تسوي نفسها ماتسمعهم


....
برا البيت
عبدالعزيز جالس بسيارته سمع طق عالشباك ولف وشاف تركي

نزل من السيارة وسلم عليه : وييين الناس ياحلو
تركي : والله موجود انت اللي مختفي احسبك رايح للشرقية
عبدالعزيز : لا ويين وش يوديني الشرقية
تركي : ههههههههههههههه شكل اعجبك الوضع هنا خلاص
عبدالعزيز : مررة ياخي والله افكر انقل هنا على طول
تركي : طيب وش رايك تتفضل عندنا عالسحور
عبدالعزيز : اكرمك الله ياتركي والله خلها وقت ثاني اخاف تزعل امي لطيفة اذا ماحضرت اول سحور
تركي : لا والله ان تجي مشتاق لك مرره
عبدالعزيز ابتسم : ابشرر ماعاش من يردك
تركي : يالله تعال اللحين و بمسكك لين ندخل البيت ما اثق فيك صراحه
عبدالعزيز : ههههههههههههههههههه يالله حبيبي جاي معك



في بيت ابوتركي
بعد نص ساعة عبدالعزيز بالملحق الخارجي وتركي راح داخل البيت
فجأه سمع صوت يتكلم كأنه جنب اذنه

كانت رهف من الجهه الثانية ورا الملحق تسولف مع صديقتها : ياقلبي مايستاهل دمعه وحدة من عيونك ,, لاا تضيقين صدرك وربي مايستاهل ,, طيب انتي كلمتيه ؟ ,, اوكي كويس ! خلاص انتي سويتي اللي عليك هو يبي الزله واضح ,, والله انا اقول افضل انكم تنفصلون صراحه ,, انا اكلمه !!! ,, اممم اوكي خلاص هاتي رقمه ,, اي بكلمه يالله ارسلي رقمه اللحين

عبدالعزيز عقد حواجبه وضحك ضحكة استهزاء قطعها دخول تركي : يالله حي ابو محمد
عبدالعزيز : الله يحييك ويبقيك


رهف من الجهه الثانيه سمعت الصوت وارتاعت وركضت داخل تكمل مكالمتها
رهف : ههههههههههههههههههه ,, اي عارفة انك ماراح تعطيني رقمه عشان كذا قلت لك هالكلام بسرعه ولا من جدك بوافق اكلمه ؟؟ ,, اساسا يعني وش بقوله مثلا ! هههههههههههه ,, اوكي ياقلبي ,, بس شوفي دام توكم مابعد عشتي معه ولا بينكم عيال ولا شي تأكدي من انكم بتقدرون تكملون حياتكم مع بعض ولا انفصلو من اللحين ,, ههههههههههههه اييه ملاحظة انا شكل لطيفة اثرت علي ,, لطيفة عمة وجدان والهنوف ....

كملت مكالمتها مع صديقتها


اما عند وعد اللي خلصت من السحور وراحت غرفتها
طول الوقت تتذكر مكالمة خالد
منسدحه على سريرها وتلعب بشعرها مبسوووطة يوم عرفت انه ماخطب امل من الاساس ومو من اختياره هي

بعد ربع ساعه
دخلت عليها رهف بقوة : وعوود عندك شنطتي العنابية صح ؟
وعد : بسم الله روعتيني
رهف : لييه روعتك وش كنتي تسوين ؟
وعد وهي مبتسمه : جالسة ماسوي شي
رهف : طيب شنطتي عندك ؟
وعد : هاااه ؟؟ مدري يمكن اييه دوريها بدولابي
رهف رفعت حواجبها : قوليي الصدق بسرعة من مشغل تفكيرك
وعد : مشغلتني طريقة قتلك
رهف بروعه : بسم الله امززح خلاص بطلع

سكرت الباب ووعد ميته ضحك


-
يوم الجمعه العصر
في مصر

وعد توها طالعه متحممه وتحط كريم

رن جوالها معلن وصول رسالة
لما خلصت خذت الجوال كانت الرسالة من خالد
- مساء الخير وعد ,, اتمنى انك فكرتي وجا الوقت اللي تعطيني رايك فيه ..

وعد بنفسها وهي مبتسمه : مستعجل مره ! بس اصبر علي ياخالد والله لاالعب بااعصابك شوي

قفلت جوالها وقامت عشان تجفف شعرها
بس سمعت طق على الباب وراحت تفتح
تركي وهو يدخل : يالله جاهزي.. ( سكت يوم شاف رهف نايمه ) امااا نايمه للحين !
وعد : والله تعبت معها عييت تصحى حاول فيها انت


...
....
..


في بيت ابومحمد
المغرب

عبدالعزيز وسيف بالملحق يسولفون

عبدالعزيز : ياخي وجهك ليه صاير كذا ؟
سيف وهو ماسك راسه : من الصداع اتوقع
عبدالعزيز بقلق : طيب فحصت ؟
سيف : يووه لا تصير ماجد يرحم امك كل ماشافني يقول فحصت !
عبدالعزيز بجدية : ملاحظ وجهك صاير بااهت بزياده ودايم مصدع ماكنت كذاا ابد
سيف : اتوقع عشان نظام اكلي غير وكذا مافيه شي
عبدالعزيز : الا فيه شي و لا تكذب ترى داري ان امس مغمى عليك
سيف : لاني ماكلت شي امس يادكتور عبدالعزيز
عبدالعزيز : فيك شي سيف ؟ مضايقك شي ؟ محتاج شي ؟ تكلم ترى انا اخوك
سيف ابتسم : لا ياحبيبي والله مافيني شي ولا متضايق ولو فيني بقولك اول واحد

عبدالعزيز سكت وهو مو متطمن بس ماحب يضغط على سيف
سيف مسك جواله وحس ان النور عالي ماقدر يشوفه وعور راسه زياده
سكر الجوال وانسدح وحط يدينه على وجهه


...
....
...

يوم السبت

من يوم رجعت نورة وهي وعلي من مشكلة لمشكلة

نورة بعصبية : اذا ماتبيني طلقني وريحني خلاااص من يوم تزوجتك وانت كذا وكنت انتظر الوضع يتغير بس مافي امل اذا انت مو طايقني من الاساس خلاص ريحني
علي بهدوء : مو هذا موضوعنا
نورة : الا موضوعنا انا سكتت فترة طويلة على امل انك تتغير بس مافيه امل ,, بس عندي لك سؤال واحد بسس سؤال واحد

علي ساكت ينتظرها تكمل
نورة : انت تبيني ؟ انت خاطبني وانت مختارني انا ؟ امي جايتني تقول طالبك بالاسم
علي توتر وقام : ايه انا اخترتك
نورة : تكذب والله تكذب لانك من اول يوم ومن ايام الملكه مو اول يوم زواج وانت مو طايقني وتتكلم معي كأنك تكلم اختك ( سكتت شوي ) لا لا حرام انت تكلم اختك افضل من كذا انا حتى ماكأني موجوده قدامك
علي بعصبية : انتي مسوية من الحبه قبه ترى الموضوع مايسوى ابد و ادري ليه تسوين كل هذا
نورة : ليه !
علي : كل ذا عشاني ماحضرت زواج اخوك
نورة نزلت دموعها : عمررررك ماراح تفهمني

ولفت دخلت غرفتها
علي جلس على الكنب وهو يحط يده على راسه


...
..
....


يوم الاحد
بالمطار

تركي ورهف ووعد جالسين ينتظرون شنطهم ووعد ماسكه جوالها وتشاور نفسها
ماردت للان على كلام خالد وهو ماكتب شي من ذاك اليوم .. كانت تفكر بالموضوع من يومين ومشغل تفكيرها مرة
قررت انها ترد عليه اليوم بردها اللي كانت مقتنعه فيه 100%

رهف لفت عليها : وش رايك حبيبتي اخذ شنطتك واشيلها انا بعد
وعد قفلت جوالها بدون ماترد ودخلته بشنطتها وقامت : انا اشييلك انتي بعد ياقلبي لو تبين كم عندي رهف انا ؟؟
رهف فتحت عيونها بقوه مستغربه ولفت على تركي : وش فيها اختك ؟؟؟
تركي نفس الشي مستغرب : والله مدري عنها
وعد وهي مبتسمه وفرحانه : وش فيكم ياعيون اختكم انتم
رهف : بسم الله تركي بديت اخاف انا
تركي وهو يشيل اخر شنطه ويحطها بالعربه : ههههههههههههههههههههه اقول يالله عشان نلحق على فطور الوالده تراها توها مقفله معصبه عشاننا تأخرنا


...
....
..

في بيت الجدة

خالد كان بغرفته
كل شوي يشيك على جواله خلال هاليومين يبي منها رد .. حتى لو رفض
شايل هم مررة وهي مو معطيته لا حق ولا باطل .. رمى الجوال بقوه على السرير ودخل يتحمم

..........


في بيت ابو تركي
اول ماوصلو وسلمو على امهم
وعدت صعدت لغرفتها بسرررعه وقبل ماتفصخ عبايتها حتى فتحت المحادثة وجلست تتأملها
وبعد ربع ساعه قررت انها تكتب ردها

- انا موافقة ...

قفلت الجوال بسرعه وهي متحمسه ومبسووطة
ونزلت عند اهلها عشان الفطور


.......

نرجع لخالد
طلع من الحمام ولبس ملابسه واستعد و اخذ جواله وماانتبه ان فيه رساله

نزل للصالة

على طاولة الطعام
مافيه الا الجد والجدة ولطيفة وعبدالعزيز

عبدالعزيز : بدري ياخوي
خالد يناظر ساعته : باقي اكثر من 5 دقايق على الاذان
عبدالعزيز لف على جدته : يممه انا لو اتأخر نص ساعه بس جاني تهزيئ للصبح
الجدة : بس خالد بالبيت مهوب هايت بالشوارع

خالد ضحك وهو يناظر عبدالعزيز ويرفع حواجبه
عبدالعزيز : والله انك انتي اللي ماعاد تتقبلين مني شي ,, حرام عليك والله انها مو هياته كارفينا كرف بالدوام
الجدة : وانتم بس هذا عذركم دوام ودوام
عبدالعزيز وهو يضحك : والله وش نسوي جالسين نبني المستقبل

قطع كلامهم اذآن المغرب وجلسو يفطرون


بعد 10 دقايق
خالد فتح جواله وشاف تنبيه الرساله وغمض عيونه وفتحها بقوه يستوعب وقام بسرعه كنه مقروص

الجدة : ويين ؟ وش فيك ؟؟؟
خالد : يمممه تبين تزوجيني صصح ؟؟؟
عبدالعزيز : وش جاك خالد بسم الله عليك
خالد : يمه جاوبيني تبين تزوجيني صح
الجدة كانت مصدومه : اي والله ودي اليوم قبل بكره
خالد بحماس : اججل يالله اليوم زوجيني
الجد : خالد وش فيك انهبلت ! اجلس اجلس وش زواجه اللحين !
خالد بحماس اكثر : يممه تكفين اخطبيها لي
الجدة وهي مصدومه للحين : و منهي اللي اخطبها !!
خالد : بنت ابو تركي

عبدالعزيز انصددم وترك الملعقة اللي كانت بيده ولف ينتظر اسمها ينطرى !!

لطيفة بحماس : قصدك رهف ؟؟؟
خالد بحماس اكثر : لا لا وعد

عبدالعزيز تنهد برااااحة وابتسم على شكل خالد المتحمس

الجدة بفرحه : والله زيين مااخترت وانا امك
خالد : يالله يمه تكفين اخطبيها
الجد : اصبر لا تصير مطيور انت .. الناس يفطرون مهوب وقت خطبة
الجدة : والله اني مطيوره اكثر منه وودي اقوم اللحين اكلمهم قبل مايهون
الجد وهو يضحك : مبروك ياام محمد
الجدة : الله يبارك فيك
خالد لف عليه : يبه المفروض تبارك لي انا مو لأمي
الجد : لا والله ببارك لأمك اللي تعبت لين جا هاليوم
الجدة : الحمدلله اني صبرت لين هاليوم والله وعرف يختار وانا كنت احتريه يجيب لي اجنبية ماتنفع
خالد : لا افا عليك ياام محمد اجنبية وقدامي وعد ؟؟؟
لطيفة : هههههههههههههههه اووه وعد مطيرة عقل اخوي
عبدالعزيز : مبرووك خويلد منك المال ومنها العيال
لطيفة : اصبر عزيز لا تبارك له يمكن ماتوافق
خالد بسرعة : الا الا موافقه
الجدة لفت عليه وهي عاقدة حواجبها : وانت وش دراك انها موافقة !

خالد توهق وتلعثم و لطيفة وعبدالعزيز كتمو ضحكتهم

خالد : اقصد اكيد بتوافق ان شاءالله
الجد : الله يكتب اللي فيه الخير وانا ابوك
خالد وهو مبتسم : امييين ياررب

.......

بعد اسبوع من كل هالاحداث
خطبو وعد لخالد ووافقت وانتشر خبر الخطبة وحددو الملكة ثالث ايام العيد



-
يوم الخميس
في ابو ظبي

سيف دخل المستشفى انسان وطلع انسان ثاني
دخل انسان بس يحس بصداع ودوخة وطلع وصوت الدكتور يتردد بأذانه : المرض اللي فيك تمدد الأوعية الدموية ولازم ياسيف لازم تسوي العملية بأسرع وقت ولا لا سمح الله يمكن يجيك نزيف دماغي

تذكر سيف والدكتور يعلمه عن المرض وكان عنده امل 1% انه مايحمل هالمرض
لكن كل الاعراض والتحاليل والاشعة اثبتت هالموضوع

كان يحس بالضياع يحس ان كل شي تافه .. كل شي كان بنظره سخيف
وده يتصل على اي احد ويتكلم ويقول اللي بخاطره .. يتمنى يشيل الحمل اللي فيه ويتقاسمه مع احد
بس لا ! تعود انه هو اللي يسمع بس ماتعود ان احد يسمع له
على انه مو اكبر اخوانه الا انه متعود يشيل هم اهله كأنه ابوهم كلهم من اكبرهم ماجد الى اصغرهم ريما وحتى امه وابوه

طلع من المستشفى يمشي ماوعى بنفسه الا وهو قدام الفندق
كان بين الفندق والمستشفى مسافة كبيرة بالسيارة مايدري كيف مشاها على رجله

مايحس بتعب ولايحس بأي شي كان التعب النفسي اكبر بكثير

بهاللحظة رن جواله و رد بدون مايشوف الاسم

خالد : هلاا سييف
سيف بغصه : يالله حيه هلا بك خالد
خالد : شخباررررك
سيف : الحمدلله انت اخبارك
خالد : بما ان انت الوحيد اللي ماكنت موجود هالاسبوع كله احب ابشرك ان خالك خطب وملكته بأيام العيد يعني ايش؟؟
سيف ابتسم : مبرووك والله الف الف مبروووك .. بس لحظة يعني اييش؟
خالد : الله يبارك بعمرك .. افاااا نسيت
سيف : والله اسف تعرف غثى الدوام وكذا ذكرني بس و ابشر
خالد : الرسسمه اللي طلبتها
سيف : تامر امررر على هالخشم
خالد : ادري فييك ماتقصر ياعيني ,, متى بترجع ؟
سيف : مادري والله يمكن اطول شوي
خالد : ليه ؟
سيف بكذب : المؤتمر تمدد اسبوع ثاني و اتوقع برجع في 20 رمضان
خالد : اوووف
سيف : الله يعين ويسهل
خالد ماعجبه صوت سيف سكت شوي ثم قال : سيف
سيف : سم
خالد : فيك شي ؟
سيف بلع غصته : لااا مافيني شي
خالد : اكيييد ؟
سيف : اكييد
خالد : اوكي ,, تامرني على شي
سيف : سلامتك وسلم على العيال كلهم
خالد : يبلغ ان شاءالله ,, فمان الله
سيف : فمان الله

سكر خالد وهو مو مرتاح لأن صوت سيف متغيرررر مره

اما عند سيف اللي سكر ودخل الفندق وطلع مع السلم ماستخدم الاصنصير
مايدري ليه ,, يبي ينهد حيله وينام وينسى اللي صار ؟ ,, ولا يبي يتألم جسده عشان ينسى الالم النفسي
مايدري ليه بس يتمنى يركض يركض بدون توقف لين يطيح ويغمى عليه


وصل لغرفته وهو يلهث يحس بتعب شديييد
دخل وعلى طول على دورة المياة واستفرغ كل اللي بمعدته
رفع وجهه للمراية وشاف وجهه كان اصفرر وشفايفه شاحبه جدا وراسه ينبض من التعب

غسل وجهه ورجع للسرير واول ماحط راسه نام على طول...



بعد 4 ساعات
صحى على صوت رنه رساله..

فتح عينه وهو يتذكر امس .. كان يتمنى انه بحلم وتوه صاحي وان مافيه ولا شي
لكن مجرد مامسك جواله وشاف رسالة الدكتور عرف ان كل هذا حقيقي...
كان الدكتور يطلبه للمستشفى عشان ياخذ اوراق الفحوصات

قام وصلى الفجر وتحمم ولبس وطلع للمستشفى ..


.....

في الرياض

الساعة 6 الصبح
في بيت الجدة البنات كلهم سهرانين بالملحق ومعهم عمهم خالد ويسولفون

الهنوف : عمي يعني اذا بغيت احد يحبني اسميه الكلب ؟؟
خالد وهو مبتسم بحب : ان كنتي وعد بيحبك
وجدان تصفر : اوووف عمي طايح على وجهه
خالد : وجع عييب
وجدان : عادي خلك اوبن مايند ياخي
خالد : خلكم من الكلام ذا اللحين .. اقنعو امي اني اتملك برمضان
الهنوف : ههههههههههههههههههههه قد شفت احد يتملك برمضان ؟
خالد : اييه عادي وش فيها يعني ؟
لطيفة : ترى عادي اتذكر واحد من جماعتنا متملك برمضان !
خالد : منهو ذا خليه يجي يقنع امي وابوي تكفين
الهنوف بسرعة : لا مايصير واحنا نبي ملكة كبيرة معليش بعد الانتظار هذا نسوي ملكة اي كلام
خالد : اهم شي وعد تصير حلالي وماعلي منكم
لطيفة :ههههههههههههههههههههههههههه وينك ياوعد تشوفين وش سويتي بأخوي
خالد تنهد بقووة : ذبببحتني والله
ريوف : يارب ارزقني بواحد يحبني كذا
وجدان : اميييين وانا بعد
خالد يناظرهم ورافع حواجبه : اوكي قلت انا عمكم الصغير وسولفو معي بس موو كذاا
ريوف : عادي حبيبي اكيد وعد قد دعت هالدعوة من قبل
خالد بحدة : اكسر راسها ان فكرت بغيري
الهنوف : مو غيررك بسم الله ههههههههههههههه يعني انها دعت يجيها واحد يحبها كذا وربي رزقها فيك
خالد : ايييه اشوا
ريوف : تدري خالي يوم تقول لاامي لطيفة ذاك اليوم انك مختار وحده ماجاء ببالي ابدآ انها وعد .. يعني بصراحة بصراحة ماتوقعت ان ذوقك حلو لهالدرجة
خالد يطق راسها : استحي على وجهك انا ابو الذوق
ريوف وهي تمسك راسها : اي والله من اليوم خلاص تأكدت انك ابو الذوق وبااخذ رايك في كل شي



...
.....
...


في المستشفى
عند سيف
دخل غرفة الدكتور وهو يجر خطاه و جلس بهدوء

الدكتور : سيف شف عشان صحتك انا مضطر اقولك كل شي بصراحة
سيف مبتسم بغصة : اكيد يادكتور .. وش الخبر السيء الجديد ؟
الدكتور : استغفر ياسيف انت انسان مؤمن مايصير تقول هالكلام والله قادر على كل شي
سيف : ونعم بالله
الدكتور سكت شوي و تنهد : لازم تسوي العملية خلال 6 شهور والافضل انها تكون اقل من كذا .. ولا بيكون لها مضاعفات سيئة جدآ ممكن تؤدي الى السكتة الدماغية او النزيف
سيف غمض عيونه وبهدوء : ادري انك مقدر نسبة نجاح العملية من يوم شفت الفحوصات لذلك ياليت تعلمني بصراحة
الدكتور : نسبة نجاح العملية 70% وكل ماتأخرت تقل النسبة ..

سيف سكت ينتظره يكمل
الدكتور : اممم انا اعرف جراح عندكم بالرياض ناجح جدآ في هذي العمليات برسل لك اسمه.. لو حبيت انك تحجز معه موعد

سيف مازال ساكت خلاص مافيه حيل يتكلم او يرد
الدكتور حط يده على ظهر سيف : اصبر وتحمل وصدقني ربك مايترك احد انت توكل على الله وعلم اهلك اول بعدين سو العملية وكل شي كاتبه ربي بيصير
سيف وهو يقوم : ان شاءالله ,, يالله استأذن انا
الدكتور : اذنك معك الله يحفظك

طلع من الغرفة وهو يحس بضياع ...



انتهى البارت


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1