غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 211
قديم(ـة) 12-06-2019, 06:23 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


-35-


20 رمضان
كل العايلة مجتمعين في المزرعة كعادتهم السنوية

كان الوقت قبل المغرب بساعتين
دخل سيف على ملحق العيال كلهم قامو سلمو عليه باستغراب .. كان وجهه ذاابل ومافيه حياة

خالد بقلق : سيف ورا شكلك كذا ؟
سيف لف عليه بابتسامة : وش فيه شكلي ماعجبك ؟
خالد : لا مو كذا بس يعني احسك تعباان او انك ماتاكل
سيف : لا مافيني الا العافية الحمدلله

سكتو العيال وغيرو الموضوع لأن كلهم عارفين ان فيه شي بس مستحيل يتكلم
وسيف حاول يضحك ويسولف عشان محد يحس بشي


سعود : الحمدلله اني اجلت موعد رحلتي عشان اجي رمضان هنا مااتخيله وانا لحالي وبدون اهلي
فيصل : لا بعد مافيه زيه بالمزرعة احس بالرياض ماش مو رمضان
خالد : على كيفك انت وياه والله يوم اني ادرس برا كنت استمتع بالذات فقرة الطبخ ماحس انه رمضان الا اذا قعدت الف السمبوسه
مشعل : اما عاد عمي خالد يطبخ !
خالد : يبي لي اسوي لكم فطور بيوم عشان ماتحقروني
عبدالعزيز : لا عاد اذكر جيتك بنص رمضان والله تتكلف
خالد رفع حواجبه : والله اشتقت للطبخ
ماجد : طيب ورا ماتورينا مهاراتك اليوم
خالد : خلاص تم محد راح يسحركم الا انا
فيصل : والله كفووو والله
سلمان : يرحم امك نبي شي يرضي جميع الاذواق
عبدالله : كبسة طبعآ
خالد : ايه اكيد كبسة وش تبوني اسوي غيرها يعني
عبدالعزيز : ياشيخ كلنا نعرف نسوي كبسة نبي شغلات جديده
سعود : ماعليك منه بس كبسة كبسة



....
...
.....


عند البنات
بالمطبخ
كانو كلهم مجتمعين عند لطيفة اللي جالسة تسوي لهم حلا للقهوة اللي بعد الفطور

لطيفة : باقي دريم ويب ( ولفت على وجدان ) ويينه ؟
وجدان طقت راسها : يووه نسييت اقول لجار الله يجيبه
الهنوف بعصبيه : تستهبليين وجدان
مشاعل : عادي قلبي فيصل توه مرسل لي تبون شي طالع هو وماجد
وجدان ارسلت لها بوسه بالهواء : احلى شي انك تزوجتي اخوي والله لو انك مو فيه كان حطوني مكان الدريم ويب
هيفاء اللي جالسة على جوالها : قولي له يجيب سنيكرز بليز
مشاعل : لا جايبه انا شوكلاتات لحلا مايحتاج
هيفاء : وش فيك انتي صايره غبيه ,, لي انا مو لحلا
مشاعل : هههههههههههههههههه الله يخلف على امي بس


....
.....
...


بعد المغرب
كانو اغلب البنات بالغرف
مافيه برا الا وجدان والهنوف اللي مازالو يتقهوون للان
وكانو متحجبين لأن برمضان كثير يدخلون العيال ويطلعون

دخل سيف يسلم عليهم لانه غايب من اكثر من 15 يوم
كان مستعد لأي سؤال بيجيه ويتمنى الليلة تعدي على خير

الجدة شهقت : سييف !!!! والله اني ماعرفتك الا يوم قربت لي وراك ناحف ؟؟؟
سيف ابتسم وبمراره : هااه كيف صار جسمي رياضي مره ؟

وجدان كانت تشوفه مو سيف ابد اللي تعرفه كان وجهه غير غير وجسمه هلكان ومهدوود

ام ماجد : سيف قلبي فيك شي ؟
سيف توتر : لااا مافيني شي وش فيكم انتم
ام ماجد : الا متغيير والله ,, وقلبي مو مرتاح ابد
لطيفة كانت تشوف نفسهم بس ماحبت تتكلم او تضغط عليه وبمرح : الزين زيين والله
سيف : ياعمري خالتي
لطيفة : تعال علمنا بس وش سويت بالمؤتمر عساك بيضت وجه ال.... كلهم ؟
سيف ضحك : انتي ودك اني معلمهم اني كرفتك صح ؟
لطيفة : هههههههههههههههه اي والله قاعده اطبع لك اوراقك يومين ورى بعض
سيف : عاد تخيلي ما احتجت الاوراق كلها كنت اتوقع بنجلس 10 ايام كل يوم نحضر بس قالو يومين وخلاص

استوعب سيف انه جاب العيد بنفسه وسكت
الجدة باستغراب : عبدالعزيز يقول انك مارجعت عشان المؤتمر مستمر لين 20 رمضان
سيف توهق وبكذب : ايه هم قالو لنا انه ل20 وانا ضبطت حجوزاتي على هالاساس ولما خلصنا قالو اقعدو يمكن يصير شي ثاني

محد صدق بس مشو الموضوع له
الجدة : اجل شكلك اعرست على اماراتيه وماتبي تعلمنا
سيف : تبين الصدق ؟ .. ايه
ام ماجد شهقت : ماتسويها ياسيف
سيف : امززح والله لا تصدقيين هههههههههههههههههه


عند الهنوف ووجدان كانو يتكلمون بصوت واطي

الهنوف : مره تغيررر تتوقعين فيه شي ولا دايت ؟
وجدان بقلق : وش دايت تستهبلين ؟ ماكان يحتاج اصلآ .. لا لا احس فيه شي !
الهنوف : لا تتفاولين على ولد الناس انتي
وجدان : مدري خلاص اسكتي لحد يسمعنا ..

كملت فنجالها وهي تشوف سيف يلف عليهم

سيف بنظره اول مره تشوفها : شخبارك وجدان
وجدان : الحمدلله بخير انت شخبارك
سيف : الحمدلله بخير ( ولف على الهنوف ) والهنووف اخبارها ؟
الهنوف ابتسمت : الحمدلله بخيير ابن عمتي
سيف ضحك : واضح مأثر عليك باب الحارة
الهنوف : مررة هههههههههههههههههه
سيف : ياصبرك عليهم والله للحين تتابعينه !
الهنوف : اي والله احببهم شسوي احسهم شي اساسي في روتيني الرمضاني

سيف ضحك عليها واستأذن وقام للملحق عند العيال




-
من بكرة
الظهر ام محمد تقرا قرآن بالصالة دخل عندها خالد وجلس

ام محمد تدعي له : يالله ارزق ولدي المره الصالحة اللي تسعده
خالد : المره الصالحه بتزوجها بعد العيد ان شاءالله
ام محمد : والله زين ماخترت وانا امك
خالد ابتسم : يمه سولفي لي عنها
ام محمد رمته بعلبه المنديل : ماتمل انت ؟
خالد ضحك وهو يمسك المنديل : ليه العنف يمه ليييه ؟ والله احب اسمع عنها
ام محمد : على الطاري ماقلت لك
خالد بلهفه : وشووو
ام محمد : وافقو اهلها اننا نحط بين الملكه والزواج اسبوع بس
خالد بفررحة : يسسسسس
ام محمد : قلت لهم وليدي تعبان من الشفقه على بنتكم وقالو يالله رحمناه
خالد : هههههههههههههههههههههههه ليتهم راحميني اكثر وحاطين بينها يوم واحد
ام محمد : عاد انت ماتستحي على وجهك
خالد : لا لا امزح والله طيب اكدتي عليهم وقت الملكه ؟
ام محمد : ايه ثالث العيد الملكه والزواج عقبها بأسبوع
خالد : اخخخ يعني بقى 20 يوم تقريبا
ام محمد : ايه ان شاءالله ,, وقررنا اننا نرجع الرياض 25 رمضان عشان تجهيزات الملكه والبنات مابعد سوو ولاشرو شي
خالد : يوووه ماتحسينه بدري ؟
ام محمد : والله ودي اتعيد هنا بس عاد الشكوى لله لاجل عين تكرم مدينه

ابتسم خالد لأمه وقام حب راسها وطلع وام محمد رجعت تقرا قرآنها

....
...
.....

بعد 3 ايام
اللكل رجع الرياض
والبنات كل يوم يروحون السوق يتجهزون للملكه والزواج مع بعض بما ان مابينها وقت


-

بعد العشاء في المملكة البنات جالسين يتقهوون بكوفي

جو ريما ووجدان يلهثون وجلسو

وجدان : ان مالقيت شوز يناسب فستاني ماراح احضر ملكة عمكم خلاص
ريوف ضحكت : انتي اللحين لقيتي شوز للزواج ولا لقيتي للملكة !
وجدان : تخيلي هذا اللي صار !!!!
الهنوف : يختي عائليه البسي اي شي عادي
وجدان : وشو عائلية انتي بعد ؟ يكفي ان خالاتها بيجون كذا ودي احرّهم والبس شي يجنن
ريوف : ههههههههههههههههه لييه !
وجدان : ماتتذكرين نظراتهم انتي يوم عزيمة ام تركي ؟ اكلووونا اكل
الهنوف : انا اكثر شي شايله همه لولوة ياناس والله اذا شفتها يجيني ضييقه
ريوف : لولوة اي وحدة !
الهنوف : اللي كانت لابسه فستان اورانج
ريما : اييه ييعع صاادقه والله وجهها مو مريح
الهنوف : اببد والله
ريما : انا اتذكر في ثنتين من بنات خالاتها حليلات مره
مشاعل : اييييه تقصدين الجوهرة وافنان صح ؟
ريما : اتووقع بس ماشفتهم هالمرة !
وجدان : اييه ماجو بالعزيمه


....
...
....


في مكان ثاني
كوفي ....
الساعة 12 وثلث

ناصر جالس على الكرسي تعباان
باقي على اغلاق المحل 10 دقايق تقريبآ

كل العمال تجهزو بينهون اخر قهوتين

دخلو بنتين بكل هدوء ولافين على بعض يسولفون ويضحكون

كانت مو كل الانوار مفتوحه بالمحل استغربت افنان من الاضاءه

وكان جنبها عبدالملك لفت تسأله : لو سمحت وش فيها الاضاءة كذا ؟
عبدالملك : لان باقي على اغلاق الكوفي 10 دقايق
شادن ( صديقة افنان ) طقتها : ياسخيفة جايبتنا هنا بالاخير بيسكر !
ناصر قام : لا زبايننا القديمين لهم معاملة خاصة امروني وش تبون ؟
افنان : لا خلاص نجيكم وقت ثاني
ناصر دخل عند الكاشير : لاوالله ان تطلبين واذا تبون تجلسون بعد تامرون امر

عبدالملك يناظره وفاتح عيونه يعني لااا وناصر ولا همه
افنان استحت : لا والله بس كنا نبي ناخذ قهوه تيك اوي
شادن بصوت واطي : والحلااا اطلبيه تيك اوي بعد
افنان لفت عليها وبصوت واطي : خلاص يابزر
ناصر وهو يلف على شادن : وانتي اختي سمي وش تبين ؟
شادن : لا شكرآ مابي شي
ناصر : اي حلا ؟
افنان تغمض عيونها وهي تدعي من كل قلبها على شادن : لا والله مانبي حلا بس ابي قهوة
ناصر ابتسم : خلاص من عيوني اجلسو بس شوي ويجيكم
افنان : تيك اوي
ناصر : لييه ماتتفضلون شوي
افنان : لا مستعجلين
ناصر بضحكه خفيفة : اهااا طيب

راح يسوي القهوة
وشادن تناظر افنان بنظرة ( وش يبي هذا ) وافنان مو مركزه معها من الاحراج

ناصر يمدها لأفنان : تفضلي واتمنى تكررين الزيارة
افنان ابتسمت مجاملة واخذت القهوة : شكرآ

وسحبت شادن وطلعت

افنان بعد ماركبت السيارة وهي تسكر الباب بقوه : يمه يممممه ذا مايطلع من المحل ؟ ماعنده اشغال ؟؟
شادن : امانه ماخقيتي وهو يقول من عيوني ؟ انا احس اني سحت خلاص
افنان : وخررري بس انتي وياه اخرررر مرة اروح هناا كل مارحت صار موقف يفشل المفروض يحطون صورتي ويقولون ممنوع الدخول
شادن : ههههههههههههههههههههههههههه عاد احسه مبسوط علييك
افنان : ميييين تقصدين ؟
شادن : ذا ناصر
افنان : لاحبيبتي مضطر يتبسم بوجيه الزباين كلهم عشان يمشي سوقه ولا مو حب فيني
شادن : بس والله اللي احسه حاقد اللي كلمتيه اول واحد
افنان : اييه عبدالملك
شادن وهي رافعه حاجبها : ماشاءالله بعد عبدالملك ! عرفتيهم كلهم !
افنان : هم اثنين السعوديين اكيد بعرف اسمائهم
شادن وهي تشرب من كوبها : بس والله يستاهل حلووه قهوتهم
افنان : اي مررة جميلة


-
من بكرة
بعد المغرب في بيت ابوماجد

سيف كان ياكل علاجه بغرفته
كان علاج صداع بس اقوى من المعروف ومعه علاج ثاني يخفف الاعراض صرفه له الدكتور
ويحاول يخبيه عن اهله مايبي احد يعرف ولا شي
ماكان عارف كيف يفاتحهم بالموضوع واساسا مو عارف كيف يقنع نفسه فيه
مايبي يخرب اجازتهم و خصوصآ ان زواج خالد قريب

كان وده يسوي العملية بدون محد يدري لكن عارف ان محد راح يسامحه لا امه ولا ابوه ولاحتى خواله ولا اعمامه
بالذات لو صار فيه شي
الدكتور قال له لاتفكر كثير واشغل نفسك باي شي اول مايبدا مخك بالتفكير بهالموضوع بالذات لان التفكير ماراح يزيدك الا هم ومرض

قام دخل علاجاته بالدرج ووقف وطلع من غرفته متجه لغرفة ريناد

اللي اول مافتح الباب عليها تعدلت بجلستها وسكرت اللي بجوالها بسرعة
ركز بس ماا اعطى الموضوع اهمية

سيف : ويين الناس ياحلوة مانشووفك ابد
ريناد بأبتسامة : والله موجوده بس انت اللي مانشوفك
سيف : لا حبيبتي لا تحطينها فيني
ريناد : لا والله هههههههههههه بس نومي مو نفس نومكم ودايم صاحبتي عندي
سيف : ليان ؟
ريناد : ايييه
سيف : متى رجعو للسعودية
ريناد : راجعين قبلنا بشهرين تقريبآ
سيف : ماشاءالله كويس خلصت جامعة ؟
ريناد : اييه اصلآ اهلها كانو مخلصين لكن ينتظرونها كان اخر كورس لها
سيف : ....


...
....
...


بنفس الوقت
في بيت الجدة
ماكان عندها الا ريوف وهيفاء الباقي كلهم تفرقو بالاسواق

الجدة : هيفاء وين اختك ماشفتها زين ابد
هيفاء : والله مسكينه من محل لمحل
ام محمد : مابعد خلصت تأثيث
هيفاء : لااا وين تووهم ( ولفت على ريوف ) تراها مرسله لي تقول تعالي انتي واللي عندك بتشاورنا في شي
ريوف : فيصل مو معها ؟؟
هيفاء ضحكت : لا ماتشوفينها لجأت لنا
ريوف : هههههههههههههههه يلا اجل عشان نطلع منها على السوق عند باقي البنات
هيفاء : تمام ,, يمه لطيفة تبين شي من السوق ؟
الجدة : لا الله يستر عليكم


قامو البنات
بعد 5 دقايق عند الباب

ريوف كانت لحالها تنتظر هيفاء اللي كانت داخل تغير ملابسها
وكانت تتصل على السواق ويعطيها مشغول

دخل ماجد بهاللحظة يناظرها بأستغراب : على ويين ؟
ريوف بتوتر : بروح للسوق والزفت السواق مايرد علي
ماجد : اتوقع انه مع ابوي
ريوف شهقت : بالقصيم ؟؟
ماجد : ايييه
ريوف بعصبية : ياربيييه طيب انا وش اسوي اللحين
ماجد : والله ودي اوديك بس اني تعبان وجاي اسلم على جدتي وبروح انام

بهاللحظه طلعت هيفاء وهي منزله راسها تقفل ازرار عبايتها وبصوت عالي : اكلت احلى تهزيئة من جدتك بسبب الاغنية اللي رقصت عليها امس الليل
ريوف : ههههههههههههههههههههه ليييه توها تتذكر
هيفاء طقت راسها : غبية انا شغلتها عندها وانا البس عبايتي ( وبهاللحظة رفعت راسها وشافت ماجد وسكتت )
ماجد ابتسم وجا بباله شكلها وهي ترقص : ماشاءالله اغاني ورقص حتى برمضان والعشر الاواخر بعد ؟

هيفاء نزلت راسها وهي فيها الضحكة ومتفشله بنفس الوقت

ماجد وهو مبتسم اخذ نفس عمييق : تبوني اوديكم ؟
هيفاء : ليييه وين السواق ؟؟
ماجد لف عليها : مو بالرياض
ريوف رفعت حواجبها : اتذكر انك تعبان انت !
ماجد : الصراحة تعبان بس مايهون علي اخليكم
هيفاء : لا لا خلاص بكلم عزيز عادي
ماجد : العيال كلهم بالاستراحة مشغولين
هيفاء : وسلمان معهم ؟
ريوف : اقول يلا بس بيأذن الفجر وانتم تتعازمون
ماجد ضحك : يالله


....
..
....

الساعة 1 ونص

البنات كلهم في بيت ابو تركي
رهف عازمتهم يتسحرون عندها

رهف وهي تجلس : ياحي الله من جاناااا لطووف تو مانور بيتنا
لطيفة ابتسمت : الله يحييك ياقلبي
وجدان : لطوف بس اللي نور فيها البيت ؟
مشاعل : ايه طاح كرتنا اللحين خلاص
هيفاء : اي والله لناا الله
رهف : هههههههههههههههه والله ماقصد بس يعني هي اول مرة تجي بيتنا بعزيمه مو رسمية
لطيفة : ياربييه يالغيره
ريوف : والله بعذرنا رهف كانت تشيلنا بعيونها واليوم ساحبه علينا مرره
رهف : يممه منكم يالكذابين بس رحبت فيها وماعطيتوني فرصه اكمل
الهنوف : اذا هذا اولها ينعاف تاليها
رهف : لطيفة لو سمحتي تفاهمي مع بنات اخوانك خلاص معد اقدر ارد عليهم
وجدان : الله يستر بعد لا تقلطين لطيفة على السحور وتخلينا
رهف : هههههههههههههههههههههههه ياربيه وش هالدراما ؟؟
الهنوف : صادقه وجدان والله
رهف : اقول بس وحدة منكم تجي معي تشيل امي ماخذه الشغالة
وجدان : بعددد ؟ جايبتنا شغالات عندك ؟
رهف : وعشان تزعلين اكثر ابي اي وحده منكم الا لطووف
وجدان : ماراح اقوم معك ياناكرة المعروف
ريما قامت : بتتحسف رهف انها عزمتكم
رهف : والله من جد اصلا خلاص تحسفت
ريما مسكت يدها : تعالييي انا اشيل معك واشيلك كلك
رهف : والله مايبرد القلب االا انتي ولطيفة ياعمري بس

طلعت رهف وهي تضحك وتسمع هواش البنات وراها


.......

وهم على طاولة الطعام

لطيفة وهي تنزل كاس المويه : اللحين من جدك وعد مستحية ؟
رهف : تدرين يوم درت انكم بتتسحرون هنا راحت مع امي لخالتي
وجدان شهقت : والله بذبحها اختك خير
رهف : والله تعبت وانا اقول لها تقول لا مايصلح يشووفوني اللحين
مشاعل : اففف وعد سوت اللي ماقدرت اسويه انا ههههههههههههههه
الهنوف تضحك : عاد حرام عمي جامعنا بقروب مسميه وعد ويقول اوصفو لي شكلها
رهف : هههههههههههههههههههههههه ياعمرري
ريوف : ياربيه من يصدق ان خالي خالد بيتزوج لا ومن بيتزوج وعد !!!!
لطيفة مستغربة : لييه طيب ماتصدقين !
ريوف ضحكت : انتي ماتدرين عن شي
لطيفة بحماس : وشووو
ريوف : تدرين ان وعد كانت تشتغل عنده ويكرهوون بعض كرره العالمين
لطيفة شهقت : امااااانه ليه ماعلمني خويلد من قبل
الهنوف : لاااا وبعد تخيلي مادرت ان عمنا هو نفسه مديرها الا يوم سافرنا مع بعض لدبي
لطيفة : ههههههههههههههههههههه امانه وش شعورها يوم شافته
وجدان : اصلا حتى طريقة معرفتها انه عمنا تضحك
رهف تهف على وجهها عشان تخف حرارة دموع الضحك : هههههههههههههههههههههههههههههه انتي تخيلي يوم رحنا دبي كانت وعد ماجت عشانه مارضى يعطيها اجازه وانا بكل قواة وجه قدام خالد والبنات اقول مديررها الكلب خالد مارضى يعطيها اجازة
لطيفة : ههههههههههههههههههههههههههههههه اماانه وش سواا خالد ؟
رهف وهي تقلد صوته : قال معاك الكلب شخصيآ
وجدان : ههههههههههههههههههههههه انا اتوقع حتى اذا فقدت الذاكرة ماراح انسى وجه رهف يوم استوعبت انهم نفس الشخص
لطيفة : اهاا عشان كذا ذاك اليوم الهنوف تقول لخالد اذا ابي احد يحبني اسميه الكلب
وجدان : اييه تخيلي والله كانت تكرهه مرره مررره
لطيفة وهي تضحك : يمممه والله عجزت استوعب ان هذي بدايتهم متوقعه انه شافها واعجبته بس
رهف : ياحليلك وعد لين قبل الخطبه بااسبوع وهي تسبه كل ماجاء طاريه بس سبحان الله يبدل من حال الى حال
لطيفة تعدل جلستها بحماس : عاد تدرون اذا شفتو بنت تسب واحد كثير اعرفو انها طايحه على وجهها
ريناد : اممم احس مو شرط ! يعني اللي تقول احبه ماتحبه ؟
لطيفة : لا ياحبيبتي انا اقصد اللي تسب بشكل مبالغ فيه غالبآ تكون تحبه لكن ترفض بالاعتراف بهالشي لنفسها لذلك تخفيه بالسب
هيفاء : صح والله اوافقك الرأي ميه بالميه
رهف حست الكلام يمسها من ناحية وجتها نفضه بسيطه وبسرعة قالت : لا ما احس كذااا يعني انا ما احب واحد من عيال خالتي ودايم اسبه هل معناته اني احبه من داخلي ؟
لطيفة : لا ياقلبي يوضح رهف مرة يوضح وصدقيني لو تكلمتي اللحين قدامي وقلتي عن مشاعرك اقدر اعرف هل انتي صادقة فيها ولا لا
رهف : بسم الله هذا يعتبر علم نفس ولا سحر ؟
لطيفة : ههههههههههههههههههههههههههههه انا فوزية الدريع عند صديقاتي عشان كذا عارفه الوضع كامل
الهنوف : عاد ما احس فيه شي اسمه حب الا بالافلام والمسلسلات مافيه شي حقيقي وواقعي
مشاعل : لا هنوف حرام عليك والله فيه
الهنوف : المتزوجين الجدد لا يردون لان انتم بلحظة تخدير اصبري سنة وتطلع الشخصيات الحقيقية وقتها اسمح لك تردين
ريوف : اممم احس اني اوافق الهنوف بالفكرة
ريناد : لا انتم مرره اوفر
وجدان تسندت : معقولة هنوف هذي فكرتك ؟ يعني احس اللي يقول كذا عايش علاقة سيئة خلته يقتنع بهالكلام
الهنوف : لا الحمدلله لكن جد يعني فكري بعقلك وش الحب ؟
لطيفة : الحب كلمة اعمق من علاقة بين شخصين بس ! الحب هو حب اهلك حب اللي حولك
الهنوف : اوكي هذي حنا متفقين فيها عادي احب اهلي واخواني وكذا بس انا اتكلم عن العلاقة اللي بين مرأه ورجل
هيفاء : بالعكس فيه وكثير نماذج نشوفها وحب حقيقي ممكن بعدين يكونون واصلين مرحلة انهم مايعترفون لبعض كل شوي لكن افعالهم تبين هالشي .. يعني مثلآ المتزوجين اللحين بالذات اللي تزوجو عن حب على كلامك انتي انه بعد سنة خلاص يصير بينهم مشاكل صح ؟
الهنوف : ايوه
هيفاء : هو اكيد مستحيل العلاقة تكون عسل طول العمر ,, نفسها نفس مع اهلك واخوانك اقدر احلف انك تفدينهم بروحك رغم انك كل يوم تقريبا تتهاوشين معهم ! .. كذا يصير بين الزوجين بعد و احيانآ المشاكل تزيد الحب بينهم بالتضحية وبرضو العيال يزيدون الحب والالفه بينهم .... صح ممكن يتركون كلمات الحب من اول سنة لكن افعالهم توضح هالشي
الهنوف بتفكير : مادري الفكرة نفسها احس مو مقتنعه فيها يعني ممكن احب الشخص لاني عشت معه وشفت اشياء حلوة لكن احس مايستمر هالشي ممكن بعدين يتحول لروتين او بس عشان تستمر حياتي ابدا امثل فيه !
رهف : لاا الهنوف احس مرررة غلط فكرتك
الهنوف : مادري ممكن فكرتي غلط لكن احس كذا
لطيفة : صدقيني الهنوف اذا لقيتي الشخص اللي يفز قلبك له بتغيرين كلااامك كله
الهنوف : ممكن والله ليش لا
وجدان : يووه ما اتخيل الهنوف تحب احس شي يضحك
الهنوف رمت عليها المخده : خير وش يضحك هههههههههههههههه !
وجدان : صدق يعني انتي جديه بزيادة
ريوف : احس هنوف مشاعرها كلها حاطتها بالاطفال بس
الهنوف : ايييه هم زينة الحياة والله
لطيفة : اشووف حلا متعلقه فيك مرة
وجدان : متعلقه بس ؟؟ اقولك بدينا نطلع لحالنا بدون مانعلمها عشان ماتجيبها معها
مشاعل : ههههههههههههههههههههههههههه من جد
الهنوف شهقت : والله ماجيبها دايم معي
رهف : انتم صايرين حساسين من يوم جيتوني وش سالفتكم
ريما : لاااحظت والله
الهنوف : اخخ الحمدلله شبعت مو من الاكل من كلامكم اللي يغث
رهف : ههههههههههههههه لا امانه ما اكلتي شي
الهنوف ضحكت : لا والله اكلت الحمدلله
لطيفة : اكرمك الله رهف عمري والله ماقصرتي نردها لك بالافراح
رهف : لا حبيبتي مابيكم تردونها لي بالافراح ردوها لي بكرة
وجدان : ههههههههههههههههه تعالي بكرة محد ماسكك
الهنوف : انتي تتغلين ااذا قلنا لك تعالي بيت جدتي تقعدين تصرفين
رهف : اييه طبعآ لازم تلزمون علي وكذا
لطيفة : والله جد رهوفه تعالي بكرة تسحري عندنا وجيبي وعد معك غصب
رهف : ههههههههههههه اللحين مارضت تطلع لكم وانتم عندنا تبينها تجيكم ؟؟


خلصو البنات سحورهم وراحو للملحق

رهف وهي تنزل جوالها : افنااان بتجي
وجدان بفرحه : اخييرآ من زمان عنها والله
الهنوف : ماتستحين انتي توك تعزمينها يوم خلصنا سحور ؟
رهف : والله قايله لها من بدري بس تقول بتسحر مع طلول ويمكن اجيكم
لطيفة : يوه فشيلة احس اني ماكشخت
رهف رفعت حواجبها : كل ذا وماكشختي ؟؟ اخخ بس منك
مشاعل : هههههههههههههههه والله ماشاءالله عمتي تحلي اي لبس يعني لبسها هذا لو تلبسينه انتي يارهف بيطلع مخيس عليك
رهف بصدمة : انااا ؟؟؟
لطيفة : ههههههههههههههههههههههه لا حرام عليك مشاعل
مشاعل : امزح والله ههههههههههههه بس يعني ابي امدح عمتي الحلوه وجبت العيد شوي
وجدان : لا تلومينها رهف فيصل مطير عقلهاا
رهف : انا ودي اطلعها من بيتنا بدون يد او رجل بس الخوف كله من فيصل والله

فجأه رن جوال مشاعل
مشاعل وهي ترد : الطييب عند ذكره ,, ههههههه ايه حاشين فيك شوي ,, رهف تقول ودي اقطع مشاعل مليون قطعة
رهف شهقت وبصوت واطي : بدت تتمسكن
البنات ميتين ضحك ومشاعل مكمله ولا عليها منهم : هههههههههههههههههه ايه تكفى عليك فيها ,, بتجي تاخذني ؟ ,, خلاص قلبي شوي بس ربع ساعه وتعال ,, اوووكي يلا قلبي بسكر ,, ( وبأبتسامة ) واانا بعد

سكرت والبنات يصفرون ومشاعل مستحية
لطيفة : ياعمررري يالرومانسية
رهف : ياسخيفة ليه تقولين له يجيك بعد ربع ساعة ؟
مشاعل : والله من الساعة 1 وانا اقول له اصبر شوي
رهف : بسمح لك هالمرة بس عشانكم معاريس جدد
هيفاء : بنات امانه كيف تسولفون عقب التخمه ؟
ريوف : هههههههههههههههههههههههه اشوفك مامسكتي جوالك حتى واضح التخمه عامله عمايلها معك
رهف : عاد معليش فيه حلا لازم تاكلووونه
وجدان : لا حرام علييك عاد والله شبعانيين
رهف : والله ماكنت بحط ترى بس افنان تقول جايبه معها
ريوف : اتوقع بيأذن الفجر وافنان ماجت
رهف : لا تو مرسله لي انها قريب من البيت

....
...
....

في بيت ابومحمد
العيال خلصو سحور وجلسو بالملحق

سعود توه داخل عليهم يمسح يده : وين شغالة جدتي ؟ بعقد معها صفقة
خالد : وش صفقته ؟
سعود : تسوي لي كل يوم نفس نفس هالاكل وامشي لها راتب اكثر من راتبها اللحين
سلمان : ان سمعتك جدتي بنفطر عليك بكرة
سعود بضحكة : لييه
سلمان : تمووووت فيها
عبدالعزيز : ماتنلام والله طبخها يجننن ماينشبع منه
سعود : ماشوفك سمنت عاد من طبخها بالعكس ناحف مرة
خالد : هو وسيف شكلهم متفقين يسوون دايت من ورانا
سيف ابتسم : بس امانة مو لايق ؟
سعود : اخوي كل شي زين عليه اما عزيز على حسب
عبدالعزيز وهو يتثاوب : احمد ربك اني دايخ ولا كان قمت عليك
خالد : متأكدين سيتي ماحطت منوم بالاكل ؟
عبدالعزيز : الا والله اتوقع حاطه شي شف دحوم ماصحى الا الساعة 12 ومن يوم تسحر وهو راجع ينام

...
..
...

في بيت ابو تركي
البنات جالسين يتقهوون

وجدان وهي تشوف علبة الحلا اللي معها : اووه افنااان هذا من كوفي .... !
افنان : ايييه
الهنوف بتفكير : مو هذا اللي يقول لنا عنه عمي خالد حق خويهم
وجدان : ايييه هو حق ناصر اتوقع
افنان : تعرفووون صااحبه ؟
وجدان : ايييه صديق عمي خالد والعيال

افنان ناظرت رهف بنظرة رهف فهمتها بس تجاهلتها و لفت بسرعة عنها

وجدان : الا اقووول رهف
رهف لفت عليها : هلا
وجدان : ماطلعتي نتايجك
رهف بحزن : لا تضيقين صدري تكفين
ريوف : اي والله رهف وش اخبار نتيجتك
الهنوف : انا مارتحت لهالنظرة
رهف : والله ماكان عندي نيه اشوفها لين تخلص الاجازه لكن غصبني تركي
لطيفة : بشري !
رهف بضحكة قهر : ابشركم توأم ههههههههههه
مشاعل بحزن : اماااا
رهف : اي والله
وجدان : النقد صح ؟
رهف : اي والرواية الحديثة
وجدان : ايه انا اخذت في الرواية b كان صعب شوي الاختبار
رهف : انا ماذاكرت زين اساسا ( وبمحاولة تغيير للموضوع ) خلاص فكونا من هالسيرة
افنان : من جد والله حنا اجازة تكفون خلاص
رهف طقت راسها : يوووه نسيت اجيب الكاسترد
لطيفة : خلاص رهف حرام عليك والله شبعناااا
رهف : لا بليييز بنات تكفون اخر شي
ريناد : شكل رهف تبي تخرب اجسامنا على وقت زواج خالي ووعد وتصير هي السمبتيك بس
رهف : ههههههههههه لا شدعوى عاد انا باكل بعد حتى اذا خربت اجسامكم انا بكون معاكم
لطيفة : ياعمري والله كلفتي نفسك
رهف : لا والله لا كلافة ولا شي
افنان : الكاسترد مسويته خالتي ؟
رهف : ايييه ههههههههههههه ( ولفت عليهم ) اللي شبعانه تعطي افنان صحنها بتاكله كله
افنان طقتها : وجع ههههههههههههههههههه يالله بقوم اجيبه معك
رهف : يلااا


طلعو افنان ورهف للمطبخ
افنان اول مادخلت جلست على الطاولة ورهف مشغولة تطلع الكاسترد من الثلاجة

افنان وهي رافعه حاجبها وبهدووء : اجل شبيه عبدالعزيز صار هو عبدالعزيز
رهف كان بيطيح الصحن من يدها ومسكته بسرعة وهي تشوف افنان بربكه : وش من شبيه عبدالعزيز ؟
افنان : اللي شفناه ذاك اليوم !
رهف : وين شفناه ؟
افنان : رهف بلا استهبال ترى ملاحظة حركاتك ذاك اليوم والله بس سكتت ودارية ان فيه شي بينك وبين عبدالعزيز بس ساكتة انتظرك تتكلمين من نفسك
رهف : مافيه شي يا افنان هو مجرد شخص اضفته فترة وحذفته وانتهت علاقتنا من بعد دبي
افنان تأشر على كتفها : اقص يدي من هنا اذا كانت منتهيه ,, واقص رقبتي اذا كان هو مو سبب نفسيتك الزفت اللي ايام الاختبارات
رهف تذكرت كل اللي صار وتغير وجهها : خلاص افنان ممكن تقفلين الموضوع !
افنان مسكت رهف من اكتافها : تحبينه صح ؟؟؟
رهف وهي تسحب يد افنان : لا ما احبه
افنان : احلفي بربي اللحييين ان مابينك وبينه شي
رهف تنهدت : الا بيننا اشياء مو شي وخلاص مابي اتكلم عن الموضوع هذا خلينا نطلع للبنات
افنان : طيب..


ما يدرون ان فيه شخص ثاني سمع حوارهم كامل
كان على راسها اكبر علامة استفهام ! واول ماحست انهم بيطلعون راحت بسرعه جهة دورة المياة


مرو من عندها افنان ورهف

رهف : تعالي رنود ذوقي الكاسترد
ريناد بأبتسامة مجاملة : اي اوكي بس بغسل واجي

طلعو البنات للملحق
وريناد مسكت جوالها وعلى طول اتصلت على صديقتها ليان

ريناد : ليان عرفت مين اللي ماخذه عبدالعزيز مني !
ليان : شوي شوي .. مييين ؟؟؟؟
ريناد : رهف ال.... بنت جيراننا
ليان بقرف : ويععععع ! لا يكون يحبها هو ؟؟؟
ريناد بقهر : مااادري بس اللي فهمته ان بينهم شي وكبير بعد
ليان : اممم طيب وش بتسوين ؟
ريناد : والله ما اسكت ,, عبدالعزيز لي اناا وبس
ليان : ....


......

في الملحق
عند البنات
رن جوال مشاعل وردت : هلا قلبي ,, عند الباب ؟ ,, خلاص اللحين بجيك

سكرت مشاعل وقامت تلبس عبايتها وطلعت معها رهف تودعها

عند الباب
رهف : امانه عاد المرة الجاية تجلسين لين بعد الفجر والله بذبحك مابعد شبعت منك
مشاعل : عشان يجلدني فيصل انا وياك

فيصل من ورا الباب : وش فيه فيصل

رهف ضحكت بصوت مكتوم
مشاعل : مافيه الا العافيية
فيصل : اللي معك رهف ؟
مشاعل : اييه
فيصل : افا يارهف جايب لك زوجتي ومأمنك عليها وتسوين فيها كذاا
رهف : شسويييت ؟
فيصل : بتقطعينها !!
رهف ضحكت : انا كنت امزح بس اللحين بقلب السالفة جد
فيصل : ههههههههههههههههه زين علمتيني عشان ماعاد اجيبها بيتكم ابد

.....



تعديل سحابٍ دنى ..; بتاريخ 12-06-2019 الساعة 06:45 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 212
قديم(ـة) 12-06-2019, 06:44 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


تابع البارت -35-


مرت الايام وانتهى رمضان

-
يوم العيد
الساعة 4 الفجر
اللكل كانو مجتمعين في بيت الجدة

كان عيدهم دايم بالمزرعه لكن هالمرة قررو انه يكون بالبيت
عشان يمديهم يكملون باقي مشاوير ملكة خالد ووعد اللي كانت بثالث العيد ..

كانو الحريم والرجال نايمين وبعض البنات بعد
باقي البنات كانو سهرانين بالملحق الخارجي

وجدان وهي تحط مناكير : ياخي ماستوعبت هالعيد احس كأنه كذب
مشاعل : ههههههههههههههههه صادقة والله عيد مو بالمزرعه مو عيد
هيفاء معصبة : انا بس ابي افهم من اللي مقترح عيد الصباح ذا ! متى بننام يعني !
وجدان : ام محمد الله يطول عمرها
هيفاء : ام محمد نايمة من 8 ماشاءالله وبتكرفنا من صباح ربي
ريوف : هههههههههههههههههه طيب ليه انتي معصبة روحي نامي !
هيفاء : المشكلة انا للحين على مود رمضان ,, مايجيني نوم الا الساعة 7
الهنوف : والله انتي مكبره الموضوع عادي بس انتظري ساعة وسلمي على اعمامي وكذا بعدين نامي


عند العيال الوضع كان غير كلهم نايمين باستثاء خالد
دخل عليهم وفتح الانوار وقعد يطق الباب

سيف قام منزعج وبصوت متحشرج : حرام عليك خالد توني نايم
خالد : اسف ياعين خالد انت والله بس ابوي قايل كل العيال يصحون عشان صلاة العيد
سيف : باقي ساعة تقريبآ على صلاة العيد بدري
خالد : ماتعرف عيال خوالك انت ؟ نص ساعة عشان يفتحون عيونهم بس

راح خالد يقوم باقي العيال وسيف راح دورة المياه

بعد ساعتين
رجعو من صلاة العيد وعايدو على بعض
كانت الاجواء جميله واللكل مستمتع وماتوقعو انه بيكون حلو العيد بالرياض كذا



-
يوم الاحد
اليوم المنتظر لخالد و لأمه ولكل العايلة


الملكة كانت في بيت ابو تركي
خالد ووعد قالو انهم يبونها تكون تكون صغيرة بس محد رضى وقررو تكون حفلة كبيرة بس بالبيت

كانت الحفلة في حديقتهم جنب المسبح
مجهزينها بأحلى التجهيزات ورذاذ المويه منتشر حوالين الجلسات وكان حجم الحديقة يساعد على الابداع


اتصل تركي على رهف وهي عند الحريم وردت عليه

رهف : هلا والله
تركي : هلا بك ,, وين وعد ليش مقفله جوالها ؟
رهف : هههههههههههههههه طبعآ عروس اكيد بتقفل جوالها
تركي : طيب خليها تجي توقع
رهف بحمااس : صدددق
تركي : ايه صدق وش فيك بسم الله
رهف : اوكيي اللحيين جايين
تركي : وش تبين انتي
رهف : بشوف اختي وهي توقع وش ابي بعد
تركي : ههههههههههههه اوكي يالله بس بسرعه تعالو

راحت رهف لغرفة وعد بسرعة عشان تقولها .. و وعد كانت للحين تضبط الميك اب تبعها

رهف : اووه ماخلصتي انتي !
وعد : لا باقي البلاشر بس
رهف : احسن ليش تتفلسفين وتقولين انا بحط الميك اب بنفسي
وعد : بس انا داخله دورات واتعلم عشان ماحتاج ميك اب ارتست ماتفهم وش احب ووش ابي
رهف : طيب بسرعة تعالي تركي يقول خلي وعد تجي توقع
وعد خافت : اللحييين !
رهف : ايه اجل متى !
وعد : طيب دقيقه بس ( ولفت على رهف ) شكليي حلوو ؟؟
رهف : تهبلييين بس ترى العقد ماله عيون عشان يشوفك هههههههههههههههههه
وعد : ياسخفك يارهف تكفين مو وقت استهبال
رهف : خيير بسم الله شفيك والله اني صادقه ماله عيون
وعد : بس خالد له عيون
رهف تغمز : خالد مو اللحين بيشوفك
وعد : ادري بس لازم انزل واطلالتي كامله
رهف : اقول امشي بسرعة لا يزعل الشيخ و يروح ولا يشوفك خالد اببد
وعد وهي تحط اخر لمساتها : هههههههههههههه يالله يالله

قامت وعد وراحو للمقلط اللي يفصل بين قسم الرجال وقسم الحريم

دخل ابوها وتركي ووقعت وعد
ابو تركي : مبروك وانا ابوك منه المال ومنك العيال
وعد بخجل وهي تبوس راسه : الله يبارك فيك

طلع ابوها للشيخ والرجال اللي بالمجلس

وعد تناظر تركي وعيونها مليانة دموع : يمه صرت حرمه اللحين ؟
تركي يبوس خدها : ايه صرتي حرم خالد ال.... رسميآ .. مبرووك ياقلبي
وعد : الله يبارك فييك يارب عقبالك
تركي لف على رهف اللي دموعها نزلت : وانا اقول وش هالهدوء المفاجئ

وعد لما لفت وشافتها دمعت عيونها وضمتها بقووه
تركي : بلا دراما انتي وياها ترى الحفلة للحين بااولها وخلو شي للزواج
رهف بصوت متحشرج : كيف بعيش بدونها والله بيتنا بيفضى
تركي سحبها لحضنه : وانا وين رحت
رهف ببراءه : تتهاوش معي كل يوم ؟؟
تركي : ههههههههههههههههههههه اتهاوش معك كل يوووم ولا يهمك

ضحكت وعد واستوعبت رهف انهم جابو العيد بوجيههم والميك اب خرب
وعد شهقت : مااطلعت عند الحريم للحين وخربتي الميك اب !!!
رهف : هههههههههههههههه حتى انا خررب
تركي يضمهم مع بعض : والله انكم جميلات بكل الحالات
رهف : هههههههههههههههههه بعيونك بس ياحبيبي لازم نروح نتعدل قبل مانطلع اختك ويشوفونها الحريم

راحو وعد ورهف للغرفة يعدلون الميك اب اللي خرب وبعدها طلعو للحريم

وعد لابسة فستان بيج طوييل ماسك على جسمها بقماش ناعم ومسوية ويفي بشعرها
شكلها جدآ ناعم بس صايرة جميييلة اكثر

رن جوال رهف وكان تركي يبي وعد

رهف مدت الجوال لوعد : تركي يبيك
وعد وهي تحط الجوال باذنها : هلا تركي
تركي : هلا .. تعالي المقلط عشان يجي يشوفك خالد
وعد بروعه وهي مقصره صوتها : لا لا قل له بالزواج تشوفها
تركي : ههههههههههههه بلا استهبال لو ماجيتي بيدخل هو عليك ترى
وعد : امانه تركي والله مايصلح خلاص الزواج بعد اسبوع ليه يشوفني اللحين !!!
تركي : لازم يلبسك الشبكه ويشوفك
وعد : طيب عطني الشبكة البسها انا مو لازم يشوفني
تركي : ان ماجيتي بجي انا اسحبك مع شعرك
وعد : اففف خلاص طيب بس تكفى خلك معي
تركي ضحك : ابشري ياقلبي بس تعالي انتي


ماكانو طالبين شوفه شرعية لذلك كانت اللهفة موجودة بالذات عند خالد اما وعد غالب عليها الخوف
راحت وعد للمقلط وكان تركي لحاله موجود

وعد برجفه : خلاص خلاص برجع
تركي عطاها نظرة ورفع حاجبه : خلاص اجل امسح توقيعك اللي قبل شوي وتجي اي بنت من اللي داخل وتوقع وتشوفه لان واضح انك ماتبينه و ماعندك نية زواج
وعد بسرعة : لااا خير ماقلت مابيه بس يعني مرتبكه شوي
تركي : ايووه اعقلي ههههههههههههههههههههههههههههه

دخل خالد اللي سمع نهاية حوارهم وهو مبتسم بقوه ووعد يوم شافته غطت وجهها وهي خانقتها العبره
تركي انسحب بهدوء

جا خالد ومسك يد وعد اللي كانت جالسة ووقفت معه بسرعة
وبأبتسامة أسرت قلب وعد : واخيرآ صرتي من نصيبي !

وعد نزلت راسها بحياء
خالد حط يده تحت ذقنها ورفع وجهها : لازم تخليني اشوف هالوجه الحلو ليين يسحبوني برا كفاية اني وافقت ان مافيه شوفه شرعية تبين تحرميني من شوفتك اللحين بعد ؟
وعد بصوت واطي مليان خجل : خلااص خالد
خالد ابتسم : عمررري اللي يستحون والله



-
بعد اسبوع مر بغمضة عين

بالنسبة للحريم والبنات كان كله بالسوق
وبالنسبة لخالد ووعد كل يوم مكالمات

*
اما عند سيف كان متعب جدآ المرض من جهة وانه مخبي على اهله واقرب الناس من جهة ثانية بس يحاول يتجاهل الموضوع قد مايقدر وده ينبسط باخر ايام قبل العملية بين اهله

*
و عبدالعزيز كان مشغل باله موضوع رهف ومكالمتها اللي سمعها ببيتهم في بداية رمضان ... كان فيه حقد دفين من زمان لانه مازال فيه جزء مقتنع ان اللي تضيفه بالسناب كل فترة هي رهف
بس كان مستغرب من ردة فعلها بعد الاسطبل مع انها هي اللي طالبه هالشي ! ماكان قادر يفهم اللي قاعد اللي يصير

*
اما ريناد كانت طول هالايام تقرر مع ليان صديقتها وش تسوي عشان تكسب قلب عبدالعزيز حتى لو غصب
والاهم الاهم بالنسبة لها انها تبعد رهف عنه وبعدها بيفضى لها كل شي ..



-
يوم الجمعة
كان بكره زواج الرجال وبعده زواج الحريم ..

العصر اللكل مجتمع في بيت الجدة
الحريم بالصالة يتقهوون والبنات بالملحق الخارجي
وملحق العيال ماكان فيه الا عبدالعزيز نايم والباقي كلهم طالعين

وريناد كالعادة مو مع البنات منسدحة بغرفة الضيوف وتكلم ليان

ريناد : والله لي اسبوع افكرر بطريقة ولقيت اشياء كثيرة بس ماحسيته بيصدقها
ليان : مثل وشووو ؟
ريناد : اممم يعني مثلا اوضح له ان فيه احد بقلب رهف
ليان : ياغبية طيب يمكن هي اللي تتلزق فيه مو هو !
ريناد : مستحيل ياليان مستحيل لان اللي تقرب لرهف تقول هو سبب نفسيتك الزفت ايام الاختبارات وبرضو عبدالعزيز كانت نفسيته زفت ذيك الفترة تتذكرين لما كلمته وصرفني ! كان مره معصب وحتى شكله متغيرر مرة اتوقع هي السبب !
ليان : يعني تتوقعين يحبها جد !
ريناد بغصة : ايه يحبها الله يااخذها .. لأن عبدالعزيز مستحيل يتغير عشان اييي اححد ! بس والله والله لاطلعها من قلبه غصب
ليان : وش بتسوين يعني ؟
ريناد : انا اعلمك اللحين ..........

....
...
....


بالملحق اللي يجتمعون فيه البنات
كانو كلهم موجودين يتقهوون ويسولفون

مشاعل وهي تاخذ الكب كيك : اتمنى ثقافة الزواجات الصغيرة تكون عند عايلتنا خلاص طفشنا من الزحمة والناس
وجدان : اي والله وش بيضرهم لو ماجا بكرة الاا احنا واهل وعد وخلاص
هيفاء : تبين امي لطيفة تنجلط ؟ مابقى احد مارسلت له كرت دعوة حتى ناس من برا الرياض
الهنوف : كل هذا بكوم وبنت خالة رهف بكوم ثاني
لطيفة : اي وحدة تقصدين ؟
الهنوف : لولوة
لطيفة تحاول تتذكر : ماعرفها للاسف
الهنوف : من حسن حظك
وجدان : هههههههههههههههههه الهنوف شفييك حاقدة عليها ؟ صرتي تنافسين رهف
الهنوف : لا والله مو حقد بس غثيثه مارتحت لها ابد
وجدان : ايه عاد جد هي مو مريحة حتى الجلسة معاها تحسين انها مو حابتك ابد



في المطبخ
ريناد دخلت تاخذ لها موية ولقت حلا مع الخدامة جالسة تأكلها

ريناد : حلا حبيبتي .. مين بالملحق عند العيال ؟
حلا : مافيه احد بس عزيز نايم

ريناد ابتسمت و طلعت للحوش عشان تروح للملحق عند البنات

كان عبدالعزيز توه صاحي وقاعد يكلم
سمعت صوته وجلست شوي تنتظر لين سكر بعدين رفعت جوالها كأنها تكلم

ريناد بصوت عالي : اكيد ريان مو قصده يزعلك ,,, لا رهف ( وشددت على الاسم ) صدقيني لو مايحبك ماسوى ولا شي عشانك ,, شوفي انتي انتظري و بعد مايخلص زواج وعد جربي اتصلي عليه ,, ان شاءالله بيرضى خلاص ياقلبي لا تبكين ,, انتي افرحي بزواج وعد وبكرا يحلها ربي ,, اذا مارضى سوي اللي يبيه ,, ايه دامك تحبينه وواثقه انه يحبك وبيتزووجك بعدها سوي اللي هو طلبه عادي ,, اوكي قلبي


سكرت وهي تسمع صوت كحه عبدالعزيز وتأكدت انه سمعها وراحت بسرعة داخل
ماستوعبت الكتمه اللي جت عبدالعزيز من سمع كلامها وعيونه اللي كانت تشتعل غضب وحقد



-
يوم السبت
في زواج الرجال
كانو جايبين فرقة سامري والاجواء كانت فخمه وجميلة جدآ

في بيت الجدة
كانو كلهم مجتمعين
و يتابعون الزواج من سنابات الشباب

جمانة : ياحظظهم اجوائهم تحمس والله
ريما : من جد ماانبي فنان نبي سامري
هيفاء : تتوقعون فيه فرقة سامري حريم ؟ و يمدينا نحجزهم بكره
الهنوف : ههههههههههههههههههه بنات شفيكم والله الفنان اللي بيجي بكره صوته طرب لا يغركم
هيفاء : عاد انا فيني طاقة رقص عجيبه احس ماراح يعطيني جوي ويطلعها الا حقين السامري

جلسو يكملون باقي السنابات بحماس

مشاعل فجأه شهقت وبحمااس : بنات تعالو تعالووو شوفو عزيز وش مصور

كل البنات اجتمعو على جوالها يشوفون الصورة

لطيفة وعيونها تدمع : ياعمررري اخوي والله مبسووط مره الله يتمم عليه
هيفاء : بصرااااحة الصورة هذي اسطوورية لازم تنطبع ونعلقها
مشاعل : اييه برسل لعزيز اللحين يحفظها لا تروح
وجدان : اووول مره اشوف صورة تجمع جدي واعمامي وعيالهم كلهم اخييييرآ

"كان عبدالعزيز مصور سيلفي مع خالد وجده واعمامه والعيال كلهم مجتمعين .. والفرحة واضحه عليهم مره"

الجدة : تعالي وريني الصورة يامشاعل

قامت مشاعل بسرعه عند جدتها توريها الصورة
وام محمد بدورها بكت وجلست تدعي له وتدعي للعيال الباقي ان الله يرزقهم وويوفقهم ويحفظهم


كانت اجوائهم بالبيت لا تقل متعة عن اللي في الزواج




-
يوم الاحد

الساعة 6
في سويت العروس
كان باقي اللمسات الاخيرة بس وكانت الهير ستايلست تركب الشرعة

ماكان عندها الا رهف وافنان

وعد : غريبة ماجو البنات
رهف : الا جو بس كلهم بالسويت الثاني
وعد شهقت : ليييش ماجو هنا ؟؟؟
رهف وهي تركب العدسات : يقولون مانبي نحرجها
افنان وهي تضحك : بعذرهم تنحاشين عن جمعاتهم من رمضان خافو يجونك وينطردون
وعد : ههههههههههههههههههههه اووف لهالدرجة انا نفسية
افنان : بس ترى احسن عاد عشان ترتاحين وانتي تتجهزين


........

اما عند البنات بالسويت الثاني كانو قاعدين يتقهوون

مشاعل سندت ظهرها ورا وانسدحت
ريوف وهي تشوفها : وجداااان
وجدان لفت متحمسه : هلا ؟؟
ريوف : شكلك بتصيريين عمة قريب
مشاعل شهقت : لااااا ويييين
وجدان ضحكت : الا تكفين ابي اشوف ولد اخوي
مشاعل : لا خيير توني بدري حبيبتي خليني انبسط اول سنتين بعدييين احمل
الهنوف : انتي بتنتظرين سنتين فيصل ماراح ينتظر حتى خمس شهور
مشاعل : الا حبيبتي حنا متفقين
لطيفة : ههههههههههههههههههه صادقة الهنوف ترى شوي ويبدا يحن يبي ولد
هيفاء : اخخ يجيني قشعريره من طاري الحمل والولادة ممكن تقفلون على الموضوع
الهنوف : وه بس احلى طاري والله
هيفاء بصدمة : الحممل ؟
الهنوف : لا يعني طاري الاطفال ,, بليز مشاااعل والله تعبت اصغر احد عندنا حلا ابي بزر جديد
مشاعل بضحكة : على حسااابي ؟
الهنوف : ههههههههههه وش اسوي انتي الوحيدة اللي تقدرين تحققين هالشي
مشاعل : لا خلاص انشبو لعمي خالد ووعد اللحين
الهنوف : افا عليييك بنشب لهم بس ماكنت ابي احرجهم وقت الملكة


كملو سواليف شوي ونزلو للقاعه عشان يستقبلون المعازيم
كانت القاعة والترتيبات كاملة متكاملة نفس ماكانو يتخيلون واحلى بعد


رهف والهنوف جالسين على طاولة
الهنوف : وش تبي منك ذيك
رهف عقدت حواجبها : من تقصدين ؟؟
الهنوف تأشر بعيونها : هذيك اللي لابسة فستان كحلي
رهف لفت تشوفها : اييه تسألني من انتي وكم عمرك وكذا ههههههههههههه
الهنوف تضحك : اسمعي اذا خطبتك لولدها لا توافقين
رهف : لييه تعرفينهم ؟
الهنوف : اييه من معارف جدتي بس والله ياهم ثقيلين ددم مرره .. بليز لا توافقين عشان ماقطع علاقتي فيك
رهف : وانتي من قالك اني ناوية اتزوج اللحين بعد ؟
الهنوف : مدري بس يعني اخاف اذا شفتي ولدها تتغير نظرتك وتوافقين
رهف : ههههههههههههههههه لييه !!
الهنوف : لانه يجنن مرره ولا بعد طياار تخيلي
رهف طقتها : ياكلبه من اليوم تنصحيني مااوافق عشانك حاطه عينك عليه !!
الهنوف : لا والله لاااا مافكرت فيه هههههههههههههههههه بس هم فعلا ثقيلين ددم
رهف : خلاص دام هالمواصفات في ولدهم نقدر نتصبر على اهله
الهنوف : بينكدون عليك عيشتك وانتي بكيفك
رهف ضحكت وقامت : قومي بس قومي نشيك على الاوضاع

قامت الهنوف معها وراحو لمكان العشاء يشيكون عليه

لولوة وحنين واسماء وسارة بنات خالات وعد ورهف كانو جالسين على طاولة

لولوة بحقد : شوفو فستان رهف كيف شكله عليها
سارة بصدق : حلو والله ولونه على لون بشرتها طالع يجنن
لولوة : تستهبلين انتي ؟ والله طالعة تحوم الكبد
اسماء اللي كانت ماسكة جوالها : رغم كامل كرهي لها بس والله حلو شكلها
لولوة : انتم ساحرتكم رهف ذي ؟؟
سارة : لا وش ساحرتنا بس جميلة البنت ليش الكذب
لولوة : ماعجبني شكلها صراحة

" كانت رهف لابسة فستان بين الاحمر والعنابي اطول من نص الساق بشوي موديله فرنسي بجيبون واكمام كت بفتحة v عميقة مع الظهر .. وكانت مسوية ويفي بشعرها وماسكته مسكة بسيطة مع ورى "

.....
...
....


عند رهف والهنوف اللي دخلو قاعة العشاء يشوفون الترتيبات
شافو الشمعدانات اللي على الطاولة ماكانت مولعه الشموع اللي وسطها

الهنوف بعصبية : يستهبلووون ذولي !! ررهف مامعك ولاعه ؟
رهف : هههههههههههههههه لا خيير وش يجيب الولاعه معي
الهنوف : وش هالوهقه المشكلة انهم راحو المفروض يكونون حاطين كبريت على الاقل هنا بعد شوي بيدخلون الناس يتعشون
رهف : اممممم دقييقه بكلم تركي بما انه هنا
الهنوف : ايه تكفين بسرعه

اتصلت رهف على تركي وقالت له يجي مع باب قاعة العشاء
بعد 5 دقايق دخلت الهنوف عند المغاسل اللي عند العشاء لين يطلع تركي

تركي يمد لرهف الولاعه : يالله خذي بس لا تحرقينا
رهف : ههههههههههههه اسكت بس حسبي الله عليهم وهقونا المفروض هم مولعينها وخلاص
تركي يفتح واحد من السخانات : والله جوعان
رهف : لا تركي لا تخرررب شي تكفى
تركي ياخذ من المشاوي : اقولك جوعان معليش النعمة كثيرة الحمدلله ماراح يضرهم اذا اكلت قطعه

رهف كانت مشغوله تولع الشموع مانتبهت له يوم راح عند المغاسل عشان يغسل يدينه

اول مادخل شافها على جنب واقفه ومقربه وجهها للمراية مرره وكأنها تعدل شي بوجهها

الهنوف لفت : رهف شوفي رموش.....

انصدمت لما شافته ووقفت ترمش بسرعة والقت نظرة سريعة على لبسها
" كانت لابسة فستان لونه بينك فاااتح قريب للبيج طوييل وبكسرات نااعمه وصغيررة و اكمام كت وفتحة x من الظهر
مع تعليقة الماس فخمة وحلق كبير شوي وشعرها الاسووود كان ستريت ومرجعته كله ورى "

تركي قلبه يدق بسرعه جنونيه .. ماقدر ينزل عيونه عنها كان شكلها ملفت مع الروج الاحمر اللي حاطته

الهنوف ضمت يدها لصدرها بسرعه : لا تشوووف
تركي صد بسرعه : اسف والله بس كنت احسب مافيه احد

لحظة صمممت وهدووء

الهنوف بنفسها : هذا وش فيه واقف للحيين بعد

تركي استوعب وطلع بسرعه وهو يضحك وراح عند رهف

تركي : انتي ليش ماتقولين لي ان فيه احد عند المغاسل !!
رهف وهي مشغوله تولع الشموع : ليه من فيه ؟
تركي : الهنوف

الهنوف كانت تسمعهم ورفعت حواجبها مصدومه : بسسم الله شدراه اني الهنوف !

رهف شهقت : لا يكووون دخلت عليها !!
تركي : ايه دخلت
رهف : هههههههههههههههههههههههه ياويليي بتذبحني
تركي وهو يضحك : لييه وحش اللي داخل عندها !
رهف : اطلع بس ياوحش لا يجي احد ثاني بعد وتفضحنا

طلع تركي من هنا وهو يضحك و الهنوف طلعت من هنا معصبه
رهف كاتمة ضحكتها : والله اسفه الهنوف بس كنت اولع الشموع مادريت انه بيدخل
الهنوف بصوت عالي : ياشييييخه !!
رهف بصدق : والله والله العظييم اني مادريت عنه

استلمت رهف احلى تهزيئ منها وبعدها تصالحو وطلعو للقاعة


......

وقت الزفة
كانت ديكورات القاعه غالبة عليها الفخاامة الذهبييه
انفتح الباب وطلعت وعد باطلالة ملكيية جمييلة

" فستان اوف شولدر بذيل طوويييل جدآ جدآ ومسوية ويفي بشعرها ومع تاج الماس صغير وناعم و شرعة باطراف دانتيل اعطت الاطلالة فخامة اكثر ومكياجها كان ملفت جدآ رغم نعومته , مسكتها كانت عبارة عن اوركيد ابيض متدلي مع ورد جوري بلون بينك فاتح "

مشت بهدوء وثقة على زفة خاصة
طالعة اطلاتها مبهرررة وجمييلة مع ديكور الحفلة و الاضاءة الخفيفة الفخمه اللي عاكسة على تاجها وشبكتها

كانو كل الحاضرين يذكرون الله ويسمون عليها ..

وصلت الكوشة اللي كانت مزينه بحرفها وحرف خالد بلون ذهبي و متدخلة بشكل جمييل ..
جو اللكل يسلمون عليها ويصورون معها ..


كان زواج الرجاجيل قبلها بيوم بس جاء خالد عشان يصور معها وياخذها ..
بعد نص ساعة دخلو كلهم للعشاء .. ودخل خالد وابوها وتركي


........
في قاعة العشاء
على طاولة البنات
الهنوف ورهف ووجدان جالسين

وجدان : وين عمتي لطوف ؟
الهنوف : على طاولة خالات رهف
رهف كشرت : وش تبيي فيهم ؟
وجدان : مدري اشوفها قبل شوي تسولف مع خالتك حياة
رهف : ايي اشوا احسبها مع نوف وتهاني
وجدان : هههههههههههههههههه لا نوف وتهاني داخلين جو لحالهم

بعد دقايق
جتهم ريما بحماس : يالله بنات قومو خالي خالد جاء خلونا نروح نستقعد لهم
الهنوف : ههههههههههههههههه مو صاحية انتي وش تستقعدين لهم
رهف : ابوي وتركي فييه وين بتطلعون
ريما : لا ياقلبي ابوك وتركي طلعو
رهف : اففف ياحظكم بتطلعون تشوفونهم
الهنوف : البسي عبايتك وتعالي عادي
وجدان وهي تقوم : اي والله رهف صدق تعالي لا يفوتك الاستقعاد
رهف : والميك اب وش وضعه ؟؟ بتذبحني وعد هههههههههههههه
الهنوف : بكيفك عاد
رهف : اسمعي بس متى نروح ملكة ريهام ؟؟
الهنوف : اذا طلعو عمي خالد ووعد نروح احنا
وجدان شهقت : وش ريهااام !!
الهنوف : ريهام ال... اليوم ملكتها ومصرة اننا نجي
وجدان : اماا بزواج عمي ( وتأشر على رهف ) وانتي زواج اختك بتطلعون !!
رهف : ههههههههههههه خلاص الزواج خلص ووالله لو هي مو غالية ماتعنيت لها وانا تعبانة من الصباح
وجدان : والله انكم مو صاحيات

طلعو البنات وراحت رهف تجلس عند افنان والجوهرة وجلسو يسولفون ويعلقون


.......
بعد ماصعدت وعد للسويت عشان تتجهز وتطلع
جت امها ورهف و خالاتها وبناتهم يسلمون عليها ويودعونها

وعد ضامه رهف بقوه وتبكي : بشتاق لك والله العظييم ماتعودت اسافر واروح واجي بدونك
رهف خانقتها العبرة بس قالت بمرح : اذا تبون تحجزون لي معاكم بالرحلة ترى ماعندي مشكلة
افنان : ههههههههههههههههه يالله يا هادمة اللذات حتى بشهر العسل بتنشبين لها !
رهف بحزن : والله شسوي تركي ماعنده اجازة والوالد والوالدة ماراح يسافرون يعني بقضي اجازتي كلها نكد في نكد بعد وعد
ام تركي فتحت عيونها بقوه : رهف خلاص لا تضيقين خلق اختك مو وقته
وعد بكت اكثر ورجعت تضمها : ياعمرري والله لا تخليني اكنسل الزواج كله اللحين
رهف : هههههههههههههههههههههههه لا لا تكفين عشان خالد يكنسلني من هالحياة

وعد ضحكت بين دموعها وسلمت على خالاتها وباقي البنات ورجعت تضم امها ورهف

ودعوها وطلعت وتفرقو البنات ونزلو القاعه
وبقى بالسويت افنان ورهف والجوهرة عايشين حالة كآبة بعد خروج وعد

بعد 5 دقايق رن جوال رهف وردت : ايووه ,, اي خلاص خلك واقف شوي بس واجيك ,, اوكي

افنان شهقت : وييين بتروحين ؟
رهف لفت : مو انا قايلة لك ملكة صاحبتي برجع البيت بس ابدل واروح لها
الجوهرة : ميين اي وحدة ؟
رهف : ريهام
الجوهرة : ياويلك من خالتي بتطلعين هالوقت من الزواج
رهف : لا لا امي تدري اصلا ريهام هي اللي متصله عليها تقنعها

مسكت جوالها واتصلت على الهنوف

لما جاء بينقطع ردت الهنوف اخيرآ : هلا
رهف بعصبية : بدررري حبيبتي
الهنوف وهي تضحك : معليش والله كنت مشغولة
رهف : تعالي بسرعه السواق عند الباب
الهنوف : اممم انتي مو بتروحين بيتكم تبدلين ؟
رهف : ايوه ؟؟
الهنوف : اجل خلاص انا بروح مع سواقنا ونتلاقى هناك لاني بروح بنفس لبسي
رهف : افففف اوكي

قفلت من الهنوف و سلمت على البنات وطلعت

.....
...
.....



في الطرف الاخر من الكرة الارضية
عند نورة

علاقتها بعلي مرة متوترة اخر فترة وكانت ناوية تحضر زواج عمها لكن ما وقفت بصفها الظروف
كانت منسدحة على السرير وماسكة جوالها تشوف سنابات البنات وخانقتها العبره مرره وحزينة انها ماشاركت اهلها هالفرحة

سمعت صوت الباب وسكرت جوالها بسرعة وسوت نفسها نايمة
دخل علي بهدوئه المعتاد وفسخ جاكيته شافها تتحرك وماهتم .. عارف انها مانامت وتمثل هالشي لكن ماكان يهمه الموضوع ابد

علي بجفا : تبين عشاء ؟

ماردت عليه
علي : لا تتعبين نفسك بالتمثيل ادري انك مانمتي
نورة قامت وجلست : اييه مانمت بس تعبانة وابي انام
علي : اوكي اللي يريحك


وطلع وسكر الباب
نورة انقهررت ليه ماسألها ! ليه مايهتم باللي يصير فيها
لو خنقت نفسها قدامه ناظرها بنظرته المعتادة اللي تدل على عدم اهتمام وراح وتركها

قامت وطلعت من الغرفة وهي معصبة وكان علي جالس على الكنب ومعه اللاب توب

نورة : علي ممكن تترك الجهاز شوي
علي وهو يناظر الشاشة : وش تبين ؟
نورة : اتركه وكلمني شوي
علي : تبين فلوس ؟ شوفي الفيزا بجيب الجاكيت
نورة : مااابي شي ابيك تسمعني بس
علي رفع راسه : انا مشغول شوي
نورة بعصبية وصراخ : انت طووول عمرررك مشغول بس تفضى اذا اتصل عليك احد من اهلك او من اخوياك تجلس بالساعات تسولف معهم وتترك كل شغلك عشانهم بس انا ابي اكلمك من اسبوعين ومالقيت فرصة
علي حس بتأنيب ضمير شوي لأن كل حرف تقوله هي صادقة فيه ورفع راسه عليها وهو ينزل اللاب توب : اسمعك تكلمي

نورة جلست وهي تاخذ نفس عميق عشان تقول الكلام اللي حفظته بعقلها 40 مرة : ابيك تسمعني وماترد الا اذا خلصت كلامي كله

علي سكت ينتظرها تتكلم

نورة : انا عارفة انك ماتبيني ويمكن مغصوب علي ويمكن راضي مادري بس انت ماتبيني وهذا الشي واضح من يوم الشوفة الشرعية بس كنت اقنع نفسي ان هذي شخصيتك بس اكتشفت انها مو شخصيتك يوم رحنا نسلم على اهلك معاملتك مع خواتك ابتسامتك لهم ضحكتك تدل انك انسان غير اللي انا اشوفه ,, مجرد ماتكون معي تتغير شخصيتك كأنك مو طايقني ,, انا تعبت وانا اطلع لك اعذار خلصت الاعذار اللي عندي ,,, اهلي كلهم لاحظو اني تغيرت من بعدك ! امي سألتني الولد كويس معك ودعست على قلبي وقلت انك كويس معي ,, سكتت وبلعت كل شي بقلبي وحتى اخوي وابوي لما سألوني ليه خلاك تجين بروحك ماقدرت القى عذر مقنع ,, واليوم زواج عمي وبرضو مارحت لأني عارفة انهم بيسألوني وماراح القى اي رد ,, انت ماتهتم فيني ولا تقدرني كـ زوجة ,, ولا راح اطلب منك شي بعد اللحين الا شي واحد بس

علي جا بيتكلم
وقاطعته نورة بسرعه : ابيك تطلقني

.......
....
......


بالرياض

بالسيارة رهف تكلم ريهام : والله ياقلبي بجي و اللحين راجعة البيت عشان ابدل ,, لا لا سوو كل شي بدوني يمكن اوصل عالنهاية بس اهم شي اسلم عليك واشوفك ,, خلاص قلبي سلمي على البنات ,, طيب قلبي يالله اشووفك بعد شوي ان شاءالله ,, فمان الله

وصلت للبيت وقفت عند الباب ونزلت طرحتها عن وجهها وهي تحوس بشنطتها عشان تدور المفتاح
وقال لها السواق انه بيروح يعبي بنزين واشرت له بيدها


بالجهة الثانية كان عبدالعزيز وسعود توهم طالعين من بيت الجد بيروحون عند ناصر اللي كانو العيال كلهم مجتمعين عنده

شافها وهي تأشر للسواق انه يروح ! وجاء بباله مليووون شي وكل شي كان اسوأ من الثاني ...
اولا وش مطلعها من زواج اختها هالوقت ! ثانيآ ليش خلت السواق يروح


عبدالعزيز يسوي نفسه توه يتذكر : اوووه سعود رح انت تذكرت عندي شغله لازم اخلصها قبل الصبح
سعود : وش شغلته ياشيخ انا معتمد عليك والله ماعندي سيارة وكل العيال رايحين
عبدالعزيز بحركة سريعة طلع المفتاح ومده لسعود : خذ سيارتي ما احتاجها انا
سعود عقد حواجبه وضحك : اما بالسهوله ذي عبدالعزيز يعطيني سيارته وش صاير بالدنيا
عبدالعزيز باله مو معه : خلاص ياخي رح انت

سعود استغرب من حالته واخذ المفتاح وركب السيارة وعبدالعزيز راح عند باب البيت على اساس بيدخل لين مشى سعود

.....

رهف دخلت الملحق اللي برا كانت حاطه كل اغراضها فيه ماتبي ترقى وتنزل تبي تلبس وتطلع بسرعة لأن الوقت تقريبا على الساعة 2 وحفلتهم قريب بتخلص
اخذت فحم وولعته وحطت البخور و فتحت الثلاجة وطلعت التشوكلت اللي كانت طالبته وحطته على الطاولة

اول ماجت تفسخ الفستان سمعت طق على الباب وارتاعت مين اللي جاي هالوقت !
السواق مايدخل البيت واهلها بالزواج مستحيل يرجعون قبل الفجر مين ممكن يكون يعني !

توقعت انه تركي راجع بدري رجعت قفلت سحاب الفستان وطلعت

رهف من ورى الباب : مييين ؟؟

مااجاها اي رد وتوقعت ان تركي يستهبل معاها وفتحت الباب بشويش و فجأه اندف الباب بقوه وصرخت رهف
دخل عبدالعزيز بقوته وعلى طول سد فمها بيده

عبدالعزيز وهو ضاغط على كتفها بيد وحاط يده الثانيه على فمها وشاد على اسنانه بقوه : ياخسارة تأنيب الضمير اللي جاني في اللحظات اللي توقعت اني ممكن اكون ظلمتك فيها وانتي كذا

رهف تحاول تصرخ او تتكلم او حتى تتنفس بس ماتقدر .. امتلت عيونها دموع لدرجة انها غبشت وماعاد تشوفه بوضوح

عبدالعزيز عيونه انقلبت حمرا وتنبض شر وغضب وهو يشوف لبسها وشكلها : وطالعه من زواج اختك بهالشكل عشان يجيك هنا ؟؟؟ ,,, ريان صح ؟؟ ( سكت شوي وبضحكة استهزاء مخلوطة بقهر ) ولا لا صح يمكن زوج صديقتك المسكينة ( وبصرخه طيرت قلبها وهو ينفض كتفها ) جااااوبييني من هووو ؟؟

رهف بتموت من الالم من مسكته ليدها وكأنه جمع كل قوته في ذا اللحظه وطلعها عليها
وبتموت وتنكتم من يده الثانيه اللي ساده فمها وبتموت من الكلام اللي قاعده تسمعه وماتقدر ترد عليه

عبدالعزيز بنفس الحدة والجنون : تدرين عااد انا اولى واحق فيك منه ومن غيره

دخلها الملحق ورماها على الارض
جن جنونه وهو يشوف علبة التشوكلت والبخور .. نسى مين هو ومين هي نسى كل شي مافيه بين عيونه الا الحقد اللي عمى قلبه وطير عقله في ذا اللحظه

حاولت تقاومه وتبعد عنه بكل قوتها بس بنيتها الصغيرة الضعيفه قدام قوته ماساعدتها
انقض عليها مثل ما ينقض الاسد على فريسته
ولا همه صراخها ولا همته دموعها ولا كلمات الرجاء اللي ماكان يسمعها اصلآ .. كل همه انه ينتقم منها وبس



انتهى البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 213
قديم(ـة) 12-06-2019, 07:47 AM
صورة فدا لعيونه الرمزية
فدا لعيونه فدا لعيونه غير متصل
أحدهم كسرني ليُقيم اعوجاجي
مشـ© الأنمي ©ـرفة
 
الافتراضي رد: غالبا مايكون الحب قدر لاخيارا/بقلمي


..|






كل ما اقول عزيز انصلح يخربها
بس سمع كلمة مو متأكد منها راح يسوي فعلته
ما يشفع له شيء . و ما ابي رهف بعد هذا تكون معه
يا ليت احد ينقذها


زواج وعد و خالد و الاجواء السعيدة فرحت لهم

نورة و علي رغم اني كنت ابي علي يقدر هالنعمة
بس ما نقدر نجبر قلب على قلب

سيف و عمليته المفروض يقول لهم وش فائدة العائلة
لو شاركنا بس فرحتنا و ما شاركنا حزننا

ريناد و عزيز حب مَرضي و لازم يتعالجون
ما نقدر نجبر قلب على قلب


تسلم ايدينك (=
بانتظار البارت الجاي ان شاء (=


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 214
قديم(ـة) 12-06-2019, 09:23 AM
Sarah Stefany Sarah Stefany متصل الآن
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا/بقلمي


كتير حلوين وعد وخالد 😍😍
الهنوف حرام هالاحراج😂😂
عزيز حقير وريناد احقر 😢😢😢😢
ناطرينك بالبارت الجديد بليز لاتتاخري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 215
قديم(ـة) 13-06-2019, 11:35 AM
صورة شتاء ~ الرمزية
شتاء ~ شتاء ~ غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا/بقلمي


البارت مزيج بين السعادة العارمة والحزن
حبيته كثير
بانتظار البارت الجاي ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 216
قديم(ـة) 15-06-2019, 06:55 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها فدا لعيونه مشاهدة المشاركة
..|






كل ما اقول عزيز انصلح يخربها
بس سمع كلمة مو متأكد منها راح يسوي فعلته
ما يشفع له شيء . و ما ابي رهف بعد هذا تكون معه
يا ليت احد ينقذها


زواج وعد و خالد و الاجواء السعيدة فرحت لهم

نورة و علي رغم اني كنت ابي علي يقدر هالنعمة
بس ما نقدر نجبر قلب على قلب

سيف و عمليته المفروض يقول لهم وش فائدة العائلة
لو شاركنا بس فرحتنا و ما شاركنا حزننا

ريناد و عزيز حب مَرضي و لازم يتعالجون
ما نقدر نجبر قلب على قلب


تسلم ايدينك (=
بانتظار البارت الجاي ان شاء (=
شكرآ على تعليقك الجمييل
الله يسلمك يارب وان شاءالله يعجبك البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 217
قديم(ـة) 15-06-2019, 06:57 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها Sarah Stefany مشاهدة المشاركة
كتير حلوين وعد وخالد 😍😍
الهنوف حرام هالاحراج😂😂
عزيز حقير وريناد احقر 😢😢😢😢
ناطرينك بالبارت الجديد بليز لاتتاخري
تعليقك احلى واحلى
ان شاءالله قريب ماراح اتأخر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 218
قديم(ـة) 15-06-2019, 06:57 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها شتاء ~ مشاهدة المشاركة
البارت مزيج بين السعادة العارمة والحزن
حبيته كثير
بانتظار البارت الجاي ان شاء الله
شكرآ على ردك
ان شاءالله يعجبك البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 219
قديم(ـة) 18-06-2019, 04:20 AM
ثوب منقط ثوب منقط غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


لاااااااا عزيز ليشششش كذا حقير وحيوان وتافهه ومتسرع ياااااربي ماريد يصير كذااااا 💔💔💔 بليييييز لا تسوينها وغيري الاحداث ماعاد بكمل الرواية اذا فعلا صار لرهف شي هي اللي محليه الروايه 😭💔

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 220
قديم(ـة) 18-06-2019, 09:16 AM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها ثوب منقط مشاهدة المشاركة
لاااااااا عزيز ليشششش كذا حقير وحيوان وتافهه ومتسرع ياااااربي ماريد يصير كذااااا ������ بليييييز لا تسوينها وغيري الاحداث ماعاد بكمل الرواية اذا فعلا صار لرهف شي هي اللي محليه الروايه ����
نورتيني
احداث الرواية مفكرة فيها من زمان حبيبتي
تابعي باقي البارتات وان شاءالله تلقين اللي يسرّك


تعديل سحابٍ دنى ..; بتاريخ 18-06-2019 الساعة 09:24 AM.
الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1