غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 231
قديم(ـة) 23-06-2019, 04:44 PM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


تابع البارت -37-

-
يوم الجمعة
بعد صلاة الجمعة في بيت ابو تركي
رهف اول مرة بعد زواج وعد تنزل وتجلس مع امها وامها مبسوووطة مرة

ام تركي تصب القهوة لها وتمد الحلا : وهذا الحلا اللي تحبينه جايبينه خصيصآ لعيونك

رهف تشوف امها وفرحتها وضاق صدرها مرة حاولت تبتسم عشان تشوف ضحكة امها بس
ام تركي بهدوء : رهف بحاكيك بموضوع
رهف ابتسمت : سمي
ام تركي : فيه واحد خاطبك

رهف انقبض قلبها وكانت تناظر امها بهدوووء
ام تركي : عبدالعزيز ال... ولد محمد ابو سلمان

رهف قاومت دموعها ومنزله راسها وماسكه الفنجال بقوه
ام تركي : قلت لأبوك واخوك وقالو انه رجال والنعم ووافقو موافقة مبدئية وعطيتهم موعد للخطبة الرسمية يوم السبت وبـ... ( شهقت ) رهف يدددك !!!!

كان الفنجال مكسور ويد رهف تنزف دم ووجهها مافيه اي تعبير
ام تركي ارتاعت : رههههف !
رهف نزّت ورفعت راسها : هلا يمه ( وغمضت عيونها بألم وهي تنزل عيونها تحت )
ام تركي : شفيييك !!! ماتبين عبدالعزيز ؟؟؟
رهف : ........


...
....
..


بالسيارة
عبدالعزيز كان مودي امه لمحل

كانو ساكتين لين قطعت الهدوء ام سلمان : بنزور اهل البنت يوم السبت
عبدالعزيز : وافقو موافقه مبدئيه ؟
ام سلمان : اييه انبسطت ام تركي
عبدالعزيز بتوتر : يعني ماقالت للبنت !
ام سلمان استغربت : الا اكيد بتقول لها بس يعني هذي موافقة مبدئيه وبعدين البنت وين بتلقى احسن منك ؟
عبدالعزيز ضحك ضحكة استهزاء وبصوت خفيف : ايه فعلآ وين تلقى احسن مني


......
في بيت ابو تركي
رهف في غرفتها صعدت بعد مابررت لأمها في انها تفكر بموضوع حاصل لصديقتها !
تذكرت ضعفها وهي تقول انها موافقة على عبدالعزيز وكرهت عبدالعزيز دبل الكره اللي بقلبها



-
يوم السبت
انتشر خبر خطبة عبدالعزيز لرهف

وراحو ابوسلمان يزورونهم وتمت الخطبة بسلام كانت رهف طول اليوم ضاغطه على نفسها
جزء منها ارتاح لأن ام سلمان قالت لها ان عبدالعزيز مايبي شوفة شرعية وطالب يستعجل بالزواج !
ووافقت قبل حتى ماتعرف السبب وهالشي خلاهم يستغربون لكن اللكل سكت

بس انصدمت لما قالت لها امها بعد ماراحت لها بغرفتها ان الملكة والزواج بيوم واحد !
وكلها الخميس مو الجاي اللي بعده ,,
لكن رهف هزت راسها بالموافقة بدون اي اعتراض لأن الاستعجال بصالحها هي ..


طق باب غرفتها

رهف : ميين ؟
تركي : اخوك الحلو
رهف ابتسمت : ادخل

دخل تركي و قرب لها وباس راسها : مبرووك ياحلوووة
رهف : الله يبارك فيك
تركي : بعدين وش هالحركات ؟ امانه يطاوعك قلبك تتزوجين وتبعدين عننا ؟؟
رهف : ههههههههههه يالله شد حيلك وتزوج
تركي يتنهد : اخخخخ ودي والله
رهف ضحكها شكله : شكلك طايح على وجهك
تركي : اصبري بس لا تصررفين كنت بسألك
رهف : عن ايش ؟
تركي : راضيه تسافرين معه سنتين ؟؟؟
رهف استغربت : وش سنتين ؟!
تركي : ماقالت لك امي ؟؟ تقول قلت لها وموافقة !
رهف اختلطت عليها المواضيع وبكذب وبسرعة : الااا الااا عادي صح قلت لها موافقة بس راح عن بالي
تركي : غريبة عليك يعني ابد ماتوقعت انك ترضين
رهف : اممم لا عادي دامها سنتين مو مشكلة تمر بسرعة
تركي : طيب ودراستك وش بتسوين ؟
رهف : أأجلها لين ارجع او اكمل هناك
تركي بجدية : رهف لا تستحين اذا ماودك ارفضيه عادي محد راح يزعل حتى خواته وصديقاتك لا تخافين انه يصير مشكلة عادي بالعكس
رهف بألم : لا تركي صدقني انا موافقة برغبتي
تركي : تأكدي اني بكون معك مهما كان قرارك
رهف ضمته : الله لا يحرمني منك
تركي : ولا منك ياقلبي .. يالله عاد اللحين بطلع وبكره عازمك على الغداء ومابي اي عذر
رهف ابتسمت : ان شاءالله

طلع تركي من عندها وهو ماقتنع ابد لكن سكت لان الموضوع طلع من يده



-
من بكرة

البنات كلهم مجتمعين ببيت ابوفيصل عند وجدان ونورة ويتناقشون بزواج عبدالعزيز ورهف
باستثناء ريناد اللي ماجت معهم .. وكانت وجدان مرتاحة انها ماجت

لطيفة : معقولة عزيز يتزوج بهالسرعه ومييين ياخذ ! رهف !
وجدان : اممم احس عادي يعني يمكن هو ناوي من زمان بس يوم جا موضوع دراسته خلاه يستعجل بالموضوع
الهنوف : والله الغريب ان رهف وافقت ههههههههههههه
مشاعل : خير وليه ماتوافق اخوي وش زينه كامل والكامل الله
ريوف : يوه بدت عاد تمدح اخوها وش بيسكتها اللحين
هيفاء : تمدح عزيز اهون من انها تبدا تتكلم عن فيصل
الهنوف رفعت حاجبها ولفت على مشاعل : والله رهف اللي كامله والكامل الله .. المفروض اخوك يحب يده وجه وقفى كل يوم انها وافقت عليه
لطيفة : هههههههههههههه والله مدري من المحظوظ بالثاني احس كلهم صراحة
هيفاء وهي تضحك : تخييلو امس اسأل عزيز اقول ليش اخترتها ( وسكتت )
البنات بحماس الا وجدان : ايووه وش قال ؟؟
هيفاء : مالكم دخل ماراح اقول
لطيفة تطقها مع كتفها : ياسخيفه تكفين قولي
هيفاء بحزن : والله هو اللي قال كذا مو انا
الهنوف : سخييف وربي ههههههههههههههههههههههههه
مشاعل : شوفو انا اتوقع بعد سالفة السيارة والكفر اللي انفجر بسببها هههههههههههههههه
لطيفة : لحظة لحظة ! ( وفتحت عيونها بقوة ) انفجر كفر سيارته بسببها ؟؟ وش السالفة شكله فاتني الكثير

مشاعل قامت تقول السالفة وهي تضحك
لطيفة : ههههههههههههههههههههه يممممه رهف وش هالجرأه عندها
مشاعل : والله اني ذاك اليوم اقول عزيز بيدفنها وحنا نتفرج مانقدر نسوي شي حتى عمي خالد مصدوم
لطيفة وهي تضحك : انا وانا عمته اذا سمعت نبرته وهو معصب يمر شريط حياتي كله قدامي حتى لو مالي دخل بالموضوع
نورة : هههههههههههههههههههههههه امانه قالت له كذا !! ياليتني ماخفت على بشرتي ذاك اليوم ورحت معكم صرآحة فاتني اكشن حلوو
الهنوف : هههههههههههههههههههه اي والله و سوتها وخلته يجلس ويودينا عمي خالد
لطيفة : طلعت مو هيينة هههههههههههههههههههه اجل صار حب من اول تخريبة سيارة
هيفاء : المشكلة عزيز عمى عينه اللي يجي سياراته انا مستغربه اصلا كيف عطاكم ذاك اليوم وكيف سكت لكم يوم انفجر الكفر المفروض تكونون مو معنا اللحين هههههههههههههههههههه
ريوف تغمز : حبيبتي كل شي لعيون الحب ووناستها يهوون .. ( وبحزن ) عاد انا كنت احسبه عشاننا حنا المساكين الطفشانين
البنات : ههههههههههههههههههههههههههههههههه




-
بعد اسبوع
يوم السبت
كان اسبوع حافل صار فيه احداث كثييرة

*
رهف صاارت على شوي شوي تطلع من البنات عشان محد يشك في شي
كانت نفسيتها افضل من قبل لكن مازالت مكتئبه وتعبانة

*
ريناد كانت ميتة قهرر من اللي صار ومستغرربة كيف بعد الكلام اللي سمعه رضى يتزوجها !
وكل مرة ليان تقولها انها لازم تنساه وتعيش حياتها لأنه واضح انه يحب رهف مررة .. بس ريناد مستحيييل تقتنع بهالشي

*
وعد وخالد لما عرفو حجزو رحلة الثلاثاء قبل الزواج بيومين


...
....
..


المغرب ببيت ابوتركي
افنان عند رهف بغرفتها

افنان وهي تحط مناكير : رهف شلون خطبك بهالسرعه ؟؟؟
رهف وهي ماسكه جوالها : وش دراني اسأليه
افنان لفت عليها : طيب انتي وشلون وافقتي بهالسرعة ؟
رهف بربكة : عادي استخرت وحسيت اني مرتاحة
افنان سكتت بعدم اقتناع وغيرت السالفة بسرعة : المهم ماعلينا ماقلت لك
رهف : وشو ؟؟
افنان : تخيليييي من اضافني بالسناب ؟
رهف : مييين ؟
افنان : ناصررر !
رهف : وشششو ؟؟ مين ناصر ؟
افنان : تستهبلييين ؟؟ ناصر صديق عبدالعزيز
رهف عقدت حواجبها : وشلووون ؟؟؟
افنان : ذا...

قطع كلامها صوت جوالها يوم رن وردت : مووو وقتك ياخي ,, قااعده اقول لها سالفه ,, ههههههههه طيبب خلاص بجي يالله

وسكرت منه

رهف : ويين بتروحين ؟
افنان : خالتي نوف عندنا وامي قايله لطلول يجيبني لان السواق عنده مشوار
رهف : طيب والسالفه ؟
افنان : بكملها لك ان شاءالله بالجوال
رهف : خلاص اوكي


طلعت افنان من رهف
ورهف انسدحت على سريرها وهي تستوعب التغير اللي صار بحياتها خلال هالشهر
ابد ابد ماتوقعت هالتغيير .. نزلت دمعة ومسحتها بسرعه
ووعدت نفسهاا انها ماتذرف ولا دمعة بعد اليوم



-
يوم الاحد
باقي على الزواج 4 ايام !
رهف خلصت اغراضها وخلاص صارت ماتطلع للسوق

....
في سنتريا
الهنوف ووجدان توهم طالعين من ديور

وجدان : ماحبيت الكولكشن الجديد
الهنوف : بالعكس الشنطة الحمراء اعجبتني مرة
وجدان : اتوقع لو رهف فيه شرتها على طووول
الهنوف : ههههههههههههههههههه ايييه صورتها لهااااا
وجدان : شقااالت
الهنوف : لسى ماشافتها

رن جوال وجدان وكانت مشاعل

مشاعل : هلا جوجووو ويينكم ؟
وجدان : تونا طالعين من ديور
مشاعل : تعالو لوسين طيب
وجدان : كلكم فيه ؟
مشاعل : اييه
وجدان : يلا اطلبو وجايينكم اللحين


راحو البنات يتعشون وبعدها كلن تفرق وراحو على بيوتهم


-
بعد يومين
الثلاثاء
اليوم موعد وصول خالد ووعد العايلة كلهم مجتمعين من بدري

كان وصولهم بعد ساعة تقريبآ
لطيفة طالعة من المطبخ ومعها صحن الفطاير .. مرتها ريوف واخذت حبه وهي تاكلها وتتلذذ

ريوف : يا الله خالتي احب فطاااايرك مرة امانه علميني كيف الطريقة
لطيفة ترفع حواجبها : سر المهنه
الهنوف جت : كأني سمعت فطاير وييين ؟ ( وشافت الصحن اللي مع لطيفة ) الللله انتي مسويتها ؟
لطيفة : ايييه
الهنوف : انا اترجاك تسوينها من لما رجعنا من السفر وتقولين مالي خلق ويوم صار اخوك بيجي رحتي تسوينها له !!
لطيفة : والله مسكين مكلمني قبل مايركبون الطيارة ومأكد علي ورحمته عاد
الهنوف : تكفين قولي انك مسوية كمية اكثر من كذا
لطيفة : ايييه ياعمري بالمطبخ فيه كثييير
الهنوف : والله العظييم احلى عمه


......
الليل
بعد ماجو وعد وخالد ووسلمو على الجميع

عند الحريم
وعد دخلت مع اللكل بسرعة ماكانت مستحية ابد وكانت الجلسة عفوية بحكم المعرفة السابقة


ام محمد : رحتي لاهلك ياوعد ؟
وعد : لا والله حبيت اسلم عليكم قبل لاني بنام عندهم الليلة
ام محمد : والله قلت لهم يجون بس امك لاهيه عشان زواج رهف وعبدالعزيز
وعد : اي والله غريبة ليه مستعجلين فيه ؟
ام سلمان : عبدالعزيز بتبدا دراسته قريب و بيروح قبل عشان يزين اوراقه ووده ياخذها ويوديها كم ديرة قبل مايبدا وينشغل عنها
وعد : الله يوفقهم يارب ويتمم على خير
اللكل : امييييين

جلسو شوي يسولفون
وطلعو البنات ووعد للملحق الخارجي يكملون سهرتهم

..
....
...


عند العيال بالملحق

خالد يربت على كتف عبدالعزيز : الله ياعزيز اجل انت اللي بتتزوج !!!! ماصدقت الا لين قالت لي امي قبل شوي
عبدالعزيز : ليييه وش دعوى
خالد : والله بصراحة توقعت كلهم يتزوجون الا انت وماجد
ماجد : ههههههههههههههههه لا تحدني اخطب اول مايتزوج عزيز
خالد : لاعاد كذا بتحسسوني اني رايح سنتين عسل !
ماجد : وانت كذا اصلا .. اول مرة اشوف شهر عسل يتعدى الشهر
سعود : انا بزوجكم كلكم وارقص بزواجاتكم ويمكن يمممكن اتزوج وحدة من بناتكم
خالد : تخسسسى اعطيك وحدة من بناتي !
سعود : لييه افا !!
خالد : عشان تكرفها ليل نهار تطبخ لك مااتشبع انت
سعود : هههههههههههههههههههههههههههههههه ايييه شرطي الوحيد انها تتعلم الطبخ من المهاد
عبدالعزيز : و انا بنتي تجيب لها خدم وحشم وانت اللي تطبخ لها بعد
سعود : اصلا انت لو تعطيني بنتك ببلاش ماخذتها
عبدالعزيز يرميه بعلبة المناديل : يحصل لك ياكلب
سعود : صاااحي انا اخذها وانت ابوها !! مابعد بعت نفسي والله
ماجد : ليييه ههههههههههههههههههههه
سعود : عشان بكرة اذا رفضت اوديها السوق يجي يمحيني من وجه الارض ولا تلقون لي اثر
عبدالعزيز : هههههههههههههههههههههه اجل وش ودك ؟ هذي بنت عبدالعزيز



-
وعد وصلت بيتهم اخر الليل وسلمت على اهلها كلهم الا رهف قالو لها انها نايمة واستغربت
يوم الاربعاء الصبح قامت بدري وتحممت وطلعت من غرفتها لغرفة رهف

فتحت الباب بشويش وشافت رهف صاحية : صبااح الخييير ياعروووسه
رهف قامت وضمت اختها بسرررعة وقعدت تصيح

وعد : يمممه رهف شفيييك ترى مارحت الا شهر بس
رهف وهي تشاهق : اششتقت لك
وعد صاحت معها وهي ضامتها

بعد دقيقتين مسحت دموعها
وعد وهي تدفها : لااا عاد تصيحين عشان ماتروعين عزيزوه بكرة ويرجعك بيتنا من اول يوم
رهف صاحت اكثر ورجعت تضم وعد

وعد بهدوء : رهف شفيك !
رهف حست انها اوفر ومسحت دموعها وحاولت تبتسم
وعد بجديه : رهف فيه شي انا مادري عنه !!
رهف توخر عيونها عن عيون وعد : لاا مافيه شي ( وتتصنع الضحكة ) ويين هدييتيي !!
وعد : رهف اعرفك انا ماتبكين كذا على شي تافه ! غاصبينك على عبدالعزيز ؟؟
رهف بعصبية : شفيكم انتم ! كل من جا قال متأكدة تبينه ولا غاصبينك عليه ولا مدري ايش .. لا محد غصبني انا وافقت برغبتي الكاملة
وعد تناظر عيونها : اصلآ ماقتنعت ابد بالموضوع كله وش هالزواج السريع ! ابد انتي مو كذا لو كلهم صدقو انا ماراح اصدق
رهف توترت : وش اللي ماقتنعتي .. خطبني ووافقت وقال انه بيسافر سنتين ووافقت برضو ! وش المشكلة ! و انتي عارفة اهلي وطبعهم مستحييل يغصبوني على شي مابيه

وعد هزت راسها واكتفت بالسكوت لأنه فعلآ مافيه اي سبب يخليها تنجبر عليه
رهف : المهم خلينا نطلع نجيب فستاني من المصممة
وعد : اووكي دقايق بس بجيب عبايتي ونطلع ,, وانا ابي كم شغله من السوق تروحين معي ؟
رهف : اييه عادي
وعد وقفت وكنها تذكرت شي : اييه صح .. شرايك اكلم المصورة اللي جت بزواجي ؟؟ ترى تصويرها خرآآآفي بس دعواتك انها تكون فاضيه
رهف بكذب : لا لا خلاص انا كلمت مصورة
وعد : اوكي خلاص بروح البس ونطلع


...
....
...


الليل
البنات توهم طالعين من الفندق اللي بيتم فيه الزواج
وراكبين السيارة

الهنوف : غريبة على امك مشاعل مارفضت ان الزواج يكون صغير !
مشاعل : هي ودها انه كبير لكن رغبة عبدالعزيز واصلآ مافيه وقت هو رحلته بعد بكرة
وجدان : اصلآ من حسن حظهم لقو هالفندق فاضي
هيفاء : ايييه من جد يوم ابحث عشان احجز كل شي فل
مشاعل : تتوقعون اللي ارسلنا لهم كروت اليوم بيجون !
الهنوف : ايه اكييد مايفوتون شي صدقيني هههههههههههههههه
وجدان : اهم شي اميرة ماتجي الباقي عادي
ريوف : ههههههههههههههههههههههههههه ياذا الاميرة
وجدان : فاقعه قلبيي يختي !

...
..
....

في بيت ابوتركي
رهف منسدحة من ساعة عشان تنام وماقدرت من التفكير

تحسست بطنها بيدها وداخلها شعور غريب !
تتمنى انها تصحى ويكون كل شي حلم

ماستوعبت ابد انها بكرة بتكون حرم عبدالعزيز رسميآ و اسمها بيرتبط بأسمه للابد
تمنت ان هالشي جا بظروف غير عشان تكون اسعد انسانة لكن مكتوب انه يجي بأسوء شكل
نزلت دمعة من عيونها ومسحتها ومسكت جوالها عشان تبعد هالتفكير عنها



-
يوم الخميس
في الفندق
عايلة ابوتركي جايين من الصبح

وكانت الميك اب ارتست عند رهف
واتعبتها رهف بطلباتها

رهف بقلة صبر : قلت لا تكثرين الميك اب
وعد : رهف حبيبتي انتي عروس اكيد انها بتحط لك ميك اب كامل
رهف : انا مابي يختي ! ابي شي بسيط !

وعد سكتت عنها لان واضح رهف نفسيتها مو كويسة ومتوترة وماودها تضغط عليها


....
المغرب
وصلو كلهم و انشغلو تحت يرتبون مع العاملات


بالسويت عند رهف ووعد
رهف وهي تلبس فستانها : وعد ممكن تجين تسكرين السحاب !
وعد قامت عندها

لما جت تسكر السحاب باستغراب : رهف ليش ماتلبسين مشد طالع لك بطن
رهف ابعدت عيونها بتوتر بس مالاحظت وعد اللي قعدت تحاول تسكر السحاب : مابي البس الفستان وسيع عادي
وعد : ولو عادي انا فستاني كان وسيع ولبست مشد وقتها .. بس تصدقين والله احسك سامنه شوي
رهف عصبت : ممكن تسكرين وانتي ساكته
وعد : ههههههههههههه طيب شفيك عصبتي وجع

دخلو عليهم افنان والجوهره اللي توهم واصلين
كلهم سلمو على وعد لأنهم توهم يشوفونها وجلسو يسولفون

وعد : رهف ماوصلت المصورة للحين !؟؟
رهف توهقت وبكذبه سريعة : لا مسكينه صار عليها حادث وماتقدر تجي
افنان شهقت : من جججدك !! طيب وش بتسوين اللحين ؟
رهف : عادي صوروني بجوالاتكم احسن والصور عفويه اكثر
وعد : رهف لا تستهبلين وش هالبرووود !!! طيب وصورك انتي وعبدالعزيز ؟

رهف انقلبت كبدها وقامت الحمام بسرعة والبنات مستغربين
الجوهره مستغربة : وش فيها وجهها تعبان ؟
وعد : والله مادري علمي علمك بس اتوقع عشانها انضغطت بالزواج السريع
الجوهره : اي والله معها حق الله يهديه المفروض عطاها فرصة شهر عالاقل تتجهز

طلعت رهف من الحمام وراحت قدام المراية تعدل روجها
دخلو البنات بعدها وجلسو عند رهف اللي تحاول تتفاعل معهم عشان محد يحس ان فرحتها ناقصه !

مشاعل : غريبة رهف وين المصورة ؟
رهف تحس انها بتفجر فيهم كلهم من كثر مايسألونها هالسؤال

وعد : تقول جاها حادث وماتقدر تجي
مشاعل : يوووه مسكينه .. بس وش بتسويين اللحين !!!
رهف : عادي نفس ماقلت للبنات الجوالات تصويرها احلى وعفوي اكثر
مشاعل : طيب انا علي تصوير المعاريس ( وتغمز ) صار عندي خبره
رهف بخوف : ترى ماراح اسوي شي والله
هيفاء : ههههههههههههههههههههههه لا والله مو على كيفك تسوين قدام المصورة وقدامنا لا
رهف ضحكت بمجاملة : ايه استحي منكم بتصورون صورو صور عاديه ولا بلاش


كملو سواليفهم وبعدها نزلو عشان يستقبلون المعازيم
كانو المعازيم قليلين ومحدودين جدآ .. اهل العروس واهل المعرس المقربين بس
ف كان الوضع اريح للكل باستثناء ام سلمان اللي ماكانت حابه ان زواج ولدها يكون صغير لكن ساكتة عشانها رغبة عبدالعزيز


.............
قبل الزفة بالسويت عند رهف
كلهم طلعو عنها وهي جالسة تشيل اخر اغراضها ومعطيه الباب ظهرها

انفتح الباب بقوه ولفت رهف مرتاعه و شافت ريناد قدامها

رهف : هلا ريناد فيه شي ؟
ريناد ابتسمت بوقاحة : اشبعي منه لأنك ماراح تطولين معه
رهف مستغربة : وش تقولين انتي !!
ريناد قربت منها وسحبت يدها بقوه : اقولك اشبعي من عبدالعزيز لأني والله ماخليك تتهنين فيه
رهف مسكت يدها ولوتها بقوه وبصوت عالي : يدك هذي ماتنمد علي
ريناد بنفس الابتسامة الوقحة : مثل مامديتي يدك على شي من ممتلكاتي يحق لي امد يدي عليك لكن بحترم نفسي
رهف بنظرة قرف : انتي مريضه اقسم بالله مريضه شقاعده تخربطين
ريناد : ايه مريضه في حبه .. وقلت لك يارهف عزيز لي انا ومرده لي انااا .. فاااهممة ؟؟؟
رهف ابتسمت نص ابتسامة : هذا اللي تقولين انه من ممتلكاتك صار زوجي اللحين وابو عيالي مستقبلآ واعلى مابخيلك اركبيه
ريناد ثارت بقوة : تخسين اقولك ماراح تطولين معه وبيرجع لي
رهف قربت منها وبصوت هادي مُستفز : يحبني ويموت فيني وانتي الله يعينك على نفسك روحي تعالجي بعيد عننا

قطع كلامهم صوت الباب لما انفتح
ريناد بسرعة بدت تعدل سوارة رهف وبتمثيل : والله احلى عرووووس
رهف والنار تشتعل داخل قلبها : عيونك الحلوة

كانت ام تركي جايه تقول لرهف ان الزفه اللحين ونزلو كلهم


...
بعد مانزفت رهف
انزف عبدالعزيز وقت دخول الحريم للعشاء
ودخلو معه ابوه وابو تركي وتركي

رهف بطنها يمغصها وتقاوم دموعها
كانت اول مرة تشوف عبدالعزيز بعد الحادثه اللي صارت بزواج وعد
وعبدالعزيز ماسوى ولا شي ويحاول يبعد نظره عنها !

سلمو عليهم
ابو تركي : الله الله ياعبدالعزيز في بنتي عاد هذي اخر العنقود
ابو سلمان : بنتك اللحين صارت بنتي وانا اللي بوقف بوجهه لو حاول يضيق صدرها بس
عبدالعزيز بكلام نابع من اعماق قلبه : افاا عليكم بس توصوني على عيوني ؟؟ .. بالحفظ والصون
تركي يسلم على عبدالعزيز وبهمس : ماوصيك على موضوع الدخان ترى فيها ربو انتبه لها و لا تدخن عندها
عبدالعزيز يأشر على عيونه : ابشرررر من عيوني والله

طلعو الرجال كلهم الا عبدالعزيز
وبعدها جو ام تركي وام سلمان والجدة ومشاعل وهيفاء وام ماجد ولطيفة
سلمو عليهم وجلسو يباركون لهم

هيفاء بفرح : اخييرآ شفتكم جنب بعض اللحين اقدر استوعب هالزواج ههههههههههههه
مشاعل تغمز لعبدالعزيز : يالله عاد رهف موصيتني اصوركم صور حلوة بس اصبرو لين يدخلون الاهل ونصرف هيفاء العزباء وابشرو بااحلى صور

رهف انصدمت كان ودها تمسك مشاعل وتذبحها بهاللحظه
وباانفعال : مشااعل انا قايله لك صور عادية وغيرها لا ,, وتقدرين تصورينها اللحين قدام اللكل

انصدمو مشاعل وهيفاء من انفعالها وعبدالعزيز حاس فيها بس مايدري وش يسوي
مشاعل : يمممه يممه رهف ماتوقعتك تستحين كذا

رهف ابتسمت عشان تخفف حدة التوتر
عبدالعزيز بمحاولة تلطيف للجو و باابتسامة : اجل تحسبين كل الناس مايستحون مثلك انتي وفصييل ؟
مشاعل : هههههههههههههه رجعنا لهالموال ؟؟ المهم يالله ابتسمو بصوركم

وجلست مشاعل تصورهم
رهف كانت مبتسمة طول الوقت عشان ماتحسس احد بشي
تحملت فوق طاقتها خلال هالاسبوعين ,, كل شي مجتمع عليها .. تعب نفسي وتعب جسدي


......
بعد نص ساعة
طلعو المعاريس للسيارة اللي بتنقلهم للمطار
وكان سيف متكفل في هالموضوع ,, عبدالعزيز كان معقد حواجبه ومكتئب !



"

قبل ساعة
بنص الزواج
سيف كان جنب عبدالعزيز لما سلمو على المعازيم اللي كانو اكثر من الحريم طبعآ بحكم علاقات ابو سلمان وابو تركي
سيف جته دوخه فجأه ومسكه عبدالعزيز

عبدالعزيز قرب عند اذنه : وش فيك انت ؟؟ رابع مرة تدوخ معي هالاسبوع !
سيف : مافيني شي يمكن قله نوم
عبدالعزيز : قله نوم ذي تصرفها لأمك وابوك والباقي اما انا لا تكذب علي
سيف : غصب يصير فيني شي يعني ؟
عبدالعزيز بعصبية : ايه فيك شي و ملاحظك من رمضان بس ساكت ابيك انت تقول بنفسك
سيف : انت اللحين سلم عالمعازيم بعدين نتهاوش على هالموضوع
عبدالعزيز بجدية : والله مايتم هالزواج واطلع مع زوجتي الا لين تقول لي وش فيك
سيف بعصبية : عبدالعزيز اعقل !
عبدالعزيز : والله حلفت انا
سيف سكت : طيب اوعدك اني بعلمك بس سلم عالباقي وخلهم يدخلون للعشاء

عبدالعزيز سكت وسلمو على الباقي ولما دخلو العشاء
جلس عبدالعزيز برا هو وسيف والعيال مازالو متواجدين عندهم .. وعبدالعزيز متوتر ينتظرهم يروحون عشان يتكلم سيف

مشعل : يالله شباب جت احلى فقرة بالزواج كله
عبدالله : عزالله ابوبطين
سلمان : يالله يامعرسنا
عبدالعزيز : لاوالله شبعان انا
مشعل : افاااا ما اتعشى واخوي ماتعشى
عبدالرحمن يسحبه : اقول بس تعال ندخل جوعان
مشعل : يالله
ماجد : وين اللي مايتعشى واخوه ماتعشى
مشعل : عبدالرحمن اصر علي ولا كان مادخلت

راحو كلهم باستثناء سيف وعبدالعزيز

عبدالعزيز لف على سيف : يالله كلهم راحو
سيف بهدوء وهو منزل راسه : عندي مشكلة بسيطة
عبدالعزيز : انجز وش فيك
سيف : تمدد بالاوعية الدموية
عبدالعزيز انقلب وجهه : من متى هالكلام !
سيف : اكتشفته برمضان
عبدالعزيز : ليه ساكت ؟
سيف : و ليه اتكلم ؟ العملية وبسويها ان شاءالله بعد اسبوعين
عبدالعزيز : ومتى ناوي تعلمنا يعني ؟ انت ماتعرف خطورة المرض هذا ؟
سيف : الا اعرف ,, لكن وشو له اتكلم واتعب اللي حولي خلاص العملية وبسويها وقبل ماسويها بأسبوع بعلم اهلي

عبدالعزيز سكت
سيف : لاتفكر انت بالموضوع رح مع زوجتك وسافرو وان شاءالله ربي بيحلها

عبدالعزيز قام وحضن سيف سيف يربت على كتفه
عبدالعزيز : انتبه على نفسك ياخوي واذا تبيني ادور لك دكتور في استراليا
سيف : لا لا بسويها في الامارات فيه دكتور شاطر هناك

عبدالعزيز رجع يحضنه
سيف بضحكه : خلاصصص لاتحسسني اني بموت بعد شوي
عبدالعزيز طقه : بعيييد الشر
سيف : يالله بس تعال نتعشى وانا بوديكم المطار
عبدالعزيز : خلك قدها مو اذا جا وقتها تقول عندي شغل
سيف : لا والله بوديكم انا
عبدالعزيز : زين

"

اول ماطلعو من الفندق
جا تركي من بعيد : على وين ياعيني انت وياه !
عبدالعزيز ابتسم : على المطار ياعيني انت
تركي التفت لسيف : شرايك ماتتعب نفسك واوديهم انا ؟
سيف : والله حالف اني اوديهم انا ولا كان من عيوني
عبدالعزيز : تعال معنا
تركي : ايه اكيد بجي


السيارة هدووووء
رهف مبعده قد ماتقدر عن عبدالعزيز وسيف ملاحظ تصرفاتها وراحمها مرة
وتركي ماسك جواله ماركز بشي

وصلو المطار ونزلو سلم عبدالعزيز على سيف وودعه
سيف ركب السيارة ينتظر تركي اللي نزل معهم

تركي سلم على رهف : يالله ياحلوة اشوفك على خييير انتبهي على نفسك وانتبهي على عبدالعزيز
رهف تحاول تقاوم دموعها وبصوت متحشرج : ان شاءالله
حضنها تركي ولف على عبدالعزيز : انتبه على اختي ان رجعتو وفيها شي ناقص ذبحتك
عبدالعزيز ابتسم : اختك بعيووني


تركي سلم عليهم كلهم وطلع ورهف لفت تترقبه بعيونها لين اختفى وقلبها يتقطع وخانقتها العبرة
ودها تلحقه وتقوله كل شي بس مااتقدر اشيااء كثيرة تمنعها

عبدالعزيز مد يده عشان يمسك يدها واول ماحست بلمسته تقشعرت وسحبت يدها بسرعه ومشت قدامه
رهف حمدت ربها مليون مرة ان رحلتهم بدري عشان ماتضطر تجلس معه بمكان واحد .. مع انها دارية انها مضطرة لو ماكان اليوم بيكون بكرة !


.......
بعد نص ساعة ركبو الطيارة
كان عبدالعزيز حاجز مقاعدهم جنب بعض
حط شنطه الظهر حقته فوق وراح لدورة المياة ورهف قاعدة بمكانها

لما رجع ماشافها وارتاع قعد يتلفت يمين ويسار جاء مكانها وحدة اجنبية وجلست
سألها وقالت له اني تبادلت الاماكن معها واشرت على المكان

كان مقعدها وراهم بكرسيين لف وشافها كانت جالسه ومسنده راسها ومغمضه عيونها
سكت عنها وجلس مكانه غمض عيونه وهو يقول دعاء السفر
ويدعي ان ربي ييسر الامور لانه عارف ان فيه معركة راح تصير من تصرفات رهف اللي ساكتة من لما كانو بالقاعة !

يمكن هذا هدوء ماقبل العاصفة !!!





انتهى البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 232
قديم(ـة) 23-06-2019, 05:44 PM
Sarah Stefany Sarah Stefany متصل الآن
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


رغم اني ضد فكرة زواج الضحية من المجرم بس يلا منيح استوعب وتزوجا بس بضل ندل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 233
قديم(ـة) 23-06-2019, 06:07 PM
صورة فدا لعيونه الرمزية
فدا لعيونه فدا لعيونه متصل الآن
أحدهم كسرني ليُقيم اعوجاجي
مشـ© الأنمي ©ـرفة
 
الافتراضي رد: غالبا مايكون الحب قدر لاخيارا/بقلمي


..|





الحين ندم و صلح غلطه
و هذا ما يشفع له
ما اتوقع انها حامل
و كان ودي انها فضحته

وعد و خالد الله يسعدهم
و الهنوف و تركي

البارت كان سريع بس حلو
تسلم يدكِ عليه
بانتظار الجاي ان شاء الله (=


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 234
قديم(ـة) 25-06-2019, 03:02 PM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها sarah stefany مشاهدة المشاركة
رغم اني ضد فكرة زواج الضحية من المجرم بس يلا منيح استوعب وتزوجا بس بضل ندل

👍👍
و لو الأمور ماوصلت لهالحد يمكن ماتتزوجه
لكن في الوضع اللي هي فيه مجبورة على هالشي

شكرآ على ردك ❤️

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 235
قديم(ـة) 25-06-2019, 03:05 PM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها فدا لعيونه مشاهدة المشاركة
..|





الحين ندم و صلح غلطه
و هذا ما يشفع له
ما اتوقع انها حامل
و كان ودي انها فضحته

وعد و خالد الله يسعدهم
و الهنوف و تركي

البارت كان سريع بس حلو
تسلم يدكِ عليه
بانتظار الجاي ان شاء الله (=
فعلا مايشفع له

لكن احنا كمجتمع خليجي لو تكلمت وفضحته بعد كم شهر اللكل بينسى اللي سواه ببساطة .. لأنه رجل .. اما هي لو بعد سنين اللكل بيشوفها بنفس النظرة وكأنها هي الغلطانة مع الأسف
هذا طبعآ غير حقارته اللي تخليها تتأكد انه ممكن ينكر انه سوى هالشي وتطيح المصيبه كلها على راسها وماعندها اي اثبات على كلامها


الله يسلمك يارب وشكرآ على ردك ..❣️

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 236
قديم(ـة) 25-06-2019, 05:45 PM
moon1470 moon1470 غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا/بقلمي


وووين التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 237
قديم(ـة) 26-06-2019, 03:07 PM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها moon1470 مشاهدة المشاركة
وووين التكملة
اول مايجهز البارت بنزله ان شاءالله
نورتي ❣️😘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 238
قديم(ـة) 26-06-2019, 04:17 PM
Sarah Stefany Sarah Stefany متصل الآن
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


بليز حدديلنا موعد للبارتات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 239
قديم(ـة) 26-06-2019, 07:10 PM
صورة سحابٍ دنى .. الرمزية
سحابٍ دنى .. سحابٍ دنى .. غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا/بقلمي


اقتباس:
المشاركة الأساسية كتبها Sarah Stefany مشاهدة المشاركة
بليز حدديلنا موعد للبارتات
ماحبيت اربط نفسي بيوم محدد
الاكيد انه كل اسبوع ان شاءالله راح ينزل بارت

بس اذا حابين احدد يوم معين ماعندي مانع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 240
قديم(ـة) 27-06-2019, 06:36 PM
صورة شتاء ~ الرمزية
شتاء ~ شتاء ~ غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا/بقلمي


اللي يريحك اهم شي ماتتأخرين علينا بالبارتات بليز
وتسلم يدينك


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1