اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-05-2017, 07:20 PM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي غالبا مايكون الحب قدر لاخيارا




غالبآ مايكون الحب قدر لاخيارآ


-1-

يوم الخميس
في الجامعة
رهف ووجدان كانو لابسين عباياتهم بيطلعون مع سواق رهف

رهف : وجدان ارسلت لأمك وقلت لها ابي وجدان ترجع معي بيتنا ووافقت
وجدان : جججد ؟ صراحه ماتوقعت انها توافق لانها تقول اليوم لازم تروحين معي لبيت جدي
رهف : الا اقول وين هنوفه ماشفتها اليوم
وجدان : عندها اووف اليوم
رهف : خلينا نروح لها وناخذها بيتنا
وجدان : لا ويين شكلك تبين اهلك يطردونا
رهف : لا عادي والله خلينا ننبسط ونطلع الليل للمول
وجدان : خلاص بتصل عليها اشوف اذا قامت اقولها تجهز


وبمكان ثاني تحديدآ بيت ابوفيصل

فيصل وامه جالسين بالصالة يتقهوون نزل عليهم عبدالرحمن


عبدالرحمن : يمه وين وجدان ؟
ام فيصل : راحت مع صديقتها رهف بيتهم
عبدالرحمن : وبموافقة من ؟
ام فيصل تضحك : انا قلت لها روحي
عبدالرحمن يجي يجلس جنبهم : يمه لاتعودينها على الطلعات والجيات ترى بعدين تصير ماتشاور
فيصل يقاطعه : اقول خلك من وجدان وراك ماداومت اليوم ؟
عبدالرحمن : نفس السبب اللي خلاك ماتداوم
فيصل يمسك يده ويلفها بقوه : كبرك انا عشان تقارن نفسك فيني ؟
ام فيصل : الله يهديييكم بس اتركو بعض وقومو للصلاة اذن



عائلة ابو فيصل

فيصل 26 سنة توه راجع من كندا
معه بكالوريوس ادارة اعمال ويدور له شغل
نورة : 24 خلصت جامعة تخصص انجليزي وتوظفت في شركة
وجدان : 23 سنة باالجامعة تخصص ادب انجليزي
عبدالرحمن : 15 ثالث متوسط
ريم : 12 سادس ابتدائي


عند بيت ابوعبدالله

وجدان ورهف بالسيارة ينتظرون الهنوف تطلع لهم

وجدان : رهف تكفين انزلي دقي الجرس
رهف : انزلي انتي بيت عمي ولابيت عمك ؟
وجدان : عمي وابو صديقتك يعني انزلي وانتي ساكتة

نزلت رهف وهي تسب وجدان

اول ماجت تدق الجرس
انفتح الباب ورهف مانتبهت للي طلع وقالت بصوت عالي : اخيرررررا مابغيتي تطلعين
عبدالله : ليه كنتي تنتظريني ؟
رهف لفت عليه وهي مرتاعة : لا انا كنت اقصد ااا اقصد
عبدالله يقاطعها : تفضلي اختي من تبين
رهف : ابي الهنووف
عبدالله : طيب دقايق اناديها
دخل ورهف رجعت السيارة

ووجدان تضحك
رهف : ميين هذا اللي طلع بوجهي الله يقلعك ياوجدان انتي وعيال عمك
وجدان : ذاا عبدالله اخووو الهنوف
رهف : روعني انتظر الهنوف ويطلع ذا بوجهي
وجدان ميتة ضححك ورهف لفت تناظر الباب وهي تسب بوجدان


داخل البيت

عبدالله دخل الصالة وهو يشووف الهنوف وامه جالسين يسولفون

عبدالله : الهنوووف تنتظرين احد ؟
الهنوف : لااا مانتظر احد ليه
عبدالله : فيه وحدة عند الباب تقول ابي الهنوف
الهنوف تطق راسهاا : يووووووووووه رهف ووجدااان ياوووويلي نسيييييتهم
ام عبدالله : وش رهف ووجدان ؟
الهنووف : وجدان بنت عمي ورهف صديقتي مواعدتهم ارجع معهم بيت رهف ونسييتهم
عبدالله : ياوييييلك شكلهم معصبييين (وهو يضحك)
ام عبدالله : بتروحين ؟
الهنوف : ايييه يمه بليز ماراح اطول عندهم كذا بعد صلاة العشاء برجع
ام عبدالله : وعزيمة جدك ؟
الهنوف : مالي خلق ناس والله وبعدين بكرة اذا جا عمي من الشرقية بشوووفهم كلهم ببيت جدتي اكيد
ام عبدالله : الله يهديك
الهنوف : يعني اروح ؟
ام عبدالله : روحي
عبدالله : بتطلعين ماراح تلقين الا السيارة ذابو وهم ينتظرونك
الهنوف تضحك وتطقه وتركض لفوق تجيب عبايتهاا واغراضها


عائلة ابو عبدالله

عبدالله 25 سنة مدرس رياضة بمدرسة ابتدائي
الهنوف 23 سنة بالجامعة تخصص رياض اطفال
غدي وجمانة توأم 19 ثالث ثانوي


ببيت اهل رهف

وجدان ورهف جالسين على السرير يسولفون والهنوف تحوس بدولاب رهف

الهنوف تمسك فستان : رهههههههف وين لقيتي هذا ؟
رهف : لقيته بالزبالة وحسيته يناسبني
الهنوف : هههههههه ياشينك بس والله صدق وين خذتيه منه ؟ وبكم؟
رهف : من موقع ...
الهنوف : بكم ؟
رهف : تقريباً 300
الهنوف : تدرييين اني شايفة نفس الموديل عند تاجره بالانستقرام ب1400
رهف : لاااتاخذين منهم خذي من هذا الموقع
الهنوف : لا بس اعلمك عشان تكرهينه واخذه
رهف : هههههههههههههههههه بلبسه بحفلة بنت عمتي بعدين اعطيك اياه
الهنوف تلف على وجدان : وجدان تعالي تفرجي معي على دولاب رهف فيه اشياء جديدة خلينا ناخذ منها
وجدان تنط من السرير
وتجي رهف قدام دولابها : هييييه لا لا خير انتي وياها ما اشتري انا عشان اوزع عليكم
الهنوف تطيح على السرير وهي تضححك وتهف على نفسها ثم قامت وقالت : رهف يابخيله جيبي لنا شي ناكله
رهف : وش تبوون ؟
وجدان : جيبي قهوة وتشوكليت
رهف تعطيها نظرة : ايوه كملي ؟
وجدان : بس مانبي نكلف علييك
رهف : ماقصرتي والله بس والله مالي خلق انزل هنوووف انزلي
الهنوف : لا خيير واهلك ؟
رهف : ماافيه احد في البيت تركي وابوي بالدوام ووعد نايمة بغرفتها
الهنوف بنظرة حذر : اكييييد ؟
رهف : اييه والله انزلي بس


الهنوف تطلع وهي ترقص
رهف : ههههههههههه خبلة هالبنت




تووه داخل البيت مصددددع
انسدح بالصالة وهو ينادي : سااااااندي ساااااندي
ماسمع رد : ساااااندي وصمخ

الهنوف بالمطبخ وقففف قلبها وهي تسمع الصوت
وتقول بنفسها : يمممه وش جابه هذا رهف تقول انه بالدواااام

توها بتدور مكان تتخبى فيه دخل تركي : سااااندي اناديك لي ساعة
لف وشاف وحدة واقفه وارتاع شوي ورجع ورا

تركي : وين ساندي ؟
الهنوف بقلبها : وش يعرفني انا
تركي شافها سااكتة وتطالعه
تركي استوعب ان سؤاله غلط ورجع يقول : طيب رهف وين ؟
الهنوف نطقت بصعوبة : ف..فوق
تركي لف جسمه عن الباب وقال : طيب ناديها لي اذا ممكن
الهنوف بقلبها : وششششش يبي هذاااااا شكله يحسبني ساندي

وراحت الهنوف تركض فوق
دخلت غرفة رهف

الهنوف : رهف اخوك يبيك
رهف : من ؟؟ ترركي ؟
الهنوف : عندك اخو غيره ؟ ايييه تركي وقولي له ترى ذي الهنوف مب ساندي
رهف : هههههههههههههههههه ليه وش قايل لك ؟
الهنوف تلف عنها : اسأليه

طلعت رهف وقفت الهنوف واستوعبت شوي وشافت شكلها وقالت : يممممممممممممه شاااافني كذاااا !
الهنوف كانت لابسة بنطلون سكيني وتيشيرت فيه شقوق عند البطن (كذا موديله) وماحطت على شعرها شي

وجدان : هههههههههههههههههههههههههههههههه وتبينه يكلمك طبيعي بعد ؟
الهنوف : الله يقلعه ياوجدان ماعنده اسلووووب ابدا يأمرني كني شغالة وبعدين خير
وجدان : وش قال لك طيب ؟

الهنوف جلست تعلمها السالفة

عائلة ابو تركي

تركي 30 سنة يشتغل في بنك ....
رهف 23 سنة مع وجدان ونفس تخصصها ادب انجليزي
وعد 25 سنة تخرجت من الجامعة وتدور وظيفة


في الشرقية

كانت ترتب شنطتها ودخلت عليها اختها

هيفاء : مشاااااعل عندك بدي ابيض ؟
مشاعل : اممممم اكيد دوري بدولابي بس لو مالقيتي الا واحد لا تاخذينه ابيه
هيفاء : يوم بغيته صرتي تبينه فجأه ياخايسه
مشاعل وهي تضحك : لاااوالله بس احتاجه يااختي
هيفاء : طيب تتوقعين يمدينا نروح المول ؟
مشاعل : اذا وصلنا الرياض شوفي يمكن تلقين عند هنوف او وجدان او اي وحدة من البنات
هيفاء هزت راسها وطلعت وصدمت بعبدالعزيز
هيفاء : وججع
عبدالعزيز : يووجعك وش ذااا الحماس ؟ مو طاير شي هدي اعصابك
هيفاء مشت وماردت عليه
عبدالعزيز يدخل عند مشاعل : وش فيها اختك ذي
مشاعل : تبي بدي ابيض ويوم ماعطيتها زعلت
عبدالعزيز : الحمدلله والشكر
مشاعل : هههههههههههه اهم شي انك مصدق انها زعلت
عبدالعزيز : مدري انتم احيانا عندكم طلعات غريبة المهم كنت جااي اقولك
مشاعل باهتمام تلف عليه : عن ايش ؟
عبدالعزيز : رحلتنا الساعة 5 على الساعة 3 كلكم جاهزين عشان نروح المطار بدري
مشاعل : اووكي انا جاهزة بس قل لهيفاء هي اللي بتأخرنا كالعادة
عبدالعزيز يطلع : بروح اعجلها


عائلة ابوسلمان

سلمان 30 سنة يشتغل بأرامكو
عبدالعزيز 27 سنة مهندس في شركة الكهرب
مشاعل 26 سنة تشتغل مرشدة طلابية بمدرسة متوسط
هيفاء 22 جامعه تخصصها علم نفس
مشعل 18 سنة ثاني ثانوي



يوم الجمعة

الساعة 11 الظهر

ببيت ابو فيصل

ام فيصل تدخل البيت وتشوف فيصل ووجدان جالسين بالصالة

وجدان : يممممه اخيرا رجعتي من بيت ام سليمان
ام فيصل وهي تجلس : اييييه اليوم جت وحده جديده علينا
وجدان : مين ؟ من معارف ام سليمان ؟
ام فيصل : لا اسمها ام نايف اللي بالبيت اللي مقابلنا
وجدان وهي تضحك : ماشاءالله متى سكنوا ومتى تعرفت عليها ام سليمان ؟
ام فيصل : ساكنين الاسبوع اللي فات وعاد انتي تعرفين أم سليمان مابقى احد ماتعرفت عليه ( وتضحك )
على فكره ترى ام سليمان تسأل عنك اليوم ورجعت تقول لي انها تبيك لسليمان
وجدان تصارخ : لاااااااا مااانست ذي السالفة
ام فيصل وهي تضحك : مسسستحيل تنساها ههههههههههههه
فيصل : عاد اذا اخذتي سليمان والله بتبرأ منك
ام فيصل : شايف منه شي عشان تقول كذا حرام عليكم
فيصل وهو يقوم : بثر يمه والله ماتخيل انه ياخذ اختي
وجدان : خلينا من سالفة سليمان ذي الجارة الجديدة عندها بنااات بعمري ؟
ام فيصل : معها 3 بنات وشكلهم نفس عمرك وفيه وحدة متزوجة معها عيالها
وجدان : طيب كشخات ولا ؟
ام فيصل : مدري جايين بعباياتهم تعالي معي الجمعة الجاية وشوفيهم
وجدان : لا وييين مالي خلق صراحة وتخيلي اروح وتقعد تلمح لي ام سليمان والله باتضارب معها
ام فيصل : عييب يابنت تراها بعمري احترميها
وجدان : اوكي ماما صحيح بعمرك بس والله فيه فرق بسم الله عليك منها
ام فيصل ترميها بالخداديه : اقول بس قومي عني اشغلتيني عن صلاة الضحى بكلامك الفاضي هذا
وجدان : طيب اسمعي يمه متى بنروح بيت جدتي اليوم ؟
ام فيصل : العصر وتجهزوا بدري عشان مانتأخر عليهم
وجدان ترقى الدرج : اوكي


الليل

في بيت الجده

الصالة كانت زحممه الحريم جالسين يسولفون والبنات من جهة ثانية

الهنوف تحاول تقنع البنات انهم يطلعون عن ازعاج الحريم والبزران
والبنات داخلين جو وماعطوها وجه
كانت جنبها وجدان
لفت عليها وقالت
الهنوف : وجدان تعالي نطلع الحوش ابي اشم هوا وابعد عن هالازعاج
وجدان : يااالله تعالي انا بعد احس اني مليت

طلعو الهنوف ووجدان

وجدان : يرحم امك مانبي نقرب من الملحق ماجبت طرحتي
الهنوف : لااا بنروح من ورا عند الملعب اكيد فاضي
وجدان : يالله

راحو ورا وفعلآ كان الملعب فاضي جلسو على الطاوله اللي جنبه يسولفوون

الهنوف : صح بيت رهف هنا ؟
وجدان : اييييه قدام بيت جدتي بس يسار شوي واضح مره وقريب
الهنوف : ليتنا نروح لها قبل العشاء شووي
وجدان اعجبتها الفكرة: شرايك صدق نروح لها ؟
الهنوف : يااالله بس لحظة خلينا نتصل عليها يمكن مو بالبيت
اتصلت الهنوف وردت رهف

رهف : هلاا
الهنوف حطت سبيكر وتكلمت هي ووجدان : هااااي رهف
رهف : هلااا والله يالخاينات مجتمعين
الهنوف وهي تضحك : اييييه عند جدتي
رهف : ايييه اشوف بيت جدتك منوووور
الهنوف بدلع : ايييه اكيد نوري
رهف : ههههههههههه لاياغبية فاتحين الانوار يعني
وجدان ماتت ضححك
الهنوف : طيب اكذبي علي وقولي ايه ههههههههههههههههه
وجدان : اسمعي رهف فاضيين نجيك شوي ؟
رهف : حيااااكم تعالووو ان ماشالكم البيت تشيلكم عيوني وجيبو من يعز عليكم بعد
الهنوف : ترى بنصدق ونجي كلنا
رهف : والله جد تعالو ترى مررررة فااااضية ماعندي شي
وجدان : خلااص جهزي القهوة وافتحي الباب وبنجيك بس مدري مين بيجي من البنات
رهف : اهم شي جيبو مشاعل واختها ماقد شفتهم ابد
وجدان : اوك بجيبهم غصب

سكرو من رهف وراحو يدخلوون الصالة وقالو للبنات ان رهف عازمتهم
والبنات تحمسوو وراحو عند الامهات عشان يقولون لهم

وجدان : يمممه بنروح لرهف شوي قبل العشاء تبي تشوف بنات عمي مشاعل وهيفاء
ام فيصل : خلووها تجي هي وحدة انتم كثير
الجده : خلهم يروحون ينبسطون عندها شوي ويرجعون
الهنوف : مسستحيل تجي يمه اكيد بتستحي حنا بنروح لها نص ساعة نتقهوى ونرجع قبل العشا
ام عبدالعزيز بتسائل : مين رهف هذي ؟
ام عبدالله : صديقتهم يعرفونها من الثانوي
ام عبدالعزيز : تعرفونهم زيين ؟
الجده :افاا يام عبدالعزيز ماتثقين بجيراني
ام عبدالعزيز : لاوالله ياخالتي ماقصد كذا بس اني ماعرفهم
الجده : انا اعرفهم وش حليييلهم وامهم تنحط على الجرح يبرى
مشااعل : اييييه يمه تكفين مرة خاطري اشوف رهف هذي اسمع فيها وللحين ماشفتها
ام عبدالعزيز : روحوو اجل بس خلو جوالاتكم معاكم ولاتطولون

البنات راحووو يلبسون عباياتهم عشان يطلعون

عند الملحق اللي بابه عند باب الشارع
البنات كلهم طالعين ولابسين عباياتهم بيروحون لرهف
طلع من الملحق عبدالله

عبدالله : اووف وش هالجيش وين بتروحون له ؟ ولاتوكم جايين ؟
الهنوف : لارايحين لصاحبتنا
عبدالله : هالوقت ؟ والله النشبااات
وجدان : لاتنكد علينا بليز عبدالله امهاتنا بالغصب وافقو
عبدالله يضحك : روحو يابثرات بس لاتطولون
ودخل الملحق

مشاعل : الهنوف اخوك لو تغيرو كل الناس مستحيل يتغير
الهنوف : طالع على اخته الله يخلف على امي بس
نورة : والله احبه هالمخلوق يختي لو انه موب كبري عرضت عليه الزواج
الهنوف : وقدامي بعد ؟ ههههههههههههههههههه
نورة : وش علي منك ولد عمي واحبه
وجدان : امشوا بس لاتبرد قهوة رهف

طلعوا من البيت لبيت رهف


ببيت رهف
بغرفة وعد

رهف داخله عليها تعلمها ان البنات بيجون

وعد : ياحلييلهم بنات عمها اللي بالشرقية ؟
رهف : ايييه اانا مرة متحمسة اشوفهم
وعد : حتى انا مرة تحمسسست سويتي قهوة ؟
رهف : قلت لساندي تسويها وتفرش بالحديقة عشان نجلس كلنا
وعد : حلوووو بلبسس وبنزل اجل
رهف : انا شكلي مرتب ؟

كانت لابسة بنطلون جينز وتيشيرت احمر ورابطة شعرها على ورا

وعد : ايييه حلو مو اوفر اهم شي
رهف : ايييه انا مابي اوفر مرة خصوصآ انهم ماراح يطولون

سمعت الجرس وطلعت من غرفة وعد تركض


عند باب بيت اهل رهف

تركي سمع الجرس وهو بالملحق وطلع يبي يشوف
فتح الباب وشاف كم بنت واقفين

تركي : تفضلو حياكم الله الاهل داخل

الهنوف كانت بمقدمة البنات وناظرته بطرف عين
هو شافها وارتاع وشلون هذي اللي ببيتنا اليوم تجي الحين
تشابكت الافكار بمخه ووقف شوي مفهي

جت رهف من ورااه

رهف : تررريكي وش مجلسك عند الباب ووراك مادخلتهم
تركي استوعب الموضوع وقعد يضحك لانه ارتبك من كثرتهم
وطلع من البيت وراح لسيارته وهو يضحك

رهف : ادخلووو ماعليكم من اخوي مو طبيعي اليوم
الهنوف وهي تدخل وتفك طرحتها : اكييد مو صاحي عقب اللي سواه فيني اليوم
رهف وهي تسلم على البنات : تراك مروعته اليوم داخل مصدع وشافك وزاد الصداع
البنات : ههههههههههههههههههههههههههههههههه

كانو مشاعل وهيفاء ورا البنات وصلتهم رهف
رهف : هلاا هلاااا تو مانور بيتنا
مشاعل : منووور بأهله
وسلمت عليها وعلى هيفاء
رهف : وجدان ياخاينه ليه ماعلمتيني ان بنات عمك حلوات كذا
هيفاء : وجدان ليه ماعلمتينا ان صديقتك ذوق
رهف تضم هيفاء : ياااحلووووك

وجلسو البنات

رهف تصب القهوة : ايييه وش اخباركم ياحلووووين
نورة : تماااام انتي بشرينا عنك من زمااان عنك
رهف تلف على غدي وجمانة : وانتم اخباااركم وكيف ثالث ثانوي معكم
جمانة : يوووووه لاتسأليني تكفيييين احاول انسى
غدي : من جدد رهف حنا جايين ننبسط لاتطلعين القهوة من عيوننا
وجدان : اللي يشوفكم يقول دكتوراة ترى كلها ثالث ثانوي
غدي : مانكلم اللي داخلين ادب انجليزي
رهف : ههههههههههههههههه انا ادب انجليزي بعد
غدي : يووووه خلاص يعني نسكت ؟
رهف : لالاكلموني لحالي خلكم من وجدان
الهنوف : بنات شرايكم ننحاش
هيفاء : تكلمت ام الشطحات
مشاعل : هههههههههههههه وين تنحاشين والشارع كله سيارات عمانك وعيال عمانك ؟
الهنوف : ياشينكم عطوني جوي
نورة : الهنوف بنحاش معك بس زوجيني اخوك
الهنوف : ههههههههههههههههههه تبينه من جدك ؟
نورة تمثل انها دايخه باستهبال : اييييه شق قلبي من النص احبه يختي
وعد مرتاعة من صراحتها : تحبينه انتي صدق ؟
نورة طاحت على ورا وهي تضحك : اييييه وعد ليه ماصدقتيني ؟؟؟
وعد : افف الله يعطيني نفس جرائتك
رهف : ليه وعد تحبين احد وتبين تعترفين له
وعد : لااااا بس يعني ماشاءالله جريئة
نورة : هههههههههههههههههههههههه يختي لو شفتي عبدالله صدقيني بتصيرين كذا

كملوو البنات سواليف وضحك ولما خلصو رجعو لبيت جدتهم يتعشون ورجعو لبيوتهم كلهم وهم تعبانيين


نهاية البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-05-2017, 07:51 PM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا



-2-


بعد 3 ايام


بالجامعة الساعة 3 ونصف


رهف ووجدان توهم طالعين من الاختبار
وجدان شوي وتبكي : ماحليت يختي مت امس وانا اذاكر بس اسئلتها صعببة
رهف : مررررة انا الفت منهج جديد خلاص بخليها على الحظ
وجدان تجلس على الكرسي وهي متضايقة : يختي قهر اكلت الكتاب اكل
رهف : على طاري الاكل خلينا نفطر جوعانة
وجدان : وانا بعد جووعااانة من امس ما اكلت شي
رهف : وش تبين بجيب اكل
وجدان : لااا مابي شي الحين باكل بالبيت ان شاءالله بس خلاص ابي اطلع من الجامعة فيني اكتئاب للحين من الاختبار
رهف : خلاص لا تسوين دراما بليز عوضي بالاختبار الثاني
وبعدين يامجنونة ليه ما اكلتي ؟؟
وجدان تطلع جوالها : بالبيت ان شاءالله اسمعي بس شرايك ترجعين معي للبيت ؟
رهف : لاا تخيلي اطلع معك وتدوخين علي فاضية لك ههههههههههههههههههه
وجدان : ههههههههههههه ان شاءالله لا ماراح ادوخ وتعالي معي شوي ساعتين كذا نراجع مادة بكرة بعدين ترجعين بيتكم
رهف : لا خليها بعد الاختبارات احسن عشان انام عندكم
وجدان وهي تشوف جوالها : جوالي طافي ياربيه مو وققققته
رهف طلعت جوالها : خذي اتصلي على سواقكم من جوالي
خذت وجدان جوال رهف واتصلت على السواق وعلمها مكانه

وودعت رهف وطلعت



قدام بنك .....


كان تركي وعلي يسولفون قدام سياراتهم


تركي : المدير وافق على اجازتك ؟
علي : ايييه جلست اسولف معه اليوم ويالله يالله عطاني اسبوع ويقول بعد الخميس لازم تداوم عندك دورة
تركي : تدري اني اقنعه بالاجازة لي شهرين ورافض تمامآ
علي يرفع حواجبه : الناس مقامات ياخي
تركي : طيب ناوي تسوي شي ولا بس ماخذها لعب ؟
علي : ودي اروح دبي يومين ثم ارجع هنا اخلص لي كم شغلة
تركي : يطاوعك قلبك تروح بدوني ؟
علي : ايه يطاوعني مثل مايطاوعني الحين اني اسحب عليك وارجع البيت يارجل احترقت بالشمس
تركي : انا مافكرت بحرارة الشمس محترق قلبي من اجازتك
علي : ههههههههههههههههههههههههههههه قل ماشاءالله لاتطيح فيني الطيارة
تركي يضحك ويفتح باب السيارة : ماشاءالله يالله بس انقلع ماكلم ناس مأجزين


علي يفتح باب سيارته وهو يضحك



بالسيارة قدام بيت ابو فيصل


راجو : ماما مدام وبابا وفيصل برا بيت
وجدان : وين رايحين له ؟
راجو : مايدري والله بس يقول بابا قول لوجدان
وجدان : اوكي


تنزل من السيارة وهي تعدل طرحتها

وتفتح شنطتها عشان تطلع المفتاح وتدوره مالقته

وجدان : يوووه شكله بشنطتي الثانية من بعد بيت جدتي يااااربيه وجوالي مقفل شسوي

التفتت تبي تشوف السواق ولا ولقت السيارة مو موجودة : لاااا بعد رااجو راح شهاليووووم النححححس


وقفت قدام الباب وهي خايفه شوي لان بعض البيوت عندهم فيها عمال للحين يبنونها



بالسيارة عند علي


مشغل محمد عبده الاماكن وطربااان ويغني معه
وقف عند البيت ومانزل ينتظر الاغنية تخلص



وجدان سمعت صوت سيارة وانبسطت تحسب انه اهلها ولفت وشافتها قدام بيت جيرانهم

وجدان تتحلطم بصوت واطي : احد يشغل محمد عبده هالجووو والله رايق بعد



بالسيارة

علي جا بينزل من السيارة وشاف وحدة واقفة عند باب البيت اللي قدامهم

علي : وش موقفها هنا هذي ؟ ( وبعدم اهتمام ) انا وش دخلني بعد اكيد مافتحو لها اهلها

جلس شوي مانزل من السيارة

وشافها طولت واقفة عند الباب ونزل من السيارة



وجدان الشمس فوق راسها بالضبططط وبدت تحس ان الدنيا قاعدة تدور
شوي وجلست على الدرج وحطت يدها على وجهها عشان تغطي الشمس عنه


فجأة سمعت صوت


علي : اختي ليه مادخلتي البيت ؟
وجدان مو فاضية له وببالها تقول يعني بجلس برا اتشمس مثلا ؟ اكيد ماعندي مفتاح
علي شافها حاطه يدها على وجهها

علي : فيك شي ؟
وجدان ترد بصعوبة : لاا مافيني شي
علي : طيب وجودك هنا غلط ترى العمال موجودين بكل مكان اتصلتي على اهلك ؟؟؟
وجدان تكذب : اييه اتصلت عليهم ويقولون اللحين بيوصلون
علي : طيب تعالي عند الاهل لين يجون اهلك
وجدان : لااا مشكور بس ابي موية
علي : ابشري

ويروح لسيارته ويطلع علبة موية شارب هو شوي منها

علي : خذي هذي
وجدان تفتحها بصعوبة وتغسل وجهها بعدين تاخذ الباقي وتشرب منه

علي يناظرها خايف شوي وفيه الضحكة


وجدان تمسك راسها : خ..خلاص مشكور اخوي
علي : يختي تعالي معي عند الاهل وجودك هنا والله غلط وشكلي وانا واقف عندك غلط


وجدان جت تحاول تقوم وحست انها ددددايخة ورجعت تجلس

علي خاف وقرب منها

علي : وش فيك ؟
وجدان تسمع الصوت وتحس انه قاعد يختفي شوي وحطت يدها على الارض وهي تطلع صوت انييين من الم راسها
علي خاااف عليها وقرب اكثر ومسك يدها يبي يساعدها عشان تقوم
مسك يدها وهو مرتاع وشافها ترجع ورا على الباب

ورفعها عشان ماتطيح بقوة على راسها ومسك ظهرها من ورا وحس كأنها بتطيح مرة ثانية

شدها اكثر وقربها لجسمه


وجدان ماعاد تحس بشي ابدددد غابت عن الوعي

هو ماسكها من ظهرها وشادها له عشان ماتفلت من يده وتطيح

وراسها على صدره من يسار

ولف على الباب وشاف شنطتها خذها بيده الثانيه ورجع يمسكها


مسك طرحتها بيد وحدة وغطى وجهها عشان ماتحرقها الشمس

ومشى فيها

علي بقلبه : انا وش خلاني انزل لو اني جالس بالسيارة ماصار كل هذا
( ونزل راسه وشافها ) بس والله تنرحم المسكينة شكلها من ساعتين بنفس المكان


وصل البيت وفتح الباب وهو مازال ماسكها


دخل وهو ينادي : يمممممه
ام نايف كانت بالمطبخ الخارجي سمعته وطلعت وشافته حاضن بنت الا شوي وماسكها بيدينها
ام نايف بخوف : عليييي ؟؟؟؟ من هذييي؟
علي : يمه هذي بنت الجيران داخت عند بيتهم ومدري وش صار فيها وجبتها
ام نايف جت جهته وهي تركض : يافضيحتنا عند الجيران وراهااا ماجت تدق الجرس
علي : وش دراني عنها يمه تكفين امسكيها ونادي الجازي او اي احد يمسكها معك
ام نايف خذتها من يدينه ومسكتها وهي ترفع طرحتها وتطق وجهها بخفيف : علي جب موية
علي: طيب

وراح يجيب موية


رجع لها وهو يعطيها الكاس وهي مازالت تطق وجهها خذت موية شوي ورشتها على وجهها فزت وجدان من برودة الموية

ام نايف تسمي عليها : بسم الله عليك بسم الله علييك

وجدان تلف وتشوف حرمة واقفة وجنبها واحد واقف وماتدري وينها فيه

خافت وجلست تصيح


ام نايف بتفهم : وش فييك يامي لاتخافين حنا جيرانكم بس انتي بنت مين
وجدان سكتت وتمسح دموعها : حنا بيت ال.....
ام نايف تبتسم : ونعععم والله ببنت ام فيصل بس انتي اي وحدة من بناتها
وجدان : انا وجدان .. خالتي بس الله يعافيك ابي شاحن جوال عشان اكلم امي

علي يفتح عيونه بقوه : الكذااابه تو تقول دقيت على اهلي

وجدان تلتفت عليه وهي مرتبكة

ام نايف : انت وش مجلسك هنا للحين رح خل البنت تاخذ راحتها

علي يضحك وهو لاف بيروح الملحق : ابشري ياست الكل
وجدان فيها الضحكة بس الموقف يربك موب وقته تضحك


ام نايف تطلع جوالها وتدق رقم ام فيصل : تعالي كلمي امك داخل عن الشمس والحر

وجدان تمشي معها داخل وتاخذ الجوال منها وتدق على امها


عائلة ابو نايف


نايف 35 متزوج وعنده ولد واحد ومبتعث هو وزوجته
علي 29 يشتغل مع تركي بنفس البنك
العنود 19 ثالث ثانوي
الجازي 23 بالجامعة تخصص حاسب
بتول 15 ثالث متوسط



دخلت وجدان الصالة وهي مستحية ووجهها متقلب مره ماتدري وش صار ووشلون وصلت ماستوعبت ولاشي


الجازي والعنود كانو جالسين على جوالاتهم شافو بنت داخلة مع امهم وقامو
ام نايف وهي تحط يدها على كتف وجدان : هذي وجدان بنت ام فيصل اجلسي يامي عندهم لين ترد امك



العنود والجازي يسلمون عليييها : هلاوالله ببنت الجيران
الجازي : ميري جيبي القهووة
وجدان : لاتكلفون على نفسكم الحين اهلي بيجون
العنود تقوم : انا بجيب القهوة وبعدين مافيه كلافة حنا جيران (وتبتسم لوجدان) لاتستحين
وجدان : تسلمووون والله



ببيت ابو تركي


رهف بغرفتها توها راجعة من الجامعة وقاعدة تمسح المكياج وتفصخ العدسات


جرحت عينها بااظفرها وهي تطلع العدسة والعدسه كملت الباقي وجرحت عينها
وعورتها مرة

رهف : ااااحححح وش سويت انا
وتمسك عينها وهي تدمع


دخلت ام تركي : رهف اليوم بن... وش فييك ؟؟؟؟
رهف ويدها على عينها : ماادري فصخت العدسات وشكلها جرحت عيني او انقطعت ماادري
ام تركي بخوف : وريني عينك افتحيها
رهف : مااقدر تحرقققني
ام تركي : البسي عبايتك خل نروح المستشفى


جابت ام تركي عباية رهف ولبسو وطلعو




الساعة 5 ونصف


بمستشفى ......


دكتور معاذ جالس بمكتبه يكلم بالجوال

معاذ : لاياعيني كم لي متفق معك هالموضوع ؟ .. ابشري من عيوني الثنتين ولاتزعلين .. والله ,, (ويبتسم ويحك شعره )
يووووه ماتنتظرين طيب لين ارجع البيت ونفتح السالفة من جديد ؟ .. لاياقلبي عندي مواعيد كثيرة اليوم ماتوقع ارجع قبل 12
ونصف

دق تلفون مكتبه


معاذ : شوي وارجع اكلمك


سكر منها ورد على التلفون

وكان موظف الاستقبال يقول له ان فيه حالة طارئة تنتظره وقال له يدخلها



ببيت ابو فيصل


وجدان قاعدة تاكل بالصالة وامها عندها

ام فيصل : ابلعي اكلك وقولي لي وش صار بالتفصيل
وجدان تضحك وهي تاكل وتتكلم كلام غير مفهوم
ام فيصل تطقها : ابلعي اول
وجدان تشرب موية : صار وش يعني والله يمه ماصار شي
ام فيصل : جايبتك من بيت ام نايف وانتي مصدعة وتقولين ماصار شي ؟
وجدان تكذب : لما شفتكم طولتو رحت رنيت الجرس عليهم وقلت اني بكلم اهلي عشان جوالي مخلص شحنه
ام فيصل صدقتها : مرة ثانية اشحني جوالك وجيبي المفتاح
وجدان ارتاحت انها ماسألت اكثر: ان شاااااءالله بعلق المفتاح برقبتي عشان مانساه ابد


دخل فيصل ويشوف وجدان تاكل

فيصل : شوي شوي لاتاكلين الملعقة
وجدان ماناظرته ولاعطته اي اهتمام
فيصل يناظر امه يأشر على وجدان : وش فيها ذي ؟
ام فيصل : خلها تاكل الخبلة من امس ماكلت شي
فيصل : يمه خل نقوم عنها تكفين والله تسويها وتاكلنا
ام فيصل تضحك عليه ووجدان تركت الاكل يعنني زعلانة



بمستشفى ال......


رهف عند دكتور معاذ ويكشف على عينها


معاذ : الالم مع اي عين ؟
رهف : اليسار
معاذ : العدسات طبية ؟
وهل اول مرة تلبسينها ولا كثير تلبسينها؟
وهل اشتكيتي من قبل من الم بعيونك ولا اول مرة ؟

رهف بقلبها : حشااااا وش ذا الاسئلة
معاذ استغرب انها ساكتة : رهف ؟
رهف : هلا دكتور
لا العدسات مو طبية وعادي دايم البسها بس هالمره وانا اطلعها جرحت عيني باظفري وهي انقطعت وجرحت عيني اكثر

معاذ يفصخ البالطو ويمشي لمكتبه : بكتب لك قطرة تخفف الالم لكن ماتنهيه ابد وبعطيك موعد بس هل انتي موظفة او طالبة ؟
اذا ايه علميني عشان ماتتعارض مواعيدك مع دوامك
رهف : انا طالبة
معاذ يفصخ نظارته : طيب انا بكتب لك موعدين بالاسبوع وش يناسبك اي يوم ؟
رهف بخوف : لهالدرجة المشكلة اللي بعيوني صعبة ؟
معاذ : لاا مو صعبة لكن انا شاك بشي وان شاءالله انه غلط علي
رهف خافت اكثر : وشووو ؟
معاذ : بعد ما اتأكد اقولك بس اختاري يومين ودقي على الاستقبال وبلغيهم عشان يخبروني بهالشي (يبتسم ) وللمعلومية دوامي يبدا من 5 الى 12
رهف : طيب مشكور دكتور
معاذ ابتسم اقوى وبانت غمازته : العفووو




في بيت ابو فيصل



وجدان جالسة بغرفة نورة ويسولفون


وجدان : يختي احس ان هيفاء بنت عمي متغيرة شوي ماحسيتي ؟
نورة وهي تحط كريم : لااا ماحسيت صراحة ليه وش تحسين فيها يعني؟
وجدان : مااادري احس نفسيتها مش ولابد مو هيفاء اللي نعرفها ابد
نورة : اتوقع من الاختبارات وكذا
وجدان : كلنا نختبر لكن محد نفسيته كذا صدقيني لااا الموضوع موب موضوع اختبارات
نورة : ليتك قلتي لي لما كنا ببيت جدتي
وجدان : لما كنا عند رهف اغمز لك ابيك تشوفيني وتدققين بس ماعطيتيني وجه تسولفين عن الحب عبدالله
نورة : هههههههههههههههههههه يختي انتم ماتفهمون اني احبه
وجدان تضحك على هبالها : هههههههههههه مابينك وبينه الا سنة ماينفع تحبينه يختي خليك مثلي مستحيل ارضى الا بواحد بيني وبينه عالاقل 4 سنوات
نورة : وين بتلقينه ذا ؟
وجدان : بقعد ادور عليه طول عمري فتى احلاااامي ( وتمسك قلبها ) حبيييييبي والله
نورة : منهوووووو يالخااااينة ؟؟؟ من وراااي ؟؟؟
وجدان : اقولها بدوره تقول منهو .. اول مالقاه بعلمك صدقيني
نورة تدفها من السرير : قومي عني دوريه وانا وراي شغل لازم اسلمه بكرة للمدير
وجدان ترجع تقرب عندها : لحظة لحظة بقولك شي قبل ماتبدين
نورة وهي ماسكة اللاب توب : امممم
وجدان : شوووفيني يوم الخميس الجاي يوم ميلاد الهنوف خل نسوي قروب ونجمع البنات ونتفق وش نسوي
نورة : قداام بس بليز لايصير نفس ميلادها السنة اللي فاتت نص اللي انعزموا ماجو
وجدان : لااا كلهم بيجون ماعليك وغصب بعد وبعدين ماعزمنا كثيير
نورة : خلاص اجل اجمعيهم بقروب وانا بخلص شغلي وادخل معاكم
وجدان تقوم تطلع من الغرفة : زيييين



من بكرة بالجامعة


الهنوف تطب على وجدان ورهف جالسين يتكلمون بشويش


الهنوف : شتسوووووووون بدوني
رهف ووجدان ارتاعو ولفو عليها
وجدان : خبصتي قلبي حسبي الله عليك
رهف : متى تصيرين انثى انتي وتتكلمين بشويش
الهنوف تضحك : بأحلامك اصير انثى المهم علموني وش كنتو تقولون وش شايفين ومن تحشون فيه (وتتلفت على البنات ) اي وحدة بسرعة بحش
وجدان تطقها : فضحتيييينا والله مانحش في احد بس رهف جالسة تعلمني عن موعدها امس مع دكتور وسيييييم
الهنوف : منهووووو ووش موعده واي مستشفى بسرعة كل شي بجسمي يوجعني بروووح له
رهف : هههههههههههههههههههههههههههههه الله ياخذك هدي اعصابك شوي عشان اعرف اجاوب
الهنوف تناظر عيون رهف وهي حمرا شوي : شفييها عيونك بعدد ؟؟؟؟
رهف : ياغبية انا رايحة لدكتور عيون امس عيني التهبت مدري شصار لها من العدسات ورحت لدكتور عيون يختي يهبلللل تعرفين اللي مرة حلووو بس سويت نفسي اي دونت كير
الهنوف : انا مابي اسوي نفسي اني ماهتميت هاتي رقمه بتعرف عليه
وجدان : وش فيك الهنوف صرتي خفيفة ماتوقعتها منك هههههههههههههههه
الهنوف : وش اسوي حياتي يملاها الجفاف يختي ابي واحد يقولي كلام حلو بس
رهف : خذي عيوني وروحي له تكفين بس اهم شي مايرجع لي الالم اللي امس


الهنوف ووجدان جلسو يسألونها وش قال لها ووش صار بعيونها


بنفس الجامعة ونفس المكان لكن بطاولة ثانية


الجازي وصديقتها جالسين يشوفون البنات


ريوف : شوفيي ذيك اللي معطيتنا ظهرها وصابغة شعرها رمادي تجججنن صبغتها
الجازي : اييه ماشاءالله حلووو شعرها ودي اسألها وين صبغتيه
ريوف : ههههههههههههههه عاد اتحداك تقولك وين بنات الجامعة كذابين
الجازي تتخيل وتقلد : والله حبيبتي كان مغمى علي ووداني اخوي لمشغل بعيد مدري وش اسمه
وصبغت وطلعت وانفجر المشغل بعد ساعة وتدمر الحي كله بس الحمدلله نجينا حنا
ريوف ماتت ضحك : هههههههههههههههههههههههههههههههههههههههههههههه
الجازي فتحت عيونها : شفتيي اللي قدامها ؟
ريوف : فيه ثنتين اي وحدة ؟ اللي رابطة شعرها ولا اللي فاكته
الجازي : لا رابطته هذي اعرفففها والله قد شفتها بمكان
ريوف : يمه تخيلي الحلقة الاخيرة تصير تقرب لك
الجازي : لااا بس والله شايفتها بمكان ( وسكتت شوي ) ايييييييه ذكككككررررت تدرين منهييي
ريوف : ميييين
الجازي: اخخخت صديق علي اخوي شفناها في زواج عمتها
ريوف : بالله علييك
الجازي : والله .. شرايك نقوم نسلم عليهم
ريوف : لاا استحي يختي شوفيهم يسولفون كنهم داخلين بسالفة حماس
الجازي تقوم وتسحبها : قومي بس وش ورانا خل نسلم ونرجع

ريوف تقوم معها



رهف ووجدان يتكلمون الهنوف شافت بنتين جايين جهتهم


الهنوف : بنات انتم تنتظرون احد
وجدان تلتفت عليها : لااا ليه ؟
تو الهنوف جت تتكلم وجت الجازي ومعها ريوف


الجازي : سلاام بنات
رهف ووجدان والهنوف يقومون

الهنوف : هلااوالله وعليكم السلام
الجازي تناظر رهف : هلا رهووووفة
رهف ناظرتها : هلاا ( وتذكرت ) الجازي ؟ هلااااوالله

يسلمون على بعض بحرارة

لفت الجازي بتسلم على وجدان لان هي الوحيدة اللي ماشافتها زين

قامت وجدان ولفت عليها وشافو بعض وفتحو عيوونهم بقوة

الجازي : وججججداااان ؟؟؟
وجدان اسسستحت وضحكت : هلاا الجازي

وسلمت عليها وكلهم يضحكون

الهنوف ورهف وريوف يناظرونهم ومافهمووو ولاشي


رهف : شلووون تعرفون بعض يالخاينااات
الجازي : امسس كانت عندنا ببيتنا
رهف فتحت عيونها : شجاابها لبيتكم

وجلست الجازي وهي تعلمهم السالفة

وجدان تذكرت علي وانقلب وجهها وتدعي ربها انها ماتدري كيف وصلت بيتهم
الجازي خلصت السالفة بدون ماتجيب طاري علي ووجدان ارتاااحت نفسيآ انه ماقال لها شي

وخذو ارقام بعض وجلسو يسولفون لين كل وحدة راحت لمحاضرتها



بعد اسبوع اختبارات نصف الفصل اللي كان طويل على البعض والبعض مر عليهم بغمضة عين

يوم الاربعاء الليل


رهف ووجدان ببيت ابوفيصل يتعشون


رهف : تدرين انك ماقلتي لي للحين عن سالفة بيت الجازي شلووون رحتي لهم
وجدان تغص بالاكل : كحححح كححح
رهف : ونفسسس ردة الفعل تجيني كل مافتحت السالفة ؟ شفييك انتي
وجدان تركت البطاطس ولفت عليها : لو تدرين يارهف شصار بتجلديني
رهف : وششش صااار قولي بسرعة انا سمعت السالفة من الجازي بس وجهك وقتها مايبشر بخير حسيت ان الموضوع ناقص شوي او فيه انّ
وجدان رجعت تتذكر الموضوع وابتسمت

رهف نطت عليها : وششششش ذاااا الابتساااامة علميييييني وش صااار
وجدان قالت لها من يوم نزل من السيارة لييييين جت امه وخذتها منه ورهف تناظرها وهي ماسكة البطاطس بيدها ومفهييييية


رهف : ايوووووواااااااه
وجدان وهي تضحك : لاويوم قلت لخالتي ام نايف اني ابي شاحن او جوال قال النصااابة تقول لي مامعي ياربيييه مسوي يموون
رهف : خخخالتي ام ناايف ! ههههههههههههههه من متى صارت خالتك ؟
وجدان : يعني كبر امي كذا اكيد بتصير خالتي احترام يعني
رهف : ماشاءالله وش هالاحترام اللي نزل فجأة بس يالله بمشيها لك
وجدان : يختي احس اني ماستوعبت للحين ان واحد ماسكني وحاطني على صدره بالرياض بعد
رهف تضحك : ههههههههههههههههههههههه انا ماتخيلك دايخة يختي احسك كنتي تستهبلين
وجدان : ياربيه الله لايعيد ذاك اليوم والله رهف احس اني كنت بين الموت والحياة احس فيه ماسكني بس بنفس الوقت احس اني موب موجودة مدري كيف
رهف : طيب حلوووووو ؟؟
وجدان : يووه يالروقان والله مدري ماركزت كانت خالتي ( وتضحك ) خااالتي ام نايف كانت موجودة
رهف : تصدقين عاد على كثر مايجي بيتنا الا اني ماقد شفته اسمع فيه من تركي بس
وجدان باهتمام : وش يقول عنه ؟
رهف : يعني مايقول عنه شي بس دايم يسافر معه وكذا ( وتغمز لها ) وبعدين وش هالاسئلة ولاحب من اول دوخة
وجدان تطقها : لاوالله بس ابي اعرف يعني كذا سواليف
رهف : علييينا ؟
وجدان : تصدقين عاد اقولك شي ؟
رهف : ايوه؟
وجدان بغت تتكلم بعدين غيرت رايها : صح على طاااري اهل نايف بكلم الجازي وخواتها اعزمهم

رهف تذكرت انهم ماعزموهم وخذت جوالها بسرعة

رهف : تتصلين انتي ولا انا ؟
وجدان سحبت جوالها : احد يتصل هالحزة ؟
رهف شافت الساعة 12 : هههههههههههههه اشوا اني مااتصلت والله مايجون
وجدان : ههههههههههههه من جد اجل احد يعزم اخر الليل ؟
رهف تنسدح : خلينا ننااام وبكرة نتصل عليهم




يوم الخميس الساعة 1 ونص

البنات ماداومو وجالسين ببيت ابوفيصل يرتبون لحفلة الهنوف

كلهم كانو موجودين باستثناء وعد والهنوف

وعد طلعت وراحت للهنوف عشان ماتشك بشي


وجدان تكلم رهف : مادقت عليك وعد ؟ الله يستر خايفة توهقنا وتقول لهنوف كل شي
رهف : لا انا قايلة لها لو قالت شي بذبحها
نورة : وش رايكم اروح معهم
وجدان : هههههههههههه لا ياعيني دارية انك ماتبين تشتغلين
نورة : ماجبتو هنوف وماجبتو خواتها ماينكرف هنا الا حنا
رهف : ياشينك عاد ماسويتي شي كلها ترتيب بس
نورة تحرك شعرها بغرور : وش ترتيب اساسا انا ماعرف شي اسمه ترتيب من يوم انولدت ووجدان تشتغل عندي
وجدان تفتح عيونها : شف الخايسسه
رهف تضحك على هبال نورة وتلتفت على وجدان


رهف : وجدان تأكدتي من حضور البنات كلهم ؟
وجدان : قلت لهم وارسلت اللوكيشن لهم وبعضهم تعذرو بس القريبات مرة بيجون
رهف : طيب متى نتصل على الجازي ؟
وجدان : صح زين ذكرتيني بدق عليهم العصر كذا تلقينهم الحين بالجامعة
رهف : بالعكس اتصلي الحين عشان يكون عندها خبر اخاف ترجع وتنام وماترد
وجدان : خلاص اجل شوي وادق عليها
رهف : زييين اكدتو موضوع الكيكة ؟
نورة : ايييه تو دقيت على المحل وقال انها جاهزة وبخلي السواق يروح ياخذها بعد ساعتين
رهف : طيب حلو وش باقي لنا ؟
وجدان : خلاص كل شي جاهز بس باقي الهدايا
رهف : ماشرييتي ؟
وجدان : شريت لها عطر بس ودي اخذ شي ثاني
نورة : احس العطر يكفي
وجدان : بما اننا خلصنا شرايكم نروح المول
نورة ورهف : اووك


طلعو من البيت رايحين للسوق


الساعة 4 ونص


قدام باب الجامعة واقف علي عند البوابة ينتظر الجازي

الجازي تركب السيارة : وششش عنده علييوي جايني
علي: عليوي اجل ؟ انزلي انزلي
الجازي : يوووه وش هالنفسية ؟
علي : ههههههههه امزح والله يابعدي
الجازي : ايوه وش صاير بالدنيا عشان يوصلني الشيخ علي
علي : اشتقت لك وحبيت اعزمك على الغدا من زمان ماطلعنا سوا
الجازي : والله عزيمتك جت بوقتهااااا من زمان ماتغديت برا
علي : نروح اول نتغدا ولا نتمشى ؟
الجازي : اللي تبي بس اسمع لازم ارجع بدري اليوم
علي : ليه ؟
الجازي : وجدان بنت جيراننا عازمتني وتقول تعالي بدري وابي ارجع اكشخ وكذا
علي يلف عليها باهتمام : بنت ابوفيصل ؟
الجازي : اييه
علي : ليه العزيمة طيب؟
الجازي : عيد ميلاد بنت عمها
علي : طيب خذتي لها هدية ؟
الجازي : لااوالله بس عندي كم شي مافتحته من علبته بغلفها واعطيها اياها ماعندي وقت اشتري
علي : خلاص خل نروح المول الحين نشتري لها وبعدها نرجع البيت عشان تطلعين لهم بدري
الجازي : والغداااا ؟
علي يأشر على عيونه : من عيوووني الثنتين بكرة وبعده كلها بتتغدين برا والمطعم اللي تختارينه بعد
الجازي : الله يخليييييك لي
علي يقرص خدها : امييييين ويخليك لي



بنفس اليوم العصر


وجدان ورهف ونورة رجعو من المول وجالسين يتقهوون


رهف : وجدان اكدتي على الجازي وخواتها؟
وجدان : اييه اتصلت عليهم وقلت لها تعالي بدري مرة قبل البنات
نورة : لاخليهم يجون مع العالم مالي خلق اكشخ من الحين
وجدان بدون ماتشوفها : عااادي لبسك حلو
نورة كانت لابسة بجامة : وجدان ارجعي شوفي بدون تسليك
وجدان تلف عليها : هههههههههههههههههههههههه اسحب كلامي
نورة : زين اني عرفت تفكيرك عشان ما اثق فيك ابد
وجدان : والله على بالي انك بلبس الدوام للحين
رهف : اسكتي انتي وياها مو وقت هوشتكم .. اتصل على جوجو ولا ؟
نورة تقوم : اتصلي عليها بروح البس
وجدان : بروح فوق اشبك جوالي بالشاحن واتصل عليها
رهف : اوكي



راحت وجدان فوق


بنفس اللحظة ببيت ابونايف


علي طالع من غرفته ورايح لغرفة الجازي دخل ولقى مافيه احد وسمع صوت الموية بالحمام

جا بيطلع وسمع جوالها يدق


جا يبي يشوف وقرا على الشاشة

وجدان ال.....


مسك الجوال بيرد بعدين حس انو لا ماله داعي وتركه

انقطع الاتصال ورجع يدق مرة ثانية


علي بقلبه : خل ارد واهبل فيها
رد عليها


وجدان من الجهة الثانية شافت الجازي ردت واستنزلت عليها

وجدان تنسدح : بدري عمتي جوجو ؟ كان مارديتي ؟؟ تعالي بسرعة قبل مايجي احد انا ونوير ورهوفه نتقهوى وننتظرك
ياويلك ان ماجيتي والله اذبحك

علي : ليتك دايم دايخة
وجدان سكتت مصدومة : ميين ؟ هذا جوال الجازي ( بعدين استوعبت كلامه ) وش دوخته ؟؟؟؟
علي : ايه جوال الجازي بس وش هالاسئلة اسألي حبة حبة بشويش على اختي
وجدان استوعبت انه مو الجازي وسكتت

علي يجلس على السرير ويتمدد : الوووووو ؟
وجدان بهدوء : وين الجازي ؟
علي : تتحمم (يكذب عليها) وترى امي رفضت انها تجي تقول ماله داعي حفلات الميلاد
وجدان صدقت : ليييييه ؟
علي فيه الضحكة وماسكها : مادري لاتسأليني اسألي الوالدة
وجدان صدقته : طيب قول لها او للعنود يتصلون علي ضروري
علي مازال ماسك ضحكته : اممم الجازي تقول اذا دقت وجدان صرفوها مابي اكلمها
وجدان عرفت انه يطقطق عليها وسكرت بوجهه وهو انفجر ضحك
رجع يتصل عليها
ردت وهي ساكتة

علي ميت ضحك : والله امزح معك ترى بس جوجو بالحمام وبتطلع بعد شوي وتجيك
وجدان : امم طيب مشكور باي
علي دموعه تنزل من الضحك : اسف والله ادري اني ثقيل دم
وجدان معصبة : طيب باي انا بسكر
علي : بااي ولاتزعليييين

وجدان سكرت منه وهي مستغربة من جرائته
وبنفس الوقت تحس قلبها يدق بقوة وفيه شعور غريب
وقعدت تتذكر لما كان ماسكها ورجعت تتذكر صوته وهو يكلمها خصوصآ لما قال الوو بهدوء


رهف دخلت عليها وشافتها جالسة وتناظر الجوال وهو مسكر


رهف : وجداااان ليه مادقيتي على جوجو
وجدان ماحست فيها
رهف جت عندها وتهزها وجدان لفت
وجدان : هلاااااا
رهف : وش فييك ؟ دقيتي على الجازي ولالا
وجدان : رهف اجلسي بقولك شي
رهف جلست جنبها : وشووو ؟

دخلت نورة عليهم

نورة : رهففف اخليك تروحين تنادينها وتروحين تجلسين عندها
رهف : تو دخلت عليها ما امداني يختي
نورة تجي تجلس : يالله طيب قومو نسوي القهوة والشاهي ونطلع العصيرات من الثلاجة مابقى شي ترى
قامو البنات ورهف تناظر وجدان بشك وخوف



نرجع لغرفة الجازي


سكر منها وهو يضحك

طلعت الجازي من الحمام


الجازي : وش تسوووي هنا
علي مازال متمدد على السرير : دقت صديقتك ورديت عليها
الجازي : ياملقوووف منهي ؟ ناوي تنحش صديقاتي ؟
علي : بنت ابوفيصل
الجازي : ايييه وجدان اكيد معصبة علي ياويلي
علي تذكر عصبيتها وضحك
الجازي : وش تبي ؟
علي : تسأل عنك وهبلت فيها شوي وشكلها زعلت
الجازي : لييييه ياسخيف
علي : من زمان مابكيت بنت
الجازي تدفه من السرير : ياشينك الحين بتتضايق اكيد
علي : تكفين قولي لها اني اسف والله انبني ضميري
الجازي تضحك : خلاص اطلع بلبس واكلمها

علي طلع وهو يضحك



نهاية البارت .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-05-2017, 07:53 PM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا



هذي روايتي الاولى اتمنى تحوز على اعجابكم
وبإذن الله راح انزل بارت او بارتين كل يوم اثنين اذا لقيت تفاعل

قراءه ممتعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-05-2017, 08:08 PM
صورة الهاجري... الرمزية
الهاجري... الهاجري... غير متصل
©؛°¨غرامي مشارك¨°؛©
 
الافتراضي رد: غالبا مايكون الحب قدر لاخيارا


روايتككك مرهه جنان

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-05-2017, 09:24 PM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا




-3-


الساعة 8 ببيت ابوفيصل

كانت ام فيصل واهلها كلهم عند جدتهم والبنات تعذرو منهم عشان حفلة هنوف

بعد ماقطعوا الكيكة وعطوها هداياها جلسو يتعشون

كان بوفية مفتوح بالحوش لان الجو لطيف بالليل

بعد ماحطو لهم اكل راحو توزعو على الطاولات

نجي لطاولة الهنوف ورهف ووجدان والجازي
الهنوف مبسووطة : بنات والله احبكم ماكنت متوقعة ان احد يتذكر ابددددد
وجدان : وعد مافضحتنا هههههههه ؟
الهنوف : لااا والله ماحسيت بشي بس كل ماسألتها عنكم تصرف وتوني الحين استوعبت ليه تصرف
رهف : هههههههههههههههههههههه فهاااوة
الجازي : الهنووف وش امنيتك بالسنة الجديدة ؟
الهنوف : شوفي بصراحة بيني وبينك ماتمنيت شي
الجازي : لييييه ؟ احلى شي امنية العام الجديد اذا ماتمنيتيها يصير يوم الميلاد ماله طعم
الهنوف : فيه امنية وحدة هي اللي اتمناها وبقعد اتمناها طول عمري
البنات كلهم تحمسو معها
وجدان : وووش هي ؟
الهنوف : ان هذي اخر سنة اشوف خششكم فيها
البنات : هههههههههههههههههههههههههههههههههههههه
وجدان : الشرهة مو عليك والله على اللي يسمع امنياتك
الجازي : بنات هي قاعدة تلمح الحين بليز سوو نفسكم مافهمتو
رهف : انا غبية ما افهم بنشب لها طول عمري
الجازي : انا بجي اسكن عندكم عشان تنسين هالامنية للابد
الهنوف : الله جوجووو تخيلي تسكنين عندنا
الجازي : هههههههههههههه صدقت
الهنوف : شوفي خذي عبدالله اخوي واسكني
وجدان : صراحه تبين نصحيتي الجازي
الجازي : ايوه
وجدان : لاتاخذينه
الجازي : اذا كان حلو ابيه غير كذا لا ماعليش
رهف : لو عشتي معه بتفقدين عقلك
الجازي : يمه خوفتوني وش فيه عبدالله ؟
الهنوف : هههههههههههههههه ذابحهم كل ماشافهم قعد يطقطق عليهم
الجازي : انا اعطيه الحق اذا طقطق على وجدان
وجدان : لييه ؟
الجازي : علي اخوي انبسط عليييك اليووم
رهف والهنوف وجيههم عليها علامات استفهام
الجازي تبي تقول السالفة وماقدرت من الضحك
وجدان : اسمحي لي بس اخوك يقهر
الجازي : هههههههههههههههههه يقولي تكفين قولي لها اسف والله
وجدان : لاااا والله ؟ بعد مابكيت الا شوي يجي يتأسف ؟
رهف : شالسااااااالفة ؟
الجازي : اتصلت على جوالي ورد علي اخوي ونرفزها وزعلت
الهنوف : هههههههههههههههههههههههههههه يوه عاد وجدان حااره
وجدان : جعله مايرد عليكم

بطاولة ثانية

العنود وغدي وجمانة جالسين يسولفون بالنسبة والجامعات اللي بيدخلونها بعد الثانوي

العنود : انا ماصدقت على الله تجي الاجازة تكفون خلاص ابي انسى الدراسة
غدي : ههههههههههههههه صادقه والله
جمانة : بنات اصفقوني كف تكفون ابي استوعب اننا اجازة خلاص
العنود : اسبوع وترجعين ترم ثاني لاتنبسطين
جمانة : لا بليز عاد تكفين ابي احلل الاجازة وانسى ان فيه شي اسمه ثالث ثانوي
غدي : ايه تكفون خلاص خلونا ننسى

جتهم بتول

بتول : انتم للحين تسولفون بنفس المووضووع ؟ خلاص بليز سكرو السالفة حنا بااجازه
العنود : خلاص خلااص سكرناه اجلسي


كملو سواليف البنات وانتهت الحفلة وكلهم راحو لبيوتهم



يوم الجمعة

ابوعبدالعزيز اتصل على اخوانه وقال لهم يجون عنده بالشرقية وحجز لهم شالية
الاخوان شاورو زوجاتهم وكلهم قررو انهم يروحون يوم السبت

الهنوف اتصلت على البنات كلهم وجمعتهم بمكالمة وحدة

مشاعل : اخييييييرا والله فرحت يوم قال لي ابوي انكم بتجون
هيفاء : من زماااان عن الشرقية عاد اخر مرة لما تزوجت خالتي صح ؟
وجدان : ايه اتوقع من 6 سنوات
مشاعل : ليييه ماتجون اليوم والله تحمسست
الهنوف : بنات قولو ان امي لطيفة ماراح تجي معنا
البنات ماتو ضحك
غدي : هههههههههههههههههههههههههههههههههه الا وابشرك اسمع ابوي اليوم يقنعها بالجوال
نورة : يارب تجلس جنبك بالطيارة نفس لما رحنا لقطر
الهنوف : لاااا تكفون
وجدان : ههههههههههههههههه انتي تنرفزينها اكيد بتستقعد لك
الهنوف : طيب وافكاري بكيفية التفصخ عند البحر وين اصرفها ؟؟؟
جمانة : هههههههههههههههههههههه على اساس امي لطيفة هي اللي مانعتك عن التفصخ ؟
هيفاء : ولايهمك هنوف نطلع انا وانتي الفجر وتفصخي مثل ماتبين بس لاتخلينها بخاطرك
مشاعل : اعقلو ترى اعلمها عنكم
نورة : مشاعل بليز لاتاخذين وضعية اكبر وحدة ترى مو لايق والله
هيفاء : اهم شي بنااات لاتنسون التان خلنا نطقم كلنا
وجدان : ايييه صح وودي اصبغ شعري قبل عشان يطلع لوك جديد
الهنوف : بنات معليش ببعثركم الحين بس مضطرة اسكر بجهز شنطتي واطلع للمول اخلص كم شغلة
وجدان : اي مول ؟
الهنوف : مول .....
وجدان : بتطولين بالمول نجي ونطلع نتعشى بعده ؟
الهنوف : يس تعالوا
نورة : اوك اجل يالله

سكرو وراحو نورة ووجدان يتجهزون عشان هنوف بتمرهم
ومشاعل وهيفاء سكرو وجلسو يقررون وش بيسوون لما يجون بنات عمهم
الساعة 6 المغرب

بمستشفى ال .......

رهف دخلت المستشفى وهي تكلم تركي بالجوال

تركي : رهووف رحلتنا الساعة 8 ونصف حنا بنروح المطار بعد نصف ساعة انتي اطلعي من موعدك وتعالي المطار مع السواق
رهف : انا خايفة مايدخلني اليوم لان موعدي المفروض انو يكون بكرة
تركي : قولي له يقدمه يوم ماراح يضر خصوصآ انك مضطرة
رهف : اوكي بقول له وارد لك اذا صار شي
تركي : خلاص قولي لي بالواتس اب وش يصير معاك
رهف : طيب

سكرت منه وركبت الاصنصير


بغرفة د . معاذ

جالس على مكتبه ويتناقش مع صديقه سلطان عن اخر قرارات الادارة

معاذ بعصبيه : ياخي انا توني راجع مالي الا اسبوعين مو منطق انهم ينقلوني للشرقية وبدون موافقتي بعد
سلطان جنب الباب يشوف المراية ويعدل شماغه
سلطان : يارجل لاتكون عصبي سايرهم وراح تمشي امورك
معاذ : فيه مليون دكتور غيري وقفت علي ؟ (ويقلد صوت رئيس القسم) انت يامعاذ الشخص المطلوب
سلطان : هههههههههههه خلاص انا بكلمه لا تزعل نفسك بس
معاذ : مابيك تكلمه انا اقدر اتكلم بس انا مقهور ان كل هذا يصير بدون ماياخذون رايي حتى
سلطان : طيب هد اعصابك انت ليه منفعل لهالدرجة
معاذ : توني راجع وابي استقر وامي مبسوطة اني رجعت واهلي كلهم وتبيني ارجع مرة ثانية اغترب ؟

بوقت نقاشهم طقت رهف الباب ومحد سمعها
فتحت الباب بشويش ودخلت كان سلطان ورا الباب يعدل شماغه وماشافته راحت قدام طاولة د.معاذ

رهف : السلام عليكم دكتور ممكن تقدم موعدي الان اذا عندك فرصة ؟
معاذ باقتضاب : انتي تشوفين هذا الوقت المناسب انك تجيني فيه ؟
ماعندك موعد اليوم موعدك بكرة اطلعي وتعالي لي بكرة

رهف تنرفزت : طيب ممكن تحسن اسلوبك معي شوي ؟ انا جيتك وقلت لك بأدب انو ممكن تقدم موعدي ؟
معاذ بعصبية طق الطاوله : اذا صرت اشتغل عندك ذيك اللحظة قولي لي قدم موعدي ولاتقدمه
رهف سكتت وقعدت تناظره مصدومه ومقهوره وخايفه والدموع تجمعت بعيونها

سلطان كان واقف بمكانه ويناظر بتوتر مايدري وشلون يتصرف

سلطان يتنحنح لفت عليه رهف وماستوعبت انه موجود من زمان
سلطان : انا بطلع الان واذا فضيت يامعاذ اتصل علي

رهف مشاعرها اختلطت اكثر مقهورة من معاذ ومستحية من هالشخص اللي ماتدري من وين طلع
ونفس الوقت خايفه تخونها دموعها وتنزل

معاذ : سلطان اقعد الاخت رهف بتطلع الان

رهف ماتحملت الفشيله اكثر وحطت يدها على وجهها وقعدت تبكي
وسلطان على طول فتح الباب وطلع

معاذ جاه تأنيب ضميررر قووي
قام من مكتبه وراح لها جلسها على الكرسي
وهي منهارة مازالت تبكي
اخذ معاذ الكرسي الثاني وجلس قدامها قرييب مره
معاذ : اسف رهف كنت متنرفز والله اعذريني ماحسيت بالكلام اللي قلته
رهف تبي تسكت وماقدرت
معاذ زاد عليه تأنيب الضمير اكثر
معاذ بحناان : قومي الان غسلي وجهك وتعالي بعدها اكشف عليك ولا يهمك
رهف قامت من مكانها وتكلمت بصعوبة
رهف : انا بطلع الان ماقدر اجلس اكثر من كذا رحلتي بعد شوي
معاذ : اوك بس بعطيك اسم قطرات معقمه للجرح عشان مايلتهب اكثر لما الموعد الجاي
رهف بصوت خفيف : وهي فيها موعد جاي بعد
معاذ سمعها بس سوى نفسه ماسمع

كتب معاذ اسم القطرات في ورقه ومدها لها
هي بدون ماتشوف وجهه سحبتها بقوه منه وطلعت بسرعة

معاذ قام ويده على راسه ويسحب شعره وفيه تأنيب ضمير قوي



السبت الليل

العوائل كلهم مجتمعين بشالية البنات جالسين برا على الكراسي والحريم والبزران داخل والرجال كلهم برا بعد بس جهة بعيدة عن البنات والعيال يسبحون

البنات يتقهوون ويسولفون

الهنوف اتصلت عليها صديقتها دخلت داخل عشان تكلمها زين

مشاعل : هنووف لاتطولين بناخذ لنا دبابات
الهنوف قايمة من عندهم : طييب لاتسوون شي بدوني شوي وبجيكم
قامت الهنووف ودخلت

مشاعل مسكت جوالها : باتصل على سلمان
البنات ينتظرونها
فتحت جوالها وقعدت تشوف شوي بعدين نقزت وصرخت بحماس
البنات : شفيييك ؟
مشاعل تنطط : تدروون من بيجي ؟
وجدان : ميين ؟
مشاعل تجلس وهي تضحك : اصبرووو ههههههههههههههههههههه
والله هو قال لي لاتعلمين احد خليها مفاجأة بس ماقدر

هيفاء : مين بسرررررعة ؟؟؟؟
غدي سحبت الجوال منها بسرعة ونطت جمانة عند غدي تبي تشوف معها
غدي : عمممممممممممممممي خااااااالد
مشاعل : عمي خالد بيجي بكرة يسس اخييييييييييرا وربي مشتاقة له
نورة : يالله من وين طلعتوه من زمااان عنه
وجدان تطقها : هههههههههههههه وجع عيب عمك وش من وين طلعتوه
مشاعل : بليز بنات لاتقولون لاحد والله يذبحني اففف بنات تحمست مدري وشلون بسكت
نورة : وصل السعوودية ؟
مشاعل : ايييه يقول بالرياض باتصل عليه
البنات تحمسووو وكلهم جو قريب منها


العم خالد : 35 سنة يدرس برا على حسابه الخاص من يوم عمره 25 سنة درس ماجستير ودكتوراة ببريطانيا


خالد : الوووو هلا بالزيينة والله اني انتظرك تتصلين
مشاعل : هلااا والله بعمي الجميل كيفك وش اخبااارك اشتقت لك
والبنات عندها يتكلمون كلهم
خالد : علمتييهم !!
مشاعل : هههههههههههههههههههه والله انت ارسلت وكلهم عندي ماقدرت اخفي ردة فعلي
خالد : يسمعوني هم الحين ؟
البنات : ايييييه نسمعك
خالد : هلا والله ببنات اخواني وش اخباركم اشتقت لكم
البنات بردود متفرقة : تمام .. بخيييير .. انت كييفك ؟
خالد : انا بخير ماشاءالله مجتمعين ؟ كلمت عبدالعزيز يقول انكم بالشالية
مشاعل : احسسب انا لحالي ادري
خالد : ههههههههههه لاقلت لعزيز عشان يجي يستقبلني بالمطار بس انتي ماقصرتي علمتك وماخليتي احد ماعلمتيه
وجدان : عمي ليه ماارسلت لي انا والله ماحد يدري
خالد : هنوف ولاوجدان ؟
وجدان : بعد ماتعرف صوووتي اوكي زعللت
خالد : اصواتكم تتشابه ياعمي
وجدان : هههههههههه لا وجدان مو الهنوف

جلسو يسولفون معه
نرجع لهنوف اللي دخلت المقلط اللي بين قسم الرجال والحريم

تكلم صديقتها وتسولف وتضحك وداخله جوو

الهنوف : ههههههههههههههههههه لاتقوووولين ؟ ..
والله مدري عنكم انتي وياه ملاحيس قسم بالله ..
ههههههههههه حبيته يختي قولي هنوف صديقتي ترسلك سلامها ..
امززح امززح عندي اللي يملى عيني .. بحب بيومين يعني ؟ ..
لابطل المسلسل الجديد اوكي صحيح حب من طرف واحد لكن يكفي اني انا احبه ..
بسافر له الاجازه الجاية ادعي لي يدري عني
(تناظر جوالها) رييهام باتصل عليك بعد شوي رهوف تتصل علي .. اوكي قلبي باي

ردت على رهف
رهف : الكككلب الحقيير
الهنوف ارتاعت : شفيك بسسم الله ؟؟؟؟
ررهف علممتها السالفة
الهنوف : وجع الكلب ماعنده اسلوب ياقهر ليتني ماخقيت عليه
رهف : تدرين ايش قهرني ؟؟؟
الهنوف : اييش ؟؟
رهف بقهرر واضح : الهنوف بكيت والله مقهوره اني بكيت قدامه خيير دمعتي اللي ماتنزل بسهوله نزلت لييش
الهنوف : هههههههههههه يالله رهووف لـ هذي الدرجه هيبه!
رهف : لاتضحكين انتي الثانيه اللي يقهر اكثر انو كان عنده واحد بالمكتب
طول الوقت اللي كان يهزئني فيه كان الشخص الثاني يشوف , لااابعد لو تدرين مين
الهنوف : مييين ؟؟؟؟
رهف : سلطان ال......
الهنوف : وشووووو سلطان مين ؟؟؟
رهف جتها الضحكة بس بقهر وفشيله بنفس الوقت : ال.....
الهنوف : شجاابه ذا ؟ رهف لو اني مكانك رحت ضميته وسحبت على معاذ وهواشه
رهف : ههههههههههههههههههه مو فاضية يختي والله وقتها مابين عيوني الا ذا المعاذ
المشكله ابي ارد اتكلم اقول شي مااقدرت

الهنوف : اصبري اصبري كيف شكل سلطان ؟ نفس شكله لما يطلع بالتلفزيون ولا احلى ؟؟
رهف : لا اطول واعرض من التلفزيون بس حلو شوي
الهنوف تمسك قلبها : اخخخخ ياقلبي اطول بعد ؟؟
بعدين هذا وانتي مو فاضيه وصفتي هالوصف كيف لو كنتي فاضيه

رهف : يووه والله انتي فيك روقان انا اسولف عليك عن معاذ وانتي تسولفين عن سلطان ؟
وبعدين ايه اكيد تعرفين احنا البنات مايفوتنا شي في اصعب الظروف يمدينا نوصف كل شي هههههههه

كان عبدالعزيز داخل الغرفة من لما بدت تتكلم مع رهف

كان بشورت السباحة وداخل عشان يلبس وشاف هذي اللي معطيته ظهرها وتتكلم بحماس
ومتحمس معها بالموضوع وحس شوي ان شكله غلط ورجع يفتح الباب حق قسم الرجال وسكره بقوة عشان تستوعب ان فيه احد

الهنوف لفت بقوة وطار جوالها شافته واقف ويناظرها

الهنوف : من متى انت هنا ؟
عبدالعزيز : من لما قلتي ضميه وماضميه !
الهنوف : انا اكلم تقعد تتسمعني ليه ؟ على اي اساس ؟ ماتدري ان هالشي قلة حياء ؟؟
عبدالعزيز انقهر منها : من قليل الحيا اانا ولا اللي يقول (ويقلد صوتها) لو انيي منك رحت ضميته
الهنوف انفجرت : شدخلللك ؟ ابوي اخوي ؟؟؟؟؟؟
عبدالعزيز : يكفي ان اسمائنا تنتهي بنفس العايلة هذا شي يخليني مسؤول عن اي تصرف انتي تسوينه
الهنوف ماقدرت تتحمل : تخسسى
عبدالعزيز قرب منها لين صار يشوف وجهها وااضح
عبدالعزيز : من اللي يخسى ؟
الهنوف خافت بس ماوضحت : سمعت قبل شوي مايحتاج اعيد واذا ودك اعيد عادي
عبدالعزيز مسك زندها بقوة وقرب وجهه لها اكثر : عيدي ماسمعت ؟
الهنوف ماقدرت تتكلم خافت من قربه واوجعتها يدها منه
عبدالعزيز حس انه ضغط عليها بس ماتركها
عبدالعزيز : عيدي
الهنوف : اتررررركني
عبدالعزيز تركها وحط عينه بعينها
عبدالعزيز : تذكري انك قلتي هالكلمة لعبدالعزيز
الهنوف : انت اللي خليتني اقولها
عبدالعزيز : اسكتي خلاص وانا بطلع الحين وانتي خذي جوالك واطلعي
الهنوف : لحظة
عبدالعزيز : ندمتي ؟
الهنوف ساكتة
عبدالعزيز رجع يقرب منها ويشوفها من فوق لين تحت : صح نسيت اقولك شي
الهنوف : وشو ؟
قرب اكثر لما لصق فيها الا شوي
عبدالعزيز : بما انك مرة مشتاقة تضمين ضميني انا ولا ما اصلح لك ؟
الهنوف دفته : وقح وقليل ادب

خذت جوالها من على الارض وراحت تطلع من باب الحريم
عبدالعزيز يناظرها وفيه ضحكة : ان ماعرفتك وربيتك مايكون اسمي عبدالعزيز


خذت جوالها ودخلت داخل وهي مقهوورة
وصلت الغرفة وتذكرت ان رهف على الخط

رهف من الجهة الثانية كانت بالسيارة رايحة للمطار وسمعت كل شي

الهنوف استجمعت نفسها : الو هلا رهف معليش ج..
قاطعتها رهف : من عبدالعزيز ؟
الهنوف : ولد عمي
رهف : اسلوبه يروع الهنوف
الهنوف : انا خفت منه ( وتقعد تستوعب اللي صار كله وبصوت كله خوف) رهف ايييش اسوي ؟؟
رهف : هو شفيه عصب اصلا ؟
الهنوف صاحت : مدرري عنه رهف انا خربتها معه شوي وقلت له تخسى
رهف : من جدك ؟
الهنوف : مدري انا غبية رهف بروح اتأسف له واقول ماقصدت
رهف : لا ياويلك والله لااضربك لو تأسفتي ياكل تبن


عند الرجال


جالسين بالمجلس كلهم

فيصل منسدح على رجل مشعل
مشعل : تراك زودتها قم عني
فيصل : استح على وجهك بيني وبيينك 9 سنوات وتكلمني كذا
مشعل : الكبر بالعقل مو بالعمر عاد شف الفرق بين عقليتي وعقليتك
فيصل : عقليه مين ؟؟؟؟
مشعل خاف : مو انت اقصد (ويلف على العيال) عبدالعزيز
عبدالعزيز : لاياشيخ ؟
مشعل : اقصد عبدالله اخوي مو انتم
سلمان : تستغل عدم وجوده هههههههههههههههههههه
مشعل : لاتقولون له تكفون مالي خلق انجلد
عبدالعزيز : هو متى بيجي ؟ وليه ماجا معكم ؟
عبدالرحمن : عشان موعد امي لطيفة اليوم الليل وبكرة بيجي هو وياها
عبدالعزيز : سلامتها امي لطيفة فيها شي ؟
فيصل : لاا مافيها الا العافية بس فحص

دخل ابو سلمان عليهم

ابوسلمان : ياعيال ترى ابوريان بيجي الحين تعالو برا
وسلمان قل لاهلك يجهزون القهوة ويطلعونها
ومشعل او عبدالرحمن روحو للبنات وقولو لهم يدخلون لين يروح الرجال

مشعل : اوك انا بروح لهم
عبدالعزيز يقوم : لامشعل خلك انا بروح لهم



البنات كانو برا ينتظرون الدبابات
باستثناء هنوف هي الوحيدة اللي داخل

جاهم عبدالعزيز

عبدالعزيز : مساء الخير جميعا
البنات : هلا عبدالعزيز
عبدالعزيز : كييفكم وش هالجلسة الحلوة ؟ ولاتعزمون ؟
مشاعل : هذا انت جيت بدون عزيمة بس لاتجلس بليز عندنا سواليف ماتنفع لك
عبدالعزيز : لالا جاي اسلم ايوه كيفكم بنات (يدقق في وجيههم يدور اللي شافها بالمقلط ولالقاها)
البنات : تمااام
نورة بجراءة : انت كيفك عزوز
عبدالعزيز يناظرها وفيه الضحكة : تمااام نورة صح ؟
نورة : ايييه بسم الله شلون عرفتني
عبدالعزيز : اسلوبك اطلعه بين مليون وحدة
غدي : ماشاءالله تعرف مليون وحدة ؟
عبدالعزيز : يوووه عاد لا تدققين انتي بعد

مشاعل تلف على وجدان
مشاعل : وين هنووفه والله بتذبحنا لو لعبنا بدونها
وجدان : مدرري دخلت تكلم وماعاد طلعت ابدخل اشوفها
دخلت وجدان
عبدالعزيز اذنه معهم وبقلبه : اهاا صارت الهنوف
(وبصوت عالي ) بنات مابي اخرب عليكم جلستكم بس واحد من اصدقاء الوالد بيجي وبيجلسون برا ادخلو لين يطلع
مشاعل : طيب احنا ننتظر الدبابات اللحين
عبدالعزيز : خلوها بالنهار احسن عشان ماتضيعون


نرجع لهنوف اللي سكرت من رهف

وجدان دخلت الغرفة وشافت هنوف جالسة بالزاوية وتفكرر

وجدان تقرب عندها : هنووووفه وش فيك ليش ساحبه علينا ؟
هنوف : وجدان تعالي بقوولك شي
وجدان جت وجلست عندها
الهنوف قالت لها كل السالفة

وجدان : ياللله ماتوقعت هالشي يطلع من عزوز
الهنوف : وجدان ودي اروح اقول له اني اسفه وكذا
وجدان : مجنوونه ؟؟؟
الهنوف : اكيد فهمني غلط
وجدان : يفهم غلط ولامايفهم بكيفه
الهنوف : قلت لرهف وقالت نفسك لاتتأسفين
وجدان : لو تأسفتي بتثبتين له انه صح وهو غلطان اساسا
الهنوف : ودي اوضح له موقفي يمكن لما سمعني اقول اضمه فهم غلط
وجدان : يعني لك شي عشان توضحين له ؟
الهنوف : لا !
وجدان : خلاص اجل لاتقولين شي
الهنوف وهي مقررة وش تسوي : اوكي خلاص خلينا نقوم للبنات



طلعو ولقو البنات بالصالة عند الحريم وجلسو يسولفون
الهنوف خذت جوال امها وسجلت رقم عبدالعزيز بجوالها



الساعة 4 و نص الفجر بعد ماراحوا البنات ينامون
الهنوف منسدحة جنب وجدان ويتكلمون بصوت خفيف مره

الهنوف : ودي اقولك شي بس اخاف
وجدان : وشو ؟
الهنوف : اخذت رقم عبدالعزيز وبكلمه
وجدان : مجنوونة ؟؟؟؟
الهنوف : ماراح اقدر انام وبتخرب نفسيتي لو مابررت له موقفي
وجدان تحاول ماتعلي صوتها : الهنوووف قلبي وش عليك من نظرته لك ؟
خليه يحس اللي يبي يحسه اهم شي انتي صادقه قدام نفسك وماسويتي شي غلط

الهنوف : وجدان بليز وقفي معي حتى لو اللي بسويه بنظرك غلط
وجدان : بوقف معك بس والله يالهنوف غلط مره مايستاااهل تبرير
الهنوف : ماعلييه بس انا ابي مايكفي اني ابي ؟؟؟؟ حتى لو انه مايستاهل
وجدان : امم طيب وش بتسوين الحين ؟
الهنوف : ابكلمه واتس اب واقوله يطلع ابكلمه برا بما ان الكل نامو
وجدان : ليه ماترسلين كلام؟
الهنوف : مابيه يمسك علي شي عشان كذا ابقولها بصوت
وجدان : طيب متى بتسوين هالشي ؟
الهنوف : الحين
وجدان : طيب يالله وش بتقولين ؟
الهنوف مسكت جوالها وهي ترتجف فتحت الواتس اب على محادثته
الهنوف خافت : اخر ظهور له قبل كم دقيقه
وجدان : اكتبي صباح الخير
الهنوف : مايستاهل والله بس اوكي بكتب

الهنوف تكتب : صباح الخير
عبدالعزيز صار اون لاين على طول
الهنوف دق قلبها بقوة وخافت وندمت انها كتبت بس خلاص ماعاد يفيد الندم
عبدالعزيز يكتب : صباح النور ,, مين ؟
الهنوف تكتب : كيفك عبدالعزيز
عبدالعزيز : تمام انت كيفك ؟ او انتي !
الهنوف : انا الهنوف

نروح لعبدالعزيز

كان برا مع الشباب
يلعبون كوورة وهو جالس على كرسي ينتظرهم يخلصون الشوط الاول عشان يدخل معهم بالثاني

عبدالعزيز بعد ماقرا ان اسم الهنوف استغرب شوي
عبدالعزيز بعدم استيعاب : الهنووف مين ؟
الهنوف : بنت عمك
عبدالعزيز : اهلا الهنوف امري
الهنوف : عبدالعزيز عادي اكلمك بخصوص الموضوع اللي حصل امس ؟
عبدالعزيز : ايوه ؟ قولي وش عندك
الهنوف بقهر حاولت ماتوضحه في كلامها : اذا مايهمك عادي مو لازم احكي
عبدالعزيز حس انها انقهرت وابتسم
عبدالعزيز : لا يهمني قولي
الهنوف : ابي اشوفك برا ابكلمك وجه لوجه
عبدالعزيز : طيب عادي تصبرين شوي لما يدخلون الشباب ينامون ؟
الهنوف : تمام اذا دخلو علمني المكان وانا بجيك
عبدالعزيز طلع بدون مايرد عليها


عند الهنوف كانت وجدان جنبها وتقرا معها

الهنوف : اسلوبه يقهرر
وجدان : قلت لك انا لاتدخلين من الاساس
الهنوف : ماراح ارتاح خلاص بقوله كل اللي بخاطري وبعدين اعطيه بلوك
وجدان : طيب الحين بتنتظرينه ؟
الهنوف : اكيد وانتي نامي انا بنتظر واذا صحينا قلت لك وش بيصير
وجدان : تتوقعيين يجيني نووم؟
الهنوف : يمكن يطول اخاف ماتنامين وتضربيني اذا صحونا الحريم الظهر
وجدان : لا عادي بنام معك بس خليه يجي

عبدالعزيز دخل بالشوط الثاني ولعبو لين تعبو بعدين دخلو ينامون

عبدالعزيز جلس برا

اتصل على الهنوف

الهنوف كانت تتكلم مع وجدان فجأة جوالها اتصل بصوت عالي وارتاعت يوم شافت اسم عبدالعزيز
الهنوف : يمماه اتصل وش اسوي
وجدان : قفلي بوجهه
قفلت الهنوف ودخلت عليه واتس اب

الهنوف : وينك ؟
عبدالعزيز : ليه مارديتي ؟
الهنوف : البنات نايمين عندي
عبدالعزيز : تعالي عند قسم الحريم انا عنده بس تأكدي كلهم نايمين ؟
الهنوف : اييه كلهم نايمين بجيك الحين


الهنوف قلبها يدق : ووجدان وش اقوووله ؟
وجدان : انتي وش كنتي ناوية تقولين ؟
الهنوف : انا بس ببرر موقفي وخلاص ينتهي الموضوع مابيه يطول
وجدان : طيب روحي الحين وانا انتظرك
الهنوف لبست حجابها وطلعت وهي تدعي ان الله يخلصها منه وترتاح من التفكير اللي ذبحها من امس


عبدالعزيز برا واقف عند قسم الحريم لابس شورت اسود وتيشيرت ابيض ومتسند على الجدار ينتظرها

الهنوف طلعت وقلبها يدق دورته بعيونها وشافته بعيد شوي متسند على الجدار
استجمعت قواها ولفت لجهته تمشي

عبدالعزيز شافها جايه وعدل وقفته
جت هي عنده

جلسو ساكتين يشوفون بعض الهنوف المفروض تبدا بس ماعرفت ايش تقول
عبدالعزيز : ايوه هنوف وش كنتي تبين تقولين ؟
الهنوف : امممم اول شي معليش اذا طلعتك بوقت غلط
عبدالعزيز يتسند على الجدار ويبتسم لين تبين غمازته : لاعادي طالع لاني بعد شوي بروح اجيب امي لطيفة من المطار ,, اللي بعدو ؟
الهنوف بقلبها : طيب جامل ياحجر
عبدالعزيز : وش فيك ساكتة ؟ امممم شكلك تحمستي بعد امس لما قلت ضميني وطلعتي عشان تفاتحيني بهالموضوع
الهنوف انصدمت من كلامه وبدون ماتحس رفعت يدها وصفقته كف
عبدالعزيز مسك يدها ولفها بقووة لين صرخت هنوف حط يده على فمها
عبدالعزيز : تمدينها علي مرة ثانية اكسرها لك (ونبره غضب مع صوته الضخم) سامعه !
الهنوف تبكي : الشرهة علي اناااا يوم كنت احسب انك رجال ومحترم طلعت اوقح مما توقعت
عبدالعزيز يقرب لها وبهدوء : امس قلتي يخسى واليوم تقولين مو رجال شكلك صدق اشتقتي تضميني
الهنوف رفعت يدها بتعطيه كف مسك يدها ولفها اقوى من قبل لين صاااحت الهنوف بقوة
عبدالعزيز قربها لجسمه : بضمك خلاص لاتبكين
الهنوف دفته بيدها الثانية وراحت تركض وهي تبكي وماسكة يدها من الالم
دخلت المطبخ وجلست عند الباب منهااارة

مسكت جوالها واتصلت على وجدان
وجدان ردت بسرعة
الهنوف بانهيار : وجداان تعالي المطبخ

وجدان سكرت وهي مرتاعة راحت المطبخ تركض
شافت الهنوف جالسة ووراها الباب وميتة صياااح

وجدان تركض لها وضمتها بقووووة
وجدان : شفييك
الهنوف ماقدرت تسكت
وجدان : وش سوا لك الوقح تكلمي
الهنوف تمسك يدها بألم : الله ياخذه اكرهه
وجدان مرررتاعة : وش سوا لك هنووف تكلمي
الهنوف (قالت لها السالفة وهي تصيح )
وجدان : ماتووقعت عبدالعزيز كذا ! وقققح !
الهنوف : انا اللي جبت كل هذا لنفسي
وجدان : لاتلومين نفسك هو وصخ وحقير خلاص عطيه بلوك وانسيه

وجدان قومتها : غسلي وجهك وتعالي ننام واذا صحينا بيحلها ربي
الهنوف تقوم معها وتروح تغسل وجهها بعدين دخلو الغرفة عشان ينامون



بالمطار

خالد معه عبدالله وجدتهم

عبدالله : باتصل على واحد من العيال يجي ياخذنا من المطار
خالد : انا قايل لعبدالعزيز اني باتصل عليك الصبح تجينا

طلع جواله واتصل على عبدالعزيز

عبدالعزيز : هلاا والله
خالد : صباح الخيير
عبدالعزيز : صباح النوور والسرور
خالد : على بالي سحبت ونمت
عبدالعزيز : بغيت انام بس طلعت برا عشان يطير النوم وما اسحب
( وتذكر الهنوف وتنهد ) ها بشر وصلتو ؟

خالد : اييه
عبدالعزيز : خلاص ربع ساعة بس واكون عندكم
خالد : اوكي

راح عزيز المطار اخذهم ورجعو
اول ماوصلو رمى نفسه على الفراش ونام على طوول

نهاية البارت



آخر من قام بالتعديل سحابٍ دنى ..; بتاريخ 31-05-2017 الساعة 09:31 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-06-2017, 05:57 PM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا




-4-

الساعة 5 المغرب كل البنات بالصالة سلمو على جدتهم وجلسو يتقهوون
باستثناء الهنوف

مشاعل تلف على وجدان : ويين هنوفه للحين ماصحت ؟
وجدان : مانمنا الا متأخر
مشاعل : ليه وش كنتو تسوون ؟
وجدان تحاول تصرف : كنا نطالع فساتين وكذا وراح الوقت
مشاعل : تعالي نصحيها
وجدان : لاااحرام خليها تنام شوي بعدين نصحيها
مشاعل : ام لطيفة تسأل عنها تعالي بس

قامو مشاعل ووجدان راحو الغرفة

الهنوف مانامت الا الظهر تبكي من الم يدها واهانة عزيز لها

مشاعل تفتح النور : هنوووووفه
الهنوف تفتح عينها بصعوبة
وجدان تقرب عند هنوف : هنوف قلبي قومي الساعة 6 المغرب وجت امي لطيفة
الهنوف : صحيت خلاص
وجدان تتفحص وجهها وهي خايفة عليها
وجه الهنوف كان اصفر وواضح انها بكت لما نامت عيونها منفخة شوي
مشاعل تدقق على وجه هنوف : هنوف شفيك ؟ ليييه وجهك كذا ؟
الهنوف بكذب : صاحبتي جدها توفى اليوم
مشاعل صدقت : ياااعمري الله يرحمه ويصبرهم .. بس ليه انتي تبكين ياكرهك لاتصييرين حساسة كذا
الهنوف : صديقتي مره وقد شفت جدها وماتحملت يوم سمعت الخبر وبكيت
مشاعل : طيب غسلي وجهك يالله وتعالي براا
وجدان : روحي مشاعل بلبس انا واجي
مشاعل تطلع : اوككي

لفت وجدان على الهنوف اللي نزلت دموعها على طول لما طلعت مشاعل

وجدان : لاتبكين وربي مايستاااهل دمعة من عيونك
الهنوف : طيب انا شسويت له عشان يسوي كل هذا ؟
وجدان : ماادري مريض نفسيآ
الهنوف : يوم شفت مشاعل جاني امنية اني اذبحها
وجدان : هههههههههههه حرام عليك اخوها الكلب مو هي
الهنوف : هههههه ادري والله بس ابي احرق قلبه
وجدان : يمممااه الهنوف صارت شررانيه كللله منك ياعزوز حسبي الله عليييك
الهنوف : الله ياخذه يدي تألمني مرره جعل يده الكسر
وجدان : لاتحركينها كثير
الهنوف تقوم : تعالي نطلع لو جلست هنا بفكر واموت
وجدان : حطي ميك اب او شي وجهك يروع
الهنوف تبتسم : طيب



عند العيال

عبدالعزيز هو الوحيد اللي نايم وكلهم براا

صحى من النوم وراح يغسل وجهه ورجع يدخل الغرفة
يحس انه متضايق شوي بس مايدري ليه
تذكر الهنوف وحس بكئابة
عبدالعزيز يكلم نفسه : انا ليه سويت فيها كذا ! بس هي تستاهل حركاتها قهرررتني ..
بس ماسوت لي شي ليه انا مكبر الموضوع مرة !!!

دخل خالد عليه وهو قاعد يكلم نفسه
خالد : اخيرررا صحيت
عبدالعزيز لف على خالد : ايييه واحس ان فيني نوم بعد
خالد يدفه : اقول قم بس الجووو برا راايق
عبدالعزيز : امممم اقول خالد
خالد : سم ؟
عبدالعزيز : ودي اكلمك بموضوع
خالد باهتمام : امرني فيه شي ناقصك ؟ تبي شي ؟
عبدالعزيز : لاا عندي موضوع ثاني ابي اشاورك فيه
خالد : طيب تبي نتكلم هنا ولا نطلع برا نتكلم ؟
عبدالعزيز : لاتعال نطلع بالسيارة نبعد عن هالمكان شوي وبكلمك
خالد خاف عليه شوي : طيب يالله


طلع هو وياه بالسيارة وراحو للبحر ونزلو يتمشون عنده


خالد : ايووه عزوز ترى ضيقت صدري شوي وخوفتني وش صاير ؟
عبدالعزيز : يمكن تعصب علي ويمكن تتفهم الموقف ويمكن تطقني مدري انا راضي بأي شي بس ابي شورك
خالد : ايوه ؟
عبدالعزيز قال له سالفة الهنوف بس ماعلمه عن موضوع الكف والضمه ..
بس قال له اني قليت ادبي شوي معها وانه نادم

خالد كان ساكت ويسمع له
عبدالعزيز : وش رايك ؟
خالد : خلصت ؟
عبدالعزيز : ايه
خالد : انت ولد اخوي وهي بنت اخوي ماقدر ازعل عليك ولا اهاوشك لكن تصرفك غلط ولازم تصححه
عبدالعزيز : كيف اصححه ؟ لو اكلمها واقولها اسف والله ماتسامحني
خالد : انا اعرف بنت اخوي حسااسة ياعبدالعزيز متأكد ان نفسيتها اللحين مش ولا بد..
تدري اني للحين ماشفتها ؟ كم مرة اسأل عنها ويقولون نايمة

عبدالعزيز عوره قلبه شوي
عبدالعزيز بقلبه : مادريت عن الضمه والكف لو تدري عنها والله ان تذبني بالبحر
خالد يسترسل : لازم تتأسف منها او تحاول انك ترقع تصرفك بأي طريقة كانت
عبدالعزيز : طيب وش رايك تكلمها انت ؟
خالد : لا الغلط جا منك انت وانت اللي بتكلمها
عبدالعزيز : طيب
خالد : خل نرجع الحين عشان مايحسون بغيابنا
عبدالعزيز يقوم معه وهو حاط بباله شي ويبتسم وبقلبه : ان شاءالله ماتنامين الا راضية علي ياهنوف



رجعو للشالية

عند الحريم

الجده والامهات يسولفون والبنات داخلين جو مع بعض ويسولفون ويسمعون اغاني

ام سلمان : الله يهديهم الرجال بيأذن وهم مابعد جابو العشا
ام فيصل : ميخالف تونا بدري
ام عبدالله : لاابالعكس ليتهم يعجلون فيه عشان خالتي
ام فيصل : باتصل على ابوفيصل اسأل عن العشا واشوف
ام سلمان : لا ابوسلمان قايل لي انه بيجيكم بدري بس مدري وراهم تأخرو

عند البنات

اتصل جوال مشاعل ورفعته
مشاعل : هلا عزوز
الهنوف كشرت
مشاعل : مدري انت ماشفتها .. الحين ؟ .. خلاص بس اقولهم و5 دقايق وتعال
تسكر منه

مشاعل : امي لطيفة عزوز بيدخل يسلم عليك يقول ماشفتها زين اليوم
الجده : يابعدهم والله ياجعل عيني ماتبكيه خليه يدخل مافيه احد
وجدان تكلم الهنوف بشويش : يبيي يشووووفك اكيددد
الهنوف بصوت واطي : مادرا عني والله وجدان انا بدخل بلييز مابي اشوووفه
وجدان : مجنونه انتي ؟؟؟ ماعليك منه خليه يدخل ويشوفك وارفعي راسك ووضحي له انك ماهتميتي ابد
الهنوف سكتت


عبدالعزيز كان برا وفيه توتر شوي وخايف من الخطوة اللي بيسويها الحين

دخل
عبدالعزيز : السلااام عليكم
الكل : وعليكم السلام
عبدالعزيز يدور بعيونه يبي يشوف هي معهم ولالا وشافها جنب وجدان
عبدالعزيز بابتسامه : اخبارهم بنات العم ؟
البنات : الحمدلله بخير

راح عند جدته وحب راسها وجلس جنبها

الجده تطقه بالعصا : لييه ماجيت تسلم العصر مع العيال
عبدالعزيز يضحك : والله ناييييم ولا اجل ادري ان لطوف هنا وتبي تسلم علي ولا اجي ؟ ما اسويها والله
الجده : تلعب علي بالكلام الزين
عبدالعزيز : يابعد عيني والله اني نايم مانمت اليوم الا متأخر
الجده : يابوي والله اني ماشوفك بالرياض ماتجيني كثر اخوك وابوك
عبدالعزيز : والله لاهي بالشغل بس ابشررري والله الشهر الجاي بجيكم شهرين مو يومين مثل ابوي واخوي
الجده : ياااسعد عيييني والله
ام سلمان : صادق عبدالعزيز ؟
عبدالعزيز بابتسامه : ايه والله عندي دورة بالرياض
الجده انبسطت : عساها ترقية ولاشي حلو ؟
عبدالعزيز : لا كل فترة يختارون موظف يروح يمشي الشغل بالرياض والحين جا دوري
ام سلمان : لمدة كم ؟
عبدالعزيز : شهرين الى 3
ام سلمان : زيييين الله يوووفقك

دخلو الشغالات معهم العشا

عبدالعزيز يقوم : يالله اجل اخليكم الحين
الجده تمسك ثوبه : اجلس تعشى معي
عبدالعزيز : لايمه خليهم يتعشون وهم مرتاحين
الجده : بيتعشوون انت بس اجلس
عبدالعزيز جلس : ابشرري من عيوني


الهنوف تشوف جوالها ماتبي ترفع عينها وتشوفه
وجدان ترسل لها واتس اب
وجدان : بشووويش على الجوال ههههههه
الهنوف : ليت مكانه رقبته
وجدان ضحكت بقوة لف عليها عبدالعزيز وشافها تضحك والهنوف مبتسمة وماسكين جوالاتهم

عبدالعزيز : ضحكووونا معكم
الهنوف ارتااعت ووجدان ضحكت اكثر
وجدان : مقطع مايصلح الا للحريم
عبدالعزيز : اووه ازين شي ارسلوه لي عشان اضحك
وجدان : مايصلح لك والله
عبدالعزيز : هنوف ارسليه لي ماعليك من وجدان
الهنوف ودها تقوم تتفل بوجهه وبتسليك : قالت لك وجدان ماايصلح
مشاعل : عزززوز بلا استقعااد
عبدالعزيز : هههههههههه امزح معكم والله

جت حلا اخت الهنوف الصغيرة جنبه

حلا : عزوووز ابي اروح البقالة
عبدالعزيز يسحبها لحضنه
عبدالعزيز : بس بقااالة ؟
حلا : اييييه
عبدالعزيز : من عيوني والله بس اخلص عشا واوديك
حلا راحت تركض عند امها : ماما لبسيني ابروح مع عزوز
الجده : يالله يارب اشوووف عيالك بحضنك
عبدالعزيز بتنهيده : امييييييييين
ام سلمان : وش ذا الحركااات الجديدة عزوز امين اجل ؟ وين اللي اذا جبت له هالطاري يتهرب ؟
عبدالعزيز : ههههههههههه لا الوضع تغير الحين
ام سلمان : بخطب لك قبل ماتغير رايك
الجده : ليتك تاخذ بنت ام عبدالاله ثقل وعقل وسنع
عبدالعزيز : هي وحدة اللي ابيها ولو رفضت مانيب متزوج ابد
الحريم ارتاعو شوي من جرائته والبنات يضحكون وهنوف بقلبها ( الله يعيييينها عليه )
الجده : منهي انا بنفسي بروح اخطبها لك
ام سلمان : عزيييز منهي اللي حاط عينك عليها ؟
عبدالعزيز بجراءة : الهنوف بنت عمي
الهنوف كانت تاكل وغصت وقعدت تكح
والجده تزغرط
ام سلمان : عندك هي وامها هنا اذا وافقو عليك من عيوني
الجده : وراه مايوافقون عليه وليدي كله ملح
ام عبدالله : والله مانلقى احسن من عبدالعزيز (ولفت على الهنوف )
الهنوف كانت تعرق وتتمنى الارض تنشق وتبلعها

ام عبدالله حست فيها : خلاص بنيتي داخت من الحيا حرام عليكم
عبدالعزيز يقوم : تامريني على شي امي لطيفة ؟
الجده : سلااامتك يابوي

عبدالعزيز طلع بسرعة
الهنوف تتمنى انها بحلم

الحريم والبنات قامو يزغرطون كلهم
الهنوف قامت بسرررعة وطلعت

عبدالعزيز توه طالع ويدندن بأغنية

الهنوف تسحب ثوبه ولف عليها

عبدالعزيز ارتاع يوم شاف الهنوف
الهنوف بغضب : مين قالك اني ابيك ؟؟؟
عبدالعزيز : اول شي لا احد يشوفنا كذا ثاني شي انا اللي ابيك هذا مايكفي ؟
الهنوف : لامايكفي اتمنى انك تتراجع عن االموضوع عشان ماتتعب نفسك ولا اتعب نفسي
عبدالعزيز : ابيك انا لو رفضتيني مرة مرتين ثلاث مايهمني ابيييك
الهنوف بخوف : عبدالعزيز خلاص خلاااص اعتقني تكفى مابيك انا اوعدك وبنسى كل شي صار وبترجع ولد عمي زي قبل احترمك واقدرك بس بلاش هالموضوع
عبدالعزيز يقرب من وجهها : ا ب ي ك

لف عنها ومشى وهي تحس رجلينها ماتشيلها
راحت للغرفة وكانت وجدان هناك

وجدان : ويينك !!!!!!!
الهنوف : رحت له
وجدان تنط على الهنوف : لايكون عطيتيه كف ؟
الهنوف بضحكه مع خوف : هههههههههههههههه كل يوم كف عاد ؟ لا قلت له مابيك
وجدان مرتاعة : اييييوه
الهنوف : قال لي (وتقلد صوته بسخرية ) ابيك انا لو رفضتيني مرة مرتين ثلاث مايهمني ابيييك
وجدان انسدحت وبخقه : اللله كيووت هنووفه من قدك
الهنوف تدفها : ويييين كيوت معه ؟ انقلعي خذيه تكفين مابيه
وجدان تضحك وبعدين حست بجدية الوضع
وجدان : طييب وش بتسوين الحين ؟
الهنوف : مابيه وجدان مااابيه
وجدان : اسمعي تجاهليه تمامآ وتجاهلي الموضوع يمكن بس يبي يجس النبض
الهنوف : وين يجس النبض وهو قايل ابيها قدام مليون شخص
وجدان : طيب مو مشكلة تجاهلي الموضوع واذا رجعنا الرياض ربي بيحلها
الهنوف بضيقه صدر : اوكي
وجدان : قومي نطلع للبنات وننبسط


بعد يومين كان اليوم الاخير لجلستهم بالشالية وبكرة الصباح كلهم بيرجعون الرياض

الساعة 3 العصر

العيال والبنات كلهم برا بعضهم جالس وبعضهم يتمشى وبعضهم يلعبون دبابات


فيصل متجه للبنات : خلصتوو ؟ مشعل وعبدالرحمن ذبحووونا يبون الدبابات
مشاعل : باقي هنوووفه مالعبت للحين
عبدالعزيز اللي كان ورا فيصل فز يوم سمع اسم الهنوف بس مالتفت ولا ابدا اي ردة فعل

مشاعل تلف على الهنوف : هنوف قومي العبي قبل مايجون مشيعل ودحوم والله ماعاد نشوف الدبابات ابد
الهنوف : ماابي انا انتم العبو وانبسطو وانا بشوفكم
غدي وجمانة متجهين لهم وتعبانييين ويضحكون
غدي : الله ياخذك ياجمانة بغيتي تقلبينا
جمانة : من قالك تثقين فيني وتركبين معي
غدي : الهنوووف ابي اركب معك والله سواقتك طبيعية مو زي ذا الغبية
الهنوف : ماتعرفين تسوقين انتي ؟
غدي : لا والله اخاف
الهنوف : يدي تألمني شوي والله ولاكان ابشري في من يفحط فيك لين يدور راسك
عبدالعزيز تذكر يوم لف يدها بقوة وضاق صدره شوي بس سكت
غدي : ماخفت يدك ؟ انا ابي افهم بس وش الحظ هذا اللي عندك اول مره اشوف احد يطيح وتلتوي يده
عبدالعزيز عينه على جواله ويرفعها شوي شوي يبي يشوف رده فعل الهنوف
الهنوف : الا الحمدلله بس مازالت تألم ماقدر احركها
(وبنبرة سخريه) ايه والله مدري وش هالحظ

عبدالعزيز رجع عينه على جواله : سلامتك بنت عمي اذا تبين اوديك المستشفى مستعد
مشاعل : يوووووه يعنني اخاف على زوجة المستقبل
الهنوف تندمت انها تكلمت ومسكت جوالها
نورة : ههههههههههههههههه عزوز ترى مابعد صار شي
هيفاء : استحت هنوووفه
غدي تطق هنوف مع كتفها : هنوف عطي عزوز وجه يكلمك
خالد من وراهم : لحد يطق هنوفه حبيبة عمهاا ولا بجلده
عبدالعزيز يرفع راسه : لاخالد ماعليك انا اكسر يده
الهنوف : ايه عاد انت متعود تكسر يدين خلق الله
كلن سكت واستوعبت الهنوف انها قالت شي ممكن تندم عليه باقي عمرها
الهنوف استرسلت : مانسيت الحين لما كسرت يد عبود اخوي قبل كم سنة
وجدان ارتااحت يوم رقعتها الهنوف
الباقي ضحكووو باستثناء عبدالعزيز اللي انبه ضميره اكثر
عبدالعزيز عينه بعينها : مانسيتيها للحين ؟ انا اجيب عبود الحين واضمه واحب راسه قدامك واذا تبين اتأسف له
الهنوف وهي فاهمة وش يقصد : لا مايحتاج الموضوع صار مايهمه الحين ولايحرك فيه شعره
وجدان تبي تلطف الجو عشان محد يحس : شررايك فيصل نشوي اليوم
فيصل : اوكي يالله
عبدالعزيز وده يقوم يحب راس وجدان اللي انقذت الموقف



نرجع للرياض ببيت ام نايف


علي توه راجع من الدوام ويتغدى بالصالة وامه والجازي جالسين عنده
الجازي فاتحه سناباتها بصوت عالي
خلصت منها ولفت على امها

الجازي : ابي اساااافر مليت
ام نايف تضحك : وانتي هذي حالتك ماتتذكرين السفر الا اذا شفتي السناب ؟
الجازي : معي حق والله كل وحدة من صحباتي بمكان
علي : والله لو ماعندي دوام وديتكم بس ان شاءالله نعوضها الاجازه الجاية
الجازي : حتى ماقدر اروح لاحد ولا اشوف احد كلهم مسافرين وانا لحالي هنا بالرياض
علي : معقول محد جلس منهم ؟
الجازي : والله محد جلس حتى وجدان اللي كنت اخطط معها طلعات الاجازه راحت
علي : ماشاءالله صارت صديقتك مررة ؟؟
الجازي : اييه
ام نايف : عاد وجدان تهبل ازين وحدة صادقتيها
الجازي : يمه تكفين خلينا نزوجها علي
علي يغص بالاكل
الجازي ماتت ضحك
ام نايف : ياسعدد عيني والله لو ياخذها
علي : لااا وين زواج الحين مابي توني شاب في عمر الزهور
ام نايف : مابقى الا كم شهر على 30 وتقول شاب ؟
علي : الله ياخذك الجازي ليه فتحتي هالموضوع
الجازي : وش اسوووي ابي وحدة من صحباتي تصير زوجة اخوي شوف بحط لك 3 خيارات
علي : ايوه ؟
الجازي : وجدان ولا رهف ولا ريوف يالله اختار
علي : وجدان وشفناها بقى رهف وريوف
الجازي : ياللي ماتستحي تبي تشوف بنات خلق الله
علي : جيبيهم بيتنا وانا بدخل بسوي نفسي مادريت وبختار وحدة
الجازي : كل وحدة تقول الزين عندي
علي يقوم : اشوفك صدقتي ؟ انا يوم زواجي بيكون مع عيال نايف
ام نايف : عليي تبي تذبحني ؟
علي : ههههههههههههه واللله امزح يمه (يصرف ) يالله عاد انا مواعد واحد من الربع اذا خلصتو من هالسالفة ونسيتوها علموني ارجع

يطلع من البيت



نرجع للشرقية

الساعة 9 ونصف الليل العائلة كلهم برا

العيال من جهة يشوون والرجال حولهم والحريم من جهة قريبة عندهم بس مو مرة جالسين ويتقهوون

البنات يتمشون قدام البحر ويسولفون

عند العيال

عبدالعزيز وهو يقلب اللحم : فصييل جب العود تكفى فيني طرررب
فيصل : مشييعل قم جب العود
مشعل : مالاحظتو انكم معذبيني من يوم جينا هنا ؟
عبدالعزيز : ههههههههههههه قم بس قم
مشعل يروح

فيصل : والله ياحنا ذبحناااه
عبدالعزيز : يستاهل والله
سلمان : ترى الاشياء تصير حلوة اذا جابها مشعل كيف لاتسألوني
عبدالعزيز وفيصل : هههههههههههههههههههههههههههههههههه
فيصل : تستمع وانت تأمره
عبدالرحمن ساكت
خالد : حرام علييكم
عبدالعزيز : انت صاير حنون من يوم رجعت وش صاير لك ؟ وين خاالد اللي قبل
خالد : خلاص كبرنا عاد
سلمان : توك بعمر الشباب وين كبرت معه
عبدالله : كني سمعت قبل شوي طاري عوود
فيصل : صبااح الخير عبوود !

جاهم مشعل معه العود

فيصل يمسك العود
فيصل : من بيغني ؟
عبدالله : عزوووز
عبدالرحمن : مششعل او عزوز
خالد : مايصلح انا اغني ؟
سلمان : ههههههههه لااااا
خالد : عطوني فرصة يمكن تغير صوتي
ابوعبدالله : لاخالد تكفى انت ملحك بسكوتك
خالد : افااااا ياخوي
ابوفيصل : صادق والله ابوعبدالله
خالد : عاد الحين تحمست اغني صدق

فيصل يلف على عبدالعزيز اللي واقف عند اللحم
فيصل : عزوز تعال
عبدالعزيز : واحد يجي مكاني عند اللحم عشان مايحترق
ابو سلمان : مشعل رح عند اللحم

فيصل وعبدالعزيز : هههههههههههههههههههههههههههههههههههههههه
مشعل يناظرهم : والله ان تندمون (ويلف على عبدالرحمن) ياحظك دحوم
عبدالرحمن : تف تف ماشاءالله

جلس عبدالعزيز
عبدالعزيز يشوف البنات جايين ويركز على الهنوف ويبتسم

عبدالعزيز يلف على فيصل ويقول له الاغنية
فيصل ابتسم وبدا يعزف




الله يازين اللي حضرت غطت على كل الحضور
طلت علينا وانورت ما عقب هالنور تور
علمنا قول وش فيها زود !!
يا نا س ماهي من الوجود

شبهها يالله باختصار ..
ورده ولا كل الورود

معذوره لو تكبرت مغروره يا بخت الغرور
واللي تماليها خسرت من قدها بدر البدور
احترنا ياراشد معاك
في عيونها شفت الهلاك

يعني نسميها ملاك
لا هي احلى من كذا

فلت جدايلها وسرت وصفقنا حيل بلا شعور
هي بس هي اللي قدرت تجني على كل الحضور
ياراشد اثريك معذور
هذي ترى بعض الامور

هذي خذت عقلك اكيد
مو بس انا كل الحضور


كان صووته حلوو الهنوف توها تدري عن هالشي وغدي وجمانة ماتوقعو انه عزوز
اما الباقي يدرون ان صوته حلو من زمان
الهنوف تسمعه وهو يغني وبقلبها : معقولة اللي عنده هالصوت يكون قاسي لهالدرجة.

بعد ماجلسو البنات على الكراسي اللي كانت بين الجلستين


فيصل : بنااااات اختارو اغنية على ذوقكم
عبدالعزيز : اهم شي اغنية انا اعرفهاااا
هيفاء: محمد عبده
غدي : لااا عراقي
مشاعل : لامحمد عبده

عبدالعزيز : وش رايكم بالاماكن ؟
البنات : ياااالله

عبدالعزيز بدا يغني
وجدان تذكرت علي على طول وابتسمت من قلب

الهنوف تناظر وجدان وبصوت واطي : وش فيك ليه تبتسمين ؟
وجدان : لااا مافيني شي بس احب هالاغنية
الهنوف ماصدقتها : امم اهااااا


كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ما تغيب
شوف حالي آه من تطري علي
الأماكن .. الأماكن
الأماكن .. كلها مشتاقة لك



بعد ماخلص عبدالعزيز البنات يصفقون ويصارررخوون

كملو طلبات اغاني وسواليف ووناسة وبعدها تعشو وراحو ينامون بدري عشان بكرة لازم يروحون المطار بدري


يوم الجمعة
في الرياض

بمستشفى .......

كان معاذ توه مودع مريضته ورجع يجلس على الكرسي

معاذ يراجع اسماء المرضى وتذكر رهف
معاذ بقلبه : اااخ يارهف ليه مو راضية تطلعين من بالي ( ويشد شعره ) انت تستاهل يامعاذ انت واسلوبك السخيف

اتصل على سلطان

معاذ : هلااا ابوعبدالله .. تعال ماعندي مرضى لين الساعة 2 ..
يالله انت اختار المطعم وغداك علي .. ماتلقى مثلي والله .. خلاص عند المواقف ؟ .. تمااام يالله



بالمطار

كانو مسببين زحمة مو طبيعية كل المطار هم

وجدان : والله اهلنا يفشلون يختي شوفي مشعل وعبدالرحمن كيف جالسين
الهنوف : ههههههههههههههههههههههههههههههههههههه مطااار ابوهم
نورة : بنات شوفووو ذاك الحلو
الهنوف : بنت عيب اعقلي
وجدان : ويينه وييينه ؟؟؟

يشوفونه كلهم

غدي دخلت معهم بالسالفة : الله وش هذاااا ! ياعمري ذا مكانه كندا مو السعودية
وجدان : لاتكفين خليه هنا اتمنى يحسن النسل
الهنوف : بنات انا بتزوجه خلاص باي بروح له
نورة : وعزوووز
الهنوف كشرت : الله ينكد عليك ( وحست انها جابت العيد )
وجدان تقرصها من تحت
وجدان : الهنوف من الحياء ماعاد تدري تخق ولاتسب
الهنوف ابتسمت بتسليك
الهنوف : المهم بنات خلاص انا بتزووج ذا تكفون لايروح علي
جمانة تمسك جوالها وترفعه لاذنها باستهبال : عززووز تعال شوف الهنوف
الهنوف تطقها بقوة

عند العيال

خالد : ماشاءالله وش فيهم اهلنا كثرو ماكانو كذا قبل كم سنة
فيصل بضحكة : بالله عليك ؟
خالد : هههههههههههه والله
مشعل ساكت يخاف يتكلم ويخلونه يروح يجيب شي
عبدالرحمن : وهو متمدد على الكرسي : انا بنام شوي واذا هذا قوموني
عبدالله : وش اذا هذا ؟
عبدالرحمن يغطي وجهه بيده ويسفهه


نادو على رحلتهم


الهنوف : يارب امي لطيفة ماتركب جنبي يارب يارب
البنات ماتو ضحححك



نرجع للرياض


سلطان ومعاذ يتغدون ويسولفون


معاذ : ياخي انا ضايق صدري
سلطان : سلامات وش فيك ؟؟
معاذ : تذكر قبل اسبوع لما كنت عندي ودخلت وحدة من مراجعاتي
سلطان يقاطعه : اللي هاوشتها ايه ذكرتها وش فيها ؟
معاذ زاد عنده تأنيب الضمير : بكرة موعدها عندي
سلطان بضحكه استهزاء : واثق انها بتجي ؟
معاذ : هذي المشكلة انهاا مو جايه حتى ذاك اليوم قالتها بس سويت نفسي مااسمع
سلطان : والله معاذ اللي سويته فيها مو شوي اتوقع انك تتذكر بالضبط وش صار مايحتاج اذكرك
معاذ : ياخي انا والله مأنبني ضميري مدري وش اسوي
سلطان : وش رايك تتصل عليها بنفسك تذكرها بموعدها
معاذ : ماتحس انها صعبة شوي ؟
سلطان : بكيفك انت بس ترى ماراح تجي واحتمال حتى لو اتصلت ماراح تجي
معاذ : انت تحس انه تصرف صح ؟
سلطان : ايه انت اهنتها واتصلت تعتذر وتذكرها بموعدها بنفس الوقت
معاذ اقتنع شوي : طيب اتصل الحين ؟
سلطان : وش فيك متحمس هههههههههههههه (ويغمز)
معاذ : لايروح تفكيرك بعيد بس من تأنيب الضمير ياخي
سلطان : تغدى ونرجع المستشفى واتصل عليها .. معك رقمها ؟
معاذ : لا اخذه من الاستقبال
سلطان : زين وحنا راجعين بالطريق اتصل عليها
معاذ انبسط شوي وقعد ياكل ويسولفون


الساعة 10 الليل

بالمطار
توهم واصلين ودعو بعض وكل واحد رجع لبيته


ببيت ابوتركي

رهف كانو توهم واصلين بعد ومنسدحة على سريرها
رهف تتصل على وجدان

رهف : الحمدلله على السلاامة
وجدان : الله يسلمك يارب
رهف : اششتقت قسم بالله
وجدان : انااا اكثر وربي
رهف : بتداومين الاحد ؟
وجدان : ايييه ان شاءالله .. شرايك تجيني بكرة ؟
رهف : لااااا فشيلة مررة توكم راجعين
وجدان : مو من جددك اذا ماعندك موعد تعاالي
رهف : عندي بس ماراح اروح
وجدان : لييه ؟
رهف : ماعلمتك الهنوف السالفة ؟
وجدان تذكرت : اييه صح بس يختي لاتكبرين الموضوع عادي روحي
رهف : اقولك هاوشني تقولين عادي لا بعد كان فيه احد ثاني موجود يعني يخسي اروح له

رهف شافت رقم غريب متصل عليهاا

رهف : وجدان فيه رقم يتصل علي شوي وارجع اكلمك
وجدان : اوككي

سكرت منها وردت


معاذ : الووو
رهف : ...........


نهاية البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 03-06-2017, 02:50 AM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا


للرفع ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-06-2017, 03:30 AM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا


للرففففع.......

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-06-2017, 06:00 AM
Xkh.08 Xkh.08 غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا


وينك يختي تاخرتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-06-2017, 09:13 PM
سحابٍ دنى .. سحابٍ دنى .. غير متصل
©؛°¨غرامي جديد¨°؛©
 
الافتراضي رد: غالبا مايكون الحب قدر لاخيارا


اقتباس:
المشاركة الأساسية كتبها xkh.08 مشاهدة المشاركة
وينك يختي تاخرتي

بكرة ينزل البارت ان شاءالله

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1