منتديات غرام روايات غرام روايات كامله - يتم نقل الرواية هنا بعد اكتمالها رواية عيشتني بجحيم فعلك وحرمتني جنة أفعالك / بقلمي؛كاملة
Novels01x_ ©؛°¨غرامي مشارك¨°؛©

Part 69



سامي ضحك : وانت بخير بس قويه كل سنه ها !!
محمد : لا مو قويه دامكم سويتوها
لما وصلوا للفندق وجوا بينزلون استوقفهم محمد : تعالوا السمي بينام مع مين ؟!
سامي : مع عمه
محمد : احلف بس !! المسكين الرجال عنده امتحان قال لي ، وبعدين تراه رجال ما يعرف يتصرف معه وهو بحفاضته
جنات : والله انا قلت لسامي نأخذه معنا بس هو عيى شسوي له
محمد : خلاص خلاص انا بروح آخذه ، بينام معنا تطمنوا ، يلا كل عام وانتوا بخير مره ثانيه
نزلوا جنات وسامي للفندق ومحمد مر ميعاد وامه القاعه
وصل امه بيتها وبعدها مر بيت سامي اخذ محمد وأغراضه ورجعوا لبيتهم
ميعاد بعد ما نيمت محمد الصغير جلست جنب زوجها : والله شوضعه سامي لما قال لها يحتفلون بعيد زواجهم بهالطريقه ههههههههههه
محمد ابتسم لها : تعويض عن ليلة زواجهم ، تذكرين انتي كيف كان ؟!
ميعاد : اي اذكر ، والله مسكينه كسرت خاطري ، بعد ما تجهزت لزفة سامي قالوا لها أن ريناد تعبت وهي الي بتنزف لسامي بدل العكس و ولا صوروا مع بعض ولا راحوا فندق
محمد وهو يقول بنفسه ( وماخفي كان اعظم ) : شفتي !! سامي عوضها الليله عن ليلة زواجهم
ميعاد : صح !! زين ما سوى جبر بخاطرها
محمد : الله يوفقهم و يهنيهم ويجعل عشرتهم دايمه وسعيده
ميعاد : امين يارب
محمد : اقولك ؟! قومي نشاهد فلم على الجلسه الفاضيه ذي
ميعاد : انا فيني نوم
محمد : بس انا مافيني
ميعاد : اجل تابع الفلم لحالك
محمد : لا حبيبتي بتجلسين تتابعينه معي
ميعاد : لا بقوم انام

واستمر النقاش وهذا حال محمد وميعاد على أتفه الاشياء يختلفون بس بعد ثواني يرجعون يضحكون ولا كأن شي صاير







The end


Novels01x_ ©؛°¨غرامي مشارك¨°؛©

تمت بحمد الله

حابه اشارككم ببعض أفكاري وكيف غيرت بعض الأحداث المهمه بما أن الروايه انتهت :

كنت بخلي جنات تخبي موضوعها عن الكل حتى محمد وتظل مخليته في قلبها بس استبعدت هالفكره بسرعه 🙂


كنت بخلي جنات توافق من البدايه على فهد وتعيش حياتها معه بس ما حبيت الفكره ذي

كنت بخلي سامي يهرب من الي سواه ولا يرجع حتى إلى اهله بس لأني حبيته فما رضيت اخليه حقير 😻


كنت بخلي محمد يظل على فكرته أن جنات للحين بكر بس ما حبيت اخليه ساذج لانها واضحه 🤐


كنت بخلي جنات تسامح سامي من الملكه بس قلت الي سواه فيها مو سهل علشان بسرعه تسامحه 😀


كنت بخلي جنات تكتشف قصة منى وسامي بعد زواجها بس هونت ي ختي قاهرتني منى وماحبيت تظل جنات على غفلتها لذاك الوقت 😒


كنت بخلي محمد الي يتزوج الهنوف بس قلت صارت هالفكره مستهلكه جدا ، أن اذا احد كل يتهاوش مع وحده لازم يتزوجها ، فقلت خلني اغير هالفكره

كنت بخلي سعد يتزوج ريناد وياسر يتزوج ملاك بس مدري ليش ما عجبتني الفكره 😌


كنت بخلي محمد يتزوج زهور بس على آخر لحظه قررت أنه يتزوج ميعاد ، ي ختي ما احس تناسبه وحده هادئه وناعمه مثل زهور ، تناسبه بنت زي ميعاد جريئه وراعية مشاكل 😼😂😂

كنت بخلي جنات ما تعدل اسلوبها الا بعد سفرتهم بكثير بس قلت جناتوه مصختها وسامي بعد قلبي كسر خاطري حسيته تعب معها 💔

وبس والله

بدأت 19 / 6 / 1438
انتهت 10 / 11 / 1438


واخيرا
اكثر شخصيه حبيتوها ؟!
اكثر شخصيه كرهتوها ؟!
شي ما اعجبكم في الروايه ؟!
الشي الي جذبكم لقراءة الروايه ؟!
مدى رضاكم عن النهايه ؟!
وفي النهايه احبكم كثير


Nagk800 ©؛°¨غرامي جديد¨°؛©

الله يسعدك جميلة روايتك 💘
بس حبيت انبهك على شغلتين :
- ماحبيت ان جنات متساهلة بالحجاب من عبدالله
-وياليت ماكان فيه عيد زواج مثلا لو مخليه انه بس عاد زواجهم كتعويض لان العلماء والمشايخ تكلموا عن حكم هذه الاعياد
والله يسعدك❤

غموض الحنين ©؛°¨غرامي فعال ¨°؛©

تجنن وربي قريتها اكثر من مرا

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1