غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 421
قديم(ـة) 15-12-2017, 05:29 PM
صورة reeme_ الرمزية
reeme_ reeme_ غير متصل
©؛°¨غرامي فعال ¨°؛©
 
الافتراضي رد: رواية جنون إلى المحظور/بقلمي


نــنــتــظــرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 422
قديم(ـة) 17-12-2017, 08:34 PM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: رواية جنون إلى المحظور/بقلمي


اقتباس:
المشاركة الأساسية كتبها عيون تائهة مشاهدة المشاركة



صباح الخير
يا حلوين
كيفكم
اسفه على انقطاعي بس هذاني رجعت و رديت عليكم كلكم و يا حبيي لكممم
كيفكم مع الاختبارات ؟!!
و قلت لكم بس 4 ردود او 5 وانزل لكم البارت صح ؟!
بس فاجأتوني بردودكم الي تونس و البارت عندي الحين
بس طمنوني انتم نايمين الحين ؟!
و لا صاحين ؟!
و لا انزل لكم البارت العصر ؟!
و لا انزل لكم بارتين مع بعض في الويكند
انتو بس قولو وش تبون وانا بلبي طلبكم 🌚🌚

♥♥♥♥♥


الي يبغا ينزل ينزل ماتستني نرد عليها
الموضوع طال ولازم توفي بوعدك معانا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 423
قديم(ـة) 23-12-2017, 03:12 AM
صورة دلووووعه وبس الرمزية
دلووووعه وبس دلووووعه وبس غير متصل
©؛°¨غرامي ذهبي¨°؛©
 
الافتراضي رد: رواية جنون إلى المحظور/بقلمي




السلام عليكم ورحمة الله و بركاته
صباح الخير \ مساء الخير
الى كل متابعين عيون تائهة و روايتها المميزة (( جنون الى المحظور ))

يمكن يكون الاسم غريب عليكم بس ترا انا من متابعين الرواية و من زمان و

كلفتني عيون اني انقل لكم البارتات الي هي اكتبتها لحد ما هي ترجع بعد ما تخلص اختباراتها و انا وافقت على اني انزل لكم البارتات




شوياات وانزل لكم كلام عيون ^_^ و البارت الرابع عشر







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 424
قديم(ـة) 23-12-2017, 05:48 AM
صورة دلووووعه وبس الرمزية
دلووووعه وبس دلووووعه وبس غير متصل
©؛°¨غرامي ذهبي¨°؛©
 
الافتراضي رد: رواية جنون إلى المحظور/بقلمي









السلام عليكم ورحمة الله و بركاته
كيفكم متابعيني بسبب انشغالي كثير ذي الفترة ما حبيت اطول عليكم كثير واوقف الرواية و غير كذا وعدتكم بعد
طمنوني كفيكم وعساكم طيبين
ان شاء الله دلووووعه و بس رح تنزل لكم البارتات الي انا مجهزتها لكم لفترة معينه بس اخلص من الضغوطات الي عندي وارجع لكم
كل التحايا لــــ


وورد العمر

لا يغرك صغر سني

Najoudh


_reeme

الربيع القلب

احاسيس مراهقه

Smart meme

gawal

أسيرة الهدوء















يهواك ماعشت الفؤاد فإن أمت


يتبع صداي صداك بين الأقبر


إذا أنت لم تعشق ولم تدر ما الهوى


فكن حجراً من يابس الصخر جهدا


ولو إن لي تسعين قلباً تشاغلت


جميعاً فلم يفرغ إلى غيرها قلب









البارت الرابع عشر

و بدااية يوم جديد على ابطالنا


فتحت عيونها بضيق و بإنزعاج اشعة الشمس بإتجاهها مو قادرة تكمل نومها تلقبت يمين و رجعت تتقلب يساار بس ما في امل النوم طار من عيونها غلقت عيونها بذراعها و بعد ما في امل رمت البطانية بجنبها و وقفت بتعب وكسل وهي حاطة يدها بأسفل ظهرها ما كانت نايمه عدل وهذا الي سبب لها الالام
تعوذت من الشيطان الرجيم و دخلت لدورة المياه الله يكرمكم تغسل وجهها وتفرش اسنانها و توضت وصلت صلاة الفجر و بعد ما انهت الصلاة
قعدت على طرف السرير وهي تفكر و بحيرة وبعد دقيقه من التفكير و مشاورة نفسها وقفت و هي تتقدم للكومدينة وتفتح الدرج بدات تدور في الدرج عن سلسال امها بس ما لقتته حست بغصة في حلقها ( ويييينه يااا ربي ويينه و ربي حطيته هناا ) رجعت تدور في الدرج مرة ثانية و حاولت تركزز شوي بعد ما لقتته ( وين ممكن يكون يا ربي وين حطيته ) خرجت من غرفة النوم وهي تركض بإتجاه الصالة الصغيرة في الشقة دورت في ادراج الطاولة وهي شوي وتبكي ذا السلسال املها الوحيد اكيد رح يطردونها اذا ما دفعت للفندق و اخيرااً لقته امسكت العلبة الفضية الي كان فيها السلسال ولا اردايا قربته من شفايفها وقبلت العلبه جلست على الارض و بيديها علبه السلسال افتحت العلبه وهي تشوف سلسال امها وهو منقش بنقوش بسيطة
قبلته و رجعت تقبله وهي تبكي
( يمه يا قلبي ما احد بقى لي وش اسوي ما اقدر اسوي شيء .... مسحت دموعها و رجعت تكلم نفسها يمه انتي ربيتيني انا و ريتاج اننا نكون مع بعض و نسناند بعض بس ريتااج اتركتني و خلتني و راحت عني يمممهههه و ربي مشتاقه لك و لريتااج اييه صحيح هاوشتها و ضربتها و هي بعد اضربتني بس و الله ابيها قربي احس اني مو عايشة بالحياة هذي .... خذت نفس عميق وازفرت بعمق و هي تمسك سلسال امها و ترجعه لعلبته
سااامحيني يمه و ربي محتاجه للفلووس و ربيييي ...



_________جنون الى المحظور ___________


الصباح الساعة 8:30
ماسكة العربة و تسحبها و هي تناظر في الاغراض الي قدامها و ولدها و راها بس يسمع الاصوات الي حوله ولا هو داري كيف شكل السوق ولا كيف الاغراض مرتبة ولا وش تشتري امه يسمع صراخ الاطفال و كلام الكبار وهو مسلم اذنه و يستمع لكل شيء
صعععععب و صعب كثير بعد انك تفقد حاسه من حواسك او يخلقك ربك من دونها مثل حال متعب يعني هو اكيد يبي يشوف امه و يسولف معها و يتقضى اغراض البيت معها و يشوف وش اشترت و كيف شكلها وده يشوف شروق الشمس ولا غروبها وده يعيش مثل باقي الناس و يكون صداقات بسسسس دائما يحس نفسه ناقص عنهم و يخاف يحتاج بكرا لاحد يساعده و ينحرج طبعا غير امه الي ما يحس معها بأي احراج ولا بأي حزن سبحان الله الي زرع في قلبه حبه العظيمم لها
نطق وهو يريد يعرف اذا امه كانت حوله : يمه
جاه الرد السريع و القريب من مسامعه : هلا يمه
حس بالأمان و ابتسم لا اراديا : خلصتي
خالة متعب : لسا يا قلبي باقي كم غرض ( بنبرة حنونة ) ليه يا قلب امك تبي شيء
متعب بإبتسامه وهو يهز راسه بنفي : لا يمه
مسكت يده و هي تمشي معاه و تدفع العربة بيدها الثانية
بعد يد امه عنه وهو يستنكر حركتها يكره احد يمسك يده و يمشيه يكره احد يتعاطف معاه لانه اعمى يكرررره احد يعامله كطفل
التفت عليه امه و رجعت تمسك يده و تمشي
متعب بهدوء وهو يبعد يد امه من يده : يمه
خالة متعب وتوها تحس على نفسها الحركة ذيه يكرهها متعب ومستحيل يحبها حبت تغير من نفسيته شوي : طيب يا يمه تعال نشوف قسم المشروبات و نشتري لنا عصاير
ما عارضها ابدا ومشى وراها و خطواته تتبع صوت العربة وصوت خطوات امه ....



______جنون الى المحظور ________



منسدحة في الغرفة و قافله على نفسها الباب و تكلمه بصوت واطي تخاف يقوم ذياب و يمسح فيها الارض وهي مو ناقصه الي فيها مكفيها لا زالت الكدمات واضحة بجسمها و وجهها
دانة : حبيبي و ربي مو قادرة اكلمك كل يوم
منصور : ليه
دانة : تدري وجه النحس مقابلني طول اليوم يارب تجيه سفرة وارتاح منه و ربي ارتحت لما سافر يومين عسى ان شاء الله يسافر الدهر كله
منصور : ههههههههه ما عليك منه خليه يولي وانتي لي يعني لي
دانة بحياء : يا قلبي الله يجمعنا على خير يا رب و ربي مليت خلاص ابي اتطلق منه
منصور بإندفاع : طيب ليه ما تطلبين الطلاق
دانة بقهر : كل ما طلبت منه و حاولت افهمه اني ما ابيه يصد عني ولا كانه سامع قلت لك ذياب مو زي اي رجال يسوي الي في راسه وهو حلف بالله انه ما يطلقني
منصور بقهر اكثر : هذا متى ناوي يفكنا من شره
دانة وهي ترفع يدها للسماء : و الله اتمنى يموت و يفكني منه احس اني مسجونه مو قادرة اطلع ومو قادرة اشم هواء ابداً
منصور بشوق كاذب : ابي اشوفك
دانة بشوق : وانا بعد و ربي مشتاقه لك
فجأة سمعت صوت خطوات تقترب من غرفتها
ارتجفت لا اراديا وحست بغصة ضربت خدها بكف يدها اكثر من مرة من الخوف و التوتر ( يا ويلي يا ويلي يا رب ما يسمع شيء ويوديني في داهيه )
منصور بإستغراب : دانة وش فيك
دانة وهي تتكلم بصوت واطي وهي تهمس لمنصور : باي يا قلبي بعدين نت
ما كملت كلامها وهي تسمع طرقات على الباب سكرت على طول و خبت جوال الشقة تحت المخدة و عفست البطانية و غطت الجوال زين
عدلت جلابيتها الي كانت باللون الاصفر وفيها خطوط حمراء وقفت وهي تاخذ نفس عميق فتحت الباب وهي تشوفه يتثاوب و يتمغط
ناظرته بجمود وهي تحاول ما تبين توترها قدامه : نعم
ذياب وهي لا زال يتمغط : نعامة ترفسك وين فطووي
دانة : لسا ما سويته
لف وهو يشوف الساعة معلقة بالحائط و الي تشير للساعة 10 الصباح : كيف بالله ما افطر يعني
مشت من قدامه وهي متجاهلته تماما و متوجهه للمطبخ وفي نفسها ( وراه ما يروح عند امه العجوز وياكل من عندها سم الهاري ان شاء الله )
طلعت التوست و بدات تدهن فيه الجبن و المربى و تسخنه و مع كل خطوة تسويها تدعي عليه و على حظها الردي الي طيحها في حياته ...


_______جنون الى المحظور _________



العصر الساعه 5:58 تقريبا
تركب الدرج بتعب و الاكياس ماسكتها في يديها و تمشي بتعب السووق تعبها كثير وغير كذا ما خلت مكان ما رحت له و كل ذا تقضي لعرس بنت خالتها
مدت رجلها و دفعت الباب بقوة انفتح الباب و ارتطم بقوة في الجدار
غدير وهي شايلة الاكياس الكثيرة : قومي اشووف
ما سمعت رد
حطت الاكياس على سريرها و تكلمت بصوت عالي فجر اذن وسن : انتي و ش فيك هاااا من الصبح وانتي نايمة للحين
وسن وهي تعدل البطانية وتلف البطانية على نفسها و تتكور بها : و ربي تعبانه احس نفسي مزكمة
قعدت على سريرها وهي تشيل البطانيه حطت يدها على جبهة وسن بحركة سريعة و هي تتحسس درجة حرارتها شهقت وهي تشوف حرارتها مرتفعه وجسمها مثل النار : وسن
وسن بتعب : هممم
غدير بحزن : طيب قومي بقل لبابا نروح المستشفى
وسن وهي تتقلب للجهة الثانية و تصد عن غدير : لا و الله مالي نفس للمستشفيات
غدير وهي توخر يدها من جبهة وسن وتقوم بسرعة توجهت للدرج وهي تفتحه وتاخذ حبة بندول انزلت لتحت وهي تركض متوجهه للمطبخ خذت علبة موية وكملت ركض لغرفتها جلست على السرير وهي تحاول تسند وسن
وسن بتعب وخمول : غدددييير وخري
غدير : طيب اخذي حبة البندول و ارجعي نامي
وسن وهي تمسك حلقها وبصعوبه تتكلم بلاعيمها مسكرة : غدير و ربي مو قادرة ابلع شيء
غديروهي تقرب منها وتقرب حبة البندول من شفافيف غدير : افتحي فمك يلا
وسن بعدت عن غدير و مسكت حلقها بقوة
غدير بإصرار : يلا وسن مو معقولة كذا يلا عاد بلا دلع
و اخيراً بعد عدة محاولات افتحت فهمها ببطأ و على طول غدير لقمتها الحبة و عطتها المويه
وسن بعد ما خلصت واخذت نفس : كذا كويس
غدير بإبتسامة : ايه هههه
التفتت للإتجاه الثاني و لفت البطانية عليها ونامت
وهي تهز راسها و في نفسها ( يا قلبي يا وسن ادري انك تعبانه كثير بس لازم تجهزين للعرس ما بقى شيء و غير كذا ام متعب تبي تقدم العرس تقول متعب مستعجل ايه ههههه يا ويلي بس منك الحمد لله اني قلت لامي تقل لها و لاني ادري اذا فاتحتها بالموضوع بتذبحني ضحكت وهي تحط يدها على فمها و
توجههت مرة ثانية للأكياس شالتهم و اتجهت للدولاب ترتبهم فيه اشترت لوسن ملابس كثير و نوعت من كل ستايل ومن كل لون بس ما ينفع تفتح الاكياس بلحالها اكيد رح تنتظر وسن شوي لحد ما تنخفض درجة حرارتها وتصير صحتها احسن و رح تتناقش معها و يبدون بالتجهيزات .....


______جنون الى المحظور ________



....: ايه لف يمين
سوا مثل ما طلب منه سيده ولف يمين
... : خلاص خلاص وقف
وقف بكل هدوء طاعةً منه لأوامر سيده
غطى عيونه بنظارته الشمسية العيون الي اهلكتها التجاعيد و رفع راسه وهو يناظر من الشباك بيت شعبي صغير و متهالك و في حيّ بسيط
ناظر وهو يرسم على وجهه ابتسامه عريضة وهو يشوف الموقف الي يمر قدام عيونه
ابتسم لا ارادياً وهو يشوف ...

.... : اتركها
حمود بغضب طفولي : ما ابيي
سعود : قلت لك اتركها
حمود وهو يترك الكورة الي ارتطمت بالارض و يصيح و يبكي انسدح على الرمل وهو يحرك رجله بغضب و صرااع
سعود الي كان قاعد على الرمل وبعيد عن حمود شوي
و بنبرة تهديد قال : تعال هنا
حمود وهو لا زال معاند وعلى حركته يضرب رجله في الرمل
ناظر حوله وهو يشوف بزران الحارة يناظروه قاام و هو يتوجهه لاخوه و يشيله من على الارض بس حمود لا زال يصارع مسك شعر سعود وقام يشد فيه
سعود بعصبية : وش الدلع ذااا
حمود وهو لا زال يبكي ويشد شعر سعود
شاله سعود وهو يبعد يديه الصغيره من شعره رجع شعره على ورا و حمود لا زال يصارع بدا يهجم على سعود بالضرب بيديه الصغيرة
قعد على الارض و جلس حمود في حضنه و حمود الي لا زال على حركته بس تعب وهو يشوف سعود مو هامهه شيء و يكمل اكل في الفطاير الي اشتراها من البقالة
مد يده لأخوه و بطفوليه و براءة : ابييي
سعود وهو ينحني براسه للكيس طلع منها فطيرة و فتح الكيس وبدا يقطع لاخوه قطع صغيره و يطعمه منها ناظر فيه وهو يأكل ولا هامته المصيبة الي صارت ( ايه و الله يا ريتني طفل ومو شايل هم ومسؤلية يا ريت اني رحت مع ابوي وامي ومتت وما عشت ) حرك راسه بسرعه وهو ينفض الافكار الي جت بباله ( بالله اذا كنت تحت التراب الحين مين يهتم فيه و يراعيهم هذا وانا حيّ واختي ضاعت مني وما يدرون وينها فيه و ما يدري عنها الا رب العالمين اخخخ يا سعود اخخخ بسسس )
حس باليد الصغيرة الي رجعت تضرب صدره بكامل قواها
ناظر اخوه و الدموع ما جفت من خده بحنيه مد يده وهو يمسحها
حمود و فمه مليان اكل : عثييير
سعود بإبتسامه و بتنهيده كان كابتها في داخله تنهد بقوة وهو يحاول يبرد ضميره يبرد قلبه الي احترق يبرد عقله الي شوي ويستخف ويجن بس ما بيده حيله فتح العصير و مده لأخوه الي كان مستانس بالأكل ويناظر بزران الحارة وهم يلعبون ويشاركهم بضحكاته الطفولية
ضم اخوه لصدره وكانه يحس هو الامل الوحيد الي بقى له
و في نفسه (( وينك يا قلبببب اخوووك !!!!!!!!!!! ))


من جهته يناظر في سعود ولا زالت الشكوك كلها في باله بس هو راح لمحل الاثاث و طلب من المحل اسم سعود وعنوان البيت و فعلاً في تطابق كبير بالأسماء و غير كذا صاحب المحل قال انه ناصر الي هو ابو سعود كان محامي معروف و توفى في حادث

(( يعني هذا ولدك يااا ناصر ما شاء الله و ربي نسخة منك حتى في طريقة المشي و الصوت و الحنية ايه و الله يا ناااصر هذا ولدك ايييه ولدك ))
رجع راسه لوراء وهو يحاول يكبت الي فيه قدام السواق
نطق وهو غرقان في التفكير وبغصة : للبيت


______جنون الى المحظور ________



منسدحة على سريرها و الجوال حاطته على اذنها و يدها الثانية مادتها للكوافيرة الي طلبت منها تجي البيت تنظف لها اظافرها
رغد بفرح : وش قلتي وافقت
.. : ايه وافقت
رغد وهي مو سايعتها الفرحة : و ربي كلوووووووووش فرحتيني الله يفرحك و يسعدك
.....: ربي يسعدك دوم بس ما قلتي لي وش اسمك يمكن القى لك واحد
رغد بتكبر و علو وضح من صوتها : لا يا قلبي انتي انا زواجي قريب
..... : ايه طيب ربي يسعدك الا اعزميني على زواجك يمكن اشو
رغد بتقزز وإشمئزاز ( هذا الي ناقص بعد ) ردت بكل كذب و تبي تنهي السالفة : طيب يا ام بدر ان شاء الله انتي اول الحضور بس مشغوله الحين يا قلبي و فلوسك رح تجيك ان شاء الله
الخطابة ام بدر بتصنع : لا يا حياتي وش ابي بالفلوس
رغد وهي خلاص تدري مع ذي الاشكال اذا تكلمت كلمه ردوا عليها بعشر و يحاولون يطولون السالفه واختصرت الموضوع وهي تقول : لا يا قلبي هذا حقك انا مشغوله كثير الحين تدرين زواجي قررب و لازم اجهز له
الخطابة ام بدر : طيب يا قلبي مع السلامة
سكرت الجوال وهي ترميه بجنبها الحين قدرت تتنفس و ترتاح و تأمن ان فيصل لها لا ارادياً ومن الفرحة العارمة الي فيها افتحت شنطتها الي كانت بجنبها واخذت منها 1000 ريال وعطته للكوافيرة
رغد بإبتسامه عريضة انرسمت من الفرحة الي تمر فيها : تفضلي يا قلبي
الكوافيرة المصرية : ايه ده
رغد : ههههه وش فيك هذي هدية مني لك
مدت يدها و هي تاخذ الفلوس و تقبلها حطتها على طول في شنطتها و رجعت تمسك يد رغد وتنظف لها اظافرها : ربنا يعطيكي الصحة يا ستي و يوفقكي يا حبيبتي
رغد و بالها مو مع الكوافيرة
بالها الحين منشغل كيف تشوف فيصل وتلاقيه و تحاول لو شىي تقرب منه وتكون على الاقل في الساحة بعد ما هدأت المواجهة شوي
صارت تقدر تفوز فيه بسهووله..


_______جنون الى المحظور ________








الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 425
قديم(ـة) 23-12-2017, 05:53 AM
صورة دلووووعه وبس الرمزية
دلووووعه وبس دلووووعه وبس غير متصل
©؛°¨غرامي ذهبي¨°؛©
 
الافتراضي رد: رواية جنون إلى المحظور/بقلمي







بالليل وعند متعب ))


قاعد على السرير بشورت اسود و يستمع للأخبار هذي عادته و اذا خلص من سماع الاخبار نزل لامه يسولف معها
و هذا الي سواه سمع المذيع يقول ( استودعتكم الله و الى لقاء آخر ) على طول قام وهو يتحسس حواليه ما لقى عصاته وقف وهو يمد يده امامه و يمشي بهدوء لمس الباب هز راسه بالنفي وهو مستمر يتحسس بالي حواليه ضربت اصابع رجله بقوة في الطاولة الي امامه اطلق تنهيده بصوت ضايق رفع رجله و قام يتلمسها بأصابع يديه و يضغط عليها حس ان الألم بدأ يخف شوي كمل بحثه عن شماعة ملابسه و مد يده وهو يمشي ببطىء ولا زال متألم من ضربة اصابع رجله بالطاولة بس حس بثيابه الي معلقة في الشماعه سحب له ثوب منها و بدأ يتلمس الثوب عشان يعرف و ين مقدمة الثوب و فعلا كلها لحضات وهو يلبس ثوبه و يطلع من غرفته وقف وهو ينادي امه بس ما من مجيب قرر انه ينزل الدرج و يدور عليها في الطابق السفلي
مشى شوي وهو يتحسس باللي حواليه لمس الجدار ولزق فيه وهو يمشي ببطىء حس بإنحدار وكانه رجله انزلقت بس على طول و بحركة سريعة تلزق في الجدار و وقف شوي
توه يستعوب انه وصل للدرج ابتسم وكانه اول مرة ينتصر فيها على عصاته الحين يقدر يمشي و يسوي الي يبي من دونها كمل سيره ونزل عتبات الدرج و وصل للنهاية وهو يبتسممم حب يخبر امه بالخبر الحلو انه اول مرة يمشي في البيت بدون عصاته يعني صار يقدر يمشي بدونها وعادي يرميهاا
هتف بأعلى صوت و بفرح : يمممه
ما سمع لها رد بس رجع ينادي : يمههه
جت له الخدامه وهي تركض : ماما برا
هز راسه مشى وهي ووراه لازم تنتبه عليه وين يروح هذي احد وصايا امه للخدم في البيت
يمشي ويديه ممدودة امامه وصل تحسس بالباب الخشبي الي كان مخرج لحديقة المنزل
فتح الباب و طلع ولا زالت الخدامة وراه
ابتسم و ( الحين صرت تقدر تطلع للحديقة بلحالك )
الخدامة : ماما في ملحق فوق
متعب بإستنكار : وووش
الخدامة : ماما في ملحق
متعب بصرخه : يماااااااااااااااااااااااه



______جنون الى المحظور ________




جالس في السيارة من المغرب من لما شاف ولد نااصر
( ولد ناصر تزوج يعني ناصر صار جد ربي يرحمك يا ناصر لو تدري اليوم وانا اشوف ولدك يلعب مع ولده يعني حفيدك اخ يا ناصر ليه تسوي في اخوك كذا و ربي ما اتفقنا على كذا بس ربي يرحمك ) مسح دمعته الي تخللت وجهه و مرت على خده و التجاعيد الي تحت عينيه ابتلت كلها دموع مسحها وهو يتنهد ( ربي يرحمك يا نااصر ربي يرحمك الله ياخد امانتي قريب و الله الحمل كبير يا ناصر )
زفر بتعب و فجأة و بين فكرة تروح و ثانية تجي

سمع صوت طرق على شباك سيارته تدارك الوضع و حاول يخبي الي فيه بإبتسامه وهو يشوف ولده واقف و يناظر ابوه خاف ان ولده شاف دموعه و لا حس في شيء
فتح الباب وهو يقول : فيصل وش عندك
فيصل بإبتسامه : ولا شيء يبه بس شفتك قاعد بالسيارة وما نزلت
ابو فيصل وهو يبي يتأكد ان فيصل ما سمع شيء : من متى كنت هنا
فيصل : توني جيت
وخر شوي من باب السيارة لانه ابوه يبي ينزل منها و وقف شوي بعيد عنها
ابو فيصل وهو يمشي و متوجهه لفيصل : وين رحت
فيصل : ولا مكان يبه كنت ابي الف شوي في شوارع الرياض و ارجع البيت
ابو فيصل وصل عند ولده و وقف مقابله : مو ناوي تزور جدتك وجدك
فيصل : الا ناوي يبه
ابو فيصل : ومتى
فيصل : ان شاء الله قريب
ابو فيصل بصوت فيه إصرار : بكرا نروح كلنا عندهم
فيصل بإستفهام : ليه يبه في شيء
ابو فيصل وهو يهز راسه بالنفي : لا ما في شيء وانا ابوك بس من زمان عنهم مقصرين في حق جدتك وجدك
فيصل: ان شاء الله يبه
تقدم ابو فيصل يدخل للبيت ولما شاف ابوه غادر المكان طلع هو متوجهه لسيارته




______جنون الى المحظور _____




متعب بصرااخ : يمممممممممممه
كانت ماسكة المنشفة وتنظف الطاولة الي فيها بقايا نحت الخشب و ترتب قطع الاخشاب الي نحت ولدها عليها
سمعت صراخه ارتاعت من الصراخ طاحت المنشفه من يدها و اركضت لبرا الملحق و قلبها متقططع من الخوف عليه و تنادي فيه بقلب مفجوع : يمه متعب وش فيك
ارتجفت شفاها و دموعها ماليه عيونها وهي تفكر فيه لا يكون صار فيه شيء ولا طاح ولا ولا ولاااا و كل الي قدرت تقوله و بقلب ام مفجوع : متعب يمه
ما تدري كيف وصلت لعنده و
وقفت قدامه وهي تشوف عيونه تلمع من الدموع الي على وشك انها تنزل عرفت وش يفكر فيه ايه اكيد عرفت انها افتحت ابواب الملحق ما تكلمت وكيف تتكلم مع ولدها وهي اصلاً وعدته انها ما تفتح الملحق ابدا بس خلفت في وعدها و صعب كثير لما الضنى يتأمل في امه وانها رح تكون اصدق وانقى واطهر انسانه و بعدها ينصدم بإنها خلفت الوعد دايما الام مصدر الصدق و النقاء و العفاف و الطهر و الامانه بس نهائياً ما كانت هذي النظرة في بال متعب وهو يحس نفسه مكبوت الا غصة فيه و وده يبكي بسسس
اهتزت شفاته ونطق بـ : ليه يا يمه
ام متعب بشهقة بكي : يمه قلت بطلع الاغراض و بنظف الملحق
متعب بإنكسار : بس يمه انا قلت لك ما ابيه ينفتح ابد
ام متعب وهي تهز راسها وتشرح بيديها ودموعها نزلت قبل لا تقول : بس يمه انت رح تتزوج وابي انظف البيت
متعب بإستغراب : ليه وش جاب ذا في ذا وش دخل زواجي بالملحق
تلعثمت بس ردت بسرعه : يعني يا قلب امك اذا زوجتك بكرا جت البيت وش تبيها تقول ما رح تسألني ليه قفلت الملحق وهو مو غرفة صغيرة انت ما شاء الله عارف وش كبره
متعب بإستنكار اكبر : وهو لزوم كل شيء صار وكل شيء رح يصير اقوله لها
ام متعب وهي تأشر بيدها : لا لا يا قلب امك مو اقصد كذا بس اقصد من زمان ما فتحته ولا حتى نظفته حرام غبرة و حشرات معبية المكان
متعب وهو يبلع غصته : وانا ابيه بحشراته وغباره و ابيه يتقفل ولا عاد اشوف اي حد عنده و يمه حتى انتي ما ابيك تدخليه واعطيني المفتاح الحين
هزت راسها بالإيجاب وهي تترك ولدها و تركض للملحق قفلت الباب على السريع واركضت له وهي تمسك يديه وتحط فيها المفتاح
ام متعب وهي تلهث من الركض : هذا هو يا عيون امك عندك و منيب فاتحته ولا حتى منظفته
حط المفتاح على طول في جيبه وهز راسه لأمه
امسكته من ذراعه وحاولت تلطف الجو شوي وتسوي له من الاكلات الي هو يحبها مهما يكون الملحق هذا فيه ذكريات مستحيل ينساها متعب و يمكن هي الي وصلته للحالة الي هو عليها اليوم ..
ام متعب : وش رايك نسوي كبسة لحم
ابتسم وهو يحس ان نبرة صوت امه تغيرت وكل هذا بس عشان تخفف عليه من الي هو فيه جاوب وهو ماله نفسس : طيب
مشت فيه للمطبخ و قعدته على كرسي امامها وجلست تسولف معاه وهي تجهز للكبسة ....





______جنون الى المحظور ________



بعد ما لفت كل محلات الذهب الظهر و العصر وتبيهم يشترونه من عندها بس اغلبهم رفضوا
قديم كثير و شبه متقطع و قالو لها اذا خذوه يعطوها نص القيمة وهي اصلاً ما رح يكفيها المبلغ انها تدفع به فلوس الشقة
رجعت وهي متحطمة وتعبانه حيل استندت على الجدار وهي تلهث و عطشانه كثير
ناظرت قدامها و بسرعة اركضت لها و ضمتها
يارا بصراخ وانكسار و دموع : انا متأكدة انك بترجعين و ربي متأكدة انك بترجعين وهذا انا هنا انتظرك
الحرمة وهي تحاول تبعد يارا عنها: يا بنت بعدي وش فيك
يارا وهي لا زالت على وضعها : ريتااااج ليه نسيتيني ها و ربي اناا احبك انتي اختي
الحرمة ما تحملت حركة يارا وخرتها عنها بعصبيه : وش فيك انتي ها وش فيك مجنونه
توها تستوعب ان ذي مو اختها اصرخت بإنكسار وهي تضرب رجولها على الارض و تبكي بحررقة جو لها موظفين الفندق واسحبوها للداخل
حاولت تبعدهم عنها بس ما اقدرت
اصرخت بأعلى صوتها : اتركوووني خلاااااص
اتركوها وهي اركضت للشقة تهرب من انظار الناس لها ومن حركتهااا الي خلت اغلبهم مندهشين ويضحكون عليها تحس بتعب و الم و خيبة امل كانت تتمنى تجي اختها لعندها وترجع المياه لمجاريها بس ما صار الي تبيه مااا صااار
ادخلت للشقه وهي تقفل الباب بسرعه وتستند عليه وتبكيي بحرررقه ...





_________جنون الى المحظور ________





فتح الباب وهو يبتسم ويشوف ضحيته واصله لا وقدامه بعد سكر الباب وهو يسحب وراه الكرسي الي كان ورا الباب ويمشي بهدوء بس صوت جزمته الله يكرمكم تطبع اصواتها في الغرفة
شافها تتحرك بإنزعاج من الصوت و اكيد من التعب الي هي فيه لها يومين تقريباً وما اكلت شيء و لا حتى اشربت موية فتحت عيونها ببطىء وهي تشوف ظل بس غمضت عيونها مرة ثانية بتعب
حط الكرسي قدامها وقعد عليه و هو ينحي و يناظر وجهها ( اخسس و الله يا ناصر اجل عندك بنت مثل الملاك و مخبيها ) مد يده وهو ينحني لها و يلمس شعرها و يخلل اصابع يده النجسه في شعرها الطاهر حسست بحركة جنبها وفي احد قاعد يلمس شعرها فتحت عيونها و هي تهمس بأعوذ بالله من الشيطان الرجيم
ابتسم لحركتها و انحنى لها اكثر وهو يخلل يده من شعرها لجبينها و بعدها مروراً بخدها المحمر
صرخت بأعلى صوتها وهي تحاول تبعد الشبح الي يحاول يلمسها : لاااااا
رجع شوي و هو يبتسم و يشوفها تصارخ وتشاهق اول ملامح الانتصار بدأت ابتسم اكثر وهو يشوفها
تتلمس وجهها و تصرخ بدون نقاب و حتى بدون حجاب اصررخت وهي ما تدري وش صار لها منه هو و ليش جت هنا و كيف و وين نقابها وينه قدام واحد غريب و مو متغطية تصارخ بصوت عالي بس الي قدرت تسويه انها تغطي و وجهها بشعرها و تكور على نفسهااا
تضارب مشاعر المكان نفسه من رهبة وخوف عندها و سعادة و انتصار عنده هو الي كان جاالس على كرسي و يناظر وجهها البريء و حركاتها الي قام يعجب فيها اكثرر تركها و هو يخرج برا الغرفة و يقفلها مرتين عشان ما تطير الملاك من عنده !!!...



_______جنون الى المحظور _______




قاعد على الطاولة بلحاله وهو ياكل فطوره ولابس بنطلون رصاصي و تيشيرت احمر
رفع نظره وهو يشوفه يتكلم بالجوال نزل راسه للصحن وكمل اكله
و بعد ما انهى مكالمته سحب كرسي ولصقه بكرسي اخوه اخذ قطعه خبز من الصحن و اكلها فتح جواله وشاف الساعه تشير الى
8:59 و رجع ناظر اخوه الي مو هامه تحركاته نهائياً ويكمل اكل
رجع راسه للكرسي و هو يدخل جواله لجيبه
بندر : مو ناوي تروح للدوام اليوم و لا لزوم احد يسحبك للشركة
غازي وهو منشغل يدهن المربى في التوست
مد يده لظهر اخوه و بدأ يمسح ظهره و يبتسم : النونو ما يعرف يتكلم
اطلق ضحكة و هو يحرك راسه يمين و يسار : لاا
بندر : صدق
غازي : اجيبها من الاخير لك منيب رايح للدوام اليوم
و قام متوجهه للدرج بعد ما اخذ جواله الي كان على الطاولة و قطعة التوست في يده
بندر وهو يأشر عليه : هييي انت على وين ان شاء الله ترا اليوم الاربعاء بدري على الويكند
غازي وهو يكمل طريقه : هذا كلام ابوي ما في دوام اليوم
وقف بعصبية : تعال انا اكلمك ايه تكذب الكذبة وتخليني اصدقها ليه ما في دوام هاا تبي تنام يا الرخمه و ما تــ
قاطعه غازي بحدة وهو يلف عليه : هذا كلام ابوي غدانا اليوم بيت جدي
بندر وهو يحرك راسه : اييه اجل كذا
غازي وهو يحرك حواجبه عشان يقهر بندر : ايه كذا
و كمل طريقه لغرفته
بينما بندر قعد على الكرسي وهو ينافخ و يفتح ازارير ثوبه







بكذا نقول انتهى البارت الرابع عشر ...









هذا هو البارت الي ارسلته عيون بس ترسل لي البارت الخامس عشر على طول بنزله ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 426
قديم(ـة) 23-12-2017, 12:59 PM
صورة بحــ الأنوثة ــر الرمزية
بحــ الأنوثة ــر بحــ الأنوثة ــر غير متصل
©؛°¨غرامي ذهبي¨°؛©
 
الافتراضي رد: رواية جنون إلى المحظور/بقلمي


مشكووووووووووره حبيبتي ع البارت روعه
اتمنى مايصير شي لاخت سعوود وكمان يارا والله قلبي يتقطع عليها والنهايه مع اختها ريتااج اللي مو حاسه فيها ابدد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 427
قديم(ـة) 24-12-2017, 08:42 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية جنون إلى المحظور/بقلمي


السلام عليكم
عيون معذورة والله يوفقها في اختباراتها
ودلوعة مشكورة على التنزيل
سعود وش بيسوي عشان ينقذ اخته ومن مين مخطوفه
يارا مسكينه
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 428
قديم(ـة) 24-12-2017, 06:34 PM
صورة ووردالعمرر الرمزية
ووردالعمرر ووردالعمرر غير متصل
©؛°¨غرامي فضي¨°؛©
 
الافتراضي رد: رواية جنون إلى المحظور/بقلمي


السلام عليكم

يعطيك العافية ع البااارت
تسلمي

لبنى اتوقع انو غازي او احد من اصحابة لو يد بالمووضوع

يارا كسرت خاطري

متعب كيف بيكون حالو بعد الزوواج

في انتضااارك

وموفقة في الاختبارات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 429
قديم(ـة) 24-12-2017, 07:53 PM
صورة reeme_ الرمزية
reeme_ reeme_ غير متصل
©؛°¨غرامي فعال ¨°؛©
 
الافتراضي رد: رواية جنون إلى المحظور/بقلمي


البارت روعه

تسلم ايدك عليه


ويعطيك العافيه
دلوعه


باتنظار البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 430
قديم(ـة) 25-12-2017, 10:13 AM
صورة smart meme** الرمزية
smart meme** smart meme** غير متصل
©؛°¨غرامي مشارك¨°؛©
 
الافتراضي رد: رواية جنون إلى المحظور/بقلمي


روووووووووووعة بانتظار البارت القادم ...

الرد باقتباس
إضافة رد

رواية جنون إلى المحظور/بقلمي

الوسوم
جنون ، الى ، المحظور
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 128 12-11-2019 03:59 PM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 01:56 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1