اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 441
قديم(ـة) 13-01-2018, 02:37 AM
صورة عيون تائهة الرمزية
عيون تائهة عيون تائهة غير متصل
©؛°¨غرامي مشارك¨°؛©
 
الافتراضي رد: رواية جنون إلى المحظور/بقلمي





السلام عليكم و رحمة الله و بركاته
مشتاقه اعلق وارد عليكم كلكممم
كيفكم عساكم طيبين
اختفيت في ظروف غامضة 😂😂 امزح و الله بس صدق الاختبارات اشغلتني كثير و حبيت اني اسلم الرواية فترة لدلوعة و بس وما قصرت طبعاً الكثير اشتكى من تأخري للرواية و تركها او حتى ما حب تأخيري لها هالكثر بس تدرون يعني البارت هذا تعبت عليه لانه في احداث كثيرة رح تصير بعده و ربييي ما ادري كيف ارتبها بس حبيت اقول لكم الرواية رح تخلص شهر 2 قبل لا يبدأ الترم الجديد وانشغل مرة ثانية
احس طوولت
هذا البارت الخامس عشر و اليوم روايتي تنتصف بهذا البارت


شكرا للكل الي تحمل غيباتي
و شكرا لدلوعه الي كانت تنتظر اني ارسل لها البارت عشان تنزله لكم
لها كل المحبة و الله و الشكر اكيد

♥♥

















نـهــيــم خــلـــف ســـــلام عــــــز مـطـلــبــه


و مـــل مـــن وعـــده المـمـطـال عـرقــوب


عشنـا مـع الـذل حـتـى عــاف صحبتـنـا


نمـنـا عـلـى الصـبـر حـتـى ضــج أيـــوب


أكــلــمــا قــــــام فــيــهــم مــــــن يـذبــحــنــا


قلـنـا: الـسـلام عـلــى الـعــلات مـطـلـوب


و كـلــمــا اسـتــأســد الـــعـــدوان بـــاركـــه


مـنــا جــبــان إلــــى الإذعــــان مــجــذوب





البارت الخامس عشر

قاعد على الطاولة بلحاله وهو ياكل فطوره ولابس بنطلون رصاصي و تيشيرت احمر
رفع نظره وهو يشوفه يتكلم بالجوال نزل راسه للصحن وكمل اكله
و بعد ما انهى مكالمته سحب كرسي ولصقه بكرسي اخوه اخذ قطعه خبز من الصحن و اكلها فتح جواله وشاف الساعه تشير الى
8:59 و رجع ناظر اخوه الي مو هامه تحركاته نهائياً ويكمل اكل
رجع راسه للكرسي و هو يدخل جواله لجيبه
بندر : مو ناوي تروح للدوام اليوم و لا لزوم احد يسحبك للشركة
غازي وهو منشغل يدهن المربى في التوست
مد يده لظهر اخوه و بدأ يمسح ظهره و يبتسم : النونو ما يعرف يتكلم
اطلق ضحكة و هو يحرك راسه يمين و يسار : لاا
بندر : صدق
غازي : اجيبها من الاخير لك منيب رايح للدوام اليوم
و قام متوجهه للدرج بعد ما اخذ جواله الي كان على الطاولة و قطعة التوست في يده
بندر وهو يأشر عليه : هييي انت على وين ان شاء الله ترا اليوم الاربعاء بدري على الويكند
غازي وهو يكمل طريقه : هذا كلام ابوي ما في دوام اليوم
وقف بعصبية : تعال انا اكلمك ايه تكذب الكذبة وتخليني اصدقها ليه ما في دوام هاا تبي تنام يا الرخمه و ما تــ
قاطعه غازي بحدة وهو يلف عليه : هذا كلام ابوي غدانا اليوم بيت جدي
بندر وهو يحرك راسه : اييه اجل كذا
غازي وهو يحرك حواجبه عشان يقهر بندر : ايه كذا
و كمل طريقه لغرفته
بينما بندر قعد على الكرسي وهو ينافخ و يفتح ازارير ثوبه
و ماله الحين غير يصعد الدرج و ينام لساعة عشرة و هذا الي صار صعد الدرج و في طريقه لغرفته حب يوقف شوي و يتهاوش مع غازي و يمنعه من النوم مد يده للمقبض الباب و حركه بسس لقاه مقفول ترك مقبض الباب و توجهه لغرفته ينااام



__________جنون الى المحظور ___________


قاعدة على الكرسي في المطبخ وحاطه يدها على خدها حست نفسها اليوم احسن وحراراتها انخفضت شوي و تقدر تتحرك فقررت تنزل و تسوي لها و لخالتها و لزوج خالتها و ل غدير فطور و ترتب لهم السفرة اليوم تحس ان وقت فراغها تقدر تقضيه كله في المطبخ هو الشيء الوحيد الي مونسنها خاصة هي ما شاء الله يدها بالطبخ حلوة وذويقة
اقتحم خيالها صورته ابتسمت وهي تشوفه ينرسم في خيالها اييه ذنبها انها حبته واخلصت له في كل شيء بس هو ولا حتى فكر فيها ايييه ولد عز مستحيل يفكر فيني مو انا مب قد المقام ابتسمت وهي تحاول تنساه قريب رح تنكتب لشخص ثاني ما تدري عنه شيء بس اسمه ( متعب ) يا كثر ما بكت ودعت ربها انه يموت ويطلع من حياتها دخل فجأة و رح يملكها فجأة تنهدت بضيق وهي تنزل راسها تحس جاها صداع من التفكير كيف رح تكمل حياتها مع متعب و مع الشخص الي حرمها من فيصل رفعت راسها وهي تصفق وجهها بيدها وتشد شعرها لورا بقووة
اففففف هو خطب خطب يعني رح يتزوج ليه افكر فيه لييييه قامت تشيل المويه الي كانت على النار وحطتها في الدله عشان ما تبرد المويه لانها ناويه تسوي لها ولهم كابتشينو عشقها القهوة و الرغوة الي تجي عليهاا و بدات تجهز لهم الفطوررر قبل لا يصحوون ...



________جنون الى المحظور _________


فتح باب غرفته وهو حاط الجوال على اذنه و بيده ملف اوراق يقلب فيه
فيصل وهو يقلب في اوراق الملف : طيب اصبر يا بدر .... ايه طيب هذا هو انت سجل رقم الفاتورة وتأكد لي من الحسابات 13450.... طيب ايه .. يعطيك العافيه ... تسلم .. بحفظ الله
حط جواله في جيبه و كمل مشي في الصاله العلوية متوجهه للدرج طلعت من غرفتها وهي تركض وبيدها عبايتها و هي تطلع نظارتها الشمسيه من شنطتها وتركض متوجهه للدرج مشت قدامه واسبقته لتحت وانزلت وهي تشوف امها و ابوها واقفين جنب باب الصاله الكبير ويتكلمون بصوت واطي و بكامل كشختهم
وقفت وهي تقبل راس ابوها وخد امها
داليا : يالله يمه
ام فيصل : على وين يا قلبي البسي عباتك بالاول
توها تحس على نفسها انها تبي تطلع وهي مو لابسه عبايتها : و الله كله بسبب ريما و رغد كل وحده تتصل فيني من جهه ومن الصباح
ابو فيصل : يالله اجل لا نتأخر
ام فيصل : يالله يا يمه انا بروح عند ابوك طيب
الحقونا انتي و فيصل
داليا وهي تهز راسها ومشغوله بلبسها للعبايه
و كلها لحضات وينزل فيصل ناظرها بإستفهام : وين امي
داليا وهي مستنده على الباب وتطقطق على الجوال: امي وابوي اسبقونا لبيت جدي
فيصل وهو يمشي و يتجاوزها : اجل الحقيني
نزل عتبات الدرج بسرعه يلحق على الغداء ناظر لورا شافها مو موجوده
فيصل بصراخ : دااالييا
سمعت صوته وهو يناديها وهي لا زالت تطقطق على الجوال دخلته على طول في شنطتها واركضت له ..


_______جنون الى المحظور ________



يسكر كبك ثوبه و هو واقف مقابل المراية الي تتوسط غرفته و الغرفه كلها حووسه طلع كل الي بخزانه الملابس و رمى الملابس على الارض ايه اكيد عزوبي للحين وحياته كلها فوضه وعفسه
فتح الباب بقوة وهو مستفهم من وضع غرفة اخوه : وش عندك ترا كلها غداء مع جدي
غازي وهو يعدل غترته الي كان لابسها على ثوب ابيض و مطلعه بهيبه و رزانه و جمال اكثر من البدلات و الشورتات و البناطيل الي يلبسها : وش عندك داخل الغرفه وما تستأذن
بندر وهو لازال واقف عند باب الغرفه : طيب اسمع وين الملف الاسود الي عطيتك اياه
غازي بإستفهام وهو يلف لأخوه : اي ملف الله يهديك الملف الاسود عندك انا خلصت منه وحطيته على مكتبك
ضرب راسه بكف يده وهو يحركه يمين ويسار كان المفتترض يسلم الملف لابوه و يتناقشون فيه مع عمه و ولد عمه فيصل بس ما لقاه
سكر الباب وهو يتوجهه لغرفته و يدور فيها عن الملف الاسود

_
_______جنون الى المحظور _______



ام بندر وابو بندر في السيارة ومن جهة ام بندر منزله الشباك وتكلم ولدها وهو واقف وحاط يده على السيارة ومستند فيها
ام بندر : وينه اخوك
غازي : بغرفته
ام بندر : واخزيااه ليه انتم مب ناوين تروحون لجدكم يلا استعجلو رح ناده
ابو بندر : هذا وانا قايل لك من الصبح وقايل لـ ريما تتجهز وتخلص
ام بندر : رح يمه ربي يرضى لي عليك مع اخوانك والحقونا عيب و الله نتأخر على جدك
هز راسه و ابتعد عن السيارة طلعت السيارة من البوابة ورفع يده يلوح بها لأمه ودخل البيت ينتظر بندر و ريما

كلها دقايق الي قعد فيها غازي في الصاله وهو يطقطق بجواله
نزلت ريما وهي لابسه عبايتها و تعدل نقابها
ريما : اقول يلا نركب بالسيارة اخوك بيذبحنا
لف عليهاا و رجع يناظر بالجوال و بحركة لا مبالاه طبعا و سفهها طلعت هي مستعجله تركض لسيارة بندر عارفه اخوها يذبحها اذا تأخرت وتدري نهاية السالفه هواش بين بندر و غازي و


من جههته هو
قاعد في السيارة ويكلمه
اقول انزل يلا لا تتأخر .... ايه انت ناسيه عندي بالسياره .. ييا شيخ كم مرة تبيني احلف لك انزل يلااا و سكر الجوال


انصددددددم وهو يشوف الي تركب السيارة وترفع نقابها و تنحني وتربط خيوط شوزها ربي يكرمكم
ريما : اقول امش امش بسرعه البنات ينتظروني و بعدها قولو ريما تتأخر وما
التفت عليه وهي لا زالت تكمل كلامها وتحرك يدها : تخلص بسرعه و
كان يناظر فيها وهو مبتسم ومستمع بحركات يدها الي كلها انوثه ولا الي وجهها صحيح مو حطت ميكب كثير بس بياضها و ملامح وجهها حس على نفسه والتفت للجهة الثانيه وهي ما بيدها غير انها اطلقت صرخه هزت السيارة كلها و ما تدري كيف افتحت الباب واهربت وهي تركض لداخل وانفاسها تلفح بنقابها طلت لورا وهي لازالت تركض مسكتها يده الي من سمعت صوته ارتاعت وخافت يكون هو حاضر الموقف الي صار قبل شوي
بندر بعصبية : خير وش عندك تركضين
ريما وهي ماسكة يده وتحاول تبعدها و بلعثمه وما درت كيف نطقت بهذي الكلمتين : نسيت جوالي
بندر تركها وناظرها بحده : جيبيه يلا ونادي التبن الي قاعد بالصاله
هزت راسها بسرعه و بخوف و كملت تركض لصالة تهدي من انفاسها شوي
من جهة بندر

طلع لـ ذياب الي لما شاف بندر عدل جلسته ومسح على وجهه بكف يده يخفي ملامح التوتر الي كانت مسيطرة عليه
فتح الباب وهو يمد يده لخويه
بندر : سلام
ذياب وهو ما يبي يطالع في بندر و يحاول يصد عنه : و عليكم السلام
بندر : وين الملف معاك
ذياب : ايه
مد يده لللكرسي الي ورا وجابه له ومده لـ بندر الي اخذ الملف وفتحه وتصفح اوراقه يتأكد ان ذا الملف الي كان يبيه وفعلاً هو الملف
نساه في سيارة ذياب لان اخذه في يوم من فيصل وراح بعدها للشباب و طلع هو و ذياب بالسيارة ونساه
بندر وهو لا زال يتصفح : ايه الحمد لله انه كان معاك و لا و الله ابوي يسوي فيني علوم اليوم
ابتسم ذياب لكلام بندر وحاول يهرب منه بإي طريقة لا زال متوتر من الموقف وحتى من صرختها هي يخاف يكون بندر سمع شيء ولا شافهم و قاعد يسولف معاه ويعطيه على جوه يدري ان خويه ذكي ويلعبها صح
ذياب حط يده على الدركسون : اجل مع السلامه نتلاقى بالليل
بندر : لا يا ولد وش بالليل اليوم تتغدى معاي
ذياب هذا الي ناقصني : لا يرحم الله والديك الاهل ينتظروني على الغداء
بندر : افا ترد خويك
ذياب : ما عاش من يردك وانا اخوك بس خلها الاسبوع الجاي ان شاء الله
بندر وهو يبتسم : ان شاء الله
لوح بيديه لخويه الي لا زال واقف ويناظر فيه طق له بوري و راح
من جهة بندر دخل للبيت هو ينادي فيهم
بندر : غااااززي رييماااا
من اسمعت اسمها طلعت وهي تركض له : يلا تأخرت على البنات
بندر وهو يتوجه لسيارته : ويينه التبن
غازي وهو ينزل عتبات الدرج : ما التبن الا انت
ريما وهي تفتح الباب : اقول اسكتوا مالي نفس ازعاج
ركبوا اخوانها بهدوء
طبعاً بندر يسوق و بجنبه غازي الي طول الوقت ساكت و ورا ريما الي قاعده تطقطق بجوالهاا ....




________جنون الى المحظور __________




قاعد على الكنبه في شقته وهو يبتسم مسح على جبينه ورجع يبتسم شال غترته وحطها بجنبه و رجع شعره على ورا وفتح ازرار ثوبه وهو لا زال يبتسم
وهي طالعه من المطبخ شافت حركاته مع نفسه وضحكة مع نفسها عليه سدت فمها بيديها تخاف يطلع لها صوت و يكون اخر صوت لها بحياتها
دانة ( و ربي خبلللل وش جا له ذاا يضحك مع نفسه )
حس بحركة وراه التفت وهو يشوفها تضحك و تبتسم
استنكر حركتها
ذياب وهو يناظرها بطرف عينه : وش عندك تضحكين
دانة وهي تحاول تخفي ضحكاتها وتهدي من نفسها : بس كذا
ذياب بإستنكار اكبر : بس كذا تضحكين
ردت عليه بنفس الاسلوب : ايه بس كذا اضحك
ذياب : خلك من الضحك الحين وجيبي لي غداي
دانة : نعم الغداء لسى على النار ما خلص
ذياب : نعامه ترفسك ليه وين الغداء هو انتي ما تفهمين يعني راجع من الدوام وما القى غداي
دانة بقهر : طيب وش اسوي لك يعني هو انت على بالك الغداء في ربع ساعه يكون جاهز
رد عليها وهو يبي يرفع ضغطها : ايه ربع ساعه ليه وش فايدتك انتي بالحياة
تركت له الصاله و رجعت للمطبخ الكلام اذا طال معاه اكيد رح يخليها تحت رجله



________جنون الى المحظور _________



ما قدر يأخذ اجازة اكثر من يومين
لازم يباشر بـ عمله شال اخوه معاه اليوم مستحيل يحطه بالبيت بحاله
يقطع في قطع الخشب و يحاول يحطها قطع متساويه
واخوه قاعد على كرسي بجنبه وهو يناظر في اخوه و يلعب بألعابه
....: سعوود
ناظر وراه وهو يشوف صاحب المحل واقف بجنب اخوه و يناظر فيه ترك الي بيده ومسح يديه في قميصه الي كان شبه قديم ورايح لونه ومشى لـ عند صاحب المحل وقبّل راسه ابتسم له وهو يقول : الحقني للمكتب يا سعود في موضوع لازم اتكلم معاك فيه
هز راسه بإلايجاب وحمل اخوه و مشى وراه
وصل للمكتب وجلس على الكرسي واخوه بحضنه و في مقابله صاحب المحل ( طبعاً محل الاثاث الي يشتغل فيه سعود حالياً )
تكلم و هو شابك يديه ببعض : شوف يا سعود وربي شاهد انك زي ولدي واعاملك مثل عيالي واحسن بعد وادري عن الظروف الي تمر فيها و لو ما كنت ابي اساعدك ما تكلمت ولا جبتك هنا ( وكمل كلامه وهو مركز نظراته على عيون سعود ) في عرض من شركة وانا بصراحة حبيته يبون شاب يشتغل عندهم في قسم المحاسبه يعني هذي الشغله ادري انك تقدر عليها انت درست في الجامعة 3 سنين و تقدر تطبق الي درسته في الـ 3 سنوات عندهم وش رايك يا سعود
سعود وهو يهز راسه بالنفي : بس انا رافض
صاحب المحل بتفاجىء : ليه طيب ترا الراتب الي رح يجيك منهم رح يكفيك انت واهلك
سعود بنفي : بس يا عمي انا حبيت شغلي وما ابي اتركه
صاحب المحل : بس مستقبلك افضل عندهم مو عندي هنا يا سعود
اخذ ورقه من مكتبه وكتب اسم الشركة و اسم الشارع واعطاها لسعود : اخذ
مد يده وهو ياخذ الورقه ويناظرها
صاحب المحل : عنوان الشركه رح لهم يا سعود
سعود : بس يا عمي انا ما اقدر اشتغل عندهم
صاحب المحل بتفهم : وش الي عاذرك
سعود ناظر اخوه ورجع ناظره
وكأنه التمس الحين سبب الرفض
صاحب المحل : لا تحاتي في حضانه قريبة منهم وتقدر تحط حمود عندهم
سعود بخوف وتوتر على اخوه كيف رح يتركه لحاله يخاف يصير له مثل ما صار في اخته الي للحين ما جا له خبر اذا لقوها ولا لا : بس يا عمي مــ.
قاطعه وهو يقوم ويقترب منه ويحط يده على كتف سعود : اسمع يا سعود انا بحسبة ابوك وتأكد اني ابي لك الافضل و الاحسن لك ولاخوك ولاختك
هز راسه وهو ياخذ الورقه ويحطها بجيبه وقف وقبل راسه يحس احيانا ان الانسان الوحيد الي رحمه وعطف عليه هو صاحب المحل الي اشتغل معاه اكثر من 3 سنين هو الي وقف جنبه واعطاه شغل يشتغل فيه و يقدر يأمن مستقبله ومستقبل اخوه واخته بس اخته الحين ربه يعلم وين ارضها ولا وين سماهااا ...
سعود : الله يسلمك يا عم و الله ما ادري وش اقول لك و الله يا عم انـ
قاطعه وهو يحضنه : انا ابوك وانا سندك وتدري اني دوم معاك و بوقف جنبك وهذا افضل لك انت و اخوانك
بعد عنه وهو يهز راسه : طيب يا عم مثل ما تبي وبإذن الله خير
صاحب المحل : بإذن الله ورح توكل على الله
سعود : بس عندي دوام اضافي بعد
رد عليه : اليوم اجازة لك ولا تنسى تجيني بكرا و تحكيلي الي صار
سعود : ان شاء الله
غادر المكتب وهو ماسك اخوه و لوح بيده للإنسان الي انقذه في يوم وفاة ابوه وامه اليوم المأساوي لسعود واخته انقذه وعطف عليه و حتى قام يزود له بالراتب كل شهر على قد ما يقدر مستحيل ينسى المعروف الي قدمه له مستتحيل .....




_________جنون الى المحظور _________



افتحت له امه الكولا ومدت له بس هو كالعادة منشغل بالاخبار واخر الاحداث
خالة متعب : متعب يمه
متعب : لارد ولا زال على نفس وضعه مندمج بالاخبار
ردت تناديه : متعب
متعب وهو توه ينتبه على امه : ايه يمه بغيتي شيء
خالة متعب : لي ساعه وانا اناديك وانت منشغل بالاخبار الي ما منها فايده غير عوار الراس
متعب : يمه وش فيك لازم نعرف وش صاير لـ العالم و وش ما صار
خالة متعب مسكت يده وحطت الكولا عليها : طيب يا قلب امك انت امسك الكولا واشرب و كمل الاخبار انا وراي اشغال كثيرة
مسك الكولا و رفعها لشفايفه وشرب شوي منها : يمه اقعدي معاي الخدم رح يخلصون شغل البيت
خالة متعب : وي وي يا خزياه وش يخلصون شغله انا قلت لهم اغسلو المواعين ونامو انا عندي شغل غيره شغل كثير
( شالت الدفتر و القلم الي كانو بالطاوله وفتحت الدفتر و بدات تكتب وهي تتكلم ) الحين يا يمه انت تبيني اترك الخدم يضبطون لك عرسك لا و الله الشركات تبع الاعراس ذولي هم الي يضبطون لك عرسك
متعب اجل الشغل هو عرسي : طيب يا يمه انا ما ابي عرس وطقطقه تدرين ما احب الازعاج
اضربت صدرها بقوة وهي تشه ق : وش هووو لا بالله جنيت انا ابي افرح فيك و اخلي الحريم كلهم يتكلمون عن عرسك حتى لما يموتون يطرون عرسك ابيه عرس مرتب ابي افرح فيك قدام الناااس ولا انت مستنقص فيني الفرحة !
نزل راسه وهو يدري انه امه دائما بذي الطريقة تستدرجه للموافقة وهو ما يقدر يرفض و هي بنبرة كلامها كأنها تبي تقيس غلاها عنده وهو ما يقدر يرفض لها طلب غلاها يساوي الدنيا و الي فيها : طيب يمه بس الازعاج هذا ما ابيه في البيت نحجز قاعة بفندق ولا قصر
خالة متعب : طيب يا يمه ابي اقول لك شيء تدري غرفتك الي فوق بدمجها مع الغرفة الثانية عشان يكون لكم جناح خاص فيكم
متعب و صار الي ما ابيه : يمه اسمعي ما في داعي تدمجين الغرفة تكفينا
خالة متعب : نعم وش تكفيكم لا و الله ابد صغيرة وضيقة وش تبي بنت الناس تقول خلوني اقعد في زنزانه
متعب مرده يوافق ما بيده حيلة : طيب يمه الي تبيه رح يصير
خالة متعب وهي متحمسة و تتكلم بكل عفوية و بروح ام سعيدة : و الغرفة الثانية بحطها لنونو الصغير الي رح يجي ان شاء الله و حتى غرفتي بتركها لكم و لعيالكم و بخذ الغرفة الي تحت الي جنب الصالة
يستمع لامه وهو ساكت و الي اكتفى به انه يهز راسه و يبتسم ابتسامه خفيفة وده ينهي الزواج الي ما جاب له غير التعاسه ايه اكيد جاب له التعاسة يحس انه حياته رح تنقلب وما رح يعيش بسلام او بإنفراد اكيد رح تجي هي و تقلب حياته وهو ما يحب اصلاً اخد يتدخل في تفاصيل حياته و يتحكم فيها او يقلبها ...
هي من اسمها اصلاً رجع يرسم على شفاته ابتسامة هههه نسى اسم خطيبته ههه
لك الله يا متعب لك الله ....



________جنون الى المحظور ______




تشرب عصيرها و تغمز لبنت عمها عشان تسكت تدري لسانها طويل و ينقط كلام يغث و ريما مستمرة على الحال
ريما : الا اقول حبيبتي متى ناوية تذلفين لا اقصد تروحين
رغد : وانتي وش حارك حبيبتي اروح الوقت الي ابيه
داليا وهي تحاول تسكر السالفة : اسمعوا وش رايكم نسوي لنا كيكة
الجدة : اص اص انتي وهي توهم الخدم منظفين المطبخ
الجد : خلي عيالي براحتهم
الجدة : ايه البنات ذولي انت مدلعهن كل وحدة لسانها اطول من الثانية وما في احترام
ريما : جدة يـ
الجدة تقاطعها : اقول لك اصص اسكتي ايه بعد شوفها ذي بنت ولدك لسانها اطول منها
الجد : خليها
الجدة وهي تقوم وبعصبية : ايه خلهم محد ضيع احفادي غير دلعك الزايد هذول كل وحدة قاعدة لا زواج ولا عيال و احفادك اذا قلت لهم تزوجوا قالو بدري تونا ب 29 تونا ب 30 الجيران ما شاء الله صوت بزارينهم لبيتنا واصل يلعبون و يصارخون و يا حلاتهم و انت اقعد قول لي وش فيك على احفادي ( اتركت الصالة وهي تتحلطم و راحت لغرفتها)
داليا : وش فيها جدتي عصبت
الجد : ما عليكم من جدتكم تدرون انها مجننتني من يوم اتزوجتها و لليوم بس هي معاها حق اذكر اني تزوجتها وهي بنت صغيرة ( ابتسم وهو يكمل لهم سوالفيه مع زوجته الي هي جدتهم يدري هي اكثر وحدة تحن عليهم وتحبهم و تشتاق لهم و تبي لهم الخير بس مثل ما تقول جيل عنيد وما يسمع الكلااام ....)


________جنون الى المحظور ________



منسدحة على الرخام و هي تتأوه من الالام بطنها ما اكلت شيء ولا عقلها راضي يفهم هي وين و لا وش تسوي بذا المكان نطقت شفاتها بسندها و عونها في مصايبها و في حياتها : سعود !!!!!
سمعت صدى صوتها في المكان غصت ببكاها رجعت تنادي اخوها الي هي اخته وامه و عمته و خالته وكل شيء في حياته : حمود
صدى صوتها كسر قلبها و حطم عقلها شهقت وهي تكتم انفاسها وبكاها اه يا قلبي انتم و ينكم فيه و وين انا عنكممم

سمعت حركة عند الباب و اصوات حاولت تقوم و تقترب من الباب و تحاول تطلع و تهرب من واقعها
بسسس
الي قدرت تشوفه ظل طويل وهو يقرب منها و يحمل في يده صينية الواضح انه فيها اكل
وصلت لها ريحة الاكل رفعت نظرها وهي تشوف نفس الشخص واقف قدامها و يبتسم
رهبة خووف حست فيه غطت وجهها بكم عبايتها وهي تبتعد و هو يقرب تبتعد وهو يقرب منها اصدمت بالجدار بقوة مسكت ظهرها وهي تتأوه من الالم مو ناقصها الي فيها
سمعت صدى ضحكاته في الغرفة
قرب منها و قعد مقابلها : وجعك
صرخت في وجهه : بعدددد عني
شال شعرها الي طاح على عيونها : تعالي ناكل
مدت رجولها وارفسته في بطنه بقوة
....: كح كح كح
ابتعد شوي وهو حاط يده على بطنه ما اكتفت و ارفسته كم مرة لحد ما وقفها هو بكف حار على وجهها
.... : خلااااص
مسكت خدها الي حسته انتفخ من قوة ضربه شهقت وهي تبكي و دموعها الي انسالت على خدها الأحمر هدت من نفسها و شوي شوي بدأت ترجع لحالتها الطبيعية و هي تشوفه يبتعد عنها و يخرج برا الغرفة
بس الي رجعها و حطمها بزيادة صوته قفل الباب قفله
يعني ما في هرووووب !!!؟


________جنون الى المحظور ____________

العصر


الملابس متناثرة حولهم و هي قاعدة بجنب بنت خالتها و ماسكه بلوزة بنفسجية
غدير : اسمعي هذا البلوزة لايق عليها الابيض طيب ( وهي تأشر على بلوزة حمراء في وسط كومة الملابس المبعثرة ) وهذي البسي عليها اسود
وسن وهي متنرفزة : اف منك ليه اشتريتي كل ذا
غدير بإستعباط : شريته حقي كاني انا الي بتزوج متعب الحين مو انتي
وسن : اخذيه طيب
غدير وهي تحط يدها على خدها : ما شاء الله لا يا قلبي متعبوووه لك انا توم كروز ان شاء الله
وسن : الي يقول بيترك الشقر و بيجي ياخذك
غدير : وليش ما ياخذني ما شاء الله علي جمال ودلال
وسن وهي تناظرها بنظرات حادة : اقول اسكتي
غدير : تدرين اني نسيت اهم شيء
وسن بلا مبالاة : وش هو
غدير بإبتسامة : ملابس النوم يا عيوني
وسن بإحراج : افففف
غدير : لا تقعدين تتأفين على راسي بكرا و الي بعده في السوق يا حلوة و الي بعده للكوافيرة لان حبيب قلبك يبي الزواج بعد اربعة ايام
وسن بصدمة : وشووو
غدير : و الله هذا كلام امه و ابشررك بعد بكراا امه رح تزورنا
وسن وهي تمسك راسها : خلاص بس اسكتي و ربي جاني صداع منك
سمعتتتت صووت الجرسس
نطت للدولاب وهي تطلع عبايتها و تلبسها بسرعه
غدير وهي تركض متوجهه للباب : جيبي الببسي من الثلاجة يلاااا
وسن بصراخ : وليه انتي ما تجيبيه
غدير وهي لا زالت تركض : ابي اجيب الاكل الي وصل من المطعم عجلي يلااا لا ارفسك الحين
وسن حطت جلالها على راسها وانزلت ورا غدير تجيب الببسي من المطبخ


فتحت الباب و بإبتسامة منرسمة على شفايفها

ناظرت في الي واقفة بعبايتها الي كلها زخرفة و تطريز وماسكة شنطتها الرصاصية من شانيل
غدير بصدمة : هذي انتي يا قلبي ( خذتها بالاحضان )
تو ما نور البيت


______جنون الى المحظور _______



منسدح على الكنبة وحاط صحن الحلى على بطنه وياكل منه
و مقابله ولد عمه قاعد واخوه قاعد وراه وحاط يده على خده
بندر وهو يقرب الملعقة من فمه : مبروك ولد عمي امي تقول ان خالتي تدور لك عروس

فيصل : اي عروس الله يهديك

غازي : يمكن مخبي علينا وما تبي تقول

بندر التفت لاخوه : ورا ما تسكت كلام بيني و بين فيصل وش دخلك انت

غازي وهو يقلده و يحرك يديه و يناظر في اخوه الي انغث من حركته و فيصل ساكت ويناظر فيهم وهو يبتسم

بندر : خلاص يالكوميدي ابثرتنا
غازي ناظره بطرف عينه و سكت
حل الصمت شوي المجلس كل واحد مشغول بشيء
رن جواله الي كان بجيبه طلعه وهو يشوف الرقم الي نور الشاشة
خرج من المجلس و رفع الجوال
فيصل : الو بدر
بدر : السلام عليكم استاذ فيصل اسف على الازعاج بس محسن كان طالبك بموعد
فيصل : طيب ما عليه ارسل له اني بقابله بكرا
بدر : ان شاء الله الصباح يناسبك ؟!
فيصل : ايه يكون افضل
بدر : ان شاء الله
فيصل : يعطيك العافيه بدر و مشكور
بدر : و لو يا استاذ فيصل ربي يعافيك
سكر الجوال من بدر والتفت يرجع لعيال عمه الي كانوا جالسين بالمجلس
شاف غازي يطلع من المجلس و يلبسه جزمته اكرمكم الله
غازي ناظر في فيصل وابتسم : يالله في امان الله
فيصل : على وين
غازي : عندي كم شغله ولازم اخلصها
فيصل وهو يهز راسه : في أمان الكريم
دخل المجلس يقعد شوي مع بندر و يسولف معاه
امااا غازي طلع على طول و هو يتنهد يكره سوالف التجمعات العائلية ركب سيارته البورش وغادر المكان متوجه لحفل مختلط كالعادة ...



______جنون الى المحظور ________



غدير : يا هلا و الله حياك الله تو ما نور البيت
رغد: منور بأهله يا قلبي
غدير وهي تمد يدها و تأشر للصالة : تعالي حياك الله
رغد اجلست على الكنبة وهي تحط رجل على رجل و حطت شنطتها الرصاصية بجنبها
ادخلت الصالة وهي ماسكة الصينية الي كان فيهاا علبة البيبسي و اكواب : وين الاكل
التفت لها وكيف ما تعرف صوت البنت و رسالتها الي بغت تذبحها اذا خذت فيصل منها : يا هلا بـ وسن
وسن بإستغراب من اول ما شفتها ما عمرها ارتاحت لها ومستحيل ترتاح : يا هلا فيك
حطت الصينية على الطاولة و قعدت مقابل رغد وهي تحط رجل على رجل بنفس حركتها
صحيح وسن بنت متوسطة الجمال بس لها جاذبية خاصة بإسلوبها العفوي و طيبتها وصفاء نيتها
غدير : ثواني بجيب العصير واجي
و كلها دقايق وجت غدير بكاسات العصير وقدمته لرغد الي اخذت الكوب و طالعت فيه فترة واخذت رشفه منه وحطته على الطاولة
رغد : تدرين غدير و ربي اني مشتاقه لك حيل وعشان كذا جيت اشوفك
غدير وهي تقعد جنبها : يا حياتي تشتاق لك العافيه و الله بعد انا مشتاقه لك ولسوالفك

رغد : يا حياتي ( التفت ل وسن الي كانت قاعدة و تسمع سوالفيهم ناظرتها بإشمئزاز ) الا اقول وسن مبروووك حبيبتي
وسن بإستغراب : الله يبارك فيك بس على وشو
رغد غبية تسوي نفسها ما تدري بس على مين تلعبيها : على زواجك من متعب كل الحريم دروا و هو رجال و النعم فيه
وسن بإبتسامه : ايه ربي يبارك فيك
رغد وحبت شوي تلعب و تنفذ الشيء الي هي اصلاً جت له : ايه بس و ربي راحمتك كيف رح تتحمليه و كيف رح تتفاهمين معاه
وسن ناظرتها بإستفهام
كملت وهي تمثل انها حزنانه : تدرين انه اعمى يعني ما يشوف ما يناظر

صدددددمة
متعب اعمى
يعني ما يششوف


اعممممممممممممممى

حركت راسها بنفي و ناظرت في غدير و رجعت تناظر في رغد الي كانت تناظرها بإبتسامه جانبية
غدير الي بس كانت توزع نظرات و تراقب تحركات بنت خالتها صحيح انها رح تتزوج اعمى بس يمكن الله يكتب له الشفاء و يتعالج بسس ما تعيش ميته و تعمي نفسها و تفكر في فيصل و تموت قهر و تعب
و بعد لحظات صمت ..
رغد وهي تطلق ضحكة بإستهزاء و تحرق وسن اكثر :ههههههههههه وش فيك صرتي كذا هدي لا ينط لك عرق
وسن و هي تناظر رغد الي تنتظر ردة فعلها ولا كلمة منها ردت بإصرار و بإبتسامة وهي اصلاً ما تدري كيف قالت الكلمتين ذوولي بس قلبها يحتررق وحبت تحرررق قلببببب رغد بعد : ابيه هو وما ابي غيره و بما انك جيتي ابي اعزمك على عرسنا
رغد ناظرت فيها بكل استغراب يعني تدري انه اعمى و وافقت عليه : ان شاء الله يا قلبي ( و بصوت كله ثقة ) و ان شاء الله تحضرين عرسنا انا وفيصل بعد
وسن ابتسمت لا ارادياً وكأنها اعرفت سبب جيتها لبيت خالتها وسبب كلامها كله تبي تحرقني هههه على فيصل : ان شاء الله يا قلبي بس متى عرسكم
رغد : لسى ما حددنا ان شاء الله يكون قريب تعرفي انا لسا ادرس بالجامعة و فيصل يقول يبي ينتظرني لحد ماا اخلص دراستي عشان اهتم فيه اكثر
وسن بإبتسامة و تبي تقهر رغد فيها : تتهنين يا رب
رغد بإبتسامة جانبية و بإستنكار ملحوظ جيتها لبيت غدير وكلامها لوسن ما حرق ابدا في وسن شيء ولا طفى قهرها : وياك يا قلبي
غدير : اقول يلا ما شبعتوا من السوالف يلا ابروح اجيب الحلى واشوفكم مخلصين العصيرر
قامت غدير للمطبخ تجيب صحون الحلى
و اما بالصالة كل وحدة تغلي في اتجاه وسن تحرك تهز رجولها وتناظر في رغد الي تناظر فيها و تبتسم و تلعب بأصابعها حرب فعلاً بس الواضح انها تنطبخ على نار هادية .....













































الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 442
قديم(ـة) 13-01-2018, 02:40 AM
صورة عيون تائهة الرمزية
عيون تائهة عيون تائهة غير متصل
©؛°¨غرامي مشارك¨°؛©
 
الافتراضي رد: رواية جنون إلى المحظور/بقلمي






________جنون الى المحظور _________


بالليل



سمعت صوت الباب وهو يتسكر جرررت على طول لجوال الشقة واسحبته لغرفتها و دقت على رقمه بكل شووق تنتظر صووته و همسه و كلامه المعسول
خفققق قلبهااا وهي تشوف ذياب واقف على الباب و يناظرها وهو مكتف يده
ذياب : وش عندك
دانة وهي خايفه لا يكشفها ذياب وتصير مثل الريشه بيديه وما يرحمها رجعت السماعة مكانها : امي كنت اكلم امي
ذياب : وانا وش قلت لك مو قلت لك ما في كلام الا بعد شوري و اذني
دانة : بس انت طلعت و
قاطعها : و رجعت عشان اخذ عقالي ناسييه
دانة بخوف : وليش تنساه
ابتسم وهو يناظرها بإستهزاء : لما بتكونين زوجة سنعة و بتطلعين لي ملابسي و بترتبيها لي بعدها اسألي ليش نسيت
دانة بقهر : وهذا الي ناقص بعد ارتب لك ملابسك
ذياب وهو يسند جسمه على الجدار : اييه هذا الي ناقص
دانة امسكت جوال الشقة و طلعت تبي تحطه بالصالة بس يده كانت اسرع مسكها من معصم يدها وشدها لعنده
ذياب وهو يرص على سنونه : لما اكلمك لا تعاندين
رفعت راسها وناظرته : وش الي تبي تقوله
ذياب : و لا شيء بس قريب رح تلمين عفشك و تروحين بيت ابوك
ابتسمت ابتسامه جانبية و الفرح مالي قلبها ما تحملت و ضحكت بصوت عالي : صدق رح تطلقني
ذياب وهو يرفع كتوفه : يمكن لا زلت ادرس الموضوع
دانة بإبتسامة : ايه ادرسه
اسحبت يديها منه و تركته وهي تتوجه للصالة وتحط الجوال على الطاولة
وهو مر لغرفته وشال عقاله من الشماعة و طفى النور وطلع ..



________جنون الى المحظور ________


إبتسامة كبيرة انرسمت على شفاتهاوهي تطلع من المحل و بيدها الفلوووس الساعه الحين 11 ونص بالليل و اخيراً احد رضى و قبل بسوارة امها القديمة و صار في يديها مبلغ السوارة تحسسس بعطططش و تعببب و خموووول من الصباح وهي من مكان لمكان ادخلت بقاله واشترت لها موية و بطاطس و ادفعت الحساب و دخلت الفلوس بجيب جلابيتها على طول وهي تتلفت يمين و يساار ضحكت على نفسها لهدررجة مو مصدقة انه في يديها فلوس هههه و ربي انك تحفة ياا يارا
و هي تمشي متوجهه للفندق الحين رح يصير وضعي تمام ادفع بالاول فلوس للفندق و وش رح اسوي بالفلوس الباقية اممممممم عادي بحطها معاي لحد ما اشوف لي صرفه فيها يمكن اروح المدرسة واخذ شهادتي وما ادري بعدها يمكن اروح الــ
قطع حبل افكارها و احلامها الورديه و كل تخطيطاتها صوت بوري السيارة الي وقفت على حافة الطريق
... : يا حلوو تعال بسسس
ناظرت فيه وهي تمشي بسرعه وتحاول تتجاهله الواضح انه في حالة سكر و ريحته المعفنة فايحة و حتى مشيته مو منضبطةة
نزل من السيارة وهو يمشي وراها و يسرع في مشيه مو واعي ابدااا شرب كثير
واخيرا قدر ومسكها من يدها
حاولت تفلت من يده طاحت علبة الموية و البطاطس من يدها ما تقدر تتحمل الشارع فاضي و باقي لها كم خطوة وتوصل للفندق بس الحقير الي مساكها مو راضي يفك يده مو راضي يحررها من مسكته
اضربته على صدرها وهي تحاول تقاوم هجومه عليها ب سحبها للسيارة وحطها فيه
و ابتسم وهو يشوف على خويه الي قاعد ورا و في يده شراب و مستمتع
.... : هذي لك
شال النقاب من وجهها : اخس و الله اجل تطلعين نص الليل وما تبين احد يشيلك ههه
يارا ببكىء : قلت لك وخر عنييي
غازي وهو يحط اصبعه السبابة على شفايفها : اصصصص وش فيك اصصصصص تراني ما احب الكلام الكثير
ازعجتيني
مسكها من يدها و شدها لعنده : تعالي
يارا بصياح في السيارة : لااا يا حققير و ربي عندي فلوس ابعطيكم اياها و ربي عندي فلووس
غازي وهو يأشر على نفسه : انا الفلوس انا بعطيك الفلوس ( وهو يتمايل يمين ويسار )
....: وصلنا انزل
غازي وهو بحالة سكر : ما عليك ابنزل وانزلها معاي انت عطني مفتاح الغرفه
مد يده و عطاه خويه المفتاح اخذه وهو يشد بيديه يارا الي مو قادرة تتكلم ومو قادرة تصرخ تحس صوتها راااااح منها ارفسته و اضربته بس ما في مجال للهروب ما تدري هي وين الحين اكيد ابتعدوا عن الفندق الي هي اسكنت فيه يسحبهاا للغرفه وهي تتسحب على الارض و تحاول بشتى الطرق انهى تهرب منه اصرخت لما شافته وصل للغرفه و فتح الباب معقووله ما في احد يسمع صراخها ولا يساعدها لهدرجه و بسهوله رح تصير فريسه له تسمع صدى بكاها و صرخاتها بس ما في احد يوقف بجنبها او يحميها من الحقير الي يحاول ينقض عليها
يارا بصرااخ و بوسط بكيهاا : ريتاااااااااااااجججج
غازي وهو يشد يدها : تعاالي عندي
تضربه على صدره و تصارخ بأعلى صوت تملكه : لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااا






__________جنون الى المحظور ___________


صباااااح الخميس



داليا وهي في السيارة و متوجهه لشركة ابوها ومقر عملها و على السماعة تكلم وحده من خوياتها
و بعد ما خصلت من المكالمة حطت جوالها في شنطتها الي كلها لحضات بسيطة وما سكت من رسايل الواتس الي تجيها من بنت عمها

ادخلت على محادثتها
وما مداها تقرأ وتشوف رسايل الا وبنت عمها تتصل وهي تصارخ في الجوال
سدت اذنها بيدها و بعدت الجوال عن اذنها
داليا : يا صباح الخير وش فيك انتي انهبلتي
ريما بعصبية : ايه بنهبل و لي حق اجل بنت عمتك الله و اكبر عليها تشيل عقدي و تسرقه عيني عينك ولا تخاف من رب العالمين وتبيني اسكت تدرين هذا العقد ابي البسه اول يوم بالجامعة جديد و رب الكعبة جديد حرااام و الله لكن انا اوريهاا

داليا بإنزعاج : الله واكبر الله واكبر بسس انتي وش مصحيك الحين الجامعة بعد اسبوع تبين تنزرعين فيها اليوم ولا وشو بعدين تعالي وش ذا بالعه راديو من الصباح

ريما بإنفعال : ايه بالعه بدل راديو واحد اثنين بعد يعني هذي الي اسمها رغيددد ما تستحي ما تحترم نفسها

داليا بعصبية : لا اله الا الله و ربي البنت اطلعت من بيت جدي امس العصر وما جت راحت لاهل ابوها وانتي مزعجتيني من الصباح بعقدك ابو ريالين

ريما بصراخ اعلى : و الله ما يندرى بنت عمتك ذي كل شيء تسويه الا اسمعي يا قلبي عقدي ترا مو بـ ريالين بـ 1000ريال اشتريته

داليا وهي تبي تقرهها : وربي بس بـ 1000 ريال

ريما بإنفعال : ايه بـ 1000 ريال ليش تشوفيها قليله هذي من احجار كريمة و نقية و البستها رغييد و تلوثت

داليا : ههههههههههه اعوذ بالله من شيطانك يا بنت هههههه

ريما بقهر : ايه اضحكي انتي احر ما عندي ابرد ما عندك

داليا : ههه اسمعي ههه وربي اسمعيني ترا و الله رح تلقيها ببيت جدي

ريما : ايه طيب و الحين وش اسوي

داليا : اتصلي في جدتي و قولي لها واذا لقتها خلي السواق يروح يجيبها لك

ريما : ايه طيب يا ام الافكار انتي بس اذا ما لقيتها ب بيت جدي يا ويلها رغيييد مني و ربي ما تشوفي غير عظمة العصعص

داليا : ههههه طيب يلا مع السلامه عندي اشغال لازم اخلصها

ريما : ايه تصريفه ذي بس انا الي بسكر في وجهك ما اتحمل اسمع تفلسيفتك علي

داليا : ههههه
بعد ما سكرت بنت عمها
امسكت جوالها و شنطتها وانزلت داخله ل شركة ابوها ..


______جنون الى المحظور ________



في شركة ( الفيصل ) قاعد ينتظره و هو ماسك بين يديه جريدة و يقرأ في الاخبار انحنى شوي وهو ياخذ كوب الشاي و ياخذ منه رشفة حطه على الطاولة و رجع يقرأ الجريدة رفع يده وهو يناظر في ساعته الضخمة و الي تليق بمقامه و بحجمه في السوق بس اكيد مو اكبر من حجم خصمه اليوم له ساعة ينتظره
رجع يقرأ في الجريدة
رفع راسه وهو يسمع خطوات واثقة تتجهه بإتجاه مقعده
فيصل : صباح الخير
محسن وهو يوقف ويحط الجريده على الطاولة : و عليكم السلام و رحمة الله وشلونك يا فيصل
فيصل : الحمد لله تفضل ( واشر له على الكرسي )
هز راسه وهو يقعد على و يشبك يديه ببعض
محسن : انا طلبت من بدر انه يحجز لي موعد معاك عشان الاتفاقيه مثل ما انت عارف
فيصل هز راسه : ايه بدر كلمني
محسن : ان شاء الله مثل ما قلت لك الاتفاقيه ابي ابداها بمبلغ كبير من طرفك بالاول
فيصل بإبتسامة : ما عندي مشكلة انت حدد المبلغ وانا ادفع
محسن بإبتسامة خبث : متأكد
فيصل وهو يرفع كتوفه : ليه في مرة قلت شيء وما نفذته
محسن : لاا
فيصل : اجل وش الي اختلف اذا تبي ادفع المبلغ كله مستعد بس لازم تعرف الاتفاقية اذا بديناها بـ مبلغ كبير و لا صغير انا رابحها ( ومد اصبعه السبابه في وجه محسن ) هذا الشيء انت تعرفه
محسن ايه و الله واثق من نفسك مردك ميت ولا مسجون : طيب اذا كذا انا مستعد اني اخسر
فيصل وهو مبتسم : طيب عطني الاوراق ابي اوقعها
محسن ابتسم وهو يمد لها الاوراق
مد يده واخذها و بدا يقرأ فيها و يتمعن وقع على الاوراق كلها و مدها لـ محسن
و وقف وهو يمد يده : مبروك علي الربح و مبروك عليك الخسارة
اخخ يا ويلك يا محسن و بتوتر داخلي ما يبي يوضحه : هه الله يبارك فيك
فيصل : اجل اذا كذا نتلاقى على خير
محسن : بس في اجتماع لازم نتناقش فيه بالاول
فيصل : ان شاء الله
محسن وهو يمسك الاوراق : فمان الله
فيصل: في أمان المريم
غادر شركة الفيصل و يحس انه يشووف الخسران بعيونه فيصل معروف بذكائه بس ان شاء الله الخطة كلها رح تتم و مع بنت نااصر كل شيء رح يصير تمامممم ... ابتسم لنفسه و طلع متوجهه يخلص باقي الاجراءات ...





















بكذا اقول انتهى البارت الخامس عشر
بحاول بقدر المستطاع اطول البارت السادس عشر
لانه في عرس و طقطقه ( عرس متعب و وسن ) كونوا على استعداد و جاهزية

و ابي اشوف توقعاتكممممم ♥♥♥♥♥
















الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 443
قديم(ـة) 13-01-2018, 05:35 PM
صورة ووردالعمرر الرمزية
ووردالعمرر ووردالعمرر غير متصل
©؛°¨غرامي مبدع¨°؛©
 
الافتراضي رد: رواية جنون إلى المحظور/بقلمي


السلام عليكم

كيفك عسااك بخيير

تسلمي ع البارت

لينا هي بنت ناصر ..نسيت اسمها الكامل
بس اعتقد هي وهي الي بيضغطوون على فيصل وابووه بها

غازي هذا متى بننفك من شر

يارا اتووقع محد يساعدها

رغد حقيرة بس وين تبي فيص ل مو لها

سعوود كاسر خااطري مسكين
ان شاءالله قريب ينا بترجع

متعب متحمسة اشووف كيف بتصير حياته هو ووسن

في انتضاارك







ربي اجعلني ممن شابهوا الغيوم في خفه المرور وحسن العطاء ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 444
قديم(ـة) 13-01-2018, 09:30 PM
صورة عيون تائهة الرمزية
عيون تائهة عيون تائهة غير متصل
©؛°¨غرامي مشارك¨°؛©
 
الافتراضي رد: رواية جنون إلى المحظور/بقلمي


اقتباس:
المشاركة الأساسية كتبها ووردالعمرر مشاهدة المشاركة
السلام عليكم

كيفك عسااك بخيير

تسلمي ع البارت

لينا هي بنت ناصر ..نسيت اسمها الكامل
بس اعتقد هي وهي الي بيضغطوون على فيصل وابووه بها

غازي هذا متى بننفك من شر

يارا اتووقع محد يساعدها

رغد حقيرة بس وين تبي فيص ل مو لها

سعوود كاسر خااطري مسكين
ان شاءالله قريب ينا بترجع

متعب متحمسة اشووف كيف بتصير حياته هو ووسن

في انتضاارك




وعليكم السلام ورحمة الله وبركاته

الحمد لله وانتي عساك بخير ❤❤


ربي يسلمك يا قلبي و لو 🌸


ايه لينا بنت ناصر
لينا بنت ناصر بن سعود 🙂

حررام صحيح غازي داشر و مجنون بس ربي يهديه



ايه رغد جد جد حقيرة ربي يعييننا عليها الايام الجايه


منورة الرواية يا قلببيي♥♥


ربي يسعدك ويوفقك




عيون تائهة ✨✨🌸





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 445
قديم(ـة) 13-01-2018, 10:30 PM
صورة احاسيس مراهقة الرمزية
احاسيس مراهقة احاسيس مراهقة غير متصل
©؛°¨غرامي نشيط¨°؛©
 
الافتراضي رد: رواية جنون إلى المحظور/بقلمي


سلااام كيفك حبيبتي
تسلمي ع الباارت
اتوقع غازي يحب يارا
ولينا والله مسكينه كل المصايب فوق راسها
وبندرر يعجبني لما يهاوش اخوه هههه
وكمان قصة دانه ومنصور راح تنفضح ويطلقها ذياب
والظاهر ريما وذياب راح يتزوجو بالنهايه
والحقيره رغد رفعت ضغطي وهي تتكلم عن متعب
شوي واتوطى ببطنها الغبيه ع بالها فيصل يفكر فيها
وووسن راح تعيش بسعااده مع متعب وراح يحبو بعض وتنسى وسن حبها الاول
بانتظاااارك حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 446
قديم(ـة) 14-01-2018, 04:39 PM
صورة مجنونه بس خلوقه الرمزية
مجنونه بس خلوقه مجنونه بس خلوقه غير متصل
©؛°¨غرامي فعال ¨°؛©
 
الافتراضي رد: رواية جنون إلى المحظور/بقلمي


سلام عليكم كيفك عيون وشو اخبارك

شفت روايتك امس واعجبتنى كتييييييير مره حلوه لساتنى ما خلصتها انا فى البارت الحادى عشر وعندى سؤال

يوم رغد كانت في بيت ابو فيصل كانت تحاكى داليا وفجاه صارت ريما ............ هل هذا خطا مطبعى ام ماذا ؟؟؟

ناظرتها بإستغراب : وانتي هنا
رغد بإستغراب اكثر : ايه هنا وين بروح يعني ولا تبيني ارجع ( وهي تبوز )
داليا : هههه اقول تعالي بس نتغدا سوا فكرتك لسا نايمه
تقدمت منها وقعدت على الكنبة و حطت رجل على رجل : و الله ودي انام بعد ما شبعت نوم
داليا وهي متنرفزه : ويييييييييه فكينا عاد منك انتي و ريما طول اليوم نوم في نوم متى تداومين انتي ؟!
رغد بضحكة : ليش مستعجلة تبين تفارقين وجهي
ريما : ايه و الله هههههه
رغد : الا اسمعي تراني جوعانه بموت من الجوع
ريما بإستغراب : ورا ما أكلتي
رغد : قلت بنتظرك على الغداء وما جيتي ما حبيت اقطع جو الحب بين خالي وخالتي
ريما : ههههههه مجنونة وش فيك انتي يا هبلة
رغد : و الله صدق و خالي مزودها مع خاالتي مدلعها كانها بنته مو زوجته
ريما وهي تقوم وتضرب رغد على راسها : بلا كلام فاضي وقومي الحقيني للمطبخ ناكل
رغد : الا نبي نقعد هنا بالصالة احسن
ريما : طيب اجل بروح اقول للخدم يجهزون لنا الغداء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 447
قديم(ـة) 15-01-2018, 02:49 AM
صورة عيون تائهة الرمزية
عيون تائهة عيون تائهة غير متصل
©؛°¨غرامي مشارك¨°؛©
 
الافتراضي رد: رواية جنون إلى المحظور/بقلمي


اقتباس:
المشاركة الأساسية كتبها احاسيس مراهقة مشاهدة المشاركة
سلااام كيفك حبيبتي
تسلمي ع الباارت
اتوقع غازي يحب يارا
ولينا والله مسكينه كل المصايب فوق راسها
وبندرر يعجبني لما يهاوش اخوه هههه
وكمان قصة دانه ومنصور راح تنفضح ويطلقها ذياب
والظاهر ريما وذياب راح يتزوجو بالنهايه
والحقيره رغد رفعت ضغطي وهي تتكلم عن متعب
شوي واتوطى ببطنها الغبيه ع بالها فيصل يفكر فيها
وووسن راح تعيش بسعااده مع متعب وراح يحبو بعض وتنسى وسن حبها الاول
بانتظاااارك حبيبتي





وعليكم السلام ورحمة الله و بركاته
انا الحمد لله وانتي كيفك يا عسل ؟!
ان شاء الله تكوني بخير ❤❤

ربي يسلمك ❤يا عسل

بأول تعليق ما اوافقك فيه يا حياتي
لانه غازي تدرون من بداية الرواية حركاته الي تنرفز و سهراته المختلطة الدائمة سوى كانت مع نورة الي اصلاً مو زوجته و غير علاقاته الثانية
طاايش ذا الولد ربي يهديه

يارا ان شاء الله رح تشوفو وش رح يصير عليها بـ بداية البارت الجاي ان شاء الله
و ربي يعينها يا رب



وانتي صادقة يا حياتي
رغد تنرررفززز ورح تشوفون وش رح تسوي بالبارتات الي جايه


و وسن ربي يعينها صحيح انها على قد نيتها بس صعب تتأقلم مع متعب بسهووله



منورة الرواية يا قلبي

اسعدني تعلقيك ربي يسعدك يااا ررب



ودي


عيون تائهة ♥♥





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 448
قديم(ـة) 15-01-2018, 02:56 AM
صورة عيون تائهة الرمزية
عيون تائهة عيون تائهة غير متصل
©؛°¨غرامي مشارك¨°؛©
 
الافتراضي رد: رواية جنون إلى المحظور/بقلمي


اقتباس:
المشاركة الأساسية كتبها مجنونه بس خلوقه مشاهدة المشاركة
سلام عليكم كيفك عيون وشو اخبارك

شفت روايتك امس واعجبتنى كتييييييير مره حلوه لساتنى ما خلصتها انا فى البارت الحادى عشر وعندى سؤال

يوم رغد كانت في بيت ابو فيصل كانت تحاكى داليا وفجاه صارت ريما ............ هل هذا خطا مطبعى ام ماذا ؟؟؟

ناظرتها بإستغراب : وانتي هنا
رغد بإستغراب اكثر : ايه هنا وين بروح يعني ولا تبيني ارجع ( وهي تبوز )
داليا : هههه اقول تعالي بس نتغدا سوا فكرتك لسا نايمه
تقدمت منها وقعدت على الكنبة و حطت رجل على رجل : و الله ودي انام بعد ما شبعت نوم
داليا وهي متنرفزه : ويييييييييه فكينا عاد منك انتي و ريما طول اليوم نوم في نوم متى تداومين انتي ؟!
رغد بضحكة : ليش مستعجلة تبين تفارقين وجهي
ريما : ايه و الله هههههه
رغد : الا اسمعي تراني جوعانه بموت من الجوع
ريما بإستغراب : ورا ما أكلتي
رغد : قلت بنتظرك على الغداء وما جيتي ما حبيت اقطع جو الحب بين خالي وخالتي
ريما : ههههههه مجنونة وش فيك انتي يا هبلة
رغد : و الله صدق و خالي مزودها مع خاالتي مدلعها كانها بنته مو زوجته
ريما وهي تقوم وتضرب رغد على راسها : بلا كلام فاضي وقومي الحقيني للمطبخ ناكل
رغد : الا نبي نقعد هنا بالصالة احسن
ريما : طيب اجل بروح اقول للخدم يجهزون لنا الغداء






و عليكم السلام ورحمة الله و بركاته

اهلاً وسهلا بالجميلة الجديدة منورة الرواية يا قلبي
انا الحمد لله وانتي كيفك ان شاء الله تكوني بخير ♥



ربي يسعدك يا رب انتي الأجمل
ان شاء الله توصلين للبارت الخامس عشر وتعطيني رأيك فيه

بالنسبة لذا الموقف للأسف فيه خطأ بالكتابة لاني بالعادة لازم اشيك كذا مرة واحذف وازيد في البارت وهكذا و احيانا تكون فيه اخطاء بأسماء الابطال و لخبطة في المواقف احيانا
المفترض داليا بدل ريما 😩😩

فأعذروني و سامحووني وان شاء الله ما تكرر مثل هذي الاخطاء


و بحاول ان شاء الله اعدل في البارت اذا قدرت اعدل فيه


منورة الرواية يا قلبي
وشكراً على التنبيه
براجع البارتات الجايه اكثر من مرة وان شاء الله ما اقع في نفس الخطأ ذا



ربي يسعدك

و بإنتظار تواجدك وتعليقك


ودي




عيون تائهة ♥♥♥♥







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 449
قديم(ـة) 15-01-2018, 05:06 PM
صورة مجنونه بس خلوقه الرمزية
مجنونه بس خلوقه مجنونه بس خلوقه غير متصل
©؛°¨غرامي فعال ¨°؛©
 
الافتراضي رد: رواية جنون إلى المحظور/بقلمي


مساء الخير والسرور

كيفك عيون اليوم .... الحين خلصت الروايه بجد دمااااااار رووووووووعه

توقعاتى

محسن رح يهدد فيصل بي بنت(لينا) ناصر اللي هو ربيع ابوه (بدي اعرف قصة المحامى ناصر)

رح تكون قصة غازي ويارا حلوه واتوقع انها رح تحبه (ونوره رح يقول لها بااااي ههه مع ان غازى مايع شوى احب شخصية خصوصا يوم يتهاوش ويا بندر هههه)

ريتاج رح تترك الميتم بس وين رح تروح(اعتقد رح تشتغل بمشغل ام ابراهيم اللي كانت لينا تشتغل فيه )

سعود رح يكون مواضف فى شركة ابو فيصل (ورح يكون له جزء كبير من الشركه )

ذياب رح يكشف دانه ويطلقها (ورح تبدا قصت حبه مع ريما هههه)

دانه رح يلعب عليها منصور (مدرى شو اسمه بالظبط) ويتركها

وسن ومتعب رح يكونو من اسعد الازواج ( رح تهتم فيه وتحبه اكتر واكبر من حبها الاول(فيصل))

رغد مارح يحصل لها اللي تتمناه (بيسحب عليها فيصل ههه)

اتمنى ما نسيت احد

اوووه صح حمود ( رح يعيش مع اخوانه بسعاده فى بيت كبير وحلو والعااااب كتيره ههههه )

تقبلي مروري ...... متابعتك الجديده


آخر من قام بالتعديل مجنونه بس خلوقه; بتاريخ 15-01-2018 الساعة 05:13 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 450
قديم(ـة) 15-01-2018, 06:51 PM
صورة مجنونه بس خلوقه الرمزية
مجنونه بس خلوقه مجنونه بس خلوقه غير متصل
©؛°¨غرامي فعال ¨°؛©
 
الافتراضي رد: رواية جنون إلى المحظور/بقلمي


السلام عليكم
كيفكم وشو اخباركم ياريت تتابعون روايتى الجديده وتنورون بتعليقاتكم
https://forums.graaam.com/622310.html


آخر من قام بالتعديل مجنونه بس خلوقه; بتاريخ 15-01-2018 الساعة 07:01 PM.
الرد باقتباس
إضافة رد
الإشارات المرجعية

رواية جنون إلى المحظور/بقلمي

الوسوم
جنون ، الى ، المحظور
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. أرشيف الروايات المغلقة - لعدم إكتمالها 53 02-01-2018 11:22 PM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 06:27 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1