اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-07-2017, 05:51 AM
smtalklam7 smtalklam7 غير متصل
©؛°¨غرامي جديد¨°؛©
 
الافتراضي روايتي الأولى:خليك مثل اللي يزرع مكان الجرح ورده لآ تكون للجرح جرح


السلام عليكم ورحمة الله وبركاته..
عسى ربي يسعد صباحكم بكل خير
انا انسانه اعشق الكتابه بشكل كبير
وبما اننا بإجازه طويله يارب لك الحمد قررت وقلت اكتب لي اول روايه واجرب كيف حظي بكتابه الروايات لان كل كتاباتي خواطر او قصص قصيره تتكلم بموضوع معين🙊😇
وطبعا مالقيت افضل من هالمنتدى انزل فيه روايتي الاولى اللي هي بعنوان:-خليك مثل اللي يزرع مكان الجرح ورده
لآ تكون للجرح جرح _.
وان شاءالله اني القى ناس ايجابيه تزيد من حماسي وتنقدني اذا اخطيت بأسلوب معين او طريقه معينه
وروايتي او قصتي راح يكون الاغلب منها واقع يمكن الاغلب عاش من بعض مواقفها وطبعا لابد ان يكون للخيال نصيب منها
فياليت القى ذاك التفاعل اللي يحمسني🙊
واعتذر على الاطاله بالكلام:)

اختكم الكاتبة المبتدئه/smtalklam7

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-07-2017, 03:04 AM
smtalklam7 smtalklam7 غير متصل
©؛°¨غرامي جديد¨°؛©
 
Upload7356c8664c رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


روايتي الأولى:"خليك مثل اللي يزرع مكان الجرح ورده
لآ تكون للجرح جرح"
بقلمي/smtalklam7
لا اُحلل نقلها دون ذكر اسمي..
ملاحظه:اي كلام ينتهي بالعلامه(*) منقول
واي كلام ينتهي بالعلامه(#)من كتاباتي..

(..الـبــارت الأول..)

يتعرّض الكثير من الأشخاص إلى مواقف عديدة قد تُصيبهم بالجرح والحزن، وهذه المواقف تؤثّر عليهم وتبقى محفورةً في ذاكرتهم مهما تقدّم بهم الزمن..

من هنـا من العاصمه (الـريـاض)
الساعه11:35م تبتدي اوول فصـول روايـتـي..
ببيت العم خالد على ذاك الكرسي الطويل الموجود بأحد أركان زوايا الحوش جالسه وبيدهاكتابها تدرس فيه

سكرت الكتاب اللي بيدها ورجعت رآسها للخلف غمضت عيونها ورجعت فيها الذاكره
الى ورى قبل سنتين وست شهور



"ببيت الجـد الساعه 4ونص العصر

كان البيت يعم بالفوضى وكل واحد يبي يبدي رآيه بالولد اللي فضحهم ونزل سمعتهم بالأرض
العم احمد بصوت عالي مشحون بالغضب/هذا اخر المعروف ياراكان كذا تسوي فينا عقب ماربيناك وكبرناك ياقليل الخاتمه ويتفل عند رجوله..
العم فهد بعصبيه/اسكت ياااحمد خلنا نسمع من الولد يلف لراكان اللي كان واقف قريب من جده/تكلم يابوك برر لنا وش صار؟وليش القضيه عليك؟
راكان بصوت باين فيه القهر/والله ياعمي انه ماهو انا انهم ظالميني انتم اعرف فيني....
قاطعه جده بكف و بعصبيه/اسكت لابارك الله فيك من ولد قالوا للحرام احلف قال جاني الفرج يعني تبينا نصدقك ونكذب الدوله انقلع حنا بريين منك ليوم الحساب..

راكان يقوم طالع وهو منقهر/مشكور يُبه كذب تربيتك وصدق الغير ويآشر بآصبعه على الحاضرين كلهم ثم نطق بغضب/والله ثم والله لتندمون كلكم وقولوا راكان ماقال..يمشي بخطوات سريعه صوب الحرمه الكبيره بالسن المتلثمه بملفعها باس رآسها ويديها/يمه مزنه لاتصدقين والله لاثبت برائتي بس تكفيين لاتصدقينهم صدقيني انا ولدك راكان..يبتعد مسرع لأمه يبوس رآسها ورجولهاويضم كفوفها بين كفوفه/يمه تكفيين كوني بخير انتي وخواتي انا راجع لكم بإذن الله..لف يبي يودع خواته..
بس كف ضخمه مسكت بيده وجرته معه لبرا البيت /انقلع لابارك الله فيك رفعت ضغط ابوي اذلف لاشوفك توطوط عندنا يالحرامي..
لف لعمه احمد وهو يحاول يبلع كلامه اللي مثل السم على قلبه/مشكور عمي ماقصرت ويلف طالع برا البيت..
سند رآسه على باب سيارته وزفر بضيق ونطق بصوت مغبون/آه.. ماحس الا على صوت عمه فهد/سلامتك يابوك من الآه اناوالكل مصدقينك بس ابوي واحمد اللي ماصدقوا صدقني فتره وراح يفهمون كل شئ..
راكان يبوس رآس عمه/مايخالف عمي بس انا مضطر اروح دام جدي طاردني..
العم فهد/تعال عندي يابوك والا ببيت ابوك..قاطعه الرجل المسن الواقف على عصاته عند الباب/والله ثم والله يافهد لو تخليه عندك والله لاغضب عليك ليوم الدينن..وانت للحين قاعد هنا ليش ماتذلف لابارك الله فيك.
راكان يطلع المفتاح من جيب ثوبه ويحطه بيد عمه فهد/امانه هالمفتاح حطه بيد عمي احمد واشكره بالنيابه عني وتكفى ياعم امي وخواتي برقبتك.
العم فهد يكف يده/خذ المفتاح وامك وخواتك لاتشيل همهن بالحفظ والصون ..
راكان/اقسم بالله مااخذ ولاشئ من حلاله وحلال ابوه..
العم فهد يطلع مفتاح سياره من جيبه/اجل خذ سيارتي وانتبه لنفسك وطمني عليك..
راكان/لا عمي مستحيل والله مااخذه.........
العم فهد قاطعه/والله لوماتأخذها لازعل منك وهذا اقل شئ اسويه لك..
راكان يبوس رآس عمه/بوداعة الله ياعم وامي وخواتي امانه عندك..
العم فهد/الله حافظك يابوي.."

فتحت عيونها على صوت عمها فيصل الجالس جنبها/يارا شفييك تبكين؟؟
مسحت الدمعة بطرف كمها ونطقت/ماكنت ابكي...فيصل/اها علينا طيب وش اللي مجلسك هنا ووراك جامعه بكرا!..
يارا/كنت قاعده ادرس الحين بدخل قامت واقفه قبل يحقق معها على سبب بكآءها ونطقت/تبي شئ عمي؟؟
فيصل/تصبحين على خير..يارا/وانت من أهله..مشت بخطوات سريعة لداخل الفله صعدت دايركت لغرفتها المشتركه مع اختهاالتؤام فتحت الباب وانصدمت من الفوضى الموجودة بالغرفه نطقت بحسره وهي تشوف اختها نايمه / تالاووه قووووووومي رتبي الحوسه هذه..زفت بقهر لما شافت ماحست عليها تعدتها وراحت تنام على سريرها..
_______
بالبيت القريب من بيت العم خالد كان بيت الجد دخل فيصل بهدوء خايف لايزعج أمه وابوه أنصدم بأمه جالسه بالصاله وباين عليها البكى قرب من عندها وبآس رآسها/افا ام فهد شعندها صاحيه هالحزه كمل بابتسامه تحاتيني..
ماحس الا بأمه تبكي نزل عند رجولها نطق بخوف/يمه شصاير ابـوي فيه شئ؟؟حتى بنات خالد بعد اليوم ماش؟؟فيه شئ مخبينه علي!!...نطقت الجـده وهي تمسح دموعها بطرف شيلتها/شفته يافيصل يوصيني على ولده..وحنا ماندري وين ارضه من سماه..
فيصل يحاول يهديها وهو فاهم من تقصد/يمه حبيبتي صدقيني انه بخير وعايش حياته والا كان شفتيه راد لنا..
الجـده/تعلمني براكان والله مايطلب العون من ناس ذالته وطاردته..اخخ بس ياوليدي عسى الله يحفظك وين ماكنت ترجع تمسح دموعها بشيلتها وتكمل/هن وش فيهن بنات خالد؟؟
فيصل يبوس يدينها/ماعليهن شر بس انتي قومي نامي ياعلني فدوه لك..
الجده تمسك بيد ولدها قبل يقوم/حلفتك بالله هن مونسات لون؟؟..
فيصل/لاوالله لاتحاتينهن بس عبير اشوف لها فتره بس تجي عند امها اخاف متهاوشه مع رجلها..
الجده بارتياح/لا ماعليك عبير اضمن لك ان حياتها بخير دامها عند محمد بس المسيكينه اللي ماتدري وين تروح من هالرخمه اللي عندها..
فيصل يقوم ويبوس راسها/الله يكون بعونها ويخليلها بنتها تصبحين على خير يالغاليه..
الجده/وانت من اهله..
...
نروح لبيت العم فهد بالمجلس
ينط سعد ويجلس عند امه/اقول يمه شصار على بيت اهل عمي خالد؟يبون يروحون معنا؟؟
ام محمد بحقد/وانت شتبي فيهم!اهل السروق؟واللي اعوذبالله مابي اسب خلق الله..
محمد/يمه وش هالكلام الله يهديك قدام البزارين الحين يمسكون هالكلمه..
ام محمد تكمل فنجالها/اسكت انت عشان مرتك والا ماقلت هالكلام..
محمد بقله صبر/يمه حبيبتي الحين شدخل مرتي بالسالفه؟
ام محمد بكره/يكفي ان امها يسرى واخوها راكان.واختها استغفرالله مابي اكمل.!
سعد بطفش يقوم/خلاص فكونا من هالسالفه..بعدين يمه الحق حق عمتي يسرى وبناتها مافيه اطيب منهن..
ام محمد ترمي عليه الفنجال بعصبيه/اذلف ياعلك للي مانيب قايلته اذلف..
طلع سعد وهو يضحك صاعد فوق لغرفته ولقى عبير بوجهه نازله من الدرج/اقول بنت عمي اهلك يبون يروحون معنا؟
عبير بضحكه/وليش تسال ياولد عمي مانيب خابره عندنا عيال كبرك..
سعد بورطه/لا بس يعني اقول مشتاق لعمتي و.....
قاطعته عبير بابتسامه/ ماعليك تطمن يبون يروحون..
سعد بفرحه كمل الدرج ونساها..
تنزل عبير وتدخل المجلس وتجلس قريب من عند محمد وتنزل النقاب وباابتسامه/مساءالخير عمتي..
ام محمد بكره/هلا هلا..
دقيقه وتنزل دلال ومعها ولدها فهد تدخل المجلس وتسلم/مساءالخير شخباركم؟
ام محمد بحب/ياهلا والله بام فهد الغاليه تآشر لفهد تعال يبه يمي تعال عندي..هاه دلول يمه شخبارك مع الوحام..
دلال/والله ياعمه انه متعبني هالايام الله يعين..
ام محمد وهي تناظر لعبير/الا اقول دلول انتبهي لاتشيلين شئ ثقيل وابتعدي عن كل شئ يضايقك..
يقوم محمد بضيق/يمه تآمريني بشئ..
ام محمد/لا ياقلبي الله حافظك..
يفز طالع من المجلس بضيق..دلال تنزل النقاب وتلف لعبير/الا عبوره عمتي شلونها مع السكر الحين؟؟ عبير/الحمدلله اشوى اليوم ..
ام محمد بنغزه لعبير/عبير يمه ماحملتي؟شوفي ماشاءالله دلال وهي بعدكم وهذا الثاني الله يحفظهم..
عبير تنزل راسها وترفعه من جديد بابتسامه باهته/يجيب الله خير عمتي..
ام محمد/يعين نصبر ثلاث سنين ثانيه عشان تحملين؟
دلال بقهر/عمتي مالله كتب لهم عاد رزقهم يبي يجي لو بعد سنين انتي بس ادعي لهم..
عبير تقوم بابتسامه/انا بروح اشوف محمد يمكن يبي شئ..تطلع بخطوات سريعه صاعده فوق لجناحهادخلت غرفتها لقت محمد جالس على الابتوب نطقت بهدوء/حمود..
محمد يرفع عيونه لها/هلا حبيبتي شفيك صعدتي وتوك نازله؟..
عبير تجلس قريب من عنده/جيت بقول لك اذا فاضي ابي توديني لأهلي..؟
محمد/عبورتي انا اعرفك عدل فيك شئ امي ضايقتك بشئ؟؟
عبير بابتسامه/ لا شفيك انا اصلا شفت صالح نزل قلت اصعد اكلمك..
محمد يرفع حاجبه/اي كشفتك صالح ماهو موجود؟؟
عبير بارتباك/طيب الحين تبي توديني لأهلي والا؟
محمد يناظر للساعه الموجوده على يده/شايفه الساعه كم 12يمكن نايمين؟؟
عبير/مااتوقع البنات نايمات وبعدين انا معي المفتاح...
محمد بحب/ابشري كم عبوره انا عندي..
عبير/تسلم حبيبي..
__________________
عند فيصل تطمن على امه انها نامت وهي بخير طااار عنه النوم وقرر يطلع للآستراحه مع الشباب اتصل على ولد اخته جـراح وقاله يمرهه يروح معه للآستراحه..

ببيت العم احمد

العم احمد يلف لهيا/اقول هيا امك شخبارها.!؟
هيا/طيبه مافيها الا العافيه..
العم احمد/ماعندهم نيه يردون لسعوديه؟
هيا/الا خالي ابوي يبي يشتغل بشركته اللي هنا ويترك سامي هناك..
العم احمد/زين يسوي..
فجأءه اصوات صراخ بزر يدرعم عليها
ويضحك يتخبى ورى امه/ماما..فافش جت جت ويضحك..
سعاد ام راشد/هذا شفيه؟
هيا تضحك/اكيد هذا فارس ..
يدخل فارس ويشيل احمد ويرميه فوق ويمسكه/كم مرا اقولك قل فارس مو فافش..هاه كم مرا؟؟
يضحك احمد/ههههههههههه فافش فافش..
فارس يعضه بقوه/اكلك انا هاه..؟
قعد يصيح احمد ويفلت نفسه من عمه/ماما فوشي فافش(شوفي فارس)..
ام راشد/حسبي الله على بليسك من ولد هذا لعب تلاعبه بزر؟
فارس يضحك/يمه والله عضيته خفيف بس هو دلوع ماش..يلا باي؟
العم احمد/تعال تعال وين تبي تروح؟
فارس/لشباب بالاستراحه متجمعين..
العم احمد/اي رح للاستراحات واترك دراستك على جنب كفو ولدي..
فارس بطفش/يبه والله خلاص حفظت هالموال..فيصل ينتظرني برا..باي..
_________________

بأحد الشقق بالرياض الساعه وحده بالليل

جالسه سميه تتابع التلفزيون وجنبها بنتها..
شهد/ماما انا جوعانه ابي اكل..
سميه تمسك خدودها/حاضر كم شهوده انا عندي بس شنو تبين اسوي لك؟
شهد تضحك/وحده بث..ابي بردر(برغر)وابي بطاط وتتشب(كاتشب)وعصير..
تقوم سميه للمطبخ/وزين البنات ياناس طيب انتي خليك تابعي التلفزيون وانا اسوي لك مو تنامين؟
شهد/لا ماما مانام..
راحت للمطبخ دقايق ينفتح باب الشقه ويدخل ياسر وهو يتمايل بمشيته شاف بنته جالسه على التلفزيون قرب من عندها قومها بعنف يناظر لها بنظرات تخوف/شنو قاعده تتابعين هاه..يعطيها كف قولي ليش تتابعينه..؟؟
تناظره بنظرات بريئه مليئه بالخوف والكرهه نطقت بأول اسم تعلمته وأول اسم يحميها/ماما ماما..تشاهق وتكمل/ماما تعالي..
سمعت صوت بنتها تركت اللي بيدها وطيران لصاله انقبض قلبها لما شافته جاي سكران ويطق بنتها حزنت بقهر على حالها وبقهر على البريئه اللي بين يدين هالوحش..تشوف العقال ينزل من على رآسه ويستقر بيده كان ناوي يضرب هالبريئه بلاسبب وبلاوعي..رمت الملاس اللي بيدها ركضت تدفه بعيد عن بنتهاوتضمها لصدرها وهي تتآلم من صياح بنتها وشهاقها/حسبي الله عليك اذلف وش جايبك هالحزه..ماتلقى تتقوى على بنتك يالوصخ بزر هذي بزر..
ياسر ينطق بثقل وبكلمات متقطعه/لقيتها تتابع فلم وصخ وانا ماعندي بنات كذا..
سميه تضم بنتها/الله لايوفقك تحسب كل الناس نفسك..رح اذلف لربعك كمل سهرتك؟
قرب من عندها ومسك شعرهاوجره بين يديه ومسك العقال رفعه فوق ونزله على ظهرها ثلاث مرات وهي تضم بنتها وتصرخ داخليا وهي مازالت متمسكه البرود من الظاهر استمر بالضرب بس مايهمها دام الضرب فيها مو ببنتها..حست بدت تخف الضربات ويبتعد عنها ساقط على الارض كعادته..فزت وزفت بضيق ركلته برجلها ونطقت من قلب/جعلها نومه بلا قومه ..تناظر بنتها اللي عيونها ممتليه دموع وتشاهق نطقت شهد/ماما تعورت؟
لمت شعرها فوق وهي تقاوم الالم عشان بنتها تمسح الدمعه اللي مازالت عالقه بعينها مو راضيه تنزل/ يلا يمه اوكلك عشان ننام زين..
شهد تضم امها/ماابي ابي الوح عند مامايسرى هنا بابا مابي مابي وتكمل صياح..
مسكتها سميه ونطقت بحسره/اوك ماما الحين اتصل على عمو فيصل يجي يأخذنا..
شهد تمسح دموعها بعشوائيه/بثرعه عثان مايثحى بابا..
خذت بنتها للغرفه وسكرت عليها راح للمطبخ سكرت النار وطلعت لزوجها قومته بالحسره يروح ينام بغرفته رجعت لغرفة بنتها وبدت تحط كم ملابس لبنتها بشكل عشوائي داخل الشنطه تأخذ جوالها تتصل على عمها فيصل..
_________________________


الى هنـا وانهي اول فصل من فصول روايتي واتمنى القى ناس اعجبها البارت وكذا :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-07-2017, 02:32 PM
smtalklam7 smtalklam7 غير متصل
©؛°¨غرامي جديد¨°؛©
 
Upload67cc7ead3a رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


[COLOR="black"]كنت متوقععه اذا نزلت الروايه هنا الققى حماااس وتفااعل يعطيني داافع اكممممل الكتتااابه بس للاسف لا 😭😭

طيب اجبروا بخاطري وتعالوا هنا انستقرام انزل فيه 😃🚶🏿‍♀

smtalklam7


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-07-2017, 06:57 PM
الهرة الهرة غير متصل
©؛°¨غرامي فعال ¨°؛©
 
الافتراضي رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


هلا وغلا
حبيبتي بداية موفقة
نزلي أكثر من بارت عسب نعرف الأحداث
البداية قوية
راكان باين أنه مظلوم وراح يرجع عسب يثبت برائته
متحمسه للبارت القادم
لاتتراجعين كمليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-07-2017, 07:38 PM
smtalklam7 smtalklam7 غير متصل
©؛°¨غرامي جديد¨°؛©
 
الافتراضي رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


اقتباس:
المشاركة الأساسية كتبها الهرة مشاهدة المشاركة
هلا وغلا
حبيبتي بداية موفقة
نزلي أكثر من بارت عسب نعرف الأحداث
البداية قوية
راكان باين أنه مظلوم وراح يرجع عسب يثبت برائته
متحمسه للبارت القادم
لاتتراجعين كمليها

حبيبتي نـــورتــــي🌹🌹
وشاكرره لــك تعـلييقك اسعدتيين وربي
ابشششري لعيييووونك الليله بإذن الله راح انزل البارت الثاني..

دمتـي بـود عزيزتي🌹


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-07-2017, 08:24 PM
smtalklam7 smtalklam7 غير متصل
©؛°¨غرامي جديد¨°؛©
 
الافتراضي رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


[size="5"]............(الـــــــبـــــاارت الـــثـــاانــي).................


بالبدايه
راح اعرفكم على الشخصيات عشان ماتصير اي لخبطه وانتم تقرون..

الشخصيات:-
العـائله الاولـى..

الجـده:مزنه..الجـد:محمد..
الأبناء:-
منيره/عبدلله
هيا:عمرها(30س) متزوجه من راشد ولد خالها عندها(أحمد(3س)..
سامي:عمره (29س) عزابي ويشتغل مع أبوهه بالشركه..
سعود: عمره (24س) يدرس طب جراحه..
مؤيد: عمرهه(22س)يدرس جامعه
----
فهد/مها
محمد:عمره(32س)متزوج من بنت عمه عبير ولهم ثلاث سنوات ماجابوا عيال..
صالح:عمره(30س)متزوج من دلال بنت عمه وعندهم(فهد 5س)..
سعد:عمره(23س)يدرس جامعه
شهد:عمرها(19س)ثاني جامعه..
-----
خالد(متوفي)/يُسرى
عبير:عمرها29 متزوجه من ولد عمها محمد..
سميه:عمرها 28 متزوجه واحد برا العايله وعندها بنت(شهد اربع سنين)..
راكان: عمره26
يارا+تالا:تؤام اعمارهن(19س)ثاني جامعه..
-----
احمد/سعاد
راشد:عمره(32س)متزوج من هيابنت عمته يشتغل
ضابط بالخرج..
دلال:(26س)متزوجه من صالح ولد عمها..
فارس:عمره(23س)يدرس جامعه
غلا:عمرها(21س)تدرس جامعه..
------
نوره/عبدالرحمن
جراح:عمره(34س)محامي بالخرج..
ساره:عمرها(22س)تدرس جامعه..
------
فيصل/عمره(33س)يشتغل بمؤسسه..
مهـا/عمرها(25س)معلمه انقلش..

العـائله الثـانيه:-

الاب:حبيب(57س) صاحب شركات بفرنسا..
الام:حنان(43س)..
الابناء:-
مششعل(24س)عاطل ..
لتين(21س)تدرس جامعه..
ليان(14س)متوسطه..
باقي الشخصيات راح تعرفونها بوقتها..
_____________________

بالاستراحه اللي كانت لفيصل وعيال اخوانه وخواته وبعض من شباب جماعتهم...
جالسيين الشباب اللي يلعبون ورقه واللي يلعبون بلايستيشن واللي يسولفون دخل فيصل وجراح وفارس سلموا وقعدوا..نطق جراح/اسمعوا ياشباب تراني حالف اني مااخذ فارس معي مره ثانيه..راشد/وش مسوي لك اجلده قدامك الحيين..فارس بمرح/ياي اخوي الكبير شرير..يلف لجراح/قسم بالله ياجويرح اذا نطقت بشئ انت والا فيصل ان تندمون..رحمه جراح يدري ان اخوه راشد عصبي يمكن يهاوشه قدام الشباب اذا درى..نطق باستهبال/ابشر طال عمرك..دخل فيصل عليهم ولف لجراح/عطني مفتاح السياره عندي مشوار بروح له..جراح/بروح معك من اروح معه بعدين..فيصل وهو طالع/طيب الحقني يلا..طلعوا ونطق فارس بغبنه/شفتوا النذاله وين من اطس معه..قام يتلفت يدورعلى شئ...محمد/شعندك تتلفت مضيع لك شئ..؟فارس/اخوك سعد وين ماجاء..
ضحك صالح/ابوي زعل منه وحلف مايطلع من البيت..فارس بتمثيل/يالهوي وانا من ارجع معه..
راشد/معاي يالاثول..فارس براحه/اي صح نسيت ان بيتنا واحد..
---------------
---------------
بالسياره جراح يلف لعمه/فيصل وين رايح ؟؟
فيصصل/لبيت سميه..جراح يشوف الساعه اللي بيده/الساعه وحده ونص وش موديك لها بالليل؟؟
فيصل بقهر/متصله علي وصوتها مايطمن والله لومسوي لها شئ النذل مايبات الليله الا بالمستشفى..جراح يحاول يهديه/ياابن الحلال يمكن كذا تبي تروح لامها مو تعبانه عمتي؟؟..فيصل وهو يوقف السياره عند بنت سميه/الحين اعرف بس انت اقعد هنا بروح اشوفها..صعد فوق لشقتها اتصل عليها تفتح له..عند سميه بعد ماجهزت الشنطه لبست عبايتها ونقابها عشان عمها مايشوف اثار البكي عليهااتصل عليها تفتح له فتحت الباب دخل فيصل وسلم عليها وعلى بنتهاناظر لشنطه الكبيره نطق بهدوء/عسى ماشر سوسو؟؟زوجك وينه؟؟..نطقت سميه وهي تحاول تخفي ارتباكها/ياسر عند ربعه واستآذنته بروح لاهلي وقالي اكلمك تجيني..هز راسه وهو يدري انها تكذب لانه شايف سيارة ياسر تحت بس ماحب يخليها تتكلم وهي ماتبي بكره يتفاهم معها نطق/اجل انا اودي شهوده والشنطه للسياره وانتي خليك ارجع لك واخذ باقي الاغراض..نطقت سميه/براحتك..اخذ شهد والشنطه وركبهن السياره ورجع لسميه....
بالسياره:-
استغرب جراح من نظرات شهد الخايفه وهي تحاول تبعد بعيد عنه عند الباب متمسكه فيه هو قليل يشوفها لانها قليل تجيهم حتى بالجمعات نطق بهدوء وهو يشوف فيها نظرات امها الخايفه /اسمك شهد....هزت راسها بايه وهي تبعد اكثر..نطق بابتسامه/ليش خايفه مني شهوده انا عمو جراح ماعرفتيني..شهد بخوف/انت ماتضربني؟؟..استنكر كلامها/ليش اضربك؟انتي شاطره ومؤدبه تسمعين كلام ماما ماحد يضربك..نطقت بخوف/يعني انت مو زيي بابا تضربني وماتضرب ماما ثح..استغرب كلامها بس نطق وهو يبتسم/لامااضربك ولااضرب ماما لاني انا عمو مثل عمو فيصل تعالي سلمي علي..قربت منه بحذر بس متطمنه لانه مع عمها فيصل ضمها بقوه وباس جبينها جلسها بحضنه وقال/شوفي هذا عمو فيصل وماما جو الحين تروحي لبيت ماما يسري..هزت راسها بايه وهي فرحانه بشوفت امها وفيصل..
فتح فيصل الباب اللي ورى ودخل سميه وهي ساكته وتحاول قد ماتقدر تمسك نفسها ماتبكي
فتح باب جراح نطق/انزل سوق مافيني عالسواقه..نزل جراح وهو مستغرب من شكل عمه ووثق انه صاير شئ لسميه مع زوجها يكره زوجها كره ويتمنى بس يصير شئ عشان يبرد حرته فيه حرك السياره وانطلق لبيت عمه خالد اللي كان بجنب بيت فيصل اللي يسكن مع الجد والجدهه...
------------------
------------------
بيت العـم خـالد

عبير كانت بالمطبخ تشرب ماي خلصت
تبي تصعد فوق لغرفتها بس وقفتها صوت رساله بجوالها فتحتها لقتها من عمها فيصل كان محتواها(..عبير افتحي الباب لسميه..)
استغربت منه وفتحت الباب دقايق وتدخل اختها سمييه ومعها شهد وعمها فيصل دخل الشناط للغرفه وطلع مثل مادخل استغربت عبير ودخلت اختها وبنتها للصاله
عبير تلف لسميه/سوسو حبيبتي شفيك ليش جايه هالحزه؟؟
سميه بابتسامه/ياسر طالع مع اخوياه قلت اجيكم..
عبير/علي انا وليش توك تجين؟
سميه بتصريفه/عادي توه يروح الا انتي وش عندك هنا؟؟
عبير تقرب من عندها/سوسو حبيبتي قولي لي متهاوشين صح؟!
سميه تنزل راسها بالارض نطقت بكذب/اي هاوشني وطردني..
عبير/وهالمره شنو سبب الهوشه..!
سميه بضيق/ولاسبب جاني فجأءه وهاوشني وطردني شويه وتشهق بصيحه/عبير تعبت منه خلاص ماابيه تعبت..
عبير تضم اختها بحنيه وتطبطب على ظهرها/ماعليك منه هالمريض انا اقول لعمي فهد يكلمه بكرا؟
سميه ترفع راسها بضيق/تكفين عبير لاتقولين لاحد ماابي من احد شئ انا اخاف يطلقني ويأخذ شهوده تكفين لا الله يخليك..
عبير تضمها/خلاص حبيبتي ولايهمك ماراح اقول لاحد بس قومي صلي لك ركعتين وارتاحي ..لحظه لحظه تلمس الكدمه اللي باعلى كتفها/شنو هذا لايكون ضاربك هالمره بعد.؟؟
سميه بانكسار/اي بس تكفين لاتقولين لاحد..
عبير بعصبيه/وليش مااقول لاحد تبينه يتطاول عليك هالمريض وانتي تسكتين الى متى هاه؟
سميه/اي انا راضيه اهم شئ شهوده مايأخذها مني تكمل بصيحه/تكفين عبير هو مهددني اذا طلبت الطلاق يأخذ شهوده الا هي تكفين عشاني..
تضمها عبير/حسبي عليك ياياسر كان مامنك فايده..خلاص حبيبتي قومي معي ترتاحين وتنامين..
سميه تقوم معها/ امي لاتحس بشئ اللي فيها كافيها..وشهوده عشيها ترا ماتعشت
عبير /ان شاءالله..
صعدت اختها ترتاح ونزلت لشهد اللي قاعده تناظر للتلفزيون ببرآءه سكرت التلفزيون
ونطقت/يلا شهوده تروحي معي اسوي لك عشاء نتعشى انا وانتي..شهد ببرآئه/اي جوعانه..
تضحك عبير/يخسى الجوع هيا معاي للمطبخ دخلتت للمطبخ وهي تحاول تستجوب شهد /الا شهوده ماما ليش زعلانه..شهد /لان بابا يبي يضربني بس ماما ماحلته يضربني..
عبير بقلبها(حسبي الله عليك)/اي ماضربك يعني..شهد بشهقه/لا اقولت ماما ماحلته لان ماما جت قدامي وهو ضرب ماما بالعقال)...
عبيربقهر/ايه طيب كولي حبيبتي..
شهد بخوف/خالتو انا اكرهه بابا..
عبير تضمها/يلا حبيبتي ننام عشان بكرا تسلمي على ماما يسرى..
شهد /يلا..
____________________

ب بـاريـس

جالسه بغرفتها وحـيده وعااايششهه في عالم الصممت هاذي حالتها من سنه من ذااك اليوم المشووم بالنسسبه لها ولعايلتها وبالاخص امها..فتحت مذكرتها اللي ماتفارق يدها فتحت صفحه جديده دونت بداخلهاا-

‏ويحملني الحنينُ
‏إليك طفلاً
‏وقد سلب الزمانُ
‏الصبر مني
‏وقد كان العمرُ
‏في عينيك أمناً
‏وضاع الأمنُ
‏ حين رحلت عني*

غمضضت عيونها تبي ترجع للمااضي والنااس اللي فيه بس هيهااات ترجع له وهي عندها اختها لـيـان فتحت الباااب بدفااششه وانطقت بآستعجال كعادتها/توووته قومي بدلي يلا بابا يبي يودينا لديزني لاند قامت تنطنط عند اختها بفرح.. الله وناااسهه حدددي متحمسه لها اخييرا ماما وافقت..ماشافت اي ردت فععل من اختها قربت من عندها وجلست على السرير ونطقت بصوت فيه حنيه/لتـين فييك شئ؟؟
لتيـن هزت رآسها بلا..
ليـان تقرب من عندها اكثثر وهي خايفه/ترا سآلتك بالله فيك شئ...!!
لتيين تناظر اختها بحـزن كعادتها(وشش تبيني اقول ياليان..اقولك عن الحززن اللي عايشته من سنه اقولك عن احساسي بشععور القههر بالظلم اقولك عن معاناتي مع الحرمان والفقد وشش تبيني اقولك بالضبط)هزت رآسها بلا وهي تغصب نفسها على الابتسامه..ليان تقرب من عندها وتضمها بقووه/اي ابييك دووم كذذا مااحبك حزينه ولا حتى ماما وبابا مايحبون يشوفونك كذا..!!
ضمتها لتييين وهي تشكر ربها انه رزقها ب ليان صح انها اصغر منها بكثير بس تحس فيها اغلب الاوقات تحس بحزنها وضيققتها مسحت طرف الدمعه المتمردهه على خدها..اشرت لليان تطلع تنتظرها تحت وهي تبدل وتجي..

نزلت لييااان فرحاانه ان اختها اقتنعت تطلع معهم دخلت الصالـه لقت امها جالسه وعندها مشعل اخوها صرخت بفرحه/مشيعل يالنذل متى جييت؟؟...ضحك مششعل ونادها تجلس عنده لعب بشعرها/توي جييت شعندك فرحاانه؟؟
لييان بابتسامه/بابا يبي يطلعنا لديزني واخيرا اقتنعت لتين تطلع معنا..مشعل بعصبيه يلف لامه/يممه هاذي الحيين ليش ماتذلف ل.....
قاطعه صوت ابوه الغاضب/ججبب ولاكللمممهه اذا صارت ببيتك ذاك الوقت تكلم ..علم يوصلك ويتعداك والله ثم والله يامشعل لو ادري انك مضايقها بكلمه والا شئ ماتلوم الا نفسك انت تسسمع الكلام...!مشعل بغيض منها/ابشر يبه مايصير الا كل خير ان شاءالله..وقف طالع من البيت ..جلس ابوه بضيق/هو انا اشوف الخير وانت عندي...قربت من عنده ام مشعل وهي تحاول تهديه/لاتضايق نفسك يابومشعل ادعي له بالهدايه وخله عنك..ابومشعل بضيق/الله يهدي سره...

عند لتـين كانت نازله تبي تطلع مع اهلها بس وقفت قبل تنزل لما سمعت صوت مشعل تحس بكرهه ناحيته ماتدري ليشش تحس انها تكرهه ابدا ماتحملل له بقلبها اي مشاعر حب كل اللي تعرفه انها تتضايق اذا تواجدوا بنفس المكان عشان كذا تحب تجلس بغرفتها دايم نزلت منها دمعه يتيمه ودها تعرف منو هي ..؟؟ولييش هالشعور بالذاات لمششعل بعكس امها وابوها واختها تحببهم وتموت فيهم..الا هوو تكرهه وتخاااف تجلس معه بمكان بروحهم...؟لييش ماتدري تعوذت من الشيطان وكملت طريقها نزلت وتوجهت للصاله باست رآس ابوها وامها..
ابومشعل بحب/هاه وشلون الاميره اليوم؟عساها مرتاححه..هزت رآسها بآيه..نطق بحب/عساه دايم وانا ابوك..قربت ليان من ابوها بغيره/بابا وانا ليش ماسآلتني؟؟...ضحك ابو مشعل عليها/هو انا اقدر اعيش بدونك؟؟..لتيين هالموقف تحس مر عليها بس وين وكيف ماتدري ..؟هزت رآسها تطرد هالاوهام اللي تزورها بين فتره وفتره...
ام مشعل نطقت/هاه يابومشعل مو قلت تطلعنا ترا جاهزين؟؟..قام ابومشعل/يلا وهاذا انا قمت اجهز نفسي...
___________________
___________________


اليوم الثاني الريـاض الساعه السابعه صباحـاً صحت على صوت المنبه بعدت اللحاف عنها وسكرت المنبه قامت وهي تتثاوب خاطرها ترجع تنام بس مشتاقه لابوها اللي صار له ثلاث شهور معتزل العالم وعايش بمزرعته اللي تقع بالخرج ورافض عياله ومرته يزورونه بس الصبح اخوها فيصل عطاها خبر ان ابوها جاي بالبيت وهم نايمين دورت عليه بس مالقته تأكدت انه بالمسجد مثل عادته مايرد البيت الا اذا جت الساعه سبع واحيانا ثمان فزت تستعد عشان تشوف ابوها مشتاقه لحنانه عليهارغم قسوته وجبروته..
خذت لها شور عالسريع ولبست قميص روز (امها لوتشوفها اوتشوف حفيداتها يلبسن قصير او بنطلون قدام العيال كسرت العصا على ظهورهن عشان كذا اغلب لبسها بالبيت قمصان بيت اصلا تستحي تلبس غير هاللبس قدام ابوها واخوانها وعيالهم)سرحت شعرها البني القصير اللي يوصل لنص رقبتها..توجهت صوب الدرج نازله بركض متحمسه لشوفت ابوها وصلت الصاله شافت امها جالسه وواضح العصبيه عليها تجاهلت وجودهامتحمسه لابوها..ونطلقت بتطلع برا متأكده ان ابوها بالحوش..بس وقفت قبل تطلع ولفت لامها لما نطقت تكلمها...ام فهد/انتي وين مدرعمه هالشكل لاسلام ولاكلام داخلتن علي يهووود ماتسلمين..؟؟ابتسمت بغباء/يماه حبيبتي متحمسه لابوي فيصل قايل لي انه جاي..
ام فهد بغبنه/واذا ابوك جاي تتعدين امك..
رجعت لامها تبي تبوس راسها بس امها ضربتها بالعصا/انقلعي يابنت ابوك لايطير منك..
مهـا تبتسم تدري ان امها للحين حاقده على ابوهانطقت تبي تراضيها/يماه والله مااغلى من ابوي غيرك مير اني ولهانتن على الشايب والا فيه احد مايحب مزون شيخه البنات....ابتسمت امها برضا/روحي سلمي على الشايب..
مهـا/يعني مانتيب زعلانه،،؟؟..ام فهد/لا يمه..
انطلقت للحووش ابتسمت لما شافت ابوها جالس على الزوليه(الفرشه) والمركا على يمينه وقدامه القهوه والقدوع واخوانها فيصل فهد واحمد وعيالهم كلهم حوله...نططت بشوق لحضن ابوها باست رآسه وعيونه ويديه وهي تبكي/يببه اشتقت لك ليييش ترووح عننننا وتخوفنننا علييك اششتقت لك والله...ضمها ابوهاوهو يضحك/ افا يالمهـا هو انا اقدر اتركك يابوك انا دايم اتطمن عليك وعلى امك من اخوانك..
مها وهي تمسح دموعها وتجلس بجنبه ويدها للحين متعلقه بيدين ابوها/طيب يببه اوعدني ماتروح عنا بعدين..ابتسم ابوفهد/والله ماروح عندكم بعدين بس قولي لي وش اخبارك؟؟..
سعد يضحك/اقول عميمه ترا ماسلمتي علينا..
فارس يناظر لسعد/شفت ياولد عمي جحدتنا النتفه..العم فهديبتسم/وانتم وش حارقن رزكم خلوها تتدلع على ابوي..تركت يدين ابوها وهي منحرجه انها بكت قدام اخوانها وعيالهم تدري يبي يمسكونها عليهاونطقت باحراج/اصلا انا شايفتكم امس يعني ماله داعي اسلم الحينن..
صالح يضحك/لا بالله صدق اللي قال من شاف احبابه نسى اصحابه..
مـهـا باحراج/وججع احترمونني ترااني عمتتكم..
راشد بنذاله/بس انا ومحمد وصالح اكبر منك تحترمينا انتي وكمل ضحك...
مهـها بقههر/يووبه شووفهم..الجد(محمد) بمزح يرفع عصاه/اللي اشوفه الحيين يطقطق على الممها كسرت هالعصا عليه..
سعـد يكلم فارس بصوت واطي/اخ ي هالعصا يااملا كلينا منها ..فارس يسايره/الا ياليتني امسكها اكسرها..
جراح يبتسم على كلامهم وينطق لهم/اسكتوا شوفوا نظرات خالي احممد لايطردكم..
فارس باستهبال/ياااي بابا شرير الكل يهابه..
سعد يضحك بصوت عالي
ناظر له عمه احممد/انت وش اللي يضحكك؟؟
سعد يصرف/ابد بس تذكرت سالفه قديمه..
مهها/الا فيصل لازم نسوي لك حففله كبييرهه لابوي...فارس بطقطقه/اي عميمه لازم نسوي بارتي كبيير مرررا بس ليش خربتي علينا نبيه سيبرايز لبابا عوود..
سعد يضحك ويطق كفه بكف سعد..
جراح يضحك على الصامت ويبتعد عنهم عشان مايجيه طرده محترمه...
مهها بقههر/جب جب انت وياهه حيوانات..
العم احممد بعصبيه/فـارس سععد قوموا انقلعوا برا..
سععد/عمي تووبه..العم احممد/قلت اذلفوا وش بلاكم على عمتكم ماسكينها طقطقه ..
فارس وسعد يقومون بسرعه داخلين للجدهه..
-----------------
-----------------

عند الجـدهه جالسه تستغفر بالمسباح اللي بيدها وهي تناظر للتلفزيون اللي شغال على الاخبار ماحسست الا باللي جالسين حولها..
سعد يأخذ الريموت ويسكر الصوت تلف عليه الجده بعصبيه/انت وراك اغديت صوته..ضحك سععد/جايين نبيك بفزعه يابنت خالد..الجدهه/وش تبي انت والغبر الثاني؟؟..فارس بمرح/افا ياتيتا كذا تردين علينا وحنا نبي الفزعه مننكك..
الجـدهه/ادري ماوراكم غير البلا مير انطق وش تبون؟؟...فارس بتمسكن/يرضيك يامزونه نروح مع العيال ويدينا فاضيه..الجـدهه تلف عليه/لو انكم متسنعين وتشتغلون كان الحيين عندكم المقسوم..سعد/مزونه ترانا للحين ندرس مير تصدقي علينا وعطينا المقسوم...الجده تضرب سعد بعصاهاخفيف/قم هات الصندوق فوق بالطاوله حقت الغبر(التلفزيون)..فارس يبتسم /يمه مزنه ليش ماخليتيني انا اجيبه انا اكبر منه..الجـدهه/انت السروق مااثق فيك..سعد جاهم وهو معه الصندوق ويضحك/لقط وجهك ..فارس/انت تلايس نطق بتمسكن/شكرا تيتا يجي منك اكثر..نطقت الجده/انا بعطيكم المقسوم بس تحلفون...قاطعوها فارس وسعد/والله انى مانشتري فيهن هاك الغبر(السجاير)..
مدت يدها لفارس وحطت خمس ميه فيها/هاذي بينكم ولاعاد تجوني مرتن ثانيه..قاموا باسوا راسها وهم يتبيسمون بوناسه..دخل العم فهد ونطق/وانا يممه ابي المقسوم مثلهم..
الججده/انت عندك راتبك مغنيك الله مير هذولا مساكين لاشغل ولامشغله والدراسه ماكله مادونهم وماوراهم..ضحك العم فهد وهم يبوس راسها/والله انك على نياتك فديتك..لف لهم/يلا اخذتوا المقسوم عاد طسوا ابي امي بكلمه راس..فارس بهبل/بليا طالعين ياعمو..سعد وهو طالع مع فارس/لو ماورانا شغل كان نشبنا لكم وطلعوا..العم فهد يقرب من امه/اقول يالغاليه ليش ماتجين بالحوش وش زين عيالك متجمعين هناك..الجدده بضيق/مشتهيه اقعد هنيه...العم فهد/عشان ابوي!!..هزت راسها بايه العم فهد/للحين شايله بخاطرك عليه..
الجدده بغبنه/اي للحين ولا راح اسامحه لين اشوف ولدي وبنتي بحضني..يجرحهم وهم يتامى مالهم بهالدنيا بعد الله سند لهم غيره..العم فهديبوس يديها/هدي يالغاليه تحسبين اننا راضين لاوالله لا وهذا حنا وراهم لين عرفنا انهم بخير..الججده بحسره/راكان متطمنه عليه ولد يقدر يشيل روحه بس المسكينه وش ذنبها والله انها مااغلطت بنتي واعرفها شريفه بس الله حسيب من كان السبب..العم فهد/طيب يمه عشاني سامحي ابوي والله انه ندمان قدشعر رآسه لاتزيدين همه همين..الجده بحلف/والله اني مااسامحه ليين....قاطعها العم فهد بنهي/لا انفداك لاتحلفين وتندمين بعدها اذا مو عشاني عشان بنات خالد..الجدده/استغفرالله وش فيهن بعد بنات خالد،؟؟..العم فهد/اذا شافنك كذا مع ابوي يبن يوقفن معك ويحقدن عليه بس يوم يشوفنك وش زينك معاه والله يسكتن اشوى..
الججده/لاتلومهن وانا امك هذا سندهن و....قاطعهها العم فهد/الله يلوم اللي يلومهن بس الدنيا يايمه مامنها امان والشيطان كان حاظر وقتها وغضب ابوي مير انه ندمان سامحيه..الجدده/عشانك يافهد وعشان الضعيفات والا انا عايفته عقب سواته..باس راسها/الله يجزاك خير يالغاليه..يلا اطلعي معي وطيبي خاطره بكلمه من منطوقك الزيين..
قامت معه الجده وطلعوا للحوش...
------------------------
------------------------




الـى هنـا انهي ثاني فصل من فصول روايتي

دممممتتــمم بــووووود
[/size]


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-07-2017, 06:27 PM
smtalklam7 smtalklam7 غير متصل
©؛°¨غرامي جديد¨°؛©
 
Post رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7




.......(الــبــارت الــثـاااااالــث)........

كـندا مدينة فانكوفر الساعه الرابعه عصراً
كان تـوهه راجع مششي من شغله اللي يبعد حوالي 12كم يحب يروح له مشي ويرجع مشي
كان الطقس وقتها باارد والثلوج تتساقط بشكل خفيف زادت من جممال الجو كان مُنهك من الشغل ماله خلق اححد يبي البيت بس يبي ينام
فتح شنطته المعلقه على كتفه بشكل مايل طلع مفتاحه فتح البـاب ودخل اغلق الباب وفصخ البالطو اللي كان عليه وجزماته نطق باستغراب/غريبه وينها هالعجووز؟؟..نادى بصوت عالي/انجييلا..انجييلا ..سيده كاري..اين انتن.؟.. توجه للمطبخ والصاله مافيه اححد زفر براحه/اشوى على الاقل اخذ راحتي لو ساعات..صعدالسلالم الموجوده توجه للطابق الثالث اللي يتكون من غرفه وحمام ومطبخ تحضيري صغير فتح الباب و دخل غرفته اخذ له شور عالسريع دخل سريرهه يبي يرتاح من شغل اليوم قبل تجي العجوز وبنتها ويزعجونه لف لجواله اللي كان سايلنت ابتسم لماشاف المتصل فتح السماعه ونطق بشوق/الــــووو..
_________________________
الرياض بيت الجـد

الججده/لاتلومهن وانا امك هذا سندهن و....قاطعهها العم فهد/الله يلوم اللي يلومهن بس الدنيا يايمه مامنها امان والشيطان كان حاظر وقتها وغضب ابوي مير انه ندمان سامحيه..الجدده/عشانك يافهد وعشان الضعيفات والا انا عايفته عقب سواته..باس راسها/الله يجزاك خير يالغاليه..يلا اطلعي معي وطيبي خاطره بكلمه من منطوقك الزيين..
قامت معه الجده وطلعوا للحوش...
سلمت وجلست على طرف الزوليه(للحين زعلانه)انسحب العم فهد بهدوء لما شاف الحوش فضى من اخوانه وعيالهم يبي امه وابوه يتصافون براحتهم...نطق الجد بابتسامه/افاا يالـزين ورى ماتجيين تراكيني وتعطيني من علوومك..الجـدهه بقهر/انت عارف وش اللي ابيه منك..الجد يقوم ويجلس بجنبها/وانا ماجيت الا اني جايبن معي علومن تسرك...الجدهه تلف عليه بغبنه/وش اللي يسرني وانا كل يوم اشوف هالمسكينه ذابحها الهم من فراق عيالها..الجد بتنهيده/انتي تحسبيني تاركن بنتي بالخلا لا ياام فهد بنتي عند ابوها حبيب وتحسبيني مستانس لاوالله لا اني ندمان يوم عرفت انها مظلومه وشريفه..الجــده بقهر/قلت لك هاذي بنتي وتربيتنا مستحيل تخونا.ليش ماتردها يومك عرفت انها بريئه..؟؟الجد نزل رآسه بضيق/البنت فاقده الذاكره ماتعرفنا يامزنه..ولاتعرف امها ولااهلها..؟..الجده بصدمه/لاحول ولاقوة الا بالله الله يكون بعونها هي بخير بس..الجد/هي بخير بس ترجع لها الذاكره اردهاوالله وهذاني احلف قدامك اني لاعتذر لها قدام الكل..
الجده بحزن/الله يغفرلناويغفرلك...
_____________________________
في احـد المقاهـي ف باريـس..جالس على الطاوله وقدامه اخوه مـؤيد فتح جواله واتصل على صديق عمـرهه واخو دنيته..ابتسم يوم سمع صوته اللي باين فيه النوم....
......../الـــوو..
سامـي/هلاوغلا لاتقول نايم..
رد بضحكه/لا كنت بنام البيت فاضي باستغل الهدوء..
ضحك سامي/والشقراء وامها وينهن عنك؟؟..
رد بتكشيره/مادري عنهن عساها روحه بدون رده ..فكنا من هالسيره وطمني عنك وعن الاهل..
سامي /ههههههههههه اوك اتفاهم معك على موضوعها بعدين..ابشرك كلنا بخير..ماابي اطول عليك وانت بتنام بس حبيت اعطيك خبر الليله ان شاءالله اكون بكندا..
نطق بفرحه/انشهد انها بتنور كندا كلهها بوجودك اجل يلا طس بنام...
سامي بثقه/ادري طال عمرك..فمان الله..
قفل الجوال وابتسم وهو يشوف نظرات اخوه الفضوليه...نطق مؤيد/مـنـو هذا؟؟..سامي/صاحـبي..مؤيد/هذا اللي مرشحه يتوظف بالشركه؟؟..سامي/اي هو..مؤيد/وش اسسمه من ولده نعرفه؟؟؟....سامي ببرود/اسمه عـنـاد خـالـد ال.........مؤيد باستغراب/اول مره اسمع فيه؟؟..سامي /كمل قهوتك وتوكل لشغلك...
مؤيد يناظر للطاوله اللي كانت وراهم ونطق بصوت واطي/لف وراك شف البنت اللي متحجبه ولابسه نظارات شمسيه من اول ماجلسنا وهي تخزك..لف سامي باستغراب مايعرف احد متحجب هنا اول مالف شاف البنت لفت للجهه الثانيه ناظر لاخوهه ونطق بثقه عميا/يمكن معجبه...مؤيد بضحكه/خف علينا يامهند...
_______________________________
بنفس المقهى بالطاوله اللي كانت ورى طاوله سامي ماكان عليها الا لـتين واختها لـيان استغربت ليان نظرات اختها لشباب اللي واضح انهم سعوديين لفت لاختها وقالت/توته تعرفينهم؟؟..لتيين بضياع/مادري مادري بس احس انه موغريب علي اللي لابس اسود احسس اني اعرفه هزت رآسه ونطقت بحيرهه/مـادري ليان مادري...جـت امهن وتكلمت ليان/يممه تعرفين الشباب اللي جالسين بالطاوله اللي قدامنا؟؟ ....لفت ام مشعل باستغراب/لا مااعرفهم؟؟ليش السؤال..لتـيين/يممه احس اعرفه اي والله اعرفه..بس مادري منـو هو !!..قامت ام مشعل ونطقت بامر/يلا قـومن نرد البييت...
لتـين بضياع/يممه عادي اسآله منو هو؟؟..تجرها امها معها وتطلعها من المقهى بعصبيه/مجنونه انتي وش تسآلينه تقولين منو انت؟؟؟....
لييان/صح لتين ماما معها حق وش بيقول عنك الرجال..ام مشعل بتنهيده/هاذي وسوسه ياقلبي..هزت رآسها لتيين وهي تحاول تبعد اللي شافته من ذاكرتها...
__________________________
نرجـع للرياض بجامعه الامييره نـورهه..

بأححد زوايا حررم الجامعه جالسسه تالا بطفش ترمي الكتاب على يارا/لوك حاله زيين كان حلييت انا ليييش ماحليتي زيين يالنذله..
يارا بقهر/انقلعي احسسن لاتحلينن مثلي عشان اذا حملت الماده تحمليها مثلي...شهد تضحك بصوت عالي/يارببيي انتتتن توووحففه يعني اذا وحده ماحلت لازم الثانيه ماتحل كملت وهي تلعب بحواجبها/انا اضمن الفل مارك..تالا بتحلطم/ياهب ياعقلك..شهد ترمي عليهاعلبه العصير اللي بيدها/قووولي ماشاءالله ..
تالا بغبنه/شهييد اذلفي عني تراني طفشانه من اخوك..!..شهد تضحك/وججع وانا شدخلني بسعد..تكمل بتحقيق/لييش شايفته انتي؟؟
تالا/امس جانا وشافني بالحوش تخيلي قعد يهاوش يقول ادخلي لايجي احد يشوفك..
شههد/ههههههههههههههههههههههه تووحففه اخوي وهو عادي..تالا/مع احترامي لك يخسي..
شهد تلف ليارا/لولو شفيك ؟؟وراك ساكته من اليوم؟؟....يارا تنطق بحزن/اشتقت لراكان..شهدبمؤاساه/الله يصبر قلووووبكم..
_______________________________
بنفس الجامعه بس بكليه ثانيه كليه التربيه:-

عند غـلا وسـارهه..

سـارهه بحنـين/غلوي اشتقت له البارح حلمت فيه...غـلا/ياعـمري سوسو ماعليك ان شاءالله انه طيب وراح يرجع ان شاءالله ...
سـارهه/طيب تعالي شصار متى نطلع للمزرعه؟؟
غـلا/مادري اتوقع عميمه مايخلصون اختباراتهم الا الخميس واذا خلصوا مشينا لها يمكن الجمعه او السبت..
سـارهه/اوييلي والله مشتاقه للمزرعه وايامها من زمان عنها اخر مره اتوقع رحنا لها لما كانت تـوته عندنا...غـلا/الله يذكرها بالخير تتوقعين وينها الحين؟؟..سـارهه بتنهيده/الله اعلم..غمزة لها بحماس/تدريين عمتي منيرهه راح ترجع لرياض يوم الاحد الجاي..غـلا تضربها بآحراج/اي بس مادري هو يجي معها او لا؟؟..سارهه باستهزاء/يعني الحيين تبين توضحينن لي انك ماتكلمينه .كملت بضحكه/انتبهي لايدري جدي والا جدتي مايردها غير العصا...
___________________________
كـندا
فـز من نـومه بكسسل ناظر الساعه وكانت ثلاث الفجر تعوذ من الشيطان قام وصلى له ركعتين بدل ملابسه واخذ مفاتيحه ومثل عادته اغلق الطابق كله بالمفتاح ونزل بشويش عشان ماحد يحس فيه نزل للطابق الارضي طلع وهو يتنهد براحه ان العجوز وبنتها نايمات لان شاف سيارة انجيلا موجوده تأكد انهم راجعين..ركب سيارته وانطلق للمـطـار يستقبل ســامي لان موعد وصوله الساعه خمس ومشوار على مايوصل للمطار...
__________________________________
بالـرياض كان الـوقت ثمان بالليل ببيت الجـد كانت العايله كلها مجتمعه بمناسبه رجـوع الجـد
عند الحريم بالمجلس..
نوره ام جـراح تساير ام راكان/الا ابشرك جراح يقول انه بخير وقريب تنتهي قضيته ويرجع..
ام راكان براحه/وماقال لك هو وينه؟؟....ام جراح/الا يقول بالشرقيه ولاقي له وظيفه هناك وماعليه بس ينتظر جدهه يطخ ويرجع ان شاءالله...ام راكان/عسسى الله يريح بالك ويفتحها بوجهك يانـورهه..انشهد انك ماقصرتي وقفتي معي انتي وولدك...ام جراح بعتاب/افا يام راكان صار ماهو حنا بنات عم وقبل كل شئ خوات...ام راكان/لا بالله صدقتي عسى الله يخليلك جراح واخته وتفرحين فيهم....
بنفس المجـلس لاكن بطرف ثاني
كانت جالسه ام راشد مرت العم احمد وعندها
ام محمد مرت العم فهد وهيا وعبير ..
نطقت ام محمد بصوت عالي وحاقد مستغله عدم وجود الجده بالمجلس/الا اققووول ياام رااكان البنتت وش صار عليها يقولون ان عممي يبي يزوجها لشايب يستر عليها..
جت تبي تنطق ام راكان وهي منقهره من كلامها بس سبقها رد الجـده اللي كان مرتكي على عصاته عند البـاب نطق بصوت عالي وغاضب/من قالك هالكلام يام محممد؟؟..
ام محمد نطقت بخوف/اسمع من الناس ياعمي..نطق الجـده وهي يقرب من ام راكان /البنت ياام محمد مااتوقع لك شغغل فيها والبنت اشرف من علومك اللي تنقليها مع الناس وعزة الله ياام محمد لو اسمع كلام عليها وادري انه من وراك ماتباتين ببيت ولدي لو ليله..والعلم للحاضرين كلهم..فزت ام راكان بانشراح وهي مستغربه من رد عمها وباست راسه وهي تناظر له بامتنان على رده لها....طلع الجـد متجه لغرفته اللي كانت قريبه من المجلس..فزت عبيير وهي تمشي ورى جدها نطقت بتردد/جـدي....لف لها الجد ووقف /لبـيه يبه..عبير تنزل راسها وهي تلعب بيديها بتوتر خايفه تسأله ويعصب رفعت راسها على صوته يوم قال/امر يبه لايردك لسانك..نطقت بخفوت/شلونها؟؟...نطق بحب/ماعليها خلاف وايام وترد بإذن الله..فرحت برد جدها وباست راسه واستأذنته...
__________________________









يـتـبـع........


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-07-2017, 07:01 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


السلام عليكم
الرواية رائعه والاحداث ممتعه ومشوقة
سرد الاحداث جميل
انشري رابط الرواية بين الاعضاء وانا شخصيا تعجبني الروايات اللي كذا احس بمتعه وحماس لقراتها
ونصيحه مني كاخت كملي للنهاية ولا يصيبك احباط من عدم وجود متابعة من الاعضاء للرواية وانا معك للنهاية باذن الله
واتمنى لك التوفيق ويعطيك الف عافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-07-2017, 10:44 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


السلام عليكم
الله يعطيج العافيه
روايتج روعه وجميله
وبكون متابعه لك ان الله راد

سلام ،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-07-2017, 03:02 PM
smtalklam7 smtalklam7 غير متصل
©؛°¨غرامي جديد¨°؛©
 
الافتراضي رد: روايتي الأولى:خليك مثل اللي يزرع مكان الجرح ورده لآ تكون للجرح جرح /بقلمي smtalklam7


تـابع البـارت الـثالث


عـند الشبـاب اللي كانوا متجمعيين بالدوانيه ببيت الجــد نطق سعد بصوت عالي/شبباب اححد يبي قهووه جدديده؟؟...راشد يرفع حاجبه/شعنده الشييخ سعد يبي يقهوي!!...
فارس ينطق بنذاله/ماقصده سناعه يبي يروح للمطبخ يجيب القهوه ههههههههههههههههههههه...
راشد بقهر /والله لو اشوفكم داخلين عند الحريم لأحشش رجولكم لعنبوا داركم ماعدتم بزارين...
سعد وهو يطق رآس فارس بدفاشه/يكذب ياابواحمدد..صالح بضحكه/الله يعين اختي عليك ...راشد يناظر له باستخفاف ويطنشه..
جراح يكلم فيصل بصوت واطي/فصيل شصاير مع سميه؟؟..فيصل لف عليه باستغراب/انت شتقول!!وانت شدخلك فيها؟؟
جراح ببرود/ابي اتطمن باين صاير بينهم شئ ولاتنسى اني محامي اعين واعاون،،،،فيصل نطق بصوت عالي نسى نفسه/اقسم بالله ياجراح لو اشوفك متدخل بأمورها ماتشوف اللي يسرك..نعنبوا بليسسك انت ماتستحي تدور الشارهه؟؟..محمد بصوت عالي/خيير شفييكم على شنو الهواشش؟؟...جراح باحراج/يقصد المهره الجديده رافض يبيعني اياها،،،راشد باستغراب/وانت من متى تربي خييول؟؟؟،،،
جراح ببرود/من اليــووووم،،،،فيصل ينطق بصوت واطي مااحد يسمعه غيره/والله انك تحلم ياجراح،،،،،فارس يغمز لسعد يطلع معه مستغل الهوشه..نط سعد وراهه،،
دخلوا مع الممر اللي يودي للمطبخ تنحنح سعد بصوته العالي/ياااوللد درب درب...
_____________________________
داخــل المـطبـخ
كانت شهد وتالا ويارا موجودات
يارا وشهد يجهزن القهوه والشاي وتالا كانت جالسه فوق الطاوله يوم سمعت صوت سعد نزلت بخوف وصرخت غصب عنها/يومااااهه...
جاهم صوت سعد/شنو فييكم؟؟..
ردت شههد/مافيه شئ انتم شنو تببون؟؟
نطق سعد/نبي القهوه جاهزهه؟؟
شهد/لا دقايق بس...نطق سعد/تعالي شههيد شوي... يارا لفت لها ونطقت/شلون تطلعين عنده؟؟فارس معه ترا..شهد وهي طالعه/ياغبيه تراهه اخوي من الرضاعه،،،
عند فارس ضحك ونطق بصوت واطي لسعد/اويلي على اللي يغاروون علي،،،،
شهد تطلع لهم/خييير شتبون؟؟القهوه وقلت دقايق تجهز شنو فيه غير؟؟،،،سعد برجاء/تكفيين شهوده ابي اشوفها،،،شهد بعصبيه/وجججع
ان شاءالله شنو تشوفها وين عايشين حنا!!؟؟
فارس ببرود/اذا شافها حتى انا بشوفها،،،
شهد/اقسم لو ماتروحون لاعلم جدتي،،
سعد وهو يشد شعرها بغبنه/اذلفي جيبي القهوه،،،انطلقت شهد للمطبخ وسعد يلف لفارس/سسعد دبرني ابي اشوفها ولهت عليها...فارس وهو يجره معه للدوانيه/امش امش يالخفيف اثقل بس...
دقايق وتطلع شهد وهي معها القهوه والشاي استغربت لماماشافتهم وارجعت فيهن..
________________
بالحديقه جالسه سميه وعندها دلال
نطقت دلال بحنيه/سوسو حبيبتي والله مايسوى تسوين بنفسك كذا عشان واحد مثل هالياسر..
سميه وهي تناظرلبنتها وهي تلعب مع البزارين نطقت/عبالك اني محزنه على ياسر والله ولاحرك فيني شعره كملت وهي تضم رجولها لصدها/انا كل همي شهوده بس ماابيها تحس بالنقص اللي حسيته وانا طفله...دلال تضمها وهي محزنه عليها/حبيبتي سوسو وكلي امرك لله وان شاءالله مع الايام راح يتعدل ياسر...
سميه بخفوت/شافني كان عمي فيصل شاف انكساري حتى سولف معي شهود....
دلال باستغراب/مـــنــووو؟؟
سميه وهي ترسم على الارض بارتباك/جـــراااح،،،،دلال بصدمه/متى شفتيه؟؟وكيف تكلم مع شهد يدري انها بنتك،،،؟..
سميه/اي كان جاي مع عمي فيصل لما اتصلت عليه كملت بصوت واطي/متـغير،،،،،
دلال بجديه/سوسو لاتنسين انك متزوجه وحرام تفكرين واحد ثاني غير زوجك ولو انه مايستاهل تفكرين فيه هالياسر بس ولو انتي على ذمته وعندك بنت منه لاتنسين،،،،،،،،،سميه باستنكار/مافكرت فيه صدقيني ولا عاد يهمني بس انصدمت من شوفته،،،،،دلال وهي تناظر لعمتها مها جايه ناحيتهم من بعيد/ودي اصدق...
-----------------


والى هـنا انهـي الفصل الثـالث من فصول روايتي:)
واعتذر على التأخير كنت ناويه انزله امس مع البـارت بس صارت شويه ضغوطات...



لاتحـرمـوني توقعـاتكـم حـول أحـداث الـروايه


دمــتم بــووود


الرد باقتباس
إضافة رد
الإشارات المرجعية

روايتي الأولى:خليك مثل اللي يزرع مكان الجرح ورده لآ تكون للجرح جرح

الوسوم
#قصص،#روايات،#عشق،#غرام،#خيال،#حب،#اول_روايه،#رواي ات،#خيالات
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى :الحب بين نيران الحرب الكاتبة طلحي نسرين روايات - طويلة 266 22-06-2017 09:37 PM
روايتي الثانيه:عابرات فـوق السنة النيران/كاملة مس ميلانو روايات كامله - يتم نقل الرواية هنا بعد اكتمالها 1231 28-05-2017 08:25 PM
روايتي الأولى: ساستمر بالعيش ما دمت استمر بالتنفس. Eugnen187 روايات - طويلة 1 09-04-2017 06:41 AM
روايتي الاولى : حياتي حلوة أنثى بذمة عاشق روايات - طويلة 0 04-09-2015 04:42 PM
روايتي الاولى : عشقتك و مادريت إن تواليها جنون canada.. روايات - طويلة 1 08-08-2015 02:28 AM

الساعة الآن +3: 07:41 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1