اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 24-07-2017, 01:20 PM
الهرة الهرة غير متصل
©؛°¨غرامي فعال ¨°؛©
 
الافتراضي رد: سينتهي كل شئ مؤلم ذات يوم/بقلمي


هلا وغلا بزهرة الاوركيد شحالج الغالية عساج بخير تسلمين على البارت الروعة
محمد الله يعينه على الأيام القادمة مع أعمام زوجته
هند غلطت برد بس هي لها الظاهر وماتعرف انهم طماعين
الجدة الله يطول بعمرها
أيوب شو من الناس هذا هم بس بطنه وتلبية حاجته
سارة الله يعينها القرار صعب وزوج اختها حقير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 28-07-2017, 02:40 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


اقتباس:
المشاركة الأساسية كتبها الهرة مشاهدة المشاركة
هلا وغلا بزهرة الاوركيد شحالج الغالية عساج بخير تسلمين على البارت الروعة
محمد الله يعينه على الأيام القادمة مع أعمام زوجته
هند غلطت برد بس هي لها الظاهر وماتعرف انهم طماعين
الجدة الله يطول بعمرها
أيوب شو من الناس هذا هم بس بطنه وتلبية حاجته
سارة الله يعينها القرار صعب وزوج اختها حقير
هلا فيك...تمام وانتي بشريني عنك
تسلمين حبيبتي ع طلتك...وان شاءالله تعجبك الروايه اكثر مع البارتات الجايه
منورة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 07-08-2017, 05:53 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


مساء النور
اخباركم جميعا.....عذرا ع الانقطاع المفاجئ..بس صار معنا سفرة مفاجئة ومااخذت اللاب معي

وعذر مجددا ....

شويات وانزل البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 07-08-2017, 05:57 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


""الحلقة ...الثالثة..""


مر ع هالسالفه شهرين بالظبط..شهرين ماشفت فيها جدتي...شهرين ..

وانا وهو عايشين مثل الاغراب...مابينا أي كلام حتى السلام...صحيح

ننام بغرفة وحده وسرير واحد ...بس مابينا أي احتكاك...وهالشئ

ريحني ...كرهته..وهو يحاول يتبلى ع سعد بكلام ...مايتصدق

وكرهته زود يوم مد يده علي ...طيب انا ماقلت الا الصدق ..وماسويت

شئ غلط انا احب سعد ...وهو يحبني...وحنا عيال عم..ولبعض هو

الي دخل مابينا وخرب علينا ....افف طفشت..وانا بس ياجالسه

بالغرفه ذي...ولا بالصاله مع خالتي...خالتي طيبه وحنونة معي

بس ..مهيب جدتي ...اشتقت لجدتي ..وسوالفها...وصوت الراديو

يالي من بعد صلاة الفجر..وهو شغال...لحد ماننام من بعد صلاة العشاء

"تنهدت بوجع وشوق لايامي الي قبل"صحيح قبل ماكان عندي

التلفزيون يالي تتفرج عليه خالتي..وماانكر في اشياء كثيره شدتني

اتفرج عليه...ولا التكييف يالي ينسيك الحر..وماكانه له وجود

والحمامات ..المجهزة بالمويه باي وقت...وكثير اشياء تفرق عن

بيت جدتي الشعبي ...بس اشتقت له...كان مايمر علي يوم...والا

مصدعه جدتي من السوالف والاسئله...دايم تقولي ..انه عقلي اكبر

من سني...بسوالفي وتصرفاتي...دايم كانت تسولف لي عن طفولتي

اني كنت مختلفه عن باقي الاطفال ...هاديه والعب مع نفسي ..حتى

لما نتجتمع مع اعمامي وبناتهم...هم كانوا يلعبون مع بعض وينطون

ورايحين وجاين باصواتهم...الا انا جالسه عند جدتي ..والعب بالعروسه

يالي هي سوتها لي...ياررربي تعبت من التفكير...تعبت من شوقي

لجدتي..ول...اي ولسعد..متى بيسوي الي قاله ويرجعني لبيت جدتي

وبيتهم...اخذت عروستي..وجلست اسولف لها عن شوقي لجدتي

وكيف كان المفروض يكون بداية يومنا ...ناظرت الساعه ..

3 العصر..اي الحين هذا وقته..وقفت ع السريع واخذت عروستي

وتوجهت للصاله..وفتحت التلفزيون...والحمدالله كانت القناة

موجوده مااعرف كيف اغير القنوات ع كثر ماعلمتني خالتي

للحين اضيع بينه وبين التطويل والتقصير ع الصوت...حلو

بدا احب اغنية المسلسل...واحب المسلسل وابطاله...

خالتي قماشه...حبيت ابطاله...وحبيت يومياتهم مع خالتهم وكيف

تحكمها في عيالها ...جد جد التلفزيون شئ عجيب وحلو

اول ماشفته ...وشفت المسلسل انفجعت...كيف حريم ويطلعون كذا
ا
من غير غطا ..ولا هم متسترين..حسيت اني بعالم جديد...مختلف

استغربت انه في ناس كذا...واشرحت لي خالتي...انه في دول

كثيرة..ماتلبس العبايات مثلنا..وشرحت لي كثير اشاياء كنت

غافله عنها...حبيت لبسهم..حبيت الاشياء يالي يحطونها ع

وجههم وتمنيت يكون عندي مثلهم...وطلبت من خالتي..بس قهرتني

تقول اطلبي من رجلك...طيب دامك بتقولين لي هالكلمه..ليه من

الاساس تقولين لي أي شئ خاطرك فيه اطلبيه ...واجيبه لك

افف..ماابي افكر ...ابي اتفرج ع المسلسل وانسى كل شئ

حولي



محمد"اخيرا اليوم خلصت اخر جلسه..والحمدالله القاضي ..حكم

لصالحي..ورفض قضيه الطعن ..بالزواج..لتوفر كل شئ

صحيح..من اوراق واثباتات..خلص نص الهم وباقي الاهم..الاكبر

وشلون بقنع هالبزر الي عندي..انه كل الي كان يجيها من تودد..

وكلام حلو من اعمامها ...ماهو الا تمثيل بتمثيل عشان ياخذون

حلالها..وبعد مايخلصون منها بيعطونها ظهرهم مثل ماسوو
ا
لابوها وجدتها قبل...آآآهـ بس ..."

رجعت البيت وكالعاده شفتها جالسه عند التلفزيون وتتابع

بانسجام...سلمت ..وجلست قريب منها ...لازم اليوم..اوضح

كل شئ..لازم من اليوم كل شئ يتغير..ومايستمر هالحال المتعب


هند"قهرني...يوم طفى التلفزيون..كانت الحلقه حماس..وخاصة

لما محبوبة اكتشفت...الكاميرات يالي مركبتها ..خالتي قماشه
بالبيت كله ..":ليه طفيته

محمد"ببرود":لازم نتكلم

هند:بايش

محمد:بكل شئ

هند"جلست اناظره استنى وش بيقول ..وطول بسكوته":مطول

محمد"بصبر":طبعا كنتي عارفه انه اعمامك راح يحاولون ..يخربون

كل الي سويته انا وجدتك..وكل خططهم فشلت..عن طريق الشرع

والقانون...كلهم بصفنا لانه حنا ع حق ..وهم ع باطل..

هند"انصدمت...توقعت ..بيقدرون..يرجعوني لهم ولجدتي..كلامهم

وطريقة كلامهم..كان باين انه أي حد بيوقف معهم..ويطلعون

هذا هو الخطا..":

محمد:طبعا انا جلست مع جدتك وتفاهمت معها وقلت لها..انه راح

نعطي انفسنا انا وانتي فرصه لمدة اسبوعين

اسبوعين..راح نعيش فيها كاي زوجين طبيعين..ونجرب كيف

راح تكون حياتنا مع بعض..اذا ربي كتب لنا نكمل مع بعض

راح نكمل باقتناع منا حنا الاثنين ..من غير محد ياخذ عنك أي قرار

انتي بنفسك راح تقررين بعد هالاسبوعين ..وبعد مانشيل كل

حاجز بينا..وكل فكرة سيئه كونها عن بعض..نعيش هالاسبوعين

بحلوها ومرها..نساند بعض ونكون عون لبعض...من غير أي

تمثيل او حواجز...اما اذا ماقدرتي تتقبلني بعدها ومصره ع رايك

انك ترجعين لجدتك..ول"سكت وحسيته نطقها بغصه":لسعد

وقتها مرخوصة يابنت عادل..ماراح اغصبك ع العيشه معي

ماراح اقولك انتي بزر ماتفهمين ..ولاتعرفين وش تبين من هالدنيا
ا
لا انا اعرف ان عقلك اكبر من سنك ماشاءالله عليك..وبتوافقين ع

الاقتراح الي قلته لك...وش قلتي

هند"مدري وش اقول ..ولا كيف ارد..كلامه عجبني ..وماعجبني..

عجبني..انه بعد هالاسبوعين برجع لحياتي مع جدتي ..ولسعد

وبنات عمي...وماعجبني..لانه هالفترة طويله..وغير كذا

يبي يرجع وضعنا ..مثل اول اسبوع بينا...بس وش بيدي..

مااقدر ارفض لان حريتي..معتمده ع هالتجربه وهالاسبوعين:"

موافقه

محمد"بابتسامه..وقف ومد يده لي":اتفقنا
ا
هند"مديت له..يدي..وسحبني لحضنه..الي لما ياخذني له..اضيع

ومااعرف مين انا..ولا وش احس فيه وقتها...باس راسي":اتفقنا
,

,
سارة"ماقدرت انام..وماقدرت اجلس..اعصابي..تلفت ..وانا افكر بالمصيبه هذي

انا مستحيل اوافق ع الادمي هذا ..مستحيل اتقبله كزوج..وخاصه انه كان

زوج اختي..تشاركو عمر ..وبيت..وعيال..لايمكن اكون بديلها..او بمكانها
ا
هالانسان مو صاحي لمجرد تفكيره ..لازم احصل حل..افكار كثيرة جات ببالي

بس ولا فكره..تنفع ..كلها افكار غبيه..خطيرة بخيالي..وغبيه بواقعنا..امي

متعلقه بعيالك ياسهام..كيف بحرمها منهم..وليه اضحك ع حالي..انا تعلقت فيهم

ولفيت..ع لين..كملت شهر..من يوم انولدت وتوفت امها..يممه..قلبي انعصر

بس يوم فكرت انها ممكن تبعد عنا..او تطيح بيد مرت ابو نسره تعذبهم..وبدت

تدور براسي انواع السيناريوهات..لمرت الابو الشريره ووش ممكن تسوي فيهم

تعوذت من ابليس..وحاولت استجمع افكاري..واحصل حل يرضينا جميع..

بس هذا هي..ع طول اخذت جوالي وارسلتها لاني مستحيل اقولها بالصوت

مهما كان انا بنت واستحي..وبشرح لها الموضوع..هي صديقتي..واختي

بعد سهام ..واكيد بتتفهم طلبي...
,
,
,
سلمان"عاقد حاجبه بتوتر":ومن متى انخطبت ..انا ماسمعت بالكلام هذا
ا
لايكون..ياعمي..تحاول تستغفلني..عشان مااخذ بنتك

ابوي:بزران حنا يابوعادل..لكن البنت صدق انخطبت قبل تتوفى اختها
ا
وعطينا الرجال كلمة..وكنا ناويين نملك..قبل لاتتوفى اختها ربي يرحمها

ويغفر لها..

سلمان"يهز رجله بعصبيه":والي افهمه الحين وش

ابوي:انك تدعي لها ربي يوفقها ويسخرهم لبعض..وانت ان شاءالله

بتلاقي..الي تسعدك..واذا تبي كلمت سارة تشوف لك وحده من صديقاتها
ا
كلهم ماشاءالله عليهم ماعليهم كلام..اصل وفصل

سلمان"وقف من غير نفس":نص ساعه..وراجع اخذ عيالي جهزوهم

ابوي:الحين قرب وقت نومهم وانت عارف بكرا دوام..خليها بكر
ا
سلمان:قلت نص ساعه واجي ..وجهزوا كل اغراضهم مالهم جلسه

ابوي"بتوتر":كيف يعني..حتى الصغيره

سلمان:وحتى الصغيره خلاص مكانهم عندي..وانتو كبار وساره بتتزوج

من بينتبه لهم

ابوي:وعندك من بينتبه لهم

سلمان"برفعة حاجب":مرت ابوهم ان شاءالله

ابوي"ماقدر يتحمل فكرة انه العيال يمشون":سلمان ياولدي وش ناوي عليه

سلمان"حس انه ممكن الكفة تترجح له":انا ياعمي..ماودي ان العيال يفارقونكم..

ولا ودي بوحدة غريبه تقوم فيهم..مااضمن خيرها من شرها..ومدري وش بتسوي لهم

من وراي..فعشان كذا طلبت يد بنتك سارة..لاني عارف محدن بيقوم بالعيال وكانهم عيالها
ا
الا هي..وبتخاف عليهم اكثر من نفسها..فعشان كذا"جلس عند ابوي وحط ايده ع كتفه":

لو صدق تبي عيال بنتك..وخايف عليهم..من مصلحتهم ومصلحتكم..سارة تكون هي

مرت ابوهم.."وقف":بعد نص ساعه برجع..يااني اخذ العيال..او اخذ سارة

الموضوع بيدكم
,
,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 07-08-2017, 05:59 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي



,
بدينا اول يوم ..من بعد ماتعشينا..جلست جلسه مطوله مع خالتي..تفهمني فيها

وش الزواج..ووش حقوق الزوج ووش حقوقي ...وكيف لازك يكون

التعامل بين أي زوجين..بالاحترام والموده..وكيف ان المحبه تجي من

بعد العشره الطيبه من بين الاثنين..بعد ماخلصت من جلستي معها
ا
توجهت لغرفتي..واخذت لي من الملابس الجديده الي طلبتها منها
ا
من بعد ماشفت سعاد عبدالله وكيف لبسها ..وكيف عجبني وحبيت

اكون مثلها باللبس والشكل...دخلت ع الحمام ..وتروشت ع السريع

وجففت شعري..يالله ليه مايصير شعري مثلها ناعم ويطير

من الهوا ..وش تسوي فيه عشان يصير كذا...ممم مينا سال عشان

اعرف طيب سالت خالتي وقالت لي ماتعرف...ياربي ..ناظرت لشعري

الي يوصل لنص ظهري..وكيف صاير كيرلي ..وع كثر ماامشطه

ابدا مايصير ...تذكرت طريقة جدتي لما تصلحه لي بالعيد...

وع طول اخذت المشط..وفرقت شعري وقسمته قسمين...وكل

القسمين قسمتهم بعد قسمين...اخذت اول قسم يالي بمقدمة ..الراس

وصرت امشطه..والفه حول راسي ع شكل عمامه..وسويت لشعري كله

الطريقة هذي...وطلبت من خالتي تقول لمحمد..لايجي الغرفه لحد مااخلص

من ترتيب شكلي...ليه ...انا جالسه اسوي كذا..لاني حافظه القران

واحاديث الرسول صلى الله عليه وسلم..يوم كنت ادرس عند المطوعه

لان جدتي ماكانت تعترف بالمدارس..وتقول مانعرف وش يدرسونكم ..

ووش تتعلمون منهم...واكتفت اني اتعلم القران..والاحاديث...والكتابه

والقراءة...لما جلست خالتي تكلمني عن الزواج..تذكرت الي درسته

والي تعلمته...وعرفت انه مايجوز اعصي زوجي..او افكر باحد غيره

طول ماانا ع ذمته..احيانا اكره نفسي..بسبب اني مو قادره اعيش

مراهقتي لكبر استيعابي وفهمي...بتفكيري احس ماافرق عن

جدتي وخالتي...افف ياهند...خلاص ركزي بيالي راح تسوينه..

انا لما اعطي كلمه احب اكون قدها وانا عطيت محمد كلمه...اني

راح اجر بالي قال عليه ونعطي انفسنا فرصة...وهو قال ماراح يجبرني

اني اكمل معه لو قلت ماابيه بعدين...هزيت راسي ..ورحت اكمل شغلي

وعاهدتي نفسي طول هالفتره ماراح افكر بسعد..ولا اكمل تخيلاتي

كيف راح تكون حياتي معه...اخذت الكحل العربي القديم...من خالتي

وكحلت عيوني..فيه بس ماعجبني شكلي ..احس صرت مرعبه

وخصوصا انه عيوني مره صغار...رحت ع الحمام وغسلته...

واكتفيت بالروج...شكله غريب ..ولونه اغرب خالتي تقول انه سحري

ولونه الاخضر هذا لما احطه ع فمي راح يصير وردي...حطيت

ع شفتي العلويه..وانبهرت من جد طلع لونهم وردي..ماطلع اخضر

وكل ماعدت ع شفايفي بالروج اللون صار اغمق...حبيته ..وبطلب

منها تجيب لي كم حبه غيره

بعد ماجف شعري فتحته...والحمدالله خف التكسر والترول يالي فيه..

طبعا ماصار نفس شعر سعاد..بس ارحم من قبل...مشطته..وخليته

مفتوح...وصلحت تنورتي وبلوزتي...وتوجهت للباب عشان اناديه

..يؤؤ وش فيه قلبي يدق بسرعه...ياربي..كيف بناديه ..ليه استحيت فجأة

هند وش صار لك...مو اول مره تنادينه...ومو اول مره تشوفينه

وش صار لك...اخذت نفس طويل وسميت بالله..":محمد
د
محمد"كنت جالس متملل والنوم..تمكن مني...ادور السرير وانام..وهذي الله

يصلحها طولت...وش عندها ...انتبهت ع صوتها ينادي..وع طول قمت

ادور السرير...دخلت الغرفه وماشفتها وينها تو نادتني ..قفلت الباب

الا هي وراه...ومنزله راسها وشعرها مغطي وجهها من كثافته...الجد

انفجعت..من الشكل...ومسكت ضحكتي...وش مسويه بعمرها ...وانا
ا
بالحيل ماسك نفسي..":الله الله وش هالزين

هند"بحيا":سويت مثل سعاد عبدالله

محمد:يالي بخالتي قماشه

هند"بخجل":ايوا
ا
محمد"ياربي ماابي احرجها ...ههههههههه":ياعيني وش هالزين غطيتي عليها
ا
هند"رفعت وجهي بفرح":جد عجبتك

محمد"حضنت وجهها بين يدي":انتي عاجبتني من غير هالاشياء...واحب

اشوفك...ع طبيعتك..تدرين ليه

هند:ليه

محمد:لان الشخص دايم يكون جميل ع طبيعته ومن غير أي تصنع او ادوات تجميل

انتي تشوفيني احط شئ من هالاشياء هذي

هند:لا

محمد:طيب برايك ليه مااحطها
ا
هند:لانه عيب انت رجال المراه بس تحطهم

محمد"مم توهقت هي صادقه ..":صح..كلامك..خليني اجيبها
ا
لك من منظور ثاني

هند"ناظرته احاول استوعب وش يبي يوصل لي":....

محمد:ممم..وش رايك بجدتك وامي...

هند:حلوين

محمد:ايوا..تشوفينهم يحطون شئ من هالاصباغ

هند"هزيت راسي":لا

محمد:طيب تشوفينهم مايحطون شئ..وتقولين عنهم حلوين

ليه ماتسوين مثلهم

هند"لويت فمي":طيب جدتي وخالتي حريم كبار...وبعدين

انا سمعت بالتلفزيون انه المراه لازم تكشخ وتحط كذا لزوجها
ا
محمد"احترت كيف اوصل لها..هو صحيح كلامها..بس لازم

تكون عارفه وفاهمه كيف بتحطهم..":طيب شوفي

هند:وش

محمد:بكرا راح اقول لامي تكلم خالاتي..تجيب بناتها ..منها تتعرفين

ع خالاتي الوحيده...وبناتها..ومنها تسالينهم أي شئ

يخص البنات وكيف تسوين هالاشياء

هنداستوعبت اخيرا وش يبي يوصل له..وانحرجت":يعني شكلي مو حلو

صح

محمد"بلعت ريقي وانا ماسك الضحكه":لا من يقول

هند"رفعت حاجبي..وتخصرت":احلف بس..كل هالمحاضرة الطويله

والعريضه ..وانت منت عارف تقول لي..ماعرفت اسويها...اختصرت

الموضوع وقلتها..ترا ماراح ازعل ..لاني مااعرف

هل الي سويته صح او لا..وانت بما انك زوجي تنبهني

مو تجلس تلف وتدور

محمد"انبهرت من كلامها وتفكيرها ..اكثر من مواقف يصير بينا
ا
ويبان لي تفكيرها يالي اكبر من سنها..تصرفاتها ..وكلامها..لو

ماكنت اعرف سنها ..اعطيها 20 سنه ماشاءالله عليها
ا
":هههههههههههههههههههههه ماشاءالله عليك

صدتيها وهي طايره

هند"تكتفت":ايوا يعني حط ببالك دايم تكون صريح

محمد"حطيت يدي ع كتفها..":طيب فضلا لا امرا يازوجتي العزيزة

ممكن تروحين تغسلين هالالوان يالي بوجهك..لانه قسما بالله

وش زينك من غيرهم...ومن بكرا ان شاءالله بوصي امي تكلم

بنات خالاتي وتوصيهم يعلمونك ويفهمونك كل شئ تبينه

وش رايك

هند"برضى..لاني اساسا مااقتنعت بيالي سويته بوجهي ..

انا نفسي انفجعت بس جا ببالي انه طبيعي..":اكيد

محمد:اكيد

هند"رحت ع السريع ع الحمام والقيت نظرة ثانيه ع خشتي..

وتعوذت من ابليس صدق اني مهبوله الكحل وقلت انه يفجع..

وهالالوان يالي بعيني..ماانفجعت منهم..وخدودي يالي حطيته

فيهم..كان حد مكفخني...ضحكت ع نفسي..وحطيت نفسي

بمكان محمد..لو انا بمكانه..مامسكت ضحكتي لبكرا..

غمضت عيوني..وتنهدت...ع اني احاول اتغاضى عن صفاته

الجميله واسوي حالي ماانتبه لها..بس غصب عني يوم عن

يوم يشغل حيز كبير بتفكيري ..بتصرفاته..وكلامه


وحنيته ..وحتى وهو مجافيني..بس انتبه له وهو يغطني

لما انام..ولما يسال خالتي عن وجباتي..وكيف قضيت يومي

يارررب...اهديني للطريق الي فيه صلاح وخيره لي بدنيتي

واخرتي....يارب

,
,

رشا"مو مصدقه..هذا من جده جا وتقدم..واثق الاخ ..بوافق..":

امي:وش قلتي يارشا..انا ماراح اقولك وافقي او ارفضي وانه مهب زين ولا بخبي عليك

انه تقدم لك لانه متزوج..انتي حره..حنا سالنا عنه وطلع رجال مصلي ومسمي ومافيه

عيب والكل يمدح فيه..بس انه متزوج ..ومعيل..حتى ابوك..يوم قلت له ماينفع للبنت

قال شاوريها..قبل..تستخير..وتقرر بنفسها لاتقول انه نرد العرسان من وراها..

انتي كبيرة وفاهمة..ولك الحرية باختيارك..حنا علينا قبل نشاورك..نسال..ونشوف

اذا هو مب زين ماجبنا لك خبر..زين..هذاك تشوفين..قلنا لك

رشا"مو قصة اني مو خجلانه..لان هالموقف مر علي كثير..يوم تجي امي وتشاورني

واردهم..بس سويت حالي..منصدمه ..وانه كيف عرفني..وع أي اساس جاي عندنا
ا
يخطب..واسوي حالي مااعرفه":بس يمه هو مين..وكيف عرفني وعرفنا
ا
امي:يقول ابوك..انه بنت اخوه معك بالجامعه ..وهي الي مدحتك لامها يوم جات تخطب لاخوها
ا
وهو سمعها..ويوم شاف انه الولد مايبي يتزوج..قال بيتقدم..

رشا:طيب دام تقولين متزوج وعنده عيال وش عنده يبي يعرس ثانيه

امي:يقول هو وحرمته مو بصلاح..ومخليها ع ذمته عشان عياله..ويعتبرون شبه منفصلين

رشا"نفس الكلام الي قاله لي..تتوقعين يارشا صادق..لان تصرفاته..وسهراته معي..

ومكالماته لي طول اليوم بالسنين الي راحت..كانت تثبت انه عزوبي وماعنده زوجه ولا عيال

مامره كلمني ..وحسيت انه يصرفني..او حوله ازعاج..كنت اصحيه من نومه..وكان يتغزل

فيني بحريه يوميا..":مدري يمه

امي:لاتستعجلين..استخيري..ولازم اعطيك رايي..انا اشوف انه افضل لك يكون

نصيبك..مع عزوبي..ماسبق له الزواج..يكون لك لحالك ومافي شريكة معاك فيه

رشا:ليه يمه ..مو كذا احسن..يعني يكون لي وقت خاص فيني يوم يكون معي شريكة

امي:انتي تقولين كذا الحين..لكن وقت الجد..لاصار في احد يشاركك..زوجك

وتفكرين انه الي يسويه معك يتسوى معها..وقتها بتعرفين ..انه مهب عادي..

وانه يحرق قلبك..وماراح ترتاحين..الحين انتي لك فرصه يومين كالعاده استخيري

وحنا معاك باي راي بتاخذينه ..وربي يسهل امورك..ان كان لك خيره فيه

ربي يسهل..وان كان شر ربي يبعده عن طريقك ويعسر الامور..

رشا"طلعت امي..وع طول اخذت جوالي..من صحيت من النوم مامسكته..

متوقعه انه ارسل لي..او اتصل..وطلع توقعي بمحله..30 مكالمه منه وواتس

ونصي..فتحت الواتس..وكان يترجاني اوافق..ولااهدم الحب الي بينا..صح انا

حبيته..وعشقته حتى..حبيت حنانه..واهتمامه فيني..حبيت كل شئ فيه..كنا نتكلم

طول هالسنوات يوميا..ونتشارك تفاصيل حياتنا..عمره ماغلط علي او حاول يسوي

حركات الشباب ..المعروفه والمقصودة من هالمكلمات..كان جنتل مان بحق وحقيق

مثقف..رايق..يشاركني اهتماماتي..وميوله من ميولي..صحيح انه بالاربعين

بس..تفكيره..شبابي..يعني يحب يتفرج مثلي ع الافلام ..يسمع الفنانين الي احبهم

يحب..الاجواء الرايقه..يحب السهر والطلعات...مهب مثل الشياب ..الي يفضلون

جلسه البيت ..عكس تمام زوج صاحبتي الي تدبست فيه..وهو بنفس عمره..

كانت تقولي انه عطالي بطالي..طلع من وظيفته يوم ملك عليها وضمن انها تدبست

فيه..وطلع من وظيفته..ويوم تزوجته..انصدمت بالشقه الي سكنها فيها..ع غروره

وانه عنده خير..ومايسكن الا بفنادق خمس نجوم ومسوي حاله..وسيارته بي ام

الا انه اتضح انه فشخره ع الفاضي من برا الله الله ومن جوا يعلم الله..يوم قال

عمره ع طول تذكرت مأساتها..وكيف انه طول يومه بالشقه..لاقالت له نطلع

قال وين نروح..مافي مكان..لاقالت له نسافر..قال وين برد وماينفع معي البرد

مع صدري..انفجعت المسكينه ربي يفكها منها..غشها بعمره..اذكر وقتها قالت انه

يوم تقدم لها..امه قالت لهم انه عمره 35 ولما ملكوا وشافته زين شكت انه شكله

35 وطلعت ميلاده من العقد..وطلع كذب بعمره هو وامه وطلع 45..انصدمت

وكنت اقولها تسحب عليه..بس ماسمعت شوري..وقالت انه العمر مايقدم ولا ياخر

ان شاءالله يكون..سنع وكفو..وطلع بعيد عن السناعه..ومن اشباه الرجال..يوم ضمن

انها صارت ع ذمته طلع من وظيفته..ومكتفي باسهمه..اذكر كثير كانت تتصل

وتبكي..وتشتكي..من الكذب الي تكتشفه..كان قايل لهم انه مطلق..وطلع ماطلق

وعنده بنت..وكانت عارفه انه متزوج بس هو وامه قالوا انه مطلقها وماعرفو
ا
صدقه من كذبه لانه طليقته بمنطقه ثانيه..كان يزورها دايم بيد ورا ويد قدام..

بادرت هي بالهدايا ع امل يحس ع دمه ولا جاب خبر..صار بينهم مشاكل..

وكانت تبي تنفصل..بس اهلها..ماوافقوها الراي..وهو ع باله ميته فيه..وكان

مغرور ومريض بالغرور..والتكبر ربي لايبلانا...اذكر اول مادخلت شقته صورتها
ا
لي..كانت فاضيه مافي الا غرفة النوم ..واثاثها قديم..والمجلس المأثث فيها
ا
ماصدقت كيف سكت له وهو كان يماطل سنه ع انه يصلح هالشقه..ولا المطبخ

حدث ولا حرج..اواني..مكسره صواني وصخه..والمضحك يقول امه وشركة

خاصه مشرفه ع الموضوع والتنظيف..والادهى من كل هذا..سكنها بشقه..كانها
ا
عماره باربع شقق كلهم بدرج واحد ومدخل واحد كل اخوانه مجمعتهم امه كانها خالتي

قماشه..لاحريه..ولا مدخل خاص ..طالعه بوجهها واحد نازله بوجهها واحد..

وكل هذا كوم..والي سواه كوم..اربع شهور جلست عنده عمره ماجلس جنبها او

مسك يدها..حتى..وكانت مهتمه بنفسها وبلبسها..ونظافتها..لكن هالادمي فيه

بلى..صحيح..بالبدايه انقرفت من ريحه وشكل ومفرش غرفه النوم القذر..وربي

رحمها انه اول ماتزوجت كان معها الدورة..واستغلت هالوضع..ماتدخلها لحد ماتنظفه
ا
ا
اذكر تقول لي وش اخلي ووش اشيل..غرفة كانها صيدليه..ادويه..عسل بكل مكان

ومفرش وسخ مقرف..اضطرت تاخذ من بيتهم..مفرش ومخده..عشان تنام عليهم بدل

القرف..الي هو فيه..ويوم تجي تنظف يبدا يتمشكل..وماقدرت تكمل نومته
ا
بقفص الطيور ..الي يسميه غرفه..وكان بخيل..لما تطلبه تروح تشتري اغراض

تنظف الشقه يجلس لها ليه وانا مب فاضي اطلع وانزل بالاغراض ومدري ايش

لحد ماكرهت تطلبه..والخسيس يوم يعرف انه معها الدورة يجي يطلبها حقه الشرعي

والحمدالله ربي حفظها ومادخل عليها..كثير اشياء كانت تشتكي لي

ربي ييسر امورها ويفكها منه قريب..والمصيبه انه سمعنا من زوجته

الاولى ..سبب طلاقها الي هي طلبته..كانت تقول ماقرب منها الا يوم

العرس..ومنها حملت..وخلاص تروح وتجي معه كانهم اخوان..مو زوج

وزوجة.."تنهدت"وجاني خوف..انه كل الي يسويه معي تمثيل..ويكون مصيري

نفس مصير صاحبتي..وسبب ابتعاده عن حرمته..يكون نفس سبب البلوة

الي ابتلت فيها صاحبتي...نفضت راسي من الافكار هذي..وقمت اتوضا

واصلي واستخير..وبتكون لي مكالمه ..طويله معه..قبل اقرر...

,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 07-08-2017, 06:02 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي




اليوم الثاني...بعد صلاة المغرب..جات عندنا خاله محمد
د
ومعها بناتها الثنتين..كانوا بنات..مثل العسل..جلسوا معنا
ا
وسولفوا وضحكوا..وعرفوني عليهم..وسولفوا لي عن محمد
د
وكيف يعتبرونه اخوهم الصغير..

ليلى:طيب خليني اكلمك عنا ياقمر

هند"ابتسمت لها انتظر كلامها":

ليلى:انا عمري 30 سنه.."وبحزن"زوجي الله يرحمه

توفى من ثالث سنه من زواجي وقتها كنت حامل ..بسطام..

يالي تشوفينه الحين يطامر كانه قرد

هند"ضحكت ع تعليقها":ههههههههههههه ربي يحفظه كم عمره الحين

ليلى:عمره الله يسلمك..خمس سنين ونص...وولدي الي اكبر منه

سلطان..عمره 6 سنين

هند:ماشاءالله الله يحفظهم لك..مم طيب..غريبه ماتزوجتي


ليلى:لا يااختي ويني ووين الزواج...خلاص انا اخذت نصيبي..

والحين بتفرغ لعيالي بربيهم..وان شاءالله تربيتي مهيب ضايعه
معهم
هند:انا قلت ليه ماتزوجتي..لانك بسم الله عليك مو باين انه عمرك 30

سنه ..وماشاءالله عليك جميله..فاكيد العجايز لما يشوفونك

يطلبونك لعيالهم...وخاصه ع كلام جدتي..انه الارمله ويالي

عندها ايتام..كثير يتسابقون عليها عشان يكسبون اجر تربية اليتامى

سارة:ومن قالك ماانخطبت كثير تقدموا لها واخر واحد..حماي

اخو زوجي الكبير...وحاولت معها عشان تجي تعيش معي بنفس

البيت بس عجزت عنها
ا
هند:اها
ا
ساره:ماعلينا الحين من ليلى وقصة الحزن حقتها
ا
ليلى:لا ياشيخه الحين صارت قصة حزن ههههههه

هند"استغربت منها كيف تسولف بكل اريحيه ..وحزنها

الخفيف جدا ع زوجها وطاريه":ممم ممكن

اسالك سؤال

ليلى"بابتسامه":تفضلي حبيبتي اكيد

هند"بتردد":يعني...ممم
ساره:انطقي وش عندك بيروح اليوم وانتي مممم ههههه

هند:هههههه لا بس مو عارفه كيف اوصل لك سؤالي

ليلى:ابد خذي راحتك وقوليه ع كيفك بفهم عليك

هند:ممم..يعني ماحسيت انك حزينه ع وفاة زوجك..وانتي

ليلى"تقاطعني":تبين الجد ولا ولد عمه

هند:الجد اكيد

ليلى:الجد وانا اختك..صحيح انه كان مصلي والكل يمدح باخلاقه

بس كان انسان مايتعاشر...دايم مكشر بوجههه وشايل الدنيا
ا
ع راسه..ويدخل البيت بهاوش ويطلع بهاوش...وكنت ناويه

انفصل عنه..بس حملي بسلطان ربطني فيه وقلت حرام..

احرم ولدي من انه يكون له عائله حاله حال كل الاولاد

هند"بتفهم لكلامها..":طيب وش سويتي

ليلى:ابد صبرت..واكلت تبن معه..كان كريم مع الكل..الا ع بيته

وولده...ومرت الايام والشهور وانا صابره واحتسب


والحمدالله ربي فرجها..وخذ امانته وريحنا وارتاح..لانه مثل ماقلت

لك شايل الدنيا ع راسه ههههههههههه

هند:الله يرحمه..يعني افهم من كلامك..انك عفتي الرجال

ليلى"وهي تصفق":عليك نووور جبتيها...

هند وساره":هههههههههههههههههههههههههه

ليلى "وهي توقف":قومي يالله ع غرفتك ورانا دروس كثيره

هند:دروس وش

ساره"وهي توقف معها":الله يسلمك..جاتنا توصيات كثيرة من

الوالده...ويالي كان سببها زوجك المصون..انه يبيك تتعلمين

كل شئ يخص النسوان..وحنا طبعا بالخدمه..

هند "بحرج":بتعبكم معي

ساره:افا عليك انتي اختنا من يوم ماصرتي زوجة الغالي حمود

ليلى:صادقه السوري..خلاص انتي الحين اختنا..واي شئ يحيرك

بخصوص النسوان..لاتتردين خالتي عندها ارقام بيتنا ..وباي

وقت اتصلي علي فاضيه ..ماعندي الا مقابل قرودي

هند:ههههههههههههههههههه تراماانعطى وجه

ليلى:ابد خذي راحتك...ههههههههه



حبيت هالبنتين..ماشاءالله عليهم..ذوق واخلاق..وحسن

تعامل..وخفة دمهم هذي اجمل شئ...الله يحفظهم لامهم

الي ماتفرق عنهم...هي وخالتي..تؤام..تفاجئت..لما
ا
قالوا..لي بس لان..ام ليلى ..تزوجت قبل خالتي بسنين

ومع الحمل والتعب...بان الكبر عليها اكثر من خالتي

....تعلمت منهم اليوم..اشياء كثيرة وجابوا لي اشياء كثيرة

خجلت اقبلها منهم..بس قالوا لي انه محمد ..اعطاهم الفلوس وقال

لهم يجيبون لي كل..شئ يشوفون اني محتاجة له..وهم

ماقصروا ...من استشوار الي طحت بغرامه اول ماعلمتني

كيف استخدامه...وكيف سوا شعري مثل سعاد عبدالله

ناعم..ويتحرك بحيويه...يالله حسيتا ني هبله

اول ماصلحته لي...نشبت بالمرايا..لمده ماتقل عن ساعه

وانا ماخذه شعري يمين ويسار...كان ودي تجيب لي اكثر

من واحد خوف انه يخرب..ويرجع شعري مثل قبل هههههه

بعد ماخلصنا من فقرة الشعر علموني كيف احط المكياج

وطريقة استخدامه..اول مابدت سارة تعلمني ..مسك

معي ضحك...مب صاحي لدرجة انه بطني صار يألمني

وسارة وليلى ..صاروا يتحمدون علي ..ظنوا اني انهبلت

ولا صار بعقلي شئ...ولما قلت لهم سالفتي مع محمد
د
ماشفت الا الثنتين ع الارض...فاطسين من الضحك

وكل ماجات ساره تعلمني ع شغله..تبدء فصلة الضحك

وتكمل...علموني كيف احط الكحل ..والظل..والبودرة..

والروج...علموني...اشياء كثيرة خالتي كانت غافله عنها

بحكم كبر سنها....اشياء كثير بنات من عمري مايستغنون

عنها...طار الوقت وللحين احس عند ليلى وسارة اشياء

ابي اتعلمها منهم...بعد العشاء...ودوعنا ..ووعدوني..

نتواصل دايم..واي شئ احتاجه..مايردني الا لساني

بعد ماراحوا..كنت متحمسه..يجي محمد..ويشوف

التعيرات الي صارت ..وكيف عرفت اظبط نفسي

انتظر..اشوف كيف بيناظرني بعجبه ولا لا...احساس غريب صار

كثير يهمني رايه...ويهمني اذا الشئ يعجبه ولا ..صدقت جدتي

قالت لي..انه الزوج والزوجه لما يجتمعون تحت سقف واحد..

ربي يمسح ع قلوبها ..وع طول تنولد بينهم الموده والالفه..شكله

هذا الي صار بيني وبين محمد...ثواني الا دخل ..وشفت بعيونه

نظرة اول مره اشوفها..مدري كيف افسرها..نظره خلتني

اخجل وانزل راسي ع طول...

محمد"كنت عارف..ان ليلى وسارة هم يالي راح..يساعدوني

بفضولها ..بس ابدا ماتوقعت انها تتغير وتحلو كذا..صحيح

لا قالوا ..المكياج يعمل الهوايل...ماانكر انه هند..شكلها مقبول

ومهيب شينه..بس مايقال عنها جميله..بس الحين مع هالاصباغ

الي بوجهها زانت..":ماشاءالله تبارك الله وش هالزين

هند"ع طول تخصرت":صادق هالمره..ولا تجامل

محمد"ضحكت ع ردت فعلها الطفوليه عكس شكلها الناضج":ههههههه

لا لا هالمره صادق

هند"نزلت راسي بحيا من نظرته":جد

محمد: أي والله جد..."مسكت يدها وانا للحين اناظرها باعجاب":ه
ا
وش رايك ببنات خالتي

هند"بسعاده":عسل والله عسسل ربي يحفظهم

محمد:يعني حبيتيهم

هند:كثيرررر

محمد"برضا":وهم بعد حبوك..وصاروا يوصوني عليك لدرجه اني

شكيت انك انتي قريبتهم

هند:جد محمد
د
محمد:أي والله

هند:جابو لي اغراض كثيرة وعلموني اشياء كثيرة..وقالو
ا
كل مره نلتقي راح يعلموني شئ جديد انا حيل حيل مبسوطه

وودي كل يوم اشوفهم

محمد"بابتسامه":شئ جميل اعتبريهم خواتك..واي شئ ودك فيه

ومنتي عارفه كيف توصلينه لي او لامي ..عندك ليلى وساره هم

بحسبة خواتك

هند"هزيت راسي ..وجلست اسولف له عن كل شئ قالوه لي وعلموني ..

ووريته الاغراض الي جابوها لي وصرت اعيد الكلام الي علموني

وفهموني عليه ...مرت ليلة حلوة وهاديه علينا وصدعت راس محمد
د
بسوالفي عن ليلى وسارة..ومالقيت منه الا الابتسامه والكلام

الطيب....





مرو الاسبوعين علينا..بسرعه..مروا وحسيتهم يومين ..سبحان

الله الايام الحلوة ...تمر بلمح البصر..الاسبوعين صارو شهرين

والشهرين..سنه..وانا كل يوم عن يوم يزيد تعلقي بمحمد..لدرجه

اني لاول مره اعرف وش هو الحب...محمد رجال..مافي له

مثيل..رجولته وشهامته وحنيته..عمري ماشفت مثلها حنون

علي وع خالتي وجدتي...صح جدتي جات تعيش معنا..

ماشاءالله مدري كيف يقدر يقنعها..كثير اعمامي حاولوا معها
ا
تنام بس لو ليلة بيتهم..وهي ترفض..ومحمد..مو بس خلاها تنام..

الا خلاها تنتقل معنا..عشنا حياة ..مافي اجمل منها..ومحمد
د
عوضني عن فقدان ابوي..الله يرحمه..صار امي وابوي..

وحتى يوم يزعل مني اذا تصرفت بتصرف غبي..كان

ينبهني..ويفهمني..وكان دايم يقول..لو زعلت او هو زعل لازم نتصالح

ومانحط راسنا ع المخده..الا وكل واحد نفسه صافيه ع الثاني

لان محد عارف اذا نام..ممكن يصحى بعدها..اذا قال لي

هالكلا يضيق صدري مااتخيل حياتي من غيره..محمد صار

حياتي..ربي لايحرمني منه..ويحفظه لي...كل شئ بحياتي الحين

تمام..بس شئ منقص علي..تاخر حملي..ودي..ابشره..انه

بيصير ابوا..وخالتي وجدتي..بعد كل شهر يسالوني..مافي

شئ بالطريق..للدرجة اني صرت اكره نفسي لما يسالوني

وماارتحت لا لما رحت مع محمد للطبيبة ..ومن بعد التحاليل

اكدت لي اني سليمه ومافي شئ يمنعني عن الحمل..وانه

ممكن تاخر الحمل بسبب تاخر سني..وقالت..ماعلينا الصبر

وباذن الله راح يكون في حمل..وقتها خالتي وجدتي هدوا..

وكانه حمل وانزاح عنهم....



كانت ايامنا حلوة...بس مافي شئ يظل ع حاله ..دوام الحال من

المحال..بعدها بفترة تعبت علينا خالتي..وصار يوم محمد..

يتنقل من مستشفى للمستشفى..يبي يطيح ع علتها..ومحد قدر يعرف

وبعدها باسبوع توفت ..تاثرنا كثير وتوجعنا...بس مو كثر

محمد...تغير كثير وصار انطوائي...واحترت كيف

اتصرف معه...مازال حنون..مازال محمد نفسه ..بس صار

دايم يحب يجلس لحاله..ودايم يسرح..والضحكه اختفت من

مبسمه...بوقت العزا اعمامي..وحريمهم وعيالهم..صاروا يزورونا
ا
استغربت كثير لانهم اقطعونا من بعد ذيك القضيه...وحتى بعد

العزا صاروا يجون لجدتي يوميا حتى سعد معهم..

وجدتي..حنت مهما كان يظلون قطعه منها..واستئذت محمد
د
باستقبالهم..ومااعترض ..قال لها البيت بيتها وتستقبل ايا
ا
كان....





بعد وفاة خالتي بشهر...صرت مره كسوله وبصعوبه اقوم

من نومتي...بس هالمره فزيت...وانفجعت من الي يصير

كان محمد وسعد يتضاربون قدامي وبغرفة النوم...مو قادرة


استوعب..وش يصير وسعد وش جابه هنا...لحظه لحظة..

هذا وين ملابسه وشلون جالس بملابسه الدخليه...اصواتهم

وضربهم صار يعلى ويعلى لحد ماتدخلت جدتي واعمامي فرقوا بينهم

ومحمد يسب ويتوعد..وفجأة لف علي وبكل احتقار..وغضب":وانتي

الله لايبارك باليوم الي عرفتك فيه وطاوعت جدتك فيه..روحي

انتي طالق طالق طالق...والله ثم والله ذبحك انتي وهو حلال..

لكن مابوصخ يدي ع ناس وسخه مثلكم...

هند"ابي اتكلم مو قادرة..مو فاهمه وش صاير لحظة..محمد طلقني..
,
,



"" انتهى..""


سنابي
jooj22661


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 08-08-2017, 10:20 AM
صورة Latifakhalid الرمزية
Latifakhalid Latifakhalid غير متصل
©؛°¨غرامي جديد¨°؛©
 
الافتراضي رد: سينتهي كل شئ مؤلم ذات يوم/بقلمي


روايهههه رهههيببه موفقه يارب â‌¤ï¸ڈâ‌¤ï¸ڈâ‌¤ï¸ڈâ‌¤ï¸ڈï؟½ï؟½ï؟½ï؟½البارت الجاي متى ياقلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 08-08-2017, 03:41 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


اقتباس:
المشاركة الأساسية كتبها latifakhalid مشاهدة المشاركة
روايهههه رهههيببه موفقه يارب â‌¤ï¸ڈâ‌¤ï¸ڈâ‌¤ï¸ڈâ‌¤ï¸ڈï؟½ï؟½ï؟½ï؟½البارت الجاي متى ياقلبي
تسلمين والله .... البارت الجاي قريب راح يكون اخر بارت انزله لان وقتها بنشغل بالاختبارات بس اخلص اخر يوم ع طول بجي وانزل لكم باذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 10-08-2017, 07:38 PM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


مساء النور

بكرا راح اسوي مسابقه ع السناب بخصوص الروايه ...والفايزة راح تقرا البارت قبل الجميع

سنابي
jooj22661


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 03-10-2017, 07:11 PM
الـــ غ ـــيد الـــ غ ـــيد غير متصل
©؛°¨غرامي مشارك¨°؛©
 
الافتراضي رد: سينتهي كل شئ مؤلم ذات يوم/بقلمي


السلام عليكم

ننتظر التكمله
الله يسعدك

الرد باقتباس
إضافة رد
الإشارات المرجعية

سينتهي كل شئ مؤلم ذات يوم/بقلمي

الوسوم
مُؤْلِمْ , ذَآتَ , يَوّمْ , سَيَنّتَهِي , شَيّءٍ , كُلَ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
و يا هل تُرى سينتهي قلمي ؟ صاحبي جرحي خواطر - نثر - عذب الكلام 4 07-06-2015 12:02 AM

الساعة الآن +3: 07:26 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1