اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-07-2017, 03:08 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي سينتهي كل شئ مؤلم ذات يوم/بقلمي


السلام عليكم ورحمة الله وبركاته


صبآآح الخير ... اخبار الجميع وان شاءالله كل متابعاتي القدما والجدد بخير ...رجعت لكم بعد غياااب طويل
وان شاءالله تكون بدايه خير لنا جميعا ...

ماراح اطول عليكم .. مع انه بقلبي كلااام كثير ..اشتياقي لكم ولتشجيعكم.. وتعليقاتكم وتوقعاتكم لكتاباتي البسيطه
وان شاءالله روايتي الحديده تنال اعجابكم وتكون بالمستوى المعهود وافضل بعد

المره هذي ان شاءالله تلاقون تطور بكتابتي وباحداث روايتي وابطالها... والقى منكم النقد باسلوبكم الرائع وتوجيهي باخطائي وتشجيعكم الحافز لي للاستمرار
بالروايه هذي راح يكون في جزئيه بالفصحى كتجربه اولى لي وراح تكون بالغالب عاميه لكن الفصحى راح تختص بسرد احداث احد ابطال روايتي حسيت الفصحى تليق فيها ومعبرة عن شخصيتها اكثر ... مااطول عليكم باذن الله السبت راح يكون لقاءنا باول بارت
دمتم سالمين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-07-2017, 01:24 AM
الهرة الهرة غير متصل
©؛°¨غرامي فعال ¨°؛©
 
الافتراضي رد: سَيَنّتَهِي كُلُ شَيّءٍ مُؤْلِمْ ذَآتَ يَوّمْ


هلاوغلا بزهرة الاوركيد
الاسم مار علي قبل
متحمسة للجديدك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-07-2017, 04:53 AM
صورة لحن آلحنين الرمزية
لحن آلحنين لحن آلحنين غير متصل
خبروه آن آلحنين اللي فـ ضلوعي مابكى الآ \ عليه ♥
 
الافتراضي رد: سينتهي كل شئ مؤلم ذات يوم/بقلمي


هلا وغلا تو م نور المنتدى بكبره
يالله ان تحيي زهره الاوركيدا او الجوري22


والله من شفت اسمك ع طول سجلت دخولي للمنتدى ع اني
دايم بقسم الروايات زائره وقلت الا ارحب فيك
متشوقه لإبداع وجمال روايات 2009 ترجع مع روايتك الجديده


ننتظرك ع احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-07-2017, 10:17 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سَيَنّتَهِي كُلُ شَيّءٍ مُؤْلِمْ ذَآتَ يَوّمْ


اقتباس:
المشاركة الأساسية كتبها الهرة مشاهدة المشاركة
هلاوغلا بزهرة الاوركيد
الاسم مار علي قبل
متحمسة للجديدك
ياهلا فيك والله..وان شاءالله تكون روايتي ع قد حماسك

منورة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-07-2017, 10:19 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


اقتباس:
المشاركة الأساسية كتبها لحن آلحنين مشاهدة المشاركة
هلا وغلا تو م نور المنتدى بكبره
يالله ان تحيي زهره الاوركيدا او الجوري22


والله من شفت اسمك ع طول سجلت دخولي للمنتدى ع اني
دايم بقسم الروايات زائره وقلت الا ارحب فيك
متشوقه لإبداع وجمال روايات 2009 ترجع مع روايتك الجديده


ننتظرك ع احر من الجمر
هلا فيك..منور فيكم والله...الله يحيك ويبقيك يابعد راسي انتي..

يامرحبا بمتابعاتي..الي كانو معي من بداياتي...وان شاءالله تكون روايتي..ع قد شوقك وتوقعاتك

منورة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-07-2017, 10:31 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي


صباح النور

كيفكم ..جميعا...ماراح اطول عليكم..اليوم موعدنا مع اول بارت..وان شاءالله يلاقي الاستحسان ..

ومتاكده اني راح اشوف واقرا تشجيعكم...وحماسكم الي راح يكون لي دافع اني اكمل
...

موعدنا اسبوعيا..كل يوم سبت باذن الله...وراح يكون لي تفاعل معكم...ويكون في مقتطفات وتشويق

يعني نسوي اكشن جديد وشغل مسلسلات واعلانات وكذ
ا


مدري اذا مسموح انزل سنابي..هنا او لا بس بنتظر الادراة..واذا مو مسموح تواصلوا مع ع الخاص

لانه راح يكون فيه ..المقتطفات..وممكن لو شفت حماس وتشجيع..تكون في لكم مفجاأت



والحين اخليكم مع اول بارت ..وقراءة ممتعة

سَيَنّتَهِي كُلُ شَيّءٍ مُؤْلِمْ ذَآتَ يَوّمْ








الحلقة الآولي......


نعم...احب الاحلام ..نعم احب الغوص فيها واعيش لحظاتي بها

نعم..كم اتمنى عندما اغمض عيني ..ان لاافتحها مره اخرى..تظل مغمضه ولاترى

نور هذه الدنيا...الاحلام..تاخذني الى عالم اخر ..عالم اكون فيه ..فتاة..كاي فتاة.. بهذه الدنيا

فتاة طبيعية..فتاة لها القدرة بعيش طفولتها ..ومراهقتها بين كنفي ام واب سعيدون لوجودها..

ام ..لها المقدرة بحماية اطفالها من اي خطر او وجع قد يواجههم..واب يقدر..النعمة الي انعم الله

عليه بفتيات ..قد يكونون سببا لدخوله الجنة اذا احسن تربيتهم ..اب لاتسود الدنيا بوجهه ويحمل ع اكتافهم

هموم الدنيا كلها فقط لانه رزق بفتاة..بعار جديد..اب لايكون همه..ومخططه..كيف يتخلص من العار ..الذي لحق به

لانه رزق بفتاة...آآآآآه..ياوجع قلبي ..انه صوت المنبه ...لا لا لا ..لماذا لما تستمر روحي بعالم الاحلام..يجيب ان افتح عيني الان...

انا مجبرة..ان افتحها ..ليس لي خيار اخر ...


,,,,,,,,,



وبرفق وبجهد اتعب روحي قبل جسدي ..فتحت عيني...اخذت نفسا عميقا نفسا موجعا ..يعلن يوما

اخر بهذه الحيا ...نظرت لناحيته ..وكما هو متوقع ..عقابي..وسجاني..وثاني اسباب تعاستي بهدذه الدنيا

يرقد بجانبي ..فاتحا فمه ليخرج ذالك الصوت القبيح ...كشاحنة عتيقه..تجاهد للسير..شخيرا

اوجع اذني ..ولما استطع الاعتيادعليه ..ليومي هذا ..رفعت راسي من المخده ..واخذت روبي..لاستر به جسدي

بعد ماان انتهى من انتهاكه

..توجهت لدورة المياه..وبدأت روتيني اليومي..بالاستحمام ..ومحاولة ..دائما وابدا نتيجتها..لم

تتغير ولن تتغير..جاهدة بفرك جسدي محاولة ازالة اثار ذالك النتن ..

اعيدت تلك اللحظات المقيته..براسي وانهرت جالسه .لما تقوى قدامي ع الوقوف ...من المفترض الان..

ان اكون اعتدت ع ذالك..ويصبح طبيعيا..لكن عقلي وروحي وجسدي..يأبون الاعتياد..

ماذا افعل ..آآآآه ..لو ان الانتحار جائزا..آآآه لو اني ضعيفة ايمان...آآه..لا لا لا ..

استغفرك يالله واتوب اليك...ياربي سامحني ع افكاري الغبيه...يارب اغفر لي..تفكيري..لكن ..

هذا الشئ غصبا عني..انا اؤمن بالله ورسوله ..وواثقه كل الثقه لو كنت بزمن رسول الله..وصحابته الاخيار..

ماكان هذا حال الفتيات اليوم..دائما..بعد ما ان ينتهي من افرغ شهوته بجسدي.. وانا نافرة. بكل خلية

بجسدي من انتهاكه المتكرر..كيف لديننا الحنيف عدم حمايتنا ..انا متاكدة ..ومتيقنه ان الدين الاسلامي

قد اعز الفتاة والمراه واكرمها ..عن باقي الاديان..لكن..لما لم تكن هناك احكام ..لاشباه الرجال..احكام

تحمينا منهم..لماذا ليس هناك حكم او حق..يجيز لي رفض رجلا يهينني ويضربني..ويعاملني اسوء معاملة..

كمعاملة البهائم...ثم ياتي ويستبيح جسدي ولايحق لي رفضه خوفا من ان تلعني الملائكة..

الرجل يهين يذل ..يسحق المراءة...ولايجوز لها رفضه ..ويجيب عليها ان تسلم نفسها له..وهي بكامل حلتها..

من ينقذني..من هذا الجحيم..هل ينقذني..تفكير والداي المتحجر...الرجل ..مهما فعل ..يظل

زوجك..ويجب علي ان اقبل يدي وجها وظهرا واحمد ربي ..لانه ستر علي..او ينقذني..تفكير امي

الزوجة..السنعه ..ع حد قولها..من تسمع كلام زوجها وتصبر عليه..مهما سوا ...وتسكت ..وتعتبر هذا اختبار

من الله..وانه هالدنيا ممر..والاخره ..ربي بيجزاني..الجنة..كيف واذا كنت ابغض هذا الزوج..

ومتاكدة..ومتيقنة..اني لااقوم بحقوقه برضاي..وهو ..يستعمل ذالك سلاحا ضدي..

اني لن ادخل الجنة لعدم رضاه علي..ولن اشم رائحتها..ودائما يردد مقولته..ان الرسول ..عليه الصلاة والسلام..كاد يامرنا

ان نسجد للزوج..لعظمه...ولكني لااراى هذه العظمه انسان..لافائدة منه بالحياة..سوا النوم..والاكل..

واهانتي وضربي..وتفريغ شهواته...اين هي تلك القوامه التي تحدث عنها القران الكريم..اليس معنى

القوامة..قيام الرجال ببيته..وصرفه ..عليه..اما ماذا..فانا اقوم بكل ذالك..انا من تقوم بالصرف عليه واطعامه..وتسليته

اين حقي...اين انصافي...عاداتنا وتقاليدنا ..طغت ع احكام وشريعة الله ورسوله..وحتى عندما نويت التمرد..وذهبت

الى المحكمة..خفية..واخبرت القاضي بكل مايحدث..متأملة بانصافه..وبخني..ونهرني..كيف تجرأت ..التكلم..

عن زوجي..هكذا فهو ستري وغطاي..وانه هذا دلع بنات..وجيلنا لم يعدكفوا لتحمل

هذه المسؤلية العظيمة كالزواج..وان زوجي لم يستطع ان يربيني...لا اراديا خرجت مني ضحكة..استهزاء

لما تصل الى مسامعه..وبعد التوبيخ..اعطاني حلا تعجيزيا..بما انك مو كفو..زواج..تقدرين تفكين الرجال

منك ومن شرك..بس عوضيه ع كل الي خسره عليك..من مهر واكل وشرب..كل شئ صرفه عليك من يوم دخلتي بيته..

فتحت عيني ع اخرها من هول الصدمة...من ينصفنا من ينقذنا..من هذا الجحيم ..هل يعقل ولدت بهذه الحياة

لاعيش مذلوله مهانة مسلوبة من حق العيش كانسانه..اليس من المفترض ان يقوم هو بتعويضي

سنوات من عمري انقضت بجحيمه..ولم القى يوما سعيدا ولم ابتسم بسعاده منذ ان اصبحت زوجته

خرجت..اجر اذيال الخيبه..بعد ان كنت..متأملة..بوجود بصيص من الامل..لاني فتاة..يجب ان احمد

ربي..وارضى واقبل ..بمصيري دون ادنى مقاومة...


,,,,,,,,,,,,,,,
اقفلت ..الماء ..واخذت اجفف جسدي..واستعد لبداية كفاح مستمر...ارتديت ملابس العمل...وخرجت ..الى

المطبخ..لاجهز طعامه..

مدتت يدي وانا كارهة ذالك..”:أيوب ..أيوب...

أيوب”متقلبا للجهه الاخرى”:..........

بتنهيده ..”:اخلص قوم لاتاخرني مثل كل مره ..وينخصم من هالمعاش الي يادوب مكفينا

أيوب”مستمرا..بتقلبه”:

هذه اخر محاولة..”:بتقوم ولا بكيفك ..انا رايحه اصحي البنات ..وانزلهم عند جاراتنا وانت اذا ماصحيت..بكيفك

الاكل جاهز..متى ماصحيت

,,,,,,,


“....انا اوريك ..يالخسيس ..حقيررررر...اجل انا تلعب علي ..انا تضحك علي

وربي مااعديها لك..اصبر علي مثل ماقلبت حياتي ..بقلب لك حياتك..”:

خلود”تحرك يدي”:ياهووو..اكلم نفسي انا

رشا”بقهر”:وش فيك انتي بعد

خلود”رفعت حاجبي “:وش فيني ..كملي وش بتسوين

رشا”بتنهيدة قهر”:قهرني ياخلود ..قهرررني..ودي ابكي ..ودي اصرخ ..واصيح ع الدنيا كلها..

الحقير هذا يستغفلني..اربع سنين ..معيشني بوهم...عمري ماحسيت حتى لو لحظه وحده..

انه متزوج..ولا عنده ولد وبنت ..ومعيشني بوهم ..انه عزوبي..ولا الطامة الكبرى..كاذب علي بعمره

مسوي فيها العشريني المكافح ..الشايب العايب

خلود”بموعظة”:ياما نصحنك قلت لك اتركي عنك هالدرب..مايجي منه صدق..بس ماطعتي

رشا”والعبرة خانقتني”:خلاااص خلود والي يرحم والديك..الي فيني مكفيني

خلود”تطبطب..ع كتفي”:خلاص ..اهدي ..ونكمل بعدين ..اليوم برجع معك ونتغدا..ونشوف

لنا حل ..نادب..هالواطي...الي ع باله البنات لعبة له هو ونزواته

رشا:خلاص خلود لاتجيبين طاريه خلي اليوم يعدي ع خير..انا بالحيل ..قدرت اداوم

خلود:طيب يلا سريع ..لاتطردنا الدكتورة

رشا :يلا

,,,,,,,,


ماني قادره انام تعبت تعبت من التفكير بالي صار ويالي راح يصير

الى متى ..الى متى وانا من مصيبه لمصيبه اكبر ..غمضت عيوني

احاول انسى واتناسى الوضع الي انا فيه لو فتحتها ثانيه بس ..مستحيل

لازم ارضى واقتنع بالي ربي كتبه ..تنهدت من قلب وقمت ..اتوضى

واصلي ركعتين لربي ودعيتهم دعيت اني ربي يفرجها وييسر الامور



قبل عشرين سنه ....

ام عادل :ياوليدي هالبنت يتميمه ومالها من بعد الله غيرك ..انا زوجتك اياها

ابيك تحفظها وتصونها وتحميها من كل ظيم راح يجيها ..لاتخليني اندم اني

وثقت فيك وقدمتك ع عيال عمها

محمد:لاتشيلين هم ياعمه هند بتكون بعيوني وماراح اقصر عليها بشئ

وبتكون معززة ومكرمه ببيتي وماراح تسمعين عنها الا كل الي يسرك

ام عادل: وهذا العشم ياوليدي ..يالله دقايق واناديها لك

وقفت بصعوبه ع عصاها ومشت لغرفتي..وتدعي ربي انه يوفقني ويجمع مابيني

وبينه بالهدايه ....دخلت علي وانا كنت العب بعروستي الي هي سوتها لي

وماكنت ادري ولا اعرف وش يصير حولي ومثل مايقولون مدري وين ربي

قاطني فيه ...

ام عادل:يلا يمه ياهند البسي عبايتك وتعالي معي

هند بفرحه: بنروح لبيت عمي جدتي صح

ام عادل "وهي تهز راسها لما شافتني انط من الفرحه ع بالي رايحه لبيت عمي

بيت الحب ":يلا يابنت اخلصي

هند"صرت اجمع اغراضي وعروستي بسرعه ..وحطيتهم بالكيس ..واخذت

عبايتي ولبستها وطرت وراها خفت تروح وتتركني "مشيت وراها وانا مبسوطه

بشوف بنات عمي اليوم وبشوف سعد ..سعد ولد عمي اكبر مني بعشر سنين

احبه لانه طيب وحنون معي من بين كل اخوانه ...دايم يسولف معي ويشتري لي

العاب وحلويات ..ويضحك معي..تعلقت فيه وحبيته لانه يذكرني بابوي الله يرحمه

وكانوا بنات عمي يقولون لي سعد ناوي يتزوجك ويحبك ..وبيكلم جدتك عشان

يخطبك منها وتجين تعيشين معنا..وانتظر هاليوم قبل بكرا ..بس محزني اني

بترك جدتي لحالها ..من لها غيري ..بس هي تقول هذي سنه الحياه ..والبنت

مالها الا زوجها ...هههههههه ياربي متى متى بس يخطبني ....وصلت المجلس

واستغربت ..لما سمعت صوت جدتي تقول هذا هي هند يامحمد ..انا سلمتك الامانه

اني كنت موكله فيها وصارت امانتك أي شئ يضيمها او يفرحها بذمتك انت

محمد"مبتسم":ازهليها ياعمه مالك الا الي يرضيك

هند"فتحت عيوني ع الاخر مو مستوعبه وش يصير ..مين هالرجال وكيف

جدتي مدخلتني عنده ..وهي الي تعصب وتشيل الدنيا من هواشها لو شافتني

ماره بس من عند رجال ولا شافتني اسولف مع ولد عمي ..وهالمره داخله

ع رجال غريب وتقول هذي هند امانتك وش الي صاير ..ماقدرت اتكلم

مو عارفه وش اقول ولا وش افكر فيه .."

ام عادل"لفت علي وصارت تمسح ع راسي بحنيه":يمه هند ..هذا محمد زوجك

من اليوم راح تروحين معه ..وتعيشين معه ..ومثل ماكنت تقومين ببيتي ..

تقومين ببيته الي هو بيتك الحين..خلك بنت سنعه وهبت ريح..مثل ماعهدتك

واسمعي كلامه ..واي شئ يقوله لك تقولين له سم وع امرك ...

هند"جلست اناظرها احاول استوعب وش تقول احاول افهم بس وش تقول

حسيتها تتكلم بلغه اول مره اسمعها وماعطتني حتى مجال اسال واستفسر.."

ام عادل"لفت ع محمد": يالله خذ حرمتك وتيسر

محمد"وقف ..ومشى لعند الباب ":يلا ياهند

ام عادل: يلا يابنت ورا رجلك

هند"مشيت وراه ومو فاهمه وش يصير وش زوجك ووش روحي معه ..

المشكله مخي رافض هالشئ ومو مستوعب وش يصير بس جسمي منقاد

لاوامرهم ..ومشيت وراه ..مشينا لحد ماوصلنا لسيارته واحترت وين اركب

وشلون اركب معه ..مين هذذا وشلون بين يوم وليله صار زوجي شلون

انتبهت ع صوته وهو ينادي..

محمد: يلا ياهند اركبي "فتح لي الباب للمقعد الامامي ..

هند"ركبت من غير أي اعتراض ..مخي موقف عن التفكير كل اشوفه ..فراغ

ابيض ..وعجزانه اتعدا هالفراغ ..ولا اشوف وش بعده ..دقايق الا وقف عند بيت

فرق بينه وبين بيت جدتي..بيتها شعبي وبحي شعبي ..اما بيته ..غير الحي وشكل

مختلف كثيرر..ثواني الا هو نزل وقال لي انزل ..نزلت ..ومشيت وراه ..دخلنا

البيت ..ووقفنا بالصاله ..

محمد:يمه ..يمه

ام محمد"جات وبحنيه نادتني":هلا هلا والله بهند ..تو مانور البيت يابنتي

افتحي وجهك مافي حد غريب

هند"بانصياع..رفعت الغطا عن وجهي ومشيت لعندها وحضنتنتي"

ام محمد:شلونك ياهند

هند: الحمدالله

ام محمد:ياهلا بزوجة ولدي ياهلا ..عذرينا يابنتي كان ودي نسوي لك عرس

مثل باقي البنات ..بس تعرفين ابو محمد الله يرحمه مامر ع وفاته غير 3 شهور

وصعبه نسوي..بس اوعدك بعد مااطلع من العده اسوي لك عزومه ماصارت

ولا استوت كم هند عندي ..زوجة الغالي ..ربي لايحرمني شوفتكم

هند"وللحين مو مستوعبه وش يقولون بس اهز راسي كاني هنديه ":


ام محمد:يالله ياولدي خذ حرمتك وروحوا غرفتكم ..وتفاهموا مع بعض

محمد "بابتسامه":ان شاءالله .."ولف علي .." يلا ياهند مشينا

هند"مشيت وراه لحد ماوصلنا للغرفه دخل ودخلت وراه ..جلس ع الكنب

وناداني اجلس جنبه وجلست .."

محمد"مسك يدي بحنيه وبابتسامه":هلا بهند تو مانور البيت

هند"ابتسمت له ببلاها موفاهمه شئ":

محمد:جدتك قالت لي عمرك 15 صح

هند"هزيت راسسي ":أي

محمد:وتقول انك حافظه القران وختمتيه كم مره ماشاءالله عليك ..وسولفتي لي

كثير عنك وانك سنعه وانتي الي قايمه بالبيت..وان شاءالله ..بتقومين ببيتك

وامي معك وبتعاونك وتعاونينها صح

هند:أي

محمد:طيب يلا قومي افسخي عبايتك ..وتعالي افرجك ع الغرفه وع اغراضك

طبعا كل اغراضك امي وصت بنات خالي يشترونها وجهزو لك ..لان جدتك قالت لها ..لان مافيها

حيل تنزل السوق وتشتري معك..واذا ماعجبك شئ..انا بنفسي اوديك للسوق

واشتري لك كل يالي خاطرك فيه

هند"للحين مو مستوعبه وش يصير ..":طيب

وقفت وراه ومشيت ..وفرجني ع كل شئ بالغرفه من دورة مياه للدولاب وملابسه

وملابسي ..وكيف يحب يشوف اغراضه وكيف يكون ترتيبهم..بعد ماخلصنا

طلعنا ..عند امه وكان العشاء جاهز...

ام محمد:وراك ياولدي طلعتوا كنت برسل لكم العشاء

محمد"يبوس راسها":وليه ترسلينه يالغاليه ...انا قايل لك كل وجباتنا بتكون معك..

ماراح يتغير شئ من بعد ماتزوجت

ام محمد بابتسامه":يالله اجل بجيب السفره

محمد"لف علي":هند روحي مع امي عشان تتعلمين

هند"مشيت وراها..وشفت المطبخ حبيته حيل ..غير غير عن مطبخ جدتي..

حتى الفرن غريب عن فرنها..انتبهت لي وكلمتني بحنيه

ام محمد:اكيد كل شئ مختلف عليك وبتقولين كيف بتعلم..بس كل يوم راح اعلمك

كيف تستخدمين الفرن..وكيف تستخدمين المكنسه الكهربائيه وكل شئ

بس اليوم بما انك عروس ..وولدي الله يصلحه مو راضي يروح ويسافر معك

خايف يتركني لحالي...بخليك ع راحتك متى ماحبيتي تتعلمين ..تعالي عندي

هند"لا اراديا ابتسمت لحنيتها":ان شاءالله

اخذت منها السفره وحطيتها وساعدتها بالعشاء وجلسنا نتعشى ..طبعا

طول وقتي اتنقل بالنظر بينه وبين امه وكيف يسولوفون ويضحكون

بعد ماخلصنا العشاء قمت مع عمتي..وشلت معها السفرة ..ولما جيت

بغسل الصحون..منعتني وقالت لي اروح لمحمد...طلعت من المطبخ

وتوجهت للغرفه ..وشفته جالس ع السرير ..وابتسم لما شافني

محمد:يلا ادخلي الحمام ..وتوضي وتعالي نصلي

هند:بس انا صليت العشاء ومابعد ياذن الفجر

محمد"بابتسامه":أي هذي نصليها وندعي ربنا يوفقنا ويجمع مابينا بالصلاح

هند"هزيت اكتافي مو فاهمه شئ ..وسويت الي قاله .."

صلينا وبعدها لف علي وحط يده ع راسي وصار يدعي ..بس مافهمت وش قال

بعدها وقف ومسك يدي ومشيت معه وجلسنا ع السرير ..جلس يناظرني بنظرات

غريبه ..ومو مفهومه..قرب مني وصار قلبي يدق بسرعه ..مو مستوعبه وش يصير

حضني..وحسيت باحساس غريب ..احساس مو عارفه وش افسره ..ولا وش

يقال عنه...بعدها باس راسي ..وحط راسه ع المخده ..وغمض عيونه..جلست اناظره لدقايق..ومستحيه..كيف الحين بنام

جنبه..بس النوم غلبني..ومافيني افكر ..كيف ولا استحي..حطيت راسي ع المخده مثله ونمت

,,,,,,,,,,,,,
حاليااا




,,,,,,,,,,,,,,


مذكراتي ..العزيزة..ها انا اعود لك..بعد عملي..وبفترة غدائي..استرق اللحظات

والدقائق ..حتى ..افرغ يومي فيك..اخرج ماهو مكبوت بصدري...لولاكي..لما

استطعت الاستمرار..ع مااظن..انتي واحلامي وخالتي ..وسيلتي للهروب من واقعي المر

“رفعت نظري للنافذه..انظر للفتيات..يآآآآهـ كم اتمنى ان اكون مكان وحدة منكن

ضحكاتكم..ابتساماتكم ..حتى..عبوسكم..فلا اتوقع سببه مريرا ..كمرارة حياتي

كان من المفترض ان اكون واحدة منكن..اتمشى مع احدى المجموعات تلك

حاملة حقيبتي ..وكتبي..واكبر هم لي ان اسرع كي لااتاخر ع محاضرتي

..توجه نظري لفتاة طويله تقف عند باب المبنى ممسكة بيد دفتر محاضراتها

وباليد الاخرى تنظر الى الساعه..وتحرك قدمها اليسرى ..بشكل سريع..

ابتسمت..هاهي اتيه لاتغضبي..هاقد اتت صديقتك..لااعرفها..ولكن دائما تجذبني

وتشد انتباهي..بجمالها..الطفولي..وابتسامتها المشرقه..وحركاتها الطفوليه عندما

تحاول التخفيف من غضب صديقتها بسبب تاخيرها المستمر...لااعرف لما

انتظرها بشوق حتى ارى ماسترتدي اليوم..تنورة رماديه تصل الى منتصف ساقها..

الذي يتخلله خلخال..منتهي بفراشة..ورديه..وحذاء رياضي..مندمج بين الوان ثلاثه

الابيض..والوردي..والرمادي..وتيشرت ابيض ..بنصف كم..يتخلله رسومات..

وحروف انجليزيه...وشعرها..مااجمله..عليهها..لكن لايعجبني..قصره..فانا من رايي

جمال الفتاة بشعرها...لااقول يجب ان يكون طويلا ..ولا قصير لكن متوسطا

...ارجعت نظري لمذكرتي..اكمل تفريغي..ورفعت مره اخرى...لارى انها اختفت

..تنهدت...لماذا غادرتي هذه المره ..اسرع عن ذي قبل..العادة يطول..نقاشك

مع صديقتك..وتعطيني وقتا لتاملك...وتخيل نفسي مكانك....

,,,,,,,
“:ام هدى..ماتملين ..وانتي مقابله هالنافذه ..ودفترك..تعالي اجلسي معنا

ام هدى”رفعت نظري لها وابتسمت..”: وش اسوي يام سالم ..فرصتي..اذا رجعت البيت ..ماعندي..

وقت يادوب اخذ البنات...وابدء اجهز الغدا وانشغل معهم...وع ماينامون..خلاص انتهت طاقتي ..وانام معهم

ام سالم:ماعلينا كلمني بوسالم امس يقول في وظيفة سكيورتي..متوفرة..اذا زوجك..يبي يقدر يدخله

فيها
ام هدى”تنهدت ..وظيفة...تعبت من الاعذار التي اخبر الناس عنها لكي اغطي..عن بلادة..وكسل

المسمى زوجي”:يالله تعبتكم..معي..اشكريه لي..وان شاءالله ببلغ ابو هدى..وان شاءالله تكون نصيبه

ام سالم:الله يهداك اي تعب..حنا خوات ونعين ونعاون..وان شاءالله تكون من نصيبه ..راتبها بينفعكم

ام هدى”اي عذر اختلقه لك الان..ماذا اخبرهم..هل اخبرهم انك..رجل عاطل..تحب النوم..والكسل

ووظيفتك بالحياة..النوم والاكل ..واستبعبادي..ولاتفكر..بان تجهد نفسك..وتقوم بدورك

كرجل..تعيل بيتك ..واطفالك”:ان شاءالله..”اشحت نظري لساعتي”:يلا انتهى البريك..بقوم الحين

وانتي كملي غداك..لاتجيك..ام سافانا معصبه انك تاخرتي عليها

ام سالم:مع نفسها..ههههههههه

ام هدى”وانا اتخيلها قادمة ..ووجهها الابيض محمرامن الشمس..ومزاجها متعكر من مشادادتها اليوميه

التي لاتمل منها مع الفتيات...”:هههههههههههه يلا عن اذنك

,,,,,,,,,,,,,,,,,,,,,

خلود”بعصبيه”:وبعدين معك..لازم بكل شئ تسوينه تتاخرين

رشا”بضحكه”:روقي..يابنت ..روقي ترا بتطلع تجاعيد ..بسبب عصبيتك

خلود”عابسه بوجهها”:ها ها ...بالله ...اخلصي يالله ميته جوع ..

رشا”ببرود”:ومن قال لك اني بتغدا معك..نسيتي..انه اليوم بنمشي..للخبر مع ابوي..وشويات

وجاي
خلود”تضرب راسها”:يالله راح عن بالي..وابوك..ماطلع براسهه تمشون الا الحين..انتظر للعصر

يعني يوم تروحين الحين اجلس لحالي ..

رشا”وحنا نمشي للوكر..اخذ عبايتي..”:مدري وش الي خلاه يعزم..اصلا ماجا ببالي اسال..ليه

من التبن..ضيع مخي وتفكيري

خلود”لو عطتني بال..ماراح اخلص من سالفته”:خلاص ..خلاص عرفنا..روحي لاتتاخرين ع

ابوك..مع انه بتتاخرين..حتى لو انك واقفه عند السياره ...لازم تتاخرين ...

رشا”تو بتكلم الا جوالي يرن..”:احمدي ربك انقذك ابوي ..من تحلطمي..يالله اشوفك الاحد

خلود|”تحضني...”:انتبهي ع نفسك..وعطيني خبر باخر التطورات

رشا:وانتي بعد ..يلا سيا

خلود:سيا

,,,,,,,,,,,,,,,,
نرجع لذكريات هند ............\

صحينا الصباح وفطرنا ..مع بعض ..وجلسنا انا وياه بالصاله ...

محمد:جدتك تقول طلعتك من المدرسه صح

هند:ايو
ا
محمد:اي سنه وقفتي عندها

هند:مادرست من الاساس..كنت تو سجلت بالمدرسه..وبعد ماتوفوا اهلي..طلعتني منها

محمد"هز راسه باسى":طيب ودك تكملين

هند"هزيت اكتافي ":مدري

محمد:يعني ماودك تروحين المدرسه تشوفين الدنيا وتتعرفين ع اصدقاء

هند:مدري

محمد:طيب ودك اقدم ملفك وتكملين ..وتشوفين الوضع اذا يعجبك ولا لا

هند:الي تشوفه

...............


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-07-2017, 10:32 AM
صورة زهٍرٍة آلآوٍرٍكَيَدً الرمزية
زهٍرٍة آلآوٍرٍكَيَدً زهٍرٍة آلآوٍرٍكَيَدً غير متصل
©؛°¨غرامي مجتهد¨°؛©
 
الافتراضي رد: سينتهي كل شئ مؤلم ذات يوم/بقلمي



مر اسبوع وانا معهم بالبيت وكل الي يصير ع بالي انه حلم وبصحى

منه مستغربه من حالي كيف مااعترضت ولا طلبت أي تفسير ع كل الي

يصير ..ماانكر انهم طيبين معي وكل الي ابيه يجيني قبل اطلبه ..بس

مو حابه اني اكون معه بغرفه وحده ..مو متقبله الي يصير بينا ..حاولت

اشكي لامه قبل يومين..بس هي قالت لي عادي وهالشئ يصير بين أي زوجين

ومع الايام بتعود..بس مااقتنعت ..احس هالاشياء عيب يسويها ..وخجلانه من

نفسي كيف اسمح له..وكيف جدتي رضت له ياخذني ويسوي كذا

اكيد هي ماتعرف لو تعرف هاوشته وبتضربه بعد..هذاك اليوم لما شافت

ولد عمي يعطيني كيس الحلويات..عصبت وقومت الدنيا ..اجل كيف وهو

يسوي كذا معي..قطع تفكيري صوته

محمد:هند

هند:هلا

محمد:وراك طول وقتك ساكته الي فهمته من جدتك انك تحبين السوالف ..وحركيه

مااشوفك الا ساكته وجالسه ..وكانك وحده ضايعه

هند"ترددت قبل اتكلم بس لازم افهم وش يصير ..":الصراحه

محمد"يحثني ع الكلام":أي تكلمي قولي كل الي بخاطرك

هند:مو فاهمه وش يصير وكيف بين يوم وليله جيت عندك وصرت زوجي

شلون وكيف

محمد"بابتسامه":بس هذا الي محيرك ولا يهمك ..الحين اقولك كل شئ

ببدء اعرفك عن نفسي وعن امي..انا اسمي محمد عمري 25 سنه ..ابوي

الله يرحمه كان صديق ابوك الروح بالروح وكانوا مايطلعون ولا يروحون

مكان الا مع بعض ..وتجارتهم واشغالهم مع بعض وامي كانت مع امك

الله يرحمها وحالهم نفس حال ابوي وابوك..وكانوا دايم يتجمعون مع بعض

وكنت اشوفك..وكنتي تلعبين معي ...ومتعلقه فيني حيل ..معقوله ماتذكرين

هند"عقدت حواجبي وحاولت اتذكر أي شئ من الي يقوله بس ولا شئ حضرني

":لا والله مااذكر

محمد:ممكن لصغر سنك وقتها ..وكبرتي وبعدنا عن بعض نسيتي..المهم..بعدها

بفتره سافر ابوك وامك الله يرحمهم للحج وخلوك عند جدتك..ووقتها ابوي بعد

كان ناوي ع الحج بس ربي ماكتب بسبب وفاة جدي الله يرحمهم جميع..بوقت

رجعتهم صار الحادث ..وتوفوا وانتقلتي لجدتك ام ابوك..طبعا ابوك ..معروف

عن خيره وعمامك حاسدينه ومقاطعينه بسبب انه مارضى انه يستغفل عن طريقهم

وماحب يشاركهم وشارك ابوي وبعد ماتوفى كلهم صاروا يبونك تعيشين معهم

وكلن بيقوم فيك بس جدتك اعترضت وخاصه ابوك الله يرحمه موصيها وكان

قلبه حاس انه ماراح يرجع..

هند"مو مصدقه الي جالس يقوله":وانت وش عرفك بكل هذا..

محمد:من امي وجدتك..الحين تبيني اكمل ولا

هند:كمل الله يخليك ابي افهم انا وش جالس يصير معي

محمد:طبعا لما الكل صار يطالب فيك مو حبا فيك ولا حبا بكسب الاجر بتربيه يتيمه

لا كانوا طماعنين بخير ابوك وكل واحد يفكر يزوجك واحد من عياله وجدتك

كانت عارفه هالشئ ...وكانت واقفه لهم..وهذا الي كان قاهرهم..وكان لهم تفكير

ومخطط وجدتك لها تفكير ومخطط غير..

هند : الي هو

محمد:ابوك الله يرحمه قبل يروح وصى جدتك وابوي ..انه بعد عينه يبيك تكونين

زوجة لي..بتقولين ليه ..ووش معنى انت ..بقولك ابوك ذاق الوجع والويل

من اخوانه ...قبل لايتعرف بابوي ..كان من غير شغل ..وحاول مع عمامك انهم

يشغلونه معهم وكلهم عطوه ظهرهم ولا كان لهم اخو..وقتها كانت الشركه الي

يشتغل فيهم خسرت وسرحت كل موظفينها وكان وقتها تو متزوج من امك

فلازم يدور له شغله ..عشان يقوم فيها وبجدتك ..لانه هو الي كان قايم فيهم

لان اعمامك من تزوجوا شالوا يدهم من جدتك ومن مصرفها..وصار كل الحمل

ع ابوك..وحتى يوم توفوا مافي حد منهم كلف ع نفسه يقوم بعزاه ..ابوي تولى

العزا وقام بجدتك..وهالكلام كله قبل لايعرفون انه في ورث لك ..وانه ابوك شريك

لابوك بكل تجارته

هند"مو مصدقه الكلام الي يقوله عن اعمامي ..معقوله..لا مستحيل..من يوم

بديت افهم واستوعب..وهم دايم يزورونا بيت جدتي ..ويجوني ياخذوني اروح

لبيتهم واجلس مع بناتهم..وجدتي صحيح كانت تروح معي..بس كانت تجلس لحالها

ماتجلس مع زوجاتهم ولا مع اعمامي ..كانت تجلس بالمكان الي اجلس فيه":

محمد:بعد ماعرفوا بقصة الورث والخير الي تركه لك ابوك..الكل يطلب من جدتك

تجي تعيش معه وانه هو بيقوم فيك وانك يتيمه ولازم واحد منهم يتولى حلالك

وخايفين انه ابوي ياكل حقك ..وجدتك ماتعطيهم بال..ولايقدرون يسون شئ لان

كل شئ موكل بيد جدتك يعني الحل والربط بيدها ..وماقدروا عليها ..

هند:وهالكلام جدتي قالت لك عنه

محمد"هز راسه وكمل":ايوا وقالت لي عن سالفه ولد عمك بعد وكيف يتودد لك

ويتقرب منك عشان يكسبك ويعلقك فيه وتتزوجينه

هند"انصدمت ..من جدتي كيف عرفت اني متعلقه فيه وانه بينا هالشئ ..

لانه مايصير هالكلام الا لما تنام خواته ينقلون لي الكلام واحيانا اطلع

اخذ منه الاغراض الي يشتريها لي ..مو مصدقه..وهذا ايش جالس

بقول..يعني سعد كان يلعب علي ..لا مستحيل هو يحبني ..ومايرضى

علي بشئ ..واكيذ هذا جالس يقول كذا عشان ينسيني اياه لا لا مستحيل..:

محمد:طبعا جدتك خافت من هالشئ وكانت بتاجل التصرف بالموضوع هذ
ا
لحد ماتكبرين..بس تعبها ..ووفاة ابوي الله يرحمه وخوفها عليك من بعد عينها

خلاها تعجل بوصيه ابوك..الي هي اني اتزوجك..

هند"بقهر":وانت ماشاءالله عليك مطيع

محمد"حسيت من نبرة كلامها انهمو عاجبها الكلام":وليه مااطيع وصية ميت

وغير كذا حد يقول لا لبنت معروفة بتربيتها وبطيب اهلها وسمعتهم الطيبه

واهلها كانوا اخوان لاهلي ..وين بحصل احسن من كذا ولاتنسين انك ربيتي

سنينك الاولى قدام عيني..وكنتي تطلبيني اتزوجك بعد "وبضحكه"بس عقلك

شكله مايستحمل يجمع اكثر من ذكرى كل كم سنه يسوي فرمته

هند"قهرني مسوي ظريف يعني":

محمد:جدتك اتصلت ع امي وطلبت منها تعجيل الموضوع ..بسبب خوفها من

تحركات اعمامك..وماهي ضامنه بتعيش لك ..

هند:عمرها طويل ان شاءالله

محمد:ان شاءالله وبتفرح بعيالك بعد

هند"صدق فاضي وش عياله":

محمد:وصار كل شئ باسبوع ملكنا بالمحكمه بحكم انها وليه امرك..وجهزنا كل

شئ ..بس كنت رافض شوي..مو الرفض لك ..لا لصغر سنك..وخاصة انك

للحين ببدايه عمرك..بس امي وجدتي اصروا واصروا نتمم زواجنا وخاصة

اني قلت لهم موافق بس بنعيش مثل الاخوان لحد ماتوصلين لسن الرشد الي

هو 18 سنه...بس جدتك اعترضت وخاصه انك بلغتي ..ومافي شئ..يخليني

انتظر
هند"وجهي صار اشارة مرور...وش بلغتي وعادي عنده الاخ":

محمد:طلبتني اني اتمم الموضوع خوفا من اعمامك انهم يتدخلون..وهي عارفه

خبثهم وحركاتهم..وخايفه يطعنون بالزواج من هالمنحى...

هند:

محمد"مسكت يدها ..":هند..من اول يوم دخلتي البيت ..وانتي زوجتي..

تعهدت لربي قبل جدتك وامي..اني اصونك ومااقصر عليك بشئ و لانك

وصيه الوالد ولا جدتك ولا ولا ولا ...لا لاني من يومك صغيرة تعلقت

فيك من اول يوم شلتك بين يديني وانا بزر..قلت لامي هذي زوجتي..

ومن يومها وكل مره نلتقي ماينادونا الا جا زوج هند وجات زوجة محمد

قدر ربي ونفترق بعد وفاة اهلك..بس كنت ع عهد لك هند لمحمد ومحمد

لهند.."حضنت وجهها بين يديني":عارف انك ماشفتي شئ من الدنيا وعالمك

كان كله جدتك وبس..وبيتها الشعبي ..الي ربتك فيها احسن تربيه..بس قطعتك

عن كل هالعالم..خوفا عليك..انا راح اوريك واعلمك كل شئ فاتك..وماراح تعيشين

معي الا كل لحظات حلوة وسعيده اوعدك..بس كل ابيه منك ..انك تصونين ومااطلبك

تحبيني..ومااطلب شئ فوق تخيلك ولا سنك..بس ابيك تردين المعامله الي اعاملك

وفي قاعده تقول عامل الناس بما تعامل ..وحلو انه الي يعاملك بالطيب والود

يلاقي منك نفس المعامله صح..

هند"حبيت حنيته ..وطريقة كلامه وابتسامته الي تخلي قلبي يدق دق مو صاحي":

صح

محمد:صحيح الكلام الي قلته لك مختصر وفي اشياء كثيرة غفلت عنها .لاني انا

نفسي مو عارفه ..بس اذا حابه تعرفين شئ اليوم ان شاءالله راح اوديك لجدتك

واي شئ تبينه اساليها وهي ماراح تقصر معك

هند"بفرحه":جد بروح لجدتي اليوم

محمد"حضنتها وبست راسها":اووف كل هالفرحه والابتسامه يوم قلت بوديك

لجدتك..لو عارفه هالشئ بيخليك تفرحين من اول يوم وديتك

هند"جد جد اول مره انبسط من جيت هنا اشتقت اشتقت كثير لجدتي ..هم مو مقصرين معي..بس للحين ماتعودت

عليهم ..ابي جدتي ..ابي حضنها وريحتها

اشتقت لهم..":متى بنروح

محمد:ودك الحين

هند"نطيت":أي أي الله يخليك

محمد:ان شاءالله ..يالله قومي تجهزي

هند"قمت طيران ..تروشت ومشطت شعري ولبست ولبست عبايتي..ركبت معه

السياره ومتشوقه اوصل لجدتي ..تو استوعب هي كيف عاشت هالاسبوع

كنت انا الي اجهز لها كل شئ من اكل وشرب وتنظيف للبيت ياحياتي ياجدتي

وصلنا ونزلت بسرعه واول ماوصلت للبيت الا اسمع اصوات عاليه من داخل

البيت ..فتحت الباب ودخلت وانا احاول اميز الصوت أي هذا صوت سعد

ومعه عمي..وفي كم صوت مو مميزتهم ..توجهت لمكان الاصوات ..وكانوا بالحوش

وكلهم متجمعين ع جدتي ...

سعد"بصوت عالي ":انتي متاكده انك جدتي مااصدق الا انك عدوة لي يعني

تعرفي اني ابي البنت وكم مره طلبتها منك وتروحين تعطينها للغريب وانا اولى

فيها ليه ليه تسوين كذ
ا
ابو ناصر:يمه وش سويتي انتي ..ليه تخلين البنت تطلع من عندنا ...بناتنا المفروض

مايطلعون عنا ..اولاد عمهم اولى فيهم وسعد وغيره من عيال اعمامهم طلبوها منك

ورديتيهم بحجه ان البنت توها صغيره وتختفين عنا اسبوع الا وانتي مزوجتها من

غير ماتشورينا حتى

سعد:تظن لاسوت كذا بنسكت الحين ياابوي نروح للتبن هذا الي زوجته اياها

ونخليها يطلقها غصبن عن خشمه ...الدنيا سايبه يجلسون يخططون من ورانا
ا
ابو سالم:صادق ولدي ..الحين نروح له وناخذ البنت ..يبي يستولي ع البنت

وياخذ حلالها ويلعب عليها ويرميها لنا ...ع باله مافي رجال حولها
ا
سعد:الليله نرجعها وهي متطلقه والي بيطلقهم يملك لي عليها
ا
ابو ناصر:انهبلت انت...لازم تخلص العده قبل

سعد:اجل تخلصها ببيتنا ماتجلس عند هالعجيز ..

ابو ناصر:استح ع وجهك ...مهما كان هذي جدتك

سعد:جدتي وتبدي الغريب علي ..جدتي وتسوي كذا وتكسر قلبي

ابو سالم: تعوذو من ابليس والي بخاطركم بيصير استهدوا..اجلسو
ا
ام عادل"وقفت بكل شموخ ..وقوة ..وضربت بعصاها ع الارض ":

خلصتوا وقلتوا الي عندكم

الكل صار يناظر ببعض ..مستفسرين ..من نبرة صوتها وقوتها وشموخها
ا
ام عادل"تاشر ع الباب":خلصتوا يلا وروني عرض اكتافكم لابارك الله

فيكم ..حرقتوا قلب اخوكم وهو حي وبتحرقونه وهو تحت الثرى

حسبي الله ونعم الوكيل انتوا اخوان ولا عدوان ..للدرجه هذي طمعكم

عاميكم تبون تخربون بيت بنت اخوكم وتطلقون هاليتيمه ...وياليته خوفن

عليها ولا اهتمام فيها الا طمع بورثها ..ولا هي ربي يرحم بحاله
ا
ماطقيتوا لها خبر

ابو ناصر"بنرفزة":يمه وش تقولين ..الي يسمعك يقول حنا ماشفنا ولا عندنا
ا
خير..حنا مايهمنا الا بنت اخونا ومصلحتها ..ولا الفلوس باللعنه ..تروح
وتجي

ام عادل"بسخريه":العبها ع غيري ..يامرزوق..العبها ع غيري ..ولدي

واعرفك ..تبيعني انا وخلاقيني ..عشان كم قرش..جاي تقولي بنت

اخوي مابنتي اخوي..العبها ع غيري..

ابو سالم"يحاول يهدي الوضع":ياجماعه لاتخلون ابليس يدخل مابينا
ا
استهدوا ..وكل الامور بتنحل

ام عادل"بغضب":الامور منحله ..وانتهينا وكل واحد يذلف ع بيته ..ويهتم

باموره وماله دخل فيني ولا ببنتي

سعد:ياجده ماتبينا نتدخل فيك براحتك لكن بنت عمي ..اقولها لك للمره المليون

بنت عمي لي وانا لها..وبطلقها بطلقها من التبن الي عرستيها عليه

ام عادل:انكتم..مابقى الا اشباه الرجال..يفصل ويخيط ع كيفه..البنت ع ذمه

رجال ..ولا واحدن منكم يطول ظفر رجوله..وجاي انت والخمه الي معك

تقللون من قدره..

سعد"بعصبيه":الله يالدنيا ..الحين حنا صرنا اشباه الرجال ..وهذاك هو الرجال

والي مافي مثله

ام عادل:اكيد مافيه منه رجالن مصلي ومسمي وقايمن بامه..ومهب مقصر معها
ا
بشئ...ويشهق ويزفر ع راحة اميمته...والكل يشهد بسمعته الطيبه الصغير والكبير

وجاي انت تشكك فيه ..من انت ...عطالي بطالي لاشغلتن ولا مشغله عايش

ع الكم فلس الي يرميهم لك ابوك...وهو ماشاءالله عليه من تخرج..وهو يشتغل

ويكسب لقمته ..بيده ..ماقال لا والله ابتسدح واتبطح خير ابوي موجود

سعد"انكتم..كل الي قالته صحيح..هو انسان ..فاشل ..بالدراسه وبالشغل..

وكل همه جلسته مع اصحابه...والنوم...وكان معتمد انه راح يتزوج هند ..

ويستلم حلالها..ويعيش طول عمره براحه ..."

هند"ماقدرت اتحمل هالاصوات العاليه..وكل شوي انصدم ...ماتوقعت جدتي

شايله ع عمامي...وسعد كذا..وليه تكره سعد بالذات ..ليه هالحقد بصوتها
ا
واهانتها له...صحيح هو ماله بالشغل...بس انسان حنون...وطيب معي

ماعمره جرحني...او تصرف تصرف مؤذي اتجاهي...هو العنصر الرجالي

الي احتكيت معه من بعد ابوي ...وحبيته وتعلقت فيه..ليه جدتي ...ومحمد
د
يحاولون يكرهوني فيه...ويقولون صفات مااظن انها فيها...اكيد اكيد

كل هذا عشان جدتي تبيني اكرهه واكمل مع محمد...ومااطلب منه الطلاق

دخلت عليهم...وع طول جدتي انتبهت لي ...

ام عادل:وش جابك هنا انتي ...وين رجلك

هند"ارتبكت ..من نبرة صوتها وحدته..وبتوتر":جيت ازورك

ابو ناصر وابو سالم "بفرحه":هلا ببنتي تعالي

ابو ناصر:تعالي ياهند..زين انك جيتي..كنا ناوين نجي لك


هند"مشيت لعندهم وسلمت عليهم...وعمي ابو ناصر مسك يدي":


ابو ناصر:يبه هند...انا عمك وبحسبة ابوك..يابوك اذا انتي مغصوبه

ع هالرجال وماتبينه...قوليها بس واطلقك منه الحين ..وشلون توافقين

ع رجال غريب ...مانعرفه ولا تعرفينه...وتخلينا حنا اهلك وناسك

هند"ماعندي جواب لكلامه":....

ابو سالم:هند...انا وعمك بنروح لزوجك..وبنخليه يطلقك..لانه مكانك معنا
ا
وولد عمك سعد ..شاريك قبل لاتزوجك جدتك وشاريك من بعد مايطلقك

وش قلتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-07-2017, 10:34 AM
صورة هامتي عتيبه الرمزية
هامتي عتيبه هامتي عتيبه غير متصل
©؛°¨غرامي فعال ¨°؛©
 
11302798202 رد: سينتهي كل شئ مؤلم ذات يوم/بقلمي


ي هلا وغلا
هلا برجعتك لنا ي الغلا
والله فرحت لمى شفت اسمك منور الصفحه
تابعت اخر روايه لك من خلف الكواليس وقريت كل روايتك وزعلت لمى قلتي ذي اخر روايه لي
رجعتي ورجعت الكاتبه الجميله ضمني بين الاهداف وش ذا الجمال ليت كل الكاتبات المميزات اللي لهم بصمه بالروايات يرجعو لنا ولقلمهم وكتاباتهم الرائعه
كلنا شوق لك ولقلمك..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-07-2017, 12:37 PM
الهرة الهرة غير متصل
©؛°¨غرامي فعال ¨°؛©
 
الافتراضي رد: سينتهي كل شئ مؤلم ذات يوم/بقلمي


هلا وغلا بزهرة الاوركيد
شحالج الغالية عساج بخير تسلمين على البارت
بداية موفقة
هند الطفلة الي لاتعرف من الدنيا سوى لعبتها وهما اللعبولاتعرف الحقدوالكره وثم تزوجت بمحمد هل بتستمر معاه ولا بتنفصل
محمد متفهم وطيب وحنون وراح يعوضها بس هي تعطيه فرصة وتثق فيه
هذا الي في بالي الحين
متحمسة للقادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-07-2017, 06:24 PM
صورة إشتياق »|• الرمزية
إشتياق »|• إشتياق »|• غير متصل
©؛°¨غرامي مشارك¨°؛©
 
11302798202 رد: سينتهي كل شئ مؤلم ذات يوم/بقلمي


مسآئگم ترتيلة سعادة
تطرب خلجات الروح


مبروك نزول الرواية

بداية قوية ومشوقة

ما اعرف الناس متى
تبَطل هالتخلف وان
البنات عار وهمهن
للممات ومن هالاشياء
الغبية ، بزمننا الخوف
ع البنت والولد نفس
الشي اذا ما كان
الخوف ع الولد اكثر ،
بس للاسف في ناس
بعدهم عايشين بعقلية
ابو جهل

وما شاء الله ع القاضي
وعدله بالحكم وحياديته
بالكلام 😕 الاخ مقتنع
ان كل غلط يصير سببه
النساء اما الرجال فـَ
ناقصهم بس جناحات و
يصيرون ملائكة 😑

احنا للاسف جاي تحكمنا
عادات ظالمة سمحت لـ
ايوب وغيره من اشباه
الرجال الّي ما يعرفون
من الدين غير ان المرأة
تلعنها الملائكة اذا ما
اعطت لزوجها حقوقه
وان الشرع حلل اربع
وبعد ما يعرفون اشياء
ثانية " مثل القوامة ،
امساك بمعروف او
تسريح باحسان و ان ما
تجوز الخيانة والكذب "
سمحت لهم يتفرعنون
ع الضعيفات الّي مالهن
حول ولا قوة


لا يكون ايوب هو نفسه
الّي تكلمه رشا 😨
عمى بعينه ووجع بقلبه
ان شاء الله

هند احس جدتها غلطت
من ما قالت لها الحقيقة
خاصة وهي تعرف انها
تكن مشاعر لسعد ،،

صراحة معها حق اذا ما
صدقت كلام جدتها لأنها
ما شافت من عمامها إلا
كل خير

محمد حبيته 😻

مشكورة قلبي وتسلم ايدچ


الرد باقتباس
إضافة رد
الإشارات المرجعية

سينتهي كل شئ مؤلم ذات يوم/بقلمي

الوسوم
مُؤْلِمْ , ذَآتَ , يَوّمْ , سَيَنّتَهِي , شَيّءٍ , كُلَ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
و يا هل تُرى سينتهي قلمي ؟ صاحبي جرحي خواطر - نثر - عذب الكلام 4 07-06-2015 12:02 AM

الساعة الآن +3: 08:58 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1