منتديات غرام روايات غرام أرشيف الروايات المغلقة - لعدم إكتمالها رواية فجأة حبيتج /للكاتبة الاميره العنيدة
وردة الامل والتفاؤل ©؛°¨غرامي جديد¨°؛©

الشخصيات :
شجون "البطلة"
فاطمة "العمة الجعدة"
بثينة "العمة الوسط"
هند "العمة العوده"
الهام "ام شجون"
خالد "ابو شجون"
سعاد "الجدة"
عبدالرحمن "العم العود"
هدى "زوجة عبدالرحمن"
عبدالامام "العم الوسط"
فخرية "زوجة عبدالامام"
ناصر "العم الجعدة"
محمد ولد عم شجون "البطل"
صمود "الخالة الوسط"
امل "الخالة الوسط"
هنادي "الخالة العوده"
حمد "الخال الجعدة"
ليلى "رفيجة شجون"
فرح "رفيجة شجون"
اسيل "بنت عم شجون"
راح تعرفون شخصياتهم بالرواية


بسم الله الرحمن الرحيم


البارت الاول
في بيت يملأه السعادة والفرح ولكن في يوم من اخر ايام رمضان صار شي وكانت صدمة للكل
كانت امي وعمتي هند في المطبخ يسولفون ويساعدون بعض وانا كنت في احدى الغرف مع عمتي فاطمة كانت بحسبة اختي ورفيجتي وكنا نسولف مع بعض وكنت وقتها بالصف الرابع واعمامي كانوا برا البيت وولد عمي محمد عند التلفزيون وكان بالصف العاشر وجدي كان رايح للمسجد يستعد لصلاة العشاء والتراويح وجدتي سعاد وباقي عماتي كانوا في الصالة يتقهون ويسولفون
بعد ساعتين رحت للمطبخ انا وعمتي فاطمة وشفت امي وهي تصكر الموبايل وتبجي ومعاها عمتي هند يبجون واستغربت وبنفسي "شفيهم يبجون شنو صار قبل شوي كانوا شزينهم يسولفون" وسمعت عمتي هند وهي تقول : ابوي مات مو مصدقة مات حزنت وايد وما توقعت يصير جذي ويموت يدي رحت لدار وقعدت اتذكر الموقف اللي قبل جم يوم
نرد للورا بالديوانية كانت شجون ياية تسلم على يدها : شخبارك يدي
عبدالحسين : زين يابنيتي انتي شلونج وشلون المدرسة شجون بابتسامة وهي قاعدة يمه : زينه وانا الاولى بالمدرسة
عبدالحسين بوناسة : صج مبروك يابنيتي وان شاء الله دايم وتدشين الجامعة على هالخبر الحلو تستاهلين هدية حلوة مثلج
شجون بوناسة : صج يدي
عبدالحسين : اي بنيتي وراح تشوفينها باجر
شجون يت وباست يدها على راسه : مشكور يدي
اليوم الثاني
يا يدها ومعاه الهدية اللي وعدها فيها
شجون بوناسة : الله هذي هديتي
عبدالحسين مستانس : اي بطليها وراح تعجبج
شجون وهي مستانسة بطلتها وكانت حلاو مع اللابتوب احمر
شجون بوناسة : صج مشكور يدي الهدية وايد حلوة "وباسته على خده"
عبدالحسين مستانس : اهم شي عجبتج يابنيتي وتستاهلين اكثر وعاد الله بالنتايج الحلوة
شجون : ان شاء الله يدي
ردت للواقع وهي تسمع صوت ابوها
كانوا قاعدين بالصالة وسمعته يقول : ابوي الله يرحمه كان بالمسيد وخلص من صلاة العشاء وقرر انه يروح لمسيد الثاني عشان يصلي التراويح وواحد ربعه قاله يصلي هني وقال ابوي لا يبي يروح وراح وبنص الشارع تيي سيارة وتصدمه ويو الاسعاف وشالوه واخذوه للمستشفى وطلع متوفي
الكل بحزن : الله يرحمه
نهاية البارت

وردة الامل والتفاؤل ©؛°¨غرامي جديد¨°؛©

البارت الثاني
اليوم الثاني "بالليل"
صحيت من النوم وانصدمت اني باقي نايمه والتفت حولي ما لقيت احد وانا كنت متاكدة انهم كانوا موجودين واكتشفت بالوقت اللي كانوا نايمين كان الصبح والحين ليل اكيد بيقومون وسمعت صوت ازعاج والتفت والاقي يهال يبطلون الباب ويصكرونه وطالعت يمي ومع الليت اللي برا الدار شفت عمتي فاطمة نايمه مابغيت ازعجها وقمت بشويش ورحت اشوف شنو فيه وسمعت صوت حريم وطلعت شوي واحاول محد ينتبه لي شفتهم وهم لابسين اسود باسود واستغربت وبنفسي "شفيهم لابسين جذي والله تخوف اشكالهم" كنت وقتها ما ادري ليش يايين ولا ادري انه هذا يسمونه عزا ويايين يعزون
رديت للدار وقعدت يم عمتي واحاول انام بس ماقدرت وخصوصا مع ازعاج اليهال
صحت عمتي فاطمة من النوم : شفيج حبيبتي شنو مصحيج
شجون : اليهال مزعجين يبطلون الباب ويصكونه
عمتي فاطمة : زين حبيبتي شرايج اقولج قصة
شجون بوناسة : صج يلا
عمتي فاطمة كانت تحكي القصة وشوي الا انام
عمتي فاطمة طالعتني وانا نايمه واستانست وبنفسها "مسجينة زين انها نامت والله بتتعب لا قعدت صاحيه"
كانوا مخلين عمتي معاي عشان لا يصير فيني شي وادير بالها علي

في اليوم الثاني "بالليل"
كانت عمتي بثينة تبجي وتدعي على اللي صدم ابوها : الله لا يوفقه ليش اخذ ابوي مني ليش
عمتي هند كانت تبجي وتصارخ بصوت عالي
كنت قاعدة معاهم وحزينه وخايفة اول مرة اشوفهم بهالحالة وبنفسي "الله يخلي لي ابوي وامي ويطول بعمرهم والله يكسرون الخاطر"

مرت الايام الثلاث عادية
ييون الحريم يعزون من الصبح لين نص الليل وكنا ننام كلنا بدار وحدة عشان نقدر نصحى كلنا ونحس على بعض
والرياييل نفس الشي كانوا ينامون بدار وحدة عشان يقدرون يصحون كلهم

في اليوم الرابع
كنت رايحة للمطبخ وبالصدفة شفت ولد عمي قاعد بالديوانية ومبين عليه حزين كان يطالع باتجاهي وانا خفت علبالي يطالعني بس اللي انصدمت منه انه كان يطالع في المكان اللي يقعد فيه يدي حزنت وايد وكنت اتمنى وقتها يكون حلم ويرد يدي وبعدها تذكرت اني ابي اشرب ماي ورحت للمطبخ


يا العيد وراح وماحسينا فيه ولا بطعم الفرح اول عيد حزين يمر علينا

الساعة 1:00 "الظهر"
كنت بالصالة قاعدة ويمي عمتي هند واطالع التلفزيون وسرحانه
تخيلت يدي انه توه ياي واني اروح اسلم عليه ومستانسة وصحيت من سرحاني على صوت عمي ناصر وهو يتحجى مع عمتي هند
ناصر : اكو غدا
هند : اي بس نطرو شوي على مايخلص
ناصر : انزين "وراح"

على الغدا
كان هدوء والكل ياكل وما اسمع غير صوت الصحون والملاعق
خالد : يمه
سعاد : هلا تبي شي
خالد : بغيت اقولج باجر بنرد الكويت
سعاد : بهالسرعه قعدو شوي
خالد : والله يمه ماقدر وبعدين وراي شغل وشجون عندها مدرسة
سعاد : الله يردكم بالسلامة ياولدي

اليوم الثاني "الصبح"
كنا نجهز الاغراض وحطيناها بالسيارة
خالد سلم على امه : يلا فمان الله يمه ونشوفج على خير
سعاد : الله يحفظكم وتردون بالسلامه
الهام تسلم على خالتها : مع السلامه خالتي
سعاد : الله يحفظج يابنيتي وزورنا قريب
الهام : ان شاء الله خالتي
شجون ركضت لجدتها وبابتسامة : مع السلامه يدتي "وباستها على خدها" : واحبج وايد
سعاد بابتسامة : وانا بعد حبيبتي والله يحفظج
خالد والهام سلموا على الكل
شجون راحت لعمتها فاطمة بعد ماسلمت على الكل : عميمه مع السلامه وراح اشتاق لج وايد
فاطمة حضنتها : وانا راح اوله عليج حياتي "وتبوسها على خدها" : وابيج تيبين درجات حلوة بالمدرسة زين
شجون : زين
طالعت شجون بمحمد وبابتسامة : مع السلامه
محمد بغرور وكان ماوده يرد : مع السلامه
خالد : يلا فمان الله ونشوفكم على خير
الكل : مع السلامه

بعد خمس سنين
صارت شجون باول ثانوي
بالمدرسة
ليلى : شخبارج شوج
شجون : هلا ليول زينه انتي شلونج
ليلى : تمام الا وينها فرح تاخرت
شجون : كالعادة لازم تتاخر
فرح يت ركض ويالله تتنفس : سلام شخباركم بنات
ليلى عصبت : لا والله جان تاخرتي بعد
شجون : ليول شفيج عليها هدي
فرح : احبج اي هذي الناس اللي تحجى زين مو انتي انفجرتي بويهي
ليلى : لا شلون تبيني اقولج حبيبتي ليش تاخرتي
فرح : اووه ماكو فايدة فيج المهم تاخرت لان السايق الغبي كان بيسوي فينا حادث
شجون : صار فيكم شي
فرح : لا الحمدلله مالت عليه مايعرف يسوق زين الا يبي يصدم الناس
ليلى : خليني بس اشوفه لا اطقه عشان يتادب
فرح : وانتي بس تبين تطقين الاوادم
شجون : ماتعرفين ليول ماترتاح الا لما تطق احد
ليلى : انتي وهي اخذتو راحتكم بزيادة "وعصبت" : بسكم الطنازة
فرح : هدي شفيج عصبتي
ليلى : وانتو تخلون الواحد مايعصب
شجون : شرايج بعزمج على مطعم
ليلى بوناسة : صج ونروح مول بعد
شجون : ما احب المول بس عشانج
نهاية البارت

وردة الامل والتفاؤل ©؛°¨غرامي جديد¨°؛©

البارت الثالث
فرح : وناسة وشرايكم ندش سينما بعد
ليلى : اي حلو
شجون : خلاص عيل تبون بعد المغرب
ليلى : اي زين بس اقول لامي وارد لكم
فرح : وانا بعد
شجون : زين والعصر قولولي ردكم
فرح وليلى : زين


بالبحرين "على البحر"
كانت مستانسة وهي تمشي واللي مونسها اكثر ان حبيبها معاها
اسيل مستانسة : الجو حلو
محمد : اي حلو بس انتي احلى
اسيل : ابي مبرد تكفى
محمد : من عيوني حبيبتي انتي تامرين
اسيل : منو مثلي مدلعني اليوم
محمد : ومنو عندي غيرج ادلعج
اسيل : احبك
محمد : اموت فيج


ببيت خالد "الظهر"
دشت شجون البيت : يمه
الهام : هلا حبيبتي رديتي
شجون : اي توني وصلت الا يمه عادي اليوم اطلع مع رفيجاتي المول
الهام : اي حبيبتي عادي
شجون تروح تبوس امها على راسها وخدها : مشكورة احبج وايد يمه
الهام وهي تضحك : كل هذا عشان وافقت
شجون : عشاني احبج
الهام : زين يلا روحي بدلي بحط الغدا وبيي ابوج الحين ونادي اخوانج معاج
شجون : زين
راحت شجون ونادت حلا وضاري وبعدها راحت دارها وبدلت


على الغدا
خالد : شخباركم
الكل ما عدا الهام : زينين
ضاري : يبه اليوم بامتحان الرياضيات يبت ممتاز
خالد بوناسة : صج مبروك ياولدي
حلا بغيرة : وانا بعد يمه يبت بامتحان العلوم ممتاز
الهام مستانسة : مبروك حبيبتي
ضاري : انتي بس تحجيتي يوم شفتيني اتحجى
حلا : لا وبعدين انا اتحجى صج
خالد بعصبية : بسكم نجرة وكلكم شاطرين
سكتو حلا وضاري وكل واحد فيهم يعطي الثاني نظرة
شجون انتبهت لهم وضحكت بنفسها عليهم


بالبحرين "ببيت سعاد"
هدى : شرايج خالتي بشجون
سعاد : زينه بس ليش تسئلين
هدى : افكر اخطبها لولدي محمد
سعاد مستانسة : صج والله هذه الساعة المباركة راح يكون حلو اذا كانت من نصيبه بس شوفي راي محمد فيها
هدى : ان شاء الله
بعد المغرب
تجهزت شجون عشان تطلع مع رفيجاتها دق موبايلها وكانت ليلى
ردت : الو
ليلى : انا جاهزة وانتي
شجون : باقي لي شوي واخلص
ليلى عصبت : زين بسرعه ولا ايي بيتكم واسحبج من شعرج
شجون تضحك : ههه شفيج مستعيلة انزين راح اخلص
ليلى : زين بشوف لفرح وادق عليج ياويلج تتاخرين
شجون : ان شاء الله عمتي
ليلى معصبة : عمتج بعينج يلا باي
شجون : باي



عند ليلى "دقت على فرح"
فرح : الو
ليلى : هلا خلصتي
فرح : باقي
ليلى عصبت : شنو حتى انتي ماخلصتي
فرح : شفيج هدي وبعدين ماراح تطير الدنيا
ليلى : هين راح ايي بيتكم واسحبج من شعرج "وصكرت"
فرح تطالع الموبايل : هاو شفيها بس صج تسويها يلا يبيلي اخلص
سمعت صوت الجرس
فرح : اكيد يت
تحت عند الباب
بطلت الخدامة الباب
ليلى : وين فرح
الخدامه : فوق
ليلى : زين "دشت الصالة وشافت طيف" : اهلين خالتي شخبارج
طيف : زينه شلونج يابنيتي
ليلى بابتسامة : تمام خالتي الا وين فرح
طيف : بدارها
ليلى : عن اذنج خالتي بروح لها
طيف : اذنج معاج
راحت ليلى لفرح وبطلت الباب بقوة
فرح اخترعت ومسكت قلبها : بسم الله شفيج خرعتيني
ليلى بعصبية : تستاهلين "يت وسحبتها من شعرها وقعدتها جدام المنظرة" : يلا انا بحط لج كل شي
فرح خافت من عصبيتها : زين
ليلى حطت المكياج وسوت شعر فرح : خلصت زين جذي
فرح طالعت بالمنظرة وبوناسة : الله حلو
ليلى : يلا لبسي جوتيج وبسرعه
فرح : انزين "راحت لبسته واخذت جنطتها ورشت رشة من عطرها"
ليلى سحبتها : خلصيني "وطلعت ومعاها فرح"



بعد 10 دقايق
دقت ليلى مرة ثانيه على شجون
شجون : هلا قبل لا تتحجين انا جاهزة
ليلى : زين ولا جان ييت وسحبتج
شجون : وفرح خلصت
ليلى : ااخ منها رحت لبيتها وخليتها تخلص بسرعه
شجون تضحك : هههه مو صاحية فشلتيها
ليلى : يلا نزلي انتي ولا اطلع واسويها فيج
شجون : لا واللي يسلمج الحين ايي
ليلى : انزين باي
نهاية البارت

وردة الامل والتفاؤل ©؛°¨غرامي جديد¨°؛©

البارت الرابع

نزلت شجون تحت
شجون : يمه شرايج
الهام : تينين اسم الله عليج
حلا : اي والله طالعة حلوة
ضاري يبي يقهر حلا : اي والله طالعة حلوة
حلا : اقول لا تقلدني لا اعطيك طراق الحين
ضاري : يلا راويني اشوف
الهام بعصبية : بس انتي وهو
شجون تضحك : هههه مصخرة
الهام بعصبية : تضحكين بعد يلا ذلفي رفيجاتج ينطرونج
شجون تذكرت ليلى : يووه تاخرت باي
الكل : باي



بالسيارة
ليلى بعصبية : لا جان تاخرتي
شجون : اسفه بس كنت اتحجى مع امي
ليلى : سامحتج
فرح : لا والله وانا
ليلى : اممم حتى انتي
شجون : شنو صار فروح
فرح : خرعتني دشت علي من غير لا تطق الباب وسحبتني
شجون : اي ليول ماعندها تفاهم على طول تدرعم
ليلى : ترى اسمعكم بسكم حش
دق موبايل شجون : غريبة اسيل داقه
فرح : ردي شوفي شتبي
ليلى : اذا قالت كلمة تغث عطيني اتهاوش معاها
شجون ردت : الو
اسيل بدلع : الو هلا شجون شخبارج
شجون : زينه انتي شلونج
اسيل بدلع : تمام دام حبيبي مدلعني وكل يوم يطلعني
شجون : اي بالعافية عليج شنو اسوي لج
اسيل بدلع : عشانج ماتعرفين منو تقولين هالحجي تبين تعرفينه
شجون : مايهمني
اسيل بدلع : محمد حبيب قلبج
شجون بصدمة : شنو
اسيل : حبيب القلب محمد طلع يحبني ههه راحت عليج
ليلى سحبت الموبايل : صج ماتستحين على ويهج شتبين نسوي لج نرقص لج مثلا وبالطقاق انتي وهو
اسيل : انتي منو قالج تردين
ليلى : والله كيفي ويلا طسي مالت عليج ويه النحس
اسيل : ههه باي ياحلوة
ليلى صكرت الموبايل : صج فراغه "وشافت شجون تبجي" : شفيج ماعليج منها
فرح : اي صاجة ليول وبعدين يمكن مايحبج مو تقولين مايعطيج ويه ومن كلامج عنه مبين انه مغرور وشايف روحه احسن اسيل تناسبه لانها مثله
ليلى : اي صح حجي فروح
شجون تبجي : بس انا احبه وهو مادرى عني وبس يجرحني بالحجي
فرح مسحت دموعها : بس حبيبتي احنا طالعين نستانس ولا تفكرين فيهم
ليلى : اي شعليج استانسي وماعليج منهم
شجون تمسح دموعها وتبتسم : زين
فرح : اي جذي نبيج
شجون : انتو احلى رفيجات الله يخليكم لي
ليلى : ويخليج لنا زين جذي خليتيني ابجي معاج
شجون وفرح : هههه



وصلوا المول
راحوا يفترون وليلى تشوف كل شوي تشوف محل وتدش وتسحبهم معاها
شجون بتعب : بس خلاص تعبت
ليلى : شنو باقي ماخلصت
فرح : ماشاء الله عليج كل هالاكياس وماخلصتي
ليلى : تف تف اعوذ برب الفلق بسم الله علي عادي ياحلاة الهدوم والجواتي والجناط
شجون : بسج حجي وخلينا نروح كافيه
فرح : اي يلا
ليلى : امري لله يلا نروح
راحو للكافيه
شافوا طاولة فاضية وقعدوا فيها
ليلى : يلا شنو طلباتكم
فرح : انا ابي كابتشينو
شجون : موكا
ليلى : انزين "وراحت"
شوي وردت ليلى بالطلبات واعطت كل وحدة طلبها وبالصدفة كان موجود خالها حمد
حمد انتبه لشجون وراح عندهم : سلام
شجون : خالي انت هني
حمد بغشمرة : منو انتي ما اعرفج
شجون : اووه خالي مو من صجك اكيد تتغشمر
حمد يضحك : هههه هلا والله ببنت اختي شخبارج
شجون : زينه اعرفك عليهم هذول رفيجاتي ليلى وفرح واعرفكم عليه هذا خالي حمد
ليلى وفرح : تشرفنا
حمد بغشمرة : ياحلاتهم يستحون
شجون : اكيد طالعين مثلي
حمد بغشمرة : ههه مثلج الا قولي احسن منج
شجون انقهرت : خالي
حمد : اتغشمر لا تعصبين يلا باي ييت اسلم عليج وبروح ولا تنسين تسلمين على اختي "وراح"
شجون : ان شاء الله باي
فرح : يازينه دمه خفيف
ليلى : بسج انتي بلا تمديح
شجون : واهي الصاجة فروح شكلج غيرانه لانها مدحته
ليلى : اووه ما احب ولا راح احب ارتحتوا يلا خلونا نروح السينما
شجون وفرح : زين



بالبحرين "ببيت سعاد"
بدار محمد
كان يحاجي اسيل
محمد : اي حبيبتي شخبارج
اسيل : زينه انت شلونك
محمد : تمام دامج تمام
شوي ولا يسمع طق الباب
محمد بهمس : نطري حبيبتي اكو احد يطق الباب
اسيل : انزين حياتي
محمد : منو
هدى : انا
محمد بهمس : احاجيج بعدين امي تبيني
اسيل : اوك "وصكروا"
راح محمد وبطل الباب : هلا يمه دشي
هدى دشت وقعدت على السرير : بغيتك بموضوع
محمد قعد يمها : بشنو
هدى : شرايك تتزوج
محمد : تبين الفكة مني
هدى : لا مو جذي بس ابي اشوف عيالك قبل لا اموت
محمد : اسم الله عليج يمه بعد عمر طويل لا تقولين جذي
هدى : زين قولي رايك
محمد : موافق
هدى : انزين عندي لك بنية حلوة ابيك تتزوجها
محمد : منو
هدى : شجون بنت عمك خالد
محمد بصدمة : شنووو
نهاية البارت

وردة الامل والتفاؤل ©؛°¨غرامي جديد¨°؛©

البارت الخامس
هدى : هاو شفيك ليش مصدوم قاعدة اقول بنت عمك شجون
محمد : ادري بس ما ابيها
هدى : ومنو اللي تبيها
محمد : اسيل بنت عمي عبدالامام
هدى : ما لقيت الا هذي
محمد : شفيها زينه
هدى : لا مو زينه بنت مشاكل ومغرورة وما تحترم احد
محمد : بس يمه انا ابيها
هدى : ماكو انا وابوك ويدتك متفقين انك تاخذ شجون وحتى لو رضيت ابوك ماراح يوافق
محمد : ليش يمه جذي انا ما احبها
هدى : عادي بعد الزواج تقدر تحبها
محمد : انزين
هدى : اي هذا ولدي اللي اعرفه وزين ابوك يبيك بداره روح له الحين
محمد : ان شاء الله
هدى طلعت
محمد بنفسه "اووف لازم اتزوج المغرورة ما احبها من زينها عشان يزوجوني اياها" وراح لابوه
طق الباب
عبدالرحمن : دش
محمد : هلا يبه
عبدالرحمن : اقعد
محمد قعد
عبدالرحمن : امك قالت لك الموضوع
محمد : اي
عبدالرحمن : ورايك موافق
محمد : بس يبه ابي اسيل بنت عمي عبدالامام
عبدالرحمن عصب : وشنو فيها شجون بنت اخوي خالد مو عاجبتك هي احسن من اسيلو وشوف ما ابيك ترفض ولا ترى اتبرى منك
محمد : انزين
عبدالرحمن : زين على الاسبوع الياي بنروح الكويت ونسوي الخطبة والملجة وبعدها بشهر العرس
محمد : ليش مستعيلين
عبدالرحمن : خير البر عاجله وراح اقولك امك تاخذ موعد على يوم من الاسبوع الياي يناسبهم ونروح
محمد : انزين عن اذنك
عبدالرحمن : اذنك معاك



ببيت خالد
دق تلفون البيت
يت الهام وردت : الو
هدى : هلا الهام شخبارج
الهام : هلا والله زينه انتي شلونج
هدى : الحمدلله بغيت اقولج موضوع مهم
الهام : تفضلي حبيبتي
هدى : ابي يد بنتكم شجون لولدي محمد
الهام استانست : هذه الساعة المباركة حياتي
هدى : زين ياين على الاسبوع نسوي الخطبة والملجة مع بعض اي يوم يناسبكم
الهام : يوم الخميس
هدى : على خير راح اخبر ريلي يلا مع السلامه
الهام : زين مع السلامه


عند البنات بعد ماطلعوا من السينما
ليلى : ويعع ليتني مادشيت
فرح : واو وايد حلو بس يحزن البطل مات
شجون : صاجة وايد يينن
ليلى : مالت عليكم شنو اللي حلو وييع
شجون : اقول امشوا يلا نرد البيت تاخرنا
فرح وليلى : يلا



ببيت خالد
الهام راحت الصالة وكان خالد يقرا الجريدة
الهام : بتحجى معاك بموضوع
خالد وخر الجريدة : شنو
الهام : هدى مرة اخوك دقت علي وقالت بييون الاسبوع الياي عشان يخطبون شجون
خالد استانس : صج وناسه هذه الساعة المباركة
الهام : تقول يبون يسوون خطبة وملجة مع بعض وقلتها يوم الخميس الياي يناسبنا
خالد مستانس : زين سويتي مو مصدق شجون بتتزوج
الهام دمعت عيونها : اي صاج وبنفقدها
دشت شجون وهي مستانسة : سلام
الهام وخالد : وعليكم السلام
شجون : يمه شفيج تبجين
الهام : لا من الوناسة اكو خبر بيونسج
شجون : شنو
خالد : محمد ولد عمج خطبج
شجون سرحت وبنفسها "غريبة مو يحب بنت عمي اسيل ليش يخطبني" وقالت : صج
خالد : اي وبيوون الاسبوع الياي وبنسوي الخطبة والملجة
الهام : هاه شنو رايج
شجون : عطوني وقت افكر
خالد : انزين
راحت شجون دارها وانسدحت على السرير وبنفسها "مادري محتارة اوافق او لا"



بالبحرين "بيت سعاد"
هدى : عبدالرحمن دقيت على الهام وقلت لها تقول يناسبهم الخميس
عبدالرحمن : حلو وقلتي نبي الخطبة والملجة مع بعض
هدى : اي
عبدالرحمن : زين
هدى : بروح اقول لخالتي عن اذنك
عبدالرحمن : اذنج معاج
راحت هدى لصالة وشافت سعاد قاعدة تطالع بالتلفزيون
هدى : خالتي
سعاد : هلا بنيتي
هدى : دقيت على الهام وخطبنا شجون لمحمد وراح نروح لهم الاسبوع
سعاد : كلووووش واخيرا راح نستانس
هدى مستانسة : اي مو مصدقة انهم راح يتزوجون
سعاد : ولا انا كنت اتمنى انهم لبعض من زمان
هدى : الله يتمم على خير
نهاية البارت

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1