منتديات غرام

منتديات غرام (/)
-   روايات - طويلة (https://forums.graaam.com/134/)
-   -   رواية عذبني البعاد تعال اشفي غليلي/بقلمي (https://forums.graaam.com/618903.html)

aln3imia 01-08-2017 11:26 PM

رواية عذبني البعاد تعال اشفي غليلي/بقلمي
 
اوكي سو السلام عليكم انا اف كورس ماعندي اي ماتبعين من المنتديات بس ياخي انا عنيدة والي براسي بسوية انا ناوية بإذن الله اكتب لكم روايتي الثانية بعد فشل الاولى ويعني عادي اصلا التعليقات هي مش مقياس للنجاح يمكن تشتهر الرواية بعد مااخلصها كامل سو بما انا فاجازة وماشي شغله والربع مسافرين وعاطيني ابو لباس فبكتب ويوم اخلص كامل بجوف تعليقاتكم وطبعا بنزل حسب الظروف لان يعني اتعرفون مشاغل الدنيا والصراحة انا بزنس ومن(هههههههههه مصدقة عمري)
مابطول عليكم وانشاءالله اتعيبكم

aln3imia 01-08-2017 11:27 PM

رد: رواية اماراتية(عذبني البعاد تعال اشفي غليلي)
 
البارت الاول

aln3imia 02-08-2017 01:12 AM

رد: رواية اماراتية(عذبني البعاد تعال اشفي غليلي)
 
اف اليوم ملل الكل رايح ايجهز للخطوبة وجي يعني وانا حضرتي مخلصة من متى وكاني قاعده اكلها اووه سوري نسيت اعرفكم بنفسي
اسمي سارة مواليد دولة الامارات اماراتية الاصل عايشة فأمريكى بتسألوني ليش لأن ابوي يكمل ماجستير طب اهناك بتقولولي صار لكم عشر سنين بقول لكم امي ماوحالها اتكمل دراستها الا بعد ماخلص ابوي قالت ابي اكمل انا بعد سو مثل ماقلت لكم انا عايشة فأمريكى وعمري 16 ادري ياهل هاي آخر سنه لي وبتخرج احنا الحين فالامارات ليش خطوبة خالي طبعا ماعندنا بيت فالامارات لان اصلا نحن مانروح هناك غير فالاجازات فبيت يدي عود ونستغله وانا طبعا البجر ونحن كلنا 4 انا ونور اختي عمرها 14 وآدم عمره 10 ونوال توها عمرها شهرين
خالي:ميري ميري
اوه خالي يا لازم اعرفكم ع المعرس خالي خالد طبعا نحن نزقره خلود هو اصغر خوالي عمره 25 وخاطب اوبيخطب بنت عمه جواهر والباقي بتتعرفون عليهم
سارة"اووووووووه المعرس شحالك
خلوود"والله الحمدلله متى وصلتو
سارة"تونا الساعة 8 واصلين والحين كلهم راحو ايجهزو للخطبة
خلوود"ليش ماسرتي وياهم
سارة"كنت ماخذة من هناك فما يحتاي ارد اخذ وشعري اعرف اسويه روحي لامن طوله والمكياج الله يحفظني جمال رباني
خلوود"زين عيل شلي كندورتي اكويها ودخنيها(بخريها)
سارة:say to merry im bessy
خلوود"عدال بشو بيزي لاتخلي خلووف اي ويسمعج بيتطنز عليج(خلف هو لد خالتي دوم اينكت علي لأني ماعرف ارمس عربي كثر ماارمس انجليزي عمره 20 يشتغل ف الجيش بس مااطيقه من كثر مايتمصخر علي)
سارة:خي يقول شو يعني انا مب فاضية له
"""هوووود هووود
سارة:اف يا النشبه
خلوود"ولد حلال تعال تونا نطريك
طبعا عرفتوه خلووف
خلف"انت ممكن تطريني بالخير بس عيوز النار كله حش بحش
سارة"I'm going to go upstairs because I do not want to see someone who knows himself
خلف"ردت تتحرطم عنجريزي انا مفتك منه فالكليه اتي هاي اتذكرني فيه هاي شويايبنها هني
خلد:والله انتو(وراح عنه)
خلف"جنه سحب علي الله كريم (ويلس ايصارخ) يدوووووه يدييي يدووه يديييي اف وينهم خلني اروح اغلس بعيوز النار (قصده انا)
ساااااااااااااروووووووووووووووه وينج ياحمارة فجي الباب
سارة طبعا انا مااتحجب عنهم يعني هو ادري حرام بس لاكن ماادري احس انهم خواني كم مرة امي هزبتني بس عنيدة الله يحفظني المهم كنت قاعدة اسوي شعري ويفي وسمعت حسه قطع هالحس:ها حرمتك الحمارت what you want naw
خلف:ياخي ملان
سارة:شايفني لعبه يعني I am busy
خلف:انزين شسوي
سارة:سي قابل الجدور افزع خالك علك محد يفازعك بعرسك
خلف:هاانتبهي تراج قاعده تدعين ع عمرج
سارة:اتهبي الا انت هاالناقص
خلف:مستر انجليزي نشي انخطف ع البحر
سارة:no i cant i say to you im busy iwant to make my hear go away
خلف:اوهو تعالي لاه الا هو البحر بنخطف وبني
سارة:on condition(يعني بشرط)
خلف:شو هو
سارة بسير باسكن اول تولهت عليه وما بس جي بتعلمني السياقة غصب عنك
خلف:لاشوه اتخبلتي تمي احسن بالبيت انا الغلطان اعرض عليج خدماتي
سارة"يلا خلوف لاتصير حيوان
خلف:امري لله
المهم رحنا وجي وع الساعه 6 المغرب وصلنا البيت بيت يدي طبعا
وجفنا امي هناك ويدتي ويدي وابوي وخواني طبعا انا ماشفت يدي لان يوم وصلنا كان رايح العزبة وبعدين راح ايعابل بالخيم وبالبوفيه والعشا والطاولات وغيرة
فرحت سيدة بحظنه:GRAND BA IMEES YOU
يدي:روان ابوية شو تقول بنتج (روان امي)
امي:ساروه رمسي عربي اتقول اشتاقتلك وايد ابويه
سارة"انشاء الله اميه
يدي:حبيبتي اشتاقتلج العافيه ولله انا بعد تولهت عليج من اتروحون عند هالمفصخ يتم البيت صاخ الا يوم اي خلوف فديت روحه ويونسني ويسرح بي صوب العزبة
خلف:اخجلت تواضعي
امايه:سارا اميه سيري اتزهبي انتي ونور حبيبي ادمgo with your uncle and weer your candora
خلف:خالوه بعده ماعلمتية عربي
سارة:مايخصك فاخوي Do not occupy yourself in money means you(لاتشعل نفسك بالي مايخصك)
خلف:اتحرطت سيري سيري اتزهبي وهاي الناقة العودة بعد ماترمس عربي
اماية:خلهم جي احسن لهم لأنا اصلا مانيلس هني ويوم بخلص دراستي وبني هني يصير خير ذيج الساعه باجي لي سنه يعني لين ماتخلص يارة الهاي سكول انا مخلصة جامعه وبعد عمك (ترى ابوي يالس يتدرب هناك بواحد من المستشفيات ع اساس يعطوه شهادة خبرة واسم ابوي راشد)راشد باجي له سنه والباجين بندخلهم خاص احسن لهم
خلف:هي زين بس انعلمتو نوال انجليزي بجتلكم
اميه:ختكبر اول
ويلس خلف يلعب بنوال وامي يتها الكوافيرة ويلست تتعدل
وكانت الخيمة خيال (احنا من عوايدنا مانحب اتكون الخطبة كبيرة فدوم انخليها بالبيت او بخيمة يعني اهلية)مصممين الكوشة على شكل خاتم دبلة كله ورد احمر الا الجوهرة الي فوق ورد ابيض والطاولات كلها على شكل خاتمين دبلة ريال ودبلة حرمة جي يعني داشين فبعض الكراسي ع شكل جواهر وطالعه الخيمة خيال
يقول لكم شو كنت لابسة كنت لابسة فستان شيفون ماسك ع الجسم لتحت الركبة كمه طويل ابيض وكاسرة اللون بحزام وكعب حمر عاد انا قصيرة وماخذة لي كعب طوله طول حتى خلف اتمصخر علي وقال شوها طابوقه ومثل ماقلت لكم شعري ويفي وميك اب خفيف ولبست عباتي وظهرت
المهم وخلصت الخطبة ويلس خالي مع جواهر طبعا بوجود اخوها لأنها بس خطوبه
خللود"مبروك
جواهر:الله يبارك فيك
خلللود"انزين ارفعي راسج والله ماباكلج
رفعت راسها كانت اية من الجمال
نش اخوها جاسم:ايييييييييه بسك خلود يلا برع
خالد"ترضين يطردني من بيت عمي
سكتت جواهر لان يحليلها بروحها كانت مستحية وتبي الفكة منه عطاها رقمه لان عندنا بالمنطقة الي نحن فيها فترت الخطوبة هي احسن فترة للتعارف وغالبا ماانطولها عندنا عشان كل واحد يتاقلم مع اطباع الثاني قبل لايصير شي رسمي مثل الزواج ومايتوافقون ويا بعض وتصير الحرمة مطلقة
ف اليوم الثاني
بيت يدي
عزيمة عائلية بمناسبة خطوبة خالد خالي
الصبح الساعة 8
نشيت غسلت ويهي اتسبحت اتبخرت نزلت تحت لقيت امي اتبخر الصاله
سارة:امي حد بي عندنا اليوم
امي:هي بيون اخواني وعيالهم
سارة:بيون عيال خالي يوسف
امي:هي توني متصلابهم توهم طالعين من العين
(خالي يوسف ماخذله وحده من دار الزين فساكن هناك فالمسافة بعيدة ونادر مااشوفة لان يوم اي انا اكون بامريكى)
امي:سارة سيري اتصلي بمحمد وقوليله ايعابل للغدا لان حضرة خالج ويا ابوج فالشركة
سارة:ok mum (محمد هو اخو خلف ايكونو عيال خالتي هدى ماعندها بنات محمد عمره 26 اكبر من خالي خالد بس مب معرس جميل ويشتغل بالشركة شو سالفة الشركة هي اهل امي عندهم شركة بس مايغصبون حد عشان يشتغل بها يعني كل واحد وطموحه يعني امي مجرد ماتخلص دراسة بتشتغل هناك يشتغلو خوالي وخالاتي كلهم بالشركة حتى رياييل خالاتي ماعدا ابوي طبعا لانه تبع طموحه وخلف بعد وجي)
رحت واتصلت لمحمد
سارة:الو حمود
محمد:هلا بالطش والرش من طول الغيبات ياب الغنايم مس سارة
سارة:لاحبيبي لاغنايم ولا شي مااشتغل انت اتييب لي غنايم
محمد:افا عليج من عيوني كم سارة عندي
سارة:مشكور هي مب اخوك خلوف الله يخس بليسه
محمد:هههههه بعد شو مسوي خلوف اصلا وحاله ايشوفج توكم الا البارحة واصلين
سارة:افا عليك مايقصر خلوف راعي واجب شافني ورحب فيني اتدل ترحيباته عاد انت
محمد:ههههههههههههه
سارة:هي انت اضحك شو وراك هب انت الي يتمصخرون ع رمستك صح محمد امي اتقول لك سير قابل الاكل تدري اليوم عزيمة خالد
محمد:انشاءالله يالله عيل سارة اخليج
سارة"بحفظ الرحمن
رحت جان اشوف فكبتي مغربي شكلها يدوه مفصلته لي عيبني ولبسته رحت سويت ميك اب خفيف لبست انعال اتليق بالمغربي من تشارليز اند كيت ولبست الوقاية السودة
ونزلت تحت الا اشوف خالي يوسف واصل
سارة:والله نورت الفجيرة
خالي يوسف:منورة باهلها لي قاطعينها
رحت حبيت راسه وخذت علومه
وبعدين رحت يلست مع البنات بعرفكم على بنات خالي يوسف
عائشة معرسة عندها توم بنت وولد كبر نوال ختيه وبعدها اي سالم عمره 23 يشتغل بالشركة وبعده حمدة كبري هبلة وسخيفة ماخذه كل صفاتي خليفة عمرة 16 ياخي هالولد جميل كل مااشوفه اقول لو اكبر عني باخذة لو بدون مهر وبعده سلامة عمرها 14 هاي ويانور اختيه دوم حتى رصيد مايتم عندي من كثر ماتتصل بها وبس
طبعا رحت وياحمدة غرفتي وراحت سلامة مع نور ختيه غرفتها فبيت يدي كل واحد له غرفه عشان جيه ماخذين راحتنا رحت غرفتي ويلسنا انا وحمدة انسولف
حمدة:متى بتحولون البلاد مابسكم من التغريب
سارا"الصراحه جان تبين الصدق هناك احسن هناك اطلع من البيت مع ربعي محد يقول شي اهني اسوي مناحة لو بقول بسير بيت ربيعتي وهناك الطلعة اخف بدون عباة وجي اهني تيسري اتطلعي برع البيت بدون عباه اهناك نور تطلع بدون شيلة ولا وقاية اهنية من دخلت 13 وهي تتحجب ياخي البنية مب بالغة غصب اتحجبوها اما سالفه المدارس اهناك بالبريك انروح المول نتريق اهني شو والله الحمدلله اني بحول اهنية يوم بوصل الجامعه
حمدة:عاد فهاي صدقتي
سارا:بس اتصدقي دار زايد غير غير اروح واروح ومردي لها ياخي والله احن لها وارد ابجي يوم اودعها بالمطار مع اني صار لي مغتربة 10 سنين بس والله غير
حمدة:عاد تدري انا اروح دبي يومين اشتاق للفريج واشتاق للفجيرة انتي مول عاد اتروحي بعيد انا بموت لو جي
ميرة:بسم الله عليج شو تموتي (ميرة بنت خالي زايد كبري انا وحمدة)
سارا:انتي من يومج دخلتج غلط حتى سلام ماشي
ميرة:اوه ساروه السلام عليج
سارا:لاحبيبتي كملي الرمسة لاه
حمدة:ههههههههههه طحتي من عيني ميروه جي ماتسلمي
ميرة:هي انتو طيحوبي انتو الثنتين
سارا:تعالي انسوي وياج سوالف
بعرفكم ع عيال خالي زايد
حامد اكبرهم عمره 30 ماخذ عايشة الي هي اخت حمدة الي عندهم التوأم مالا داعي اعيد صح-مريم توأم ميرة بتتعرفون عليهم بالرواية-نواف 16 ربيع خليفة الروح بالروح -نايف عمره 10 سنين توه صغير
دخلت مريوم كالعادة بدفاشتها :ساروة الكبشة (كبش=يشبة الحمار)وينج البارحه ماراويتج يزاتج(البارحة كانت سرحانة وصرخت لها باذنها وميرة صرخت بالاذن الثانية):ميروه ادبتها لاكن انتي
سارا:وعليكم السلام جب انتي جب لاترمسيني يوم كنا فامريكى حضرتج مصورة لي ايفون 7 الاحمر وقلتيلي هدية لج وللحين ماشميت ريحته
مريم:اوه راح عليج نسيت سالفتج عطيته لربيعتي
سارا:خص الله بليسج انا البارجه اتريا الخطبة اتخلص عشان افرح به
مريم:خلاص بخلي خلوف يشتري لج
سارا:يخسي ماابي منه شي هالي ناقص
حمدة"هههههههههههه ليش شو مسوي
سارا:يع فكوني من طاريه انزين شو كنا انقول
خالد:سااااارا سااااااااارا سااااااااارا
سارا:ها خلووود
خالد: يلا غدا
سارا:اوك يلا بنات

aln3imia 02-08-2017 01:13 AM

رد: رواية اماراتية(عذبني البعاد تعال اشفي غليلي)
 
اوكي سو هاذا البارت الاول خلص وباجر انشاءالله البارت الثاني
بس حابة اوضح شي الاحداث حقيقة 100%
في شي من الخيال الي هو صلة القرابة و الاسماء وبلد الاقامة
بس المحور الاساسي للرواية حقيقي100%

aln3imia 02-08-2017 03:26 PM

رد: رواية اماراتية(عذبني البعاد تعال اشفي غليلي)
 
البارت الثاني:


نزلنا تحت شفتهم كلهم قاعدين يتغدون نحنا ماعندنا سوالف الحريم بالصالة والرياييل بالميلس كلنا بمكان واحد لاننا كلنا اهل المهم رحت خذتلي سيزر سالاد وماي ويلست ع الطاولة وكان صوبي خالي وابوي وجدامي خلوف الاهبل
خالد:سارة سيري خذيلج غدا
سارة:خالي شفيك مب سادنك الصحن بعدين بغدي شرات الدرام
خلووف:هي بس خلود خلها عند هاي اجنبية هب متعودة عالغوزي وعالمجبوس ثجيل ع معدتها
سارة:This is something that does not concern you(هذا الشي مايخصك)
خلف:اكلي اكلي بالعافية مس انجليزي
سكتت عنه عشان مانتضارب بعدين(على اساس ماتضاربتو هههههه) وينازعونا
يدي:راشد متى بتردو
راشد:والله الحين اجازة الشتا عند اليهال وانا ماخذ شهر وروان ماتبي تاخذ صيفي لانها اوريدي ع السنه الياية بتخلص فيعني باجيلنا 3 اسابيع ليش عمي؟؟
يدي:والله ماشي بس كنت افكر انروح نعتمر شرايكم
خالتي هدى:والله انا عني بروح وبتوصلني منك الاجازة بعد
يدي:هههههه وانتو (قصدة خالي زايد ويوسف وامي)
زايد:انا بعد رايح ولاشرايك ياحامد بتخاوينا
حامد:انا بروح بس ماادري اليهال بعدهم ضغار
امي:انا سايرة وجان عن عبدالله والعنود تراهم وي نوال بودي وياهم الناني
حامد:جان جي عيل خير البر عاجل
خالي يوسف:انا بعد وياكم
يدي:خلووووف وحطبة
خلف:يدي والله اسمعك تراني صوبك بذمتي اني هب بعيد لاتصارخ انا حذالك
يدي:زين اقطع الرمسة والاكل وسير قص التذاكر من باجر احنا رايحين ونتم هناك اسبوعين
خلف:يدي انا ماخذت اجازة بعدني (ترى هو كان راجع الويكند)
يدي:سير احجز وودي تذكرتك وقول لهم انا رايح اتعبد وبيوافقون
خلف:انشاءالله يدي..... محمد نش وراي
سارة:بس مب جنة so early
راشد: احسن انتي فعمرج مارحتي يعني ع اساس لو قلنا بعد باجر كنتي بترتبي جنطتج اليوم
سارة:هي والله صح عيل انا بروح المول باخذلي ثياب واسعة عشان ارتاح بالطواف
راشد:زين بحول لج بيزات ببطاقتج
سارة: thx dad Let's go to my room
البنات:يلا

غرفتي
الساعة 2 العصر

سارة:بنات شرايكم انحرك المواتر شوي
حمدة:يعني وين بنروح؟
سارة:ناوية اروح مول دبي ولا ستي ووك
ميرة:هي لامن زمان عن دبي
مريم:حبايبي انتو وايد تتحلمو منو بيودينا
سارة:هاي عندي خلود ولا محمد
حمدة:بس محمد ضنتي راح ويا خلف ايقصو التذاكر
سارة:يالله هم لابيرقدو هنا الا راحو ايقصو التذاكر وبيردو خلني اتصل اول لحمود وبجوف اذا يقدر
محمد:السلام عليكم
سارة:وعليكم السلام ها محمد خلصتو
محمد:هي تونا قصينا التذاكر والحين راد عندكم خلوف راح ياخذ اجازة
سارة:حمود ابي اطلب منك طلب
محمد:شو
(سمعنو صوت موتر يدش فالكراج)
سارة:لاتبند الموتر الحين يايينك انا والبنات
محمد:وين تبون اتروحون؟
سارة:نبي انروح دبي يعني مول دبي مردف ستي ووك دام انه شتى جيبي ار وجي يعني
محمد:خلاص سيرو استاذنو وعقب ردو علي خبر انا بالموتر اوك
سارة:يلا مع السلامة
(وبندت عنه ورحنا كلنا تحت)
سارة:يدي حبيبي انا وايد احبك
يدي:هاساروه كم تبي؟
سارة:لاابوي حولي بيزات ابي شي ثاني
يدي:امري
سارة:نبي انروح مع حمود دبي
يدي:ليش
سارة:ابي اخذ مخاوير حق العمرة(ااااه يالخرط)
(البنات كلهم فيهم ضحكة)
يدي:عيل دام جي خلو الموضوع علي
سارة:يلابنات بسرعةجهزو
اتصلت لحمود
سارة:حمود خمس دقايق وبنييك السيارة شغل الرنج اوسع لنا الرنج مالي لاتنسى
محمد ماوحاله ايرد علي مسكين الا وانا مبنده فويهه
ماكملنا 3 دقايق الاونحن فالسيارة
ركبت انا جدام والباقين ورى
محمد:هاكيف رضو؟
حمدة:سارة راحت قالت ليدي اننا نحن رايحين انفصل مخاوير
الكل:هههههههههههههههههههههههه
سارة:اضبطكم
شغلنا بفوني بلوتوث اغاني انا طبعا كل اغاني ميحد ومحمد الشحي وحسين الجسمي بس بالبداية كلهم محمد الشحي
سمعت اغنية الحب كله طولت كامل
ماادري ليش هالغنية اتييب راسي
لاهنت لو ناداني الشوق يا زين
خذ من مقامي حيز الحب كله

مالاق غيرك وانته لايق على العين
شفتك و ميلات الهوى مستقله

(خذني ولا يسأل فوادي على وين
ان كان وادي الموت لجلك نزله

انته الذي قابض عنان الشرايين
ابكل ما يخفق في صدري تدله )

صاحبك ماهز فغرامك فنايين
لو فضوا العشاق مليون دله

كثر الوله سلط (ع صدري) شياطين
كم زاد هاذا الحال ع الطين بله

لا تقطع المشتاق و تقلب موازين
محور غلاك استنزف (العمر) كله

تامر على روحي ولو كان لك دين
اجبر بخاطر من يحبك وشله .. !

يا من اذا يتغريف الغصن ويلين
ايكثف اوراقه ..ويبغي يظله

ياللي عليك الوصف مكتوف ليدين
كنه الحسن تعقد رباطه و تحله

علقتني من سحرك المتسع لين
ضاقت على كل الجوارح تمله

لك في زوايا العاطفه بين قوسين
(انسان ما تنجب لك الدنيا مثله )

aln3imia 02-08-2017 03:26 PM

رد: رواية اماراتية(عذبني البعاد تعال اشفي غليلي)
 
بكمل البارت الثاني اليوم فليل لاني هلكت صراحة باااي

aln3imia 02-08-2017 05:38 PM

رد: رواية اماراتية(عذبني البعاد تعال اشفي غليلي)
 
تكملة البارت الثاني

الساعة 4
السيارة
الشلة الفاسدة
حمدة:مللتينا ويا محمد الشحي مالج
سارة:شو شوتقولي(كان وايد مطول فما ينسمع قصرت عشان اسمع)
حمدة:مادري شوعايبج بصوته اتقول بنت والعياذ بالله
سارة:عاد حدج كله ولا محمد الشحي
محمد:ساروه ماعندج ميحد؟
سارة:امبلا اصبر
وحطيت لهم يابوي متصوع يديدة بس مايابت راسي عسب جي مانزلتها
يابــوي انا اســهر والمــــلا رقود

يابوي انا عــــفت الــــــــــــمنامي

يابــوي انــا لي قــــلب مــــصيود

مصـــطاب مـــن حــــلو القـــوامي

يابـــوي انا اشكـــي نـــاعم الــعود

ياللـــــي عــــليه الـــقلب ضــــامي

لاتلـــــومنـي يــــــابوي بـــــالزود

انـــــــا المــــــتيم فــــي الــــغرامي

لــــــو دون وصـــــله داروا حسود

ماهــــمني كثـــــــر الكــــــــــلامي



بينــــــي وبيـــــــنه لـــــزم وعهود

مــــــــــوثقه لــــه بحـــــــــــترامي

يابــــــوي احـــــبه حــــب مـــفنود

واللـــــي شراتـــــــي مـــــــــايلامي

فـــي الروح حـــــــبه دوم موجــود

ويــــــابوي هــــايم بـــه هـــــــيامي

هـــو غــــــايتي وهــو كــل مقصود

واحــــــن لـــه حـــــن الضــــــوامي

عســــــاه في راحــــــات وســــعود

وعســــــــاه في خــــير وســـــــلامي
وعقب وصلنا تمينا انحوس بالباركنات نص ساعة لين ماحصلنا باركنق بالموت لا وابشركم اخر الدنيا
نزلنا مول دبي ودايما عندي الافتتاحية قبل الشوبينق اتكون اللسكيت كلنا كنا لابسين بدل فيسدة رفعنا عبينا لين تحت الركبة وربطناهن واتزلجنا انا كنت لابسة جنز مشقق بش الشق كان من عالركبة فالعباة غطت وكنت لابسة خلخال ذهب بس مب الخلخال هاذاك لاالي اي خفيف شرات الاساور
يوم بدينا كنت امشي ع الطرف لاني فامريكا مااسير هالاشيا ادم ونور ايسيرو اما انا ماكنت اروح غالبا اروح كوفيات فالشتا فما كنت متعودة
بعدين زادت عندي كمية الخبل من جفت ميرة ومريم قاعدين يستعرضو بالنص ويسوون حركات اتفطس ضحك وياتني حمدوه
حمدة:اية ساروه انشاءالله بتمين ع الاطراف
سارة:اخاف انجلب
حمدوة:عادي حبيبتي هني محد ينتبة للي يطيح طيحي وتغشي
سارة:يلا عيل
مسكت ايد حمدوه ويلسنا نسرع لين ماوصلنا عند قوم ميروه نور وسلامه ومريم ماقدرت اتوازن لاني كنت مسرعة فمسكت نور ختيه وطاحت المسكينه هههههه
بعدين سوينا حركة كلنا اتمسكنا فبعض ويلسنا نتزلج انا كنت عالطرف اليمين ومريوم عالطرف اليسار فجاه جفت ريال جدامي خفت ادعمه وماصار عندي توازن وطحت وبما انا حضراتنا كلنا متمسكين فبعص كلنا طحنا هههههههههه
الصراحة محد كان عايش حياته غير نور وسلامه مامتحجبين ولو طاحو يعني مابيكون شي شي لانهم يهال المهم ويلسنا نتزلج وطبعا مايخلو من الطيحات طلعنا ورحنا كوفي شوب
يلست اعابل بالسناب لقيت خلوود مصورنا ونحن انطيح كلنا وراويت البنات جد كان شكلنا ايفطس ضحك
بعدين انتبهت محمد هو الي يابنا كيف خلوود مصور اتصلت لخالد
خالد:هلا ام الطيحات
سارة:هههههههه انت وين
خالد:هني عندكم فمول دبي ويا الربع
سارة:حسبي الله لايكون حد منهم جافني وانا اطيح
خالد:ههههههه كلهم جافوج حتى الي عندي بالسناب
سارة:خس الله بليسك وليش اتصورني بعد وبعدين شيايبك المول
خالد:ماشي حواطه
سارة:ههههههه يالله بتخلص رصيدي باي
ماوحاله يقول مع السلامه الاوهي مبنده
بس انا ماكنت منتبهة ع نفسي وان عبايتي انفتحت لفوق ركبتي وطبعا كنت لابسة كعب ومحطيه ريل عريل فمبينه ريلي من فوق وحضرتي مامنتبهه
ريال1:ياحلو عطينا وجه
سارة:حمدوه امي اخاف زقري حمود
ريال2:لاانا ماابي حمدوه ولاابي حمود ابغاك انتي
سارة:اقول روحو صدق ناس ماعندكم سالفة
ريال2:افا اجل نحن ماعندنا سالفة اتصير عندي سالفه لجل عيونك(عيون سارا طر ناعسه وعلى وسع وسودة سواد الليل حتى يوم اتحطي عدسات مايظهر لون العدسات)
سارة:اقول نشو ترى ماعندنا وقت
البنات:يلا
وراحن البنات يتسوقو وراحو شلة الشباب احسن فكاك وخلصو البنات طبعا اشترو من البناطلين الواسعة الي ظاهرة هبتها الحين وخلصو

عند الشباب
خالد:وش تبغون فالبنية خلوها فحالها وراكم عمره بعد يومين استغفرو
عبدالرحمن:انت وش دخلك
خالد:وش دخلني اه اعلمكك عند ابوي
عبدالرحمن:براويك ان علمته
خالد: وش بتسويلي عاد
عبدالرحمن:بتشوف
خالد:هه خفت
اكيد عرفتوهم عبدالرحمن وعبدالمجيد ربع وهاييل المغازلجية اما خالد هاذا اخو عبد الرحمن عمره 19 اصغر من عبدالرحمن بسنتين

عندالبنات ياهم محمد وروحو فالسيارة
سارة قاعده اترمس ابوها
سارة:هي ابوي الحين بنتعشى ع حساب حمود وبنروح---لالالاتشيل هم ماخلصت بيزاتي بس لازم هو يدفع مب ريال ولاشو---- يلاتمام بابا---يمكن نوصل ع الساعة3-----انت لاتخاف بس لاتنسى تجلد حمود اذا استوابي شي-BAY
محمد:اول شي منو قال لج اني بدفع يوم اني مخرشة وثاني شي بعد مطلعنكم تشترو مخاوي ويجلدوني
البنات:هههههههههههه
سارة:منو الريال هني
محمد:انا
سارة:منو اكبرنا
محمد:انا
سارة:منو يالس يستعمل موتري
محمد:انا بس انتي قلتيلي اشغله عساس اوسـ
سارة:بس عاد هاي مشكلتك ودانا جميرا ابي اتعشى بمدفون السدة(ترى اكل المطعم هذا لذيذ كل ما نسكن بجميرا لازم اكل منه)
محمد:اي اوامر ثانية
سارة:be quiet
محمد:انشاء الله
وصلنا المطعم وتعشينا وضربنا خط الفجيرة
وصلنا البيت تقريبا 2:30
كلهم وصلناهم بيوتهم الا عيال خالي يوسف لانهم مابيروحو العين وبيردو باجر فيو ويانا بيت يدي

فاصل
__________________________________________________ _________________
صح ماشرحت لكم بيت يدي كيف هو كبير وفخم اول شي غرفة الحارس والبيدار صوب باب الحوي ومن تدخلي في نفس الدوار الي هي نافوره عودة مصممة ع الطراز الاندلسي وصوبها تماثيل وقدامها الباب في مثل الرفعة جي جدام الباب اتكفي لسيارة وحدة فيها عمودين نفس تصميم النافوره وفيه من فوق ثريا ومن الصوب اليمين فيه مسبح يعني جي يبدا بمتر عقب يوصل لثلاث امتار يعني اولمبي وصوبه جي كراسي وفيها مضليات وطبعا فوق المسبح مثل اليدار على شكل الزخارف الاندلسية وورى البيت المطبخ والستور وجي يعني اما على الجانب اليسار في خيمة كبيرة ع اساس كلنا انسد بها ودايما خلوف ييلس بها وصوبها في كراج كبير خلصنا من برع انيي للبيت بيت يدي ثلاث ادوار الدور الاول اول ماادشي عالصالة الرئيسية الصاله كلها بيج بس من فوق عالاطراف الزخارف الاندلسية وجي محطين الطاولات والغنفات كلها من الاندلس بعدين في الطرف الدري هي الدري عشكل دائري وع كبره مرسوم عليه رسمة خيول كلها بالبني والبيج وهالالوان فمتناسقة مع الصاله وعاليدار كل انجازات العايلة مغلفة جي بزجاج اطرافه زخارف ادرع وجوائز وغيره قبل الدري بشوي اييج الميلس مثل نظام الصالة بالضبظ وغرفة الطعام صوبه قد شرحت عنها والدور الثاني فيه غرفة يدي ويدتي -غرفة امي وابوي-(طبعا كل الغرف غرفة وصاله ودريس روم)-وملحق خالي -غرفة ادم-الدور الثالث غرفتي -غرفة نور-مطبخ جي صغير عشان اذا يعنا بليل وثلاث غرف زايدة ثنتين للضيوف غالبا ماينامو فيها عيال خالي يوسف حزة ماايون والثالثة لاختي نوال لما تكبر شوي الغرفة اوريدي فيها ملابس نوال بس هي تنام عند امي وبس
__________________________________________________ _________________

انواصل

انرد للرواية
رديت غرفتي ورقدت
وعيت ع صراخ يدوه
يدوه:ساروه ساروه نشي ضيعت الميانه البنت من راحت عند المفصخ ساروه نشي رتبي اغراضج يلا الحين الساعة عشر
فزيت الحين الساعة عشر ونحن لازم انكون طلعنا لين مانوصل المطار خس الله بليسي نشيت حبيت يدوه عراسها جهزت اغراضي بسرعة وفريت عبايتي للخدامات ع اساس يكووهن لي بسرعة يوم فتحت فوني اكتب traveling taim انتبهت انه الساعة الحين ياية تسع ضحكت وقلت بخاطري انا الغبية ماادري كيف صدقت يدوه نزلت تحت
سارة:يدوووه يدووه جفت يدي وسلمت عليه :يدي وين يدوه
يدي:برع اتحط الجنط فالسيارة وين جنطتج خلي الخدامات اينزلوهن
سارة:انشاءالله يدي رحت زقرت الخدامات وراحن ايشلن جنطتي وودوها السيارة او بالاصح جنطي يت الساعة عشر ورحت لبست عباتي ونزلت تحت لقيت كل خوالي متجمعين ع اساس يطلعون مرة وحده اتذكرت حمدوه خفت اتكون بعدها راقده لقيتها واعيه ولابسة عباتها وقاع تلعب بفونها قلت الحمد لله زقرتها ورحنا تحت ارباعه
سلمت حمدوه ع الجمهور هههههوانا قعدت اسولف مع خليفة والله انه عجيب
خليفة:اونه رايحيين المدارس ربعي وحليلهم (ترى هم ماخذين اذن من المدارس انهم بيسافرون وجي لان نحن اجازتنا عكسهم) لازم اخطف عليهم اونه البارحة يوم داومت اونه الاستاذ قاع يقولي وليش بتسافر عطيته كاش قلت له رايح اتعبد مب انت مادري متى اخر مرة مصلي وابوي يطالعني وده يصفعني
سارة:هههههههه اتخيل انا لو قلت جي مابس بيفصلوني من المدرسة بيطلعوني من امريكى بكبرها ياريال
خليفة:حولي هني الامارات بيشيب راسج من الخبل انا وحمدوه ساعات نتفق ع ساعة نشرد بها ونتلاقا بالفجيرة مول
سارة:ههههههههههه احنا مايحتاي شردة اذا تبي اطلع بس اهم شي ماتعور راس التيتشر
خليفة:والله ماادري انتي كيف عايشة هناك ماتحسي بطعم الدراسة اصلا هني صدق اتحسي وتتذكري احلا ماضي ماادري انتي يوم بتتخرجي شو بتتذكري
سارة:انا مااصدق متى بفتك من المدرسة اتقول لي اتذكر يع
خلف:مب جنه مصطفى الي يتكلم ولا انا اتوهم خليفة
خليفة:لا هوهو
سارة:اسكت انت مايخصك بعدين اشعنه اتدخل عصك باللي مايخصك
يايبي ايرد عليها اعلن اليد بداية رحلة يديدة للمملكة

انتهى البارت مع تكسير ايدي والحمدلله

aln3imia 03-08-2017 12:00 AM

رد: رواية اماراتية(عذبني البعاد تعال اشفي غليلي)
 
البارت الثالث

سو اكوي يس يس انا اليوم بكتب البارت الثالث ميبي مااكتب كله بس اكتب نصه ع حسب الامكانيات
انزين بالبارت الاول قلت انه خليفة عمره16 سوري بالغلط هو عمره15


بسم الله
__________________________________________________ _________________

كان تقسيم السيارات جي ب6 سيارات
(امي وابوي ويانور وسلامة ونوال وادم وخليفة والناني مال نوال)
(يدي ويدتي وياخلوف ووراهم اغلب الجنط لان السيارة فاضية)
(حامد والعنود وياعيالهم ووراهم بعد الناني)
(خالد ومحمد وانا وحمدوه وميروهومريوم)
(خالي يوسف وحرمته وياهم خالي زايد وحرمته)
(نواف-نايف-سالم)
طبعا السيارات الي مولعة الجو سيارتنا وسيارة قوم سالم ونواف
فسيارتنا
سارة:خلووود اية سوق عدل شوها 80
خالد:اية تبي اتجتلينا فامريكى احيد محد عندكم يسرع
سارة:ربعي السمر يوم اروح وياهم اقل عن 140 ماشي والله انهم فلة
خالد:هاذاك عند ربعج السمر مب هنيه
سارة:اقول خلوف انت الي عطاك الليسن مافيه مخ عطني اسوق
خالد:انا اقول لج عيل الي بيعطيج اليسن مافيه مخ
سارة:اخ لاه انزين عطني اسوق
خالد:ماشي سوقي فامريكى ماشي سواقة هني
سارة :يلا عاد خلود عن شغل الحيوانات
خالد (سحب علي الحيوان)):ها حد يبي شي من الشيشة (شيشة البترول=المحطة)
حمدة:هي ابي اكل ماتريقت اليوم
سارة:ايه ارمسك
(بعد مارد علي)
سارة:خلاص مر الشيشة بروح الحمام(تكرمون)
وقف خلود عند الشيشة وراح هو الحمام (تكرمون)هي الحين عرفت ليش قال حد بيروح الشيشة ماايي منه شي لوجه الله الحيوان كلهم نزلو استغليت الوضع قفلت بس الباب الي قدام ويلست فيه ويوم يو يوكلهم الا خلود راح المحطة خد له اكل وانصدم فيني ويا يبي ايهد الباب مارام قد ورا عند البنات(لاتتفلسفو خالهم) جان يبي اينازعني ماوحاله ايسكر الباب الا وانا ماشية فمن الخوف سكر الباب
خالد:ايه يالخبله شتسوي وقفي نزلي الحين
(رديت فيه الحركة ولا تعليق)
خالد:اية ارمسج انا
(لاتعليق)
محمد:انت بعدك معرفت بنت اختك عنيدة
سارة:قلت لك عطني بالطيب مارضيت برايك
(وعطيه 140)
محمد:ايه انا اخاف عسلامت نفسي
سحبت عليه رشت فوني لحمدوه:حمدوه شبكي بلوتوث حطي لنا اغنية عدله مليت
خالد:خلاص خلاص انا بحطي انتي بس انتبهي للطريق
وحطولنا يانسيم البر الجسمي والله اتقند عليها(ماانلام ابويه بدوي)
يا نسيم البر باسالك
كيف حال انعيّم العودي
قال حاله غير عن حالك
في هنا وايامه اسعودي
وانت يالمتعذّب الهالك
ما عنِك ناشد ومنشودي
قلت انا صابر على ذلك
مرتبط بايْمان وعهودي
قال لا يَطرا على بالك
أن ذاك الوقت بَيعودي
قلت انا المملوك والمالك
ع امتلاكي عنده اعقودي
قال انا ماوي على حالك
والّا مالي عنه مقصودي
كم لي ماتوا من امثالك
من سبب ترفات الخدودي
قلت له يعل الثّنا فالك
لا تعاذل عن هل اليودي
تم منوالي ومنوالك
في الحفظ يا ريّف النودي
وذليت اخلاقهم كل شوية واعيدها لين وصلنا مطار دبي كانت الخطة انروح جو والردة بر فودينا سياراتنا الشحن عساس بعدين يوم انروح المدينة وجي
رحنا المطار فذيج الساعة مادري خطف علي ذكرى اول مرة طلعنا من دار زايد لامريكى صح انه من عشر سنين وكنت ياهل حزتها(عدال يالكبيرة)اسميني جنت اصيح فشلتهم ماادري ياني شي يقمت وحسيت نفسي بصيح نزلت دمعتي ومسحتها ادري اني سخيفة بس والله مابيحس بي الا الي اتغرب صح اني اتاقلمت مع امريكى بس ارد اصيح يوم اطلع من دار زايد وبالنسبة لي محد ايي شراتها رحنا السوق الحرة مادري شسمه المهم مابعادتي اروح بس يعني لاني جنت ويا البنات فرحت معاهم لقيت محل فونات اهناك جفت الايفون الاحمر ضحكت قلت بخاطري اصلا عادي باخذ كفر احمر حق الايفون مالي وبيصير ايفون احمر (الايفون مالي روز قولد7s)خذت لي كفر ورحت اخذ كندر مال المطار لادم اخوي يحبة انا جبدي اتلوع منه رحت قاعة الانتضار مال البزنس عطيت اخوي وجفت الساعة وكانت 11:30 يعني باجي نص ساعة اف يالملل فتحت السناب وكله سكيب سكيب ويلست اسولف ويا دانية ربيعتي ابوها امريكي بس امها لبنانية فتعرف عربي(بيني وبينكم ماكنفيجة اكتب وارد اكتب عربي)
بعدين انتبهت للكفر ولبست فوني ودريت ارمسها
دانية:هلا وين بدك اتروحي لسات ماصارلك يومين بالامارات
سارة:والله بروح اعتمر مابتخاويني
دانية:والله ياريت عمري مارحت
سارة:شو قاعدة اتسوي الحين
دانية:هلا عم اكلمك وعم استنى فرانك يجي لياخدني (فرانك ربيعنا اجنبي بس اربيع لايروح بالكم)
سارة:اف والله اني متمللة من جو المطار بعده باجي نص ساعة زايدة
دانية:طيب انتي مامعك اهل امك اتاضي معاهم وات
سارة:امبلا موجودين بس رايحين السوق
دانية:طيب روحي معون
سارة:تبين الفكه مني شو ههههههههه
دانية:بدك الحئيئة فرانك وصل باي
_______
ادريبها الحيوانهه هههههههههه
جفت الساعة كانت 11:45 بعده ربع ساعه بس ضنتي فتحو البوابات ييت بقوم من الكرسي جفت قوم مريوم توهم يايين
مريوم:لهالدرجة فاقدة الامل فيني اني مابييبه لج
مافهمت شسالفة قعدت اتطالعها يعني شسالفه
مريوم:مبروك عليج
بعدني مامستوعبة مسكت الجيس اجفت داخله بكس كان مغلف فتحت الغلاف جفت الايفون الاحمر وحضنتها :مريووم شكرا(هي صرخت وكل العالم صدو علينا ههههههه)
ورحنا وانا وامشي دعمت بحد لاني الغبية كنت اعابل بالايفون مانتبهت :اوه سوري خلوف (جسمه كان جسم خلف بس شكله نو نو هاذا المغازلجي مال مول دبي وهاذا منو وياه الي انا دعمته )(اكيد عرفتوهم عبدالرحمن وخالد)
سارة: اوه سوري اخوية حسبالي ولد خالتي
خالد:مسموحة
ورحت عنهموعادي ركبنا الطيارة وجي يعني ووصلنا مطار جدة وسياراتنا بعددها ماوصلت فاجرنا 4 سيارات بس حجمهم كبير تقريبا كان نفس الترتيب
(امي وابوي ويانور وسلامة ونوال وادم وخليفة والناني مال نوال)
(يدي ويدتي وياخلوف وحامد والعنود وياعيالهم ووراهم بعد الناني)
(خالد ومحمد وانا وحمدوه وميروهومريوم وخالي يوسف وحرمته )
( خالي زايد وحرمته ونواف-نايف-سالم)
طبعا كان الطريق هدوء لان فكل سيارة يوجد كبار شخصيات ههههههه
ورحنا فندق الصفوة وترتيب الحجر كان جي
السويت كان فيه ثلاث حجر وصالة ومطبخ
السويت الاول: يدي ويدتي-امي وابوي ونوال-حامد وحرمته وعياله
السويت الثاني:خالي زايد وحرمته-خالي يوسف وحرمته-خالتي هدى وريلها
السويت الثالث:انا وحمدوه-مريم وميرة-سلامة ونور
السويت الرابع:خالي وخلف ونايف-محمدوسالم-ادم و خليفة ونواف
السويت الخامس للناني مالنا ومال حامد والدريول مال يدتي
طبعا انا وحمدوه مطيحين فسويت يدي
يدي:سارة حبيبتي يبي لي غرشة ماي
سارة:امي ماتبين
روان:امبلا
عطيتهم
حمدة:يدي متى بنروح نعتمر
يدي:بنصلي العصر وبنروح يلا هبابكن اذن
رحنا وطفنا حول الكعبة وصلينا ركعتين تحية مسجد ورحنا شربنا ماي زمزم ورحنا الصفا والمروة وعقب يلسنا شوي نحن كنا رايحين يوم الاثنين فيدي ويدتي صيام فاذن علينا المغرب وصلينا مع اعذب صوت صوت السديس عقب رحنا الفندق ع البفية جد جد كنت يوعانة لاني من كلت ساندويج الصبح ماكلت شي خذت لي تبوله مع صحن شوربة وخلصته كامل والله حسيت اني مسوية انجاز لاني هب من عوايدي اصلا اخلص صحني كامل
ورحت فوق اعابل بفوني اليديد اتدلون الفرحة عاد
ورحت الغرفة فوق بدلت ملابسي لاني قلت بصلي العشا بغرفتي وبرقد لاني منهد حيلي امس ماراقدة غير 3 وناشه من الساعه ثلاث من الملل حطيت ماسك ع اساس ماارقد وعابلت بفوني لين مااذن نشيت وغسلت الماسك وتوضيت عنهاية الاذان لبست عباتي وقلت خلني اسير اصلي بالحرم احسن وطبعا محد فالفندق غيري لانهم كلهم تمو بالحرم وانا نازلة انتبهت لنفس الاشخاص المغازلجية مال دبي والي دعمتهم ابتمس وانا اقول بخاطري ماادري كيف الدنيا اترد وتجمعني بيهم حسيت انهم انتبهو اني قاع اتطالعهم فضحكو رحت الحرم وصليت وقعدت اقري قرآن ويوم رديت الفندق كانت الساعة جي ع 11 وانا ماحاسة بالوقت يوم دخلت الغرفة الاوميروه تحضني استغربت:ايه بلاج
نور:اتخيلي شو عبالنا حد خطفج
سلامة:وازيدج من الشعر بيت كنا ناويين انخبر خالي من كثر ماانا خايفين كليج
سارة:هههههههههههه اتخيل اشكالكم
انا مبردة دمي وهم مساكين ههههههه رحت انام عنهم
__________________________________________________ _________________


اممممم انا اليوم خلصت النص الاول من البارت الثالث وباجي بنهيه
عطوني رايكم بالبارت وقولولي اذا في شي مب عايبنكم يعني عاساس اغيره وبالعكس اتشرف بآراءكم

دلووووعه وبس 03-08-2017 12:08 AM

رد: رواية اماراتية(عذبني البعاد تعال اشفي غليلي)
 






هلاا
منورة غرام
بداية موفقة




بس كبري الخط شوي

وبالتوفيق

🌚🌚🌚💔












aln3imia 03-08-2017 12:30 AM

رد: رواية اماراتية(عذبني البعاد تعال اشفي غليلي)
 
اقتباس:

المشاركة الأساسية كتبها دلووووعه وبس (المشاركة رقم 29644964)






هلاا
منورة غرام
بداية موفقة




بس كبري الخط شوي

وبالتوفيق

🌚🌚🌚💔













اشكر تواجدج
من عيوني بكبر الخط


الساعة الآن +3: 05:09 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1