اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات أدبية > شعر - قصائد - قصايد - همس القوافي
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-08-2017, 12:16 PM
غنيم الشمري غنيم الشمري غير متصل
©؛°¨غرامي جديد¨°؛©
 
الافتراضي البارحة عيني به النوم مابات


هذي القصيدة لشاعر راضي فهد الشمري رحمه الله ردن على دحل بن ظويهر الاسلمي الشمري

البارحة عيني به النوم مابات
ياما عمود الصبح بيّن بالاسفار
فكري خذا مع بحر الاشعار سجات
يدق بالخافق مثل دق الاوتار
يالمنتظر عطني من الوقت لحضات
واعطيك رده والمناديب حضار
حضرت انا للاشعار بوك السجلات
بمصطر القرطاس سجلته اصطار
وارسلتبه راعي مساري وسفرات
متعودن على المماشي والاسفار
قم يانديبي فوق ضخم القزوزات
شد الحفيز الفين وأثنين جكسار
يفرق على غيره بتطوير ميزات
وياجاه راع الصنف في قيمته حار
هو رغبته ماله بغيره حسافات
يختاره اللي عارفً كيف يختار
عند الوكالة باينله دعايات
آخر مديل وكل طبلونه اصفار
يرفض منزل قيمته بالمبيعات
مايقدرونه بالثمن كود تجار

مايشتريه اللي حواله رديات
من واردن سعره بالاسواق مابار
ياشافه المفلس تعبر بنهتات
ماله على مشراه بالنقد مقدار
حتى الموظف لازم أربع كفالات
خوفً يموت أثنين والحول مادار
يخصم من الراتب على كمبيالات
مع المعرف واحدن يكفل احضار
بمواصفاته فل من كل الاصفات
فتحه مكيف مركزي باردن حار
صدام فيبر والرفارف رفيعات
ومثبتً شاصه على عدة أكمار
بطنه ورا قدام دبل بليتات
درعً حماه عن الرضم دار مادار
عن خوف تاثير الدروب الغزيرات
مع عثعثً ماله عن الويل مضهار
يكد ويلاته بمصادير سقسات
مطروق ياطنه دواليب الاموار
مجرا شعيبً به مقطع غرازات
ويزحم محاجر فيضةً طين وغبار
يضك مطلاعه جلافع وميلات
وينطح بخطو الريع رملً على حجار
مثل الدجا سودن حزومه وذكرات
ومذرب حيفه تقل ضرس منشار
بأرضً خلا ماتشوف فيه استراحات
ويا امساك فيه الليل ماقبالك أنوار
تلقا معه رمس الدروب القديمات
نوبً يضيع ونوب لدرب سمسار
شاحً ودنك عروقً مشفات
يم النفود اللي تهايل وتنهار
عشق تروس عكوس كل الدبلات
يبرم عموده بالكوارين فرار
عطه الوقود وباشره بالغيارات
دسله ويفتحله مع الدرب معبار
خذاله اليابان كل الحسابات
صمم بموجب خارطة صحرى الاوعار
ضد النفود اللي هباجه وسيعات
في مهمهن تبحل بدوه وتحتار
علطً مطالعهن محاوس ولفات
وعروضهن كله مطابيق وأشجار
يضربهن على مكابس ونزلات
طريقهن كله حواسيد ونقار
أخترت من ضخم البقوس المريحات
هجر الفيافي ياتولاه جبار
مايشعراللي راكبه بالمطبات
ضخم التوازن بالمطانيج صبار
يرسي مع الهويات من فوق يايات
مثل غنيج اللنج بالموج ياسار
ياكل مطبه بالجنوط العريضات
ماله زعيمً بالصحاري ولاصار
تشعر بطيبه ياتوهلت مضمات
في سهلةً تضيع به كل الابصار
مع لبةً قفرن فليه خليات
أرضً حتايفها بعيدن عن القار
مشتبهتً ماله شهود وبيانات
دلا يتشابهلك من العرف بذكار
يتيه في ريد السهال المتاهات
يفتربه راس الدليلة ويندار
أتل الجهاز اللي يعد المسافات
خله يحددلك طريقك بالامتار
وكان البلوف أربع وعشرين نيمات
حرك نبير الباتري يحمي النار
ياوزعه مع السلوك المطوات
دلة بوصط محركه تصقر اصقار
يقعد على الطبلون حمر النبيرات
لين الجرس بالصوت يعطيك الانذار
تسمع دنينه مثل دق الجنيهات
يرشدبه السايق عن الجور ياجار
صوت الذهب بنحور عفرن خوندات
يطعن صدى صوته على طقة الطار
في شاشة الطبلون يوريك اشاعات
كما سنا شمسً على عين منظار
وغمارته غرفة هنوفً مخبات
وكسوه من الديباج لقماشه ازهار
بس الرقوم الخضر يمشً بخانات
مثل الدقوق بخد ملهوف الاخصار

يعد عداده على كهرباء الآت
من ليزر الزيبق ملامح وتذكار
تسمع لشكمانه مع الضغط صفرات
صفير شيهانً يعشيه صقار
كن الرعد صفق الهواء بالجامات
وياشده الرابع تقل صوت مزمار
جلد الحصا بين اربعه يوم ينشات
حشات هملولً تقفاه معصار
عليه من يشفي بقضي المهمات
بالشور والايلزمه راح مشوار
شبلً مجرب له فعايل وعادات
متعودن يزور الاحباب ويزار
يمد من حايل برد الاجابات
على جوابً مرسله واف الاشبار
يجي الحفر مايغترق خمس ساعات
ولولا دحل مالف ويله ولادار
يهديه مع جزل السلام التحيات
سلام اكثر من حصا الرمل مقدار
واثقل بصدري من جبال ثقيلات
يرجح بسلمى والرعيلة وسنار
واحلى من السكر على در خلفات
واللذ من شهد العسل عقب الامرار
يابن ضويهر خص كل الجماعات
سلام للاسلم على كبار وصغار
اسلم وسلم واستلم رد الابيات
من جاش اديب مثل هداج يافار
وصلن شريطك فيه لشعر طيات
وجهتهن يمي وانا منك شكار
امثالك اللي بالزروف محفوظات
كشفت سر الزرف واضهرت الاسرار
غرايبً فيهن بيوتً غريبات
تابعت مضمون التماثيل تكرار
مانجازي اللي يسند القاف بسكات
رد المثل مثله والاشعار بيسار
مندوبك اللي مالقانا له اوقات
ولاردلك عنا طرف علم واخبار
اللي توجه من محطة عربسات
حلق بلجات الفضا عبر الاقمار
ماعندنا للي ورى الغيم ميقات
يمشي برسم الخارطة قز وعيار
مدام ياحذ في فضا الجو جولات
مايدري اللي بالبلد ساكنن دار
عندك خبر بالجو مالي محطات
ولانا على برج المراقب ورادار
يمشي خفا مع السهوم الخفبات
مامرنا مع السماء فات مرار
مايشوف لو نشر بكل الاشارات
غلق وحلق وارتكز تقل مسمار
ليته نزل باوجادنا ياحلولات
نستقبل الكبتً على بن وبهار
ناقف بوصط المدن عند المطارات
لو مانعرف للحكي مع كل طيار
هو ضاع والاوضاع كله سليمات
نبعث لطيارك سلامات الاسفار
من عندنا ماجاه لوم وعتابات
ان طار وان نزل نحطه على ايسار
نفهم ركوب الخيل فوق الركابات
ونرجع لماضينا على خيل وبكار
ومندوبك الثاني على زين الاسيات
فكسار اماراتي حسب مانت مختار
على مداقيره لبو ظبي لوحات
من دولة للمملكة رئيسه جار
خذيت من يمنا الامين الامانات
وجاب الرساله منك في لطف وصخار
مشكور ياراعي الوفا والحموات
ياللي على حوش النواميس غيار
فهمت مقصودك بكل المجالات
وعن ماذكرته مانتفلت بالاعذار
تقول ماعندك قصايد جديدات
لنا زمانن ماسمعنالك اشعار
واقول يابن العم لشعر ساعات
ومن غير حزة حاجته مالها كار
اسكن لياشفت السكينه وسكات
مانا على غير المواجيب هذار
امنع يدي ماخش جحر الخبارات
ولأنا لبيرن دمه السيل حفار
الا يجي علمً تعدى العلامات
يصير لهجوم اللغاء شوب وكتار
ان جاء مجال وصار لشعر برزات
يسد شوف العين عن علم الاذكار
يوم المثل له وجه عند الوجاهات
ابدعة بالقيفان وتؤليم واحضار
خذيت مع زورات الارقاب وقفات
وجاهرت بطول الصوت بحضور الامار
رد الاجابه قد معنا لسئوالات
ولا بصحيح اللقايله كسر تعبار
ماحد لحق للناس برضاه غايات
لو خش من بين الاصابع والاظفار
الله يجنبنا تصاليط الافات
ويفك عمرعمير من شر عمار
الشعر يبقى حي لو صاحبه مات
يمشي مع الحيين لو تفنى الاعمار
امثال قيلك في عصور الجهالات
تعلنبه النشرات مع كل نشار
ذكر الخلاوي للفلك خير الاثبات
عد النجوم حساب بفصول الادوار
وابو زويد له بيوتً حكيمات
وردن معانيهن على كل اللي صار
فرق القصيد وبعد شبح الطموحات
ميتً بقا وصفه مع الحي تذكار
مهو قصيد مدورين الدعايات
بيتً يجي سالم والاخر به أعوار
اكثر قصايدهم همايل وسرقات
لو جاب قيفانن قويات واعسار
اليوم في ميزان الاشعار ميلات
مع الاسف حبله على القاع جرار
الشعر درنة حربته راح هيهات
خذنبه الاقلام لفه ودوار
عزات ياعلام العرب بالحرابات
عليه شعر المقتبس ظلم وادبار
اذا تتبعت العدد بالمجلات
لقيت كل الناس تكتب وشعار
ماشوف ناس تشوف لشعر غلطات
جميع طلابه غدو فيه شطار
اذا لفت لساحة الشعر نظرات
ماسوق ماله ذوق جمهوره اغرار
فيه اليدين اللي يتدالن كثيرات
عشيق بنت مايفكه من العار
ناسن تقلد فيه اللقا والاصوات
وتضهر حماسه له تهاويل وازيار
الصوت جيد والمعاني رديات
يقضب ويقطع تقل سكين جزار
اميال ماركبً قواعد رديات
الشعر مثل القصر له ساس وجدار
واليوم سلكه دق مع كل هيآت
يثبت ثغت نفسه على غير تعبار
ماينبغي جودن على غير عازات
راعيه للعالم يبالغ وقمار
ماحب من يشمت ولأني بشمات
لاشك اذان السمع يلفتً الأنظار
ياعبرتي من ناس تكتب عبارات
بغرورهم لهم جماهير وانصار
ماني مدور بالمجامل جمالات
مادام عد الحق للبطل دحار
يابن ضويهر كل نفسً مشقات
شقاه في دنياه مافكله صار
سود الليالي في بطونه لقاحات
ان اصبحن حيلً يمسن بلاعشار
دنياك تطوي مثل طي السجلات
يمر فيها ايام حلوات وقشار
يارابه المهتال كل الهوالات
وتكب في كاس الحلا مر الاكدار
مادامبه لمدور الكيف لذات
لابد من يوم يفاجيه غدار
غير الفروض اللي عليك محسوبات
وراك للعمران والعمر دمار
حاول عن الماضي تمتع باللي فات
لاتتبع يالقرم تحليل الافكار
انا ادري انك شفت شوفً خيالات
ناسن مذاهبهم مثل فلم غوار
ياطير شلوى لشوارب مقصات
ولاكورن الا يوم دوره لها كار
ناسن مضاله ببيض السن ضحكات
اليوم تلقاهم من الهم كشار
مالك ورى الضايع بنفسه طلابات
يكره بريرة كل ناصح وبرار
والناس اللي تذكر تحب الصقارات
الله فرق بالتورية خلف الانظار
خله على كفه يشيل الحديات
ولالك مع اللي ينقل التبع مخشار
حتى الحباري بالوجود معدومات
والحر مايطلع على الصيد لو طار
لاشك يفتن فيه راعي هوايات
يبي الصقاره كل مولع وصقار
مايطيع من جرب ورى الصيد ركضات
الا تحير الرجل وخطاه قصار
يابن الرجال اهل الكرم والحموات
قبيلةً حازوا على علم الافخار
اهل جبل سلمى عليهم مسمات
أسلم ليامست على الجيش الاكوار
يوم الحرايب بالسيوف المحنات
والشلف والرمح المشنشل وقنطار
لهم على جمع المعادين ردات
يازام جمع اللي بهم زوم وصطار
اهل الشعب عند اللقا والمثارات
نقالة الحارن على الموت جسار
واليوم أمان وقتنا وقت خيرات
في نعمةً ماتنوجد بأنحا الاقطار
الله يعز اللي للاسلام قادات
في ظل رايتهم نلوذ عن الاشرار
الذئب مايقدر على عضت الشات
ياقف عن الطليان من غير قهار
من فضلهم كل النفوس مخشورات
والحق يعطا صاحبه سر وجهار
على الميازين الحقوق معدولات
ماطايلً راسن ولا روس قصار
أشكال بالعيشه وكثر المعاشات
وكلً على داره بنا عدة ادوار
عقب المشقه والفتن والمخافات
في جنةً خضراء تدارجله انهار
تعلابه العالم بعلم ورفاهات
تمضي سنتهم بين حفله ومسيار
واقبل سلامي يازبون الونيات
اثني واعيده يم شرواك تكرار
لك القوافي بالسلام مختومات
سلامً أحلا من طعم در الابكار
وتحيةً في حر شوقن مزكات
تحضرمعه كل المشاعر والافكار
وعلى رسول الله سلام وصلاوات
ماهب وأهتزن عيادين الاشجار
وماداروا الحجاج بالبيت طوفات
يصتغفرون اللي عن الذنب غفار


آخر من قام بالتعديل غنيم الشمري; بتاريخ 10-08-2017 الساعة 12:27 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-08-2017, 11:39 PM
مشتط مشتط غير متصل
©؛°¨غرامي مشارك¨°؛©
 
الافتراضي رد: البارحة عيني به النوم مابات


الله يغفر له ويرحمه
اشهد بالله انها قصيدة كفوووو
يعطيك العاافيه


الرد باقتباس
إضافة رد
الإشارات المرجعية

البارحة عيني به النوم مابات

الوسوم
لاثاث , البارحة , النوم , عيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
فوائد حدوتة قبل النوم ابو شروووق الطفل - الرضاعة - التربية 12 11-06-2017 10:18 PM
أمراض النوم >---عزوز---> صحة - طب بديل - تغذية - أعشاب - ريجيم 3 09-05-2017 05:35 PM
اهمية النوم Female Genie صحة - طب بديل - تغذية - أعشاب - ريجيم 5 21-08-2016 07:40 PM
الشروط الصحيه لنوم الرضيع ●! شٍَــآإهِيَنٍّ !● الطفل - الرضاعة - التربية 17 03-12-2014 07:53 PM

الساعة الآن +3: 11:16 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1