اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 12-10-2017, 05:46 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


(4)
سلاف : يمه
ام ريان ببرود : وصلتي
سلاف : ايهه
ام ريان : الحمد لله على السلامة
سلاف : الله يسلمك
ام ريان : اهم شئ جبتي نتايج تمام
سلاف : ان شاء الله تكون تمام
دخل ريان وهو حامل شنط سلاف ووداها غرفتها
سلاف : وين رغد ودارين
ام ريان : امس نامو عند صديقتهم
نزل ريان
ريان : يلا انا طالع
ام ريان : لا تنسي اليوم بنروح المزرعة الليل
ريان : اوك
ام ريان : وبعد اتصل على دارين ورغد شوفهم وين ومر عليهم
وهو طالع تذكر حاجة : سلاف
سلاف : هلا
ريان : تعالي
سلاف : نعم
ريان : قبل يومين شفت بنت تدخل الملحق الى قاعدة فيه خالتي عنود
سلاف : يعني ؟!
ريان : ابي اعرف من البنت
سلاف : ليش ؟!
ريان : بس كذا فضول
سلاف : يمكن بنتها
ريان : ليش خالتي عنود عندها بنت
سلاف : ايهه عندها وودتها تدرس في دبي
يتظاهر بعد الاهتمام : أها بس انتي تأكدي وأعطيني خبر
سلاف : ان شاء الله
~~~~~~~~~~~~~~
هنوف راحت غرفة رغد تتطمن عليها
هنوف : سلام عليكم
رغد : وعليكم السلام
هنوف : كيفك ان شاء الله بخير
رغد : الحمد لله
هنوف : تحسي بالم ؟!
رغد : بس فيه الم بسيط في ظهري وراسي مصدع من اول م صحيت
هنوف : وش اخر شئ تذكريه
رغد : انه اخذنا إذن من ابوي انا وأختي عشان نروح المول بس هذا
هنوف : طيب بالسلامة
رغد : الله يسلمك
طلعت وشافت دارين
هنوف : لو سمحتي ممكن دقيقة من وقتك
بغرور : نعم
هنوف : وش اخر شئ صار لـ رغد قبل الحادث
بتوتر : نعم
هنوف : ابي اعرف اذا كانت فاقدة الذاكرة او لا
دراين : لا مهيب بـ فاقدانها بس مو متذكرة جزء الحادث اما الباقي كله تذكره
هنوف : طيب شكرًا اخذت من وقتك
دارين : بس دكتورة اقدر اطلع اختي الحين
هنوف : ايهه تقدري م فيه شئ يلزم عليها تقعد هنا
دارين : طيب
ودخلت غرفة رغد رِن جوالها
دارين : هلا ريان
ريان : وينكم ؟!
دارين : راجعين من السايق البيت
ريان : اوك يلا باي
دارين : باي
راحت وسوت تسجيل خروج حق رغد واتصلت على السايق وجاء لهم ووصلهم البيت
~~~~~~~~~~~~~~
ابو سطام : بلغي اولادك بعد شوي طالعين المزرعة
ام سطام : ان شاء الله
اتصلت على سطام
سطام : هلا يمه
ام سطام : اهلين فيك بس حبيت اقول لك بعد الصلاة رايحين المزرعة
سطام : يمكن أتأخر شوي
ام سطام : ليش ؟!
سطام : مشغول بس انتو روحو عني وانا بلحقكم
ام سطام : طيب
سكرت منه واتصلت على تركي
~~~~~~~~~~~~~~
تركي : هلا
ام سطام : طالعين الليلة المزرعة بتطلع انت ومرتك معانا
تركي : بشوف رهف وبعطيك الجواب الاكيد
سكرت امه واتصل على رهف
رهف : يمه وش فيه هذا
ردت : هلا
تركي : الليلة رايحين المزرعة عندك شئ ؟!
رهف : لا
تركي : طيب خليك جاهزة خمس دقايق وانا جاي آخذك عشان نروح المطعم الى بقابل فيه الضيوف
رهف : طيب
سكر ورجع اتصل على امه وبلغها انه بيروحون
~~~~~~~~~~~~~~
بعد م تاكدت من تركي اتصلت على مهند
مهند : هلا يمه
ام سطام : وينك طلعت من الصبح واختفيت
مهند : ابد مشغول مع أصدقائي
ام سطام : عندك الليل شئ ؟!
مهند : لا
ام سطام : رايحين المزرعة مع اعمامك
مهند : كم يوم بنصير هناك ؟!
ام سطام : خمسة او ستة ايام
مهند : طيب جاي
سكرت منه
~~~~~~~~~~~~~~
نرجع لـ مهند بعده في سيارته ويتعقب لجين وين م تروح
لجين : منار قومي نروح البقالة
منار : بنأخذ حلاوة
لجين : لا بس بروح اخذ لي جريدة بدور لي عمل جديد
منار : ليش ؟!
لجين : لانه ما ابي ذاك العمل
منار : طيب م بنأخذ حلاوة ؟!
لجين : عشان عيونك الحلوة باخذ
قامو مع بعض يدورن بقالة وشافت بقالة ودخلت ووراها مهند بسيارته
لجين : لو سمحت اخوي عندكم جرايد
بخبث : ايهه طبعا تعالي معي
تقدمت لجين وم تحس الا باليد الى تلمس مكوتها
لجين : هي وش تسوي انت ؟!
وطلعت بسرعة مع منار ولحقهم صاحب البقالة مهند لاحظ التوتر الى في لجين وقعد يراقب الوضع تقدم العامل ومسك لجين من يدها وقعدت تشد يدها عشان يتركها بس م قدرت طارت جن مهند ونزل وراح ضرب العامل ومنار تبكي
لجين : لا تخافي ي قلبي لا تخافي
ضمت اختها وسكرت عيونها عشان لا تشوف الى يصير ترك مهند صاحب البقالة بعد م ابرحه ضرب
مهند : انتي بخير ؟!
لجين : شكرًا
مهند : ولو واجبنا
مشت على طول بدون م تعطيه مجال يتكلم
~~~~~~~~~~~~~~
وصل المستشفى وراح الاستعلامات على طول
الموظفة : تفضل
ابو ريان : ممكن اقابل الدكتورة هنوف عبدالرحمن ال****
الموظفة : عندك موعد ؟!
ابو ريان : لا
الموظفة : بشوف لك اذا هي متفرغة او لا
ابو ريان : طيب
الموظفة : تقدر تستريح هناك بتصل عليها وبقول لك
راح جلس على احد الكرسي وهي اتصلت على مكتب هنوف
هنوف : الو
الموظفة : دكتورة هنوف في شخص يبيك
هنوف : خليك يجي متفرغة
الموظفة : طيب
سكرت منها وقالت لـ ابو ريان على مكان مكتب هنوف وراح لها وهو متلهف لكن قبل م يدخل اتصل على ام ريان
ابو ريان : انا م بروح المزرعة الليلة انتي روحي مع ريان انا م بجي الا بكرا
ام ريان : طيب
طق طق
هنوف : تفضل
دخل ابو ريان : السلام عليكم
هنوف : وعليكم السلام تفضل
جلس على الكرسي المقابل لها
ابو ريان "تشبهه امها مرة"
هنوف : تفضل وش المشكلة ؟!
بتوتر : حاب اتكلم معك بموضوع
هنوف : تفضل
ابو ريان : ادري انك مو طبيبة نفسيه بس اذا م قلت مشكلتي م بتنحل
هنوف : تفضل وان شاء الله اقدر احل مشكلتك
ابو ريان : قبل خمسة وعشرين سنة انا تزوجت وحدة حبها قلبي وكانت مو من مستوانا ولما عرف ابوي قال لي تطلقها ولا أتبرأ منك في البداية م همني الموضوع واجد لكن ابوي يضغط علي اضطريت اطلق زوجتي وكانت هي حامل ببنتي
هنوف : بس وقف
ابو ريان : هنوف انا ابوك
هنوف : بعد اربعة وعشرين سنة جاء علي بالك انه عندك بنت
ابو ريان : انا أسف على كل سنة عشتيها بدوني
هنوف : وش يفيد اسفك انا عشت اربعة وعشرين سنة طوال حياتي كنت م اعرف شخص اسمه ابوي والحين بعد م تغير شئ انا م عندي ابو ولا بيصير عندي لان تاخر الوقت واجد انا وصلت لـ عمر اربعة وعشرين بدون اب اذا صار الحين وش بيغير بالنسبة لي انا اقولك ولا شئ
ابو ريان : طيب اعطيني فرصة اشرح لك وش صار وليش تركتك
هنوف : وش بتشرح لي عن رجال ترك زوجته وبنته بس عشان الفلوس او بمعني اصح م يبي من وحدة فقيرة بنت لانه م تناسب عائلته
ابو ريان : طيب انتي م تعطيني فرصة عشان اقول لك
هنوف : وش بتقول مثلا انا ندمان لانه تركتكم واسف مع الاسف تاخرت واجد
ابو ريان : بس انتي م عرفتي وش اسبابي
هنوف : م يهمني لو سمحت الحين وبسرعة اطلع برا مكتبي
ترك رقمه على طاولتها : هذا كرتي اذا غيرتي رايك وقررتي تسمعين وش بقول تقدرين تتصلين عليه
طلع من المستشفى وفي نفس الوقت وصلت ام هنوف وراحت لـ مكتب بنتها على طول دخلت الغرفة وشافت بنتها منهارة
ام هنوف : هنوف يمه ... هنوف حبيبي وش صار
هنوف : جاء
ام هنوف : مين جاء ؟!
>هنوف : الحقير زوجك جاء بعد 24 سنة جاء
ام هنوف : قومي حبيبتي نطلع
م ردت عليه بس ام هنوف راحت استاذنت لها ورجعت لبست بنتها عباتها وطلعوا
~~~~~~~~~~~~~~
تركي : يلا انا برا
رهف : طيب
نزلت عدلت نقابها وطلعت وراحوا على المطعم انتظروا الضيوف يجون جاءو وترجمت رهف كل شئ لـ تركي واتفقوا وطلعوا
تركي : انتقذتيني
رهف : يلا قوم بجهز اغراضي عشان المزرعة
تركي : خلينا نحلي اول ونشرب قهوة بعدين نقوم
رهف : اوك
طلب لهم حلى وقهوة ووصلو
رهف : تركي
تركي : نعم
رهف : وش صار على موضوع كندا
تركي : ان شاء الله خلال هاليومين حاجز لك
رهف : شكرا
تركي : الا م قلتي لي كم تبين تقعدين
رهف : على الاقل أسبوعين
تركي : اوك
~~~~~~~~~~~~~~
مصعب : فهد
فهد : هلا
مصعب : ابي رقم رغد
فهد : دقايق ويكون عندك
اتصل على دارين
فهد : دودو
دارين : هلا
فهد : ابي رقم اختك رغد
دارين : ليش ؟!
فهد : مصعب يبه
دارين : م اقدر
فهد : ليش دودو
دارين انا م توقعت ردت فعل رغد بتكون كذا هذا اولا ثانيا رغد فقدت ذاكرتها لمدة مؤقته مدري لـ متى واذا كلمها مصعب بتذكر كل شئ وبتفضحني
سكر منها وقال لـ مصعب الكلام الى قالته دارين بالحرف الواحد
مصعب : لا تخاف عندي خطة وم بتقدر تقول شئ عنكم
فهد : طيب الحين اشوفها مرة ثانية
واتصل لها ووافقت وعطته رقم رغد
~~~~~~~~~~~~~~
اتصلت على فواز يجي عند البوابة وانتظرته برا جاء لها واخذ الاكياس منها ووضعهم وراء وركب السيارة وهو يسوق رن تلفونه
فواز : تفضل يالغالي
ابو فواز : متى جاي ؟!
فواز : الحين بس مسافة الطريق وانا عندك
ابو فواز : طيب
سكر منه وكلم ميلاء
فواز : البيت ؟!
ميلاء : ايهه
فواز : اوك
ووصلها البيت وراح لابوه صلح له العشاء وجلسوا يتشعون مع بعض
~~~~~~~~~~~~~~
ام هنوف : صرتي احسن ؟!
هنوف : يمه
ام هنوف : هلا
هنوف : ممكن تتركيني بوحدي ابي انام
ام هنوف : ان شاء الله
طلعت من غرفتها وتركتها وهي اتصلت على السايق لانه مره الدنيا ضايقة فيها وتبي تاخذ هواء فقررت تروح البحر
~~~~~~~~~~~~~~
خالد : يلا يا جماعة الخير بنتاخر
رامية : طيب جايين انتظر
ميلاء : انا جاهزة بس باقي حرمك المصون وولدها
خالد : الحين بركب اشوفها
راح غرفتهم : كادي
كادي : هلا
خالد : م خلصتي
كادي : دقيقة بس بتأكد من أغراض عمر
خالد : طيب عطيني عمر واذا خلصتي تعالي
كادي : طيب
اخذ طفله ونزل تحت حطه في الكرسي حقه في السيارة ودخل أغراض امه واخته وزوجته وركب السيارة خلصت كادي ولحقتهم وانطلقوا للمزرعة
~~~~~~~~~~~~~~
تركي : يلا يا رهف
رهف : طيب دقايق
دخلت تبدل ملابسها لبست شورت مشقق شوي عليه بلوزة رمادية عليها شعار اديداس وجزمة "يكرم القارئ" سوداء اديداس بعد وطلعت
تركي : مو كانه قصير شوي
رهف : عادي من هناك كلهم اهلك يعني
تركي : وين شنطتك
اشرت عليها : هناك ، دقيقة
تركي : نعم
مدت له سلسالها : تقدر تلبسني اياه
تركي : طيب
عطته ظهرها ومسكت شعرها وهو بدوره فتح العقد ولما قرب منها وصلت له ريحة عطرها بدون ادراك استنشقها لما حس علي نفسه لبسها العقد وقرب اكثر عشان يقبلها على رقبتها لكن بعد عنها بدون م يتكلم وطلع بسرعة وراح سيارته
تركي : اف وش قاعد يصير لي
استغربت رهف ليش طلع كذا بعد لحظات لبست عبايتها وطلعت له وكان الصمت صديق الطريق الى المزرعة
~~~~~~~~~~~~~~
اما بالنسبة لـ مهند بعد م تأكد انه لجين رجعت لـ بيتهم وبأمان راح بيتهم جهز له ملابس ومشى للمزرعة وكان طول الطريق يفكر بـ لجين وحالتها خصوصا بعد م شاف حالة بيتهم المتهالك
~~~~~~~~~~~~~~
ابو سيلين : وفاء "ام سيلين"
ام سيلين : هلا
ابو سيلين : احس بيصير عيب لو م عزمنا ياسر "ابو وليد" وعائلته تدري الحين صرنا أقارب
ام سيلين : ايهه اعزمهم
اتصل على ياسر "ابو وليد"
ابو سيلين : سلام
ابو وليد : وعليكم السلام
ابو سيلين : طلبتك
ابو وليد : م عاش من يردك
ابو سيلين : تسلم بس حنا والعائلة رايحين المزرعة كم يوم وحابين تجون معانا
ابو وليد : لا بنثقل عليكم
ابو سيلين : تكفى ي رجال
ابو وليد : طيب
سكر منه وبلغ اهله وجهزوا اغراضهم وطلعوا للمزرعة
~~~~~~~~~~~~~~
تامر : نور البيت جاء
اسماء : ي دب
نطت عليه وحضنته : اشتقت لك مرة
تامر : وانا بعد ي دبة
اسماء : يمه شوفي ولدك مو كانه زاد وزنه شوي
ام تامر : لا والله ضعفان مرة
اسماء : هذا ضعفان هذا شوفي شكله حاب يرجع يصير دبة
تامر : لا الله لا يقولها م صدقت على الله متى راح يقوم يرجع بعد
اسماء : وش شفت زوجة اخوي ولا بعدك
تامر : وجع انا رايح هناك ادرس مو اطلع في بنات الناس
اسماء : م فيه من هنا او من هنا
تامر : م فيه
اسماء : اوف وش هالادب الى نازل عليك
تامر : اقول انا جوعان
اسماء : ترا بترجع دب اقول لك يعني
تامر : روحي عني بس ، يمه جوعان
ام تامر : يلا الحين بروح احط لك الاكل
تامر : فديته بس "قرص خدها"
ابو تامر : ولد استح تراها امك
يغمز له : تغار ؟!
ابو تامر : اعقل
مشت عنهم ام تامر وراحت المطبخ تحط الاكل لـ تامر
~~~~~~~~~~~~~~
وصل السايق لها وطلعت من البيت بهدوء بدون م يحس لها احد وركبت السيارة في نفس الوقت لكن في مكان ثاني طلع بطلنا من بيتهم رايح المزرعة وقف على اشارة وكانت قدامه سيارة سايق هنوف وكان السايق بعده جديد فـ يمشى ببطئ وسلام كان يهرن له كل شوي هنا هنوف م تحملت هي بدون شئ تبي حاجة تطلع حرتها فيها نزلت من السيارة وتوجهت لـ سيارة سطام
هنوف : خير وش فيك ؟! م تقدر تصبر دقيقة يعني ولا تموت
طلع في عيونها الى ذبحته : انتي الى خير وش عندك ؟!
هنوف : اقول اترك البلطجية عنك واصبر شوي وبلا ازعاج
رجعت السيارة ومشوا وصلت البحر وقالت للسائق ينتظر شوي فجاءة تذكرت الكرت الى تركها لها ابو ريان ورجعت السيارة وراحت المستشفى عشان تاخذ الكرت من مكتبها اخذت الكرت واتصلت على ابو ريان وفِي بالها خطة تبي تنفذها
انتهى
توقعاتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 12-10-2017, 05:54 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


تبون بارت ثاني او ثالث تعويض عن التاخير ؟! + حددو لي يومين في الاسبوع عشان انزل بارتين في اسبوع

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1