اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 19-08-2017, 09:49 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


السلام عليك ورحمة الله وبركاته
مالي بالمقدمات هذي اول رواية لي وأتمنى تعجبكم وتلاقي إعجاب كبير منك
البارت الاول ان شاء الله على الساعة 10



آخر من قام بالتعديل Asli_novel; بتاريخ 19-08-2017 الساعة 09:55 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-08-2017, 10:20 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


(1)
ابتسمت وهي تشوف نفسها بالمعطف الأبيض ابتسمت لـ تحقق حلم سنوات
ام هنوف (ميرال) : هنوف يلا يمه لا تتاخرين من اول يوم
هنوف : إن شاء الله يمه جاية (نزعته عنها ونزلت تحت)
ميرال : صباح الخير
هنوف : صباح النور على اجمل واحلى وألطف الأمهات (باست راسها)
عبد الرحمن (جد هنوف) : متحمسة ؟!
هنوف : اكيد جدو اليوم المنتظر من بعد سنين تعب
ميرال : يلا افطري عشان تروحين
هنوف : طيب
افطرت وطلعت ركبت السيارة طوال الطريق وهي تفكر لو ابوها موجود وتعرفه بيفرح لها او لا م تعرف من يكون ابوها ولا شآفته أساسا جدها سجلها في سجل العائلة حقه م تعرف حتى اسم ابوها
~~~~~~~~~~~~~
تعريف بـ عائلة ميرال :
عبد الرحمن (الجد) | 63 سنة
ميرال (الام) | 42 سنة
هنوف | 24 سنة
~~~~~~~~~~~~~

عمر وهو ينطط على السرير : ماما بابا يلا قومو
كادي : عمر لا تنط
عمر : يلا ماما قومي
كادي : طيب انزل اول عشان أقوم
خالد : وش صاير وش ذا الإزعاج ؟!
عمر : بابا ...
صرخ عليه : وش فيك انت ؟! كم مرة قلت لك لا...
قاطعته كادي : انت الى وش فيك طفل هو ليش تصرخ عليه كذا
راح عمر في حظن كادي وخالد هدا شوي ومد يده لـ طفله لكن أنصدم لما شافه يشد على امه ويغمض عيونه بخوف
خالد : عمر حبيبي انا اسف م كنت اقصد اصرخ عليك
عمر : خوفتني
خالد : اسف ي عمري انت (مد يده له) تعال هنا
عمر نط في حظنه
كادي : يلا انتظروني تحت انا ببدل وبجي يلا برا اثنينكم
خالد : طردة يعني
كادي : لا بس ابي أغير ملابسي اغيرها قدام الطفل يعني
خالد : طيب بس لا تطولي جوعان مرة
كادي : اذا طولت أبدوا الفطور بدوني
خالد : اوك
حمل طفله ونزل تحت : صباح الخير يمه
ام خالد (رامية) : صباح النور
خالد : وين ميلاء ؟!
ام خالد : بعد م صحت
جلسوا على طاولة الطعام شوي ونزلت كادي وميلاء
كادي : صباح الخير ي عمه (راحت وباست راسها)
ام خالد : صباح النور
ميلاء : صباح الخير
الكل : صباح النور
عمر : عمة
ميلاء : وجع ي ولد لا تقول لي عمة تحسسني كبيرة
كادي : انتي مو كبيرة طلعي شعرك طلع فيه شعرات بيضاء
ميلاء : طلع على طول تدافع عن ولدها
خالد : اكيد عجل بتدافع عنك
ميلاء : انا فيني شعر ابيض يا كادي ها
قامت من مكانها وشدت إذن كادي ورجعت
كادي : وجع هذي مو يد ساطور
ضحكو خالد وأم خالد عليهم
خالد : انتو م ترتاحو الا اذا تهاوشتو يوميا
كادي وميلاء في نفس الوقت : ما لك دخل
خالد : بسم الله الرحمن الرحيم علي منكم
كادي : شايف جن يعني
خالد : لا لا تشبهي نفسك في الجن انتي لو يشوفك جني هرب
كادي : خويلد ترا اخليك تندم على كلامك هذا
خالد قرب منها ومسك يدها وبأسها : امزح ي قلبي انتي ملكة جمال أساسا
استحت من حركته خصوصا انه اهله موجودين : تقدر توديني بيت اهلي وانت طالع
خالد أشر على عيونه : من عيوني
كادي : بروح اجهز عمر
حملته وركبت تلبسه ونزلت وطلعوا مع بعض وصلها بيت اَهلها وراح العمل
~~~~~~~~~~~~~
تعريف بـ عائلة عبد الله :
عبد الله (الاب) | متوفي
رامية (الام) | 49 سنة
خالد | 30 سنة
ميلاء | 18 سنة
كادي (زوجة خالد) | 23 سنة
عمر | 3 سنوات
~~~~~~~~~~~~~

رهف : تركي تركي قوم
تركي : خمس دقايق بس
رهف : الكل تحت ينتظرنا يلا قوم
تركي عصب : اوف منك قلت لك خمس دقايق م تفهمين
رهف : لا تصرخ علي ماني بزرة عندك
سحبها لـ حضنه : خفتي ؟!
رهف : لا
تركي : ليش ترجفين ؟!
سحبت نفسها : لا تخاف مو من اعجابي بك لكن ريحة العطر النسائي الى عليك اقرفتني الى كنت عندها امس م عندها ذوق صراحة اصلا مبين لانها كانت معك من بين كل الرجال
نرفزته بـ كلامها راح لعندها ومسك شعرها بقوة : احترمي نفسك بعدين لا تنسي انك كنتي وحدة مثلها ولا كيف تزوجك
رهف : اتركني
تركي : لا تنسي المزبلة الى جبتك منها (فكها) شوفي ي بنت الناس لا تنرفزيتي وجربي تنرفزيتي مرة ثانية وقتها م بكتفي بشعرك بس
مشى عنها ودخل الحمام
دمعت عيونها : الله ياخذك
- نفس المكان لكن غرفة ثانية -
ابتسم وهو يشوفها تفتح النوافذ عشان يدخل له النور ويقعد
سطام : صباح الخير يمه
ام سطام (خلود) : صباح النور يلا انزل عشان نفطر سوا
أشر على خمشه : على هالخشم عشر دقايق ببدل وبجي
ام سطام : نتظرك
وطلعت من غرفته توجهت لـ غرفة مهند بس لما دخلت م كان موجود فـ عرفت انه م نام في البيت اصلا لانه سريره مو مخرب سكرت الباب ونزلت تخلي الشغالات يحطون الفطور على الطاولة ونزل سطام من بعدها وتركي ورهف رهف راحت المطبخ تشوف اذا كانوا محتاجين شئ اما سطام وتركي استقروا على الطاولة مع ابوهم
سطام : صباح الخير يبه
ابو سطام (نايف) : صباح النور والسرور
بدون نفس : صباح الخير يبه
ابو سطام : صباح الخير
- في المطبخ -
رهف : صباح الخير
ام سطام : صباح النور ي قلبي
رهف : محتاجة شئ ؟ أساعدك بـ شئ ؟
ام سطام : لا روحي ارتاحي
طلعت من المطبخ واستقرت جنب تركي : صباح الخير عمي
ابو سطام : صباح النور
"ملاحظة : رهف تكشف وجها قدام سطام ومهند اخوان تركي"
جات ام سطام ومعها الخدامات وحطوا الاكل على الطاولة واكل الجميع
قام سطام وقام وراه تركي ولحقته رهف
تركي : اوه زوجتي العزيزة تودعني
رهف : عشان لا يشكون اهلك مو عشانك
تركي : برأي لا تتقمصي دور الزوجة المثالية واجد لانه م بقى شئ وينتهي الدور
طلع
رهف : وش يقصد هذا
رجعت لهم : أستأذنكم
ابو سطام : آذنك معك
ركبت جناحها وقعدت على جوالها
~~~~~~~~~~~~~~
تعريف بـ عائلة نايف :
نايف (الاب) | 54 سنة
خلود (الام) | 52 سنة
سطام | 30 سنة
تركي | 29 سنة
مهند | 27 سنة
رهف (زوجة تركي) | 24 سنة
~~~~~~~~~~~~~~

ام ريان (مها) : اليوم بتجي بنتك يا عنود
ام عبير (العنود) : ايهه
ام ريان : شوفي انا م بلف وبدور هنا في بيتنا رجال يعني بنتك تكسر رجلها وتقعد في غرفتها لا تخليني اشوف وجها
بانكسار : ان شاء الله
ام ريان بغرور : زين نشوف
ومشت عنها
ام عبير : وش مفكرة بنتي م اقول الا حسبي الله بس
- نفس المكان لكن غرفة ثانية -
دارين : على موعدنا
فهد : ايهه ي قلبي بس لا تنسي تجيبي اختك عشان صديقي
دارين : ولا يهمك اشوفك يلا باي
فهد : باي
سكرت منه ونزلت تحت
دارين : يبه عادي اطلع الليل مع رغد
رغد طلعت فيها بنظرة معنها وش قاعد يصير
ابو ريان (عبد العزيز) : وين ؟!
دارين : وين يعني المول
ابو ريان : روحي ي بنتي بس لا تتاخري
ام ريان : الا سلاف متى بتجي
ريان : يمه انتي تعرفي انها تجي كل ويكند
ام ريان : طيب وش فيك ي ولد اكلتني ترا م قلت شئ
ريان : انا طالع
ابو ريان : الله معك
رغد : دارين تعالي ابيك شوي
قامت معاها : نعم وش تبين ؟!
رغد : ليش م قلتي لي من قبل انه بنروح المول
دارين بخبث : م صار فيه فرصة
رغد ببرائه : طيب
~~~~~~~~~~~~~~
تعريف بـ عائلة عبد العزيز :
عبد العزيز (الاب) | 56 سنة
مها (الام) | 52 سنة
ريان | 30 سنة
دارين | 25 سنة
رغد | 21 سنة
سلاف | 20 سنة
~~~~~~~~~~~~~~

صحى من النوم
مهند : ااااووووفففف نمت نومة اليمه
راح الحمام غسل وجهه وتوضأ وطلع يصلي خلص صلاته بدل ملابسه وطلع راح كوفي معتاد يروح له كل مرة عشان يفطر وصل ودخل
لجين : تفضل
مهند (ي ويلي عيونها ذابحة) : واحد كورسان وموكا
لجين : كورسان فارغ او بالجبن او بالزعتر
مهند : جبن
لجين : موكا بارد او ساخن
مهند : ساخن
لجين : طيب السعر ***
عطاه الكردت كارد حقه سحبت منها ورجعت له سوت طلبه وعطته إياه
لجين : بالعافية
مهند : الله يعافيك
جات صديقة لجين (رفيف) : هلا والله باللجين
لجين : رفيف الله جابك خليك هنا بروح اشوف العلة اخاف تطلع او تسوي شئ
رفيف : طيب يلا روحي
راحت لجين غرفة استراحة العاملين : منار ، يمه وين راحت هذي
فتحت باب الدولاب الى استقرت فيه : انا هنا
لجين : اوف منار خليك هادية لا تتحركين من مكانك
- عند رفيف -
شهقت وعلى طول راحت لـ لجين
رفيف : لجين
لجين : وش صاير
رفيف : المدير جاء
لجين : منار ارجعي الدولاب ولا تطلعي الا اذا قلت لك زين
منار : طيب
طلعوا بسرعة من هنا
غسان (المدير) : ليش م كان فيه احد هنا
لجين : سامحني بس (توترت وم عرفت تقول عذر)
غسان : هذا ثاني تحذير لك ي لجين
نزلت راسها : م يتكرر ان شاء الله
مشى عنها غسان وشاف مهند
غسان : مهند
مهند : غسان
حظنوا بعض
غسان : من زمان عنك ي رجال وين كنت
مهند : مشاغل الدنيا
جلسوا مع بعض وبعد سؤال عن حال واحوال بعض غادرو المكان
~~~~~~~~~~~~~~
تعريف بـ لجين :
الام - الاب | متوفين بـ حادث
لجين | 23 سنة
منار | 4 سنوات
رفيف (صديقة لجين) : 23 سنة
~~~~~~~~~~~~~~

مصعب : وبيتجيب اختها بعد
فهد : بايعين نفسهم
مصعب : بالله كيف نقدر نلعب حنا على البنات يا هم اغبياء بزيادة ي حنا ممثلين أوسكار
فهد : ههههه الاختيار الاول
مصعب : يلا انا طالع شوي وبجي
فهد : طيب
~~~~~~~~~~~~~~
تعريف بـ مصعب وفهد :
آبائهم وأمهاتهم | متوفين
مصعب | 29 سنة
فهد | 30 سنة
"ملاحظة : فهد صديق مصعب مو اخوه"
~~~~~~~~~~~~~~

تامر : ان شاء الله الويكند جاي لكم
ابو تامر (سليم) : لا تطول علينا
تامر : ان شاء الله تأمر امر
ابو تامر : تسلم يلا مع السلامة
تامر : الله يسلمك يالغالي
سكر منه وراح فتح دولاب الملابس الخاص به طلع منه جينز وبلورة بيضاء ولبس عليها قميص ازرق فاتح وطلع لـ جامعته
- عائلة ابو تامر -
ابو تامر : كلمته وقال جاي هذا الويكند
اسماء : الله وناسة واخيرا احد بيطلعني
ام تامر (علياء) : لا ي حبيبتي اخوك بيجي تعبان
اسماء : طيب يوم يرتاح واليوم الثاني يوديني
ام تامر : قلت لا يعني لا بعدين هذا هو السواق عندك
اسماء : ولو بغيت اطلع اي مكان بتوافق
ام تامر : بس عشان لا تشغلي اخوك بوافق
اسماء : الحين بالله من اخر العنقود انا لو هو ليش دائما تهتمون لـ راحته اكثر مني
ابو تامر : حنا م نفرق بين واحد وواحد
اسماء بزعل : واضح
ابو تامر : قولي وين تبغين وانا أوديك
اسماء : ابي اروح المول
ابو تامر : طيب خلك الليل جاهزة
اسماء بفرح : اوك ي قلبي انت والله (راحت باست راسه ورجعت تكمل فطورها)
~~~~~~~~~~~~~~
تعريف بـ عائلة ابو تامر :
سليم (الاب) | 50 سنة
علياء (الام) | 50 سنة
تامر | 20 سنة
اسماء | 20 سنة
~~~~~~~~~~~~~~

- البحرين -
الجامعة
سلاف : ندى يلا قومي بنتاخر على الكلاس
ندى : اقول لك
سلاف : قولي
ندى : شفتي هذا الى داخل
سلاف : وش فيه
ندى : هذا جديد معانا في الكلاس
سلاف بدون اهتمام : ويعني ؟!
ندى : ي مجنونة هذا الجمال كله معانا وتقولي ببرود ويعني
سلاف : بنت خليك في هم الدراسة أحسن لك
- تامر -
فراس : تو ما نور كلاسنا
تامر : منور بوجود أصحابه
فراس : زين انك نقلت لـ هنا الى هنا كلهم ميتين واخيرا جاء واحد فلة
تامر : ههههه ولا يهمك اصحيهم واحد واحد
ندى : يا ربي ضحكته
سلاف : بروح الحمام
ندى بدون اهتمام : روحي روحي
~~~~~~~~~~~~~~
تعريف بـ ندى :
ندى (صديقة سلاف) | 20 سنة
تم التعريف بـ سلاف من قبل
~~~~~~~~~~~~~~
تعريف بـ فراس :
فراس (صديق تامر) | 20 سنة
~~~~~~~~~~~~~~

ابو سيلين (عادل) : لا ان شاء الله على موعدنا اليوم
ابو وليد (ياسر) : نسبك شريف لنا يا اخوي
ابو سيلين : ولو حنا الى نتشرف
ابو وليد : يلا م أعطلك
ابو سيلين : مع السلامة
ابو وليد : الله يسلمك
سكر منه
ابو وليد : خالدة ي خالدة (ام وليد)
ركبت له مكتبه
ام وليد (خالدة) : هلا بغيت شئ
ابو وليد : اليوم رايحين نخطب لـ ولدك
ام وليد : من ؟!
ابو وليد : بنت صديقي عادل سيلين
ام وليد : مو كأنها صغيرة عليه
ابو وليد : الفرق بينهم 8 سنوات بس
ام وليد : بس ولدك ...
م خلها تكمل : الحين هو م قال لك بيخطب ؟!
ام وليد : ايهه بس فيه بنت ثانية بباله
ابو وليد : من هي ؟!
ام وليد : بنت جيرانا
ابو وليد : شوفي ي بنت الناس فهمي ولدك انه غير بنت صديقتي م يأخذ هذا اولا ثانيا من كل عقله مفكر انه بروح أخطب له بنت الصايع الضايع هذا
ام وليد : بس..
ابو وليد : لا بس ولا شئ قولي له الى قلت لك عليه
ام وليد باستسلام : ان شاء الله
طلع من مكتبه بيأس كانت عارفة انه مستحيل يوافق على البنت الى اختارها وليد هدأت من نفسها ودقت باب غرفة وليد ودخلت
وليد بابتسامه : صباح الخير يمه
ام وليد : صباح النور
وليد : ها وش قال ابوي
ام وليد هزت راسها : م وافق
وليد : لا تقوليها يمه طيب وش دخل البنت في ابوها
ام وليد : في حاجة ثانية بعد
وليد : قولي
ام وليد : اليوم بيخطب لك بنت صديقه عادل
م عرف وش يرد من الصدمة رمى نفسه على السرير
لما شآفته انهار خافت : يمه وليد
وليد بضعف : يمه اقنعيه م ابي اخذ غيرها
ام وليد : حاولت وانا امك حاولت بس م قدرت
وليد : م ابيها م ابي بنت صديق ابوي
سمعه وهو عابر : بتاخذها ورجلك فوق راسك
قام له وطاح عند رجله : يبغى تكفي م ابيها لا تغضبني على شئ م ابيه
ابو وليد بصرامة : عطيت الرجال وعد قلت له بنأخذ بنتك لـ ولدنا
مشى عنه وتركه راحت ام وليد له وشالته من على الارض
ام وليد : قوم الله يهداك ي يمه قوم
وليد : ابي انام
ام وليد : بس توك قاعد
وليد : يمكن انام واقعد ويكون هذا حلم
ام وليد : يا يمه لا تسوي كذا (تبي تغير الموضوع) بعدين م تبي تحلق
وليد : ما لي خلق شئ
ام وليد : م يصير ي يمه بتروح لـ بنت الناس كذا
وليد باستسلام : طيب الحين باخذ شور وبروح الحلاق
ام وليد : الله يهديك ي يمه وينور طريقك
راحت لـ غرفته بنتها فتحت الباب تجمدت من برودة الغرفة
ام وليد : رقية (سحبت عنها الغطاء) بنت يلا قومي
رقية : هممم
ام وليد : قومي بقول لك حاجة
قعدت : تفضلي
ام وليد : عندك فستان جديد ؟!
استغربت من سؤالها : ايهه عندي
ام وليد : حلو
رقية : ليش هالسؤال ؟!
ام وليد : اليوم بنروح نخطب لأخوك
رقية : اما واخيرا بيصير عدنا عرس
ضحكت على هبال بنتها : يلا طلعي الاشياء الى بتلبسيها
رقية : ان شاء الله
~~~~~~~~~~~~~~
تعريف بـ عائلة ابو وليد :
ياسر (الاب) | 49 سنة
خالدة (الام) | 49 سنة
وليد | 27 سنة
رقية | 21 سنة
~~~~~~~~~~~~~~

ام سيلين (وفاء) : اليوم جايين
ابو سيلين : ايهه
ام سيلين : بروح اشوف بنتك اذا تحتاج شئ او شئ
ابو سيلين : اوك وانا بطلع بروح الشركة
ام سيلين : مع السلامة
ابو سيلين : الله يسلمك
طلع وهي راحت غرفة سيلين كالعادة كانت قاعدة على جوالها
ام سيلين : بنت بكلمك في حاجة
سيلين : قولي يمه
ام سيلين : شوفي انتي كبرتي وم عدتي صغيرة
سيلين : لا تقولين الى في بالي
ام سيلين : ايهه ولد صديق ابوك وليد تقدم لك
سيلين : يعني
ام سيلين : وش يعني ي بنت اقول لك انخطبتي
سيلين : مدري
ام سيلين : شوفي الرجال صديق ابوك م عليه كلام وولده مثله وانا ما راح ألاقي لك احسن من ولده
سيلين : طيب بصلي استخارة وبرد عليكم
ام سيلين : عندك لبس جديد لو لا
سيلين : اولا بعدي م اوافق ثانيا عندي فساتين تكفي سنة قدام
ام سيلين : زين وفرتي
طلعت من غرفتها
~~~~~~~~~~~~~~
تعريف بـ عائلة ابو سيلين :
عادل (الاب) | 39 سنة
وفاء (الام) | 38 سنة
سيلين | 19 سنة
~~~~~~~~~~~~~~

وصلت المستشفى سجلت بياناتها واستعملت عن الى بيدربها دخلت غرفة التبديل نزعت عباتها ولبست المعطف والحجاب الأبيض وراحت غرفة الدكتور طرقت الباب
محمد : تفضل
هنوف : انا المتدربة الجديدة هن..
محمد : الناس تسلم اول
هنوف : اسفة السلام عليكم
محمد : وعليكم السلام الحين تقدرين تكملين
هنوف : انا المتدربة الجديد هنوف عبد الرحمن ****
محمد : تأخرتي سبع دقايق
هنوف : اسفة اوعدك م أعيدها مرة ثانية
محمد : ولا تقولي دائما اسفة منتي مضطره
هنوف : طيب
~~~~~~~~~~~~~~
تعريف بـ محمد :
محمد (الدكتور الى يدرب هنوف) | 28 سنة
~~~~~~~~~~~~~~

العصر
- بيت ابو سطام -
الكل رجع من العمل وكأنو على طاولة الطعام انتهو من الاكل وطلب ابو سطام من سطام يلحقه على مكتبه نفذ كلام ابوه وركب فوق
سطام : تفضل يبه
ابو سطام : شوف ي ولد انا كلمت بالموضوع هذا اكثر من مرة بس خلاص نفذ الكلام وصار وقت التنفيذ
سطام : بس يا يبه انا م ابي اتزوج
ابو سطام : شوف اخوك الى اصغر منك تزوج وانا الأكبر قاعد قولي اذا في قلبك احد قول والله اروح اخطبها لك برأسي
سطام : والله انه م فيه احد
ابو سطام : عجل ليش م تبي تتزوج
سطام : كذا بدون سبب
ابو سطام : انا قررت أخط لك دارين بنت عمك
م رد على ابوه وطلع ركب سيارته وساقها بسرعة جنونية ومن سوء حظه كان هناك سيارة طلعت قدّامه فجاءة وضرب فيها
~~~~~~~~~~~~~~
الليل
جهزت دارين اختها رغد وراحت مع السواق لـ شقة فهد وكان ينتظروهم فهد ومصعب وقف السايق قدام العمارة الى قالت بها دارين له
رغد : دارين وين حنا ؟!
دارين : لا تخافي انزلي
نزلت معاها وركبوا لـ شقة فهد طرقت الباب وفتح
فهد : هلا بالحلوة
بأسها على خدها وآنصدمت رغد من الى قاعد يصير قدامها دخلت دارين
دارين : يلا تعالي
رغد : انتي وش تسوين جنيتي ؟!
دارين : لا م جنيت تعالي يلا م ابي
سحبها مصعب بقوة ودخلها متجاهل صراخها
مصعب : يلا ي حلوة لا تسوي نفسك شريف مكة
رغد : اتركني ي حيوان
تركها وصفعته كف وطلعت تركت اختها وراحت لـ مكان حتى هي م تعرفه
~~~~~~~~~~~~~~
انتهى
توقعاتكم



آخر من قام بالتعديل Asli_novel; بتاريخ 19-08-2017 الساعة 11:15 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 19-08-2017, 10:50 PM
سان ليم سان ليم غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


سلام
رواية جميلة من بدايتها أتمنى لك التوفيق والنجاح

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-08-2017, 01:20 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


السلام عليكم
بداية جميلة واتمنى لك التوفيق
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-08-2017, 09:12 AM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


اقتباس:
المشاركة الأساسية كتبها سان ليم مشاهدة المشاركة
سلام
رواية جميلة من بدايتها أتمنى لك التوفيق والنجاح
شكرًا ي قلبي هذا من ذوقك الحلو
جميعا ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-08-2017, 09:19 AM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
بداية جميلة واتمنى لك التوفيق
يعطيك العافية
وعليكم السلام
انتي الاجمل
اتمنى التوفيق لنا جميعا
الله يعافيك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-08-2017, 09:05 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


السلام عليكم اسفة على التأخير اعذروني
ان شاء الله البارت بيكون نازل الأحد
سبب تأخيري انه انا مأخذة صيفي واختباراتي النهائية بدت بكرا اخر يوم لي ادعو لي بالتوفيق
وشكرا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-08-2017, 08:35 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


(2)
اتصل خالد على كادي
كادي : هلا
خالد : اهلين بهذا الصوت
كادي : اهلين فيك
خالد : متى تفكرين تجين البيت ؟!
بدلع : لما زوجي يفكر يجي وياخذني
خالد : ثواني وان عندك
سكر منها وقعدت تضحك على هباله راحت الصالة شافت عمر نايم بحضن امها أخذته وخلته يستقر على السرير ورجعت لامها
ام كادي (يسرى) : بتبقين للعشاء يمه ؟!
كادي : لا خاللد شوي وجاي
ابو كادي (عامر) : زيادة الخير خيرين خلي زوجك يجي وتعشوا معانا
كادي : ان شاء الله على امرك الحين اقول له
اتصلت على خالد
خالد : دقيقين
كادي : يقول لك ابوي انزل تعشاء معانا
خالد : بس مشتاق لك
كادي : وبكسر ابوي ؟!
خالد : لا طبعا كل شئ ولا والد الغالية لما أوصل بنزل
كادي : اوك باي
خالد : باي
التفت على ابوها : بنزل يتعشاء
ام كادي : بروح أحط العشاء
كادي : أساعدك ؟!
ام كادي : لا خليك يمه
كادي : اوك
رِن الجرس راحت وفتحت الباب دخل خالد
خالد : السلام عليكم عمي
ابو كادي : وعليكم السلام كيف حالك ي خالد ؟!
خالد : بخير دامني شفت انت كيف الحال معك
ابو كادي : والله ضايق من القعدة في البيت
خالد : م صار لك وقت من تركت الشغل إمداك تحس بالضيق
ابو كادي : م تعودت على القعده في البيت
سمعو بكاء عمر
كادي : بروح اشوفه
ركبت الغرفة
عمر : ماما
كادي : هنا انا م رحت مكان
نط في حظنها أخذته ونزلت به تحت ولما شاف خالد سحب عليها وراح له
~~~~~~~~~~~~~~
ابو وليد : وينه هذا ولدك
ام وليد : الحين جاي وش فيك عليه
اسماء : انا جاهزة يلا نروح
ابو وليد : نستنى حضرة جانب اخوك
وليد : هذا هو جاء الى تبيه
ابو وليد : ليش تاخرت
وليد : كنت أحلق
ابو وليد : يلا روح بدل بسرعة
م رد عليه وركب بدل ولبس ثوبه ونزل لهم ركبت سيارته ومعه اسماء وأم وليد وأبو وليد في سيارة ابو وليد
~~~~~~~~~~~~~~
ام سيلين : جاهزة ي بنت
سيلين : بس بقى احد ميك اب
ام سيلين : لا تكثري منه
سيلين : ان شاء الله
ام سيلين : وش قرارك الحين ؟!
بخجل : موافقة
ام سيلين : الله يتمم عليكم بخير
طلعت من غرفة بنتها وراحت تجهز نفسها دخل عليها عادل (ابو سيلين)
ابو سيلين : لا يلخبطون يفكروك انتي العروس مو بنتي
ام سيلين : لا تبالغ
حط يده على خصرها وصارو اثينهم قدام المراية : م ابالغ هذي الحقيقة
تتهرب : بروح اشوف سيلين
ابو سيلين : اوك
نزلت تحت شافت التجهيزات الى عملوها الخدامات وجلست رِن جرس راحت فتح لهم ابو سيلين الرجال راحو معه مجلس الرجال ام النساء راحوا الصالة
ام سيلين : حياك الله ي ام وليد
ام وليد : الله يحيك
اسماء : السلام عليكم
ام سيلين : وعليكم السلام
جلسوا وراحت ام سيلين تشوف سيلين
ام سيلين : خلصتي
سيلين : ايهه
ام سيلين : ان شاء الله
كانت سيلين لابسة فستان احمر فتحت الصدر مثلث كبيرة ووفيه فتحة صغيرة في البطن ولبست عليه عقد كبير ذهبي وأسوار ذهبية وخلخال وكعب عنابي ما بالنسبة الميك اب حطت لها سمبل ميك اب مع احمر شفاه لايم كرايم احمر مخملي
نزلت تحت لهم
ام وليد : ما شاء الله تبارك الرحمن
سيلين : السلام عليكم
اسماء : وعليكم السلام
جلست جنب امها
اسماء تهمس لامها : والله طاح وليد ومحد سما عليه
ام وليد : ههههه عيب ي بنت
- في الجهة الثاني -
ابو سيلين : حياك يا ياسر
ابو وليد : الله يحيك
ابو سيلين : كيف حالك ي وليد
يحاول يبتسم : بخير الله يسلمك
بعد دقائق مرت بعد اتفاقات
ابو وليد : عجل كذا متفقين بس باقي تاريخ الملكة (كمل) اقول لو نخليها على الاسبوع الجاي
ابو سيلين : اشوف البنت وارد عليكم
طلع وناد على وفاء خلها تاندي على سيلين راحت له
سيلين : هلا
ابو سيلين : موافقة الملكة تصير اسبوع الجاي
سيلين : لا اسبوع م يكفي اتقضى الأغراض على الاقل اسبوعين
ابو سيلين : طيب
رجع للرجال
ابو سيلين : البنت تقول م يكفيها اسبوع تتقضى تعرف البنات فقالت تبيها بعد اسبوعين
ابو وليد : وحنا موافقين
ابو سيلين : م طلع صوتك ي وليد
وليد : يصير اعترض بعد ما وافق الكبار
~~~~~~~~~~~~~~
جوا سيارات الإسعاف ونقلو سطام والولد الى المستشفى الحمد لله كانت الضربة خفيفة وما تأذوا واجد
محمد : هنوف
هنوف : تفضل
محمد : روحي قسم الإسعاف في مصابين هناك اهتمي بهم
هنوف : ان شاء الله
راحت قسم الإسعاف شافت سطام وحاجبة ينزف راحت اخذت شاش ومعقم عقمت جرحه
هنوف : الحمد لله على السلامة
أنصدم من جمالها قال وهو يطلع فيها بنظرات حادة : الله يسلمك
شافت الولد عالجته وطلع
~~~~~~~~~~~~~~
- بيت ابو ريان -
طلبت ام عبير سايق من كريم وراحت للمطار تستقبل بنتها
نزلت طيارة عبير في مطار الملك فهد اخذت شنطها خلصت الإجراءات وطلعت تدور امها شافتها راحت ضمتها على طول
عبير : اشتقت لك
ام عبير : وانا بعد ي قلبي
عبير : بنروح بيت صديقتك ؟!
ام عبير : شوفي انا كذبت عليك
عبير : بـ ايش ؟!
ام عبير : مو صديقتي الى بنروح لها
عبير : من ؟!
ام عبير : الى اشتغل عندهم
عبير : طيب ليش ؟!
ام عبير : م فيه الا هذا المكان نروح له
عبير : كله بسبب ديون ابوي صح
ام عبير : لا تقولي كذا بس ترحمي عليه
عبير : الله يرحمه
ام عبير : يلا نمشي
عبير : م فيه مكان غيره ؟!
ام عبير : صدقيني لو فيه غيرك م كنت خليتك تروحي هناك
~~~~~~~~~~~~~~
دارين : بشوف رغد وين راحت اف منها هالبنت
مصعب : صدقيني اختك بتدفع ثمن كفها هذا غالي
دارين : مو وقتك خليني اشوفها وين راحت ؟!
اتصلت عليها
رغد : خير
دارين : وينك
رغد : وتتوقعين انه بقول لك
دارين : خلصي وينك
كانت تمشي في طريق ظلمة وقطعت الشارع : قلت لك ....
سمعت صوت ارتطام : رغد رغد ردي رغد
فهد : وش صار
دارين : مدري سمعت صوت ضربته سيارة وبعدها م طلع صوتها
فهد : قومي ندورها اكيد م بتكون بعدت واجد
مصعب : وانا بجي معاكم
قامت معاهم وشافو رغد متروكة في الطريق والى ضربها مو موجود مصعب على طول حملها وودخلها سيارته وودها المستشفى وفهد ودارين وراه في سيارة فهد
~~~~~~~~~~~~~~
رجع البيت كان الكل نايم في البيت سحب نفسه بهدوء لـ غرفة وقعد يفكر في الممرضة الى عالجته
- في جهة ثانية -
طلعت من الحمام وكانت مو مغطية جسمها عدل وم كانت تدري انه اليوم تركي راح يكون موجود
تركي : اوهه
خافت : انت وش تسوي هنا
تركي : شفتك تسوين اغرائات قلت اسلك لها
قرب منها
رهف : ابعد
تركي : ليش مو انتي زوجتي
رهف : لا مانيب بزوجتك
تركي : بس فيه ورقة تثبت انك زوجتي
رهف : وش تبي ؟!
تركي : ابيك انتي
رهف : وانا م ابيك اتقرف منها
مسك شعرها بقوة : ولا عاد مدري من يتقرف من الثاني ولا نسيتي ماضيك
رهف : هذا انت قلتها ماضي
تركي : لكن هالماضي جمعني بك
قرب وجهها من وجهه
دفعته بقوة : الله ياخذك وياخذ اليوم الى تعرفت عليك فيه
راحت غرفة تبديل الملابس الخاصة بهم سكرت الباب وبدلت طلعت شافت تركي نام اخذت جوالها واتصلت على اختها
تغريد : اهلين بالحلوين
رهف : اهلين فيك اخبارك
تغريد : الحمدلله
رهف : كيف الدراسة
تغريد : زينة
رهف : لا تهمليها طيب
تغريد : تمام ي قلبي
رهف : يلا انا م أطول عليك
تغريد : رهف
رهف : هلا
تغريد : شكرًا
ضحكت : م زهقتي كل م اتصلت تقولي لي
تغريد : لا ولا بزهق انتي حقتتي حلمي
رهف : طيب خلاص لا تبدي ي شاعرية
تغريد : الله يسامحك
رهف : يلا سكري ي بنت وراك نوم
تغريد : طيب باي
رهف : باي
~~~~~~~~~~~~~~
تعريف بـ عائلة رهف :
امها + ابوها | متوفين
رهف | 24 سنة
تغريد | 20 سنة
~~~~~~~~~~~~~~
سكرت ورجعت ذاكرتها لـ وراء خمس شهور
رهف : اوعدك لو مهما كلف الموضوع بخليك تروحي هناك وتدرسي
طلعت من غرفتها واتصلت على عهد
رهف : موافقة
بخبث : على ايش
رهف : بجي للزبون
عهد : على الساعة 8 تعالي ****
رهف : طيب
راحت رهف على المكان الى قالت لها عليه عهد وشافت تركي كان المطلب الوحيد لها من عمل هذا الشئ تجمع فلوس حق اختها وتروح تدرس برا
~~~~~~~~~~~~~~
نرجع بيت نايف
- غرفة مهند -
اتصل على غسان يبي يسأله عن البنت الى شافها اليوم
غسان : اشوفك م تحملت الشوق لي
مهند : واثق من نفسك لهدرجة
غسان : اكيد
مهند : لا هالمرة موضوع ثاني
غسان : قل
مهند : البنت الى كانت اليوم تشتغل اقصد البنت الى خدمتني
غسان : ايهه وش فيها
مهند : ولا شئ خلاص
سكر منه بسرعة
~~~~~~~~~~~~~~
وصلو خالد وكادي البيت ركبت كادي عمر وحطته على سريره وبدلت لبسها وقعدت على السرير اما خالد راح لـ غرفة ميلاء
خالد : ميلاء
ميلاء : نعم
خالد : وش سويتي للسايق
ميلاء : والله م سويت شئ بس عصبت وصرخت عليه
خالد : المهم خلاص م فيه سايق حاولت أقنعه م يسافر م رضا
ميلاء : بالطقاق من زينه عاد هالمرهف المشاعر
خالد : المهم بس حبيت اقول لك انه دبرت سايق لكن سعودي
ميلاء : سعودي !! مين هذا الى الجميل الرائع الى وافق يصير سايق
خالد : واحد على باب الله
ميلاء : طيب
خالد : بكرا يبدأ عمله
ميلاء : والله انك كذا زين انك دبرته بسرعة لانه كنت مقررة اروح المول مع صديقاتي
خالد : يلا انا بروح
راح جناحه هو كادي شافها نامت حط يده على خصرها ونام معها
~~~~~~~~~~~~~~
وصلو عبير وامها بيت ابو عبد العزيز ودلت العنود بنتها على المكان الى بتقعد فيه ورجعت داخل تشوف اذا يحتاجون شئ او لا عبير جاها فضول تشوف البيت بس من برا طلعت من الغرفة الى فيها وقعدت تمشي على أطراف أصابعها كان ريان توه راجع البيت وانتبه لـ ظل عند المحلق راح هناك وضرب ظهر عبير في صدر ريان
لفت بسرعة : اسفة اسفة
وركضت ترجع الملحق
ريان : مين هاذي ؟!
تجاهل الى صار وركب غرفته
~~~~~~~~~~~~~~
انتهى دوام لجين اخذت اختها وراحت الشقة الى اتجرتها
نومت اختها وقعدت تفكر بالمستقبل ووش يخبي لها ابوها وامها تركوا عليها عبئ كبير كيف تربي وحدة وهي بعدها تحتاج تربية وكيف بتخليها تعيش وأسئلة مالها نهاية
~~~~~~~~~~~~~~
تامر جهز له لبستين عشان اليومين الى بيقعد فيهم في الشرقية وسلاف كذلك
~~~~~~~~~~~~~~
شافت جوالها وآنصدمت من المتصل
ام هنوف : نعم وش تبي ؟!
ابو ريان : خلاص بنهي الى قاعد يصير
ام هنوف : وش قصدك ؟!
ابو ريان : باخذ بنتي
~~~~~~~~~~~~~~
انتهى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-08-2017, 09:01 PM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


السلام عليكم
البارت يجنن

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-08-2017, 09:25 PM
Asli_novel Asli_novel غير متصل
©؛°¨غرامي جديد¨°؛©
 
الافتراضي رد: رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
وعليكم السلام
شكرًا


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1