اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 571
قديم(ـة) 13-11-2017, 11:00 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


اقتباس:
المشاركة الأساسية كتبها اسيرة الهدوء مشاهدة المشاركة
وعليكم السلام ورحمة الله وبركاته
صباح الخير
الثلاثاء يناسبني باذن الله ومتحمسه للبارت
الله لايحرمني منك ياعسل
وعليكم السلام ورحمة الله وبركاته
هلا والله

تسلمين والله على الحماس وتواجدش المستمر
ولا يحرمني منكم ي احلى متابعين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 572
قديم(ـة) 13-11-2017, 11:01 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


اقتباس:
المشاركة الأساسية كتبها smsm50 مشاهدة المشاركة
يحراااام عناد واميرة 😢
💔💔
شاكره لش تعليقش

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 573
قديم(ـة) 13-11-2017, 11:03 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


اقتباس:
المشاركة الأساسية كتبها o-2 مشاهدة المشاركة
السلام عليكم ورحمه الله وبركاتة

يعطيك العافية ي رب


لاخلا ولاعدم ي رب ربي يسعدك

اعذريني م علقت ع البارت السابق كنت مشغوله حيل



شدن دايم تجيب النكبة لنفسها ترفع ضغطي

شكل اللي دخل عليهم البيت ياسر الله يستر بس



عجبني تصرف مصعب برد حرتي في شموخ تستاهل


عشان ماترفض سلطان


أتوقع ان شموخ ترفض عناد او التحليل ميتطابق المهم ان


اميرة تتزوج عناد لانها طيبة ولايقين ع بعض

في انتظاركـ ودي لك.

عليكم السلام

ي هلا والله

تسلمين ي قلبي

معذوره فديتش يكفي تواجدش الحين

افاااا بزعل منش تقولي بنتي شدون ترفع الضغط الله يسامحش بس

بإذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 574
قديم(ـة) 14-11-2017, 04:51 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


. مساء الخير

انتظروني اليوم ي حلوين
على الساعة عشره تمام بإذن الله

ومن الحين اقولكم تكفوون لا تغلطو علي بنتي شدون عشان ماشاءالله في ذا البارت مشرفتني بالحيل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 575
قديم(ـة) 14-11-2017, 09:02 PM
صورة تيمم. الرمزية
تيمم. تيمم. غير متصل
©؛°¨غرامي مجتهد¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


السلام عليكم
كيفك نوني وذي اول مره اعلق على وحده من رواياتك وكنت خلف الكواليس باه يا عذابي والبارح بالتمام نهيت روايتك اعشق انانيتك كنت متابعتها اول مابديتي بس اكره الانتظار وانتظرتها تكمل واروق
..
ومن الجميل في هذه الروايه انها تحمل نكهة جنوبنا الله يطعني عنش
وان شاء الله تكون بداية توفيق وقلم سديد يارب
وبكون متابعه مستمره لك قدر ما اقدر
اسعدك الله ياصاحبة القلم الشغوف
..
تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 576
قديم(ـة) 14-11-2017, 10:07 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


اقتباس:
المشاركة الأساسية كتبها تيمم. مشاهدة المشاركة
السلام عليكم
كيفك نوني وذي اول مره اعلق على وحده من رواياتك وكنت خلف الكواليس باه يا عذابي والبارح بالتمام نهيت روايتك اعشق انانيتك كنت متابعتها اول مابديتي بس اكره الانتظار وانتظرتها تكمل واروق
..
ومن الجميل في هذه الروايه انها تحمل نكهة جنوبنا الله يطعني عنش
وان شاء الله تكون بداية توفيق وقلم سديد يارب
وبكون متابعه مستمره لك قدر ما اقدر
اسعدك الله ياصاحبة القلم الشغوف
..
تقبلي مروري
عليكم السلام
ي هلا والله فيك متابعه جديده لي

تسلمين والله هذا من ذوقش

اتشرف بمتابعتش حبيبتي
ويسعدش يارب

اسعدني مرورش

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 577
قديم(ـة) 14-11-2017, 10:11 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


. . اللهم اني استغفرك وأتوب إليك

اللهم صل وسلم على نبيا محمد
صلوو عليه
@
@
@
(( 10 ))


.
&
&
&
انقهرت يوم سفهني وراح لأمي ..ونزل نفسه وسلم فوق
رأسها ...يمه ذلحين بيقلبها علي ...عارفه والله أمي عند ياسر خلاص تتغير ...صغرت عيني بقهر من مكره اسمعوا بس يقال يتأسف

قال بأسف وهو يسلم فوق رأسها: والله يمه ان زعلش مكدرني يمه انا فداش انش ترضي عني ولش الي يسعدش ويرضيش ولو تبيني ذلحين اعتذر من بنتش ابشري على اني مظلوم يعلم الله

نوفه بزعل : ياسر شايفه بعيني الي سويته فيها ذلحين وبعد امك ماقصرت

ياسر قفل عيونه بصبر من تكذيب عمته له : ي عمه والله انه ماصار شيء من الي قالته لش كله كذب ولا مديت يدي عليها شافها تطالعه بعدم تصديق جلس جنبها وقال بعجز ليتش تصدقني ذي المره وخليها تحلف وأنا بعد بحلف

شدن فتحت عينها بصدمه يوم بدأ ينكبها قالت معترضه: يعني أكذب ترضين يمه يقول عني كذوب خلاص قوم روح بيتكم والباب ان شاءالله بنجيب عامل يسده وترتاح منا

ياسر طالعها بحده و عض شفته بقهر وده يذبحها ..ذلحين اي باب بالله ينسد ..وبعد مين جاب سيرة الباب الي فاصل بينهم ..رجع طالع عمته وهو يالله قادر يمسك نفسه مايبي السالفه تزيد بينه وبين عمته ..ام ذي ماهمته ..الله يفكه قريب منها
: ي عمه والله اني صادق وتعرفيني عدل تربيتش

شدن بصدمه: من متى لا تكذب أمي نوفه ربتني انا بس لا تحشر نفسك لو سمحت ويالله روح مابقي شيء على السحور ومع الأسف ماحسبنا حسابك

نوفه صرخت بعصبيه: شدن قسم بالله لو قمت لش ماتسلمي مني فارقي لغرفتش وخلي الرجال يتكلم

شدن بقهر وهي تشوف ابتسامه اترسمت على وجهه : والله اني قلت انه بيقلبش علي حسبي الله عليك

نوفه بحده: قلت لش ذلحين فارقي لغرفتش وفكينا
لا اقوم لش

ياسر بنفسه ليتش تقومي والله ذا يوم السعد آه
ينتظر ذا اليوم بس انصدم يوم عمته قالت : خلاص روحي غرفتش وانا مصدقتش

شدن بعناد: بروح بس بعد مايروح هوو اخاف ادخل يحصلها فرصه ويقلبش علي

نوفه بعصبيه صرخت: كلمه زياده قمت لش والله فارقي عن وجهي

شدن حست بقلبها انكسر وشلون تصرخ عليها
قدامه كذا ...طالعت ياسر وقالت بعصبيه: الله يأخذك مثل مافتنت بيني وبين أمي يالظالم روح يجعلك ان شاءالله بسلل جدي واعطتهم ظهرها وراحت تركض للغرفه وهي تصيح

ياسر انصدم من وقاحتها وقلة ادبها طالع عمته
ذلحين ذي الي مدوختنا عشانها...وذا الزعل كله
قال بسخريه وهو يوقف : استرخصش ي عمه وعسى مابي خاطرش شيء علي قبل اطلع

نوفه وقفت وحطت يدها على كتفه وقالت بضيق: يمه ياسر لا تحط عقلك مع عقلها ترى لسان كذا بدون فهم
إلا هي ضعيفه بالحيل ولا تفهم وش تهرج به كبر عقلك شوي انا فداك
ياسر بقهر : والله ي عمه مدام معطتها الضوء الاخضر
ومدلعتها لذي الدرجة ماغير تزيد وقاحه أكثر من ذي الوقاحه هي فيها والسالفه ماهو اني أكبر عقلي

نوفه بزعل قاطعته: ياسر توني ذلحين أنصحك

ياسر قال بضيق: يجعلني قبلش ي عمه بس والله شيء يطلع الواحد من طوره ورفع يده خليني امشي قبل ازيدها نزل نفسه شوي وسلم فوق رأسها وطلع وهو متضايق ....


نوفه
جلست على الكنبه وهي متحسفه ..انها زوجتها له
تحس هالزواجه كلها ماهي رأكبه أبد ...لاهي بعقل وتفهم ولا هو طويل بال وصبور ...طالعت باب غرفتها ....
وهي متضايقه ..وقفت وراحت لها دخلت شافتها تصيح
قالت بعتب:ذلحين بعد سواتش انتِ الي تصحين
والله عيب عليش الي سويتيه وقدامي بعد ماحترمتيني ذلحين وش يقولون نوفه ماعرفت تربي

شدن طالعتها بقهر: وش قايل عني بعد وجايه تكمليه
يالله مابقي غير انتِ يمه تقومي ضدي

نوفه بحده: شدن احترمي حالش الرجال جاي يمي ويعتذر وش لش هابه عليه مفروض ماهو حابه وجوده كان خذتي عمرش ودخلتي غرفتش مافي حد بيجي صوبش لا جالسه وتراددي بالحكي الي كله سواد وجهه

شدن فتحت عينها بصدمه: يعني نسيتي من شوي مسفل فيني قدام أهله وتبني يوم يدخل بيتنا وجاي بنفسه اقوم اخليه ومأخذ حقي

نوفه بحده قاطعتها : تستاهلي محد قايل لش روحي لهم كم مره حذرتش بس انتِ إذن من طين وإذن من عجين تسرحين وراء القال والقيل بكل مكان مايفوتش

شدن زادت بصيحها : يعني أنا ذلحين بنظرش نقالة حكي والله لف رأسش علي روحي خلي ولد أخوش ذا ينفعش عساه رصاصه تجيه من جابر تسدحه بالأرض

نوفه بعصبيه : وش ذي الدعوه
شدن بقهر وهي تمسح دموعها: ليتني رحت لعمي ولا وافقت على شورش وخذيت ذا الخبيث ظلمتيني به
وخلاش بصفه أجل لو صار العرس وش تسوين فيني آه ياربي لمين اروح
نوفه فتحت عينها بصدمه هذا الي خايفه منها ترد اللوم عليها توها وهي تفكر بذا الشيء قالت بحسره: ليتني رديتش لعمش ولا ظلمتش لكن بحلها من عندي
وطلعت من الغرفه ...معصبه

شدن
ندمت انها قالت كذا .. بس مقهوره ليه تدافع عنه
وقايمه ضدها ....لأول مره بالعاده معاها وفي صفها
بس تخيلت ان حلها تدق على ياسر وتقوله طلقها وخلي عمها يجي يأخذها فزت واقفه وهي ماسكه على قلبها لالا يمه وبسرعه ركضت تدورها ...شافتها بالمطبخ قربت منها وهي تصيح بخوف : يمه اسفه وخلاص توبه معاد بطول لساني بس تكفين الحل الي عندش كنسليه

نوفه بجمود : شدن ابعدي عني ذا الوقت حدي ضايقه منش

شدن ابتعدت شوي ...صدق أفضل شيء تبعد عنها
ذا الوقت وبتعرف لها يوم تروق شوي ...
وبتدعي على ياسر هو سبب الي هي فيه




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 578
قديم(ـة) 14-11-2017, 10:18 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


. .

في الرياض
؛؛
؛؛
استغربت من جلوسه بالغرفه...من امس ..حتى فطور مافطر ..معقول ماهو صايم ..وباقي شوي ويجي وقت السحور وذا الادمي لا حس ولا خبر ..ولا طلع مثل العاده ترددت تدخل غرفته وتشوف ايش فيه ...معقول به شيء حست بخوف...وقفت وراحت لغرفته وهي تقدم خطوه وتأخر خطوه خايفه منه ومن جنونه ..فتحت الباب بتردد وحذر ...النور مطفي حست بخنقه الغرفه كيبئه بالحيل تقدمت شوي فتحت النور ..حست بصوته المخنوق وهو طالع من الحمام الي بالغرفه الله يكرم القارئ: اقفلي النور
طنشت طلبه وقربت من وقالت بستفاسر: وش تحس فيه

مصعب بضيق وهو ماسك على صدره جلس على السرير وتمددد وقال بوجع : تعبان حدي وتكفين لا تزيديها علي ...

اصايل قربت منه يوم حسيت انه يتكلم غصب وبه
صوت يطلع من صدره مثل الي هو مكتوم ويالله يحصل نفسه تذكرت زوجة ابوي عندها ربو ولو تعبت يطلع ذا الصوت من صدرها قلت بقلق : عندك ربو صح شافته مارد عليها قالت بستفاسر طيب ايش يوجعك بالضبط
قولي يمكن اساعدك طنشها ومارد عليها ترددت تجلس بس سمت بالله وجلست بطرف السرير وهي تطالعه وتفكر وش تسوي له ...بعد مده بسيطه رجعت تسأله بصوت واطي : مصعب تسمعني وقولي وش تحس فيه
فرحت يوم فتح عيونه وطالعها

مصعب وهو يحس الحكي يتعبه :لاني غبي وتسرعت
وسكت وهو يحس الكتمه زادت عليه أشر لها تطلع

اصايل استغربت الي يقوله حست انه ماهو بعقله ويهذي بتردد قربت شوي ومدت.. يدها وحطتها على جبينه حست بدرجة حرارته مرتفعه بالحيل ..ايه عشان كذا ماهو بوعيه أبد وش تسوي له حرارته مرتفعه بالحيل
يالله حتى حبوب مسكن ماعندها ...الله يسامحك
على ذي الحبسه شوف وش استفدنا تعبان ولا به حتى مسكن يخفف عنك شوي ...وقفت وراحت للمطبخ
وحطت ثلج ومويا ماعندها ذلحين غير ذا الحل انها تكمد له..الرجال حرارته مرتفعه ...وهي لا تعرف حد
هنا ولا انه يصير له شيء بتروح فيها ...رجعت للغرفه وهي حدها متوتره قربت منه بخوف وحذر ..خايفه بالحيل منه.. مسوي لها رعب .. جلست جنبه وهي تحاول انها ماتزعجه ... شافته رجع قفل عيونه
خافت تفجعه ويقوم يحوسها افضل شيء تقوله قربت منه وهمست له: بكمد لك اوك
يوم فتح عينه وطالعني من غير مايرد ابعدت شوي وقلت وأنا اكرر كلامي له بكمد لك وان شاءالله تخف ..مارد علي رجع قفل عيونه رفعت الكماده ...وحطيتها على جبينه ...الي مولع
رجعت حطتها بالمويه والثلج ...ورجعتها على جبينه
حسيت بألم بظهري سندت حالي على ظهر السرير
وانا أفكر بذا الحال حنا فيه بس فتحت عيني بصدمه من كلامه
: اسف يمه تسرعت كان نيتي اجننها مثل ماأخذو عقلك وبحطها بالمكان الي تحولتي له وأخذتك من جثه

حسيت بخوف ..من كلامه اي مكان امه تحولت له
واستلمها جثه هالرجال " لغز "قلت بهمس ابيه يصحى مابي عاد اسمع شيء يخوفني أكثر : مصعب كيف ذلحين ان شاءالله اخف مارد علي قلت بمحاوله ثانيه مصعب وش رأيك اجيب لك شيء تأكله سكتت يوم لف على جنبه بدون مايرد علي ... خليني اقوم واطلع من الغرفه
قبل اسمع شيء ثاني يخوفني أكثر .... وهوو ان شاءالله يخف
@
@
@
@
في بيت أبو امير

قالت بضيق وهي تحاول فيها تأكل وهي صاده ورافضه : طيب لمتى رافضه الزاد الحين عاجبك الحاله الي وصلتي لها بسبته والله مايستاهل ولا ودك كل وقت بالمستشفى ومركبين لك المغذي

الشموخ صدت وهي مصدومه من الي صار
وتحس نفسها بحلم وبتصحى منه ...

أميره بحزن: يمه خفي عليها شوي حالتها الحين ماتحمل الي تقولينه لها

ام أميره بضيق: وش اسوي مقهوره عليها بالحيل
وصلت نفسها لهااالحاله وليت به شيء يستاهل والله ماغير ربي فكها منه عقد أختي وموتها ناقصه عمر

أميره بضيق: يمه ايش دخل مرض خالتي بمصعب سكتت يوم سمعت شهقه طلعت من الشموخ بسرعه نزلت نفسها وضمتها وهي تطالع امها بعتب: خلاص ي عمري هدي وماما ماتبي غير مصلحتك

ام أميره وقفت: انا بروح انادي ابوك يشوف صرفه معاها وتأكل من أمس ماحطت بفمها شيء

أميره بهمس وهي تهدي عليها : يروح اختك والله خيره صدقيني ربي مايبعد عنك شيء إلا به خير لك هدي هدي ي الشموخ اعرفك قويه ولا شيء يهزك ولا ناويه
تتعبي حالك وترجعي للمستشفى تحس كل ماتكلمت زياده ترجع تصيح زياده أفضل شيء تسكت لما أبوها يجي يشوفها ...فرحت يوم دخل ابوها وهو يقول: ليه ليه ي روح أبوك قرب منها وقال بهمس تبكين وانا موجود ليه يبه والله ان ربي فكك وصدقيني ربي عوضك بالي أحسن منه وخطبك مني وانا وافقت عليه قال كذا وهو عارف انه ماهو وقت هااالكلام أبد بس يعرف بنته مافي شيء بيفوقها من الصدمه الي شيء كبير يهزها ولا بتضعف أكثر ..حسبي
الله عليك مصعب ...مثل ماوصلتها لذي الحاله..

أميره عقدت حواجبها متسغربه كلام أبوها مين الي خطبها بذي السرعه ...ولا هو بعد وقته توقعت ابوها يكون يهدي عليها أكثر ماهو يصدمهم بذا الخبر
حط يده على شعرها وقال : أكيد ودك تعرفي مين الي خطبك شافها ماردت عليه كمل وهو وده بس تتكلم خايف عليها بالحيل من وقت ماصار الي صار مافتحت فمها بكلمه زفر بضيق وقال : "عناد خطبك " وأنا وافقت

الشموخ جلست بدون شعور وصرخت: وشهوو عناد خطبني طالعت أميره وهزت رأسها لا لا لا يبه
مستحيل

أميره
كانت مصدومه عناد خطبها يالله ...وشلون
الشموخ ماتكره إلا وجههه والحين يقول خطبها ...بس والله انه أفضل من مصعب بمليون ...

أبو أميره فرح من قلب انها ردت عليه ابتسم لها وقال: ليه طيب مستحيل وش به ناقص رجآل والنعم فيه

الشموخ بعصبيه : يبه ماهو وقته أبد تكفى خلني بحالي
وقول لولد الجوهره يحلم على قده وفزعته مثل وجهه

أبوأميره بحده : إلا بوقته ونص بعد وخلاص انسي مصعب والي صار كله ومافي حد بيعوضك غير عناد


الشموخ بسخريه : يعني الحين يوم تقولي عناد خطبني عشان انسى ماقدرت تقول اسمه جرحها بالحيل صرخت بقهر مستحيل انسى الي سواه فيني ولا ميلون عناد يعوضني

ابو أميره بضيق ليته تركك بدون مايتلفظ ويسود وجهي قدام جماعتي كان ماغصبتك على عناد وقف بضيق وقال وهو منهي السالفه : الموضوع وانتهى ليه توجعي نفسك فيه خلاص الحين عناد خطبك ونتظر التحليل ونملك لكم

الشموخ ضحكت بجنون وهي تطالع اختها وأشرت على ابوها:تسمعي الي يقوله تحليل وملكه اشرت على نفسها
أنا أخذ ذا الشاحت اسمع يبه صح ولد أخوك قهرني وكسرني بس مستحيل ارخص نفسي واوافق على ذا الرمه الي عمي يتصدق عليه من الحين ماهو موافقه
وقول له خله يطالع الي قده لا يطالع شيء كبير عليه

ابو أميره بعصييه: الشموخ ترى مافي حد رفع رأسنا غيره بعد ماسود وجيهنا ولد عمك والموافقه جته وقدام الرجاجيل العلم عندك وطلع وخلاها وهو يسمع اعتراضها

الشموخ وقفت معصبه وهي ترمي أي شيء قدامها على التسريحه وتصرخ بصوتها كله: انا أخذ عناد والله على موتي يمه وينك يمه

أميره قربت منها وهي تحاول تهدي عليها : تكفين عشاني هدي الشموخ ماهو كذا

الشموخ طالعتها وهي منهاره: ابوي جن وش أخذ عناد وانتِ اشلون لا لا والله مأخذه روحي بسرعه نادي امي تعرف له وتخليه يغير رأيه

أميره وهي تحاول تمسكها: أنا وش دخلني بالله وخلاص هدي الحين بنادي امي فرحت من قلب يوم شافت
امها دخلت تركض وهي مفزوعه وتحاول تضم الشموخ :حسبي الله عليه بدل مايدخل يهدي عليك يقوم يعصبك ويقهرك حنا يالله ننفك من أخوه ومن أي شيء يجي من طرفه ذي المره يجيب لنا ولد زوجته حسبي الله عليه









الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 579
قديم(ـة) 14-11-2017, 10:29 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


. .

دخل البيت وهو يدورها بعيونه ..اليوم بيتسحر عندها ويطيب خاطرها ...ماشافها في مكانها
مثل العاده ..صيح على الخدامه و قال لها تروح
غرفة أمه وتناديها ...جلس على الكنبه ينتظرها أول ماشافها طالعه من غرفتها وقف واستقبلها بابتسامه: معقول ي الجوهره كل ذا زعل افاا حتى الجوال ماتردي عليه

الجوهره وهي معصبه والضغط واصل حده عندها
دفته عن طريقها وجلست وزفرت بقهر: عناد لا تسوي فيها ومن الحين اقولك لا تحاول تقنعني

عناد قرب منها وجلس بجنبها وقال وهو يزفر بضيق: يمه عمي مايستاهل

الجوهره قاطعته بعصبيه: عساه الحريقه هو ولده حنا مالنا دخل بمشاكلهم

عناد بعتب: يمه وش ذا الكلام
وبعدين وشفيها الشموخ ليه كل ذا الاعتراض عليها اعطيني سبب مقنع

الجوهره بعصبيه ضربته على كتفه : بعدك تبي سبب مقنع عشان ماتأخذها من الأخير ماتصلح لك وبعد أنت خاطب لا تنسى عبير

عناد عقد حواجبه : خلينا الحين من عبير وقولي ليه ماتصلح لي الشموخ

الجوهره حطت يدها على رأسها : هذا الي بيذبحني
افهم ي رجال مغروره وشايفه نفسها بالحيل
بعيده بعيده عن شخصيتك

عناد : يمه لا تحكمي عليها وأنتِ مابعد عاشرتيها

الجوهره بقهر: الحين أنا ماعرف الشموخ متزوجه عمها لي فوق عشر سنوات لا تنسى عارفه كل شيء عنهم وعارفه مين فيهم الزين والشين والله لو قلت لي تبي اختها اميره كان يهون علي

عناد تنهد بضيق : يمه وش دخل اختها الحين وخلاص اعتبري الموضوع منتهي واليوم بعد رحت المستشفى

الجوهره قاطعته بصرخه: مسرع مارحت مستعجل على نتيجة التحليل صغرت عيونها وقالت عناد لايكون عينك منها من قبل وجتك ذي الفرصه

عناد بصدمه : وش الي تقوليه يمه وشلون تجي عيني عليها وأنا عارف انها لمصعب من زمان بس الحين الظروف حكمت وصار الي صار

الجوهره بشك: عناد حالتك ماتطمن أبد لايكون شفتها
يوم سوينا العزيمه في العيد وهي ماشاءالله كانت تسرح وتمرح بذي الفله وعيونها تدور مصعب وتبيه يشوفها بالغصب
عناد حس بقهر من كلام أمه معقول ذي اخلاقها
وقف وهو متضايق

الجوهره طالعته بسخريه: اجلس اجلس ولا يكون ماعجبك الكلام هذا أنت وقت الجد تتهرب

عناد ابتسم بضيق: ماعليه يمه بروح وراي اشغال وبروح اقابل رجال ينتظرني بس قلت اجي اشوفك

الجوهره بغيض: جاي تشوف وشلون قهرتني ورايح
عناد نزل نفسه وسلم فوق رأسها وبهمس: مايهون علي زعلك بس شيء انكتب وخلاص وعارف قلبك طيب وراح ترضين علي...

@
@
@
@
في الجنوب

ليلة العيد
قالت بزعل : شوفي بسبة ياسر حتى السوق مارحت
عشانش زعلانه مني طنشتي ماتكلمي خالي وراح في بناته ولا عبروني وعزموني

نوفه وهي تفكر بتصال عمها ...يسأل عن العرس ومتى اتفقوا يحددونه ...عشان يرتب وقته ويجي ..

شدن بقهر انها مطنشتها: يمه لمتى ذا الزعل تكفين بعد العيد عاقبيني الحين كلمي خالي مبارك وهي تعطيها الجوال

نوفه بطفش من حنتها : شدن رأسي يوجعني ليتش تخليني بحالي شوي وتعبانه مافيني على روحة السوق

شدن عضت شفتها بقهر: يعني شلون يجي العيد وانا ماعندي لبس جديد والله قهر مابقي غير ساعات و أمل ونور وحور كلهم يكشخون وانا لا وحنا متفقين نتجمع

نوفه بضيق : شدن ذلحين مين بالله بيوديك للسوق
وخالش مبارك ماهو فيه عنده مشوار بعيد شوي

شدن : ي سلام ذلحين طلعت مشاويره ليه راح ببناته وماقالي اروح معاهم إذاهم قليلن اصل وهو مفروض أحسن منهم

نوفه تنهدت بصبر: ماعنده خبر انش تبي السوق إلا مايقصر لا تجحدي خيره

شدن تكتفت بزعل: مالي شغل بروح وبشتري

نوفه بحده: بالله على مين ادق ذلحين ويروح فينا

شدن بتفكير: امممم كلمي جارتنا ام سعيد تكلم زوجها ونعطيه حق المشوار مثل العاده

نوفه بضيق:هاتي الجوال خليني ادق عليها واشوف
وان شاءالله زوجها فاضي
شدن مدت يدها بجوالها: خذي

نوفه بتعب: رقمها بجوالي

شدن نطت وهي فرحانه وراحت جابت الجوال الي بالشاحن وقربت منها واعطتها وجلست تسمع وش تقول لهم فرحت من قلب يوم ...قالت لهم دقايق وبيطلعوا
فزت بسرعه تتجهز وقبل تطلع ...رسلت واتس لنور
تبيها تروح معاها ...وختمت رسألتها شوفني أحسن منش ...وطلعت لصاله وهي تشوف أمها
تلبس العبايه قربت منها وضمتها بحب: يمه احبش بالحيل

نوفه ابتسمت لها ...تعبانه ولا لها مزاج للسوق بهالوقت
بس وش تسوي ماتبي تنقص عنها شيء طلعوا يوم دقت
ام سعيد ...
شدن أول ماطلعنا للشارع.. شفنا ياسر نازل من سيارته
وبيده اغراض كشرت ...مابي اشوف وجهه واتنكد ..
دورت بعيوني لسيارة الشايب ابو سعيد حسيت بقهر
يوم ماشفتها ...قلت بهمس: وشلون يمه زوجته تدق تقول اطلعوا وهم باقي ماطلعوا من بيتهم
نوفه : خلينا نرجع البيت نتظرهم مالي حيل اوقف

ياسر قرب منهم وقال وهو مستغرب وقوفهم بالشارع : عسى ماشر ي عمه وليه واقفين هنا

شدن اففف مابيه يسأل ويدري اني رايحه السوق
مابي انغث ...

نوفه : ماشر يمه بس بنروح السوق ونتظر ابو سعيد وزوجته قالوا حنا برا ولا جوو وسكتت وهي تشوف سيارة ابو سعيد هذا هو وصل

شدن بسرعه تحركت بركب بس وقفت يوم قال ياسر
: تسهل ي ابو سعيد انا بوديهم

حسيت بقهر وش يودينا ...والله يكذب قربت من أمي وهمست لها: يمه مابي

نوفه : لا يمه انت جاي تعبان وخلينا نروح معاه وأنت اترتاح انافداك

ياسر قاطعها : لا ي عمه انا بوديكم وطالع ابو سعيد الي باقي واقف تسهل ي عم الله يستر عليك
وطالع عمته تفضلوا اركبوا السياره وأنا بدخل الاغراض وجاي

شدن
طالعت عمتي بقهر...مابي اروح معه ذلحين بينشب لنا
قلت بغيض : يمه على طول تسمعي كلامه أنتِ
ليه مارفضتي بالله

نوفه بحده: اركبي ساكته ترى رأسي مصدع من حنتش
يكفي قومتي معش وانا تعبانه

شدن ركبت السياره وضربت بالباب بقوه وانا اشوفه
جاي يمنا ابتسمت بنتصار ذلحين بطنه وجعه على باب سيارته أول ماركب قال بعتب: افاا ي عمه يعني لو ابوي ماهو فيه ماتدقي علي اوديك مشاويرك

شدن بلقافه: ترى حنا من زمان متعاملين مع ابو سعيد

ياسر لف لها وقال بغيض وهو وده يسطرها : قلتيها كان زمان ذلحين كل شيء تغير

شدن حسيت بتوتر من نظرته لي ..وبعدين وش الي تغير
طالعت الطريق من الدريشه ..ابي التهي

ياسر حس بقهر من نفسه وشلون يبلش نفسه ذلحين بروحة السوق بس ايش يسوي عشان عمته يبي يسوي اي شي عشان يخليها شوي ترضى عليه ...

نوفه بعد صمت قالت بضيق : ياسر ابو خالد دق عليه يسألني عن موعد العرس وايش صار على التجهيزات ويقول مايبي حد يأكل وجههه إذا تأخرت الملكه وش قولك

ياسر بصدمه:اي عرس عمه مو كذا اتفاقنا

شدن عضيت شفتي بقهر من رده بس قلت بعناد وانا عارفه انه بيموت من قهره لانه حذرني من قبل اني احاول الغي فكرة العرس : عادي نسوي عرس وبعدها ارجع عندش يمه اهم شيء العرس يصير صادق عمي وش يقولون الناس عني

ياسر بدون شعور صرخ : انكتمي والله يأخذ عقل عمش
ذا الي ماهو فاهم شيء وجاي بالأخير يفرض رأيه

نوفه بحده: ياسر لو سمحت لا تصارخ عليها قدامي
وترى من حقه

ياسر ضغط على الدركسون بقوه فيه قهر وغيض
منها ومن عمها طالع عمته بصدمه: عمه ماهو كذا كلامش قبل

نوفه بعجز: وش اسوي

ياسر بقهر : تكفين ي عمه ايش الدبره أنا عرس ماقدر عليه حدي مصغوط والي معي دفعته مهرر ولو خايف من كلام الناس مثل مايقول خلاص أخذها لبيتي بحفله بسيطة ماهو لازم خساره لما يهجد عمها بعدها ترجع لش

شدن
يعني ايش ماسوي عرس ولا افرح مثل اي وحده
واروح بيته كذا لا لا لا مستحيل قلت بعصبيه: اي حفله
بالله والله مارضى إلا بعرس وبقاعه بعد
ياسر بحده : ي عمه فهمي بنتش ان عرس ماقدر عليه

نوفه
رأسها صدع ... لا كلامه في منطق ولا كلامها بعد
قالت بطفش : والله انا خلاص روحي طقت منكم


شدن
حسيت بخوف لو أمي تسمع شوره لكن هين
والله مااسكت ...ماهو لهالدرجه اروح بيته كذا البخيل
أول ماوقف السياره قدام السوق نزلت وانا اتحلف فيه
والله لا اخسره ...واشتري أكثر من المبلغ الي أمي خذته
معاها ...
ياسر حس بضيق ماوده ينزل معاهم ...بس خجلان من
عمته صغط على نفسه ونزل وهوكاره عمره ... حس بقهر يوم تقدمتهم وتسرع بخطواتها كأن السوق بيطير
همس لعمته الي تمشي جنبه ومن فتره لفتره تمسك فيه : عمه انا فداش تعبانه تحسي بشيء

نوفه قالت بمكابره وهي حاسه ان الضغط مرتفع عندها
: مافيني شيء يمه وطالعت كرسي قدام باب المجمع
أشرت عليه وقالت : أنا بجلس هنا وانت انتبه على شدن
ياسر فتح عينه بصدمه وش انتبه عليها طفله وانا مدري
وده يقولها تكفين اعفيني من ذي المهمه .قال : لا ي عمه شوفي هنا كوفي تعالي ادخلش فيه واجلسي واطلب لش شيء تشربيه

نوفه مشت معه وهي ساكته ... وبعد ماطلب لها عصير
راح لشدن ...وهو قلقان على عمته يحسها تعبانه
دورها بعيونه وين اختفت ذي النشبه... شافها جايه وبيدها اغراض ي كثرها أشر لها تقرب عقد حواجبه وقال بصدمه: كل ذا في ثواني

شدن وهي خايفه منه : وين أمي ماهي معك

ياسر : شكلها تعبانه ودخلته الكوفي الي قدام الباب الله يأخذ عقلش هديتي حيلها

شدن بخوف رمت الاغراض من يدها وطلعت تركض مثل المجنونه
ياسر انصدم من الاغراض الي رمتها بالارض
راح وراها وهو معصب فشلته الناس تتفرج

نوفه أول ماشافتها تركض وقفت مفزوعه: يمه شدن

شدن قربت منها وضمتها بخوف: يمه تعبانه ياسر يقول انش تعبانه امشي يمه مابي عاد السوق يالله نروح المستشفى

ياسر كان متفشل قدام الناس كذا تضمها ...وتصيح نزل رأسه وهو يتحلف فيها اخخخ السوق زحمه وهذي مقطعها الدلع هين

نوفه بعتب وهي تطالع ياسر: ليه كذا تفزعها بنتي قلبها مايتحمل وطالعت شدن مافيني شيء روحي يمه كملي لبش للعيد وانا مافيني شيء بس رجولي تعبتني شوي مثل العاده
شدن بقلق: صدق يمه

نوفه : يمه روحي مابه وقت

شدن راحت وهي خايفه عليها حست بياسر يمشي وراها
حست بتوتر وخوف منه أول مره يمشي معاها لحالهم طالعت الزحمه تشجعت وطمنت نفسها مهما طينت الدنيا معه ماراح يقدر يسوي شيء ...ابتسمت بخبث طيب طيب والله لااخليك تدفع ثمن كلامك قال ايش مايقدر على العرس ..أخذت بطريقه
عشوئيه كل شيء قدامي وبلعانه فيه اناوله... هو يشيل لي حسيته مقهور بس خايف من أمي إلا عيونه تقدح شرار وخايف بعد يتفشل قدام الخلق ... وقتش شدون استغليه ...قربت من مكان الشوزات الله يكرم القارئ ...ورفعت ثنتين بوجهه يقال أخذ رأيه : ايت احسن هذي ولا هذي

ياسر سحبها من يدها بعنف وهو يتلفت لاحد ينتبه عليهم: خذي اي زفت وخلينا نمشي قبل اهفش بها بدون احساس اقولش عمتي تعبانه وانتِ بعد لش نفس تختاري وبقهر ضيعتي علي التزامات لدرجه نفسي ماضبطتها للعيد

شدن طالعت وجهه من وراء النقاب وقالت بدون حس: وش تضبط والله لو مية عملية تجميل ماقلبت خشتك
الشين شين
ياسر عض شفته بقهر الحين ذي جايه تتعايب بشكله
قال وهو صاك على سنونه: قدامي قبل اخذ ذنبش
شدن
مشيت وانا ماسكه ضحكتي اخخ صدمته
بس ليه انصدم و يزعل وبعد والله الزين ماجاه ...
اشرت على الاغراض بستفزاز: حاسب وانا بأخذ أمي للسياره ومديت يدي هاتي المفتاح بركبها تعبانه الله يخليها لي

ياسر تنهد بقهر وهمس: ماشاءالله ذلحين تحسي بعد ماخميتي السوق كله

شدن : شوف أنت الي جالس تأخرني عنها

ياسر مد المفتاح لها : الله يأخذ عقلش عشان عمتي بس إلا والله لا اخليش تنطقي مكانش .....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 580
قديم(ـة) 14-11-2017, 10:58 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & غير متصل
©؛°¨غرامي مبدع¨°؛©
 
الافتراضي رد: روآيتي الثالثة : جيت مابيك تحقرني جيت أبيك تعز شاني


. معليش حبايبي البارت نزل ناقص آه فيني قهر مايعلم فيه غير ربي والله المقطع الاخير كله انقص علي مدري اشلون وانا انزله فجأه ماحصلته اسفه لو قدرت رجعت أكتب المقطع الاخير وانزله ولو ماقدرت اعذروني المقطع الاخير كان حماس معوضين خير وانا والله بصيح من قهري



آخر من قام بالتعديل &نـــونـي بنت الجنوب &; بتاريخ 14-11-2017 الساعة 11:08 PM.
الرد باقتباس
إضافة رد
الإشارات المرجعية

روآيتي الثالثة : جيت مابيك تحقرني جيت أبيك تعز شاني

الوسوم
مابيك , أبيك , الثالثة , تحقرني , روآيتي , زاني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : و تورطنا Bnt a Boy روايات - طويلة 126 09-03-2017 02:29 AM
موعد ظهور المهدى وذكر الحرب العالمية الثالثة من أقوال أبي هريرة ahmed maher16 ارشيف غرام 0 14-12-2016 01:03 PM
كاميرات المراقبة بأمانة مكة ترصد شبحا عند الثالثة فجراً مختار المريسي أخبار عامة - جرائم - اثارة 2 16-12-2015 10:52 AM
روآيتي الأولـى : سوآد الليل '' سرآب '' روايات - طويلة 35 19-11-2015 08:51 AM
روايتي الثالثة : احبه حب ماحبه بني ادم/ بقلمي زهره التواضع. روايات - طويلة 1 19-04-2015 02:54 AM

الساعة الآن +3: 10:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1