اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 81
قديم(ـة) 12-10-2017, 10:16 PM
صورة اسيرةالهموم الرمزية
اسيرةالهموم اسيرةالهموم غير متصل
©؛°¨غرامي مشارك¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


مسكينه زينه الله عينها على الاثنين التبن رهف ومشعل بس اتوقع خالد كشت بالكل وعايش حياته متهرب من الزواج او الوعد الي بينه وبين زينه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 82
قديم(ـة) 13-10-2017, 01:51 AM
صورة Zooba. الرمزية
Zooba. Zooba. غير متصل
©؛°¨غرامي مشارك¨°؛©
 
B6 رد: روايتي الثانية : جننتني بجنانها وجمالها وحظني يبيها


(( البارت العشرون ))

في بيت ام مشعل الساعه 8 .كانو الحريم في المجلس يسولفون والبنات في غرفة عبير ...

طلعت زينه من غرفة عبير بسبب الازعاج خاصة انها فيها النوووم الف . ونزلت تحت ودخلت المطبخ بتشرب ماي بس فجأه سمعت الباب يدق.

زينه وهي تشرب ماي : اوه الباب ......مشت زينه وفتحت الباب .. واول مافتحته شافت اميره تبكي .

اميره اول ماانفتح الباب شافت زينه وضمتها بقوة وجلست تبكي .

زيمه بصدمة ؛ اميره ؟ حبيبتي وش فيك ؟ وش فيك تبكين !؟
اميره وهي تبكي : ااه يازينه اااه .
زينه وهي خايفه علئ اميره ؛ اميره حبيبتي اهدي شوي وقولي وش فيك .... تعالي داخل .... طبعا زينه دخلت المجلس الثاني وكان فاضي ..

زينه وهي ماسكه اميره ؛ اميره اجلسي حبيبتي . بروح اجيب لك ماي .
اميره وهي تبكي ؛ ماابي ماي ما ابي شي .
زينه وهي تجلس : طيب حبيبتي قولي لي وش فيك ليه جايه وانتي تبكين ؟
اميره وهي تبكي ؛ تخيلي يازينه ان حمد يبي ياخذني شقه ويلمسني قبل مايصير العرس.
زينه بصدمة : ايشششش!! من جدك انتي ؟
اميره وهي تبكي ؛ اي والله من جدي وقفنا عند عماره و لما سألته قالي ذا الكلام ولما عارضت قالي عادي انتي زوجتي.
زينه بعصببة : وش فيه ذا ؟ غبي ؟ ترا لسئ ماصار العرس وعارفين انك زوجته بس مايجوز كذا فرضا صار حقير وتركك . طيب انتي كيف رجعتي هينا وش قال ؟
اميره وهي تبكي : ما قدرت اتحمل وعصبت عليه وقلت له رجعني البيت ورجعني .
زينه وهي تضم اميره ؛ حبيبتي الحمدالله انه ماسوئ لك شي صدق مايستحي ..
اميره : اي والله كنت بموت من الخوف ماعرفت كيف اتصرف ......... وسكتت شوي وقالت : زينه بسألك سؤال .
زينه : اسألي .
اميره ؛ ماحسك مرتاحه بعد ماتزوجتي . داسم احسك متضايقه قول لي فيه شي ؟ مشعل كيف معاملته لك ؟
زينه سكتت شوي وتنهدت وقالت بجد : اميره بقولك كل شي بس اوعديني انك ماتقولين حق احد ابد .
امير ه بجد : وعد .

زينه قالت لها انها مغصوبه وان مشعل يحب بنت والئ اخره ..

اميره وهي مو مستوعبه ؛ نعم ؟ زينه اذا جالسه تمزحين ترا مزحك مره ثقيل .
زينه وهي تتنهد : كنت عارفه انك مارح تصدقيني بس انا ما امزح وهذاي الحقيقة.
اميره بعصبية ؛ زينه انتي مجنوونه ؟ كيف تعشين مع رجال عاشق ويحب بنت مجنوونه انتي لا اكيد مجنونه .
زينه : اشششش اسكتي لا حد يسمعك .. وبعدين وش تبيني اسوي ترا انا مغصوبه ما اقدر اتكلم .
اميره بعصبية : المفروض اول ما اكتشفتي انه يكلم بنت تقولين حق ابوك مو تسكتين !!
زينه بمسخره : وانتي مين قالك اني انا ناقلت حق ابوي ..
اميره بستغراب ؛ يعني قلتي له ؟
زينه بقهر ؛ اي وطبعا ابوي ماصدقني ابد وجلس يدافع عن الرجال بكل ثقه ..
اميره بصدمة ؛ ماصدق ماصدق كيف مايصدقك ... ياحبيبتي يازينه كل ذا ودافنته في قلبك .
زينه بحزن ؛ هههههه وش اسوي بعد بس امانه ما ابي اي احد يدري بالي قلت لك لاني انا اثق فيك عشان كذا قلتلك
اميره ؛ وعد حبيبتي وعد .
زينه : المهم الحين اتركينا من موضوعي اسمعي انا بنصحك نصيحه لاتطلعين مع حمد مره ثانيه الين مايجي العرس لانك ماتدرين وشو في راسه .
اميره وهي تتنهد : اكيد . تصدقين يازينه امس لما كنت اكلمه سمعت صوت بنت جمبه .
زينه بستغراب : بنت ؟ يمكن اخته .
اميره : لا هو وحيد امه وابوه .
زينه : طيب يمكن امه .
اميره بتعب : مدري والله بس الصوت الي سمعته صوت بنت انا متأكده .. اف مدري يمكن اتوهم .
زينه وهي تمسك يد اميره وبخوف ؛ اميره حبيبتي ترا في وقت .
اميره بستغراب ؛ وقت ؟ مافهمت .
زينه : اقصد اذا انتي مو مرتاحه فكو الخطبة وخلاص قبل لا يصير شي
اميره بصدمة ؛ ايش ؟ من جدك انتي !
زينه ؛ اي من جدي شوفي نفسك اذا انتي مرتاحه حق حمد او لا لا تهدمين حياتك بغلطه .
اميره بتعب : والله مدري يازينه احس عقلي تقفل بالمره ومابي اشك واتهم الرجال بدون دليل
زينه وهي تتنهد : طيب براحتك حبيبتي ... المهم ترا انا فيني نووووم الف .
اميره : ههههههههههه ياليل انتي وهالنوم روحي نامي في غرفة عبير .
زينه : غرفه عبير ؟! باالله عليك روحي بس افتحي الباب واسمعي الازعاج الي بيطلع من الغرفه . ......... وقالت وهي عايشه كو وتسوي حركات بيدها : ياحبيبتي انا جوي اذا بنام مكيف باارد والغرفة ظلام مافيها ولا ضوء والسرير المريح بختصار ابي غرفتي .
اميره ؛ ههههههههههههه اجل انتظري الين ماتروحين بيتكم .
زينه : هههههههه المهم انا بقوم امشي في الحديقة شوي بشم شوي هوا .
اميره : طيب وانا بروح عند البنات فوق ..

لبست زينه عبايتها وشيلتها فوق كتوفها وطلعت برا عشان بتشم شوي هوا وتحصحصح شوي .... مشت زينه وشافت طالوله وكراسي وراحت جلست وانسدحت علئ الطاوله ...

في المجلس :

تركي ؛ يا عيال واحد منكم يقوم يجيب لنا شيبسات وفصفص وخرابيط والله اني ماتعشيت عدل .
نواف وهو يتسند : انا ماني بقايم .
مشعل وهو يقوم ؛ خلاص انا بقوم عشان اصحصح .
تركي : كفوووووووو تبي فلوس .
مشعل ؛ استح علئ وجهك المهم اكتبو لي وش تبون في الوتس . ...... وطلع.

طلع مشعل برا المجلس وتنهد بقوة ومشئ ولفت نظره احد منسدح علئ الطاوله قرب شوي وعرف انها زينه من شعرها الطويل شافها منسدحه علئ الطاوله وشوي بتنام ابتسم مشعل وراح لها .

مشعل : احمممم.

طبعا زينه عرفت انه مشعل وطنشت .

مشعل وهو يضرب الطاوله برجله : هييي انتي .
زينه وهي ترفع راسها بملل ؛ خير نعم وش تبي .
مشعل وهو يجلس في الكرسي : خير نعم وش تبي ؟ وش هالنفسيه وش فيك نايمه هينا؟
زينه بتعب : داخل ازعاج مرره وقلت مالي الا الحديقه هدوء ..... وتذكرة الازعاج الي في الشقه ... وقالت في قلبها : ياربي يمر عليه ويصدق الي بسويه الحين و قالت بدلع : اقول ميشو .

مشعل انصدم منها وخق عليها بنفس الوقت كانت اول مره تتدلع قدامه وتدلع اسمه : نعم ؟ ميشو !
زينه وهي تكمل تمثيل : امممم ميشو وش رايك اروح بيت اهلي بس علئ مايخلص جارنا بيته .

مشعل وهو يستوعب : لا ياشيخه ؟
زينه وهي تتدلع ؛ اي .
مشعل بخبث : صدق ؟ وانا اقول وش هالدلع هالمفاجئ ... اجل اسمعي الي بقوله روحه بيت اهلك مافيه وبتجلسن معي طرق وحتئ اذا بننقل باخذك معي ومارح ارجعك حق اهلك وقال بهمس: لان انتي ملكي انا وبس .

زينه بعصبية : يعععع لا تقول هالجملة تنرفزني وشو انا ملكك ؟ يععع انا مو مملك احد انا ملك حق نفسي وبس ثانيا حبيبتك داخل ..... ....وقامت بس مشعل سحبها بقوة وجلسها بحضنه .

مشعل بعصبية : انتي وش هالكرهه الي شايلته في قلبك تجاهي ؟ ليه تكرهيني .
زينه وهي تقوم وقالت بقهر وعصبية : لاني ما احبك لاني تزوجتك غصب مو انت الشخص الي اتمناه .

مشعل بعصبية وهو يقرب من زينه : نعمم ؟ وش قصدك ؟ في شخص تتمنيه يكون مكاني !!
زينه بكل ثقه : اي .


مشعل بهالحضه عصب وكان وده يذبح زينه حس بشعور الخيانه .

مشعل وهو يسمك زينه بقوة وبعصبية وصراخ وهو يهزها ؛ مين هالشخص ؟ قولي تكمي مينن تكلمي !!!
زينه دفت مشعل بقوة وقالت بعصبية : مووو شغلك لا تتدخل في حياتي .
مشعل بعصبية : بس حياتك صارت حياتي الحين ومو مسموح لك تحبين احد ثاني .
زينه بعصبية : ليه ؟ ابي اعرف ليه ؟ حلال عليك وحرام علي !! هاذي حياتي انا اسوي الي ابي وانا عطيتك الحرية وماعاتبتك لانك تحب رهف بالعكس تمنيت انك تتزوجها .

مشعل ماقدر يتحمل كلامها وماكان عنده رد علئ كلامها رفع رجله ورفس الكرضسي بقوة .

زينه بصدمة : مجننون انت ؟.
مشعل بعصبيةو تهديد وهو يمسك كتوف زينه ؛ اسمعيني زين والله ما اكون مشعل اذا ماخليتك تقولين مين هو الرجال الي تحبينه واذا عرفت مين راح اجيبه من تحت الارض واذبحه قدام عيونك .
زينه بعصبية : اصلا اذا خليتك تلمس شعره .
مشعل بعصبية ؛ وتدافعين عنه بعد ........ مشعل سحب زينه بكل قوته وباسها في في فمها وزينه تحاول تدفه بس هو متمسك فيها.. ........زينه رفعت رجلها وداست علئ رجله بقوة ودفته .

زينه بعصبية وهي ماسكه فمها : حقير قذر .
مشعل بعصبية : كل مادافعتي عنه بسوي لك نفس كذا واكثر يلا ادخلي داخل .

زينه بعصبية : اكيد راح ادخل لاني ما ابي اشوف خشتك ..... ودخلت .

مشعل بعصبية : هين يازينه والله ما اخليك تتهنين في حياتك . .

دخلت زينه وهي منقهرة من حركته ودخلت الحمام (( عزكم الله )) وفتحتت الحنفيه وغسلت فمها وهي منقرفه ..

زينه وهي تغسل فمها : حقير قذر يعع الله يقرفك ..

عند الحريم :

ام مشعل ؛ اقول يا ام نايف وين ام فهد ماشفتها جات علئ العزيمة الغدا ؟
ام نايف ؛ دقيت عليها تقول ماقدرة تجي علئ عزيمة الغدا تقول بتكي علئ العشا يعني علئ الساعه 9 .
ام مشعل : اها .

في بيت ام فهد :

فهد بعصبية ووحقد : اسمعي يانوره ابيك تروحين العزيمة مع امي .
نوره بقرف : نعم ؟ تبيني انا اروح عزيمة زينه الحقيره ! مستحيل .
فهد يعصببة : غصبا عليك بتروحين وابيك تتقربين منها وتكونون اصحاب انتي معها ولا تسألين ليه .
نوره بمسخره : كل هذا عشان الكف ؟
فهد بعصبية : اي عندك مانع ؟
نوره بحقارة : يعني الي افهمه منك انك تبي تهدم حياتها .
فهد بخبث : طالعه علئ اخوك فطينه .
نوره بحقد : اذا السالفه كذا من عيوني راح اتقرب منها.
فهد : كفوو اسمعي ابيك تحليني بعينها ابيك تمدحنيني قدامها ابيها تتعلق فيني .
نوره بخبث : من عيوني بس ابي نسبة .
فهد : عارف وعد مني اذا صار الي ابيه لك مني الي تبينه .
نوره : اوك ...

طلعت نوره من غرفة اخوها وراحت غرفة امها وشافتها جالسه تلبس .

نوره ؛ يمه .
ام فهد ؛ نعم .
نوره : ابي اروح معك .
ام فهد بستغراب : غريبه وش الطاري ؟
نوره بكذب : الصراحه فكرة في كلامك وقلت لازم نرجع انا وزينه اصحاب مثل قبل ونفتح صفحة جديدة .
ام فهد : صدق ؟ كفو حبيبتي هاذي نوره يلا روحي البسي عشان نروح .
نوره : اوك .

في العزيمة وتحديدا في الحديقه :

عبير : وش تبين وش هالموضوع الي مزعجتنا من اليوم عشانه .
رهف بطيبه متصنعه : عبير عارفه اني ازعتجك بس بقولك كلام طالع من قلبي. عبير انا اسفه علئ كل الي صار وانا ما ابي اخسر صديقه مثلك واذا علئ مشعل صدقيني مشعل لما تزوج مسحت رقمه وراح انساه وخلاص كل شي بينا انتهئ بس انا ما ابي اخسرك .
عبير وهي تفكر ؛ وش الدليل علئ كلامك ؟
رهف وهي تطلع جوالها : شوفي جوالي تأكدي اني مسحت رقم مشعل واني ما افكر فيه .
عبير وهي مو مرتاحه : طيب راح اصدقكك هالمره بس هذا مو معناته اني اثق فيك لاني الئ الحين جالسه اشك فيك .
رهف : معاك حق وانا انشااءالله راح اخليك تثقين فيني ..

عند البنات كانو يسولفون وفجأه دخلت ام فهد وبنتها نوره ..

راحت ام فهد وسلمت علئ الحريم والبنات ونفس الشي نوره .
نوره وهي تضم زينه : شخبارك زينه .

زينه استغربت من نوره وجيتها العزيمة لانها كانت عارفه ان نوره تكرهه .

زينه : الحمدالله انتي كيفكك وش اخبارك ؟
نوره ؛ تمام بشوفتك .

وجلست جمب زينه :

نوره بكذب : انتي اكيد مستغربه. الصراحه انا فكرت وقلت الئ متئ هذا الكره يانوره الله يلعن ابليس الي فرقنا وش رايك نفتح صفحة جديده .

زينه مرره انبسطت من كلامها : اكيد حبيبتي .

ام فهد وهي تنادي نوره : نوره .

نوره : عن اذنك بروح اشوف امي ... وقامت .
اميره وبيادر بنفعال ؛ هاذي نوره .
زينه : هههههههههه اي.
اميره ؛ غريبه وش عندها مو هي تكرهك؟
زينه : مدري والله انا تفاجأة منها يمكن خلاص حست بغلطها .
بيادر : اها يمكن .

عند ام فهد وهي تكلم نوره ؛

ام فهد ؛ نوره روحي جمب الباب واخذي محفظتي من ابوك لانه توه داق علي ويقول نسيتي محفظتك في السيارة وهو برا .
نوره ؛ طيب .

طلعت نوره برا وفتحت الباب وشافت ابوها واخذت المحفظة وسكرت الباب ومشت بس وقفت لما سمعت احد يناديها :

رهف بستغراب : نوره؟
نوره بفرح: رهفف ما اصدق ..... وضمت رهف .

رهف بفرح ؛ كيفك يانوره من زمان عنك .
نوره : تمام بخير انتي كيفك وش اخبارك ؟
رهف : تمااام الا ماقلتي لي وش تسوين هينا .
نوره بقرف : جايين نشوف بنت عمي الكريها .
رهف بستغراب : مين بنت عمك ؟
نوره : زينه.
رهف بصدمة : زينه .!
نوره : اي زينه وش فيك منصدمة ؟
رهف : احلفي تصدقين توني ادري .... وبعدين تعالي ليه تقولين عنها كريها ؟
نوره بحقاره ؛ لانها كريها واكرهها .

رهف بفرح ؛ تكرهينها ؟ وااو يعني نفسي.
نوره بستغراب ؛ نفسك ؟ مافهمت ..
رهف : تعالي اجلسي وراح اقولك كل شي .
نوره : اوك .

وخلصت العزيمة والكل راح بيته الا مشعل وزينه ..

في الصاله كان موجود مشعل وابو مشعل وام مشعل وعبير و زينه .

ابو مشعل : مشعل سمعت ان جارك راح يبني بيته من جديد .
مشعل بتعب : اي . والله انه زاعجنا .
ابو مشعل : ورا ماتجون تسكنون عندنا علئ مايخصلون بيتهم وترجعون .
مشعل : اي بس يبه وين نسكن هينا في البيت ؟
ابو مشعل : اي في الشقه الي في اخر الطابق فاضيه ومافيها احد ولا تخاف اذا علئ الاثاث تراه موجود وكل شي جاهز .
مشعل ؛ كم غرفه فيها يبه وكم حمام ؟
ابو مشعل : غرفة نوم وحده وحمامين ومطبخ وصاله .

زيمه في قلبها : غرفه وحده بس !! لا مستحيل ..

مشعل وهو يناظر زينه وبخبث : اها اجل غرفة نوم وحده .
ابو مشعل ؛ اي بس الحين الشقه مغبره يعني اليوم نامو في غرفتك القديمة وبكرا انشاءالله تروحون شقتكم وتجيبون اغراضكم .
ام مشعل : وهو صادق يامشعل واذا علئ الملابس زينه تاخذ بجامه من عند عبير وانت دولابك اظن فيه ملابس نوم .

عبير بفرح : واخيرااا فيه بنت عندي في البيت .... وباست زينه .
ام مشعل : ههههههههه الله يعينك يازينه الحين عبير بتزعجك .
زينه : هههههههههههه فداها ياخالتي .
ام مشعل : يلا مشعل قم وخذ زوجتك وروحو الغرفه ارتاحوا .

زينه بخوف : ها ؟ بس ..... قاطعها مشعل بخبث : اكيد يمه اصلا زينه تعبانه وميته نوم مو كذا ؟ ..... ومد يده


زينه سكتت بهالحظه لانه مد يده لها عشان تمسكه قدام الكل حست انها استحت منه ..

ام مشعل : زينه حبيبتي امسكي يد زوجك .

زينه قامت و مسكت يد مشعل.

مشعل وهو يبتسم ؛ يلا .

صعد مشعل وهو ما سك يد زينه ومجرد ما وصل غرفته زينه سحبت يدها .

زينه بعصبية وقهر ؛ وليه مديت يدك شالحركات بعد ما اسمح لك .
مشعل بحقارة : والله عاد كيفي امسك يدك امسك خصرك امسك الي ابيه انتي احمدي ربك اني ماشلتك قدامهم ترا اقدر اسويها .
زينه بصدمة وتهديد : جرب بس تشيلني قدامهم .
مشعل بخبث : تتحديني يعني .
زينه وهي مو هامها : غبي .
مشعل بخبث : بعد غبي ؟ اوك ....... سحب مشعل زينه وشالها بكل قوته.

زينه وهي تحرك رجولها عشان ينزلها : هييي نزلني وبلا سخافه بسرعه .
مشعل : مارح انزلك اعتذري اول .
زينه : وليه اعتذر ؟ تبطي والله . نزلني بسرعه .
مشعل بخبث : اوك بنزل الحين كذت وانا شايلك .
زينه بصدمة : بذبحك والله .
مشعل بخبث وهو ينزل : هههههه اذبحيني .
زينه بصدمة : مشعل وقف لا تنزل الله يخليك .
مشعل وهو ينزل : اعتذري اول .

زينه ماكانت تبي تعتذر بس غصبا عنها : اسفهههه والله اسفه بس نزلني .
مشعل وهو ينزل زينه : اي كذا ابيك .

فتح مشعل غرفته وقال : يلا ادخلي .
زينه بتوتر : ها ؟ كيف راح ننام في غرفة وحده !
مشعل : لازم تتعودين لان الشقه مافيها الا غرفة وحده .
زينه بعصبية : بس انا ما ابي انام معك في غرفة وحده .
مشعل بطفش : شوفي عاد اذا مادخلتي راح اسحبك وادخلك بالغصب اخلصي .
زينه وهي تدخل وقالت بهمس : غبي ...... وناظرة الغرفة : اكيد خالتي الي منظفه الغرفه .
مشعل وهو يجلس علئ السرير : اكيد .

زينه بنفعال ؛ قووم .
مشعل بستغراب : وين اقوم ؟
زينه : انا بنام علئ السرير وانت علئ الارض .
مشعل : لا ياشيخه ؟ تبين تنامين معي علئ السرير نامي ما تبين عندك الارض .

زينه انقهرت من كلامه وحطت شنطتها وكانت بتطلع بس مشعل مسك يدها و سحبها وصارت في حضنه :

مشعل وزينه في حضنه : وين وين ؟
زينه بعصبية وهي تقوم من حضنه : ليه تسحبني كذا ... وبعدين بروح عند عبير باخذ بجامه ما اقدر انام بالفستان .
مشعل بخبث : عاد نامي بدون فستان .

زينه حست بحراره وخجل ومشت بسرعه وقالت بتوتر وخوف : مجنووون وااه ... وطلعت .

مشعل وهو يضحك : ههههههههههههه هالخجوله ... واخذ جواله وشاف رساله من رهف :

رهف : مشعل انا اليوم جيت بيتكم وماشفتك واتصلت عليك ومارديت وينك ؟

مشعل تضايق من راسلتها مايدري ليه وكتب لها ؛ كنت مشغول ...

عند زينه طلعت ورامت غرفة عبير :

زينه ضربت الباب بخفيف .
عبير : ادخل .

زينه وهي تدخل : سلام .
عبير : هلاا والله عليكم السلام ادخلي .
زينه : هلا فيك .
عبير : وش فيك حبيبتي تبين شي ؟
زينه : ههههه ابد بس ابي بجامه من عندك .
عبير وهي تقوم ؛ ابشري ...

قامت عبير وافتحت الدولاب وطلعت بجامه شورت ورديه .

زينه بصدمة : وش ذا ؟ بجامة شورت .
عبير ؛ اي عادي .
زينه بصدمة : لا لا حبيبتي مستحيل البس بجامه شورت قدام اخوك .
عبير وهي تضرب راس زينه : هيي تر اه زوجك مجنونة انتي .
زينه وهي تفصل : عبير لا تخليني اعصب واعيد الكلام .
عبير : ياربي يازينه ليه ماتحبين اخوي .....



وفتحت الدولاب وطلعت لها بجامه فيها اكمام لونها احمر ونقوط بيضاء ..

زينه : اي هاذي حلوه .... الا بقولك عندك كريم ال .......
عبير : حق الحساسيه قصدك .
زينه : اي عندك ؟
عبير : اي عندي ليه انتي بشرتك حساسه ؟
زينه ؛ كثيرررر والله ماتتخيلين قد ايشش . اذا حكيت يدي او اي شي من بشرتي او ضغطت عليها يقلب احمرر .
عبير : اما عاد الله يعينك اجل لازم يكون معك هالكريم .
زينه ؛ اي اصلا انا عندي بس تعرفين في الشقه وماجبته معي .

عبير فتحت الدرج وطلعت الكريم : تفضلي.
زينه : شكرررا حبيبتي انقذتيني .
عبير : ههههههههههه شدعوه ماسويت شي ... خذيه ورجعيه بكرا .
زينه وهي تقوم ؛ اوك .

طلعت زينه من غرفة عبير ودخلت غرفة مشعل وماشافت مشعل وارتاحت .

زينه وهي تتنهد ؛ الحمدالله انه مو هينا ..... راحت زينه جنب المرايه وفتحت الشال وانصدمت من اثر الاصابع بدت تصير حمرا اكثر ..

زينه بتعب وعصبية : الله ياخذك يارهف ........فتحت زينه الكريم وبدت تحط ...بس وقفت لما شافت مشعل يدخل قطت الكريم علئ التسريحه وحطت يدها علئ رقبتها ونزلت راسها وسوت نفسها تدور شي .

مشعل بستغراب : وش تسوين .
زينه بتوتر باين : ها ؟ ادور ادور حلقي .

مشعل كان حاس بتوترها وناظر اذنها وشاف حلقها موجود وناظر رقبتها وشافها حاطه يدها

مشعل بشك وهو يقرب من زينه : وش فيك ؟ ليه حاطه يدك علئ رقبتك ؟
زينه بتوتر : مافيني شي .... ومشت بس مشعل مسك يدها و سحبها بقووه وبعد يدها عن رقبتها وانصدم من الي شافه . شاف اثار اصابع .

مشعل بصدمة : وش ذا ؟
زينه بخوف وتوتر : مشعل لا تتدخل الله يخليك .
مشعل وهو يلمس اثر الاصابع وقال بعصبية وحده : مين سوا فيك كذا ! ........وقال بهمس وبدون مايحس : انتي بس قولي اسمه راح ادفنه وهو حي .

زينه انصدمت من كلامه وعصبيته ماتوقعت انه يهتم كذا :

زينه بكذب وتوتر : صديقتي تعرف بنات ومزح وكذا .
مشعل وهو مو مصدق : هندي انا عندك؟ تبيني اصدق كلامك ؟ زينه تكلمي احسن لك لا تخلني استخدم اسلوب ثاني .
زينه بعصبية : وانت ليه يهمك المووضوع خلاص انسئ .
مشعل بعصبية وهو يهز زينه وصراخ ؛ مارح انسئ قولي مين سوا فيك كذا!
زينه بخوف : بقولك بس ما ابيك تعصب وتسوي مشاكل .
مشعل وهو يتنهد : قولي .
زينه بخوف : رهف .
مشعل بصدمة : رهف !!
زينه : اي رهف.
مشعل بعصبية : وليه تسوي كذا؟
زينه : عشانك كانت منقهرة لانك مسكت يدي هذاك اليوم .

مشعل بعصبية وهو يتوعد في رهف : هالحقيره انا اوريها .. وانتي ليه ساكته ليه ماقلتي لي من قبل .
زينه : ما ابي اخرب بينكم .
مشعل بعصبية : غبيه انتي ؟ يعني انتي تشوفيها تأذيك وتسكتين ليه كذا انتي ضعيفه.
زينه بعصبية : انا مو ضعيفة بس لاني حاسه فيها لو انا مكانها كنت راح اسوي مثلها من القهر .
مشعل بعصبية : تقصدين الشخص الي تحبينه .
زينه وهي تضيع السالفه : انا بقوم ابدل .
مشعل بعصبية : اسمعي نصيحه مني . لاتفكرين فيه لانك مارح تستفيدين شي .
زينه بعصبية : وش قصدك ؟ تراها كلها شهور و راح نتطلق وراح اصير حره ..

مشعل وهو يضحك وبخبث ؛ ههههههههه نتطلق ؟ اي خير انشاءالله ..

زينه ما هتمت له ودخلت الحمام .

مشعل بعصبية : وانتي يارهف حسابك بعدين .

طلعت زينه من الحمام وشافت مشعل منسدح :

زينه في قلبها : اف وين بنام الحين .


زينه وهي تجلس علئ السرير : اسمع لا تسوي شي وانا نايمه بلا هالحركات الي مالها داعي .
مشعل بقهر : من زينك اخلصي بس بطفي النور .
زينه في قلبها ؛ والله ما اثق فيه ........... وناظره الغرفة وشافت مخده قامت واخذتها وحطتها في الوسط .

مشعل بصدمة : وش ذا ؟
زينه وهي تنسدح : كذا اضمن انك مارح تسوي شي .
مشعل : لا ياشيخه ؟ ترا اقدر احرك المخده .
زينه وهي تسكر عيونها : خلاص انت اتركها عشان انا ارتاح .

مشعل في قلبه : مين في قلبك يازينه لازم اعرف ..

وبسسسس خلص البارت ردودكم وتفاعلكم ياحلوين ..







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 83
قديم(ـة) 13-10-2017, 06:15 AM
صورة مكاويه أصيله الرمزية
مكاويه أصيله مكاويه أصيله متصل الآن
©؛°¨غرامي فعال ¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


ررررروعه.
مشعل بدأ يكره رهف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 84
قديم(ـة) 14-10-2017, 03:02 AM
&amal &amal غير متصل
©؛°¨غرامي جديد¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


انتي ساحرة؟
الصراحه بدون مجامله طريقتك في الكتابه تجذبني بقوة ياليت تكملي كتابه الروايات راح اقتلك و انتحر لو توقفت الروايه«اعجاب اجرامي😹😹
رهف احسها بتسوي شي يخرب امور زينة مع اهل مشعل وبتحاول تسوي اي شي وحتى انها تستخدم السحر عشان تخرب بين زينة ومشعل بتنجح خطتها ولا بتفشل؟
زينه ومشعل علاقتهم بدا يطلع فيها شوية تحسنات بس لحد الحين ما تغيرت والاثنين يكابر على الثاني مع انه يحس بمشاعر اتجاه الطرف الثاني من الي بيتنازل الى الثاني يا ترى؟«قلبنا فصحى مخلط😂💔
ابو مشعل ظهر في البارتات الاولية من انه طامع في فلوس اهل زينة بس لحد الحين ما توضح ان فيه شي يبي يسويه عشان يكسب من ورا زواج زينة من مشعل هل من الممكن ان يكون في البارتات الجايه جواب على السؤال؟
جود واخوات زينة كانهم مظلومين في البارتين الي فاتوا؟🤓
في النهاية حابه اقول اني بديت اتعلق بروايتك طريقة كتابتك تجذب القارئ وتجبره على الاندماج والتخيل استمري للاحسن


،،،،،دمتي بود🤗

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 85
قديم(ـة) 14-10-2017, 01:51 PM
صورة Zooba. الرمزية
Zooba. Zooba. غير متصل
©؛°¨غرامي مشارك¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


اقتباس:
المشاركة الأساسية كتبها &amal مشاهدة المشاركة
انتي ساحرة؟
الصراحه بدون مجامله طريقتك في الكتابه تجذبني بقوة ياليت تكملي كتابه الروايات راح اقتلك و انتحر لو توقفت الروايه«اعجاب اجرامي😹😹
رهف احسها بتسوي شي يخرب امور زينة مع اهل مشعل وبتحاول تسوي اي شي وحتى انها تستخدم السحر عشان تخرب بين زينة ومشعل بتنجح خطتها ولا بتفشل؟
زينه ومشعل علاقتهم بدا يطلع فيها شوية تحسنات بس لحد الحين ما تغيرت والاثنين يكابر على الثاني مع انه يحس بمشاعر اتجاه الطرف الثاني من الي بيتنازل الى الثاني يا ترى؟«قلبنا فصحى مخلط😂💔
ابو مشعل ظهر في البارتات الاولية من انه طامع في فلوس اهل زينة بس لحد الحين ما توضح ان فيه شي يبي يسويه عشان يكسب من ورا زواج زينة من مشعل هل من الممكن ان يكون في البارتات الجايه جواب على السؤال؟
جود واخوات زينة كانهم مظلومين في البارتين الي فاتوا؟🤓
في النهاية حابه اقول اني بديت اتعلق بروايتك طريقة كتابتك تجذب القارئ وتجبره على الاندماج والتخيل استمري للاحسن


،،،،،دمتي بود🤗

هلااااا فيككك يازين ردك بسس .. ابو مشعل استفااد خلاص لما تزوج مشعل زينه كون شراكه مع ابو نااايف يعني خلاص استفاد وخلصت مشكلتهم بقت الحين مشكلة زينه ومشعللل الي زوجوهم غصبب عنهمم (( صدق مصرقعين مايستحون )) وفيه احداث كثيره بتصير 😂💄💜



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 86
قديم(ـة) 15-10-2017, 12:57 AM
&amal &amal غير متصل
©؛°¨غرامي جديد¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


اقتباس:
المشاركة الأساسية كتبها zooba. مشاهدة المشاركة

هلااااا فيككك يازين ردك بسس .. ابو مشعل استفااد خلاص لما تزوج مشعل زينه كون شراكه مع ابو نااايف يعني خلاص استفاد وخلصت مشكلتهم بقت الحين مشكلة زينه ومشعللل الي زوجوهم غصبب عنهمم (( صدق مصرقعين مايستحون )) وفيه احداث كثيره بتصير 😂💄💜

عجبتني مصرقعين😂
حمستيني بقوة للروايه حرام عليك يمكن تجيني سكته دماغيه من الحماس🤓💔💔
،،،،،،،،، بانتظارك😘 لا تتاخرين علينا كثير😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 87
قديم(ـة) 15-10-2017, 02:10 PM
صورة Zooba. الرمزية
Zooba. Zooba. غير متصل
©؛°¨غرامي مشارك¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


اقتباس:
المشاركة الأساسية كتبها &amal مشاهدة المشاركة
عجبتني مصرقعين😂
حمستيني بقوة للروايه حرام عليك يمكن تجيني سكته دماغيه من الحماس🤓💔💔
،،،،،،،،، بانتظارك😘 لا تتاخرين علينا كثير😂

هههههههههههههههههههههه ابشري مارح اتأخر 💄😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 88
قديم(ـة) 15-10-2017, 05:25 PM
صورة ivzrr الرمزية
ivzrr ivzrr غير متصل
©؛°¨غرامي جديد¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


صح ان الفكرة مستهلكه نوعاً ما لكن سردك للموضوع يجذب
اهنيك صراحه كملي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 89
قديم(ـة) 15-10-2017, 11:13 PM
صورة Zooba. الرمزية
Zooba. Zooba. غير متصل
©؛°¨غرامي مشارك¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


(( البارت الواحد والعشرين ))

الساعه 4 العصر لبست زينه عبايتها وطلعت مع مشعل عشان بيروحون الشقه يبجيبون اغراضهم .

وبعد ربع ساعه :

وصلو الشقه ودخلو :

مشعل ؛ يلا اجمعي اغراضك وانا بروح اجمع اغراضي .
زينه وهي تدخل الغرفة ؛ طيب .

دخلت زينه الغرفة وسكرت الباب وفصخت عبايتها واخذت شنطة كبيره حق الملابس وفتحت الدولاب واخذت الملابس ورتبتهم وحطتهم في الشنطة ..

نروح عند مشعل اخذ شنطة وحط ملابسه كلها بدون ترتيب واخذ شنطة ثانيه وحط فيها عطوراته وكل شي يحتاجه ...

وبعد سااااعه ونص .

زينه بتعب وهي تتمغط علئ السرير ؛ واخيرا خلصت . لحضه باقي ذا الدرج : قامت من السرير و فتحت الدرج وشافت البوم صورها وصور خالد منذو الصغر وقالت وهي تناظر الابوم بحب ؛ كنت بنساك يا اغلئ ما عندي ..... ......اخذته وفتحت الشنطة وحطته داخل و اخذت عبايتها ولبستها مع شيلتها وطلعت وشافت مشعل جالس ..

مشعل : خلصتي ؟
زينه : اي بس لحضه قبل مانروح بوريك شي .
مشعل بستغراب : وشو ؟

زينه جلست وطلعت ورقه من شنطتها وحطتها علئ الطاوله .
مشعل وهو يمسك الورقه ؛ وشو ذا ؟
زينه : اقرا وتعرف .
مشعل وهو يقرا : شروطي ؛ 1 جميع ايام الاسبوع السرير يكون يوم وترك ....... وناظر زينه بستغراب وقال : كيف يعني ؟
زينه وهي تحط رجل علئ رجل : انا اقولك يعني يوم انا انام علئ السرير ويوم انت لاني مستحيل انام معك في سرير واحد .
مشعل بمسخره ؛ وش هالخرابيط ؟ طيب ياست زينه في اليوم الي انام فيه علئ السرير انتي وين بتنامين ؟
زينه : علئ الارض طبعا والعكس صحيح . ها وش قلت ؟
مشعل وهو مو عاجبه : طيب الئ متئ هالوضع ؟
زينه ؛ الين مانرجع هينا .. كمل الباقي .
مشعل بطفش : الشرط الثاني : عدم المس ؟
زينه : هذاا اهم شرط ما اسمح لك تلمسني والزم حدودك وبلا حركات مالها داعي..
مشعل بخبث وحقارة ؛ والله ذا الشي بمزاجي .
زينه بعصبية خفيفه : لا مو بمزاجك ..المهم الشرط الثالث الي مو مكتوب في الورقه الصداقه .
مشعل وهو يحط يده علئ خده ومو مهتم ؛ وشو يعني ؟
زينه ؛ يعني ابيك تكون صديقي الصراحه ما ابي اتخانق معك كل يوم خلك صديقي ومثل اخوي الين مانتطلق وكل واحد منا يروح في طريقه وش قلت .
مشعل بخبث : صديقك اجل .
زينه ؛ اي .
مشعل وهو يسلك : اوك ... وانا بعد عندي شرط .
زينه ؛ وشو .
مشعل : تطبخين وتنظفين حالك حال المتزوجات .
زينه وهي تتنهد : اوك اذا انت موافق علئ شروطي انا راح اطبخ وانظف لان الطبخ والتنظيف سهل .
مشعل بمسخره : لحضه انني تعرفين تطبخين؟ اصلا زين منك تعرفين تسلقين بيضه .
زينه بصدمة وهي تقوم وتأشر علئ نفسها ؛ نعم ؟ يكون في علمك انا في البيت يسموني الشيف زينه .
مشعل بمسخره ؛ هههههههههه ما ابي اضحك اخلصي بس ياشيف زينه .
زينه بعصببة وقهر : ترا والله ما امزح .
مشعل وهو يسلك : اوك اوك ..


في بيت رهف كانت تكلم نوره :

رهف وهي تبكي ؛ تخيلي يانوره امس مشعل متصل علي ويصرخ بسبب الحقيرة زينه .
نوره : ليه يدافع عنها وهو يحبك ؟
رهف ؛ مدري والله من تزوج وهو متغير .
نوره بنذاله : اكيد منها هالحقيره والله انها حقير لها عين تحط عينها في عينك واهي متزوجه حبيبك ماتركتت احد وما ازعجته مزعتك ومزعجه اخوي .
رهف بستغراب ؛ اخوك ؟ ليه وش دخل اخوك ؟

نوره ؛ انا اقولك ....

طبعا نوره قالت لها سالفه الكف .

نوره ؛ والحين اخوي يبي يهدم حياتها يبي يخليها تحبه ومدري وش راح يسوي .
رهف بفرح ونذاله : واااو وش ذا الاخبار الحلوه .
نوره : هههههههههههه مجنونه ..

في بيت ام مشعل :

ام مشعل وهي مبسوطة مره لان مشعل وزينه بيسكنون عندها : هلاا ومسهلا توه مانور البيت .
مشعل : ههههههههههه وش فيك يمه حسستيني اني مسافر وتوني جاي ..
ام مشعل : والله اني مبسووطة انكم راح تسكنون هينا عندنا واكيد زينه بتنزل تتقهوئ عندي كل يوم .
زينه ؛ هههههههههه ابشري ياخالتي من عيوني اساس انا ما بي اجلس في الشقه كثير ... وناظرة مشعل وقالت ؛ لاني راح اختنق .

مشعل انقهر من كلامها وحركتها ..

ام مشعل : بسم الله عليك . المهم ترا انا وعبير والشغاله نظفنا الشقه وصارت تلق.
زينه بفرح : صددق.. حبيبتي ياخالتي والله كنت شايله همهما ..... وباست ام مشعل .
ام مشعل ؛ العفو حبيبتي ماسوينا شي . الحين كل الي عليكم تسوونه ترتبون اغراضكم .
مشعل : اوك يمه ..

وصعدو فوق ودخلو الشقه :

زينه وهي تناظر الشقه ؛ اممم والله حلوه .
مشعل : اكيد ذوق ابوي .

ودخلت غرفة النووم : .

زينه بنبهار : واوو تجنن وكبيرة.
مشعل بخبث : والسرير كبير مرره ويكفي حق شخصين .
زينه بمسخره : هههه ما ابي اضحك .
مشعل : وليه تضحكين قايل نكته انا ؟ المهم يلا اغرضي واغرضك رتبيهم .... وكان بيطلع بس زينه مسكته :

زينه بدلع طفولي : هممممم وين بتروح ؟ نظف معي .

مشعل خق عليها وعلئ دلعها وسحبها ومسكها من خصرهها وقال بهمس : ايش ؟ عيدي الي قلتيه بنفس الدلع .

زينه انحرجت مره من حركته وناظرة عيوونه المكحله كانت اول مره تسرح علئ عيونه وقالت بدون ماتحس : عيونك تجنن ..

مشعل انصدم منها وقال بهمس : مافيه عيون انخلقت زي عيونك وجمالهم .

حست زينه انه جالس يتغزل فيها ودفته بسرعه وقال بتوتر : يلا يلا خلنا نبدا ترتيب ..

مشعل ابتسم علئ خجلها خصوصا ان خدودها حمرو .

زينه وهي تربط شعرها : اسمعع اول شي نرتب اغراضي وبعدين اغراضك خلنا نتعاون عشان نخلص يلا خذ شنطة الملابس وانا بعلق في الدولاب .

مشعل : اوك ....

فتح مشعل شنطة ملابسها وكان يعطيها البلايز ..

زينه : لا عطني البلايز الي لونهم ازرق عشان يكوونون جمب بعض .
مشعل بمسخره : ابووك ياترتيب ..
زينه : وش عرفك انت ؟ لازم يكون الدولاب مرتب ومنظم الان .
مشعل وهو يضحك : الان ؟ وش فيك قلبتي عربيه فصحه .
زينه وهي تعلق البلوزه وتضخك : هههههههههههه اتذكر كان عندنا استاذة معلقه علئ كلمة الان .
مشعل : هههههههههه احنا كان عندنا استاذ رياضيات كان اذا يقول رقم السبعه يمدها ..... مشعل وهو يمد كلمة سبعه ؛ كان يقول سبعههه (( عاد انتو مدو الكلمة وانتو تقرونها ههههههههههههههههههههههه ))

زينه وهي بتموت من الضحك : ههههههههههههههههههههههههههه اما عاد .

وخلصو ترتيب ملابس :

يلا جيب الشنطة الثانية ..

مشعل وهو يأشر : هاذي ؟
زينه بنفعال وبسرعه ؛ لا لا .
مشعل بشك : ليه وش فيها ذي .
زينه وهي بخجل وبسرعه : اغراض خاااصه .
مشعل وهو يفتح الشنطة : خاصة اجل ....... وفتح الشنطة وشاف داخلها ملابس داخليه والويز

زينه هينا ماتت من الحرج وسحبت شنطتها وقال : قلت لك لا تفتحها .

مشعل حس انه استح اول مرهه وجلس يقول : احممم المهم انا بقوم اشوف المطبخ ..... وطلع
زينه وهي تتنهد بقوة ؛ اااااااه كنت بموت.

عند مشعل طلع بسرعه ودخل الحمام وفتح الحنفيه وغسل وجهه وناظر المرايه : وش فيني استحيت ؟ ترا عادي زوجتي .

في بيت ابو نايف :

ابونايف : ام نايف .
ام نايف : لبيه .
ابونايف : نايف متئ راح يرجع من امريكا تراه طول .
ام نايف : يمكن الشهر الجاي وبعدين يا ابونايف تراه راح يدري هناك مو عبث .
ابونايف : اي الله يوفقه .. اي صح وش اخبار زينه عساها مرتاحه ؟
ام نايف : تبي الصدق يا ابونايف البنت مو مرتاحه .
ابرنايف : افاا ليه ؟
ام نايف : لانها متزوجه بالغصب ومو مرتاحه.
ابونايف : لاحوول رجعنا حق هالموضوع .
ام نايف بقهر علئ بنتها : اي والله البنت مو مرتاحه انا حاسه فيها .
ابو نايف بعصبية : هي اشتكت لك ؟
ام نايف : ابد بس مثل ماقلت لك انا حاسه فيها .
ابونايف : دام البنت ماشتكتت يعني مرتاحه ولا تجلسين تصدقين احاسيسك ويلا قومي سوي لنا شاهي ..
ام نايف بتعب : طيب .

في شقة مشعل و زينه الساعه 5 العصر :

مشعل وزينه كانو توهم راجعين من السوبر ماركت كانو مشتريين اغراض حق المطبخ .

زينه بتعب وراسها مصدع ؛ اخخ راسي .
مشعل بخوف علئ زينه : وش فيك ؟
زينه بتعب : صدااع يمكن من السياره .
مشعل : اهاا خوفتيني .. طيب بقوم اجيب لك حبوب من الصيدليه .
زينه بتعب : لا عندي بس في الغرفة .
مشعل وهو يقوم : بقوم اجيبه بس وين مكانه ؟
زينه بتعب : مدري هو في الدرج بس مادري اي واحد فيهم .
مشعل : اوك .

دخل مشعل الغرفة وفتح الدرج الاول وماشاف الحبوب وفتح الثاني وماشافه وفتح الثالث :

مشعل : اي هذاهو ....... اخذ الحبوب وكان راح يسكر الدرج بس لفت نظره البووم مكتوب عليه(( ذكريات لا تنسئ ))

فتح مشعل الالبوم وشاف صور بنت وولد ..

مشعل بستغراب : مين ذولي ؟

وفتح الصفحة الثانية وشاف ولد عمره 10 سنوات مغطئ في الطين ومكتوب تحت : احبك بكل حالتك .

مشعل بشك وعصبية ؛ اجل هذهو حبيب قلبك يازينه .. لازم اعرف اسمه ........ وجلس يدور في الصفحات لعلا وعسئ يلاقي اسم هالشخص.


عند زينه :

زينه بتعب : افف وش فيه تأخر ..... قامت زينه ودخلت الغرفة وشافت مشعل ماسك الالبوم حقها ويفتش .

زينه وهي تسحب الالبوم وبعصبية : جيبه ليه تفتش في اغراضي !
مشعل بعصبية : هذا هو حبيبك ؟
زينه بقهر وعصبية ؛ مالك شغل ..... وكانت بتطلع بس مشعل سحبها بقوة وقال بعصبية وحده : ردي علي هذهو ؟؟!!
زينه بكل ثقه : اي هذا هو حبيبي عندك مانع.

مشعل ماقدر يمسك نفسه لما قالت حبيبي رفع يده وعطئ زينه كف : طرااااااااخ ......... وطاحت علئ الارض من قوته..

وبهالحضه ام مشعل دخلت وشافت مشعل يعطي زينه كف وقالت بعصبية : مشعل !!!

مشعل ناظر امه منصدم .

ام مشعل بعصبية وتصرخ ؛ ماتستحي علئ وجهك تضرب زوجتك .
مشعل : يمه ..... وقاطعته ام مشعل بعصبية وصراخ : اطلع اطلع برا بسرعه لا الحين انادي ابوك اطلع ..

مشعل ناظر زينه بحقد واخذ جواله ومفتاح سيارته وطلع برا الشقه والبيت .

ام مشعل وهي تساعد زينه عشان تقوم ؛ قومي حبيبتي بسم الله عليك جعل يده الكسر .... استغفرالله يألمك خدك ؟
زينه وهي تبكي بخفيف : لا ياخالتي مافيني شي .
ام مشعل بستغراب : ليه مشعل عطاك كف وش صاير بينكم معقولة توكم متزوجين حتئ ماجبتو بزرايين؟
زينه بتوتر وكذب : ابد والله ياخالتي مافي شي بس لاني رفضت اني اطبخ .
ام مشعل بصدمة : عطاك كف بس لانك رفضتي انك تطبخين ؟ ولو ماله حق يعطيك كف توك عروس .
زينه : انا ياخالتي كنت بطبخ بس كان فيني صداع وماقدرت .
ام مشعل بعصبية : انا اوريه يمد يده عليك بعد!
زينه : لا ياخالتي لاتكبرين السالفه الله يخيلك مانبي مشاكل .
ام مشعل : حبيبتي خلاص مارح اسوي شي بس مارح اخليه يدخل هينا الا وهو معتذر لك ويبوس راسك بعد .
زينه ؛ ههههههههههههه .

عند مشعل ركب سيارته بعصبية وقهرررررر ودق علئ نواف وقاله يجي الكفتريا :

وبعدً نص ساعه جا نواف :


نواف وهو يجلس : وش فيك خرشتني تعال وتعال ؟


مشعل قاله كل شي ..

نواف بصدمة : غبي والله انك غبي وليه تعطيها كف ولا والي اكبر من كذا ان امك شافتك. الف مره قلتك لا تضربها امسك نفسك .
مشعل بعصبية : كيف تبيني امسك نفسي وهي قدامي تقول حبيبي قهرتني .
نواف : وش الي قاهرك بالضبط ؟ كيفها ياخي .
مشعل بعصبية : وشو الي كيفها !!
نواف : اقصد انت ماتحبها وهي ماتحبك وانت عندك حبيبه وش قاهرك ؟
مشعل بتوتر : مين قال اني احبها !
نواف بشك : بس انا ما سألتك اذا تحبها !
مشعل توتر اكثر ؛ اقول بلا كثرة كلام وترا انا مو جايبك هينا عشان تحقق معي .
نواف : اذا تبي حل الحل هو انك تعتذر منها قدام امك.
مشعل بعصبية : تخسي اعتذر منها .
نواف بعصبية : وجععع وش ذا الغرور ت انت الغلطان .
مشعل وهو يقوم وبعصبية وغرور : تدري انت مامنك فايده ....
نواف بعصبية : اجل اترك عنادك ينفعك ياسبك ..


طلع مشعل من الكفتريا وهو معصب ووركب سيارته ودق علئ ابوعلي .

ابو علي : الوو هلا استاذ مشعل .
مشعل : هلا فيك اسمع ابيك تفتح البيت وانا جاي الحين .
ابوعلي : ابشر .


طبعا مشعل عنده بيت في مكان بعيد شوي محد يعرفه غيره ..


في بيت ام ياسر :

عند اميره كان حمد يتصل عليها بس تطنشه وماترد عليه بسبب هذاك اليوم .... وبعد 5 دقايق دخلت ام ياسر ومعها تلفون البيت ..

ام ياسر بستغراب ؛ اميره حمد علئ التلفون ويقول قاعد يدق عليك وماتردين عليه امسكي كلميه ...... وطلعت

اميره بتوتر وخوف ؛ الوو .
حمد : الوو اميره وينك ليه ماتردين علي ؟
اميره : وش رايك انت ؟
حمد : عاارف وانا اسف مره ماكان قصدي سامحيني وش رايك نطلع اليوم مطعم لا تخافين .
اميره تذكرة كلام زينه : لا حمد مانبي نطلع خلاص الين مانتزوج افضل.
حمد وهو يتنهد : خلاص علئ راحتك بس ردي علي لا تطنشين
اميره : طيب .
حمد : المهم شريتي اغراض العرس ترا العرس بعد اسبوعين .
اميره : شريت نص وباقي نص ..

وجلسوو يسولفون واميره مو مرتاحه ابد .

في بيت ابو مشعل الساعه 12 الليل .

في الصاله . ام مشعل وزينه وعبير .

ام مشعل بخوف : زينه مشعل مادق عليك؟
زينه : لا والله ياخالتي مادق ليه ؟
ام مشعل بخوف اكثر : والله اني خايفه شوفي الساعه كم .
عبير وهي مو هامها : يمه تلاقينه في الاستراحه مع اخووياه فضيعه تحبين تكبرين الامور .
زينه : صح ياخالتي لا تخافين ولا تروعين نفسك تلاقينه لاهي .
ام مشعل وهي مو مرتاح : انشاءالله .
عبير : يمه قومي نامي واذا جا مشعل راح نصحيك وتشوينه وترتاحين .
ام مشعل وهي تقوم : طيب .


زينه في قلبه : وينه ذا اجرب ادق عليه .... رفعت جوالها ودقت علئ مشعل وشافت جواله مقفل ..

زينه بستغراب : غريبه .... لا لا اكيد طافي.

وصارت الساعه 2 ومشعل لسئ ماجا .

طلعت ام مشعل من غرفتها عشان تسأل البنات اذا مشعل جا .

ام مشعل بخوف : بناات بشرو جا مشعل ؟

عبير وهي تناظر زينه وبتوتر : ها ؟ لا يمه لسئ ماجا .
ام مشعل بصدمة وخوف : ايش !!! يمه ولدي مدري وش صار فيه .
زينه : اسم الله عليك يا خالتي لا تخافين يمكن نايم مع اخوياه .
عبير بتوتر : صادقه زينه يمكن . يمه الله يهديك لا تخافين ترا مشعل كبير .
ام مشعل بخووف اكثر : دامه سهران مع ربعه ليه مايرد علئ جواله ليه ماقال لي يمه ولدي .
زينه بخوف علئ ام مشعل : عبير روحي جيبي ماي ..
عبير وهي تقوم : طيب ..

وبعد ثواني جات عبير وهي ماسكه كاس فيه ماي. .
زينه : اشربي ياخالتي .


ام مشعل شربت الماي وقالت ؛ شوفي يابنتي دقي عليه .
زينه : ابشري .......... دقت زينه علئ مشعل بس للأسف مقفل .

زينه بتوتر وخوف : مقفل.

ام مشعل بخووف : يمه ولدي مدري وين راح اكي دصار فيه شي.
عبير : يمه ليه ماتقولين حق ابوي .
ام مشعل : وش فيك ابوك سافر اليوم الصبح .
عبير وهي تضرب جبهتها : اوو صح نسيت ............. وقالت بنفعال : يمه اخذتي علاجك؟
ام مشعل بخوف : لاا انا خايفه علئ اخوك وانتي تقولين علاجك.
عبير بصدمة : يمه وشو الي لا لازم تاخذينه .......... قامت عبير وجابت علاج امها ..

عبير : خذي يمه .
زينه : خذيه ياخالتي مايصلح عشان مايصير فيك شي اسم الله عليك .


اخذت ام مشعل علاجها وبعذ 10 دقايق غطت في النوم .

زينه بهمس : عبير امك نامت .
عبير بنفس الهمس : اي هي اذا اخذت العلاج تنام .
زينه بتوتر وخووف : المهم وش نسوي الحين اخوك ماندري وينه فيه؟
عبير بتوتر : والله مدري بس تبين الصدق هو اول مره يتأخر كذا تراه حده 1 ويجي البيت .
زينه بخوف : اجل وين راح ؟ طيب انتي عندك رقم واحد من اصدقائه ؟
عبير : لا طبعا . بس الي اعرفه ان مشعل خوييه يشتغل في شركته وانا عندي رقم الشركه بكرا ندق عليهم اذا ما جا مشعل .
زينه بخوف : اوك .

(( يوووو جديد الساعه 1 الظهر ))

عند مشعل :

صحه من النووم بعد بتعب لان امس كان يفكر في حبيب زينه ومنقهر مرره فتح جواله وشاف 27 مكالمة بس ماشاف من مين رمئ الجوال بطفش وقهر وقام من السرير واخذ الفوطه ودخل الحمام وسكر الباب وقفله وفتح الماي وبدا يتروش وبعد عشرودقايق خلص لف الفوطه حول خصره ومشئ عند الباب عشان بيفتحه .

مشعل وهو يفتح الباب : وش فيخ ذا مايفتح ..

حاول مشعل يفتح الباب بس للأسف كان الباب عالق وخربان .

مشعل وهو يفتح الباب بقووة ؛ وجعع وش فيه ذا لاحوول علق الباب ..... ناظر مشعل وراه يدور اذا فيه شي عشان يكسر الباب .

مشعل بعصبية : وشو شامبو وصابونه ..... جلس مشعل يصرخ ويضرب الباب بقوة وتذكر ان بوعلي مو موجود..


وبسسسسس خلص البارت ردودكم توقعاتكم ..


آخر من قام بالتعديل Zooba.; بتاريخ 15-10-2017 الساعة 11:21 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 90
قديم(ـة) 16-10-2017, 02:44 PM
صورة اسيرةالهموم الرمزية
اسيرةالهموم اسيرةالهموم غير متصل
©؛°¨غرامي مشارك¨°؛©
 
الافتراضي رد: روايتي الثانية : جننتني بجنانها وجمالها وحظني يبيها


الباااارت جناااان نبي بارت اليوم

الرد باقتباس
إضافة رد
الإشارات المرجعية

روايتي الثانية : جننتني بجنانها وجمالها وحظني يبيها

الوسوم
...
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : رحت ارفع الراس وجيت وراسي مكسور . مزااجــي روايات - طويلة 3 13-09-2016 10:55 AM
روايتي الثانية : وين أيامك وجودك يعنيني روايات - طويلة 61 27-10-2015 08:35 PM
روايتي الثانية : انا الملامة وليس انتم وهم الاقنعة~ روايات - طويلة 18 17-10-2015 10:44 AM
روايتي الثانية / جبروني فيك حسبي الله عليك _SY12 روايات - طويلة 15 28-09-2015 09:10 PM
روايتي الثانية :هل انت نجم بين الشمس وَ القمر ؟ آيـلو ؟ أرشيف الروايات المغلقة - لعدم إكتمالها 187 30-06-2015 04:05 AM

الساعة الآن +3: 07:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1