اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > قصص - قصيرة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-08-2017, 10:20 PM
صورة sweetshemoo الرمزية
sweetshemoo sweetshemoo غير متصل
©؛°¨غرامي فعال ¨°؛©
 
الافتراضي يوميات سعدية/ بقلمي



القصة ترفيهية وباللغة العامية وفيها بعض المصطلحات الفصحى.. نزلتها على صفحة كتابتي على الفيس بوك ولاقت اعجاب من اصدقائي
اتمنى تعجبكم انتو كمان
قراءة ممتعة بالجزء الأول

#يوميات_سعدية / بقلمي
Sweetshemoo

المحاولة الاولى في جذب عريس الغفلة
بعنوان: سندريلا العرب

اكاد اجزم ومتأكدة انه انا قصتي طريفة وغريبة ومن نوع اخر
نسيت اعرفكم على حالي انا ام حظ اسود يلي عايشة مع عفاريت الجن مرت ابوي وبناتها.. يعني فيكم تحكو انه انا سندريلا العرب ذات الحظ المحفل بتراب الوطن وذات الوجه الذابل من شدة الجمال وذات العيون المغبرة من كترة التنظيف... والعمر مو مهم بكفي انكم تعرفو اني في زهرة شبابي الدبلانه من كتر ما جننتني سيدة عفريتة وبناتها من طلبات شي كوي شي طبيخ وما الى ذلك من متطلبات المرأة العصرية التي تمتلك أبنة زوج حتى تجور بها..
ومع كنيس وطبخ وجلي ونفخ حسيت حالي ام مسعود يلي عندها 10 عنزات وعم تحلبهم بأمر من جوزها أبو القرود.. او متل أم تحسين يلي عندها مزرعة غنم عم ترعاهم
وبسبب الفقر القاحل والحرمان العاطفي والشح في العطاء قررت انا السندريلا ان ابحث عن زوج يأويني من هذه العائلة المشئومة وفعلا انتهزت الفرصة وبلشت أبحث عن عريس مناسب لمواصفاتي الفنية الرائعة.. وهيك بلشت حملة التحقيق والبحث كأني شارلوك هولمز فتربعت عالتخت وجبت اللابتوب وحطيت اكوام مكومة من الشبسات والعصائر ووسائل تعباية البطن حتى عمو جوجل يساعدني بايجاد الزوج المثالي.. وبلشت ابحث مرة كتبت ( عريس للبيع ) ومرة كتبت ( زوج للايجار ) ومرة كتبت ( ابحث عن شاب امراتي ذو عيون زرقاء ) وضليت ابحث لليلة كاملة وما طلع معي نتيجة.. بس ما يأست وفكرت وفكرت وجمعت الادلة متل كونان واول مكان خطرلي هو الجامعة يلي فيها اشكال والوان ومختلف النوعيات من الشباب..
وبعد ما كنت بشبه ابو عبده الحلاق صرت اميرة من اميرات ديزني.. رحت حطيت طن طراشة على وجهي ودهنت حالي بكافة الانواع والالوان ودخلت في مود نجمة النجوم ودخلت على المحاضرة والاضواء مسلطة علي وكل العيون علي وكأني هيفا او اليسا او شي قطعة فنيه عم تمشي وسط جمهورها... بكعب عالي رفيع كان على وشك يفكح واوقع وصير مسخرة قدام الكل بس الحمدلله بسبب نيتي المنيحة بايجاد زوج صالح اتزوجه ومش اكنكن لحتى الساعة 12 بالليل تم الامر وما وقعت وقعدت جنب شب بطير العقل.. وبلا طول سيرة لما قربت تخلص المحاضرة وانا عيني على الساعة الفالصو يلي حطيتها على الكرسي على اساس انه اطبق مبدأ سندريلا بس باختلاف انا ساعه وهي كندرة..
وفعلا خلصت المحاضرة وعملت نفسي ولا كأني شايفة ساعتي مع انه كنت مقهورة كيف بدي اترك هاي الساعة يلي عندي منذ زمن قد مضى وانتهى ومتل ما بيحكو عفى عليها الزمن وكنت ادهنها بمناكير لون دهبي يعني على مبدأ اعادة التدوير..
مشيت ومشيت ومشيت ولا حد اجا وراي ينادي يحكيلي ساعتك يا بنت الحلال.. يا عبدة يا فقيرة ساعتك يا زوجتي المستقبلية ساعتك.. يا من نبض قلبي لها ساعتك ومضت الساعة ومضيت انا وهيك انتهى اول حب الي من نظرة واحدة وبلشت اسمع اغاني العذاب والفراق والف بالفيس على منشورات حزينة كأني بنت مضطهدة عاطفيا وممسوحة مشاعري بشوارع البلد وقلبي انكسر الى اجزاء متساوية.. بس فجأة شفت منشور بحكي ( اتركيه ليتعفن بين احضانها وابدأي حياتك من جديد)
وقفت بكا وسيطرت على مشاعري القوة وكأني هتلر في زمن الاوغاد وجمعت قلبي يلي انكسر وبلشت قرر قرارات صعبة بحياتي لانه حتى اخلص من بيت الاشباح هاد لازم اكون قوية حتى اتغلب على الاعداء والشياطين وابدا حياة جديدة بعيدا عن عذاب الحب الاول.. وطبعا لانه الحب الاول بحكو انه حب وهمي ومو حقيقي طلعت من حالة الاكتئاب بسرعة فائقة وفتحت الدنيا ابوابها السعيدة حتى ضحكتي وصلت لاذني.. وهيك هيك اصبحت فتاة منشرحة تعمل على راحة العفريتة وبناتها بس ما راح يطول هاد الامر اللعين سوف أجد عريسا وبأقصى سرعة ممكنة..



دمتم بود

يتبع إلى الجزء الثاني..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-08-2017, 11:06 PM
صورة هايدي فتاة صحراء الرمزية
هايدي فتاة صحراء هايدي فتاة صحراء غير متصل
©؛°¨غرامي متألق ¨°؛©
 
الافتراضي رد: يوميات سعدية/ بقلمي


مثل ماوعدتك اني بقراها وفيت بوعدي
هههههههههههههههههههههه بدها عريس حح
رائع اسلوبك في سرد
وصلي ي مبدعههه
وبانتظارك الجز ثاني
لك تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-08-2017, 12:33 AM
صورة أَميْــرَة زَمــآنْ الرمزية
أَميْــرَة زَمــآنْ أَميْــرَة زَمــآنْ متصل الآن
أمْـــ القلَــمْ ـــيرَة ~ أمْــ الرَُوح ــــيرَة
 
الافتراضي رد: يوميات سعدية/ بقلمي











😂😂😂😂😂😂




سعديه ذكرتني بحدا
الله اعلم مين هو *_~










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-08-2017, 01:01 AM
صورة مِلَكةّ آلَوِروِد الرمزية
مِلَكةّ آلَوِروِد مِلَكةّ آلَوِروِد غير متصل
©؛°¨غرامي متألق ¨°؛©
 
الافتراضي رد: يوميات سعدية/ بقلمي


[COLOR="Magenta"]





هههههههه ربي يسعدك ضحكتيني بجد

مدري ذكرتيني بشخص ههههه

يسلمو ي قلبي الله يفرحك



أّلَصٌرأّحٌةّ رأّحٌةّ يِّ حٌلَوِيِّنِ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-08-2017, 05:40 AM
صورة وتين الحياة الرمزية
وتين الحياة وتين الحياة متصل الآن
©؛°¨غرامي متألق ¨°؛©
 
الافتراضي رد: يوميات سعدية/ بقلمي


يمة قلبي ضحكتيني عنجد واصلي انتظرك لا تتاخري سعدية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 29-08-2017, 10:17 AM
صورة sweetshemoo الرمزية
sweetshemoo sweetshemoo غير متصل
©؛°¨غرامي فعال ¨°؛©
 
الافتراضي رد: يوميات سعدية/ بقلمي



شكرا لكل يلي رد
اسعدتوني بردودكم ^^
اليكم الجزء الثاني من القصة
قراءة ممتعة

#يوميات_سعدية
المحاولة الثانية في جذب عريس الغفلة
سعدية العالم
وبعد يوم من قراري وبعد دعواتي المتواصله ليلا ونهارا انفرجت علي واخيرا ساصبح عروسا تزف بالابيض.. فلما شفت ام محمود جارتنا من 10 سنين تزكرت انه في عندها ضحايا لازم انقض عليهم واختار حدا منهم ومن هون بلشت انا الذكية افكر بخطط جهنمية حتى احظى على ولد من اولادها وتصير هي حماتي الله يموتها بسرعة وصير انا كنتها الله ما يبعدني عن ابنها...
وبعد ما عرفت انه الطريق الى قلب الرجل معدته، قررت اصبح متل منال العالم واكون سعدية العالم المعدلة يلي بتنجاب سيرتها على كل لسان... وهيك بعد ما تلقيت المساعدة من عمو جوجل وعمتو يوتيوب رحت عملت كيكة حتى ابهرهم بمهاراتي الفنية.. واسيطر على عاطفة الام يلي بتحب تشوف كنتها بتعرف تطبخ تكنس وتكون ست بيت مرتبه خلوقة ذكية وفهمانه وحمدت ربي انه كل هاي الصفات تنطبق علي ومشيت وما دهنت وجههي بأي شي حتى كشتي خليتها مرفرفة متل علم بلادي لابسة البنطلون الاسود يلي كله طحين و بلوزتي مليانه زيت وهيك عالطبيعة احلى يا كَحلة..
رحت مشيت بخطوات انيقة مهذبة تدل على ركازتي وهدوئي اللامتناهي وانا بالحقيقة متل القرد يلي بنط من شجرة لشجرة ورنيت جرس بيتهم.. ااستنيت حتى الفرج يجي ويفتح الباب فعلا انفتح الباب وومتل اي مشهد رومنسي بجي عالبطيء بالافلام مع شعري المتطاير نظرت اليه النظرة الاولى واذ بي اقع عالارض لانه كنت لابسة شحاطة بابا يلي هي اكبر من راسي بنمرتين ويلي صارله اسبوعين مشتريها ولو عرف اني لبستها ليشلعلي اذني .. نظرت الى الكيكة هاي النظرة يلي الام بتطلع فيها وبتتحسر على خلفتها وبتحكي يا ريتني خلفت بسكليته ولا خلفتك يا ام كشة وراح تعبي بالكيكة المحروقة يلي بتشبه بلونها شحمة السيارات هباءاً منثورا وضاع تعبي وضاعت هيبتي بين طباخين الكيك والكعك..
وهيك انتهى المشهد الرومنسي وانتهت علاقة الحب بسبب خيانته لانه عرفت من بنت جيرانا سمية انه هاد مو بيت ام محمود ويلي فتحلي الباب متجوز وعنده بنتين وولد.. وهيك انكسر قلبي للمرة التانية على التوالي واصبحت ابحث عن بديل لحبيبي الخائن... بس استجمعت نفسي بسرعة وانهيت المسخرة يلي بتصير بقلبي لانه مو محتاجه ازعل حالى على واحد ما بستاهل خاني وغدرني وانا الملاك الصالح الذي اسعى لراحته... وانا من كتر مناحتي ما عملت متل المسلسلات التركية انه انكد عليه عيشته وعيشتها لا قررت الرحيل..
الرحيل مع قلبي المكسور
وضل خيار ابن ام محمود في بالي وبدي انفذه حتى اطلع من داخل اسوار هاي القلعة المنحوسة.. وحتى انفتح على الحياة وأكون حياة مستقلة مع ابو اولادي ربي ما يحرمني منه ولا يحرمه مني.. وبلشت اعد الخطط والجداول الاقتصادية والفنية والجهنمية حتى اوقع ابن ام محمود في شباكي... وهيك هيك بفتك من العفريتة وبناتها واصبح امرأة مجتمع..
لهون وبكفي لأنه ختيارة الجن مرت ابوي عم تناديلي بدها كاسة الشاي.. بلكي تتسمم وارتاح منها.. وما بضل غير هالمحاولة محاولة وحدة يلي بتخليني احجز حالي بقفص الحب مع ابن ام محمود.. بس بدي اطبخ هالطبخة عالبطيء حتى اكون انا قطب المغناطيس الموجب ويكون هو القطب السالب واجذبه ويصير في شباكي


استودعناكم يا قوم.. انتظروني بجزء سعدية الذكية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 29-08-2017, 12:44 PM
صورة اسم من ذهب الرمزية
اسم من ذهب اسم من ذهب غير متصل
©؛°¨غرامي مجتهد¨°؛©
 
الافتراضي رد: يوميات سعدية/ بقلمي


روووووووعة

الله يعطيك العافية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 29-08-2017, 01:53 PM
صورة أَميْــرَة زَمــآنْ الرمزية
أَميْــرَة زَمــآنْ أَميْــرَة زَمــآنْ متصل الآن
أمْـــ القلَــمْ ـــيرَة ~ أمْــ الرَُوح ــــيرَة
 
الافتراضي رد: يوميات سعدية/ بقلمي











حزنتني



كملي يالله










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 29-08-2017, 03:45 PM
صورة sweetshemoo الرمزية
sweetshemoo sweetshemoo غير متصل
©؛°¨غرامي فعال ¨°؛©
 
الافتراضي رد: يوميات سعدية/ بقلمي



الجزء الأخير من القصة
قراءة ممتعة^^


#يوميات_سعدية

سعدية الذكية،، المحاولة الاخيرة في جذب عريس الغفلة

بعد يومين من تعزيل الدار وغسيل ونشر وشطف ومسح وبعد ما انهرى جلدي وصار لونه باهت لا معنى للحياة به وصار شعري لونه ابيض من الكلور وبعد هاي الحياة القاسية يلي عشتها ليومين قررت الذهاب الى بيت ام محمود بأناقتي الطبيعية.. بس باختلاف انه رحت بلا كيك و كشتي اصلا بطلت كشتي حتى صرت اشبه جعفر الزبال.. وبكل ثقة رنيت جرس الباب ووقفت وانا خشمي طاير للسماء وهيك متل كأني ام برستيج واتيكيت ومن الناس ال high high حتى انفتح الباب وطل منه اميري الوسيم ذو الحصان الابيض طل رئيس حياتي وزوجي وابو اولادي.. طلت حياتي مع حماتي يلي اجت وراه والفجأة صادمتها اكيد من جمالي الفتان..
فقالتلي وهي مبهورة : مضيعة الطريق يا بنتي انا هون خجلت وحكيت بصوت مستحي: لا يا خالتو انا سعدية بنتها لام مهران
بعدها ما لقيت حالي الا بالصالون وكاسة شاي من هون وحبة تفاح من هون وكاسة عصير من هون وهيك على هالحالة.. ومن هاي النقطة بلشت الزيارات والتودد والتعاطف والصداقة والحب والاعجاب والنظرات ووقعت بشباكي يا ابن ام محمود.. وصارت زيارتي لبيت ام محمود فرض علي كل يوم في صباحي ومسائي وكل اوقاتي حتى في منامي.. وصرت جزء وكيان من هذه العائلة الفخمة.. وفي ساعة من الايام زوجة ابوي المصون طردتني من البيت وانا جمعت امتعتي بصرة صغيرة وحطيتها على اكتافي ومشيت حزينة تعيسة على اطراف اصابعي وجيت اطلع من باب الدار الا الفارس المغوار مع عيلتي التانية عم ينزلو الدرج وشو متأنق وشو جميل كان بودي اقوله ( تعال بالاحضان يا حبيبي وما تيجي هنا وانا احبك ) واعمله فيديو كليب نانسي عجرم واعزفله من قلبي موسيقى الحب الجميلة بس فجأة اختفى عن الانظار بعد ما نظر نظرة المشتاق على حبيبته ونظرة العاشق الى معشوقته وانا هون طرت لسابع سما من السعادة وصرت ارفرف بالسما ويدور حول راسي متل افلام الكرتون قلوب حب ويطلع من عيوني قلوب حب وصرت اتنفس هواك يا ابن ام محمود... وعلى هيك ضليت متل اليسا عايشة حالة حب مع خيالي واشكر ذكائي العاطفي يلي فتحلي ابواب السعادة والحب لحتى اجاني الخبر الصادم الذي افرج عن اساريري وخلاني طايرة بالسما.. اجتني العفريتة بيوم من الايام بتحكيلي جاييكي خطاب من دار جارتنا ام محمود انا هون تطلعت عليها نظرة انتصار وتعالي وتفاخر ومن جواتي برفرف لسابع سما.. وبلش ذكائي العاطفي يشتغل من جديد.. رحت عالنت ابحث عن احدث صيحات الموضه للشعر والاكسسوار.. ويوم قدومهم رحت على الصالون عملت شعري يلي كان شبه سلكة الجلي وهلأ صار متل شعر المكنسة الناعمة وفرشت على وجهي كمية لا تعد ولا تحصى من الدهان الابيض وزركشت عيوني بeye shadow متل سجادة مدخل الدار ورسمت طريق اسود على عيوني وصارت عيوني متل عيون السعدان اللي لساته صاحي من النوم هلأ.. ورجعت عالبيت تجهزت وتأنقت حتى اقابل حبيبي الموعود سارق القلب والعقل..رجعت عالبيت كلي أمل ولهفة وشوق وحنين وصرت متل وائل كفوري اغني انا قلبي مشتاق واطلع عالشباك متل العصفور السجين انتظر وانتظر على دقات الساعة وعم تدق الساعة ساعة ورا ساعة وانا بانتظارك حبيبي... واجت الساعة المترقبة دق الجرس وفتحت العفريتة الباب وضليت انتظر اللحظة الحاسمة في اعداد القهوة.. طلعت بأناقتي الكاملة بفستان ملون بألوان قوس وقزح المفرقعة ويلي بتضوي حارتنا لليلة كاملة بسبب انارتها الشديدة وكعب عالي يلي من شدة عليه حسيت حالي ناطحة سحاب او شي عمود كهربا داخل جديد عالبلد.. وطبعا من عجقتي بحالي وارتباكي وتلبكي وكل مشاعر التوتر عدت القهوة شي كزا مرة... بمرة احط ملح بدل سكر ومره تانيه احط عرق ميرميه بدل قهوة وهيك شي بالاخر حتى انفتحت طاقة القدر في طريقي وعرفت مكان القهوة وعملتها وكنت على استعداد تام انه ادخل بأناقتي الرائعة للحضور الكرام وطبعا ما نسيت معلقتين الملح يلي بفنجان زوجي المستقبلي فمتل ما بقولو ( يلي بتحمل يشرب الملح منك بتمل عيشته السودا معك ).. حطيت فناجين القهوة بالصينية والعفريتة كل شوي تنده علي يكسرها كأنها مبسوطة انها رح تخلص مني.. وهيك مشيت انا السندريلا على البساط الاحمر متل الزرافة السكرانة وشعري عم يلولح يمين وشمال متل علم بلادي وادخل عليهم بعطري يلي بشبه ريحة البنزين واقدم القهوة وانا مستحية ال يعني وطبعا ما بيخلى الامر من تمثيليه وكذبة بيضا فرحت قعدت جنب العفريتة مرت ابي بأدب وانا عم بطلع عليهم وعلى تعابير وجههم يلي طالعة متل الغسالة الخربانة.. استغربت معقول القهوة السكر فيها قليل صفنت وانا افكر مطولا بسبب الغسالة الخربانة يلي انرسمت على وجوههم فجأة ما بلاقي الا العفريتة الكبيرة بتنغزني بخاصرتي حتى جابت اجلي ودعيت عليها من كل قلبي يا ريتك بالساحق والماحق والغضب المتلاحق تفوتي بضيق وتطلعي من ضيق و 66 ابريق ما يبلولك ريق تركضي ورا الرغيف والرغيف يركض وراكي , انتي بسيارة والرغيف بطيارة ريتك تتعبطي الفيران من قلة الجيران ريتك تنامي بالخرابة من قلة القرابة.. وابتسمت من داخلي لانه ارضيت نفسي بهالدعوة ورفعت راسي بثقة بعد هالدعوة واعطيتها نظرة انتصار وفجأة ما بلاقيها الا بصوت متل الحية عم تحكيلي ( يخرب بيتك جرصتينا قدام الضيوف.. حاطة كمون بدل القهوة) وانا هون فنجرت عيوني يعني اتسعوا من الصدمة والخزي والعار و يا ارض انشقي وابلعيني خديني لبعيد وارميني.. هلأ اثار الغسالة الخربانة ومحرك السيارة المعطل في وجوههم بسبب الكمون!! لا مستحيل اكيد هم مخربطين بالطعمة.. اكيد ماكلين بصل وتوم لحتى يحسو بطعم القهوة على انها كمون.. وما اسمع الا كلمة الحق والحب والغرام والوله منه شخصيا عم يقول " معلش يا خالة.." قصده خالة عن العفريتة يلي جنبي وكمل حديثه بأدب " التوتر بعمل عمله اللازم في هيك حالات" يسعده يلي بفهمني " وكمان احنا عنا خدامة تهتم بهاي الامور" خلص جملته هاي من هون وانا من هون نفشت ريشي متل الطاووس ورفعت خشمي يلي صار لونه اسود على لون بشرتي المحروقة لانه من تخباية وجههي انمسحت طبقة الدهان عنه.. واصبحت الامرأة التي تملك منصب بالمجتمع الراقي المخملي انظر اليهم بتكبر.. وهيك ضليت قاعدة لحتى بلشت مراسم قرع الطبول في قلبي.. وبلشت مراسم طلب اليد ومن وقتها وانا راسي بالارض مستحية وخدودي صارت متل حبة البندورة من كتر الخجل.. وبلشو محركات بطني يشتغلو ويطلعو اصوات متل شاحن التلفون يلي على وشك يخرب وبلش زوجي العزيز يلقي خطابه الذي بسببه سيحجزني في قفص عشقنا وعش الزوجية وسأنجب له اناثا وذكورا بشبهوني.. " يا عم احنا بنطلب ايد بنتك لأبوي ابو محمود على سنة الله ورسوله"
انا هون بحلقت بكلامه وانخفض السكر بدمي وارتفع ضعطي وبلشت اشهق وازفر متل عجل السيارة المنفس وبلشوعيوني يشتغلو متل مساحات السيارة مرة عاليمين ومره عالشمال وبعدها دخلت بصدمة عاطفية ثلاثية الابعاد لانه هاي يلي كنت مفكرتها ام محمود طلعت الخدامة تاعتهم وهاد ابن ام محود يلي كنت ناوية اطبقه طلع متجوز وعنده بنت ومرته حامل وابو محمود يلي كان يضل يحكيلي انت منا وفينا كان قصده يلي عمله اليوم....
وما طلعت من هاي الصدمة الا لما لقيت حالي ملحوقة بالشحاطة بسبب الكمون يلي حطيته بدل القهوة وعشان فيلم المتوحشون يلي عملته قبل شوي... وهيك انتهت قصتي الحزينة.. وانا اطرد من منزلي مكسورة الجناحين.. وبقلب من كتر ما اندعس عليه صار مليان غبرة.. وهيك بكل ليلة بطلطل على حارتي بكشتي المليانه تراب وببكي على اطلال حبي اللي راح..
وهون سكرت دفتر الحب نهائيا وبطلت اعمل حركات المراهقين والشغلة الوحيدة يلي ندمت عليها هو ما كانت اعرف اغرض المطبخ لأنه مرت ابوي العفريتة وانا مشغولة بالدراما وقصص الحب جابت وحدة ونظفتلها اياه،، بس اصالح بابا وارجع عالبيت اول شي بدي اعمله هو اخلي ختيارة الجن مرت ابوي تعلمني وين القهوة عشان لما يجي العريس يلي بدي اجذبه اعمله القهوة وتزبط اوضاعي..
والسلام يا معشر المعجبين بسعدية الذكية

انتهت..^

وأنا مني Sweetshemoo
بحب أشكر كل حدا ترك لمسته الخاصة ورده على قصتي..
شكرا من القلب على ردودكم السابقة..
واتمنى تكون القصة أعجبتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 29-08-2017, 03:59 PM
صورة أَميْــرَة زَمــآنْ الرمزية
أَميْــرَة زَمــآنْ أَميْــرَة زَمــآنْ متصل الآن
أمْـــ القلَــمْ ـــيرَة ~ أمْــ الرَُوح ــــيرَة
 
الافتراضي رد: يوميات سعدية/ بقلمي











ههههه
سعديه جزء منك


سلمت اناملك










الرد باقتباس
إضافة رد
الإشارات المرجعية

يوميات سعدية/ بقلمي

الوسوم
بقلمي , يوميات , سعدية/
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
قصه عتاب جاء من بعد الغياب بقلمي (saldhaheri) suhaila.seed قصص - قصيرة 3 07-05-2016 02:16 AM
اعشقك يانبض قلبى (بقلمى) مصريه وأفتخر خواطر - نثر - عذب الكلام 12 14-10-2015 03:11 AM
قساوة الحب/ بقلمي فاطمة غلام خواطر - نثر - عذب الكلام 5 01-05-2015 12:18 AM

الساعة الآن +3: 09:05 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1