اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 14-10-2017, 08:18 PM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


السلام عليكم
البارت يجنن
عبد الله ماراح يطلقها
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 25-10-2017, 01:42 AM
صورة عزة نفس :$ الرمزية
عزة نفس :$ عزة نفس :$ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


-
البارت الثامن ؛
سبحان الله وبحمده
سبحان الله العظيم
.
.
.
الجد بحده : مااحب اكرر كلامي خلال الساعـ
عبدالله قاطعه : طيب ياجدي شلون اطلقها ! انا احبها وللحين مو مصدق انها حلالي وتجيني انت تقول اطلقها؟
الجد بنص عين : وليه الجوري بنتي تشتكي منك ومن معاملتك لها ؟
عبدالله : هي كذا دلوعه وعشاني بعد خاصمتها اول ماوصلت لانها كانت كاشفه وسكت شوي وكمل بتمثيل متقن : ياجدي الرجل الغيور مستحيل يرضى بأن محارمه يطلعون كاشفين ! شلون تبغاني ارضى ؟ هي ماتبيني لاني غيور تقول ليه ماتخليني اكشف واطلع نص شعري و
الجد عقد حواجبه بعدم تصديق وابتسم بتسليك : ايه وبعد ؟
عبدالله اتسعت ابتسامته : ابغى اقدم الزواج
الجد وقف وطالع فيه بحده
عبدالله بااستغراب : ايش ؟
الجد طالع ف ساعته وببرود : بقي ساعه ونص .
عبدالله بصدمه : ججدي!!
الجد بحده : لا تخليني اكرر كلامي!!
عبدالله قام وبقهر : زين وطلع وشاف عمه عبدالعزيز " ابو سعود " وسلم عليه : عمي
ابو سعود عقد حواجبه : شفيك ياعبدالله ؟
عبدالله بملل : جدي يبغاني اطلق الجوري
ابو سعود بصدمه : اييشش !! ماعندنا بنات يتطلقون احنا ! وبحده : انتظرني هنا وراح لمكتب ابوه ودخل وقفل الباب ؛
عبدالله جلس ع الكنب وهو ينتظر عمه , ماوده يطلقها مو حُباً فيها لا بس يحس لسا مااكتفى من مضايقته لها , ومايبغى نواف ياخذها وتصير حلاله , كرهه للجوري مُقتبس من كرهه لنواف , يكره نواف ويكره كل شخص له علاقه بنواف , ايش سبب كرهه لنواف ؟ محد يدري .
فاق من سرحانه ع صوت عمه , رفع راسه : ها ياعم؟
ابو سعود : زوجتك خلها عندك لا تطلقها , انتبه للجوري نازله وتكلم بسخريه : بعد ناقصنا بنات مطلقات .
الجوري رفعت حاجبها كأنها فهمت قصده : افا تقصدني ياعمي؟
ابو سعود جلس ع الكنب وبدون مايطالع فيها : وهو فيه بنت صايعه غيرك هنا؟
الجوري تجاهلته وقربت من الباب بتطلع
عبدالله وقف بسرعه ومسك معصمها وبحده : وين رايحه !
ابو سعود : كفو خلك رجال لا تخليها تروح وتجي ع كيفها
الجوري سحبت يدها وبعدت عنه وطالعت ف عمها : لا شرايك بعد تخليه يضربني عشان تقتنع انو رجال؟
ابو سعود ابتسم : فكره سديده والله
عبدالله رفع حاجب : وين رايحه ؟
الجوري ببرود : مو شغلك , صدت عنه وفتحت الباب وفجأه حست بااحد يسحبها ويلفها ع جهته فتحت فمها بتتكلم وقفها الكف الي جاء ع خدها طالعت فيه بصدمه ؛
عبدالله بصراخ : اذا كلمتك تردين مو تعطيني ظهرك وتروحين!!!
الجوري رمشت بسرعه مااستوعبت حركته وبصدمه : اانـ ـت توك ضربتني !!
عبدالله بصراخ : ايه ويلا ادخـ
جراح دخل بسرعه وسحبه بقوه ودفه ع الجدار وبصراخ : تتتععددييتت حححددووددكك!!!!!
الجوري تطالع ف جراح الي وجهه محمر من العصبيه وعبدالله الي انصدم من وجود جراح
ابو سعود بصوت جهوري : ججراح !!! ماعاد فيه احترام لخالك وولد خالك؟!!! ماعاد فيه احترام للبيت واهله !!!
جراح طالع فيه بحده : انت عاجبك وضعه ؟ شايفه وعاجبك الي جالس يصير !!!! اذا انت راضي ف انا لا وطالع ف عبدالله وبحده : الا الجوري ياعبدالله الاا الججووري!!!! وسحب الجوري وحط يده ع كتفها وبحده : الكلام ذا لك ولغيرك , الي يغلط ع الجوري لو بحرف يعتبر ذا اخر يوم ف حياته وشد ع كتف الجوري وطلعوا مع بعض .
ابو سعود ببرود : معليك منه البزر ذا
عبدالله بلع ريقه : ايه ماهمني اصلا
.
.
.
.
" قبل ربع ساعه ؛
دق الباب ودخل : ياابوي
الجد رفع عيونه وطالع فيه : نعم
ابو سعود : قابلت عبدالله كان بيروح المحكمه ووقفته
الجد بحده : ليه توقفه !!!
ابو سعود : ياابوي انت ماترضى احد يقول شيء عن الجوري صحيح ؟ لو طلقها عبدالله بتصير حديث الناس وبيطلعون عنها كلام باطل وهذا مايرضيك !
الجد بعصبيه : الي يتكلم عنها اقص لسانه! الجوري بنتي وانا عارف تربيتها كيف مايحق لااحد يشكك ف تربيتها واخلاقها!!!
ابو سعود : لا ياابوي بيتكلمون من وراك وبتتعب البنت ومحد بيتزوجها بعد كذا , انا ترجيت عبدالله يخليها مايطلقها لاني ياابوي ماابغى احد يتكلم عن بنت اخوي انا احبها واتمنى لها الخير ومكانتها ف قلبي نفس بناتي بيان وجواهر
الجد بهدوء : بس ياعبدالعزيز الجوري ماتبغى عبدالله وانا مـ
عبدالعزيز قاطع ابوه وابتسم : ايه فاهم كل شيء انا ياابوي بس هم كان بينهم خلاف بسيط وانحل الحمدلله خلاص ماله داعي يطلقها
الجد بشك : انحل اكيد؟
عبدالعزيز : افا ياابوي ماتصدقني؟ اقولك انحل خلاص مابينهم خلاف الحين
الجد : يعني هي تبغاه الحين!
عبدالعزيز هز راسه وبكذب : ايه انا كلمتها قبل اجيك وقالت خلاص ياعمي ماله داعي الطلاق
الجد تنهد براحه : زين زين الحمدلله
عبدالعزيز ابتسم وطلع ."
.
.
.
.
عند جراح والجوري؛
حرك سيارته مبتعد عن بيت جده بسرعه , مقهور بقوه من الي صار يحس انو لسا مااخذ حق اخته منهم , تنهد بضيق وطالع فيها : اسف عصبت وماعرفت اتصرف زين
الجوري : لا بالعكس ماقصـ
جراح قاطعها وبقهر : اص ودي ارجع الحين واكفخه هو وعمك الكريه ذاك
الجوري ضحكت بقوه : وانا ع بالي انك ندمت لما جلست تصارخ
جراح بنص عين : وش شايفتني , عدل جلسته وبجديه : لا يغرك اني اسكت دايما ترا جد ماارضى عليك وربي
الجوري ابتسمت بفرحه حلو شعور ان يكون لك اخ , حلو شعور ان يكون لك سند : الله لا يحرمني منك ياخي
جراح ابتسم بخفه : امين , انا من اول اقول مدري وش صار لعقلها يوم تزوجت عبدالله والحين عرفت ان عقلك بكامل قواه العقليه الحمدلله بس قولي لي خالي جبرك ع الخكري ذاك؟
الجوري سكتت وماردت
جراح بجديه : تبغينه ولا لا ؟
الجوري بضيق : لو قلت مابيتغير شيء
جراح استغرب وبهياط : افا ليه مابيتغير شيء والله لااخليه يطلق من فوق خشمه لو كنتي ماتبينه
الجوري ضحكت بخفه : ياحليلك بس كلمت جدي وشكل عمي عبدالعزيز قال له كم كلمه , تنهدت بضيق وبهمس : خلاص مافيه حل اصلا مستقبلي تدمر كل الي جالس يصير مو نفس الي اتمناه
جراح سكت مو عارف ايش يسوي بالضبط , معقوله ارتباطها بـ عبدالله دمر نفسيتها للدرجه هذي؟ لدرجه انها تشوف ان مستقبلها تدمر خلاص؟ زاد حقده ع عبدالله وانقهر لانو ماكان معها ف الفتره الي كان المفروض يكون معها ويساندها .
الجوري استوعبت الي قالته وبضيق : جراح
جراح بدون مايلتفت : سمّي؟.
الجوري بضيق : انسى الي قلته انا بس مقهوره من الي صار وجلست اخربط بالكلام
جراح ابتسم وف باله الف شيء وشيء : فاهمك لا تخافين .
الجوري تنهدت براحه ماتبغى تورطه مع احد يكفي الي صار , الافضل يبقى بعيد عشان مايتأذى بأي شكل كان .
جراح بتفكير : كم بقي ع العيد؟
الجوري بااستغراب : شهر وثلاث اسابيع تقريبا
جراح : اها
الجوري بااستغراب : ليه ؟
جراح ابتسم بخفه : ابد اشتقت لااجواء العيد بس
الجوري : اها
جراح اتسعت ابتسامته : ايه
.
.
.
.
.
.
الساعه 4:27pm ؛
ف بيت ابو جراح ؛
العمّه ساره بااستغراب : شفيك ياعبدالعزيز؟
ابو سعود جلس قبالها : بشكي لك يااختي
العمه ساره عقدت حواجبها : شفيك ؟
ابو سعود بضيق : ولدك جراح مايحترمني قابلته ف بيت ابوي الظهر ورفع صوته علي يرضيك ؟
العمّه ساره بنص عين : وش قايل له انت؟ جراح مايغلط ع احد الا اذا داس له ع طرف
ابو سعود : افا هذا وانا قايل محد بياخذ لي حقي من البزر ذاك الا اختي ساره
العمّه ساره بتسليك : خلاص مايصير ف خاطرك الا طيب اتفاهم معاه انا
ابو جراح دخل وشاف ابو سعود وابتسم : هلا بو سعود ارحب
ابو سعود ابتسم ووقف : البقى وصافحه : يلا انا استأذن فمان الله
ابو جراح : فمانه
ابو سعود طلع ؛
ابو جراح لـ زوجته : وين جراح؟
العمّه ساره : طلع مع الجوري
ابو جراح دخل مكتبه : زين اذا جاء خليه يجيني ابغاه
العمّه ساره ابتسمت : تمام , اسويلك قهوه ؟
ابو جراح : ياليت
العمه ساره قامت ودخلت المطبخ تجهز له قهوته .
.
.
.
.
.
الساعه 8:21PM ؛
جراح وقف السياره ونزل وبتعب : لا اله الا الله تععببتت من الصباح نفرفر
الجوري نزلت وبضحكه : اااططللقق ييوومم ف الححييااهه وقربت منه وباست راسه : شكرا يااطلق اخو
جراح ضحك : العفو يااطلق اخت
الجوري دقت الجرس ولفت عليه : اسمع بتدخل؟
جراح : لا بروح اقابل واحد من الشباب وبعدها برجع البيت بنام
الجوري : تمام معالسلامه
جراح ركب سيارته : معالسلامه
الجوري انتبهت للباب انفتح ودخلت وشافت الكل مجتمع ف الحديقه جدتها وعمتها حنان وام سعود وام تركي وبنات عمها بشاير وبيان وجواهر وشادن : السلام عليكم
الكل : وعليكم السلام .
الجوري قربت من جدتها وباست راسها وبااستغراب : وين امي وعمتي ساره؟
الجده : امك فوق مشغوله وعمتك ساره ماجت اليوم
الجوري : اها وصدت عنهم بتدخل وقفّها كلام ام تركي؛
ام تركي بنغزه : وين كنتي كل ذا الوقت؟
الجوري بنص عين : امي وانا مدري؟
ام تركي بغيظ : ام زوجك ولي الحق اعرف وين رحتي عشان ماتلعبين ع كيفك من ورا ولدي
الجوري بقهر : لا انتي ولا ولدك مالكم لا سلطه ولا كلمه علي , انا امشي ع مزاجي دامه يرضي الله ماعلي منـ
حنان قامت بسرعه وسحبت الجوري : جوري حبيبي تعالي بكلمك ف موضوع ودخلت الفيلا
الجوري بااستغراب : شفيك ؟
حنان تركت يدها : ولا شيء , معليك من سلمى تجاهليها وانتبهي لا تغلطين بشاير تزعل ماترضى ع امها ترا !
الجوري بعدم اهتمام : ماهمتني , صح انا غلطت وردي كان فيه قلة ادب بس احسن
..: جوري جيتي!!
الجوري رفعت راسها وشافت امها وابتسمت : ايه جيت قبل شوي وقربت منها وباست يدها
ام الجوري ابتسمت بحب لبنتها : سلمتي , ابوك يسأل عنك
الجوري بااستغراب : وينه ؟
ام الجوري : فوق ف الغرفه .
الجوري هزت راسها : تمام بطلع له دحين وطلعت ودقت الباب وسمعت صوته يناديها ؛
الجوري فتحت الباب ودخلت راسها بس : يقولون انك تبغاني صح ولا صحيح؟
ابو الجوري ابتسم : تعالي .
الجوري دخلت وقفلت الباب : سم يبه ؟
ابو الجوري : ليه ماتبغين عبدالله؟
الجوري بسرعه : مااحبه
ابو الجوري : ليه ماتحبينه؟
الجوري رجعت راسها ع ورا وبملل : اسباب كثثثييييييرررررههه لو اجلس اقولها من اليوم لبكره ماخلصت
ابو الجوري : هات سبب واحد ؟
الجوري بملل : كريه
ابو الجوري : زين , ليه تبغين الطلاق؟
الجوري : طبيعي ! مااحبه ياابوي ابقى معه ليه ؟
ابو الجوري بجديه : طيب تدرين ان ابغض الحلال عند الله الطلاق ولا لا ؟
الجوري بضيق : الا ادري بـ
ابو الجوري قاطعها : زين تدرين يعني ايش ؟
الجوري بفهاوه : ايش؟
ابو الجوري : يعني انثبري وزواجك يوم الثلاثاء هذا .
الجوري شهقت وبصدمه : يييببببباااههه !!!
ابو الجوري قام وصد عنها بيطلع : ماابغى اسمع اي اعتراض وطلع .
الجوري صرخت بقهر : اااااههههه ياارررببي طلعت من الغرفه بقهر وقفلت الباب بقوه وسمعت صوت من وراها والتفتت وبصراخ : خخيير ننععمم
..: اح ترا ماقلت شيء الا بشويش ع الباب!
الجوري طلعت فيه بتفكير
..: وشو
الجوري عقدت حواجبها : انت ماتحبني وانا مااحبك متزوجني ليه؟
عبدالله ابتسم : ماعمره خطر ع بالك السبب الي ممكن يخليني اتزوج وحده مااحبها وحاقد عليها بعد ؟
الجوري : اذا حاقد علي تبغى تنتقم يعني ؟
عبدالله : تقدرين تقولين كذا
الجوري : مستحيل يكون عشان كذا بس
عبدالله ابتسم : احتفظ بالسبب ليوم الزواج , وقت الزفه قلت لك وصد عنها ونزل
الجوري لحقته : ععبدالله تعال ههنا ععععبدداالله يا****
عبدالله طالع فيها بطرف عينه وابتسم وطلع ؛
الجوري بقهر : مالت ع وجهه الـ*** كرريييهه ييارببيي صبرني عليه لين يوم الثلاثاء واعرف ليه , تنهدت بضيق وخوف من المستقبل , بقي اربع ايام بس !
سمعت صوت بشاير داخله الفيلا ودخلت غرفتها بسرعه , ماتبغى تقابلها بعد الاشياء الي صارت علاقتهم توترت بشكل كبير .
.
.
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 25-10-2017, 01:52 AM
صورة عزة نفس :$ الرمزية
عزة نفس :$ عزة نفس :$ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
عبد الله ماراح يطلقها
يعطيك العافية
وعليكم السلام .
يعافيك وربي , نورتِ 🖤🖤.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 25-10-2017, 08:08 PM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


السلام عليكم
عبد الله ممكن يطلقها يوم الزواج
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 02-11-2017, 02:35 AM
صورة عزة نفس :$ الرمزية
عزة نفس :$ عزة نفس :$ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


-
سبحان الله وبحمده
سبحان الله العظيم .
.
.
.
.
يوم الثلاثاء -يوم الزواج- ؛
الساعه 12:32pm :
ساره بااستغراب : وش ناويه عليه؟
الجوري بملل : ولا شيء استنى الكريه ذاك يتكرم ويطلع هنا ويقول لي السبب الحقيقي ع قولته
ريناد : ياخي ليه ماتتقبلون بعض وتكملون حيـ
الجوري قاطعتها : ريناد حبيبي كم مره اقولكم مااحبه ؟ دام فيه امل ولو بسيط ان موضوع ارتباطي فيه يتكنسل مابفوت الفرصه
ساره : طيب انا فاهمه كل شيء الا شيء واحد , ليه ماانتي راضيه تلبسين فستان ابيض!
ريناد باانفعال بسيط : اندري عنها جايتلك بجنز !! طيب لو عاندك وقال يلا انزلي انزفي ايش بتسوين!
الجوري بعناد : ماني لابسه الابيض الا له
ساره حطت يدها ع وجهها بضيق : لا اله الا الله انا بنجلط منك اليوم
ريناد تأففت بضيق : مدري متى تعقلين انتي وانتبهت للباب يدق وقربت بتفتحه : مين؟
..: انا عبدالله
ساره بورطه : يو ريناد شلون نطلع!
الجوري قامت : دقيقه عبدالله صحباتي عندي روح شوي عشان يطلعون هم
عبدالله بملل : طيب دقيقتين بالضبط وراجع
الجوري : طيب وفتحت الباب وشافته راح ولفت ع صحباتها : راح خلاص
ريناد : تمام احنا طالعين الله يستر عليك
ساره : امين حاسه انها بتجيب العيد والله
الجوري ضحكت : هيا عاد ادعولي بس انو يطلقني ياخي
ريناد بحسره : انا مدري وين عقلك والله
ساره سحبتها : امشي امشي الرجال يستنى وطلعوا
الجوري بملل : اف اليوم طويييلل واحداثه مو راضيه تخلص.
" جاء ف بالها , لو تطلق من عبدالله ؟ وش بيصير ! هل ممكن حياتها تتغير وتمشي بالشكل الي هي تتمناه؟ تحس بحيره وضيق مو عارفه شلون تتصرف ."
تنهدت بضيق وبسرحان : نواف ايش يسوي دحين ؟.
ابتسم بسخريه : يفكر فيك
الجوري رفعت راسها بصدمه ماحست بدخوله : هاه
عبدالله جلس ع الكنب : اسمعي
الجوري طالعت فيه تبغاه يكمل.
عبدالله بجديه : ليه ماانتي لابسه فستانك!
الجوري : مابنزف
عبدالله بااستغراب : ليه ان شاءالله؟
الجوري : كذا مالي خلق
عبدالله : وينه طيب؟
الجوري : ماجبت اصلا
عبدالله بصدمه : من جدك؟
الجوري هزت راسها
عبدالله بقهر : زين وطلع وقفل الباب بقوه .
.
.
-برلين-
جالس ف البلكونه يتأمل السماء , طالع ف ساعته وابتسم بسخريه وبهمس : الساعه 1 عندهم , مابقى شيء ع زفتها اكيد .
تنهد بضيق وبهمس : ينتهي عُمري وياخذ المرض من عافيتِي , ولا ينتهِي حُبك.
انتبه لجواله ع الطاوله يدق , اخذه وطالع ف الرقم ورد وببرود : نعم؟.
..: نواف بن سلطان؟.
نواف سند ظهره ع الحاجز حق البلكونه وبااستغراب : ايه وصلت , سم ؟
..: ابد بس حبيت اذكرك بكلمه قلتها قبل عشر سنوات تقريبا .
نواف عقد حواجبه " داق عشان يذكرني بكلمه قلتها قبل عشر سنوات ! وش ذي الفضاوه!" : ايش؟
ابتسم بسخريه : " الجوري عروستي انا صح يالجوري؟." تتذكو ايش كان رد الجوري؟.
نواف عض ع شفته بقهر : عمار!
عمار ابتسم : ايه , مارديت تتذكر ايش كان رد الجوري؟.
نواف وهو يطالع ف الشارع تحت وببرود : اتذكر .
عمار : زين اليوم تدري ايش كان؟
نواف بهدوء : لوين تبغى توصل!
عمار اتسعت ابتسامته : يافاهمني , ابد بس حبيت اعلمك ان الجوري اليوم صارت لشخص غيرك وانزفت له ولبست الابيض عشانه , صارت حلال غيرك وعروسة غيرك , صارت حلال عبدالله الـ***** مش نواف بن سلطان , تدري شقد فرحت بالخبر؟ ولا اوصف فرحتي وقتها؟.
نواف ببرود : خلصت؟
عمار والابتسامه مرسومه ع وجهه : ايه
نواف قفل ف وجهه ورمى الجوال بقهر , ضحك بخفه : ياحليله للحين يتذكر الي قلته قبل 10 سنوات ماتوقعت ان كلمتي قهرته لهذي الدرجه .
دخل الغرفه وشاف جاكيت فرو مرمي ع السرير , سحبه واخذ جواله الي كان ع الارض وطلع وجلس يمشي وانتبه لحديقه قريبه منه وراح لها وجلس ع كرسي خشبي , تنهد بضيق يحس انه مو قادر يتحمل الي جالس يصير , يحس بوجع ف قلبه بمجرد تفكيره ف الموضوع , يغار عليها من اهلها فما بالك اذا كان شخص مسمى بـ زوجها؟ ماهو مصدق اصلا يحس ان الناس كلهم يكذبون عليه , ايه كذب , الجوري حبيبته هو !
قطع عليه تفكيره جلوس شخص اجنبي بجانبه : هل تمانع؟
نواف هز راسه بـ لا .
..: انا ادوارد ومد يده
نواف طالع ف يده وصافحه وبصوت اقرب للهمس : نواف .
ادوارد بتفاجئ : لم اكن اتوقع انك عربي!
نواف حس بجواله يدق وطلعه وطالع ف الاسم للحظه وبعدها رجع الجوال ف جيبه .
ادوارد بااستغراب : مابك ؟ لما لا تجيب ؟
نواف ببرود : ليس من شأنك
ادوارد طالعه فيه بااستغراب وسكت , انزعج من جوال نواف الي يدق كل شوي ونواف مطنش مايرد فجأه شاف نواف طلع جواله ورد , انبسط اخيرا بيرتاح شوي من ازعاج جواله
نواف بضيق بان ع صوته : ها ياسر؟
ياسر عقد حواجبه : نواف ؟ شفيه صوتك كذا؟
نواف بهدوء : ولا شيء , شفيك داق؟
ياسر : ولا شيء بس اتطمن.
نواف ابتسم : لا تخاف مافيني شيء .
ياسر بشك : اكيد؟
نواف : رحت؟
ياسر : لا طبعا يخسي اروح زواجه
نواف ابتسم بضيق : دق علي عمار الـ****
ياسر بااستغراب : غريبه شعنده؟
نواف بسخريه : يطقطق علي هو ووجه .
ياسر بقهر : ماعليك منه الـ**** لو فيه ذرة رجوله جاء قالها ف وجهك مو ف الجوال وهو عارف انك ف المانيا وبعيد عنه !
نواف نزل راسه وبغصه : راحت يا ياسر ! ماصارت لي زي ماتمنيت , صارت من نصيب غيري , امنيتي يا ياسر من الطفوله , ماتحققت .
ياسر بضيق : نواف قم صل ركعتين وادعي ربك فيها , ان شاءالله انها خيره يااخوي
نواف بهمس : ونعم بالله
ياسر قال بتغيير للموضوع : ماخلصت علاجك؟
نواف : بكره اخر جلسه
ياسر ابتسم بفرحه : زين الحمدلله
نواف هز راسه : ايه الحمدلله
ياسر : بترجع طيب!
نواف : الا , بس مو دحين
ياسر بااستغراب : ليه؟ مو كنت تقول اول ماتخلص بترجع؟
نواف طالع ف ساعته : الا بس غيرت رأيي , ابغى اشوف كم شغله هنا وافكر بعد افتح فرع لشركة ابوي هنا .
ياسر ابتسم : اها
وكملوا كلامهم عن الشركات وذا .
.
.
.
.
.
-جده-
بعد ساعه؛
انفتح الباب ودخل جراح اخوها وخالها سلمان ؛
الجوري قامت بفرحه : ههلا ههلاا
سلمان طالع ف جراح يستناه يتكلم
الجوري عقدت حواجبها بااستغراب : اشبكم!
جراح عارف انه مايهمها بس يحس مو قادر ينقل خبر زي كذا , جلس ع الكنبه بقلة حيله : مااقدر
سلمان تنهد وقرب من الجوري وحط يده ع راسها وجلس يمسح عليه : جوري حبيبتي انتي عاقله وفاهمه وتعرفين ان كل شيء يصير قضاء وقدر صح؟
الجوري تسارعت دقات قلبها وطالعت فيه بخوف و الي جاء ف بالها " نواف " , سكتت مستنيته يكمل كلامه ؛
سلمان سلم ع راسها وبهمس :
.
.



آخر من قام بالتعديل عزة نفس :$; بتاريخ 02-11-2017 الساعة 03:33 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 02-11-2017, 11:56 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


السلام عليكم
البارت يجنن
عبد الله ممكن طلقها
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 08-11-2017, 03:23 PM
صورة عزة نفس :$ الرمزية
عزة نفس :$ عزة نفس :$ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


-
سبحان الله وبحمده
سبحلن الله العظيم .
سلمان : عظم الله اجرك ف عبدالله .
الجوري بصدمه : ع ع ععبدالله مااتت؟!!!
سلمان هز راسه
الجوري مو مستوعبه او بمعنى اصح تحس يكذب , هي صح ماتحب عبدالله وماتبغاه زوج لها بس عمرها ماتمنت موته !! همست بضيق : لا الله الا الله , الله يرحمه ويغفر له وطالعت ف اخوها : عمتي تدري؟!!
جراح : قبل ماندخل كلمت امي وقلت لها تعلمهم .
الجوري بضيق : الله يصبرها
جراح قام : امين يارب , تعالي بوديك البيت ماينفع تجلسين هنا .
سلمان هز راسه : صح كلامه روحي معه .
الجوري قامت : تمام .
.
.
.
.
.
ننزل تحت ؛
قبل عشر دقايق ؛
العمه ساره بصدمه : جراح من جدك ولا تتبلى ع الولد!!!
جراح : لا والله ياامي ماقلت الا الصدق , تو خالي عبدالله قالي ابلغكم
العمه ساره تنهدت بضيق : لا حول ولا قوة الا بالله الله يرحمه , يلا انا بروح اعلمهم
جراح : زين معالسلامه
العمه ساره قفلت وشافت اختها حنان قريبه : ححنان تععالي
حنان راحت لها : هلا سـ وبصدمه : شفيك تبكين!
العمه ساره مسحت دموعها : اسمعيني الحين روحي للمطربه قولي لها توقف الدق
حنان بصدمه : اشبك شسالفه!
العمه ساره صدت وقالت وهي داخله القاعه : عبدالله ولد اخوك مات .
حنان تجمدت ف مكانها بصدمه !! عبدالله ولد اخوي مات؟ عبدالله الي عرسه اليوم ؟ معقوله صدق!!! يالله !! تماسكت ومسحت الدموع الي تجمعت ف عيونها ودخلت القاعه وراحت للمطربه : لو سمحتي وقفي الدق.
المطربه بااستغراب : ليه ؟ وطالعت ف ساعتها ورجعت تطالع فيها : بقي ساعه !
حنان بضيق : وقفي العريس مات .
المطربه شهقت بصدمه وحطت يدها ع فمها : والعروس !! ياعمري عليها ترملت وهي توها مابدت حياتها !!
حنان : الله يرحمه ويصبرها صدت عنها ونزلت عن الكوشه ؛
عند ام تركي شافت ام جراح قربت منها وراحت لها وبعصبيه : ساره !! اختك ليه تخلي المطربه توقف الدق؟!!
ام جراح بصوت مبحوح : هدي ياام تركي
ام تركي انتبهت لجوالها يدق واخذته وردت : هلا تركي
تركي بصوت باين عليه الضيق الشديد : امي اطلعوا برا
ام تركي بخوف : تركي شفيه صوتك!!
تركي : اطلعي يايمه بنروح المستشفى نشوفه
ام تركي بصدمه : نشوف مين!! تركي حبيبي تكلم قول لي !!!!
تركي والعبره خانقته : راح عبدالله ياامي مات ! بنروح نشوفه نودعه , نسلم عليه للمره الاخيره !!
ام تركي شهقت بقوه وطاحت ع الارض مغشي عليها
ام جراح مسكتها قبل ترتطم ف الارض وبصراخ : سسللممىى !!!
بشاير قربت من امها وصرخت بخوف : يييييمممممممممههههه!!!!!!
شادن اخذت الجوال وبرجفه : تركي! شفيك ؟ ايش قلت لعمتي وخلاها تطيح كذا!!!
تركي : طلعوها انا برا .
شادن عقدت حواجبها بخوف وقلق نبرته متغيره ! باين عليه ماسك نفسه بالقوه عشان مايبكي خافت وارتبكت اكثر : ط ططيب دقيقه رمت الجوال ولفت ع ام جراح : ياام جراح تركي برا يقول طلعوها لي
ام جراح : زين , ععطوني ععبايتها!!
ام الجوري جابت عبايتها وبخوف : شفيها ياساره!!
ام جراح تذكرت الجوري لما شافت امها : عبدالله مات , روحي لبنتك شوفيها !!
ام الجوري شهقت بصدمه : لاا حول ولا قوة الا بالله !! الله يرحمه ويغفر له مشت بسرعه متجهه للدرج المؤدي لغرفة العروسه , دخلت بسرعه وشافت الجوري جالسه تلبس عبايتها وجراح واخوها سلمان عندها وبخوف : جوري!
الجوري طالعت فيها وبسرعه : اممي ععمتي سلمى كيفها؟!!
ام الجوري طالعت ف سلمان وعرفت انو علمها : تركي ولدها علمها وطاحت علينا ودحين بيودونها المستشفى .
الجوري بضيق : الله يصبرها
ام الجوري : امين
جراح باس راسها : اوديك البيت مع الجوري؟
ام الجوري تنهدت بضيق : ايه الله يعافيك .
.
.
.
.
خلال نص ساعه فضت القاعه من الناس ؛
ومستشفى الـ**** امتلى بـ اهل واصحاب عبدالله , ام تركي ف غرفة العنايه المركزه دخلت ف غيبوبه , ابو تركي واقف بلا حول منه ولا قوه ويسمع التعازي ولا يرد ع احد ويردد بهمس : لا حول ولا قوة الا بالله .
تركي جالس ع الكرسي عند العنايه المركزه متضايق بقووهه دموعه تنزل ع خده مو قادر يوقف مو قادر يمسك نفسه ويوقف مع ابوه , انهار لما شاف حالة امه حس ان كل شيء بيروح منه .
بشاير جالسه ع الارض ودموعها تنهمر بغزاره ع خدها , اخوها مات , امها ف غيبوبه محد يدري متى تصحى منها !! , وما يجي ف بالها الا شيء واحد " الجوري السبب ! ف موت عبدالله ودخول امي للعنايه !! " تناست ان كل شيء مقدّر ومكتوب وان مايصيب الشخص الا الي كتبه الله له .
شادن جالسة جنب زوجها وحاطه يدها ع كتفه , مو عارفه شلون تهديه او توقف معه , نطقت بصوت هامس : تركي حبيبي , شافته مارد عليها وماالتفت نزلت دموعها بضيق ع حالته وحطت يدها ع خده ومسحت دموعه وبضيق : تركي قول لا اله الا الله
تركي طالع فيها وحط راسه ع كتفها وباانهيار : امي ياشادن بتروح !!
شادن قربت منه اكثر وحضنته وقاطعته : لا تقول كذا بتقوم بالسلامه ان شاءالله بس انت خلك قوي واوقف مع اهلك , عمي وبشاير يحتاجونك الحين اكثر من اي وقت راح , تماسك حبيبي انت اقوى من كذا واشرت ع غزل الي تطالع ف ابوها وتبكي بخوف : شف غزل كانت ساكته من اول ولما شافتك كذا جلست تبكي خايفه ! الي جالس تسويه ابدا ماينفعهم روح صلي لك ركعتين وادعي لعبدالله بالرحمه ولاامك باانها تقوم بالسلامه
تركي بعد عنها وقام ومشى مبتعد عنهم ؛
غزل راحت لاامها وحضنتها بخوف : ممااماا
شادن مسحت ع شعرها : هاه حبيبتي؟
.
.
.
.
.
بعد شهر ؛
ام تركي ؛ فاقت من غيبوبتها لها اسبوع , لكن فقدت قدرتها ع الكلام .
بشاير ؛ حاقده ع الجوري وبقوه تحس انها السبب ف كل الي صار .
تركي ؛ يحاول يساعد امه ترجع تتكلم بس مافي اي تحسن .
الجوري ؛ زارت ام تركي مره بعد مافاقت لكن بشاير مااستقبلتها لان ف نظرها " تقتل القتيل وتمشي ف جنازته ." , حاسه بتأنيب الضمير مع ان مالها دخل لكن بعد كلام بشاير لها .
نواف ؛ خلص علاجه بعد الحادثه بيوم وماعنده اي شغل ف المانيا زي ماقال لكن مارجع للحين .
.
.
.
.
بيت ابو محمد ؛
الساعه 8:32pm
مها نزلت من غرفتها وشافت امها طالعه وبسرعه : امي وين رايحه؟
ام محمد وهي طالعه : عند ام تركي وخرجت وقفلت الباب ؛
مها بضيق : هفف
محمد من وراها : شفيك انتي؟
مها انتبهت له يكلم : تكلم مين؟
محمد يستغبي : اكلمك انتي
مها اشرت ع جواله : لا ف الجوال
محمد بضحكه : مايخصك
مها ابتسمت وبنص عين : ليالي؟
محمد انتبه لـ ليالي تكلمه وتجاهل مها : هلا ياعين محمد ؟
مها حطت يدها ع قلبها : ااههه يااقللببييي وطالعت فيه وبصراخ : بلا قلة ادب تغزل فيها هناك مو عندي
محمد ضربها ع راسها ونزل تحت : ايه وش تقولين؟
مها كشت ع وجهها وبهمس : مالت ع وجهي لو اني مخطوبه كان اكلم خطيبي دحين ههفف يارب انخخطب بسرعه ولما شافته طالع نزلت تجري وراه : ممممححححممماااااااددد
محمد حط جواله ف جيبه ووقف ولف عليها : هاه؟
مها بوزت وبضيق : وربي طفشانه ياخي
محمد طالع ف ساعته : مشغول وربي مااقدر دحين وطلع
مها طلعت غرفتها وقفلت الباب بالمفتاح وبضيق : اف ليتني اخذت معي مويا ع الاقل دحين مااقدر انزل تحت مره ثانيه , اخذت جوالها ودقت ع ابوها ورد : ابوي متى بتجي؟
ابو محمد : بعد ساعتين , تبغين شيء؟.
مها بضيق : لا بس ف البيت لحالي .
ابو محمد كتم ضحكته : زين قفلي الباب ومحد بيجيك
مها تجمعت الدموع ف عيونها : طيب معالسلامه , قفلت وتربعت ع السرير بخوف .
تخاف تجلس ف البيت لوحدها , تعودت تجلس مع امها اغلب الوقت او اذا امها بتطلع نواف ياخذها معه , تأففت بضيق وهي تعد الوقت وتتمناه يعدي بسرعه .
.
.
.
.
في المستشفى ؛
بشاير نزلت للكوفي الي جنب المستشفى واخذت لها كوب قهوه ورجعت لاامها وشافت ام محمد موجوده وطالعت فيها بحده , دام لها صلة بالجوري ف هي عدوه لها .
ام محمد عارفه بحالتها ف طنشتها ومانطقت بااي شيء .
ام شادن " اخت ام تركي ." : بشاير حبيبي روحي بيتكم مع ابوك ارتاحي انا بجلس مع امك
بشاير : لا بجلس هنا .
.
.
.
.
.
ف بيت ابو الجوري ؛
الساعه 9:31pm؛
الجوري صحت من النوم ودخلت الحمام " يكرم القارئ ." وغسلت وجهها ونزلت تحت ورفعت صوتها بااستغراب من عدم وجود امها : يممااه , شافت ان مافي رد طلعت غرفتها واخذت جوالها ودقت ع امها وبعد رنتين ردت : هلا جوري
الجوري : وينك يمه ؟ دورت عليك مالقيتك
ام الجوري : رحت بيت جدتك
الجوري بملل : اها طيب خلاص
ام الجوري : اشبك؟ تبغين شيء؟
الجوري : لاا خلاص برجع انام اصلا .
ام الجوري تنهدت : طيب
الجوري : يلا معالسلامه وسلمي ع جدتي والي عندك
ام الجوري : يوصل , معالسلامه
الجوري قفلت وحطت جوالها ع الكومدينه بملل جلست ع السرير وهي تحسب كم بقي لعدتها وتنتهي وبتفكير : هي اربع شهور وعشر ايام ودحين مر شهر يعني بقي ثلاث شهور وعشره ايام , تنهدت بضيق : الله يرحمه بس .
.
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 09-11-2017, 12:49 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


السلام عليكم
البارت يجنن
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 09-11-2017, 02:34 AM
صورة عزة نفس :$ الرمزية
عزة نفس :$ عزة نفس :$ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
يعطيك العافية
وعليكم السلام ورحمة الله
اهلاً , يعافيك ربي 💚💚.
أشكر لك تشجيعك وتواجدك الدائم 💚💚.


- اتمنى اي وحده تقرا الروايه تشاركني لو بنقطه عشان اتشجع اكثر :(.
او اذا مو مسجلين ف الموقع تقدرون تكلموني انستا ☹؟
@novel9_

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 09-11-2017, 02:55 AM
صورة عزة نفس :$ الرمزية
عزة نفس :$ عزة نفس :$ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


استغفرالله .
.

الرد باقتباس
إضافة رد
الإشارات المرجعية

رواية أجد بك نعيما يحيي كل جزء قد ذبل بي/بقلمي

الوسوم
مؤلفتِي , الخامِسه , الجّوري , نواف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. أرشيف الروايات المغلقة - لعدم إكتمالها 53 02-01-2018 11:22 PM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 02:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1