غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 30-11-2017, 08:31 PM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


-
سبحان الله وبحمده .
سبحان الله العظيم .
.
.
.
.
.
نواف دخل جواله ف جيبه ورفع راسه وبجمود : ارفض ووقف متجه للخارج
ابو عبدالمجيد صرخ بعصبيه وقهر : بنتي مو لعبه عندك يانواف!!!!
نواف تجاهله وطلع ودق ع امه : يمه اطلعي انتي وخالتي ومها .
ام محمد بااستغراب : طيب شفيكم نسمع صراخ!
نواف : معليك بس اطلعوا انتوا
ام محمد : طيب وقفلت .
دقيقتين وهم برا عند نواف ؛
نواف لما شافهم دخلوا مشى مبتعد عن بيت عمه , للحين مو مستوعب ! الجوري مطلقه؟!! يقدر يخطبها وتصير له وحلاله !!
ام محمد باانزعاج : نواف ياولدي علمني مطلعني من عند الناس كذا ليه؟
نواف تنهد براحه : جابوا المملك يبغوني املك عليها ورفضت
مها نطت وبحماس : مابتتزوج غغزل!!!!
نواف طالع فيها وابتسم : لا
مها بفرحه : امماا عاد والله انها من اول مو داخله مزاجي البنت هذي وبغت تجيني جلطه يوم عرفت انك بتتزوجها بس كويس غيرت رأيك
ام محمد عقدت حواجبها : ليه رفضت؟
نواف طالع ف المرايا وطاحت عينه ع عين خالته وابتسم بخفه : ولا شيء بعدين تعرفون .
ام محمد لما شافت ابتسامته تنهدت : الله يهديك ويحقق لك الي تتمناه
نواف بهمس : امين يارب ووقف السياره قدام بيت خالته : يلا ياخاله وصلنا
ام الجوري : يعطيك العافيه حبيبي وطلعت : يلا استودعتكم الله
نواف ابتسم : الله يعافيك
ام محمد : دلال سلمي ع الجوري .
ام الجوري ابتسمت : يوصل وقفلت الباب وراحت لبيتها
نواف جلس ينتظرها تدخل واول مادخلت وقفلت الباب مشى لبيتهم ؛
مها طالعت ف نواف بنص عين : ننوواافف!!
نواف وعينه ع الطريق : ها
مها : فيه وحده ف بالك عشان كذا رفضت غزل صح؟
نواف طالع فيها بطرف عينه ورجع يطالع ف الطريق ومارد
مها بنفس النبره : وههذي الي ف بالك هيي اقوول؟!!
نواف مارد
مها بملل : اهم شيء اني عرفت ان ف بالك وحده
نواف طلع جواله وشغله وانصدم من كمية الاتصالات والرسايل : اح
مها قربت منه وبلقافه : ايش؟
نواف لف الجوال ع جهتها
مها : ااووللهه والله لو انك مسوي ايش !!
نواف دق ع محمد الي كانت اغلب الاتصالات منه :
محمد رد ع طول : ننواف وينك!!!
نواف : تو وصلت خالتي وشوفني دحين عند البيت , خير ايش فيه ؟
محمد ابتسم بسخريه : خير هاه , وبجديه : اسمع ترا ابوي معصب عليك اذا شفته اعتذر منه ووضح له اسبابك
نواف : طيب وينكم انتوا ؟
محمد : انا راجع البيت وابوي لسا هناك
نواف بااستغراب : شعنده
محمد : مدري , وبضحكه : والله يانواف ماتوقعت الحركه هذي تجي منك ااببد
نواف وقف السياره قدام البيت واشر لاامه ومها ينزلون ونزل وراهم وقفل السياره : ياشيخ قسم بالله لما قريت كلام ياسر ماحسيت بنفسي بعدها 😂
محمد بااستغراب : ايش قالك ؟
نواف ابتسم ع الطاري : بعدين اقولك يلا تعال البيت لا تتأخر
محمد : اوكي وقفل ف وجهه
نواف حط جواله ف جيبه ودخل بيتهم وجلس ع الكنبه وتمدد عليها وتنهد براحه : الحمدلله
مها اول ماشافت امها راحت تكلمت : نواف انت تحب الجوري؟!
نواف طالع فيها وابتسم بدون شعور : مين قالك ؟
مها بفرحه : والله تححببههاا ححتى ششوفف ابتتسمتت بااين تححبها والله !!!
نواف ضحك : طيب انا ماانكرت وقلت لا , سكت شوي وطالع فيها وكمل كلامه وبجديه : مها الجوري جد مطلقه؟
مها : ايه طالعت فيه وبصدمه : لا يكون مابتتزوجها عشان كذا!
نواف طالع فيها بنص عين : ايش شايفتني؟
مها : كفو ههذا اخوي الي اعرفه وجلست ع الكنبه القريبه من نواف : تخيل ذا ولد عمها يوم زواجهم قبل الزفه مات ف حادث طيـ
نواف بصدمه : ممتى مات!!
مها حطت يدها ع راسها : ياربي يانواف وين عايش انت !
نواف عدل جلسته وطالع فيها بااهتمام : كملي
مها : وبعد شهرين من موته ابوه راح بيت خالتي واعطى زوج خالتي ورقة طلاق الجوري
نواف طالع فيها وبسخريه : تطقطقين علي انتي!
مها بصدق : لا والله ماقلت الا الي قالته لي الجوري بنفسها
نواف بملل : طيب كيف صار طلاقها وهو الرجال ميت من قبل الزفه ع قولتك؟
مها : مدري الجوري تقول ان التاريخ الي ف الورقه حقت الطلاق نفس تاريخ الزواج يعني شكله طلقها من قبل مايروحون القاعه وذا , شفت لما جيت انت وكنا ف بيت جدتي؟ اليوم الي قبله هي وصلتها ورقة الطلاق
نواف بتفكير : اها , وطالع ف مها : روحي شوفي امي وينها
مها : تبغاها ؟
نواف بملل : لا ابغى افكر ممكن تنقلعين؟
مها حطت يدها ع جبهتها : اح طيب بروح مالت عليك وعلى الي يحكي لك
نواف كتم ضحكته : طيب انقلعي بس
مها طنشته وطلعت لغرفه امها وابوها وشافت امها تصلي الوتر قفلت الباب وراحت غرفتها
.
.
.
.
.
ف بيت ابو الجوري ؛
ام الجوري دخلت وطلعت لغرفه الجوري وشافتها نايمه وجنبها اللاب توب , قفلت اللاب وحطته ع المكتب حقها ولحفتها وطلعت
.
.
.
.
بعد يومين ؛
السبت , الساعه 7:52pm ؛
الجوري حطت كوب قهوتها ع الطاوله ورجعت تطالع ف الاوراق الي قدامها : ايه سمعت ابوي يقوله بس مدري عاد
ساره ابتسمت وبحماس : المهم ماعلينا , بنت خالتي بتفتح معرض للرسم وتعرض فيه رسوماتها وذا , شرايكم نروحه؟!
ريناد وهي تلعب بخصلات شعرها : مايستهويني الرسم صراحه مااحس بستمتع لو رحت .
الجوري رفعت راسها وبحماس : ساارهه متتى ؟!!
ساره عقدت حواجبها بشك : اليوم السبت؟ الظاهر هو الاحد او الثلاثاء مدري ناسيه والله اسألها واقولك
الجوري حطت الاوراق ف الملف : تمام حطت الملف ع الطاوله ووقفت
ريناد طالعت فيها : وين؟
الجوري : بروح اعدل طرحتي
ريناد : زين لا تطولين
الجوري هزت راسها وراحت الحمامات " يكرم القارئ ." ونزلت نقابها ونزلت الطرحه ع كتفها وغسلت وجهها بمويا بارده ونشفته بمنديل وبعدها لفت الطرحه وعدلتها وطلعت بعد ما تنقبت .
الجوري طالعت ف ريناد بااستغراب بعد ماشافتها لوحدها بدون ساره : ريناد وين ساره ؟!
ريناد : راحت تقول عندها كم شغله تبغى تخلصها قبل معرض بنت خالتها
الجوري : اهاا
ريناد وهي تلعب بااظافرها : تدرين
الجوري بملل : لا ماادري علميني ؟
ريناد طالعت فيها بنص عين وبقهر : انقلعي مب قايله لك
الجوري ضحكت : تعالي امزح قولي
ريناد قامت : مافي وطلعت ؛
الجوري لحقتها بعد ماحاسبت وشافتها عند الباب : هيه ريناد اسمعي
ريناد : هلا
الجوري بضحكه : قولي اخر مره يلا عاد ؟
ريناد : مافي ودق جوالها وشافت الرقم وطالعت ف الجوري : تجين معي اوصلك ؟
الجوري انتبهت لكلام بنات خالاتها ف القروب وردت عليهم : مع مين بتروحين ؟
ريناد : ياسر اخوي
الجوري رفعت راسها وطالعت فيها : لا ما
ريناد قاطعتها : يلا عاد تعالي؟!
الجوري ضحكت : لا روحي انتي انا بروح اشتري لاامي عطر وصتني عليه من الماجد وبعدها برجع ع بيت جدتي
ريناد : اوكي بكيفك وطلعت وركبت مع اخوها ؛
الجوري راحت للماجد للعود ودقت ع امها وبعد ماسمعت صوتها تكلمت : امي فيه لونين من الي تبغينه , اي واحد؟ .. اوكي واشرت للرجال ع الي تبغاه امها .. دقيقه امي اطلع من المحل واكلمك وقفلت واخذت العطر الي تبغاه وحاسبت عليه وطلعت ورجعت دقت ع امها :
ام الجوري : هلا
الجوري : امي تبغين شيء ثاني اجيبه لك قبل مااطلع ؟
ام الجوري : لا تعالي بيت جدتك بس
الجوري : طيب خلي اكرم " السواق حقهم ." يجي لي
ام الجوري : والله اكرم مع ابوك لكن بشوفلك احد يجيبك
الجوري : لا خلاص بكلم اوبـ
ام الجوري قاطعتها : لا انا بتصرف
الجوري : طيب ولما شافت امها قفلت رجعت جوالها ف شنطتها وشافت ستاربكس قريب منها وراحت له وطلبت هوت تشوكلت وجلست وانتبهت لجوالها يدق وردت : هلا امي
ام الجوري : شوي ويجيك ولد خالك
الجوري : الله يهديك ياامي ماله داعي
ام الجوري : وشو يعني اخليك ف السوق لحالك كذا؟
الجوري : لا طبعا بس انا قايله لك بطلب اوبر
ام الجوري بتسليك : طيب ترا سيارة ولد خالك حمراء ولوحتها ****
الجوري : ايش نوعها ؟
ام الجوري عقدت حواجبها : تشالجر يمكن
الجوري : ايه تشارجر , ذا ريان الي بيجي؟
ام الجوري : ايه
الجوري : خلاص اعرف سيارته , اذا جاء دقي علي وعلميني هو عند اي بوابه
ام الجوري : طيب يلا مع السلامه وقفلت
الجوري فتحت السناب وصورت صوره وعدلت عليها وبعدها نزلتها .
انتبهت لوحده كانت معها ف الثانوي ارسلت لها؛
دانيا :" الله الله اموتت انا ع الاحتراف ماشاءالله 😩💙💙."
الجوري ابتسمت تلقائياً :" ياععمري انا والله تسلمين ❤❤🙁."
اول ماارسلت لها جاها اتصال من امها وردت : هاه جاء؟
ام الجوري : ايه , يقولك هو عند بوابه 4
الجوري : طيب يلا رايحه له
ام الجوري : معالسلامه وقفلت
الجوري قامت وطلعت متجهه للبوابه واول ماطلعت شافت سيارته وراحت له وركبت ورا وبهمس : السلام عليكم
ريان : وعليكم السلام وفتح جواله ع مباراة برشا واتليتكو مدريد وثبت الجوال بطريقه يقدر يشوف منها
الجوري طالعت فيه بضحكه " ماكذبت رنا والله ! مجنون كوره من جد " وطلعت جوالها وجلست تسولف مع ريناد ؛
بعد ماوصلوا؛
الجوري : يعطيك العافيه ونزلت .
ريان : الله يعافيك
طلع نواف من الفيلا وشاف ريان واقف , والجوري تو دخلت معقوله كانت معه!! ركب سيارته وهو يحاول يتناسى الموضوع او يتجاهله ع الاقل .
.
.
.
.
الجوري دخلت ونزلت عبايتها وعلقتها وسمعت صوتهم ف المجلس وراحت لهم : السلام عليكم وسلمت ع الكل وبعدها جلست جنب امها وباست راسها ومدت لها الكيس : شوفي يمه هذا هو الي تبينه؟
ام الجوري نزلت العطر وابتسمت : ايوه حبيبتي تسلمين
الجوري ابتسمت : الله يسلمك
مها بحماس : ججوري ججوري ححزري مينن جاء اليوم!!
الجوري عقدت حواجبها : مين ؟
مها : حزري اقولك
الجوري طالعت ف امها ورجعت تطالع ف مها وعقدت حواجبها بتفكير سكتت شوي ونطقت بفرحه : خخالتتي نججلاء؟!!
مها ضحكت : صحح خالتي نجلاء
الجوري قامت بفرحه : وينها وينها بسلم عليها وححشتني
غدير دخلت وشافت الجوري وابتسمت : ههلا هلا وسلمت عليها : عمتي نامت ترا
الجوري بخيبه امل : اما عاد ؟ متى نامت ؟
غدير : توها بس باين تعبانه مرره ياعمري هي
الجوري طالعت ف امها : خلاص اجل بنام هنا طيب؟
ام الجوري : بكيفك
مها بحماس : ححتى اننا بننام ههنا وطالعت ف امها : مالي دخل قررت ترا
ام محمد طالعت فيها بنص عين : والله؟
مها : ايه
الجده طالعت ف الجوري ومها : لااشوف ولا وحده تنام عندي ابغى اخذ راحتي مع بنتي
الجوري : اففاا يمه بعتينا !!
مها بقهر. : ليهه ياججده تحمست حرام ععليك!
الجده كتمت ضحكتها : وصلكم العلم ولا وحده تجلس هنا
الجوري بوزت : ماش زعلت
الجده : احسن ازعلي
مها ضحكت : اف اف جببههتتك وينن
الجوري طالعت ف الجده وهي مبوزه : شوفي يمه تضحك علي يرضيك!! يرضيك يايمه انا بنتك تضحكين علي العذال؟!!
الجده طالعت ف مها بنص عين : تضحكين هاه؟ وطالعت ف الجوري : برضو مافي
الجوري ضحكت : خساره توقعت تنفع 😂
مها ضحكت بقوه : تتتسستااههلينن اجل انا العذال هاه ؟ تستاهلين احححسنن
الجوري ضحكت : عادي عادي يازين بيت امي وابوي يجنن
الجده لفت ع بناتها : كلموا محمد " ابو ماجد " يجهز المزرعه بنروح لها
الجوري شهقت وبحماس : ييممممههه احححللففيي قوولليي والله !!!!
رنا بحماس : اااامممماااا ععاد!!!!
غدير بحماس مبالغ فيه واستهبال حطت يدها ع وجهها : له له له شنو ههذا شننو ههذا الجمال وطالعت ف جدتها : من صجك ياام محمد وجدة غدير الححلوه؟!! " تقصد نفسها بالحلوه "
مها ضحكت : خخفي ععلينا
الجده طالعت ف غدير وقالت تاخذها ع قد عقلها : ايه من صجي ياحفيدتي غدير الحلوه
غدير ضحكت وبما انها جنب جدتها حضنتها من الجنب : وهه يازينك ياجده والله اني احبك
الجوري بوزت : انا حاسه من اول ان فيه احد ماخذ قلب جدتي ومغيرها علي , اعترفي يالنونو شمسويه ف جدتي؟
مها حطت يدها ع رقبتها من الخلف وبتأييد : والله صراحه حتى انا زعلت ياجده ولفت ع امها : يلا نلف عفشنا ونرجع الجنوب ماش مايحبونا هنا
الجوري ع ان كلام مها مزح لكن حست بخوف لو صدق مابتشوفه بعد كذا الا نادر نادر مره
الجده : روحي لحالك خلي بنتي هنا
مها طالعت ف امها : امي ماتخليني تجين معي الجنوب صح ؟ وغمزت لاامها
ام محمد كتمت ضحكتها : لا بجلس عند امي
مها حطت يدها ع جبهتها : اف يممه مو كذا قدام الناس طيب
الجوري ضحكت بقوه : احححسنن تستاههلينن
مها طالعت فيها بقهر : اص مايضحك
رنا بضحكه : الا يضحك اضحكي جوري خذي راحتك
غدير تثاوبت : ودي اضحك بس احس مافيني
ام الجوري ابتسمت بحنيه : روحي نامي حبيبتي
غدير حطت راسها ع رجل جدتها : لا بجلس شوي معكم
مها : واضح بتجلسين معنا دامك انسدحتي
غدير وهي غصب تفتح عيونها من النوم : ايه مابنام
ام محمد دق جوالها وردت : هلا نواف
الجوري طالعت ف خالتها لثانيه وبعدها نزلت عينها لجوالها
ام محمد طالعت ف ساعة يدها : طيب يلا جايين وقفلت وطالعت ف مها : يلا مها اخوك برا
الجده : وين يانوره لسا بدري!
ام محمد : نواف بيطلع وخلاص مره وحده نرجع معه
الجده : الله يحفظكم
مها بوزت وبملل : ليييههه !! مين يرجع دحين لسا الساعه 10!!
ام محمد وهي تلبس عبايتها : اطلعي ساكته بس لا تأخرين اخوك
مها قامت وهي تتحلطم : كريه ولدك ذا
ام محمد طالعت فيها بحده : كم مره اقولك احترمي اخوانك ؟ اطلعي اطلعي بس
مها طلعت بعد مالبست عبايتها وتغطت
ام الجوري : خليها تجلس يانوره
ام محمد : لا ترفع ضغط امي بعدين , يلا فمان الله وطلعت
.
.
.
.
.
عند نواف ؛
دخلت مها وقفلت الباب بقوه ؛
جلست وهي تستنى نواف يتكلم ويخاصمها رفعت راسها بااستغراب بعد ماشافت ماتكلم : اشبك ؟
نواف طالع فيها وعقد حواجبه : هاه ؟ متى جيتي؟
مها طالعت فيه بنص عين وابتسمت بخبث : تفكر فيها ؟!!
نواف طنشها : وين امي؟
مها : شف جات
ام محمد دخلت : السلام عليكم
نواف : وعليكم السلام
مها بملل : يمه ليه نطلع دحين طفش!!
ام محمد : خلاص عاد من الظهر واحنا هناك!
مها بوزت وقالت متعمده تبغى تشوف ردة فعله : بس الجوري تو جات ماسولفت معها زين
نواف عقد حواجبه وسرح بفكره " وين كانت ! وليه جات مع ريان !!! من وقت ماشافهم وهو جالس يفكر ف الموضوع ذا , يمكن ماكان عندها احد يوصلها؟ تنهد بضيق مو عارف ايش سببهم وليه كانوا مع بعض بس يحس بضيق يحس انو كاره ريان بشكل فضيع , معقوله يكونون يكلمون بعض ؟ عض ع شفته بقهر من طاري الموضوع ذا ولف ع امه يبغى يسولف عن اي شيء اهم شيء مايفكر فيها : كيف خالتي نجلاء ؟
ام محمد ابتسمت : بخير تسلم عليك
.
.
.
.
" نجلاء - 28 سنه - متزوجه من 4 سنوات .
.
.
.
يتبع؛؛
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 30-11-2017, 08:34 PM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اهلاً , اعتذر طولت بس كنت مضغوطه شويتين ف المدرسه 🤦🏻‍♀💔💔.
نزلت بارت دحين , وعندي جزئيه بكملها وبنزلها اليوم بإذن الله ❤❤!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 30-11-2017, 08:36 PM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اقتباس:
المشاركة الأساسية كتبها hmooosa مشاهدة المشاركة
لااااااااااااااااااااااا
حرام عليك ليه وقفتي وش يصبرني الآن

ووووووووه أحداث مثل قنابل متفجرة

بانتظارك لاتطولين😙
اعتذر تأخرت شوي 🤦🏻‍♀💔!
اتمنى يعجبك البارت , انتظر ردك وتعليقك عليه ❤❤.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 30-11-2017, 08:38 PM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اقتباس:
المشاركة الأساسية كتبها غرشوبه نعيميه مشاهدة المشاركة
السلام عليكم
روايتج روعه وان شاء الله اكون من متابعينج
ان شاء الله نواف مايملك
ويتزوج الجوري

سلام،،،،،،،
وعليكم السلام , اهلاً ياحلوه ❤❤.
نورتيني والله , نزلت بارت تو اتمنى يعجبك , انتظر ردك ❤❤.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 01-12-2017, 04:24 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


السلام عليكم
البارت يجنن
نواف احسن ماملك ومتى بيتحرك يخطب الجورى
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 01-12-2017, 02:25 PM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
نواف احسن ماملك ومتى بيتحرك يخطب الجورى
يعطيك العافية
وعليكم السلام , اهلاً ❤❤.
الله يعافيك ياعيني , اسعدني مرورك نورتِ ❤❤.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 01-12-2017, 02:39 PM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


-
سبحان الله وبحمده
سبحان الله العظيم
اليوم الي بعده ؛
الساعه 9:21AM
الردسي مول ؛
نجلاء قفلت جوالها : هيا جوري السياره السوداء
الجوري راحت معها : زوجك ذا الي كلمتيه؟
نجلاء : لا
الجوري عقدت حواجبها بااستغراب : مين اجل؟
نجلاء قربت من السياره : نواف , فتحت الباب الي قدام وركبت
الجوري تصلبت ف مكانها بااحراج وتوتر
نجلاء فتحت القزاز : هيا جوري!
الجوري رجعت ع ورا : لا تذكرت شيء نسيت مااخذته
نجلاء بضحكه : تعالي بس
الجوري طالعت ف خالتها بقهر وركبت وراها
نجلاء قفلت القزاز ولفت ع نواف : هيه نواف
نواف لف عليها : هلا
نجلاء عقدت حواجبها : شفيك ؟
نواف ابتسم ولف يطالع ف الطريق : ولا شيء معليك , كيفك انتي وعبدالرحمن؟
نجلاء : الحمدلله , يسلم عليك
نواف : الله يسلمك ويسلمه طالع ف المرايا وجت عينه عليها وابتسم بخفه
نجلاء لاحظت ابتسامته وابتسمت : نواف شرايك
نواف طالع فيها ورجع يطالع ف طريقه : ايش؟
نجلاء اتسعت ابتسامتها : اقول شرايك تتزوج الجوري , احس تناسبـ ... احح يا***** خالتك انا!!
الجوري حطت يدها ع وجهها بااحراج " اف اف ياربي وش ذي الخاله "
نواف ضحك بقوه وطالع ف الجوري الي حاطه يدها ع وجهها بااحراج وبعدها طالع ف خالته وبضحكه : مااقول لا
نجلاء بفرحه : ججد ؟!!
نواف هز راسه وابتسم : ايه
نجلاء لفت ع الجوري : وانتي؟
الجوري طالعت ف خالتها ورمشت بسرعه بتوتر ولفت وجهها جهة القزاز , تحس مو مستوعبه الي تسويه خالتها وهو ؟ ردة فعله غريبه ! كيف يقول ايه وهو خاطب؟ كيف يقول ايه وهو مايحبها " مااحبك , ولا افكر ارتبط فيك حتى , ولا بعقلك انا نواف اخذ وحده زيك ؟." للمره المليون تتردد جملته هذي ف بالها , عضت ع شفتها بضيق , فاقت من سرحانها ع صوت نجلاء : هيا جوري !!
الجوري طالعت فيها وفتحت الباب وطلعت ولما شافت خالتها بعيده نطقت بصوت اقرب للهمس : اكرهك قفلت الباب بهدوء ومشت متجهه لبيت جدها ؛
اتسعت حدقة عينه بصدمه , تكرهه ؟!!ابتسم بسخريه اكيد رداً ع كلامه قبل 6 شهور , تنهد بضيق وبهمس : الله يصلح الحال وحرك سيارته مبتعد عن بيت جده ؛
.
.
.
ف بيت الجد ؛
الجوري شافت جدتها جالسه ف الحديقه وراحت لها وسلمت ع راسها : كيفك يمه؟
الجده ابتسمت : الحمدلله وانتي كيفك يابنتي؟
الجوري هزت راسها : الحمدلله
الجده عقدت حواجبها : شفيه وجهك كذا ؟ متضايقه من ايش؟
الجوري سلمت ع راسها : ولا شيء يالغاليه لا تشيلين هم
.
.
.
.
الساعه 8:42pm
وهي تكلم بجوالها : متى بتجين ؟ .. ايه كلمت ريناد تقول لا .. اكيد ؟ .. خلاص استناك .. عندك اللوكيشن ولا ارسله ؟ .. اوكي تمام .. معالسلامه وقفلت
.
.
بعد نص ساعه ؛
طيف : ساره تعالي بعرفك ع صحباتي
ساره التفتت ع بنت خالتها وابتسمت : وينهم ؟
طيف مسكت يدها : تعالي معي وودتها عند صحباتها وباابتسامه : بنات هذي بنت خالتي الي احكيكم عنها دايما
ساره ابتسمت : اهلين انا ساره
ياسمين ابتسمت بمرح : هلا هلا اخيرا شفناك ! انا ياسمين ومدت يدها وصافحتها
وداد ابتسمت بهدوء ومدت يدها صافحتها : هلا انا وداد
ساره باابتسامه : تشرفت فيكم والله
ياسمين + وداد : الشرف لنا
ياسمين لـ طيف : وريني اخر رسمة الي تقولين بمناسبة المعرض ابغى اشوفها متحمسه لها مررهه
طيف ابتسمت بفرحه : تعالي اوريك
ساره انسحبت بهدوء وراحت بعيد عنهم وهي تتفرج ع اللوحات بااعجاب , سمعت جوالها يدق وطلعته وردت : هلا جوري وصلتي؟
..: السلام عليكم , تعرفين الاخت الجوري عبدالله؟
ساره وقفت مكانها بتوتر : وعليكم السلام ايه اعرفها صاحبتي ايش فيها؟!
..: صار لها حادث ف حي الـ**** ونقلناها لمستشفى الـ***** وصلي الخبر لااهلها وقفل الخط .
ساره تجمعت الدموع ف عيونها مو مستوعبه تو كلمتها قبل ساعه بالضبط !! طلعت من المعرض وشافت سيارة سواقها وركبت معه وقالت وعينها ع الجوال تدور ع رقم ام الجوري : كومار روح مستشفى الـ***** بسرعه , وبعد مالقيت الرقم دقت ؛
ام الجوري : هلا ساره
ساره بتوتر مو عارفه كيف تنقل لها الخبر : خاله تعالي مستشفى الـ***** انتي وعمي عبدالله
ام الجوري وقفت وبخوف : الجوري ايش فيها؟!!
ساره نزلت دموعها : مدري دقوا علي المستشفى ويقولون انو صارلها حادث وعلمي اهلها
ام الجوري توسعت عيونها بصدمه وطاحت ع الارض بقلة حيله
ساره سمعت صوت الطيحه وشهقت بخوف : خخاله !! خخاله دلال!!! خخخخااللهه ددلااالل!!!
.
.
.
.
.
ف بيت الجد ؛
مها دخلت بعد امها وقفلت الباب واستغربت صمت امها المفاجئ لفت ع امها وبااستغراب : يمه شفيـ وانتبهت لخالتها الي طايحه ع الارض والجوال جنبها وشهقت بصدمه
ام محمد راحت لها وبخوف وهي تهزها : دلال !! قومي يادلال شفيك كذا !! وبخوف اكبر بعد ماشافتها مااستجابت : ددلاال!! لفت ع مها وبشبه صراخ : الحقي اخوك لا يروح!! خليه يجي بسرعه
مها اخذت جوالها ودقت ع نواف بسرعه واول مارد : ننواف ارججعع خخالتي طايحه وماترد علينا !!
نواف توسعت عيونه بصدمه : اايش تقولينن انتي!!
مها بصراخ : تععال بسرععهه وقفلت وفتحت له الباب
نواف حمد ربه انو مابعد عن البيت كثير ورجع بسرعه وشاف الباب مفتوح ودخل
بسرعه وقرب من خالته : وخري يمه وشاف النبض وارتاح : الحمدلله , لف ع مها : جيبي عطر ومنديل بسرعه
مها طلعت العطر من شنطتها واعطته منديل
نواف بخ شوي من العطر ع المنديل وحطه عند خشمها , ابتسم براحه بعد ماشافها فتحت عيونها
ام محمد تنهدت براحه : الله يهديك يادلال خوفتينا ايش فيك ؟
ام الجوري طالعت فيهم وتذكرت الي صار ونزلت دموعها بخوف ع بنتها : الجوري يانوره صار لها حادث وشالوها المستشفى !
ام محمد توسعت عيونها وبخوف : كيفها دحين ؟!!
ام الجوري والخوف مقطع قلبها : مدري يانوره مدري
نواف عقد حواجبه : ف اي مستشفى ياخاله؟
ام الجوري عقدت حواجبها تحاول تتذكر بس ماقدرت , مجرد ماعرفت انها ف المستشفى ماقدرت تركز ع شيء : مدري واخذت جوالها ودقت ع ساره : صاحبتها علمتني بس ماقدرت اركز
ساره ردت : الو خاله ؟
ام الجوري حطت الجوال ع اذنها وببحه : هلا حبيبتي , الجوري ف اي مستشفى تقولين؟
ساره : مستشفى الـ *****
ام الجوري : تمام حبيبتي يعطيك العافيه , وقفلت ورفعت راسها وطالعت ف نواف : مستشفى الـ*****
نواف وقف ولف بيطلع : اوكي
ام الجوري وقفت بسرعه : بتروح المستشفى؟!!
نواف لف ع خالته : ايه
ام الجوري : ججايه معك انتظرني
نواف : اوكي
ام الجوري دخلت جوا واخذت عبايتها وطلعت وهي متغطيه : يلا وطلعت معاه وراحوا للمستشفى ؛
مها لفت ع امها : ليه مارحتي يمه؟
ام محمد وهي داخله جوا : ان شاءالله انها بخير , شوي وبدق ع دلال وتطمنّي , ولفت ع مها : اص لحد يدري ترفعين ضغط جدتك دحين ولا تجلطينها
مها هزت راسها : طيب
.
.
.
.
.
عند نواف وام الجوري ؛
وقف سيارته قدام المستشفى ودخلوا بسرعه وسأل الرسبشن : الجوري عبدالله الـ****** وين؟!!
الموظفه : دقيقه اشوفلك .. ف غرفه 237 الدور الرابع .
نواف : اوكي شكرا وبعد عنها ولف ع خالته : يلا ياخاله وحط يده ع كتف خالته ودخلوا المصعد وضغط ع الدور الرابع , اول ماانفتح المصعد طلعوا منه بسرعه وشاف دكتور واقف ع جنب وراح له : لو سمحت دكتور
الدكتور لف عليه : هلا
نواف : غرفه 237 وين ؟!
الدكتور اشر ع الجهة اليمين : اخر غرفة ع يدك اليسار
نواف ابتسم بتسليك : شكرا ومشى بسرعه يبغى يوصل ويطمن قلبه يبغى يتأكد ويشوف حالتها كيف , وقف عند غرفه وطالع ف الرقم "237" التفت ع خالته باابتسامه : هنا
ام الجوري تقدمت وفتحت الباب ودخلت وشافت بنتها وحيدتها ع السرير الابيض بلا حول منها ولا قوه وصاحبتها ساره جالسه قدامها ع كرسي , قربت منها وهي عاقده حواجبها بخوف ؛
ساره اول ماشافت ام الجوري ابتسمت تهديها : لا تخافين ياخاله مافيها شيء الحمدلله
ام الجوري وهي تطالع ف رجل بنتها المجبسه : ايش قال الدكتور ؟
ساره وعينها ع الجوري : يقول عندها كسر ف رجلها اليمين والباقي جروح طفيفه عادي يعني
ام الجوري تنهدت بضيق : الحمدلله جات ع كذا
ساره هزت راسها : الحمدلله
ام الجوري تذكرت نواف وطلعت له ؛
نواف كان ساند ظهره ع الجدار وف يده جواله يطقطق عليه , اول ماحس بخالته رفع راسه بلهفه : بشري ياخاله كيفها؟
ام الجوري : الحمدلله مابها شيء , انكسرت رجلها وجبسوها ونايمه دحين
نواف ابتسم براحه : الحمدلله ع سلامتها ماتشوف شر ان شاءالله
ام الجوري جلست ع الكرسي بتعب : الله يسلمك
نواف باابتسامه : تبغين اجيب لك شيء تشربينه؟
ام الجوري طالعت فيه وابتسمت : لا حبيبي تسلم
نواف : يلا ياخاله تراني كذا ولا كذا رايح ايش تبغيني اجيبلك؟
ام الجوري تنهدت : مدري ع مين طالع عنيد كذا , قهوه ساده
نواف ابتسم واشر ع عيونه : ابشري وراح لغرفة الدكتور المشرف ع حالة الجوري
ام الجوري دخلت وشافت ساره طالعه ؛
ساره وهي تربط نقابها : خالتي انا رايحه تبغين شيء؟ امي دقت علي ومضطره ارجع ولا انا ودي اقعد عند الجوري والله :(
ام الجوري : لا حبيبتي جزاك الله خير ماقصرتي , سلمي ع امك
ساره : شدعوه ياخاله الجوري اختي وبكره جايه بعد ان شاءالله من بدري مع ريناد
ام الجوري ابتسمت : الله يخليكم لبعض
ساره ابتسمت : امين يارب ويخليها لك , دق جوالها وشافت الاسم وردت : هلا طيف .. اي طلعت .. بعدين اكلمك جوالي بيطفي وانا برا .. معالسلامه قفلت وحطت الجوال ف شنطتها : يلا خاله معالسلامه
ام الجوري : الله يحفظك يابنتي
طلعت ساره , وتذكرت ام الجوري انها ماقالت لاابوها طلعت جوالها ودقت عليه وبعد رنتين رد ؛
ابو الجوري : هلا
ام الجوري جلست جنب بنتها : السلام عليكم
ابو الجوري : وعليكم السلام
ام الجوري : مشغول ياعبدالله؟
ابو الجوري استغرب : لا سمي
ام الجوري : الجوري تعبانه ووديناها المستشفى
ابو الجوري بخوف : ايش فيها؟!!
ام الجوري ماودها تخوفه اكثر : مافيها الا العافيه بس تعبانه شوي
ابو الجوري : اي مستشفى؟
ام الجوري : الـ***** , غرفة 237 ف الدور الرابع
ابو الجوري : طيب جاي , يلا فمان الله
ام الجوري : معالسلامه وقفلت .
.
.
.
راح للدكتور المشرف ع حالتها ودق الباب ودخل بعد ماسمع صوته : السلام عليكم
الدكتور : وعليكم السلام
نواف : انت المشرف ع حالة الجوري عبدالله الـ***** صح ؟
الدكتور هز راسه : ايه
نواف : طيب حاب اسألك عن حالتها
الدكتور وعينه ع الاوراق يتصفحها : بصفتك مين ؟
نواف رفع حاجب : ولد خالتها
الدكتور طالع فيه بحده : تفضل مالك حق تسأل , البنت بخير هذا الي اقدر اقوله لك
نواف طالع فيه بنفس نظرته : يعني اخلي خالتي تجي تسألك ولا كيف؟
الدكتور : ابوها وينه؟
نواف جت عينه ع ستاند ع المكتب عليه اسم الدكتور عقد حواجبه : سليمان الـ**** ؟! صاحب محمد انت ؟
د.سليمان : محمد مين ؟
نواف : محمد الـ*****
د.سليمان ابتسم ع طاري صاحبه : ايه
نواف طالع فيه بنظره غريبه : اها
د.سليمان : تفضل لو سمحت مو فاضي لك
نواف : مابتقول لي شفيها يعني؟
د.سليمان بملل : لا
نواف : اوكي اعطاه ظهره وطلع وخلى الباب مفتوح
د.سليمان طالع ف نواف بقهر وقام قفل الباب
نواف راح لمحل كوفي جنب المستشفى وطلب قهوه ساده لخالته وطلع وشاف محل عصيرات طبيعيه ودخل : عصير برتقال لو سمحت
الموظف اعطاه : الحساب 9 ريال
نواف اخذ العصير وحط الفلوس ع الطاوله قدامه وطلع ورجع المستشفى ودق ع محمد وبعد مارد : محمد وينك؟
محمد : ف الدوام , اشبك؟
نواف بشك : انت تشتغل ف مستشفى الـ*****؟
محمد : ايه
نواف بملل : تمام اسمع , شف لي حل مع خويك ذا
محمد بااستغراب : مين؟
نواف : سليمان الـ*****
محمد بضحكه : شسوا لك؟
نواف بقهر : هو المشرف ع حالة الجوري ولما سألت عنها يقول بصفتك مين تسأل ؟ بشنقه ترا!
محمد عقد حواجبه : شفيها الجوري؟!
نواف : بعدين اقولك المهم دحين تصرف
محمد ضحك : طيب معليك دحين يوصلك العلم
نواف : كفو يلا معالسلامه كلمه
محمد : ابشر فمـ .. قفل ف وجهه وحط جواله ف جيبه ودق الباب ؛
ام الجوري فتحت له واخذت كوب القهوه منه : يعطيك العافيه حبيبي ماتقصر
نواف مد لها عصير البرتقال : الله يعافيك , اعطيه الجوري مفيد لها
ام الجوري اخذته وابتسمت باامتنان : الله يسعدك
نواف ابتسم بخفه : وياك , اذا تبغين شيء ياخاله دقي علي , ومحمد بعد دوامه هنا ومداوم دحين
ام الجوري هزت راسها : ماتقصرون يعطيكم العافيه
نواف باابتسامه : الله يعافيك , حس بااحد جاي لهم والتفت وشاف ابو الجوري ؛
ابو الجوري طالع ف ام الجوري بخوف : كيفها دحين ؟
ام الجوري : الحمدلله بخير
ابو الجوري دخل واول ماشاف وضعها خاف ولف ع ام الجوري : ايش صار لها ؟
ام الجوري : صار لها حادث
ابو الجوري قرب منها وباس جبينها وبهمس : ماتشوفين شر ياعين ابوك , ابتعد عنها وطالع ف زوجته : ايش يقول الدكتور ؟
ام الجوري : ع كلام صاحبتها تقول كسر ف رجلها ورضوض خفيفه
ابو الجوري مسح ع وجهه بيده بضيق : الحمدلله جات ع كذا بس
ام الجوري هزت راسها : الحمدلله
ابو الجوري طلع وشاف نواف معطيهم ظهره وحاط جواله ع اذنه يكلم ؛
نواف : الو مها , وين امي؟ .. لا خلاص .. بخير لا تشيلين هم .. خلاص توكلي معالسلامه وقفل وحط جواله ف جيبه ولف وشاف ابو الجوري واقف يطالع فيه , ابتسم وراح له وسلم ع راسه : الحمدلله ع سلامة بنتك ياعم
ابو الجوري ابتسم : الله يسلمك
.
.
.
.
عند محمد ؛
بما ان دوامه خلص وقتها راح لسليمان ودق الباب ودخل بعد ماسمع صوته : فاضي ؟
سليمان رفع راسه وابتسم : ايه تعال
محمد جلس قدامه : عندك حاله بااسم الجوري عبدالله ؟
سليمان بااستغراب : ايه شعرفك ؟
محمد ابتسم بخفه : مايهم كيف عرفت المهم كيفها ؟
سليمان : حالياً بخير , كل الي فيها كسر ف رجلها اليمين ورضوض , الباقي يعتمد عليها لما تصحى
محمد عقد حواجبه : شصار لها هي؟
سليمان : حادث , ع حظها مسكينه السواق الي معها بخير ومافيه شيء
محمد توسعت عيونه بصدمه : ححادث؟!!
سليمان هز راسه : ايه , انت كيف تعرفها؟
محمد دق ع نواف وخلاه ع السبيكر : تصير بنت خالتي , واول ماسمع صوت نواف قفل السبيكر وحط الجوال ع اذنه : نواف اسمع .. يقولك كسر ف رجلها ورضوض , والباقي يعتمد عليها لمن تصحى .. ايه فهمت علي؟ .. ايه كفو وانا اخوك اوقف معهم .. شوي وبجي .. ايه معليك .. يلا معالسـ .. نزل جواله وطالع فيه بقهر : مايتوب هذا! حط جواله ف جيبه ورفع راسه وطالع ف سليمان ؛
سليمان بصدمه : لحظه يعني الي قبل شوي جاني اخوك ؟!
محمد بضحكه : ايه , دق علي مقهور ياخي انت بعد علمه لا تخليه كذا , هذي الجوري مو اي احد
سليمان وهو يتذكر ملامح نواف : مايشبهك ابد
محمد ابتسم : ايه
سليمان تذكر حركة نواف الاخيره وبقهر : اخوك عليه حركات تقهر
محمد بضحكه : شصار بينكم؟
سليمان : سألني عن حالتها وبعدها ... نرفزني ياشيخ لما راح وخلى الباب مفتوح , الحركه ذي تجيب لي الموت
محمد ضحك بقوه : استفزيته انت ياخي قول له مابتخسر شيء
سليمان وهو يحك دقنه : مدري ياخي احس تنرفزت لما جاء يسأل اسلوبه نرفزني
محمد بضحكه : ايه نواف عليه حركات تنرفز
سليمان ابتسم : طيب تطمن دحين لما علمته ؟
محمد ابتسم بخفه : ايه
قطع عليهم حديثهم صوت الباب انفتح التفتوا اثنينهم وشافوا وحده من الممرضات ؛
الممرضه : دككتور مححمد فيهه حاله ف الطوارئ تستوجب تدخل سريع , لو سمحت بسرعه تأخرنا عليهم واحنا ندور عليك
محمد قام بسرعه وحك حاجبه بتوتر : تمام جهزوا غرفة العمليات والادوات
الممرضه : كل شيء جاهز!!
محمد طلع معها بسرعه : اي غرفه ؟!
الممرضه : الغرفه الثالثه
محمد مشى بسرعه متجهه للمصعد , دخل وضغط ع الدور الاول واول مافتح راح للغرفه بسرعه ولبس اللبس المخصص وجاء بيدخل الغرفه وقفته يد حرمه كبيره ف السن مسكته , التفت بتوتر : شفيـ..
قاطعه صراخها : حسبي الله ععليكك ولدي بيموت من الالم وانت تمشي ع مهلك!!
محمد بعّد يدها عنه ودخل غرفة العمليات متجاهل كلامها , وبدا عمليته ؛
.
.
.
.
.
انتهى .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 02-12-2017, 04:07 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


السلام عليكم
البارت يجنن
نواف والجورى وش بيصير بعد كذا بينهم
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 06-12-2017, 12:39 AM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
نواف والجورى وش بيصير بعد كذا بينهم
يعطيك العافية
وعليكم السلام , اهلاً جميلتي ❤❤.
انتي الي تجننين والله , يعافيك ربي ❤❤.
نورتِ , يسعدني ردك والله ❤❤.
ربي يسعدك .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 06-12-2017, 12:40 AM
صورة novel9_ الرمزية
novel9_ novel9_ غير متصل
©؛°¨غرامي فعال ¨°؛©
 
الافتراضي رد: رواية أجد بك نعيما يحيي كل جزء قد ذبل بي/بقلمي


سبحان الله وبحمده .
سبحان الله العظيم .


الرد باقتباس
إضافة رد

رواية أجد بك نعيما يحيي كل جزء قد ذبل بي/بقلمي

الوسوم
مؤلفتِي , الخامِسه , الجّوري , نواف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 112 12-10-2018 04:15 PM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 04:18 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1