لعبة لمبدعي الشعر/ استراحة همس القوافي

[عابر السبيل]

يحماه من عيني طويل اللوايح
وباب ن له ايامن على الدرب مصكوك

مايسمع الميت من الصوت صايح
ولا ينطق الهرجه من الشوق مربوك

صامت وعيني لوّحت بالفضايح
كن الغلا في صفحة الوجه مسكوك

عابر السبيل

[الربيع ابن الحمدان]

مسكوكة الذهب من طيب معدنها
تبري العلــه ولشوفتـي ولهانـــه

ابرت جروحي يوم صرت مدمنها
تبي رضاي ولجــل الوفـا حيرانه

الربيع

[عهود منسية]

احترت ..!
في بيت(ن) يناسب حضوري
ويترجم ...
احساس(ن) بقلبي مغترب

أكتب ..!
باني مختلف مع شعوري
واني أحب ..!؟
لكني مجبر؟! ..... أنسحب




قلمي .. عهود

[عابر السبيل]

انسحبت الاحداث والحي ذكراه
افطر تغدى والعشا مثل ذكرى

باقيك حرفن عجزت العين تقراه
تدمع يماني العينين وبالمثل يسرى

اغضمتها يمنى وانعمت منك يسراه
وحطت على خدى من الدمع مجرى

ياقصر هاك الليل ياحلو قصراه
ليت المواضي بالدنانير تشرى

عابر السبيل

[عهود منسية]

بشتري لك م المعاني ما هويت
وم القصايد بكتبك ديوان عمري

من قليبي خذت حب وما عطيت
وانقضى وقتي ومني مل صبري

مستضيق وم العنا والله اكتفيت
كم بعاتب!؟والزمن ما عاد بدري







عهود

[((هيا))..]

بدري ...على الجرح / روحي ليت تمهلها
روحي من الجرح الاول ...مابعد طابت

حاول تجمل ولو ...مره ..وجملها
لو إن فيك الهقاوي كلها خاابت!!


...هيا

[عهود منسية]

خابت الرجوه بهم ما يوم صابت
والهقاوي في المقفي ما تصــيب

وآنا نفسي من الـــغلا والله طابت
وكسر الخواطر بالمحبة ما يطيب







عهود

[عهود منسية]

طابت خواطرنا من الود وعلومه
ولا عاد لي خاطر بذكره وطاريه

كل(ن) نصيبه والأقدار مقسومه
و ضيقة الخاطر و حزنه بداريه









عهود

[عهود منسية]

أداري دموع الشوق في كم بوحي
وأذهل حكايا تبعث الهم والضيق

وأشهق احساس(ن) كما سل روحي
واتحمحم بعتبة البيت وأبلع الريق

وعلى ضفاف الحزن أرمي جروحي
ولبست ثوب(ن) من الفرح بي يليق






عهود

[الربيع ابن الحمدان]

يليق علي شاعرن بالحب مجروح
لا شاعـرن تراه بكـل وادي يهيــم

اصرخ الونّه لكن الصوت مبحوح
اجـرح كبــودن ومـن دون تنغيــم

الربيع