مـيرفين . ©؛°¨غرامي جديد¨°؛©

بسم الله الرحمن الرحيم
ان شاءالله ببدا روايتي الاولى بإسم "قلبي عشَق قلبه" روايه اتمنى انها تعجبكم
وان شاءالله كل يوم انزل بارت اذا شفتكم متفاعلين بنزل بارتين باليوم
الروايه ممزوجه بالاكشن والرومنسيه ولا مانع نضيف شويه حزن:)
اتمنى تدعموني من يومي صغيره احب اكتب واتخيل واشياء زي كذا
تكفون تفاعلو :(( ؟


مـيرفين . ©؛°¨غرامي جديد¨°؛©

البارت رقم واحــــد :
في غُرفه نورها غافت مريح للعين الي يشوفها يحس بالامان بس البنت الي بداخل الغرفه
تحمل مشاعر حزن وكئابه واشتياق لامها الي رحلت وتركتها تحارب المأساه الي هي عايشه فيها
كانت جالسه على سريرها الوردي المليء بالقطن الناعم ضامّه رجلينها لصدرها
ودموعها تنزل على خدها المشبع باللون الاحمر وتتذكر الحادث الي صار وفقدت فيه قطعه من قلبها
فقدت امها فقدت الحنان فقدت الامان فقدت الحضن الدافي
انهمرت بالبكي قاطع بكيها صوت ابوها وضحكه العالي مع اصحابه
مايا بقهر وحسره : امانه عليك ,غياب امي م يأثر فيك ولا شوي ؟
اتجهت نحو طاولتها وفتحت الدرج الثاني وطلعت البوم صور كان فيه صور لها ولامها فيه
وعلى كل صوره تنزل دمعه , دمعتين وتنهمر بعدها
مايا بنفسها : ليتك يايمه تجين وتعوضيني عن كل الي صار ابوي يا يمه م يهتم ولاشي ويعاملني زي الخدامه يايمه
حسّت ان الدنيا تدور فيها كل يوم الساعه 2 بالضبط يجي ابوها ومعه كم صديق ويسكرون وكل يوم لازم تقفل على نفسها
تحس انها بسجن مو ببيت ابوها !!
راحت لسريرها واستعدت للنوم سكرت عيونها الناعسه وغطت
قاطع نومتها البريئه ضحكات عاليه تتوجه نحو غرفتها
قامت مختلعه وم تدري وش تسوي وواضح الضحكات ضحكات ابوها
دق الباب بقوه : ساره افتحي مشتاق لك
" سار ه اسم زوجته الي هي ام مايا "
مايا بخوف : يبه انا مايا وش فيك
راشد ( ابو مايا ) بصوت متقطع: ساره افتحي وش فيك تتغلين البنت ونامت وش ورانا ؟؟
مايا بدت تبكي : الله يخليك يبه لا تخوفني كذا
راشد : يعني م بتفتحي الباب ؟؟ طيب
وحست بصوته اختفى وجا هدوء كذا
ارتاحت شوي وبدت تلقط انفاسها
شوي الا تسمع دق قوي عالباب وواضح يدف الباب يبي يكسره عشان يدخل
راشد : سارونه افتحي يالله عفيه عاد
مايا بنفسها : لازم اسوي شي بسرعه هذا سكران م ادري وش يسوي فيني بعد
بس للاسف قدر يكسر الباب الخشبي ودخل على مايا وريحته كلها خمر
مايا بعدت عنه بس هو قاعد يقرب منها
مسكها من معصمها وبدا يقرب من وجهها
بدت قاعده تتلمس ومسكت ابجوره كانت على طاولتها
وبحركه سريعه صكتها براسه وطاح ودمه انتشر على الارض بس م كان دم بكميه كبيره
مايا انصدمت بس م كان فيه شي ثاني تسويه لانه كان ممكن ينهي حياتها وهي باقي شابه
..
خلوني اعرفكم على مايا بطله الروايه
مايا ايه من الجمال بشرتها بييييضااااا الي يشوفها يقول كنها سنو وايت بيضا مره وشفايفها منتفخه ولونها وردي خلقه
عيونها ناعسه ولونها ازرق غامق ورموشها كثيفه الكلام الوحيد الي ممكن يوصف عيونها
" عيناكِ بحرٌ وانا الغارق "
شعرها لين كتفها وناااعم وخشمها صغير نتفه
وجهها مرتب مره وطفولي لأبعد حد
عُمرها 19 سنه شاطره بدراستها بس ابوها خلاها تقطع دراستها وهذا سبب كرهها لابوها بعد
انه خرب مستقبلها بعد م كانت دايم الاولى على مدرستها
طيبه حيييل وعنيده واذا حبت تحب بصدق والى الان تحس انها مذنبه بموت امها
..
خلوني اقولكم شصار قبل الحادث ؟
كان راشد وزوجته ومايا كان عمرها 8 سنوات تقريبا كانو طالعين يتعشون
بمناسبه ترقية ساره ام مايا في عملها
فالوقت الي كانو رايحين للمطعم كانت مايا مشغله ابوها كل شوي توريه شي وكل شوي تكلمه بشي وتشغله فيه
م كانت تخليه يركز زين
مايا مسكت علبه منديل وقعدت تتأملها بعدين حطتها قدام وجه ابوها بحيث غطت عليه نظره
كان كل م يبعد المنديل عشان يشوف الطريق هي كانت تقربه اكثر
ولمن بعده للمره الاخيره كانو انحرفو عن الطريق وصدمو سياره بالطريق المعاكس
ماايا وابوها كانت عندهم اصابات بس اما الام توفت
ومن بعد الحادث الاب بدا يسكر ودايم يسوي هالشي
..
تفاعلو عشان انزل البارت 2 حماااااسي ممممممرهه مجهزته لكم
اتمنى يعجبكم البارت ويارب تتفاعلون


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1