اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-09-2017, 07:35 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
Upload1120a2f436 أنا في قلبه لا ينساني/بقلمي


بسم الله الرحمن الرحيم
والصلاة والسلام على أشرف المرسلين
سيدنا محمد عليه أفضل الصلاة وأتم التسليم


(( انا في قلبه لاينساني ))


ماشاءالله منظرالغرووب روووعة تمنيت حياتي بسيطه زي هذا الغروب سبحان الله بسنه ونص حياتي تغيرت ميه وثمانين درجه ما توقعت بيوم انه يصير معي كذا بس الحمدالله على كل حال راح أعيش حياتي راح ارجع لدراستي ماراح اوقف عليك صح احبك لا والله ما احبك الا اعشقك بس الا كرامتي ي ........ كل شي ينتهي عند كرامتي حاربت الكل عشانك وفي النهاية تخليت عني وعن ابنك ليت الزمن يرجع ما راح أوقف بوجه احد من اهله ليت كل شي يرجع والله مافكررر أوقع على هذيك الورقه اه اه ياوجع قلبي على واحد مايستاهل اتمنى على الي صار معي اني اكررررهك ليه حبك بقلبي ليش ما نسيتك ليه ما استقر بحياتي زي ما استقرر هووو بحياته يالله انا ارجاك امسح حبه من قلبي ماما التفت لهذا القطعة من قلبي ونرجع لسنه ونص لورا
اه ياقلبي يالك من صبور
على الحبيب لاتجور
رغم ظلمه الكثير وجرحه الكبير
الذي لا ينسدل ولا يزول
مازلت تحبه رغم كل الشرور
مازلت تعشقه رغم الجور والفجور
مازلت تحن اليه رغم مافيه من غرور
قلبي ويحك ياقلبي إلى متى
إلى متى اخبرني بالله عليك إلى متى
هذا الصبر وهذا الجلد والتحمل إلى متى
إلى متى هذا السهر والتأمل
الى متى هذه المعاناة والتذلل
كف عن هذا كف
فأكره كما كرهت
واهجر ما هجرت
وعذب كما عذبت
واظلم كما ظلمت واجرح كما جرحت
فلقد عانيت كثيراً
وصبرت كثيراً وكثيراً على الحبيب الذي لا يعرف للحب معنى
أما آن لك ياقلبي أن توقف كل هذا فبالله عليك ياقلبي كفى
كلمات نزار قباني




هذي مقدمة الرواية انتظروا البارت الأول


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-09-2017, 10:09 PM
حور البحار حور البحار غير متصل
©؛°¨غرامي مشارك¨°؛©
 
الافتراضي رد: أنا في قلبه لا ينساني/بقلمي


بانتظارك عزيزتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-09-2017, 06:40 AM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: أنا في قلبه لا ينساني/بقلمي


البارت الأول :-

صلوا على النبي


الين وسمخ هذا كله نوم امي معصبه قومي ايش سويتي ورربي حدها معصبه منك :
الين: من تحت البطانيه وهي بالعه العافيه من جد معصبه
ناز: بضحكه شرانيه بتقتلك
:الين : خلاص ناز بطني يعورني :
ناز جد يعني انا قايمه قاعده روحي جيبي كأن مافي هذا البيت غير ناز وانتي تعالي وين موقعك في هذا البيت
الين:انا ياروحي ياقلبي موقعي في فراشي في جوالي في قصصي وبس والله وببتسامه مستفزه
ناز:والله يعني كذا اجل والله الوجه الثاني لسا ماطلع فقومي احسن والنفس طيبه عليك
الين :اوووو ست ناز عصبتي شافت خلاص ناز بلونه وبتنفجر في أي لحظه خلاص خلاص قمنا ليه العصبيه هدي خيتووو ههههههههه اسفه
ناز: استغفرالله بزره
ناز:العمر20
الين:18
الام: الاسم الغالية
الاب: متوفي
سيف:العمر27
بدر:العمر 25
خالد:العمر23
ماجد:10
باسل: 5
الين:أقول ناز وربي طفشانه خلينا نسوي أي شي نبعد الطفش اللي احنا فيه
ناز: وش تبين اصيرلك مهرج عشان الطفش يروح
الين: ليه لا قومي رزي فيسك هههههههههه فكره حلوه
ناز:الين حبيبتي روحي عن وجهي
الين: أقول ناز هذي العصبيه كلها عشان طلول هههه ماعطاك وجه هههه
ناز:اقسم بالله يا الين ان ماتقومي عن وجهي لا اقوم اطلع عفاريتي فوق جنانك هذا
الين:يمممه خفت خلاص خلاص بقوم بس بصراحه نظرتك تخوف وكشرت بسنونه
هنا ناز فجرت تضحك
الين:الحين ليه العصبيه كلها عشان طلال ياخويتي الي مايبينى ما نباه
ناز:تصدقين انتي الوحيده الي تضحكيني اذا انا معصبه أي معصبه منه اقولك ليه لأني احبه يا اختي اللي يحب يسأل هذا مخليني عل الهامش انا لين الحين شاكه بالحب هذا عمره ماتكلم ولا قال شي دايم اسيل تتكلم عنه بس يقول لي شي لا معقوله مايحبني
الين:اقولك شغله ياناز اول شي اخوانك لو درو ويش بيصير كيف تقابلين اخوانك ثاني شي مو من عادتنا وتقاليدنا ولا هو من تربيتك تسالي عنه هذي ثقت اهلك فيك وبعدين اذا هو يبيك بيجي يدق الباب زي الأصول صح ولا لا
ناز:انا بس كنت اكلم اسيل تعطيني اخباره غلطت بهذا شي
الين: انتي شايفه هذا صح مقتنعه انو صح ردي
ناز:جد حسيت اني بزره مستهتره اختي اصغر مني تعلمني صح والغلط
الين:شفتها ساكته عرفت انها ندمت خلاص مابي ازيد عليها كفايه كذا
الين: وبعدين وش رايك فيني وانا انصحك حسيتني عجوز
ناز:مو لايقه عليك والله ماعرفتك وانتي محترمه وتنصحين
الين:غمزت لها اعجبك
ناز:قومي عن وجهي يا ام النصايح
الين:طيب طيب مالت ماحد ينصح عندك
ناز:هه انتي بكبرك يبيلك نصيحه
نزلت الين يمه حبيبتي وش تسوين عيوني انتي
الام : مدامك رايقه تعالي المواعين منتظراك
الين :ارحل ياقاسي ولاتسال ليه ليه يمه اوجعتي قلبي
الام اخذت الكوب البلاستيك اللي بجنمبها وطاخ بوجه الين
الين : خلاص خلاص يمه بغسل خليني اطرب مدام جوي مواعين احم احم ظالم ولاكن في القلب لسا هواك
سيف : وجع وجع ويش هذا الصوت عل بالك اصيل حرام عليك ضلمتي الفنانه هذي أتوقع اذا سمعت صوتك اعتزال مؤبد
الين:عطته نظرة الاحتقار ههه انت يا اخ سيف تعرف مع مين تتكلم اختك الحلوه جتها دعوه من محمد عبده فنان العرب
سيف : أي هههههههههههه
الين: بس انا رفضت خيرا انشاء الله اغني معه وين حنا عايشين
سيف : اوووو لالا مو معقوله
الين:شفت كيف تحسب اختك هينا
سيف:والله يا اختي ودي اخليك تغنين مع عبدالله بالخير عشان تعرفين قدرك يالخبله وعبدالله بالخير صوته والله احلا من صوتك
الين : طالعت من فوق لتحت وقالت اللي مايطول العنب حامضن عنه يقول وبعدين اطلع ماتشوفني اشتغل
سيف:ههههههه هذا مكانك ياروح اخوك هههههه ممواح بوسه بالهواء
الين: مالت
نروح مكان شوي بعيد المنطقه الشرقيه تعريف العائله
الام/جميله :الاب عبدالرحمان
طلال:العمر 25
هند:23
اسيل:20
ارياف:18
عيال خال سيف
نتكلم شوي عن طلال انسان هادي لأبعد حد انسان مايؤمن بالحب يتمنى يتزوج بسن 35 بس عارف انو هذا مستحيل عند أبو طلال والمشكله الأكبر عارف ان ناز تحبه والمشكله ان اهله عارفين بناز وحبها لطلال وابوطلال مصمم ان طلال لناز
هذولا ابطال الروايه وبعضهم من نص الروايه يطلعون نروح نفس البيت اللي فيه طلال
اسيل : هند انتي ما تلاحظي طلال ان ما يبي ناز وامي وابوي يقولو ناز لطلال والولد ما درى عنها والمشكلة انا عشمت بنت عمتي فيه
هند : من جدك انتي كذبتي عليها ان طلال يحبها
اسيل : بتردد لا وماجت علي كذا
هند:ويش هببتي يامجنونه
هند:حرام عليك يا اسيل وش سويتي في البنت
اسيل :عورت قلبي وهي تسال عنه وهو ما درى عنها قهرني اخوك وو على دخلت ارياف سكتو البنات
ارياف: اووو كناري الحب وش جالسين يبربرون
اسيل : اف جت النفسيه
هند:ههههه حرام عليك كلو ولا ارياف
اسيل:احسن لي أقوم اجلس على جوالي اكلم ناز الحب
ارياف : مالت عليك وهو يحصلك ارياف داخله غرفتك المفروض مسك تبخرين
اسيل : اقلبي وجهك
هند:اووووو منتصف الجبه
ارياف :وجع
طلال : بالدوام جاه اتصال من ابوه
طلال :ارحب ياابو طلال
أبو طلال : هلا يابوك اسمع خذلك ثلاث أيام نبي نروح عند عمتك يابوك
طلال: ابشر يبى تامر امر
ابوطلال:يالله يابوك فمان لله
طلال:فمان الرحمن مسك الجوال طلال يالله ياابو طلال عل شنو ناوي الى متى بتتهرب ياطلال وانت عارف مصيرك
نرجع لرياض
بدر: أقول
خالد: نعم
بدر: نعامه ترفسك قول امين
خالد: موو امين
بدر: ياثقل دمك
خالد:بدر جالس بغرفتي وتتمثقل علي راسي
بدر : الا ماسمعت اخر الاخبار طلال النفسيه جاي قال
الكلمه علي دخلت ناز
ناز:هنا قلبي توقف من هالطاري لاخلا ولاعدم ناز اعقلي انتي عند اثنين والله فيها قتل وهجر للحبشه اعقلي
خالد: ناز ناز ناز
بدر:ناز وجع بصوته كله
ناز:ها ها يالله امي تقول انزلو الغداء
ناز :بنفسها الحب جاي الحب جاي اركضي اركض اخوي عامرر خخخخخ
ناز:الين الين الين قومي يالله عندي خبر لك بمليون
الين:نعم خير ايش تبين قمنا
ناز: طلال طلال جاي
الين:ارياف جايه
ناز:اقولك طلال جاي تقولين ارياف جايه مدري بس سمعت طلال جاي
الين : اجل اقلبي وجهك احسب معك خبر طلال جاي اذلفي
ناز:وجع فشلتني
نتكلم شوي عن بدر وخالد
بدر راح يكون له دور اساسي بالروايه بدر انسان يحب الوناسه والضحك والخبال واهم شي عنده المقالب وغزلنجي درجه اولى واكره شخص على قلبه اسيل وطلال دايم هو واسيل مشاكل ومقالب


نرجع لخالد خالد انسان انطوائى هادي يحب يجلس وحده مايحب الجمعات ويحب وحده من بطلات القصه
سيف: يمه يمه يمه
ناز:اووو سيف الجني الأزرق سمعك
الين:خير ايش عندك بصوتك كله تنادي
سيف :عطو خبر امي ان خالي عبدالرحمان جاي
الين:طالعت ناز بنص عين خالتي جايه معه
سيف :اكيد مايبي له كلام اكيد جايه
ناز:ابشر راح نقول لماما
سيف :أقول خلي الدلع لأهله مو لايق عليك يالقرده
ناز: ههه بايخه مالت محد يدلع عندكم
الين:ههههههههه والله حلوه عجبتني
ناز:بايخين اروح ابرك لي
دخل بدريغني ماما جابت بيبي بيبي حلو صغير
الين :يالله حبيبي شو ناسي
بدر:بس بس يرحم امك خلاص لاعات سبدي
الين:مالت ثم مالت ثم مالت
بدر خخخخخ طيب وش دخل ثم
الين:غليزززز
بدر:أقول الين سمعتي بــ اخر الاخبار
الين:شووو
بدر:عيون البقر جايه من الشرقيه
الين:هههههههههههههههههههههه بأعلا صوتها
بدر:وجع ايش الضحكه هذي
الين:عشان كذا محترر منها
بدر:تخسي احتر من عيون البقر خليها تجي بس وشوفي ايش اسوي فيها
الين:والله ياخوفي هي تسوي فيك الهوائل انت تذكر اخر مره ايش صار فيك خخخخخ
بدر:بايخه انتي على بنت خالك
نرجع الموقف الي صار لبدر من اسيل
اسيل:يعني ماتبي تبعد عن طريقي
بدر:لا
اسيل:اجل تحمل يالجلمود
بدر:وش بتسوي راق لي المكان هذا ويضحك
ما حس بدر الا بخاخ معطر بعيونه
بدر:والله معاد حسيت انا وين ولا بأي زمان حسيت نار بعيوني اخ اخ عيوني بصوتي كله
اسيل :حطت رجلها اركضوو يابنات يالله هههههه تتوب يالغبي
بدر:والله ماخليها لك ياعيون البقر
بدر:يووه ليش تذكر خليها تجي بس والله ماخليها بخاطري ذكره مأساويه خخخخخخ
يوم ثاني وصل الخال عبدالرحمان
البنات جالسين بغرفتهم
ناز: من جدكم ثلاث أيام وراجعين
هند :أي والله ابوي عنده شغله هنا ويمشي
الين : طالعت بناز بنص عين وببتسامه شرانيه أقول اسيل اخبار مشاعل بنت خالتك
ناز:عرفت النذله تبيني اغار انا اذا اسمها اسمعه احس عفاريت تطلع لي
الين:أي لها وحشه مشاعل هههههه ناز شوي وتقوم وتصفقني بس عجبتني ابتسامتها اللي يشوفها تقول تسوي دعايه لسنونها ههههههه أي

نطت ارياف:يوه يوه فاتكم يابنات اخر مره اش سوت الخبله مشاعل تخيلو طلعت لطلال يعنني ما انتبهت
اسيل: علي طول طالعت لناز
ارياف :اشبهم هذولا سكتوو شكلي جبت العيد اشبكم
اشوف اسيل تخز فيني لاوالله شكلي جبت العيد
هند: علي طول غيرت السالفه الا بسألكم يابنات باسل وماجد وينهم ماشوفهم
الين:علي طول بغرفتهم علي البلاستشين
هند:كلهم الأطفال كذا
الخال عبدالرحمان:غاليه
الام الغاليه :هلا يالغالي امرني يبه
الخال:مايامر عليك عدو اليوم جاي وحاب القرب عندك في ناز لطلال
الغاليه :ببتسامه وفين بلقا احسن من طلال لناز
الخال:سلمتي بس برضو اسالي ناز لها الحق
الغاليه:ابشر تامر امر واخبارك انت وكيف صحتك وينها ام طلال
الخال:نزلتها عند اختها لزمت عليها اختها ولا ودها تجي بس احرجتها اختها
الغاليه :لاحقين لنا بكره وبعدو
نرووح لطلال وسيف
بدر :جالس قريب من خالد ياصبر الأرض عليك هههه
طلال وخالد وسيف :خير اخ بدر ايش الا يضحكك خبل انت تضحك لوحدك
بدر: لاوالله تذكرت شغله
سيف : اها

البناات جالسين يتابعون فلم اكشن
وناز مهي معهم عقلها مشغول باللي في المجلس
اسيل : ونتهي الفلم
الين: لو ادري انه كذا ما تعبت نفسي سامج
اسيل :خخخخخخخ بقوه
ناز: اشبكم قفلتو التلفزيون
البنات: من جدك الفلم انتهي من زمان
الين :وين عقلك ست ناز
ناز : ههههههه عارفه انه انتهي بس استهبل عليكم
اسيل:واضح انك تستهبلين وغمزت له
ناز :اقلبي وجهك
ارياف: ودي العب بلاستشين
الين:والله ماخليها بخاطرك امشي
ارياف :حبيبتي انتي
دخلو غرفه بدر وخالد البنات
الين: خليني اجيب الوصله واراجع
ارياف : اوكي الا هذي غرفه مين
الين:غرفه اخواني
ارياف :وجع وجع تخيلي يجون وانا هنا
الين:محد جاي راح ينامون بالمجلس يالله بروح
طلع خالد من المجلس للحوش شاف بنت طالعه من البلكونه فز قلبه يعرفها عن مية بنت كيف مايعرفها وهي حب الطفوله يالله يا ارياف كبرتي ولسا زي ما انتي هاديه اعشقك واعشق هدووئك

الين : اووو الاخت عند البلكونه ارياف تعي جبت الوصله
ارياف : جيت
طلال وسيف كلن ساهي باللي بعقله
سيف:أقول طلال
طلال:هلا
سيف:اجازتك الا اخذتها تمشيه او عمل
طلال :لا كذا ولا كذا
سيف:اجل ايش
طلال:خطبه
سيف :علي البركه ولاتقول ياخوك
طلال:الله يبارك فيك
سيف :مشاءالله من بنات خالتك
طلال:لا من بنات عمتي اختك ناز
سيف :انخطف لونه
طلال:اشبك ماعجبك
سيف:لا تنحت
طلال :تنحت ولاماعجبتك الخطبه هذي
سيف :طلال خلنا واقعين شوي انا عارف انك مالك بالزواج ولا الحب
طلال:هذي سنة الحياه الحين ولا بعدين مصيري اتزوج وبنت عمتي افضل لي ووين ابلقا افضل من نسبكم
سيف :الله يكتب اللي فيه الخير
طلال :امين
انقضت ثلاث أيام للبنات من احلا مايكون وناز بتمووت وتشوف طلال
رجعو اهل الشرقيه ورجعت الدراسه
مر أسبوع وام سيف ماكلمت ناز بموضوع الخطبه
وسيف ساكت موعاجبه الوضع او بمعنى صح الخطبه
اسيل:ايش قلتلك ياهند ابوي كلم عمتي بموضوع الخطبه
هند:غريبه طلال وافق
اسيل:اكيد بيوافق انتي تعرفين طلال مستحيل يقول لأبوي لا
هند:الله يوفقهم يارب
اسيل:اللهم امين ياقلبي ياناز بتموت من الفرحه


الين :على جوالها وتكلم ارياف ايوو اريافووو كيف التبن اخر سنه
ارياف :قلتيها تبن مقدر اعبر انتي عبرتي عن مشاعري
دخل خالد على الين الغرفه
خالد:الين ايش تسوين
الين:ههههه ابد والله جالسه اغازل الجوال
خالد:بلا مسخره
الين:بالله وش اسوي اكلم التبن اريافوووو
ارياف:التبن انتي
الين:ههههههه اوووو ولعت فيني
خالد:من وقت ما سمعت اسم ارياف ضاعت علومي
الين:خالد خالد
خالد:هاااا
الين:وين رحت اخي العزيز
خالد:ارياف معك عل الخط
الين:اجل مين جدي
خالد:سلميلي عليها
الين:تنحت شوي وش يهبب هذا شكله انهبل
خالد:الين سلميلي عليها
الين:طيب وانا مصدومه ارياف خالد يسلم عليك
ارياف :نعم الين وش تخربطين لك ساعه منتي معي ايش الكلام الفاضي
الين:والله هو اللي قالي
ارياف :ماعلينا ايو وش كنا نتكلم فيه
الين :لين الان مصدومه من هذا اللي يخربط فوق راسي هااا مدري بعدين اكلمك اوكي
ارياف:اوكي
خالد:وش قالت وش قالت
الين:ولاشي قالت ماعلينا
خالد:قام بسرعه وبقوه ضرب الباب
الين:بسم لله ايش فيه هذا

سيف :يمه كلمتي ناز موضوع الخطبه
الام:اليوم انشاءالله اكلمها هذا الأسبوع كان عليها اختبارات مابي اشغلها
بدر:او او أي خطبه
خالد :جاء جلس ومتابع بصمت
الام:طلال ولد خالك خطب ناز
بدر :لا يمه تمزحين
الام:لا يايمه مامزح هذا ماينمزح فيه
بدر :من جدك يمه طلال لا لا هذا الانسان مايصلح لناز
سيف:استح علي وجهك وش هذا الكلام انت شايف على الرجال شي
بدر :لا ماشفت شي بس نفسيه ومغرور
سيف :لا بالله عشانه نفسيه مو عاجبك احترم ولد خالك عيب اللي تسويه
بدر:يمه ناز ماتصلح له يمه تكفين
الام:بدر يمه اسمعني طلال رجال زين وهو ولد اخوي ولد خالك اذا مايصلح لها انا اول وحده برفض
بدر :بس يمه
الام خلاص يابدر اقفل السالفه انتهى
بدر :بلع العافيه وهو من جواه مولع نارررر
خالد:يمه متى بتعطين ناز خبر
الام:وهي تطالع لبدر بنص عين بقوم الحين اعلمها
خالدوسيف:الله يكتب اللي فيه الخير
الام:امين يمممه
ناز :قومي يالخبله من فراشي
الين:تكفين تكفين خليني انام اليوم في فراشك الله يخليك
ناز:وليه ان شاءالله ليه بالذات تبين تنامي في فراشي
الين:تحلمت انو اذا نمت في فراشك انجح بماده الانجليزي
ناز:ياشيخه
الين :بوجه برائه قسسم ادعي معي بصوت سلوي المطيري على هذي الماده
ناز :قومي لا ادعي عليك انا بصوت سلوي المطيري على دخلت الام
الام :اشبكم اصواتكم واصله لتحت
ناز :يمه شوفي بنتك الظاهر خرفت اذا نامت بالفراش تقول بتنجح اذا حجت البقره عل قروونها
الين :دقيقه خليني اعطيك الفيس البريء ياقاسيه ياشريره
هنا ناز وام سيف ماتوو ضحك عل شكل الين
الام :خليك من الخبله هذي وتعالي ابيك
الين:نطت وش معاكم وش وراكم قولي
الام:ناز حبيبتي انتي عارفه البنت اذا كبرت مصيرها الزواج صح يمه
ناز:انا هنا قلبي طبووول الله يستر
الام :يمه بصراحه جاء لك عريس محترم
الين هنا نطت في حضن امها :يممه انا انا يممه
الام :وش انتي
الين:ماجاني عريس وبدلاخه يممه ابي شعره اشقر وعيونه زرق
الام:صدق ماتستحين واخذت العطر الي بجنمبها في راسها عل خفيف العطر صغير مره اقلبي وجهك الين :أي يمه اشبك وربي يعور اههه ابي عريس ههههههه والله والله امزح لم شافت امها ناويه عليها الام: والعريس ولد خالك طلال
الين:ههههههههههههههههههههههههههه
الام:وجع يوجع العدو وش الضحكه هذي
ناز:سمعت ضحكت الين الله لايعقب شر انفضحت
الين:يممممه ياروح بنتك موافقه
الام :وانتي وش دخلك
الين :انتي شوفي الوجه يعنني مستحيه والله يا اختي ما اخبرك تستحين
ناز:وليه انشاءالله ما استحي
الين :ايو الحين انتي ناز
ناز :مالت
الين :عليك
الام:اقسم بالله بزران معي استحوو عل وجوهكم
الام:فكري في الموضوع وردي لي خبر يمه
ناز :ابشري يمه
نروح لمكان قريب من بيت اهل سيف

مشاعل يمه انزلي اجلسي معي انا وابوك وانتي حابسه نفسك في هذي الغرفه
مشاعل:يمه شوي وانزل تعريف العائله
الام:فاطمه
الاب:رياض
عندهم مشاعل بس
مشاعل العمر 23
انسانه هادئه ومنطويه في غرفتها علي طول تكره شي اسمه ناز واسيل تعشق شي اسمه طلال
ام مشاعل:رياض اختي جيتها للرياض عشان تخطب ناز لطلال
أبو مشاعل :مشاءالله عل بركه
نزلت مشاعل اووووو حبايب قلبي شوو تسوون اعترفوو ابووو مشاعل ارحبي ياشيخه نتكلم عن خطبه طلال لناز
مشاعل :هنا معاد كملت انخطف لوني معاد صرت اسمع غيرر الخطبه أي خطبه من وين طلعت هذي معاد حسيت في ابوي وامي مشيت من عندهم بطلع غرفتي
ام مشاعل :يممه اشبك
مشاعل :حب خمس سنوات وين راح مستحيل تاخذوو مني انا اعشقه والله ياناز ما اخليه لك والله ما اهنيك جعلك ماتتهنين وانفجرت بكي


متي ستعرف كم اهواك يارجلاً ابيع من اجله الدنيا ومافيها يامن تحديت في حبي له مدناً بحالها وسأمضي في تحديها لو تطلب البحر في عينيك اسكبه او تطلب الشمس في كفيك ارميها انا احبك فوق الغيم اكتبها وللعصافير والأشجار احكيها انا احبك
كلمات :نزار قباني
الام الغاليه:الين وش تسوين ورا الباب
الين:يممه حبيبتي شوي بس شوي خلي الغبي بدر يجي وشوفي ويش بسوي فيه
الام:بنت اعقلي منتي صغيره تسوين الحركات هذي
الين:اعقل انتي منتي عارفه وش سوا بمكياجي يممه ببكيه اموت اموت اذا ما اخذت حقي تكفين يممممه
الام:يالله ياذي البنت ميؤوووس منها الله يهديك مشت من عندها وهي تصفق بيدينها أقول تكبر تعقل الا تتمخبل
الين:شافت بدر قرب من الباب وووووووو



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 19-09-2017, 08:33 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: أنا في قلبه لا ينساني/بقلمي


البارت الثاني

بسم الله الرحمن الرحيم


الين: بصوتها كله بوووووووو
بدر هنا طاح من طوله وطاخ علي ظهره
هنا الين ماتت ضحك علي شكله وهو مفجوع وحطت رجلها
بدر:لسا طايح ياتبن والله ماخليك وين بتروحين مني وجع وجع قلبي وقف حسبي الله علي بليسك اه اه ياظهري قوم قوم يابدر وش معاك جالس اصبري علي ان ماطلعته من قرونك
الين:الين شوفيلك مكان مايشوفك فيه أي أي هذا
ناز:اش تسوي هنا الين
الين: يمممه يمممه وجع وجع احسبك بدر ههههههههههههههههههههههههههه
ناز:ههههههههه اشبك شكلك يضحك
تحدد يوم الملكه رفض أبو طلال الخطبه بعد أسبوع الملكه وبعد شهر الزواج
والبنات رايحين راجعين لسووق
وناز :محد قدها حبيب القلب من نصيبها وش تبي اكثر من كذا
مشاعل :مقفله عل نفسه الباب وتبكي
ام مشاعل :مشاعل مايصير كل وقتك بالغرفه قومي خلينا نروح السوق ماعاد بقي على ملكة بن خالتك شي
هنا مشاعل زاد بكاها
مشاعل :خلاص يمه لازم تزيديها عليه هه هه الله ياخذك ياناز زي ما اخذتيه مني

نروح لسوووق
الين:والله ماتاخذينها هذا لونه احمر
ناز:طيب حلو لونه
الين:دايم الملكه يلبسون احمر انا بغيره لك
ناز:الين ملكتك او ملكتي
الين بدلاخه:لا ملكتك
ناز:اجل وش دخلك
الين:طيب ابشري بس برضو باخذ اللون الي ابي
ناز :اوووف اوووف
وفي النهايه الين اخذت الي تبي هي
نروح لأهل الدمام
اسيل :أقول هند خلاص اخذتي الأغراض خلاص بنمشي على الفجر
يالله ابوي ليش مستعجل كل شي تحدد بسرعه الموافقه جت من هنا وابوي خبصنا من هنا
هند :اكيد بيستعجل اشغال عنده لين الليل
اسيل :مدت بوزها الله يعين
سيف وخالد وبدر وام سيف جالسين بصاله
سيف :بيوصلون باذن لله على الفجر
خالد:طيب جهزتو المجلس
بدر:أي كل شي ضبطو تبيني انضف لك اخ خالد الحوووش زياده
ام سيف:اشبك عل خوك ماقال شي غلط
خالد:ببتسامه مستفزه اهم شي فراش طلال ضبطه له
بدر :استغفرالله أقوم احسن ماقوم عليك
سيف :يااخ احترم امي على الأقل انت وهو
خالد علي طول قام باس راس امه وبدر نفس الشي سوا
خالد:العذروالسموحه يمه
بدر:السموحه يمه بس ابنك يرفع الضغط وكل شوي على راسي من الصبح عشان كذا عصبت
ام سيف :حصل خير يمه
/مر اليوم بسلام/
وصلو أهل الشرقيه على الفجر فطرو وعلى طول ناموو
قامو البنات على العصر اللي تصلي واللي تستشور واللي تملي كرشها
نزلت ناز واسيل في الصاله عند امهاتهم وبعدها البنات نزلو والين راحت تجيب غرض من المطبخ
الين:هدووء لوسمحتو انتبهو معي شوي
الكل :التفت يشوف الين
الين:بما انو خلاص بكره الملكه وخيتي حبيبتي بتودع العزوبيه حابه اهدي لها
ارياف واسيل:يعني في مفاجئه
الين:يب طلعت الين الكيكه وقربته من طاوله وشغلو المسجل على اغنيه عزوبيه ورقص ومايخلو من هبال الين واسيل والامهات يصفقون لبناتهم
الين:خلاص اسطوووب اقربي ناز طفي الشموع
ناز:قربت ناز بتطفي الشموع ماحست الا الكيكه طرررااااااخ بوجه ناز ماعاد شافت شي
البنات فطسوو ضحك على شكل ناز
نطت ناز ورا الين
الين :حطت رجلها لأنها عارفه بتنقتل منها
ناز:والله ماخليك تعالي وشكل ناز يضحك وهي معصبه
ام سيف :هذي البنت ماراح تعقل ههههههه ام طلال هههههههه اذا عقلت اسيل بتعقل الين

نروح شوي عند الرجال
خالد :جالس متنح من معهم بقوم الا سيف ينادي هلا سيف
سيف :جيب معك القهواء والشاي
خالد:بنفسه هذا اللي ناقصني :طيب
بدر :ودي اتمحرش بطلال بس خايف من امي والله تزعل عليه
خالد :شفت شغاله جهزي القهوا والشاي شوي واجي له

الين:ارياف ارياف اريافووو
ارياف:وجع اسمعك عدلي اسمي شوهتي امه
الين :قومي جيبي لي مويه وضحكت بليزززز والله والله خلاص ماعاد فيني أقوم تخيلي مكرووفه من الصبح هه
ارياف:وجع خلاص لاتبكين علينا
قامت ارياف المطبخ على دخلت خالد بعد ماخلص مكالمته
خالد:تنحت في الملاك الي داخل المطبخ واقسم بالله لو أقول لكم ان ماخذه عقلي كله وقلبي مالكه يالله ماتوقعت ان بشوفها اشوفها اشوف السعاده
خالد تكلم بدون مايحس ارياف
ارياف :سمعت اسمي وانا اخربط في الاغراض نسيت كل شي لم شفت شكولاته قدامي طالعت لقدامي الا اشوف رجال أي والله ياارياف رجال وش موقفك يابنت هنا امشي امشي
خالد :شفتها بتطلع رحت لعندها بسرعه مستحيل افوت فرصه كذا
ارياف :لو اقولكم وش حسيت رجال جاي ناحيتي ومستعجل حسيت عقلي بيطير من مكانه وقلبي بيوقف في أي لحظه
خالد:ارياف ارياف بقولك شغله تكفين اسمعيني راح أقولها لك واللي يصير يصير لي متا اجلس كاتم بقلبي ارياف
ارياف :حسيت برجفه بجسمي كله لا هذا يعرفني ويعرف اسمي ضاعت حياتك ياارياف ابعد ابعد لاتقرب ومن انت
خالد:حسيت انها خايفه الا بتموت خوف البنت ترجف انا خالد ولد عمتك
ارياف :معاد حسيت بنفسي وش ابربر من الخوف ياعم ابعد واذا انت خالد لاتقرب مني كذا مايجوز ابعد وبعدين ايش دخلني بلي بتقوله
خالد:ارياف انا احبك
ارياف :وربي هذا رجال يخوف وربي بصرخ ان ماطلع ماهو بصاحي
خالد :حبيتك من كنتي صغيره وحبك لين الحين انا انا
ارياف :حسيت حاله ذهول من جرأته كيف يتكلم كذا مايحترم خاله
خالد:حسيت بخيبه ماترد عليه ارياف قولي شي تكلمي
ارياف :أقول وش من بعد الي قلته انت ما احترمت خالك اللي بالمجلس وجاي تتكلم وتقول احبك عيب أقول راح أقول لو تبقا اخر جال ما فكرت فيك ابعد عن طريقي
خالد:صدمة عمري مذهول من اللي صار حسستني اني بزر او مراهق انا اعترف بحبي لها بعد هذي المده كله وتجي بكل بررود تقول لو تبقاا اخر رجال في هاللحظه احتقرت نفسي ليتني ساكت ليت ما اعترفت بحبي لها ليت وليت وش ينفع الندم ياخالد تكلمت وخلاص كسرت قلبي ما توقعت ردها بيكون كذا طلعت للحوش لا طلعت من البيت بكبره
ارياف:طلعت من عند هذا اللي يقول خالد والله احسني ندمانه كيف قوه قلبك تكسرين انسان او قلبه كان تكلمت معه وفهمته اني ما احبه مو هذي طريقه ياارياف اووف يا ارياف وش هببتي
البنات متجمعين دخلت ارياف
الين:الله لايحطني تجيبي لي مويه
ارياف :هاا مويه مافي ودخلت الحمام
الين:أقول اسيلوو وش بتلبسين بكره
اسيل:وش دخلك
ناز :ههههههههههههههههههههههههههههه انني ارررى جبهتن طايره فووق السحاب والبنات فاطسين ضحك على شكل الين
الين :مالت عليكم من بنات خال واخت معهم
طلعت ارياف وهي مهي مع البنات كيف اتصرف يالله ياربي ليش احس بندم خلاص طنشي انا يعني يالله وش ارياف انسي خلاص خليه يولي
الين :ارياف وين الناس العقل هذا شو شاغل باله اللي شاغل بالك يتهنا فيه
ارياف :بنفسها هه هه شاغل بالي اخوك مدري ايش سويتي ياارياف وبصوت عالي اوووف
البنات :التفتو خير ايش عندك
ارياف :ابتسمت بغباء لاولاشي سوووري
خلونا ننام البنات يالله اسيل انا جوعانه بنزل باخذلي شي البنات اوكي الله معك بصوت متفرقه

بدر :يالله البنات نايمين لازم اطلع غرفتي اكيد الحين نايمين والله اذا انهم صاحين فضيحتك بتنزل بجريدة عكاض بدر الا لقد تم القبض عليه وهو داخل غرفته يبي شريط البلايستيشن خخخخخخ أي أي لا مافي احد انني ارى غرفتي لقد قربت يابدر خخخخخخ انهبلت تسولف مع نفسك
دخلت الغرفه
اسيل :طلعت من المطبخ الا اشوف الإضاءة اللي في الغرفه مدري مين مشغلها قربت من الغرفه الا اشوف بدر يحووس بالدرج هه هه جاء يومك ياحلوو رحت عل طول لبست عبايتي وتلثمت واخذت خيزرانه ودخلت الغرفه بشويش وطراخ براسه
بدر :حسيت نجوم الليل تطلع لي من قوة الضربه اللي جتني وجع ايي اخخ التفت الا هي قدامه يعرفها وكيف مايعرفها عدوته
اسيل :اوووو الجلمود وداخل البيت زي الحراميه ياحرامي
بدر :حرامي ياعيون البقر تعلميني فيك الحين انتي اللي ماعرفتيني
اسيل:طالعت فيه شوي وابتسمت ابتسامه وراها مصيبه وبصوتي كله حرامي حرامي
بدر:عل طول حط ايده على فمها وانخل توازنهم الاثنين وطاحو عل الأرض انفكت لثمت اسيل
بدر :تنحو الاثنين في بعض اسيل بلمت في بدر حس على نفسه قام عل طول بدر
اسيل : جلست شوي اخذت نفس ابغا هواء احس اختنقت الحين انا ايش دخلني ادخل غرفته واقوم أتلقف عليه ايش القافه هذي اللي فيك الحين ارتحتي خلاص ايش بيقول عليك الجلموود اهههه ويش سويت خبله انا جالسه اسولف مع نفسي قومي نامي يالخبله
بدر :طلعت مدري وين اروح وربي ضيعت طريقي والله ياعيون البقر منتي هينا عليها جمال صارووخ
خالد جالس على البحر الحين ارتحت ياخالد الحين قلبك ارتاح انشاءالله مبسوط على نفسك ههه والله اني احتقر نفسي ليتني ما تكلمت وش ينفع الندم ياخالد صار اللي صار قفل على قلبك وانسى

اليوم الثاني اليوم الموعود لناز اللي طايره من الفرحه ماحد قدها
الين:ناز شوفي البس هذا ولا ذا احسه كله مناسب عليه
ناز:الأسود يجنن عليك مادامك بيضه
هند:صح والله يهبل لون الأسود
اسيل :أقول خليكم من هذي الخبله وتعالوا سو شعري وانا كشتي نصه طايره بالهوى
الين:والتبن اسيلووو
ناز: هوووب هوووب ابتدوو الثنتين خلاص خلاص انا اساعدك وانتي ياهند ساعدي اختك ابغا اعرف منو فينا العروس
الين وناز ابتسموو على ناز وهي تتحلطم عليهم
هند :تشوف ارياف ماهي معهم هذي البنت ماهي معنا اشبها هاديه ارياف حبيبتي اشبك منتي معنا
ارياف : لا بس افكر ويش البس
هند :اها اجل قومي اشوف اللي يناسبك
ارياف :طيب

نروح لطلال شوي اللي يحس بضيقه وده يطلع من هذا المجلس اللي كله مجاملات
بدر:يشوف طلال وجهه اللي يتغير مية لون قرب بدر من طلال طلال اشبو وجهك كذا شكلك زعلان وببتسامه مستفزه ولا مغصوب هه
طلال :بنفسي انا ناقصك انت كمان كفايه اختك ابتليت فيها
سيف :بدر اسكت وجع
بدر :قرب من طلال وقال اسمعني وفتح اذانيك زين انا من اول رافض هذا الزواج او بمعنى اصح رافضك انت الحين ما اقدر اسوي شي بس لو فكرت تزعلها ولا تكسر خاطرها تحرم عليك وتحرم عليك عيشتك وابتسم
طلال سكت شوي وبعدها تكلمت اول شي يا اخ بدر انا ما تزوجت اختك عشان ازعلها او اكسر خاطرها وبعدين تراها بنت عمتي وزوجتي بتصير بعد دقايق ابغى استفزه لني عارف بدر مايبيني وكارهني سكت شوي وفي فرق بين انك توصي وانك تهدد هذا اسمه تهديد يابدر
بدر :خذها باللي تبي
طلال:احس انو راح اقتله بس ضحكت هههههههه بدر حبيبي قوم شوف ضيوفك جووو
بدر: لا
طلال :قمت من عنده وانا يالله ماسك نفسي وقسم بالله بهذي اللحظه ودي اقتلك انت واختك
ناز:بنات بنات خلصت
الين :استغفرالله هذي عروس
البنات:ههههههههههههه
ناز :استحيت فشلتني الحماره
اسيل:شفت ناز استحت تكلمت معليك من هذي الخبله اليوم ملكتك سوي اللي يريحك
ناز:ابتسمت مافي الا اسيل تسلك لي
هند:بنات يالله نزلنا نزلو البنات وصوت المسجل شايل البيت شيله
البنات رقص اسيل والين رقص وخبال في نفس الوقت
هند:استغفرالله انا قلتلكم الثنتين هذولا لايتاقبلون مشكله
ملك طلال على ناز وقعت ناز وهي مستحيه
سيف :دلبي المستحي ماهو لايق
ناز :ههههه مو مستحيه شوفني وبحجرت بعيونها
سيف :خبله ايش دخل عيونك هههههههه
ناز :خلاص سيف لاتزيدها عليه انا خايفه خلقه
سيف :قرب منها وسلم على راسها الف مبروك ياقلبي ولا تتوتري ولا شي ترين طلال مو وحش خخخخخخ
ناز:طيب خلاص روووح
سيف :باي خخخخخ طلال بيجي بعد شوي ههه
ناز:سييييف هه هه
طلع سيف وهويضحك على ناز
نزلت العروس على اغنيه بلقيس والبنات صراخ وكللوووووش من الحماس وناز تضحك على خبال الين وناز مضاربه كل وحده هي تبي تصرخ اكثر
ارياف :حسيت اني مخنوقه حبيت اطلع شوي طلعت للحوش بس مو جهة مجلس الرجال الجهة الثانيه طلعت وليتني ماطلعت الا في وجه خالد خالد على طول سحب نفسه بيمشي الا ارياف نادت عليه خالد خالد شافته ما التفت لها خالد انتظر بقولك شغله وروح خالد انتظر خالد طنشها ولا كأنه يسمعها
ارياف:تحطمت فكرته بيرد عليه طنشني اف بعد اللي قلتي له كسرتي قلبه اف
خالد :طنشتها ولا كأني اسمعها بعد اللي قالت لي تبيني أتكلم معك لاوالله الى هنا وخلاص هنت كرامتي بما فيه الكفايه
ناز:قالتها بعفويه :بنات متى بيجي طلال
الين :وجع ماعاد تستحي فشلتنا هذا كلو حب
البنات :على طول شافو وجه ناز يتلون ومايبون يضحكون عشان ماتتفشل
ناز:تعالو دورو لوجهي من الفشله الله يقطع شرك يا الين دايم تفشلني هه ببكي
الين:شوووو خيتي جبتي العيد هههههههههههههههه
اسيل:انتي اللي جبتي ام العيد على دخلت ام طلال خلاص ياحريم تغطو العريس بيدخل
هنا ناز قلبي توقف ماعاد حسيت الا طووووووط جتني ام رجفه اشتغل الهزاز عندي
خوات طلال قربو من العريس يبون يزفون والين تغطت وتقربت من اختها
وتقول لناز ناز اهجدي من هذي الرجفه كنك تدقين مصري خخخخ
ناز:الين والتبن اسكتي خلاص بمووت خوووف
الين:حسيت على نفسي خلاص ناز هدي خيتي ماراح يصير شي كله شبكه
قرب طلال من ناز سلم على راسها وتكلم بصوت واطي مبرووك
هنا ناز اشتغل الهزاز عندها طالع طلال فيها وهي ترجف رحمها ابتسم ابتسامه خفيفه
قربوا الشبكة وشبك لها طلال وقطع الكيك وصورتهم الين وجت ام طلال يالله يمه انت وحرمتك روحوا عل المجلس هنا ناز طاح قلبها بين رجولها البنات هنا طالعوا ناز ماتوا ضحك على شكلها وهي خايفه قربت اسيل من ناز وقالت لها ناز حبيبتي
ناز : طالعت اسيل
اسيل : حبه حبه على اخوي بيطلع منتهي وغمزت لها
هنا ناز دوروا لها ماتت خجل وقربت من اسيل وقالت قسم بالله انك ما تستحين بعدين اوريك شغلك
اسيل : ههههههههههههههههههههههههههه
دخلوا العرسان الغرفة والبنات كملوا رقص ما يخلو من هبال اسيل والينكل شوي مضاربة مع بعض
اسيل : بنات مت عطش الله لا يهينكم وحده منك تجيبلي مويا
ارياف : خير مناك
الين : خخخخخخخخخخخخخخخخخخخ
اسيل : ضحكتك يا الين تكفي مهرج مو ضحكه
قامت اسيل على المطبخ وبدر جالس يتكلم مع الشغالة انتي في معلوم كلام انا انتي زوج ابغى اعرف كيف اخذك يالمنحوسه وش شاف فيك اسيل جلست تسمع الخبل هذا والشغاله واقفه تضحك
اسيل : أقول بدر
بدر : يتلفت مافي احد معقوله يابدر تتسامع عيون البقر
اسيل : هنا جن جنونها وبصوتها كله يالجلمود يالتافه يالخبل
بدر : وجع وجع اظهر وبان عليك الأمان هههههههه رفع ضغطها هنا اسيل ولعت
اسيل : أقول يالجلمود وش معك جالس مع الشغاله ولا اقولك هذا مكانك تروح وتجيب
بدر : أقول ياعيون البقر وش معاك جالسه ورى الباب لـــ هالدرجة انا ما اطلع من تفكيرك على طول وراي مرة بغرفتي والحين بالمطبخ قولي عادي تحبني هنا اسيل انهبلت ايش يخربط هذا
اسيل : مالت عليك وجع وجع قال وشو قال احبك والله والله لو لي عشر قلوب ما عطيتك واحد منها
بدر : هنا مات ضحك على نرفزة اسيل هههههههههههههههههههه
هنا اسيل عرفت انو بيرفع ضغطها وعلى طول طلعت
وبدر اخذ القهوة والشاي وراح للرجال

نرووووووووح للعرسان
طلال ساكت
ناز : طفشت مو معقول لنا نص ساعة وهو ساكت
طلال : بنفسه يالله ياطلال تكلم ليه ساكت قول لها انك ماتبيها لا لا لا من اول يوم تبي تجرحها
ناز : أقول الوضع ما يطمن وش السكوت هذا يالله أتكلم انا
ناز : مبروك اخ طلال عليك انا
هنا طلال انصدم وش الجرئة ذي وطالع فيها شوي وتكلم
طلال : ناز لازم نتكلم
ناز : طالعت فيه بابتسامه سم
طلال : من غير مايحس ومن غير مايحسب حساب أي شيء ناز انا ما ابيك هذا كله تخطيط ابوي ...........


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-09-2017, 11:14 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: أنا في قلبه لا ينساني/بقلمي


البارت الثالث

صلو على النبي
ناز :جلست شوي اطالع فيه على هذا اللي يقولون انه زوجي مو مستوعبه اللي قاله لحظه لحظه ياربي ايش يصير معي لا هذا مو طلال طلال يحبني اسيل قالت لي انه لحظه لحظه نزلت دموعها ايش تقولين ياناز هذا كلام اسيل مو كلام طلال يعني انا عشمت نفسي في حب كاذب يعني طلع كل شي كذب بحياتي
طلال:في نفسه لازم تعرفين ياناز الحين او بعدين مابي اكذب اكثر من كذا
ناز :سمعت دق الباب مسحت دموعي تلخبط شوي الكحل بس ماعاد يهمني شي كل همي اطلع من هذي الغرفه وبس حسيت نفسي ولا شي اهانه
دخلوو البنات على العرسان وناز مهي معهم يافرحه ما تمت طالعت في اسيل يا كذبت عمرك ياناز كل شي طلع كذب
طلال طلع والبنات جلسو عند ناز
اسيل :شوو اخت ناز اشوف المرطب ماتلخبط ماصار شي ياحلوو وتحرك حواجبها هههه البنات بصوت واحد قلة ادب
ناز:في حالة ذهول مصدومه ايش تسوي او ايش بيصير قال كلامه وطلع وانا ايش بيصير معي حياتي كيف بتصير معه اذا هو مجبور
هند:ناز حبيبتي انتي معنا
اسيل :اخذ قلبها طلال تبيها تتكلم معنا بعد ماتكلم معها الحب
ناز:طالعت في اسيل وقالت بوجه بارد :صادقه من بعد ماتكلم طلال ماعاد لي كلام
البنات :اووووووووخس وصرنا رومنسيين
اسيل والين في نفس الوقت :يارررررب ارزقنا
ارياف:وجع مايستحون
ناز:طلعت على طول لغرفتي رميت نفسي عل فراشي بكيت وبكيت مكياجي خرب كنت متفقه انا والبنات الحفله نبي صور خبال مادريت انو بيصير معي كذا اه اه
دخلت الحمام فكيت المسبح عليه ابي دش ابي انسى كل شي تسبحت بفستاني بكيت قهر بكيت وبكيت على حبي اللي طلع كذبه حب مراهقه هه صدق انها حب مراهقه

مشاعل :اصبري عليه ياناز ماراح اخليك تتهنين بعمرك اليوم فرحتك وبكره قهرك قهرتيني والله لأقهرك
ام مشاعل :دخلت يمه مشاعل بنات خالتك زعلانين عليك ليش ماجيتي معي والله تفشلت من خالتك عيب والله عيب
مشاعل :يمه تعبانه وبنفسها وتعلمني في بنات خالتي كارهيني مايبوني بس اصبروو عليه والله ماهنيكم في حياتكم

اسيل :جالسه عند باب المطبخ وتغني يمه قلبي قلبي يمه قلبي قلبي
بدر:يسمع لها ويضحك
اسيل :تسمع ضحك ياربي لايكون جنى
بدر :بصوت عالي ياعيون البقر الجنى الأزرق سمع صوتك الى يجيب المرض وقطع هالصووت قصري صوتك عندنا رجال بالمجلس هنا اسيل عفاريت طلعت لها نست نفسها ونست هي وين
اسيل:اسمع وركز معي يالخبل وقسم بالله ساكته عنك لا اعطيك مصيبه تنسى حليب امك من وراها
هنا بدر بلم من هذي البنت وجرائتها وقف على طول مقابل لها وقال
بدر:بصراحه مصدوم بوقاحتك اقسم بالله لو انا محرم عليك لا اربيك من اول وجديد بس يحقلك مادام اخوك معطيك الضوء الأخضر
هنا اسيل جن جنوني كيف يتكلم بالتربيه وكيف يتكلم عن اخوي انت تعرف مع من تتكلم تعرف تربية مين انا لحظه لحظه انا وش أقول انا حتى عبايه مش لابسه طالعت ببدر معه حق يا اسيل يتكلم فيك مشيت ولا نطقت بأي شي
بدر:غريبه ماتكلمت بس وش تقول بعد اللي صار ماعندها وجه اكيد لا والله يابدر مو اسيل اللي تسكت وراها شي عيون البقر قليله اللي جاها مني
اسيل :طيب يابدر تتكلم في تربيتي والله ماخليها لك منو انت عشان تتكلم معي كذا بس استاهل انا اللي طالعه له كذا معه حق يا اسيل ليش تزعلين
ناز جالسه بالحمام زي مهي فستاني غرقان دموعي اربع اربع لين الحين ماني مستوعبه زي اللي احد مات عليها صح مات قلبي وش بتسوين ياناز بهذي المصيبه ايش بيصير بحياتي الجايه حلمي تبخر كل شي انتهى

ارياف :باسل حبيبي هذا خالد
باسل:أي
ارياف :اوكي حبيبي روح قول له الين تبيك كلمها اوكي
باسل :هههههههههه
ارياف :وجع الضحكه هذي وراها شي صح
باسل :عطيني ريالين بس
ارياف:قسم بالله انت طماع حبيبي تعال
باسل :ريالين بس راح أقول لطلال عشره ريال راح اعلم خالي عشرين ماراح اعلم احد ورفع حواجبه وش رايك فيني
ارياف :مصدومه من هذا الولد حتى الخمس سنوات ماخلصه وجع وجع يا ابو لسان طويل تعال تعال ماراح نقول لا بس اقسم بالله ان تعلم احد اقتلك
باسل:اف عليك سرك ببير ياقمررر
ارياف :أبو لسان: باسل قرب من خالد وخالد جاي تلثمت وانا قلبي يقرقع
خالد:قمت اشوف الين ايش تبي فيني غريبه اذا بنات خالها عندها تنسى اسمه قرب خالد الا يشوف ارياف متلثمه على طول سحب نفسه يبي يطلع الا مسكت ايده انصدم منها
ارياف :ماحسيت الا انا ماسكه حسيت بغلطتي سحبت ايدي بسرعه اللي يشوف يقول نفض امي كهرباء الله يخليك ياخالد اسمعني دقيقتين بس والله ماطول تكفى خلني اريح ضميري انا نوم ما انام معاد فيني اتحمل بتأنيب الضمير
خالد :ضحك خالد تحسين بتأنيب ضمير
ارياف : طنشت ضحكته عارفه انو مقهور مني
وقلت خالد انا لما جيت تعترف لي انا ماكنت اعرفك وخفت الرجال هذا داخل عليه ويتكلم كذا انا خبصت بالكلام ماقصدت اجرحك انا عمري ماجرحت احد مابي تأخذ موقف مني انا اعتذر عل اللي حصل واذا على المضوع هذاك انا عمري مافكرت بالحب انا ما اؤمن بهذا الشى انا عمري مافكرت ان احب او انحب اتمنى تتفهم موقفي اللي صار من الخوف صرت اخبص بالحكي
خالد يطالع ببروود فيها : خلصتي كلام اقدر امشي
ارياف :مستحيل هذا ردك بعد اللي قلته ترد كذا على العموم ريحت ضميري وخلاص
خالد :سكت شوي وطالعت فيها وقلت وانا ودي اريح ضميري واتخلص من ذا القلب اللي مايحس باللي يصير اهم ماعليه انو يحبك وبس
ارياف:حزت كلمته في قلبي خالد انا اسفه و مشا بعد كلامه
خالد :بعد كلمتي قبل تمشي مشيت
روح وهالمره خلاص
لاتردين هذا الفراق وروحه
دون رده الكذب خيبه ماعرفتي
\\\\\\\\تحبين\\\\\\
اهل الشرقيه خلاص بيمشون والين تصرخ على ناز قومي يابنت عيال خالي بيمشون قومي يمكن تحصلين نظره وتغمز لها
ناز:اه اه يا الين منتي حاسه باللي بقلب اختك خليني بهمي
اسيل وارياف دخلو عل البنات :هاي بنمشي يالله قومو ابي حضن بسررعه
ارياف تضحك على خبال اسيل على طول قامت الين بحضن اسيل
اسيل :وجع وجع مو هذا الحضن الي منتظراها
قامت ناز ودعت بنات خالها نزلو تحت يسلمون على عمتهم ويمشون
طلعت اول وحده هند الا فوجهها سيف
هند:اخبارك ياسيف
سيف :وهو منزل راسه ارحبي يابنت الخال
خالد وبدر جو بتجاها سيف سلمو على هند مشت هند من عندهم
طلال وام طلال وأبو طلال بالجمس منتظرين البنات
طلال :البنات طولو
أبو طلال :الحين يجون
ركبت هند الجمس طلعت بعدها ارياف الا بوجه خالد خالد مشا على طول المجلس طالعت فيه وهي ندمانه على كل كلمه قالتها له سيف جلس يسولف مع طلال وخاله
اسيل طالعه من الباب طلع قبالها بدر هنا ابتسم
اسيل :مرت من جنبه ولا كنها شايفته
بدر :اسيلووووو
اسيل :التفت وانا خايفه ابوي ينتبه بس فضولي قاتلني قلت نعم بنفخه خشم
بدر :اقلبي وجهك يالله انقلعي ههههههههههههههههى
اسيل هنا ماتت غيض بس سكتت شوي وبعدها قالت يومك قريب يالغبي ومشت
بدر:ما اهتم خبله ههههههههههههههههههه
مشو اهل الشرقيه وخالد نام بالمجلس ماحس بنفسه
بدر :طالع غرفته ويدندن فتح باب غرفته ماحس الا شي ينكب عليه تذكررت على طول عيون البقر مافي الا هيا يالله كيف اتصرف حاطه بويا وجع يوجعك البويه كيف تطلع ابغى اعرف كيف جابته الله ياخذك امشي حبه حبه احس دخل بجسمي كله فتحت الباب ويالله صوتي يطلع مابي امي تجي وش أقول لها ما صدقت وانا اشوف سيف طالع سيف سيف سيف
سيف :اسمع صوت التفت الا اشوف واحد كله بويه وخلطه مين مين انت
بدر وجع انا بدر تعال ساعدني ما اشوف والله ما اشوف لو ما العيب كان بكيت من القهر اللي فيني اوريك والله لا تندمي
سيف :من سوا فيك كذا طلعت قبل شوي من عندي مافيك شي الا اشوف برميل طايح من بويه وخلطات بدر لا تقول الين هههههههههههههههه
بدر :وهي تقدر تسوي كذا بنص عين
سيف : اجل مين
بدر:مالك شغل تعال ساعدني احسني اختنق
سيف :طيب طيب
بدر : وصلني الحمام الله وكيلكم ما اشوف شي وسيف ميت ضحك عليه وصلني الحمام وطلع سيف تسبحت وطلعت الا اشوف ورقه قربت وانا قلبي نار فيه توقعت منها وما خاب توقعي وطلع مكتوب سلام معك عذابك انشاءالله من اليوم ورايح اها وثاني مره ما تفكر تغلط او تمس تربيتي وهذا شي بسيط ياحلوووو والأيام بينا
بدر:ماحسيت بنفسي الا وانا اقطع الورقه طيب طيب ياعيون البقر نشوف ان ماخليتك تتحلمي فيني وتهوجسي ماكون بدر وانا اللي بصير عذابك
ناز جالسه مع امها وسيف وماهي معهم
ام سيف :سيف يايمه ما تبي تتزوج شوف طلال اصغر منك وبيستقر
سيف :حاط ايده على دقنه والله ماهي شينه نتزوج ليه لا الحمدالله اموري ماشيه يالله يمه اختاري وانا معك بس اهم شيم ما تكون نفسيه زي ناز ويغمض لأمه
ام سيف :ياسعد عينك بتلقى زي ناز
سيف :يممه من يمدح العرووس
ام سيف :هههههههههه سيف عن العياره
سيف : امزح يمه ناز اووو ناز وين العقل والله مو هين طلال سلب العقل
ناز :ها هلا امر
سيف وام سيف:هههههههههههههههههههههههههه
سيف :ابد طال عمرك ولاشي
ام سيف:وش رايك بهند بنت خالك
سيف :والله يمه انتي ادرى انا ماسمعت من خواتي الا كل خير فيها
ام سيف:ودي اخطبها لك البنت رزينه وعاقله
سيف:تامرين امر يمه
ام سيف بفرحه :انشاءالله يارب اشوف عيال عيالك
سيف ضحك:اللهم امين خليني اتزوج وبعدين العيال

ارياف :ماني مصدقه اني سويتها اخذت رقم خالد من طلال والله لأول مره ادخل بفلم رعب كأني ماخذه الأوسكر ما كأني ماخذه رقم جوال بس الحمدالله وصلت له ارياف يالله خلينا نرسل واي واي خايفه والله لو يدري طلال اشهار وجهنم وبئس المصير أرسلت أرسلت
اسفه على اللي راح واسفه على الجاي
واسفه على ما صار مني وسويته ارجوك
\\\\\\سامحني\\\\\\\
خالد :وصلت لي رساله وارسلت :مين
ارياف :من كثر الخوف اللي جاني وانا اشوف رسالته قفلت الجوال جاني رعب تخيلت ان طلال داخل عليه وصفقه بوجهي من كثر تخيلات والخوف نمت
خالد:دقيت على الرقم الا هو مقفل غريبه شكله غلطان خلني أقوم اشوف شغلي
طلال:ياسين خذ الأوراق هذي وعطها المدير
ياسين :طيب هات
طلعت من الدوام وانا كارهه نفسي كل شي احسه مقفل بوجه وصلت البيت
ام طلال: هلا يمه غريبه اليوم طلعت بدر عسى خير يمه
طلال :حسيت نفسي تعبان شوي قلت اروح اريح
ام طلال:وش تحس يمه ويش يعورك
طلال:الله يهديك يمه مافيني الا العافيه بس عشان مانمت زين
ام طلال:طيب خلني اطرح غداك
طلال:لاوالله مافيني بس ابغى انام
ام طلال :اللي يريحك يمه نوم العافيه
طلال:يعافيك ربي طلع طلال عل غرفته
جلست وانا اشوف الدبله هذي مربوط بإسم ناز فيه اخذت نفس طويل وانا افكر في الايام الجايه


الين وناز وبدر بالصاله
الين :أقول ناز الحب طلوول ما دق خخخخخخ
ناز :هنا حسيت ودي اقتل البنت هذي غبيه حنا وين وهذي وين جد غبيه وشوف كيف تسوي بحواجبها مستفزه ودي اخذ دلة القهوة وبراسك عشان تصحين يالغبيه
بدر :هههههههههههههه قلتي طلول مالت انا ابغى اعرف وش عجبك في النفسيه هذا ردت ناز
ناز :وش اسوي القلب وما يهوى وبتسمت بوجه بدر وترفع حواجبه لإلين
بدر:مالت ثم مالت ثم قاطعته الين :
الين :خلاص عارفه انك محترا شفت كيف لما تكون محتر يطلع كلام مو مفهوم خخخخخ
بدر:صدقتي يا اختي العزيزه
مر اليوم مرار الكرام وجا اليوم اللي بعده
ارياف:فتحت جوالي الا القى له مكالمه عاد جتني القشعريره وليتني اتوب مسكت معي الا ارسل له مصممه اني ارسل وش اللي احس فيه هو ندم ولا وش انا مش عارفه وش احس فيه يمكن اعجبت لالا لا وش اعجبت لا ارياف انتي بس ندمانه انا ما احس بندم كل اللي احس فيه انو ابي ارسل له وبس ايش هو هذا مدري بس الاكيد يا ارياف مو ندم ارسلت
ارياف :لم يتمكن احد من لمس قلبي مثلما فعلت انت
خالد:جتني رساله معقوله غلطان خله يولي يرسل لين يشبع
ارياف:انتظرت يدق ما دق غريبه
ام سيف كلمت اخوها بموضوع خطبت سيف رحب فيه
ام سيف:لا ياخوي خذ رأي هند ما بينى هذا الكلام
أبو طلال:وانا قلت لك مالها رأي من بعد رأي ابوها بنتي واعرفها ليت بناتي كلهم زي هند
ام سيف:لا يا عبدالرحمن كلم هند واخذ رأيها اهم شي موافقتها
ابوطلال:ابشري يا ام سيف ولو اني اعرف رأي بنتي
ام سيف:برضو ياخوك مانبي كسر خواطر
أبو طلال:الله يكتب اللي فيه الخير :ام سيف اللهم امين
نزلت الين وناز عند ام سيف
الين:او او مامي شوو الابتسامه مرسومه على وجهك رسم
ام سيف:الحين كلمت اخوي بموضوع سيف
الين :أي موضوع يمه
ام سيف:خطبت هند لسيف
الين :هههههههههههههههههههه يمه الله يرضى عليك وش سويتي بتضلمي بنت خالي ومين سيف هههههههههههه اخ يابطني ماتجي يمه والله هههههههههه
ام سيف:انا هذي البنت ما فيها ذرت عقل ايش قلة الادب هذي وش ناقصه اخوك
الين:أي يمه ياحبيبتي قصدي ان ابنك سيف دلخ خخخخخخخخخخخ وهند هاديه ورومنسيه وابنك الرومنسيه بشرق وهو بغرب
ام سيف:استغفرالله واتوب اليك يارب
الين:شوفي امك ياناز ما عجبها الكلام هههههههههه يمه حبيبتي امزح معك ابنك سيد الرجال ابنك سوبرمان ابنك بباي اه اه يمه خلاص والله امزح
ام سيف : اخذت الخيزرانه وضربت الين تعقل هالبنت مافي عقل
ناز :جتني ضحكه عل الين وهي تنضرب لقافه شينه ياخويتك الف مبروك يمه مقدمه
ام سيف :ابتسمت الله يبارك فيك تعلمي من اختك وانتي غاسله ايدي انك تتزوجين بحلقي
الين :هه هه ومن قال اني بتزوج ما جبته امه اللي يقدر يسلب قلب بنتك وبعدين انا ما اتزوج حيالله بيجو عند الباب طابور واختار واللي ما يعجبني اطقه برجلي برا برا
ام سيف :قومي سوي لي قهوه لا اطقك انا
الين :سمي يمه يوووه ماعد ينمزح معكم خلاص النظره هذي تقتل بروح والله
جبت القهوه
الين اشبكم ساكتين الا دخل سيف ايش بيسكتني
الين:ههههههههههههههههههههههههههه حاولت اكتم ضحكتي اشوف الولد بيقتلني بنظراته بس سيف يضحك اتخيل مع هند
سيف :خير اخت الين ايش اللي يضحكك ضحكينه معك
الين:والله ياخوك ماهو لايق انت وهند ههههه بتصيرون يوم الملكه اصنام هههههههههههههههه
سيف:اخذ المخده بوجه الين
الين :اححححح
ام سيف :تستاهلين :يمه سيف متى ما يردون على الموافقه نمشي
سيف:على خير يمه
ناز :يمه انا ما راح اروح
ام سيف :لا يمه سلامات تجلسي بالبيت وحدك راح تمشي معنا دخل خالد البيت
خالد:وش معاكم
ام سيف:خطبت لسيف هند ونبي ثلاث أيام كذا يردون الموافقه بنطلع لشرقيه
خالد ببتسامه :على البركه
سيف:الله بارك فيك
ام سيف:وناز ما تبي تروح وهذاني قلتلها ما راح اخليك تجلسين بالبيت وحدك
ناز :يمه الله يخليك
خالد:لا يمه انا ما راح اروح خليها تجلس معي انا عندي اختبار يوم الاحد يبيلي يومين اجلس على الكتاب وبنفسه مابي أكون في مكان هي فيه
ام سيف:وليه ما تبون تروحون
الين :ومن قال اني مابي اروح انا اول وحده رايحه
ناز بنفسها:مابي صدمه يمه كفايه صدمات اللي جتني حتى مكالمه ما رفع سماعه يتطمن على اخباري هه وتبيني اروح اوجع قلبي
ام سيف :انتي مرفوع عنك القلم
كل اللي في الصاله ماتو ضحك على شكل الين وهي مصدومه
الين :ليه يمه تجرحيني قدام العذال عجبك يمه الحين
ام سيف: أي عجبني
الين :مدت بوزها يممممممممممممه
نروح لدمام
البنات جالسين مع بعض
ارياف:غريبه عمتي جايه ما تشوفي الموضوع فيه شي يعني ما قعدنا فتره من وقت ما رجعنا
اسيل :أي والله بس تتوقعون البنات بيجو
ارياف:الين قالت لي بتجي بس ناز ما راح تجي
هند:وليه ما راح تجي
اسيل:هههههههه يمكن مستحيه من طلال
ارياف :ههههه يمكن ليه لا رن جوال ارياف بنات الين خلوني اخذ الاخبار نطو البنات قبال ارياف
اسيل :ردي وحطي سبيكر
ارياف :ردت وحطت سبيكر الووووو ارحبي ياعسل
الين:يرحب بحالك ياقمر أقول تجهزوو يا اهل الشرقيه سمو الاميره الين جايه
اسيل:اخذت الجوال :مالت عليك قال وش سمو الاميره الا الجيكر
هند :هنا ماتت ضحك
الين:يسلم لي الضحكه اضحكي يابعدي جعل ماحد يضحك غيرك ياعروستنا
البنات هنا تنحو على كلمت الين صارو يطالعو في بعض
اسيل :الين حبيبتي عمري قلبي انتي
الين:أي هذا كله عشان ايش
اسيل :من قصدك عروستنا وضحي يا روحي
الين:مالت ماهو لايق تميلح بس يالله راح أقول مو معقول ماعندكم خبر خالي ما قال لكم ان امي خطبت هند ورد لنا الموافقه لا تستهبلون عليه
البنات كل وحده تبي تستوعب
اسيل :الين حبيبتي بعدين اكلمك
الين: طيب
هند:مو معقول ابوي ما يقول لي اكيد بيقول لي
اسيل:كيف كذا انخطبتي ويرد ابوي الموافقه من غير ما تدري ايش الموضوع
هند:ساكته وش أقول مش عارفه ليه ابوي سوى كذا ليه ما قال لي انتظري يا هند نشوف
ارياف:الا تتوقعون مين سيف ولا بدر
اسيل :نقزت نقزه وقلت لا لا لا شنو بدر لالا مستحيل بدر


وووووو



( ملاحظة )

@nj______nj ( حسابي بالانستقرام )


بعد الانتهاء من الرواية هنا سوف يتم اضافتها بحسابي في الانستقرام ولا تبخلو علي من تعليقاتكم سواء كان مدح ولا انتقاد فإنني أتقبلها بكل رحابه


كما أجدد البيعة للملك سلمان وولي عهده الامير محمد بن سلمان بمناسبة اليوم الوطني السعودي أدام الله عز الوطن وامانه ويحفظ جنودنا الابطال بالحد الجنوبي

وكل عام والسعودية بأمن وآمان يارب العالمين



آخر من قام بالتعديل شموخ جنوبية; بتاريخ 21-09-2017 الساعة 11:31 PM. السبب: اضافه
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-09-2017, 12:24 AM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: أنا في قلبه لا ينساني/بقلمي


البارت الرابع

صلو على النبى




اسيل :لا بدر لا
ارياف:تشوف هند اللي مفهية با اسيل هند
هند : ها بفهاوه
ارياف :انتي شايفه اللي اشوفه وانفجروو اثنيناتهم ضحك على اسيل وهي مشتطه وجهه مقلوب احمراني
اسيل:هنا حسيت على نفسي مدري ايش خبصت شكلي جبت العيد خير ليش تطالعون فيني كذا
ارياف : اها بدر لا مايصلح لهند اها ليكون
اسيل:لايكون ايش وش تفكرين فيه
ارياف :حركت حواجبها يمكن ان
اسيل :وقطع هالسان وش تفكرين فيه انا انا قصدي واحد مغرور وشايف نفسه ومغازلجي وو
ارياف :خلاص خلاص درينا انو مغرور و
هند هنا فهمت ارياف وماتت ضحك على شكل اسيل وهي مفهية في ارياف
اسيل:وجع يوجع العدوو بدر انسان مريض انتم فهمتوني غلط هند شخصيه هاديه بدر دفش سيف قريب من شخصية هند يعني ليش تطالعون فيني كذا برضوا فاهمني غلط الشرها مو عليكم انا اللي جالسه معكم مالت عليكم
هند واسيل :هههههههههههههههههههههههههه
هند: اش وضعه هههههههه
ارياف :والله يا اختي وضعه ما يطمن الظاهر طايحه بدباديبها
ههههههههههههههه
مرت ثلاث أيام ردووو الموافقه مشو اهل الرياض ما بقى الا خالد وناز بالبيت
في السياره
سيف :أقول الين عطيني من اللي عندك بالكيس
الين:ابشر طال عمرك انت تامر امر
بدر:ضحك والله مو لله وراها شي
سيف:مبتسم
الين :سامحك الله فقط
اللي بالسياره فطسو ضحك
بدر:ابي اعرف وش دخل فقط
الين:لقد طلعت هكذا يا اخاه
ام سيف:مستحيل هذي البنت تعقل اعقلي فشلتيني عند العرب
الين:يممممه العرب مين سيف وبدر ههههههههههههههههههه بصوتها كله
ام سيف:وقطع صوت العدوووو
الين:بلعت العافيه لأن ام سيف عصبت
بدر :خخخخخخخخخخخ تستاهلين هههه
سكتت شوي الين:يمممه ابشري يالغاليه لقد عقلت وش رايك فيني وانا عاقله وتتبسم
ام سيف :الله يهديك
بدر:هههههههههههه يمه اذا حجت البقره على قرونها هههههه اغسلي ايدك منها
ام سيف:انا من زمان غاسله ايدي منها
هند:غريبه ابوي ما يقول لي
ارياف :هند كلمي ابوي
هند :قلبي يقرقع على طول قلت لأرياف ما عاد جمعت كذابه
ارياف:رفعت حاجب ونزلت حاجب وليه اكذب
هند :هذاني قايمه :معقوله الناس على وصولوابوي الحين بيقول لي دخلت الغرفه سم يبه
أبو طلال:كيف حبيبة ابوها
هند ببتسامه :نحمدالله
أبو طلال:يستاهل الحمد يبه بدخل بالموضوع على طول سيف ولد عمتك كلمني يبيك على سنة الله ورسوله وانا يا بوك عطيت اختي كلمه قلتلهم بنتي مالها رأي من بعد رأيي هلا انا ياابوك كذبت وابتسم
هند :سكتت شوي
أبو طلال: رعبني سكوتها بس ارتحت لم قالت
هند :يبه انت قلت لها مالي رأي من بعد رأيك ما حست الا ابوها يسلم في راسها

هند:قمت سلمت على راس ابوي وطلعت
وصلو اهل الرياض ومن وقت ماوصلت الين وهي تهدر فوق راس ارياف وارياف متنحه من يوم قالت لها خالد ما جا ارياف :اففففففففففف
الين :وجع اشبك
ارياف وش فيني مافيني شي كملي سالفتك
الين :بنص عين أي واضح ما فيك شي لي ساعه اهدر وانتي منتي معي وو
ارياف :قمت على طول ودي ارسل وخايفه ما ادري تهوري هذا وين بيوديني
الين: شوف النذله خلتني طزززززززز اروح لأسيل
هند واسيل بالمطبخ
اسيل :هند انتي ضبطي الحلا لسيف ههههههه
هند:بنت اعقلي بلا خبال
الين:انتم هنا
اسيل: تخيلي قلت لا سكتت لم شفت نظرات هند
هند:اسيل والله اعلم ابوي
اسيل: وجع وجع ما احد يمزح معك انا طالعه باي ابي اشم هوى نقي ههههههه
الين وهند بنفس الوقت خبله طالعو ببعض ههههههههههههه
أي يا روحي انا احبك واموت فيك
اسيل: أي يابدر تغازل طيب طيب وجع مايستحي قليل الادب صدق انا ليه مشتطه قربت وانا اسمع الغزل صدق مغزلجي
اسيل :صدق انك قليل الحيا صدق ماعندك ذرة رجوله ماتخاف على خواتك ما ادري اش اللي حسيت فيه كل اللي احسه في نار بقلبي
بدر :اسيل اذلفي داخل وانتي فاسخه الحيا
اسيل :من غير شي انا مولعه منه مدري ليه حسيت بغيررره على طول مشيت لعنده وقفت مقابله له
اسيل :أي انا فاسخه الحيا خير اش عندك انا بنت منتهيه انا بنت خربانه انا زي هذولا اللي تكلمهم مدري وش كنت أقول او وش اخبص
بدر:كل ما يجي لهذي البنت الا تتمرد اسيل ادخلي داخل لو اجا خالي ولا اخوك وش يقولو
اسيل : خلهم يقولو اللي يقولون مايهمني وانت وانت وانفجرت بكي مدري اش فيني او وش اللي احس فيه هذا شعور مهو اول مره يجيني اول شي لم سمعت ان يمكن بدر هو اللي بيخطب هند بغيت انهبل والحين اش اللي احس فيه سحبت نفسي وانا احسني تهورت لا ماتهورتي الا سويتي مصيبه يا اسيل الولد مصدوم من هذي اللي تطلع له وتصرخ وتبكي
بدر:مصدووووم من اسيل لأول مره اشوف اسيل كذا اشبها طول عمرها ي تضحك او راعيت مقالب غريبه اشبها
خالد : على طول دخلت غرفته ناز وبصراخ ناز ناز تعالي بسرعه بمووووت ناز بموووت



( ملاحظة )



البارت الجاي راح يكون الخميس الجاي بإذن لله




.


آخر من قام بالتعديل شموخ جنوبية; بتاريخ 23-09-2017 الساعة 12:25 AM. السبب: اضافة
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-09-2017, 09:16 PM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: أنا في قلبه لا ينساني/بقلمي


وقسسسسسم انكككك مبدعههه تجننننن روايتتتتككك تهبببببببل تهبببببل ذووووووووق اهنيكك😍😍

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-09-2017, 09:47 PM
في قبلبي جرح احاول اطفيه في قبلبي جرح احاول اطفيه غير متصل
©؛°¨غرامي جديد¨°؛©
 
الافتراضي رد: أنا في قلبه لا ينساني/بقلمي


مبدعه ماشاءالله ابدااااااااع وربي بنات اقرو روايتي (انام اليل ولاقي نفسي احلم بك واتخيل اني معاك وجالس قبالك )وابغى تعليقاتكم وقسسم توني اكتب روايتي ولا شف اي تفاعل معيي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-09-2017, 09:17 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: أنا في قلبه لا ينساني/بقلمي


السلام عليكم
مبدعه الغلا وروايتج جميله
وحليلك يا اسيل طلعتي غيوره على بدر مسكين انصدم منها
ناز الله يكون في عونها تعلقت في طلال وهو مايحبها بس الله يهديه لو ما خبرها انه مايريدها
الحين انكسر خاطرها

سلام،،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 28-09-2017, 04:24 AM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: أنا في قلبه لا ينساني/بقلمي


انتظروني اليوم مع البارت ترقبوووو الاكشن

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1