اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 14-11-2017, 08:03 PM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


البارت 8

سبحان الله وبحمده.. سبحان الله العظيم

.....


اشويي وسمعوا صوت بوري مزعج
عبدالعزيز/خير شكل الاخ مضيع
قاموا كل الشباب متوجهين للمخيم اللي كان كم خطوه بعيد عنهم وصلوا كلهم وتقدموا الشباب من السياره نزلت جيهان و نزلت معها عامر وطلبت من ميري وياسر يجلسوا ب السياره تقدمت وهي تحس م تشوف شي من كثر الدموع اللي ملت عيونها تقدمت من جنب الشباب متوجه ل الشياب
شافت عمها ناصر يوقف ابو عبد العزيز وهو مستغرب والكل مستغرب علطول فكت ايد عامر وركضت ل عمها ناصر وهي تحضنه بقووه وتبكييي بصوووت عالي وابو عبد العزيز مصدوم وللحين وجيهان ابكاها كل ماله يزيد
الحارس يوم نزلوا شغل سيارته راجع للفيله
عامر يناظر الكل وهو خايف وشوي ويبكي من صوت جيهان وهي تبكي اللي كان قوي
عصام قرب منه/كيف حالك ي بطل
عامر يطالعه وساكت
عصام قربه من وهو يبوس خدوده ويردد ماشاءالله عامر كان معه خدود ودبدوب طالع شكله كيااته/وش اسمك
عامر/اسمي عامر
عصام/هلا والله عموورر
عامر/انت وش اسمك
عصام/اسمي عصام
عامر/طيب خلاص فكني بروح ل جوجو
تركه عصام وشاف يركض عند اللي يسميها جوجو ويتمسك بها
ابو عبدالعزيز/ي بنتي ايش فيكك قولي لي تريني م عرفتك
جيهان كانت تشاهق والاحرف تطلع منها مقطعه/ا ا انا جيهاا ججيهان ي عم
ابو عبدالعزيز حظنها بقوه وهو يناظرهم بصدمه/سمعتم ايش تقول هذي جيهان بنت اخوي رائد
الكل مصدوم وميقدر ينطق حرف واحد
ابوعبدالعزيز/رفعع راسها وهو يمسح دموعهااا اللي مو راضيه توقف تشكي ظلم خوالها والحرب الدايمه بينهم وتشكي موت امها اللي ممر ع دفنها اربعه وعشرين ساعه وتشكي اشي كثيره هي متعرفها بسس تبي تفرق كل شي في ه الحضن اللي تحس بالانتمى والامان له
ابوعبدالعزيز/تكفييين خلااص تري قلبييي يوجعني عليكك شوفي حتى اخوووكك خاااف
جيهان تحاول تمسح دموعههها بس م قدرت وترجع تبكييييي مرررره ثااااانيههه وتدفنننن نفسهاااا في صدرر ابو عبدالعزيز وتبكي بصوت عالي
الجد م تحمل شكل بنت ولده كذا قرب منهم وهو يسحبها بحضنهه وهي تتمسك فيه بقوه وتبكي
البنات متحملوا شكلها وبكو واكثرهم العنود اللي من عرفت انها جيهان وهي تبكي
والجده كلهم يبكون لنهم كلهم كانوا واقفين قريب منهم
الجد/خلاص حلفتكك بالله ي ابوكك معد تبكي قطعتي قلبي بسسس اذا لييي معززه عندكك
جيهان تبعد عنهه وهي تمسحح دموعهاا اللي غصب انها وقفت همست للجد انها تبي الحمام تغسل وجهها الجد/العنود بسكك بكاي وروحي معها تغسل وجهاا وتعالوا
راحت جيهان مع العنود اللي كانت ماسكه ايدها بقوه وكنها خايفه انها تضيع ولحقهم عامر ومسك بيد جيهان وهو يناظرها تبكي او خلاص دخلوا الحمامات وغسلت وجهاا ولفت وهي تحضن العنود ويسلمون ع بعض
العنود ب عبره/ي دووووبه وربييي اشتقتلكك
جيهان بصوت مبحوح من كثر البكي/هههههه حتى انا والله
بعدت العنود عنها وتنزل ل عامر وهي تبوووس في خدوده وغصب جيهان بعدتها عنه /عمى كلتي الولد
العنود/ي اختتييي كياااته ينوكل وقسسم ماشاءالله
جيهان/ ههههههه وشلت عامر وهي تغسل له وجهه ومسكت بيده راجعين
العنود/اااه ي قلبي
جيهان/بسم الله ع قلبكك والحين ضروري اسلم ع ذولا كلهم
العنود بسخريه/لا حياتي م يحتاج روحي اجلسي بس ي حياتي لكك اربع سنوات مشفناكك و لا شفتينا وباقي تسألين
جيهان/بفف عمى كلتيني كنت امززح ي حماااره
وفكت يد عامر وهي تسلم عليهم واحد واحد ووصلت عند الجده وهي تحضنها وتسلم ع راسها وتستنشق ريحتها ريحتت اميي والله كنها امي اللي احضنها اااه يارببييي صبرننييي
بعد م خلصت سلام ع الكل لفت ل الشباب/اخباركم ي شبااب
الشباب ب اصوات مترفقه/تمام طيبين اخبارك انتي
جيهان/تمام الحمدلله وراحت جلست بجنب الجد وبالجنب الثاني عمها ناصر
ومدوو في الجلسه وصارت النار بنص وكلهم مسوين دائره كبيره حريم ورجال بنات وشباب وحتى البزران كل واحد جالس بجنب امه او ابوه وعامر كان جالس بين عصام وعبد العزيز اللي خذوه عندهم وكل واحد يسلم عليه شوي ويسولف عليه
الجد واللي توه ينتبه ل شي واللي هو ام جيهان/جيهان يبهه وين امكك
كلهم في ه الحظه لاحظو انها مي موجوده ولفو ع جيهان ينتظرون جوابها
جيهان تحاول تكتم عبرتها وبصوت مخنوق/ ماتت
الكل يناظر بصدمه ويردد/ان لله وان اليه راجعون
الجد يحضنها من كتفها ويمسح ع راسها/لاحول ولاقوة اللى بالله متى ماتت ي ابوووي
جيهان/البارح المغرب
الجد بصدمه/ان لله وان اليه راجعون لاحول ولاقوة اللى بالله
ابوعبدالعزيز/قولي لنا كل شي صار معكك ي ابووي كيف ماتت وكيف جيتي هنا
جيهان بدت تحكي لهم كل شي كيف مات امها ووش صار لها وكيف خوالها يعاملونها و اخر شي لما قال بيحطهم في الملحق وهروبهم وتهديده لها يوم دري وكل شي
ابوعبدالعزيز/الله لا يبارك فيه الكل## ودامكك وصلتيي هنا والله م يلمس حاجه فيكك واذا هو رجال خليه يجي
وع كلامهم سمعت جوالها يدق طلعت من شنطتها اللي معها وشافت اسم العله وبخوف/شوفه شوفه يدق وقسسم بيقتلني
الجد يحضنها/والله م يسوي لكك شي وراسي يشم الهواء بس ارتاحي انتي عمها ناصر/خذ الجوال وفتح الخط
وعلطول وصله صوت حازم اللي يسب ويلعن في جيهان و يسأل وينهي
ابو عبد العزيز رد ببرود وهو يبي يستفززه/قلت شي م سمعتكك اذني تعورني ليكون تهلووس
كلهم ابقوا يموتوا ضحكك ع اسلوب ابو عبدالعزيز حتى جيهان لكن مسكوها لن الوقت م يسمح
حازم بصدمه/يعنييي الكللببههه هررببتتتتت من جدهااا وينهااا والله ل اجييي لها واسحبها مع شعرها عشان تعرف من حازم
ابو عبد العزيز بأسلوبه اللي ينرفز حازم/من متى وبنت اخويي تكذب اللي براسها تسويه من عرفتها مدري مين كذب عليك وقال لك انها تكذب وايهه هربتت عندنا عند عمانها اللي يصونونها ويحفظونها ولا يدورون ورا الورث واذا تبين اعلمك فين هي والعنوان معندي مشكلهه حتى لو اجيب واحدد من الحراس يوصلك بعد
حازم وصل اعلى مراحل غضبه/ي كل#انت وهي والله ثم والله انكم تشوفون مني الويل وانا اعرف كيف اوصل لكم والورث مو لبنت مثلها تلعب وتسرححح فيههه ع كيفهااا
ابو عبدالعزيز/افاا بنت اخوي مو بكفو له وبكذب ترا الورث الحين بين يديني اعطتني هديه لكن رفضته لن ماني بحاجه لها وزود عليها مليون من عندي واعطيتها اياها تسوي فيه اللي تسوي ان شاءالله تحرقها بنار انا مالي دخل عشان تعرف ان بنت اخوي كفو مو مثلك وعن ميت رجال
البنات والشباب ماتو ضحكك حتى اخوانه وكان حاط الجوال سبيكر ويسمعون كل شي
حازم وهو يبي يقهره/اااه تقصد بنت رائد اللي م يعرررف ي ربيييي وبنته بنصوص اللياللي برا وترجع ع الفجررر مدرري ويش تسوي ومع مين ولا مع جاسر ولد خالها هذي اللي تتكلمم عنها
جيهان خذت الجووال من عمها وهي واصله حدها من العصبيه كل شي ولا احد يتكلم عن ابوها ويطعن بشرفها وبأسلوووب حاوولت يكوون منرفز/اوووه هذااا انت ي العله تصددققق م عرفتكك اول المكالمه حسبتكك ذيب(واحد سوداني يشتغل عنده وكل اشوي يسررق فلووس من عندهم ويخاصم فيهم بختصار مريض نفسي ولا يقدرون يقولون له شي ياخافون يسوي لهم شي)تصدقق عاد هو احسسسن منككك ي اخييي طيوووب ع نياااتهه اما انت كنكك تريلهه تمشيي ع الارضض ولا بعد تاخذ لكك خمسس ميهه وتحطها بجيب غميصكك وتوريهم كنك تقول انا غني وانت من جنبها اتوقع رحتى شحذته مع ذيب وكنيي سمعتكك نطقتى اسم شيخ الرياجيل ع لسانكك وهذاااا ابد م يشرفنيي لنه بأختصار مو من مقاامكك وكني سمعت كلام ثاني زي سهرات تواللي الليل واشى زي كذا ابقى اقووول لككىى انا كل واحدد يشوف النااااس بعين طبعهه واولهم ولد اخوكك اللي طريتهه ع لسانكك ههههههااايييي
حازم بعصبيه/لا والله وطلع لكك لسان ي الخسيسه
جيهان بستفزاز/وبعد من كذاب عليك مرهه ثاني وقالل ان ممعي لسان كنت احترم فااارق العمر اللي بيني وبينكك بس مدام السالفه فيها شرفيي ف تخسى
البنات بصوت عالي يبوونهه يسمعهم ويصفقون/كفوووو كفوووو جيهااان كفوووو كفووو وجلسووا يرددون ه الكلمه
والشباب سوو مثلهم وبصوت عالي/احنىىىى معككك ي بنتتت العممم احتزمييي ويصفقووون مره هم ومررره البنااات جيهان فطست ضحكك هي وعمانها والحريم
جيهان/سمعت هذولا الناس الكفوو اللي ينحطوون ع الراس مو تحت الجزمهه(اكرمكم الله)وهذولا واللي نحتزم بهم مو بعضضض الناااااس
عامر قرب من السماعه/لا تبكي علينا ندري انكك حززين حنىىى معددد بنجيكك وانت ومحمدووه نامو بالملحق واحنى بنام هنا ويضحك ويبعد السماعهه
وكلهم يضحكون ومستانسين ع نرفزة حازم اللي قال الله لا يبارك فيكم وسكر في وجيههمم جيهانن حطت الجوال بحظنها وهي مايتهه ضحكك وكلهم ضحكوا ع ضحكتها
الجد يسلم ع راسها/ي جعلني م انحرررم من ه الضحكهه اللي ترد الروح
جيهان كل متتذكر ترجعع تضحكك اكثر من اول
الجده/بس بس بطنكك بيتقطع
جيهان/ههههههههههههههههههههههههههه اههه ي بطنييييي هههههههههههههههههههههههو وقسسمم ههههههههههههههههه تحفهههه ههههههههههههههههههههههه
ابو عبدالعزيز يحضنها/بسسس بسس بطنكك راااااححح
جيهان اخيررراا وقفت ضحك وتمسح دموعها اللي نزلت من كثر الضحكك/اهه يليت اني هناااككك وشفت وجهه اههه اخيرااااا انكسرر وجهه المعفن
ابو عبدالعزيز/والله منتي هينهه طلعتي
جيهان/هههههه منكم نتعلم
العنود/الصدققق انا للحينن مصددددومههه من طريقة كلااام ابوووي الصدق م اعرفتكك
والكل ايد كلام العنود
ابو عبدالعزيز/ههههه والله حتى انا م عرفت نفسي
ابو عصام/هههههههههههه والله انكك كفوو وريته
رائد.ن/اتوقعع معد بيجي بعد كلام ابويه
باسم/خخخخ لا عمي م قصر وصف له المكان وبيعطيه سوق
الكل/هههههههههههههههههه
جيهان/ترو جوعانه من بعد العصر م اكلت شي
عامر/حتى انا جوعان
ابو بندر/خمس دقايق بالكثير ان شاءالله وهو جاهز
جيهان/كويس
هند تقصد جيهان/تعالي هنا عندنا
الجد مسكها مع كتفها/لا لا م شبعت منها
جهيان/هههههه خلاص ل عيون ابو ناصر نجلس عنده
الجد/ي زين ابو ناصر منكك مقد احد ناداني ابو ناصر ..الجد او ابوي .او فهد بس
جيهان/خلاص انا بناديك ابو ناصر وتلف علا الباقي يويل واحد يقلدني
عامر بزعل/حتى انا ي جوجو
جيهان/ههههههههه لا انت مسموح لك عمور
عامر ابتسم بفرحه
وبعدها نادوهم الخدامات ان العشاء جاهز
طبعا ياسر وميري نزلوا من السياره ياسر جلس مع السواقين الباقي في مخيم بعيد شوي و ميري مع الخدامات
الحريم والبنات عند خيمتهم والشياب والعيال عند خيمتهم
جيهان/اخخخخ وربي جوعاانهه بعد المغامره
جود/ليت كنت معكك بالمغامره ي شيخهه اكشن
جميله/خبلههه صدقق
جيهان/اي جازي حامل بشهرك كم
جازي/خلاص ب التاسع
جيهان/ي عمريي الله يعينيكك(طبعا هم يسولفون وهم يتعشون)
العنود/تري تقريبا باقي اسبوع و٣ ايام ع زواج هند و وليد
جيهان/واااو ماشاءالله مبرروووكك
هند /ههههه الله يباركك فيكك
جيهان/والله فيني طاقهه ارقص من زمان م حضرت اعراس امكن من ٥ سنوات عشان مرض امي وهيكك
العنود/معلاك انااا وانتييي نطلع الطاقه كلها بالعرس
جيهان/ان شاءالله
...عند الشباب ...
طبعا خذو عامر عندهم يتعشى معهم معجبين فيه خخخخ
سيف/عامر مين احمدووه اللي كنت تقوله ل حازم
عامر/ولده محمد
سيف/اها ههههههههههه يدرس صف كم
عامر/رابع
بندر يغمز ل الشباب/انت وياه اصدقاء
عامر/يعععععععععععععع يخسي ووع انا محبهه هو مدلع يتدلعع ويبكي وانا رجال م ابكي
الشباب/ههههههههههههه
عبدالعزيز/آه مدري من كان بيبكي قبل شوي
عامر ببرائه/مين هههههههه
عبدالعزيز بكذب /هذا عاصم
عامر/هههههههههههه صغير
بسام يعقوب/معليك منه ه الخرده
عبدالعزيز/ليه شفتاني سياره وانا مدري
رأئد ن/لا كامري ههههههههه
الشباب/هههههههههههههههههههههه
عامر/انا شبعت ابي اغسل هيا روحوا معي
عصام قام/وانا كمان
باسم/انتظروني وقام راح مع عامر وعصام ل حمامات الرجال يغسلون يديهم
... الرياض ...
حازم/بقتلها والله بقتلها الحقيره طلع لها لسان
جاسر/خلككك منها الحقيره دواها عندي
حازم/الكلبه استفزتنييي هيي وااخسيس ناااصرووه
جابر/الله ياخذهم ونفتك منهم كلهم
حازم/انا ذبحني انه زادها مليون ع الورث
ابو جابر/احللففف
حازم/والله
ابو جاسر/امكن يكذب
حازم/مدري مدريي الله لا يباررك فيهممم ولا بعد حاطه سبيكر الببنات والشباب يشجعون فيها ولا عامرووه طلع له لسان
جاسر/يبي لنا شي نسويه وناخذها
حازم/مدري خلنا نفكر
(ملاحظه ولد خال البطله اسمه جاسر ... ولد عمها اسمه جاسم فيه خربطه شوي)
...
انتهى
رايكم فيهه😩💘💔
واسفه اذا كان قصير احبكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 20-11-2017, 06:13 AM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


سلاام


اخبااركم


وينكم ي عرب ربي ولا احد موجود👀👀




المهم




اعذروني ه الاسبووع اللي هو بكرا الثلاثاء مراااح انزل لكن الاسبوع الجاي ابشروا لن والله م فضيتتت وقسمم كل اللي كتبته بس (البارت ٩)ه الكلمه بس والرقم وغيررره والله م فضيت اكتبهه ه الاسبووع بذات كان كلها طلعات ورجعات واشغال و ناس مزكمين ومعهم حراره <اهلي .. لكن ابشروا ب العوض




لكن جد وينكم مختفين👀👀


احس اني انزل ومحد يقراء😓😓💔

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 29-11-2017, 08:18 PM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


البارت9

سبحان الله وبحمده .. سبحان الله العظيم

اعذروني ع القصور💕💓


الدمام الساعه ١١ بالليل
كل واحد ب مخيمه يستعد ينام وبعضهم ناموا بسبب تعب اليوم
في مخيم الحريم والبنات كانوا كلهم نايمين معاد جيهان اللي كانت تبكي وتحس روحها بتطلع من كثر البكاي ع امها وكان عامر نايم ع فراش ثاني بجنبها يعني هي بنص مابين عامر و العنود
تبكي تبكي حتى صوت بكايها صار مسموع
قربت العنود منها اللي للحين ما نامت وتسمع صوووت بكاي جيهان .. جيجي اذا صاحيه خلي نطلع
جيهان تمسح دموعها وبصوت مبحوح/اوكي
قامت العنود وقامت معها جيهان يطلعون برا عن الخيمه
العنود/برردددددددد
جيهان تحاول تتناسى الحزن شوي/خلي نشب النار
العنود/معرف
جيهان/اما عاد متعرفين تشبينها
العنود/يب
جيهان/المهم جيبي بس الكبريت خلي نشب
كان الحطب جاهز و مجمع فوق بعض جابت العنود كبريت وجيهان صبت شوي غاز ع الحطب وولعت الكبريت ورمته ع الحطب وعلطول اشتغل عشان الغاز
العنود/برااافوا
جيهان ضبطت مع
العنود الجلسه وسوا قهوه مع بعض وخذوا لهم حلا وجلسوا ياكلون
العنود/احسك مو متعوده ع النوم بدري
جيهان/مو كذا بس مدري لييه مجاني نوم بالمعنى احين ١١،٣٤
العنود/يب بدري
جيهان/مين هذولا اللي جاين
لفت العنود/عبد العزيز ومدري مين معه
جيهان/مكأنه هذاك مدري ايش اسمه اخو جود
العنود /اي والله صدقتي
عبد العزيز عصام/سلام
البنات اعطوهم ظهرهم (وكانوا حاطيه القبعه ع روسهم حقت الجكيتات)وعليكم السلام
قامت العنود تجيب جلال صلاه لها ول جيهان
عبد العزيز هو عصام جلسوا شوي بعيد عنهم
عبد العزيز/غريبه منمتم للحين
جيهان وهي للحين معطيتهم ظهرها/مجانا نوم
عبد العزيز/اها
جات العنود وكانت متلثمه بجلال الصلاه ومتطلع اللى عيونها وكان الجلال ينزل اللي ركبها واعطت الثاني جيهان وسوت مثلها
عدلوا الجلسه وصاروا مقابلين بعض
اعطتهم العنود القهوه وفناجين و بعض من الحلاويات
عبدالعزيز/تسلمين
العنود/ المهم ايش جابكم
عصام/ذي طرده محترمه
العنود/لا لا م قصدي كذا
عبدالعزيز/شفنا النار شغاله وجينا نشوف
العنود/اها
عصام قوم عبد العزيز/يالله احنى بنروح عند خيمتنا عشان تاخذون راحتكم
عبدالعزيز/واشوي وناموا لا تجلسون براء لحالكم وطفوا النار
العنود جيهان /ان شاءالله
عبد العزيز وعصام راحوا ل مخيهم وجيهان والعنود ظلوا ل حالهم
..
عبد العزيز/نعم سحبتني كذا
عصام/تدري فيني محب اجلس مع بنات مو محرم لي ولا يقربون لي
عبدالعزيز/احس والله عادي
عصام/بالنسبه لي مو عادي احس مو حلو مثلا او كنت متزوج وحده من البنات وهالبنت جالسه مع اولاد عمك وضحك وسوالف احس مصارت مسخره بزياده عن اللزوم
عبد العزيز يحك راسه من وراء/في هذي صدقت
عصام/اي لكن لو كانت مثل لما جات جيهان واجتمعنا كلنا حريم والرجال صح هذي مافيها مشكله
عبدالعزيز/اي اي
عصام/المهم بكرا ودي نشوي
عبد العزيز/عادي مافي مشكله نشوي
عصام/كويس المغرب كذا نشوي ان شاءالله
عبد العزيز/ ان شاءالله
ودخلوا مخيمهم ينامون مع الشباب وكذالك عنود وجيهان طفوا النار ودخلوا المخيم ينامون
...صباح يوم جديد ...
الساعه ٨ كان الكل صاحي بلا استثناء حريم رجال
حلا كانت تعجن بر
و هيام تسوي حليب
ورند شاهي .. وهند وجوري قهوه
و جيهان ايدام بازلا و العنود تسوي ايدام بطاطس طبخ
وجميله و شموخ كانوا يشبون الميفا
والامهات كانوا جالسات ومستريحات
رند/هيام لا تخلي الحليب يطلع طعم الشاهي فيه واضح يطلع مو حلو
هيام/ان شااءلله..سويت واحد للرجال و بسوي واحد لنا
رند/يب انا بسوي ثنتين ل الرجال ووحده لنا
جيهان/عنودي بليز بقي لي من البطاطس عشرين حبه من اللي قطعتيها ودي اقليها
العنود/ابشري من عيوني
جيهان/تسلم عيونك
جيهان بعد م كشنت وخلصت حطات البازلا وشوي ماي وملح وفلفل وخفت بالنار اشوي وخذت البطاطس اللي بقتها العنود وتقليها
العنود كانت تقطع البصل وعيونها دمعت/اااه اصلن اكثر شيه اكره بالمطبخ البصل
جيهان/ههههههههههههه عادي عادي
العنود خذت مويه وتغسل وجهها وخذت لها منديل
تنشفه/ليته فيك ليش اما انتي م دمعت عيونك
جيهان/خخخخ ايش يدريني
اخذت البصل العنود وحطته ب الحله و حطت زيت و شبت النار خلت شوي يغلي وحطت صلصة طماطم و فلفل وحركت فيها شوي مع البصل و بعدين حطت البطاطس و الملح ومويه وغطتها /اخيرا خلصت متعود اطبخ الصبح
جيهان/ليه كني احسن منك بس هذا قرارات ابو ناصر وام ناصر(الجد_و الجده)
العنود/وانا متجلطني غير قراراتهم اللي زي كذا
جيهان/ههههههههههههههههههه حرام علاك
العنود/تعالي تعالي خلي نشوف بنات ايش سوا
... عند الشباب والشياب...
كانوا كلهن مجتمعين في جلسه عند خيمتهم ينتظرون الفطور
سيف/جدي والله لو انك مخليني انام لين يجهز فطور كان احسن
الجد/لا والله انت نايم وغيرك يشتغل ويكد
سيف/مافي احد يشتغل
الجد/لا والله والبنات وش يسون يلعبون ولا يطبخون
سيف/والله هذي شغلتهم جدي
الجد/والله ذي شغلتكم وشغلتهم سوا مو بس هم
سيف/طيب طيب
جواد/هههههههههههههههههههههه مافي مفر ي حبيبي
..
شوي وجهز الفطور اعطوا الرجال وخذوا هم طبعا الجو كان غيم وهواء بارد
بعد م افطروا راحوا البنات يتمشون معاد جازي وجميله
والشباب راحوا يتمشون ب مكان ثاني
جيهان/تروا احب المغامرهه اللي تبي تغامر هيا
العنود وجود اول من قال انا
جيهان/ههههههههههههه متحمسات ومين كمان
البنات كلهم قالوا اي
جيهان/يالله
وظلوا يمشون ويستطلعون المكان من حولهم
جوري/شوفوا الشجره ذيك حلوه
جيهان/اي والله ودي اتسلقها
جود/قدام يالله
راحوا ل الشجره وتسلقت جيهان و العنود و جود
اما حلا و جوري ورند وشموخ وهيام جلسوا بعيد شوي يطالعون فيهم
جيهان/ياااااي وناااااسهه تعالوا ل يفوتكم
حلا/والله م بعت عمري ي روحي عشان اركب عندك
جيهان/والله عادي م تخوف
العنود/خليك منهم خوافات اهم شي احنى نستانس
جود/اي والله
جيهان/شوافوا الشباب هنااك بعيد يتمشون
العنود/عليك نظر
جيهان تضربها/قولي ماشاءالله
العنود/ماشاءالله ماشاءالله وتسوي تنفث عليه وهي تتفل بس بشويش(اكرمكم الله)
جيهان/يععع ي وسخهه الله يقرفكك
البنات /هههههههههههههههههههههههههههههههه
هيام /توك م شفتي شي منها
العنود ب استهبال /اصلنن كل شي يطلع من فمي زي العسل
جود و جيهان بصوت واحد/بااااااين
العنود/ييمههه بسم الله علي
البنات/هههههههههههههههههههههههههه
شموخ/انخرشت ههههههه
العنود/يوووه كل ذي غيرره
جيهان/اللى صدمه
جوري/انزلوا خلو نروح مكاان ثاني
نزلوا البنات يتمشون ويروحون مكان ثاني
.. عند الشباب ..
جاسم/رائد ليه متغير اسمك
رائد ع بصدمه/ليهه
جاسم/هههههههههههه لني مابقى اتذكر رائد ولد عمي ناصر في فرق كبير بينكم
رائد ن /انقلععع وش زود رائد عني
رائد ع يقرب من رائد ن /لا لا هذا سمي ميصير
جاسم/هي انقلع
عصام/ههههههههه
باسم/في اسماء غيرهم متكره بالعائله بسام و بسام
عبدالعزيز/ بقول ل جدي نرجع يوم الخميس
وليد/ليه
عبدالعزيز/معي اجتماع يوم السبت مع شركة خلف ال
عصام/الشركه ذي معرفوه ماشاءالله بس يالله موفق
عبدالعزيز/اي معرووفه وان شاءالله اكون الرابح بالاجتماع
بسام ولد الجد فهد/الله يقويك
جاء لهم بندر وهو شايل معه عامر/سلاام
الشباب/هلا وعليك السلام
عصام/ي حياتي اطلق من جبت
بندر/ههههههههههههه
عامر كان لابس ثوب بني و شماغ ابيض بحركة الامارتين و جكيت بنيي (اللي كشخه جيهان قبل تروح مع بنات وعامر عمره ٥ سنوات ل التذكير )
عصام ياخذه من بندر/ياااارب حبيت هالولد بقووووه ويبوسس خدودههه
عبدالعزيز/انا اخسس منك . ويقرب يتبوووسهه بخدووده
عامر/خلاص
الشباب/هههههههههه
عبدالعزيز/طفش منا
سيف/نزله خله يمشي
نزل عصام وجلس يتمشى معهم ويسولف وهم مستانسين بسوالف اخر شي قرروا يرجعون ممكن ع الساعه عشره وشافوا البنات قدامهم راجعين راح فزع عامر ونط بحضن جيهان اللي منتبه له من اول
عامر/ججوجو اشتقتلك
جيهان/عمرررررريي ي نااااااس فدوووووه اناااا حتى انا اشتقتلك
عامر/جوجو انا احب هنا م احب عند محمدوه معد ابي اروح ابي اجلس نلعب هنا
جيهان/اي حبيبي هناك هم ميحبون معد نروح عندهم هنا كلهم يحبونا نجلس عندهم
عامر/ايوا
العنود/جعلنييي بس بالله اخوكك ع مين طالع ماشاءالله
جيهان/هههه والله مدريي امي كانت تطالع في مين
الشباب قربوا من البنات وصاروا بجنبهم بس بعيد شووي
رائد ن/الصدق احسدك ع اخوك ذا ماشاءالله لو امي ترجع وتجيب واحد مثله
جيهان/هههههههههههه حرام عليك عمتي هي كبيره كيف تبي تجيب لك واحد
الشباب+بنات/ههههههههههههههههههههههههه
عصام/ماشاءالله الله يحفظهه صدق نتفهه يهبببل مقد حبيت طفل مثله
عامر/انا احب جوجو قد العالم
هيام تمشي ع وار وهي مقابله جيهان/وانا تحبني
عامر/ايوا بس شوي
هيام/هههههه اهم شي انك تحبني
وصلوا المخيم وكل واحد راح خيمته
جازي/ها كيف التمشيه
البنات بردود مختلفه/تجنن..حلووه..تهببل
جازي/ههههه مدام قلتم كذا ف هي حلوه
جوري/يب
دخلوا البنات المخيم ونزلوا العبايت والطرح والنقابات وكل وحده خذت بس جلال الصلاه الخاص فيها وتلثمت به و مدته اللين يوصل الركب او تحت عن الركبه وطلعوا برا يجلسون مع الحريم
جيهان صبت كأس حليب /عموور تعال(كان يلعب مع لجين و جوري وعاصم وقمر و حمد )
عامر جاء عندها/ها
جيهان/اشرب كاس الحليب هذا
عامر/لا مابغى شبعان
جيهان/لا خذه عشان لا تتعب وتدفى
عامر خذوه مجبر وهو م يبيه
جود/معلاكم اي احد يتعب عصام بالخدمه
جيهان/ماشاءالله دكتور
جود/يب
جيهان/ماشاءالله حتى انا ناويه ادخل طب بس اتوقع اكنسل
جود/ماشاءالله
جميله/اذا كنسلتي ايش بتدخلين من تخصص
جيهان/والله م ادري كل اللي في بالي طب درسة اول جامعه طب ومدري استمر او لا
العنود/عادي استمري وخذي شهادت الطب وبعدها متى مودك تدخل ادخلي
حلا/تخصص ايش
جيهان/اطفال
هند/حلو و الله
جيهان/مدري احترت صدق ودي انكسل عنودي ايش تبقين انتي
العنود/طب ي عمري
جيهان بصدمه/كذاابه
العنود/والله
جيهان/سنه كم
العنود/بدخل ثاني جامعه ان شاءالله
جيهان/يعني سواء انا وانتي .. طيب ايش تخصصك
العنود/اساعد دكـتوره مثلا اكشف ع مريض واقولها واصرف ادويه فقط
جيهان/حلـو والله
قاموا هالمره الامهـات يسـون غـدا كـانـو البـنات بيـساعدونــهم بـس رفضـوا لـن البـنات سـو الفطـور
الظهر تغدوا كلهم وناموا .. الين العصرر
......
الرياض
حاتـم و جـاسر مشوا ل الـدمـام يبقـون ياخذون جيهـان وعـامر وهم احين باقي لهم 100 كيلوا عن الدمام وعن المخيم100 كيلوا وكـانـوا ميتين قهـــر وفنفس الوقت خــايفنـي انهــم ميجــون معــهم وعــاد وقتهـا صـدق الورث يروح عليـهم
.....
الدمام
العصر .... الساعه ٤ الكل صاحي اكثر من نص ساعه ممكن وقرروا الشباب يسوون تفحيط ومسابقه بالسيارت كل واحد ومعه سياره




.......
انتهى هذا البارت ال9 اعذرووووووونيي ع القصووور ادري ان الباااارت قصيرر ولا يكفي حق قياب اسبوعييين بس والله كانت الضروف اقوووى منـي اول اسبوع قلت لكم السبب ام البارح ليـه م نزلت فهذا بسبب انقطاع الشبكهه العامه والله كنت وقتها اكتب بالبارت انقبنتتتت بقووووه خصلت الباارت وانتظرت وانتظرت وقلبني النوم وانها م اشتقلت والله اني انقبنت من قلبييي وانا انسنانه ملتزمهه بالمواعيد م احب التاخير اعذروني وقولوا لي رايكم لا تبخلوني علي(والله ي المتابعين اني اتحطم لما ادخل و محصل ردود ع البارت حتى يخيل لي ان اصلن مافي احـد يقراء وانا جالسـه انزل كذا حتى لما اجي اكتب اتحطم وقسسم احس اني اكتب كذا ع الفاضي😔😔😳 الوحيده واللي متاكده انها تقراء الروايه لامارا💕💓💞 وبسس لا تبخلون علي مثل م انا جالسه اكتب واتعب قدروا تعبي بكلمه تفرحني💓)واوعدكم الثلاثاء ببااارت طووووووووووووووويل يفرحكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 05-12-2017, 06:58 PM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


انا قلت امس اني معد بكمل بالمنتدى ل ضروف خارجه عن ارادتي .. وبكمل بحسابي انستغرام r_aiaiir

وممكن ارجع بعدين اكمل بعد م انزلها انستغرم

(استغربت ان اللي كتبته امس انحذف)!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 20-02-2018, 09:35 PM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


سلاااااااام اخباااركم
حبااااايبييي رجعت لكمممم وراح اكمل معكم الروايه هنا💗💗
ان شاءالله وراح انزل لكم احين بااارت💗💗💗😍فديت قلووووبكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 20-02-2018, 09:44 PM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


١٦

سبحان الله وبحمده
.....
💕💕
.....

الدمام
العصر .... الساعه ٤ الكل صاحي اكثر من نص ساعه ممكن وقرروا الشباب يسوون تفحيط ومسابقه بالسيارت كل واحد ومعه سياره
العنود/لو يسمحون لي بس والله افحططط اصلن الملك سمح
جود/يمهه والله تخووف حتى اخواني محب اشوفهم يسرعون كيف لو بس عاد عصام ميحب يفحط ابد شوفي جالس هناك بعدي عنهم
جيهان/والله فلهه عادي اذكر لما كان عمري ١٥ رحنى البر وخلاني ابوي افحط و فجااااه مسكتتت راسهااا وتحسسس بصداااع قووووي داهمهاا آآآهه
جوري/بنت ايش فيكك
جيهان بآلم/رااسيييي آآه اييييي
البنت علطول عرفوا ليش صدعت ومتوترين
العنود/قوومي ادخلي جواء استريحي شووي
جيهان وبدا يخف شوووي عنهاا/لا معليك هدا شوي انا كل م تذكرت شي مع ابوي اصدعع
العنود/لا معليك بس عشان فقدان الذاكره وان شاءالله بخير
جيهان/طيب انتم متذكرون ايش صار عشان اتذكر
العنود بكذب وتشتت نظراتها/لا ما نعرف انتي بس تعرفين بس فقدي ذاكرتك
جبهان/اها
حلا تحاول تغير الجوا/تعالوا نجلس هناك ونتفرج شكلهم بيبدون احين
راحوا البنات بمكان شوي بعيد عن الشباب وجلسوا والشباب كانوا قدامهم وكل واحد يستعرض
عبدالعزيز/عصااام تعال فحطط
عصام/لااا محب التفحيط
عبدالعزيز يبي يستفزه/خووواف
عصام ببرود / ماني خواف لكن مبقى ماني فاضي
عبدالعزيز/وش اللي مشغلكك الحين ولانك تخاااااف
عصام/اقول طير عن وجهييييي احسن لكك
عبدالعزيز باستهزاء/خواااااف
عصام تنرفز وخذ حجر وراماه ع عبد العزيز لكن م ضرب فيه
عبد العزيز باستهزاء/هههااهييي طير ي خوااف وركب سيارته ويفحط قدام عصام باستهزاء
البنات فطسوا ضحك عليهم
هيام/مسيكين عبد العزيز ميبقى يسوي شي وعصام مو معه لكن عصام ميحب
جود/افضل هههههههههههههههههههه
عصام يبتسم وهو يشوف جواد ورائد يسون سبااق
ويأشر جواد له باستهبال وفنفسه يقول والله سيارتي راحت فيها
قرب منه عبدالعزيز وفحط من جنبه وهو يصرخ ويقول له خواف قام عصام ينفض الترأب اللي علاه
من تفحيط عبدالعزيز راح عند سيارته اللي كان فيها جواد و رائد و قالهم ينزلون يبي ينافس عبدالعزيز نزلوا وجلسوا مكان عصام اول وهم متحمسين ركب عصام وسكر نوافذ السياره وصار يفحط وكل ماله يتقدم عبد العزيز ويفحط في وجهه حتى تنعدم الروئيا على عبد العزيز
...
العنود/اخوكك النذل ليهه يسوي كذا ب اخويه
جود/والله واخوكك النذل قبل اشوي وش سوا ب
اخويه
العنود/يستااااهللل
جيهان/بس انتي وياها كلهم يستاهلون هههههههههههههههههه
العنود/ياااااااااااارب .....
هند/ايوه كمللي يارب ايش
العنود/شي خاص بيني وبين ربيييي وتناظر جيهان من طرف عينها
جيهان/يااااارب .... وتناظر العنود
البنات/هههههههههههههههههههههههههههههههه
ع الساعه ٥ وقفوا الشباب تفحيط ورحوا يتمشون
والبنات جالسين مكانهم يسولفون
جازي بطنها يمغصها لكن مو قوي آلم خيف وهذا يومها الرابع في التاسع ١١/٢٤ لكن متبي تعلمهم وهو لسى م يعورها كثير وقالت في نفسها المغرب بتخبرهم عشان تقواء عليها الالم تكون في المستشقى لنو بعيد ممكن ساعه عنهم
حلا/خلونا نتحرك نمشي
جازي/ايوا الله خلونا نمشي الحين انا بشهري التاسع ويصلح لي المشي
البنات بردود مختلفه/اوكي؛طيب
قاموا البنات كلهم يتمشون
جيهان/روحوا وانا بروح اشوف ل عمور وباجيكم
البنات/طيب
جيهان راجعه للمخيم تشوف ل عامر والبنات راحوا يتمشوا .. شافته جالس يلعب مع حمد و قمر والباقي يلعبون مع بعض اللي هم(لجين جوري عاصم )
راحت لهم وجلست عندهم وتلعب ب شعر عامر/كيفك عمور
عامر/بخير
جيهان/ليه م تلعبون انت وحمد و قمر/مع لجين وجوري و عاصم
عامر بزعل/هم عندها اشكال يسو فيها ع التراب شراء لهم ابوهم و لهيوا م يخلونا نلعب معهم انا وحمد و قمر وجينا نلعب هنا جوجو اشري لي وحده مثلهم حلوه
حمد و قمر /وانا
جيهان تضايقت من تصرفات لجين وجوري وعامر لكن في بالها تقول صقار م يفهون شي /طيب ابشر من عيوني اشري لك واحسن من حقتهم
حمد زعل/واناا
جيهان/هههههههههههههه بشري ل عامر والعبوا سواء طيب
حمد عامر قمر/طيب
جيهان قامت/يالله عمور انا بروح مع بنات وانت انتبه ل نفسك طيب
عامر/طيب ..وكمل لعب مع حمد و قمر
ولحقت جيهان البنات اللي كانوا يتمشون/سلااااموو
البنات/هلللااا
العنود/ها شفتي عامر
جيهان/يب وقالت لهم السالفه كلها
جميله/ههههههههههههههههههههه اخوان عيالي م يتفارقون
جيهان/اهم شي حمد وقمر معه ههههههههههههههه
حلا/هههههههههههه عمري اخواني حنونين
البنات/ههههههههههههههههههههههههههههه
كملوا تمشيهم
جيهان/بنات تدرون ودي ارجع ل الرياض
البنات قاطعوها بصدمه وبردود مخلتفه/ليه . ايش . متى
جيهان/يمهههههههه بسم لله علي خلوني اكمل
جود/كملي كملي خ انشوف
جيهان/ودي اروح اخذ بعض الاشياء المهمه خليتها هناك وودي اخذ ملف عموور عشان ادخله ب المدرسه هنا السنه ذي بيدرس وبس
العنود/اشوى قلت شي ثاني بس بتروحين مع مين
جيهان/اكيد بطلب واحد من عماني يوديني لن مستحيل اروح مع السواق ويمسكني الزفت حاتم
العنود/اي صح
حلا/كويس يدخل مع حمد
جيهان/اي والله كويس
شموخ/ومتى ناويه تروحين
جيهان/بعد م نرجع من البر
شموخ/اها
..عند الشباب..
كانوا واقفين كلهم فوق جبل متوسط مو كبير مررره وكان بعيد عن المخيم بكثير
بندر/بررررررد هناااا
باسم/اي لنا في مكان مرتفع
رائد ن كان واقف ع صخره بعيده عن الشباب اشوي وبجنبه بسام ولد الجد احمد و سيف ووليد
رائد ع /هيييي شووووفواا البنات هناك ي كثرررهم (يقدرون يشوفونهم لنهم في مكان مرتفع)
عصام/ههههههههههههههه قوووول م اشاءالله لا تعطيهم عين الحين
رائد ع/ماشاءلله ماشاءلله
رائد ن/خلوني اسمعك صوتي بهالجوء المزيون
بسام ولد يعقوب/لا لا لا تكفى خ نستمتع بالجو بدون صوتك
رائد ن /ايش تبغى انت متبقى تسمع سكر اذانيك
جواد/اطربناا اطربنا يالله
رائد ن/احم احم هبب البراد وزانت النفسيه والجوء رووعهه والمشااعر حيه والغيم وااااااااااااااااااا الصخره اللي كان واقف عليها انكسرت نصين وطاح اااااااااااااااا
الشباب بصدمه/رائئئددددددددد ونزلوا سريع من الجبل يبون يشوفون له وصل عبد العزيز عنده وهو خايف على اخوه /ولد فيك شي
رائد ن /لا مجاني شي الحمدلله اخخخخ بس
الشباب تطمنوا شوي وبعدين كلهم بنفس الوقت/ههههههههههههههههههههههههههههههههههههههه
بسام ولد يعقوب/قلت لك ل تنشد لكن م تسمع انت
عصام يقرب منه يب يتطمن زين علاها/متأكد انك كويس
رائد ن/اي لن اصلن طحت ع تراب مو بحجران
ولا كان تكسرت
عصام/حتى لو .. وظل يسأله اسألت طبيب حتى تأكد زين ان مصار له شي بس ايده اليمين جاها جرح بسيط من حجر كان بجنبه وكان مع سيف وحده لا صق جروح واعطاه
عبدالعزيز/عساء الحين الجنيه(بسم الله علينا) اللي براسك هجدت
رائد ن يقوم/ابشرك هجدت وبقوه بعد هههههههه
الشباب/ههههههههههههههههههههههههههه
ورجعوا الشباب والبنات للمخيم لن المغرب اذن
جيهان/عمور تعال معي شوي
عامر/طيب . وراح معها
دخلت جيهان عند مغاسل الحريم ورفعت اكمام ثوب عامر ل فوق المرفق و نزلت جزمته وشرابه(اكرمكم الله) هيا انا بتوضى احين وانت قلدني عشان تصلي طيب
عامر/ليه م ابغى
جيهان/لا عمور انت صرت رجال كبير وتصلي مع الرجاجيل
عامر فرح لنها قالت له رجال/طيب
وصارت توضى وهو يقلدها الين خلصوا نزلت اكمامه ع السريع ولبسته الشراب والجزمه(اكرمكم الله)يالله بسرعه روح عندهم قبل يقيمون الصلاه واذا وصلن نزل حذيانك عند حذيان الرجال طيب
عامر/طيب وراح عند الرجال بسرعه وجيهان رجعت عند الحريم والبنات تصلي
عند عامر جلس ع الارض يحاول ينزل جزمته بس م عرف وابو عبد العزيز كان يقيم الصلاه شافه جاسم وجاء يساعده ونزل له الجزمه له وقام عامر ووقف بجنب عبدالعزيز عشان يصلي معهم
عبدالعزيز/بتصلي معنا ؟!
عامر/اي جيهان خلتني اوضي وقالت اصلي معكم لني صرت رجال
عبدالعزيز/اوكي ي بطل
عامر ابتسم ب فرح ويوم شافهم يكبرون بيبدون الصلاه سواء مثلهم (كان الامام ابو عبد العزيز ووراه اخوانه و ابوه وابوعصام وجاسم ووليد والصف الثاني باقي الشباب وعامر ) بعد م صلوا وخلصوا قال الجد ل عامر ينادي الحريم والبنات يجون يجلسون معهم جواء كلهم بعد م قالهم عامر معاد جيهان اللي كانت تغير له ثيابه لنها توصخت لما العصر يلعبون لبسته بنطلون جينز اسود و جاكيت احمر وقبوع احمر ولبسته شرابه وجزمته(اكرمكم الله)و لبست عباتها والطرحه والنقاب ومسكت بيد عامر رايحين لهم وصلوا عندهم وشافت الجد يأشر لها بينه وبين ابو عبدالعزيز ومن جهت الجد الثانيه كان الجد احمد ابو شموخ وباسم وبسام تركت عامر اللي انطلق عند رائد و رائد اللي نادوه وهي قربت من الجد وحبت راسه وراس ابو عبد العزيز وجلست معهم
جيهان/اخبارك ي ابو ناصر
الجد/بخير دامك بخير
جيهان/تسلم ي الغالي
عبد العزيز/الله اكبر ي دنيا اول انا كنت تناديني اجلس عند والحين صارت جيهان
الكل/ههههههههههههههههههههههههههههه
الجد/معزتك عندي غاليه سوى جلست عندي او عندك بس عاد جيهان مشتاق لها
عبدالعزيز/هههههههههههه امزح ي الغالي
راح عامر وجلس في حثل(حظن😂😂 افهموها عاد)
جيهان/يالله حي هالزول
عامر/ليه مافي تلفزيون هنا ابغى النمر الوردي عداني
جيهان /هههههههه وانت وش ذكرك به احين
عامر يأشر ع رائد و رائد اللي رفعوا يداتهم بستسلم/هم وروني في الجوال
جيهان/الله يقطع بليسكم
رائد ن/ههههههههه وش دخلني قلنا له وش تحب من كرتون قال النمر الورد ع الاخ رائد ولد عمي عادل تطوع ووراه شوي بالجوال وطفيت البطاريه
الكل/هههههههههههههههههه
جيهان/خلاص بعدين اذا رجعنا للقصر اوريك هو
عامر والعبره بصوته بيبكي /لا لا احين
جيهان ب حنان/عمور بس قلت في القصر
عامر بكاء (النمر الوردي كرتونه المفضل يحبه حيل عشان كذا زعل )
ابو عبد العزيز خذه منها/لا لا اللى عامر لا يبكي وحطه ب حظنه وطلع جواله واعطاء بسام اللي بجنبه /حطه له ع الكرتون اللي يبيه
شغل بسام النمر الورد وعطاء عامر اللي يتفرج ب فرح
جيهان من بين سنونها/عنيييييد
عامر م سمعها لكن الباقي سمعوها
ابو عبدالعزيز/هههههههه تصدقين يشبه رائد
جيهان ب استغراب/مين رائد
ابو عبد العزيز/هههههههههه فهت ابوك
جيهان بصدمه/والله .. وحكت راسها ب احراج مقصد اكذبك يعني ومعد عرفت ايش تقول
الكل/هههههههههههههههههههههههههههههههه
ابو عبد العزيز/عارف م قصدك تكذبين معلاك بس صدق يشبه ل ابوك الله يرحمه
جيهان بحزن/الله يرحمه
عصام/وش رايكم نشووي
الكل ب ردود م ختلفه/مافي مشكله . اوكي. طيب
قاموا الشباب كلهم يجهزون ل الشوي ويشون
اشوي ودوا صوت الرعد بالسماء
العنود/ياااارب يجي المطر
الكل/ياارب
بعد نص ساعه خلصوا الشوي وتعشوا منه وجلسوا مع بعض
اشوي ونور سياره يضوح عليهم
جيهان اول م تبينت لها السياره انصدمت اما الباقي منصدمين م عرفوا
جيهان وهي تتمسك بثوب جدها وبصدمه وترجف/ههذذاا حح حااتت حاتم
الكل لفوا عليها بصدمه
الجد يطبطب ع ظهرها/معليك لا تخافي
وقف ابو عبد العزيز وعمانها الثانين وعيالهم يوم شافوا جاسر يطلع من السياره ومعه حاتم
حاتم تقدم شوي وبسخريه/اخيرا حصلاناكم
ابو عبدالعزيز وهو يحاول يهدي نفسه/ليه تعبت نفسك وانت تدور انا يوم انك دقيتا قلت لكى ان بعطيك العنوان
حاتم انقهر من بروده بس مبين/طبعا تعرف جت عشان ايش صح
ابو عبد العزيز/مالكك شيي عندناا
حاتم/اللى بنت اختي وولد اختي
جيهان بعد م هدت نفسها ولازالت جالسه بجنب جدها/بدري اعترفت ب اختك وعيالها بس احنى نشوفك غريب عنى ولا نعرفك فقط نعرف اسمك حاتم
حاتم بقهر/وطلع لك لسان ي بنت رائد
عبدالعزيز/ايه بنت رائد وتفتخر بعد انها بنته
حاتم/المهم بسرعهه يالله جهزي اغراضك واغراض اخوك وع السياره
عبد العزيز بسخريه وهو يناظر رائد اخوه/هه شكل الاخ واثق من نفسه هههااهيي
رائد ن بسخريه نفس سخرية اخوه/اي يحسب بنعطيه وحنى متحسبنا انها جت هنا هههاااهييي ويضرب كفه بكف عبدالعزيز
جاسر/شكل معلموكم تحترمون اللي اكبر منكم
عصام برد سريع مرضي ع صديقه/اي ولا علومنا ندخل بيوت الناس ونروح ع بناتهم مدري مين اللي اهله مربووه زين
حاتم/حدك عاد كل ولا جاسر
عصام بسخريه/من متى عينوك محامي عنده ولا هو معنده لسان يتكلم به
حاتم/تراكم كلكم شلت صعاليك وبنت اختي مالها اللي بيت خوالها بدل متختلط معكم رجال وحريم
الجد بصوت قوي/وبنت رائد مالها جالسه اللى مع عمانها و احنى محنى يقريبين عنها تجلس عندنا افضل من انه تجلس عندكم وتذلونها وتدورن زي الكلا** ورا الورث
حاتم انقهر من كلمت كلا**/جاسر روح جرها مع شعرها وجيبها
جاسر تقدم بيأخذ جيهان لكن شاف عبد العزيز وعصام قدامه والباقي ورا/ابعدوا عن طريقي وبسخريه ي صعاليك
عبدالعزيز انقهر منه واعطاه بقس قوي ع وجهه حتى لف وجهه
جاسر/ي خسيس ومد يده بيضربها لكن محس بنفسه اللى وهو ع الارض من البقس اللي جاه من عصام
حاتم قومه/شكلي اشتكي للمحكمه تشوف حل معكم
ابو بندر/والله احنى اللي بنشتكي عليكم اذا م رحتم احين وطبعن بنطلع فضايح اربع او خمس اعوام كلها بالمحكمه
حاتم خاف وهو عارف انهم هم اللي بيطلعون كسبانين وتراجع بيركب السياره ومع جاسر
عامر قام من عند جيهان وراح ركض اللين وقف بجنب عصام و عبد العزيز وبصوت عالي/ قل ل محمدوه(محمد ولد حاتم عمره ١٠) انا محبه وهو يععع ووصخخ ومدلعع وبكايههه وهو مقرف وانا حلووو ماني مثله وهو دبب ونونو ونا العب مع حمد صديقي وهو ممعاها احد الغبي الدب الاسود
الكل فطسوا ضحك ع عامر اللي باين انه يكره محمد بقوه/هههههههههههههههههههههههههههههههههههههههههه
حاتم انقهر وقرب بيضربه لكن شله عصام وهو يضحك و بسخريه/هههههههههههه انقلع هو مقال اللي الحقيقه وبسخريه الامؤلمه صح ههههههههههههههههه
حاتم انقهر بقوه وبصوت عالي/كلكم كلاااااااااا*** وسكر باب السياره وانطلقوا وهم منقهرين الف
الكل في ه الاحظه/هههههههههههههههههههههههههههه
وكلهم رجعوا بالجلسه
عصام/اخخخخخ احس سويت انتصار
عبد العزيز/مثلكك
جيهان/ثاااانكيوووو كلكم
عصام/ابي اعرف ايش سوا محمد ل عامر عشان يكره كل ه الكره
جيهان/باختصار يلعب وميخلي يلعب معه ويضربه وذا شراء له ابوه العاب يوري عامر ويقهره
عبد العزيز/وانا اقول
الجد/عندي شي بقوله
الكل/سم
الجد/الاولاد والبنات معد ابيكم تجلسون بجلسه وحدكم اللى اذا كلنا اجتمعنا زي كذا
البنات والشباب/ليههه
الجد/بدون ليه من ه الوقت يتنفذ الكلام
الكل/ان شاءالله
عبد العزيز لف ع عصام اللي بجنبه وبهمس/اتوقع الوحيد اللي فرحان انت
عصام/هههههههههههههههههههههه احسن وطبعا مبسوط خخخ
جازي قربت من جاسم وهي تهمس بذنه/احس بألم في بطني واتوقع ولاده بس تو مو الم قوي خل نروح المستشفى قبل يتقوى الالم
جاسم بصدمه /والله كيفف
الكل يطالع باستغراب؟!!!
جازي/وش كيف اقولك الم ولاده
قالهم جاسم وكلهم خافوا علييها وفرحانين بنفس الوقت انها بتولد اخيرن راح بها المستشفى مع امه وامها بس ويوم قرب من المستشفى ظلت تصارخ لن الألم زاد عليها
اما في البر صلوا العشاء البنات وحريم راحوا مخيمهم وجلسوا عنده
اشوي اللى قطرات المطر تنزل عليهم
جيهان/وناااااااااااسههههه مطرررررر
العنود تقوم وتدور حول نفسها/اااااااه ي زين المطرررر يهيبببببل
هند/ياااارب ياااارب جازي تولد وتطلع بالسلامهه ياااارب
الكل/اميييييين
اشتد المطر اكثر وكان غزير الكل دخل معاد العنود اللي رفضت وكان المطر يغرقها وهي فرحانهه
جيهان دخلت لبست جكيت كبير ل الركبه فوق لبسها وحطت قبع ع راسها وطلعت براء في المطر
جيهان/اللبسي لك اي شي بدل تبردين احين
العنود/مابي ابي اتروش من المطر
جيهان/بكيفك وانتي حره .شافت عامر جاي لها ركض من جهت الرجال وهو فرحان
عامر/جوجو مطررر يهببببل ويضحكك فرحان
جيهان/هههههه اي حلو المطر تعال البسك شي ثقيل عشان ل تتعب. راح معها ولبسته جكيت ازرق ثقيل وبنطلون جنز اسود مع جزمه زرقاء فيها خطوط سود ولبسته قبع اسود وطلعت معه براء في المطر عند العنود وهيام و هند اما الباقي يتفرجون بس من جوات الخيمه
الجده معصبه/خشوا جعلكم اللي مانب قايل تبون تمرضون علان احين ب هالمطر
جيهان/هههههههههههه ي زينها اذا تكلمت ب البدوي
ام عبدالعزيز/بنات ادخلوا
جيهان/عمتي حنى معنى لبس ثقيل عادي بس شوفي. بنتك العنود
ام عبد العزيز/العنود ادخلي بلا عناد
العنود/نوو مامي خ استانس اكيد بكره بنرجع قصر ع شان جازي خ نستمتع
ام عبدالعزيز/قسلت يدي منك اما انا الله يخلف عليه
البنات/هههههههههههههههههههههههههههه
راح عامر عند الشباب اللي كانوا كلهم براء ولابسين لبس برد ثقيل عكس البنات اللي كان اقلبهم جواء
بندر كان يدعي بالمطر بصوت هامس منخفض/ياااارب ياااااارب اجعلهاا من نصيبي ياارب يااارب محد يتزوجها قبلي ياااارب
رائد ن/ادعع لنا ي بندرر
بندر خلص دعائه/ليه معندك لسان تدعي به
رائد ن/اللى بس انت احسن مني
بندر/انقلع بس
رائد ن يستهبل/طيب ايش كنت تدعي وادعي زيك
بندر/اعوذ بالله ي القافه
عبدالعزيز/اخويه عنده عرق لقافه زايد
عصام/مثل جواد و رائد يحشرون انفسهم ب اي شي اعوذ بالله
الشباب/ههههههههههههههههههههههههه
جاهم عامر/انا جيتتتتت
الشباب/هلابكك
شاله باسم/ي عمري شوفوا خدوه كيف صارت من البرد (كان للحين عندهم مطر قوي)
سيف/ماشاءالله يهببببل اللي يخليه ل اخته
الكل/امينن
بسام ولد يعقوب/تعالوا ندخل عليه برد احين
دخلوا الشباب مخيمهم وجلسوا فيه
شوي دق جوال وليد وكان جاسم/هلا والله
جاسم بفرحه/هلاابكك خبر الاهل ان جازي ولدت وجابت عبدالرحمن (ع اسم ابوه وع فكره ترى ابوه ميت)
وليد/ع البركه ع البركه ي ابو عبدالرحمن
الله يرزقكم بره
جاسم/تسلم.امييين يارب..يالله مع السلامه وسكر بعد م سمع رد وليد
وليد خبر الشباب والشياب كلهم فرحوا و مبسوطين لنه اول حفيد بالعائله
وراح عامر يخبر البنات والحريم وكمان هم انبسطوا بقوووه وجلسوا يرقصون برا ويصيحون من الفرحه(المطر وقف عندهم من دقيقه)
الجد سمع صياح البنات/اكيد ذولي البنات ميعقلون
ابو عبد العزيز/هههههههه ليه م تعرفهم يعني قد غسلت ايدي منهم
الجد ب مزح/نسيت مدعي لهم بالمطر ان الله يصلحههم
الكل/ههههههههههههههههههههههههههههههههههه
ابو عصام/عندك جود مجنونه ع تؤامها رند اشوى منها
ابوعبد العزيز/التقت مع العنود وش تبي باقي هههه والله يخلف ع رند وهي مع هيام
الكل ههههههههههههههههههههههههههههههه
الجد احمد/مع كذا البنات زينة الحياه بكل شي
ابو بندر/اتفق مع ذ الكلام
بندر/افاا وتقولونها بوجيهنا
الجد فهد/بوجهك ولا من وراك هي هي البنات مالمهم مثيل حتى انتم لكن انتم متجلسون في بيت وتقهون وتونسونا ملا مع الشباب



...


رايكم💗💗
البارت الجاي راح يكون بعد اسبوعين ليلة الثلاثاء 😍💗

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) الأمس, 05:41 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


السلام عليكم هيام شلونك حبيبتي عوداً حميدا

حبي البارت الأخير هو البارت 10 صح

وليس 16

حتى اذا نقلته أنقله بالترقيم الصحيح والا ستكون 6 فصول ناقصة

10 و 11 و12 و 13 و14 و 15

ثم يأتي 16

أنتظر ردك قبل النقل

بالتوفيق لك دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) اليوم, 10:36 AM
هيام الحربي هيام الحربي غير متصل
©؛°¨غرامي جديد¨°؛©
 
الافتراضي رد: جیتك وأنا أطلب أمانك وأنت بأمانك أحتویتاني/بقلمي


اقتباس:
المشاركة الأساسية كتبها لامــارا مشاهدة المشاركة
السلام عليكم هيام شلونك حبيبتي عوداً حميدا

حبي البارت الأخير هو البارت 10 صح

وليس 16

حتى اذا نقلته أنقله بالترقيم الصحيح والا ستكون 6 فصول ناقصة

10 و 11 و12 و 13 و14 و 15

ثم يأتي 16

أنتظر ردك قبل النقل

بالتوفيق لك دمت بود
اهلا بك لمار اعذريني ع تاخر ردي
اي هو ١٠ لكن انا غلط لني مسجلتها عندي بالمذكره بالارقم وانسيت م اعدل ١٦ واحط عشره اذا عدي بتنقلي البارت اكتبي ١٠ انا منتبهت اللى بعد منزلت ومكان يمديني اعدل وشكرا لكي 💗

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1