اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-10-2017, 06:12 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
B6 رواية ليته ماحصل/بقلمي


بسم الله الرحمن الرحيم
السلام عليكم ورحمة الله وبركاته ..
أضع بين يديكم نبضيَ الأول الذي بدء به قلبي ينبض أقدم لكم معشوقتي الأولى التي ترددت بطرحها " لـيتَــــهْ مَـــا حـصَــلْ ".. فيها من الرجعية الكثير ومـن الحب أكثر كتبتُ بعضها من واقعــي وبعضها من مزيـج خيـالـي فخيـالـي بدء من مرارة واقعي الأليـم فأتمنى منكم عيش لحظاتها وكأنها واقع لكنكم تتذوقون عيشها في خيالكم ..
أترككـم مـع البدايـة القصيرة وما بعدهـا طـويــل . 

# البـارت الأول.
دخلت البيت وهي معصبه تصارخ : وينها وينها النجسة الخبيثة وينها أم وجهين .
نفس البيت بس في الدور الثاني سمعت أمها تصارخ تحت خافت صار لها شيء نزلت مسرعة إلا تشوف أمها تناظرها بغضب وكره واخوانها مسكينها / .. الأم : تعالي يا بنت ال*** والله لأمحيك من الوجود انتي موب بنتي ابد ما عندي بنت اسمها خزامى لا لا انتي موب بنتي / البنت تناظر بصدمه ..؟! الدموع تتجمع بعيونها نرجع بالزمن لورا قبل ساعة ونصف
( ... ؟ : يمه اقسم بالله ما أكذب عليك بنتك تحب ولد عمي متعب وإذا تبين تتأكدين بعد شوفي جوالها كله صور وكلام غزل فيه الأم منصدمه ومو مستوعبه إلى الآن ....؟ بخبث : لابعد شكلها بينه وبينها محادثات وأحيانًا أشوفها تكلمه في بيت جدتي وهي تضحك ولا همها أحد ...صاحت البنت الصغيرة ...؟ : يمه أنا بشوف بنتي قاعده تبكي الأم ولاهي معها خلاص كلام بنتها أعماها ولا فكرت انها تكذبها طلعت من بيت بنتها مسرعة وبنتها تضحك بخبث .)
الآن ...
الأم : طلعوها من بيتي النجسة طلعوها ****** أم الرياجيل اللي ما تستحي / اخوانها الاولاد الاثنين الكبار لما سمعوا كلام امهم تصنموا وفكوا مسكهم ليدين امهم والبنت كنها بدت تستوعب وش تقول امها وما حست الا بأمها وأخوها يهلّوا عليها بالضرب وأخوها الثاني إلى الآن منصدم عادت لها الذاكرة وأمها وأخوها يضربونها ودموعها تهل
< قبل شهر >..
(...كنت أنا وأختي نهال قررنا نطلب من مطعم فجأة دخلت علينا أختي الكبيرة ومعها بنتها أم 9 شهور تقول : السلام عليكم أخباركم وش تسوون رديت عليها متفاجئة من جيتها : أوه السلام عليكم واحنا الحمدلله بخير ووش قاعد نسوي ابد نطلب لنا من مطعم جوعانين وانا اختك الأخت الكبيرة : خلاص طلبوا لي معكم جيت افتح جوالي وما تنبهت للي تراقبني طلبت لنا وجيت اقوم اروح للحمام *وانتو بكرامة* رجعت وجاء الطلب ورحت خذيتو جلسنا كل وحده خذت طلبها بسم الله تو بحط اللقمة في فمي إلا .... نهال : أول شيء قلت عادي كتابات غرامية في نوتة جوالك بس الحين تماديتي حاطه صوره عندش ../ أنا استغربت وتميت أناظر فيها بنظرات وش السالفة ..؟! .../ نهال : لا تستعبطين علينا وتسوين مو فاهمه صور يوسف اللي في جوالش ../ للحظه حسيت الدنيا ضاقت عليّ والتنفس قلْ تكلمت أختي الكبيرة وتمنيتها ما نطقت : ؟...
# نهاية البارتـــ(1)
اتمنى انو ينال استحسانكم
أدري انو قصير بس محتاجة رايكم عشان
أستمر وهاذي فقط مقدمه لاغير
" وهلا هلا ".. 


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-10-2017, 06:25 PM
صورة R_x3366 الرمزية
R_x3366 R_x3366 غير متصل
©؛°¨غرامي مشارك¨°؛©
 
الافتراضي رد: " ليته ماحصل ..


السلام عليكم
بداية حلوه بتوفيق
البارت عجبني مره مره وباين أن الرواية قصتها جديدة وفكره حلوه




آخر من قام بالتعديل R_x3366; بتاريخ 15-10-2017 الساعة 06:26 PM. السبب: بس
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-10-2017, 07:19 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: " ليته ماحصل ..


عمري والله
راح اكمل لعيونك حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-10-2017, 08:39 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: " ليته ماحصل ..


# البارت الثاني

" وكم تعذبنا وقيدنا كأننا مجرمين بقيود السجون
لكن تسألنا كثيرًا هل هذه رحمةٌ من الله لنا أم نقمة .. " نبيّت.

للحظه حسيت الدنيا ضاقت عليّ والتنفس قلْ تكلمت اختي الكبيرة وتمنيتها ما تكلمت بغضب ونظرة اشمئزاز : ما حبيتي الا اللي تكرهه أمي ما حبيتي الا هو./ أنا أبي أنكر بس ما في مجال : أناا .. أختي الكبيرة بمقاطعه :لا تحاولين تنكرين وإذا تبين أراويش جهازش عادي فتحي جوالش ونناظر سوا ../ ماكنت أعرف شنو أقول ناظرت لهم نظراتهم كلها غضب ماكنت أفكر الا اني أهرب من كلامهم حملت نفسي وبقايا كرامتي وطلعت من المكان متوجهه لفراشي أدور على حل وكل تفكيري بأمي ويش راح تسوي لعرفت غمضت عيني أبي أنام وأنسى لكن ويش راح يحصل بكرا كيف أقابل وجيه خواتي مع اني ...)
الحاضر ..
أمي تضربني وتفرغ ما بداخلها من قهر وأخوي يفكر انو شرفي راح أبي أصرخ أبي أقول تراني إنسانة كبيرة وأفهم أعرف أكبت مشاعري أعرف أتحكم فيها بس هم ما راح يتفهمون أبد مع تفكيرهم هذا وظلمهم واعتقاداتهم الغلط لي ...
ـــــــــــــــــــــــــــــــــ
في بيت ثاني في نفس الحي ..
..؟ : يبه حراام عليك والله مو أنا ما لي دخل يمكن أحد ثاني كسر....ما خلاها تكمل كلامها وبدا يضرب فيها هي واخوانها كبيرهم وصغيرهم بدون أي رحمة وشفقة ؟..: اعترفوا مين اللي كسر مراية السيارة اللي بره مين " وبعصبية أكثر " مييييين كلهم ..؟ : مدري .... مالي دخل .....حرام عليك يبه ..... لا تظلمنا .../ لكن هو مصر أنو أحد من يعاله وبدا ضرب من جديد على أنو أحد منهم راح يعترف ..
نرجع لبيت خزامى .. ïپŒ
الساعة 12الليل تتذكر اللي صار قبل كم ساعة ..
(...الأم : ارمي هالكلبة في مستودع الأغراض اللي فوق واقفل عليها الباب الله لا يبارك فيها ... خزامى بحزن وانفعال : يمه يمه جعلش الجنة خليني أبرر لش يمـ... الأم بمقاطعه وغضب شديد : اسكتي لا بارك الله فيك وش تبين تقولين بعد اللي سمعته هاا وش تبين تقولين اخذها اخذها عنّي ماني طايقة وجهها .../ سحبها أخوها مثل الكلبة من شعرها بدون أي رحمه وهي تترجاهـ : سامي الله يرضى عليك والله مظلومه سامي اسمع من اختك سامي تكفى ../ سامي وفي شيء في داخله يقول اسمعها بس كل ما يتذكر كلام أمه يثور وتنفلت أعصابه : اسكتي لأراويك الضرب اللي بعدها ما تقومين الا بالمستشفى .../ خزامى بأمل صغير وانمحى : سامـ.... سامي بمقاطعه وعصبية : قلت لك اسكتي ...)
وتنزل دموعها كل ما تتذكر وتكرر أكيد هي قالت لها أكيد هي مافي غيرها حسبي الله ونعم الوكيل ... وتذكرت عيون أخوها ناف ممزوجة بين الغضب والحزن و تأملت أنو راح أحد يسمعها وقامت وافرشت سجادتها وصلت تدعي لخالقها يفرج عليها ظلم عباده لها وينصرها عليهم وربها نازل في عالساعة....
ــــــــــــــــــــــــــــــــــــــ
في بيت ثاني في نفس الحي
جالسة في غرفتها 2:30 وجهها مليان حزن كاتمة بداخلها ودها تصرخ وتقول تعبت انقذوني قاطع وحدتها أمها : صافيه بلاك ما نمتي للحين ... صافيه وهي جالسة على سجادتها : بصلّي صلاة الليل وأنام يايمه روحي ارتاحي ...أمها بنفسها والله أنو فيك حاجه ومخبيتها في صدرك بس لو أنك تحكين : يله أجل نامي عشان تقومين لصلاة الفجر " احساس الأم مايخيب " ... صافيه في نفسها هو أنا أقدر أنام : ان شاء الله يمه .../ راحت الأم غرفتها وهي ماهي مرتاحة ولا مطمنه لحال بنتها من يوم انتهت الدراسة وهي متغيرة ويوم قربت ما باقي لها شيء اتزمت حالتها أكثر وما في الا الأم ملاحظتها وصديقاتها ...
ــــــــــــــــــــــــــــــــــــــــــــــــــ ـــــ
في صباح يوم جديد يوم سيء وفرح على البعض
الساعة 4:40
قاموا وعظامهم مكسّره من ضرب أبوهم ..؟: بالله شوفي وجيّد ماباقي على الجامعات والمدارس إلا اسبوع وابوي علّم بصمه على وجهي ماتروح إلا بعد شهر وكشرت بوجهها ... وجد بيأس من حالهم : سويره وش تبينا نسوي هذا المكتوب أنو يكون أبونا متعب كلنا تكسرت عظامنا ... ساره والدموع خلاص جفت بضحك : بس ماهي حاله حتى شفتي وش صار يوم يضربنا ..وجد تذكرت وش صار وقعدت تضحك هي واختها (... وأبوهم يضربهم دخل عليهم أخوهم أبو 6 سنين وشاف أبوهـ يضرب اخوانه قال له ببراءة الدنيا كلها : بابا ليه ما تضربني أنا بعد معهم ..) وجد وساره مع بعض بضحك وهم يتذكرون : والله خبل هههههههه . وقاموا يقومون اختهم جنى أم 12 سنة اللي نامت على طول بعد الضرب عشان يصلون ..
في نفس البيت بس في غرفة ثانية
على أسرّتهم .. وهو منسدح ..؟ : يوسف قم ليجينا أبوي ويلقانا نايمين ويمردغنا كافي ضرب أمس وهم يتذكروا فزّوا يتوضوا للصلاة ... يوسف : حميد اخلص يله (وبتحلطم) ليجينا أبوك ويغثنا مراية سيارتي ومراية سيارتي ... حمد وهو يضحك : تقول أبوك ولا كأنو أبوك أنت بعد هه ..
في غرفة ثانية لبس ثوبه وخلّص بيطلع يقوّم عياله بدايةً بالصغير اللي يعزّه أكثر واحد : يالله يا هيا قومي وقوْمي فراس يلحقني للسيارة وطلع مجرد ما سمعوا كلهم فتحة الباب طلعوا البنات والأولاد يحبون راس ويد أبوهم من دون نفس
متعب بزمره قاصد البنات : انتو بعد ما تصلون صلحوا الفطور وأشر للأولاد : وأنتو وراي على المسجد جنى بهمس لخواتها : من صباح الله خير يتزمر .... متعب وهو منتبه لها بصراخ : ما أسمع وش قلتي يا جنى ... جنى بخوف وندمـ: سلامتك يايبه بس قلت لهم ما دامك بتروح نروح حنا نزهب الفطور ... متعب : الله لا يسلم فيك عظم .. واخوانها يضحكون عالهزاز وهي مفتحة عيونها بصدمه وخواتها بعد ماراح افلتوا ضحكتهم وهي ضحكت معهم هههه ساره بضحك : تستاهلين يالخبلة .. وانزلوا يجهزون الفطور ..
ــــــــــــــــــــــــــــــــــــ
عند خزامى ..
قامت متكسره من الضرب ومن نومة الأرض اللي ومن هي صغيرة إلى الآن تنام عليها مافكروا يشترون لها سرير هي الوحيدة ... قالت وهي منكسرة خاطرها على نفسها وخانقتها العبره : الحمدلله مو لازم هم يحبوني عندي اللي يحبني واحسن منهم وقامت تصلّي ومسكت مقبض الباب تبي تفتحه تروح تتوضى لقته مقفل نزلة دمعة من عينها اخذت علبة مويا موجودة في الغرفة واتوضت بها وصلت لربها لعله يفك غمها ..وهي تشاهق في صلاتها من غبنتها.
ـــــــــــــــــــــــــــــــــــــــــــــــ
نروح لصافية ..
قومتها أمها للصلاة أمها : صافية.. صافية حبيبتي قومي صلّي ... صافيهوهي تصحصح مع انو مانامت الا ساعتين : قمت يمه قمت .... أمها : وسمعي بعد ماتخلصين الصلاة بكلمك بموضوع وراحت وهي تبتسم وتقول بنفسها بقولها يمكن تستانس... وصافية راحت صلّت وبعد ما خلصت راحت لأمها وهي مستغربة شنو الموضوع اللي تبي تقوله لها أمها ..طقت باب غرفة أمها .... : ادخلي يمه ادخلي ...دخلت صافيه وهي تستغرب أكثر .. الأم تكلمت أخيرًا : يابنتي وش رايش اليوم تريحين معي عرس بنت رفيقتي تتونسين ... صافيه بدون تفكير : لا يمه مو مشتهية على هالكلمة دخلوا خواتها .. ؟ : وين بتروحون يمه ..؟: إي والله صج وين بتدوجون .. أمهم : أبد والله بروح عرس وماراح توحون الا إذا راحت أختكم وهي تبتسم لها يعني مافي مجال تعارضين .. صافيه علشان ما تخرب على خواتها : موافقه خلاص علشانك يمه وعلشان نوره وسمر .. نوره: إلا من هي العروس يمه .. الأم : صج انش ملقوفة .. اضحكوا كلهم .. سمر : يله يمه من هي قولي .. الأم : أسماء العروس أسماء ... صافيه بهدوء: الله يهنيها ..
ــــــــــــــــــــــــــــــــــــــــــــــــــ ــــــ
ببيت متعب
على سفرة الفطور قاعدين العايلة كلهم ماعدا المتزوجات 3
متعب وهو ياكل البيض كشر وصرخ : مين اللي سواه مين اللي سوّا هالبيض ... كلن ساكت حتى الأم مرتبكين وخايفين على اللي سوّاه ... وجد بربكه : أنا يبه وشفيه .. متعب بستهزاء وزمره : لا والله مافيه شيء . وتسألين بعد ( بعصبية ) تعالي .. قامت وجد من مكانها وكل ضلع فيها يرتجف : آمر .. خذ متعب قطعه من البيض وبصدمه للكل حط لقمه في فمها بدفاشه وقال : ها وش رايش بطعمه قولي وش رايش .... وجد بلعته وهي ساكته والكل يطالع منصدم ... متعب بصراخ : قلت شرايش ... وجد وهي تبلع ريقها من الخوف : م.. مم.. ماالح ..متعب بسخرية وغضب : صح عليش مالح مادامه مالح ليه سويتيه كذا ها قولي ... وجد ساكته ما تعرف وش تقول وهي منزلة عيونها متعب بأمر : يله أكليه رفعت عيونها له بصدمه .... كمل : كله قدامي يله كانت تطالع الصحن منصدمه كانت مسوية واجد خذته وهي قاعدة تتغصب وأمها واخوانها منقهرين من ها الأدمي قاعد ياكل براحة .. فجأة ...
ـــــــــــــــــــــــــــــــــ
الساعة 7الليل
عند خزامى ودموعها على خدها من الصدمة جات الساعة 7 وما حد فتح لها الباب الماي الموجود بيخلص وهي الجوع ذابحها خزامى ببكي وهي تضرب الباب : حرام عليكم حرام عليكم اليهودي ما سوّا سواتكم فتحوا الباب جات شغالتهم عند الباب وهي تفتحه وتعطيها أكل بسرعه وتقول : ماما قول حق آنا مافي يعطي إنتي آكل بس آنا في حبي إنتي واجد مافي خلّي أحد شوف .. كانت خزامى تبكي تبي تتكلم وتصارخ بس خوفن على أنه يروح آخر شخص في بيتهم زين سكتت حبتها في خدها وقالت لها : شكرًا سيلا الله يسعدش يله روحي بسرعه .. قفلت سيلا الباب وراحت تحت بسرعة وخزامى نزلت دموعها تبين مشاعرها وجلست تاكل وهي كل حزن الدنيا فيها .....
ــــــــــــــــــــــــــــــــــــــــــــــ
عند صافيه وخواتها وأمها في صالة العرس جالسين على طاولة بعيدة ويناظرون اللي ترقص واللي تروح وتجي بعباياتهم والام تناظر ببنتها لعل يخف حزنها .. على الساعة 10 انزفت العروس كانت جميلة وجذابة بفستانها الأبيض وكانت الزفة من أداء راشد الماجد باسمها .. وكان الحضور يناظرونها اللي يتمنى لها الخير ويدعي لها بالذريّة الصالحة واللي فرحان واللي غيران وحاسدها ويتمنى لها الشر بعد نصف ساعة قاموا الحضور يتعشون والعروس أسماء راحت مع رجلها الفندق ... وهم ياكلون على الطاولة تكلمت الأم : ماشاء الله جميلة : غي صدق الله يهنيها وقامت صافيه .. أمها : وين يمه ما أكلتي شيء .. صافيه : لا والله يمه شبعت بروح أغسل إيدي ..راحت صافيه دورة المياه *وانتو بكرامة* تغسل إيديها وكان في بنتين كان صوتهم شيه مسموع بس صافيه تسمعهم عدل وما كانوا منتبهين لها ...البنت1: سويتي اللي اتفقنا عليه؟ البنت2 بخبث ونية سيئة: أكيد رحت للفندق اللي هم فيه فندق الانتر .. البنت1 بمقاطعه : هبب عليها ..صافيه منصدمه...البنت2: سمعي غرفة 501 وحطيت العَمله ( سحر معقود) تحت السرير لا تخافين وهي تضحك بعد أقل من نصف ساعة تلقينه ...؟ وقعدوا الثنتين يضحكون بخبث وبكره وغيره قاتلتهم فجأة سكتوا حسوا بصافية الي تطالعهم وطلعوا وهم مايدرون انها سمعت كل الكلام انصدمت كانت الأصوات موغريبة عليها حيل بس ماقدرت تميز لأنها أبد مو اجتماعيه مرره وماكان عنها وقت تفكر أو تحلل وتفهم اللي يصير لأن كلامهم واضح وراحت لأمها وخواتها .... صافيه وهي تلهث : يمه يمه يله بسرعه قولي للسايق يجي بسرعة .. الأم : وش السالفة يمه فيش شيء .. صافيه وهي تناظر الساعة : يمه مافي وقت بسرعة .. واتصلت الأم على السايق وركبوا كلهم مو فاهمين ماعدا صافيه : صادق بسرعه على فندق الانتركونتينتال بسررعة .. صادق راح تنفيذًا لأمرها بسرعة وهم يسألونها وهي متوترة وتقول بعدين أول مره يشوفونها بهالحاله .. وصلوا عند الفندق نزلت صافيه وهي تركض كلن يطالعها مستغرب أمها وخواتها كانوا بيلحقوها بس مافدروا المكان كبير .. عند صافيه كانت تركض ولا همها أحد وراحت عند الرسبشين وهي تلهث وبالموت تطلع الكلمات : أي .. دور .. غرفة .. 501 ..ااه./ الرسبشين يطالع مستغرب : الدور 6 راحت تركض للمصعد لعلّها تلحق طلعت ن المصعد تدور في أرقام الغرف كأنها مجنونة على غرفة 501 حصلتها ... توها كانت بتضرب وتطق في الباب بأقوى ماعندها إلا ينفتح الباب .....
# نهاية البارتــ(2)..
سبحانك اللهم وبحمدك أشهد أن لا إله إلا أنت أستغفرك وأتوب إليك ..
واعذروني عل الإملاء ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-10-2017, 09:46 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: " ليته ماحصل ..


استغفر لله واتوب إليه ,, اللهم صلّ وسلم على نبينا محمد..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-10-2017, 09:47 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: " ليته ماحصل ..


سبحان الله وبحمده ,, سبحان الله العظيم ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-10-2017, 08:01 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: رواية ليته ماحصل/بقلمي


بسم الله الرحمن الرحيم

# البارت الثالث..

الهروب من الواقع إلى الخيال من الممكن أنه شيء لا يستطيع كل الناس فعله فهذا الخيال الذي هربنا إليه من الواقع هو سينما بلا مال فعيشوه بلحظاته وإن لم تكن حقيقة .. " نبيّت..
.
.
.
.
الصباح 6:30
صحت وهي متهالكة تحس بمعدتها خاوية فتحت عيونها على مكان غريب غير بيتها تشوف أمها واخوانها حوليها .. تكلمت بثقل : يمه مو .... مويا .. يمه
أول ما سمعت صوتها فزت بفرح : هلا يمه هلا ياحبيبتي ألف الحمد لله على سلامتك .. وفتحت لها علبة المويا .../ شربتها بلهفة وعطش كأنو لها سنة مو شاربه
الام بخوف وحب لبنيتها : والله أنك روعتينا عليك
تكلمت بمزح ؟ : إي والله جالسة تتدلع علينا
بتهديد كذبي : اسكتي احسن لك ياسوير لدعي عليك يصير لك ما صار لي وتجين دوم بالمستشفى
ساره بضحك : لا لا خلاص سكتنا وها ( سوت حركة انها تسكر فمها ههه ) وشتبي أكثر حبيبتنا وجد؟
وجد بحب وشوية خبال : ايه حسبته خلش كذا عدله ولا أنا أصلًا يهون عليّ أدعي عليك .
ساره : هو أنا دارية فيك بس عشان ما أفشلك جلست أجاريك فالحكي
وجد منقهرة : أيا الكلبة وخروا عنّي ذا المغذي وخروه خلوني اذبحها
الام هيا : بس بس انتي وياها انتو لتكلمتوا ما أدري مين يسكتكم لا إله إلا الله ما أمداني اسكت وحده إلا تكلمت الثانية وانتي يا سويره راعي اختك تراها مريضة
( وجد تحرك بحواجبها لها يعني انقهري وساره صج انقهرت ) نخليهم يهذرون مع بعضهم ..

ــــــــــــــــــــــــــــــــــــــــــــــــــ ــــ

نرجع مع الوقت لورا 6 ساعات
بالليل الساعة 12
كانت تركض كأنها مجنونة تناظر بأرقام الغرف تدوّر على غرفة 501 لعلها تلحق حصلتها.. جات بتضرب الباب بأقوى ماعندها إلا ينفتح
كانت مبهذلة مكياجها سايح ودموعها على خدها والعباية على كتفها بإهمال وكانت تشاهق
أسماء ( كنت أناظر بالبنت اللي قدامي وش جيبها فجأة بتفكير أي وحده صار لها مثلي :انتي صح ( وجلست اضرب فيها ) انتي اللي كلمتيه اكيد انتي مو أمه صح قوليييي وهي تشاهق
صافيه مصدومه وعرفت على طول أنو صار اللي يبونو البنتين اللي شافتهم وأقل شيء تقدر تسويه علشان تهدى
أسماء ( انصدمت بكف من البنت اللي قدامي كنت بهاوشها وهي كيف تتجرأ بس ..)
صافية بصوت مرتفع شوي : خلاص إهدي ولا تفهميني غلط إذا على اللي صـ....
كانت بتكمل كلامها بس قاطعها ؟ : تبينها خذيها معك وروحي معها تراني مو طايق هالوجه أبد
أسماء تبكي ومنصدمه : سعود حرام عليك مو حنا اللي الكل يعرف بحبنا وبعد كذا تتوج بالزواج سعود مو حـ...
سعود قاطعها بصراخ وعلى وجهه ملامح القرف : اقوول خلاص فكينا أي حب وأي خرابيط ذلفي عن وجهي يله ترا خلاص إذا على الجوازه طلقناك وبالثلاث ومنتي حليلة لي إذلفي .
صافيه بصدمه من كلامه وذا الشخص طبيعي : أيا قليل الخاتمة ما تدري انك مسحور
اصدمت بكلامها سعود وأسماء بس بعد ثانية سعود ولا كأنو انصدم : اقول بس روحي يله تقولي مسحور هه .
صافية بفزع وصريخ : أسمااااء وجلست على الأرض تضرب بوجهها تبيها تفيق لكن مافي أمل
سعود ولا كأنوا شاف شيئ دخل وسكر الباب
صافيه انبح صوتها من الصراخ : ياناس ساعدونا ..( تشاهق ) ياناس .. حسبي الله ونعم الوكيل حسبي الله ... يا ناااااس لحقوا عليهااا .. طلعت اختها نورة من المصعد وشافتها : نوووره تعالي اركضي بسرعه نوره الحقي
ركضت نوره لأختها وهي مفجوعه من البنت اللي طايحه ...
طلعوا اللي في الدور 6 من غرفهم منفجعين من الصوت ....اللي اتصل على الإسعاف ...واللي يسأل شو فيها
الوقت الحاضر ..
أسماء وهي على سرير المستشفى : ليه زين أنا وش سويت ياصافيه أنا وش ذنبي .. وعيونها تدمع بدون ما تحس من القهر
صافيه : ياروحي خلاص لا تقهرين نفسك أكثر بس رفعي ايدنك لربك وإن شاء الله بياخذ حقك
أسماء حسبي الله ونعم الوكيل بس قولي لي ويش أقول لأهلي ويش أقول لأمي قولي لي ويش أقول ... وتمت تبكي مره ثانيه
صافيه بحنيه : معليش الله بيسرها .... فجأه دخلو نورة وسمر بعربجية مو من عادتهم عشان يضحكونها ..
نورة : هلا بالعيال هلا هلا والله بالمزز ارحبب وش ذا الزين .
وتكمل عليها سمر : ارحببب السسّاع بالمزايين أخخ بس يانوير لو نكون أولاد تزوجناهم
ضحكوا أسماء وصافيه : الله يرجكم مع خبالكم
نوره : ايه هذا الضحكة اللي نبيها وانتي هيه (تقصد صافيه ) احترميننا ترانا أكبر منك
سمر : ايه تراها صادقة (وتلف عـ أسماء ) وضيينه ياناس اغغغااا
الجميع : ههههههههههههه
صافيه : تخسون احترمكم
نورة : شوفف

ــــــــــــــــــــــــــــــــــــــــــــــــــ ــــــــ

كانت في المطبخ مطولة على الفرن حده وماسكه الملعقة بالبيز وتحركها بالنار وقلبها يشتعل من القهر وعيونها مليانه نظرات غضب <<< رصاصه لا إله إلا الله
؟..... : صبري عليّ إن ما ربيتك صح وتخافين تسوين الغلط

ــــــــــــــــــــــــــــــــــــــــــــــــــ ـــــــــ

كنت جالسة ولقيت قلم رصاص عالأرض وخذيته ومن الطفش قررت أرسم ومافي الا الجدار وهي الغرفة كلها مخزن يعني مافي مشكلة ... جلست ارسم ودندن شوي يجي في تفكيري لا الله بيغضب عليّ وجلس استغفر وعلى هالحال فجأة سمعت صوت قفل الباب توقعت انو سيلا بتحط الأكل وبتروح فما لفيت لأني كنت مندمجه مع الرسم كانت هوايتي المفضلة .... هدوء الباب مارجع تقفل .. خفت شوي وش اللي يحصل لفيت براسي ..
: يمااااااه لاء يمه لاااء حراااااام ...... آآآآآآآآآآآآآه ( خزامى )
الأم : حرمت عليش عيشتش قولي آمين تستاهلين ياقليلة الخاتمة عشان لا شفتي هالوسم كل مره تتذكريني يا بنت الكلب أنا ما عرفت أربيش لكن مافيها ضرر نعيد تربيتك مره ثانيه
منقهرة ومغبونه من اللي تتسمى أمها : يممه حراام فهمي الموضوع قبل ..... ماكملت كلامي من شدها لشعري
الأم بغيض : اسمعي يالنجسة انتي ما قدرتيني ولا قدرتي تربيتي لش لكن والله العظيم أي واحد يطق الباب يخطبش ولو عجوز مفلس زوجتش إياه ياقليلة الأدب .. ورمتها عالأرض وتفلت عليها : لا بارك الله فيش يا خزيمه .. وطلعت وقفلت الباب وراها
خزامى ودموعها مو راضية توقف : ياربي انصرني على من ظلمني واللي قال لأمي هالحكي وصل فيش يايمه تحرقيني آخخ يايمه

ــــــــــــــــــــــــــــــــــــــــــــــــــ ـــــــــــ

جالسة على سرير المستشفى أمها راحت البيت واختها مرافق معها نايمه عالكنبه فكرت باللي صار لها وجلست تتذكر ...
( كانت تاكل في البيض وهو مليان ملح ما تدري كيف مانتبهت وهي تسويه عالملح اللي هي حاطته وكملت أكل فجأة حست انو المكان يدور وقلبها عورها : آآهه
فزت أمها : بسم الله عليك يمه وش فيش
وجد وهي تتألم : ارتاحي يمه ما فيني حاجه ... جلست أمها وهي تناظر في صحن البيض ماكان باقي إلا قد لقمتين قامت وهي تقول : بس بروح الحمام *وانتو بكرامة * وبــ ...
الاب متعب بدون ما يرفع عيونه قاطعها : خلصي الصحن وقومي بعدها
وجد : يبه أ... متعب بزمره : قلت خلصي الصحن وقومي ما تفمين ....
جلست وجد وهي تتغصب اللقمتين .. خلصت الصحن قامت وامها واخوانها ما يقدرون يتكلمون .. ما أمداها تمشي خطوتين ... طراااخ ... صوت اصطدام صوت بالبلاط كان قوي فزت أمها واخوانها : وااااجد......)
تمت تبكي وهي تتذكر كلام الدكتور بسبب ابوها اللي ما فكر يجي معهم يتحمد لها عالسلامة
(... كان الدكتور يكلم أمها بوجودها : ليه كذا حالة البنت صاير عندها ارتفاع بالضغط عالي ما يصير ليه مانتو معتنيين بصحتها
كنت مغمضة عيوني من الألم بس أسمعهم وأمي تبكي من القهر كان ودّي أقوم وأقولها لا تبكين يا بعد حييّ بس صدمني الدكتور بكلامه
الدكتور : وأدهى من كذا انتي تعرفي انو معها القلب
أمي بصدمه ودموعها تنزل : كـ .. كيفف ؟ ماكان فيها
الكتور : اذا هي مافيها فالسبب الأقوى اللي ستنتجته انو هي جاها القلب بسبب عدة صدمات تعرضت لها
صج انصدمت بس اختفت صدمتي يوم تذكرت انو ابوي متعب فاللي صار لي بالأكيد بسببه ..)
بعد الذكرى اللي حست انها آلمت قلبها قامت من السرير وناظرت اختها سارة اللي نايمه عالكنبة وقالت : امحق مرافق لو ذبحوني ما دريتي ....
لبست عباتي وحجابي وتنقبت ومسكت المغذي بإيدي ومشيت رايحه للحمام اللي برا *وانتو بكرامة* كان فيه في الغرفة بس كنت أبي اطلع برا وكان علي لبس المستشفى لأني منومة فحبيت أطلع كان شكلي غبي بس عادي رحت الحمام وبعد ما طلعت مشيت في السيب سمعت أصوات ضحك ....؟

ــــــــــــــــــــــــــــــــــــــــــــــــــ ــــــــــــ

في هجرة تبعد أميال عن المدينة
وقت المغرب
صوت كبير حنون ..؟ : ياريتا ياريتا وينش
ريتا : هلا ماما ايش بغيتي .. وهي واقفة عند الباب
: تعالي يابنتي اقبليّ عليّ
قربت ريتا وهي تضحك وتعلّي صوتها : ها يا أجوز إنتي ما تسمئيني أدل أشان كذا قرابت
العجوز وهي تضحك : إلا عجوزين بعد وش تبين
ريتا بضحك : ثلاثة أجووز بأد ماما ههه
العجوز : زين سمعي يالرفلة أبيش تــ.
ريتا بمقاطعه : صبر ماما ليه تقولي لي رفله هذي كلمه زين ؟
العجوز تكذي وهي تضحك : ايه ذي كلمه زينه وتعني انش ذكيه فهمتي
ريتا بفرح : ايه ماما فهمت أنا رفله
العجوز وهي كاتمة الضحكة : اقول بس اسمعي أبيش تسوين لي مفروكه وظبطيها خليها زوينه
ريتا : بس ماما مفروكه سوي صباح مو احين
العجوز : ما عليش يمكن يجيني ولدي صالح معه ولده فواز وبنيته هيا ولأ تجيني بنت وليدي خزيمه تحب المفروكه هالشيطانه
ريتا : إي والله ماما هذا خزامى مافي إيجي !!
العجوز : إي والله مو من عادتها بنيتي دايمن تجيني هالحزة والحين غايبه لها يومين ياخوفي عليها
ريتا : ماما أنا حبي خزامى وهي تحبي إنتي وااجد
العجوز بحب لحفيدتها خزامى : أنا أدري بس انتي يالرفله ويش يدريش
ريتا وهي مستانسه على كلمة رفله :أشان بس خزامى من إيال أولاد إنتي البنات تنادي إنتي يمه ودايم تيجي حق إنتي واجيد هي وهيا بنت صالح ولدش
العجوز بحب : أنا أشهد وأنا ساره وطلعتي فطينه ياريتا ههههه
ريتا وهي طالعه وتمدح بنفسها ماتدري انها تذم : أجل ماما أنا رفله أكثر من إنتي
الجدة سارة وهي تضحك وتعلّي صوتها : زين انش تدرين يالرفله هههههه

ــــــــــــــــــــــــــــــــــــــــــــــــــ ــ

الساعة 5 المغرب
: لا أنا لازم أهرب من هنا ما يصير العيشة اللي عايشتها بس كيف ياربي كيف
جات شغالتهم سيلا بالسر مثل اليومين اللي راحوا تعطي خزامى الأكل
سمعت خزامى قفل الباب ينفتح وشافت سيلا ومعها الأكل نطت في بالها فكره
قالت : سيلا سمعي بأقول لش شيء وإذا سويتيه ماراح أنساه لش وبحبش أكثر والله
سيلا وهي تحب خزامى حيل لأنها تعاملها زين الزين : قولي خزامى
خزامى : سمعي انتي ودّي الأكل المطبخ وأنا بلبس عباتي وبأطلع زين وبقفل الباب وراي
سيلا خايفة : بس انا خوف
خزامى لا تخافين وإذا سألوش قولي مدري
سيلا : خلاص بس يله سرعه قبل ما يرجاء أختي إنتي سوا ماما
خزامى وهي تحبها في خدها : والله انتي اختي يابعد عمري
ولبست عبايتها وتذكرت جوالها يوم تركته بعد السالفة وراحت غرفة ملابس مكان نومها تركض لعلها تلقاه بس ماخذته امها رفعت اللحاف فرحت يوم لقته طلعت من الغرفة ونزلت من الدرج سمعت صوت الباب الخارجي ينفتح ....

ـــــــــــــــــــــــــــــــــــــــــ

وأنا امشي في السيب سمعت أصوات ضحك فيه صوت مو غريب علي قربت من الباب بفضوول شدّني فتحته بشويش وأنا ألعن فضولي انصدمت وكل اللي في الغرفة لفوا وجيههم جهة الباب
أنا بصراخ قوي مو بس أنا أنا وياها : صااااافيااااه
: واااااجد ...... طرااااخ .... من سرعتي وضمّي لها طحنا على الأرض وماقمنا كملنا بكي من شوقنا لبعض واحنا نضحك <<<< تقلب مشاعر
كنت أنا ظرها بحزن بعد ماقالوا لي السالفة وسألت : ويش اللي جابكم هنا من الأحساء لمستشفى العيون
صافيه : أنا قلت لهم يودونها بالإسعاف هنا
وجد وعشان أغير السالفة والحال اللي هم فيه : شرايكم أشغل ال tv
كلهم : شغليه
قمت ورحت شغلته ورحت لهم بعربجيه وقلت لنورة : قوميي قوميي أنا بقعد هنا ( كان المكان بين أسماء وصافيه )
نوره : روحي بس واحترميني تراني أكبر منك
وجد : أقول بس ويله لا تطولينها
قامت نورة وهي المعروف عنها عنيدة بس تدري انو وجد تبي تضحكهم وانها صديقة صافيه من وهم صغار فتبي تقعد يمها فقامت
وجد : يله خليني ألف في القنوات ندور على شيء نتسلى به
أسماء بضيقة فجأة دبت بقلبها وماتدري شاللي طرا على بالها قالت : وجد حبيبتي حطّي على الأخبار
وجد وهي اللي تكره الأخبار بس عشان ما تكسر بخاطرها : مع اني ماحبها بس عشان عين ( وهي تطالع صافيه بطرف عينها ) تكرم مدينة
صافية : أقوول لا تتسببين وش شايفتني أغار
الكل ضحك , وخوات صافية اللي لاحظوا فرح اختهم
وجد : هههه اللي على راسه بطحه يتحسسها
قرصتها صافيه من فخوذها
وجد : أي الكلبه .... صافيه : أحسنن
أسماء : اسكتوا خلونا نسمع ..... الكل لف وجهه لـ tv
المعلق : حدث اليوم نتيجة تنظيم داعش لتفجير مسجد داخل مدينة العيون موت عدة من الأهالي نتيجة ذلك وهم أفراد عائلة العمر لقرب منزلهم من المسجد وأفراد عائلة ......

نزلت الدموع من عيونها بدون سابق إنذار...

# نهاية البارتـ(3)..
.
.
.
اتمنى انو ينال استحسانكم
ولو سمحتوا بنات أبي اشوف توقعاتكم راح تفرحني كثيرر

سبحانك اللهم وبحمدك أشهد أن لا إله إلا أنت أستغفرك وأتوب إليك ...



آخر من قام بالتعديل نبيّت.."; بتاريخ 17-10-2017 الساعة 08:43 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-10-2017, 08:43 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: رواية ليته ماحصل/بقلمي


استغفر الله واتوب إليه ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-10-2017, 08:45 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: رواية ليته ماحصل/بقلمي


اذكروا الله ..... قال تعالى: (( ألا بذكر الله تتطمئن القلوب )) ..

.... لا إله إلا الله ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-10-2017, 08:51 PM
صورة نبيّت.." الرمزية
نبيّت.." نبيّت.." غير متصل
©؛°¨غرامي جديد¨°؛©
 
الافتراضي رد: رواية ليته ماحصل/بقلمي


اللهم صلّ وسلــم علــى نبيّنا محـمـد ..

الرد باقتباس
إضافة رد
الإشارات المرجعية

رواية ليته ماحصل/بقلمي

الوسوم
رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
رواية عرش السُلطان/ بقلمي. خيال. روايات - طويلة 52 09-05-2016 02:40 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 03:02 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1