| اسعدتم اوقاتا اكيد كتار منا جربو يرجعو جوعانين على البيت وتكون ست الكل محضره اكله ما بحبوها... استنوا شوي .. وما تعصبوا .. وما تفقدوا الامل اليوم رح انعلمكم تحضرو طبق سريع ولذيذ وصحي كمان متبل الباذنجان :)  المقادير باذنجانه كبيره ملعقه زغيره ملح ملعقتين كبار طحينيه نص فنجان زغير زيت زيتون عصير نص ليمونه شوييييييية ثوم/ وانا بستغني عنه رمان احمر للتزيين/ ممكن نجهز كمية رمان ونحفظها جاهزه بالتلاجه لاغراض تزين الاكل . . الطريقه بنغسل الباذنجانه * بندخلها بالمايكرويف لمدة 15 دقيقه * لمى بتجهز بنفتح الباذنجانه من قاعدتها وبنسمحلها تتصفى من السوائل وبنفرغ محتوياتها بواسطة الشوكه داخل صحن عميق * بنضيف عليها كل المكونات * بنمزج المكونات سوا في الخلاط لمده 30 ثانيه لحتى نخلص من الالياف ويصير قوامها ناعم ومتجانس * بنرتبها بصحن التقديم ، وبنزينها وصحه والف هنا ما تنسو تغسلو صحن المايكرويف ^_~ . . لو بتعرف امي اني منزله وصفة متبل كان حكتلي: متبل !! متبل يا لينا؟!!! هاد الي قدرتي عليه .gif "Graaam (174)") |
| مشكورة كل شي بالباذنجان طيب،،، سلمت يداك،،، |
| طبق شهي تسلم الأيادي على الوصفة الشهية |
| مشكورين على مروركن صبايا نورتونا |
| شكلها الطبخة حلوة الله يعطيك العافية |
| أدوات الموضوع | البحث بهذا الموضوع |
| طريقة العرض | |
النمط المتتابع
