غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 22-11-2017, 08:11 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: روايتي الثانية : لأجل أمي أصبحت خادمة


السلام عليكم
اخاف عزام يسوي في براءه شي ولا يسمع نصايح النايف ويعتدي عليها
الله يبعد شر الخدامتين عن براءة احس انهن يضمرن الشر لها
ام براءه يمكن انها تموت قريب

سلام،،،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 22-11-2017, 02:18 PM
شـــــام شـــــام غير متصل
©؛°¨غرامي مشارك¨°؛©
 
الافتراضي رد: روايتي الثانية : لأجل أمي أصبحت خادمة


البارت السابع


~~||~~

صحيت من نومها وحست انها كسلانه وتعبانه وفوق ذا كلو جوعانه وبطنها يألمها
وقفت وحست بالدوخه الي اجتاحتها
طالعت فونها وجلست تشوف الساعه
شافت الاشعارات من ريان
ابتسمت وفتحت الدردشه
ريان / وينك فيه
اسيل/ والله كنت تعبانه
ريان / طيب شنو قلتي موافقه
اسيل / امم اي بس تكفى توعدني م يصير بيننا شي ولا تفكر بيوم من الايام تأذيني
ريان / اي اي
اسيل / زين كلمني عنك شلونك شنو مسوي
ريان / انا عمري 23 ادرس جامعه
اسيل / حلو ومهمل ولا متوفق
ريان / لا حيل شاطر احب الدراسه وناوي استقر بحياتي
اسيل ابتسمت / اها حلو
ريان / شوفي خلي دردشتنا واتساب بس مراح اخذ سنابك لاني اخاف بيوم ترسلين لي صورتك بالغلط وتأثمين
ابتسمت اسيل ع خوفه عليها / تمام اصلاً م اضيف شباب عندي
ريان / اوك كلميني عنك

وضلو يسولفون

~~||~~

بعد م اكلت هي وامها وسولفو
اخذت امها حبوبها الي تنومها غصب
ونامت اما براءه ضلت تطالع امها لين م طق الباب
عرفت انها هنادي
فتحت لها الباب وحضنتها بقوه وكلها شووق
هنادي : شلونك وحشتيني ي كلبه
براءه : بخير وانتي
هنادي : نصابه وجهك تعبان
براءه : زين دشي داخل ونسولف
هنادي : اي يالله
دخلت ونزلت العبايه وجلسو بغرفة براءه الصغيره
براءه ضلت تسولف لها عن كل شي صار لها من البدايه لحد يومها هذا
هنادي : شهالصدف بعدين صدق صدق وسيم طلع ولد عمهم
براءه : ليش انتي تعرفينه
هنادي : كليوم يجي هنا واشوفه ويسألني عنك
براءه : اي صح نسيت هو بعد اليوم قابلني وقالي
هنادي : اي والله صدفه وبعدين احمد ذا المغرور م لقيتي تشتغلين غير ببيتهم
براءه : والله م همني اهم شي امي
هنادي ترفع ايدها : الله يشافيها ي حق وتفرحين بشوفتها وهي طيبه
براءه : اللهم امين يارب
هنادي : والله صرت اخاف عليك من عزام
براءه : انا اخاف منه خصوص اني نتفه عنده هو مشاءالله طول بعرض يعني والله لو مسكني م يخليني اعيش
هنادي : بسم الله عليك انتبهي تدشين داره
براءه : والله شنو اسوي ي اختي امه تقول لي نضفي
هنادي : ووين الثنتين الي تقولين عنهم
براءه : يمه هذول يخوفوني خلقه والله اشكالهم ونضراتهم واليوم وحدا منهم حرقت يدي
هنادي توسعت عيونها بصدمه : و م سويتي شي
براءه : انا بكمه وصما لا اسمع ولا اتكلم شتبيني اسوي
هنادي : اهخ منك والله اهخ حديتي نفسك ع هالذل
براءه : امي كل شي بالنسبه لي
هنادي تنهدت ع حالها وشالت هم براءه
براءه : يوه مع السوالف نسيت اسوي لك قهوه
هنادي : لا م ابي م اشتهي بعدين شلون بناتهم يعني طيبين ولا دلوعين
براءه : لا رغد طيبه حيل وحتى بنات عمها
هنادي : مزز
براءه : كل العيله مزز من شباب وبنات
هنادي : بشتغل معاك
براءه : الله لا يحدك لهالشغله ي اختي
هنادي : امين ي حق
براءه : اي وكيف الدراسه

..

~~||~~

صحي من نومه طالع الساعه 6:49 م
تنهد ورجع يتقلب يبغى ينام عساس يمر هاليوم بسرعه
لف يمين ويسار مليون مرا
بس خلاص شبع نوم
تنهد وجلس يتابع فيلم
شاف اتصال خويته -رزان-
تنهد وطنشها وشافها تكرر
رد عليها : هلا
رزان بدلع : هلا عزو شلونك وليش م ترد
عزام تأفف : بنام
رزان : يوه صحيتك من نومك
عزام : يعني شايفتني م ارد تردين تكررين ليش
رزان : خفت يكون صاير لك شي
عزام : لا انا ذيب م يصير لي شي
رزان : فديت الذيب حقي
عزام تنهد : تبغين شي
رزان : بسولف معك!
عزام قفل الخط بوجهها وقفل فونه
عزام : شهاللصقه المليقه
وضل يتابع الفيلم
لين م داهم عيونه النوم ونام

~~||~~

ضل ينتضرهم محد نزل والاكل برد من العصر وهو موجود
وقف وطلع لدارها
طق الباب واسيل سكرت فونها وطالعته
وسيم فتح الباب وتكى عليه وابتسم : صحيتي
اسيل : شنو شايف
وسيم : هم بعد زعلانه
اسيل : لا ليش ازعل شي طبيعي ودايم يصير
وسيم : نصابه اول مرا اسحب عليك
اسيل : اقصد روتيني يعني عادي م يهم
وسيم : امم طيب من اول انتضرك جايب اكل
وقفت اسيل : م ابي
وسيم : براحتك بس جبت بيتزا ببروني وخضار وبرقر ماك ووجبه لك خاصه وكولا بارد يالله انا بروح انادي النايف وناكلهم
اسيل جاعت من الوصف وم قدرت تقاوم او تتدلع عليهم عشان يراضونها : زين زين ابدل واجيك
وسيم ضحك : اوك انتضرك
طلع وراح للنايف الي كان نايم وم حب يزعجه ونزل للصاله وشافها تاكل بجوع
وسيم : بل بل امداك تلبسين وتاكلين
اسيل شرقت وجلست تكح وقف وراح صب لها مويه وشربها وطبطب ع ضهرها
اسيل تاخذ نفس : قول م شاءالله بغيت اموت بسببك
وسيم ضحك عليها : نصابه
اسيل : ووين النايف .. اوه صح نسيت اني زعلانه منه
وسيم : اصلاً رجع بيطلعك بس شافك نايمه وتركك
اسيل : افف اشتقت لرهف وهي حتى م تتصل عايشه حياتها مع زوجها الله يهنيها
وسيم : غصب شتبي ببيتنا حتى الجنون م تسكن معانا
اسيل : يارب متى افتك من هالبيت والعيشه المره هاذي
دخلت امهم ورمت السلام عليهم
اسيل : يمه !!
ام وسيم : هلا!
اسيل : وينك فيه انتي اشتقتلك
ام وسيم : موضوع ضروري
اسيل : لا بس ودي اجلس معاك
ام وسيم : ابوكم فيه!
اسيل : لاا
ام وسيم : زين انا طالعه انام
اسيل : طيب يمـ ...
طنشتها امها وطلعت
اما وسيم ضل يطالع اخته الي تغيرت ملامحها للحزن
وسيم : مو تقولين تعودتي ليش زعلتي
اسيل بكت بدون م تمسك نفسها وقف وسيم وضمها وعارف ان اختها محتاجه للحنان وخصوص انها انحرمت منه من يوم جات ع هذي الحياة
وسيم : خلاص م عليك انتي كُلي وروحي ذاكري دروسك
اسيل مسحت دموعها ووقفت : شبعت
طلعت دارها وهو يتحلطم ع هالحال
اخذ فونه واتصل ع رهف الي ي دوب ردت
رهف : هلا وسيم
وسيم : انتي وينك كم مرا اتصل عليك
رهف : بسم الله شفيه
وسيم : مو ناويه تنزلين الرياض لك كم شهر قاطعه
رهف : والله تعرف وضعي
وسيم : بس مسموح لك تجين خميس وجمعه وسبت
رهف : مقدر اسيب زوجي لحاله شفيك
وسيم : وليش يعني م عندك اهل بعد تسألين عنهم هذي هي امي هايته من مكان لمكان وابوي م يرد ب الايام والنايف مع اصحابه وانا مشغول بدوامي واسيل بس بالبيت تعبانه ومتضايقه
رهف : م فيها الا العافيه بس ي وسيم شبسوي
وسيم : اضاهر انتي نسخة امك الشره علي انا الي احاكيك
تنهد وسكر فونه
اما رهف م اهتمت للوضع وطنشت

~~||~~

هنادي : يالله اخليك انتي الحين ارتاحي بكرا وراك رجعه من صباح ربي
براءه : خليك عندي
هنادي : عندي اختبار فيزياء بكرا وتعرفين اختبارات سلمى
براءه : الله يوفقك ويعينك
هنادي : امين
ودعت براءه وطلعت من البيت
توجهت ع بيتها اما براءه راحت جنب امها ودخلت بنومتها الطويـىله

~~||~~

ساعات طويله قضيتها بحضن امها
نايمه
صحيت بسرعه فتحت عينها وكان الفجر
اخذت شور ع السريع ولبست العبايه والطرحه وشافت سواق هنادي ينتضرها
بس م لاحضت شي طول م هي بالطريق
وصلت البيت ودخلت من بوابة الخدم
اخذت نفس عميق ونزلت الطرحه
وسابت شعرها الشبه مبلول مفتوح وكان رطب
بس تصنمت يوم شافته واقف عند الباب ومكتف ايده يطالعها ومبتسم
عزام : كيف الاجازه
براءه تنهدت واشرت ب good 😊
عزام : وين كنتي فيه
براءه اشرت له بس م فهمها
عزام مد لها فونه : اكتبي لي
طالعت فونها وكان مفتوح ع الملاحضه
كتبت with my mother -مع امي-
عزام : حلو وكيفها
اشرت له ب اوك
عزام : زين ابي قهوه
براءه كتبت ب فونه just one mention -فقط دقيقه- وادته فونه ودخلت دارها
عزام : اوك
ابتسم وجلس ع الكراسي الطويله تبع المطبخ
لحضات وطلعت وتلبس الربطه
اما عزام متكي ع طاولة ويطالعها
هي منتبه لعيونه بس متجاهلته
حطت الغلايه واخذت كوب وحطته قدامه وحطت القهوه والسكر وصبت المويه عليها ومدت الكوب له
عزام : تشكرادم -بالتركي (شكراً)-
ابتسمت براءه
عزام : شلون ايدك
براءه اشرت بنص نص
عزام : زين كالا كانت قاصده ولا بالغلط
براءه اشرت ب مادري
عزام : يعني م انتبهتي لها
براءه اشرت ب اي
عزام : اووك
دخلت كالا وهي تشوفهم سوا
كالا : سلامو اليكوم
عزام : وعليكم السلام
كالا : اوه باري ايجي هنا -جات-
عزام :شنو شايفه
كالا تنرفزت من طريقت حكيه
عزام : الفطور م سويتوه باقي نص ساعه وينزل
نيبار دخلت : باقي وقت طاوييل فطور خمسه دقيقه خلص
عزام : اها
طلع عزام وسابهم يشتغلون وبراءه كانت تسوي الشاي والحليب
اما نيبار وكالا كانو يجهزون الفطور ويتكلمون بصوت هامس بس براءه كانت تسمعهم وهم يظنون انها بكمه وصمه صدق
نيبار : هادا فهد واجد مغرور
كالا : انتي شوفي عزام كل دقيقه اجي هنا يشوف باري
نيبار : يعني ممكن هذا عزام يحوب باري
كالا : ايوا باري واجد حيلًو
نيبار : انا اكره فهد واجد يهاوش انا وهوا بيبي صاغير
كالا : اي هيت يو فهد
نيبار : انا م فيه اسكت انا لازم يسوي حق فهد سحر عشان يسمع كلام انا
كالا : اهسن واجد زين
نيبار : انا م فيه اسكت هادا قلب يوجع من فهد
كالا : اسبر اسبوع بعدين سوي شغل
نيبار : ايوا انا كلم ماما هيا قال كل شي اسويه
كالا : قووود

براءه تصنمت مكانها
شلون بتنقض فهد من عملتهم هاذي
وخصوص انهم ناوين ع شر والسحر دمر ناس كثير
شلون تتكلم كذا م تخاف الله
تنهدت بينها وبين نفسها وقررت تراقبهم وين م يروحون بس تخاف يسوونه بعيد وصعب تلاقيه
قطع تفكيرها صوت الغلايه
اخذتها وسكبتها بالتلاجه
نيبار : اووه هادي م يسمع
وراحت دفتها مع كتفها طالعتها براءه وودها تضربها بس م تقدر
نيبار : فتح عيون انتا شوف هنا
براءه اشرت ب اوكك
كالا ابتسمت وجاتها فكره
طلعو يوزعون الفطور ع الطاوله
احمد : وين امي
فهد : ابويا ماخذ ويكند اليوم وامي فوق عنده
احمد : اها كويس
عزام جالس ينتضرهم يخلصون توزيع
رغد نزلت وجلست عند عزام
عزام : صح النوم
رغد : انت الي صح النوم شلون من امس الظهر نايم ولا احد شايفك ودوبك صاحي
ضحك عزام : عادي هوا فيه احلى من النوم
رغد : يختشي
رفعت براءه براد الحليب من العربيه وبهاللحضه كالا مدت رجولها وتعنقلت براءه وطاحت ع الارض
الكل لف لها وبصوت واحد : بسم الله
فهد : انكسر الشر
احمد : م تشوف ذي بغت تحرقنا
عزام : شفيك احمد الواحد يطيح بدون م يدري
رغد وقفت وراحت لها : انتي بخير؟
براءه طالعت كالا الي مبتسمه وتطالعها ب انتصار
انتبه فهد للنضرات كالا الي واضح انها قاصده تعنقلها
فهد : انتي خييير
كلهم طالعو فهد ب استغراب
كالا لاحضت ع عيونها وعدلت نفسها
احمد : شفيك انت
فهد : هاذي البقرا شكلها مطيحتها
احمد ضحك : وشنو عرفك
فهد : شوف كيف تطالعها وتضحك وعيونها كلها شر
احمد : والله شكل ذي يضحك
عزام : لها اسم ترا!!
احمد يشرب الشاي وبغباء : اماا
عزام : باااري
فهد تنهد : شهالناس الي م ترحم حتى لو كانت خدامه م نتعامل معاها بسوء مثلنا هي بشر
وقفت براءه وهي متألمه من ايدها الي طاحت عليها
رغد حزنت ع حالها
براءه جات بتشيل القزاز بس مسك كتفها عزام
براءه طالعته
عزام : روحي دارك ارتاحي ، وانتي كالا شيلي هاذا
كالا تأففت وطالعت فهد وشمقت
فهد : ابو الي يصك راسك بالصحن يوريك كيف تشمقين
رغد : حياتي مرا ريشه اشيلها ب اصبعي
احمد وهو ياكل : اي واضح عليها من بنية جسمها م تتغذى كويس
فهد : يحبكم للحشره بخلق الله
رغد: م حشرنا روحنا فيها الله الله
احمد : والله اخوانك الثنين مرا م يرضون احد يتكلم عليها
رغد : من جد شكلها ساحرتهم
فهد وعزام تنهدو بنفس اللحضه
احمد : اي شكلها بنوديهم للشيخ يقرا عليهم
عزام : ي زينك انت واختك يوم تسكتون
وقفت رغد : يالله تأخرت ع الدوام
احمد : اي ولاتنسين اليوم عماني عندنا
رغد : لا هو شلون انسى حاطتها بمخي
عزام : اقول خليك بدروسك افود لك
فهد : فاشله همها بس السهرات
رغد مدت لسانها ومشيت وتسمع سبهم لها

..

براءه وهي تمشي سمعت حلطمت فهد وجاتها الضحك مع الم يدها
كملت للدارها وسكرت الباب شالت هم فهد حييل من نيبار وكالا
غمضت عيونها وجلست ع السرير طالعت يدها الي حمرت تأففت وجلست تدهن ايدها بكريمها الخاص تسوي مساج للكفها الي يألمها
براءه -الله ياخذكم ويفكنا منكم ي كالا ونيبار-
تنهدت وهي تفكر تحاول تدور طريقه تخبرهم فيها عن كالا ونيبار بس كيف م تدري
ممكن تخبر سيمارا بس سيمارا م كانت موجوده عشان تسمعهم وبنفس الوقت سيمارا تشرف وتمشي للمكتبها تنهدت وغمضت عيونها

~~||~~

دخلت المدرسه وهي كسلانه
حست ب الم بطنها حطت يدها عليه ومشيت
شافت قدامها الاء وولاء واقفين
ابتسمو لها وهي ردت لهم الابتسامه
استاذه هبه : وانتو الثلاث ليش متأخرين
مها : مصحيت بدري
استاذه هبه تطالع ولاء والاء
الاء : شنو !
استاذه هبه : نفس السؤال لازم اكرر يعني
ولاء : نفس عذرها
الاء ضحكت : يعني لو صحيت بدري بجي متأخر مثلاً
استاذه هبه : صح والله ف عشان كذا لازم توقعون تعهد انك تنامي بدري وتصحي بدري والساعه 6 الحضور
الاء : بتروحين معانا البيت يعني؟
ولا ءتلعب بشعرها : ممكن
استاذه هبه : لاتكثرين حكي انتي وياها
دخلت رغد : هاي شله
استاذه هبه : كملت وشرفتي حضرتك
رغد : استغفرالله يالله صباح خير
استاذه هبه : ذحين طاح عليك الدين مشاءالله
رغد : لا والله كلشوي استغفر ربي من الشياطين
استاذه هبه : بعدين شهالميك الي ع وجهك داخله زواج !
رغد : لا والله انا متعوده الصباح اهتم بنفسي مو مثل خلق الله تصحى حتى شعرها م يتمشط ويدوب ترسم خط يمين حواجب وخط يسار هههههههههههه
الاء : استغفرالله هههههههههههه
مها : اح ههههههههههه
استاذه هبه انقهرت من رغد : امشو كلكم ع الاداره قدامي
نزلت اسيل من الدرج
استاذه هبه : خير خير ! ناقصه انا
اسيل : استاذه علينا اختبار ذحين والابله تقول جمعو الطالبات
استاذه هبه : شرايك اجمعهم لك
اسيل حطت يدها بجيبها : امم لا مشكوره اصلاً انتي كذا كذا مجمعتهم شوفيهم
طالعتهم الاستاذه !!
اسيل : مها ولاء والاء ورغد
رغد تهمس لمها : فيه اختبار اليوم!
مها : نو نو
ولاء : ي ليل
الاء : يمه زين اسيل تنقضنا
استاذه هبه : يطلعون يختبرون وينزلون حالاً -طالعتهم - سمعتوو؟
ولاء : اي حتى الحارس سمعك والله
الاء ضحكت
طنشتهم الاستاذه وهي تتلحطم والبنات كملو ضحك وطلعو ع الفصل
مها جلست ع الدرج طالعوها البنات !
مها : تعبت
ولاء : تونا بالبدايه باقي دورين ونوصل
تنهدت مها : ليش م يحطو اصنصير للي مثلي
اسيل : ليش فيك شي
قرصتها رغد وغمزت
مها : لا م فيني الا العافيه بس اتكاسل
اسيل : اها الله يسهلك قصدي يقويك
مها توترت من كلمتها وزاد مغصها حطت يدها ع بطنها
ولاء : يالله مها
مها وقفت وهي مكشره : اوك يالله
طلعو البنات للفصل

~~||~~

حط راسه ع كرسي المكتب وجلس يدور
-شلون سوت كذا وليش يعني تترك كل شي عشان تشتغل كذا والصدفه غريبه ولا ب الاحلام
اهه ي ليتك شديتي الضهر فيني والله م اخليك -

~~||~~

احمد : امم شنو وين ملفات مرضاي اخر اسبوع
السيستر : م انتا كتير مشغول مشان هيك م جبتها لك
احمد : وشلون يعني مشغول مو كل شغلي بهالملفات ي انسه
السيستر : بعتزر منك هلا بجيبون
احمد : وجيبي لي ملف المريضه الي كانت تجي مع بنتها شنو اسمها !!
السيستر : براءه اصدك؟
احمد : اي وينها م جات
السيستر : اي من بعد م صفعتك ع وشك م جات
احمد : شنو قلتي عيدي عيدي !!!
السيستر توترت : عم ئول م اجت من اخر مرا
احمد : لسانك اقصه لو سمعت هالكلمه
السيستر : حاضر
احمد : بسرعه جيبي الملفات
للحضات ووصلت الدكتوره وحطت الملفات ع المكتب
احمد : اجلسي
السيستر : حاضر
احمد : وين ملف ام براءه
السيستر : ليكو هون
احمد اخذ الملف وفتحو
احمد ضل يقرا : سرطان المعده اذا اكتشفناه مبكر ممكن يساعدها ع الشفاء واحنا نفس الوضع مكتشفينه مبكر بس الانسه م فكرت تجيب امها
السيستر : اي استاز متل م ئالت ضروفها صعبه
احمد : اي ادري بس كل م ضلت ع هالحال ينتشر المرض ويكون نسبة علاجه 1٪‏
السيستر : طيب شو بدك تساوي
احمد : البنت فقيره ف هنا انا م اقدر اتكفل بكل مصاريف العلاج عشان كذا كل م تأخرت زادت نسبة وفاة امها
السيستر : الله يساعدها ويكون بعونها
احمد : المرض بعد وراثي ؟؟
السيستر : يعني احتمال تكون البنت كمان تصاب فيه
احمد : اي 50٪‏
السيستر : الله يكون معها
احمد : ان شاءالله انها تعالج امها الحين بمستشفى
السيستر : طيب استاز احمد شو بدك فيها ! يعني كتير مرو مثلها
احمد : امم م يخصك بس يالله تفضلي من غير مطرود
السيستر تنهدت ووقفت وطلعت وسكرت الباب ورااها
احمد : يعني ممكن هي بعد تصاب بنفس المرض لازم نقول لها ان مرض امها وراثي ولا اذا جاتها اعراض المرض م راح تنتبه وممكن تلحق امها

~~||~~

انتهى دوام المدرسه
وواقفين البنات بالشارع كل وحده تنتضر سواقها
اسيل : امم مها انتي عندك سواق؟
مها : لا اخوي يجيبني ويوديني
اسيل : اها
رغد طالعت اسيل وغمزت
مها : يالله بنات جاء اخوي باي
البنات : باي

نزل ريان من سيارته وسلم ع اخته وركبت
مها : شوف اسيل
ريان : وينها؟
مها : شفت مكاني اول وين هي كانت جنبي
ريان : اها الي لابسه نضارات شمسيه
مها : اي ثاني وحدا
ريان خق عليها بس تذكر انه بينتقم مشي ولا كان صار شي

عند البنات
اسيل : الله مُز
رغد : شكله لعوب
اسيل : اقولك وعدني
رغد : كلهم نصابين يوعدونك واخرتها يرمونك
اسيل شافت سواقها وتنهدت : اروح البيت افضل لي يالله باي
البنات باي
رغد : لاتنسون تعالو مع اهاليكم اليوم
ولاء : اوك

وبعدها كل وحددا راحت للبيت

~~||~~

ام احمد : اليوم جايني ضيوف زين
سيمارا : حاضر
ام احمد : كالا ونيبار يحضرون الاكل وباري تهتم بالتنظيف المجالس وصالات الضيوف ال2
سيمارا : متل م بدك
ام احمد : اي وفهميها تطلع ترتب غرفة رغد لان احتمال البنات يطلعون عندها
سيمارا : اي بس شوفي انتي شو بدك اكل وانا بئول لهن كل شي يحضروه
ام احمد : نفس قائمتي ال2 من تقديم حلا وعشاء
سيمارا : اي حاضر تكرم عينك
ام احمد : الله يقويك

~~||~~

دخلت البيت وتنهدت كلعاده م فيه اكل
جات بتطلع بس شافت النايف ووسيم جالسين وينتضرونها
طالعت الطاوله الي كلها اكل بشاميل وورق عنب ومشاوي
اسيل رمت الشنطه : الله اول مرا ارد الاقي غدا
النايف : وكل مرا ان شاءالله غدا وعشا وفطور
وسيم : اي جلدت الخدامه وخليتها تترك الدلع وقلت اطبخي لنا
اسيل ابتسمت وجلست ع الطاوله : وينهم؟
وسيم : امي نايمه وابوي باقي م رد
اسيل : اف م ابي تنسد نفسي
راحت وحطت لها اكل
وسيم : شنو رايحين بيت عمي
اسيل : اكيد وانتو
النايف : يب ان شاءالله حتى ابوي وامي رايحين
اسيل : غريبه
وسيم : السالفه فيها سهره امك اكيد بتروح م تفوتها
اسيل : حق الحش والطنازه ها
ضحكو وكملو غداهم

~~||~~

دخلت البيت ووراها فهد وعزام
رغد : مساء الخير
ابتسمت باري واخذت الشنطه منها
رغد : سني تشكراديم -تركي-
ضحكت براءه بس بدون صوت طبعاً
رغد : يمه فدوه الضحكه الحلوه
عزام يطالعها ومبتسم
طلعت براءه للغرفة رغد وحطت الشنطه
دخلت رغد وراها وشافت غرفتها النضيفه
رغد : الله منو رتبها؟
براءه اشرت ب انها هي
رغد : تسلم اناملك يالله ببدل
طلعت براءه وسكرت الباب ونزلت عند الشباب
عزام : وين امي؟
اشرت براءه بدارها
دخل احمد وسكر الباب وجلس مع اخوانه
احمد : جوعان حطو الغدا
فهد : انت شنو جايبك
احمد : طلعت م فيه مواعيد كثيره اليوم
ام احمد : هلا بالعيال خلاص باري حطو الغدا
براءه اشرت ب اوك ومشيت
وراحو حطو الغدا وجلسو ع الطاوله
رغد : بابا عمي هلال بيجي
ابو احمد : اي ان شاءالله ، احمد كيف دوامك
احمد : امم والله ي يبه زين بس م فيه ضغط
ابو احمد : اي عندكم اقسام كثير للسرطان
احمد : اي الله بعافينا وياكم وما ندخلها ع طاري السرطان اليوم فتحت ملف مريضه قديمه عندي
ام احمد : اي وشنو!
احمد : المشكله بنتها كانت تجيبها واعالجها ع حسابي الين م خلاص حسيت البنت م تستحي ع وجهها واعطيتها جلده بالكلام اخذت امها ومعاد شفتها
رغد : حرام علييك
عزام : ممكن عندها ضروف م تقدر تدفع
احمد : م علينا منها بس ان المرض طلع وراثي
فهد : ليش الامراض فيها وراثه
احمد : اي يعني امها معاها سرطان المعده وتقول كل م رحت للحكومي يرزعونها كم شهر وبعدين يجي دور امها واتذكر انها بتدبر المبلغ عشان تجي تعالجها بس المشكله ان امها طولت المرض اتوقع الحين خلاص وصل للنهايته
فهد : يالله ليتك عالجتها ع حساب ابوي
رغد : اي يبه تكفى حرام تحزن
ابو احمد : والله ب بنتي الحين شركتنا من اخر صفقه خسرت مبالغ كثير والله م يمديني ولا كان قدمت لها معروف
احمد : مرضها وراثي يعني خمسين. بالميه بنتها تصاب فيه بعد
ابو احمد :شنو اسمها !!
احمد : مين المريضه ولا بنتها!
ابو احمد : المريضه عشان ممكن الاقي فاعل خير ويتكفل بعلاجها
احمد : امم اضن ريم عبدالله او عبدالرحمن شي كذا
توسعت عيون براءه بصدمه وهي تتمنى الارض تنشق وتبلعها
ابو احمد طالع ام احمد ب استغراب
ام احمد : شبه اسامي اكيد
ابو احمد : اي وانت فهمت بنتها طبيعة علاجها وان المرض تطور؟
احمد : اي فهمتها بس غبيه اتمنى انها ودت امها تعالجها
براءه بنفسها -مستحيل يعني ان شاءالله مو هي امي بس امي كانت تجيه ونفس قصتي البنت ونفس الاسم لالالا ان شاءالله شبه اسامي- حست بالدمعه الي طاحت ع خدها وبسرعه مسحتها عشان م ينشك فيها
احمد : والله ساعدتها كثير انا وخصوص بالادويه يعني اديتها مجاناً بس م اقدر اضل اصرف ع علاج امها كله
عزام : هو صح مو مسؤول عنها
احمد : اي بس احتمال يمسكوني يوم وتصير مشاكل
ام احمد : لا اجل طنشهم ولا تعور راسك وتغدا
احمد : اي بس ودي اشوفها عشان اقولها امك ممكن تكون بهالايام بعداد الموتى
طلعت براءه من الغرفه وهي م تبغى تسمع اي شي
وبسرعه دخلت غرفتها وسكرت الباب
غمضت عيونها وتكت ع الباب وجلس ع الارض وضلت تبكي وتصارع دموعها الي انهارت


~~||~~

نهــااايةة البارتت

توقعاتككككم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 22-11-2017, 07:13 PM
صورة *Asma dz* الرمزية
*Asma dz* *Asma dz* غير متصل
©؛°¨غرامي مجتهد¨°؛©
 
الافتراضي رد: روايتي الثانية : لأجل أمي أصبحت خادمة


بارت حلو تسلم اناملك
بس كيف كيف يا ربي ما تكون مريضة يا ربي 😥😥

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 22-11-2017, 09:26 PM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: روايتي الثانية : لأجل أمي أصبحت خادمة


السلام عليكم
البارت يجنن
براءة مسكينة وش بتسوي
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 23-11-2017, 10:35 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: روايتي الثانية : لأجل أمي أصبحت خادمة


السلام عليكم
بارت روعه تسلمين الغلا
ليش براءة طلعت من عندهم اكيد بيشكون فيها
وان شاء الله المرض مايجيها

سلام،،،،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 24-11-2017, 01:05 AM
شـــــام شـــــام غير متصل
©؛°¨غرامي مشارك¨°؛©
 
الافتراضي رد: روايتي الثانية : لأجل أمي أصبحت خادمة


افا كاني اشوف الردود قلانه. ☹🤔
مافي مشكله ان شاءالله
عالعموم البارتين حقين الاسبوع الجاي
مرا مرا مرا حماسيه تشعل القلب
تجهزو 😂😂😂
احمسكم من الان

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 57
قديم(ـة) 24-11-2017, 01:31 AM
صورة ترنيمةه الحياة الرمزية
ترنيمةه الحياة ترنيمةه الحياة غير متصل
©؛°¨غرامي فضي¨°؛©
 
الافتراضي رد: روايتي الثانية : لأجل أمي أصبحت خادمة


السلام عليكم
بارت اوك جميل التوقعات
وسيم يدخل بموضوع شغل براءه
ويحاول يساعدها وهي رافضه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 58
قديم(ـة) 25-11-2017, 06:13 PM
صورة *Asma dz* الرمزية
*Asma dz* *Asma dz* غير متصل
©؛°¨غرامي مجتهد¨°؛©
 
الافتراضي رد: روايتي الثانية : لأجل أمي أصبحت خادمة


لك اليوم السبت و بتحمسيني عالبارتات 😪😪
عالعموم انا والانتظار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 59
قديم(ـة) 25-11-2017, 10:50 PM
Remn Remn غير متصل
©؛°¨غرامي مشارك¨°؛©
 
الافتراضي رد: روايتي الثانية : لأجل أمي أصبحت خادمة


مسكينه براءه انصدمت
الروايه روعه استمرررري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 60
قديم(ـة) 28-11-2017, 03:10 AM
شـــــام شـــــام غير متصل
©؛°¨غرامي مشارك¨°؛©
 
الافتراضي رد: روايتي الثانية : لأجل أمي أصبحت خادمة


البارت الثامن


~~||~~

المغرب
كانو متواجدين الكل
الحريم بصالة الحريم
والرجال والشباب بالمجالس
والبنات بالصاله

عند الرجال
دخلت ومعاها الصينيه الكبيره الي فيها القهوه
كانت متردده بس نيبار عند الحريم وكالا عند البنات ف اضطرت تدخلها هي للرجال
دخلت وبلعت ريقها
عزام لاحظ عليها انها متوتره
ووسيم عرف توترها ليش وشنو السبب
حطت الصينيه وطالعت عزام
عزام اشر لها تروح
مشيت بس م انتبهت للعيون الي كانت عليها
هزت كل شي بداخله
وكانها هي كانها الشخصيه الي حارب اهله عشانه بس خسرها ب ارادتها هي
غمض عيونه وحاول يبعد كل شي بمخه
ليش مشاعره تغيرت كان وده يقوم يضمها
يحسها هي حبيبته الي ضل سنين يفكر فيها
الي ضل عمر طويل كاره حياته بسببها
تنهد تنهيده طويله
ابو احمد : خير ابو وسيم فيك شي
ابو وسيم : ها لالا بس منو هاذي
وسيم طالع ابوه الي تغيرت نضرته
النايف ضحك وهمس ب اذن وسيم : شكل ابوك خق عندها
وسيم : اص لايسمعك
ابو احمد : هاذي شغالتنا الجديده
ابو إياد : وليش شفيها كذا
ابو احمد ضحك : شلون يعني م فهمتك
ابو إياد : كأنها عربيه وذكرتني بشخصية وحدا
ابو احمد : امم مين !!
ابو إياد : تذكر دراستنا ب امريكا؟ وقتها
ابو احمد : اي اذكرها بس شدخلها
ابو إياد : تشبه لريم الي كانت مخقق الجامعه
ابو احمد ضحك : يوه يحليلها شكلها ميته الله يرحمها
ابو وسيم : لا ان شاءالله
ابو احمد غمز له
ابو وسيم : اي يعني كانت انسانه طيبه تحب تساعد الكل الله يذكرها بالخير
ابو احمد : اي والله ذكرتني ب ايامنا ي سالم كنا حيل فالينها والمرحوم كان يجلدنا الا نهتم بدراستنا ونسيب اللعب عنا
ابو وسيم ضحك : اي كان مخلي منصور ولد عمنا الله يرحمه مراقب علينا وهو كان ساتر الوضع
ابو إياد : الله يرحمهم ويغفرلهم يارب
الكل : امين
احمد : اي يبه كيف كانت دراستكم
ابو احمد : والله كنت انا شاطر اما عمانك لا والله كانو فالينها هم وولد عمنا منصور الي ابوي واثق فيه يراقبنا واخرتها انا فضحتهم
عزام : نذل
ابو احمد : عيب عليك
عزام ابتسم : امزح معاك يبه

فهد كان جالس ويطالعه احمد
فهد اشر له بشنو
احمد ابتسم يعني فك التكشيره
إياد : خير فهد شفيك؟ مكشر
فهد : والله ي اخوك مدري تحلمت حلم ابليس يلاحقني وصحيت مكشر والنفسيه تراب
إياد : كوابيس تعوذ من ابليس وصدقني م تتكرر
فهد : والله اني متضايق حاس ان الحلم ذا م بيعدي ع خير
إياد : لالا م عليك تحصن والله يحفضك

~~||~~

عند الحريم

ام وسيم : والله صراحه اشغالي هالاسبوع كثرانه حتى عيال مقصره معاهم
ام احمد : اي والله صادقه خبرك الجمعيه الحين كثرانه طلباتها وزياراتها
ام إياد : رايحين لحفل بنت ام ناصر؟
ام احمد : لا والله انا م اضن
ام وسيم : الا ان شاءالله جاتني دعوه بروح
ام احمد : والله عندي وقتها اجتماع في الجمعيه الصحيه للمرضى
ام وسيم : يوه اخر همي والله م اروح خبرك ام ناصر جايبه مطرب يوسع الصدر
ام إياد : والله اني بروح وبتونس اشوفك هناك ي ام وسيم وانتي بعد حاولي ي ام احمد
ام احمد : جاتني دعوه بس اشوف يتعدل جدولي ويتغير موعد الجمعيه ولا لا
ام وسيم : والله يغيرونها بس حاكيهم
ام احمد: هوا متى؟
ام وسيم : يوم السبت ان شاءالله
ام احمد : الي بعد بكرا !!
ام إياد : اي ان شاءالله
ام احمد: عاد ماخذين بناتكم عشان افكر اخذ رغد. لو رحت
ام إياد : والله ممكن م يروحون عشان الدراسه
ام احمد : بيننا اتصال وقتها ان شاءالله -طالعت نيبار الي واقفه- نيبار صبي القهوه
نيبار : اوك


~~||~~

عند البنات
ولاء : شنو وين باري؟
رغد : حبيتوها ها
الاء: والله انها تنحب وتدخل القلب
اسيل : اي والله بهاذي صح
رغد : والله متقسمين الخدم وهي عند الرجال
اسيل ضحكت : يعني م خليتوها غير عن الرجال
ولاء : لا والله ماتو عماني وابوي وعيالنا
رغد : لا م عليك تراها حيويه يعني وعيونها بالارض مو نفس الخدم تمشي وتتمخطر
اسيل : ذكرتيني بشغالتكم الي تو سفرتوها
رغد : ميلو ههههههه ذي غبيه وبس ترادد امي وفوق ذا مغير تتلصق ب احمد
ولاء : اذكرها وصخه بعد
رغد : اي وشنو تقولك والله لا اخرب بيت واحد واحد هنا
الاء : ههههههههه م درت انكم انتو تقدرون تمحونها ، الا شلون اخوانك مع باري
رغد : والله هي طيبه حيل واخواني يحبونها معاد احمد يعني يتضايق منها
الاء : اخوك ذا مغرور م يعجبه العجب ولا البنت عيونها تخليك تذوبين
ولاء : الا شلون المستشفى معاه
رغد : زين م عليه بس كل شوي يطلع من دوامها
الاء : نفسي اصير طبيبه والله
رغد : هه راحت عليك ادبي انتي
اسيل : اصلاًشايفه وجهك انتي وجه دكاتره
الاء : انا من وين اصير طبيبه وانتو اصلاً اصحابي بالمدرسه داشرين وخالصين يعني حتى الشاطر يصير فاشل
ولاء : اصفق لك بهاذي صدقتي
رغد : كنت بقول لمها تجي بس مدري استصعبت الامر
الاء: ي لييتك حاكيتها
اسيل : لا والله انا اشوف انك كويس م حاكيتيها تخيلي لو تطورت العلاقه وامي بيوم سألتني عنها شقولها اقولها بنت وحامل حرام
الاء : اصلاً مغتصبه يعني م كان شي ب ارادتها
اسيل : انا عارفه بس بيضل الي ببطنها حرام
الاء : هو صح حرام بس م نحكم عليها بالغلط نحكم ع الحقير الفاعل
رغد : والله صح ممكن يوم تجي امي وتسأل عنها ويكون لها بطن وتسأل هي متزوجه استصعب اقولها لا
الاء: الله يستر ع بنات المسلمين ويارب يموتون الي مثلهم
رغد : اي م تلاحضون انها تتعب كثير هاليومين
اسيل : اكيد الله يكون بعونها وضعها صعب شوي
ولاء : اي يعني لو سألوها الابلات بيوم انتي متزوجه ولا لا والمشكله بياناتها اكيد مكتوبه عازبه يعني كذا كذا بتفضح من بطنها
الاء : والله لا اكسر راسه بس الي يفكر يتكلم عليها عاد كل شي ولا الشرف
رغد: معاك حق ولازم نكون يد العون لها ونوقف بوجه كل شخص يفكر ان يتكلم عليها

وضلو يسولفون الى مالى نهاية

~~||~~

سيمارا : طاولة الرجال مشان الاكل نيبار وباري والحريم كالا مفهوم
نيبار+كالا : مفهوم
براءه اشرت ب اوك
سيمارا : م ابغى اي نقص بالسفره وتكون متكامله فاهمين يالله تقدرون تبدون
دخلو قسم الضيوف وجلسو يجهزون طاولة الطعام

وسيم : بروح التواليت
عزام : روح بس لاتتأخر
إياد :اي ي شاطر تحب الاستئذان
وسيم : سري لا كف انت وياه
وقف وطلع من عند الشباب متوجه للتواليت
انتبه

ف غرفة الطعام الرجاليه

نيبار : باري انا روح حمام خمسه دقيقه وإجي
باري اشرت لها ب اوك
طلعت نيبار وضلت باري توزع الاكل
اما وسيم خرج من التواليت وانتبه لها لحالها
دخل والمكان هادي
طالعته باري ولفت وجهها وقلبها ينبض توتر
اخذ تفس عميق ووقف خلفها
وسيم : ليش سويتي كذا
براءه انصدمت خوفاً انه عرفها
وسيم : اذا هم نايمين وانخدعو بكذبتك انا لا ثعلب دايم صاحي
بلعت ريقها ولفت عنه وجات بتمشي
بس وقفها يوم مسك يدها
وسيم : جاوبي براءه ليش كذذا انا عرفتك وشفتك خلاص
اكتفت بالصمت
وسيم : اوك م تبغين تتكلمين انا بروح اقولهم مين انتي
وترك ايدها وجاء بيمشي
بس مسكته مع ايده ولأول مرا تمسك شخص غريب عنها
براءه بصوت هامس : لا تكفى
طالعها وسيم : ليش كذا؟؟
براءه: مقدر اتكلم عشان محد يحس علي
وسيم طلع بطاقته الي فيها رقمه ومدها لها : حاكيني ع هالرقم يوم تفضين واليوم بعد وقبل م تنامين فهمتي واذا م تكلمتي بخبرهم بكرا الصباح
اخذت البطاقه وايدها ترجف وحطتها بالبالطو الي عليها
ابتسم وسيم ومشي وهو حزنان ع وضعها
تنهدت وتوترت وشحب وجهها من الخوف وانها انقفطت من اول شهر وشوي
تنهدت تنهيده طويله
دخلت نيبار : انتي ليش م يشتغل انا كلم سيمارا عاقب انتي
طنشتها براءه وهي شايل هم وضلت ترتب الطاول والاكل
دخلت سيمارا : شو م خلصتو كالا لحالا وانتهت وانتو تنتين وم قدرتو !
نيبار : انا في روح حمام بس باري واقف م يشتغل
سيمارا شافت وجه براءه الي واضح انها خايفه : اوك خمس دقايق وتخلصون يالله
كملت نيبار الشغل
وضلت براءه شارده بعيد بس قطع عليها دخول الرجال
وخرت عن الطاوله وتوزعو الرجال والشباب
والاغلب يطالعها بس مو مثل نضرة هلال ابو وسيم لها
النايف كان يطالع ابوه ويشوف نضراته لها تنهد ويحاكي روحه -اي شايب شكبرك وانت تغازل البنت بعيونك ولا ي ليتها مننا خدامه بعد استغفرالله احترم المتواجدين ع الاقل -
جسمها يقشعرها من نضرتهم لها
لابد هي بنت مسلمه بس ضروفها حدتها تشتغل هاذي الشغله عشان امها الي تنتضرها بالبيت كل يوم
ضلت تطالع الارض وتحاول تبعدهم عن بالها بس احرقتها نضراتهم لها
طلعت بدون م تحس ع نفسها م تبي خلاص قرفت من الجو الي هي عايشته
ضلت واقفه برا تنتضرهم يخلصون اكل
النايف شافها يوم طلعت -حتى هي استحت من نضرة ابوي وابوي ولا هامه احد هه-
فهد كان يلعب بصحنه
وسيم يهمس له : شفيك م تاكل
فهد : مو مشتهي
وسيم : ع لحم بطنك من الظهر صح!
فهد : إيه
وقف فهد : الحمدلله
ابو إياد : وين ي عمي صحنك مليان م اكلت شي
فهد : شبعت الله يجعلها سُفره دايمه
الكل : اميين
طلع من غرفة الطعام
بهاللحضه براءه طالعته ووخرت عن الباب
فهد : انتي هنا؟ ليش واقفه
براءه تنهدت واشرت ب انها تنتضرهم يخلصون
فهد م فهم عليها وزبد لها
طالعها بعيونها تقشعرت براءه من نضرته لها
حست بلون وجهه الي انخطف وانفاسه الي بدت تضيق وكأنه يدور النفس
حس ب الارض الي مو قادره تشيله
حط ايده ع كتفها واستند عليها
كانت بتطيح بس مسكته ايده وحست انه تعبان حطت ايده ع رقبتها ومسكت وسطه وضلت تمشي فيه لين م وصلت للكراسي
جلسته ع اقرب كرسي جاء قبالها
فهد وهو ياخذ شهيق وزفير غمض عيونه واسندها ع الكرسي
بدون م تحس ع نفسها خافت ان الي ببالها ممكن صار مسكت يده وطبطبت عليها
فهد طالعها وابتسم : م عليك من الضهر م اكلت شي يمكن عشان كذا دخت
براءه اخذت نفس وابتسمت له واشرت ب الحمدلله
فهد : حنونه انتي حيل ي باري
وقفت واشرت له انها تعتذر + بجيب لك اكل
فهد مسك يدها : لالا مو مشتهي بس سوي لي عصير برتقال
براءه اشرت ب اوك وراحت ركض للمطبخ اخذت كاس وعصير برتقال وصبت له ومشيت لعنده
مدت له اخذ العصير منها وشرب شوي منه ومده لها
براءه اشرت له ب لالا كمل
فهد : لا مو مشتهي
براءه اشرت ب لا لا
فهد تنهد وشرب منه للنص ومده لها
براءه تنهدت واخذت الكاس منه
وسيم : خير في شي؟
براءه طالعته وصدت نست نفسها
فهد استغرب -كيف سمعته!!!- تجاهل الموضوع : لا م فيه شي بس جلست وطلبت منها تسوي لي عصير برتقال
وسيم : اها زين -طالع براءه- اذا حسيت انك تعبان بالليل لاتنسى تتصل سمعت
براءه فهمت ان الكلام موجه لها مشيت بدون م تحس وضربت بصدر ابو وسيم
بلعت ريقه واشرت ب اسفه
ابو وسيم : م عليه م عليه حصل خير بس شوفي طريقك
مشيت بسرعه وهي متوتره حييل
فهد : احيان احسها غير عن كل الخدم الي مرو علي بحياتي
وسيم استغرب وجلس ع الكرسي الي جنبه : شلون يعني
فهد : يعني تصرفاتها حنونه وطيبه وتساعد الكل وتخاف علينا لا صار شي مو مثل باقي الخدم م يهمها اهم شي اخر الشهر تاخذ معاشها
وسيم : اي في خدم يشتغلون ب اخلاص ويعتبرون انهم من اهل البيت والضرر الي فيه كمان يضرها
فهد : اي بس انا مستغرب الي ف سنها يدرس ويتعلم اما هي لا
وسيم : يمكن ضروف حدتها انها تشتغل هالشغل
فهد : والله احيان احزن ع حالها لانها تنكرف كرف حيل وفوق ذا الخدامتين كالا ونيبار جالسين لها ع الحبه ويدورون مشاكل معاها وكم مرا اهاوشهم
وسيم : اسمع لاتهاوشهم عشانها طنشهم ال3 ترا ممكن يحقدون عليك وعليها ويصير شي لاسمح الله
فهد : اي بس تحزني عشان م تسمع ولا تتكلم وهم مستقوين عليها
وسيم -اه ب براءه شلت همك والله اكثر- : اي فكنا منهم شلون الدراسه
وضلو يسولفون

~~||~~

حطت ايدها ع قلبها
وتحس نبضه زاد
شهالشعور الي تحسين فيه ي براءه
استغفرالله يارب سامحني ع كل ذنب سويته
اهخ يارب انك تساعدني وتخلي هالسنتين تمر بسرعه وتنتهي واعالج امي واخلص من هالمعاناة

دخلت سيمارا عليها وشافتها جالسه ومتوتره
سيمارا قفلت الباب : شوبك شو صايرلك
براءه بصوت هامس : وسيم عرفني
سيمارا : شو يعني يعرف انك تحكي
براءه : اي راقبني وعرف اني انا البنت الي ساعدها بالطريق واني عربيه واعطاني رقمه اشرح له كل السالفه ولا بيخبر عني
سيمارا : ولي ع امتك ي سيمارا اي والله بروح فيها انا كمان
براءه : لا تخافين هو طيب م راح يخبر عني وعنك
سيمارا : اي براءه بليز يعني م بدي يخرب بيتي انا كمان
براءه : احتاج فوني منك الله يسعدك ابيه عاجل عشان احاكيه
سيمارا : لكان بعد م بيروحو الضيوف انا بجيبو لك بس خبيه مشان محد يعرف انك عم تحاكي احد من وراهون
براءه : ان شاءلله
دخلت الاء وطالعتهم
سميارا بلعت ريقها من الخوف انها سمعتهم : شو شو بدك الاء
الاء : امم عمتي تبيك انا من اول ادور عليك
سيمارا : حاضر -وقفت وطالعت براءه- اي باري اغراضك بكرا بجيبهون لك م بنسى بس الصباح الفطور عليك منيح؟
براءه اشرت ب اوك
طلعت سيمارا
الاء : شلونك باري
براءه ابتسمت واشرت ب اوك
الاء : ثاني مرا انتي تعالي عندنا وخلي كالا عند الرجال
براءه استغربت واشرت ب ليش !
الاء غمزت : انتي حلوه حيل واحنا نبغى نشوف الحلوين
ضحكت براءه
الاء : يالله انا بروح عند البنات باي
خرجت الاء من غرفة باري وسكرت الباب وشافت الي يناضرها من بعيد طالعته وتصنمت
الاء : شنو لاتخز كذا
احمد كتف ايده : وليش ان شاءالله بيتنا واسوي الي ابيه
الاء : لما يكونون عندكم ضيوف حافظ ع تصرفاتكم مغرور
ومشيت وسمعت ضحكته وطنشته
طلعت براءه وشافته قدامها واقف
تنهدت ومشيت عنه تغسل باقي المواعين
احمد قفل باب المطبخ و مشي لعندها وحاط ايده ب جيبه
ضرب كتفها ولفت عليها كان حيل قريب منها
طالعها وابتسم ؟
استغربت براءه من جرائته حطت ايدها بتبعده عنها
احمد : انتي شنو سويتي !
براءه تضايقت من قربه لها وجات بتمشي بس مسكها مع ايدها وحاوطها بحيث انه م تقدر تفلت منه ونزل راسه لها عشانها قصيره وجات عينه بعينها
بلعت ريقها ووخرت وجهها الي كان قريب من وجهه تكه وانفه يضرب ب انفها
احمد : الي يرقمها وسيم والي عزام يعشقها والي فهد م يرضى احد يزعلها والي عمي اكلها بنضراته لها والي الشباب يطالعونها بنضرة **** مين تكون
توسعت عيونها بصدمه من كلامها
احمد : اياني واياك اسمع انك ع علاقه مع احد فيهم فهمتي مو ناقصنا خدم يدخلون عائلتنا ويدمرونها انا بدور عليك اصغر التفاصيل عشان اطيرك من هنا ويكون عذري معاي عزام وفهد يويلك تقربين منهم ي حلوه
وخر عنها وعيونه عليها اما براءه كانت متصنمه بمكانها
وكلامه يتردد بمخها
الي يرقمها وسيم والي عزام يعشقها والي فهد م يرضى احد يزعلها والي عمي اكلها بنضراته لها والي الشباب يطالعونها بنضرة ****
اخذت نفس عميق وراحت للمغسله تغسل وجهها الي انفاسه خالطة انفاسها

بعد ساعه خلصت شغلها وخلاص تخلي الباقي ع كالا ونيبار
مشيو الضيوف بهاللحضه
اما براءه جلست بغرفتها وحطت ايدها ع راسها
-عزام يعشقني !!! يالله انا طحت بمصيبه ثانيه شلون صار كذا وم لاحضت عليه الا صح الفتره الاخيره تصرفاته كانت فاضحته بس شلون م انتبه انا لازم م احتك ب اي احد فيهم وخصوص عزام عشان م يلقى علي شي وانطرد بسببه وبكذا اخسر علاج امي انت مرا ثانيه ي احمد ليش من بين الف بيت م جيت الا ببيتهم ليشش !!!- غمضت عيونها وطلعت فونها الي جابته لها سيمارا وقفلت باب غرفتها

~~||~~

وسيم راح لاصحابه وكذلك النايف
وابو وسيم يسوق فيهم
ومعاه اسيل وام وسيم
ابو وسيم : الحين شغالتهم ذي الجديده شنو اسمها
طالعته ام وسيم : اي وحدا؟
ابو وسيم : هي وحدا جديده الي جاتهم
اسيل : اها اي عرفتها باري
ام وسيم : الحلوه؟
اسيل : اي
ام وسيم طالعت ابو وسيم : وليش تسأل ولا اشتقت
ابو وسيم تنهد : استغفرالله بس
ام وسيم : تراها شغاله فاهم يعني شنو شغااااله
ابو وسيم : شفيك انتي انا سألت سؤال بس م قلت احبها
ام وسيم : وليش انا قلت انك تحبها اهااا الحين وضحت عشقتها من اول مرا هااه
ابو وسيم طالعها وصد : اقدر ارد عليك بس كلامي بيجرحك واحتراماً للكرامتك قدام بنتك م راح ارد
ام وسيم بصوت شبه هامس : اي اذكرك بالماضي لاتنسى الي كرهتني فيه حياتي كلها
ابو وسيم : صفحه قديمه ماله داعي تنبشين فيها
ام وسيم : اجل وينك فيه من الايام الي راحت اكككيد عندها صح
ابو وسيم بصوت شبه عالي : اصلاً م اعرف عنها شي لا حية ولا ميته شلون بتواصل معاها وهي سافرت من اخر مرا معاد شفتها
اسيل حطت ايدها ع راسها : يمه يبه خلااص تكفون
ام وسيم : انتي اسكتي ولا تتدخلين بلي م يعنيك
ابو وسيم : اسيل حبيبتي عشانك هالمرا
تنهد وطالع ام وسيم ولف وجهه عنها
ابو وسيم وبصوت هامس : اصلاً من يوم تزوجتك وانتي تحبين المشاكل
كمل سواقته الين م وصلو البيت

~~||~~

فتح فونه الي سمع رنته
رسالة واتساب
طالع رقم غريب
الرقم / السلام
وسيم / وعليكم السلام مين؟
الرقم / انا براءه
وسيم ابتسم وحس الارض مو سايعته/ اخيراً
براءه / سريع وسيم شتبي!
وسيم / ابي اعرف ليشش سويتي كل ذا وليش خبيتي عنهم اصلك وخدعتيهم
براءه / اصلاً م خدعتهم الشغل مو عيب
وسيم / اي مو عيب بس تضلين خادعتهم ب مين انتي
براءه / م معاي وقت احاكيك اخاف احد يدخل علي وبقولك كلمتين انا اشتغلت عشان اعالج امي من مرضها
وسيم / وليش م قلتي لي
براءه / بصفتك شنو!!
وسيم / بصفتي شخص احب المساعده والخير
براءه / انا مستحيل اطلب مبلغ كبير زي هاذا و2000 راح ترجع لك مو باخذ منك 100000
وسيم/ بسيط اقدر اساعدك واعطيك هالمبلغ وعشان كرامتك سدديه لي ع اقساط
براءه / مستحيل اصلاً انا موقعه عقد سنتين وفيه شروط جزائيه اذا خالفت
وسيم تنهد / وليش م حاكيتيني وقتها
براءه / وسيم شلون تبيني اثق بشخص ساعدني بالطريق ووصلني بيتي؟!
وسيم /بس قلت لك ان مقصدي شريف
براءه / فهمتني غلط الي اقصده اني مستحيل اطلب مبلغ منك وبهالكثر
وسيم / طيب اطلعي من بيت عمي وانا بوفر لك المبلغ وانتي ردي دراستك ووفر لك بعد مبلغ الشرط الجزائي
براءه / ليش تبيني اطلع!! وثاني شي م اقدر لاني دخلت ب اسم شغاله وادفع لها النص من الراتب عشان حتى هي محتاجه
وسيم تنهد / لان نضرة الشباب لك مو زينه
براءه / اعرف كل شي ومو عميه ي وسيم انا بنت واشوف كل شي واعرف عن كل نضره وايش تفسيرها
وسيم / انزين اوعديني انك تكلميني كل م احتجتي شي وقولي لي اذا احد حاول يضرك او تقرب منك
براءه / وسيم انا مو فاهمتك ليش مهتم لي هالكثر
وسيم / مقصدي واضح ي براءه انتي بنت عربيه وتشتغل ببيت ناس اغنياء وعندهم شباب كثير وممكن واحد منهم يقدر يغلط وم يحس
براءه / منتبه لنفسي
وسيم / والشاهد الله ع كلامي اني اشوفك مثل م اشوف اسيل اخت واخاف عليك انا من اول مرا شفتك فيها احس انك اخت وحتى خبرت اسيل عنك
براءه بخوف / يعني قلت لها اني اشتغل خدامه
وسيم / لالا قلت اني شفتك وساعدتك
براءه / لاتفكر بيوم تشفق علي سمعت وسيم اكره الناس الي يشفقون ع حالي ومو مستعده اشوفهم بحياتي
وسيم / ليش تفهمين الامور عكسها
براءه / براءه القديمه الي تقبل ذل وشفقة الناس عليها م ابيها انا راح اشتغل واكرف واساعد امي من عرق جبيني ولاتفكر بيوم انك تساعدني وتكفى لا تخبر عني اي شخص ابيه وعد منك لان احمد كمان م قبل يعالج امي ع حسابه وانت لو فكرت تتكلم بخسر امي وسيمارا بتخسر شغلها بعد قرارك بيدك وهو عنوانه (لاتهدم حياتي وحياة امي) سمعت انا خارجه باي
قفلت فونها بدون م تستنى مسج منه
م تبغى احد يشفق عليها تذكرت خالها الي كان يهين امها ويدوب يعطيهم ب الاسبوع 10 ريال تساعدهم
تهاوشت معاه من ذله لها ع ال10 وطردته من البيت الي تسبب بجلطة امها وردت عاشت من جديد بهالحياة
قررت تهدم كل حياة شخص هدم حياتها وحياة امها ووصلهم لهالمرحله واولهم ابوها الي م تعرف عنه اي شي غير صورته
طلعت من الغرفه وشافت الجو هادي والكل نايم وم فيه احد
طالعت الساعه 1:03 ص
صحيح خوف بس خلاص تعودت ع هالحال
لبست العبايه ولفت الطرحه وخرجت من بوابة الخدم
وتمشي بالجو البارد وانفها تورد وايدها تحكها ببعض عشان تدفى
وبعد ساعه
وصلت بيتها بس بعد مضايقت السيارات لها وغزلهم وحقارتهم
صارت متعوده ع هالوضع فريسة تمشي بين ذئاب بشريه بس امها الي تستودعها بكل لحضه وربي حافضها منهم
دخلت البيت وسكرت الباب وراها شافت امها الي نايمه
راحت سوت لها اكل خفيف وجات صحتها وجلست معاها لين م عشتها ونامت بحضن امها
صحيت بسرعه لقيتها 3:00
باست امها ولبست العبايه
وع طول توجهت للقصر
~~||~~

الساعه 3:40ص
الصداع مأثر عليه
نزل يبي له قهوه شاف نيبار وكالا نايمه ابتسم
لانه يبيها من يدها
راح لها وتردد يفتح الباب او لا بس حتى لو دق الباب عليها م راح تسمعه فتح طرف الباب شاف السرير فاضي فتح الباب كله م لقيها موجوده
عزام : امم اكيد بالتواليت ننتضرها
جلس ينتضرها
انتبه لبوابة المطبخ حقت الخدم الي انفتحت
دخلت وتصنمت بمكانها - ياليل هذا شمصحيه بهالوقت الحين ش اقوله-

~~||~~


نهايــة البارت
توقعاتكم ..


الرد باقتباس
إضافة رد

روايتي الثانية : لأجل أمي أصبحت خادمة/كاملة

الوسوم
/بقلمي , لأجل , الثانيه , اصبحت , خادمة , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : وين أيامك وجودك يعنيني روايات - طويلة 62 13-01-2020 09:21 PM
روايتي الثانية: محبوبي لاتسالني وش اللي طرالي وغير طباعي/كاملة شموخي عزوتي روايات كامله - يتم نقل الرواية هنا بعد اكتمالها 439 14-11-2018 05:46 AM
روايتي الثانية: في حطام قلبك هناك أزهارا ستزهر يوما ما حبي الشمـوخ روايات - طويلة 186 18-07-2018 07:48 PM
روايتي الثانية: لم يتبقى من حبك سوى خذلان رسم بألم Ma_ral روايات - طويلة 21 04-06-2018 03:13 PM
روايتي الثانية: هبال بنات وأستهبال شباب مشكلجيـهـ روايات - طويلة 22 31-07-2017 10:23 AM

الساعة الآن +3: 08:52 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1