اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 24-11-2017, 01:07 PM
صورة laumonh الرمزية
laumonh laumonh غير متصل
©؛°¨غرامي جديد¨°؛©
 
الافتراضي رد: في قلبها تتزاحم الزهور / بقلمي


طيب يالله ترا انتظرش اللحين صار بكرة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 24-11-2017, 10:49 PM
صورة أورشيـنا الرمزية
أورشيـنا أورشيـنا غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


اقتباس:
المشاركة الأساسية كتبها laumonh مشاهدة المشاركة
طيب يالله ترا انتظرش اللحين صار بكرة
ان شاء الله بعد شوي احطه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 25-11-2017, 12:55 AM
صورة أورشيـنا الرمزية
أورشيـنا أورشيـنا غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


السلام عليكم ورحمة الله تعالى وبركاته



البارت الرابع |هل أنا أهواك؟|

هل أنا اهواكِ؟. لا شيء أكيدْ..
هل انا مضطرب الرؤية والتفكير؟.. لا شيء اكيد..
هل انا منشطر النفس إلى نفسين؟ .. لا شيء أكيد
هل حيــاتـي شـبّت النـار بـها؟
هل ثـيابـي اشتـعلـت ؟ هل حروفــي اشتعلت؟
هل دمـوعـي اشتعلت؟
هل أنا ضوء سماويٌ .. وانسان جديد ؟
لا تسمي ذلك الإعجاب يا سيدتي حـبـاً..
فان الحب لا يأتي إذا نحن أردناه..
ويأتي كغزالٍ شاردٍ حين يريدْ....
نزار قباني


مشى ليث وفتح الباب وقابلوه الثنـتين واقفات.. شاف لمياء بنظرات كارهة وحاقدة وكمل طريقه .. لحقه ابوه المصدوم ولما شاف ام ليث ولمياء اللي بكت مصدومه لف لأم ليث: كنتي تدرين ؟
ام ليث اخذت نفس: ايه
دفها لوراء من رقبتها ضربت بالجدار وتألمت، صرخ لين برزت عروق جبينه ورقبته بتنفجر: رجع يشتغل بذاك المستشفى؟
ام ليث اختنقت وقالت بصعوبه: فكـ...نـ..ي.....
ركضو البنات مع غيث على صوت الصراخ وما شافو الا ليث ينزل راكض من فوق وهو ما يشوف قدامه من العصبية طلع من البيت وسكر الباب باقوى ما عنده
غيث بسرعة ركض لأبوه وسحبه من امه اللي ضمتها نجلاء وشادن يشوفون ابوهم مصدومين
كيف يصرخ: من متى رجع يشتغل عندهم من متى ؟ من متتتتىىى؟
ام ليث مسحت دموعها ووقفت وهي تلتقط انفاسها وصرخت: خلاص عاد وش دخلك فيه انت خليه يسوي اللي يبي مو انت اللي بترسم له خطوط تمشي حياته عليها عيش حياتك انت وانساه اتركه عاد
غيث سحب ابوه لبرا وشادن ركضت تجيب له دواه عشان يهدا.. ما يقدر يتحكم باعصابه لما يعصب ما يشوف شي قدامه ولو يلقى شلون بيقتل يقتل من العصبية!
نجلاء اخذت امها لغرفتها وجلست وهي تضمها: خلاص يمه.. هدي نفسك تكفين خلاص
ام ليث مسحت دموعها وشافتها: اتصلي باخوك شوفيه وين راح
نجلاء: ليث ماهو بصغير يمه .. انتي اهدي

غيث يشوف ابوه بقهر: يبه وش صار حتى تفقد اعصابك كذا ايشش؟؟ كنت بتخنق امي انت مستوعب؟؟
ابو بقهر وعصبية: وين راح هذا الكلب ويين؟
غيث بنرفزة: يباااه هدي نفسك خلاص وش قاعد تسوي انت !!
ابوه اخذ نفس يحاول يضبط اعصابه.. اخذ حبة ثانية من يد غيث واكلها ويدينه ترتجف .. بعده قال بهدوء: روح الحقه رجعه
غيث بقهرر: وش ارجعه خلاص خليه مصيره بيرجع وحده!!
صرخ ابوه: ما راح يرجع روح الحقه لا تخليه يروح لذاك المشفى قووم
غيث صرخ: خلاص يبه لا تعصب هدي نفسك اكيد بيروح عند فيصل ما عنده مكان ثاني يروح له..

طلعت شادن من عند امها وخلت عندها نجلاء وراحت تدور لمياء بتعرف وش السالفة.. طلعت لها لجناحها لقتها قاعده على سريرها ومغطية وجهها وتبكي بشهقات عالية متتالية
شادن بصدمة ركضت لها: لموووش وش صااار ليش تبكين كذااا؟؟؟
لمياء رفعت وجهها وشافتها وهي تبكي وتشهق ما قدرت حتى تتكلم.. تفكر فيه وفكلامه اللي سمعته بيطلقها.. يبي يطلقها ويفتك.. يكرهها مو طايق يشوفها حتى كره عيشته بسببها.. ضمتها شادن وبكت على كتفها بقووة وضعف وشادن ربتت على ظهرها بحزن ما تدري وش السالفة!



وصل ليث عند فيصل اللي طلع له مستغرب: شفييك وشفيك معصب؟
ليث بقهر: انا رايح لجدة فيه عملية بكرا لذاك الولد فراس انت بتدخلها بدالي..
فيصل يركب معه: وشفيك ليش رايح لجده؟
ليث لف له بقهر وعزم : بجيب سوسن
فيصل بصدمة: سوسن؟ بنتك؟
ليث: ايه بجيبها بسكنها عندي هنا
فيصل مصدووم: انت مجنون؟ البنت عند امها كيف بتجيبها؟
ليث لف له بقهر: باخطفها يا فيصل باخطفها واجيبها ما راح اخليها عندها
فيصل صرخ وضربه على راسه: وش صار معك ليه فجأة وش هالكلام؟
ليث نزل يد فيصل وبجدية: خلاص طفشت مليت ما عاد فيني طاقة ماعاد فيني صبر خلااااصصصص امتليت
فيصل سكت يشوفه شوي بعدين قال بهدوء: بصفتك ايش بتخطفها طيب؟
ليث صرخ: ابوها... انا ابوهااا ابوها
فيصل بصراخ: لا مانت بأبوها ليث وش صاير لمخك اصحى وش فيك ؟؟؟
ليث دفه: انزل انزل.. ما جيت استشيرك لا تقول لأحد اني رايح.. لا تقول لأمي
فيصل: ابوك واهلك وزوجت.....
قاطعه ليث بصرااخ : فيييصصصللل خلاااااص انزل
انقهر فيصل ونزل قفل الباب بقووة وراه .. رجع يفتحه قبل يمشي ليث وصرخ: بعدين لا تجي عندي وتقول ندمان سمعت؟
وقفل الباب بقهر ودعس ليث بغضضب مو قادر ياخذ قراره بس الشي الاكيد اللي يبيه الحين هو يشوف بنته وياخذها بحضنه غير هذا ما يبي اي شيء ثاني..
....
بعد ما وصل لجدة..
وبعد ما ارتاح اتصل بخالد صديقه المشترك مع ندى .. كانو كلهم يدرسون مع بعض في الجامعة فأمريكا ..
خالد: هلا والله ليث
ليث بعد ما هدأ وفكر عدل طول الطريق: هلا بك.. وينك ؟
خالد استغرب: وين باكون قاعد اتجهز رايح للشغل .. شعندك متصل مع الصبح؟؟
ليث: انا بجدة.. وين القاك طيب مابغى تشوفني ندى ؟
خالد بصدمة: وش تسوي بجدة؟؟؟؟
ليث: لما اشوفك باقولك ويننك؟؟
خالد مدهوش: تعال للمشفى
ليث تأفف: تمام
قفل وراح له
دخل وقعد يدور عليه لحد ما ناداه .. لف له وضحك الاثنين وسلموا على بعض سلام الرجال وهو يضرب على ظهره والثاني يضحك: وينك يا رجل سنين ما شفتك والله بدون كذب يعني اشتقت لك
ليث يضحك: انا بصراحة كنت متهني من هبالك وسخافتك بس مع هذا مشتاق لك.. اخبارك يابو الشباب؟؟
خالد: خاين وربي.. وش جاي تبي بجدة ولا صدق مشتاق لي؟؟
ليث:تعال نقعد بمكان معزول
ندى كانت تشوفه من بعيد ومصدومة وهو دخل مع خالد لمكتبه.. كانت تبي تلحقهم تتسمع وتعرف وش جايبه وش يبي بس ما اهتمت اكيد مو جاي عشانها هو مسحها من حياته قبل سنة.. مشت وهي تهمس (غبي ويحسب نفسه مخدوع)

خالد: خير والله خوفتني؟
ليث: تعرف بيت ندى صح؟
خالد: بطبيعة الحال اكيد اعرفه.. صار لك سنين مجبرني اتابعها واشوف سوسن واعطيك اخبارها..
ليث بترقب: وهي ما تدري عنك
خالد استغرب منه: طبعا ما تدري تبيها تدري عشان تبلغ علي ونروح فيها اثنيناا؟
ليث: زين ابيك توريلي بيتها وانت امسكها بالمشفى هنا لا تخليها تطلع.. باشوف سوسن
خالد: انجنيت؟
ليث: لا ما انجنيت بس ابي اشوف بنتي يا ناس بنتي ابي اشووففها
خالد انقهر: والله انك غبي.. البنت اللي جات من خيانتك لسا قاعد تحبها ومعتبرها بنتك؟
ليث انفعل: هي وش ذنبهااا؟؟ ليش ما تفهمون انا اللي ربيتها انااا خمس سنين وانا اعتبرها بنتي خلااص فطريا صارت بنتي مدري شلون استحملت هالسنة بدونها بس كنت مقهور من ندى الحين معاد فيني صبر اكثر ابي بنتي
خالد: وبصفتك ايش تاخذها منها طيب؟
ليث انقهر: كم مرة لازم اقولك انها بنتي عشان تستوعب اني ابوها؟
خالد : قسم انك مجنون.. لو اشتكت عليك بتعتبر خاطف البنت قانونيا مالك صلة فيها
ليث بتحدي: ما راح تقدر تشتكي علي لانها عارفتني اسوي اللي مالها طاقة عليه.. لو تشتكي انا بعد باشتكي لا تنسى انها زانية لا والاكثر متزوجة
خالد سكت يشوفه مقهور منه بعده انفعل: انا قلت نسيتها بهالسنة وانت جاي بتخطفها الحين؟
ليث: ما راح انساها.. ما راح انساها وباخذها وبتعيش عندي.. انت مستوعب انها بتربي بنتي على اخلاقها السافلة اللي مثلها؟ مستحيل اسمح لها بهالشي.. مستحيل
خالد: بكيفك بس بعدين بتندم صدقني..
ليث: مو انا اللي بندم هي اللي تندم.. هي اللي لازم تندم مب انا.. وين بيتها؟ ؟
خالد: والحين لو عرفت بيتها وش بتسوي؟ كيف بتاخذها قايل لك انها تعيش مع جدتها
ليث: مو مشكلة قلي البيت وانا اتصرف
خالدد وقف مع وهو يتنهد: قوم باوصلك قوم.. اليوم السبت مافيه مدارس.. قوم يلا اكيد بتكون في البيت
ليث وقف معه: تسسوي خير مابي اضيع وقت وانا ادور عالبيت..
مشو وكل واحد ركب سيارته ولحقه ليث بطريقه انتبه لمحل ورد وهدايا فاتصل بخالد ينتظره .. نزل واخذ دبدوب شوي كبير وبوكيه ورد وابتسم بخبث وهو ياخذ القلم يكتب الاهداء [ الورد لك والدبدوب لبنتك... عاشقك الجهول] .. ركب وهو يضحك ومشى مع خالد
لما وصل للبيت نزل وشاف بخالد واشرله بحرركات يعني روح
اخذ الدبدوب وبوكيه الورد وبحذر حط الورد جنب الباب وبعيد عليه تقريبا بست امتار حط الدبدوب .. راح يرن الجرس وبسرعة تخبى ينتظرهم يفتحون الباب.. قايل له انها مع جدتها في البيت اكيد اللي بتفتح الجدة.. ولو فتحت سوسن بيكون اففضلل بعد
فتحت الجدة الباب وشافت الورد.. اخذته مستغربة وقرات الاهداء.. ضحكت وهي تشوف الدبدوب بعيد شوي.. مشت تاخذذه وبهاللحظة رككض ليث دخل للبيت وما عرف وين بيروح وباي غرفة يدخل.. فطلع الدرج وتخبا فوق...
رجعت الجدة وهي تضحك ( يقول الدبدوب لبنتها يعني بيتقبلها لو تتزوجه.. زيين اخيرا جا واحد منه فايده)
ليث فتح الابواب واحد واحد وقلبه منفففطططر بسس متتىى يشووفها. شافها جالسة وتلعب بالتابلت ضحك لا اراديا ودخل وهو يقفل الباب..
لفت له بصدمة مين هذا اللي دخل عندي.. لما لف لها انصصدممت ووقفت وهي تصرخ: بااااابباااا
رككككضت له وهو يفتح لها ذراعينه وينحني لمستواها وضمته بقووووة وهي تضضحك وتبكي مو مصدققة انه ابوووها جااها ضمته بقوة وهو نفس الشي ما قدر يمسك دموعه وهو يضحك باشتياااق ووله اخيرررااا بعد سنة كامله شاف بنته ام عيون خضراء
سوسن تبكي وتضحك من الفرحة معرفت وش تسوي: باااباااا انت جيييت مرررة اشتقتت لللكككك باااببباااا
ليث يضحك هو يضمها ويبوسها: يا عمري والله انا بعد اشتقت لك يا روحي انتيي يا عمري والله..
سوسن ابتعدت عنه ومسحت دموعها وهي تشوفه بعدم تصديق: بابا انتا كيف جيت؟ ماما تقول هو مات وما يحبنا تقول راح و خلانا.. بابا هي تكذب صح؟ انت تحبنا عشان كذا جيت
ليث يضمها : انا لو ما احبك انتي من احب هاه يا فارة من احب غيرك؟؟
ضمته بقوووة وهي تبكي وتضحك: لا عااد ترووح بابا تكفى لا تروح وتخليني وحدي مع ماما تكفففى
ليث: راح اخذك معي ونعيش مع بعض شرايك؟
سوسن بترقب: وماما؟
ليث: لا ماما نخليها هنا نروح انا وانتي بس
سوسن بفرح: طيب .. بس متى؟
ليث بهمس: الحيين.. ها شرايككك؟؟
سوسن وقفت من حضنه بحماس ومسكت يد تسحبه: يلاااااا
مسكها من خدودها بقوة وباسها بقووووة: يا حلوكك والله اشتقتت لك يا عمري
سوسن تضحك : انا بععددد يلا نرووح قبل ما تجي ماما ما راح تتخليني اروح معك
ليث ابتسم ووقف: طيب جيبي اغراضك؟ اغراض المدرسة والعابك ولا ما تبينهم؟
سوسن تشوف بالغرفة وش الشي اللي تاخذه معها بعدين راحت للسرير اخذت دمية خشبية صغيرة لبينوكيو كان هو مشتريها لها وحكالها قصة بينوكيو وكيف انفه طويل من الكذب من ذاك اليوم وهي دميتها المفضلة مع انها خشبية
وشافته بحماس: يلا نرووح
ليث ضحك وهو يشيلها: وين شنطتك طيب وكتب المدرسة؟؟؟
كشرت: مابي اروح للمدرسة ابي اقعد معك طوول اليوم
ليث: لااا ما يصير لازم تروحين عالمرسة..
اشرت عليها وهو شايلها على ذراع وتحرك رجلينها بالهوا: بالمكتب هنا..
حطها عالارض وراح للمكتب اخذ شنطتها وحط فيها دفاترها واقلامها ولف لها: ملابسك؟ لاا خلاص بنشتري ملابس جديدة ما عندي كيف اطلعهم..
سوسن بحماس: يلااااااا
ليث ضحك على حماسها: صبر طيب.. جدتك هنا.. ما راح تخليك تطلعين لو شافتك معي .. شوفي وش راح نسوي.. انا راح اطلع قبلك بدون ما تشوفني جدتك وبالشارع انتظرك.. وانتي ... "سكت شوي بتفكير بعدين قال" عندك كورة؟
سوسن : ايه
وفتحت دولاب العابها واخذت الكورة الزهرية: هذي هي
ليث: زين.. انا لما اكون طالع بارميها بالحوش وانتي قولي لجدتك انك رايحه تجيبين الكورة .. لما تطلعين اركضي لعندي ونروح تمام؟
تحممسسست: تماااام يلااااا
ضحك وباسها على جبينها واخذ الكورة وشنطتتها ومشى.. نزل بحذرر وهدوووء وشاف الجدة لافة للتلفزيون وتتفرج ببرنامج نسائي..
فتح الباب وقفله بحذر ورمى الكورة بالحوش وسوسن تطلع عليه من فوق.. نادته: بااباا
رفع راسه وضحك هو يشوفها اشر لها تسكت وبعده اشر لها تجي هزت راسها بحماس وراحت رككض لجدتها: يممه يممه
الجدة بدون لا تلف لها: نعم؟
سوسن متحمسة حدها وتضحك ما تصدق بتروح تعيش مع ابوها: الكورة حقتي بالحديقة اروح اخذها؟
الجدة لفت لها: لا ماهي بالحديقة قبل شوي طلعت وماكانت فيه؟
سوسن سحبتها من يدها: تعالي شوفيها هي هناك طاحت من فوق
الجدة وقفت وبعدت الستارة وشافت الكورة الزهرية.. تنهدت ولفت لها : لا تطلولي الجو بارد بتمرضين
سوسن ركضت وهي تقول: راح العب
فتحت الباب وقفلته.. اخذت الكرة وطلعت ركضض لليث اللي ينتظرها برا بالشارع.. شالها باستعجال وهو يضحك مو مصدق انها بين يدينه اخيرا فتح باب السيارة وحطها ودعسس
ضحك بصوت عالي: اخيراااااا يا بنتي اخييررااا
ضحكت ولفت له: بابا هربناااا هههههههههههههههههههه
ضحك ولف له: محد راح يدري عنا
************************

بعد مرور ست اشهر...

جوري تشوف ياسمين: يلا قومي باوصلك للمدرسة
ياسمين بكذب : اليوم ما فيه دراسة!
جوري: ليه مافيه؟
ياسمين هزت كتوفها: مدري الابله تقول لا تجون بكرا
جوري حدت عيونها: متأكدة؟
ياسمين: ايه
جوري: احلفي؟
ياسمين ببراءة: والله
جوري ما صدقتها تعرفها لما تكذب : تمام صدقتك.. انا اختي وردتي ابد ما تكذب علي صح؟
ياسمين تحمست وفرحت انها صدقتها : ايه صح.. طيب جوري اروح معكم للمستشفى؟
جوري ابتسمت عرفت غايتها من الكذب : اي اكيد ما راح اخليك وحدك..
ياسمين نطت بفرحه: هااااي بشوف بابا..
جوري ابتسمت وراحت لنرجس: يلا نرجس
ساعدتها تلبس عبايتها وطلعوا ثلاثتهم متوجهين للمستشفى لمشاري اللي سوى العملية
دخلوا للمشفى وعند مشاري اللي ابتسم لما شاف ياسمين: وردتي الصغيييررة!!
ضممته بقووة وهي تضحك: بابااا اشتقت لكككك
مشاري ضحك بحب: قللبي والله انا بعد اشتقت لك مررة.. والمدرسة اليوم؟
ياسمين : مافيه مدرسة..
مشاري: ما تكذبين صح؟
ياسمين تحاول م تبين : لا ليش اكذب ؟
مشاري: مدري؟ عشان تجين مع جوري مثلا وتششوفيني؟
ياسمين سكتت بعده شافته وهمست باذنه: ايه كذبت.. جوري ما تجيبني معها وانا اشتقت لك بس لا تقول لها !
جوري ابتسمت وهي تشوفها سمعتها بس ما بينت: وش قاعده تهمسين له هاه؟
ياسمين ابتعدت: ولا شي..
ابوهم شاف بنرجس: نرجس حبيبتي شخبارك
نرجس تبتسم: بخير الحمد لله
مشاري بحب يشوفهم بأمل.. رجعت له الحياة بعد ما تحسنت ظروفهم لما جوري بدت تشتغل مع طلال صاحب ليث.. سوى العملية بعد ما وصى عليه ليث فيصل بطريقة غير مباشرة يهتم فيه.. باقيله مسألة وقت ويرجع يمشي مثل ما كان بعد العلاج الفيزيائي اللي تقريبا بيستمر شهرين بالاكثر..
رن جوال جوري الجديد وشافته وابتسمت: شادن
وردت:هلا شادن
شادن: جوري وينك؟ بالمشفى؟
جوري استغربت : يب بالمشفى عند ابوي
شادن سكتت شوي بعدين قالت : باطلب منك طلب
جوري استغربت: تفضلي؟
شادن بحزن: اذا لقيتي ليث كلميني واعطيني اتكلم معاه تكفين
جوري بدهشة: ليش؟
شادن شوي وتبكي: مادري اذا رجع من اجازته ولا لا من ايام ما يجاوب عالجوال روحي دوريه اذا لقيتيه قوليلي تكفين اعطيني اكلمه
جوري تنهدت: طيب.. الحين بشوف
وطلعت قبل يسألها ابوها ومشت للرسبشن وسالتها: لو سمحتي الدكتور ليث وين القاه؟
لييث وراها: جوري ؟
لفت له بسرعة وارتبكت: هلاا ليث.... هلا.....
ليث ابتسم : تدورين عني؟
جوري باربتباك : لاااا بس..... انتظر..
ورفعت جوالها واتصلت بشادن وهو يشوفها مستغرب: وشفيك؟
ردت شادن ومدت له الجوال: خذ
قطب حواجبه باستغراب واخذ لجوال وهو يطالعها
شادن: الووو؟
تنهد ليث وشاف بجوري بعتاب: هلا شادن
شادن ببكاء: لييييييث يا حمار وينك وين جوالك وييييييننككككككك؟؟؟؟؟؟؟؟؟؟
ليث طلع من المشفى لبرا وخلى جوري واقفة ما عرفت وش تسوي تلحقه ولا ترجع لابوها ولا تنتظره بمكانها !
ليث: انا هنا وش تبين فيني يا شادن
شادن ببكاء: صار لك شهور ما تجي للبيت ما غير تكلمني عالجوال من اسبووووووووع ما ترد علي و تقفل بوجهي لييش؟؟
ليث: لأني عرفت ان ابوي واقف لك بحلقك ما يبيك تكلميني!
شادن بكت: وانا بسمععع له؟ ما راح اسمع له لازم اتطمن عليك واطمن امي ليش ؟؟
ليث تنهد: طيب خلاص انا بخير .. وبعدين بكلمك من رقم ثاني عشان ما يزعجك ابوي
شادن بقهر تمسح دموعها: طيب.. ما راح ترجع؟
ليث: ماني راجع..
شادن بكت: ليييششش تكفففىى ليث ابوي يقول لما يرجع كلموه مادامه بعيد لاحد يتواصل معه خلوه يرجع للبيت ويشتغل شغله بكيفه.. بس ارجع للبيت تكفى
ليث: لا تنسي انه يشترط علي لو ارجع بارجع لمياء.. وهذا اللي مابيه
شادن بلوم: عشان وحدة تخليت عنا احنا الاربعة؟
ليث تنهد: شادن !
شادن بزعل: تكفى ليث .. انت وافق على الشرط وارجع.. لمياء اصلا ما تبي ترجع انجرحت كرامتها ما راح ترجع راح ترفض متأكده انت بس وافق ابوي وبعده قول هي اللي ما بغت تككفى تككفى
ليث: لا .. اصلا حتى لو تخلى عن شرطه اني ارجع لمياء ما راح ارجع .. لاني ما اقدر الحين اسف..
شادن بتنجن: اربع اشهر ما شفتك!
ليث: تعالي للمستشفى تلقيني هناك
شادن ببكية: اقولك ما يخلينا وشفيك؟؟
ليث بقهر: وتبيني ارجع وارضخ لأوامره الطاغيه؟ مستحيل
شادن: والحل طيب؟ اامي بعد تبي تشوفك ارسل لنا عنوان بيتك على الاقل؟
ليث: مااا اقدر
شادن: لييييييييييييييييييييييش؟؟؟؟؟؟؟؟ عطيني عنوان بيتك الجديد امي بتقول بازور وحدة من النسوان ونجي عندك ما راح يشك تككفى
ليث سكت .. سوسن ببيته ما راح يخلي احد يعرف عنها وشادن مقهورة تحاول معه تحاول تقنعه بس مصرر ما راح يرجع لذاك البيت ..
بعد ما اخذ سوسن من امها ورجع من جدة باسبوع تقريبا طلق لمياء وابوه حقققد عليه وقال له هالبيت ما راح تدخله الا ولمياء معك وهو مايبي لمياء.. فقرر يعيش مع بنته لوحده وبس..
مع ان امه الوحيدة اللي تعرف بسالفة سوسن وندى لكنه ما يبي يقول لها جبتها تعيش عندي لانها رافضة .. كرهت ندى وكرهت سوسن معها لما خانته..

جوري واقفة بمكانها وهي تفرك يدينها ببعض بتوتر اكيد بيهاوشها.. لكنها ما اهتمت يسوي اللي يبي هذي اخته في النتيجة..
ما حست الا وهو يمدلها جوالها: مشكورة
جوري رفعت راسها وبارتباك: اسفة بس.. شادن اختك يعني
ليث تنهد: مو مشكله.. شخبار ابوك؟
ابتسمت: بخير
مشى: تعالي باشوفه
جوري خافت ومسكته بسرعة: لا هو بخير بخير
لف لها باستغراب: شفيك؟
جوري ارتبكت: هو بخير..
ليث باستغراب: اي طيب باسلم عليه !
جوري سكتت تشوفه بعيون مرتجية.. استغرب حده لكنه هز كتوفه: ليش طيب؟
جوري بتوتر: ولا شيء.... ومشت صوب غرفة ابوها مسكها ورجعها: قوليلي ليش؟من ايش خفتي؟
جوري منحرجة: لا ما خفت ولا شيء
ليث حد عيونه: جوري!
ارتبكت حدهههاا: تكففى !!!
ليث: قولي احسن من اساله هو؟
جوري تأففت: اففف ليث شوف هو زعلان عشان موضوع لمياء وبس..
ضحك: اهاا؟
جوري برجاء: ايه....!
ليث مشى ببرود: ايه اجل براضيه.. !
جوري مسكته برجاء ونزل عيونه ليدها المتمسكة فيه: مو الحين تكفى..
ليث يشوفها : لا بشوف ليش زعلان الحين؟ لأني كل يوم عنده وما قال ولا بين انه موضوع لمياء يهمه!
جوري تأففت: خلاص سوي اللي تبي.. بس خليني ادخل اول وتعال انت بعدين...
ضحك: هاه كذا بدون لف ودوران ومحاولات كذب فاشلة من الاول قولي كذا هههههههههههه
جوري ارتبكت من نظرته وانقهرت منه
ليث بضحكه وترقب: طيب ليش؟
جوري : وشو ليش؟
ليث : ليش تدخلي انتي اول وبعده اجي انا؟ عادي تلاقينا برا وجيت اتطمن عليه وين المشكلة ما راح يفهم غلط؟
جوري سكتت بقهر بعده: عشانه من زمان يشوفني بنظرة انه بيني وبينك شي وما تككلم تمام؟ ارتحت الحين؟
ابتسم وهز راسه: ارتحت..
جوري بقهر وبمحاولة تبرير: لا تفهم غلط بس.... هو
ليث بتفهم: طيب فهمت خلاص.. روحي انتي انا بعدين بارجع له
بهاللحظة طلعت ياسمين وركضت لهم: عمو لييييييث
لف وضحك بحب وفتح لها ذراعينه: هلاااا هلااا
وقف وهو شايلها ويضحك: شخبارك؟؟؟
ياسمين بحماس: بخيرر اليوم جيت اشوف بابا
جوري: ليش طلعتي؟
ياسمين: بابا قال لي روحي شوفي جوري وين
جوري شافت ليث بنظرة سريعة بعده شافتها: طيب يلا نروح له
ليث حطها عالارض وهي مسكت يد جوري: روحي
فيصل يشوف ياسمين: سووسن؟؟؟ "ولف لليث بصدمة" انت مجنون ليش جبتها معك؟

بهاللحظة راح اللي كان واقف اختبأ لأن فيصل وقف قباله وبينتبه له...
اخذ جواله واتصل: لقيته.. متأكد هم لقيتهم...


ليث انقهرر من فيصل وجوري ماا فهمت شي ظلت تقلب نظرها بينهم بدهشة
سحبه ليث ومشى وجوري تشوفهم بدهشة؟؟؟ ما عرفت تفسر كلامه بس ما اهتمت ومشت مع ياسمين
ياسمين رفعت راسها لها: جوري ليش يقول لي سوسن؟
جوري هزت كتوفها باستغراب: مدري شكله مخربط..
ودخلت عند ابوها اللي قالت له انها شادن طلبت منها تسأل عن صديقتها المريضة إذا بعددها هنا ولا طلعت

فيصل بصدمة يشوف ياسمين اللي مشت مع جوري ويقول له: يا غبي من هذي اللي معها ليش جبتها انت مجنون؟
ليث بقهر: بتفضحني انت؟ هذي مب سوسن هذي ياسمين اللي قلت لك تشبهها
فيصل بصدمة: لا تمزح معي؟
ليث: سوسن عيونها خضراء وهذي بنية
فيصل ضحك بعدم تصديق: انت منجدك تتكلم ؟ هذولا توأم
ليث سكت
فيصل يهزه مو مستوعب: هيه ليث كلمني وش علاقتهم ببعض؟
ليث تنهد: مدري.. انا بعد شكيت توأم.. بس ما قدرت أسال جوري متعلقين ببعض كأنهم اخوات ندى ما قالت لي انها حامل بتوأم ولما ولدت كانت عندها سوسن بس.. ما اقدر اصدق ان ياسمين اخت سوسن.. بنتي!
فيصل بذهوول : اسالها ولا سوي تحليل DNA الشبه فظيع اكيد توأمها !!!!
ليث: مو لذيك الدرجة.. شكيت بس
فيصل: ليث انت دكتور ما تقدر تفرق ؟ توأم اكيد .. حسبتها هي.. هذي كم عمرها؟
ليث: ست سنوات
فيصل : وتقول لي شكيت؟ بعمر واحد .. ليث اسمع مني سويلهم تحليل.. اختها اكيد
ليث شافه بأمل: يخلق من الشبه أربعين!
فيصل بينجن: اييه فهمنا سوي التحليل عشان تتأكد.. تأكد بس
ليث تأفف ومشى: خلاص خلاص بعدين
فيصل مسكته: لااا تتهرب من الحقيقه، اذا كانت اخختها وش بتسوي؟
ليث: احتمال بعيد تكون اختها.. شكيت وراح الشك خلاص لا تلعب براسي انت بعد
فيصل: ليييييث !!
ليث لف له بتهديد : خلاص اسكت خليني افكر اول
فيصل انقهر: مشاكلك ما تخلص... وش يعني حتى هذولا خاطفين البنت؟
ليث تنرفززز : مدري.. انا مدري.. لا عاد تسألني مدددري مددددري .... مدري
سكتو الاثنين بعدين لف له ليث بقهر وحقد: برايك ندى كانت حامل بتوأم وكذبت علي؟
فيصل: والله مدري انته غبي وحمار بعد.. شلون ما تدري مرتك حامل بواحد ولا اثنين؟ هذا وانت دكتور؟

في بيت ام ليث.. الساعة 9
نزلت وهي تشوف زوجها ابو ليث توه داخل:السلام
ام ليث صدت عنه بقهر
ابو ليث : وشفيك بعد وشفيك؟
ام ليث لفت له وانفجرت: ولدك ما تدري وينه وتسألني وشفيني؟
تأفف: نفس السالفة كل يوم
ام ليث بصوت مخنوق: م يهمك طبعا.. ما يهمك وينه وين عايش وش يسوي كيف عايش
ابو ليث يحاول يضبط اعصابه: هو اللي اختار طريقه لوحده.. يقول لا تتدخلو فيني. خليه يعيش مثل ما يبي مو انتي كنتي تقولي كذا؟
ام ليث: انا ما قلت اطرده من البيت
ابو ليث: خلص لا تصدعيني.. روحي البسي وروحي لبنات اخوي شوفي اذا هم بخير يمه من اليوم تسأل عنك ما تروحين لهم ليش؟
ام ليث بقهر: ماني رايحه.. هم تسأل عنهم وولدك لا هاه؟
شادن نزلت لهم: يبه باروح لبيت عمي
ابوها لف لها: بتروح معك امك
ام ليث باصرار: انا ماني رايحه لا تحاول بدون ما اشوف ولدي عندي ماني رايحه لهم ولا لاحد من اهلك
شادن: زين بس انا ابي اروح وصلني يبه
ابو ليث طلع مقهور من زوجته: بسرعة البسي ي شادن
ركضضضت تلبس ورجعت كانت بتركب الا ينزل ابوها من السيارة وينادي غيث اللي توه داخل: غيث تعال تعال
لف له غيث: هلا يبه
ابو ليث: وصلني للشركه وروح وديها لبيت عمك.. بعده ارجع لي بالشركه
غيث تافف: يبه تعباان
ابو ليث بأمر: ارركب
ركب غيث مقهور ولف لشادن الجالسة ورا: روحي جيبيلي موية مادامك واقفة
شادن بضحكة: واقفة بالسيارة.. ؟
غيث انقهر ومشى: دايم انا اجيبلكم وانتم لما اطلب منكم محد يجيبلي كاس موية!!!
شادن : متى جبتلي انا ؟ لنا كلنا متى فكرت وجبت لنا كاس موية؟
غيث: انطمي خلاص..
مشى ووصل ابوه للشركة.. وراح وصلها لبيت عمه ابو سامي..
لقى سامي وقعد يسولف معاه
سامي بتساؤل: ليث ما عاد طلع؟
غيث: لا والله.. حتى انا مدري وينه دورت دورت مالقيت!
سامي بسخرية: امم انت دورت.. وانا صدقت..
غيث: خلاص وش تبي فيه لا تتعبني بالكلام
سامي بتريقة: بتستهلك طاقة !.. خلاص اسكت
غيث ضحك: الا يمه"جدتهم" وينها باسلم عليها وخلوني اروح
سامي وقف: انتظر باناديلها
وراح يناديلها وهي جت بسرعة.. الجدة أنشط من غيث والكل يقولها لهم
غيث يسلم عليها ويبوس راسها: هلا والله بالغالية هلا هلا هلا
ضربته بعصاتها: الغالية هاه.. الغالية كان تجيها وتسلم عليهاا تقل عندي جدة غالية تنتظرني .. انت لاااا بتستهلك طاقة !!!
غيث ضحك: ههههههههههه العذر والسموحه منك يمه والله مو بيدي
الجدة بشره: اايه مو بيدك مو بيدك.. ولا امك قايلة لك ...
قاطعها: وانا كنت اقول متى بتدور على امي.. ههههههههه امي مالها دخل الطاقة اللي لها دخل يمه
الجدة بلوم وعتاب: والحين جيت وسلمت كم استهلكت من كالوري هاه وش خسرت غير دعوة الخير مني؟؟
سامي ضحك: ههههههههههههه حركات يمه تستخدم مصلطح الكالوري هههههههههههههههههههه
الجدة ضحكت: وش عبالك انا الكالوري اللي عندي اكثر من اللي عندك .. اقول ليث م فيه خبر عنه؟
غيث: لاا
الجدة تنهدت : الله يسامحك يا ولدي كسرت قلب البنية ورحت
سامي تنهد: خلاص يمه لمياء بدت تنساه هي اصلا ما تبيه..
الجدة: ابوك وين
غيث اغتنم الفرصة عشان يطلع بسرعة: ينتظرني بالشركه لازم اروح اخذه
الجدة: انتظر خذني معك للبيت باقعد عندكم كم يوم
غيث توهق: يمة رايح للشركة مب للبيت
الجدة: ايه طيب روح للشركه وانا انتظرك وارجع خذنا انا وشادن
غيث تافف: يعني فيها فيها رجعه.. تمام ما راح اتاخر بسرعة تجهزو لا تخلوني استهلك طاقتي في الانتظار
ومشى وهي ضربته بعصاتها في ظهره ضحك وكمل طريقه.. ركب ووراح لابوه..
**

يتبع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 25-11-2017, 12:58 AM
صورة أورشيـنا الرمزية
أورشيـنا أورشيـنا غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


نزل ودخل للشركه الفاضية بهالوقت
قبل يدخل له لمكتبه سمع كلامه وقطب حواجبه باستغراب يتسمع...
ابو ليث بأمر: بتخليهم يطردونه من ذاك المستشفى
السكرتير عبد العزيز: ليش طيب؟
ابو ليث عصب: مالك دخل بليش انت خليهم يطردونه وخلاص.. ابيه يرجع لي
عبد العزيز: ابشر .. بس..
ابو ليث بعصبية: بدون بس.. بدون بس سوي الي قلت عليه وخلاص لا تناقشني!!
عبد العزيز: طيب.. طيب بس كيف باقنع المدير؟ يحبه مرة
بو ليث بحقد: خاصة ذاك المدير لا عاد يتقرب من ليث.. سوي اللي تسويه خلي ليث يطلع من ذاك المشفى.. ابعده عن ال*** ذاك فهمت؟
سكت عبد العزيز... بعده شافه: بس كيف؟
ابو ليث شافه بعصبية: وش يدريني اختلق له خطأ طبي .. مدري افتري عليه المهم خليهم يطردونه.. ابعده عن مدير المشفى ذاك لا عاد اشوفه يقترب منه فهمتتت؟؟؟
دخل غيث مصدوم: يبه ليش وش علاقته بليث؟
انصدددمممم ابو ليث بوجوده: غيــث؟
غيث بذهوول: ايه بس قول ؟ ليش دايم ترفض وتمنعه يرجع لذاك المشفى؟ مع انك سمحت له يدرس اللي يبيه ولما توظف منعته؟
ابو ليث انقهرر: ما تستحي على وجهك جاي تتسمع علي؟
غيث: والله انت اللي قلت لي وصلها وتعال..
ابو ليث: اقعد وبيبقى سر بينا لو درى احد ما راح اتفاهم معك
غيث تأفف: سر؟ اكره الاسرار ليش تخليني اشيل حمل على ظهري..
السكرتير بضحكة: بتتعب وتستهلك طاقة
غيث لف له بضحكة: ايه.. شفت يبه حتى عبد العزيز فهمها
ابو ليث بعصب: انطم واسمعني..
غيث باهتمام : اسمعك نعم؟؟؟؟

......
من بكرا..
دخلت جوري المستشفى وقابلها ليث واقف وبيده قهوته .. ابتعدت وسوت نفسها ما شافته ودخلت.. ابتسم لما عرفها وراح لها قبل تتجاوزه: ليش هاربة ؟؟
جوري شافته بقهر: ليث ؟
ليث: ايه ليث اللي شفتيني قبل شوي وسويتي نفسك متفاجأة الحين!!
جوري انقهرت: ما شفتك
ليث ضحك: امزح مو مشكلة.. ياسمين ونرجس وين؟
جوري مشت: ياسمين بالمدرسة ونرجس خليتها بالبيت ما تبي تجي
هز راسه وتبعها بنظرراته لين اختفت وتنهدد كان يبي يسألها عن ياسمين بس ما عرف كيف يفتح معها الموضوع.. ما يدري وش بيقول اصلا ... دخلت عند ابوها اللي كان باقيله يومين بس ويطلع من المستشفى ويبدا بالعلاج الفيزيائي
جت ممرضة تنادي ليث بعد ما جهزت له غرفة العمليات ..

......
في بيت سيف وريهام
سيف دخل ولقاها لسا قاعده تنظف البيت وضحك: وشفيك انتي من الصباح متحشرة ومتعلقة على هالكراسي وش تنظفين ؟؟
ريهام وهي تنظف الغبار : اسكت اسكت اهلك جايين بكرا لازم كلشي يكون نظيف
سيف يضحك: ترا بافضحك اقول ما تنظف الا لما عرفتكم جايين !!!
لفت له وتكتفت: لااه؟ وانا اقول شايلة ببطني ولده وهو ما يساعدني ابد ولا يعذرني لا ويتشرط بعد؟
سيف: ههههههههه اممزح امزح.. خلاص ارتاحي ماله داعي كلل التحضيرات هذي.. ما راح يطولون اصلا
ريهام رجعت تكمل: ولو لازم يكون كل شي نظيف..
سيف: طيب تعالي شوفي
ريهام لفت له شافته شايل كيس: وشو؟
سيف: تعالي بس جايبلك هدية
ريهام طاارت عيونها بحماس: هديةةةة؟؟؟ أجّلها شوي بس، ما راح اجي شوفني كلي غبار ووسخه حالتي ما تليق لإهداء هدية شوي واخلص انتظر
ضحك ودخل غرفته: بكيفك اللي يريحك انتي الخسرانة
الا يرن جوالها لفت له شافته بعيد عنها وتأففت: يعني ما لقيت متى ترن الا وانا فوق الكرسي .. مافيني حيل انزل وارجع عشانك انتظر يالمتصل شوي
ورجعت تكمل شغلها لحد ما طلع سيف منزعج: ليش ما تردين بعدين وش هالموسيقى المزعجة اللي حاطتها رنة
ضحكت: ههههههههه عشان اصحى لو كنت نايمة
سيف وهو يحط الجوال عالصامت: انتي لو يصير انفجار جنبك ما تصحين
بوزت ولفت له بدلع: ترا بازعل !
سيف بضحكة: ازعلي ما اقول الا الحقيقة خيشة نوم
ريهام: كله من ولدك اللي متعبني مو مني.. ولا انا قبل الحمل ما كنت ككذا اعترف
وهويدخل المطبخ : لالا بالعكس
ريهام انقهرت: مالت... اقول شرايك نعزم جوري واخواتها لما يجون اخواتك؟
سيف: بكيفك يكون احسن يمكن تتصلح العلاقة..
ريهام: اي والله فكرة خلاص باعزمها الحين
ونزلت من الكرسي لما خلصت وراحت لجوالها وشافت المتصل قبل شوي.. لمياء.. تنهدت واتصلت فيها
لمياء بهدوء: هلا ريهام
ريهام: اسفة والله كنت متحشرة انظف وتعرفين كرشتي كبرانة متعبني تكسلت اجي للجوال.. المهم شخبارك لموش؟
لمياء تتنهد: بخير كيف باكون يعني.. باجي لعندك طفشانة .. ليان طالعة مع زوجها ودانه نايمه ما غير سامي مقابلني اربع وعشرين ساعة مطفشني بالمباريات والكورة ذي
ريهام باستغراب: وامي ويمه؟
لمياء بملل: يمه راحت لبيت عمي وامي مع جاراتها
ريهام: اووف كل واحد بجهة.. يا عمري ياوخيتي.. خلاص تعالي ومنه تساعديني تعالي "وبهمس" عالاقل تكوني معي لما يجو اهل سيف وما يستقوون علي لوحدي
لمياء: ههههههههه تمام باي
وقفلت ولفت لسامي: قوم سامي قوم
سامي يتفرج: وين اقوم؟
لمياء: وديني لريهام
سامي: كل يوم ناطة عندها اهجدي ازعجتي الرجال
لمياء عصبت: قووم لا تنرفزني اعصابي مشدودة باقتلك الحين
سامي تأفف: روحي البسي وامري لله

في هذي الاثناء..
وقفت جوري قدام مدرسة ياسمين تنتظرها تطلع بعد ما تطمنت على ابوها وهربت عشان ما تشوف ليث ترتبك من نظراته.. بالاحرى تخاف، يشوفها بنظرات غريبة ما قدرت تفسرها للحين..
طفشت من الانتظار وهي تشوف ساعة جوالها .. تأففت: اووف وينك ياسمين عامين على ما تطلعين مو من عوايدك.. افف كلهم راحو الا اختي التنحة ما طلعت وينها ذي..
مشت تسأل الأمن وقالوا لها محد بداخل المدرسة كلهم طلعوا.. انصددمت بس طلبتهم يتأكدون.. محد بالمدرسة كلهم طلعو..
تأففت ومشت للبيت: اوف ياسمين قلت لك انتظريني باجيك ليش ترجعين وحدك مخليتني انتظر كل هالساعات
رجعت للبيت وشافت نرجس جالسة: انا جيت..
نرجس: اهلا
جوري بصوت عالي: ياسمييييين
نرجس لفت لها مع انها ماتشوفها: شخبار ابوي؟
جوري: بخير بكرا بيطلع الحمد لله.. وينها ياسمين متى جت؟
نرجس استغربت: ما جت معك ياسمين؟
جوري: لا؟ عبالي جت قبلي انتظرتها قدام المدرسة ما لقيتها..
نرجس وقفت: لا ما جت انا لوحدي من الصبح.. عبالي جبتيها معك الحين
جوري بصددمة: وشلون ما جت المدرسة فاضية؟؟؟ انتظرت حتى خلصو كلهم
نرجس بعدم استيعاب: يعني؟
جوري ما قدرت تستوعب: وش يعني وينها ذي البنت؟؟ ما راحت لام سعد؟ بروح اشوفها يمكنها عندها
طلعت بسرعة لجارتها اللي فوقها وسألتها.. مافيه قالت لها ما شافتها ابدا.. راحت عند الجيران صديقاتها للي احيانا ونادر ما تلعب معهم ما لقتها وما احد شافها..
اتصلت بريهام
ريهام: هلا جوري توني كنت باتصل فيك سبقتيني..
جوري ارتاحت نسبيا: تتصلين فيني؟ .. بتخبريني عن ياسمين انها عندك صح!
ريهام استغربت: شفيها ياسمين؟
انقبض قلبها وتسارعت دقاته بفزع: لا تقوليلي ياسمين مو عندك؟ دقيت قلت يمكن سيف اخذها من المدرسة او شيء؟
ريهام بصدمة: لا؟ وينها طيب
جوري بكت لا اراديا بخووف وررععب: ما لقيتها دورت عند الجيران انتظرتها عند المدرسة لين فرغت مافيه احددددد ؟؟؟ اسالي سيف اساليه يمكن شافها يمكن وداها لمكان وينه سيف يمكن هي معه اسااللييييه
ريهام شافت بسيف: ططييب اهدي اهدي شفيك تبكين وين بتروح يعني .. "ولفت لسيف" سيف ما رحت لمدرسة ياسمين واخذتها؟
سيف استغرب: من متى اروح لها انا؟
ريهام ارتبكت: لا جوري ما شافها
سيف بصدمة: وش تقصدين؟ شفيها ياسمين؟
جوري بككت وجلست ما عرفت شستوي اختتها حبيبتها قلبها وروحها وين ممكن تكون راحت..
ريهام بخوف: يمكن ضاعت؟ يمكن كانت بترجع للبيت وضاعت؟
جوري وهي تششهق وماسكة جبينها بيدها الثانية بصوت متحجرش : لا مستحيل تضيع تحفظ الطريق حفظ.. تعرف الطريق افضل مني.. مستحيل تضيع.. مستحيل
ريهام: يمكن هي عند ابوك؟
جوري وقفت بسرعة: يمكن. بس وش يوديها؟
ريهام: مدري؟
جوري بسرعة مشت لغرفتها بتلبس.. اصطدمت بنرجس الواقفة قدامها تتسمع تبي تعرف وين راحت اختها .. جوري من الربكة والرجفة ما شافتها.. طلعت بكية نرجس اللي كانت كاتمتها وقالت بخوف: جوري وين ممكن تكون راحت ياسمين مستحيل تضيع؟
جوري مسكتها لا تطيح: اكيد عند ابوي.. ريهام بروح لابوي مع السلامة
ريهام بسرعة: انتظري بيجي سيف يوصلـ....ك اوف قفلت
سيف بصدمة: وش تقول؟
ريهام بارتباك وخوف: مدري ياسمين ضايعة..
سيف: وشلون ضايعة؟؟؟؟؟؟؟
ريهام: مدري جوري ما فهمتني عدل تبكي وصوتها متقطع تقول رحت المدرسة ما لقيتها ولاهي بالبيت ولا عند الجيران.. ومستحيل تضيع
سيف: جوري وين الحين؟
ريهامم: راحت المشفى
سيف مشى بيطلع : بروح اشوف
ريهام بسرعة: انتظرني بجي معك
سيف وهو يطلع: اختك جاية لا تتركيها
وراح هو بعد للمستشفى..
جوري دخلت بسرررعة ترككضض للمشفى ودخلت عند ابوها بسرععةة على امل تلقاها جالسة عند ابوها: ياسـ........

قطعت كلامها وهي تشوف الدكتور فيصل عند ابوها ومحد غيرهم الاثنين بالغرفة .. طلعت بسرعة قبل يشوفها ابوها ما تبي توتره ..
مسحت دموعها تحاول تهدي نفسها وتفكر وين ممكن تكون راحت وينك يا ياسمين وينك وينك.. وينك......
مشاري مستغرب: كأني سمعت صوت جوري؟
الدكتور فيصل: مدري.. فيه احد دخل وطلع يمكن النيرس..
مشاري سكت مستغرب متأكد انه سمع صوت جوري..
طلع فيصل وشاف جوري تبكي وهي واقفة بالممر حاطة يدها على جبينها ويدها الثانية على خصرها وهي تشهق وتكلم نفسها بارتجاف: اهدي فكري .. فكري وين ممكن تكون راحت.. ياسمين ما تروح لمكان.. ولييد.. يمكن راحت لوليدد ... اكيد اكيد مالها مكان ثاني تروح له
مشت بسررعة طالعة
فيصل هز كتوفه باستغراب وراح لليث: ليث
ليث شافه بهمّ: وش تبي انت الثاني لو بتكلمني عن ياسمين وسوسن لا تفتح فمك امس ما جاني نوم افكر لو كانت صدق أختها انا وش اسوي بنفسي؟
فيصل: وش تسوي يعني خلاص اخوات وخلاص..
ليث بتفكير: سوسن بنتي.. يعني بتصير ياسمين بعد بنتي وجوري اختها يعني حتى جوري بمثابة بنتي؟ ما تضبط
فيصل ضحك وضربه: مجنون انت وش جوري بنتك هههههههههههههههههه.. سوسن مو بنتك لا تخربط عقلك بهالافكار..
ليث لف له بقهر: لا عاد تقول مو بنتك خلاص عاد درينا ماهي بنتي بيولوجيا بس بنتي انا اللي ربيتها !!!!
فيصل: زين انا عندي عملية الحين بس جيت اقولك شفت جوري تبكي قبل شوي مدري شفيها
ليث لف له مثل المقروص: جوري تبكي؟ ليش؟ وينها؟
وقف بسرعة: وينها وين شفتها؟
فيصل هز كتوفه: وش يدريني ليش.. تكلم نفسها ما سمعت وش تقول بس تبكي وتشهق كانه احد مات لها
ليث بصدمة: توووك تقوول يالحمار وين شفتتتهاااا؟
فيصل: ابعرف ليش مهتم بجوري كذا دام اختها هي اللي ممكن تكون...
قاطعه بصرخه: قوول وين شفتها يا حمار ررر
فيصل خاف منه وقال بقهر: طلعت شككلها طلعت مدري !!!
ركض ليث للباب وشافها واقفة بنص الطريق بتوقف تاكسي.. راح لها ومسكها: جوري شفيك؟
لفت له وببكتت بضعف: ياسمين يا ليثثث
ليث طاح قلبه بصدددمة وتررقب: شفيها ياسمين؟
جوري انهارت ببكككي: ضايعة مدري وينها ما لقيتها دورت عليها بكل مكان ما لقيتها...
بهتت ملامحه وهو يطالعها وهي فكت ذراعها بسرعة: بروح اشوفها يمكن هي عند وليد.. ممدري يمكن راحت هناك مدري ما عندها وين تروح
ليث بلع ريقه وهو يفكر : دورتي زين؟ بالمدرسة؟
جوري وهي تبكي: اييه دورررت صار لي ساعتين اركض بكل مكان ما لقيتها وربي ياسمين ما تضيع.. ما تضيع انا اعرفها
ليث سحبها: طيب تعالي بندورها مع بعض..
فكت ذراعها وصرخت: وش ندورها مع بعض خليني باشوفها عند وليد اكيد راحت هناك
ظل ليث يشوفها وعققله عند ندى ( يا ويلك يا ندى لو كنتي انتي اللي اخذتي ياسمين يا ويلك)
مشى بسرعة ورجع للمشفى شال بلوزت اخذ بوكه ومفاتيحه وطلع ..
اخذ جواله واتصل عالسريييع : وينك يا خالد؟
خالد : مثل العادة
ليث بقهرر: ندى وينن؟؟؟؟؟ ليش ما تتصل وتقول لي انها طلعت من جدة لييييييييش
خالد استغرب : ما طلعت ؟ هذاهي قدام عيوني قاعده تتجهز بتدخل عملية !!
ليث سكت... يعني ياسمين ضايعة؟؟ يعني ندى مالها دخل صدق؟
ليث: اسمع عاد انا شاك فيها خطفت مني سوسن مرة ثانية....
قاطع خالد بصدمة: خطفتها؟
ليث: اييه.. قاعد ادورها مالقيتها.. فجاة اختفت تفهم؟ اكيد ندى ... مدري سوي اللي بيدك اعرف اذا لها يد بالموضوع.. اعرفلي وينها
خالد تافف: والله ما اطيقها يا ولد جابرني اقابلها اربع وعشرين ساعة
ليث بقهر: روح تكفى اسالها مدري سوي اللي تبي المهم خبرني.. ولا اقولك.. لما تطلع اتبعها وشوف ببيتها اذا لقيت سوسن
خالد: مخابرات انا عندك انقلع ...
ليث: خاالد تكفى
خالد بقهر: تمام بس ما راح اتبعها باحاول اخذ الكلام منها بس..
ليث: المهم خبرني.. يلا سلام
قفل ووصل لبيته..
دخل وجاته سوسن تركض: بااابااا
ضحك وفتح لها ذراعينه: قلب البابا والله وش تسوين؟؟
سوسن بغنج ودلااال: كنت العب مع عمه تولين
تولين اللبنانية ابتسمت له لما رفع راسه لها.. من اشهر وهي معهم تشتغل كمربية لسوسن .. مهددها لا احد يدري عن سوسن ولا احد يدري عن بيته
ليث وهو يضحك دغدغها ببطنها: زين اللي يلعب.. يا زينها يا زينها ابي اكلهااااااا ابي اكككللها
سوسن تقرقر من الضحك: ااااايي بابااا ههههههههههههههههههههههههههه وووقف باااابااا
ليث يضحك ويدغدغها: ماا راااح اوووقف ليين تعضــينـي
سوسسن مييتة ضحك وتحاول تبعد يدينه عنها ما قدرت من الضحك: ااااي ههههههههههههههه ما عندي اسنااااانننن اكلهم الفاااار
ليث يضحك: مااالي شغل عضيني اول واوقف
تولين بسرعة اخذتها من يدينه: سيد ليث مابيصير
ليث يضحك وسوسن تعلقت برقبة تولين: ههههههههه اااي لييش باابا
ليث مشى لداخل: تولين ما جا احد ؟
تولين : لا ما إجا حدا ..
اخذ سوسن لحضننه من جديد ومشى وهو يداعبها وهي بس تضحك..

وصلوا اهل سيف وريهام ضيفتهم وهي مستاانسة حدها.. ولمياء عندها ومع الفوضى نست حزنها
ام بندر: وين سيف وراه ما جا للحين؟
ريهام تذكرت وضربت يدها على جبينها من الحماس نستته ونست جوري
ريهام بربكه وقلق: راح يدور على ياسمين
ام بندر قطبت: منو ياسمين؟
ريهام: بنت ....."توها تنتبه انها ما تعرف اسم امهم وضحكت ببلاهة" بنت اختك.. اخت جوري..
ام بندر والبنات بدهشة: اخت جوري؟ من متى؟
ريهام ما فهمت: وشو من متى؟
ولاء تحمست: ريهام انتي تعرفين جوري؟
ريهام: طبعا..
الهنوف بهمس: كملت.. تليقون ببعض
لمياء انقهرت وهي تسمعها (ذي نفس طينة نجلاء استغفر الله كثرانين بكل مكان يطلعون لي)
ريهام تطلع جوالها: ياسمين ضايعة وجوري تدورها من الصبح ما لقتها وسيف معها
ام بندر انقهرت: وش دخله معها من الصبح؟؟ .. ما تخافين على زوجك منها انتي؟
ريهام انصدمت: وشو؟
ام بندر سكتت بقهر
ولاء بترقيعة: ما لقوها لسا؟
ريهام تتصل فيه وهي مو مصدقة اللي قالته ام بندر ما توقعتها منها..
لمياء تشوفهم بقرف ( ذي بنت اختك يا وسخه وش هالتفكير الوسخ.. مثلك والله ليتني ما جيت ما غير غثوني )
سيف: الو؟
ريهام مقهورة من ام بندر: سيف وينك حبيبي؟
سيف تنهد: ما لقيناها.. جوري منهارة هنا ماعرفت وش اسوي..؟؟
ريهام وقفت حزنت: يا عمري عليها.. طيب جيبها عندنا
سيف: مو راضية تسمعني تبي تطلع للشارع تدورها بعد من الصبح ما تعبت ..
ريهام: عطيني اكلمها
..
قعدت تنتظر وهي تتجاهل الكلام اللي تسمعه من ام بندر مع بنتها الهنوف وولاء تحاول تسكتهم بس ما يسمعولها.. انقهرت مرة منها كيف كذا تفكر وش معنى ما تخافين على زوجك منها .. انا اقول لها بنت اختك ضايعة وهي تقول لي ما تخافين على زوجك يعني جوري بتخطفه.. عبالك هي نفسك ولا نفس تربية بناتك .. استغفر الله يا ربي

ريهام بملل: سيف وينك؟؟
سمعت جوري تصرخ: ما راح اجي ما تفهم اقولك يمكن بأي دقيقة تجي ياسمين وتطق الباب مين بيفتح لها هاه..
سيف تنهد: طيب طيب لا تعصبي خلاص اقعدي.. باقول لريهام تجي تقعد معك
جوري تبكي وهي تغطي وجهها : ماله داعي..
ريهام بتوتر همست: ليتني اقدر اروح لها.. سيف امك واخواتك هنا يسألون عنك بعد
سيف: وصلوو؟؟
ريهام: ايه
سيف تأفف بحيرة: وش اسوي يا بنت قولي؟ خبرت الشرطة وقالو تمام بيدورونها بس مافيه خبر للحين.. كيف اتركها كذا؟
ريهام لفت للمياء: بارسل لها لمياء..
قطبت لمياء ما فهمت ليش ووين بترسلها بس فرحت انها بترسلها.. جاها الفرج من مقابلة ذي الاشكال
سيف: خلاص طيب اجل انا بجي الحين..
ريهام: تمام.. باي
قفلت ولفت لهم: ما لقوها.. يقول جوري منهارة وما رضت تجي هنا يمكن ياسمين ترجع وما تلقاها
ولاء حزنت: مسكيينة.. طيب وين بتروح يعني ياسمين كيف تضيع؟
لمياء: انا بعد ما فهمت كيف تضيع؟
ريهام تشوف لمياء برجاء: لمياء تكفين باتصل بسامي ياخذك لها.. جوري مرة منهارة
ولاء بسرعة: انا بعد اروح من زمان عنها "لفت لأمها برجاء" مشتاقة لها
ام بندر سكتت وهي تشوف لمياء وريهام
الهنوف: والله المفروض هي اللي تجينا مب حنا نروح لها عارفتنا جينا للرياض هي المفروض تجي
ولاء انقهرت ووقفت: باتصل بسيف يجي ياخذني.. لمياء تروحين؟
لمياء: ياخذنا سامي
ولاء: طيب
ريهام اتصلت بسامي وهم تجهزو وجا اخذهم..

عند جوري.. طلع سيف من عندها ونرجس جالسة عالصوفا وحاطة راسها بحضنها وتبكي بصمت.. اما جوري تبكي وشهقاتها عالية ما قدرت تمسك نفسها عن اختها اللي ما تدري وينهي فيه وين راحت وينها للحين ما جت وينك يا ياسمين تكفين ارجعي تكفين ما اقدر بعد اصبر ما اقدر والله ما اقدر
سمعت رنة الجرس وفزززوا الاثنين ورككضو للباب رككضض مع ان متمسكة فيها عشان يوصلو للباب مع بعض يمكنها ياسمين.. ركضوو للباب بأمل وشووق وهي تمسح دموعها وتردد: ياسمين حبيبتي جت ياسمين
فتحت الباب بسرعة وضربت نرجس بس ما اهتموا الاثنين مع انه الباب ضرب بجبينها ما يفكرون غير باللي عند الباب اكيد ياسمين يتمنون انها ياسمين .. ابتعدت نرجس وهي تحط يدها على جبينها بألم بس ما أعطته أهمية تناست المها ..
فشلت جوري وانهارت وهي تشوف بنت متنقبة .. تراجعت لورا وهي تسحب نرجس لحضنها وتحط يدها على جبينها اللي ضربتها عليه: لييشش وين ياسمين
شادن لمعت عينها بحزن: حسبتوني ياسمين؟
جوري مشت لدداخل البيت مع نرجس اللي محاوطتها بذراعها والثانية حاطة راسها على كتفها
شادن اخذت نفس واشرت لغيث ينتظر وقفلت الباب ودخلت ببطء.. ما تدري كيف تواسيهم او وش تقول لهم .. اتصل فيها ليث وقال لها روحي عندها هي وحدها ابوها مو موجود بالبيت وياسمين ضايعة..
جوري وهي تشهق: للحين ما جت ياسمين يا شادن للحين ما جت
نرجس بصوت مخنوق ودموعها تنهمر: هي تحفظ الطريق كيف تضيع كيييييف ؟؟؟؟
شادن تنهدت وضمتهم اثنينهم: بترجع.. خبرتو الشرطة اكيد بيلقوونها.. ليث اساسا متحشر يدورها.. لا تخافي جوري حبيبتي نونو لا تخافون بيلقونها اكيد.. بتكون بشي مكان.. يعني من له مصلحة يخطفها اكيد ضايعة بس
لفت جوري مثل المقروص ونفس الشي نرجس:يخطفها؟
زاد بيكهم الاثنين وتوهقت شادن وهي تلوم نفسها بقهر: لاااا ما قصدي يعني.. محد له مصلحة اكيد ضايعه..
كانت بتكحلها عمتها وهذي صفة تتصف بها شادن.. دايما تزيد الطين بلة
جوري ببكاء: انا قايلة انها مستحيل تضيع اكيد احد اخذها .. بس لييش؟ ليش انا وش عندي؟ معندي فلوس الكل يعرف حالتنا.. لييشش؟؟ ليش بس ياسمين؟
نرجس لفت لها بصدمة: لا يكون شي عصابة من ذوليك اللي يتاجرو بالاعضاء؟
شادن صرخت بوهقة: لاااا وش هالتفكيررر ما كان قصدي وربي كنت اقول انها ضايعة.. بيلقونها وربي بيلقونها.. لا تخافون.. بيلقونهاااااااا
جوري وهي تشهقق: ابييهااا والله ما عاد فيني صبر اكثر جا الليل وهي لسا مما جت اول يوم يمر بدون ياسمين ما اقدر اصبر اكثرر
شادن بكت من حماقتها وهي تضرب فخذها وتضرب رجلها بالارض: يا ربيي.. قومي جوري يلا نروح للبيت تكفين والله انا ما انفع للمواساة والله.. يلا قومي
وجوري شافتها: وين بروح ويين؟؟؟؟ ماني رايحه لمكان بانتظر ياسمين اكيد بتجي .. اكيد بتجي.. يا رب.. يااااا رب رجعهالي سالمة غانمة يا رب يااا رب
شادن ببكاء و قهر على نفسها: هدي جوري تكفين بايش رح ينفع البكاء يعني قوليلي بايش راح ينفع؟
جوري مسحت دموعها تحاول تهدي نفسها صدق ماله نفع غير صداعها يزيد كل مرة.. بس ما قدرت ككل ما تذكرتها ترجع تبكي وتبكي معها نرجس ككل ما سمعتها انهارت تنهار معها ..
رن الجرس وقاموا الاثنين يركضون مثل اول مرة للباب اكيد هالمرة ياسمين غيرها من بيجي اكيد ياسمين..
لحقتهم شادن تركض بس خابت ظنونهم وهم يشوفون لمياء مع بنت ثانية..
لمياء شافت شاادن وارتبكت من زمان ما شافت احد من بيت عمها ..
حست انه مو وقته وشافت بجوري: جوري ؟
جوري جلست ولحقوها البنات وشادن قفلت الباب ولحقتهم
لمياء وقالت بحززن وتأثر: جوري حبيبتي ليش كذاا مسويين بانفسكم نرجس وش هالبكي ذابحين اعماركم لييشش؟
جوري: ما ادري وينها.. باموت لو يصير لها شيء.. بامووت وربي ما اقدر وربي
ولاء: ما عليك جوري ما عندها وين تروح اكيد بيلقونها.. سيف قال انه خبر الشرطة وبيدور عليها
جوري انتبهت لها وقالت بصدمة وهي تمسح دموعها: ولاء؟؟؟
ولاء ابتسمت: جيت باتطمن عليك ومشتاقة لك وربي
جوري ابتسمت بشحوب وهي تسلم عليها بس ما تكلمت ما درت وش تقول
لمياء: ايه كذا امسحي دموعك مدري ليش مقطعة عمرك بهالطريقة "ولفت لنرجس اللي دموعها لسا تنزل وتسلم عليها ولاء" انتي بعد نرجس خلاص يكفيكم بكي اللي ماله داعي ابدا
شادن لفت لها بتفكير: الا جوري عندك صورتها؟
جوري لفت لها: وش بتسوين؟
شادن: بقول لنجلاء تحطها بحساباتها يمكن احد شافها ولا كذا؟ ولما نقول انها ضايعة الكل بينشرها وبنلقاها بسرعة.. ها شرايك؟
جوري وقفت بسرعة لمرسمها واخذت لوحة لها راسمتها: هذي هي
شادن صورتها وارسلتها لنجلاء اللي ما كانت فاتحة
اتصلت فيها وردت: هلا شادن امداك تشتاقين لي توك رحتي
شادن: مو وقتك ابدا يا نجلاء.. اسمعي محتاجينك.. رسلت لك صورة ياسمين تدرين انها ضايعة.. حطيها بحساباتك قوليلهم اللي يشوفها يتصل فينا.. يلا
نجلاء تاففت: طيب طيب..
شادن: تراني شايفة حسابك لو ما حطيتيها باعرف.. يلا
نجلاء قفلت ولفت لها امها: ما لقوها؟
نجلاء وهي منزلة راسها وتقلب بالجوال : لا.. ارسلت لي صورتها بحطها بحساباتي يمكن احد شافها
امها: زين.. عطيني اشوفها
نجلاء: دقيقة
حطتها بالسناب والانستا ومدته لأمها: هذي هي
وقامت راحت لغرفتها تجيب الايباد وهنا جلس غيث
ام ليث كل ما تشوفها تتعجب مرة ثانية: سبحان.. لو كانت عيونها خضراء كان قلت هي .. سوسن نفسها سبحان الله
غيث: منو سوسن؟ "ويطل عالجوال" منو هذي حتى ليث معلقها بغرفته شسالفتها؟
ام ليث تشوف الجوال بسرحان وشرود: سوسن بنت ليث
غيث انصدم: وشوووووو؟
ام ليث لفت له بصدمة: نعم؟
غيث بعدم تصديق: من بنته من بنته؟؟؟؟؟؟

انتهى البارت.
انتظر تعليقاتكم



آخر من قام بالتعديل أورشيـنا; بتاريخ 25-11-2017 الساعة 01:39 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 25-11-2017, 08:26 PM
Bro1999 Bro1999 غير متصل
©؛°¨غرامي جديد¨°؛©
 
الافتراضي رد: في قلبها تتزاحم الزهور / بقلمي


الله يعطيكك العاافية حبيبي

كيف سوسن و ياسمين خواات ؟؟؟
اعتقد انهم الاثنين بناات مشاري و امكن افترقووووا
ليث مجنوون رسمي ههههههههه حرام ع الي يسوويه بأهله
واظن انه ابوه يبي يبعد عن حااجة مايعرفها واكيد حتضرره

غيث من الشخصياات الجميييله امكن وصفي له استهلكك منه طاااقة ههههههههه
لميااء ماتستاهل الي صارلها و الله يرزقها باللي احسن من ليث
جوري و نرجس حزنت عليييهم والله ان شاء الله يلاقووا اختهم



اتمنى يصيير بارتيين بالاسبووع بس ماعلييه ننتظرك حبيبتي
موفقة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 26-11-2017, 04:27 PM
صورة أورشيـنا الرمزية
أورشيـنا أورشيـنا غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


اقتباس:
المشاركة الأساسية كتبها Bro1999 مشاهدة المشاركة
الله يعطيكك العاافية حبيبي

كيف سوسن و ياسمين خواات ؟؟؟
اعتقد انهم الاثنين بناات مشاري و امكن افترقووووا
ليث مجنوون رسمي ههههههههه حرام ع الي يسوويه بأهله
واظن انه ابوه يبي يبعد عن حااجة مايعرفها واكيد حتضرره

غيث من الشخصياات الجميييله امكن وصفي له استهلكك منه طاااقة ههههههههه
لميااء ماتستاهل الي صارلها و الله يرزقها باللي احسن من ليث
جوري و نرجس حزنت عليييهم والله ان شاء الله يلاقووا اختهم



اتمنى يصيير بارتيين بالاسبووع بس ماعلييه ننتظرك حبيبتي
موفقة
الله يعافييك يا قلبي

ان شاء الله البارت الجاي او اللي بعده بتتوضح سالفة ياسمين وسوسن
هههههههه ليث واخوانه كلهم مضروبين

راح احاول اخليهم بارتين بالاسبوع اذا قدرت ان شاء الله
مع اني ما اظن

شكرا حبيبتي على تفاعلك معاي تسلمين والله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 27-11-2017, 02:20 AM
Grase Grase غير متصل
©؛°¨غرامي جديد¨°؛©
 
الافتراضي رد: في قلبها تتزاحم الزهور / بقلمي


الله يعطيكك العآفية حبيبتي رواية حلوة من متابعينك ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 27-11-2017, 01:29 PM
صورة أورشيـنا الرمزية
أورشيـنا أورشيـنا غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


اقتباس:
المشاركة الأساسية كتبها Grase مشاهدة المشاركة
الله يعطيكك العآفية حبيبتي رواية حلوة من متابعينك ان شاء الله
الله يعافيك يا قلبي بحلاوتك
تشرفني متابعك هلا فيك ^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 28-11-2017, 09:51 PM
سـنفورة صغيـرونه سـنفورة صغيـرونه غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


روااايتك كلمة روعه قليلة بحقها كملي ي مبدعهه

اعتقد نرجس بيرجع لها نظرها مدري احس ظربتها ف الباب اثرت عليها وعاد مدري عندي افكار جنونيه وشسمها ياسمين مع وليد خاطفها هذا توقعي وسوسن وياسمين توأم وبس هذي توقعاتي.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 28-11-2017, 09:51 PM
سـنفورة صغيـرونه سـنفورة صغيـرونه غير متصل
©؛°¨غرامي مشارك¨°؛©
 
الافتراضي رد: في قلبها تتزاحم الزهور / بقلمي


بأحاول انشر روايتك قد ما اقدر لانها بجد روعهه👌👌

الرد باقتباس
إضافة رد
الإشارات المرجعية

في قلبها تتزاحم الزهور / بقلمي

الوسوم
زهور ، ورود، قلب، في قلبها، الربيع، حديقة، الجوري، الياسمين، النرجس، السوسن
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لأني ولدت أنثى/ بقلمي ~ بقايا حلم~ روايات - طويلة 702 25-11-2017 06:39 PM
لازلت أحبك بالرغم أنك حطمت قلبي/ بقلمي ~ بقايا حلم~ قصص - قصيرة 17 23-08-2017 09:21 PM
رواية غرور عناد وكبرياء/ بقلمي الهزار المغرد روايات - طويلة 1 25-10-2016 02:26 AM
رواية من عام وأكثر كنت أجي وأدور أحبابي هنا/ بقلمي حكايا ناي أرشيف الروايات المغلقة - لعدم إكتمالها 5 21-12-2015 08:26 PM
رواية You are warm / بقلمي hajer 195 روايات - طويلة 28 02-05-2015 02:59 PM

الساعة الآن +3: 01:24 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1