اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 27-11-2017, 07:51 PM
ام الشوق شخصيا ام الشوق شخصيا غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


هلا حبيبتي فديتك الي صار لخالد انو يحب حلا وحلا قالتو شي يزعلو عشان يكرها والسبب ابوها
والي كانو بالمجمع كانو يحكو عن ابو حلا وحلا
وجاسم رح يوصل قبلهم
ومازن هو يلي كلم جاسم
هاي كل توقعاتي فديتك وربي يوفقك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 29-11-2017, 07:41 AM
ام الشوق شخصيا ام الشوق شخصيا غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


متى البارت😩😩مليت وانا انتظر😩😩نزلي اليوم بارت طووووويل فديتك😩😩

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 29-11-2017, 09:30 AM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


ام الشووووق ياا حبي
تسلمين لي يا رب ...
واشكرك على تحميسك لي

وان شاءالله راح نزل البارت الثالث اليوم
المساء .. "كونو قرااب

بس ابي تفاعل اكثر ..

وعلى توقعاتك ..ان شاءالله تكون في محلهاا


آخر من قام بالتعديل توتا كيوت; بتاريخ 29-11-2017 الساعة 01:16 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 29-11-2017, 01:55 PM
ام الشوق شخصيا ام الشوق شخصيا غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


فديتك حبيبتي ننتظرك بفارغ الصبر بس بدنا اياه بارت طويل هااا هههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 30-11-2017, 01:23 AM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


البارت الثالث
.
.
.
من الأن سأجلسُ على طريق الذكرياآت،؛
"وحيده"
اُحاول ان اجْمع فيهاآ ظلالَ ايامٍ جميلة عشتُهاآ معك ..

اتركُ بعيــداً كُل مشاعِر الألم و الوحشه..
التي فرقت بيننــاآ.؛!

سأحاول أنّ اجمع في دفاتِر أوراقــي ..
كُل الكلماات الجميـلة التٰي سمعْتهاآ منك ..
كلُ الكلمـاآت الصادقه التي قُلتهاآ لي ..

وأجعلُ في اياآمِي مجموعه من الصُور الجميله لكَ

صوركَ التٰي طالمـاآ سكنت قلبِي ♡،!
ملامحُك، بريقُ عينيــك،!
وإبتسامتُك فيِ
لحظةِ "صفــاآء"،!
ووحشةٍ في لحظةِ ضيق ..

والامل الذي كبُر بيننـااآ أعوام..وترعرع ..،
حتٰى وإن كان قد ذبُل ومــاآت ..

سكرت دفترهاآ وجلست تبكي،
تبكي على الامل اللي عاشته
تبكي عالايام اللي كانت مدخله الفرحه في حياتها
تبكي على احلى سنين عمرهاا،؛
حلم السنين الاربعه اللي صاارت بعد اليوم ذكرى تكتبهاا على دفتر من ورق ..

مسحت دموعهاا اللي تسيل بكل حزن وضيق والم تبسمت عالايام الحلوه ودموعهاا مو راضيه تُوقف
قامت وجلست عكرسيهاا المعلق حملت كتاب القرآن ورفعت صوته وهي تقرا ..تقرا للبراكين اللي ما تبي تخمد ..جلست تقرا قرييييب الربع ساعه حست براآحه وإطمئنان وكأن نار قلبهاا طفى
"حقيقي اللي يترك همومه حق ربه ويتوكل عليه بتفرج وكل ما تذكره بترتاح مافي شي يساوي حلاوه القرآن يوم تقراه وتستشعره تحس بقلبك اصبح حر بعد الضيق والسجن اللي يعيش فيه رَوى من الظمأ ..سبحان الله صدق قوله "ألا بذكر اللّٰه تطمئن القلـوب "
وصلت عند الأيه "وعسى ان تكرهو شيئا وهو خير لكم "
تغوغرت عيونهاا بالدموع وصارت تشوف ضباب دموعهاا مو راضيه ترجع محاجرهاا وبعد تكابر عن النزول ...جلست تكرر في الايه اكثر من مره ..سكرت الكتاب والايه للحين تدور في ذهنهاا وكأن اول مره تسمع فيه ..فتحت البلكونه ووقفت عنده دموعهاا تدحرجت وكل عين وتسبق الثانيه ..

وكأنهاا اطلقت لهاا العنان،؛ وصارت تحمد ربنا سبحانه على نعمه الايمان ..لأن كل شي كاتبه ربهاا يصير ويمكن ما كان خير لهاا ..او ربهاا كاتب لهاا شي اكبر من اللي راح ..او حتى دروس تعلميهاا كيف تجاري الايام ..

تبسمت والدموع تبلل خدهاا
"والله مافي احلى من الابتسامه اللي تشق طريقهاا وسط الدمووع "

رجعت داخل وراحت عند الكبت طلعت لهاا قميص بكمام قصيره لين الركبه لون رمادي غامق بخطوط كبديه دخلت الحمام "عزكم الله "وبعد خمس دقايق طلعت وقفت عند المرايا تشوف شكلهاا كيف تغير بين يوم وليله شالت الكُحل ورسمت عيونهاا حطت مرطب على شفايفهاا ورفعت شعرهاا باهمال وشبكته بشباصه كبديه طاحت خصل علي يمين جبينهاا ..تعطرت وراحت تصحي اختهاا ..
.
.
ـــــــ غرفة غلا ـــــــــ
دشت الغرفه والدنيا معفوووسه عفس ..الدفاتر في الارض وفوق الكرسي والتلفاز شغال والتكيف للأخر ..وهي رجل داخل السرير ورجل برا وشعرهاا على ووجهاا واللي داخل بين اصابعهاا ودبدوبهاا حاضنته من البرد ..واللحاف جزء على ظهرهاا والباقي عالأرض
كانت تمشي خطوه وتشيل دفتر وترجعه عالشنطه لملمت الاغراض وكل شي صار في مكانه المناسب ..طفت التلفاز
: يمه منك ..ما ادري متى تعقلين وتتركين هالعاده ..
راحت عندهاا: غلاااا ..غلااااا ..
غلا: همممم..
حلا: غلااا يلا قومي كافي نوم ..
غلا وهي ميته نوم: حلا طلعي ابي اناام ..
حلا انصدمت منهاا هاذي لمتى تبي تناام وصرخت فوق راسهاا: غلااااااااااا
غلا فزت من نومهاا وهي وبعد تصرخ: ااااااااه وش في؟! وش صااير "وهي حاطه يدهاا على قلبهاا "
حلا: هههههههههههه والله انك خوواافه ..ههههه
غلا ضربتها على كتفهاا بخفيف: طيحتي قلبي يالملقووفه..
حلا للحين تضحك على شكل غلا: بسم الله عليك
غلا "لاحظت تغير حلا امس ما نامت وهي تبكي واليوم مبسوطه ولا كأن صار لها شي ..اي يا حلاا الله يديمهاا لك والله ما احب اشوفك تبكين ": اي مثلي اقووول يلااا براا ابي اكمل نومي
حلا: شنو تنامين الساعه الحين اثنعش ..
غلا: وش يعني ..والله ابي اناام حدي تعبانه ..
حلا: غلاااا يلا قوومي والله زهجت وانا من الفجر صاحيه
غلا: ارجووك حلا طلعي وسكري الشباك ترى بكرا عندي مدرسه ..
حلا: ولييييه عشاان المدرسه تبين تنامين حق يومين ..
غلا: اي بكرا بقعد من الفجر وبروح زفت المدرسه هاذي اوووف ..
حلا: ههههههه ..والله مز شفت احد يكره المدرسه كثرك ..
غلا: واذا لقيتي احد يحبهاا ارجووك بوسيه على راسه واعطيه شهاده
حلا: ههههههههه ما ادري اشلون تحصلين على درجات عاليه وانتي مب طايقتهاا
غلا: بعد انا ما ادري من وين اجيبهاا شكلهم يحنون علي ..
حلا: عن العياااار عاد
غلا: تبني اقول لك الصج
حلا: وفي احلا منه ..
غلا: اخاف اقول لك اذاكر اول بأول ويصيبني عينك "قل اعوذ برب الفلق "
حلا: هههههه لا والله ..
غلا: اي والله شفتي
حلا: ما عرفتك
غلا وهي ترجع تتلحف: كاهوو من اليوم عرفتيني
حلا: ههههههه ..من وين خفه الدم اليوم ..
غلا: اتركيني اناام وبيثقل اذا ما تبينه خفيف كذاا
حلا وهي تمثل لهاا: غلاااااي يلاا هااد والله حدي طفشانه ..قومي لحتى نتريق سوا .."شافت ان هالشي ما يجيب نتيجه "بسوي لك تشيز كيك ..
غلا: اووووف ترا لازم تمسخينهاا خلااص قمت ارتحتي الحين ..
حلا: اي هااذي خيتوو السنعه ..
غلا وهي تروح حق الكبت: ه ه ه هاااا ..
حلا: عن السماجه ويلا اسرعي بنزل تحت ..
غلا وهي تناظر لهاا: لو نزلتي بدوني ما راح انزل قعدي ..
حلا بقله حيله: انزين لك خمس دقايق ..
غلا: بلبس مثلك ..
حلا: ههههه طيب
غلا دخلت الحماام "انتو والكرامه "اخذت شاور وطلعت ..
غلا: يلا تعالي رتبي لي شعري ..
حلا: لا بالله بعدك بزر ..
غلا وهي تبتسم : لا ماني بزر بس لاني احب لما تمشطين شعري ..
حلا تناظر اختهاا بكل حب هي سبب فرحتهاا اللي دوم بقربهاا رغم فارق العمر بس ابد مو يبين بينهم كأنهم توأم : انزين يلا طلعي شبره او اي شي ..
طلعت لهاا شبره صفرا ورفعت لهاا شعرهاا زيل حصان ..كانت لابسه نفس حلا "بس بخطوط صفراء غامقه وفوق ركبها بشوي "تعطرت وكحلت عيونهاا..طلعت جوالهاا تصورت معهاا سلفي واي صوره احلى من الثانيه
غلا: بنزل وحده عالانستقرام
حلا:ههههه اي نزليه لحتا تلقين حمد بنص الصاله وشاحطك من شعرك
غلا: والله اذا هذا بيرجعه بنزله وكلهاا كم ساعه الم ويروح ..والله مشتاقه له ..
حلا: وانا بعد مشتاقه له بس شنو بنسوي هاذي الحياة ..
غلا تنهدت: الحمدلله ..
حلا: يلا ننزل الحين ماما تكون ناطرتنا للريوق ..
غلا وهي تضحك: والله ما راح تتركنا اذا للحين ما تريقت ..
شبكت اصابعهاا بأصابع اختهاا ونزلو ..ومثل ما قالت غلاا "هههههه "
.
.
(في مستشفى الـ..)

كان يسولف مع ماازن وهم يضحوك ويحكون قصص واحداث حصلت معهم وكأنهم يعرفون بعض ولهم فتره "...

مازن: هههههههههههه والله حرام عليك كنت قتلته الحين لو اخوك ما سبتك ..
: ترا جد نرفزني طريقته مره تنرفز وما لقيت الا وانا طاايح عليه ضرب
مازن: هههههههه بس والله يستااهل لو كنت مكانك كنت سويت مثلك
: ياخي اللي مثل هذولي يجلطوون الله لا يبلانا
مازن:هههه صج والله ..بس عجبني يوم عطيته هذاك البوكس"يمه منك ولا كأنك كنت تشوفه ههههههه "
:بردت قلبي فيه ..ههههه.."سكت شوي ورجع تكلم "مااازن صج ما اعرف اشلون اشكرك لولاك ما....
مازن قاطعه: يااا خوي ربي كاتب لك عمر جديد، وانا اللي اشكر ربي ان بهالسبب عرفت احد مثلك .."عطاه نظره "لا تعيدهاا ترا بزعل منك هااا ..
: ههههههه وانا اقدر علي زعلك حبيبي انت والله ..
مازن: ابي اسألك وتجاوبني بكل صراحه ..
: أمر ولك اللي تبي ..
مازن: انت ليش رحت للبحر بهذاك الوقت ..ااقصد شنو كان صاير لك يعني؟!
"ناظر فيه وتنهد بكل ضيق وهو ينزل راسه يتذكر اللي صار معه "
مازن: ااسف ادري ان ما من حقي اسألك ..بس ...
قاطعه لا تتعذر انا بس تذكرت وعشان كذا ..
مازن: والله ما كنت ابي اذكرك بس ياخي والله خفت عليك ..
: ولا يهمك وانت اخوي ..بحكيلك اللي صار معي وسببه لاني ارتحت لك ..مع اني ما افتح قلبي مع اي احد غير اثنين ...
مازن تبسم له: اشكرك عثقتك فيني ..وانا بعد ارتحت لك والله ..
جلس يحكي له كل شي ومازن يسمعه ما استغرب من قصته لأنه بعد عايش مثله واصعب بعد هاذي الحياة،تهوي الرياح بما لا تشتهي السفن..
.
.
.
(فرنساـ باريس) ...

تسير في طرقاات باريس متجهةً الي المنزل..تبكي على كل شي حدث معهاا حتى الأن ..على طلاق والدتهاا .. على "أندرو"
كانت تنظر الي الاطفال وهم يلعبون تحت الماء ، وهي تحدث نفسهاا ..
.
.
قمت ألمي...أني لا أعرف سوى ابتسامه حزينة...

وقمة فرحي...أني أرى الابتسامة في وجه الطفولة..
لا توجد أصدق من براءة الأطفال..
لا توجد أصدق من دمعة الطفولة..
ليتني طفله حينما أبكي أجد حنان والدتي...
أجد صدرها وأجد الصدق يواسيني...
تهت في دنيا كثرة فيها الأكاذيب...
قَلّ فيها الصدق وكثرة الخيانات..

الترجمه الفرنسيه"""""
"تذكرت الدقايق الماضيه"
:"تخالط صوتهاا بالبكاء وهي تصرخ عليه "قل ان كل هذا كذب ..قل انك تمزح معي ..
اندرو "يعطيها ظهره ":انا لا اكذب في مثل هذه الامور ..ما الذي يدفعني للكذب ..
:كيف هذاا؟! ولكنك وعدتني ..وعدتني بأن تأتي الي أباي وتطلبني منه ..
: وعدتك؟! قلت لك انني سوف اطلبك ولكن لم اعدك بذلك ..انا لا اعد بشي لا اريده ..
: اذن ...كنت تكذب علي ..
أندور: لم اكذب ..
: وماذا تسمي هذا الذي فعلته معي ..
أندور: كنت ..كنت ...
: "بكت بكل قهر وهي تضربه من ظهره "كنت تتسلى بي اليس كذلك ..
أندرو:"مسك يدهاا "ماذا تردين من شخص لا يريدك ..ماذا؟! اجيبي..
"افلتت يدهاا ":لم اعرفك بهذه النذاله لقد تغيرت ..تغيرت كثيراا ..
أندور "ما قادر يسمع لها اكثر "صرخ: جناااااااان ..يكفي هذاا ..اذهبي عني ..اذهبي انكي لا تناسبيني ..
جنان:ذاهبه ولكن تأكد انك ستدفع الثمن غالياً ..

"هزت راسهاا بالنفي وكأنهاا تبي تنفض غبار الاحداث "...

الأن استطيع تفسير هروبك مني عندما اسألك "متى ستأتي لتخطبني "
اغلقت كل الابواب ..
وان الرجاء لا "أمل" فيه ..
وأن من احببته يوما قد اغلق مفاتيح قلبه ..
والقاهاا في سراديب النسيان؛!
هنـاآ اقول لك..

أن كرامتي اهم بكثييير
من قلبي الجريح ..
حتى وإن غطت دماءوه سمـاآء هذا الكوون الفسيـــح ..

لا يفيد ان انادي شخصا لا يجيب ..
ولا ان اسكن بيتا لم يعد يعرفني ..
وان اعيش على ذكرى إنسان فرط فيني بلا سبب ..

دخلت البيت ومعطفهاا وشيلتهاا كلهاا مويه ..راحت عند غرفتهاا اخذت حمام وبدلت ملابسهاا بشي ثقيل لأن الجو اليوم بارد ..
راحت المطبخ سوت لهاا نسكافيه ولوالدهاا "كان جالس بمكتبه يراجع بعض اوراق عمله كان باب المكتب مفتوح شافهاا لما دخلت ما حب ينادي عليهاا لان عارفهاا من وين جايه "

راحت وفتحت مكتبه: هلااا يبه ..
عبدالله: هلا بجوجوو الغاليه ..
وعطته النسكافيه: فضل ..
عبدالله: تسلم الايادي ..ليش للحين تأخرتي ..
جنان: كنت اتمشى شوي وراح الوقت ..
"دقايق صمت "
عبدالله "ناظر في بنته":في تمك حكي شنو تبين ..
جنان "وهي تروح وتوقف عند شباك المكتب وتناظر الماره تحت المبني والمطر اللي اشتد ":انا موافقه ..
عبدالله "وهو غارق بين اوراقه ":على شنوو؟!
جنان: نرجع ونعيش بالمملكه ..
عبدالله"ويسوي نفسه متفاجيء ":صج ..وشنو اللي غير رايك فجأه..
جنان: ولا شي ..بس ماله داعي قعدتا هني ..جامعتي خلصتهاا وصديقاتي رجعو ديرتهم "وهي تتنهد تنهيده حزينه" ولا أمي عادت لنا..
عبدالله "قام ووقف عندهاا":والله اذا بيدي ما كنت خليتها تروح بس هي الدي اختارت كذا وهي حره ..
جنان "حضنته بكل حب دايم يسوي اي شي عشان يرضيهاا هو السند اللي تبقى لهاا "ابتعدت عنده: اعرف يبه ...
عبدالله ويرجع كرسيه: خلص اليوم بروح اخلص كل اوراقي عشان لما ارجع اكون تحولت لمكان عملي الجديد واحجز بعد بكره ..
جنان:ان شاءالله ..
عبدالله: رحتي لعند امك ..
جنان بكل أسى: لا ما رحت ..
عبدالله: روحي لهاا يبنيتي مهما كان هاذي امك ..
جنان: ان شاءالله بكره اروح لهاا ..

ورجعت ناظرت الشباك في خاطرهاا
"باريس ..مدينة الانوار ..يا موطن احتوائي ..لم يتبقى لي سوا عطر الذكريات بين شوارعك ..لم يعد المكان مكاني..ولا اريد البقاء ولا اريد الرحيل ..اشتهي مدينة مهجوره هادئه ..
هادئه جداً..
اسكن بهاآ انا وما تبقى من نبضي فقط ..اتسأل: هل سيجمعني الاقدار بك مره أخرى "
.
.
تعريف الشخصيات الجديده "عبدالله عمره 43سنه أخ مها زوجته الوليد رجل اعمال مشهور ..تزوج فرنسيه وصار له منها بنت سمها "جنان "روحه فيه، يحارب العالم عشانهاا
جنان 23سنه ..تسكن فرنسا من عمرها 4سنوات ..بنت مره طيبه بس اذا عصبت ما تعرف احد قدامهاا عنيده شوي ومع هذا دمعتهاا قريبه ما تحب تبين صعفها لأحد يعني شخيتها قريبه لـ "ريناد"طولها متوسط ..نحيفه بس جسمها حلو .."مملوحه بين العرب والغرب ههههه "وجهاا مطاول، شفايفها ورديه، عيونها خضر، رموشها كثيفه..شعرها بُندقي لامع لنهايتة ظهرهاا"جذااابه
اندرو 26سنه تعرف على جنان بالجامعه شاب فرنسي طويل ونحيف شعره اشقر وعيونه عسليه "..
.
.
المملكه ـ الرياض

كان سايق سيارته ومسرع ..باله مشغوول في اخووه ..
ناظر بالمريا وشاف سيارة تلاحقه ..

جاسم: ولييييه هاذا وش يبي مني ..نفس السياره اللي كانت تلاحقني الصبح ..
.
.

"مستشفى الـ.. "

مازن: خالد ما اعرف وش اقولك كل سي قسمه ونصيب .. لكن بقولك شي دوم كان الوالد الله يرحمه يقولي ياه ..
خالد: الله يرحمه
مازن: كان يقلي ما تعيد حساب امس واللي خسرت فيه، عمرنا اذا طاح منه ورقه ما راح ترجع لنا مره ثانيه لكن في كل سنه يجي الربيع وتنبت اوراق غيرها اللي تناظر وجه السماء تعيد لنا املنا في الحياة واللي طاح عالارض صار جزء منه
خالد تبسم له: والله انت تنحط عالجرح يبرى ..وينك من زماان
مازن: هههههه انت اللي وينك من زماان والله احس حالي اعرفك من كم سنه واحسك اخوي اللي ما مره ذقت طعم الاخوه
خالد: ما عندك خوات ..
مازن: عندي اخت وحده الله يخليهاا لي ياارب ..
خالد جا يتكلم ...
بس انفتح الباب....


......"وهو يمسكه من قميصه": انت مجنووون اشلوون فجأه ما لقيته اااه فهمني اشلووون..؟!
ناصر "وهو يبلع ريقه من الخوف ":والله ما ادري كنت وراه بس كأنه حس فيني وضيعني في الشوارع ..
......:"عطاه كف قوي سال من بين اسنانه دم ":انقلع من وجهي الله لا يبارك فيك وفيه
"ناصر ما صدق وركض برا المكتب "
رفع جواله واتصل فيه بعد دقايق جاه الرد ..
: هلا نايف ..هاا بشر ..
نايف: توهه اللي ما يتسمى يقول حس فيه
: ااااااخ اشلوون حس فيه الواطي قلت لك هذولي وكأن الشيطان معهم يحسون بكل شي ..بس هااه لا خليه يرجع يراقبه ما نبي يضيع مننا المره الجايه ..
نايف ونفسه يطلح وينزل: ان شاءالله
: إش فيك ..كنت تتمشي هههههه
نايف:هذا ناصر الله يحرقه حرق دمي، كفخته
: ههههههه طول بالك معهم ترانا بحاجتهم
نايف: ياخي عندي بداله الف انت لا تحاتي ..
: طيب اسمعني زييين وسوي اللي بقولك عليه ..
نايف"كان يسمعه وهو يبتسم على افكاره الجهنميه "
.
.
مازن عرفه على احمد وعلى وشوي الا الباب منفتح ..
: خاااااالد .."وهو يمشي عليه ويبوس راسك "سلامتك ياخوي عسى ما شر
خالد وهو يبتسم حق اخوه: الشر ما يجيك ..
جاسم: وينك فيه والله اشتقنا لك ..
خالد: ههههه اتغلا
جاسم:تتغلا وامي وخواتي قاعدين فوق الجمر ههههههه..
خالد: ههههه يا حلوهم والله اشتقت لهم ..
جاسم: وهم بعد اشتاقو لك ياخي من امس وما خلوني اريح شوي ههههه
خالد: ههههه تستاهل ..
جاسم: احم ما عرفتني عالشبااب
خالد: هذول المنقذين
الشباب: هههههههه "وجلس يعرفهم على بعض "
بعدهاا خلوه وطلعو عالمسجد ورجعو له ...
.
.
.
ـــــــ "ڤله ابوخالد "ــــــ
الوليد رجع للبيت وسألهم عن خالد وقالو له للحين مو مبين وجاسم بعد طلع بدون ما يخبرنا ..

البنات جلسو في الصاله يسولفون
والوليد راح الغرفه يريح شوي ومها راحت عالمطبخ تشرف عالطبخ بنفسهاا ....

شوي وجرس الباب يدق
مها وهي في المطبخ: هانا شوفي من في الباب
هانا: حاضر ماما..
ريم وهي تمشي عالباب وتعدل شيلتهاا: خليكي هانا انا اشوف
هانا سمعت كلمتهاا ورجعت عند مها في المطبخ
ريم وهي تفتح الباب صرخت: يمـــــــــــــــه....
...
.


نهاااايه البااااارت ..

ان شاءالله يكون عجبكم واستمتعو فيه ..
وماتنسو تفيدوني بأراءكم وتوقعاتكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 30-11-2017, 01:27 AM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


اقتباس:
المشاركة الأساسية كتبها ام الشوق شخصيا مشاهدة المشاركة
فديتك حبيبتي ننتظرك بفارغ الصبر بس بدنا اياه بارت طويل هااا هههههه



😁😁
ان شاالله يرضيك ..
ههههه والله انا كتبته اليوم الصبح بس اتمسح
ورجعت كتبته من جديد
كنت ابي اطوله اكثر بس تعبت وانا اكتب فيه
بس ان شاءالله يعجبك
والبارت الرابع راح يكون اطوول بأذن الله ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 30-11-2017, 02:49 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


السلام عليكم
البارت يجنن
خالد وش قصته
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 30-11-2017, 08:46 AM
ام الشوق شخصيا ام الشوق شخصيا غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


يسلم ايديكي حبيبتي بس قصير😩 واتوقع انو خالد هو يلي كان ع الباب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 03-12-2017, 12:01 PM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


البارت الرابع:
.
.
عُذراً أيتهـاآ الحيـاة..
سأعيشُ حياتـيِ لنفسِي؛!
ولمنَ يبادِلوننِي مشاآعِر المحبه الصاآدقه ")
لستُ أنا" من يتوقف حياتُة علىٰ حبيبٍٍ فارقه..
ولا أشخاص خاب الظنّ فيهم يوماآ
سأستمــر ..
نعم "سأستمر"،!
وأدفنُ مشاعِري بعيداً عن قلبِي ..
ولنّ انتظرَ أحدا ليُشعرنِي بقِيمة نفسي ..
فأنا أعرفُهــاآ..

كأن يناظر أمه وخواته اللي فرحانين برجعته لهم سالم ..وهو مبسوط أكثر منهم ..
مبسوط من نظره الحب والشوق والوله اللي يشوفها في عيونهم..
مبسوط من الحادث اللي خلاه يرجع حق نفسه ..
ويكسب شخص طيب وقلبه كبير بيوم واحد "مازن"
رغم اللي صار له ورغم انه صار جليس عالكرسي المتحرك ..
بس كل هذا ما حس فيه يوم دخل عندهم ..
.
.
رنيم وريناد وهم يصارخون: يمه يبه خالد رجع، خالد رجع يمه ..
ابوهم سمع اسمه وفز من فراشه وهو مسرع لأبنه
مها كانت حامله الصحن بيدهاا وطاح منها وتكسر يوم سمعت اسمه: يمـه خالد ..وركضت عنده "ويوم شافته يتحرك بكرسي "جلست تبكي عنده ..
مهاا ودموعها اخذت مجاريها: وش فيك يا ولدي، والله قلبي كان حاسس اني فيك شي ..ليش رحت يمه وخليتنا بهالحاله ..
خالد وهو مبتسم: يمه خلص والله ما صار شي ..الحمدلله شويه جروح على رجلي وكاهو رجعت لكم ..كيفك يمه والله اشتقت لك ..
مها وهي تبوس ابنها على خده وجبينه: انا صرت احسن بشوفتك حبيبي كنا بنموت "وخلااااص قلبتها مناحه "
خالد: بسم الله عليك يمه..ترى كلهاا يوم والحمدلله قدر الله ما شاءالله فعل ..
جاسم: وليييه يمه ترا ولدك رجال وانت تدلعينه وحنا لنا الله
مها: هذا ولدي العود اشلون ما ادلعه يا بعد عمري
خالد وهو يناظر اخوه: خلاص رجعنا حق الغيره
الوليد وهو فرحان بشوفت ولده: ترا مسختيهاا يا مهاا خلينا نسلم عليه ..سلم على ولده وهو
الوليد: الحمدلله على سلامتك يابوي ولا تعيدها
خالديضحك: الله يسلمك ياتاج راسي هههه والله حسستوني اني عيل..وبعدهاا سلمو عليه البنات وهم حاضننه ويبكون ..
ابو خالد وجاسم راحو المجلس للشباب ..
وخالد جلس مع امه وخواته شوي بعدهاا راح للشباب
تغدو وبعدهاا راحو ..
مر اليوم وكأنه أحلـى يوم طاف لهم بحياتهم ..

الساعه "8مساء "..
كلهم متجمعين في الصاله ..
ريم: وهذا احلى كيكه لأحلى عائله في العالم كلهاا "قسمت لهم في الصحون ورنيم قامت توزع "..
رنيم وهي تشيل اخر وحده وكانت اكبر وحده عطتهاا خالد
جاسم وهو يناظر رنيم: بالله عليك وكليه بعد
رنيم: اي بوكله اذا هو يبي انت وش دخلك ..
خالد بدا للدلع: اي والله احس يدي توجعني شوي وكليني
مها والوليد يضحكون عليهم ..
رنيم قامت وجلست جنب خالد وشالت السكينه والشوكه منه وبدت توكله:كم خلوود عندناا
خالد ويحلم بالعسل: حبيبتي انتي ربي يخليك لي ..
جاسم وهو يمد صحنه لـ "ريناد "
رريناد وهي تضحك: وش هذا ..
ريم: افهمي يا بنت يبيك توكليه شكله جد غار
ريناد: ههههههه اجل اختفي يوم وتعال لك اللي تبي
الكل صار يضحك على كلامها ..
خالد: هههههههه لقط لقط ..
جاسم بدا للغرور والدلع صج:لااا حبيبتي هيك زعلت منك وبعدين اخاف اختفي وتموتن بجد ..
ريناد: ههههه حبيبي انت الا زعلك ترا ..
مها رفعت جوالهاا اللي كان يتصل وكان اخوها عبدالله
الوليد: من؟!
مها: هذا عبدالله اخوي
"وهي توجه كلامها للاولاد ":قصرو حسكم شوي..
مها: هلا هلا بالغالي ..اشلونك اخوي ..احنا الحمدلله ..نسأل عليك ..اي كلهم بخير ..لا مافي شي كلهم جنبي الحمدلله مافيهم الا الخير ..شلونها جنان وكادي اشلونها وش علومهاا ..تسأل منها العافيه ان شاءالله ...."تغير وجهاا "صج ..ليش عسى ما شر ..
البنات: اشفيك يمه وش صاير؟!
مها تأشر لهم يعني اسكتو: لخير ان شاءالله ..يا قلبي عليها جنانو اكيد حالتها حاله .."وفجأه ترجع تفرح "صج
جاسم وهو مستغرب ويكلم ريناد اللي جنبه بشويش: اش فيها امك؟! مره تبتسم ومره تكشر ..
ريناد: والله ما ادري علمي علمك ..
مها والفرحه شاقتها: والله تو بتنور الديره يا حلوكم والله ..لا لا وش البيت ..بيت ابوخالد مفتوح لك..لا تحاتي ياخوي .. يوم يجهز روح فيه ..لا تردني يا ابوجنان ..لا وش دعوه انت الداشي واحنا الطالعين ..دير بالك يلا انزين ..الله يسلمك ..
الوليد: بشري يا ام خالد ..
مها: وش تبو تسمعون بالاول ..
رنيم: الحلو بالاول ..
مها: الحلو ان خالكم عبدالله خلاص بيرد الديره
البنات بكل فرحه: صج يمه ..
مها: اي صج
خالد محتار: ليش يمه ..
مها: انتظر وتعرف والخبر الثاني خالكم طلق كادي
الوليد: استغفرالله العظيم
ريم: ليش يمه والله خالتي كادي طيوبه ومافي مثلها ...
مها: يقول عرض عليها انهم يرجعو ويعيشو هنا بس رفضت ..
ريناد: ليش رفضت ..
مها: يقول ان امها توفت وصارت اختها لوحدها وما تقدر تتركها..
جاسم: بس الطلاق مو حل كان ممكن اختها تجي وتعيش معها مافيهاا شي ..
مها: والله ما ادري ..
ريم: يعني شلون وبنتهاا؟!
ريناد:ما اعتقد ان هذا سبب يخليها تطلب الطلاق ..واصلا هم كذا يحبون يعيشون اخر عمرهم لوحدهم يعني يكونو احرار مثل ما يفكرون ..
مها مستغربه من كلام بنتها: اشلون تعيش مرتاحه وهي بعيده عن زوجها وعيالهاا هاذي يسموها حريه المره ما عندها غير زوج زوجها يا بنيتي ..
الوليد وخالد وجاسم يوافقون ريناد الرأي ..
خالد: كلامها صج يمه ..هم يشوفونه كذي ..ان بنتها كبرت وخلاص
ريم: ويمكن هذا كله هي مو مفكره فيه ..يعني صج عشان اختها ..
الكل: يمكن هيك
رنيم: يعني الحييين خالتي كادي بتعيش بفرنسا وتترك بنتها تعيش بعيده عنها والله ما تدش الراس ..
جاسم: هههههه وشلون ما تدش الراس خلاص بنتها كبرت ماشاءالله عليها ويوم يومين وتكون في بيت ريلها
رنيم: حتى ولو اشلون بتعيش بعيده عن امهاا ..والله المسكينه جوجو بتفقدها ..
ريم وريناد: يحليلهاا والله
ريم: وش كثر راح تعاني ..
ريناد: اي والله المسكينه الحين بتكون حالتها حاله ..
رنيم وهي خلاص شوي وتبكي: والله هذا ظلم اشلون خالي يرضى انها تروح وتترك جوجو ..
الوليد: قضاء وقدر يا بنيتي ..وبعدين هم ادرى بمصلحتهم ..
رنيم: وش مصلحه هاذي اللي يخلهاا تبعد عن بنتها
خالد: شنو رنوم حبيبتي ترا بنتها كبرت وبعدين هي لو ما كان معها إيزي ما كانت بتجي مع ابوها
مها واحتارت في كلام بناتها وجلست تحاتي جنان المسكينه في خاطره: بدل هذا ادعو ان ربنا يوصلهم بالسلامه ..خلاص اللي صار صار
الكل: امييين يارب ..
وبعد دقايق صمت ..
ريم: وش رايكم يوم الثنين نعمل حفله ..بمناسبه رجوع خالد وخالي عبدالله وجوجو ..
جاسم ورنيم وريناد : اي والله من زماان ما تجمعنا
الوليد ومها: سو اللي تبونه ..
الوليد: اهم شي سعادتكم ..
البنات: الله يخليك لنا يبه وما يحرمنا منكم ابد
الوليد ومها يبتسمون لعيالهم: آمين ولا يحرمنا منكم يارب
العيال: آمين
الوليد: انا اشوف تخلونها الجمعه احسن للكل عشان خالتك مشاعر ومريم يجون
ريم: اي والله حدي مشتاقه لهم ..خلاص عيل الجمعه
ريناد: يبه ونبي نروح الصالون
ابوها: خلص بكره جسوم يوصلكم
جاسم: لا لا شنو اي شي جاسم ..جاسم ..
خالد:يعني من بيودوهم يا سلطان زمانك ..تبيهم يروحون مع السايق ..
جاسم: لا حبيبي يتصرفون ما شغلي وبعدين وراي دوام
الوليد: ودهم يا ولدي وما عليك كلافه من لهم غيرك يودهم يعني
البنات يناظرون في جاسم ويبتسمون بخبث
جاسم بقله حيله وهو يناظر البنات بكل غيظ: ان شاالله يبه بس بعد الدوام ..
رنيم وهي ترقص حواجبهاا: اصلا بكون بعد الدوام حبيبي لان الانسه رنومه بعدها بتكون بالمدرسه
ريناد وريم يكملون عنها: وخواتها ما يقدرون يرحون من غيرها..
خالد: عفيييه عالخواات والله هههههه
البنات لخالد: نعجبك
الوليد وهو يناظر بناته وشوي يضحك: بناات لا تخلوني اغير راي ..
البناات: لا لا لا يبه خلص ..
الكل جلس يضحك عليهم ..كملو سهرتهم وتعشو وكلهم طلعو على غرفهم ...
.
.
ــــــــ غرفة ريم ــــــــ
طلعت من الحمام "انتو والكرامه "لبست بجامه بنكيه وفكت شعرها وتركته على راحته ..راحت فرشها وطلعت دفترهاا تكتب اللي بخاطرهاا

في شرق الارضَ ..وانت في شمالِهـاآ
بيننـاآ ليِل ومسافات ..وصِراع..
متى ترجع لحتىٰ يهدى الموج
اللي يلعب كَل صوب،!
ومن رداة الحظّ..
تكسر الشراع..
علمتني بسمتك وشلون اذوب ..
وعلمتني غيبتك كيف الضيــاآع..

سكرت الدفتر وتنهدت: متى ترجع والله اشتقت لك ..
رجعت حق نفسهاا: استغفرالله ياربي .. انا وش قاعده اخربط ..سامحني يارب..
قرت اذكارها وتلحفت عدل ونامت
.
.
ــــــــ غرفة جاسم ــــــــ
مثل عوايده لبس شورت ..جفف شعره وجسمه وهو يكلم نفسه: ههههه والله الحين اذا شافتني ريمو تعملي محاضره ..وراح فرشته ..بس شنو اسوي ما اقدر انام الا كذي هههه ربي يخليها لي والله كانها امي ههههه ..وجا بينام دق جواله: وليييييه من اللي يتصل بهالحزره بعد ..رفع جواله ولقاه عمه سلطان .جاسم: هلا هلا بالقاطع ..هههههه وعليكم السلاام ..اي انت القاطع من يوم سافرت ما اتصلت فينا غير مره او مرتين ..هههههه خلاص السموحه ياعمي العزيز ..ههههه..اي ..الحين داق لي عشان تقولي هالكلام ..هههه ..لا يعني فيك تتصل باكر ..لاني رجال مشغول الحين ..ههههه والله لي شهرين الوالد والوالده جلس يحنون لي على راسي لين عيني بشركه ..اي والله كسر بسيط برجله ..آمين ياارب ..انت شنو راقت لك الغربه ..هاا سكتنا ..صج ..والله حدنا مشتاقين لك ..اي ان شاءالله قبل صلاه الفجر بكون في المطار ..تم ..تصل بالسلامه ..ههههه ما راح اقول لهم تطمن ..الله يسلمك ..قفل منه ناظر ساعته لقاه اثنعش ، رجع نام عشان يصحى مبكر يروح له المطار ..
.
.
(ڤله ابو حمد) ..

البنات بعد تعشو جلسو بالصاله مع امهم وخذتهم السوالف ..
غلا: والله حدي مشتاقه لبنات عمي الوليد وعمي وخالتي مها ..
أمينه: اي والله من زماان عنهم ..خلص باكر نروح لهم ان شاءالله ..
غلا بكل مرح: يس
حلا من سيرتهم وهي في عالمها ..
غلا لاحظت سرحانها وهي تكلم نفسهاا "يوووه غلا ما لقيتي غير هالوقت تجيبين طاريهم "
أمينه:انا وحلا بنروح العصر وانتي ارجعي مع رنيم
حلا: لا لا يمه ما اقدر اروح لهم باكر ..انت روحي لهم وانا بزورهم مره ثانيه ..
أمينه حست على بنتها: يمـه خلااااص انسي اللي صار قسمه ونصيب وكل شي كاتبه ربك بيصير ..
حلا: ونعمه بالله ..بس جد ما اقدر اروح
أمينه بكل حنان: طيب ليش؟!
حلا "لا رد ":......
أمينه: يمه اذا بتمين بهالحاله ما راح ترتاحين ..ارجعي مثل قبل ولا تهتمي بشي لحتى تنسي اللي صاار
حلا والعبره قاصتها: ما اقدر يمه والله ما اقدر ..
أمينه وهي تمسك يدها: لا تقولين ما اقدر الا تقدري اوعدك نفسك انك تنسي وصدقيني راح تنسين روحي لهم مثل قبل وهم يجولك انزين يمه ..
حلا: إن شاءالله بحاول ..طيب يلا تصبحون على خير ..
امينه: تلاقي الخير حبيبتي ..وانت يمه غلا ما وراك دوام
غلا: إلا ..وهي تقوم وتبوس راس امها ..تصبحين ع خير يمه ..
أمينه: وانت من اهله يا قلبي اقري اذكارك وتلحفي عدل ولا تعلين التكيف ..
غلا وهي تبتسم لها: ان شاءالله يمه لا تحاتين ..
وطلعت راحت لحلا في غرفتهاا..طقت الباب ..
حلا: دخلي غلا ..
غلا وهي تدخل: ويمكن اكون امي ..
حلا: لا حبيبتي عارفه انك بتجين قبل لا تروحين غرفتك
غلا وهي تجلس ع طرف سريرهاا: وتدري ليش جايه.
حلا وهي تبتسم لهاا: اي ادري ..
غلا: والله ما كان قصدي اني اذكرك ..
حلا: غلااي انت ما قلتي شي ..انا اللي حساسه بزياده
غلا: يعني مسامحتني ..
حلا: وانا اقدر ازعل من عمري وحياتي وقلبي
غلا وهي تقوم وتحضنها: يا روحي انت ..هههه
حلا: هههه يلا الحين روحي نامي لحتى تصحين باكر يلا حبيبتي ..
غلا: لا ابي انوم معك اذا ما عندك مانع ..
حلا وهي تمشي على طرف السرير : غرفتي هي غرفتك..يلا انسدحي هههه
غلا: ههههه انسدحت يلا العبي بشري وغنيلي ..
حلا: لااااا والله ..اقول بتسكتي ولا اطردك ..
غلا: ههههه لا بسكت اصلا صوتك يلوع الكبد
حلا وهي تتغطى: ههههه احسن يلا تصبحين على خير
غلا: وانت من اهله ..
.
.
.
(بريطانيا ـ لندن)
في المطار ــــــــــــ
سمعو أخر نداء..
سلطان وهو يناظر حمد :النداء الاخير
حمد: ههههه والله راح اشتاق لك
سلطان وهو يقوم: انتبه على نفسك ..
حمد: ان شاءالله وانت بعد ..وهو يحضنه ..توصل بالسلامه
سلطان: ان شاءالله وفكر في اللي قلتلك عليه
حمد وهو يبتسم: ان شاااااءالله تااأمر ..وش بعد؟!
سلطاان: هههه ولا شي اووه وسلملي علي "جيني "
حمد: ان شااااااءالله. وصل سلامي لكل الاهل ..
وهو يرفع يده له عشان سلطان ابتعد: باااي ..في امان الله
سلطاان: في حفطه ..وهو يرفع صوته: انتبه على نفسك
حمد يأشر له بأوكي ..طلع ركب سيارته ورجع شقته ..
.
.
.
الريــاض..
بعد صلاه الفجر ..جاسم راح المطار وشال سلطان وردو البيت ..سلطان اتسحب ع جناحه بشووويش وكذلك جاسم ..
الساعه 7طلعت رنيم عالمدرسه مع السايق ..
وبعد ساعه طلعت ريناد مع جاسم يوصلها الجامعه وبعدها راح الشركه..
ـــــ غرفه ريم ـــــ
اليوم صحت مبكر لانها نايمه امس مبكر ..
قامت دخلت عالحمام "عزكم الله "طلعت استشورت شعرها فتحت الكبت اخذت بنطلون زهري اسكني مع قميص ابيض واسع من قدام قصير ومن ورا شوي اطول حريري ..استشورت شعرها وخلته على راحته، لبس اكسسوار بالفضي ناعم، تعطرت، شالت فوونها وجات تنزل ..فتحت الباب
: بووووووو
ريم بأعلى صوتها: آااااااااااااااااه..
"ههههه هالبنت ما تعرف غير الصراخ "


في المدرسه:
رنيم وهي تحضنها: غلااااااااويييي يا حبي والله اشتقت لك
غلا: والله بعد اشتقت لك مررررررره يا قلبي ..
رنيم: وينك يا الدوبه مختفيه..
غلا: اوووف رنيم الله يخليك ما ابي اذكر شي ..انت شلونك واشلون خالتي وعمي وريووم ورنوود والله حدي مشتاااااقه لهم وخالد وجسوم ..
رنيم: خلود يا قلبي عليه ..وش اقولك بس
غلا: بسم الله عليه..ليش وش صار؟!
رنيم جلست تحكي لها كلللللل شي صار معهم بالتفصيل الممل ..
غلا ودموعها تنزل:كل هذا صار وحنا ما ندري ..اهااا ياارب ..
رنيم: شفتي اشلون سبحاان الله بيوم وليله انقلبت الحياه فووووق تحت ..
غلا وهي تتنهد: الحمدلله على كل شي ..
رنيم: اجل خلينا من هذا اشلونها خالتي امينه والله زمااان عنها وحلوي بعد؟!
غلا وهي تناظر لها ما تعرف شنو تحكي:....
رنيم: اش فيك غلا ليش ما تحكيلي وش فيهم خالتي وحلا ..
غلا: ما فيهم الا العافيه بس حلا مقطعه قلبي ..
رنيم : حلااا؟! وش فيهاا ..غلا احكي والله خوفتيني عليهاا ..
غلا: بحكيلك بس توعديني انك ما تجيبي سيره لاحد
رنيم: اوعدك حبيبتي
غلا حكت لهااا كل اللي الصار ..وهي تداري دموعهاا
رنيم: ياااااه ...واشلون تسكت كل هالمده
غلا: والله ما ادري
رنيم: بس لازم بابا يدري ..
غلا: ارجووووج رنيم لا تفتحين هالموضوع وبمكان ما حكيناه ندفنه ..
رنيم: غلا حنا لو سكتنا راح يكون المصيبه اكبر
غلا: اعرف انها راح تكون اكبر ..ترى حتى حلا ما تدري؟!
رنيم وهي تنصدم اكثر: ما تدري وشلووون ما تدري ترى هاذي حياتها اشلون يقرر من دون لا ياخذ رايهاا ..
غلا وهي تبتسم بيأس: هذا ابوي كل يوم بمفاجأه جديده ..انا سمعته يحكي بالتلفون معه ..
رنيم: هو ما حس فيك ..
غلا: اصلا كان الوقت بليل رحت اشرب ماي من المطبخ سمعته يحكي بالصاله ..تصدقي حتى نسيت اني ليش كنت ابي انزل
رنيم: يا قلبي عليك يا حلا والله راح تمووت لو درت
غلا: وعشان كذا ما حكيت لهاا ..خليتهاا على ربي يفرجها لين وقته ..
رنيم: آميــن ..بس حنا لازم نساعدها
غلا:اشلون؟!
رنيم: انا بعلمك اشلون بس مو الحين ..
"ااااه يا حلا ولا احد فاهمك وهم اخوي اللي يعتقد انك ما تبيه ..ولا عن ريم وريناد اللي خذو عنك فكره مو زينه هه وبعد هذا كله المفاجأه اللي بيسويها لك ابوك ..كنت ادري ان في شي بالموضوع ..الله يهديك يا عمي وصلت لهالمواصيل ..الله يكون بعونك يا حلا "
غلا: يلا رنووم الجرس دق ..رنيم قامت معهاا وهي بالهاا مشغول..
.
.
(محافظه الخرج)
فيصل ينزل الدرج ويجي يقبل راس امه ويجلس يمها: هلا يمه اشلونك
مشاعر:الحمدلله يبه"وهي تناظر "طاالع؟!
فيصل: اي يمه وراي شغل لازم اكمله الحين
مشاعر: يمه توك راد من السفر ارتاح شوي
فيصل: والله ما اقدر الشغل مررره مهم وضروري وما يستحمل التأخير
مشاعر: ومتى تهتم بأولوياتك طول الوقت وانت بالشغل
فيصل فهم امه وش تقصد: وبعدين يمه الموضوع هذا ما ابي افكر فيه الحين
مشاعر: يا يبه يا ولدي ما هالموضوع ما له وقت والعمر يمر وابي اطمن عليك قبل لا الله ياخذ امانته
فيصل: الله يبارك لنا في عمرك بس مو الحين
مشاعر وخلاص زهجت من ولده اللي ما يفكر غير بالشغل: ومتى بالله ترا لك سنتين وتقول مو الحين مو الحين ..اجل متى عشان اريحك من الحنه كل يوم
فيصل وهو يقرب من امه ويمسك يدها: يا حبيبتي يا يمه انت تعرفين طبيعه شغلي يعني اليوم مسافر وبكره ما ادري وين وبعد بعثه والله مو بيدي اخاف اتزوج وبعدين اظلم المسكينه
مشاعر: العمر يخلص والشغل مب يخلص يا ابني اسمع مني وخليني اخطبلك
فيصل بقله حيله لان امه ما راح تخليه بحاله اذا ما وافق: ان شاءالله اخطبي بس مو الحين
مشاعر: ثاااني ردينا حق هالجمله يا يمه غيرها
فيصل: هههههههه طيب عطيني وقت ارتب نفسي
مشاعر تعبت منه: ان شاءالله
وتين تنزل من الدرج وهي تسأل: وش اللي اسمعه اخييراا فصوول وافق
فيصل: ههههه وانت بعد
مشاعر: سلمي بالاول
وتين وهي تضرب راسها: اوف نسيت ..صبااح الخير عالحلوين "وتجلس بيناتهم "
مشاعر: وش صباح الخير الساعه وحده الظهر
وتين: يا كلمه ردي مكانك
فيصل: هههههههههه
وتين: ههههه وش اسوي يعني الحين صاحيه
مشاعر: انزين انزين خلص
وتين وهي تدور لفيصل: فصول جد وافقت
فيصل يبتسم لها: اي وافقت
وتين ترجع تدور لامها: انزين متى نروح نخطب ريووم
مشاعر تناظر فيصل بنص عين: الاستاذ يقول مو الحين
فيصل: ترا بصرف نظر
مشاعر: لا خلاص وقت اللي تقول بنخطبها لك بس انت عجل
فيصل: ان شااااءالله
وتين وتبي تتدلع عليه: فصول حبيبي
فيصل: هلا قلبي
وتين: متى بتوديني الرياض والله حدي مشتاقه للبنات
فيصل: والله ما اقدر الحين مررره مشغول
وتين قربت تنفجر من الزعل: انت دايم تقول مشغول من قبل لا تسافر وانا اقول لك والحين عندي عطله اسبوع ابي اروح لهم وهم بعد تقول مشغول
فيصل: حبيبتي والله اسف لكن جد مشغول خلاص عيل انا بكلم لك فارس وهو يوديك اوكي
وتين وهي تبتسم له: ااي "وهي تبوسه على خده "الله يخليك لي يا احلى اخوو "واتجهت عالمطبخ "
مشاعر: يمه فيصل تراك بهالطريقه قاعد تخرب فيهم
فيصل: وش اسوي تعرفين ما ابيهم يزعلون على شي
مشاعر: اي بس مو بهالطريقه تراهم كبرو مشاءالله عليهم
فيصل بقله حيله: والله ما اقدر احبهم
مشاعر تبتسم له بكل حب وامتنان له: الله يخليك لهم يارب
فيصل: ويخليك لنا يا اغلى ام بالديره كلهاا "وهو يوقف "يلا يمه تامرين على شي
مشاعر: سلامتك يمه

تعريف العائله(مشاعر اخت الوليد عمرها 43سنه مطلقه من 8سنوات ـ فيصل 28سنه .. رزه عالي وجسمه رياضي حنطي اللون رموشه كثيفه له غمازه على خده الايمه عيونه عسليه له ذقن بس خفيييف مره ما يخليه يطول انسان خلوووق و مررره طيب بس اذا جا وقت الجد ما تعرفه شخصيته قويه ويموت في خواته بمثابه الاب لهم ـ وتين 21سنه طولها متوسط لونها برنزي شعرها كثيف لنص ظهرها بني لامع وعيونها عسليه واسعه ورموشها كثيفه ملامحها تجذب ..مرجووووجه درجه اولى بس قلبها طيب وحنونه وحساسه شوي تحب شي اسمه فيصل وفارس هذا المساعد لها حنين ـ فارس20سنه يشبه اخوه بس شعره مطوله لين رقبته وابيض نحيف شوي وعيونه واسعه بس نعيسه ورموشه كثيفه زراع اخته في المقالب ـ حنين 14سنه مثل اختها بس هاديه شعرها دايم تقصه لين كتفها اسود لامع عيونها شوي عالرمادي عسل وكيوت مرره
.
.
(الشرقيه)
مازن وهو يضرب الجرس فتحت له الجده كانت قريبه من الباب
الجده: هلا هلا بوليدي الغالي هلا بريحه الغالي
مازن وهو يقبل راسها: هلا بك يمه اشلونك اشلون صحتك عساك طيبه
الجده وهي تدخله: انا بخير والحمدلله يمه انت شلونك طمني عليك
مازن:الحمدلله بخير وعافيه
ديمه سمعت صوته وركض له وهي تفط السلالم
مازن: هههه شوي شوي لا طحين
ديمه تعلقت فيه وهي تحضنه: اشتقت لك مررررره
مازن يبوسها على خدها: وانا بعد اكثر والله
ديمه: اي مبين من طلاتك الكثيره لنا
الجده: هههه يمه منك ترا تعرفين شغله
مازن: ههههه علميها يمه الله يخليك كل يوم ما اقدر انام الا اتصل فيهاا
ديمه:خلص اشفيك زعلت امزح معك ..
مازن: وانا اقدر على زعلك يا الغالي هههه
الجده: انا بروح اكلم الخدم يجهزون لنا قهوه وانتو دشو داخل
مازن وديمه راحو صاله الضيوف
مازن: هاا جاهزه
ديمه وبكل فرح:ما بقالي شي غير البس عباتي
مازن: تراني اقصد الجامعه
ديمه "وهي كانت عارفه انو مستحييل يخليها تسيب الجامعه":انزين بالسنه الجديده اروح اسجل
مازن: لا بهالسنه تواصلن معهم ومن بكرا ننزل نسجل
ديمه: مزوون بس
مازن: لا بس ولا شي اذا عالتأخير انا بنبه لهم ان يراجعولك
ديمه تبي تحن له: مازن والله ...
مازن وهو يعطيها نظره : ديمه وش قلنا خلاااص عاد وبعدين ما ابيك تتمين بالبيت لحالك انا طول الوقت بالشركه ..
ديمه بقله حيله: اوكي
الجده وهي تعطي الدله لديمه عشان تصب لهم: والله تو ما نور الدار
مازن: منور بوجودك فيه يمه، ديوم يلا روحي جهزي اغراضك عشان نطلع
الجده: لا لا شنو تطلعون ..اليوم بتمون عندي
مازن: والله ما اقدر الشغل لفوووق راسي الحين ماخذ اجازه نص يوم برد ديمه البيت وبرجع الشركه
الجده: الله يسهل لك
مازن: آميــن يارب ..
ديمه طلعت بدلت ونزلت والخدامه حامله اغراضها
ودعو الجده وطلعو ..مازن حط الاغراض بالسياره
: السلاام عليكم هلا ديمه
مازن وهو رافع حاجب: وعليكم السلاام
: أاا..أسأل عن امي موجده داخل عندكم
ديمه: لا والله ماهي داخل تلقاها عند جارتنا ام فواز
: اهااا "وهو يناظر حق الاغراض "شنو راجعه الديره
ديمه: اي والله الحمدلله
مازن: ديمه يلا ترا تأخرنا وايد
: انزين انا استأذن يلا توصلون بالسلامه ..
ديمه: الله يسلمك ..طلعت السياره "وش هالحركه الحين تلقاه انحرج
مازن: باالله وليش كل هالقد يتكلم خليه يولي بالطقاااق
ديمه: والله مره انسان طيب طيب ليييش؟!
مازن: بس كذا مزاج ما ارتحت له وبعدين منو هذا
ديمه: هذا طلال ولد جارتنا
مازن: وليش يسأل عن امه ما لقى له شي قال اسألهم عن امي
ديمه وهي تناظر له: ماااااازن اشفيك اهو تحقيق
مازن: لا بس ابي اعرف
ديمه: لا بس لان امه واايد تجي لنا ومره حنونه ساكنين جدد بهذا الحي وهذا ولدها الوحيد عشان كذا يخاف عليها وتخاف عليه
مازن: لااا بالله تعرفين سيرته كلهاا وما فضل الا تقوليلي وين ومتى انولد
ديمه عطته نظره ورجعت تناظر بالدريشه
مازن حس انها زعلت: ديووم
ديمه لا رد: .....
مازن: ديمه تراني احاكيك شنو مسفهتني وكأني جدار
ديمه وبدو دموعها ينزلو: كلش تحقق معاي وكأنك مو واثق فيني
مازن أنبه ضميره: خلص ديوم حبيبتي اسف بس والله م ارتحت له
ديمه رجعت تناظر برع: ....
مازن: ديوم بكفي تراني تأسفت لك والله ان ما سامحتيني ازعل منك هاا
ديمه ناظرته بس ما ردت عليه
مازن ويسوي نفسه زعلان: اجل خلص زعلت منك
ديمه: وبله انت ليش زعلان
مازن ويتبسم لها: لانك زعلانه مني
ديمه: خلاص ما عدت زعلانه منك
مازن يقرصها من خدها: ههههههههه والله ما ينفع معك غير هالجمله
ديمه: وبعدك مبسوط
مازن: ههههه والله مب كيفي انت اللي قاعده تجبريني
.
.
.
ڤله " بدر ـ ابو عمر "
عمر: والله لا اطيحهم واحد ورا الثاني
راشد: ياخ سيبهم هذول ماراح نقدر نصيدهم
عمر: اشلون اسيبهم والله لو بقالي اخر نفس في حياتي ما راح اسيبهم
راشد: وانت ما تشوف كل ما نصبنالهم كمين يطلعون منه
عمر وهو يبتسم له: بس هالمره يا راشد ما راح يطلعون منه لان اللعبه مره كبيره
راشد ويقيف صوبه:وش تقصد
عمر: اسمعني زين وهالكلام اللي بقولك ياه حطه حلقه في ادانك "وخبره عن الخطه اللي يبي يطبقها عليهم "
راشد وهو مندهش منه مره:الله عليك ..بس
عمر وهو يناظر له: بس شنو؟!
راشد: بس هالشغله صعبه يا عمر ويبيلها تكتيك
عمر يكمل عنه: من فوق، ومافي شي عني صعب وعشان كذا حنا لازم هالمره نحط ايدينا بيد كرستين
راشد اندهش من الاسم: مستر كريستين مرررره وحده
عمر: اي مستر كرستين "وهو يذفر دخاخين "حنا لازم نلعبهاا صح وم نخلي اي اثر ورانا والله لا اطيحه هالكلب ما اخليه يطلع منه والله وعد مني ياا راشد
راشد: تقصد خالد
عمر وهو يحك ذقنه: لاا خالد خليه هالفتره، اخووه
راشد وهو يبتسم: جاسم
عمر: اي جاااسم،جاسم اللي كل ما نحفر له حفره يطلع منها
راشد: اي والله هذا ما ينقدر عليه ابد
عمر: لااااا هالمره غييير ..اتصل على نايف وكلمه يلغي الشغله اللي قلته له
راشد: بس هو حرك رجاله
عمر وهو عصب: قلت يبطله يعني يبطله اصلا هذا ما منه فائده ابد الله ياخذه ويريحني منه
راشد: خلاص يبطله بس انت لا تعصب

إيناس كانت نازله الدرج وهي متجه عالمطبخ سمعت صوت وبما ان باب المجلس الداخلي كان مفتوح سمعت كل شي وعرفت هم لمين يخططو
"اهاااا يعني اللي يساعد اخوي اسمه راشد "والله طحتو ولا احد سم عليكم هههه بس انا لاااارم اكسبه هذا الراشد ...ومشت عنهم
بدر ابو عمر صديق القاسم رجال مشهور ومعروف وما يهمه غير الفلوس حياته كلها سفرات
زوجته مره طيبه وعلى نياته "نورا "
عمر 26سنه مره حاقد وشرير وتفكيره كله في الاذيه ـ راشد صديقه ـ ايناس اخته عمرها 22سنه مثل اخوها في الحقد وحياتها كلها طلعات انسانه جدا ماديه ـ اريام 19سنه طيبه مثل امها ودايم تنصح اختها وتوقفها بس هي ما تسمع لها
.
.
فرنسا ـ باريس
"الترجمه من الفرنسيه "
جنان وعيونها تغوقرت بالدموع وتهز راسها بطريقه هستيريه: لا ..لا انا لا اصدق ما سمعت
كادي وهي تدور عنها: لا يجب عليكي ان تصدقي
جنان: ولكن كيف؟!
كادي: الم تختارين اباكي اذن اذهبي اليه
جنان وهي تصرخ: كنتي تعلمين انني لا استطيع العيش معك وانا اباي بحاجتي
كادي: لم اكن اعلم
جنان: كلااا ..لكن اتسال ما الذي غيركي عني فجأه اين تلك الوالده التي كانت تنظر قدومي لها كل مره اين هي والدتي التي لم تكن تتحمل ابتعادي عنها وعندما اسافر كانت تزعجني بالاتصالات قبل النوم والصباح وتسألني عن دراستي وتعرف كل اخباري ..اين هي انت لستي امي اقسم انك لست هي
كادي تعطيها ظهرها: والان قد عرفتي اذهبي اباك ينتظرك
جنان ودموعها بللت وجهها: ولكنني اتيتُ.. "وهي تصمت لثواني "اتيت كي أودعك لانني لا اعرف هل سأعود هنا مره اخره "وهي تكتم شهقاتها "ام لا ..
كادي: ها قد ودعت
جنان بصوت اشبه الي الهمس : اذن فقط انظري الي
كادي وهي تجمع قوتها وتناظر بنتها اللي تحمل ملامحها
جنان كانت تناظر فيها لحتى تتأكد من اللي كانت تسمعه منها يمكن يوم تنظر لها تضعف وتقول اني ما قلت هالحكي دموعها سالت بغزاره وطلعت مسرعه للباب
كاثرين وهي تمد يدها : جناااان ..
كادي: دعيها تذهب
جنان من سمعت هالجمله جن جنونها وما عادت تشوف قدامها طلعت وكلام امها يتردد في اذنيهاا
كاثرين: ما الذي فعلته ايجب ان تفسري لي هذا التصرف
كادي وهي تجلس على الكنبه منهاره: ارجووك كاثرين لا استطيع ان اسمع اكثر ..هذا الذي يجب علي ان افعله
كاثرين: ولكنها اتيت كي تودعك، انها اخر زياره لكي منها
كادي وهي تبكي اكثر: اعلم انني لن اراها مره اخرى ..لذا فعلت هذا كي تنساني
كاثرين: لستي محقه ..لن ينسى الطفل والداه مهما اسواءو له كنتي تخبرينها بالحقيقه بدل ان تأخذ منك فكره سيئه
كادي: كاثرين اتركيني قليلا اريد ان اجلس مع نفسي ..
كاثرين وهي تسمع كلامها: حسنا سأتركك ولكن اعلمي انكي ستندمين على كل ما فعلته ..انا احذرك كي لا تخسري عائلتك كما فعلت انا وخسرت زوجي وابني وابنتي لم يعد لي شي الان غير هذه الجدران ..وتركتها وراحت المطبخ تجهز الغداء ـ وكادي كلام اختها يدور في راسها وتبكي بكل قهر بكل كلمه قالتها في حق بنتهاا وتراجع قراراتها" هل ما قلته لها هو الصواب او كان يجب علي ان اخبرها بالحقيقه اااه يا ربااه ساعدني انا تأهه دونك ..ولا اخاف ان اخبرها وتنهار فتصبح خسارتي للأبد "
.
.

نهاااايه البااااارت
وش مصير خالد وحلا وهل حقا انو خالد راح ينساها؟!
وريم واللي تكتب له من تعتقدون ..
وش اللي يخططوله عمر وراشد وهل جاسم بينفد منها هالمره؟! واخته ايناس وش اللي تفكر فيه
فيصل هل راح يوافق ويتزوج ريم ولا؟!
رنيم بعد ما عرفت الحقيقه وان حلا مظلومه اشلون راح تساعدها هي وغلا؟!
ووش اللي قالته غلا حق رنيم بخصوص الصدمه الكبيره اللي مجهزها ابوها لاختها وهل راح يقدرون يسون شي قبل ما قاسم ينفذ اللي براسه؟!
حمد هل راح يجي ومن جيني؟!
كادي وكاثرين وش الشي اللي خافينه عن جنان واشلون راح تفكر جنان في امها بعد اللي سمعته؟!
مازن وديمه وبقيه ابطالنا اللي ما عرفنا عنهم الكثير وش قصتهم
واخيرا طلال هل بيكون له دور في الروايه ام انها مجرد إطلاله

انتظروني في البارت القام
وساعدوني بأراءكم وتوقعاتكم للبارت لحتى نفتح هالالغاز المعقده ...

مع تحياتي لكم:")


آخر من قام بالتعديل توتا كيوت; بتاريخ 03-12-2017 الساعة 12:36 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 04-12-2017, 02:23 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


السلام عليكم
البارت يجنن يامبدعه
يعطيك العافية

الرد باقتباس
إضافة رد
الإشارات المرجعية

رواية قدر ما قهرني الزمن كان الأمل دوم مضويني / بقلمي

الوسوم
////////////
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية جفاف وردة بيضاء في رُكن الذكريات / بقلمي ضِياع ، روايات - طويلة 347 الأمس 01:39 AM
رواية : قلت لك بنساك بس الزمن ما نساني | بقلمي عاشقة وهمم روايات - طويلة 32 06-10-2017 03:02 PM
رواية اكرهك ! \ بقلمي Ms.marioom روايات - طويلة 117 23-06-2017 06:11 PM
رواية ليتني مثل الرسائل في ثواني اوصلك عشان اقلك كلمتين يا حياتي اشتقت لك / بقلمي بـنـت الـسـلـطـنـةة روايات - طويلة 148 16-01-2017 02:09 AM
رواية /كلي ملكك ، بقلمي Maryooma013 روايات - طويلة 19 07-08-2015 03:34 PM

الساعة الآن +3: 06:57 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1