اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-11-2017, 10:23 AM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رواية قدر ما قهرني الزمن كان الأمل دوم مضويني / بقلمي


روايتــي الاولى...
قدر ما قهرني الزمن كان الامل دوم يضويني

طبعا كان كتبتها في موقع غلط ودلتني وحده على هالموقع الله يخليهاا ويحفظها لاهلها يارب عن جد حمستني وعدلت عليه شويه اشياء لحتى يكون حماسي ومشوق اكثر ..لحتى يعجبكم ..مزجتها بين الخيال والواقع يحمل الكثير من الحب والكره والحزن والفرح الحقد الضحك وشوي من الاكشن ..وطبعا كل هذا في حياتنا يصير
ملاحظه "انا احب اكتب بكل اللهجات العربيه يعني بحاول امزج "
بسم الله نبــدا..

البارت الاول:
هكذا هي الأيام لحظاتٍ كنا نحسبها ستسعدنا؟!
تأتي لتعكر صفوة حياتنا ..؛
ويمتلئ ايامنا حزنا يتألم منها قلوبنا
نشعر بعدها بأن كل شئ جميل قد انتهى
هذي الحياةُ يامن تجلهاآ؛!
تحرمك من الاحلاام ..
تجعلك تعشق الوحده
إلي متى يا قلبي ستؤلميني؟!
اوليس لكل شي نهـايه،،؟
لينتهي هذا الألم؛! .
كان في خاطره يكلم نفسه وهو يمشي وما يحس رجوله تخونه وتوديه للموت ..دموعه ما كانت تخليه يشوف شنو قدامه ..غير انه حاس بالماي اللي وصلت حد ركبه ما وقف كان مستمر وهو
يحاتي قلبه اللي انجرح بأكبر صدمه من اللي ساكن فيه وينبض بأسمه
فجاأه ...........


ـــــــــــــــــــــــــــ
ڤله الوليد "ابو خالد"
ام خالد فزت من النوم: بسم الله الرحمن الرحيم اللهم اجعله خير ...وهي تتنفس بصعوبه
حس فيها ابوخالد وقام: بسم الله وشصاير لك وجهك معرق وتتنفسين بهالصعوبه؟!..وهو يمد لها كلاس الماي
ام خالد وللحين مو قادره تستوعب: ما اعرف يا وليد ما اعرف ..الاولاد رجعو؟!
ابوخالد مو فاهم شي: اي اكيد بيكونون رجعو الساعه الحين ثلاث ونص الصبح
ام خالد:منام مخيف يا ابو خالد اشوف واحد من عيالي ما ادري من كان واقف فوق جبل عالي والريح كانت مره قويه ...وانا انادي عليه ارجع ..وهو ما سامعني وفجأاه طاح ..
ابوخالد: تعوذي من ابليس ما صاير لهم شي والحمدلله هذا كابوس اقري وارجعي نامي لا تحاتين ..
ام خالد: لا يابو خالد ما اقدر لازم اروح اطمن عليهم قلبي قابضني
ابوخالد تنهد: طيب روحي تطمني عليهم
طلعت وراحت على الدور الثالث ودخلت على اول جناح عاليمن وهو جناح البنات ..دخلت اول غرفه وهي غرفه ريم
مها: انتو للحين ما نمتو؟!
ما لاحظو على امهم ردت ريناد: لا يمه وش علينا نا..
وقبل لا تكمل طلعت امها
رنيم: وش فيها امي؟!
ريناد وهي تناظر لها: ما ادري والله؟!
ريم: انا بروح اشوفها ..وطلعت تشوف امها ..
مها طلعت من جناحهم وسيداا على جناح الاولاد
دخلت على جناح خالد ..ما لقته على فراشه
مها:لا لا ياربي خالد للحين ما رد ..
طلعت ودخلت على جناح جاسم ونفس الشي ما لقته على فراشه ..وهي تكلم نفسها:لا لا وجاسم بعد ما رد ياارب الطف فيهم واحفظهم لي ياااارب
ريم سمعتها وجات لعندها: وش صاير يمه؟! خير ..اش فيك؟!
مها: اخوانك للحين ما ردو قلبي قابضني احس صاير لهم شي ..
ريم خافت: لا لا يمه ان شاءالله راح يكونو بخير ما فيهم شي ..الحين بيكونو مع ربعهم
مها وهي ميته خوف: ريم اتصلي فيهم شوفيهم لي وينهم
ريم: ان شاءالله يمه، واتصلت فيهم حصلت جهاز خالد مغلق ..واتصلت في جاسم بعد الرنه الثالثه رفع: هلاا ريمووتي
ريم: هلا فيك ..جاسم وينك للحين؟!
جاسم: راجع عالبيت ..ليش في شي ؟!
ريم: لا لا ما صاير شي بس امي....امها سحبت منها الجوال ..جاسم بخرعه: امي ايش صاير فيها
مها: ما صاير شي حبيبي وينكم فيه لا انت ولا اخوك
جاسم: الحمدلله ..انا خلص كاني حصلت البيت بس خالد ما ادري عنه
مها: يا ويلي عليك يا ولدي اشلون ما تدري عنه
جاسم: يمه والله مو صاير شي اكيد شوي ويرجع
مها: لا يمه واللي يعافيك روح شوف وين اخوك قلبي قارصني عليه
جاسم تنهد: حااضر يمه بروح ادور عليه
مها: اي واللي يسلمك ربي يحفظكم ان شاءالله ..
جاسم:وإياك ..تامرين ع شي يمه قبل لا سكر
مها: سلامتك حبيبي لا طول
جاسم: ان شاالله يمه انت الحين روحي نامي وان شاءالله ما راح ادخل البيت الا ورجلي ع رجله ..يلا ف امان الله
مها: في امان الله ..وعطت الجوال ل ريم وراحت غرفتها

غرفه ريم» ←
ريناد: شصاير ريم؟!
ريم وهي تطلع على فراشها: خالد وجاسم للحين ما ردو
رنيم: هم كل يوم بهالحال دايم يرجو وش الصبح
ريناد تناظر رنيم وترجع تناظر ريم: طيب اتصلتو فيهم
ريم: إي جاسم رد بس خالد ما حصلته جهازه مغلق ..
ريناد: ما فيهم الا العافيه ان شاءالله ..
ريم خافت من بعد كلام امها وحاله خالد اللي ما يرد: والله قلبي يقول صاير شي
رنيم: اش فيييك انت الثانيه ما فيهم الا الخير وبعدين لا تتفاولين عليهم ..
ريم: ما اتفاول بس والله من جد احس في شي
رنيم: لا لا بس لانهم للحين تأخرو وجهاز خالد مغلق يتهيألك ..
ريم: يمكن!!
ريناد:افتكر خالد طلع يغير جو من بعد اللي صار اليوم
رنيم وريم: اي والله اشلون ما جات ع بالنا
ريم وهي تكمل: بس والله اللي صار اليوم عقلي مو راضي يستوعبه ..
رنيم: والله انا كماان احسن في إن بالموضوع مستحيل حلا تقول هالكلام حق اخووي ما اصدق
ريناد: لا إن ولا كان صدقون حبايبي ابد مو بعيد عن عيال عمي قاسم ..
رنيم: بس هم غيييير عن عمي
ريناد: شنو يعني غير اقولك هذاا ابوووهم ابوووهم يعني اكيد بيطلعون مثله
ريم: بس والله حلُووي ما كانت كذا
ريناد: انتو يبيلكم سنتين لحتى تصدقون ويدش الموضوع راسكم ..
ريم: يعني انتي مصدقه اللي صاار؟!
ريناد: اي مصدقه اصلا بعد اللي صار بيني وبينها اصدق ااي شي هي تقوله وان هالكلام طالع منها ..
رنيم وتنط جنب ريناد: انتو شنو صاير بيناتكم بالظبط
ريناد تعثرت في الكلام لانها ما كانت تبي تذكر الموضوع : ااااه ..لااا ..ولا شي ..شنو يعني ممكن يصير
ريم: ريناد اعرف انك ما تحبين تشكين لاحد ..بس حنا خواات ولازم ندرى عن بعض
ريناد ضاق صدرها: بس والله مابي اذكره ..اصلاا انا نسيته وما عاد احكي فيه وانسو الموضوع
رنيم وريم طالعو بعضهم وسكتو ..
بعد دقايق ريناد توريهم صوره عجوالهاا
ريناد: بناات شوفو هالقصه حلووه موو؟!
ريم ورنيم وهم حاطين ايديهم على صدرهم : ويييييييع ااي قصه
ريناد وهي مستقربه: هااذي اشفيكم الحين قلبتو ريا وسكينه ..
ريم ورنيم: ههههههههههههههه ...
ريم: اي ريا و ههههههه سكينه الله يهداك بس ..ههههه
رنيم: ريناد لا تقولين تبين هههههه تسوين شعرك كذا ههههههه والله ترا يخووف
ريم: هههههههههه مثل الخاروف
رنيم وهي تطق كتف ريم وميته ضحك: ههههههههه كفووو. والله جبتيهاا ..
رينااد: يلااا عاااد بناات عن المسخره انا اخذ رايكم تضحكون ..وتمثل انها زعلانه ..
ريم وهي تضحك:لا رينااد من صجك تبين تسوين شعرك كذي تراا والله حراام ..
رنيم: اي والله حده ماسخ وبعدين انتي مش قلتي ما تبين تقصينه مره ثانيه ..
ريناد: اي بس والله تعودت كل مره اقصه غير .مااا اقدر
ريم: لاااا تكفين رنوووود .. لا تقصينه والله شعرك طويل كذاا حلوو
ريناد: بس احسه مره طاال قرب يوصل نهايه ظهري انا داايم متعوده اقصه لين كتفي
رنيم: عشاان خاطري رنووده اصبغي راح يطلع احلا بدل القص
ريم: ااي سوي له تموجات بالاشقر يكون مايل عالبني عشان عدساتك خضر مايل عالزيتي كتيييير راح يطلع جنااااان عليكي ..
ريناد: والله ...خلص بكره بما انه الجمعه نروح نصبغه
ريم ورنيم: اوكي ..
ريم: يلا بناات روحو نامو وانا بعد راح نام الوقت تأخر وما بقى للفجر غير ساعه ..
طلعو على غرفهم بدلو ملابسهم ونامو ...
البنات) ريم 22سنه مرررره طيوبه طبعها هادي وحساسه شوي رشيقه تحب تعيش عمرها واحلى ما فيها ابتسامتها جسمها حلو ومنسق طولها متوسط بشرتها بيضا وناعمه وعيونها وساع شعرها طووويل مررره تحت ظهرهاـ تخرجت من كليه اللغات
ريناد: 20سنه ثاني سنه لها بالجامعه تدرس تنميه +علم النفس هالبنت عندها شخصيه ما يهزها ريح ..روحها رياضيه مرحه ..كتومه ما تقول مشاكلها حق احد تحب تحتفظ بأسرارها لنفسها وهي تعالجها ..حلوه جسمها منسق بس مليان شوي بس مو مدبدبه هههه واحلى ما فيها غمازاتها وعيونها الوسيعه وعدستها الزيتيه
رنيم 18سنه مررره برئيه وكيووت ملامحهاا هاديه بس فيها يجذب يسحر الواحد هههه وجهها دائري شوي وخدودها زهريه شعرها اسود وناعم لين نهايته ظهرها
خالد اكبرهم27سنه عالي وجسمه رياضي مره وسيم له غمازه على خده الايمن بشرته حنطيه يخقق بس ما عنده بهالمواويل همه عمله حياته مثل الساعه مثل ابوه متفوق دايما والحمدلله ما يحب يعتمد على احد حتى لو ابوه كون نفسه بنفسه بس في الاخر يظل زراع ابوه اليمين
جاسم 24سنه يشبه اخوه بس بشرته بيضا وشعره طويل لين رقبته مرح وله شوي غرور تخرج من كليه الهندسه وبعد اصرااااار منه ابوه وامه قرر يشتغل
الوليد "ابوخالد "56سنه رجل طيب و حليم والكل يحب بس ينطبق عليه المثل "احذر من الحليم اذا غضب "من اغنى رجال الاعمال وله عده شركات شخصيته قويه له هيبه بين العالم والناس
مها"ام خالد "45سنه جدااا مثقفه حنووونه وطيبه حيييل تحب عيالها وابو عيالها وتخاف عليهم من نسمه الهواء..
ــــــــــــــــــــ
ڤله القاسم "ابوحمد "
حلا وهي متقطعه من كثر البكي: اااااه ليش ياا غلا ليش
غلا وهي حاضنتهاا وتبكي معها: قضاء وقدر حبيبتي لا تبكي خلااااااص حررااام اللي تسويه في نفسك والله حراام انت من العصر تبكين
حلا:وهو ما حرامه عليه يسوي فينا كذي ..لييييش؟! وهي تصرخ ..حنا موو بناااته ليش انا بالذات خصرت كل سي يا غلا كل شي خصرته اليوم اااااه يااربي
غلا: تكفين حلاا عشاان خاااطري سكتي والله قطعتي قلبي استغفري ربك يفرجها لك "ومن توكل على الله فهو حسبه ".. اذكري الله
حلا ومن بين بكاءها: ياااارب ..ياااارب ..
غلا وهي تبكي : هذا ابونا ابد ما راح يتغير طول عمره وهو كذا ما يسوي شي عشاانا متسلط حتى في ابسط الاشياء اللي تخصنا وما يسمع ل احد اللي يقوله هو اللي يمشي وملي امرك ل ربنا وتفكين هدي خلااص والله ما فيني اتحمل اشوفك كذي تعذبين حالك
حلا: ليش ما يحبهم ..ولا مره اذوه ..ودايم يحبون له الخير ويدعوله ..عالاقل عشااني
غلا: وعسى ان تكرهو شئ وهو خير لكم "
حلا وهي هدت شوي ومن بين شهقاتها : بس.. هذا خاااا..لد ياا غلاا تعرفين ..شنوو يعني خاالد ..
غلا: اي والله اعرف بس كل شي كاتبه ربنا يصير
حلا: حسبي الله ونعم الوكيل ..
غلا: قومي معي توضي وصلي ركعتين وتعي نامي ..قامت وسوت مثل ما طلبت اختها وبعدها ارتاحت شوي ورجعت فراشهاا ونامت ..طلعت غلا من عندهاا وراحت لغرفتهاا
امهم كانت واقفه عند الباب وتسمع كل شي وتبكي بصمت ما في يدها شي تسويه: ما اقوول غير الله يهديك ويلح حالك يا ابو حمد وصلت لهالدرجه خلاااص الفلوس عمت عيونك ..متى تفووق وتصحى حق نفسك ..آاااه حسبي الله ونعم الوكيل ..حسبي الله ونعم الوكيل ..وراحت غرفتها
عائله القاسم ابو حمد:
ابو حمد 52سنه رجل مره متسلط وما يحب غير نفسه وفلوسه وحياته كلهاا سفرات وشغل ما يهتم ابد لعياله
امينه "ام حمد"43سنه مررره طيبه وتحب عيالها ما عندهاا شي في الدنيا اغلى منهم تناظر الله ثم تناظرهم وهم اللي مصبرنهاا على فعايل ابوحمد ولولاهم كانت زمااان راحت لعند والدهاا ..
حمد 27سنه درس في الخارج وهم بعد اشتغل في الخارج طب في "بريطانيا ـ لندن "مأجر شقه وجالس فيها ..عالي وجسمه رياضي بشرته بيضا ومره طيب
حلا 21سنه ثالث سنه لها في الجامعه مرره حساسه "كله من عمايل ابوهم الله "وحنونه وهاديه ..اسم على مسمى ملامحهاا حلوه جذااابه شعرهاا طويل اسود لين نهاية ظهرها
غلا 18سنه نفس اختها الطباع والشبه تحب المزح والهبال شوي بس هذاا كله عشان تدخل البسمه في اللي حواليهاا مره كيوت وحبابه ..

ــــــــــــــــــــ
(إحدى الشاليهاات)
صوته كله نوم: ماااازن ..لوين رايح بهالوقت؟!
: نازل عالبحر شوي
: بهالوقت مو صاحي ..اليوم الجو بادر وبعدين الامواج عاليه ..
: ومنو قال ابي اتسبح انا ابي اروح اتمشى لين يأذن وراجع، يلا اتخمد ونام
: إيه اتخمد احسن لي ـ ورجع يكمل نومته
مازن كان يتمشى وهو يحاكي نفسه تنهد بتعب: آااااااه..الأوجاع والذكريات تزاحمت إي والله، عدت اشتاق للذكريات اكثر من اصحابهاا، وقلبي ما عاد فيه يتحمل لا للهوى ولا للشووق، تركت لي مسؤليه كبيره يا يبه؟! عقلي مشطوب وما اعرف اشلون اتصرف ..
لمح شي من بعيد وكأنه ريال مستلقي عالارض: إش فيه هذا؟! ..لا يكون نايم "رد نفسه ..إشلون بيكون نايم بهالطريقه .."لا يكووون .."فتح عيونه من الصدمه للاخر "مغمى عليـــه ..وصار يركض لين وصله ..ياااارب لطفك ..وهو يرفعه يتحسس عليه نبضه ينبض: معنااه حي للحين ما ماات الحمدلله ..طلع جواله واتصل عالاسعاف واتصل على رفيقه ...
مازن: احمد الحقني ..
احمد:..مازن اش صاير؟! نزلت البحر
مازن: ااووووه عن الخرابيط ويلا انزل ..في ريال لقيته مغمى عليه
احمد: بسم الله الرحمن الرحيم ..مااات
مازن: لا الحمدلله حي بس كله يلاقي صعوبه في التنفس يلااا تعالي سريييع وصحي معك علي
احمد وهو يقوم: إي إي يلااا الحين جاين ..

.
.
.
نهااااااااايه الباارت ..
ان شاالله يكون عجبكم ؟! وما تنسو تفيدوني بأراكم واقتراحاتكم ..
البارت قصير بس اذا لقيت تفاعل راح نزل اكثر بإذن الله
انتظروووني في باارت قاادم بأحداث اجمل ":-)


آخر من قام بالتعديل توتا كيوت; بتاريخ 24-11-2017 الساعة 10:32 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-11-2017, 01:38 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


السلام عليكم
بداية جميلة والاحداث شكلها حماس
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-11-2017, 03:49 PM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
بداية جميلة والاحداث شكلها حماس
يعطيك العافية
وعليكم السلاام حبيبتي ..
عيونك الاجمل ^^ ..والله انك حمستيني اكثر ..
وعشانك اليوم المساء ان شاءالله راح نزل البارت الثاني

واشكرك على متابعتي ^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-11-2017, 03:49 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


وعليكم السلاام حبيبتي ..
عيونك الاجمل ^^ ..والله انك حمستيني اكثر ..
وعشانك اليوم المساء ان شاءالله راح نزل البارت الثاني

واشكرك على متابعتي ^^

مشكورة على كلامك وانشري رابط الرواية بين الاعضاء
واتمنى لك التوفيق
وبانتظار البارت باذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-11-2017, 05:16 PM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


السلااام عليكم
اشلونكم اليوم؟!
بعتذر لامس اني وعتكم وما نزلت البارت الثاني :-(
حصلت لي ظروف ..

بس الحين راح نزلها ان شاءالله :-)
يلا خليكم جاهزين لأن في احداث ان شاءالله تعجبكم ;-)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-11-2017, 05:18 PM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


البارت الثاني:


....في إحدى المستشفيات....

مازن كان يلف ويدور ..يلف ويدور
احمد وعلي جالسين يناظرونه ويرجو يناظرو بعضهم

احمد تكلم: مازن واللي يخليك اجلس تراك دوختني
مازن وظاهر عليه التوتر: ما قادر اجلس لهم ساعتين في غرفه العمليات وللحين ما طلعوو ..
احمد: ترى توك تعرفه يعني لو واحد تعرفه وش كنت بتسوي هههه؟!
مازن عطااه نظره تسكته
علي دفه بكتفه: ترى مو وقت سماجاتك البايخه الحييين
احمد وهو يوطي صوته: والله من جدي احكي
علي: حتى ولو الريال الحين روحه بين ادين ربنا وحالته ما تطمن
احمد: اووه قلت لك ما كنت اقصد وبعدين شنو يعني ما قلت شي غلط
علي: ادعي له وانت ساكت احسن لك قبل لا اقوم اكفخك
مازن كان سامعهم بس مو فاضي يرد عليهم سكت ومشي عنهم ..
بعد ربع ساعه طلع الدكتور من غرفه العملياات وشكله ما يسر "يارب استر "
مازن وعلي واحمد ركضو عنده
مازن: دكتور بشر ..عساه طيب؟!
الدكتور "مصري ":مين فيكم اخوه؟!
احمد وعلي: آاااه ..
مازن بسرعه: انا دكتور ..انا اخوه.
الدكتور: طيب تعال معايا المكتب
مازن مشى وراه ودخل معه المكتب
الدكتور: اتفضل "وهو يمد يده عالكرسي يعني اجلس "
مازن جلس: ها دكتور طمني!!
الدكتور ناظر فيه ورجع تكلم: للاسف انا مأدرش اطمنك على حاجه دلوقتي "انا ما اقدر اطمنك على سي الحين الترجمه هههه "
مازن ستين علامه استفهام فوق راسه: اشلون يعني
الدكتور: يعني احنا عملنا اللي علينا والباقي في ايد ربنا انت ادعيلو وان شاءالله يتحسن
مازن: يعني في امل يتحسن
الدكتور: خلال 24ساعه معرفش .. احنا عملنالو شفط لان كميه كبيره من الميه دخلت في رئته والسبب دا خلاه ميأدرش يتنفس ودقات القلب بطيئه جدا بس مستقره انتو ادعولو وان شاءالله يرجعلكو سالم ..
مازن بعد صمت دقيقتين رد: آمين ..وطلع من عنده وراح للشباب وخبرهم باللي قاله الدكتور ..
احمد : الله يكون معه
مازن وعلي: آمين يارب ..
رجعو الثلاثه عالشاليه وقررو يرجعو له الساعه 8ونص لان سبعه الزيارات ممنوعه ..

ــــــــــــــــــــ
جاسم في خاطره : هذا من؟! له ساعه يمشي وراي
جا بيلف بس حك عالفرامل مره غبر الطير حيث اللي وراه ما يشوف قدامه وشد عالسرعه وضيع الي كان يلاحقه: إي الحين افتكيت منك ..
ما ترك محل وما دور على اخوه فيه تعب وهو يفر في الشوارع دخل علي اقرب مسجد في طريقه وصلى الصبح ودعاء ربه يحفظ اخوه وبن ما كان ..وكان كل ما يتصل فيه يلقى جهازه مغلق حتى رقمه حق العمل وهذا اللي خلاه يخاف اكثر، لأن خالد مو من عوايده يترك جوال العمل مغلق..رجع عالبيت وكانت الساعه 7والكل ينتظره في الصاله..
جاسم: السلاام عليكم..
الكل: وعليكم السلام
الوليد: وين اخوك ما اشوفه معك؟!
جاسم: والله رحت اي مكان ما لقيته ..
مها: اشلوون يعني ما لقيته وين راح خالد ياربي؟!
ريم تقوم وتجلس يم امها وهي تحط يدها على كتف امها: يمه لا تخافين ان شاءالله بيرد لنا سالم
مها: اشلون ما اخاف وهو من امس مو مبين ولا حتى اتصل طمنا عليه ..
رنيم وهي تناظر جاسم اللي جالس يمها وعيونها خلاااص شوي وتدمع: جسوم اشلون ما لقيته يعني وين بيكون رااح؟!
جاسم يحضن اخته:حبيبتي لا تخافين انت ادعيله وان شاءالله بيرد
رنيم وهي بحضن اخوها وعيونها تدمع: ياارب تحفظه..
الكل: آمييين ياارب ..
ريناد: يبه ..
الوليد يناظر بنته وينتظرها تكمل ..
ريناد: ليش ما تخبر الشرطه وهم يدورونه؟!
الوليد: ما راح يدورون الا تتم 24ساعه على اختفاءه ..وهو يقوم ويشيل جواله: انا طالع واذا ما رد للعصر انا راح بلغ الشرطه يدورن عليه وان شاءالله يلقونه والله بديت اقلق عليه يلا مع السلامه ..
الكل: في آمان الله ..
جاسم طلع غرفته ينام شوي من امس وهو ما نام والبنات ضلو مع امهم شوي وبعدين كل وحده راحت غرفتها وبالها مشغول عن اخوها
جسيكا: ماما اجهز ريوق
مها وهي تقوم: لا جيسكا ما لنا نفس
جيسكا: اوكي ماما وراحت تشوف شغلها ..مها طلعت غرفتها وهي حالتها حاله خايفه على ولدها ودمعه تسبق دمعه "ترى هذي الام دايم بالها مشغول في عيالها ..الله يحفظ امهاتنا وامهات المسلمين يارب "..

ـــــ غرفه جاسم ــــ
دخل الحمام اخد شاور وبدل ملابسه جفف جسمه لبس بنطلون طويل لونه رمادي،مع فانيله بيضا بدون اكمام طلع من الحمام شغل التكليف وانسدح عالفراش وتلحف زين جا بينام دق جواله ..
جاسم: اووف منو اللي متصل بهالوقت؟!
رفع جواله ولقاه صديقه: هههه هذا شنو اللي مصحيه مبكر اليوم ..رسل له رساله واتس آب "شنو المصحيك بهالوقت ارجع نام ولا تزعجني ترى حدي تعباان و ابي اناام لمعلوماتك اليوم الجمعه وحط له سمايل القرد اللي حاطي يده على فمه "ضحك مع نفسه وحط جواله سايلنت ونام ..
.
.
.
(في المستشفى)
الساآعه 8:30
مازن واقف يناظر عليه من الشباك ويدعي له ..شافه الدكتور وجا له ..
الدكتور: صباح الخير ..
مازن لف له: صباح الخير دكتور ..ها كيف حالته اليوم؟!
الدكتور تبسم له: مافيهوش غير العافيه وحالتو استقرت والحمدلله ..
مازن:الحمدلله ..طيب ليش للحين ما صحى ..
الدكتور:...لان دلوقتي ماخذ بنچ
مازن: بنچ؟!
الكتور: إي بينچ ..امس وهو في البحر شكله انضرب في رجله بشي واليوم الصبح رجعنالو الكسر وعملنالو قبص وساعه زمن حتلقاه فايق ان شاءالله ..
مازن: ان شاءالله ..يعني ما راح يقدر يتحرك ..
الدكتور: في حدود شهر بيكون اتحرك انت بس ادعيلو ..
مازن : يارب ..وجا بيمشي ناده عليه مازن: دكتور
الدكتور: نعم!!
مازن: طيب .."بعدها تذكر وسكت "
الدكتور: في حاجه يا استاذ؟!
مازن: لاا مافي شي اسف عطلتك ..
الدكتور ابتسم له : ما تتأسفش دا واجبناا ..ربت على كتفه: ربنا يرجعهولك معافى ..وراح على مكتبه
مازن: آمين يارب ..وفي خاطره "انا اشلون كان ابي اسأله عن اهله واسمه؟! الحين وش كان بيقول عني الدكتور ..ههههه ومصري بعد كان بلشني ..استغفرالله يارب ..طيب هو ما حكاله شي؟! ...لا لا ما اعتقد اكيد الدكتور كان قالي ..اووف انا شنو واقف اكلم نفسي احسن انزل تحت اكل شي حدي ميت جوع "ونزل ...
اتصلو له احمد وعلي وطمنهم عليه وقالهم بيصى بعد ساعه ...
بعد عده دقايق اتصلت فيه"ديمه"
بعد السلاام والسؤال عن الحال ..
ديمه: مزوون ..
مازن: عيونه
ديمه: تعال خذني ابي ارجع بيتنا ..
مازن: ديووم حبيبتي والله انا ابي ارجعك بس اخااف ..سكت ما عرف شنو يقولها
ديمه دمعت: اعرف منو شنو خايف ..بس ما اقدر اعيش بعيد عن بيتنا ..وهي شوي تبكي: ابي ارجع الله يخليك ..
مازن: طيب جدتي مقصره معك في شي وبعدين انت تعرفين دوامي يعني ما ارجع البيت الا بعد المغرب
ديمه: ما مقصره فشي ربي يخليها لنا ..واعرف انك تتأخر بس لي شهرين هنا والله طفشت ..
مازن: .......
ديمه: مازن الله يخليك تعال خذني ..
مازن: خلاص حبيبتي ان شاءالله بكره بعد المغرب انا عندك ..
ديمه: وليش مو اليوم ..
مازن: والله ما اقدر اليوم انا بالمستشفي
ديمه خافت: بالمستشفي؟! ليش؟! ومن متى
مازن: ههه شوي شوي ..الاول مو انا في احد لقيته طايح وساعدته وللحين ما ادري عنه منو هو ومن وين ..
ديمه تنفست براحه: الحمدلله والله خفت عليك يكون صاير لك شي وانا ما ادري ..
مازن تبسم بحب وكأنها شايفته: بعدين بحكيلك ..الحين تجهزي عشان بكرا ما نتأخر ..ان شاءالله
ديمه: اصلا جهزت كل شي قبل لا اتصل فيك ..
مازن: ههههه يعني مخلصه ..
ديمه: هههه اكيد ..يلا طيب ما اعطلك بااي ..
مازن: باااياات ..
قفل منها وطلع يشوف المريض لأن ما تبقى شي للساعه 10تجي واكيد بيكون صحي ..
.
.
"بريطانيا ـ لندن "
حمد: تفضل واحلى قهوه لآحلى سلطان ..
سلطان: تسلم ايدك يا احلى حموود ..
حمد: هههههه اي تتنظر ..
وجلسو يشربون القهوه بالبلكونه ..بعد دقايق تكلم سلطان:انا حجزت بكرا
حمد: من جدك؟!
سلطان: من متى وانا امزح ههههه
حمد: هههههه طيب ليش ..
سلطان: شنو ليش المعهد وخلصته
حمد: طيب اجلس شوي ما لك يومين مخلصه ريح حالك اسبوع وبعدهاا سافر ..
سلطان وهو يناظر له ويرفع حاجب:اقووول.. انت لا تلف وتدور جيبهاا على طول
حمد: هههههههه والله اللبيب بالاشاره يفهم ..
سلطان: ياخي لي سته شهور هني ما زهجت مني ههههه
حمد: انت سلطااان عمي الغاالي اشلون تبيني ازهج منك
سلطان وهو يرمي له الكتاب اللي بيده: عمى بعينك..وهو يقلده "عمي الغالي "ولا كأني اكبر منك بثلاثين سنه ..
حمد: ربي يسهل لك ..والله راح اشتاق لك ولعصبيتك ومزاجك المتقلب ههههه
سلطان: وانا بعد والله بس تدري اخوي لوحده هناك وبصراحه اشتقت للديره والاهل ..
حمد:اي والله ربي يساعده ..انزين الساعه كم الحضور؟!
سلطان: الساعه 8مساء..يعني بصل الفجر هناك ان شاءالله ..
سلطان شاف على حمد كأنه ضاق خلقه: حمد ..إشفيك ضاق خلقك؟!
حمد: شنو اقولك يا سلطاان غير الحمدلله على كل حال
سلطان:انت الحين مؤجز ليش ما تسافر معي طيب
حمد قام من الكرسي وهو يناظر الشارع دخل يدينه في جيوب بنطاله: لا احسن لي هنا ما ابي اروح ويضيق خلقي اكثر
سلطان وهو يقوم ويوقف جنبه: وشنو عن امك وخواتك اللي كل ما يحاتوك يقلبونها مناحه ..
حمد نزل راسه لتحت:ترى والله انا بعد كل يوم يضيق خلقي اكثر وانا بعيد عنهم ياا سلطان افهمني ما ابي ارجع
سلطان: من قالك ارجع ..سافر لهم عالاقل اسبوع سلم عليهم وتعال رااجع ما فيها شي ..
حمد تنهد:آااه اسلون تبيني اسافر وكل ما اروح ابوي ما يعطيني وجه وكأني مو ولده كيف تبيني اقعد وهو مجرد ما يشوفني يطلع من البيت ..كييف علمني .."خانته دمعته وتدحرجت على خده "
سلطان حط يده على كتف حمد: هونها وتهوون،ربك كبير وبعدين ما تقدر تسوي شي هذا ابوك وهذولا امك وخواتك اللي مالهم غيرك ..
حمد: وعشان كذي انا حالتي حاله كل ما اقرر اروح لهم اتذكر معامله ابوي لي وما اقدر اروح ..
سلطان: اسمعني يا حمد ابوك هو ابوك، واذا عن حركاته ترا هو مع الكل كذا ما معك بس، حتى خواتك يعانون منه، اوقف معهم وما عليك منه وادعي الله انه يهديه ويصلح حاله ..
حمد لف له وابتسم: راح فكر ..
سلطان: قرر ما تفكر،ترى ما يبيلها تفكير،انت لك سنتين هنا وما شفتهم،هم سبب بسمتك للحياه ووالدينك ربنا راح يسألك فيهم واصلهم يا حمد وخلي همك ل ربنا..
حمد ناظر في سلطان اللي واقف يكلمه وهو بعد يحتاج من يواسيه ..
حمد: اسف والله ما كان قصدي اذكرك بالماضي ..
سلطان:ما صار شي وانت قلتها ماضي يعني ما لي ليها رجعه غير للذكريات ..بس انت تقدر ترجع ..
حمد: ان شاءالله ..بس مو الحين
سلطان ويبي يلطف الجو اللي تكهرب ضربه بوكس علي كتفه بخفه: بعد كل هااااذااا وتقول مو الحين ياربي انا وش اعمل معك اكثر من كذاا
حمد: ههههه اعملي عصير ..والله ما اقدر الحين ابي ارتب نفسي وبعدها بخبرك ان شاءالله انت بس ادعيلي
سلطان: ربي يوفقك ..بعدها توجه كل واحد فيهم يجهز لصلاه الجمعه ..

"سلطان اخو الوليد والقاسم وعنده اختين "مريم ومشاعر "عمره 29سنه طيب وحنون ومررره وسيم .شخصيته مره قويه مثل اخوه..مب عشان ابوه وامه توفو يربيه عاللين ابد،! كان مبدأه الدين ونهجه والشجاعه والخشونه..الي الان كانو وما زالو الوليد وزوجته يعتبرونه مثل ولدهم مو اخوه او اخ زوجها ل"مها"وهو يعتبرهم مثل امه وابوه ..وهو يعتبرهم مثل امه وابوه اللي ما عاش معهم ولا شاف حنانهم وحضنهم
توفت امه وهو عمره سنتين ومن بعدها ابوه اللي ما عاش كثير بعد وفاة زوجته ..
.
.
(في مستشفي ال..)
مازن وهو يفتح الباب: الحمدلله عالسلاامه اخووي
: الله يسلمك، انا وين؟! وكيف جيت هنا ..
مازن هو يبتسم له: انت بالمستشفى "وحكي له ايش صار معه "
......"كان يسمع عليه وهو يتذكر ليله امس لما كان عند البحر ": إااي تذكرت ..بس ما كنت اسبح ..كنت امشي وفجأه طحت ووقته ما حسيت ايش صار معي ..انت كنت هنيك؟!
مازن: لا انا كنت اتمشى وشفتك مغمي عليك واتصلت عالاسعاف..
....:جزاك الله خير
مازن: وجزاك،..وسكت شوي وعرفه عن نفسه وبعدها سأله عن اسمه ..
:انا ......
.
.
.
(جناح جاسم)...
ريم دشت الجناح فتحت غرفته، مرره بارده بسبب التكيف الرخام من تحتها ثلج،شافته نايم على ظهره واللحاف لين نصه يعني جسمه كله للمكيف
ريم: التكيف للاخر وجسمك كله كاشف الحين راح يجيك زكام بهالحاله ..جااسم، جسوووم
جاسم ناايم ولا سامع شي ..راحت طفت المكيف، رفعت الستاير تسللت اشعه الشمس عنده، ضغط عينه ولف للجهه الثانيه، جت وجلست عند راسه وهي ترفع شعره اللي طاح على عيونه: جاسم جسوووم يلا حبيبي قووم
جاسم: هممممم..
ريم: يلا حبيبي قووم ..جاااسم يلااا عااد كافي نووم
جاسم وصوته كله نوم : سكري الشباك ابي انام اشوي
ريم: قوووم الصلااه راح تفوتك
جاسم فتح نص عين: كم الساعه الحين؟!
ريم: إحداش ..
جاسم ورجع سكر عينه: تو الناس بعد نص ساعه صحيني
ريم: جسوووم يلا عاااااد والله تعبت وانا اصحيك
جاسم: طيب دلكي شعري شوي ..
ريم وهي تضربه على خفيف: عن الدلع ويلا قوم ..
جاسم:اهون عليك يعني مو شايفتني اشلون تعبان وجسمي مرهق ..
ريم: ههههه والله حلوه جسمي مرهق عجبتني
جاسم للحين مغض عيونه وهو يبتسم له: راح اكثرلك منه ..
ريم: يلا انا بطلع وانت قوم اخذ شاور والبس ..ما ارجع واشوفك ناايم ..
جاسم: خلود للحين ما رجع
ريم حزنت على اخوها المختفي ومو مبين من امس: لا والله ما رجع ..وطلعت من جناحه
قعد جاسم وهي يحاتي اخوه اللي مو مبين من امس وين بيكون راح ..دخل الحمام "انتو والكرامه"وطلع لبس دشداشته وشماخه والساعه، تعطر وجاي يطلع
: اوووه نسيت الجوال ..رايح يشيله لقى اكثر من عشر اتصالات من رقم غريب
:منو هاذا ..ورجع يتصل فيه يمكن شخص مهم وبعد الاولي رد: الو سلام عليكم ..اي انا جاسم حياك ..منو ..اي ..لا ما وراي شي .."وحس كأنه بيوقع من الصدمه "قلت من؟! ...خااااالد اخووي ..اوكي مسافه الطريق وانا عندك ..جزاك الله خير يا اخوي وما قصرت ..الله يسلمك ..
قفل منه وعالسررريييع نزل ..امه كانت في الصاله ..بس ما انتبه له ما مصدق اللي سمعه ..
مها:تعال تريق يمه اشفيك مسرع
جاسم:بعدين بعدين يمه
مها وهي تناظر البنات: اشفيه اخوكم
كلهم ناظروها انهم ما يدرو شي
ريم: الحين كنت اجلسه يصحي كان زين ما ادري والله
مها: اللهم الطف فيه ..
.
(إحدي المجمعات)
كان يتمشي هو صاحبه وهم يعاكسون في بنات الناس ويغازلونهم ..ولا كأنهم عندهم خوات
االاول: ههههههه والله وطلعت مب هين ..
الثاني وبكل غرور: اعجبك ..اصلا انا ما ابيها خطبتها عشان اكسر هذاك ابوها اللي نافش ريشه وعشان ابوي عنده معه شغلات يبي يسويها، يعني الشغله وما فيها لعب في لعب
الاول: يستاهلون واكثر من كذا بعد محكرين فلوس العالم عندهم ويفتكرون ان ما حد يقدر عليهم
الثاني: ههههه "رد وكأنه مافي احد اكبر منه "بس المره هااذي هم اللي محتاجيلنا ..
الاول: وهذاك المغرور شنو تبي تسوي فيه؟!
الثاني هو يضحك بكل استفزار:هههه تقصد خالد؟!
الاول: ومن غيره بيكون شايف نفسه ما ادري على شنو
الثاني وهو يناظر بنت واقفه قدامه من فوووق لتحت :داواه عندي!!
الاول: سمعت انه مختفي
الثاني: مختفي؟! شف تجبلي مكانه وين ما كان حتى لو تحت الارض السابعه فااهم
الاول "وهذا اللي ابيه هههه "وهو يناظره ويبتسم: انت تأامر أمر

.
.
.
.
نهاااايه الباارت اتمني يكون عجبكم واستمتعتو فيه:")

ايش اللي صاير علي خالد واللي يخليه ما يبين للحين؟!
اللي في المجمع عن منو كانو يحكون ووش يبون من خالد ؟!
وياترى بيلقونه قبل جاسم؟!
ايش حكايه مازن؟! والمريض اللي بالمستشفي
والاتصال اللي جا لجاسم ياتري عرف منه مكان اخوه ولا؟!
وسلطان وحمد؟!

شنو توقعاتكم لهذا الجزء ...
كونو قراب لآن :")
.
.
مازالت روايتنا معقده .،!
انتظروني في الباارت الثالث حتي نعرف كل تفاصيل احداث اليوم ;-)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 27-11-2017, 02:47 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


السلام عليكم
البارت يجنن
والتوقعات ماادري وش اكتب الاحداث معقدة بس ابدعتي
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 27-11-2017, 04:55 PM
ام الشوق شخصيا ام الشوق شخصيا غير متصل
©؛°¨غرامي جديد¨°؛©
 
11302798202 رد: رواية قدر ما قهرني الزمن كان الأمل دوم مضويني / بقلمي


البارت روووووووووووعه تسلميلي يالغلا باين من البداية ان روايتك جنااان واتوقع انو الشخص يلي لقاه مازن هو خالد اخو جاسم xxxxxxxxxxxxx ننتظر البارت الجديد على نااااار xxxxxxxxxxxxx فديتك ياعسل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 27-11-2017, 04:58 PM
ام الشوق شخصيا ام الشوق شخصيا غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


يلا يا عسل متى الباااااارت حمستيني الاحداث الجديدة لاتتاخرين علينا بليييز😍😍

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 27-11-2017, 07:04 PM
توتا كيوت توتا كيوت غير متصل
©؛°¨غرامي جديد¨°؛©
 
الافتراضي رد: رواية قدر ما قهرني الزمن كان الأمل دوم مضويني / بقلمي


اقتباس:
المشاركة الأساسية كتبها ام الشوق شخصيا مشاهدة المشاركة
يلا يا عسل متى الباااااارت حمستيني الاحداث الجديدة لاتتاخرين علينا بليييز😍😍

هلا هلااا حبيبتي "ام الشوق "نورتي روايتي
تسلموووون لي ياارب ♥

هههههه ترا توقعاتك تخووف طيب وين توقعات الباقي
/هههههه .."ان شاء لما البارت ينزل نعرف مين اللي مازن انقذه "😉
اعذروني ما اقدر انزل البارت الثالث اليوم
بكرا معي جامعه غايه الخميس بس لعيونكم راح
حاول اكتبه في الايام اللي جايه ..

"اسيره الهدوء"
تسلمي يا قلبي ذوقك اللي يجنن "

وبصراحه ما كنت اعرف انهاا راح تعجبكم كل هالقد
والله حمستوني مع ان مافي متابعين كثار
وانتو على راسي من فوووق
وان شاءالله الجاي يعجبكم اكثر

كل الحب إلكم..💝💝


آخر من قام بالتعديل توتا كيوت; بتاريخ 27-11-2017 الساعة 07:09 PM.
الرد باقتباس
إضافة رد
الإشارات المرجعية

رواية قدر ما قهرني الزمن كان الأمل دوم مضويني / بقلمي

الوسوم
////////////
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية جفاف وردة بيضاء في رُكن الذكريات / بقلمي ضِياع ، روايات - طويلة 347 الأمس 01:39 AM
رواية : قلت لك بنساك بس الزمن ما نساني | بقلمي عاشقة وهمم روايات - طويلة 32 06-10-2017 03:02 PM
رواية اكرهك ! \ بقلمي Ms.marioom روايات - طويلة 117 23-06-2017 06:11 PM
رواية ليتني مثل الرسائل في ثواني اوصلك عشان اقلك كلمتين يا حياتي اشتقت لك / بقلمي بـنـت الـسـلـطـنـةة روايات - طويلة 148 16-01-2017 02:09 AM
رواية /كلي ملكك ، بقلمي Maryooma013 روايات - طويلة 19 07-08-2015 03:34 PM

الساعة الآن +3: 07:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1