اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 26-11-2017, 02:03 PM
aloo aloo غير متصل
©؛°¨غرامي مشارك¨°؛©
 
الافتراضي رد: سهام الحب/بقلمي


يجننن البارت والله تسلم اناملك ايوه حلو موعد البارتات في انتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 26-11-2017, 08:30 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب/بقلمي


اقتباس:
المشاركة الأساسية كتبها aloo مشاهدة المشاركة
يجننن البارت والله تسلم اناملك ايوه حلو موعد البارتات في انتظارك
يسلمو لمرورك البارتات كل اثنين وخميس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 27-11-2017, 11:01 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب/بقلمي


[SIZE="5"]مساء الفل

شكر خالص وحبه معطره بالذهب لكل من زار روايتي

عاشقة السرااب+عاصفة الجمر+aloo

البارت الثاني

يا حبيبي فيك ظني ما يخيب
لو حصل من بيننا صد وجفا
شمس حبك في عيوني ما تغيب
وفي حنانك يا بعد عمري وفاء
فيك معنى الحب يا روحي يطيب
صادق شوقك وشوقي صفا
لو تروح بعيد من قلبي قريب
في غرامك هام قلبي واكتفاء
في غيابك مشتعل مثل اللهيب
ومن عرفتك شوق قلبي ما طفاء
صدق إني وافي يا أغلى حبيب
صادق ما فيه مثلي بالوفاء


اليوم التالي

نزلت من سيارة جدها وهي تبتسم له بمحبة واحترام كبير/خلاص يالغالي اكلمك يوم ابي ارد.

بمحبه خالصه/ان شاء الله يا بنتي انتبهي لنفسك انا بروح بيت خالتك صارلي كم يوم ما شفتها.

ببسمه حنونه/الله يحفظك.

دخلت الحديقه وابتسمت تغيرت بس شجرة التفاح بعدها مكانها راحت عند الباب ودقت الجرس فتحت لها الشغاله/صباحو ريسا.

ريسا ببسمه/غولدي.

ضحكت وهي تلمها بحنان بعدها تذكرها ودوم تتواصل معها علي الفيس اكثر حتي من اهلها طلاق ابوها لامها سبب شرخ كبير بينهم وحتي بعد وفاة امهم ما سال عنهم .

ببسمه/شلونك وشلون بناتك؟

ريسا بفرح/بخير يا بنتي عساك الهابي.

ضحكت علي كلامها وهي تسال عن اهل البيت لتسمع صوته وهو ينزل الدرج وهو يحكي جوال/طالع الحين انتظرني.

قفل جواله وناظر تلك الواقف بجنب ريسا ورافعه نقابها ليشتت نظره حتي لا ينظر اليها وقال بصوت عالي/منار منار.

بسخريه/تنادي زوجتك عشان تسلم علي اختك.

رفع نظره اليها بطولها وجسدها النحيل وخدودها المحمره وهي تخلع عباتها وشعرها الاشقر يتبعثر علي كتفيها ليهتف/شمس.

ابتسمت بهدوء وهي تهز راسها/لا ذهب.

ابتسم لها بمحبه ليكشر بعدها وهو يهتف/واللي يسلمك ذهب اذا عندك لي معزه تطلعين الحين من البيت.

رفعت حاجبها باستغراب وهي تري القلق في عينيه/ماجد شفيك صاير شيء والا ذي استقبال اختك بعد اثنا عشر سنه؟؟

جيت بوقت غلط جيتي لموتك يا ذهب/قالها بحده.

بهدوء/تري انا ما احب الالغاز تكلم قولي وش فيه انا جايه اليوم مو عشان اهرب من المواجهة.

وقفت بنص الدرج وحطت ايدها علي فمها بالم سويتها يا ماجد وتزوجت علي سويتها ويوم ناظرت لذيك الحرمه عرفت انها ما عندها اي امل جدامها فهي اقل ما يقال عنها انها فتنه.

فتلك العيون الخضراء ورموشها الكثيفه وشعرها الاشقر يارب لا استطيع تحمل هذا الالم يارب.

انفتح الباب ليدخل اثنان بطولهما الفارع ليقفا مدهوشين لثواني ليغضا البصر سريعا ويهتف ماجد/يبه بدر.

ابوه/وحطبه يا مسود الويه هذي سواياك جايببلي وحده كافره لبيتي روح يا ماجد....

قاطعته بهدوء/شلونك يبه؟

اقتربت منه بهدوء وهي تقبل راسه ويده باحترام ليضمها هو الي صدره بالم فقد اشتاق اليهم كم تمني الذهاب لهم ولكنه بقي اسير وعده لوالده فهو قد تمزق بين ابوه وبناته اشتم رائحتها العطره شكثر حلوه يا يبه عسي الله لا يحرمني منك.

احست بالراحه في حضنه وهو يمسح علي راسها ويسمي عليها بحنان نظرت اليه ببسمه ورفعت اصبعها لتمسح دمعه يتيمه نزلت من عينه اليسري لتهمس/فداك روحي يا بوي لا تزعل واللي يسلمك يبه.

يبه

يبه

وشكثر اشتاق يسمعها منها ومن شمس التفت يبحث عنها لترد عليه هي/شمس ما اجت باكر توصل مع خالي رائد ان شاء الله.

بهدوء/بتستقرون هنا؟

ايه/قالتها بهدوء

ليتنهد براحه واخيرا اقتربو منه ويستطيع ان يراهم كل يوم او حتي كل اسبوع طبع قبلة علي راسها /راح تتعشين عندنا الليله ...وراح غرفته.

ابتسمت لبدر اللي عفس ملامحه ضحكت وهي تقرب منه وتبوس راسه/شلونك يا بدر...لتهمس...ذاك اليوم الظروف ما كانت تسمح اعرفك علي نفسي.

ابتسم لها وهو بدوره يقبل راسها/انتي ذيك الحرمه اللي لمتني.

هزت راسها بالم موجع لا اريد تذكر تلك الليله.

ليشعر بوخزه الم وهو يتذكر ما حدث الان في المجلس فجده غاضب لان ابنة عمه بعدما رفضته رفضت ايضا ابن خاله امام الشيخ واحرجتهم وستكون اخته هي كبش الفداء .

يا ولد

سمع صوت جده ناظر ماجد بخوف كانه يقول له خبيها ليقترب منه ماجد ويمسك عضدها ويجرها معه/تعالي معي بدون صوت.

لا تتحركي من هنا الين يروح جدي طيب بعدين افهمك/قال هالكلام وانحني ليقبل راسها بحنان ساحق.

بندر بندر يا مسود الويه تعال فضحتوني جدام الناس/قال ابو بندر هالكلام بحده.

بدر تنهد بوجع فجده كانه يكره والده لا حول ولا قوة الا بالله ليكمل جده/انفضحنا جدام الناس وين اودي ويهي الحين ها الملاك بعده هنا والرياييل بيون عسي تجيب الهنديه تتزوجه والا والله غاضب عليك دنيا واخره0


تنهد بندر ونظرات زوجته المسانده وكانه تقول له اصبر/بس يبه المشكله بينك وبين خالي تنحل بدون زو....

جب جب ياللي ما تستحي/قالها بقسوه.

بندر اوجعه قلبه ولا يستطيع الرد عليه فهو والده

قال بحده ابو بندر/خالك ما عنده بنات والا زوجته واحد من عيالك الرخم ما عنده الا الولد ولو متزوج عادي اذا ما صار الليله لا انتي ولدي ولا اعرفك.

انا اتزوجه

التفت الجميع لمصدر الصوت ونظرات ماجد وبدر غاضبه وكانهم يقولون لها لا لا ليش طلعتي من مكانك.

الجد بصوت ساخر/بنت الهنديه.

بفخر /ايه بنتها وافتخر بعد الهنديه جابت عيال ما نزلو راسها للارض مثل بعض الناس.

حمر عيونها فيها بغضب وش اللي تقصده ذي وش اللي تعرفه البنت ذي ولكنها لم تنزل عيونها واكملت بثقه/الستر زين يا جدي.

دخلت حرمه وهي ترفع نقابها وهي تناظر ابوها الغاضب واخيها الله يا ابوي متي تنسي ومتي ترحم ولدك متي الله يسامحك يا بوي الله يسامحك.

الجد وهو يطلع من الباب/الملكه الليله والعرس الخميس والا الهنود وش لهم عرس.

جلس بندر علي الكنبة بتعب وهو يهمس/سامحيني يبه سامحيني

لتقترب منه بكامل قوتها وثقتها لتقبل راسه وتمسك بكفه وتقبله ايضا/يبه انا بنتك ضلع من ضلوعك روحي فداك يالغالي ولا تظن اني زعلانه لا وحتي لو زعلانه برضي بس اهم شيء راحتك يالغالي.

لياخذها في حضنه وسط دموعه ودموع زوجته واخته التي تمنت لو ان لها فتاه مثلها رغم كل شيء ها هي الان تقف مع والدها.

ماجد ضرب ايده في الجدار بغضب ليخرج من المنزل مسرعا فهو لم يعد يستطيع ان يتحمل اكثر من هذا يكفي انه هو اجبر علي ابنة عمه ولا يستطيع تقبلها.

دق جوال بدر برساله من فهد واللي كان يسال شصاير مع جده وش اقولك وش اخلي يا فهد خلي اللي بالقلب بالقلب.

بتظل مشكلتنا انه نحنا عيال بندر وانتم عيال وضاح الغالي يارب صبرك.

++++++++++

بعد ساعتين بمجلس ابو بدر

كانوا عيال جالسين غصب بدر راسم علي وجهه بسمه باهته اما ماجد فواضح عليه عدم قبوله باللي صاير الحين.

فهد كان يناظر عيال عمه بقلة حيلة جده ما يرحم ابدا بس لو صقر موجود الحين بس وينه راح شغله من زمان.

ناظر ولد عمته اللي ما تفهم شيء من معالم ويهه دومه ولد الشاهر كذا.

خال ابوه كان واضح انه متوتر اكثر منهم وهو يناظر الباب وولده اللي تاخر حيل ليرن جواله وعبس اكثر وهو يقرا الرساله اللي وصلته.

ابو بندر/خير يا ابو مفلح عسي ما شر؟

حك لحيته بخوف/الشر ما يجيك بس السموحه يا ابوبندر ولدي ما يبي يتزوج علي حرمته .

طعنه

طعنه

طعنه

احسها ابو بدر طعنه بقلبه قدام كل هالرياييل بنته وهو كل عياله وش ذا الموقف البايخ وش هالكسر كسر ذا شموخه.

انا بملك عليها

التفت الكل له وهو يقول بفخر/بنت خالي الف من يتمناها وهي دانه وابيها حليلة لي ما كنت ابي افجر حلف جدي بس دامه ما يبي بنت الشيوخ انا ابيها.

بندر تنهد بداخله براحه وبدر تمني لو انه يقوم حق شاهر يبوس راسه ماجد خرج من المجلس بهدوء.

فهد هز راسه براحه لان شاهر سبقه لانه كان سيقول ما قاله هو بس هي من نصيبه هو.

+++++++++

ماسه

ماسه

رجعي جوالي يا بنت/ وقفت تلهث وتلك الاخري اختبات خلف الشجره وهي تضحك بفرح وكانها عادت طفله صغيره.

ناظرت وري شجرة العليق كانه فيه باب هتفت بهدوء/مزون تعالي ناظري كانه باب.

ما سمعت ردها بس حست بالجوال ينسحب من ايدها.

+++++++++

دخل معصب والجنون راكب راسه ناظر امه وعمته واخته وزوجته قرب من ذهب بحنان ساحق وهو يهتف/الحين لو تقولين ما تبينه والله ما ياخذك علي موتي ولد الشاهر.

استغرب الجميع لتهتف امه/ليش يمه شصار بالمجلس؟

بغضب عارم وحاول يسيطر علي صوته عشان لا يعلي علي امه/ولد ابو مفلح بعد اللي سواه صار يموت في زوجته وما يبي يتزوج عليها عشان كذا ولد عمتي طلب جدام الكل يتزوجها بس ما ياخذها غصب.

امه حست بالخوف تخاف يصير شيء وتعرف انه علاقته مع ولد عمته مو ذاك الزود مع انهم كانوا بيوم اقرب من الروح للجسد.

ذهب بهدوء وعقلانيه/الحين يا ماجد انت ترد شيء في اخلاقه صلاته او دينه او اي شيء.

بامانه/لا ما ارد فيه شيء واللي بتكون زوجته حظها من السما بس مو بالغصب.

تنهدت بالم داخلها وقالت ببرود/ومنو قال اني مغصوبه ولد عمتي ريال وما بلاقي احسن منه بس عندي طلب بسيط.

هو لك/قالها بسرعه .

اقتربت منه لتقبل راسه بحنان/ابي جدي يحضر الملكه ممكن تخبر ابوي يتصل عليه وبعد يا ماجد شغلي ماراح اتركه ..هز راسه بنعم لتعطيه رقمه.

طلع ماجد لتجلس وهي تحس نفسها مثل الكوره كل واحد يقذها للاخر يارب عفوك.

حست بعمتها تحك ايدها علي فخذها/الله يكملك بعقلك يمه .

ابتسمت ببهوت وهي تاخذ جوالها لتكتب بوست وتعود لتغلقه وتضعه علي الكنبة.

+++++++++++

دق الباب ليدخل منه رجلا بالثلاثينات نظر الي كاسر بحده وبعدها سلم علي ولد اخته اللي كان خايف يصير شيء يدري خاله ما يطيق كاسر ما يدري ليش.

نواف/الحمد لله علي سلامتك يا ولد اختي.

سعود بهدوء/الله يسلمك .

سلم علي كاسر وهو رافع خشمه بس كاسر ما سوي له سالفه وظل جالس بمكانه بكل هيبه وشموخ/وابتسم وهو يسمع صوت جواله ليخرجه وهو يقرا الرساله علي الفايبر/تدري ان الروح ما تغلي عليك00ان دعيتها جت تلبي الدعوه.

نواف كشر علي ابتسامته وتمني لو يمحيها من وجهه ذا وعيونه العسليه اللي تبرق فرح يبيها تبكي دم بدل الدموع.

++++++++++

دخلوا من الباب مع بعض وناظرو البيت كان حلو وحديقته تجنن بورود من جميع الانواع والاصناف والوانها الزاهية.

ماسه بهمس/مو كانه اللي نسويه عيب .

لترد عليها/ما تشوفين انه وجود الباب ذا غريب بين بيت عمتي وذا البيت تتوقعين بيتهم.

ماسه بخوف واستغراب/منو؟

لوت بوزها/تدرين منو خلينا نرد احس من يجي احد ونطيح بمصيبه ادري فيك ما يجي منك الا المصايب.

استغربت انها ما ردت عليها وهي تناظر الجوال وساكته قفلت الباب اللي كان يفتح من عندهم وقالت باستغراب/شفيك ديمو؟

مدت لها الجوال بعيون دامعه ومتؤلمه لتقرا ذاك البوست/

ما ظنيت بيجي يوم املك علي غيرك
بس الظروف اجبرتني

فتحت عيونها واتصلت بها علي طول هزت راسها لماسه انها ما ترد/وش سو فيها وش سو فيها؟

ماسه /دامها كاتبه كذا يعني بارادتها وافقت مو مغصوبه.

بحده/او وافقت بارادتها وهي مجبوره شلون تركناها تروح لهم.

من بين دموعها/ممكن خيره لها يا مزون شوفي كم ردت من عرسان ممكن كذا احسن تعيش حياتها عسي بس يطلع ولد ناس.

مزون اتصلت لرابع مره لم ياتها اي رد لتصلها رساله من جدها انه معها ليطمئن بالها قليلا/جدي معها.

+++++++++++

هدي هدي تعالي/كانت تنادي اختها اللي طلعت من المطبخ تسبقها بطنها الكبيره وهي تقول بعتب/شفيك نهال خرعتيني يا مال العافيه؟

بصدمه واضحه علي ويهها/شاهر اخوي تزوج قصدي ملك علي بنت خالي.

وجع ان شاء الله لا يكون مني/قالت هالكلام بقهر وهي وهدي يناظرون نهال بحده.

لتضحك وهي تقول/بتاكلوني يمه منكم لا مو مني بنت خالي بندر بناته من مرته الثانيه.

نهله توام نهال قالت/اي وحده فيهم؟

نهال بهدوء/ذهب.

هدي بهدوء وهي تجلس بمساعده نهله/اخر مره شفتها ممكن عمرها عشر سنين اعتقد انها بعمركم او اكبر.

نهله بحسبه صح/يعني عمرها 25 سنه ...

نهال ببسمه/حتي لو ثلاثين اهم شيء افتكينا من بنت عمكم والله كل ما اتخيل انه اخوي الوحيد بيتزوجها اموت قهر.

نهله بسخريه/ومنو قال انه ذي بتكون احسن؟

نهال وهي ترفع شعرها/اقل شيء ما نعرفها مو عايشين ومتربين معها ومانها بنت قارون تري انا معاد متحملتها وتري بيت خالي مسويين عشا وماما تقول لازم نجي.

هدي تنهدت/انا ما اقدر؟

نهال بهدوء/ابوي كلم مساعد وسمح لك تروحين توه الغالي مكلمني.

نزلت دمعه علي خدها لتمسحها نهله وهي تهتف بغضب/لا تزعلين نفسك عشانه اذا هو ما يبي زعل خواته فانا بعد ما ارضي علي زعل اختي انتي حامل ومو زين لك التوتر دخلتي شهرك صح.

هزت راسها بالم/ايه مستحيه حيل تخيلي يجيني الطلق ويوديني ابوي او شاهر.

نهال قربت منها باست راسها/يا قلبي يا هدو ما عليك من احد وان شاء الله ريلك الخايس بيحس علي دمه ويعرف انه ما يقدر يستغني عنك.

بوجع مكبوت/قدر يستغني عني شهر كامل تعبت من امه وخواته بس ما ابي اشرد هالولد لانه الشعور ذا صعب الله يعين.

+++++++++

في المطار صارلهم ساعه من وصلوا وجالسين ينتظرون سعود بس اللي كان موجود باستقبالهم كاسر زوج مزون .

ليقترب ويسلم علي ابو سعود وهو يبتسم/الحمد لله علي سلامتك عمي انتي والاهل.

رائد ببسمه مشرقه/الله يسلمك اتعبتك مزون ليش وين سعود.

ليهتف بمحبه خالصه لها/تعبها راحه ...ليهمس بصوت مطمئن جدا/عمي سعود سوي حادث بس والله العظيم ما به شيء خطير كسر بايده اسبوعين ويفكه.

لمعت عينيه بخوف وهو يتذكر قلق وخوف زوجته قبل ركوبهم الطائره فهو قلب الام الذي لا يخطئ ابدا.

اخذ حقائبهم في العربه وهو ياشر لهم علي مكان السياره.

مرجان تهمس لشمس/والله لو مزون بنت عمي هنا كان فقعت لذيك البنت عيونها ما تستحي شلون تناظره.

شمس بضحكه وهي تناظر البنت/ايه والله صدق لقالو اللي استحوا ماتوا بس اهم شيء الريال تراه ما يشوف بالدنيا الا مزون مثلها هي ما تناظر غيره عسي الله يجمعهم علي خير.

مرجان/اشتقت لهم الساحرات.

لتضحك/وانا اكثر اكثر خالتي اتعبوها البنات ناظريهم يبون الحين شوكلت.

كادي بهدوء/ابي سنكرز

سالي/وانا ابي باونتي

ضحكت عليهم بهدوء وهي تهتف/وش تبون بعد؟

كادي /جده جلسي ارتاحي ونحنا ننتظرلا عشان نشتري عصير ويهك مصفر.

ابتسمت لهم بحنان وهي تتجه للكراسي وتناظرهم عسي الله يعطيهم ايام مثل برائتهم يارب اشتاقت حيل حق عيالها وبناتها صح ذهب وماسه عيالها بالرضاعه بس لهم معزه مثل مزون وسعود وجاسر ذلك الفتي العنيد.

+++++++++

دخل ماجد غرفته ليجدها تجلس علي الاريكه بعيون دامعه ما قدر يتقبلها فرضت عليه وهو لا يحب الاجبار وبعد ما يدري وش يسوي ثلاث شهور وموب قادر حتي يطالع ويهها.

اخذ ثيابه وتسبح علي السريع وطلع من الغرفه بدون اي كلمه فهذه حياتهم منذ مده او الاصح منذ تزوجا.

مسحت دموعها بالم مو قادرة تتحمل خلاص كانها رجل كرسي او كانها فازه مو لاقي لها بال ابد ولا حتي معبرها.

وياخذ كل حقوقه منها بس ببرود

الين متي يا منار الين متي.

+++++++++

اخذت جوالها واتصلت بمزون لياتيها صوتها القلق/غولدي شفيك اتصلت بيك اكثر من مرة ما تردين وجدي يقول انه عندك؟

صوتها الحنون هدد بنزول دموعها لتهتف بالم/تزوجت.

حل صمت لتخترقه مزون بحنان مصفي/خيره ان شاء الله يا عمري والف مبروك بس عاد انا زعلانه ما ناظرت وشلون وقعتي وشلون كان ويهك واهم شيء ما اعرف ريلك لا كذا وايد.

لتبتسم هي الاخري/ليش قالولك انا مزون وهو كاسر.

ضحكت /فديتهم يارب عسي الله لا يحرمهم من بعض..لتكمل بجديه/تري امي وابوي والبنات في الطريق تبيني اقول لهم او تجين انتي وتخبريهم؟

تنهدت/خبريهم انتي زوزو.

لترد بحنق/مالت عليك انزين ما احبه الاسم ذا.لتقفل الجوال في وجهها.

ضحكت بخفه وهي تناظر الجوال لتسمع صوت يقول/عساها دوم.

التفتت الي ماجد ببسمه ويبدو وسيما جدا لكن مسحة الحزن في عينيه لا تعرف سببها/اجمعين يا اخوي.

ليجلس بجانبها وهو يهتف/الحين اكيد ندمتي انك فكرتي تزورينا صح.

هزت راسها بالنفي/بالعكس سعيده انه قدرت اساعد ابوي لانه جدي ما يرحمه ابد.

باستغراب/انتي تدرين ليش جدي ما يحب ابوي صح.

بهدوء/ايه اعرف...

ابتسم لها /شخبار شمس؟

ببسمه اكبر/الحمد لله بخير تزوجت وتطلقت وعندها توام بنات راح تعشقهم اول ما تناظرهم بس عندهم لسان مثل المقص.

ابتسم وهو يتخيلهم/ما اظن تربية شمس دام لسانهم طويل كانت هاديه حيل.

قالت وهي تفتح جوالها وتتصل فيديو لياتيها الرد بعد دقائق/غولدي.

ابتسمت من كل قلبها /سويتي اشتقت لكم حيل.

ردو ببسمه/ونحنا بعد حيل حيل وين باقي الماسات.

بضحكه/بالبيت.

كادي بضحكه/غريبه مو طالعين معك...لتكمل سالي/وين انتي؟

ضحكت علي تحقيقهم /فيه احد يبي يتعرف عليكم؟

كادي/تزوجتي من ورانا صح؟

بلعت ريقها/ايه...هذا خالكم يا قلبي خالو ماجد وجهت له الكاميرا.

لوح لهم بايده وهو يقول ببسمه كبيره/هلا.

سالي ببسمه/هلا خالو وايد وسيم انت اكيد البنات وراك مثل الفراش.

انفجر بالضحك علي هذه الصغيره/خالك متزوج يا عمري.

كادي بنص عين/عندك عيال؟

هز راسه بلا وهو مبتسم بنات اخته لذيذات جدا وجميلات يشبهون ذهب اكثر من امهم التي لا يذكر ملامحها جيدا.

سالي/غولدي بنروح الحين كاسر بياخذنا بتلقي مزون عند الباب.

ضحكت وهي تقفل الخط لتسمعه يقول/عسي الله يحفظهم بس ليش يقولون لك غولدي.

ببسمه/ذهب بالانجلش غولد ويدلعوني غولدي.

بهدوء/ادري سؤالي مو وقته بس ليش تطلقت شمس.

بهدوء/مشكله صارت مع خواته وامه صدق اهله وكذبها هي وطردها من البيت حتي يوم خبرته عن حملها او بالاصح خبرت اخته قالت لها اخوي لا يبيك ولا يبي عيالك البنات ما يعرفون شيء الا انهم اهلهم ما تفاهمو وكل واحد عايش لحاله ويعرفون بعد من ابوهم.

توه بيتكلم بس قاطعه صوت اخوه يقول/ذهب تعالي المجلس.

ابتسمت له وهي تقول/لبسي مو مرتب بقابله كذا يعني.

ماجد يناظرها باعجاب بنطلون اسود وبلوزه زرقاء بلون عينيها ووجهها خالي من المساحيق/عشان ولد العمه يناظرك علي الطبيعه عشان ما يقول اخدعوني وبعدين انت كذا تخبلين شلون لو رتبتي لبسك علي قولتك بنشوف جلمود الشاهر قلبه يدق.

ضحكت مع بدر وتعرف انه يحاول يخفف توترها

ليهتف ماجد/بدر تري تعرفت علي بنتين راح تحبهم حيل.

ناظره باستغراب وهو يروح مع اخته للمجلس وقفت وما قدرت تتحرك تحس كانها داخله للسجن حاسه انها للحين بحالة صدمه ومو مصدقه عقلها بعده مو مصدق انه اللي صار الحين صح.

بدر مسكها من ايدها بهدوء ليدخلا وهي تحاول التماسك جلست بجانب بدر وهي تسمع صوت يقول/شلونك يا بنت خالي؟

الصوت مو غريب عنها رفعت راسها لتصدم بمن هو جالس ما قدرت حتي ترد وهي تنزل عيونها وش المصادفه ذي وش هي اجبرت نفسها علي الرد بهدوء/بخير.

ليخرج بدر ويتركهم لم تعلم بخروجه هي بينما هو ظل يراقب تحركاتها وصدمتها حين راته وكانها تعرفه/ذهب جدي يبي العرس هالخميس بس راح يكون بعد اسبوعين عشان نجهز حالنا نحنا الاثنين.

دماغها لا يعمل سوي الصدمه التي تلقتها منذ قليل وهي تنظر الي وجهه لا تستطيع الرد ولم تستطع التنفس حطت ايدها علي صدرها وهي تبحث عن الهواء.

وقف وهو يناظرها كانها مو قادره تتنفس حط ايده علي كتفها/ذهب ذهب.

ناظرته بوجع وهي مو قادره تتنفس

سدحها علي الكنبه وهو يقول بهدوء/حاولي تتنفسين بهدوء.

اشرت له انها مو قادره تتنفس ليقترب منها وهو يضع شفتيه علي فمها تنفس اصطناعي لم يجدي نفعا الا في المره الرابعه اخرجت نفس بقوه جدا وهي تتاوه.

همست بهدوء/ابي اروح بيتنا.

هز راسه بالايجاب لينادي بدر ويطلب منه احضار عبائتها واغراضها لبست عباتها وغطاها ونقابها ورفعته عن وجهها الين تركب السياره تنزله لتهمس لبدر/اعتذرلي من الكل لازم ارد البيت الحين.

ابتسم لها وهمس بخفوت/تروحين مع شاهر عادي.

بخفوت/مو زوجي وبعدين لازم اتعود يعني ايه بدر خذ خالتي باكر تسوي تحاليل واضح انها تعبانه ولو تبي مر علي اروح معكم.

بهدوء /طيب.

ركبت سياره شاهر اللي كان ينتظرها وقفلت الباب وهي تسمي بالرحمن ناظرته يعطيها قاروره ماي شربت منها القليل.

بهدوء/ادلين بيتكم؟

همست /ايه.

سمعت صوت جوالها لتصدم بالاسم اللي علي الشاشه وترد بسرعه/جاسر جاسر.

ببسمه/عيون وقلب وروح جاسر.

ضحكت بقوه /كذا كثير علي تري ما اقدر وينك يالقاطع ما تسال ولا ادق متي ترضي علينا واترد البيت.

بهدوء/راضي من زمان شخبار الكل؟

شاهر مستغرب منو اللي تكلمه كذا مو انه شاك فيها لا بس اسلوبها وابتسامتها ما ينكر انها حلوه بس الجمال مو كل شيء ويوم تبتسم بعد يزيد جمالها .

ردت/مثل ما تركتهم الجديد سعود سوي حادث وهو الحين بالمستشفي وانا تزوجت.

صمت من جهته وهي سكتت بعد لعده دقائق لدرجة انه شاهر ناظر جهتها خايف انه تجيها بانيك اتاك بعد.

لتبدد هي الصمت/يلا تعال عشان ندور لك عروس سعود بعدنا ندور له عاد ارجع انت بعد عشان ندور لك ونسوو عرس جماعي.

اوصلت له الرساله التي كانت تريد ايصالها واقفلت الخط.

ابتسمت تحت نقابها وهي تسمعه يقول/ابي رقم حسابك عشان انزلك مهرك.

بهدوء/ان شاء الله.

قالت له الرقم بهدوء وهي تسمع صوت جوالها وكان رقم التوام لتتحدث لغه اسبانية/¡Buenas tardesls/مساء الخير.

ابتسمت فقد اشتاقت لهم كثيرا/يا قلبي انتم اشتقت لكم حيل وصلتوا البيت.

ضحكت عليهم حيل لتردف/طيب انا بوصل البيت لا تدخلون الا يوم اوصل طيب لا يشوفونكم قبلي تري انا خالتكم.

قفلت الجوال ببسمه محادثتها مع التوام غيرت مزاجها

قال وهو يلف بالسياره/عيال منو ذيلي؟

ببسمه/عيال اختي شمس.

ماشاء الله تزوجت شمس/قالها بهدوء.

لتهتف بهدوء/وتطلقت.

رد بهدوء/الله المستعان.

تنهدت بهدوء وهي تتذكر لقائها الشفاف والحلو مع اخواته خصوصا التوام فبشاشتهم رائعه واسلوبهم ساحر يبدوا ان احداهما محيره حق صقر ولد عمي هذي الجمله المتخلفه وكانها شاه بسوق.

متي يتغير منظور البعض والا جدها ما نسي بعد كل ذي السنين وقلبه بعده معبي بالحقد والوجع.

+++++++++++

سهام الحب[/SIZE]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 28-11-2017, 06:04 AM
aloo aloo غير متصل
©؛°¨غرامي مشارك¨°؛©
 
الافتراضي رد: سهام الحب/بقلمي


التؤام يجننو حاسه ان اخت طليق شمس ماقلت له ان شمس كانت حامل وذهب تزوجت يمكن حصل لها موقف مع شاهر لانها تفاجئت لما شافته بارت رائع وحنا في انتظارك

الرد باقتباس
إضافة رد
الإشارات المرجعية

سهام الحب/بقلمي

الوسوم
الحب , حلوة , رومانسية , رواية , سهام
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عاصفة قبل الحب/بقلمي المجد 7 روايات - طويلة 50 25-10-2017 10:24 PM
الوقوع في الحب/بقلمي misskitkat90 روايات - طويلة 1 13-04-2017 01:02 AM
غارقات في دوامة الحب/بقلمي تآيه دلوني روايات - طويلة 13 31-05-2016 02:37 AM
رواية إنتقام الحب/بقلمي؛كاملة الـكاتبه : إيـم الـعتيبي. روايات كامله - يتم نقل الرواية هنا بعد اكتمالها 76 16-02-2016 11:00 PM
رواية أحبك حب فوق الحب/بقلمي الهدوء المجهول من اين روايات - طويلة 8 02-01-2016 12:39 AM

الساعة الآن +3: 12:17 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1