اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-11-2017, 10:31 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
Uploadfef5c031fd سهام الحب/بقلمي


السلام عليكم ورحمة الله

عدت بعد غياب طويل ومرير بعد معاناة كبيرة بعد الم وفقدان توقفت عن كتابة روايتيتن لاني لم اعد استطيع الكتابه ولا الاكمال لانها موجعه لي ومنهكه

وعدت اليوم في رواية تتحدث عني ربما

روايتي حصريه لمنتديات غرام
لا احلل من ينقلها

اتمني ان تعجبكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-11-2017, 10:38 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب


يضيق الكون في عيني وأشوفك في خيالي
كون أشوفك كلّما أغفى لأنّك حلمي السّاهر
أحبّك في تفاصيلك
، أحبّ أسلوبك المجنون أحبّك في طلوع الشّمس،
أحبك يا أمل باكر أشوفك داخلي أطفال مع ريح الفرح يمشون
أحبّك في ابتسامة طفل إذا ناديت يا شاطر
أحّبك يا صدى صوت بأحاسيس الهوى مشحون
أحبّك يا ربيع أخضر،
أحبّك يا شتى ماطر أحبّك لذّة السكّر،
أحبّك ريحة اللّيمون
أحبّك في قصيدة شوق كتبها في الهوى شاعر


البارت الاول

رفع راسه وهو يشوف احد يحط ايده علي كتفه ابتسم لولد عمه اللي قال له/شفيه الحلو سرحان لا تقولي بعدك تفكر فيها؟

اكذب عليك لو اقول لا/قالها وهو يفرك جبينه.

بضحكه حلوه/شسوت فيك الانسة مجهوله؟وبعدين هذي وحده ما عندها سحي شلون تلمك وهي ما تعرفك ولا تصير لها قلة ادب وصدق لي قالوا اللي استحو ماتوا.

بهدوء/ما لمتني بس حطت راسها علي كتفي.

بضحكه قويه وهو يناظره بنص عين/وش بقي يعني تبوسك السالفه صار لها اكثر من ست شهور وانت بعدك علي ذكراها يا اخي شكلي بهون عن خطبتك لاختي وانت بالك مع اخري.

بنظره حاده/لو ناظرت عيونها يا فهد وشفت كمية الالم الوجع كانها خسرت كل شيء بحياتها وما ادري ليش حسيت اني ابي اضمها ابي اريحها من وجعها.

فهد باستغراب/استغفر ربك يا بدر وش ذي السوالف ترانا مسلمين ما عندنا ذي السوالف والله يستر عليها من ما كانت تكون يارب.

حل صمت لثواني ليقطعه بدر وهو يقول/فهد ممكن انت ما عندك خبر بس اختك رفضت الخطبه وهالشيء وصلني مع عمي.

ظل فهد يناظره وهو مبهت وبعدها امتلت ملامحه غضب بس بدر حط ايده علي كتفه/ما فيه شيء بالغصب وانا اخوك وتري ما به شيء تغير بينا ونحنا اخوان وبنظل وعادي تري بروح ادور علي اميرتي.

فهد ببسمه مكتومه/لو لقيتها قولي عشان انحرها.

بدر ببسمه ما يبي علاقته العميقه مع ولد عمه تخرب بسبة بنت عمه/انت كذا جلف وش انحرها ذي شاه هي والا بس ترسبات عيد الاضحي وبس تبي تنحر.

ضحكوا الاثنين بقوه وكل واحد يخبي الكثير وري ضحكاته ذي.

ردت الستاره مكانها وهي تهتف لاختها بغضب/انتي صدق حماره اكو وحده بعقلها ترفض الدكتور بدر بعيد عن انه ولد عمنا تري مستحيل تحصلين ريال مثله انا اللي متزوجه اخوه واشوف معاملته مع امه ومع الكل تدرين اللي بتاخذه ذي حظها من السما بس انتي ما ادري شفيك تخبلتي يا مني تخبلتي.

مني وهي تبرد اظافرها/ مناركيفي انا اللي بتزوج والا انتي ابي اتزوج علي كيفي.

منار بسخريه/لو تفكرين بولد خالتك فانسي الموضوع من اساسه لانه حتي لو يا وخطبك ابوي واخواني مستحيل يوافقون.

مني ببرود/حيوافقون.

منار بصدمه/يعني رفضتي بدر عشانه اه يا مني شكثر راح تتندمين وقولي اختي قالت .

مني ببروده/كاهو انتي متزوجه واحد ما يبيك وعايشه عادي وانا باخذ اللي ابيه.

منار اوجعها هذا الكلام ناظرتها بالم واخذت نقابها وعباتها وطلعت من غرفة اختها ما تشوف جدامها من الدموع صدمت باحد ما تدري منو .

رفعت راسها ناظرت صقر اخوها ارتمت في حضنه لاول مره منذ دهر ترتمي في حضنه فهو حنون لكنه لا يظهر حنانه تحسه يعاملهم ببرود.

ظل واقف بمكانه وهو منصدم من حركتها بعدها صوت نحيبها ليمسكها من كتفيها ويهتف بغضب/شفيك متهاوشه مع ماجد او مني قال الاسم الاخير بحده.

هزت راسها بلا

عرف انه مني قالت لها كم كلمه تغث فاختهم ذي ما تحشم احد ولسانها وش طوله هو لا يحادثها فبعد رفضها لبدر تشاجر معها فاخته هذي غبية جدا كيف ترفض فبعيدا عن كونه ابن عمهم فهو رجل يعتمد عليه ويستطيع ائتمانه علي اخته لكنها غبيه.

ما طلع اليوم لانه خايف من ردة فعل فهد فان كانت رده فعله هو ان اكتفي بالصمت وتجاهلها فهد لن يسكت وبالفعل سمع صوته الهادر وهو يقول/مني مني .

وقف صقر بويه فهد وهو يقول/شفيك تصارخ كذا؟

فهد بغضب هادر/اختك اللي ما تحشم احد رفضت بدر.

ناظره بهدوء/ادري اذا هي غبية واللي سوته انها خبرت ابوي وجدي ومالنا اي كلام بعدهم اتركها يا فهد تراها بتتحسف بعدين وبتعض اصابعها ندم لا تدخل عندها وانت حار كذا تنحرها الحين واحنا مو ناقصين .

ضحكت رغم كل اوجاعها

ناظروها اخوانها ليهتف فهد بحنان غلفه بخشونه صوته/شفيك يا اخوك مزعلك ماجد عشان اعلقه لك من ريوله؟

ضحكت بقوه ليبتسما هما الاثنان ابتسامه خفيفه وهي تهتف/يوم ابيك تعلقه بقولك يا اخوي.

ناظرتهم بحنان وقالت/صقر ممكن توصلني البيت.

ابتسم وهو يفهم مقصدها تماما وكانها تريد ان توصل لابن عمهم انها ليست دون سند فهو يعلم هذا جيدا ولكنها كانها تريد تذكيره بهذا الشيء.

+++++++++

نزلت من السياره هي الاولي لتفتح باب الحديقه لتجدها كانها مهجوره الورد ذبلان وميت اوراق الشجر بكل مكان الكراسي متناثره المسبح متسخ بعض الفوط مرميه بداخله وحوله.

ناظرت اخوها اللي كان هو الاخر يناظر الحديقه باسف وخوف ليتجه الي البيت وصار يدق الجرس وقلبه ملهوف علي تلك الساكنه داخله.

قال بهدوء/روحي ناظري اذا باب المطبخ مفتوح؟

ذهبت راكضه وهي ترفع نقابها عن وجهها لتعود بنفس السرعه لاهثه وهي تقول:مقفل الباب.

مزون شصاير/ناظرت بنت عمها بخوف /ما ادري كانه صاير شيء مع عمتي الله يستر بس.

ناظرت شباك وقالت/بنخلي ذهب تدخل من الشباك وتفتح لنا شرايك يا سعود انت تحطها علي كتوفك وبتوصل الشباك كذا اسرع.

هز راسه وهو ينزل لتصعد ذهب وتدخل من الشباك وتفتح لهم الباب ليدخل ثلاثتهم يبحثون عنها في الغرف لتجدها مزون في المطبخ متعبه مرهقة.

لتنادي بصوت عالي/ذهب....سعود....ماسه.

ليدخل ثلاثتهم الي المطبخ بخوف وهم ينظرون الي تلك العمه الحنون ليحملها سعود بين يديه واستغرب من وزنها الذي اصبح مثل الريشه ليسدحها علي الكنبه.

اقتربت منها ذهب وهي تجس نبضها ونفسها وحرارتها المرتفعه لتهمس بخوف/ماسه ابي حقيبتي من السياره؟

هزت راسها وخرجت ليخرج هو ايضا وراءها حتي يدخل اغراضهم.

ذهب تنظر الي مزون بخوف شديد وكانها تقول لها انها متعبه حقا عادت ماسه مسرعه وحين تحققت من حرارتها وصلت الي 40 .

ذهب بهدوء طبيبة/مزون ابي ماي بارد او كمادات اكيد تلقين بالثلاجه المره اللي طافت اشتريت لها ...وناظرت بعدها ماسه/روحي مع سعود الصيدليه ووابي الاشياء اللي بالورقه.

اخذت منها الورقه وطلعت حق سعود عشان يروحون الصيدليه وقفوا عند اول صيدليه ونزلت هي لانه سعود كان حيل مصدع رحلاته كانت وري بعض والكابتن تعبان.

دخلت رمت السلام وحطت الورقه علي الطاوله اخذتها وصارت تسولف مع رفيجتها وهي تناظر رفوف الادويه بعدها دخل شخص الصيدليه ريحة عطره وصلت قبله ناظرت الصيدلانيات الاثنين يوقفون يناظرونه رفعت حاجبها بنات فاضيات وكل وحده تساله وش يبي وهي مستعيله ومو فاضيه حق حركات مراهقات.

ببرود/اختي لو سمحتي مستعيله؟

سفهتها وما ردت عليها ولا حتي ناظرتها

راحت دخلت لمكانهم اخذت منها الورقه وناظرت الرفوف المرتبه باناقه ودقه وكل قسم اخذت كل اللي تبيه وسط ذهولهم واعتراض واحده منهم /انتي شلون تسمحين لنفسك؟

ببرود وهي تمرر الادويه علي منظومه البيع/مثل ما سمحتي لنفسك تاخريني انا مستعجله عندي مريضه تعبانه بلا حركات بايخه.

بحده/اي حركات انتي غبيه.

سفهتها وهي تكمل شغلها.

ناظروها بغضب وحده.

حطت الادويه بكيسه وحطت حقهم علي الطاوله وطلعت وهي ترمي السلام ركبت السياره ناظرته حاط راسه علي الدركسون/سعود يلا يا اخوي.

هز راسه وحرك السياره وهي تهتف بحنان/اول ما نوصل البيت ريح شوي تري كذا تعب عليك.

اللي فيني مو متعب يا ماسه اللي فيني قهر وانا اخوك/خرجت منه الكلمات مشبعه بالالم والوجع.

حطت ايدها علي كتفه وهو يحرك السياره/صدقني ما تستاهلك يا سعود وتري هي الخسرانه اول وتالي اللي عافك عوفه ولو كان غالي شرايك ب مرجان احسها تناسبك وما بتلاقي احسن منك.

وصل عند البيت وظل يتردد الاسم بباله عمره ما فكر فيها ويحسهم مثل خواته بس صارله زمان ما يعرف حتي شلون صار شكلها الا لون عيونها العسلي يتذكره زين يمكن حبه لذيك الخائنه اعماه عن باقي العالم.

ما عنده الا اخت وحده بس يحمد دوم ربه انه امه ارضعت ذهب بنت عمته وماسه بنت عمه مع اخته مزون الثلاثه ذول مثل التوام.

++++++++++++

واقفه عند الشباك تناظر البنت نازله مع شاب بشعر اشقر استغربت منو ذا اللي داخل بيت جارتهم العمه فضه وشعر اشقر بعد حست بايد تمسك اذنها صرخت بالم وهي تلف ناظرت عمها ابوراشد.

احن شخص بالعالم الله ما رزقه بعيال بس ينادونه ابوراشد احترام له وزوجته ياربي مالها اي علاقه بيه ما تحشم احد سمعته يقول/متي تبطلين هالعاده ها؟

ببسمه وهي تحب راسه/افا يا ابو راشد هذا وانا دلوعتك؟

ابتسم بوجع اخفاه وينه راشد الله ما رزقني بيه بس الحمد لله/دلوعتي ما تسوي اشياء انا ما ابيها.

حبت راسه وخده/ما اعيدها يالغالي عسي ايدينك ذي ما تلمسها النار يارب.

كملت وهي تنزل عيونها/عمي اذا عندكم اشغال تري اروح بيت جدتي الين يرد ابوي...

قاطعها بحده/اكيد لا ولا تنسين انه عيال عمك المرحوم عند امي يعني ما بتاخذين راحتك وسط شباب والا تبين تاخذين راحتك مع الحبيب.

اشتعلت خجلا من كلامه وهي تقول بدلع عفوي/عمي.

قرص خدها ببسمه/فديت اللي يخجلون بس تراك مصختيها تزوجي الولد وريحي باله وخلصي دراستك عنده شنسوي الكبار ما يبون يتزوجون والياهل بيتزوج.

بغضب مصطنع/الحين صالح ياهل ان ما خبرته.

ببسمه ساحره/ههههههه طيب يا حصه مرت صالح سوي اللي تبيه.

ناظرته بمحبه وقالت/ليش ما تتزوج؟

انفجر ضاحكا ولم يستطع ان يتمالك نفسه وهو يضحك هو الان في اواخر الستينات وتبيه يتزوج صحيح انه بصحه جيده لكنه ليس حملا لزوجة اخري واللي عنده مكفيه وموفيه فلن يتحمل اخري بطباعها.

حصه بنفسها وش اللي تخفيه وري الضحكه ذي اي الم اي وجع مصفي هذا الذي تحمله بقلبك يا عمي اخبرني علني احمل عنك البعض منه.

+++++++++++

ذهب تهمس لماسه/ناظري بنت عمك اشوي واطير من الفرح.

ببسمه و/الله يهنيها معه يارب ويرزقني بواحد يحبني يارب واعيش معه قصة حب.

ذهب بحسره لا تخفيها عن ماسه لانها هي ومزون الاقرب لها/امين يارب ولا يحرمك منه.

ماسه بحزن/امين تعالي اقولك وش سويت انا اليوم ...حكت لها كل اللي صار بالصيدليه..

ذهب ناظرتها وضحكت/يمه منك قويه وما ينقدر عليك لو كنت مكانك ممكن اطلع اروح مكان ثاني عسي الله لا يحرمني منك يارب.

قلت حق سعود ليش ما يخطب مرجان/قالتها وهي تناظر السما

بلعت ريقها وببسمه/صارت عندنا خطابه بالعيله بس صدق مرجان تليق له وما بيلاقي احسن منها ولا هي بتلاقي احسن منه والعمر يركض ما ينتظر احد.

ماسه /ولازم نقول هالشيء اول حق انفسنا صح.

ذهب بغصه/صحيح ماسه بروح بيت ابوي...ناظرتها باستغراب ماسه بس هي كملت....ذاك اليوم بالمستشفي يوم صار الحادث وتوفي ثلاث اخوان تخيلتهم اخواني او ابوي ما ادري الحياه ما تنتظر احد ولو جدي غلط ابوي ماله ذنب باللي صار ابي بس اقابله واقوله يبه تراك محلل دنيا واخره وبقول للباقي شوفو حفيدة الهنديه وين وصلت.

ماسه ببسمه/الله يرحمها يارب ويغمد روحها الجنة وش فيها الهنديه ورثتنا كل هالجمال والا من وين بنحصل شعر اشقر واحمر واسود كوكتيل يا عمري .

ضحكت غصب عنها وهي تناظر بنت خالها تلعب بشعرها الاشقر الطويل اخذت خرطوم الماي وصارت ترشها.

ببسمه\قد حركتك ذي غولدي تري المطبخ عليك لاني بنظف الحديقه دامني تسبحت ...ركضت وهي تبعد عن الماي.

ذهب ضحكت/تدرين اشتقت حق مرجان وشمس وعيالها.

مزون كانت تبتسم وهي تقول في الجوال/بياري-حبيبي-.

سمعته يرد باستغراب/مزون.

ببسمه اكبر/ليش عندك حبيبة غيري.

ضحك براحه /لا يا قلبي بس ما توقعت اسمع صوتك الحين قلت اكيد حبيبتي النوامه بعدها بسريرها.

ببسمه ساحره/بصراحه مشتاقه لك حيل امس طول الوقت مشغول وما سمعت صوتك الا شوي اشتقت انام علي صوتك.

ابتسم و هتف بمحبه صافيه/بصراحه انا مشتاق انام بحضنك.

غمضت عيونها وقلبها يدق بقوه تاجل زواجهم بسبب وفاة اخوه مو قادره تحكي من كثر ما حست بالخجل والشوق.

ضحك بحنان/فديت زوجتي الخجوله اللي انحاشت مني في قاره ثانية.

بعفويه/بصراحه لا اضمنك ولا اضمن روحي ناسي وش صار اخر مره.

انفجر هنا بالضحك وهو يسمعها تقول هالكلام فقال بخبث/ليش وش صار ذكريني ما اتذكر انا.

بدلع عفوي اسر قلبه/كاسر

لا تقولينها كذا تري ما اتحمل انا/قالها وهو يضحك بعدها كمل وقال/اخوك سعود بالرياض.

بهدوء/ايه بالرياض عنده رحلة ليش شفته.

بهدوء مدروس/لا بس واحد شافه ويقول نسيبك هنا معاه الاهل وهو مومتزوج.

تلقطها يا قلبي ابتسمت بس قالت بهدوء/ايه مع ذهب.

تنهد باسي وتمني لو كانت هي بعد هنا/بزوره اليوم ان شاء الله اتذكرك بعيونه...طيب حبيبي مشغول الحين عطيني ساعتين وبعدها احاكيك وتقدرين تسولفين معي علي الفايبر.

ما تبي تقفل لانها مشتاقه له حيل/طيب حبيبي...احبك.

تنهد بعشق/وانا احبك

قفلت الجوال وحطته بجيب بنطلونها وفتحت ايدينها وصارت ادور بفرح مثل اليهال وهي تضحك بسعاده وتركض وري خواتها بالرضاعه وهي تقول/تري المطبخ صار يلمع ما بقي غير الحديقه يا اميرات.

ذهب بضحكه وهي تحر ماسه/الحديقه عليك.

رفعت ايدينها للسما /يارب ترزقني بزوج يعشقني ويفكني من ذولي الخبلات.

مزون ركضت لها وصارت تقرصها من جنابها وادغددها لتاتي ذهب وتشاركها والاخري تضحك بشده لدرجة انه دموعها نزلو بقوه .

ماسه بضحكه/غولد بس واللي يسلمك حبيبتي.

ناظرتها ذهب بغصه وما قدرت تتحمل نزلوا دموعها وركضت للبيت وعيونها العسليه مليئه بدموعها وقفت ماسه مكانها بوجع كاسح/شفيها؟

مزون بالم تخفيه/يوم قلتي غولد اكيد تذكرت مازن الله يرحمه.

رددت بوجع/الله يرحمه.

كملت بهدوء/تركيها لحالها شوي وبترجع تدرين كل ما افكر انه ممكن افقد كاسر قلبي ينعصر وافكر فيها شلون تحملت طول هالسنه الله يصبرها خلينا انظف الحديقه تري الشركه توصل اليوم عشان المشتل الزجاجي وكل اجهزة التقطير واجهزة العطور عشانك يا عمري وانا بعد اشتقت حق ماكينة الخياطه.

هزت راسها وهي تتحرك لكي ترتب وعقلها مع تلك المتؤلمه هتفت بوجع/تصدقين مزون احيانا اتخيله بيدق الباب ويدخل البيت مثل اول.

ناظرتها مزون بوجع/الله يرحمه ان شاء الله يارب ادعيله بالرحمه تدرين بتصل حق ابوي عشان يجون وبعد عشان نشوف حل حق ولد عمتك ذا عمي بيجي.

ماسه تنهدت/ما ادري امي وابوي بينهم مشكله عشان خالي ومتزاعلين عشان كذا راحوا ماليزيا.

مزون بضحكه/اقوي سعاد بصراحه تعجبني حتي وهي زعلانه يا قلبي عليهم ولا يهمك تراه كل الناس تمر بمشاكل ودامهم ما يبون احد يدري فاكيد انه راح يتراضون احيانا الانسان يكون محتاج مساحه لحاله عشان يقدر يرجع والا تحسبين كل شيء حب وعشق.

ماسه لوت شفايفها/ما جربت.

مزون ابتسمت لها وهي ترتب الكراسي/شو قررتي بخصوص الشغل انا بصراحه شهادة الصيدله بعلقها ببيت ابوي او لو لقيت شغل دوامه مو طويل وانا حرمه ابي عيال.

ضحكت بقوه/من يوم اخذتي ولد الكاسر وانتي فاسخه الحيا يا بنت.

اعشقه/قالتها بحالميه

ببسمه هتفت /انا ما ادري اي شركة اكيد راح توظفني بشهادتي وخبرتي بس ما ادري اذا عشقت بغير او لا.

رفعت لها حاجبها وهي تسمع صوت جوالها ابتسمت وهي تري رقم سعود/هلا حبيبي.

لتسمع صوت احد يتنحنح/اختي تعرفين صاحب الجوال؟

لتهتف بخوف/ايه شفيه صاير شيء؟

ماسه ناظرتها بقلق وهي تاشر لها شصاير وهي الاخري احست بالخوف0

سمعته يقول/صاحب الجوال مسوي حادث وهو الحين بمستشفي ال......

اقفلت الخط قبل ان تسمع اي شيء اخر وهي تهتف بوجع لماسه/سعود مسوي حادث وهو الحين بالمستشفي ماسه خليك مع عمتي انا بروح مع ذهب لاني اعرفها لو ظلت بتنهار قفلي ولا تفتحين حق احد اي احد واذا كلموك الاهل تقولين مزون وذهب راحو مع سعود السوق.

هزت راسها وهي تروح معها البيت والخوف يملا قلبها فهي فقدت اخ ولا تريد ان تفقد الاخر يارب احفظه يارب سلمه يارب.

+++++++++++

ابتسمت الجده لذلك الفتي المشاكس اللي يقول/الحين يا جدتي وش له ما تظل ببيت جدها وتقعد عند عمي اخاف عليها لحالها.

الجده/مسود الويه مالك كلمه عليها الا يوم تكون ببيتك اما الحين مالك عليها كلمه يا صويلح.

قام باس راسها/دام فيها صويلح بنت سالم زعلانه علينا.

بنت سالم تبي تشوف عيالكم يا ولدي كافي اخوانك وولد عمك ذولي اللي معورين قلبي ما فيه غيرك اللي مبرد قلبي يمه/قالتها بسعاده مختلطه بالم.

ابتسم لها/ما باقي علي العرس شيء عاد ابيك ترقصين.

ضربته بعصاته/مسود الويه انا علي اخر عمري ارقص.

غمز لها /يعني ما عاد ترقصين حق جدي كذا راح يتزوج عليك وحده مزيونه.

عصبت الجده/اه يللي ما تستحي يا مال العافيه يا ولد منصور خلي بس يجي ولدي سامي عشان يربيك.

مثل الخوف/الا سامي يمه تراه اطول مني اخاف يسطرني اطير البحرين بعدين انا ابي حقي ليش الطول كله لهم وانا كذا صاير كاني ولد الجيران.

الجده بخبث/لانك ولد الجيران.

سوي روحه مصدوم/خلاص بروح حق اهلي منهم يمه قولي منهم اهلي عشان اروح لهم اقزام مثلي.

ضحكت الجده غصب عنها الولد ذا مثل البلسم/قوم عني وطولك ذا جايبه من خوالك والريال بافعاله مو بطوله وبعدين انت وش مقعدك اليوم ما عندك شغل بالمطار.

ببسمه/بصراحه اخذت اجازه عشان الحبيبه ...لما ناظر ويهها ضحك/يمه تعبان شوي قلت اريح يومين وبعدها ارجع بكل طاقتي.

الجده بحنان/لا عاد اتعب روحك يمه...ميري ميري..نادت الشغاله اللي حضرت علي طول /نعم ماما.

الجده بحنان/سوي حق صالح عصير ليمون.

هزت راسها وراحت ليقترب هو من جدته ويقبل راسها/عسي الله يطول في عمرك ولا يحرمنا منك يالغاليه فديت مزنه.... ناظر اثار الحنه بايدها وقال/شوفي يمه تقولين حق بنت ولدك تتحني تري انا ما ابي حركات هالبنات ما احبها وما ادري وشو؟

ضحكت عليه بقوه /خلاص قولها لحالك.

بحسره/انا حتي جوال ما احاكيها شلون بكلمها يعني والا اذا وقفت عليها عيالك بينحروني الله ستر انه راشد اخوها مو هنا والا كان ما شفتها حتي وهي اطالع من الدريشه.

الجده بحزم/ما بطلت هالعاده؟

ببسمه/لا يمه وتراها حركه عفويه هي لحالها بالبيت وما عندها احد والحين عمي ومرته مسافرين وتدرين بمرت عمي ابوراشد ما تتعاشر.

اه من عمك بوراشد يا وجع قلبي عليك يا ولدي يا وجع قلبي لا ولد ولا سند/قالتها بحسره ودمعه بطرف عينها.

منو اللي نزل دموع الغاليه/رفعوا نظرهم ليتفاجوؤو بوقوف مشعل بلباسه العسكري الانيق والساحر.

وقف صالح ليقترب من اخوه ويحضنه من ثلاث شهور ما ناظره اشتاق له فهو الاقرب له شدد من احتضانه وهو يهتف الحمد لله علي السلامه يا اخوك.

قبل مشعل راس اخيه الصغير/الله يسلمك وانا اقدر ما احضر زواج اخوي البزر.

صالح ابتعد عنه وهو يقول بغضب/خلي النفس عليك طيبه.

ابتسم وهو يقترب من جدته ليقبل راسها وكفيها لتحتضنه هي بحنان /هلا يمه تو ما نور البيت يالغالي فقدت حسك بالبيت.

جلس وهو يبتسم فهو الاخر اشتاق لهم كثيرا واشتاق لاخيه الاكبر وجده واعمامه/النور نورك يا الغاليه وين سامي ما اشوفه.

ابتسمت جدته/اخوك ذا متزوج الشغل وانا امك.

ضحك وهو يسمع جدته تحن عليهم بالزواج وبالاخير قرر صالح يفرح قلبها ويتزوج/اقول يمه فيه دوشه ببيت الخاله فضه؟

باسي/يمه ولدها باع البيت وهي بتروح بيت اخوها ما ادري وين في بلاد بري الله يعينها ما تبي تترك بيتها.

باستغراب/بس ذولي ينزلون اغراض .

باستغراب اكبر/ما ادري بس بروح لها اشوفها وش فيها الله يعينها ناس تجيب اولاد عشان ترتاح وناس عشان تشقي يارب صبرك.

ليقترب من اخيه ويهمس بحنان/خلي زوجتك تبطل اطالع من الدرايش تراه عيب وانا اخوك حتي لو هالشيء عفوي تراه ما يصير ومنقود.

ابتسم عكس الغضب الذي بقلبه هذه الطفله لن تفهم ابدا.

++++++++++

جلست مرجان بتعب وهي تهتف/عيالك ذولي اتعبوني تري نحنا في المطار مو في البيت.

ببهوت/تري ذولي تربيه الساحرات شتبين منهم تري كنت اكلم ماسه وما عجبني صوتها ابدا كانه صاير شيء ومخبيه.

مرجان بهدوء/لا تبيني شيء قدام عمي ومرته وان شاء الله يكون خير تدرين فيهم ذولي ما يفهم عليهم احد ومزاجيات احيانا يا شمس.

ابتسمت وهي تناظر بناتها النايمات في حضن خالها ومرته/ان شاء الله يارب بصراحه اشتقت لهم تخيلتهم ايام امتحانات ما نشوفهم باليومين حتي سالي وكادي يصيحون يبوهم.

مرجان/وامهم تصيح منو تبي ابوهم؟

بحده/مرجان لا تجيبين سيرته خير شر مو ناقصه عوار قلب.

ابتسمت/لانك تحبينه رغم كل اللي صار ولا تنكرين هالشيء يا بنت عمتي .

توها بترد بس سمعت نداء رحلتهم وراحت عشان يردون السعوديه اللي اشتاقت لها وهي بس راحت لها عمره.

مرجان اخذت سالي من مرت عمها/عنك خالتي ما نبي نتعبك.

ابتسمت لها/فديت قلبك يمه عسي الله يرزقك باللي تتمنيه واتمناه انا بعد.

ابتسمت لها وهي لم تفهم مقصدها لكن عمها فهم مقصد زوجته فهتف لها/ما بتلاقين احسن منها يا مشاعل؟

ابتسمت له ومن وري نقابها/دوم كاشفني يالغالي.

همس بمحبه/روحي انتي افهمك من نظره.

لياتيهم صوت طفولي/خالو نحنا بالمطار مو بالبيت.

ضحك وهو يبعثر شعر هذه الطفله التي اكملت الست سنوات ولسانها اطول منها/طيب يا ابوك بنروح الرياض مستانسه؟

ببسمه/ايه عشان بشوف ماسات.

ضحكت عليها لانها مسميه ذهب وماسه ومزون ماسات/عسي الله لا يحرمني منكم واشوفكم عرايس.

ابتسمت له زوجته بحنان وهي تدعي بداخلها لكل واحده منهم وتتنهد همس لها/ شفيك؟

بهدوء/ما ادري يا رائد قلبي قارصني ومو مرتاحه.

استغفري ربك وعساه خير ان شاء الله/قالها وهم يركبون الطائره.

+++++++++++

واقفه جدام العمليات وقلبها كورقة في فصل الخريف تعصف بها الرياح اتصلت به هو بس ما رد وجوالها فصل من الشحن وتلك الاخري دخلت لانه لا يوجد جراح بهذا الوقت لانه الطبيب اخذ اجازه لياكل وارواح الناس لا تهمه.

يارب لا تفجعنا يارب لا تفجعنا

يارب تلطف بحالنا

يارب

يارب

لو جوالها به شحن كانت اتصلت بجدها يارب سترك يارب ظلت جالسه هناك تتحسر وخائفه علي اخيها وعلي تلك المتلبسه بالبرود وهي تذوب داخلا من الالم الذي يقتلها خليه خليه.

والحين ماسه اكيد تتصل والجوال مقفل الله يصبر قلبها يارب

طلعت ذهب راحت لها وهي تهتف بخوف/شصار ذهب؟

بغصه ردت/مستقر بس ....

ما قدرت تكمل بحده قالت مزون/بس وشو؟

ذهب بالم عميق/راح يبترون ريله.

فتحت عيونها بصدمه وحطت ايدها علي قلبها /لا اله الا الله لا اله الا الله محمد رسول الله..ما فيه حل ثاني.

هزت راسها بالنفي

غصت بدموعها/شيء اهون من شيء.

ذهب ارتمت في حضنها تنتحب الاخ والصديق وشلون راح يتقبل هالخبر يارب انزل عليه صبرك يارب اللهم اثلج قلبه يارب .

سمعت وحده تصرخ /انتي شلون تسمحين لنفسك تدخلين العمليات....

قاطعتها مزون بحده وهي تاشر باصبعها/لو ما دخلت الحين كان المريض مات وذا كله بسبة اهمال وتسيب في ذا المستشفي وانا ماراح اسكت عن هالشيء بدل لا تجين تصارخين علينا روحي شوفي شغلك عدل يا مدام.

بسخريه/انسه

باستهزاء ردت/اخر همي والحين انا ابي اقابل مدير المستشفي لاني ماراح اسكت.

ردت بهدوء/يوم يجي قابليه وراحت وتركتها

رفعت نظرها لتجده يقف هناك عند الاستقبال يبدو انه علم بحادث سعود يارب كم اشتاقت اليه كانت تود للقائهم ان يكون مميز بعيدا عن الانظار وبعيدا عن هذا الوجع الذي سكن قلبها.

لتهمس لذهب انها ستذهب الي الغرفه التي سيخرجون فيها سعود وحين رفعت ذهب نظرها فهمتها وهزت راسها.

سمعت خطواته تقترب وهو يقول بصوت رجولي/الحمد لله علي سلامة سعود يا ام راجح.

ابتسمت رغم الالم يبدو ان تلك الشقيه لا تخفي عنه شيئا/الله يسلمك يا ابوعقاب

باحترام عميق/محتاجه شيء تبين شيء؟

هزت راسها وهي تقول/فيه اوراق بالغرفه اللي بيخرجون فيها سعود ممكن تخلصها.

استغرب منها لكنه لف وراح للغرفة التي اشارت عليها باصبعها ليدخل الغرفه لكنه لم يجد شيئا توه بيطلع بس سمع صوت ماي بالحمام .

لتخرج اميرته من ذلك المكان تمسح دموعها خفقات قلبه ازدادت وهو كان اخر ما يتوقعه ان يراها هنا ظل واقف دون حراك لتركض هي وترتمي بحضنه تنتحب بالم /كنت ابي افاجئك كنت..

وضع اصبعه علي شفتيها يسكتها لا يريد اي تبريرات منها وهو الان ليس في موقف ليعاتبها لانها في موقف صعب وليس هناك ما يعاتب عليه فهي كانت تريد للقاء ان يكون مميز لكن الذي يهمه الان انها هي الان هنا بجانبه و بين ذراعيه.

كملت بوجع/بيبترون ريله شلون بخبره يا كاسر شلون...ارادت ان تدخل بين ضلوعه كي يخف هذا الالم وهو شدد من احتضانه لها وكانه يريد لوجعها ان ينتقل اليه هو.

بهدوء قال وهو يمسح علي شعرها/عسي ان تكرهو شيئا وهو خير لكم الحمد لله.

ادري ادري بس يوجع يوجع/قالتها وهي تتالم.

رفع راسها ليقبل جبينها/الحين بردكم البيت وبعدها برجع له انا بظل عنده.

هزت راسها بالموافقه وهي تحتضنه بقوه اكبر/احبك احبك لا تتركني.

بهدوء/ارحمي حالي يا بنت.

++++++++


كانت تحاتيهم حيل وبالذات يوم اتصلت في مزون وجوالها مقفل وذهب من الخرعه نست جوالها ما خبرت عمتها ما تبي تخرعها وهي نايمه الحين.

غمضت عيونها بوجع وعيونها تدمع وذكري وفاة اخوها كانها امس راحت عند الشباك اللي يطل علي الحديقه تنتظرهم يدخلون من باب الحديقه ودموعها مثل نهر.

الله يرحمك يا مازن

الله يرحمك يا اخوي

سمعت صوت جوالها ردت بلهفه وما انتبهت للرقم/مزون وينك؟

لياتيها صوت والدها القلق/ماسه شفيك؟

ردت بغصه/يبه.

انفجع من صوتها/شفيك يا بوك شصاير؟

يبه سعود سوي حادث ومزون وذهب راحوا له وما ادري شصار خايفه يبه خايفه/قالتها وهي ترتجف.

تنهد بوجع وخوف/لا اله الا الله محمد رسول الله يا بنتي قل لن يصيبنا الا ما كتب الله لنا.

بين دموعها/ونعم بالله بس يوجع كانه احد يعصر قلبك يبه تعال محتاجتك يبه كلنا محتاجينك الله يسلمك رد عمي ماراح يتحمل هنا لحاله.

بحنان/الحين بحجز بس لا تقفلين الخط يبه بكلمك الين يجون خواتك....ركبت السماعات وحطت الجوال بجيبها وهي تسمع ابوها يكلم مكتب السفريات ويحجز علي اول رحله.

سمعت صوت الباب توها بتطلع بس ناظرت ريال واقف ويوم انتبهت له عرفت انه كاسر فتحت لذهب الباب اللي لمتها وصاحت بوجع فتت خلايا جسمها/شصاير ذهب شفيه سعود؟

بغصه وجع/سعود بترو ريله.

لا لا تقولين سعود بيدخل الحين ابي اخوي ابي اخوي /صرخت بوجع.

كور قبضة ايده تمني انه الحين معهم وقال بفجعه حاول يخفيها/يبه استهدي بالله ذكري ربك وهذا قدر ومكتوب.

رددت/لا اله الا الله لا اله الا الله

مدت الجوال حق ذهب لانه ابوها طلب منها هالشيء /ابوي يبيك؟

مزون كانت ماسكه ايد كاسر بقوه وكانها تبي تاخذ منه قوه او ترتاح همست/كاسر واللي يسلمك سعود امانتك.

لو كان بوقت اخر لكان غضب منها لكنها الان متعبه رفع كفها وقبلها وهو يهتف بحنان/في عيوني حبيبتي والحين روحي حق خواتك وانتبهوا لنفسكم انا بحط احد عند الباب واذا تبين اي شيء او حسيتي باي شيء دقي علي.

هزت راسها بالايجاب

تنهدت بالم وهي تراه يخرج يارب احفظه لي يارب وارحم اخي يارب.

سمعت صوت حرمه ترمي السلام التفتت لتري حرمة تلتف بالسواد عصاها بيدها ردت السلام وهي تسمعها/فضة موجوده؟

بهدوء/ايه حياك خاله عمتي موجوده.

فسحت لها المجال عشان تمشي جدامها احتراما لسنها ودخلت البيت/حياك خاله .

جلست بالصاله لتخلع مزون عبائتها وتضعها علي الكنبة وترسل رساله الي ماسه كي تخبر عمتها بوجود ضيوف.

لتسال الحرمه بهدوء/من عياله انتو؟

مزون ببسمه/عمتي فضه راضعه ويا ابوي عمتنا بالرضاعه.

ردت لها الابتسامه وتلك الملامح ليست بغريبه عنها وذلك الشعر الاحمر الذي يبدو لونه كانه طبيعي وظلت تسمي عليها بنفسها علي طوله الذي يصل الي اسفل ساقيها.

دق جوالها استغربت يوم ناظرت رقم كاسر توه طالع من عندها ردت بهدوء/هلا حبيبي.

هاتي البشاره يا قلبي/قالها بفرحه لمستها في صوته.

ببسمه/لك اللي تبيه بس قولي وش اللي مفرحك.

تراهم ما بترو ريله شكله اختلط عليهم بمريض تاني/قالها بهدوء.

ما بترو ريله

ما بترو ريله

بفرح ساحق/الله اكبر كاسر قولي ما تمزح صح.

ضحك وقال/الحين هذي اللي بكفخها ذا ما فيه مزح يا قلبي قولي لخواتك ويوم يصحي اخوك ان شاء الله بكلمك.

ناظرت عمتها تمشي باستها علي خدها وتقول بصوت عالي/ذهب ..ماسه.

طلعوا من المطبخ اثنينهم وماسه تقول بحزن/شفيك تصارخين؟

ركضت لهم ولمتهم اثنينهم/ما بترو ريله مو سعود مو سعود.

ذهب سجدت علي الارض تحمد الله علي هذه النعمه وماسه قبلت مزون لتاخذ جوالها وتبشر والدها الذي افجعته بالخبر.

اذا ما رفعت عليهم قضية المستشفي ذا ما اكون حفيدة كاجل/قالتها بفخر.

فضه ناظرت لمزنه اللي تغير ويهها يوم سمعت الاسم بس قالت بخوف/مزون يمه تعالي شصاير شفيه سعود؟

قربت منها وحبت راسها ومسكت كفها/يا بعد قلبي انتي.

ضحكت فضه وهي تهتف بخبث/تراني ماني بكاسر.

ببسمه محبه/فديت قلبه انتي وين وهو وين يالغاليه.

فتحت عيونها بصدمه وقالت مزون وهي تقبل كفها /سعود سوي حادث يالغاليه وخبرتها بكل شيء.

نزلت دمعه علي خدها/الحمد لله يارب الحمد لله علي سلامته.

مزون ببسمه ساحره/سلامة قلبك يا حلو انت وبعدها ناظرت الحرمه وقالت/تشربين شاي او عصير.

ردت عمتها بهدوء/عصير ليمون بالنعناع اذا ما عليك امر.

ببسمه وهي توخر غرتها عن عيونها/تامرين علي هالخشم يا عمري.

مزنه ببسمه/عسي الله يحفظها بسم الله عليها فاتنه.

فضه ببسمه/امين يارب وينك ما زرتيني ؟

مزنه بهدوء/رحت مع راشد العمره الا انتي شفيك صاير معك شيء؟

فضه بالم/ولدي يا مزنه وقعني علي اوراق واخذ كل حلالي ما بقي لي الا ذا البيت لانه مسجل باسم عيال اخواني ما عليك الا شخبار عيالك ومتي عرس حصه وصالح؟

ببسمه/نهاية الاسبوع ان شاء الله وتراك اول الحاضرين مع بنات اخوانك.

ردت بموده/عن نفسي بجي بس البنات ما ظنيت ما يحبون يطلعون كثير الفال لباقي العيال ان شاء الله.

ردت مزون ومعها العصير ضيفتهم وبعدها قالت/عمتو تري جدي بيجي بعد شوي .

ابتسمت/بتروحون حق سعود؟

هزت راسها بلا/كاسر يقول ما صحي.

فضه بخبث/واللي يقوله كاسر.

علي هالخشم اوامر تتنفذ/قالتها وهي تاشر علي خشمها.

+++++++++

سهام الحب



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-11-2017, 03:19 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: سهام الحب


مرحبا
الله يعينك ان شاء الله
بدايه موفقه
حبيت كاسر ومزون
ذهب وماسه
انتظرك بفارغ الصبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-11-2017, 03:23 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: سهام الحب


هلا وغلا
حبيت بالذات ماسه وموقفها بالصيدليه
مبدعه خيوط استمري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-11-2017, 07:17 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب


اقتباس:
المشاركة الأساسية كتبها عاصفة الجمر مشاهدة المشاركة
مرحبا
الله يعينك ان شاء الله
بدايه موفقه
حبيت كاسر ومزون
ذهب وماسه
انتظرك بفارغ الصبر

هلا
الله يسلمك حبيبه
وانا بعد حبيتهم هههه
ان شاء الله ما اطول


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 25-11-2017, 07:17 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب


اقتباس:
المشاركة الأساسية كتبها عاشقة السرااب مشاهدة المشاركة
هلا وغلا
حبيت بالذات ماسه وموقفها بالصيدليه
مبدعه خيوط استمري

اهلين وسهلين
موقف ماسه بس لانه شخصيتها قوية حيل

يسلمووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-11-2017, 07:19 AM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب/بقلمي


صباحو
البارتات راح يكونو يومين بالاسبوع
اي ومين تفضلوا انتو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-11-2017, 01:05 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: سهام الحب/بقلمي


سبت وخميس
او سبت واحد وكل ايام الاسبوع ههههههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-11-2017, 01:09 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: سهام الحب/بقلمي


متي البارت التاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-11-2017, 01:16 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: سهام الحب/بقلمي


لو الوقت يناسب الجميع
بيكونو اثنين وخميس


الرد باقتباس
إضافة رد
الإشارات المرجعية

سهام الحب/بقلمي

الوسوم
الحب , حلوة , رومانسية , رواية , سهام
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عاصفة قبل الحب/بقلمي المجد 7 روايات - طويلة 50 25-10-2017 10:24 PM
الوقوع في الحب/بقلمي misskitkat90 روايات - طويلة 1 13-04-2017 01:02 AM
غارقات في دوامة الحب/بقلمي تآيه دلوني روايات - طويلة 13 31-05-2016 02:37 AM
رواية إنتقام الحب/بقلمي؛كاملة الـكاتبه : إيـم الـعتيبي. روايات كامله - يتم نقل الرواية هنا بعد اكتمالها 76 16-02-2016 11:00 PM
رواية أحبك حب فوق الحب/بقلمي الهدوء المجهول من اين روايات - طويلة 8 02-01-2016 12:39 AM

الساعة الآن +3: 12:18 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1