اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-11-2017, 11:56 PM
صورة الشّمـْـــــوخ ؛ الرمزية
الشّمـْـــــوخ ؛ الشّمـْـــــوخ ؛ غير متصل
©؛°¨غرامي مشارك¨°؛©
 
01302798240 رواية ياريم بين الخلق يابنت عم الورد/بقلمي


[CENTER]بسم الله الرحمن الرحيم

السلام عليكم ورحمة الله وبركاته , اول روآية بكتبها عندكم أتمنى تنال اعجابكم بعد تردد وخوف الوالدة الله يحفظها شجعتني ع الكتابة وانا اتقبل النقد البناء وليس الجارح اعفوني من رد ( يسلموو , وشكرا ) اضع مولودتي الأولى بين ايديكم , الوقت مب محدد بس ان شاء الله كل أسبوع , بكمل الرواية اذا اعجبتكم واذا لا بغلقها


رواية يا ريم بين الخلق , يابنت عم الورد

البــــارت الأول

الساعه 8:4 مساء
.
.
.
.
بصراخ : بس انا مالي غيره بلعت غصه ليش تحرموني منه
الضابط بحزم : جي القوانين وابوج مجرم واحتمال كبير ينعدم
من بين دموعها : ابووي بررييئ
الضابط ببرود ولا اهتم لدموعها : ابوج عنده مهلة 6 اشهر على إعدامه , تبين تثبتين انه بريئ يبي لنا دليل ع برآئته (وبسخرية) مع انه كل الأدلة تثبت انه ابوج من المافيا وهو قاتل يسلم للمراهقين مخدرات وهم يموتون لتعاطيهم جرعة زايدة
ما تحملت كلامه والدموع مغرقة خدودها هزت راسها ب لا وطلعت وهي تحس ان ف أي لحظة بيغمى عليها ناظرت ف المكان البارد الي هي فيه الشرطة فكل مكان وصراخ الضابط ف القسم و الكاميرات فكل مكان , ها ثالث يوم تدخل هالقسم وتطلع بدون فايده حست ب الدنيا تدور حطت ايدها على راسها وهي متألمة
: اختي فيج شيئ؟
رفعت راسها وشافت حارس يناظرها باهتمام
تحركت بهدوء وبدون م ترد عليه وطلعت من هالمكان بدون م يكون ابوها مصدر قوتها معاها م تعرف كيف تحصل هالدليل الي بيثبت برائته ابوها الي م يأذي احد عنده ها التهمة مروج مخدرات وبعد 6اشهر بينعدم !!!!!!!!!!
شو تسوي مالها احد غير ابوها وصلت لسيارتها حتى م تعرف كيف تسوق

: اختي لحظة شوي
لفت على الي يناديها وناظرته شرطي اسمر طويل
ببحة : امر
بلع ريقه بهدوء بعد م كان يركض وراها وهي م تسمعه ( الحمدالله حسبتها م تسمع ولا كنت بتورط فيها ومابعرف اشرح لها) ضروري تزورين ابوج بعد يومين هو قالي أوصل هالكلام لج
بفزع : وليش م اقدر ازوره اليوم ولا باجر
بهدوء : انتي تعرفين ان التهمة الي عليه كبيرة م بتقدرين تشوفينه الحين
, والحين تعالي بوصلج البيت
حقدت عليهم كيف يحرمونها من سندها ف هالحياة طنشته وفتحت باب سيارتها وتحركت ب اقصى سرعة
انقهر لو لا انه وعد ابوها انه بيطمنه عليها كان بيرتاح من هالمشكله
تحرك لسيارته وداس ع البترول عشان يوصل ل هالمينونه
بعد م شافها تدخل البيت تحرك بهدوء للمركز وطمن ابوها الي حاله م يسر ومايعرف كيف بتعيش بنته بدونه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،
ف البيت
وصلت لغرفتها ورمت نفسها ع السرير وهي تبكي ب الم وانين يقطع القلب ماتحب اتم وحيدة , أمها م تعرفها ابوها م يقول عنها شى وهي ابداً م حست بنقص ابوها عوض لها بكل شيئ وماقصر
سمعت صوت فالحوش رفعت راسها بخوف عاد هي بسرعه تخاف وقفت م تعرف شو تسوي سمعت صوت مرة ثانيه صرخت : يمة
ركضت لفونها وشافت في رقم غريب اتصل لها قبل شوي ورساله منه فتحتها
ردي علي ضروري
عقدت حوايبها باستغراب وبضيق : ها شو يبا بعد مالي خلق ارد ع حد
ظهر الرقم مره ثانيه وكان يتصل لها
اففف خلني اشوف شسالفته
رفعت الفون لاذنها : نعم
رد عليها صوت ريال غريب : انتي ريم ؟
استغربت : أي معك ريم , انت منو
هههههه سلمي لي على ابوج
عصبت : اسألك انا
ببرود : بعد كم يوم بتعرفيني لاتستعجلين
وبند ف وييها
هــــــئ الحين أبا اعرف كيف يعرفني رمت الفون ع الغنفه وردت لسريرها وسرحت في ابوها قاطع تفكيرها الجرس
شافت الساعه 9 منو بيي الحين قامت وهي مستغربة
طبعا م فصخت عباتها ف لبست الشيله وطلعت تذكرت الصوت الي سمعته ف الحوش بلعت ريقها وتراجعت : والله مب طالعه خليه يعفن عند الباب ردت لغرفتها والجرس رد يرن مرة ثانيه
خافت شو تسوي وها الي عند الباب شكله مُصر يبا يدخل
يلست ع الغنفة وارتاحت يوم وقف صوت الجرس
حطت ايدها ع بطنها من اليوع : صارلي فتره مب ماكلة شى ونفسيتي زفت تنهدت واتوجهت للمطبخ مالها خلق تسوي شى ف سوت لها اندومي اسهل شيئ
قعدت ف الصاله تاكل وسرحانه سمعت صوت غريب لفت راسها وشافت قفل باب الصاله يتحرك فتحت عيونها ع وسعها ووقفت وانفتح الباب
شافت ريال يطالعها
تحركت بسرعه وبخوف
تكلم بسرعه : لحظه لحظه انا اعرف ناصر ابوج
لفت عليه ورصت الشيلة على راسها وبخوف : ءء ا اننت كيف دخلت
ابتسم بهدوء على كلامها : انا اسف على هالطريقة بس كان لازم اشوفج
هدي شوي وتعالي أبا اقولج كلام مهم يخص أبوج
ناظرته بشك ومترددة
ترا بس بكلمج !
حطت ايدها ع قلبها تهديه الي مطمن قلبها شوي انه يعرف ابوها وشكله م بيضرها قربت صوب الغنفه ويلست
وهو قرب صوب الغنفة الي كانت يالسه عليها قبل لا يدخل وشاف الاندومي الي انكب ع الغنفه وبهدلها ضحك بخفيف ع دخلته الخونفشاريه
ابتسمت بخجل
يلس ع الغنفه الثانيه بعيد عنها
تغيرت ملامح ويهه بشكل جدي
انا اعرف ان ابوج فالسجن وبتهمة مروج مخدرات
نزلت راسها ( بيعايرني الحين ولاكيف ؟)
بحزم : ارفعي راسج انا اعرف ان ابوج بريئ وان شاء الله بنقدر نثبت هالشيئ
وبهدوء : تعرفين ابوج وين يشتغل
ريم : أي بشركة للسيارات
الريال بتفكير شاف الوقت ووقف : اوكي باجر بيي عندج لانه الوقت تأخر
ريم بتردد : بس انا ماعرفك
: تقدرين تقولين اني صديق ابوج ناديني أبو ياسر ويلا فمان الله
وطلع بهدوء عكس دخوله
احس راسي بينفجر من كثر الأشياء الي امر فيها خلني ارقد وباجر ان شاء الله خير تثاوبت بكسل وقفلت الباب وراحت لغرفتها ترقد

CUT !!!!!!


ريم عاشت مع ابوها الي ماله اهل وامها ماتعرف عنها شى ولا تعرف اذا أمها عندها اهل او لا , شعرها اسود طويل لين اخر ظهرها وعيونها عسلية وملامحها طفولية وطولها 160 قصيرة وعمرها 24 ووزنها 50 وبتعرفون شخصيتها مع الاحداث



.
.
.


الساعة 12 ونص م

قامت بكسل شافت الساعه فتحت عيونها ع وسعها : استغفرالله م صليت الفجر والظهر قامت بسرعة وعلى حركتها السريعة ريلها التفت ع البطانيه و : ااايييي
وقفت وهيه تلمس خشمها المحمر وعيونها مدمعه : اففف خلني الحق اصلي
دخلت الحمام(وانتو بكرامه) تروشت وتوضت
لبست لها بنطلون اسود سبورت ولبست قميص ابيض نايك وع السريع لفت شعرها كيكه وراحت تلبس شرشف الصلاة عشان تصلي

لفت السجاده وتذكرت الريال الي دخل بيتهم بطريقة غريبة
راحت تلبس عباتها ع السريع : أخاف يدخل علي بعد نفس حركته الغبيه امس وتمت تفكر شو يبا منها ؟ راحت الصاله وشافت الاندومي الي انكب ع الغنفه راحت تنظف الغنفه وشلت المله والشوكه للمطبخ خلصت ردت الغرفة وسمعت فونها يرن شلته ولقت اتصالين من رقم ثاني غريب
عقدت حوايبها من دخل ابوها السجن والأرقام الغريبه تتصل لها

شافت اتصاله ع الساعه 1:5 والحين الدقيقة 20
فتحت الفون واتصلت عليه
تمت ساكته لين رد عليها
: السلام عليكم
ريم : وعليكم السلام
: احم انا أبو ياسر
ريم تذكرت : ايوا عرفتك
أبو ياسر بهدوء : ادري انج مب مستوعبه شى من الي يصير بس ماعليه ها كله لمصلحة ابوج , المهم انا طرشت لج سواق يوصلج عندي وهو موجود جدام البيت من الساعة 1

ريم ببرود : اسمحلي انا مابا ايي عندك واصلا السالفه كلها مب داخله مخي ف مع السلامه وبندت ف ويهه

انا لازم م اوثق ف حد وبتفكير بس هو قال يبا يساعدني ! هزت راسها افف خلاص مابا افكر ف شى

فكرت تطلع عند صديقاتها بس تذكرت يوم عرفوا ان ابوها فالسجن تغيروا عليها وصاروا يتهربون منها ويطلعون اعذار عشان م يطلعون عندها الا صديقة وحدة ابتسمت بحزن وطرشت لصديقتها لمياء اذا ببتطلع وياها

ردت عليها على طول اوكي
اتصلت لها

هلااا لمووي
لمياء : اهلين حبيبتي شخبارج
ريم بابتسامه : الحمدالله
لمياء : دوم ان شاء الله , كثري من الدعاء وربي بيفرجها عليكم ان شاء الله , (وعشان تغير جو صديقتها) اممم ريموه شرايج الحين نطلع لمردف ؟
ريم : اوكي , انا امر عليج ؟
لمياء : لا حبيبتي مابا اتعبج انا بمر عليج بسيارتي وبعزمج ع حسابي كم عندي رمانه ؟ (دلع ريم خخ )
ريم بدلع : وحده واخر حبه فالكرتون
لمياء: ههههه انزين يلا اتجهزي 10 دقايق وانا جدام بيتكم
ريم : اوكي يلا عمري اترياج (انتظرج)
لمياء : يلا مع السلامه

بعد م بندت الفون ابتسمت ع محاولة صديقتها ف تغيير جوها

وبعد عشر دقايق وشوي

بيييييب بيييب

وقفت ريم وشلت شنطتها من ديور البنيه وفونها ايفون 7 plus اسود مطفي ولبست نظارتها الدائرية كلاسيكيه

وطلعت لصديقتها بعد م قفلت الباب وحست بشيئ غريب بس طنشت

سلموا ع بعض بالخد وطلعوا لمردف


بعد م وصلوا

لمياء : يلا الحين وين نتغدا ؟
ريم : انتي شو تبين
لمياء ضربتها ع كتفها بخفيف : انا عازمتنج يالخبله انتي شو تبين
ريم بضحكه : هههه اوكي أممم خاطري ف اكل هندي
لمياء سحبتها : خلاص عيل بنروح جازيبو

بعد م تغدوا


ريم : اقولج انا بروح الحمام اسبقيني للسيارة
لمياء : اوكي
بعد م طلعت من الحمام رن فونها واستغربت انه من لمياء هي م تاخرت ف ليشت تتصل لها
ردت عليها : هلا لموي
لمياء بتردد : ريموه اسفه رحت عنج امي تعبت فالمستشفى ورحت على طول ونسيتج اسفه
ريم بتفهم : ماعليه حببيبتي روحي لأمج وطمنيني عليها انا بشوف لي تاكسي
لمياء بفشله : اسفه ح
ريم قاطعتها : خلاص قلتلج مابينا انا بتصرف وانتي انتبهي فالدرب
لمياء : اوكي مع السلامه

ريم تنهدت ووقفت عند البوابه جهة السيارات وشافت تاكسي قرب منها : الحمدالله اني حصلت سياره بسرعه ولا وقفت ف هالحر
ركبت ورا واستغربت انه حاط كمامه طنشت الموضوع يمكن مزكم : محمد روح شارع ####

م رد عليها وتحرك
حست بدوخه قويه وراسها يدور رفعت راسها تشوف المرايه ولقته يشوفها من المرايه عصبت : ءءاااننن..................

حست بسواد وماتشوف شى وغابت عن الوعي
.
.
.

قامت واتحس بصداع قوي ومب قادرة تفتح عيونها وتقوم من السرير الناعم سمعت أصوات بين حرمة وريال
ملاحظة : اذا حطيت حرف ال e قبل الحوار يعني يتكلمون ب الإنجليزي 😊

E: هل استيقظت ؟
E : لا يا سيدي
E : حسناً اذاً

واختفت الأصوات

تذكرت شو صار لها ف التاكسي فتحت عيونها بسرعه وقامت من السرير
بعد م انتبهت : هــــــــــــــــئ رفعت البطانية عليها تغطي شعرها وبخوف ماتعرف شو تسوي
: ههههههههه لاتخافين بتتعودين علي
ريم :..........
وقف وبابتسامه مد لها شيلتها : البسي شيلتج مع اني ماعرف ليش تلبسينها وانا شايف شعرج

سحبت شيلتها عنه بقوة ولبستها وانتبهت عليه طويل وعريض وابيض وعيونه السود تناظرها باهتمام

ريم بهدوء مصطنع : ممكن اعرف انا وين ؟
: اول شيئ بعرفج علي انا معاذ ها الي تحتاجين تعرفينه الحين
ريم : بس ؟
معاذ بعدم اهتمام وقف واشر ع الطاولة : كلي الحين وبعدين بتفاهم وياج المخدر كان خفيف بس انتي جسمج ضعيف وانا احتاج قوتج هالفترة
وطلع

ريم علامة استفهام كبيره ع راسها : قوتي ؟؟؟؟؟
شو قالو له ؟ المرأة الحديديه !! خخ ها وقته الحين انكت اففف انا لازم اطلع من هني بسرعة شكله ناوي ع شر انتبهت ع الغرفة او ب الاصح الجناح!!! الفخم لونه ابيض عليه لمعة خفيفة ذهبية ومزخرف والاثاث كله ابيض كلاسيكي والغنفات ب اللون الرمادي والتلفزيون عرضه ضعيف مثبت ع الجدار واحلى شى البلكونه كبيرة والنافذة بعد ب ستاير خفيفه رمادي فاتح وبسور كله أعمدة ب اللون الأبيض والورود مرتبه ع السور بطريقة حلوه حست انها بحلم
: طلع ذوقه حلو وفخم وقفت وشافت الاكل عبارة عن باستا خضار ب صلصة وردية وف كأس زجاج مشروب غازي فاتح وعليه ثلج وبعض المقبلات مثل قطع الدجاج والبطاط المقدم بطريقة المطاعم الراقية
مسكت الكأس : لايكون الي ف بالي !! ها شكله خمر انا متأكدة الحقير يفكر اني بشرب خمر وبسكر مثله الله العالم بعد كيف طبخوا هالاكل شافت الوقت

9:30 م

فتحت عيونها : انا رقدت كل هالوقت ؟؟؟
لازم اطلع من هني بسرعه مابا اتم اكثر شافت الباب الي م يفتح الا برقم سري او بطاقة
شو هالورطة كيف بطلع من هني حست بدموع ف عيونها ومسحتها بسرعه : ريم مب وقته تصيحين مابا تستفيدين شيئ شافت مقبض الباب يتحرك تحركت بسرعة لسريرها وانسدحت

الخادمة دخلت وشافت ان الاكل م لمسته وشافت ريم المنسدحه ع السرير
وطلعت بهدوء

ريم قامت بسرعه : انا ليش انسدحت يوم دخلت المفروض اعرف الرقم السرير واطلع ضربت راسها بقهر اففف مني

بعد دقايق

دخل
: ليش م كليتي ؟
ريم بعناد : أبا اطلع ومابا منك شيئ
معاذ ببرود : يعني م بتاكلين ؟
ريم : هي م باكل أبا اطلع من هني وابا ازور ابوي
معاذ بتفكير : اوكي
قرب صوب الطاولة وشل الاكل وحطه ع السرير
ريم بلعت ريقها من قربه : قلت م باكل
طنشها وقعد جنبها ومسك الملعقه : ماعلية انا باكلج
ريم حمروا خدودها : اعرف اكل بنفسي
معاذ ببرود وقف : عيل كلي ولاتعاندين ولا بعاملج معاملة ثانيه
ريم هزت راسها وبدت تاكل
وهو طلع
ريم بيأس : الحين كيف اطلع ؟
بعد دقايق
دخلت الخادمة
E : هل انتهيتي انستي
ريم e: نعم
قربت منها الخادمة ولمت الاكل وتحركت صوب الباب
ريم تناظرها باهتمام وانتبهت ان اصابعها تدق ع الجهاز بشكل مكرر
يعني الرقم مكرر
طلعت الخادمة وريم تحركت بسرعة صوب الباب
بلعت ريقها وبتركيز تحاول تتذكر كيف دقت الرقم
فجأة تذكرت ان في فلم البطلة دقت الرقم غلط ورن جهاز الإنذار
خافت الرقم يطلع غلط وتتورط عند معاذ : بسم الله
ودقت الرقم 3611

وطلع ليت اخضر تنفست بهدوء وهي حاطه ايدها ع قلبها : الحمدالله
طلعت بسرعه وهي شبه تركض شافت مصعد تحركت بسرعة صوبه وهي تتلفت يمين ويسار واستغربت من هدوء المكان
فتح المصعد م لقت حد فيه وبتفكير : المصعد فكرة غبية عادي حد يشوفني
خلني اروح للدري تحركت بسرعة الا وتسمع أصوات ماعرفت وين تروح دخلت أي غرفة وهي خايفة
التفتت بسرعه تشوف اذا في حد فالغرفه مافي حد وانتبهت ع طاولة كبيرة وطويلة اكيد دخلت غرفة الاجتماعات , سمعت الأصوات تقترب من الباب
: حظي دوم منحوس الحين وين اقعد بيشوفوني انتبهت ع الطاولة نزلت تحت وقعدت ف النص : الحمدالله ان الطاولة كبيرة محد بيقدر يرفسني

دخلوا
وسمعت صوت معاذ وهو يرحب فيهم

بعد م قعدوا كلهم ع الكراسي
ريم بقرف مسكت خشمها : الله يرحمني كيف بتحمل ها كله انتبهت لمعاذ

معاذ : حاليا الشريحة عندي باقي استخراجها
: حلو وقضية ناصر ال......
معاذ : الأوراق عندي لاتهتمون الحين شو صار ع الافراد
وبدوا يتكلمون ب مواضيع م فهمت منها شيى
ريم ركزت ع سالفة الأوراق وبفرحة يعني بيساعدون ابوي

بعد ساعتين طلعوا وريم طلعت لكن شافت ريال انتبه لها وهو مفزوع
ريم بسرعة مسكت الجرة الي كانت ع الطاوله ب اقوى م عندها كسرتها على راس الريال طاااااااااااااااخ
الي اغمى عليه
ريم بخوف قربت منه : مات ؟
وقفت بسرعه : م يهمني لازم اطلع قبل لايعرفوني انتبهت للأوراق والملفات الي ع الطاولة شلتهم كلهم : وين احطهم ؟ دارت بعينها وانتبهت ع شنطه سودا شلتها بسرعه ودخلت الأوراق وهي ترجف بسرعه طلعت من الغرفة ونزلت ب الدري : الحين انا ف الطابق الأرضي وين اروح اكيد شيئ حراس
شافت نافذة فتحتها بسرعة وخافت لان كانت بعيدة عن الأرض شوي ريم : اففف ماشي وقت غمضت عينها خلني اتخيل اني توم كروز نطت وطاحت ع الأرض وبألم : ااايي ظهري استاهل محد قالي اتخيل اني توم كروز وقفت وتمت تركض بجنون م تعرف وين تروح شافت حراس فكل مكان انتبهت ع مخزن دخلته بسرعه : يارب القى شيئ يساعدني واطلع من هالورطه انتبهت ع ثياب عمال قديمه فصخت عباتها بسرعه ولبستها وكان وايد طويل عليها ف اضطرت انها ترفع الاكمام ولقت شماغ لفته ع راسها ع شكل عمامه هنديه ماهتمت بنظافته اهم شيئ تطلع ولقت فحم دخلت يدها ف الكيس بدون تردد وبدت تفرك وييها طلعت بسرعه وهي شاله الشنطه وتحركت صوب البوابه وهي تدعي محد يكشفها

: انت !!!!
ريم ياربي بموت خلاص الله يرحمني
اقترب الصوت : اكلمك
لفت عليه ببطئ وهزت راسها بطريقة هنديه
الحارس : ها فلوسك لشغل اليوم رتبت الأغراض الي وصيتك عليها عدل ؟
ريم هزت راسها
الحارس : اوكي باجر بعد تعال مرة ثانيه وراح
ريم حست انها بتطير من الفرحه استلمت الفلوس وطلعت بسرعه
يوم طلعت من المكان انتبهت انها ف وسط الظلام ومافي ولا ليت !!!!!!

ريم خوافة رقم 1 قرت المعوذات وحصنت نفسها

انتبهت لمخيم وسط الظلام منور تحركت صوبه بسرعة
وياليتها م دخلت كل الي لقتهم سكارى وبنات بشكل مقزز ماعرفت شو تسوي


تحركت صوب السيارات : ان شاء الله احصل سياره مفتوحه ومافيها احد

تمت تتاكد من سيارة سيارة وم حصلت : اففف الحين كيف اطلع ؟

شافت شى يمشي على ريلها : اااااااااااااااااااااءءءءءءءءءءءءءءءءءءءءء

حطت ايدها ع شفايفها بسرعه وهي تدعي محد انتبه ع صراخها

لكن وين ي ريم النص الثاني من العالم سمعج !!!


سمعوها 2 سكارى

وقربوا منها ريم انتبهت عليهم وركضت
وهم وراها لين م مسكوها

1 : تعالي بنلعب شوي
2 يضحك بجنون
ريم بخوف تحاول تفلت منه بس هو ماسكنها بقوه لدرجه ايدها تألمت
1 قرب منها وسحب الغترة بقوة وتناثر شعرها الأسود الطويل
وبدا يشل عنها ثياب العمال
ريم تبكي بصمت حست بيغمى عليها
صفعته وهي ترجف وحاولت تبعد عنه بدون فايده
انتبهت ع واحد يقترب منهم
1بضحكه : ههههههه كل شي منك حلو ي حلو
فجأه تحررت منه
شافت ريال يسحبها بقوه وضرب الأول والثاني شرد وركبها السياره وصعد الجهة الثانيه بهدوء

ريم تحس انها م تقدر توقف دموعها تمت تصيح وشهقاتها م وقفت

الريال ببرود : ها كله بسببج لانج م سمعتي كلام الرئيس
ريم بصدمه الرئيس؟؟؟؟؟؟؟ بيردها ل معاذ لالا هي م تبا ترد للمعاذ !!!!!!!!!!!




[


لقائي معكم ف البارت الثاني أتمنى ان البارت قد نال اعجابكم لا احلل نقل الرواية بدون اسمي [/SIZE]



آخر من قام بالتعديل الشّمـْـــــوخ ؛; بتاريخ 29-11-2017 الساعة 01:31 AM. السبب: .
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-11-2017, 03:42 AM
صورة الشّمـْـــــوخ ؛ الرمزية
الشّمـْـــــوخ ؛ الشّمـْـــــوخ ؛ غير متصل
©؛°¨غرامي مشارك¨°؛©
 
الافتراضي رد: رواية يآريم بين الخَلق , يآبنت عّم الورد


صباح الخير

انا ماعرف عجبتكم الروايه ولالا يعني معقولة حتى من ردكم فالنقد حارمني ؟؟؟
اذا مب حلوة بغلقها , لاني قعدت اكتب لكم بارت ثاني لكن م اشوف ردود أتمنى تردون حتى ولو بنقد بناء


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-11-2017, 04:09 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية يآريم بين الخَلق , يآبنت عّم الورد


السلام عليكم
الرواية جميلة والاحداث تجنن
اتمنى لك التوفيق وانشري رابط الرواية بين الاعضاء
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-11-2017, 12:07 PM
تاااالين تاااالين غير متصل
©؛°¨غرامي مشارك¨°؛©
 
الافتراضي رد: رواية يآريم بين الخَلق , يآبنت عّم الورد


سلام
حبيبتي اهنيك عالبدايه الجميله واتمنى لك نجاح هالروايه ومن بدايتها احس فيها حس ابداعي 👌
بس عندي تعقيب بسيط واتمنى ماتزعلين مني احس اسم الروايه مايجذب القارى يعني بصراحه احسك راح تبدعي فالكتابه وحرام تنظلم روايتك عشان مافي متابعه انا اقترح عليك تغيري عنوان الروايه بس فالاول والاخير هذا مجرد اقتراح وانتي لك القرار والي تشوفيه مناسب وكمان حبيبتي انشري روايتك في مجلس الروايات . وننتظرك حبيبتي بالبارت الثاني لاتطولي علينا

الرد باقتباس
إضافة رد
الإشارات المرجعية

رواية ياريم بين الخلق يابنت عم الورد/بقلمي

الوسوم
الخَلق , الورد , يآبنت , يآريم , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 31203 الأمس 09:00 PM
رواية قلب خاطفك يابنت ماتفهمينه /بقلمي بنت العتيبي{آعجووبهه} روايات - طويلة 125 الأمس 12:21 PM
علاج التهاب الحلق احتقان الحلق بالاعشاب وليدعبدالحميد صحة - طب بديل - تغذية - أعشاب - ريجيم 1 24-06-2017 12:45 AM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 05:41 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1