اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-01-2018, 09:45 AM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رواية الموت حلم حياتي/بقلمي


بسم الله الرحمن الرحيم
اقدم لكم اول روايه انا كتبتها من نسج الخيال واتمنى انها تنال اعجابكم واي واحد يريد ينقلها يكتب اسم المؤلف:
ميثه الراشدي
رواية الموت حلم حياتي
البارت الاول………………………………………
كانت يالسه فغرفتها تصيح كعادتها ما تسكت كل حياتها صياح وصراخ وحزن وهم من ماتت امها وهي عمرها سنتين سمعت باب غرفتها يندق فتحت الباب بسس انصدمت من اللي شافته وياليتها ما فتحت الباب كان ابوها الشرير القاسي اللي ما عنده قلب (ابوها مسافر وهي ساكنه عند يدها)
الاب بعصبيه: ملاك سرعه عندج دقيقه هاتي اغراضج ونزلي تحت بترجعين معاي
ملاك وهي ميته خوف منه لانه كان يضربها ضرب وهي صغيره وما يرحمها بسس بعدين اضطر انه يسافر 15 سنه عشان الشغل فتركها عند يدها واليوم رجع عشان ياخذها: ان شاء الله يبه
طلع ابوها وبلمح البرق لمت كل ملابسها ومكياجها وكريماتها وعطورها ونزلت تحت في دقيقتين بسسس اول ما نزلت تحت كانت كل العايله مجتمعه عشان تودع ملاك اللي كانت متضايجه لانها بتودع اهلها اللي رحموها وعطفو عليها وربوها بدال امها والميته وابوها القاسي
عمها سلطان: مع السلامه حبيبتي ملاك زورينا بنشتاقلج
عمتها ساره: بشتاقلج لا تنسيني
عمها نايف: ديري بالج على عمرج
عمها ياسر: مع السلامه ملوكتي زورينا
عمتها شوق اكتفت بانها تحضنها وبسس ما قدرت اطلع حرف واحد من الصدمه ملااااك بتروووح!!!!! وبنات اعمامها وعماتها نفس الشي حظنوها وودعوها لانهم يحبونها وبيشتاقولها واااايد
شروق بنت عمها ياسر: مع السلامه حبيبتي
نوف بنت عمتها شوق: بااااااي ملاك لا تنسيني
ريم بنت عمها سلطان: بشتاقلج حبيبتي
التعريف بالشخصيات:
يدها سالم متزوج وحده اسمها وعد وعندهم اربع اولاد وبنتين اكبر واحد ياسر عمره 34 سنه شوق 29 سنه سلطان 26 سنه جاسم 25 سنه نايف 23 سنه ساره 22 سنه
ياسر طويل واسمر شوي عيونه سوووود وشعره قصير لونه بني غااامج متزوج وحده مزيووووونه واااايد وشكلها يجنن اسمها رغد عمرها 29 سنه عنده ثلاث بنات وولدين اكبر واحد عماد عمره 22 سنه وهو يحب وحده من بنات عمه ومخطط يخطبها يوم تخلص دراسه ما بقولكم اسمها انتو اكتشفوها مع الاحداث طلال 20 سنه سلمى 19 سنه لينا 16 وعبدالله 13 سنه محد متزوج فيهم
شوق طولها وسط مليانه شوي شعرها يوصل لنص ظهرها لونه اسود وعيونه نفس اخوها ياسر متزوجه ولد عمها اسمه حمد عمره 32 سنه عندها بنت وحده وثلاث اولاد يوسف 21 سنه سليمان 18 سنه بندر 17 سنه واخيرًا نوف 15 سنه
سلطان احلى واحد بين اخوانه واطيب واحد فيهم حنون لدرجه لا توصف شعره يوصل لتحت اذنه وعيونه لوزيات يجننن و طويل ولاهو مليان ولا نحيف يعني وسط متزوج بنت خاله اسمها منى عمرها 22 سنه مزيونه نفس القمر عندها بنتين وولد ريم 19سنه فيصل 17 سنه شيماء 16 سنه
جاسم ابو ملاك اللي عمرها 17 سنه متزوج وحده اسمها عهد عمرها 22 سنه ماتت بعد ما ولدت ملاك بسنين بسبب حادث سياره كانت رايحه المول مع ملاك وجاسم فالشغل وكانت السياره بتدعم ملاك بس امها ضحت بروحها وانقذتها ويوم درا جاسم بالسالفه فقد اعصابه وصار يكسر كل شي جدامه ويحط حرته فملاك المسكينه وهي بنته الوحيد، ملاك احلى وحده من البنات شكلها يجنن بدون مكياج وهي تكرههه المكياج وااايد ونادر ما تحطي منه طولها 173 وزنها 23 وااااااااااااايد نحيفه فاستغل جاسم هالفرصه وصار يضربها اكثر.
نايف طويل وعنده عضلات وااايد متزوج وحده اسمها قمر عمرها 19 سنه اسم على مسما شكلها نفس القمر واحلى بمليووون مره عنده ولدين خالد 15 سنه ومصعب 14 سنه
واخر العنقود ساره متزوجه ولد عمتها خليفه عمره 26 سنه عندها بنت وولد توأم طيف و سيف اعمارهم 9 سنين ما يتشابهون ابدًا فرق الشمس والقمر
نرجع للاحداث :)
ابو ياسر: جاسم ممكن اكلمك فموضوع تعال المكتب انت وياسر وسلطان ونايف اباكم ضروري
الكل: ان شاء الله
فالمكتب…………………
ابو ياسر: اسمعني جاسم اعرف انها بنتك بس حتى انا اريد مصلحتها فلو سمحت انا اكلمك بالزين خل البنت عندي انا اريدها شوف كيف حالها وهي معاي فرحانه وااايد خلها عندي وانا بعوضها عن امها المتوفيه الله يرحمها
جاسم (ومن قال اني تريد اعوضها عن امها انا اريد اعاقبها عشان مره ثانيه تربع فالشارع ويصير اللي صار بسبتها خسرت اغلى انسانه فحياتي بسس انا اراويها بأدبها زين بخليها تندم انها انولدت): يبه لو سمحت لا تدخل بيني وبين بنتي انا بعد اريد مصلحتها وانا بعوضها عن امها الله يرحمها ويغفر لها <<يجذب بعد الاخ ;)
ابو ياسر بعصبيه بس يحاول يكتمها: جاسم اعرف ان هذي بنتك بسس شو شو سويتبها هذي تربيه انت كسرتها تكسير من الضرب على اتفه الاسباب وخليت جسمها ملون وويها كله خرايط وخليتها تندم انها اولدت
جاسم (وهذا المطلوب): لا يبه انا كنت مضطر اني اضربها واادبها لانها كانت حشره وكله تسوي مشاكل يعني لازم اادبها ولا شو تبا الناس يقولون عنا؟؟؟؟
ابو ياسر اللي صدق كلام جاسم وانقص عليه بسهوله: خلاص عيل كيفك اللي تشووفه زيم سوه
سلطان اللي كشف جاسم ومخططاته: لاااا يبه لا تصدقه جاسم يجذب عليك يبي ياخذها منك باي طريقه عشان ينتقم من ملاك اللي بسبتها ماتت زوجته عهد
ابو ياسر بعصبيه: صدق هالكلام يا جاسم؟؟؟
جاسم متوهق ويطالع سلطان بنظرة وعيد: يبه لا تصدقه ما عنده سالفه بسس يبا يطلعني جذاب
ياسر: يبه انا مع سلطان احسه جذاب يعني كيف بنت ياهله عمرها يضربها هالضرب لو سوت اللي سوته لازم ما يضربها هالكثر
ابو ياسر وارتفع الضغط عنده من جذب جاسم: جاااااااااااااااااااااااسم اسمعني زين شلها معاك بسس اذا دريت انك اذيتها لو بكلمه ما تشوف اللي يسرك هي الحين عروس مب بزر عمرها 17 سنه وقريب تدخل 18 ساااااامع ولا لأ؟
جاسم: ان شاء الله يبه طلباتك اوامر
بعدين الكل طلع من المكتب وجاااسم يحمد ربه خمسييين مره انه ابوه ما سواله مشكله على الجذب اللي يجذبه
في بيت جاسم……………
جاسم: ملاك وينج تعالي سرعه
ملاك والحزن واضح من عيونها: يايه
جاسم: تعالي شلي اغراضج وروحي فوق فحجرتج ممنوع اطلعين منها بس وقت الريوق والغدا والعشا، ولا اقول خلاص ما شي طلعه الخدم بييبون الاكل لغرفتج بسس اذا بتروحين المدرسه، صححح بهد كنت بسألج انتي الحين اي صف؟؟ بحسب عمرج انتي ثالث ثنوي صح؟
ملاك وبكل فخر:لا انا ثاني ثالث سنه جامعه جدموني ثلاث سنين لاني وااااايد شاطره انا داخله تخصص علم فلك لاني اريد اكون رائدة فضاء يوم اكبر
جاسم باستهزاء: سمعو شو قالت رائدة فضاء اونه هذا ويهي اذا تخرجتي من الجامعه اصلًا وبعصبيه: يلا بسرعه على غرفتج
ملاك اكتفت انها تروح حجرتها بكل هدوء وهي موصله معاها من ابوها لانه قاعد يستهزء فيها وبقدراتها وفي حجرتها اول ما دخلت حطت راسها عالسرير وتمت تفكر فمستقبلها وكيف ان حياتها تعيسه وتتمنى الموت من كل قلبها بسس اذكرت كلام ابلة الدين ابله هويدا يوم كانت صف رابع وللحين تذكرها لانها تحبها مووووووت وحتى ابله هويدا تحبها موووووووووووووووووت قالت الهم اللي يقتل عمره الله بدخله النار وهذا يسمونه انتحار وحرام وقعدت تفكر في كلامها وتوصلت الى انها ما قتلت عمرها بسس دعت ربها يعني عادي مب حرام
في بيت الجد ابو ياسر…………
ابو ياسر جمع العايله كلهم ماعدا جاسم وملاك وقال: سمعوني زين الكل يعرف كيف معاملة جاسم لبنته ملاك وانا ما ارضا عليها انه يضربها بدون سبب
قاطعه نايف: بس يبه………
الجد بعصبيه: اخرس لا تقاطعني خلني اكمل بعدين تكلم
الجد يكمل: جاسم يضرب ملاك ضرب ويصلخها صلاخ بالعصا بدون سبب ويعاملها نفس الحيوانات وانا ما ارضا عليها فانا اريد من كل واد فيكم يعوضها عن اللي فقدته اقصد امها
سلطان: يبه ليش ما تخليها تعيش عندي انا بعوضها عن كللللللللل شي
الجد: انا اقترحت هالفكره على جاسم ابوها بسسس ما طاع
ساره: يبه انا بحاول اقنعه جاسم ولا مره قحياته رفضلي طلب
ياسر باستهزاء: اتحداااااج اذا قدرتي اعطيج اللي تبيينه
ساره بثقه: متأكد انك قدها؟يعني اطلب ايييييي شي؟؟؟
ياسر بثقه اكبر: اللللييي تبينه لو كان صارووخ
ساره بفرحه لا توصف: اوكي بتشوووف
في بيت جااسم………
جاسم كان يالس فالصاله يفكر بملاك وملاك المسكينه راحت في سابع نوها لكن قطع الهدوء اللي فالبيت صوت جوال جاسم
جاسم: الووو
******: الوووو السلام عليك شحالك الشيخ جاسم
جاسم عرف الصوتو عرف سبب الاتصال: هلا سويره اختي الصغيره ها شو تبين يا ام المصالح؟؟
ساره بتردد: جاسم حبيبي روحي اخو الكبير قول تم
جاسم: على حسب الطلب
ساره: يلا تكفى تكفو قول تم
جاسم: تم
ساره: اريد ملاك تيي عندنا خلها عندنا سلطان يبي يخليها عنده بعاملها كانها بنته بس انت عطنا اياها
جاسم بعصبيه يحاول يخفيها: اظن ان هاي بنتي وانا المسؤول عنها صح ولا لأ
ساره بدلع: بس تخيلك سلطان بيهتم فيها وبفكك من العباله والتعب والشغل والاهتمام فيها وتلبية طلباتها حتى اذا تبا تتبرا منها عادي تبرا منها سلطان بياخذها
جاسم بدا بقتنع: بس انتو ما ترومولها هاي حشره وكله تسوي مشاكل بتلعوزكم
ساره بفرحه لانه بدا يقتنع: لااااا لا تقولي كذا انت اخوي الكبير ولازم نريحك بعدين لا تنسى انت رحت عنها 15 سنه وخليتها عندنا يعني عادي نروملها
جاسم: كيفج بس انا حذرتج
ساره: مررررره ما يهمك انت بس قولها تاخذ اغراضها وانا بعد ساعه بيي اخذها
جاسم: ان شاء الله يالله مع السلامه في حفظ الرحمن
ساره: مع السلامه في حفظ الله
وسكر المكالمه وسااااره طاااااااره من الفرح وادور اخوها ياسر عشان التحدي ويعد عناء كبير من البحث لقته
ساره: يلا يسووري الاتفاق اتفاق قدرت اقتعه
ياسر بدهشه كبيييييره: كيييييييف جذاااابه ما اصدق
ساره: والله العظيم حتى بعد ساعه بروح اييبها
ياسر يحاول يخلي الموضوع عادي لانه يعرف طلبات اخته: انزين الحين شو المطلوب مني؟؟؟
ساره: الاتفاق اتفاق وانا اريدك تسفرني سويسرا ولندن وباريس مع شوق
ياسر منصدم من طلب اخته ساره الغير معقول وقال: اظن ان هذا طاب خيالي ومستحيل التنفيذ……
قاطعته ساره: بس اظن انك قلت اييي شي حتى لو صاروخ صح ولا لأ
توهق ياسر وما عرف شو يسوي وقال: خلاص ان شاء الله بس فالاجازه
ساره بابتسامة انتصار: اوكي بروح اخبر شوق
ساره تصارخ: شووووووووووق شووووووووووووووووق وينج
شوق: هنا هنا ها شو مسويه اليوم
ساره: بتشكريني لو سمعتيني وتحبيني عراسي
شوق متحمسه: يلا قولي اسمعج
ساره تحاول تلعب باعصابها: كم بدفعين <<طماعه الاخت ؛)
شوق بعصبيه: يلا سرعه قوووولي
ساره: ياسر بسفرنا انا وانتي باريس ولندن وسويسرا فالاجازه
شوق بعدم تصديق: حلفيييي كييييف شو قلتيله
ساره: سر المهنه
شوق: مشكووووووووره حبيبتي سويره هالاجازه ما بخيس فالبيت
ساره: العفو


آخر من قام بالتعديل شايله همي بنفسي; بتاريخ 02-01-2018 الساعة 12:52 PM. السبب: خطأ
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-01-2018, 09:48 AM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي


البارت الثاني…………………………………………………………………………
فبيت جاسم………
جاسم بصراخ: يلا خلصتي
ملاك: هي
جاسم: يلا بسرعه نزلي تحت عمتج ساره تترياج بتشلج بيت عنج سلطان وبفتك منج
ملاك (هالكثر يكرهني): ان شاء الله يبه ونزلت تحت وركبت مع ساره
ساره: هلا حبيبتي اخبارج
ملاك والموع فعيونها من معاملة جاسم لها وهي تتمنى الموت من كل قلبها: الحمد الله وعم السياره الهدوء بعد عشر دقايق وصلو بيت سلطان ساره: يلا حبيبتي نزلي بتعيشين عند عمج سلطان خلاص انسي ان عندج ابو اسمه جاسم سلطان هو ابوج وامج هي زوجته منى بيهتمون فيج
ملاك بعدم تصديق من الفرحه: والله صدق يعني ما شي ضرب من اليوم ورايح
ساره حزنت عليها بس ما بينت: هي يا بعد عمري يلانزلي عمج يترياج
نزلت ملاك وراحت داخل البيت اول ما دخلت الصاله شافت عمها سلطان يترياها سلطان: هلا هلا والله نور البيت تعالي حبيبتي سلمي علي راحت ملاك تسلم عليه بس هو سحبها لحضنه وقال: يلا حبيبتي هاتي اغراضج وتعالي وبراويج غرفتج اليديده
ملاك: ان شاء الله عمي
سلطان: ومن اليوم ورابح لاتناديني عني ناديني يبه
ملاك انصدمت من طلبه بس ما عارضت لانه لصالحها وقالت بكل صعوبه: ان شاء الله ي ب ه (يبه)
راحت ملاك لغرفتها مع عمها ويلست ترتب اغراضها واول ما خلصت سمعت صوت الباب يندق وقالت: ادخل كانت ريم وشيماء بنات عمها سلطان ريم: هلا والله ببنت عني واختي وحياتي وقلبي نور البيت بوجودج
شيماء: وانا اقول ليش منور البيت اليوم طلعتي انتي السبب
ابتسمت ملاك وقالت: منور باهله
ريم: ملاك من اليوم ورايح انا اختج اي شي تبين تقولينه قوليلي انا موجوده وحتى شيماء بعد موجوده
ملاك بحيا: مشكورات
شيماء: ماله داعي المستحتا نحن خواتج
ملاك اكتفت بابتسامه تاخذ العقل
فبيت جاسم………
اول ما راحت ملاك من البيت حس براحه نفسيه لا توصف وراح تلبس وتجهز عشان يسير عند ربعه وهو راكب سيارته فالطريق كان في ياهل يمشي فالشارع وبما انه ياهل فهو قصير وجاسم ما انتبهله دعمه وانجلبت سيارته وفي هاللحظه حس الجد باظطراب وقال لا اراديًا جااااسم وراح يتصل عليه بسسس ما يرد
عند جاسم في ريال كان واقف قريب من الحادث واتصل بالاسعاف ووصلت عقب ربع ساعه وخذو جاسم والياهل ودخلوهم السياره وبلمح البرق وصلو المستشفى ودخلوهم غرفة العمليات لان حالتهم كانت وايد خطيييره وخاصةً الياهل لان السياره انجلبت عليه
في بيت الجد كان ابو ياسر يالس عند عياله يسولف معاهم بس قاطعهم صوت جوال الجد
*******: الووو السلام عليكم منو معاي ابو جاسم سالم؟
ابو ياسر: وعليكم السلام هي انا من معاي
*******: مستشفى النور
ابو ياسر: خير شو ياه ولدي
المستشفى: ولدكم سوى حادث وانجلبت سيارته طاحت على واحد من اليهال
ابو ياسر منصدم وسكر الجوال بسرعه
الكل كان خايف لان ملامح الجد ما كانت تبشر بالخير
ياسر: خير يبه منو هذا
ابو ياسر: تعالوا معاي بسرعه بنسير مستشفى اخوكم جاسم سوا حادث
الجده وعلامات الخوف مبينه عليها: اااااااااااااااه ولدي شو يااااه
شوق: الله يستر
سلطان: يبه اييب معاي ملاك؟؟
الجد: مب لازم عشان ما تخاف
ساره: ما اتوقع انه بهمها بعد كل اللي سوالها ايااه
نايف: بسسس خلاص ما يخصكم فيه بنته وكيفه
شوق: ما هقيتها منك يا نايف بنته يعني يقتلها من الضرب
الجد بعصبيه: بسسس خلاااااص تعالوا سرعه معاي وخلو عنكم الرمسه
الكل: ان شاء الله يبه
بعد ربع ساعه كل الاهل كانوا فالمستشفى حتى ملاك يريون الدكتور يطلع ويخبرهم عن جاسم وبعد حوالي ساعتين طلع الدكتور
ابو ياسر: ها يا دكتور بشرنا عن جاسم
الدكتور: جاسم يحتاج متبرع بالكلى لانه كليته مصابه
ياسر: يبه انا بتبرع
ابو ياسر: اوكي
الدكتور: يلا تعال الغرفه عشان نسوي الفحص ونشوف اذا كلستك متطتبقه مع كليته ولا لأ
ياسر: ان شاء الله
سوا الدكتور الفحص بس للاسف ما تطابق فراح سلطان وما تطابق وبعدين راح نايف وما تطابق وبعدين راحت وشوق و ساره وبعد للاسف ما تطابق
الدكتور: بما ان كل اخوانه ما تطابقك فحوصاتهم فيمكن يتطابق مع واحد من عياله هو عنده عيال اصلًا ولا لأ
ابو ياسر: هي عنده بنت وحده بس
الدكتور: وينها يمكن تتطابق فحوصاتها معاه
ابو ياسر توهق لانه خاف ان ملاك ما توافق انها تتبرع عناد فيه وتفشلهم وبس امره لله وناداها ونادى معاها ساره لانها احسن وحده تقنع
ملاك: امر يدي شو تبا
اب ياسر: ابوج يحتاج متبرع للكلى وكل عمومتج كانو بيتبرعون بس ما تطابقك الفحوصات وقال الدكتور انه يمكن تتطابق الفحوصات معاج
ملاك: موافقه بس بشرط
ابو ياسر ما صدق انها وافقة وانصدم: شو الشرط
ملاك: انكم ما تقولوله اني انا اللي تبرعت
ساره وابو ياسر انصدمو من شرطها ووافقوا على الشرط السهل بدون تردد وسوت الفحص وتطابق بعدين راحت غرفة العمليات وتمت العمليه بنجاح بعدين ابو ياسر جمع عياله
ابو ياسر: سمعوني زين ملاك وافقة على انها تتبرع بس بشرط وهو ان ولا واحد فيكم يقول حق جاسم انها هي اللي تبرعت وياويلكم اذا دريت ان واحد فيكم قاله
الكل استغرب من شرط ملاك بس ما عارضو عليه ويوم طلعت ملاك من غرفة العمليات الكل تحمدلها على سلامتها بس قالها عمها سلطان: ملاك بسألج سؤال وجاوبيني بصراحه
ملاك: ان شاء الله يبه
سلطان: ليش ما تبين حد يقول حق جاسم انج انتي اللي تبرعتي له بكلاج؟
ملاك ارتبكت: لانه مثل ما تعرف هو يكرهني وما يطيقني ولو درا اني انا اللي تبرعتله بعصب ويسوي مشاكل وانا اريد اتفادى المشاكل ما فيني عليه
سلطان رحمها: ان شاء الله طلبج مجاب محد بقوله
ملاك فرحت: مشكور يبه وحبته عراسه
في غرغه ثانيه فالمستشفى كان تعبان فتح عيونه بصعوبه حس ان راسه دايخ كل جسمه يعوره خاصةً بدنه فجأه دخل عليه ابو ياسر: هلا هلا وليدي سلامات
جاسم باستغراب: الله يسلمك بسس يبه ليش انا فالمستشفى؟
ابو ياسر قاله عن الحادث وشو استوى بس ما قاله يوم ملاك تبرعت له بالكلى
جاسم باستغراب: يبه منو اللي تبرع بملاه وانقذ حياتي؟
ابو ياسر توهق: بقولك بس بشرط توعدني انك ما تخبر حد
جاسم: وعد
ابو ياسر بتردد: اااااهه آآه اللي تبرعت لك هي م م ملاك
جاسم انصدم من الاسم: شووو يبه من اللي تبرع؟
ابو ياسر بثقه: ملاك بنتك
جاسم انصدم وحس انه تعبان وراسه يعوره اكثر: يبه ممكن تطلع لو سمحت اريد ارتاح
ابو ياسر حس فيه وطلع بدون ما يتكلم
معقوله معقوله ملاك اللي عذبتها وضربتها وخليتها تتمنى الموووت تتبرع لي بكلاها وتنقذ حيااااتي لاااااا ما اصدق ما اصدق مستحيييييييييل كييييييييف اكيييد نااويه على شي اكييد ما اتوقع انها تحبني وتبا تنقذ حياتي او تحاتيني يمكن تبا تذلني وتستفزني وان بلاها كنت بكون الحين تحت التراب لااا لااا ما اصدق شلكها مخططه تسويبي شي او تقتلني
ملاك كانت فغرفه بعيده عن جاسم ترتاح من العمليه اللي قطعتلها بطنها وطلعت مصارينها وتفكر في جاسم وردت فعله اذا درا انها اللي تبرعتله كانت تفكر في خطه عشان تقدر تنتقم من جاسم اللي دمر حيلتي وبعد تفكير دام لخمس ساعات متواصله ياتها فكره جهنميه واتصلت على بسلطان: هلا هلا والله بهصوت وراعيه شحالج حبيبتي
ملاك: الحمد الله يبه ممكن اطلب منك طلب
سلطان: امري
ملاك متردده: اريد اروح عند ج ج جاسم
سلطان انصدم من طلبها وعلى طول وافق: ان شاء الخين خمس دقايق وانا عندج
ملاك بابتسامة مكر: شكرًا يبه احبببك
سلطان: العفو
سكرت ملاك التفون وبلمج البرق تعدلت عشان يكون جمالها فتان وتقدر تنفذ خطتها الشريره وبعد خمس دقايق بالضبط سمعت صوت الباب يندق ملاك: ادخل دخل سلطان وكان شكلها طفولي وبريئ سلطان ما قدر يتماك نفسه وقعد يناظر ويتأمل جمالها
ملاك: يلا يبه ما بنسير
سلطان انتبه وقال: يلا يلا الحين بنروح وطلعو من الغرفه متوجهين الى غرفة جاسم واول ما وصلو الغرفه
ملاك: لو سمحت عادي ادخل بروحي اريد اخذ راحتي
سلطان: يلا خذي وقتج
دقت الباب وسمعت صوت حزين وتعبان يقول: ادخل دخلت ملاك وشافت جاسم كان شكله يكسر القلب بس تمالكت نفسها عشان ما ترحمه وتقدر تنفذ اللي فبالها انصدم جاسم من اللي دخل كان يتحسبها تكرهه بسسسس فرحته ما دامت لانه ملام استغلت فرصة كونه ضعيف وانهالت عليه بالضرب بدون رحمه نفس ما كان يسويلها وهي صغيره وبعد ما نفذت اللي فبالها وارتاحت لانها قتلته مثلت انها تصيح وطلعت عند عمها سلطان: اااااااااااااااه يبه الحق علي جاسم جاااسم مااااااااااااااااااااات لاااا الحق علليه
سلطان بخوف: هدي هدي يا بنتي بلاه جاسم
ملاك تجذب وهي تمثل الصيااح: اول ما دخلت على جاسم كان ميت انا تحسبته راقد حطيت ايدي على صدره عشان اتحسس نبض قلبه بسس ما كان في نبض تروعت وهزيته هز عشان ينش بسس للاسف ما شي فايده
سلطان بسرعه راح عند جاسم يأكد من خبر وفاته بسس للاسف كان ميييت
سلطان: ملااااك بسرعه روحي نادي الدكتور عشان يتأكد من حاله
ملاك تروعت وخافت انه يكون بس فاقد الوعي ويقولهم عن اللي سوته فيه: ان شاء الله ومشت بحيث ان حتى السلحفاة تكون اسرع منها بعد حوالي ربع ساعه وصلت عند الدكتور وقالتله
الدكتور: يلا ثواني وانا موجود
ملاك (لا عادي خذ راحتك): يلا انا رايحه وبعد دقيققتين وصل الدكتور عند جاسم وسواله فحص وطلعت النتيجه وطلع الدكتور ينقللهم الاخبار وطبعًا الكل تجنع عنده حتى ملاك اللي شوي وتموت من الخوف لانها اذا انكشفت بتستوي كارثه
الدكتور: الظاهر ان المريض تعرض لعدة ضربات على راسه وبكسات على ويهه وحوالي ثلاثين عضه فريله والحين حالته خطيره بين الحياه والموت
الكل انصدم من تشخيص الدكتور ابو ياسر: انت متأكد من اللي تقوله
الدكتور: كل الثقه
ياسر: الحمد الله انه مب ميت يعني في فرصه انه يتم حي
الكتور: هي بس الفرصه واااايد صغير بس 2.5%
نايف: بس منو هذا اللي يتجرأ ويضربه هالضرب
ياسر: اكيد قلبه ما فيه ذرة رحمه
ابو ياسر: يعني في حد يضرب انسان مريض توه طالع من غرفة العمليات؟؟؟
كانت تدور الاف الاسئله في رؤوسهم اما ملاك فكانت تتمنى ان الارض تنشق وتبلعها قبل ما تنكشف وتتمشكل
سلطان (معقوله تكون ملاك لا لا لا مستحيل تسويها اذا تبا تضربه وتعذبه ليش تتبرعله؟؟) ونفض الفكره من راسه
ابو ياسر بعصبيه: ياااااسر يلا بسرعه اتصل عالشرطه لازم نعرف منو هذا المجرم الحيوان الحقير اللي ضرب وليدي حبيب روحي
ملاك ذيج الساعه تجمدت من الخوف لانهم اكيد بعرفونها ويمكن تدخل السجن على فعلتها لكن هيهات هي الحين عمرها 17 سنه بعدها ما كملت 18 سنه عشان تندخل السجن فعيني بحاسبون ابوها اللي جاسم!
ياسر: الووو السلام عليكم
الشرطي: وعليكم السلام
ياسر: منو معاي؟
الشرطي: مقر الشرطه العسكري انا الشرطي ابو محمد
ياسر: لو سمحت في جريمه مستويه هنا فمستشفى*********
الشرطي: ممكن تقولي احداث الجريمه بالتفصيل الملل؟؟؟
ياسر قال للشرطي كل شي عن جاسم وعن الضرب اللي انضرب
الشرطي: عشر دقايق ونحن موجودين عندكم
ياسر: مع السلامه
الشرطي: مع السلامه
وسكر المكالمه وقال حق ابوه عن الشرطي وبعد عشر دقايق وصلت الشرطه
ابو محمد: وين المصاب
ابو ياسر: فالغرفه يرتاح الحين هو فاقد الوعي
ملاك ميته خوف من الشرطه ومتندمه من اللي سوته
ابو محمد يكلم ملاك لانه شافها متروعه: لا تخافين حبيبتي بنعرف منو هذا السفاح اللي قلبه ما ذرة رحمه وهجم على ابوج واذا مسكناه ما بشوف خير
ملاك كانت ذيج الساعه كانت جسد بلا روح من اثر الخوف وزاد عليها كلام الشرطي: يصير خير
وبعد فتره زادت عن ثلاث ايام نش جاسم من غيبوبته واول ما نش لقى الشرطه واقفه عراسه وزاغ واغمى عليه ثانيه
ابو محمد الشرطي باسف: شكله المريض خاف واغمى عليه
ابو ياسر: لو سمحت ممكن اطلعون برا انت وربعك عشان اذا نش مره ثانيه ما يتروع ويصير اللي صار
ملاك فهاذيج اللحظه طاااارت من الفرح لانه لولا الله ثم لاولا الشرطه كانت الحين بتكون في مقر التحقيق فحاولت انها تخليه يغمى عليه مره ثانيه اذا نش: لا عادي خله عشان يحققون بسرعه ويعرفون المجرم فوقت اقصر
ابو ياسر: على راحتج
بس هالمره عقب حوالي اسبوعين نش جاسم وما لقى حد واستغرب وحاول انه ييلس بس ما قدر كان يتألم وااايد مكان الضرب اللي ياه وبعد دقايق دخل الشرطي ابو محمد: السلام عليك جاسم شحالك ان شاء الله بخير؟؟
جاسم: الحمد الله بخير بسس منو انت وليش انت هنا
ابو محمد: انا الشرطي ابو محمد وانا هنا لان في مجرم ضربك لين ما نقعت روحك وانا هنا عشان اكشف هالمجرم بس لا تحاتي ان شاء اسبوعين بالكثير والمجرم مكشوف
جاسم انصدم من اللي قاله الشرطي لانه ما في ولا اي حد اعتدى عليه: بسس ما في حد اعتدى علي ولا ضربني
ابو محمد بدهشه: بسس كيف محد ضربك وانت لقوك مغمى عليك والدكتور قال ان فيك علامات ضرب فراسك وريلك وويهك
جاسم بتأكيد: اقولك محد ضربني يمكن من كثر الدوار اللي فراسي اغمى علي اما ضرب محد ضربني
ابو محمد عصب لانهم اتصلوله عالفاضي وطلع وراح عند ابو ياسر: لو سمحت ابا اكلمك فموضوع
ابو ياسر فرحان لانه تحسب ان الشرطي حصل المجرم: خير ان شاء الله حصلت المجرم؟؟
ابو محمد بعصبيه: لا ومستحيل احصله
ابو ياسر تلاشت الفرحه وزفر يضيق: وليش ان شاء الله انت شو شغلك؟؟؟
ابو محمد: ولدك المدعو جاسم نش من غيبوبته واستجوبته وقال ان محد ضربه ولا تعدى عليه
ابو ياسر باستغراب: كييييف اقولك الدكتور يانا وقال ان في حد رضبه وحتى ادا ما تصدق سأله بناديلك اياه
ابو محمد تفهم الموضوع: لا ما يحتاي هاذو ولدكم نش من الغيبوبه وقتل ان محد ضربه واظن ان هو ادرى من الدكتور
ابو ياسر بعصبيه: اقولك في حد ضرب ولدي وانا اريدك تاخذ حقه منه وانت تقولي مب لازم
ابو محمد: قلت لك مب لازم لانه الدكتور يمكن مغلط بين الاسماء واذا ما تصدقني روح اسأل ولدك هاذو واعي
وعلى طول راح ابو ياسر لعند جاسم وبدون ما يدق الباب دخل انه كان مستعيل: جاسم بسألك سؤال وجاوبني بسرعه منو اللي ضربك؟
جاسم: يبه محد ضربني الدكتور يمكن مغلط بالاسماء
ابو ياسر انصدم من جواب ولده واستسلم للامر الواقع: خلاص مشكور وطلع وراح عند الشرطي واستسمح منه لانه ضيع وقته عالفاضي وطبعًا ابو محمد تفهم الموضوع لانه مب اول مره تستوي هالحركه اما ملاك فكانت تدعي ربها وتشكره ان جاسم نسى كل شي استوى قبل ما يغمى عليه بعد ثلاث اسابيع ترخص جاسم من المستشفى ورد كل شي نفس ما كان ملاك ساكنه عند عمها سلطان وجاسم يعاملها نفس المعامله ما تغير

بعد مرور شهرين تقريبًا كان كل شي طبيعي ملاك توها راده من الجامعه الساعه 3:30 وفرحانه لانه باقلها بسس شهرين وبتتخرج كانت تعبانه راحت فوق لغرفتها حطت شنطتها على الطاوله وراحت في سابع نومها يات الساعه تسع فالليل واجتمعت كل العايله عشان تتعشى الا ملاك اللي كانت للحين راقده سلطان بقلق: وينها ملاك ليش ما يات
منى: ردت من الجامعه وهي تعبانه ورقدت
شيماء: اروح اوعيها
سلطان: لا خلها ترتاح
وتعشو كلهم الا ملاك ورقدو ويات الساعه سبع ونص سلطان: حد شاف وينها ملاك من امس ما شفتها راحت الجامعه ولا بعدها؟؟؟
منى: لا ما شفتها راحت بروح اشوفها راحت منى وركبت الدري ووصلت غرفة ملاك وفتحت الباب: ااااااااااااااااااااااه ااااااااااااااااااااااااااااااااااه كانت ملاك مرميه عالارض وتقطر من الدم اللي فويهها ويوم سمع سلطان الصرخه تروع وربع باسرع ما عنده عشان يشوف شو استوى واول ما شافها مسك جواله واتصل عالاسعاف


آخر من قام بالتعديل شايله همي بنفسي; بتاريخ 02-01-2018 الساعة 09:57 AM. السبب: خطأ
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-01-2018, 09:59 AM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي


البارت الثالث…………………………………………………………………………………
وبعد دقايق وصلت الاسعاف نقلو ملاك الى السياره وركب عمها سلطان معاها وبعد ثلاث دقايق وصلو المستشفى ونقلوها باقصى سرعه عند الدكتور اثناء انتظار الدكتور كان عمها سلطان يالس عند منطقة الانتظار يتصل بابوه
سلطان: الوو السلام عليكم
ابو ياسر: وعليكم السلام
سلطان: يبه تعال انته واخواني بسرعه المستشفى ملاك تعبانه وايد
ابو ياسر: ليش عسى ما شر
سلطان: تعال وانا بقولك شو استوى بالتفصيل
سكر المكالمه وهو خايف على ملاك ما يعرف شو ياها وبعد ربع ساعه وصلت العائله الكريمه (على قولت الهنوف حمد) والخوف مبين على ويوهم ما عدا جاسم لان ملاك ما تهمه ويتمناهالها الموت فليش يعور راسه عالفاضي فيلس فبيته احسن له
ابو ياسر بقلق: عسى ما شر شو ياها ملاك
سلطان قالهم شو استوى من يوم كانو فالبيت يوم لقاها عالارض واتصل بالاسعاف لين ما وصلوها المستشفى
ياسر: يعني ما تعرف منو هذا الكلب اللي سوالها كذا
سلطان باسى: للاسف لا
نايف: يبه اتصل حق الشرطه؟؟
ابو ياسر: لا اخافهم يفشلونا نفس المره اللي طافت مع جاسم خلنا نتريا لين ما تصحى بعدين نسألها شو استوى اذا كانت السالفه تحتاي شرطه ذيج الساعه يصير خير
الكل كان على اعصابه يتريا الدكتور يطلع وبعد انتظار دام ثلاث ساعات طلع الدكتور سلطان: دكتور طمنا عليها شو ياها
الدكتور يهز راسه باسف: ما في امل انها ترجع للحياه مره ثانيه
ابو ياسر: متأكدة؟؟؟؟؟
الدكتور بعصبيه يحاول يخفيها: قتلك هي مستحيل ترجع للحياه مره ثانيه واذا مو مصدق كلامي روح اسأل اي دكتور ثاني واذا طلع كلامي غلط تعالو تفلو على ويهه
ياسر: ايي انت لا ترفع صوتك على ابوي بعدك تعال ضربه احسن
الدكتور طنشهم وما عطاهم ويه وراح وهي موصله عنده بسبتهم
نايف: شو رايك يبه نسير عند دكتور ثاني يمكن هذا الدكتور ما يعرف شي
ابو ياسر بفرحه: هي هي خلنا نسير عند دكتور ثاني احس ان هذا ماخذ شهادة طب عالفاضي ما يعرف ريله من راسه
سلطان: انا اعرف دكتور شاطر اسمه د.خالد الزهراني
ابو ياسر يلا بنسير له الحين راح ابو ياسر وسلطان وياسر ونايف عند دكتور خالد وشاف ملاك ويلسو اهل ملاك يتريونه وبعد خمس ساعات من الصبر طلع الدكتور
ابو ياسر: ها دكتور بشر في امل انها ترجع للحياه ولا لأ؟؟؟
الدكتور: الظاهر ان البنت تعرضت لضربه على ويهها مما خلاها تفقد الوعي وفي احتمال 45% انها ترجع للحياة
نايف بفرحه: شفتو قلتلكم هذاك الدكتور ثور ما يعرف شي قال اونه مسستحيييل ترجع للحياه
سلطان: وقال بعد اذا طلع كلامي صحح تعالوا تفلوا على ويهي وينه وينه وين سار الحين اريد اتفل فويهه
ابو ياسر: دكتور نقدر ندخل عليها الحين؟؟؟
الدكتور: هي هي اكيد بسس لا تكلمونها وايد خلوها ترتاح عندكم بس خمس دقايق
الكل: ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-01-2018, 10:01 AM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي


تعليقاتكم…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-01-2018, 10:20 AM
Malak2000 Malak2000 غير متصل
©؛°¨غرامي جديد¨°؛©
 
الافتراضي رد: رواية الموت حلم حياتي


كملي روايتج حماااااسيه❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 03-01-2018, 02:39 PM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي/بقلمي


البارت الرابع…………………………………………………………………………………الكل دخل عند ملاك ولقوها راقده عالكرفايه وشكلها يقطع القلب
ياسر: يبه اصحيها عشان نعرف شو استوى؟؟؟
ابو ياسر صرخ صرخه هزت المستشفى: لاااااااااااا ما سمعت الدكتور شو قال؟؟؟ خلها ترتاح وبعدين يصير خير
ذيج الساعه نشت ملاك من رقادها واول ما فتحت عيونها لقتهم كلهم يطالعونها
سلطان بحنان: سلامات سلامات بنتي ما تشوفين شر
ملاك ابتسمت غصبًا عنها: الله يسلمك يبه
نايف يعلق: لا لا لا خطير سلطانوو خليتها تقولك يبه
سلطان: بنتي وكيفي
ابو ياسر: خلاص خلاص انتو يايين تتناقرون ولا تتطمنون على الحلوه ملاك؟؟؟
الكل: طبعًا يايين نطمن على ملاك
ياسر: انزين ملاك ما قلتيلنا شو ياج؟؟
ملاك باستهزاء: انا الحين يايه اسألكم هالسؤال تسألني انتا؟؟؟
سلطان قالها شو استوى من يوم رقدت لين ما شافتها زوجته منى واتصلو عالاسعاف والدكتور الجذاب لين الحين
ملاك حست بغصه: هي هي الحين اذكرت شو استوى
الكل بلهفه لانهم يتروون هاللحظه من زماان: يلا يلا قولي
ملاك: امس يوم رديت من الجامعه كنت تعبانه فرحت ارقد والساعه ثلاث الفير سمعت صوت فغرفتي وعاني ويوم نشيت اشوف من وين هالصوت شفت ريال متلثم ما عرفته بسسس حسيت اني اعرفته من زمان ويوم شافني طبعًا ما رحمني ومسكني من ارقبتي ووقالي بصوت هامس اذا قلتي حق اي حد عني بذبحج انتي وكل اهلج وقلتله ما بقول بس منو انته وشو تسوي ويوم سألته تم يضحك وقطعلي ويهي بالسكين اللي كانت في ايده وبعدين اغمى علي وانتو شفتوني الصبح
سلطان: انا اراويه هالكلب والله لو اعرف منو هذا جان زخيته وادبته زين جليل الحيا
نايف: يبه شو رايك اتصل بالشرطه؟؟؟
ابو ياسر: هي هي اتصل خلهم يزخون هالكلب الحرامي والسفاح
طبعًا نايف ما صدق عالله وربع اربعان يدور الجوال عشان يخبرهم
نايف: الوو السلام عليكم
الشرطي: وعليكم السلام منو معاي؟؟
نايف: انا نايف سالم ال******
الشرطي: خير ان شاء الله ليش متصل ولا تلعب معانا؟؟؟
نايف بعصبيه: ليش ان شاء الله شايفني بزر جدامك عشان العب
الشرطي بقلك صبر: بسرعه خلصني شو تبا
نايف قال حق الشرطي السالفه عن ملاك والحرامي
الشرطي: وين انتو الحين؟؟
نايف: مستشفى******
الشرطي: ربع ساعه وانا عندك
نايف: مع السلامه
الشرطي: مع السلامه
وبعد عشر دقايق الشرطه كانت فالمستشفى
الشرطي ابو سالم: وين الضحيه نبي نشوفها
ابو ياسر: ليش هي عنز تسمونها ضحيه؟؟ اظني عندها اسم واسمها ملاك
ابو سالم: المهم وينها ملاك
ابو ياسر: هناك فالغرفه رقم 13
راح الشرطي ومعاه ابو ياسر للغرفه ودقوا الباب ملاك: ادخل ودخلوا عندها طبعًا ملاك خافت واايد من الشرطه بسس ما بينت
ابو سالم يمثل الطيبه: السلام عليج ملاك شحالج
ملاك بضيق: وعليك السلام الحمد الله زينه
ابو سالم: مثل ما تشوفين نحن الشرطه ونبي نعرف منج بالتفصيل شو استوى عشان نقدر نعرف منو المجرم
ملاك خافت انهم يعرفون المجرم لانها تعرفه بسس ما تباهم يمسكونه فقالتلهم الاحداث بالتفصيل الكاذب عشان ما يمسكونه
ابو سالم: شكرًا عالمعلومات وطلعوا

كان جاسم يالس فالصاله فبيته يفكر بملاك وشو ياها عقب الحادث: خلها تولي اصلًا هي ما تهمني ويعلها المووت
وفجأه سمع صوت الباب يندق وبدون نفس رد: ادخل ويوم انفتح الباب شاف اكثر شخص يحبه عقب امه وابوه وزوجته عهد ساره
جاسم بابتسامه: هلا هلا والله ها خير شو تبين يا ام المصالح؟؟؟
ساره: لا تخاف ما ييت عشان مصلحه ييت اقولك شي
جاسم: ها نورينا بنورج
ساره: بسألك سؤال وجاوبني بصراحه
جاسم بثقه: يلا اسمع
ساره اخذت نفس وقالت: ليش انت تعامل ملاك هالمعامله هي شو سوت لك؟؟؟ اصلًا لو سوت اللي سوته لازم ما تعالمها هالمعامله حتى الحيوانات تعاملهم بطريقه احسن
جاسم انصدم من سؤالها ويلس يفكر فعلًا هي شو سوتلها بسس اذكر عهد وكيف كان يحبها ونفض هالافكار من راسه وقال: هي كانت السبب في موت زوجتي عهد
ساره: لا هي ما يخصها عهد اللي راحت وانقذتها
جاسم اول مره يفكر بملاك وارتبك لان ساره كانت صادقه: بسس لو ما كانت ملاك موجوده كان الحين عهد يالسه عدالي
ساره حست انه بدا يقتنع: قتلك خمسين مره ملاك مالها دخل هذا قضاء الله وقدره
جاسم: اااااااه بسسس
قاطعته ساره: لا ااااااه ولا بسس الحين تروح الها فالمستشفى
جاسم منصدم: فالمستشفى لييش؟؟؟
ساره: بنتك وروح شوفها
وبلمح البرق تلبس كندورته وشل معاه مفتاح السياره وانطلق للمستشفى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 03-01-2018, 02:40 PM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي/بقلمي


البارت الخامس………………………………………………………………………………
وبعد دقايق وصل للمستشفى وسؤال عن غرفة ملاك وراح الها ودق الباب ملاك: ادخل دخل جاسم وانصدمت من وجوده ليش يأ يزورني اكيد يبا يضربني ولا يعذبني
جاسم بحنان: هلا حبيبتي ملاك شحالج
ملاك: الحمد الله بخير بسس بسألك من متى تعاملني انت بحنان
جاسم تقرب عندها طبعًا ملاك خافت وباسها عراسها: سامحيني على كل شي سويتلج اياه
ملاك والدموع فعيونها كانت تتريا هاللحظه من زماان: سامحتك
جاسم بجديه: انزين ليش انتي فالمستشفى
ملاك بارتباك قالتله شو استوى من يوم ردت من الجامعه لين الدكتور الجذاب
جاسم عصب واااايد من ملاك لانها سؤلت المجرم وماقدر يتمالك نفسه وعطاها كففف ولا فالاحلام طبعًا لا ارادي ملاك حطت ايدها مكان الكف ونزلن الدمووع كان شكلها يكسر القلب: ليييش ليييش تضربني وقامت وصارت تضربه وهو يضربها دبل بسس قاطعهم صراخ الجد: بسسسسس انت وياها اللي يشوفكم ما يقول هاذي بنت وابوها
جاسم: اسف يبه
الجد طنش اعتذاره وبسرعه راح عند ملاك اللي كانت تتألم من ضرب جاسم اللي ما يرحم: انتي بخير؟؟
ملاك: هذا الوحش اللي جدامك كسرني تكسير الله يعين امه عليه
الجد يحاول يخفف عنها: هي والله صادقه
جاسم بعصبيه: اييي انتي احترمي نفسج
الجد يدافع عنها: اظن اني موجود ماله دافعي تتكلم وبعصبيه اطلللع برااااااا
جاسم بقهر: ان شاء الله وطلع
الجد: ملاك ليش تضاربون
ملاك قالتله شو استوى وقال: انا ارواويه هالجاسم عشان مره ثانيه يمد ايده عليج
ملاك: ملاه داعي برايه
الجد: على راحتج وطلع ويلست ملاك تصيح على حالها وفجأه دخل عليها بدون ما يدق الباب
****** وهو يصيح: ملاك سامحيني والله العظيم اني اسف بسس كنت مجبور
ملاك بحزن: بسس ليش ليش رحت عني وسويتبي كذا لييش انا شو سويتلك فااارس لييييش
فارس: كنت مجبر والله العظيم ابوج اجبرني وقالي اذا ما سويتبلج كذا بيجتلني انا وانتي
ملاك انصدمت معقوله ابوي قاسي لهدرجه؟؟؟:خلاص انزين بسامحك بسس بشرط
فارس بفرحه: هاا قولي بسوي اي شي عشان اكفر ذنبي
ملاك بابتسامه: خذني معاك ما اريد اعيش مع ناس ما يحبوني
زادت ابتسامة فارس لانه مان يتريا اللحظه اللي تطلب فيها هالطلب من زمااااان: ابشري باجر الساعه ثلاث الفير بيي اشلج وانتي كتبيلهم ورقه وقوليلهم انج شردتي مع واحد بس لا تقوليلهم عني
ملاك: طلباتك اوامر
( فارس هو اخو ملاك بالرضاعه وهو اللي شافته ملاك فليل وعرفته بسس ما تكلمت لانه اكثر واحد تحبه فهالدنيا وهو الوحيد اللي رحمها من بعد وفاة امها)



كتبت ملاك الورقه اللي قالها عنها فارس وشلت ملابسها ويات الساعه المنتظره وشردت مع فارس وركبوا السياره
ملاك: وين بنسير؟؟؟
فارس: انا حجزت لنا شقه في منطقه بعييييييييييده عشان محد يدريبنا
ملاك بابتسامه: الله حلو
وبعد ساعات من السير وصلوا الشقه كانت كبييييره كانها قصر وفخمه نزلوا من السياره فارس: يلا تعالي براويج غرفتج
ملاك بحماس: يلا يلا الحين يايه راحت ملاك معاه ودخلت غرفتها كانت كبييييييييره وااااايد لونها وردي وفيها كرفايه كبيره لونها بني وعدالها كبت ملابس وتسريحه
فارس: شو رايج
ملاك: تجنن مشكووووور
فارس: العفو يلا رقدي الحين عشان نطلع فليل نغير جو راحت ملاك ترقد نفس ما قالها اخوها ونشت الساعه اربع العصر ودخلت الحمام وتسبحت بعد المشوار الطويل ولبست تنوره سوده وتي شيرت ابيض عليه رسومات وحطت ميك اب خفيف وطلعت عند فارس
في المستشفى كان الكل خايف على ملاك يوم قروا الورقه اللي حطتها على كرفايتها حتى جاسم بسس ما كان خايف عليها كان خايف على سمعته وشو بقولون الناس عنه اذا دروا بالسالفه
سلطان: الحين شو نسوي؟؟؟
ياسر: نتصل حق الشرطه
ابو ياسر: لا لا لاتتصل شو بقولون الناس عنا كل يوم عند الشرطه خلنا نحن ندور واذا ما لقينها عقب شهر نتصل على الشرطه
نايف: وانا رايي من راي ابوي
سلطان: خلاص انزين يلا خلنا نبدا ندور
ابو ياسر: سلطان انت عليك ادور فالشعبيه وتسأل الناس عنها اذا شافوها وياسر ونايف يدورون فالمنطقه كامله وعليكم تلبسون ملابس الشرطه وتفتشون بيت بيت
نايف: فكره حلوه يلا متى نبدأ؟؟
سلطان: نبدأ من الحين وانتو روحوا اشترولكم ملابس شرطه وبعدين ابدوا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-01-2018, 01:08 PM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي/بقلمي


البارت السادس………………………………………………………………………………
وبالفعل نفس اليوم العصر كل واحد بدا شغله سلطان دور فالشعبيه كلها بسس ما لقاها اما نايف وياسر دوروا بيت بيت فالمنطقه وكانوا خلاص بيستسلون بسس قال ياسر: يلانايف بسس اندور خمس بيوت زياده اذا لقيناها لقيناها ما لقيناها خلاص عادي
نايف بتعب: يلا خلنا انكمل كملوا بحث ووصلوا البيت الخامس دقوا الباب وبعد لحظات انفتح الباب انصدموا من اللي شافوه كانت ملااااك: نعم شو تبون
ياسر باشتغراب: ملااااك شو تسوين هنا؟؟؟
ملاك توها تنتبه الهم وتندمت انها فتحت الباب: منو ملاك اظن انك مغلط
نايف بشك: متأكده انج مب ملاك؟؟
ملاك بخوف: شو هالسؤال اقولك انا مب ملاك انا حور
ياسر مب مصدق: يالله اسفين يا مل اقصد حور
وراحوا عنها بسس ياسر حفظ البيت احتياط عشان اذا يبا يرجع: نتيف يلا خلاص خلنا انرد انا تعبت
نايف: يلا يلا انا عازمنك عالعشا اليوم
ياسر باستغراب: ليش شو المناسبه؟؟
نايف باستهزاء: يعني ما تعرف لان حصلنا ملاك
ياسر بفرحه لا توصف لانه احساسه كان صحح: يعني اللي حسيت فيه صحح
نايف: يعني ما شفتها ترتجف وحالتها حاله
ياسر: هي والله صدقق بسس ما بناخذها معانا؟؟
نايف بمكر: لا لا بنخلي ابوي وسلطان اييون للبيت عشان يتفاهمون معاها
ياسر: يلا خلاص خلنا انروح
راحوا المطعم واتعشو ورجعوا البيت الساعه عشر
ياسر: يبه ابشر لقيناها
الجد بفرحه: والله ويينها وينها اريد اشوفها
نايف: يبه ما يبناها……
قاطعه سلطان بعصبيه: وليش ان شاء الله؟؟
نايف اعوذ بالله منه حشى ما خلاني اكمل: لانها كانت خايفه منا حتى قالت انها مب ملاك اسمها حور
الجد: وكيف تأكدتوا انها ملاك مب حور عقولتها
ياسر باستهزاء: يعني في حد ما يعرف بنت اخوه
الجد: انزين الحين شو بنسوي؟؟
ياسر: بما ملاك تحب شاطان اكثر واحد فبنخليه يروح الها يمكن ترجع معاه واذا ما طاعت بنيبها غصبًا عنها
الجد: انزين متى بنسير؟؟؟
نايف: باجر من الفير لان المكان واايد بعيد
سلطان: يلا انا بروح ارقد عشان اروم انش الفير
الكل رقد الا ملاك اللي كانت تفكر بياسر ونايف واذا عرفوها ولا صدقوا انها حور وبعد ساعات من التفكير راحت في سابع نومها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 04-01-2018, 06:49 PM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي/بقلمي


البارت السابع…………………………………………………………………
الفير في بيت ابو ياسر……
اتصل على سلطان وياسر ونايف عشان يمرون عليه ويروحون عند ملاك وبعد عشر دقايق كانوا ينتظرونه عند الباب وركب معاهم وكان الصمت سيد المكان بعد ساعه قطع عليهم صوت
ابو ياسر: انزين ما قلتولي كم يباله الطريق؟؟؟
ياسر: خمس ساعات اذا كنا سريعين وااايد وطبعًا بيمسكنا الرادار وست ساعات اذا سريعين بسس مب لدرجت ان الرادار يسكنا وسبع ساعات ونص اذا كنا بطييئيين واايد شو تختار؟؟؟؟؟
ابو ياسر: ههههههههه الاختيار الثاني
سلطان: انزين ماقلتولنا كيف بنخليها ترجع معانا؟؟؟
نايف: اول شي سلطان…………وقال للهم الخطه
ابو ياسر باعجاب: ماشاء الله عالخطه العبقريه خلاص تم
الكل: تم
بعد ست ساعات وصلوا البيت المطلوب وكانت الساعه 10:30……ياسر: يلا وصلنا
ابو ياسر: يلا سلطان انزل……تزل سلطان ووقف عند الباب وخذ نفس وطق الباب انتظر دقايق وبعدها انفتح الباب وانصدم من اللي يشوفه……سلطان: السلام عليكم
ملاك بصدمه: و وعليكم ال ال السلام
سلطان ما قدر يستحمل وحضنها و طاحت دموعه: ملاك ايش رحتي وخليتيني ليش اهئ اهئ اهئ
ملاك لا ارادي حضنته: سامحني ااااسفه يبه سامحني اهئ اهئ اهئ
سلطان واشتغلت عنده اللقافه: انزين انتي الحين عايشه مع منو؟؟؟
ملاك: مع اخوي فارس
سلطان استغرب لانه ما عندها اخوان: بسسس كيف انتي ما عندج اخوان؟؟؟
ملاك: فارس اخوي بالرضاعه
سلطان: اهااا
ملاك: انزين كيف عرفت مكاني وفي حد معاك ولا جيت بروحك؟؟؟
سلطان قالها كلل شي من يوم راحت لين ما لقوها
ملاك تصيح: اهئ اهئ انزين اخافهم يضربوني خاصةً جاسم اهئ اهئ اهئ اهئ
سلطان: لا تخافين وانا عندج ……يلا الحين روحي هاتي اغراضج وركبي السياره ولا تنسين اهم شي تقولين حق فارس انج بتيين معاي عشان ما يخاف عليج
ملاك: ان شاء الله بسس عطني نص ساعه واكون عندك…وراحت
اول ما دخلت ملاك داخل انصدمت يوم شافت فارس واقف عند الباب وسمع كللل شي كان شكله تحفه ههههه
ملاك: فاااارس
فارس يصيح على فراق اخته: اهئ اهئ خلاص سمعت كل شي اهئ اهئ ما يحتاي تتكلمين يلا شلي اغراضج اهئ اهئ وروحي مع عمج اهئ اهئ اهئ اهئ
ملاك حضنة اخوها: سامحني سامحني بسس ما اقد لازم اسير معاهم اهئ اهئ اهئ
فارس: خلاص روحي لا تتأخرين عليهم
راحت ملاك ودموعها على خدودها وشلت اغراضها وقبل ما تطلع ودعت اخوها ووعدته انها بتزوره
في السياره……
ياسر بعصبيه: هالكثر تاخذ اغراضها ساعتين ونص نترياها وهي قالت بسس نص ساعه
سلطان: خلها تودع اخوها اكيد بتتأخر
نايف: مب هالكثر تودعه جنها بتسافر ترا كلنا فالممكله
ابو ياسر: خلاص سكتوا سكتوا وصلت……بعد ثواني ركبت ملاك السياره وكانت خايف من ردت فعلهم اذا شافوها: السلام عليكم
الكل: وعليكم السلام
نايف بعصبيه: ما بغيتي لو رقدتي هناك بعد
ملاك خافت وانربط لسانها وما قدرت تتكلم
سلطان: خلها فحالها توها يايه
بعدها كان الصمت سيد المكان اين ما وصلوا البيت……كان الكل مجتمع هناك بسس ما كانوا يدرون ان ملاك بترجع…….. اول ما دخلت السياره محد اهتم لها……نزلوا كلهم من السياره ما عدا ملاك واول ما نزلت شلت اغراضها معاها ودخلت البيت ملاك: السلام عليكم
الكل بصدمه:وعليكم السلام
كلهم انصدموا منها حتى عمتها ساره كانت ماسكه فنيان (فنجان) قهوه طاااح من ايدها من الصدمه!!!!!!!!!!
فقالوا: ملااك ياااات!!!/ملااااااااااااااااااك!!!!!!/اشتقنالج!!!!!/هلا والله تو ما نور البيت/……
ملاك سلمت عليهم واحد واحد وطبعًا بهضهم حظنوها وتحمدولها بالسلامه…بسس كان واحد/ه معصب/ه لانها يات كان/ت تتمنى انها تموووت طبعاً عرفتوا منو هذا/هذي
جاااااااااااسم
ابو ياسر يكلم جاسم: روح شلم ع بنتكك
جاسم بدون نفس: مب لازم
ابو ياسر عصب: بنتك ما تبا تسلم عليها عيل هذا ويهي اذا رديتها بيتك
جاسم بعدم اهتمام: يصير خير…وطلع برا البيت
اند ملاك اول ما خلصت سلام راحت غرفتها بحجة انها تعبانه طبعًت محد عارضها واول ما دخلت رمت نفسها على السرير وناااااااااااااااااااااااااااااااااااااااااااااااا ااااااااااااامت!!!!!!!!!!!!!!!









الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 04-01-2018, 07:01 PM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: رواية الموت حلم حياتي/بقلمي


اذا روايتي مب مرغوب فيها خلاص بسكرها

الرد باقتباس
إضافة رد
الإشارات المرجعية

رواية الموت حلم حياتي/بقلمي

الوسوم
10
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ملحمة الموت .. باسلوبي Ftah lndn قصص - قصيرة 16 21-07-2016 11:26 AM
رواية هدف الموت / بقلمي؛كاملة وردة الإسلام روايات كامله - يتم نقل الرواية هنا بعد اكتمالها 36 18-07-2016 08:58 AM
رواية حين تلتحم الخطايا/بقلمي عَزف روايات - طويلة 13 22-02-2016 07:07 PM
الموت مايعرف حسافه ولاحيف الموت كافر ماخذ حبيبتي مني/ للكاتبة : الغيد تُقى ! روايات كامله - يتم نقل الرواية هنا بعد اكتمالها 10 26-04-2015 03:41 PM
رواية أُحبك يا نور حياتي/بقلمي healthynona روايات - طويلة 7 10-02-2015 09:40 PM

الساعة الآن +3: 12:08 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1