اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-01-2018, 10:11 PM
ياقوت ... ياقوت ... غير متصل
©؛°¨غرامي جديد¨°؛©
 
الافتراضي رواية بنات مصعب/بقلمي


السلام عليكم
اليوم قررت انزل روايتي
بعنوان " بنات مصعب "
حاليا الرواية غير مكتملة
اتمنى تنال اعجابكم و اتقبل النقد البناء
و لا تحرموني من ردودكم و تعليقاتكم
لانها هي الحافز اللي يخليني اكمل الرواية للاخير
اخليكم مع الجزء الاول


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-01-2018, 10:26 PM
ياقوت ... ياقوت ... غير متصل
©؛°¨غرامي جديد¨°؛©
 
الافتراضي رد: رواية بنات مصعب


《《 الجزء 1 》》





ناظرتها لثواني بعدم استيعاب و بعدها
صرخت بضيق : ليش انا و مو وحدة من اخواتي
قالت امها بخوف من زوجها : اسكتي .. فضحتينا .. حتى خواتك بعدك بيجيهم نصيبهم .. انتي الكبيرة و المفروض اول وحدة تتزوجين
جلست على السرير و هي تناظر اختها اللي ملتزمة الصمت : قولي شي .. تكلمي ..
هزت كتافها ب ماعندي شي اقوله
قالت امها بتحذير : اياني و اياك اسمعك تعارضين ابوك اذا تكلم معاك
تنفست بقوة
و هي تناظر امها اللي طلعت من الغرفة
قالت بعصبية : الله ياخذني .. يوم اني بنت مصعب .. قرفنا بعيشتنا
مافي بنت تكمل دراسة بالجامعة
المكياج و المناكير و استشوار ممنوع
ممنوع تلبسي اي شي غير الجلابيات الواسعة و الطويلة و المستورة و بالوان قاتمة
المصروف مافي
طلعات مافي.. الا سفرة كل عامين او ثلاث
ياربيي .. باموت من القهر
و اللحين زواج بالغصب ..
ناظرتها اختها بضحكة هم
و هي تقول : نسيتي شي ..
و كملت بابتسامة سخرية : و عزومات اهل امي مافي ..
ذكريني اخر مرة رحنا لخالاتك او خوالك ..
قبل سنتين او اكثر
تنفست بقوة و هي تقول : ربي يصبرنا .. ماعندنا شي نسويه

.
.
.


في غرفة مجاورة
قالت بحماس : لا تقوليها .. مها بتتزوج .. و اخيرا بيكون عندنا عرس و رقص ..
ياربي مو مصدقة
و طلعت من غرفتهم للغرفة اللي جنبهم
دخلت و بابتسامة واسعة : الف الف مبروك .. للعروس مها .. و اخيرا بتودعي عنوستك
ناظرتها مها بحدة و اخذت المخدة اللي جنبها و رمتها عليها بقوة
وسط ضحكات البنات
و هي تصرخ بغضب : لا تجننيني انتي الثانية .. تراني معصبة و بقوة
قالت لمياء بعفوية : لو انا بمكانك افرح .. اني رح ابتعد عن جو بيتنا الكئيب ..
و انتي عارفة من رح تتزوجين .. و تعرفين كل شي عنه
صح انه مو مثالي لكن احسن من غيره
رفعت مها حاجبها باستغراب و هي تقول بفضول : منو ؟؟
ضحكوا البنات و غمزة لها مرام : ولد عمك .. هادي
بلعت ريقها بصعوبة و هي مو مصدقة و تناظرهم بذهول
قالت بدون وعي : هادي ..
ضحكوا عليها
و هي دمعوا عيونها و بعدم استيعاب : ابوكم يبي يزوجني لشايب متزوج قبلي حرمتين
قالت لينا بسخرية : ايه وش الفرق .. مو هو كل ما طرا له يتزوج تزوج .. جات على ولد اخوه .. اكيد طالع لعمه
ذكروني بنات كم تزوج ابوكم من قبل .. و الله ناسية
ضحكت مرام و هي تقول : نحسب حريمه اللحين و الا لا ..
مع حريمه 7 .. و الاحين مطلق 4 و باقي له 3 امي و امك و امهم .. يحب التغيير ابوي ..
ضحكوا البنات على حركاتها
و مها صرخت بحدة : اطلعوا برا ..
طلعوا البنات و هم عارفين ان كل وحدة فيهم رح يكون مصيرها مثل مها
و ما رح يقدروا يعترضوا
.
.
.

على العشاء
جالسين على الطاولة الكبيرة اللي تجمعهم كلهم
و هو جالس بمكانه و جنبه حريمه على الجهتين
و بعدها بناته
قال بابتسامة باردة : مها .. ابيك تكونين بمكتبي بعد العشاء
قالت ببرود : ان شاء الله
قالت لمياء بهمس لمرام : و الله اختك ذي وراها مصيبة .. مو كانت معصبة قبل .. ليش اللحين هادية و كانها مو هي اللي شوي و تذبحنا قبل شوي
ردت مرام بهمس : حاسة انه رح يصير فلم اكشن اليوم .. اختي و اعرفها .. ما تذكرين كم مرة وقفت بوجه ابوي .. و كم مرة ضربها و حبسها بغرفتها لانها تعارضه على كلامه
بلعوا ريقهم بخوف و هم يسمعون صوت ابوهم الحاد : وش تتكلمون فيه .. مو انا اقول اذا كنا ناكل ما ابي اسمع صوت وحدة فيكم ..
نزلوا راسهم بخوف منه
و هو صرخ : يلا على غرفكم ..
قاموا بسرعة و راحوا لفوق
رمت نفسها بقوة على السرير و هي تضحك : ابوك نكته .. يا بنت فجعني كنت رح اسويها على نفسي ..
ضحكت مرام و هي تقول : كله منك ..
مسكت بطنها و هي تقول : حرام عليه .. والله ما شبعت
.
.
.

اما تحت في غرفة الطعام
وقف و اشر لمها تتبعه و هو يقول : جهزوا الشاي على ما اتكلم مع مها ..
تبعته بخطوات واثقة رغم رعبها منه
دخل للمكتب و هي وراه
جلست مقابلته
قال بجدية : ولد عمك هادي خطبك .. جهزي نفسك .. العرس بعد اسبوعين
مهرك باعطيه لامك و اذا نقصك اي شي
تعالي عندي خبريني
من بكرا تطلعي مع امك و خالاتك فاطمة و نورة للسوق تخلصي كل شي ناقصك ..
الله يوفقكم و يرزقكم الذرية الصالحة .. تفضلي
وقفت بثقل و طلعت من مكتب ابوها
عمرها ما كانت بالضعف هذا
دايما توقف بوجه ابوها
لكن اللحين ما ترك لها فرصة اصلا
مو متقبلة فكرة ان ابوها رماها لولد عمها
بدون شورها
و لا حتى طلب رايها اصلا
رفعت نظرها لامها و زوجات ابوها
و هي تحس بثقل باطرافها
غمضت عيونها و هي تحس بدوخة
و ثواني و طاحت على الارض فاقدة للوعي
صرخت امها بصوت مكتوم و ركضت لها هي و نورة و فاطمة
حملوها بصعوبها و طلعوها لغرفتها
قبل لا يدري مصعب عن الموضوع
انفجعوا البنات على اختهم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-01-2018, 10:40 PM
رانسـي رانسـي غير متصل
©؛°¨غرامي مشارك¨°؛©
 
الافتراضي رد: رواية بنات مصعب


بارت حلو في قصه في فكره حلوه رجعتيني شوي ل روايات قبل شتقت اقرأ هيك شي الصراحه
بس لو يكون في اكشن بين حريم مصعب لانو مستحيل يكونو متفقين لهالدرجه هههههه
في عندك عنصر التشويق بس يا ريت تكون احداث الروايه ما تشبه روايات كتير رغم ان كل وحده الها اسلوبهآ
حاولي يكون في وصف اكتر ووووبس عارفه طولت عليكي ههههه
حبيبتي موفقه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-01-2018, 10:43 PM
ياقوت ... ياقوت ... غير متصل
©؛°¨غرامي جديد¨°؛©
 
الافتراضي رد: رواية بنات مصعب


نزلت مرام بسرعة تجيب موية
فتحت عيونها بتعب
و رجعت غمضتهم من جديد
و امها تبكي بخوف عليها
قالت فاطمة بهدوء : اذكري الله .. مو صاير لها شي ..
خلاص يا منيرة
مسحت دموعها بصعوبة و هي تشوف مها فتحت عيونها من جديد
قالت مها ببحة : خلاص يمه .. انا بخير .. ابي بس انام ..
طلعوا من الغرفة بعد ما تطمنوا عليها و نزلوا تحت عشان يرتبوا المطبخ
.
.
.
.
دخل لغرفة النوم
و رفع نظره لها
قال ببرود : وش صاير ..
ما ردت عليه .. زعلانه عليه انه رح يزوج بنته لواحد اكبر منها و متزوج
قال بقسوة : حركات الحريم ما ابيها .. و لا تحسبين انك اذا زعلتي اني اراضيك ..
اللي اسويه انا محد يعترض عليه
و مها بنتى و اعرف مصلحتها
قالت برجاء : مصعب .. الله يخليك لا تزوجها لهادي .. فيه الف واحد يتمنتاها
قال بحدة : خلاص يا منيرة .. قلت كلمتي و انتهينا
قالت بضيق : مثل م انا ما ارضاها على نفسي انك تتزوج علي .. ما ارضاها لبنات الناس .. و لبنتي بعد .. و هادي مثل ما يتزوج و يحطها ضرة لزوجاته .. بيجي يوم و يحط عليها الرابعة
زفر بغضب و هي انسحبت للحمام قبل لا يعصب عليها بسبب كلامها

.
.
.
.

يوم جديد
قبل صلاة الفجر بدقايق
طرق على الغرف كلها و هو ينادي بصوته الرجولي الضخم : يلا .. الصلاة قوموا
كتمت لمياء صرختها و هي تقول : وش ذا .. حتى اللي ماعليها صلاة لازم تقوم .. غصب يعني
قامت فرح بكسل و دخلت لحمام غرفتهم توضت و صلت و هي تسمع صوت لمياء اللي تسب و تدعي مثل العجايز
بعد دقايق نزلوا كل البنات مع منيرة و نورة و فاطمة
عشان يجهزوا الفطور قبل لا يجي ابوهم من المسجد
قالت منيرة باهتمام : هدى .. اختك قامت صلت الصبح ؟؟
كانت هدى رح ترد
لكن قاطعتها مها بصوت هادي : ايه يمه قمت و صليت
باست راس امها و خالاتها
و انضمت لهم تعاونهم في الشغل
وصل مصعب للبيت و هو يسلم بصوت عالي
و حريمه طلعوا من المطبخ
و بالدور كل وحدة تسلم على كتفه
و لحقوهم البنات
اللي يسلموا على راسه بالدور
و لما قربت منه مها
ضغط على كتفها و ابتسم لها بخفة
و هي تبعد عيونها عنه
لف يده على كتفها بخفة و قال : يلا .. جهزوا الفطور و لا تتأخروا
مشت جنب ابوها
و جلس و هي جنبه
قال بجدية : البنت مالها الا بيت رجلها .. و انت بعد اسبوعين تكوني في بيت هادي ولد عمك ..
مسكت نفسها لا تصرخ بوجهه
كمل : اللي يطلبه منك تسويه .. و تطيعينه
ما ابي يجي يوم يقولوا يا مصعب ما عرفت تربي
قالت باعتراض : يبه .. انا ما ابي اتزوج هادي
رفع حاجبه بحده و هو يقول : روحي المطبخ عاوني خواتك
كانت رح تنطق من جديد
بس صرخ بحدة : بسرعة ..
وقفت بخفة و مشت للمطبخ
جلست على الكرسي و مسحت وجهها بقوة
و الكل ما تكلم لانهم سمعوا الحوار اللي بينهم
جهزوا البنات الطاولة و حطوا الفطور المتنوع عليها
و جلسوا كلهم و ابوهم على راس الطاولة
الفطور كان بصمت
بس بضع كلمات يقولها مصعب و يردوا عليه حريمه
قال بجدية لحريمه : اليوم اخذكم للسوق تاخذون وش يلزم لعرس مها ..
قالت منيرة بتساؤل : متى الملكة
قال ببرود : العرس و الملكة ليلة وحد
بعد اسبوعين
شهقوا البنات و هو صرخ بحدة : وش صار .. تشهقن مثل الحمير ..
يلا ما ابي اشوف وحدة فيكم على الطاولة
بس مها تجلس
قاموا بسرعة و هم يتهامسون
سحب الظرف من جيبه و حطه على الطاولة و قال لمنيرة: هذا مهر مها .. اذا نقصكم شي خبروني
نطقت منيرة بهدوء : الله لا يحرمنا منك
هز راسه بخفة و قام :
جهزوا القهوة .. هادي بيجيني بعد شوي
بلعت ريقها بصعوبة و هي تحس بصداع
قالت بتعب : يمه بروح انام شوي
قالت امها تذكرها : لا تنسي .. بنروح السوق اليوم
هزت راسها بخفة و طلعت لغرفتها
و حمدت الله انها ما لقت هدى ..
عشان تكون لحالها شوي

.
.
.
.


في غرفة لمياء و فرح

البنات مجتمعين مع بعض
قالت هدى : والله خايفة عليها .. امس ليل كله و هي صاحية
حتى ان ابوي لما صحانا .. لقيتها صاحية و تصلي
قالت فرح بصوت متأثر : يا عمري عليها ..ما تستاهل .. هي احن وحدة فينا .. و قلبها ابيض
و كملت بخوف : بنات تتوقعون ابوكم يزوجنا كلنا لشياب و معددين
قالت لينا بسخرية : انا اشوف كذا .. الله يستر بس
كملت مرام : يا ربي .. والله لو بقينا صغار ارحم من كذا
قالت فرح تغيضهم : انا احسنكم للحين ادرس و اطلع و اشوف العالم ..
قالت مرام باستهزاء : ههه .. يا بنت ترا كلها سنة و تلحقين اخواتك .. لا تفرحي كثير .. فهمتي حبيبتي
قالت هدي بضيق : بنات .. انا اتكلم في موضوع مهم و انتوا تتهاوشوا
سكتوا البنات
دخلت نورة للغرفة و بصوت جدي : يلا كل وحدة تخلص شغلها

.
.
.
.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-01-2018, 10:51 PM
ياقوت ... ياقوت ... غير متصل
©؛°¨غرامي جديد¨°؛©
 
الافتراضي رد: رواية بنات مصعب


بعد اسبوعين



لبستها امها عبايتها و هي متمسكة بحضن امها
و كانها طفلة صغيرة .. موراضية تترك امها
و خواتها واقفين على جنب و كل وحدة دمعتها بطرف عينها
سمعوا صوت ابوهم الحاد : يلا مها .. زوجك ينتظرك بالسيارة
بالغصب تركت امها و مشت ورا ابوها
انتبهت لسيارة هادي .. و هو واقف جنبها
و فاتح الباب
كانت تسمع ابوها و هادي يتكلمون .. لكن تفكيرها رايح لبعيد
و مو قادرة تستوعب كلامهم
ركبت ببطئ
و كأنها تضيع وقت بحركتها هذي
قفل هادي السيارة
و مشى للجهة الثانية
ركب بهدوء و قال بصوته الرجولي : مبروك علينا
ما ردت عليه
و هو ما اهتم كثير لانه عارف خجل البنات
و حرك سيارته
و بعد ساعة بالتحديد
كانوا في جناحهم باحدى الفنادق الفاخرة
وقفت و هي تايهة مو عارفة وش تسوي او وين تروح
اما هو جلس على الكنبة
بعد ما نزل بشته
رفع عيونه لها باستغراب
و قال بهدوء : ادخلي غيري و ارتاحي .. و انا باطلب العشاء
مشت بثقل للغرفة
قفلت الباب و جلست على السرير بتعب نفسي اكثر من انه يكون جسدي
وقفت و تسندت على التسريحة
مسحت المكياج الثقيل اللي اخفى ملامحها الناعمة
و رجعت جلست على السرير و هي تحس روحها مخنوقة
و انها رح تبكي بأي لحظة
رفعت راسها لهادي اللي فتح الباب بعد ما طرقه
قال بتساؤل : ليش ما غيرتي الفستان
زفرت بضيق و التزمت الصمت
قال بجدية : يلا .. العشاء وصل
قالت بصوت خافت : ما ابي عشاء ..
تقدم منها و انحنى لها و بصوت هامس : مها ..
لا تخليني اغير رايي ..
تراني ماسك نفسي لا اقرب منك و هذي ليلتك الاولى معي
بلعت ريقها بخوف
و لكن ملامحها هادية
و كانها مو خايفة منه ابد
ابتعد عنها و قال : يلا .. انتظرك .. غيري بسرعة و تعالي
غيرت ملابسها بقميص نوم ناعم و ساتر اختارته لها امها تحديدا لليلة الاولى
طلعت من الغرفة بخطوات ناعمه
و هو رفع راسه لها
و ابتسم بخفة
جلست بعيد عنه شوي
و هي تتفادى تناظره
قال بهدوء : سمي بالله .. و اكلي
شربت شوي عصير و قالت بهمس : الحمد لله
قال بجدية بعد ما خلص اكله :
مها .. انتي عارفة اني متزوج اثنين قبلك ..
قالت باندفاع : ايه عارفة ما يحتاج تقول
رفع حاجب و كمل : من اللحين اقولها لك .. حركات الحريم ما ابيها .. و ليش هي و انا لا .. و ليش و كيف ووين رايح ..
قالت بحدة غريبة عن وضعها قبل دقايق : انت زوجي و من حقي اعرف كل شي عنك
و لا تنسى انك لازم تعدل بين حريمك
قال بجمود : مو انتي اللي تعلميني وش اسوي .. اتوقع انك للحين ما وصلتي لل 20 سنة
قالت و هي تناظره : اذا تدري كم عمري .. ليش خطبتني ..
مو انت متزوج و اكبر منى بكثير .. ليش ..
و كملت بضيق : و على فكرة عمري 23 مو 20 .. اوك
و انت مو باقي شي و توصل للاربعين
ضحك بصوت عالي و قال : غلطانه عمري 40
همست بغيض : مريض
و قامت من مكانها
مسكها من يدها و قال : اشوف الخجل و الحياء راح
و ماشاء الله متعودة على الوضع
و غمز لها بخبث : وش رايك نكمل كلامنا بالغرفة احسن ..
سحبت يدها منه و قالت : انت وعدتني ..
تنهد بابتسامة : خلاص و انا عند وعدي ..

قبل ثلاث ساعات
فتحت الباب الخلفي للمطبخ عشان تطلع كيس الزبالة
و هي تتمتم باصوات متقرفة : ليش انا يعني .. كل هالجمال و الكشخة و انا اللي اطلع ال...
شهقت بخوف و تركت اللي بيدها
بعد ما حست باحد يسحبها و قفل باب المطبخ الخارجي
حاول تدقق في وجهه بسبب الدموع و الظلام
لف يده على خصرها و بصوت متخدر : وش سويتي فيني يا بنت
قالت برعب و هي تحاول تبعد يده : بعد عني .. مجنون
انحنى عليها و قبل طرف ثغرها بخفة
و هي جمدت مكانها
و الدموع متعلقة بطرف رموشها
قالت برجاء : عناد اتركني .. حرام عليك
رفع يده لشعرها الطويل وهو مستمتع بخوفها منه
انحنى منها مرة ثانية و مسح خده على خدها

.
.
.
.
.

نهاية الجزءالاول ..
رايكم يهمني + تعليقاتكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-01-2018, 11:03 PM
ياقوت ... ياقوت ... غير متصل
©؛°¨غرامي جديد¨°؛©
 
الافتراضي رد: رواية بنات مصعب


اقتباس:
المشاركة الأساسية كتبها رانسـي مشاهدة المشاركة
بارت حلو في قصه في فكره حلوه رجعتيني شوي ل روايات قبل شتقت اقرأ هيك شي الصراحه
بس لو يكون في اكشن بين حريم مصعب لانو مستحيل يكونو متفقين لهالدرجه هههههه
في عندك عنصر التشويق بس يا ريت تكون احداث الروايه ما تشبه روايات كتير رغم ان كل وحده الها اسلوبهآ
حاولي يكون في وصف اكتر ووووبس عارفه طولت عليكي ههههه
حبيبتي موفقه
شكرا على مرورك .. ههه ادري ان هالشي غريب ..
لكن الفكرة جات لان عندي احد اقربائي كذا معدد و بناته و اولاده متفاهمين ماشاء الله لدرجة تقولي انهم اخوان من ام وحدة .. صح ان حريمه احيانا يتهاوشوا مع بعض و يغيروا من بعض .. لكن هو شديد و عصبي و عصبيته توصل للضرب ف أي مشكلة تصير بينهم تاكلها الظالمة و المظلومة .. فاغلب الهوشات اللي تصير بينهم تبقى بينهم .. عشان كذا استوحيت عالفكرة و حطيتها بالرواية .. على العموم بتتوضح الاحداث مع الوقت ان شاء الله .. و شكرا مرة ثانية

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-01-2018, 11:28 PM
صورة Roma de ana الرمزية
Roma de ana Roma de ana غير متصل
©؛°¨غرامي جديد¨°؛©
 
الافتراضي رد: رواية بنات مصعب/بقلمي


السلام عليكم _بجد تسلم ايدك_بداية اكثر من رائعة _واسلوبك حلو اوى فى الكتابة بس البارت قصير اوى ياريت يكون اطول من كدة ومتتاخريش علينا فى البارت الجاى 😍😘

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 03-01-2018, 12:30 AM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: رواية بنات مصعب/بقلمي



بدايه رااائعه ومشوقه
استمري وإن شاء الله تجدي التفاعل اللي يسرك
بنات مصعب وزوجاته الله يعينهن عليه
معيشهم كأنهم في كتيبه عسكريه
والله يعين مها وإن شاء الله هادي مايطلع مثل أبوها
منتظرين بقية الأحداث
وياليت تكبري الخط مقاس 4 أو 5 أريح للقارىء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-01-2018, 03:13 AM
هبةالربيعي هبةالربيعي غير متصل
©؛°¨غرامي جديد¨°؛©
 
الافتراضي رد: رواية بنات مصعب


اهلا وسهلا بيج اني من العراق اتابعج وان شاءالله تكدرين تكمليها ع خير عزيزتي بصراحه احس اللي يعدد مقرف ا شخصيه شهوانيه لااكثر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-01-2018, 02:03 PM
ياقوت ... ياقوت ... غير متصل
©؛°¨غرامي جديد¨°؛©
 
الافتراضي رد: رواية بنات مصعب/بقلمي


اقتباس:
المشاركة الأساسية كتبها roma de ana مشاهدة المشاركة
السلام عليكم _بجد تسلم ايدك_بداية اكثر من رائعة _واسلوبك حلو اوى فى الكتابة بس البارت قصير اوى ياريت يكون اطول من كدة ومتتاخريش علينا فى البارت الجاى 😍😘
و عليكم السلام .. انتي الاروع حبيبتي .. ان شاء الله المرة الجاية يكون اطول .. بالنسبة للجزء الثاني احتمال كبير انزله اليوم في الليل او بكرا
و شكرا على مرورك


الإشارات المرجعية

رواية بنات مصعب/بقلمي

الوسوم
أصعب , بنات , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. أرشيف الروايات المغلقة - لعدم إكتمالها 53 02-01-2018 11:22 PM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 06:34 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1