غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 121
قديم(ـة) 09-02-2019, 12:32 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


(لم اقع في حبك. بل وقع العالم من عيني حين احببتك(

البارت السادس عشر
طلعت بشاير ودقت على البنات واتفقو يروحون مطعم وهناك قالت لهم اللي سوته
رنا: ههههههههههههههههههه مسكين عمار
نجود: احسسن يستاهل والله
رنا: كل يوم تصدميني بشي هههههههههههه
بشاير: عشان يعرف بس يلعب مع مين هه
نجود: كفو تربيتي ههههههههههه
بشاير : الزبدا متى نروح الكويت عشان بروفه الفساتين
رنا: اممم مدري متى تبغون ومين بيودينا أصلا
نجود:ايه صح قبل عمي الله يرحمه كان يودينا
بشاير : نروح طياره بكرا الصبح ونرجع الاحد بالليل او الاثنين عادي متى ماخلصت الفساتين
رنا: والمشاوير؟؟
بشاير: نسيتي شكلج اني عندي رخصه عاردي نستاجر سياره ونروح احنا مشاورينا
نجود:انا موافقه وماما ماراح تقول شي دام معاكم
رنا:اممم وانا بعد
بشاير: تمام اجل بدخل الحين احجز لنا
رنا: أي تكفين مابقى الا أسبوع ونص عالزواج
بشاير: مين بيسوي الشعر؟
رنا:كلمت كم ارتست بس لسى ماقررت أي وحدا
بشاير: اممم تبغين اسوي لج انا
رنا/ انتي يادوب بتسوين لنا ميك اب انا ونجود ولج تعب لو بتسوين شعري وشعرج
نجود: انا شعري بوي يعني عادي انا بسويه
بشاير: عادي عادي دام بنروح الفندق قبلها بيوم بكون فاضيه ومروقه كم رنا عندي انا بس؟؟
رنا : يووه لايحرمني بسس
حجزت بشاير ثلاث تذاكر للكويت والرحله تسع الصباح.
......

وفي جهة ثانيه
هند كانت تخلص ملفات بالشركة عبدالله مستلعن عليها بالشغل مايخليها حتى ترفع راسها .
دق جوالها وكان اللي متصل طارق ولد عمها.
وعلى دقت جوالها دخل عبدالله
هند شافت الاسم ابتسمت وردت على طول وتركت كل شي بيدها.
هند:هلاهلا بالحب واللي ساحب علي.
طارق:هههههههههههه شسوي اتغلى عشان تشتاقين لي
هند بدلع :مشتااقه لك والله ضروري اشوفك
طارق: لا كذا افحط واصدم اللي قدامي
هند:هههههههههههههه اهبل ياربي اهبل وينك بس؟
طارق:ابد ادور مطعم اتغدى وانتي تغديتي؟
هند:لا والله ماتغديت مرا كرف وضغط بالدوام
طارق: افا افا بس امري تدللي شنوتبغين تاكلين؟؟
هند:امممم مشتهيه هابي ميل من ماك برجر دجاج
طارق:من جدج؟؟
عبدالله بنفسه:ياربي بزر بزر حتى باكلها.
هند:ايه والله من جدي وعمي وخالي يلا بيبي جيبلي وتعرف عنوان دوامي انت
طارق: طيب يلا اجل مسافه الطريق
هند:اوكيه حبيبي يلا باي
سكرت هند من طارق وحطت جوالها ولفت بتكمل شغلها الا تشوف عبدالله قدامها
هند بنفسها:ياربي اكيد سمعني ياربي الحين بياخذ فكرة غلط عني
عبدالله كانت ملامح العصبيه باينه وهند تحسب لانها تاركه الشغل بس هو كان معصب من القهر والغيره.
هند توقهت ماتدري شنو تقول: ااااءء أستاذ عبدالل...
عبدالله: اليوم يخلص كل الشغل ويكون على مكتبي حتى لو اضطريتي تتاخرين
هند بصدمة وبهدوء: ان شاء الله
عبدالله:وبكرا تخلصين ملفات المحاسبة كلها
هند بصدمة اكبر نزلت راسها وبقلة حيله: ان شاء الله أستاذ
عبدالله قعد بالكنبه اللي قدامها وبحزم: يلا اشوف اشتغلي قدامي وتركي عنج قلة الحيى
هند كان ودها تصيح وتصارخ بوجهه كل شي ولا احد يظلمها بس ماحبت تدخل بنقاش ماله نهاية معاه عشان كذا تسكت احسن لها.
مرت نص ساعه وهو يطالعها وهي تشتغل دق جوالها توها بتمسكه.
عبدالله: ارجعي لشغلج وتركي الجوال
هند رجعت لشغلها.
رن جوالها مره ومرتين وثلاث
بعد عشر دقايق دخل عبدالمجيد اخوها واستغرب من وجود عبدالله.
عبدالمجيد: السلام
هند وعبدالله:وعليكم السلاام
عبدالمجيد لهند: هنوده وينج عالجوال طارق يقول حرق جوالج وهو يدق؟؟
هند اكتفت انها تطالع جوالها وتطالع اللملفات
عرف عبدالمجيد انها ماقدرت ترد عشان وجود عبدالله.
عبدالمجيد مد لها كيسة ماك
عبدالمجيد:طارق جاب لج الاكل ومتوعد فيج مالي دخل
ابتسمت هند: ماعليك منه براضيه بطريقتي الخاصة
عبدالله: حس الموضوع فيه لخبطة وانه ظلم هند بشي وحب يستاذن ورجع مكتبه.
عبدالمجيد بجديه: هند عبدالله يضايقج بشي؟
هند بابتسامه:لا ياقلبي بس ضغط شوي مافي الا انا اشتغل بهالقسم
عبدالمجيد: خلاص بكلم محمد اجل عشان يدورون وحدا ثانيه تجي تساعدج.
هند بابتسامه قامت باسته: الله لايحرمني منك .
عبدالمجيد: اهم شي راحتج هنوده وبعدين ترا اشتقت لطبخج
هند: ابشر اليوم اسويلك ولايهمك كم مجودي عندي بس
عبدالمجيد: أصلا بيجون عندي الشباب مباره الهلال والنصر
هند:تمام اجل خلني اكل بسرعه واخلص اللي عندي عشان ارجع البيت بددري واسوي لكم خرابيط واجهز المجلس لكم
عبدالمجيد بابتسامه:يعطيج العافيه .
هند: الله يعافيك
طلع عبددالمجيد وهند التفت شافت كم باقي ملف وطلع باقي ثلاث ملفات قعدت تاكل وتشتغل بعد ساعه ونص خلصت شاف الساعه 4 الا ربع
هند:كويس باقي ربع ساعه خليني اودي الملفات لمكتب عبدالله واطلع اروح البيت اجهز حق عبدالمجيد.
قامت هند شالت خمس ملفات وصارت تمشي شوي شوي من ثقلهم وعشان ماتطيح معاهم والحمدالله مكتب عبدالله كان قريب من مكتبها.
حطتهم بالمكتب وراحت تجيب الملفات الباقيه وحطتهم جنب الملفات ويوم جات بتطلع جات بتدق على عبدالمجيد تقوله انها خلصت عشان يرجعون البيت على طلعتها عبدالله كان قدامها وتصادمو ومن خوف هند طاح جوالها وانكسر وعبدالله بنذاله زاد الطين بله وداس عليه اكثر وتكسر اكثر هند وهي تشيل جوالهها وخانقتها العبره طالعته بنظرات عبدالله اول مرا يشوف هالنظارات وماعرف بشنو يفسرها تركته وراحت بسرعه لمكتبها.
هند بمكتبها منهاره وكاتمه دموعها شلون تكلم عبدالمجيد الحين رتبت المكتب وعطرته وجات بتسكر الكمبيوتر
هند بنفسها:صح ارسله ايميل او ادخل حسابي بالتويتر وارسله انه انتطره عند الباب وان جوالي انكسر.
رسلت له عالايميل وعالتويتر احتياط وسكرت الكمبيوتر وعدلت حجابها وطلعت .
عبدالله كان راجع يأخذ مفتاح سيارته واخذه وطلع وتحسف انه كسر جوال هند مايدري شاللي جاه عشان يسوي كذا
....
خلونا نروح عن العاشق الولهان
عند حمد
كان دوامه اخر ليل وكان توه صاحي ومنسدح ويفكر بملاك اخر مرا شافها بزواج اخته منال ومحمد كان يتذكر شكلها وضحكتها شكثر اشتاق لها ويبيها له
بالزواج
حمد كان توه طالع من صاله الفندق بعد الزفه وتذكر انه نسى جواله بغرفه منال يوم كانو يصورون.
دخل الغرفه اخذ جواله ودخل الحمام.
بنفس الوقت ملاك رقت غرفة منال بتاخذ الكاميرا الاحترافية حقتها عشان تصور اخوها ومنال ومرا وحدا تصور مع البنات.
دخلت لقت الكاميرا فوق الكنب تو بتطلع الا حمد يطلع .
ملاككانت فاتحه عبايتها وحاطه شيلتها عالكتف ماتوقعت تشوف احد بالغرفه تصنمت وانصدمت يوم شافت حمد شكثر اشتاقت له .
تلاقت عيونهم وضلو على هالحال خمس دقايق.
استوعبت ملاك الوضع وحطت الشيله على راسها وسكرت عبايتها وجات بتمشي بس حمد مسكها وضمها لصدره.
حمد بهمس: شكثر اشتقت لج ملاكي الجميل.
ملاك ماتدرس توخره ولا تستحي ولا ترد عليه اكتفت بالصمت.
حمد بهمس: احبج
ملاك رفعت راسها: وانا بعد
حمد:وانتي بعد شنو؟
ملاك:وانا بعد احبك
حمد:مدري اخطفج وننحاش هههههههههه
ملاك ضحكت وتحاول توخر نفسها منه:انا لازم اروح وبعدين قعدتنا كذا مع بعض غلط.
حمد:ملاك؟
ملاك: اكتفت تطالع بعيونه.
حمد: لم اقع في حبك. بل وقع العالم من عيني حين احببتك.
ملاك تركته وطلعت وقلبها يدق بسرعه.
......
نرجع للواقع.
حمد صحى من أفكاره وقرر يكلم امه انه يخطب ملاك والزواج متى ماتخرجت من الجامعه عادي.
قام وددخل يتروش ..
..........
عند المعاريس.
بهونغ كونغ
كانو نايمين بفندق ديزني لاند ثلاث أيام وتو داخلين الفندق عشان يغيرون ملابسهم بعد الألعاب .
لبسو وقعدت تعدل شعرها وتتمكيج عالسريع جاه محمد من وراها وضمها وباسها بخدها.
محمد: كذا اغار ترا
افنان بضحكه: يمه منك لبسي عادي جنز وبلوزه وين تغار
محمد وهو يتلمس بزنودها وفخوذها: اغار من هذا اللي يشوفونه الناس
افنان وهي توخره وتضحك:يلا بس قوم جعت
محمد بضحكه:يلا ياهبله مدري وين يروح هالاكل اللي تاكلينه.
افنان بعصبيه مصطنعه وحطت يدها على خصرها:لا والله شقصدك؟
محمد بضحكه:ماقصد شي
افنان :احسسب بعد يلا طيب من اشوفك اجوع اكثر
محمد بضحكه:ههههههههههههههههههههههه لهالدرجه افتح النفس؟؟
افنان :شفت كيف ههههههه
.............

خلونا نترك المعاريس الله يسعدهم ويهنيهم ونرجع لاراضي السعودية.
...............
السعوديه (الخبر)
بعد المغرب
عبدالله دق على عبدالمجيد عشان يأخذ عنوان البيت وعبدالمجيد وصف له
وقبل لايسكر.
عبدالله بتردد: أمم عبدالمجيد
عبدالمجيد:سم
عبدالله: سم الله عدوك بقولك شي بس متردد وخايف تفهمني غلط وتعصب
عبدالمجيد بشك: قول؟
عبدالله: جوال اختك هند انا كسرته بالغلط
عبدالمجيد: ياشيخ الجوال يتعوض اشتري لها بكرا عادي
عبدالله:أمم انا تو شريت لها جوال جديد بس أخاف ترده لانه مني عشان كذا بعطيك اياه على أساس منك
عبدالمجيد بجديه ولأول مرا: ومين قال بوافق ااني اخذه منك؟ احد قالك اننا محتاجين شي من احد؟؟
عبدالله انصدم من ردة فعل عبدالمجيد: لاا عبددالمجيد لاتفهمني غلط والله ماقصد شي بس لاني كسرت جوال البنت وشوي حاس بتانيب ضمير وبعدين يارجال مابينا هالكلام
عبدالمجيد: هند مستحيل ترضى تاخذه وانا مقدر اخبي عنها
عبدالله:ماعليك بترضى حاول فيها انت وقول لها انه منه واذا استعملته قولها انه منه
عبدالمجيد:والله مدري شقولك؟؟ انت تعال بعد العشى ونتفاهم ان شاءالله بعدين.
عبدالله:على خير
سكر عبدالمجيد من عبدالله وراح يشوف هند اللي محيوسه بالمطبخ.
دخل المطبخ وكانت هند تو تطلع المعجنات من الفرن
عبدالمجيد شاف كيكه فوق وصينيه فيها بيالات وفناجين ودله قهوه وشاي ومزينه حب ومكسرات وشوكلت بصواني
هند:الله جابك شيل الصينيه والصواني حق المسكرات والشوكلت وارجع خذ الكيكة والمعجنات بحطهم بحافظه وفيه بالثلاجه حلى ومرتبته اذا جاو طلعه وانا بروح اتروش وبطلع بروح بيت عمي عند منال طروق بيمرني بعد العشا
عبدالمجيد: تسلم ايدياتك ويعطيج العافيه حبيبتي وباس راسها ويدها
ابتسمت هند : يسلمك ويعافيك مجودي يل اخلني بسرعه اروح اتجهز
عبدالمجيد:زين انتبهي لنفسج وسلميلي عليهم وارجعي بدري
هند: اوكيه يلا عن اذنك.
....
بعد العشا تجمعو العيال عند عبدالمجيد وعبدالله كان اول الحضور وعطى عبدالمجيد الجوال وكان ايفون اكس وراح عطاه هند وقال انه هديه منه وصى احد من اخوياه يجيبه معاه وهند انبسطت وخذته .
بعد ربع ساعه على بدايه المباره دق الجرس وقام عبدالمجيد وشاف طارق شاق الابتسامه وسلم ودخل المجلس وسحب على هند اللي تنتظره بعد نهايه الشوط الأول تذكرها
طارق بصوت عالي:يووووه نسسيت هند بتلعن شكلي الحين سحبت عليها
عبدالمجيد ضحك:ياويلك لابسه عبايتها من زمان ترا
طارق قام وهو يضحك وخايف بنفس الوقت: دعواتكم ياعيال رايح للموت برجلي
راح الصاله وشاف هند منسدحه بالكنبه ونايمه ماحب يزعجها راح المجلس وهمس باذن عبدالمجيد: هند نايمه بالكنبه بالصاله قوم شوفها خلها تدخل تنام بغرفتها وتبشر بالعوض بكرا نطلع نتغدى كلنا مع بعض.
عبدالمجيد ضحك وقام صحى هند وهند نامت على طول من التعب.
........
عند عمار اول مادخل البيت استقبلته امه بتهزئ
عمار بشحكه باس يدها وراسها: افا الغاليه معصبه علي لييش؟؟
أمم عمار:وتسال ليش شمسوي للبنية؟؟
رغد نطت عليه:ايي بنية حسبي الله؟؟
عمار:أي بنت والله ماسويت شي
ام عما وهي تضربه على راسه:ويحلف بعد اقصد اليتيمه بشاير موحرام عليك تسوي فيها سواياك
عمار :اييه شفيها ماسويت لها شي.
رغد:يمه شهبب الأخ؟
ام عمار:ماخلاها تنجح الأخ سوو ملفات الكل الا ملفها
عمار:يمه بريك غدى طبيعي بكنسل الشغل بعدين
رغد:شدعوى مسكت على ملفها
ام عمار مدت ملف بشاير له: اشوف يلا سوو ملفها الحين
عمار:مو من جدج يمه
ام عمار: بسرعه سوو ملف البنت خلني ادق ابشرها انك سويته
عمار بقهر مسك الملف ووقع على الأوراق ومدها لامه
عمار بقهر من تصرف بشاير: الحين ارتحتي يمه؟
ام عمار:اكييد يل اخلني ادق على البنيه ابشرها
رغد تضحك على شكل عمار :يممه صبري انا بدق وبحط سبيكر
دقت رغد على بشاير وكانت نايمه
بشاير وصوتها مليان نوم ومبحوح:هلا رغوده قلبي
عمار فز قلبه من صوتها.
رغد كاتمه ضحكتها من شكل عمار:هلافيج ياقلبي اخبارج؟
بشاير حاولت تقوم: الحمدالله وانتي؟
رغد:الحمدالله . بيشش خذي ماما تبغاج
ام عمار:هلا بنيتي اخبارج؟
بشاير:هلايمه الحمدالله وانتي طمنيني عنج؟
ام عمار: الحمدالله الحمدالله ابشرج يابنيتي عمار خلص إجراءات تطبيقج وككل شي
بشاير من الحماس قامت بسرعه فزت/ الله يبشرج بالخير يمه لو انج قدامي جيت ضميتج وبستج الله لايحرمني منج ويخليج لي ابشري بالبشاره
عمار كان مبسوط ومنقهر بنفس الوقت
اما رغد كاتمه ضحكتها
ام عمار: البشاره ابيها بس مو الحين قريب قريب
بشاير مافهمت شنو تقصد بس مشت الموضوع: تامرين امر يمه
ام عمار:يلا اجل نامي وانتبهي لنفسج الله يحفظج يابنيتي
بشاير: امين ويحفظج يمه
سكرت بشاير وهي طايره من الفرح وكتبت بقروبها هي ونجود ورنا ورجعت نامت لانه وراها طياره الصبح.
.......
وبكذا عدى اليوم على خير.
...
باليوم الثاني
يوم الجمعه
صحت نجود الساعه 7ونص يعتبر انهم تاخرو عالمطار لازم بسرعه يروحون طيارتهم الساعه تسع ونص اتصلت على رنا وبشاير وكانو صاحين ويتجهزون واتفقو اللي تخلص اول تمرهم.
تروشت ولبست وطلعت شنطتها عند الباب ولبست عبايتها وتو بتتصل الا تشوف فيصل توه داخل البيت.
نجود:اهلن صباح الخير .
فيصل: صباح النور
نجود: من وين جاي هالوقت؟
فيصل: بحرين
نجود:زين
فيصل: مين بيوديكم المطار؟
نجود:اكيد اوبر او سواق رنا
فيصل: تبين اوديكم؟
نجود: انت افتح عيونك عشان تودينا روح نام احسنلك ههههههههه
فيصل: أي والله مرا دايخ بس اذا رجعتو كلميني انا اجي اخذكم
نجود:تمام
فيصل:يلا تصبحين على خير اجل.
نجود: ههههههههههه قصدك تمسين على خير روح نام روح
فيصل ضحك:ههههههه اللي هو يلا توصلون بالسلامه وطمنيني
نجود بابتسامه:اوكيه
راح فيصل ودقت رنا قالت انهم عند الباب
.........
عند فيصل
دخل تروش وانسدح بالسرير
فيصل:مدري متى بتكونين لي وحلالي يابشاير والله احبك.
...........

خلونا نروح عند ثنائي من زمان مارحنا لهم
روان وفراس
قعدت روان عالساعه 10 ونص وخرت يد فراس اللي كان حاضنها وابتسمت بحب وباسته على خده فراس حس فيها وفتح نص عين.
فراس وهو فاتح نص عين ابتسم لمى شافها وضمها له بقوه وباس راسها :صباح الخير على احلى بنت شفتها بحياتي
روان بابتسامه: صباح النور حبيبي يلا قوم عشان تتجهز حق صلاة الجمعه
فراس: يلا وغمز لها: تجين تتروشين معاي؟
روان استحت وضربته على خفيف بكتفه: ياقليل الادب يلا قوم بسرعه
فراس ضحك
روان: يلا بتقوم ولاشلون؟
فراس تقلب للجهه الثاني: خمس دقايق وبقوم
روان وهي تقوم: خلاص اجل انا بروح اتروش
قامت وتو بتقفل باب الحمام الا يفتحه فراس ونضرة شر ودخل وسكر الباب وراه
روان وهي ترجع على ورا: فروسي حبيبي كذا بتتاخر على الصلاة
فراس طنش كلامها وسحبها له و......
بعد نص ساعه طلعو من الحمام بعد الترويشه.
فراس لبس وطلع وروان نشفت شعرها بالاستشوار ولبست جمبسوت احمر.
https://up.graaam.com/forums/801913/01549701037.jpg
وحطيت ميك اب ناعم وروج احمر وخلت شعرها مفتوح وتعطرت ونزلت
شافت اروى وخالتها ام فراس
باست راسها وسلمت على اروى
صبت لهم قهوه ووزعت الحلا
ام فراس: تجهزو اول مايجي فراس بنروح بيت امي
اروى: انا جاهزه
روان:وانا بعد.
روان كانت لابسه
https://up.graaam.com/forums/801913/01549702310.jpg
....
رجع فراس وسلم عليهم وقعد جنب روان وهمس باذنها
فراس: الأحمر ناار عليج
روان استحت وابتسمت:والاحسن انه ماراح نرجع البيت الا الليل
فراس:لاتخليني اهون الحين
ام فراس: يلا قومو لبسو عشان مانتاخر على امي
فراس:يلا انتظركم بالسياره انا بس حبيبتي روان جيبيلي ماي بارد اول
روان قامت وبابتسامه: ابشر
راحت جابت له وراحت فوق تلبس عبايتها ونزلو وراحو بيت ام عمار ورغد زوارة كل جمعة
تغدو والعيال بالدوانيه سوني وبالوت وشيشه والبنات شغلو الأغاني ويرقصون ويستهبلون واما الحريم يسولفون وقهوه وشاي بالصاله والرجال الكبار بالمجلس ونفس الشي سوالف وشاي وقهوه.

ومر اليوم بدون احداث مهمه.
............
ناخذ لفه سريعه على اللي بالكويت.
رنا ونجود وبشاير لقو فساتين من جسميكو وخلاص شروهم بس باقي كم تعديلات وقال بتخلص الاحد الصبح
راحو بعد الافنيوز يخلصون كم شغله ناقصه حق رنا
وبشاير شرت شنطه من ديور ونجود من لويس فينتون هديه لرنا بس ماتدري رنا انهم لها.
قعدو بمطعم يتعشون وبشاير جالها اتصال من السعوديه وقامت من عندهم.
راحت بعيد عنهم عشان مايسمعون.
بشاير: الو
الرجال:هلا ومرحبا اخت بشاير
بشاير: ايه انا
الرجال: حبيت اخبرك انه كل التجهيزات جاهز حق يوم الاثنين
بشاير:تمام يعطيك العافيه
الرجال :الله يعافيك
بشاير:مع السلامه
الرجال مع السلامه
سكرت بشاير من الرجال الغريب والغامض ورجعت لهم.
.............
عدى اليوم على ابطالنا.
.............

جاه يوم الاحد الساعه تسع الليل وصلت طيارتهم للسعوديه
وكان باستقبالههم فيصل
وصل رنا اول بعدين بشاير وماكان ودها تنزل ابد وبعدها راحو البيت.
.....
عند عمار كان عارف بشاير بترجع اليوم واكيد بتجي تأخذ الملف بس مايدري بتجي المستشفى ولا البيت
وراح عند رغد عشان يستفسر
رغد كانت قاعده تتابع مسلسل اسباني وقفه عليها عماروقعد جنبها
رغد عصبت: يووه عمار لييش توقفه بلقطه تحمس يعني
عمار: أقول وصلت بشاير؟
رغد غمزت له: اخص اخص يتطمن عليها بعد
عمار: بسرعه اخلصي
رغد مسكت جوالها:مدري صبر اشوف مصوره بسناب شي او لا اليوم ماشفت سنابات احد
فتحت سنابها وكانت بشاير واقفه عند أبراج الكويت ولابسه ورافعه شعرها الأحمر ذيل حصان
https://up.graaam.com/forums/801913/01549703652.jpg

عمار دق قلبه لمى شافها
عمار بنفسه: يناسبها لبس السبورت ااخ أصلا كل شي عليها حلو
والسنابه الثانيه كانت فيديو مصورته عالبحر
اغنيه حسين الجسمي – بالقلوب اشواق
هالمقطع
(رحلنا عن بعض لكن تركنا بالقلوب اشواق تنادينا ليالينا الجمليه يوم صدينا
وصلنا لأخر حدود الفراق اللي بصحيح فراق تصاريف الزمان ايش لون ودتنا منافينا)
وحاطه قلب مجروح
ثالث سنابه وهم بالطياره مصوره السحابه وكاتبه
(أشعر معك، بشعور مختلف، لا قدرةَ لدي على وصفة أكثر من "آمِن". مثل ذلك الذي كُنت أحس بهِ في صغري، عندما يحشر والدي جسدي الصغير معه في "فروته" الشتوية ويضمني إليه عن البرد. �� )

رابع سنابه وهي راجعه البيت صورت فيديو وحاطه فلتر الخبر
اغنيه انغام – حته ناقصه
هالمقطع
( انا مش حبيبتك احساسي أكبر
الحب حاجة واللي حساه حاجة تانية
انا حتة منك تتعب بتتعب
تفرح بتفرح يا حبيبي قوام في ثانية)
رغد لفت على عمار اللي كان سارح بمكان ثاني
رغد:ياههو خلاص شفت تاكدت انها وصلت خلاص يلا وخر خل اكمل مسلسلي
عمار: كلميها
رغد:نععم؟؟
عمار: ساليها ملفها بتجي تاخذه من البيت ولا بالمستشفى
رغد :اووف ياكثر طلباتك
رغد فتحت محادثتها وكتبت لها
الحمدالله عالسلامه بيش كيفج؟ المهم ملفج بتجين بكرا تاخذينه من المستشفى ولا البيت؟
بشاير توها كانت منسدحه وشافت رساله رغد دق قلبها تحس انه عمار اللي مكلمها مو اخته فتحت المحادثه وقرت حست انه عمار ورا هالموضوع ماتبغى تشوفه ماتبغى تتعلق فيه ماتبغى تحبه اكثر.
رسلت لها فويس
بشاير: هلا حبيبي الله يسلمج والحمدالله وانتي كيفج؟ لا خليه عندج او بالبيت عند يمه وانا بمر اخذه
عمار انقهر يوم سمع الفويس يعني ماراح يشوفها
عمار: قولي لها الملف عندد عمار يعني غصب عنها بتمر المستشفى تاخذه مني
رغد:لحول شسويت بحياتي وشسوت لك البنت المسكينه
عمار طنشها وراح ينام
رغد كتبت لبشاير الكلام اللي قالها عمار
بشاير ردت عليها:خلاص ياقلبي مومشكلة بمر الصبح اخذه يعطيج العافيه ياقلبي
بشاير تنهدت وابتسمت بنفس الوقت وتركت الجوال ونامت.
وبكذا عدى اليوم على ابطالنا.
وبكذا انتهى البارت السادس عشر .





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 122
قديم(ـة) 09-02-2019, 12:33 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


بانتظار ارائكم وردودكم للبارت.
وشنو توقعاتكم باللي بيصير يوم الاثنين؟
ومين هالرجال اللي كلم بشاير وهي بالكويت؟؟
وشنو نهاية عمار وبشاير؟
وملاك وحمد؟
ومنال ومحمد وفراس وروان هل سعادتهم راح تستمر ولا بيصير شي يخرب عليهم؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 123
قديم(ـة) 09-02-2019, 08:48 PM
fans brooq fans brooq غير متصل
©؛°¨غرامي مشارك¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها beeaye. مشاهدة المشاركة
بانتظار ارائكم وردودكم للبارت.
وشنو توقعاتكم باللي بيصير يوم الاثنين؟
ومين هالرجال اللي كلم بشاير وهي بالكويت؟؟
وشنو نهاية عمار وبشاير؟
وملاك وحمد؟
ومنال ومحمد وفراس وروان هل سعادتهم راح تستمر ولا بيصير شي يخرب عليهم؟؟


يوم الاثنين يمكن بشاير مسويا حفلة لرنا انو خلاص بتتزوج وكده والرجل اللي كلمه يمكن يكون منظم الحفلات او شيء زي كده
عماااار وبشاير ...... يالله متى يعترفوا حبهم لبعض
ملاك حمد... اعتقد راح يخطب ملاك بالبارت الجاي ياااارب ان شالله
منال محمد فراس بشاير ...... يارب م يصير بينهم شيء ياااارب لا تخربيلي بالله جوهم والله راح ابكي لو صار بينهم شيء هااا ايوا عادي مشاكل بسيطة ايوا بس ها ياويلك لو وصلت للطلاق .. امزح والله بس من جد م ابغى احد يتطلق
هند وعبدالله..... احبهم والله شكلو بعد عناد كبير بينهم راح يحبوا بعض وبس والله
شكككر حياتي
الله يسعدك ويوفقك في حياتك استممممرررررريييييي ابدعتي بمعنى الكلمة
اختك في الله .. بروق
احببببكككككك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 124
قديم(ـة) 16-02-2019, 07:51 PM
albusaidi24 albusaidi24 غير متصل
©؛°¨غرامي جديد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها beeaye. مشاهدة المشاركة
بانتظار ارائكم وردودكم للبارت.
وشنو توقعاتكم باللي بيصير يوم الاثنين؟
ومين هالرجال اللي كلم بشاير وهي بالكويت؟؟
وشنو نهاية عمار وبشاير؟
وملاك وحمد؟
ومنال ومحمد وفراس وروان هل سعادتهم راح تستمر ولا بيصير شي يخرب عليهم؟؟
لو سمحتي متى ينزل البارت الجديد

الرد باقتباس
إضافة رد

روايتي الثالثه:لم اقع في حبك. بل وقع العالم من عيني حين احببتك.

الوسوم
الثالثه:لم , العالم , احببتك. , حبك. , روايتي , عيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
"فرانس فوتبول" تكشف أغلى 50 لاعبًا في العالم الـ شــــموخي999 كوووره عالميه 0 08-12-2016 07:39 AM
بالصور.. أبرز 10 لاعبين متجولين في العالم الـ شــــموخي999 كوووره عالميه 0 22-02-2016 08:29 PM

الساعة الآن +3: 04:57 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1