اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 29-01-2018, 07:10 PM
صورة Elena~ الرمزية
Elena~ Elena~ غير متصل
حلم طفلة
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


فين البارت حبيبتي !؟؟
عسى المانع خير يارب








الصباح الذي يأتي بوجه أمي ، صباح يشبه الجنة كثيراً
يشبه نعيمها وأمنها وأمانها
حتى أن لأمي جنتين
واحدة تحت أقدامها ، والأخرى في قلبها


صارحوني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 29-01-2018, 09:14 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها غزالة الربيع مشاهدة المشاركة
الروايه تجنن عن جد ❤❤
يعني اليوم مافي بارت😢😢💔
حبيبتي اسعدني انها عجبتج.
الا فيه بس تعبانه شوي وبخلصه اليوم.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 29-01-2018, 09:15 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها ~ بقايا حلم~ مشاهدة المشاركة
فين البارت حبيبتي !؟؟
عسى المانع خير يارب
باذن الله اليوم اخلصه واحطه.
تعبانه شوي ورحت الدمام وكذا.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 29-01-2018, 10:00 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.




(لم اقع في حبك. بل وقع العالم من عيني حين احببتك)

البارت الثامن.

طول هالوقت كانت تمشي وتصور وترسل للقروب.
طلعت ودخلت البيت ولقت وحدا من الخدم جايه ومعاها هواوي فيه نت مفتوح وجوال جديد فيه شريحه تركيه.
بشاير بابتسامه: شكرا.
)teإںekkür ederim(
الخدامه ابتسمت: العفو
)أœzgünüm(
فتحت الهواوي وشبكت الرقم السري عاالجوال و رسلت السنابات وكتبت لهم انها بتنام تعبانه.

اول مادخلت الغرفه راحت تفك الشنط تاخذ لها لبس عشان تتروش انتبهت بلوحه كبيره عالجنب وكانت صوره امها دمعت عيونها ولاول مرا بشاير تشوف امها كانت شقرا وعيونها خضرا على ازرق لون البحر وكانت نفس جسم بشاير وكانت بيضا عكس بشاير اللي لونها برونزي شوي. خذت قميص قصير فيه رسمه ميني ماوس ودخلت تتروش وبعدها صلت المغرب والعشا ونامت.
......
وبالسعوديه ماكان فيه احداث مهمه.
......
اليوم الثاني يوم السبت ليله النيويير(راس السنه) بدايه 2017
العيال راحو دبي وهم
(حمد ومحمد وعمار وفراس وماجد وعبدالله وعبدالمجيد وخالد وعلي اخو خالد)
طبعا فراس قافله وياه من موضوع روان بس محمد قنعه.
اماا البنات قروو يتجمعون كلهم فبيت ملاك كانت مسويه بارتي عشان يحتفلون ب راس السنه.

....
الساعه 11 الظهر
نجود كانت رايحه عند رنا وكانو يكلمون بشاير لاين فيديو.
وبشاير توريهم غرفتها وصوره امها .
رنا بحزن: بيش بكرا البيرثدي حقج .
نجود: اول مرا تكونين بعيده عننا وتحتفلين فيه بدونا.
بشاير: هذا اذا احتفلت فيه مستحيل احتفل فيه بابا ماصارله اسبوع من توفى الله يرحمه تبغوني احتفل بعيدميلادي من سابع المستحيلات طبعا.
نجود ورنا: الله يرحمه يارب.
بشاير : امين. الزبد ايلا بنزل تحت تو نادوني عشان وقت الفطور.
سكرت منهم وشافت شكلها بالمرايه كانت لابسه ليقن وبلفور اسود وشوز رياضه وشعرها رافعته ذيل حصان.
نزلت تحت غرفه الطعام. وماكان فيه الاكمال وخالها الكبير وزوجته سلمت عليهم وقعدت.
http://www11.0zz0.com/2018/01/26/05/657728990.jpg
( بترجم الكلام التركي بالعربي ماراح اكتبه بالتركي يعني).
بشاير كانت متوتره شوي مو متعوده على اشياء رسميه زي كذا.
شوي الا تدخل وحدا بمرح وتبوسهم وتسلم عليها وتقعد جنب بشاير.
ملك(بالتركي): سلام انا ملك بنت خالك اهلا وسهلا بيننا.
بشاير بابتسامه(بالتركي): اهلا وسهلا بك . انا بشاير.
ملك بحزن(بالتركي): لقد حزنت كثيرا على وفاة والدك البقاء لله.
بشاير(بالتركي): شكرا لك.
جاو جدتها وجدها وقعدو ودخل اخو ملك وسلم وقعد قدام بشاير.
طالع ببشاير وقال (بالتركي):مرحبا انا هاكان .
بشايربحيا وبابتسامه(بالتركي): مرحبا انا بشاير.
هاكان(بالتركي): لقد سمعت انك سوف تكملين التطبيق هنا في تركيا ولحسن الحظ انه في نفس المستشفى التي اعمل لديها فانا جراح اعصاب.
بشاير(بالتركي):نعم سوف اتخرج واكون ممرضه باذن الله, ولحسن حظي سوف تكون معي بالمستشفى
خلصو فطور وقامو قعدو بالصاله والخدم يجيبون الشاي والقهوه التركيه.
هاكان: سوف تبدئين غدا, إذا وسوف تاتين معي يوميا لين ماتطلعين رخصه للقياده .
بشاير: حسنا لاامانع .
ملك لبشاير: اللليه راس السنه هل تريدين ان تاتين معي للاحتفال؟
بشاير: لااستطيع فاابي لم يكمل اسبوع .
ملك مسكت يدها: الحزن ليس بالشكل ولا بعدم الاحتفال واكممال الحياه الطبيعيه الحزن بالقلب .
هاكان: وسوف يحزن والدك كثيرا عندما يراك هكذا
بشاير بابتسامه : غدا ايضا يوم مولدي.
ملك: صحيح اذا هيا بدون اعتراض هيا بنا نذهب الى الصالون للتجهز لليوم.
بشاير بابتسامه: حسنا سوف احضر حقيبتي .
راحت بشاير وهي رايحه غرفتها رسلت بقروبها هي و رنا ونجود.
بشاير: بنات بيغصبوني احتفل باليوم غصب.
نجود: اجل لاتصورين ولاتبينين لاحد.
رنا: صح لاتبينين لاحد انج احتفلتي وكذا.
بشاير: يعني عادي؟
رنا: حبي بيش انبسطي صديقيني عمي بينسبط لمى يشوفج مبسوطه.
نجود: صح كلام رنا واحنا بعد بنروح بيت ملاك اليوم مسويه حق النيويير بارتي.
بشاير: زين كويس انبسطو ويلا اجل صورو لي كل شي وانا بصور وارسل لكم بقروبنا الخاص بالسناب.
نجود: عادي رسليه للي فيه ملاك وقروبها.
بشاير: اممم اشوف.
حطت جوالها بالشنطه والهواوي وجوالها الثاني ولبست بالطو وسكارف ونزلت.
.....................
بالسعوديه
وتحديدا عند روان.
كانت تلملم اغراضها بالشنط لان بكرا خلاص ملكتها وبياخذها فراس .
روان وهي تبكي وبنفسها: وينكم ماما وبابا تشوفون اللي انا فيه وصارت تشوف جسمها اللي تشوهه من الضرب وطلعت من كيسه الصيدليه اللي جابتها بنت عمها لها عشان تخفف من اثار الضرب.
.................
بدبي.
الساعه 2 ونص العصر
كانو بدبي مول وكانو يتغدون وكل واحد توزع اللي يتسوق واللي يشيش بالمقاهي اللي برا واللي دخل سينما.
...............
عند السينما.
مرام تكلم صديقتها روئ: يابنت انا ابي اكشن مابي رومانسي.
روئ: يووه يعني شفيها لو دخلنا رومانسي.
مرام:انا عن نفسي بدخل اكشن وبروح احجز لي ولج غصب عنج.
ولفت وجات بترو حالا تصقع بواحد.
مرام بعصبيه: وجع ماتشوف اعممى.
ماجد رفع راسه كان ماسك جواله وبكل برود : ايه اعمى . شي طبيعي لمى اشوف وجهه زي وجههج بصير اعمى لوعه وخري عني يلا.
مرام بعصبيه: حاصلك اصلا مريض انقلع عن وجههي.
ماجد: روحي مسحي كيلو المكياج اللي حاطته ولبسي عدل بعدين تعالي تكلمي هه وراح وطنشها.
مرام بعصبيه: مرييض.
وراحت تحجز.
مرام كانت لابسه ترنق بس كان ماسك على جسمها وشعرها مفتوح وكاريه اسود وحاطه فل ميك اب.
.....
عند ماجد وعبدالله.
عبدالله: كان لازم تعطيها وجهه كان خليتها وطنشتها.
ماجد: مع نفسها بس مزه بنت الكلب والله عليها جسم .
عبدالله: ياخي اعقل اعقل مالت عليك يلا نختار فلم.
ومن حسن الحظ اختارو فلم اكشن ونفس الفلم اللي مرام وروئ صديقتها بيدخلونه.
كان باقي ربع ساعه ويبدا الفلم بدخلو على طول.
مرام وروئ كانو داخلين من زمان ومرام كانت تصور سيلفي سناب .
دخلو ماجد وعبدالله صاله السينما .
عبدالله انتبهه لها.
عبدالله : شوف شوف حبيبتك هنا هههههه
ماجد لف مكان مايشوف عبدالله: يارب يكون جنبهم بعد مكانا هههههههههه
عبدالله :صبر بشوف البطايق وين مكاننا.
وكانو قدامهم.
بس مرام ماانتبهت لهم كانت لاهيه بالتصوير.
وبدا الفلم.
مرام: واااي اموووت بهالممثل.
روئ وهي تسسلك لها: اممم ايه ايه.
لف عليها ماجد وحب يجننها: والله انا اللي اموت عليج.
مرام بس شافته : عمى بعينك بكل مكان لاحقني.
ماجد: لاتصدقين نفسج بس .ولف عنها
مرام انقهرت دينها ودين احط يطنشها ويقلل من جمالها او شخصيتها.
...............
(بتركيا)
ملك مشت بشاير بشوارع تركيا وودتها اماكن سياحيه يوم صار وقت مغرب راحو الصالون .
ملك: مارايك تصبغين شعرك كتغير وستايل جديد؟
بشاير: اممم لا لا احب ان اصبغ او اقص شعري.
ملك: اممم حسنا ولفت على اللي بيسوي شعرها: اريد ويفي وايضا اريد مكياج صارخ يبرز ملامحي.
المصفف: لاداعي لكي تخبريني ملك.
بشاير لفت لها: دعيني اضع لكي الميك اب.
ملك: هل تعرفين؟
بشاير: طبعا
ملك : حسنا اذا سوف نفعل فقط شعرنا ونذهب الى المنزل , اوه صحيح هل لديك لبس لكي تلبسينه الليله؟
بشاير: حسنا لامانع لدي .ونعم لدي فستان سوف البسه.
ملك: جميل
.................

خلصو ورجعو البيت بشاير مكيجت ملك وقالتلها بتروح تتمكيج وتلبس .

دخلت الغرفه ولقت كل اغراضها اللي بالشنط مرتبه وولقت البوم فوق السرير راحت تشوف وكان صور امها من وهي صغيره لين وهي حامل فيها قلبها عورها بكل صوره تشوف امها وابوها ويابعض.
بشاير بنفسها: انا السبب اللي خليتج تموتين لو ماجبتيني ماكان متي.
وصلت عند اخر صوره وكانت صوره ابوها وهو ماسك بطن امها وكان واضح انها على وشك ولاده.
مسكت الالبوم وضمته على صدرها بقوه وبكتت وصارخت طلعت شوقها لابوها.
(عندما يرحل لك غالي لا تخيب ظنه بك بل اصنع له دعوات تحميه وتبقيه سعيدا)
(الله يرحم بابا وجميع موتانا وموتى المسلمين يارب).
نامت وهي تصيح بددون ماتحس دخلت ملك وشافتها نايمه ماحبت تزعجها خاصا لمى شافتها حاضنه الالبوم.
سكرت الانوار وطلعت تقابل اصحابها.
...

بالسعوديه
الساعه 8 ونص الكل عند ملاك.
وبدو يرقصون ويصورون ويسولفون.

......
بالسياره.
طارق: منول دقي على هند يلا تنزل قوليلها باللفه حقت البيت.
منال: اوكيه بقولها لاني اكلمها بالواتس اصلا.
قالتلها وهند بسرعه لبست نقابها ونزلت.
هند: السلام عليكم.
طارق ومنال: وعليكم السلام.
هند: اخبارك طروق؟
طارق: حمدالله وانتي؟
هند: عال العال.
منال: نامي اليوم عندي دام مجيد بيرجع بكرا.
هند: اممم مدري بس ماظن لانه بيرجع الفجر.
طارق: عادي طيب. هو بيوصل بينام على طول وبيصحى يروح الدوام بكرا نطلع نفطر وارجعج.
هند: اممم اوكيه خلاص اوكيه.
شوي الا وصللو ونزلو.
سلمو على ملاك.
هند: ملاك حبي ابغى صمغ رموش عندج؟
ملاك بصراخ مع صوت ازعاج البنات وصوت الاغاني : اكيد روحي غرفتي فوق اول ماترقين الدرج ثاني غرفه عاليسار.
هند بابتسامه: اوكيه.
رقت هند فوق وبعد ماوصلت نست ملاك قالتلها أي جهه.
هند بنفسها: يالله يمين ولا يسار قالت شكلها يمين.
وراحت جهه اليمين ودخلت ثاني غرفه.
كان ظلام وفتحت فلاش الجوال تدور مكان النور ولقته وفتحته.
نصدمت هذي غرفه اولاد مو غرفه بنت جات بترجع وتعرقلت بشي وطاحت .
هند: اييي بسم الله بسم الله.
قامت وعرفت انها تقصد جهه اليسار سكرت الانوار وراحت قعدت بكرسي التسريحه.
هند: اخخ ركبتي خليني ادلكها شوي لين ماتخف .
لقت صمغ الرموش قدامها ركبت رموشها وفصخت عبايتها وعلقتها.
وتعطرت.
كانت لابسه.
http://www4.0zz0.com/2018/01/28/14/842446481.jpg
نزلت وراحت لهم .
وبدو استهبال.
...........
عند فوزيه ام حمد كانت رايحه تزور ام احمد زوجها.
بعد ماسالو عن احوال بعض .
ام احمد (الجده): اقول فوزيه.
فوزيه: سمي يمه.
الجده: اول مايرجع حمد خطبي له خلاص
فوزيه: يمه تو الناس خليه اول شي يستقر بوظيفته وبعدها يحلها الف حلال.
الجده بحده: اذا ماخطبتي له انا بخطب له وبحطكم قدام الامر الواقع.
فوزيه وهي عارفه انها تسويها عادي ومتحكمه بكل شي واللي تبيه يصير : ان شاء الله يمه بس يرجع بدور له
الجده: شوفي قدامج سحر.
فوزيه: يمه الله يهديج سحر حسبة اخته.
الجده: بلا اخته بلا خرابيط خلاص سحر انا قلت البنت شزينها,
فوزيه: سحر سحر الله يسهل الامور.
.............
بمى انه جبنا طاري سحر خلينا نروح نشوف وينها وشنو تسوي؟
كانت بالبحرين مع صديقاتها .
نوره: يابنت بس بنقعد وياهم ماراح يخطفونا هم.
وبعدين كلهم اعرفهم انا امان يعني.
سحر: يووه مدري خايفه والله لو صالج درى ذبحني.
نوره وهي تحط الرموش: يووه ماعليج منه بس شدراه يلا يلا بيجي حبيبي الحين .
سحر: يوه نوره ماما خلتني اجي البحرين وياج لانها واثقه فيج والله بيذبحوني لو دري تدري شنو يعني اروح شقه وفيها عيال.
نوره بملل: يووه سحر وبعدين وياج قلتلهج كلهم اعرفهم ومو اول مرا اقعد وياهم ومحد بيعرف يلا لبسي.
سحر لبست عبايتها وتحجبت.
نوره طالعه فيها: بعد بتتحجبين
سحر بنظره: اجل ان شاء الله تبغيني افصخهم لاحبيبتي.
نوره: لحول طيب يلا يلا وصل تحت.
سحر وقفت: اممم هونت ماني رايحه بروح السيتي اتسوق احسن
نوره مسكتها بقوه من يدها ومشتها.
نوره: امشي امشي بس.
ركبو السياره وراحو شقه خويهه بجزيره امواج.
وبنفس الوقت وصل واحد من اخوياهم.
سحر كانت تمشي ومنزله راسها.
صقعت بواحد ورفعت راسها
شافت واحد برونزي ومملوح ويبتسم وهو نفسه اللي وصل وياهم.
الولد وهو يمد يده: السلام .
سحر خزته ومشت عنه وراحت قعدت جنب نوره وصارت تهز رجولها بتوتر.
الولد طنشها وماكان فيه مكان غير بالكنبه اللي قدامها راح وقعد .
وقعد يسولف ويضحك ويطقطق ويمزح.
قام بيسوي له راس شيشه.
الولد: فيه احد يبي اسويله راس شيشه وياي؟
الكل قال لا محد يبي لف على سحر.
ونغزها من خصرها.
سحر انصدمت وشهقت قامت وعطته كف وطلعت البلكونه.
الولد قعد منصدم .
نوره: طارق شسويت للبنت كفايه جايه وياي غصب.
طارق: ماسويت شي بس قلت امزح وياها شفتها متوتره وقاعده بحجابها قلت يمكن تبي تفك شوي.
نوره قامت تشوفها.
سحر لفت عليها: سمعي الحين الحين نطلع انا موب متعوده كذا.
نوره: بس مسكين فجعتي الولد عالكف ههههههههه
سحر : احسن يستاهل .
نوره بخبث: تبغين نروح.
سحر: ايه ياله.
نوره : صبرصبر روحي تاسفي منه اول.
سحر: يخخخخخسي
نوره: اجل انلطعي لين الفجر ونرجع.
سحر: الفجر انتي شفيج نسيتي بكرا دووامات.
نوره: لامانسيت بس عادي.
سحر: لالا مو عادي ساعتين بالكثير ونرجع.
نوره: اوف طيب طيب. بس يلا روحي للولد اتوقع راح المطبخ يسوي الراس.
سحر: اوف طيب.
دخلو داخل نوره راحت قعدت ومسكت الشيشه وصارت الشيشه.
..............
مداخله بسيطه: لمز اكتب انهم يدخنون او يشيشون وقعده زي كذا طبعا هذا شي حرام وموب كويس ومن ورا اهلهم طبعا.
..........
راحت سحر المطبخ وهي موب طايقه اللي تسويه.
سحر:احم احم
طارق لف عليها ورجع يسوي راس الشيشه.
سحر بنفسه: وجع يطنش بعد.
سحر: احم
طارق نفس الشي لف عليها شوي ورجع .
سحر بعصبيه: يالليل مع نفسك لي ساعه اقول احم ومطنش.
طارق ضحك: ههههههه طيب وانا الف يعني شتبين لازم ارد يعني
وبابتسامه خققت سحر: امري حبيبتي بغيتي شي.
سحر دق قلبها على ابتسامته وكلمه حبيبته ووجها قلب احمر.
سحر: حبتك القراده. جايه اتاسف عالكف.
طارق بضحكه: أي كف قصدج اللي مساعه امانه تسمينه كف هههههه روحي روحي الله يصلحج.
سحر انقهرت من اسلوبه وطلعت وبداخلها ودها تذبحه.
سحر بنفسها: وجعع مالت عليه .
........
معلومه: طارق هو نفسه اخو منال ولد عم هند وعبدالمجيد يوم وصلهم بيت ملاك على طول راح البحرين.
..............

بدبي.
راحو كلهم تجمعو عند برج خليفه النافوره وبدو يحتفلون .
جات الساعه 12 والكل تمنى تكون سنه 2017 سنه سعيده عالكل.
.............
بتركيا.
جد بشاير دخل عليها لقاها نايمه باسها وغطاها وحط هدايا كثير بين الكنبتين وطلع .
للتذكير بغرفه بشاير اللي بتركيا

http://up.graaam.com/forums/801913/01516708290.jpg
........
بدبي بعد مااحتفلو وانبسطو راحو الفندق خذو اغراضهم وراحو عالمطار.
ساعه ووصلو وكل واحد راح لبيته.
هند رسلت لعبدالمجيد انها بتنام فبيت عمها وبترجع قبل الظهر عشان تجهز الغدا.
.......
فبيت ابومحمد.
محمد وعبدالله دخلو البيت هادي وظلام.
شافو اثار الحفله اللي كانت مسويتها ملاك راحو المطبخ اكلو شوي من الخرابيط حق الحلفه وكل واحد راح غرفته ينام.
عبدالله دخل غرفته وفتح الانوار وفصخ بلوزته ودخل يتروش عشان يوخر تعب اليوم.
بعد ماخلص طلع وكان ينشف شعره انتبه بشي يلمع تحت بزاويه السرير نزل خذاه وشاف سلسال ذهب باسم هند.
عبدالله بنفسه: شنو جيب هالسلسال يمكن حق وحدا من صديقات ملاك بكرا اعطيها اياه.
حطاه فوق الطاوله وسكر الانوار وناام بسباات.
وهذا كان نهايه البارت.










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 29-01-2018, 10:03 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اعتذر عالتاخير وعلى البارت القصير بس باذن الله البارت الجاي بخليه اطول.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 29-01-2018, 10:04 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


وبانتظار ارائكم عالبارت.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 30-01-2018, 04:55 PM
صورة Elena~ الرمزية
Elena~ Elena~ غير متصل
حلم طفلة
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


البارت حلو تسلم يدك عليه
صراحه صديقات سحر قهروني يارب يصير لهم شئ عشان يندمو ثاني
أنتظرك البارت الجاي ياعسل








الصباح الذي يأتي بوجه أمي ، صباح يشبه الجنة كثيراً
يشبه نعيمها وأمنها وأمانها
حتى أن لأمي جنتين
واحدة تحت أقدامها ، والأخرى في قلبها


صارحوني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 31-01-2018, 12:48 AM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها ~ بقايا حلم~ مشاهدة المشاركة
البارت حلو تسلم يدك عليه
صراحه صديقات سحر قهروني يارب يصير لهم شئ عشان يندمو ثاني
أنتظرك البارت الجاي ياعسل
الله يسلمج حبيبتي
ايهه هذا المعنى لصديقات السوء
بيصير لهم اكيد شيي

باذن الله بكرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 01-02-2018, 02:38 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.



(لم اقع في حبك. بل وقع العالم من عيني حين احببتك)

البارت التاسع


صباح يوم الاحد
لاشي جديد الكل صحى وراح على دوامه روتين كل يوم دوام.
.............
خلوونا نروح بعيد شوي عن السعوديه.
تركيا.
بشاير قامت من الفجر صلت الفجر وراحت تتمرن وبعدها تروشت ولبست عشان اول يوم لها تطبيق بتركيا وتذكرت اول يوم جات تطبق فيه بالسعوديه دمعت عيونها بحزن .
بشاير وهي تمسح دموعها: لالا يابشاير انتي اقوى من كذا خلاص لازم اصير قويه لازم اتخرج خلاص واقدر اتعمد على نفسي بعدها ارجع استقر بالسعوديه.
خذت البالطو واالسكارف وشنطتها ونزلت.
كانو يستنونها عالفطور .
سلمت وقعدت.
بشاير بالتركي: صباح الخير.
الكل: صباح النور.
هاكان: هل انتي جاهزه؟
بشاير بالتركي: نعم نعم .
ملك بالتركي: بالتوفيق ياروحي.
وقامت.
ملك: سوف اذهب لقد تاخرت مع السلامه.
الكل: مع السلامه.
خالها دينيز: ابنتي اذا تريدين أي شي فانا هنا فقط اخبريني.
بشاير بابتسامه: ان شاء الله.
كمال: سوف ااتي اليك بوقت الغداء لكي نتغدا جميعا في مطعم الفندق الذي تعمل لديه ملك.
بشاير: تمام
هاكان قام: هيا بشاير لنذهب لكي اعرفك على المستشفى والمدير.
بشاير قامت هيا.
ركبو السياره .
وصورت سناب سيلفي مع هاكان وهي مبتسمه وكتبت بالتركي صباح الخير وحطتها ستوري.
وصلو وبدى يعرفها ويوريها الاقسام ويقولها كل دور شنو قسمه.
وراح وداها عند المدير وخلص امورها وبعدها وداها عن الدكتور المسؤول عن اللي يطبقون وخلاها ممرضه على مرضى الطوارئ.
وبدت تروح على واحد واحد وتشوف شنو مشكلته.

.............
بالسعوديه.
بالمستشفى عند عمار.
قاعد بمكتبه ويشرب قهوته وفباله بشاير.
عمار بنفسه: صح اني كنت قاسي عليها بس حبيتها ايه حبيتها من اول ماجات الطوارئ اول مرا ضعفها وخوفها على ابوها حرك مشاعر بداخلي.
اوووف خليني اقوم اشوف مرضاي احسن.
تو بيطلع الا رحاب تدق الباب.
رحاب بدلع ماصخ : صباح الخير دكتور.
عمار وهو لايعه جبده: نعم؟؟
رحاب: دكتور عادي استاذن؟
عمار بحده وعصبيه: ماتلاحظين كل يوم تستاذنين انتي جايه هنا تطبقين مو تلعبين مدري شلون فلحتي بالسنوات اللي راحت روحي يلا على شغلج ولا اشوفج جايه تطلبين مني تستاذنين.
رحاب انقهرت وطلعت بسرعه.
رحاب: هين هين انا اوريك واعلمك شلون تكلمني كذا.
..............
مرت الساعات وجاه بريك الغدا.
بالسعوديه...
فراس مر محمد المستشفى وطلعو يتغدون.
محمد: مين قده المعرس اليوم بيملج ويدخل على زوجته هههههه.
فراس بضيق: واللي يرحم امك مو وقتك والله وبعدين انا صح بتزوجها بس مو معناتها انها تصير زوجتي.
محمد بضحكه: ايه نشوف اذا عشت وياها كم شهر شنو بتسوي. اذا ماحبيتها وعرفتها عالاهل ماكون محمد ولد ناصر هههههههه.
فراس: اقول بس تجهز بعد المغرب بس برسلك اللوكيشن وتعال.
محمد: طيب وين بتحطها ؟
فراس: خذيت شقه اللي قدام مكتبي.
محمد: اممم زين وبضحكه: منك المال وممنها العيال.
فراس: لحووول وبعدين وياك.
محمد: خلاص خلاص بسكت.
كملو غدا وبعدها فراس وداه المستشفى وراح المحكمه عنده جلسه.
......
بتركيا.
كمال مر بشاير وهاكان المستشفى وراحو الفندق اللي ماسكته ملك تغدو .
كمال وهو يمسك يد بشاير: كيف حالك؟
بشاير بالتركي: الحمدالله.
كمال بالتركي: مرتاحه؟
بشاير بابتسامه:انا جنب عائلتي طبعا سوف اكون مرتاحه.
هاكان ابتسم.
بشاير: انتظرو انتظرو اريد ان اصور فيديو لكي اعتز بكم بالذين لدي بالسناب.
هاكان وكمال ضحكو .
بشاير حطت فلتر الورد وصارت تصور وتحط على كمال وهاكان وههم يبتسمون.
.................
بالسعوديه
عند ملاك وقروبها.
خلصو من الجامعه وراحو مطعم يتغدون .
ريم: اووف بنات مالي خلص حق اختبار بكرا.
ليان: انا ذاكرته عالسريع بالويك اند.
دانه: من جد والله تعالو عندي نذاكر مع بعض.
ريم: لالا تعالو عندي بيتنا فاضي ماما وبابا مسافرين.
ملاك: امم اوكيه ماعندي مشكله.
فرح: انا ذاكرته خلاص اجل بشرح لكم اللي مو فاهمينه.
ريم: اصلا شنو علينا.
ملاك بضحكه:الاداره المالية للرعاية الصحية
ريم: اها.
اجل سمعو تجون عندي بعد المغرب.
دانه: اجل يلا نقوم ابغى اروح انام.
ملاك: ايه والله بعد البارتي مانمنا عدل.
فرح: من جد ميتته نوم.
ليان: يلا نحاسب اجل .ونادت تطلب الحساب.
حاسبو ووصلو كل وحدا لبيتها بسواق ريم بحكم انها وحيده امها وابوها ولازم وياها بكل مكان.
.................
المغرب .
راح فراس وارسل اللكويشن حق محمد.
وصل محمد وملكو وخذ روان واغراظها وراح الشقه.
اول مادخلو الشقه.
روان كانت قمه بالتوتر وخايفه وكانت شوي وبتصيح.
فراس بحده: سمعي يابنت الناس انا تزوجتج عشان استر عليج بس لاتفكرين نهائيا ان ممكن المسج او تصيرين زوجتي انتي زوجتي على ورق بس وطلعه من الشقه مافيه ولايجي في بالج حتى تدقين علي او ترسلين لي مسج انا كل يوم بوقت البريك بجي واشوف اللي ناقصج وحط كرت فوق الطاوله اذا تبين أي شي من البقاله هذا رقم البواب كلميه وبيجيب لج كل شي وانا احاسبه بعدين.
وتركهاوطلع.
روان كانت منصدمه فصخت نقابها ونزلت الشيله وقعدت تصيح.
فراس وهو بالسياره متضايق.
دق على محمد.
محمد بضحكه: هلا بالمعرس شفيك داق ممدى اشتقت لي.
فراس: بروح البحرين تجي وياي؟
محمد: من جدك توك متزوج اقعد مع البنت.
فراس: قلتلها ان احنا متزوجين على ورق بس.
محمد: اييش ثور انت ؟
فراس قاله شنو قالها بالضبط.
محمد: انت ثور ولا شنو احد يقول للبنت كلام زي كذا ومسكينه كفايه اللي صار لها يعني.
فراس: لحول بتجي ولالا؟
محمد: لا بروح عند خطيبتي بودي لها هديه النيويير.
فراس: اها طيب يلا باي.
مسك خط عالبحرين.
فراس بداخله: شكلي ماراح احس بنفس احساسك يامحمد اروح ازور خطيبتي واحبها الله يعدي هالموضوع على خير بس.
...........
قروب ملاك تجمعو عند ريم وبدو يذاكرون.
..........
عند رنا .
جا لها خطيبها وحلى ومالح وجهزت عشا له .
.........
عند نجود.
كانت قاعده مع فيصل اخوها.
فيصل: اقول اخبار بشاير؟
نجود وهي تحوس بالسنابات: بخير بخير.
فيصل: ماراح ترجع خلاص.
نجود لفت عليه: مدري
فيصل: انا عندي فكره اخليها تجيل لابد السعوديه.
نجود تركت الجوال ولفت عليه: اطربني يابو الافكار؟
فيصل: اتزوجها
نجود: نعععععم هههههههههههههههههههههههههههههههههههه
فيصل: وجع شاللي يضحك الحين؟
نجود: وانت متاكد انها بتوافق عليك
فيصل:وليشم اتوافق شاللي ناقصني؟
نجود بضحكه: ابد والله بس تخرج بالاول واشتغل وبعدين البنت تو ابوها صارله اسبوع من توفى وانت على طول(وهي تقلد صوته) اتزوجها. وكشت عليه:مالت عليك بس
فيصل: وجع وجع مو بنت بالعه مسجل
نجوود: الزبدا قوم ابى اروح التميمي وبعدها ابي ستاربكس
فيصل: على حسابج؟
نجود: مدري مينا الولد طيب يلا
فيصل: يلا عبيد استناك
نجود وهي تحذف علبه المنديل: عبيد في ماني قايله حمار
فيصل انحاش وهو يضحك.
فيصل: دقيقتين ماطلعتي بمشي بروح الدوانيه عند العيال
نجود: واجد دقيقتين دقيقه تكفي
وراحت تركض غرفتها خذت عبايتها البيج وجوالها وبوكها بشنطتها الصغيره وراحت تركض للسياره..
............
بتركيا.
بشاير كانت تصلي العشا بغرفتها وتقرا قران.
طق الباب .
بشاير بالتركي: تفضل
دخلت الخدامه وقالت لها انه جدها يبغاها تحت بالصاله.
بشاير بابتسامه: حسنا شكرا لك.
فصخت الجلال بشاير وتركت القران وراحت تشوف لبسها اللي كان.
http://up.graaam.com/forums/801913/01517479916.jpg
نزلت تحت الصاله ولقت الكل موجود وكانت الصاله مزينه وكيكه

http://up.graaam.com/forums/801913/01517480308.jpg

دمعت عيونها وراحت ضمتهم واحد واحد وكل واحد عطاها هديته.
احتفلو وصورت كل شي وحطت ستوري.
......
بالسعوديه.
فبيت ابوحمد.
راح محمد عند افنان وقعد بالمجلس وحمد كان عنده يسولف وياه شوي و قام بيروح المستشفى عنده منوابه.
بعد ماراح.
محمد : نسيت جوالي الثاني بالسياره بروح اجيبه واجي.
افنان مدت بوز: وقته الجوال الثاني؟ مو ماليه عينك.
محمد قرب منها وباسها بخدها: دقيقه بس.
افنان بوزت: اوكيه.
راح محمد يجيب باقه الورد وهديتها وافنان خذتها حجه وراحت جابت االكيكه وهديته.
شكل الكيكه:
http://up.graaam.com/forums/801913/01517480833.jpg
شكلي الهديه بالتغليف:
http://up.graaam.com/forums/801913/11517480833.jpg

شكل الهديه اللي شرتها:
http://up.graaam.com/forums/801913/21517480833.jpg

ومحمد كانت هديته.
http://up.graaam.com/forums/801913/01517481016.jpg
شراها من دبي.
جاه ولقى الغرفه غير عن يوم طلع.
http://up.graaam.com/forums/801913/01517481179.jpg

والهديه والكيكه فوق الطاوله.
كان ماسه كيسه الهديه وباقه ورد كبيره.
وكان شكل باقه الورد.
http://up.graaam.com/forums/801913/01517481340.jpg

عططاها وعطته وقعدو ياكلون من الكيكه.
.........
خلونا من رومانسيه المخطوبين ونروح عند منال وروئ بدبي.
......
دبي.
منال كانت تتسوق ويا روئ.
روئ: متى تبين نرجع الرياض ؟
منال: تو الناس شورانا بس الاربعا بنرجع والخميس نروح البحرين.
روئ: وتركيا متى بنروح لها
منال : امممم اكلم اخوي واخليه يسوي امور الفيز ويصير خير بعدين نشوف متى.
روئ: اوكيه حلو.
روئ: بنت جيران منال ومن وهم صغار كله ويابعض .
منال: ماعندها اخ واحد وبالشرقيه وابوها وامها كله لاهين ومسافرين ويثقون فيها تسافر ويا روئ.
..............
عند نوره صديقه سحر.
راحت البحرين ويا خويها وسهرت وقررت تسحب اليوم الثاني.
اما سحر كانت تفكر باللي عطته كف .شوي ومسكت الجوال ودقت نوره.
نوره : هلا هلا بالزين كله.
سحر: هلا حبي اخبارج؟
نوره:عال العال وانتي؟
سحر: حمدالله .بالبحرين؟ لان الرنه رنة البحرين.
نوره: ايه وبسحب بكرا.
سحر: ياويلج اذا سحبتي صايره تسحبين كثير.
نوره: ياشيخه اهم شي المعدل زين وانجح بكل المواد خلاص.
سحر: الله يهديج بس. اممم بسالج شفتي هذاك الولد اللي عطيته كف.
نوره بضحكه: ليكون حبيتيه وتبين رقمه
سحر بتردد: امممم ايه ابي رقمه رسليه لي ابي اكلمه بشي.
نوره بضحكه تكلمينه بشي اجل ههههههههه
سحر: يوه بسرعه يلا رسلي الرقم لي عالواتس يلا باي.
نوره بضحكه: طيب طيب يلا باي.
سكرت ونوره وعلى طول رسلت رقمه لها.
......
عند سحر بعد مارسلت نوره الرقم.
رسلت له بالواتس.
سحر: السلام.
طارق كان بالدوانيه يشيش وماسك الجوال زهقان شاف رقم غريب راسل له السلام فتح ورد.
طارق: وعليكم السلام!!
سحر: كيفك؟
طارق: تمام وانت؟
سحر: حمدالله.
طارق: مين ؟
سحر قرت وماردت.
ومرت خمس دقايق.
وطاارق من الزهق صار يبي يعرف غصب منو الرقم الغريب هذا.
طارق: اتكلم انا مين؟
سحر نفس الشي قرت وماردت
طارق: الللللللللللللللوووو
مييييييييييييييييين؟؟
....
ونفس الشي قرت وماردت .
طارق نسخ الرقم وراح لصقه بنمبر بوك.
شاف الاسامي
*سحوره
* سحر الـ.....
* سحر بنت صالح
*سحر اللي معاي بالجامعه
*سحر واجب الماث
*سحورتي
*بنت المرحوم
.......
استغرب طارق.
طارق بنفسه: يوه مين هذي سحر.
قرى اسم ابوها والعيله وراح بيطقطق عليها .
بالواتس.
طارق: اذا مارديتي علي انا اعلمج ياسحر يابنت صالح الـ.....
سحر انفجعت يوم قال اسمها الكامل ونست انه فيه برنامج نمبر بوك
سحر: شدراك ان اسمي سحر؟؟
طارق حب يطقطق عليها: العصفوره قالتلي
سحر: هاها سامج
طارق: قلبي قالي
سحر حمر وجهها: مالت عليك
طارق حط ضحكه.
سحر: اممم انا اللي عطيتك كف بالبحرين
طارق حط ضحكه وكتب: بتقعدين تذكريني كل شوي تجرحين مشاعري كذا
سحر حطت ضحكه وكتبت: اسفه
طارق: زينج.ايييه من وين جبتي رقمي
سحر: من نوره
طارق: اها.والسبب؟
سحر: ازعجتك
طارق: لا باالعكس شدعوه بس اقصد شالسبب خذيتي رقمي ليكون حبيتيني هههههه
سحر: مدري جيت في بالي واحس ثقلتها وياك شوي وحبيت اتاسف
طارق: اها.
وقعدو يسولفون ويتعرفون على بعض.
.......
خلونا نتركهم ونروح عند هند .
كانت عافسه غرفتها وشنطتها تدور سلسالها الذهب.
هند وهي شوي وتصيح: لاا ياربي الشي الوحيده اللي من بابا يارب القاه يارب وصارت تقول دعاء
(ياجامع الناس في يوم لاريب فيه اجمع بيني وبين ضالتي)
هند: شكله طاح مني يافبيت ملاك او فبيت عمي خليني اكلم منال.
دقت وماردت دقت عالبيت وواللي رد جاسم تمنت انها مادقت ابد.
جاسم:الو
هند ترددت ترد او لا بس بعدين رديت.
هند: السلام عليكم
جاسم عرفها:وعليكم السلام
هند: جاسم لوسمحت منال جنبك ادق عليها ماترد
جاسم بنرفزه: يعني ماترد اكيد نايمه ولا مشغوله .
وسكر بوجهها.
هند:وجع عمى بعينك
راحت تشوف عبدالمجيد اللي من رجع من الدوام وهو نايم.
هند بنفسها: اووف طفش شكلي بتوظف بكرا بكلم عبدالمجيد يشوفلي وظيفه بالشركه اللي يشتغل فيها.
........
اليوم الثاني الصباح .
فبيت حمد.
كان توج اي من الدوام.
فوزيه: هلاهلا حبيبي صباح الخير.
حمد راح باس يدها وراسها:صباح الورد يمه. اخبارج؟
فوزيه:الحمدالله ياعيني انت وانت اخبارك واخبار الدوام وياك؟
حمد:الحمدالله.ابوي متى بيرجع من السفر؟
فوزيه: بعد بكرا.
حمد:حلو
فوزيه بتردد: اقول حمد
حمد وهو يقعد يفطر: سمي يالغاليه
فوزيه: جدتك
حمد بخوف: فيها شي؟؟؟
فوزيه:لا مافيها الا العافيه بس.
حمد بشك: بس شنو يمه؟
فوزيه: تبيك تتزوج
حمد بضحكه: هههههههه بس تبشر خل تتزوج افنان ويجي دوري
فوزيه: بس هي محدده اللي بتتزوجها.
حمد: شلوون يعني محدده اللي بتزوجها؟
فوزيه: تبيك تتزوج سحر بنت عمك صالح.
حمد قام وبعصبيه: نععععععم وشو يعني اتزززوج سحر سحححر حسبة اختي شلوون يعني اتزوجها وعلى كيفها هذي تزوجني اللي تبيها اذا تبي تتحكم بعيالها بالطقاق بس تتحكم فيني لا تنننسى
فوزيه وهي تهدي ولدها: ياولدي ياحبيبي اهدى بس انا عارفه موراضي انت وماراح ترضى بس تعرف جدتك انت اذا قالت كلمه تتنفذ.
حمد: امووت ولا اتزوج سحر
فوزيه تحاول تهديه: البنت كامله وهاديه وسنعه مافيهها عيب يعني
حمد: ماقلت فيها عيب بس انا ماتخيلها زوجه
فوزيه: الكل يقول كذا بس بعدين مع العشره بتحبها.
حمد وهو يمسك يد امه: يممه تكفين مابيها.
فوزيه: في وحدا في بالك يعني؟
حمد بتردد: ايه
فوزيه: نعرفها؟
حمد: يمه انا ابي ملاك اخت محمد بس بنتظرها تتخرج من الجامعه اول واكون استقريت بالدوام.
فوزيه بياس: وتتوقع جدتك بتستنى سنه كامله .
حمد: لو اسافر اهاجر اتخبى بس ماتزوجج سحر يمه انا احب ملاك صح مااكلممها ولاشي بس شفتها مرا وحبيتها .
فوزيه بحزن على ولدها: الله يسهل الامور ياروح امك انت.
حمد ضاقت فيه الدنيا وراح غرفته تروش ونام على طول.
............
عند عبدالله بعد مالبس شاف السلسال .
عبدالله: يوه نسيت اعطي ملاك السلسال خذاه حطه في جيبه ونزل.
عبدالله:السلام.
الكل:وعليكم السلام.
عبدالله:يمه وين ملاك؟
هيفا:نايمه عندها اختبار بس الساعه تسع.
عبدالله: اممم اوكيه قعد يفطر ويشرب قهوته.
فطر وراح دوامه.
...........
بشقه عبدالمجيد وهندد.
سوت الفطور وجهزته وراح تطق الباب وقالها دخلي.
عبدالمجيده وهو يعدل شماغه ويتعطر.
راح باسها.
عبدالمجيد:صباح الورد على اجمل اخت بالدنيا.
هند بابتسامه: صباح الورد يلا الفطور جاهز.
عبدالمجيد بابتسامه:يلا
راحو يفطرون .
هند: امم مجود شركتكم فيها قسم حريم صح؟
عبدالمجيد: ايه
هند: صايره اطفش حيل ودي اتوظف .
عبدالمجيد:ابشري اليوم اكلم اخو محمد هو مدير الموظفين بكلمه واردلج بس جهزي السيره حقتج.
هند : اوكيه.
فطر وراح اما هند فتحت الاب وصارت تسوي السيره الذاتيه حقتها.
......
بالشركه عند عبدالله.
مسك السلسال : لازم اليوم اعطي ملاك ولا اللي بيشوفه بيشك فيني انا اعرفها.
دق الباب وكان عبدالمجيد على طول حطاه بالدرج.
عبدالله:تفضل.
عبدالمجيد دخل وسلم عليه.
عبدالله:حيا الله عبدالمجيد.
عبدالمجيد:يحيك بوناصر
عبدالله:امر؟
عبدالمجيد: اامم اختي خريجه اداره اعمال ومن تخرجت قعدت في البيت وتو اليوم قالتلي تبيت توظف اذا فيه مكان بالشركه بقسم الحريم ياليت تضبطها.
عبدالله: اكيد اكيد خلها ترسليل السي في حقها ومايصير الا كل خير ان شاء الله ونبي اصلا موظفات احنا لان بنسفر قريب الاجانب ونبي سعوديات.
عبدالمجيد:حلوحلو بخليها ترسل السيره اجل على نفس الايميل اللي رسلت السيره حقتي فيه.
عبدالله:على خير اجل.
...
هند رسلت السيره الذاتيه للايميل اللي رسله عبدالمجيد لها.
مرت الايام ولا شي جديد.
..........
فراس يعامل روان بجفى وقسوه.
....
بشاير بدت تتاقلم على الحياه بتركيا وحبت الحياه العائليه.
.............
وهند مقابلتها للوظيفه يوم الاحد.
.............
يوم الخميس البنات قررو يتجمعون عند ملاك وهند خذت حجه عشان تدور سلسالها.
بعد ماتجمعو تذكرت انها دخلت غرفه احد من اخوان ملاك وطاحت .
هند بنفسها:يمكن طاح مني لمى طحت.
راحت الغرفه وكانت مفتوححه الانوار .
دخلت وراحت للمكان اللي طاحت فيه ونزلت صارت تدور بالارض.
عبدالله طلع من الحمام وكان لاف المنشفه على خخصره وينشف شعره بمنشفه ثانيه وهند ماحست عليه قامت وصقعت بشي انصدمو الاثنين من الشي اللي صقعو فيه.
عبدالله شال المنشفه اللي على وجهه وانصدم يوم شافها وعرف انها هي صاحبه السلسال.
اما هند انفجعت يوم شافته وخاصا انه بس عليه منشفه.
صرخت وطلعت تركض بسرعه.
عبدالله مصنم مكانه .
عبدالله: شالقله الادب داخله غرف الناس بدون لااحم ولا دستور وفوقها تدري ان البيت فيه عيال جد قلة ادب.
هند راحت غرفه ملاك وهي خلاص ميته خجل وشوي وتصيح وكانت لابسه.
http://up.graaam.com/forums/801913/01517484934.jpg

وشعرها مفتوح وحاطه مكياج ناعم .

هند بداخلها:ياربي الحين شنو بيقول علي اووف.
فتحت الباب شوي شوي ولقت السلسال بالارض عند باب الغرفه عرفت انه هو اللي حطاه.
خذته ولبسته وبسرعه نزلت عندهم.
...........
وبكذا خلص البارت التاسع.











الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 01-02-2018, 02:39 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


وبانتظار ارائكم للبارت.

الرد باقتباس
إضافة رد
الإشارات المرجعية

روايتي الثالثه:لم اقع في حبك. بل وقع العالم من عيني حين احببتك.

الوسوم
الثالثه:لم , العالم , احببتك. , حبك. , روايتي , عيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
"فرانس فوتبول" تكشف أغلى 50 لاعبًا في العالم الـ شــــموخي999 كوووره عالميه 0 08-12-2016 07:39 AM
بالصور.. أبرز 10 لاعبين متجولين في العالم الـ شــــموخي999 كوووره عالميه 0 22-02-2016 08:29 PM

الساعة الآن +3: 03:03 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1