اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 10-02-2018, 09:33 PM
غزالة الربيع غزالة الربيع غير متصل
©؛°¨غرامي جديد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


الحمدالله يا حبيبتي ❤❤
فيين البارت والله حررااام علييكي نستناكي من الخميس إلى السبت والله حرام
ابغى أعراف كيف أقدار احمل الروايات لاني ما أعراف سألت رفيقتي في المدرسه بس هي جوالها ايفون اما اني سامسونج مختلف فبليييزبليز علميني كيف احمل الروايات😢😢😇😇

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 11-02-2018, 04:27 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها غزالة الربيع مشاهدة المشاركة
الحمدالله يا حبيبتي ❤❤
فيين البارت والله حررااام علييكي نستناكي من الخميس إلى السبت والله حرام
ابغى أعراف كيف أقدار احمل الروايات لاني ما أعراف سألت رفيقتي في المدرسه بس هي جوالها ايفون اما اني سامسونج مختلف فبليييزبليز علميني كيف احمل الروايات😢😢😇😇
اسفه حبيبتي صارت لي ظروف شوي جدي كان تعبان بالعنايه واليوم تعبانه انا وساحبين مني دم واجد بس عشانج والله قعدت عالبارت لين ماخلصته.
والحين بنزل البارت.
وبالنسبه للتحميل مادري والله.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 11-02-2018, 04:29 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.



(لم اقع في حبك. بل وقع العالم من عيني حين احببتك)

البارت الحادي عشر.

اما نجود طلعت وراحت دقت على بشاير لاين.
بشاير شوي وردت.
بشاير:هلاهلا بالحب كله.
نجود: هلافيج عيوني.وبتردد:امم
بشاير:شفيج ؟؟
نجود: شوفي قلت لفيصل انا اذا جيتي السعوديه تتزوجون.
بشاير: نعععم نجود انتي خبله ولاشنو لو درى جدي يمكن يذبحه ويسبب له مشاكل ماتعرفين جدي انتي.
نجود:يعني تبين تتزوجين التركي؟
بشاير:لاطبعا ابي واحد من ولد بلدي بس موكذا .
نجود: المهم انتي فكري زين وردي لي على ماتجين السعوديه وحاولي تاجلين موضوع هالخطيب التركي.
بشاير: اصلا قايله لجدي ان اول شي اتخرج بعدين يصير خير.
نجود: زين يلا اجل بسكر وانتي فكري زين بموضوع فيصل.
بشاير:يصير خير يلاباي.
نجود:باي.
سكرت بشاير منها وهي تفكر.
بشاير بنفسها: يااربيه اوافق ولا مااوافق على فيصل بس اخاف يصير له شي؟؟
يوووه خليني استخير وكل شي بوكله لربي.

...............
يوم السبت
الساعه 9 الصبح
روان صحت من النوم وهي تتالم وقعدت تتذكر اللي صار امس مع فراس ودمعت عيونها.
روان : اخخخ الله يرحمكم بابا وماما ليش ماخذيتوني وياكم ليش؟
حاولت تقوم من الالم وقفت قدام المرايه وشافت شفايفها متورمه وواثار الطق على جسمها دخلت تتروش يمكن يخف اللي فيها وطلعت صلت الفجر وحطت المرهم اللي جابته لها بنت عمها الاثار القديمه راحت وبدت تحط عالجديده.
روان: يعني تروح اثار وتطلع جديده لين متى لازم احط حد لهالشي قبل لايزيد عن حده خلاص ماراح اسمح لاي احد انه يلمسنى.
رفعت شعرها وطلعت ترتب الصاله بعد حوسه امس .
سوت لها فطور بعد ماخلصت وقعدت تفطر وهي تحوس بالتلفزيون شافت فلم قديم مصري حق سعاد حسني ( ليله الزفاف).
بعد ماخلص الفلم شافت نهايه الفلم بالبدايه ماكانت تبيه البنت ويدورون سبب عشان يتطلقون بالنهايه حبو بعض وعاشو بسعاده.
روان بنفسها: قريبه قصه الفلم من حياتي مع فراس ياترى بتطلق منه ولا بتحبه ويحبها ويعيشون بسعاده وكاي زوجين .
تنهدت بحزن من قلب وقامت تشيل الفطور وغسلت وراحت فتحت الاب وقعدت تحوس باليوتيوب.
..........
عند فيصل حجز على اول تذكره لتركيا .
وكانت رحلته يوم الاثنين الفجر.
..........
عند فراس.
صحى من النوم وكان متردد يروح عند روان و لاء
فراس بنفسه:ياربي شفيني من امس وان امو على بعضي احاتيها خليني اروح اشوفها بس يمكن صار فيها شي ولا اقول بالطقاق بس.
..............
ولاشي مهم وجديد مر على الكل الا انهم رجعو من البحرين.
................

يوم الاحد.
شقه عبدالمجيد وهند.

هند صحت على صلاه االفجر صلت ومن حماسها على الوظيفه ماقدرت ترجع تنام لبست وتجهزت حطت ميك اب خفيف وراحت جهزت الفطور لين ماصارت الساعه 6 قعدت عبدالمجيد من النوم وعلى ماتروش فطرو ومشو عالشركه.
بالسياره.
عبدالمجيد: يلا الله يكتبها وظيفه خير عليج يارب.
هند بحماس: اميين مجودي امين.
عبدالمجيد: امم مترا الشركه لازم تكشفين شنو بتسوين بهالموضوع؟
هند بصدمه:هاه يعني شنو اكشف ؟
عبدالمجيد بضحكه: يعني تداومين بحجاب بس اذا عادي دخلي وطلعي بالنقاب بس اهم شي داخل الشركه متحجبه.
هند: طيب انا حاطه ميك اب خفيف لازم امسحه الحين.
عبدالمجيد لف عليها : لا عادي مو باين انج حاطه ميك اب
هند بشك: جد ؟ بس برضو بروح الحمام اذا وصلنا وبسمح
عبدالمجيد بابتسامه: على راحتج حبيبتي
وصلو الشركه ونزلو وعبدالمجيد راح وياها مكتب عبدالله.
عبدالله كان يشرب قهوته وفاتح ملفها وكان مجهز العقد حق الوظيفه.
عبدالمجيد دق الباب.
عبدالله:تفضل؟
عبدالمجيد فتح الباب ودخلو وهندراحت الحمام (الله يكرمكم) قبل لا يروحون مكتب عبدالله وتحجبت وخففت من الميك اب اللي كانت حاطته.
عبدالمجيد:السلام عليكم.
عبدالله:وعليكم السلام هلا هلا والله.
هند كانت ساكته وتطالع الارض.
عبدالمجيد:هلافيك ياابو ناصر شالاخبار؟
عبدالله: الحمدالله وانت اخبارك؟
عبدالمجيد:الحمدالله.
عبدالله: تفضلو تفضلو استريحو.تشربون شي؟
عبدالمجيد:لا سلامتك .
عبدالله: هذا العقد بس توقع الاخت هند وبعدها تبدى الوظيفه باذن الله .
عبدالمجيد : على خير.
ودق جواله بهاللحظه ومسك جواله واستاذن طلع يرد عالمكالمه.
عبدالله مد الورقه على جهه هند عشان توقع هند رفعت راسها وجات عينها بعينه وتذكرت الموقف اللي صارلها وياه ونزلت راسها بسرعه.
عبدالله بحده: تفضلي وقعي .
هند: ان شاء الله.
وهي توقع دق على المسئوله على الموظفات عشان تجي تاخذها وتعلمها وين مكانها وتوريها الشركه.
دخل عبدالمجيد وهي تمد لعبدالله الورقه.
عبدالمجيدد:معليش مكالمه ضروريه .
عبدالله بابتسامه: عادي . ويلا مبروك عالوظيفه وان شاء الله تكون قدها.
عبدالمجيد بابتسامه: هنوده قدها وقدودها بعد .
دق الباب وكانت المسؤله على الموظفات راحت وياها هند وصارت تعلمها وتوريها الاقسام اما عبدالمجيد راح مكتبه .
عبدالله بنفسه: صح عيونها تجذب بس حركاتها ابد ماتعجبني وينج يارنيم بس وينج انتي اللي غير عنهم كلهم .
تنهد بقوه وكمل شغله.
...........
الساعه تسع .
بالجامعه عند سحر.
كانت قاعده ورى بالمحاضره مع نوره .
نوره كانت ماسكه الجوال وتكلم حبيبها اما سحر كانت سرحانه بعالم ثاني تفكرر في طارق.
سحر لفت على نوره.
سحر: نون شرايج تكلمين خويج وتقولين له نتجمع انا وانتي وهو وطارق وحشني
نوره طالعه مصدومه: شنوو قلتي من جدج؟؟
سحر: ايه
نوره وهي تغمز لها: شنو حبيتيه؟
سحر : ماادري بس كيوت ويضحكني دايما يحب يسعدني ومدري احس بديت احبه.
نوره: تبغين نطلع نتغدى عندهم
سحر: مدري ماعندهم دوامات؟
نوره: عادي لو بوقت البريك جقهم او يستاذنون عادي
سحر: الا صح تدرين مدري شنو يشتتغل
نوره بضحكه: محامي ياحظي ههههههههه
سحر: بعد محامي ياويل حالي.
نوره: هاه اكلم محمود حبيبي عشان نروح نتغدى وياهم
سحر: اممم اوكيه بمى ان ماعندنا الا محاضرتين وبنخلص 12 اليوم.
نوره كلمت محمود حبيبها وقالتله يكلم طارق بعد وخلاص اتفقو يروحون لهم الساعه 12 ونص .
وقالت لسحر.
سحر كلمت طارق بالواتس اب.
سحر: طروق بتجي اليوم الظهر.
طارق: والله اذا انتي بتطبخين ماراح اقول لا
سحر: ههههههه لا فشله ماعرف اطبخ بمكان مااعرفه
طارق: حتى لو بيتنا
سحر انصدمت ومااستوعبت كلامه: شلون يعني بيتنا
طارق : هههههههههههههههههه لاخلاص ولاشي
سحر: امممم طيب .
......
خلونا نترك اللي بالسعوديه شويه ونروح لتركيا.
بشاير كانت محيوسه الطوارئ كان زحمه شوي وهي كانت هناك وخلصت المريض اللي كانت مسئوله عنه وراحت خذت لها كوفي من الكافتيريا وطلعت برا بحديقه المستشفى وقعدت بكراسي جاه لها الدكتور ياغيز^^ عرفتوه اللي يبغى يخطبها.
ياغيز بالتركي: مرحبا
بشاير لفت وطالعته وتذكرت انه هو اللي يبي يخطبها ابتسمت وبالتركي: مرحبا دكتور
ياغيز بالتركي: لطفا من غير ددكتور.
بشاير بالتركي: ولاكن لابد مني ان اناديك يادكتور
ياغيز بالتركي: ولاكن انتي تعلمين انه قريبا سوف تصبحين زوجتي
بشاير بالتركي: ولاكن لم اوافق انا
ياغيز بابتسامه بالتركي: سوف نرى ياجميله.
وراح وتركها.
بشاير: على كيفه ذا افتك من نفسية عمار يجيني ذا المريض اوف شسويت بحياتي انا.
..........
عند فراس كان بالمكتب وفاضي ماعنده قضايا ولا شي قعد يرتب ملفات القضايا ووصل لملف روان
فراس: يوه نسيت قضيتها بس خلاص مايحتاج دام تزوجتها وقعد يفكر يمكن يقدر يطلقها لو فتح القضيه بس تذكرانه مايقدر يصير محامي لاحد يقرب له وهي زوجته بعد.
دام ماعندي شي خليني اروح لها اشوفها.
.....
روان كانت مسكره كل الانوار بالبيت بس مشغله شمعتين ومشغله فلم تايتنك .
دخل فراس ونفس االشي ماحست عليه الا يوم فتح الانوار
رفعت راسها وشافته ورجعت تطالع الفلم.
فراس وهو يشوف وجهها اللي كان اثار الضرب فيه قال بتردد:اخبارك؟
روان بدون ماتطالعه: بخير
فراس: ماسويتي غدى؟
روان نفس الشي بدون ماتلف له: ماحب اتغدى
فراس: بس انا احب
روان لفت عليه: روح طيب تغدى احد ماسكك؟
فراس : وانا تزوجتج وساتر عليج عالفاضي؟
كلماته كانت زي السم على قلب روان .
وفراس حس عليها من وجهها اللي تغير وصار ازرق
وقفت جات بتروح وقفت على صوت فراس.
فراس: روحي سويلي غدى ومشتههي باستا ومن اليوم ورايح الغدى تسوينه ابي اجي القاه جاهز فاهمه ولا لا؟
روان مشت عالمطبخ بدون ماترد عليه.
فراس عصب من حركته وقام لحقها بعصبيه مسكها من زنودها
فراس بعصبيه: لمى اكلمج ماتعطيني ظهرج ولمى اقولج شي تردين سم وتامر ياعمي
روان بنفسها:سم الهاري وعمت عيونك مالت عليك
فراس عصب اكثر من سكوتها ودفها بقوها على ورا وجا بيطقها بس وقفه دموعها اللي نزلت
فراس كل شي ولا يشوف دموع بنت يضعف مايتحمل
فراس بهدوء: بروح المكتب ابي ارجع وقت البريك القاه جاهز.
............
عند ملاك كانت تعبانه وماراحت الجامعه .
.............
عند سحر ونوره خلصو من محاضرتهم وراحو شقه محمود حبيب نوره وقعدو شوي جاه طارق وقامو نوره ومحمود يطبخون الغدى وظلو طارق وسحر.
سحر كانت مستحيه ولسى بحجابها وطارق يحاول يفك الجو الهادي اللي بينهم.
طارق:اييه وكيف الجامعه وياج؟
سحر: الحمدالله كويسه الاختبارات الاسبوع الجاي قبل الاجازه.
طارق: اوه صح فيه اجازه نص الفصل يالله بالتوفيق.
سحر بحيا: احم امين.
طارق :امممم مرتاحه؟
سحر: ايه عادي
طارق بابتسامه:زين.
........
بوقت البريك فراس راح شقته.
عند روان
فتح الباب لقى الاكل جاهز فوق الطاوله وورقه فوق الطاوله فتحها وقرى .
( جهزت لك الغدى وتعبانه شوي ودخلت انام عافيه)
فراس يوم قرى عفس الورقه وقطاها بالارض وبدى ياكل وعجبه طبخها.
........
يوم الاثنين
عند فيصل ركب الطياره رايح لتركيا الفجر ووصل عالظهر.
واخذ رقم بشاير من نجود وكلمها.
وقالتله انها بمستشفى ال....
راح الفندق اول حط شنطته وتروش وغيرملابسه وراح المستشفى عند بشاير.
.....
بالمستشفى
كانت تستقبله بشاير برا بحديقه المستشفى وفيصل من دون شعور ضمها بقوه.
وبعدين استوعب اللي سواه ووخر عنها .
وللاسف كان شخص يشوفهم من مكتبه وكان ياغيز.
مسك جواله واتصل على شخص مجهول.
فيصل: اخبارج شمسويه هنا بالغربه؟
بشاير:الحمدالله وانت اخبارك؟والحمدالله على سلامتك.
فيصل:الله يسلمج.
بشاير:ياليت جبت نجود وياك.
فيصل: يلا بعد اسبوعين الاجازه وبتجي هي ورنا .
بشاير: ايه ادري قالولي مرا متحمسه .
فيصل:امم تغديتي؟
بشاير:الحين وقت البريك شوي وبتغدى.
فيصل:حلو اجل يلا عازمج من الفجر بالطياره لاعت جبدي.
بشاير: ههههههههه يلا اجل بس انا اللي عازمتك
فيصل: لا مو كيفج خلاص قلت انا بعزمج.
بشاير:هههههه طيب اوكيه بس بدخل افصخ بالطو المستشفى وبجيب شنطتي وبجي.
فيصل:اوكيه استناج.
بشاير راحت بسرعه وجات وراحو مع سواق جدها تغدت وياه ورجعو .
......
بالليل كان فيصل يتمشى وراح تعشى وشيش ورجع الفندق وكان المطعم قريب من الفتدق عشان كذا كان يمشي وهو راجع جات قدامه سياره ووراه سياره مسكوه وخذوه .

مرا الاسبوع على خير ولا احداث.
غير ان فيصل للحين مختفي وبشاير تحسبه رجع السعوديه .
وفراس كل يوم يروح وقت البريك وروان مسويه له الغدى وحاطه ورقه نفس كل يوم.

................
يوم الاحد كان الكل اختبارات نص الفصصل وماكان فيه احداث.
الساعه ست ونص
في بيت نجود.
كانت عندها رنا وكانو يسون كم شي بحوث عشان التخرج.
بشاير كلمتهم بقروبهم بالواتس وقالت رنا لها انهم في بيت نجود وقالت بتدق على رنا لاين فيديو.
كلمتهم وقعدو يسولفون.
نجود: ايييه وكيف الاوضاع مع خطيب المستقبل؟
بشاير رفعت حاجب:أي خطيب؟
رنا بضحكه: فوفو يعني منو؟
بشاير:ابد جاه تغدينا بس ومن بعدها ماشفته رجع السعوديه.
نجود: هاه وشو رجع السعوديه؟
بشاير:ايه رجع بس استغربت ماقالي انه بيروح .
نجود بخوف: تستهبلين هو قايل لي بيقعد لي الاربعا الجاي يعني بعد بكرا بيجي.
رنا: يمكن مع ربعه او شي
نجود بخوف:لالا مايسويه صبر بدق عليه.
نجود كلمته واتسم ايوصل ودقت مقفل خافت اكثر.
رنا: ان شاء الله مافي الا كل خير.
بشاير: وانا بقوم اروح الفندق اللي كان فيه وبسال عنه.
نجود وشوي وبتصيح:اوكيه وطمنيني امانه.
رنا تهديها: نجود حبي اهدي ماراح يصير الا كل خير ان شاء الله .
نجود: ان شاء الله ان شاء الله.
بشاير سكرت منهم وراحت كلمت السواق يفتح السياره على طول وقالت له يروح الفندق اللي وصل فيصل فيه.
اول ماوصلت راحت الرسيبشن.
بشاير بالتركي: مساء الخير.
الرجال بالتركي: مساء الخير سيدتي.
بشاير بالتركي: اريد ان استسفسر عن شخص ما؟
الرجال بالتركي: تفضلي؟
بشاير: هل هناك شخص اسمه فيصل الـ....؟
الرجال بالتركي: دقيقه ابحث عنه.
وبدى يكتب الاسم بالكمبيوتر وطلع بيانات الحجز.
الرجال بالتركي: نعم يوجد ولاكنه سبع ايام لم ياتي الى الفندق ويوم الاربعا ينتهي الحجز الذي باسمه.
بشاير: هل يمكنك ان ترسل لي حالما يرجع الى الفندق.
الرجال :طبعا طبعا سيدتي.
بشاير بخوف وبالتركي: اممم حسنا شكرا لك.
الرجال بابتسامه وبالتركي:العفو سيدتي باي وقت.
بشاير راحت السياره وهي تفكر وتحاتي.
بشاير:لا مستحيل فيصل يسويها اكيد صارله شي.
مسكت الجوال وكلمت هاكان وقالتله يسال بالمستشفيات عن اسم فيصل الـ.....
وسكرت منه وكلمت كمال وقالتله يدور بالشرطه.
وسكرت من كمالوكلمت السواق.
بشاير بالتركي:لطفا من اريد ان تذهب للبحث عنه من جهه الشمال وانا سوف اذهب الى جهه الجنوب واذا رايته اخبرني.
وقف السياره السواق وهي راحت من جهه والسواق من جهه.
تعبت وهي تركض وهي تدوره بين كل زاويه ولفه.
فقدت الامل جات بترجع شافت شنطه فيصل اللي كانت وياه طايحه بالارض وراحت تركض شافت البزك مفتوح الفلوس كلها ماخوذه والبطايق طايحه.
خذتها وكلمت كمال بسرعه وقالت له .
كمال بالتركي: لابد انه انخطف .
بشاير بالتركي:ماذا لالا من الذي يريد ان يخطفه ولماذا؟
كمال بالتركي: انني مع صديقي النائب ارسلي لي رقم هاتفه.
بشاير بخوف وبالتركي:حسنا.
سكرت ورسلت الرقم ورجعت الفندق وخذت شنطه فيصل وياه وكلمت السواق يرجع.
ودقت على هاكان وقالتله .
وكلمت بعدها كمال وقالتله وين مكانه ووصفلها وراحت له الشرطه.
وهي ميته خوف وماحبت تقول لنجود شي عشان ماتنهار خاصا ان ابوها تعبان .
راحت هناك وشافت هاكان وكمال واقفين مع واحد وكم ضابط راحت عندهم.
بشاير بخوف وبالتركي: هل حدث أي تطور؟
هاكان مسكها من كتوفها يهديها وبالتركي: لاتقلقلي سوف نبحث عنه.
كمال بالتركي: اننا نتبع رقم هاتفه ولاكنه مقفل .
بشاير بخوف : يارب يارب يطمنا .
بعد ساعتين دق جوال بشاير وشافته رقم غريب بس تركي ردت تحسبه فيصل.
بشاير :الو.
الرجال بالتركي: سيدتي اريد ان اخبرك ان السيد فيصل اتى ولاكن؟
بشاير بخوف:ولاكن ماذا؟
الرجال:لا اعلم مابه انه مرمى امام الفندق ولاكن اتصلنا بالاسعاف والان ذاهب الى المشفى.
بشاير بالتركي:هل تعلم أي مشفى؟
الرجال بالتركي: طبعا مشفى الـ...
طلعت نفس المستشفى اللي تطبق فيها بشاير.
بشاير بالتركي: حسنا شكرا لك كثيرا.
الرجال بالتركي:العفو سيدتي انه واجبي.
سكرت بشاير وقالت لهم وعلى طول طلعو راحو المستشفى.
.........
بالمستشفى .4
دخلو وراحت تسال عنه وكانو توهم مسعفين وجايبينه من الاشعه. وودوه غرفه.
بشاير راحت شافته ماعرفته من الضرب والحروق اللي كان فيه.
خافت وضمت كمال وقعدت تصيح.
بشاير بنفسها: شنو اقول لنجود يارب ساعدني.
................
قعدت عنده لين ماصحى اليوم الثاني الصباح .
فيصل صحى شافها نايمه .
فيصل بنفسه: اتحمل حتى الموت عشانج
بشاير حست بحركه وقامت.
بشاير والخوف واضح عليها : فيصل انتا بخير شصااار لك؟
فيصل وهو يتالم: مافيني شي بس تهاوشت ويا ناس.
بشاير بشك: بس سبع ايام ماجيت الفندق.
فيصل توهق شنو يصرفها الحين: كنت انام عند خويي.
بشاير : وكيف لقوك قدام الفندق وشنطتك كانت مقطوطه فيصل صار شي قولي بسرعه؟
فيصل بعصبيه:يوووه بشاير تحقيق هو طلعي خليني لحالي.
بشاير قامت وبزعل: نجود تحاتيك بقولها انك بخير وكنت عند اخوياك وان جوالك انسرق وبتكلمها اذا شريت جديد وخلته وطلعت.
فيصل حاول يقول وراح الحمام يغسل وجهه شاف وجهه وجسمه شلون الحروق الضرب باين عليه غسل وجهه ورجع السرير.
الا يدخل ياغيز.
ياغيز بالتركي: اهلا وسهلا استاذ فيصل واضح عليك انك لم تتوب ابتعد عن بشاير والا سوف تندم كثيرا.
فيصل بحده وعصبيه: لن ابتعد هل تفهم.
ياغيز: اذا تحمل الذي سوف ياتيك.
بشاير رجعت عشان تاخذ شنطتها وسمعت كل شي وخافت على فيصل وتخبت يوم سمعت خطوات ياغيز اللي بيطلع واول ماطلع دخلت عند فيصل.
بشايربعصبيه: يعني ياغيز هو السبب باللي انت فيه الحين تقولي شنو صار؟
فيصل: تتسمعين ؟
بشاير: رجعت اخذ شنطتي وخذتها من الكرسي اللي كانت قاعده عليه.
بشاير بعصبيه: اسمعني زين الشرطه بتجي تحقق وياك وراح تقوللهم اللي صار فاهم او لا.
فيصل:مالج دخل خلاص طلعي وسكري الباب وياج
بشاير بعصبيه: فيصل بلا عناد جد اتكلم هنا غير عن السعوديه هنا عادي يقتلونك ويسون كل شي.
فيصل: وانا قلت لج مالج دخل.
بشاير: اجل لاتحط شي بذمتي عاللي يصير لك وطلعت وسكرت الباب بقوه.
فيصل تنهد بقوه وانسدح بالم.
........

وبكذا انتهى البارت الحادي عشر.







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 12-02-2018, 01:07 AM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


بانتظار ارائكم للبارت.
وتوقعاتكم للبارت الجاي؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 28-02-2018, 10:45 PM
غزالة الربيع غزالة الربيع غير متصل
©؛°¨غرامي جديد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


السلام عليكم كيفك يا حبيبتي الحمدلله على سلامتك متأخر والحمدلله على سلامة جدك الله يعطيه الصحة والعافيه
وإني والله قدرت ظروفك فدالكا ما تكلمت ولا قلت فين البارت لأنه كل شخص عنده ظروف في حياته وإني قدرت ظروفك يا حبيبتي بس انتي طولتي علينا كثير أسبوعين والله حرام 😢😢 حتى نزلي بارت >>>أو بارتبن ههههه أهم شيء راحتك يا قلبي بس نزلي لنا بارت بلييزز😭😭😭😭روايتك تجنن وروعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 09-03-2018, 01:23 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها غزالة الربيع مشاهدة المشاركة
السلام عليكم كيفك يا حبيبتي الحمدلله على سلامتك متأخر والحمدلله على سلامة جدك الله يعطيه الصحة والعافيه
وإني والله قدرت ظروفك فدالكا ما تكلمت ولا قلت فين البارت لأنه كل شخص عنده ظروف في حياته وإني قدرت ظروفك يا حبيبتي بس انتي طولتي علينا كثير أسبوعين والله حرام 😢😢 حتى نزلي بارت >>>أو بارتبن ههههه أهم شيء راحتك يا قلبي بس نزلي لنا بارت بلييزز😭😭😭😭روايتك تجنن وروعه
وعليكم السلام
حمدالله
الله يسلمج حبيبتي
اعتذذرر حييل والله بس كان عندي مواعيد مستشفى وبعدها بديت وظيفه جديده وحوسه بس ان شاء الله من اليوم بكتب البارت وبينزل بارت طويل تعويض ولايهمج.

حبيبتي انتي مرورج الاروع
منورتني
اسعدني مرورج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 12-03-2018, 07:03 AM
Nooer Nooer غير متصل
©؛°¨غرامي جديد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


ان شاء الله اقرأها لما اصحى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 12-03-2018, 07:07 AM
Nooer Nooer غير متصل
©؛°¨غرامي جديد¨°؛©
 
Upload1862123ac7 رد: روايتي الثالثه:لم اقع في حبك. بل وقع العالم من عيني حين احببتك.


اتمنى اتفاعل مع من تكتب الروايةواعلق مع الاعضاء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 14-03-2018, 05:10 PM
سيلين503 سيلين503 غير متصل
©؛°¨غرامي جديد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


كملييي بليز حبيت الروايه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 14-03-2018, 05:11 PM
سيلين503 سيلين503 غير متصل
©؛°¨غرامي جديد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


منتضره

الرد باقتباس
إضافة رد
الإشارات المرجعية

روايتي الثالثه:لم اقع في حبك. بل وقع العالم من عيني حين احببتك.

الوسوم
الثالثه:لم , العالم , احببتك. , حبك. , روايتي , عيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
"فرانس فوتبول" تكشف أغلى 50 لاعبًا في العالم الـ شــــموخي999 كوووره عالميه 0 08-12-2016 07:39 AM
بالصور.. أبرز 10 لاعبين متجولين في العالم الـ شــــموخي999 كوووره عالميه 0 22-02-2016 08:29 PM

الساعة الآن +3: 03:52 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1