اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-01-2018, 02:31 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
01302798240 روايتي الثالثه:لم اقع في حبك. بل وقع العالم من عيني حين احببتك.



بسم الله الرحمن الرحيم.
بعد غياب ست سنوات الحين ارجع بروايتي الثالثه .
(لم اقع في حبك. بل وقع العالم من عيني حين احببتك)
البارت الاول.
(بريطانيا).
محمد كان يصحي العيال عشان يروحون دواماتهم اما هو ماعنده الا الساعه 11 محاظره وحدا بس.
بعد ماصحو وافطرو راحو سمع صوت جواله يدق ببرنامج لاين شاف اخته ملاك تدق علي رد على طول بشوق وحنان.
محمد: هلا هلا بطوايف محمد .
ملاك:هلا حبيبي حمود,كيفك وكيف الدراسه وياك؟
محمد: الحمدالله تمام والدراسه تمام بعد بس ضغط هالفتره بس الله يعين.
ملاك:يالله هانت كلها شهر وتنور السعوديه
محمد:ايه والله هانت واخيرا برجع خلاص نهائي.انتي اخبارج واخبار الجامعه؟
ملاك: ماشيه الحمدالله والدراسه تمام .
محمد:واخبار امي وابوي والباقي؟
ملاك: الحمدالله كلنا بخير مشتاقين لك والله.وامس بالزواره الكل يسال متى بتجي بس ماقلت لاحد بخليها مفاجأه احسن هههههههههههههه
محمد:هههههههههههههههه كفو زين تسوين شعندج للحين صاحيه مانمتي ماوراج دوام؟
ملاك:الا بس ماجاني نوم وجيت على بالي وقلت بدق وحشششتني.
محمد بشك: اقول اعترفي بسرعه شعندج شنو تبغين ماعرف حركاتج يعني هههههههههه
ملاك بضحكه ودلع: يووه حمودي المشكلة انك عارفني شسمه ابغى اوصيك على كم شي من بريطانيا قبل لاتجي.
محمد:امري بس تدللي كم ملاك عندي وقولي للي يبي بعد اغراض يقولج عشان اطلع مرا وحدا اشتري.
ملاك:اوكيه تمام اكتب الحين للبنات بالقروب واشوف شنو يبغون.
محمد:ياله اجل انا بقوم اتروش واطلع اخلص كم شغله انتبهو على نفسكم واي شي تبونه كلموني وسلمي لي عالكل .
ملاك:اوكيه حبيبي وانتا بعد انتبه على نفسك احبك.
محم:وانا بعد احب جيلا فمان الله.
ملاك:باي.
بعد ماسكرو محمد راح يتروش ولبس وطلع.
وملاك قعدت تحوس بالبرامج وكتبت بالقروبات بنات العيله وصديقاتها اذا يبغون شي .
خلوني اتكلم عن محمد وعيلته شوي
عايله ابو محمد.
ابومحمد(ناصر)-مدير شركة كبيره وبالدوام يكون عصبي بس مع عياله مافي احن منه وطيب ومستحيل يرفض لهم طلب ومتزوج ام محمد عن حب وتصير بنت عمه وعمره 55 سنه.
ام محمد(هيفاء)- عندها مدرسه ثانويه اهليه وهي مديرتها همرها 39 سنه وهي جميله وشكلها ابد مايقول انها 39 طيبه وحنونه حيل مع الكل .
محمد:عمره 26 سنه ويدرس في بريطانيا دكتور جراحه وبيتخرج بعد شهر وبيرجع السعوديه وهو طويل وعريض ويموت بشي اسمه خواته وحنون عليهم كثير وهو جميل وابيض.
عبدالله: عمره 24 سنه ومتخرج قسم اداره اعمال ويشتغل مع ابوه بالشركه طويل وعريض وكلمه جميل شوي عليه وشايل من راسه فكره الزواج واذا جابو طاري زواج عنده يعصب ويقوم من المكان اللي هو فيه وهو عصبي وشديد .
ملاك: عمرها21 سنه ثالث جامعه تخصص صحه عامه وهي اسم على مسمى ويسمونها اذا كشخت دايما هيفا وهبي وطولها 155 وجسمها منحوت وخصر وشعرها طويل اسود ولونها برونزي.
روز , ورد: توأم عمرهم 17 سنه بثاني ثنوي ويدرسون بمدرسه امهم وعكس بعض بكل شي.
روز:ضعيفه وشعرها قاصته فكتوريا واشقر وبيضا.
ورد: مربربه وشعرها طويل وبني فاتح لونه وبرونزيه.
هذا بالنسبه لعيله محمد.
خلوني اعرفكم على اخويائه اللي ببريطانيا.
حمد: دكتور قلب وعمره 26 طويل وعريض مو راعي بنات وكله يقول لهم مافي وحدا للحين دخلت مزاجي حياته جيم وجامعه بس وهو اقرب واحد لمحمد.
عبدالمجيد:عمره 25 سنه تخصص اداره اعمال اهم شي بحياته وناسته ومايهمه شي واللي براسه يسويه وكل حياته بنات.
عبدالعزيز:يقرب لحمد يصير عمه وعمره 31 سنه جاي بريطانيا يخلص الماجستير قسم محاسبه.
خالد:انسان صايع لابعد حد وبس يطلع ويستانس ولايفكر بشي اسمه دراسه عمره 25 سنه تخصص اداره اعمال مع عبدالمجيد.
...................
خلونا نروح عند العيال بالجامعه.
حمد كان قاعد بالمكتبه يخلص بحث التخرج وموحول احد وكل شوي تمر وحدا وتحاول تلفت نظره وهو مطنش لابعد حد.
عبدالمجيد وخالد كانو بالمحاضره وكانو يتناقشون مع الدكتور على برزنتيشن التخرج.
عبدالعزيز بمى انه ماجستير ماكان بنفس الجامعه وكان يبيله سنه عشان يتخرج عكس العيال باقي لهم شهر ويرجعون السعوديه.
....................
بالسعوديه.
وتحديدا في بيت حمد.
خلوني اعرفكم قبل على اهل حمد.
ابوحمد(احمد): كله يسافر بشغل ونادر مايجي البيت وعمره 53 سنه.
ام حمد ( فوزيه): ربه بيت وتحب عيالها حيل وتحب شي اسمه جمعات ومناسبات وعمرها 45 سنه.
حمد: سبق التعريف عنه.
افنان: عمرها 22 سنه وتو متخرجه قسم اعلام وقاعده بالبيت للحين مااشتغلت وطويله وحلوه وشعرها نص ظهرها وجسمها نفس جسم ميريام فارس.
....
افنان صحت من النوم لقتها 5ونص الفجر قامت وتوضت وصلت الفجر قعدت تقرى صفحتين من القران وجاها نشاط واشتهت تسوي فطور وقامت تسوي فطور وتضبطه بالحوش وراحت قعدت امها عشان تفطر وياها.
ام حمد(فوزيه):غريبه قعدتي بدري وجهزتي الفطور بنفسج.
افنان: قعده البيت وماتسوي.هههههههههههه وبعدها سكتت وقالت: الا اقول مامي متى بابا بيجي ومتى بيجي حمد وحشوني
ام حمد(فوزيه):والله حمد مدري عنه بس ابوج بكرا بالليل بيجي وقال بيقعد ثلاث اسابيع بالخبر بعدها بيرجع يسافر.
افنان:اووه اخيرا بابا بيقعد وبيطول متى بس يترك شغله اللي هاده وباعده عننا.
ام حمد(فوزيه):الله يعين هذي هي الدنيا شنسوي بعد. على طاري الشغل مانتي ناويه للحين تشتغلين؟
افنان: مدري ماودي بس مع الزهق وقعدده البيت شكلي بدور لي وبقدم على كم مكان.
ام حمد(فوزيه): الله يسهل لج ويفتحها عليج وعلى اخوج وابوج يارب ياكريم واشوفكم باحسن المراتب .
افنان قامت باست يد وراس امها: امين ياروح بنتج انتي ويخليج لنا ويطول بعمرج يارب
..............
عند ملاك قامت ولبست وتمكيجت ونزلت شافت امها وابوها واخواها قاعدين يفطرون.
ملاك بابتسامه: صباااح الخير على احلى عايله بالدنيا وباست ابوها وامها ومرت على كل اخوانها.
ابو محمد(ناصر):هلا هلا بدلوعتي وحبيبت قلبي.
روز وورد:احم احم
ابومحمد(ناصر) بتصريفه: اااء كلكم دلوعاتي وانا اقدر عليكم ولف على ام محمد(هيفا) قبل لا تتكلم ومسك يدها:وانتي الغاليه ام الغالين وباس يدها.
روز بصراخ وتصفير:اووووخص ياحركككات مين قددج هيوف
عبدالله عطاها نظره وبحده:وشوه يوف اصغر عيالج هي
ام محمد(هيفا) مسك يد عبدالله: عادي حبيبي انا راضيه
عبدالله ابتسم وقام: بالعافيه وسفره دايمه يلا فمان الله.
ولف على ابوه:يبه بتجي وياي ولا بسيارتك بتجي؟
ابومحمد(ناصر):لا بجي بسيارتي روح الله يحفظك
راح عبدالله ودق جوال ملاك والمتصل (دانه) بنت عمها
ملاك بضحكه:يالليل شالصباح غاثتني بكل وقت ماكاني بشوفج الحين
دانه بصراخ: طلععي براا بسرعه لي ساعه انتظرج
ملاك بضحكه: ههههههههه طيب يل ايلا بلبس عبايتي .وسكرت,
لفت على امها وابوها وباستهم:يلا انا رايحه بنت اخوك تنتظرني وتهزئ هههههههه
ابومحمد(ناصر): ههههههههههه الله يحفظكم يالله انتبهو لايسرع السواق.
ملاك بابتسامه:ان شاء الله بابي يلا مع السلامه.وراحت.
قامت نفس الشي ورد وروز .
ورد وهي تبوس راس ويد امها وابوها:يلا بابا ماما مع السلامه دعواتكم عندنا اختبار اليوم.
امها وابوها: الله يوفقكم. الله يسهل لكم يارب.
روز نفس الشي باست يد زراس امها وابوها: ماما ماراح تجين ويانا ولا بابا بيوصلج؟
ابومحمد(ناصر): انا بوصلها روحو انتو .
روز بابتسامه:اوكيه دادي. وراحو.
ابومحمد(ناصر) التفت على ام محمد(هيفا) وبنظره خبث:وصرنا لحالنا شرايج مانداوم اليوم ونهج
ام محمد(هيفا):هههههههههههه نصوري اعقل
ابومحمد(ناصر)بجديه: جد قومي يلا نروح البحرين ومانرجع الا الليل والعيال كبار ويعرفون لنفسهم.
ام محمد بتفكير وبابتسامه بانت غمازاتها: وانا اقدر اقولك لا نصوري يلا بقوم اغير ملابس الدوام واجيك.
ابومحمد(ناصر):يلا استناج بالسياره.
راحت ام محمد(هيفا) غيرت ملابس الدوام وراحت له السياره ومشو عالبحرين.
عند ملاك ودانه بالسياره واقفين بستاربكس ياخذون طلباتهم.
ملاك:وبعدين وياج انتي متى بتعقلين ؟
دانه:اذا طولتي وصرتي طولي اعقل وضحكت.
ملاك بعصبيه :نينينينيني امشي بس خل نروح الجامعه لازم تاخرينا عالمحاضره الاولى.
دانه طنشتها وشبكت الوصله عالجوال وحطت اغنيه ثامن عجيبه- عيسى المزروق وطولت عالاخير وتصور سناب ومطنشه ملاك اللي معصبه منها.
خلوني اعرفكم على دانه وعيلتها اول طبعا ابوها يصير اخو ابومحمد(ناصر).
عايله ابوماجد(عبدالرحمن).اخو ابومحمد(ناصر).
ابوماجد(عبدالرحمن):عنده مستشفى خاص وهو مديرها وبنفس الوقت دكتور جراحه قلب وعمره 54 سنه وهو حنون على الكل.
ام ماجد(احلام):عمرها 38 سنه معيده بالجامعه قسم انجلييزي. ملامحها ناعمه وشعرها نص ظهرها.
ماجد:شاب مملوح يشتغل مع عمه وعمره 24 سنه ويصير اخو عبدالله بالرضاعه .
دانه: صديقه ملاك بالروح 24 ساعه وياها ومعاها بالجامعه ونفس التخصص وعمرها 21 سنه واطول من ملاك وبيضا وشعرها نص ظهرها وطبعا اختها بالرضاعه.
راكان:عمره 6 سنوات اول ابتدائي.
......
وخلص البارت الاول هنا.



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-01-2018, 02:31 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


بانتظار ارائكم بالبارت الاول على مااكتب البارت الثاني وطبعا بخليه طويل.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-01-2018, 03:28 PM
صورة وِتُيّنِ آلَحً ـيّآةّ الرمزية
وِتُيّنِ آلَحً ـيّآةّ وِتُيّنِ آلَحً ـيّآةّ غير متصل
©؛°¨غرامي مجتهد¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


مممم تسلمين يا حلوة على الدعوة ويسعدني اكون متابعة لها

بداية موفقة بس لازم يكون في حماس اكثر

وووو يا ليت لو تحددين ايام للبارتات وبكون شاكرة لك وبكون سعيدة لو قرأتها

موفقة امنياتي لك بكل خير

اقبلي مروري

اختك وتين🌷🌷

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-01-2018, 03:44 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها وِتُيّنِ آلَحً ـيّآةّ مشاهدة المشاركة
مممم تسلمين يا حلوة على الدعوة ويسعدني اكون متابعة لها

بداية موفقة بس لازم يكون في حماس اكثر

وووو يا ليت لو تحددين ايام للبارتات وبكون شاكرة لك وبكون سعيدة لو قرأتها

موفقة امنياتي لك بكل خير

اقبلي مروري

اختك وتين🌷🌷
يسلمج حبيبتي.
وانا الاسعد والله.
ايه البدايه دايما مافيها حماس بس اذا رجعو للسعوديه بيصير الحماس
امممم البارت اذا بيكون طويل كل يومين بنزل .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-01-2018, 09:07 PM
صورة رجـــل يعشق الأنوثة الرمزية
رجـــل يعشق الأنوثة رجـــل يعشق الأنوثة غير متصل
©؛°¨غرامي نشيط¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


بدايه موفقهه


يسعدني المتابعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-01-2018, 09:23 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.



(لم اقع في حبك. بل وقع العالم من عيني حين احببتك)

البارت الثاني.
عدى اليوم على خير بالجامعه والمدارس والشركة وعالمغرب.
ملاك ودانه كانو قاعدين بغرفه دانة.
دانه: متى بيرجع حمود؟
ملاك: اممم مفاجئه سوري.
دانه:عن المصاخه عاد ياله قولي واييه كتبتي كل الاغراض اللي نبغاها يجيبها لنا؟
ملاك: ايه ايه وهذيني اسال قروبنا اذا وحدا تبغى شي من بريطانيا.


خلوني اعرفكم على قروب ملاك ودانه...
ملاك ودانه سبق التعريف عنهم.
ليان:مملوحه وبرونزيه واللي محليها جسمها وشعرها .جسمها كانها من عارضات الازياء وشعرها طويل تحت ظهرها ولونه بني وعيونها عسلي هوامها وابوها متوفين وعايشه مع جدتها وجدها وطبعا كلهم كبر ملاك ودانه ونفس التخصص.
فرح:بنت حبوبه وعلى نياتها حلوه وناعمه وشعرها نص ظهرها صابغته اشقر رمادي وبيضا.
ريم: بنت خبله لابعد درجه وشعرها بوي وصابغته رمادي وضعيفه ونفس طول ملاك 155 وكله طالعه وماترجع البيت الا بالليل وهي وحيده امها وابوها.
.............


بقروب الواتس
ملاك: بنات احد يبغى اغراض من بريطانيا عشان برسل لحمود الاغراض مرا وحدا؟
ريم قرت اول وحدا وردت: ايه انا ابغى تي شيرتات من ارماني وفريد بيري نازل الكوليكشن الجديد وللحين مانزل عندنا.
ليان ردت: انا ابغى باليت هدى بيوتي الجديد ورموش.
دانه: شويه شويه على ولد عمي وحطت ضحكات وفيس يخز
ريم: على جمب لو سمحتي حميد صديقي وامون عليه
دانه: واضح صراحه تمونين عليه وحطت ضحكه
فرح دخلت :بس بس يامزعجين ماتخلون الواحد يذاكر بكرا عندنا ميد وانتو تسولفون ملاكي حبي يرجع لكم بالسلامه يارب.
واي شي يجي منه عادي وابغى رموش بعد وحطت فيس يضحك وفيس خجول.
ملاك:الله يسلمج حبي اوكيه يلا بروح اكتب له الطلبات اجل لسته الله يعينه وحطت ضحكه.
......
بالغرفه.
دانه:تبغين نطلب ولا نسوي؟
ملاك:لا نسوي احسن مشتهيه بيتزا وباستا
دانه:اوكيه بروح اجل اقول للخدم يسون وبخلي السواق يروح يجيب اغراض من البقاله.
ملاك:اوكيه على مااكلم حمود
راحت دانه وملاك دقت على محمد لاين.
محمد كان طالع وناسي جواله بالبيت.
مسك الجوال حمد وشاف اسم ملاك يدق طنش ورجعت ملاك تدق مرا ومرتين وثلاث لين ماعصب وطفش حمد ورد.
ملاك ردت بسرعه وبدلع قبل لايرد:حمودي حبيبي اخيرا رديت وحشتني المهم رسلت لك بالواتس الطلبات اللي نبغاها احبك امواح وسكرت على طول.
حمد تصنم هنا من الصوت والدلع ولا كلمه احبك ولا البوسه وبسرعه رجع للواقع وانها يمكن تصير حبيبه محمد خويه ورجع حط الجوال عالطاوله وقعد يكمل البحث حقه.
ملاك سكرت وطبعا ماتدري مين رد عليها خلت الجوال عالشاحن وقامت تذاكر شوي على ماتجي دانه .
محمد رجع ولقى حمد والعيال يشوفون فلم رعب قعد يشوف وياهم وتذكر جواله وقام خذاه وشاف الواتس واللي مكلمينه فتح على قروب عيلته مالقى شي مهم شاف محادثه ملاك وانصدم من كثر الطلبات لف عليهم.
محمد:ياعيال.
محد عطاه وجهه مندمجين مع الفلم صرخ محمد ومن خوفهم رفو عليه واللي انكب عليه البوبكورن واللي البيبسي واللي مسك البطانيه ولفها عليه من الخوف ومحمد قعد يضحك عليهم.
محمد وهو للحين يضحك على اشكالهم: هههههههههههههههههههه يمممه بموووت هههههههههههههه من الضحك هههههههههههههه بس احسن تستاهلون لي ساعه اناديكم مطنشيني.
عبدالمجيد رمى عليه علبه المنديل ونط عليه وقام يطقه وخالد نفس الشي قام يطقه وحمد يطالع فيهم ويضحك وبالموت فكهم منه .
محمد وهو للحين يضحك: ياكلاب خربتو جمالي
خالد: أي جمال مع وجهك ؟
عبدالمجيد: عشان تتدرب على الجراحه بوجهك.
محمد طالعه مصدوم من كلمته وضحك:ههههههههههههههههههه الزبد امين فاضي بكرا وماعنده دوام.
خالد:انا طبعا فاضي كل يوم
عبدالمجيد:وانا بعد ماوراي شي بكرا
محمد لف على حمد يستناه يرد:لا طبعا موفاضي ابي اخلص البحث عشان افتك وارتاح.
محمد:ياله الله يسهل لك المهم انا بكرا بروح اشتري هدايا واغراض حق الاهل مي نيبي يجي وياي ومنها نغير جو.
عبدالمجيد وخالد: يلا عادي عشان مرا وحدا نشتري هدايا احنا بعد ماورانا شي قدام.
عبدالعزيز دخل من برا على كلمه قدام:وشو اللي قدام من وراي؟
حمد:بيطلعون بكرا يشترون هدايا واغراض قبل لا يرجعون السعوديه.
عبدالعزيز: اه ايلا انا بدخل انام تصبحون على خير.
الكل:وانت من اهله.
رجعو يكملون الفلم وحمد قام ينام بعد.
......

(بالبحرين).
عند ام وابو محمد(ناصر وهيفا)
ابومحمد(ناصر):هيوف شرايج ننام بالفلات ومانرجع البيت اليوم؟
هيفا:عادي بس الدوامات؟
ناصر:ماعليج عادي ماراح يصير شي انتي مديره وانا مدير وانا عبدالله اثق فيه بالشركه وانتي عادي ماراح يصير شي على يوم
هيفا بتفكير:امممم يلا عادي بس خلنا نتعشى ونروح الفلات حقنا.

معلومه: عندهم فلات بامواج ملك لهم.
.............

(بالسعوديه)
عند عبدالله رجع من الشركه مالقى احد بالبيت دق على ملاك وقالت بتنام عند دانه عشان عندهم اختبار وبيذاكرون وراح غرفه روز لقاها نايمه وراح غرفه ورد لقاها تقرا كتاب.
عبدالله بابتسامه: مساء الخير
ورد ردت له الابتسامه:مساء النور .حياك تعال وسكرت الكتاب.
عبدالله:شنو تقرين أي كتاب؟
ورد: هذا كتاب اسمه السر مراا حلوو .
عبدالله:اها تعشيتي؟
ورد:لا بستنى بابا وماما عشان نتعشى ويابعض.
عبدالله: تو ابوي دق وقالي انهم بينامون وبيرجعون بكرا بالليل.
ورد:زين حلو يغيرون جو شوي.
عبدالله:ايه عشان كذا دام الساعه 9ونص قومي نروح نطلع نتعشى ونرجع ننام.
ورد: اجل روح قول حق روز على مالبس
عبدالله: تو رحت شفتها نايمه يلا بسرعه قبل لااهون.
قامت ورد بسرعه غيرت ملابسها لبست ليقن وتي شيرت قاب وربطت شعرها ولبست عبايتها الكحليه عشان عبدالله مايحب يلبسون عبايات الوان فاتحه.
وتحجبت ونزلت له وركبت السياره.
ورد:ايه وين بتعشيني؟
عبدالله:امم مدري وين تبغين تروحين شنو مشتهيه؟
ورد:اممم خلينا نروح فوشي سوشي مشتهيه سوشيïپŒ
عبدالله:الله يديم النعمه بس مدري شنو عاجبكم وتحبون بهالسوشي يلا اجل فوشي فوشي شورانا.
ورد:والله حلو ومدري مين مفهمكم انه نيي تراه مطبوخ بذوقك الحين وتشوف.
راحو فوشي سوشي تعشو ورجعو البيت ونامو.
................
خلونا نروح عند عبدالمجيد كان يسولف مع اخته هند بالواتس ..
بس قبل خلوني اعرفكم على عايله عبدالمجيد..

عايله عبدالمجيد..
امه وابوه تركو هو واخته وكل واحد تزوج ومحد يعرف عنهم شي وقعدو مع عمه بس هو بعد الثنوي راح برياطانيا يدرس وه.
عبدالمجيد:سبق التعريف عنه.
هند:22 سنه توها متخرجه من الجامعه قسم اداره اعمال وقاعده بالبيت.
جميله احلى مافيها عيونها ودلعها الطبيعي وحساسه لابعد درجه طولها حلو وجسمها حلو بعد. وكله تتحسس انها قاعده فبيت عنها وتحس انها زياده عليهم.
................
خلونا نرجع بمحادثتهم بالواتس.
هند:مجود والله كل يوم احس اني زياده عليهم وخاصا اني متخرجه وقعدت بالبيت الحين.
عبدالمجيد:يلا هانت كلها شهر واجي ونروح نسكن بشقه لحالنا.
هند تنهدت بحزن: الله يعين ويسهل ياربïپŒ.
عبدالمجيد:شنو تبغين اجيب لج من هنا عشان بكرا بروح مع العيال نشتري هدايا واغراض.
هند ابتسمت :امممم كل شي منك حلو حبيبي.
عبدالمجيد :يلا اجل انا بسكر بنام وانتي انتبهي على نفسج وقومي صلي ركعتين واقري قران شوي والله كريم.
هند:ان شاء الله وانت بعد انتبه على نفسك استودعتك الله.
سكرت هند وقامت لبست عبايتها وخلت الشيله عالكتف احتياط انها تشوف احد من عيال عمامها.
نزلت المطبخ تسوي لها اكل لانها ماتعشت وياهم بحجه انها مالها نفس.
دخلت المطبخ وقعدت تسوي لها اندومي وطلعت بيبسي من الثلاجه ومسكت كاس بتحط فيه ثلج الا تسمع صوت .
جاسم:اثاري انتي اللي تخلصين الاندومي وانا اقول شفيه بيتنا كل شويه يخلص منه الاندومي .
هند اخترعت وطاح منها الكاس وانكسر وعلى طول حطت شيلتها على شعرها.
جاسم بحده:بعد بعد تكسر مواعينا.
هند حز بخاطرها كلامه بس مابينته: بيت عمي يعتبر بيتي بعد ومرت من جنبه عشان تروح تجيب المكنسه وتلم القزاز مسكها بقوه من يدها.
جاسم بحده:سمعيني زين لو ابوي درى اني قلتلج شي بيكون اخر يوم لج بالبيت فاهمه ؟
هند تحاول توخر يده عنها:ااي وخر يدك توجعني وبعدين انا ماقول شي لعمي ولاكان انطردت من البيت انت من زمان.
جاسم:ههههههههههههه سمعيني خليني اسمع شي بس بتكونين برا البيت يالعله.
تركها وطلع اما هند قعدت على طول بالكرسي وقعدت تصيح سمعها تصيح ابتسم بخبث وراح غرفته.
خلوني اعرفكم على عايله عم عبدالمجيد.
ابو جاسم(راشد):تاجر كبير بالنك وسمعته طيبه وحبوب وحنون عالكل ويموت بهند ومايقدر يزعلها ويرفض لها أي طلب.
ام جاسم(منيره):مايهمها شي غير الكشخه والعزايم يعني بس هايته وماتهتم بزوجها ولاعيالها وماتطيق هند اببد وبس تقولها كلام زي السم على قلب هند وتجرحها وتعايبها يالعله علينا وعلى امج وابوج اللي تركوج.
جاسم:25 سنه يشتغل بالبنك معضل وعصبي وراعي بنات وبحرين وسفريات وحاط دوبه بدوب هند بس قدام عبدالمجيد مايقدر يسوي شي ولا يجرحها .
طارق: 23 سنه متخرج قانون ويشتغل محامي بالحكومه.يحب هند يعتبرها كاخت له ويحب يضحكها وكله يضحك ويمزح ومرح مع الكل. ومملوح وبرونزي.
منال: كبر هند 22 سنه ومتخرجه قسم هندسه ومتوظفه بشركه شعرها عند كتفها ومملوحه.
راشد:20 سنه باول جامعه داج لابعد درجه يحب يطقطق عالكل ووسيم وله غمازه تخقق اللي مايخق.
............

نرجع للروايه.
بعد اسبوعين بدت الاختبارات النهائيه والكل يذاكر ومشغول ونفسيته بخشمه وخلصت الاختبارات وبدت الاجازه الصيفيه وبكرا ابطالنا اللي ببريطانيا بيشرفون وينورون السعوديه.
.......
بيت خالد.
خلوني اعرفكم على اهل خالد.
ابو خالد(فارس):عنده معرض سيارات وعمره 51 سنه ومتزوج ثانيه بعد ماتوفت ام خالد.
ام خالد: متوفيه لها 6 سنوات.
ريهام: زوجته الثانيه عمرها 30 سنه وعندها توام عمرهم اربع سنين اساميهم (نايف- نواف).
خالد: سبق التعريف عنه.
علي:25 سنه . توام خالد متوظف بالبنك وصديق جاسم ولد عم عبدالمجيد مملوح وهادي عكس جاسم.
..........
ريها تكلم ابو خالد وهم يتغدون: فارس خالد متى بيجي بكرا عشان اقول للخدامه ترتب غرفته وعشان اقول للسواق ينتبه لو جاه عشان يفتحله الباب؟
ابوخالد(فارس):قالي الساعه 12 بالليل بتوصل طيارتهم يعني قولي 1 هو بالبيت ان شاء الله.
علي:انا بروح استقبله بالمطار كلمني وقالي.
ريهام: اممم زين اجل ماراح اقول للسواق يقعد لين مايجي.

.............
عند هند اخت عبدالمجيد صاحيه من الصباح وورتبت غرفته وبخرتها وراحت سوت انواع الحلى من الحماس وتغني دخلت عليها ام جاسم(منيره) وهي معصبه وتصارخ:بس بس شنوه الازعاج يعني الواحد راجع من الزواج متاخر ومانام الا الصباح وانتي يالعله تغنين صجيتي راسي من زين الصوت الحين.
هند حز بخاطرها وراحت باست راسها وبهدوء: اسفه خالتي بس عشان عبدالمجيد بيرجع بكرا ïپŒ
ام جاسم(منيره):عشتوو منو عبدالمجيد يعني الله واكبر الحين بيجي العله الثانيه اووف انقلعي عني ياله وقومي عن وجههي سديتي نفسي يالعله.
وراحت وتركتها هند راحت غرفتها وفصخت عبايتها وحجابها وانسدحت عالسرير وقعدت تصيح.
هند بنفسها:لليش تركتوني اكرررهكم. ياله هانت هانت بكرا عبدالمجيد بيرجع ونسكن لحالنا خلاصïپŒ
........................
فبيت حمد.
بطاوله الطعام يتغدون.
ابوحمد(احمد): المغرب بروح دبي وبرجع بكرا العشا عندي اجتماع.
افنان : دادي خنرح وياك دام ماعندنا دواماتا ولاشي .
ابوحمد(احمد): ياليت والله يلا تجون وياي؟
ولف على ام حمد(فوزيه): ها يالغاليه تبين تجون؟
ام حمد(فوزيه): عادي يلام اورانا شي بس حمد مدري متى بيرجع؟
ابوحمد(احمد):لو بيجي هاليومين قال لنا. <<ومايدري انه حمد يبغى يسوي لهم مفاجئه بجيته.
افنان:يعني الحين بنروح وااه يلا بقوم اجهز شنطتي.
ابوحمد(احمد) ابتسم على حماس بنته.
..........................
جاه اليوم الثاني بالتحديد الساعه 12 بالليل وكان يوم الخميس.
بالمطار..
محمد:اااخ اخيرا هوى السعوديه .
حمد: أي والله مالنا غنى عنها يازين ديره سلمان بس.
خالد:تفكيري يقول اروح البحرين بعدين ارجع البيت.
عبدالعزيز عطاه نظره :اقول اعقل لا بطراق روح شوف اهلك اكيد مشتاقين لك.
^^ طبعا بمى انها بدايه اجازه الصيف اكيد بيرجع عبدالعزيز وياهم.
عبدالمجيد:والله ودي بس مشتاق لاختي واكيد قاعده تستناني اجلها لوقت ثاني خويلد.
خالد رفع حاجب:اصلا اخوي علي بيجي ماتحمسون انتو.
جاه علي وحضن خالد وسلم على العيال وراحو وعبدالمجيد راح وياهم عشان يوصلونه .
عبدالعزيز: انتو روحو انا خويي بيجي وبروح وياه الشاليه .
حمد ومحمد:اوكيه يلا مع السلامه.
محمد قايل للسواق يجيب سيارته يحطها بالمواقف ويخلي المفتاح باسمه عند الاستعلامات راح اخذ المفتاح وراح.
محمد: وين بيتكم بالضبط؟
حمد: بحي الح.......
محمد: اووه بنفس حيينا يعني يلا اجل.
وصلو بيت حمد ونزل يدق الابواب محد موجود وكان ناسي مفتاحه يوم جاه اخر مرا وطول الوقت محمد يستناه يدخل نزل دريشته.
محمد: عسى ماشر ؟
حمد: شكله مافي احد بالبيت ومفاتيحي ناسيهم اخر مرا.
محمد:اركب اركب انت ضيف عندي لين مايجيون اهلك.
حمد:لا شدعوه انطر بدق عليهم.
دق على ابوه مايرد وعلى امه مقفل دق على افنان بملل.
ردت من ثاني رنه
افنان:هلا هلا
حمد :وينكم مو بالبيت؟
افنان بغباء:ليش انت بالسعوديه؟
حمد بقله صبر: ايه انا عند الباب وين السواق طيب؟
افنان : السواق والخدم اجازه لين بكرا رحنا المغرب دبي وبنرجع بكرا بعد العشا.
حمد:اها طيب خلاص بدبر نفسي.
افنان:بكرا بنرجع ترا.
حمد: زين توصلون بالسلامه يارب.
سكر ولف على محمد اللي ينتظره.
حمد: سافرو دبي وبكرا بعد العشا بيرجعون.
محمد:يلا اركب خلاص بتقعد عندنا والملحق جاهز اصلا.
حمد ركب السياره: بكلف عليك والله واضايقك
محمد عطاه نظره: شدعوه مابينا اخ وعزيز.
....
دقايق ووصلو البيت محمد خل السواق يدخل اغراضه واغراض حمد للمحلق واستأذن من حمد يروح يسلم على اهله.
دخل البيت وسلم على امه وابوه وروز وورد وعبدالله وملاك كانت تتروش بهذاك الوقت.
قعدو شوي وقامو ينامون روز مرت غرفه ملاك وقالت لها انه محمد وصل وبالملحق راح.
ملاك كانت لابسه بيجامه شورت وبدي وراحت تعطرت وبسرعه نزلت.
بنفس الوقت بالملحق.
حمد كان يسحب شناطه عالجمب ودخل عليه محمد.
محمد بفرحه من شوفه اهله: حيا الله حمد خذ راحتك البيت بيتك عبدالله اخوي قال بينام والصباح ان شاء الله بيجي يشوفك ماحب يضايقك هالوقت.
حمد بابتسامه: شدعوه صح دايخين من السفر بس عادي.
محمد: طيب بقوم السياره بجيب جوالي واجيك.
حمد : اوكيه.
طلع محمد وبنفس الوقت حمد فصخ بلوزته ومسك جواله بيشوف المسج اللي جاله الا بدخلة ملاك وهي تركض وتنط عليه بقوه وتضمه ويطيح حمد وتطيح فوقه ملاك واستوعبت انه اللي قدامها مو محمد اخوها وحاولت تقوم وهو يقوم وياها بس ثواني وكانت بتطيح ومسكها من ظهرها وهي عشان ماتطيح مرا ثانيه تعلقت برقبته وتلاقت عيونهم وظلو فتره ملاك استوعبت وتركته على طول راحت تركض لغرفتها و حاطه يدها على قلبها اللي يدق بسرعه.
حمد قعد فاهي وساكت حتى بعد مادخل محمد.
حمد بنفسه: يارب شنو هذي الملاك عيونها ودتني لعالم ثاني. لالا اصحى ياحمد مستحيل بنت تدخل حياتي بس هذي قدرت تجيب راسي ودخلت مزاجي لالا هذي اخت محمد عيب والرجال فتح بيته لي.
صحى ولقى محمد بسابع نومه انسدح بالكنبه وهو يفكر فيها فتح الباث والتويتر وكتب .
(لم اقع في حبك. بل وقع العالم من عيني حين احببتك)
وقعد يتذكر كيف شكلها بالشورت والبدي وشعدها الاسود الطويل وريحه عطرها ولونها البرونزي اللي يفتن غصب وملامحها وشفايفها وجسمها نام وهو يبتسم غصب عنه.
اما ملاك كانت شوي وتصيح من الحيا وبنفسها: انا غبيه غبيه لييش افهي واقعد اتمسك برقبته شيقول عني الحين هفف بصيحïپŒ
..
وبكذا ينتهي البارت الثاني.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 08-01-2018, 09:24 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


اقتباس:
المشاركة الأساسية كتبها رجـــل يعشق الأنوثة مشاهدة المشاركة
بدايه موفقهه


يسعدني المتابعه
واسعدني مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-01-2018, 09:24 PM
صورة BeeAye. الرمزية
BeeAye. BeeAye. غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


بانتظار ارائكم للفصل الثاني؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-01-2018, 11:56 PM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


السلام عليكم
الراوية جميلة والاحداث شكلها حماس
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-01-2018, 12:10 AM
صورة الرحـــــــيــــــــــل الرمزية
الرحـــــــيــــــــــل الرحـــــــيــــــــــل غير متصل
©؛°¨غرامي ذهبي¨°؛©
 
الافتراضي رد: روايتي الثالثه:لم اقع في حبك. بل وقع العالم من عيني حين احببتك.


الرواية روعة ههههههه خاصة انو فيها اسم عبد العزيز هههههه
بالتوفيق روايتك جميلة وان شاء لله يارب انكملها معك


الرد باقتباس
إضافة رد
الإشارات المرجعية

روايتي الثالثه:لم اقع في حبك. بل وقع العالم من عيني حين احببتك.

الوسوم
الثالثه:لم , العالم , احببتك. , حبك. , روايتي , عيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
"فرانس فوتبول" تكشف أغلى 50 لاعبًا في العالم الـ شــــموخي999 كوووره عالميه 0 08-12-2016 07:39 AM
بالصور.. أبرز 10 لاعبين متجولين في العالم الـ شــــموخي999 كوووره عالميه 0 22-02-2016 08:29 PM

الساعة الآن +3: 06:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1