اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 171
قديم(ـة) 13-03-2018, 09:08 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


البارت الخامس عشر ..


" نصيحه ذهبيه : لا تلهيك الروايه عن الصلاة والعباده وبر الوالدين , احبكم "





دخلوا لجناحهم ..
معطيته ضهرها وتحاول تهدي نفسها من اللي صار تحت ..
ليال منافس صعب , واضح انها بتنكد علي حياتي بس مستحيل اسمح لها بهالشيء ..
ابتسمت بمكر , هي اللي بدت ..

لفت على حمد اللي واضح انه متوتر ولاهو عارف وش يقول ..
ابتسمت بنعومه : حبيبي انا بروح ابدل ملابسي وارجع لك .

حمد ابتسم بطمأنينه : خذي راحتك .

جلس بتعب وفك ياقة ثوبه ..
ليال ماهي ناويه على خير , الله يستر بس .

----------------------------------------------

دخل لجناح الفندق ..
شافها جالسه تقرا .. منسدحه ع الكنب , لابسه بلوفر وردي وليقنز رمادي قطني .. ما انتبهت لدخوله ..
وقف يتأملها , مندمجه جداً مع الكتاب ..
تنحنح لكن مافيه فايده معها ..

قرب منها وسحب الكتاب من يدها بقوه , شهقت لما شافته , شالت السماعات من اذنها ..
كانت السماعات هي السبب في عدم انتباهها لدخوله ..

مشعل رفع حاجب : بكرا " وباستهزاء" عرسنا .
اروى استنكرت : نعم شلونن ؟؟؟
مشعل : بكره عزيمة امي لنا , اللحين صار عندك خبر , وبعدها بنروح لبيت اهلي
اروى : وانت توك تقول لي ؟
مشعل ضحك : يا وزيره انتي ما يبيلك جدول مهمات , انتي حدك شغاله تحت رجولي , احمدي ربك بعد امي معطيتك قدر فوق قدرك

وباستهزاء : اول مره اشوف الخدم ينزفّون على اسيادهم ..

قبضت على يدها بقوه من القهر , كلامه يطععن في الصميم .
جلست على اريكتها وحاولت ما تبكي , ماتبي تبكي ..

تهز رجولها بقوه في الأرض , يدينها ترجف , خلاص يامشعل خلاص .

--------------------------------------------------


ضل يقرا عليها قرآن .. ما قالت الا " مشعل "
تهذي باسمه ..

ناظرها بخوف : من مشعل يا اصايل ؟
اما هي مغمضه بعمق ومكمله هذيان .

دخلت فجر ومعها كوب حليب لاخوها : ما صحت ؟
فهد هز راسه بمعنى لا
فجر : روح نام وانا بنتبه لها .
فهد خايف انها تكون استردت ذاكرتها وينتبهون لها , يبي يكون الشخص الوحيد اللي يعرف بالاول عشان يتصرف ..

طلعت فجر شايله هم اصايل اللي انتكست حالتها بدون أي سبب .

----------------------------------------

- الصباح –


صحت من النوم راسها مصصدع , للحين على لسانها اسم مشعل ..
وجهت نظرها لفهد اللي جالس على الكرسي وحاط رجل على رجل ومتكتف , لكن مميل راسه ونايم ..
ابتسمت " حتى وهو نايم هيبه "

قامت من سريرها , حست الدنيا تدور حولها , جلست بتعب وبهاللحظه صحى فهد ..
قام لها بسرعهه : اصايل انتي بخير ؟
رفعت عينها له وهي ماسكه راسها بالم وهزت راسها بالإيجاب , رغم زعلها منه الا انها ذابت من نظرة الخوف بعيونه ..
جوعانه اجيب فطورك ؟
هزت راسها بالنفي .
ارتاح " شكلها ما تذكرت شيء " مسك يدها واخذها لدورة المياه ..
فهد : خذي شاور دافي انا بنتظرك هنا , اذا تعبتي ناديني .
هزت راسها بالإيجاب .

خذت شاور دافي ..

لبست روبها وطلعت من دورة المياه , تفاجأت ان فهد واقف قدامها متسند على الجدار ..
شعرها الطويل تنساب منه قطرات الماء ..
ريحة النظافه ..
وجهها الشاحب ..
اصايل : ممكن البس ؟
فهد انتبه على نفسه وطلع من غرفتها بسرعه .

لبست بجامه حمراء ناعمه ..
مشطت شعرها وقررت تتركه مفكوك .. مالها خلق ابد تجدله .

طلعت بالصاله شافت فهد جالس .

جلست مقابل له ..
فهد : ابيك بعد الفطور تشرحين لي كل اللي صار معك امس وبعدها بنروح للمستشفى انا وانتي .
اصايل بدلع انثوي من غير قصد : مابي فطور
فهد ابتسم : لا لازم

----------------------------------------

لبست تيشيرت عنابي غامق , وبنطلون ابيض ..

شعرها الطويل سوت في حركة " ذيل الحصان " ..
طاقه ايجابيه فيها اليوم غريبه بعض الشيء .

اخذت عطرها المفضل وتعطرت .
نزلت تحت شافت نظرات أهلها , أمها وابوها وذكرى ومحمد ..
كانت نظراتهم غريبه , بس حلوه .
مبتسمين ابتسامه غريبه وكأنهم مخبين سر عنها .

باست راس أمها وابوها وتعلوا وجهها ابتسامه استغراب .

جلست وصبت لها فنجال قهوه .
ابوها : قبل لا تتقهوين فيه هديه لك بالمجلس .
قلبها صار يدق بقوه , معقوله هو ؟
بس لو هو ليش ابوي ومحمد هنا , مستحيل يكون هو .

حطت الفنجال على الطاوله وراحت بخفه للمجلس , تشوف وش الهديه .
وقفت بصدمه تحاول تستوعب ..


صرخت بقوه وهي تشوف شخص عزيز على قلبها بدت تيأس انه ما يرجع .
واقفه بصدمه عند الباب , تعجز رجولها تشيلها , تعجز عن الكلام , بس شهقه كبيره بحلقها , ودموع تتساقط من عينها كالامطار , مغطيه فمها بكفوفها ..


ناقص من وزنه كثير , شعر وجهه نبت كثير ,
كان مرتب شكله كثير عشان يشوفها ,
لمعت بعيونه الدموع وهو يشوف ردة فعلها ووقفتها وصدمتها ,
تقدم منها ووقف مقابل لها , سحبها لحضنه وبكى معاها .
بكاء اللقا وبكاء الشوق وبكاء الحب .
صقر : الحمدلله يارب الحمدلله , سامحيني يابشرى تكفين .

بشرى الى الان ما راحت منها الصدمه , تحس دموعها تغسل قلبها بماء بارد .
ماء يغسل الجروح اللي خلفتها آثار غياب صقر .
أخيراً شافته , أخيراً تطمنت عليه .

----------------------------------


جالس جنبها يحاول يخليها تاكل , ماسك الساندويتش ومقربه من فمها : يلا اصايل كلي

اصايل : بليز فهد مالي نفس
فهد : يلا عاد لا احطها بخشمك

لفت عليه وضحكت : فهد والله مو مشتهيه
تسند على الكنب وتصنع الزعل : انا زعلان

ضحكت وخذت السندويتش : خلاص باكل .
رجعت جسمها وتسندت جنبه , سندت راسها على صدره , وبهدوء : فهد
فهد مبسوط من قربها منه الى هذا الحد , وبرضاها : نعم
اصايل : ما ودك نرجع أمريكا ؟
فهد : وش تبين بامريكا ؟
اصايل : اشتقت للمكان هناك
فهد : هناك ماراح تلقين اهلك
اصايل : يمكن يصيرون هناك يافهد
فهد : بحثت مالقيت , دورت هناك بكل مكان , والله يا اصايل ان ودي اليوم قبل بكره اوديك لحضن امك .

قامت وتجمعت بعيونها الدموع وبعتب: لهالدرجة انا مثقله عليك ؟

فهد : مو مثقله علي والله , عين لك فراش وعين لك لحاف , لكن يا اصايل اهلك اللحين اكيد يحسبونك يا ميته يا مفقوده

اصايل وقفت عند باب الصاله وملقيته ضهرها : بتتخلى عني ؟
فهد : يمكن انتي اللي تتخلين عني , يمكن تصيرين متزوجه , ويمكن ام عيال , يمكن مخطوبه وتعيشين قصة حب , بترجع ذاكرتك وبتكسبين ماضيك ومستقبلك , بتعرفين اسمك , بتضمين امك وابوك , اخونك خواتك , وانا بتكبيني في مكب النسيان
" تنهد " : انا اللي بخسر انسان , بخسر طفله ربيتها واهتميت فيها وخفت عليها .
مسحت دموعها : فهد مستحيل انساك , مستحيل انكرك لو امتلت حياتي ناس .

فهد قرر ينهي هالنقاش اللي بيهوي فيه سبعين خريف في اصايل وحبها , حديث يقيده فيها , حديث يربطه فيها . : تجهزي بنروح للدكتور .


---------------------------------------------



صحى من النوم شاف الشناط جاهزه عند الباب , التفت عليها وابتسم : خدامه مطيعه .
ابتسمت ببرود : شكراً

دخل اخذ له شاور شافها جاهزه , لابسه بلوزه بيضاء وتنوره بيضاء مورده بورود صفراء .
فاكه شعرها الكثيف ..

مشعل : يلا البسي عباتك .

اروى : اوك




طلعوا من الفندق , توجهوا لمول كبير .
اروى : وين ؟

مشعل : مستواي ما يسمح لي تحضرين حفلتي انا بملابس دون المستوى

اروى ضحكت باستهزاء : واو فخامة الدكتور مشعل بيتكرم على الخدامه وبيلبسها ملابس حلوه ؟

مشعل : ايوه بالضبط نكسب فيك اجر , مايهون علي احد يقول لامي ذوقك في زوجة مشعل ماهو حلو

اروى تحاول تبلع الاهانات , تحاول تتاقلم وتتجاهل مع مشعل المتمنر .

على السريع اخذت فستان ابيض ناعم مع شنطه فضيه صغيره .
حطها في بيت اهله وراح للدوام .
-------------------------------------------

تعمدت تلبس الروب الابيض المزين بالدانتيل , وتترك شعرها المبلول عشان تقهر ليال ..
نزلت تحت سمعت صوتها بالمطبخ , دخلت مثل الطاووس المغرور ..
لكن ليال صدمتها , لابسه فستان قصير لنص الفخذ لونه مشمشي , حاطه ميك اب خفيف , ناضرت الخدامه الحبشيه وضحكت : شكل فيه ناس مضيعين مطابخهم وجايين مثل الفيران لمطابخ الناس .

تنهدت بغرور : والله عاد بيت زوجي اروح وين ما ابي " شدت على كلمة زووجي "
ليال تسندت على الثلاجه : زوجك سوا لك مطبخ فوق انثبري فيه ولا توطوطين بمطبخي

حست انه فعلاً ما ضبطت معها السالفه , طلعت من المطبخ بنفس مشيتها المغروره .

تاركه وراها وحده تغلي نار مثل البركان ..
حححققيررره جايه بالروب والشعر المبلول تبي تقهرني , الله يأخذ حقي منك ياحقيره ..

الخادمه : مدام ماعليك منها هذي مره مخ تعبان
ليال : حقيره



راحت فوق شافت حمد باستقبالها : وين كنتي ؟

حصه : تحت ادور توست

حمد معصب : حصه انا قلت لك ان مطبخك كامل ليش رايحه بهالمنظر تحت ؟

حصه توترت: دورت مالقيت
حمد عرف ان لها مآرب أخرى , قرر يتغاضى لانها توها عروس : مطبخك عندك وجاهز فيه كل شيء , أتمنى انك ما تنزلين بمطبخ ليال

حصه : بيتك وادخل اللي ابي
حمد : اجل بخليها تدخل غرفتك لو تبي ! حصه اعقلي ارجوك

حصه قررت تسكت , خافت ان حمد صدق يتضايق من تصرفاتها , حست انها ما تقدر تتمالك غيرتها وحقدها ..
دخلت المطبخ وسوت فطور لها ولحمد وقررت تنسيه شيء اسمه ليال , بطريقتها الخاصه .

-----------------------------------------------

جالس جنبها محاوطها بذراعيه : بشريني عنك ياقلبي ؟
بشرى تمسح دموعها اللي مو راضيه توقف: تعبت بدونك والله

صقر : اوعدك اعوضك يالغاليه , وعد وعهد علي اعوضك عن كل دقيقه تألمتي فيها وانا مو هنا
بشرى : ابيك توعدني انك ماعاد تخليني أخاف عليك

صقر ابتسم : اوعدك

-----------------------------------

سعود : هلا جوهر
جوهر : ارحب طال عمرك

سعود : الشحنه الاخيره وصلت ؟
جوهر : قريب بتوصل
سعود : أي حركه غريبه قول لي عنها , تراني شاك بشخص بودينا بستين داهيه
جوهر : ماعليك مراقبين الوضع زين .

سعود : انتبه زين وبس


----------------------------------------
دخل لقاها تحط مناكير على اضافرها وتغني بصوتها العذب: هالاسمر اللون , على هالأسمراني
حمد : الله على هالصوت اللي يرد الروح .
كشرت : وش جابك ؟
حمد : افا كذا تستقبلين زوجك
ليال : شكلك ملخبط , زوجتك فوق انا هنا بس ام عيالي لا زوجتك ولا شيء
حمد : ليال ارجوك
ليال : تدري ياحمد ؟ تحسفت على كل ذيك السنين اللي جلستها معك , ما اعرف شلون ما كشفتك على حقيقتك وانك واحد خاين وراعي حريم , كنت اشوفك ملاك مطهر , لكن اللحين انكسرت نظرتي لك لدرجة اني ما عاد اعبر لك .
دخلت غرفتها لكن وقفت عند الباب : قول لزوجتك المصون لاعاد تنزل لمطبخي بالروب لاتنسى ان عيالي كبار ويفهمون قلة الحياء .

---------------------------------------------------------------


الدكتور : لا تخافون هذي بداية رجوع الذاكره لها

فهد : الحمد لله

الدكتور : قريب يا اصايل بترجع ذاكرتك ننصحك بالابتعاد عن الضغوطات والعصبيه .

اصايل : ان شاء الله

طلعوا من غرفة الدكتور
فهد : اجلسي بغرفة الانتظار بروح اصرف الدواء الجديد

اصايل : اوك

راحت لاستراحة النساء اما هو راح للصيدليه , وبطريقه صدم شخص بالخطأ .
: معليش اخوي انا اسف
فهد يضحك: ماعليه حصل خير
دقق في وجهه , العيون مألوفه , في ملامحه طيف يعرفه زين .. : اعرفك اخوي ؟

: ما اظن تقابلنا من قبل
فهد : والله اني مشبه عليك
: يخلق من الشبه أربعين

سلم عليه وكمل طريقه للصيدليه وهو يفكر بالشبه الغريب بينه وبين " اصايل " .

-----------------------------------------


له كم يوم يحس بصداع غريب في راسه ..
قرر يروح للمستشفى لعل وعسى يكتشف السبب ..

الطبيب : لازم نسوي لك فحص عيون يا نايف يمكن عينك اللي اللي مسببه الضغط
نايف : اوك
الطبيب : بحولك اللحين لقسم العيون وارجع لي بعد ما تخلص
نايف : على خير ان شاء الله .

راح لقسم العيون ..
شاف شخص مألوف له كثير ..

قرب منها : السلام عليكم

ماردت عليه

نايف : سلام ريهاف

ابتسمت : وعليكم السلام , مين معي ؟
نايف : انا نايف اللي كنا نحكي بالفندق

ريهاف : اها حياك
جاء أبو ريهاف في هاللحظه : هلااا نايف يالله حيه
نايف : الله يبقيك

أبو ريهاف : عشى ماشر وش عندك هنا

نايف : والله ياعم لي أسبوع وراسي مصدع صداع غريب مهما اخذ مسكنات ما ينفع وتوني مسوي تحاليل وكل شيء سليم عاد حولوني هنا اكشف على عيوني .

أبو ريهاف : ما تشوف شر ياولدي
نايف : وانت ياعم عسى ماشر ؟

أبو ريهاف : جايين نحدد موعد عملية ريهاف
نايف : الله يشفيها ويعيينكم يارب
أبو ريهاف : آمين

-----------------------------------------

دخلوا البيت ..

ركضت سحر تخم اصايل : خوفتيني عليك يا معفنه
فهد يحوس شعر سحر : انتي المعفنه
سحر ترتب شعرها ومطنقره : اوريك يا فهههيد

ام فهد : سحر اقعدي
انخطف لون سحر وراحت تجلس بهدوء .
ام فهد : فهد ودي اصايل فوق وتعال تقهوا معانا

تهاني تتطنز :خليه ياخاله تلقينها تعبانه وتحتاجه
تجاهلتهم اصايل وراحت فوق .. وفهد جاء يجلس بالصاله ..
ام فهد : الى متى مع دلع زوجتك ؟
فهد : ماهي تتدلع
ام فهد : ترا امس كله ما شفناك وهو المفروض انه يوم تهاني
فهد : تهاني مقدره الضروف
ضحكت بقوه : على كيفك مقدره الضروف ؟
فهد التفت لها وناظرها بنظره حاده
تهاني : يومي ومن حقي
فهد : مو وقت هالنقاش اللحين
تهاني : أي صح وقت اصايل الحامل صح ؟
ضحك على غباءها : شلون دريتي يا ذكيه ؟ تصدقين انك اذكى مخلوق يفهم على الطاير ؟
تهاني : ايه اعرف .
ام فهد : صحيح هالكلام يافهد ؟
فهد يناظر تهاني باحتقار : لا يمه مو صحيح تهاني تسوي أفلام دراما كالعاده
فجر : سلامتها حبيبتي هي
ناظرتها ام فهد بنظرة " انطمي احسن لك "
سحر تهمس لفجر : مسويه قافطه ام الوضع

سكتت فجر وهي تتلذذ بوجه تهاني المغبون .
تهاني " هين يافجر والله ان تعاستك بتصير على يدي "
مسكت جوالها وارسلت له " اعرف كيف اخليك تكسر قلب فهد وتحرقه " .

-------------------------------------------------


جالسه بغرفتها تدعي من قلبها لفارسها ..
قريب بتتخلص من هالعذاب , قريب بتتخلص من هالرخص .

ابتسمت لما شافت رساله منه " تدرين اني افكر فيك ؟"
ضحكت " وانا ادعي لك "
رد عليها " شكلك تدعين إني أفكر فيك؟"
ردت "ههههههههههه لا شدعوه ؟ ادعي لك بالسعاده والرزق الوفير "
" الله لا يحرمني من هالدعوات الحلوه , بكره بتجي امي تخطبك يا رتيل "
" الحمدلله اخيراً برتاح من العذاب يا ناصر , ما تتخيل قد ايش انا سعيدة "
" الحمدلله "
" ناصر والله انك نعمه من ربي "
" حافظي علي ترا ما مني اثنين هههههههههه "
" انا اشهد "
----------------------------------



المساء ..

لبست فستانها الأبيض , هالمره الفستان لها هي , ماهو فضلة زوجة ابوها ..
ابتسمت لفستانها الأبيض البسيط .. صدق هي ماهي عروس , بس ع الأقل عاشت فرحة الفستان .


كان فستان ابيض باكمام طويله , موديل اكمام الكتف طايحه , طويل ..
شعرها سوته ويفي وحطت تاج ناعم .
دخلت ام نايف وفي يدها مسكة توليب باللون الوردي .
ابتسمت اروى بامتنان لهالمرأه العظيمه , رغم معرفتها بوضعها مع مشعل ما كرهتها ولا نكدت عليها , بالعكس دعمتها ..

ام نايف : جاهزه ؟
اروى هزت راسها بالإيجاب
ام نايف : يالله .
---------------------------------------------

كانت جالسه بالصاله تقلب بقنوات التلفزيون .
وعقلها معه ....

اليوم بعد سمعته يكلم أبو حمود وكان كلامهم غريب .
قلبها قارصها من هالابو حمود ..

شافته لابس بدله , قميص اسود وبنطلون رمادي .
قامت له : فهد ؟

وقف لها : هلا ؟
اصايل : انتبه لنفسك

كلمتها جات في صميمه , ابتسم لها : ابشري

طلع وهو ما يفكر الا فيها , ياترا لو صار لي شيء ؟ من بيهتم فيها ؟
من بيهتم في امي وخواتي ؟
من بيهتم فيهم ويداريهم ويحميهم ؟
هذي اخر مهمه باذن الله .

--------------------------------------------

كان جالس بالصاله يخلص اشغاله اللي تراكمت عليه من سفره للجنوب ..
طلع سيف من غرفته : ايوه يا عريس ؟
ابتسم وترك اللابتوب جنبه : هلا بالغالي
سيف : عاد والله يازين ما اخترت , خابر بيت ال.... معروفين بالاخلاق .
ضحك صقر : مشكور
سيف : اخس يا زوج ذكرى من قدك ؟
صقر عقد حواجبه وضحك : وينك رايح يالطيّب انا اخذت الصغيره , الكبيره عرسها بعد أسبوعين

انخطف لون سيف : بشرى ؟
صقر : أي , وراك يا ولد خبصتني ؟

سيف يضيع السالفه : ويين ذي بزر توها بالثانوي
صقر وما اقتنع بكلام اخوه قرر يسلك : لا ووين صارت بثاني جامعه اللحين

نزل راسه : صارت احداث كثيره وانا هناك
صقر حط يده على كتف اخوه : الجاي افضل باذن الله .

----------------------------------

انا كل ما نويت انساك , لك الذكرى ترجعني .

فتح جواله , فتح حسابها بالانستقرام ..
كانت مصوره من بعد وقت طويل ما صورت فيه ..
كاتبه تحت الصوره " الحمدلله يارب , الحمدلله على تمام النعمه , الحمدلله على العوض الجميل "
فرحانه يابشرى ؟ فرحانه وانا لي سنين حزين بدونك ؟
فرحانه بحب غيري وانا تركت بلادي عشانك ؟

تنهد بعمق , يارب انساك , يارب .

شاف رساله من انسان عزيز جداً ..
على طول تدفقت عيونه بالدموع , اتصل بدون تردد
: سسسسسسسسيففففف تكفى ما اصصدق والله
الثاني ما ينسمع شيء منه الا صوت بكآه ..
نايف : اه ياخخخوووي والله العظيم انك خوفتني موووت والله
سيف : تكفى ابي اشوفك
نايف : باذن الله اقرب طياره للسعوديه أكون عندك .

----------------------------------------------


خلصت الحفله الحلوه اللي كانت مسويتها ام نايف لها , كانت بدون أغاني او دف .. احترام لوفاة جوان لان الى الحين ما برت جروح الام .. للحين ماقدرت تنسى ولو تصنعت الفرحه وتنسى ..

بين فتره وفتره تخبي نفسها عن عيون الناس وتبكي ..
تبكي على بنتها , وحيدتها , روحها وقلبها ..
مالها الا الصبر , مالها الا الصبر .

اما اروى كانت تتعرف على جماعة مشعل , كانوا ودودين جداً ..


قربت منها انسانه في منتهى الاناقه والجمال , الكل كان مسلط نظره عليها ..
سلمت عليها : انا ليال اصير زوجة ولد خال زوجك
ابتسمت لها اروى : هلا وغلا

الكل مصدوم من حظورها .
كشختها واناقتها كأنها جالسه تقول زواج حمد ما اثر فيني , انا الغاليه وانا الأولى .. وحصه ولا شيء ..
انا زوجة ولدكم وام عيالكم ..
والكل كان لطيف جدا مع ليال , متعاطفين معها .

---------------------------------------------------

حصه : شلون يعني ليال راحت ؟!!
حمد : ليه وش المانع ؟
حصه ماقدرت تخبي قهرها اكثر : بس انا العروس ! ليش تروح ؟ المفروض انا
قاطعها حمد بصرامه : هاذول اهل ليال يا حصه , هي الأولى , وبعدين حنيتي يعني ؟؟؟

انصدمت من كلامه : من جدك حمد ؟
حمد : زواج اخو طليقك وش تبين تروحين ؟
حصه : أي ابي اروح عشان أقول لهم اني سعيده معك , عشان أقول لهم ان طلاقي ما همني , عشان اثبت وجودي .
حمد : حصه ماله داعي , تعالي نتعشى برا وننبسط

حاولت تهدي نفسها اكثر , لبست عبايتها وطلعت مع حمد يتعشون , ماقدرت تكتم غيضها كثير .. كان واضح عليها العصبيه والقهر .,

-------------------------------------------------
" سبحانك اللهم وبحمدك , اشهد ان لا اله الا انت , استغفرك واتوب اليك "
نهاية البارت ..

هل معقوله ان سيف يعرف بعلاقة بشرى ونايف ؟
ولو كان يعرف هل بيدمر حياة بشرى ؟

فهد وسعود , ياترا هل بتنجح مخططات سعود ؟
وتهاني وش ناويه على فجر مع سعود ؟

اصايل هل بتسترجع ذاكرتها قريب ؟ بتتخلى عن فهد ؟


اروى ومشعل , كيف بتصير حياتهم الجيدده في بيت اهل مشعل ؟ هل بتوقف معها ام مشعل في مواقف كثير ؟

رتيل وناصر هل بيتم زواجهم ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 172
قديم(ـة) 13-03-2018, 10:01 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
الله يعطيج العافيه البارت روعه
احتمال ان سيف يعرف اسرار نايف وان هو عند علم بكل شي بس ماظني انه يدمر حياة بشرى
سعود شخص خبيث واعتقد اتصاله مع تهاني ناويين على شي كبير واعتقد انه يمكن يخطف فجر بمساعدة تهاني
ان شاء الله بترجع ذاكرة اصايل بس مابتتخلى عن فهد لانها حبته
الله يعين اروى بس ام مشعل بتوقف معها ولا بتتخلى عنها

سلام،،،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 173
قديم(ـة) 13-03-2018, 12:40 PM
صورة Queen of Time الرمزية
Queen of Time Queen of Time غير متصل
©؛°¨غرامي جديد¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


البارت جنااااااااااااان وفي أحدث كثيييييير سليمت أناملك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 174
قديم(ـة) 13-03-2018, 01:54 PM
afnan20 afnan20 غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
اخبارك
اخيرا نزل البارت اشتقت للرواية

هل معقوله ان سيف يعرف بعلاقة بشرى ونايف ؟
اظن ايوة لنه واضح انه صديق نايف كثير
ولو كان يعرف هل بيدمر حياة بشرى ؟
لا لنها زوجة صقر وصقر اخوة مهما كان يحب نايف يحب صقر اكثر وخصوصا بعد ما انقذوة صقر لكن ممكن يكون تاثر من اللى كانو خاطفينة وصار شخص مو كويس وبيغدر با اخوة

فهد وسعود , ياترا هل بتنجح مخططات سعود ؟
بما ان تهانى مع سعود وشلته النجاح نسبتة كبيرة
وتهاني وش ناويه على فجر مع سعود ؟
خطف او اعتداء او قتل وخصوصا انه بنفس البيت وممكن تساعد سعود جدا
اصايل هل بتسترجع ذاكرتها قريب ؟ بتتخلى عن فهد ؟
ايوة/ماعرف اتمنى ايوة بس ما اظن وممكن خطيبها يتركه وخصوصا بعد معرفة قصتها مع فهد

اروى ومشعل , كيف بتصير حياتهم الجيدده في بيت اهل مشعل ؟ هل بتوقف معها ام مشعل في مواقف كثير ؟
الصراحة بدائت اكرة مشعل تصرف اروى خطاء لكن احس انه يبالغ /بتكون كويسة/اتمنى ايوة وتخلى مشعل يعقل

رتيل وناصر هل بيتم زواجهم ؟
الصراحة مو واثقة كثير ممكن رتيل تكذب او ان سعود وشلتة مجهزين خطة عشان يكشفو ناصر وفهد واستخدمو رتيل بدون ما تدري يعنى هم اللى ماخلو احد يقرب منها عشان ناصر اكيد بيساعدها با اي طريقة وبكذا يكشفوة يعنى رتيل كانها طعم لكشف ناصر وفهد

حمد وليلي وحصة
بكل بارت احب ليلي اكثر واكرة حصة اكثر اما حمد ماعرف إحساسي اتجاهه ومارح اعرف اذا احبة او اكرهه الا بعد معرفة الرسالة اللى من حصة بعدها اقرر اذا احب شخصية حمد او لا الاغلب انه لا هل بتظهر شخصيات عيال حمد او مالهم دور ؟

بشرى وصقر
حبيتهم جدا وحبيت موقفهم بهذا البارت اتمنى تكثري من موقفه
وايضا فارس وذكرى اذا كان لهم دور اتمنى تذكيرهم

نايف
الله يستر من اللى فية هل فية شئ بعيونة او شئ اخطر


آخر من قام بالتعديل afnan20; بتاريخ 13-03-2018 الساعة 02:20 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 175
قديم(ـة) 14-03-2018, 04:46 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
البارت يجنن
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 176
قديم(ـة) 15-03-2018, 12:42 AM
غرور الحربي غرور الحربي غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


يجنن البارت ماعندي أي تعليق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 177
قديم(ـة) 15-03-2018, 08:57 PM
Wadak ودق Wadak ودق غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


أبدعتِ حقاً .. اتمنى علاقة بشرى ونايف ما تتأثر لكن اتوقع رح تتأثر لفتره ..
اصايل يا اصايل .. اتمنى ماتنسى فهد لانه يليق بها وقلبه يستحق الحب .. لكن توقع انها تفاجى بحياتها وخطيبها لكنها محال تنسى فهد لربما تتناساه لفتره .. بحكم مستجدات ظروفها..
اروى ومشعل .. ان شاء الله تعامل ام مشعل وياها يكون طيب لان متستاهل يلي تعانيه .. عنادهم سيهلكهم اكيد
تهاني افعى حقودة وساذجة بنفس الوقت وحتما ستضر فجر وستكون اداة بيد سعود ..
ننتظرك ودمتِ مبدعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 178
قديم(ـة) 17-03-2018, 09:44 PM
غرور الحربي غرور الحربي غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


البارت دمار مررررة حلو تسلمين ياعسل بس قصير شوي ليال الله يقويها لانها على حق وبنت رجال ومحافظة على نفسها وبيتها وحصة من الحال واردي اللي بداية لفت على متزوج وراحت للطرق الحرام وجردته لها مصير يمل ويدور نفس صنفها لعابة حضو حلو نايف وامه داعية له من قلب ان الله فكه منها والله يرزق نايف وحدة تقدره وتصونه وناصر الله يعينه على اللي صار له وان شاء الله من تكون لعابة رتيل لانه مايستاهل ماارتحت لها وراها بلاء الله يكفيه ناصر اللي مقدمه عليه رتيل احسها ماهي خالية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 179
قديم(ـة) 18-03-2018, 08:53 PM
ghadahk ghadahk غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


بانتظااارك❤❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 180
قديم(ـة) 21-03-2018, 12:50 AM
صورة Queen of Time الرمزية
Queen of Time Queen of Time غير متصل
©؛°¨غرامي جديد¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


ينااااااااااااس ياهوووووووووووووو الروايه ناااااااامت
وييييييييييييين الحمااااااس وين الابداااااع وش صاير؟؟
بالله ألاوركيد الباااااااااارت صرنا بللييييييييييل
وينيك

الرد باقتباس
إضافة رد

رواية وكأنه دعا ألا يفارق عقلي وكأن شعوب الأرض رددت آمين \ بقلمي

الوسوم
ألم , دعا , يفارق , سعنة , عقلي , وكلن , وكأنه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لأني ولدت أنثى/ بقلمي؛كاملة Elena~ روايات كامله - يتم نقل الرواية هنا بعد اكتمالها 815 11-04-2018 09:53 PM
رواية بوليسية سلسلة بلوتو - بقلمي بلوتو، روايات - طويلة 187 30-07-2017 04:15 AM
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
رواية غدر الحب بقلمي omnia reda Omnia reda روايات - طويلة 3 21-12-2015 07:15 AM
رواية قلبي مايتوبك يا أجمل ذنوبة / بقلمي _po_live روايات - طويلة 14 04-11-2015 12:17 AM

الساعة الآن +3: 11:58 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1