اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 03-02-2018, 12:13 PM
ghadahk ghadahk غير متصل
©؛°¨غرامي جديد¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


حررررررام عليييييك القفله حمااااس مرررره 😭😭😭
البارت خورااافي مرررره
وفهد بيتزوج اصايل وبيحبون بعض وبترحع وبتصير مشاكل مع تهاني زوجته بتستقعد لها
ونايف اتوقع بيحب وحده بدبي
حصه الله بيعوضها على صبرها مع محمد
وبس والله ننتظرك❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 04-02-2018, 01:45 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها ghadahk مشاهدة المشاركة
حررررررام عليييييك القفله حمااااس مرررره 😭😭😭
البارت خورااافي مرررره
وفهد بيتزوج اصايل وبيحبون بعض وبترحع وبتصير مشاكل مع تهاني زوجته بتستقعد لها
ونايف اتوقع بيحب وحده بدبي
حصه الله بيعوضها على صبرها مع محمد
وبس والله ننتظرك❤❤
اسعدني مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 04-02-2018, 02:28 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


البارت السابع ..

صحى الصباح .. كعادته ..
نزل وباس جبين امه .. وطلع للدوام ..

طول الطريق يفكر فيها .. ليش قدمت استقالتها فجأه .. وش صار معها ؟
اه يا اروى .. كنت اشوف الحياة بعيونك ..
من يوم ماراحت جوان كان قربك مني ينسيني العذاب .. حتى لو مابيني وبينك الا سلام ..

دخل للمستشفى ..
بدا بشغله .. وباله مو معاه .. من يوم عرف امس ان اروى قدمت استقالتها وهو مختبص ..
حاول يجيب رقمها من سجلها لكن رفضوا يعطونه ..
لمعت فكره في راسه .. ابتسم : كوماري ..
جات وهي تهز راسها يمين ويسار .. والنقطه الحمراء بين حواجبها .. ومبتسمه والفلجه بين اسنانها واضحه ..
ابتسم بمكر .. وقال لها اللي يبي وهو واثق مليون بالميه انها بتنفذ طلبه مقابل 500 ريال ..


--------------

في أمريكا ..
جالسه بغرفتها ضامه روز لصدرها وكلها سرحان بكلام فهد ..
حست بصداع قوي براسها وكأنه سيف دخل في مخها ..
صارخت ورمت نفسها على الأرض ..
دقايق وراح الصداع ..
دخلت سوزي مفجوعه : ما الخطب ؟؟؟هل انتي بخير ؟
اصايل : رأسي يؤلمني كثيراً , ولكن الألم اختفى بسرعه
سوزي : سوف احضر لك كأس الماء ..
حست اصايل بوقتها بشيء غريب .. انها فاهمه كلام سوزي بالكامل ..
غير العاده لما كانت تأشر لها عشان تفهم ..
استغربت كانها تتكلم وتفهم اللغه من سنين ..
معقوله ذاكرتي بدت ترجع ؟؟؟!

--------------
في السعوديه ..


حصه : انسوا طاري الزواج
فارس : يابنت الحلال محمد رجال وشاريك من زمان ..
حصه : انت صاحي والا لا .. مالي شهر من تطلقت من زوجي .. تبيني اعرس ؟
فارس : زوجك بالاسم ومالك عده .. احنا نبي موافقتك بس .. والعرس تحددينه بالوقت الي تحسين نفسك مستعده فيه ..
حصه : مستحيل يا فارس توه جرحي ماطاب .. انا كرهت الزواج .. ولا ابي اتزوج
فارس : براحتك ياخوك بس والله محمد يحبك وشاريك ..
-----------------

: انت شلووون تسوي كذا ؟؟
ليش ما علمتني انك رسام ؟
ضحك عليها : عجبتك ؟
بشرى تضحك : والله صدمتني !!
صقر : والله لو ادري انها بتسمعني ضحكتك كان أرسلتها من زمان ..
نزلت راسها بحياء .. وسكتت ..
تأملت الهديه ..
كانت صورتها بالملكه من ابداع انامل فهد ..
كانها حقيقه في لمعة عيونها وتفاصيل شعرها .. توها تعرف انه فنان وموهوب .. ما توقعت ان شخصيته الرزه والرسميه يطلع من وراها فنان حساس ..
كانت في الصوره مبتسمه .. عكس حالتها بالملكه ..
عرفت انها بخياله شخص مبتسم ..
: شكراً فهد سلمت يدينك اعجبتني حيل .. ولازم تعلمني الرسم لاني فاشله فيه
صقر : تبشرين يا قـلـ " وانتبه لنفسه " بشرى ..
--------------------
نزلت تحت .. دخلت للمطبخ ..
: اوه السيد اليوم في مزاج غريب ..
وسمعت الثانيه تهمس بهدوء وتبتسم لاصايل : يبدوا ان الافعى ذات العيون الجميله اوقعته بحبها
: تقول سوزي انها أصبحت تخاف عليها من السيد
ضحكت : يبدوا باننا سنخاف على السيد من نظراتها البريئه ..
جات سوزي معصبه : كفوا عن الكلام واكملوا عملكم .. لا هناك مأدبة عشاء بعد ساعه ..

طنشت كلامهم رغم عصبيتها منهم وجلست على الكرسي ماسكه راسها .. اول مره تفهم انقلش .. اول مره تفهم وش يقولون بالحرف ..
يبدوا ان ذاكرتي بدت تحيا شوي شوي ..
الله يعيينني ..

------------------------

مسك جواله متردد .. تنهد بعمق واتصل ..
جاها صوتها الناعم .. لكن ببحه اكثر ..
حس انها تبكي : ألو ؟
مشعل : السلام عليكم
بصوت حزين : وعليكم السلام
مشعل : اروى .. اخبارك
: مين معي ؟
مشعل : انا مشعل .
اروى تبكي : ارجوووك لاعاد تتصل ارجوك ..
قفلت بوجهه .. اما هو انصدم من ردة فعلها
حاول يتصل مره ثانيه لكن كان مغلق ..

-------------

جهزت نفسها للجامعه ..
شافت أمها كالعاده بالصاله تشرب فنجال قهوتها
فجر : صباح الخير ..
ام فهد : صباح النور ..
فجر : انا طالعه تأخرت على الكلاس .. سحر اليوم الأوف حقها ؟
ام فهد : ايه اليوم ..
حطت طرحتها على راسها وركبت مع السواق ..

فجر ..
البنت الكبيره .. العاقله .. التكانه .. حبيبة أمها اللي ماترد لها طلب ..
في داخلها فراغ كبير .. تحس انها آلة لتلبية رغبات أمها .. سرحت في اختها سحر .. كيف تحب الحياة ..
كيف تتمرد على أمها رغم شخصية أمها القويه ..
كيف تحب تسوي الأشياء اللي تحبها ..
تنهدت .. وشبكت السماعات باذنها وشغلت اغنيتها المفضله .. اللي أمها تحبها طبعاً ..
غمضت عيونها وسرحت ..

وعت من سرحانها على ضربه قويه براسها واختلال توازن .. اهتزاز مريع بالسياره .. ادركت ان صار عليهم حادث وصدموا في ماصورة ماء .. وبسبب عدم ربطها لحزام الأمان ضرب راسها في قزاز النافذه اللي جنبها ..
بدت تفقد الوعي ..
انفتح باب السياره .. حملها بين ذراعيه ..
ناظرت بعيونه ثواني .. عيونه المليانه خوف ..
العيون اللي بتغير حياتها للابد ..
وغمضت عيونها واستسلمت لفقدان وعيها ..
كان حاط الشماغ على كتفه .. نظاراته الشمسيه فوق راسه : يابنت الناس اصحي تكفين .. دقيقه ويوصل الإسعاف ..


----------------


الف مبروك ياطويل العمر ..
فهد يضحك : المشكله انك تبارك وانت تدري وش ورا هالزواج
جاسم ابتسم : يمكن ربي يكتب سعادتك معها ..
فهد تنهد : الله يكتب اللي فيه الخير .. الا تعال هالشيخ من وين جايبينه ؟! غريبه .. شيخ بامريكا يعقد نكاح
جاسم : طال عمرك جبناه من السعوديه ..
فهد : انا اطلبك نجمه تجيب لي القمر .. الله يصلحك ياجاسم
جاسم ضحك : ما لقينا شيخ بامريكا حجزنا له وعلى الدرجة الأولى ابشرك .. تبي اسمها ينزل ببطاقة العائله ؟
فهد : ايه نزل اسمها .. وابدوا في إجراءات جوازها ابيه يطلع بأسرع وقت
جاسم : طال عمرك بكره بتجي مصوره تصورها للجواز وكل شيء بيمشي بالسليم .. انا بس مستغرب باسم الاب والعايله اللي انت حطيته .. خليتها بنت عمك المرحوم
فهد : انا حاسب حساب كل شيء .. وابي مخططنا يمشي بالسليم .. لاني عارف سعود حطني براسه
جاسم : على طاري سعود .. جاه خبر زواجك من اصايل .. ويقولون انه كسر مكتبه من العصبيه .. رجاله ما وصلوا له الخبر الا متأخر
فهد ضحك : عساه للأردى يارب .. عقبال ما اكسر راسه اللي مافيه الا الشر
جاسم : ماعليك منه ما يقواك .. طال عمرك ابشرك من بعد طول انتظار زوجتي حامل .. وان كان ولد بعون الله اسمه فهد
ضحك فهد من قلب .. جاسم له ست سنوات ينتظر زوجته تحمل .. وعالجها فهد على حسابه واهتم فيهم شخصياً : الف مبرووك يالذيب تستاهل كل خير , الله يتمه يارب .. الله يبيح منك لا تسميه علي .. سمه على ابوك
جاسم : رغبتي ورغبة زوجتي .. لولا الله ثم وقفتك معنا وعلاجك لها كان ما حملت ولا فرحنا .. ما ادري شلون ارد لك جمايلك .. خذيتني يتيم من حارة فقر وشغلتني وعيشتني عيشه كريمه بعد فضل الله .. ما اقدر اوفيك حقك ..
ربت على كتفه : تستاهل اكثر ياجاسم والله انك نعم الاخو والخوي ...

-----------------
صرت زوجته ؟
اصايل وفهد ..
حياتي معفوسه فوق تحت .. لكن مثل ما قال لي ان هالزواج بس بالاسم لين يلقى اهلي ..
اهلي .. اه يا اهلي .. الله يستر من الحقيقه ..
الله لا يوجعني منها .. الله يلطف فيني ..
توضت وصلت العشاء .. اكلت لها حبة موزه بغرفتها .. وقررت تنام وتتحاشى فهد قدر المستطاع ..
تحس كذا افضل .. انها تبتعد عنه وتبني حواجز سميكه ..
تذكرت نظرة عيونه .. حست عينه فيها سحر .. سحر يخليها تخجل كل ما فكرت فيها ..
طردت افكارها من راسها ..
مستحيل اسمح لنفسي احبه لين اعرف من انا
يمكن انا متزوجه .. ويمكن عندي عيال .. يمكن احب واحد ثاني ..
انا اللحين نكره .. والنكره لازم تعرف ماضيها .. لازم اعرف من انا .. ولازم اعرف من فهد ..
هو اكثر شيء يخوفني بهالدنيا .. وبالمقابل هو اكثر شخص يحسسني بالأمان .. امان ما احسه الا وهو موجود جنبي ..

تنهدت وسمت بالله وغطت بنوم عميق ...
------------

استعادت وعيها .. حست راسها ثقيل ويعورها ..
فتحت عيونها بقثل .. انزعجت من النور ..
حست بالام في جبينها .. تحسسته ولمست الشاش الأبيض الموجود عليه ..
غمضت عيونها بالم ..
سمعت صوت اختها المبحوح : الحمدلله يمه صحت ..
فجر .. فجوره تسمعيني ..
حركت راسها بمعنى ايه .. طلبت ماء وشربت ..
جات الممرضه .. عطتها مسكن بالوريد ..
كان جبينها مخيط .. من اليسار .. جرح صغير لكن عميق ومؤلم ..
مسحت أمها على راسها بحنان وجلست تقرا عليها ايات من القرآن ,,
اما سحر ماسكه يدها وتبكي ..

غمضت عيونها وتذكرت اخر شيء تتذكره ..
عيونه السوداء ..
اخر شيء تتذكره .. كشرته ونظرات الخوف بعيونه والعصبيه .. يدينه اللي تنزلها من السياره وتستنجد بالاسعاف ..
غمضت عيونها ورجعت تنام من التعب ..

------------------
خارج الغرفه ..

ام فهد : انا مو عارفه كيف اشكرك .. لكن جزاك الله خير ..
ناصر : لا شكر على واجب يا خاله .. ما تشوف شر .. حبيت اتطمن لايكون جاء في راسها شيء ..
صد عنها خاف تقرا مافي عيونه ..
استاذن منها ونزل تحت بالكوفي ..
تذكر لما وقف سيارته .. على الحادث اللي صار قدامه ..
نزل مستعجل وشاف ان السياره مافيها الا سواق وبنت ..
طق الشباك لكن واضح انها مصابه ..
فتح الباب وشاف الدم ينزل من جبينها بغزاره ..
الناس متجمعين .. استوعب ان ماعليها غطاء ..
شاف عيونها المكحله ناعسه من الألم .. مرتخيه بين يدينه .. وتون بصوت خفيف ..
ثواني وفقدت وعيها وعينه بعينها ..
ناصر : يابنت الناس اصحي تكفين .. دقيقه ويوصل الإسعاف ..

غطا وجهها بطرحتها .. ودقايق وجاء الإسعاف ..
وركب معهم ..
تامل وجهها .. ملامحها العربيه الاصيله .. انفها الطويل .. عيونها الكبيره .. رموشها الكثيفه ..
انتبه للممرض اللي يكلمه : انت محرم لها ؟
ناصر بلخبطه : ايه
الممرض ناظره بنظرة شك وكمل شغله ..
صد عنها ..
وقلبه يتمنى لو يطول النظر ..
حس رجلينه مو راضيه تطلع من المستشفى لين يتطمن عليها ..
شهق لما عرف اسمها .. بنت تجار بالرياض ..
واخوها فهد .. اللي كلن يهابه ..
تكفى ياقلبي .. يوم خفقت ما خفقت الا لبنت ال... هدي اللعب شوي ..
----------

ابرار اخت حصه .. : الحين اللي خاطب حصه محمد اخو ذكرى ؟
فارس : لا ذا محمد بن نايف خويي ..
ابرار : حصييص نصيحه لا تضيعينه من يدك
حصه : اهجدي يابنت مو رايقه لك
ام فارس : بتوافقين ان شاء الله .. تراك مطلقه مو أي احد بيلتفت لك
حصه : أي مطلقه بس توني بنت مابيني وبين نايف أي شيء , يمه انا كرهت الزواج فكوني خلاص
فارس بعصبيه : استحي يابنت وش فيك ماعاد حشمتي احد
ام فارس : خلها ,, صار عمرها 26 ,, تحسب انها بنت 18 سنه الخطاطيب طابور
تضايقت حصه من هالسيره الي ما يطفشون أهلها منها ..
قامت لغرفتها ..

طلعت جوالها .. فتحت صورته اللي تحبها وتأملته .. ياترى يانايف ما حسيت فيني ؟ ماحسيت في حبي ؟ ماحنيت ؟

------------------
جالس يتأمل النافوره الراقصه في دبي ..
وكان الاغنيه الي تحبها بشرى .. ياترى الى متى كل شيء بيذكرني فيك ؟؟
ابتسم .. الله يعوضني خير ..
طرت على باله حصه .. قال له فارس انه جالها خاطب ..
بارك له نايف ببرود .. وقال له يبارك لها بالنيابه ..
تستاهل كل خير .. الحمدلله ما ظلمتها معي اكثر ..
ثواني ما حس الا بشيء يخبط فيه بقوه ..
التفت وشاف بنت لابسه عبايه بيضاء وحجاب ابيض .. مقدمه شعرها طالعه .. بدون مكياج .. بيضاء البشره .. جمالها شامي .. واضح عليها الخوف والارتباك
: اسفه ماكنت اقصد ..
نايف : مره ثانيه ناظري دربك ..
ابتسمت وقدمت العصاء اللي بيدها : اعذرني ياخوي .. لو رجع لي نظري بتذكر نصيحتك دايم .. ادعي لي اناظر دربي ..
تفشل من نفسه .. تفشل من أسلوبه .. لعن نفسه الف مره وهو يشوفها تمشي بعصاها .. شكلها مضيعه أهلها ..
قرر يمشي وراها بس يتطمن عليها .. يحس بتأنيب ضمير قاتل .. خايف انها تتعثر بين هالزحمه والناس .. عصب على أهلها اللي صادين عنها ولاهين ..

أسوأ شيء لما تجرح أحد بمرضه .. أو بشيء ربي ابتلاه فيه .. بقصد او غير قصد ..
شاف وحده تقرب لها وهي خايفه .. شكلها اختها ..
ابتسم : يارب سامحني ..

ورجع للفندق ..
يبي يخلص أوراق الشقه .. يبي يستأجر شقه ..
وبكره اول يوم دوام له ..
وهو مبسوط بحياته الجديده .. يحاول يغير كل شيء ..
يحاول ينسى صدمته بموت جوان .. زواج بشرى ... طلاق حصه .. أنبه ضميره على حصه .. مسكينه ياحصه .. الله يرزقك ..

----------------------

مشى بالاسياب .. يدور طرف خيط يدله عليها ..
شاف صديقتها .. نور ..
سلم عليها وحاول يأخذ ويعطي معها ..
مشعل : الا اروى سمعت انها استقالت .. عساه خير ؟
تنهدت نور بحسره : والله هالاروى مسكينه .. من كل جهه ماكله تبن .. ابوها مزواج ولا يجلس بالديره ابد ..
قدر الله ورجع وعرف ان اروى درست واشتغلت طب .. ضربها وحرمها من مهنتها واجبرها تستقيل ..
وازيدك من الشعر بيت ناوي يزوجها بعد عشان تستر عاره .. بنظره ان البنت اللي تشتغل بهالمجال عار ..
انصدم من هالكلام اللي سمعه ..
استاذن منها .. جلس في مكتبه يدور حل ..
يفكر يطلعها من هالمصيبه ..
دخل للمكتب شخص كان مشتاق له ..
ضمه بقوه وبقسه على بطنه بمزح : يالخسسيس يالقاطع
ناصر ضحك : عاد انت وشو ؟ ماكأن لك خوي
مشعل : غررريبه وش اللي جايبك عندنا .. ماراح اصدقك لو قلت انك جيت عشاني ..
ضحك : أي والله موب جاي عشانك .. تعال خل ناخذ كوب قهوه نروق ونسولف ..
عندي لك سوالف واكيد انت بعد عندك سوالف ..

----------------
دخل للبيت .. او بالأحرى القصر ..
فهد : اين اصايل ؟
سوزي : انها نائمه منذ الساعه التاسعه
رفع حواجبه .. واضح انها تتحاشاه .. : احضري لي كوب ماء .. والجهاز اللوحي الخاص بي .. " الايباد "
سوزي : أمرك

شاف رساله وصلته : لو كسبت مره ماراح تكسب المره الجايه .. يوم لك ويوم عليك .. ومازلت أقول لك لو تركت ثغره بسيطه تاكد ان اصايل بتكون تحت جناحي ..

ضحك على خصمه الواثق من نفسه .. وقال لنفسه: لاحول ولاقوة الا بالله .. امداك تهيم بها عشقاً ؟
--------------------

ناصر : بتتزوجههها ؟؟؟؟؟؟؟؟؟؟؟؟
مشعل : انا من زمان احس بمشاعر لهالانسانه .. ومابيها تتعذب اكثر
ناصر : بس يامشعل انت مستعجل واجد .. تركد شوي
مشعل : البنت بتطير من يدي .. ماراح اخليها لابوها وجبروته وقسوته ..
ناصر تنهد : استخير وانا اخوك .. لا تتسرع
مشعل : الا انت يالحبيب .. ياحب من اول حادث ..
ضحك باحراج : خلاص ياورع لا تندمني اني علمتك
مشعل : عاد انت يا عدو الحب يوم حبيت ما لقيت الا بنت الهاي هاي
ناصر : ماهو حب .. مجرد اعجاب .. ولأنها اول بنت تعجبني .. يمكن من الصدمه صرت اشوفها حلوه والا هي شيفه .. مدري .. بس كان بخاطري اتطمن عليها .. وشفتك يالذيب ..

-------------------

نور : ابشرك نجحت الخطه ..
..... : يارب سامحنا .. هي القصه صدقيه لكن زدنا عليها بهارات عشان يتحرك ..
نور تضحك : والله يا ان وجهه صار اصفر .. خايف عليك .. الله يفكك من ابوك المتجبر ..
أروى : آمين .




---------------------------
مشعل .. بيخطب اروى فعلا وبيتزوجها ؟ والا خطة اروى ونور باءت بالفشل ؟

حصه بتوافق والا بترفض ؟

اصايل وفهد .. وش آخره الصدود بينهم ؟
بشرى وصقر ..
ذكرى وفارس ..
ناصر وفجر .. هل بيصير بينهم نصيب ؟ هل بينولد حب ؟ اوبيدفنه وهو توه جنين ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 04-02-2018, 02:37 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


الحمدلله تم تنزيل البارت السابع
قراءه ممتعه ولاتنسوني من التحفيز والكلاام الحلو ونقدكم الباني ..
بالنسبه لاعمار الشخصيات ..

فهد 29 سنه
اصايل غير معروف
تهاني 26
فجر 23
سحر 19
بشرى 22
ذكرى 24
فارس 27
مشعل 26
محمد 30
حصه 26
صقر 27
اروى 24


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 05-02-2018, 11:06 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم

خلصت سبع بارتات من الروايه والمشاركات قليله والردود كذلك ..
شكرا لكن من دعمتني ..
ولكن انا انتظر من متابعيني خلف الكواليس يطلعون والا بضطر اختم الروايه قريب ..
كونوا بخير ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 05-02-2018, 01:03 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم

روايتك حلوة وفكرتها غريبة

وفيها غموض

بالتوفيق

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 05-02-2018, 01:22 PM
سديـــم سديـــم غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
روايتك صراحة جميلة
بتوقع مشعل يعرف عن خطة اروى ونور
حصة اتمنى انها توافق على محمد دامه يبيها وشاريها .. ونايف بتنساه مع الوقت
وبشرى وصقر بداية حياة جديدة .. اتوقع في بداية حياتهم راح يواجهو الاثنين صعوبات بس ان شاء الله راح يتخطوها

يعطيك الف عافية يارب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 06-02-2018, 06:15 AM
غرور الحربي غرور الحربي غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


تجنن روايتك كمليها نايف ان شاء الله يتزوج وبشري وصقر اتمنى تستمر حياتهم احس يعرف شي مادري ليش وحصة ومحمد غبية اذا رفضة انسان شاريها واكيد بيعيشها اجمل من حياتها السابقة وانا ماقريت الابارتين وراح اكمل واعلق لخلصت واستمري وابهرينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 06-02-2018, 06:39 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
الله يعطيج العافيه على ذي الروايه بصراحه روعه
وشخصياتها جميله كمليها وانى شاء الله بتحصلين ردود كثيره عليها

سلام،،،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 06-02-2018, 02:46 PM
مها ** مها ** غير متصل
©؛°¨غرامي جديد¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
روايتك جميلة وفكرة مميزة لا تستعجلي الموضوع يحتاج صبروكل ما ابدعتي فيها كل مميزة اثبتي وجودك

الرد باقتباس
إضافة رد
الإشارات المرجعية

رواية وكأنه دعا ألا يفارق عقلي وكأن شعوب الأرض رددت آمين \ بقلمي

الوسوم
ألم , دعا , يفارق , سعنة , عقلي , وكلن , وكأنه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لأني ولدت أنثى/ بقلمي؛كاملة Elena~ روايات كامله - يتم نقل الرواية هنا بعد اكتمالها 808 19-02-2018 06:13 AM
رواية بوليسية سلسلة بلوتو - بقلمي بلوتو، روايات - طويلة 187 30-07-2017 04:15 AM
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
رواية غدر الحب بقلمي omnia reda Omnia reda روايات - طويلة 3 21-12-2015 07:15 AM
رواية قلبي مايتوبك يا أجمل ذنوبة / بقلمي _po_live روايات - طويلة 14 04-11-2015 12:17 AM

الساعة الآن +3: 02:52 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1