غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 08-02-2018, 12:45 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي



البارت الثامن ..

صحت من النوم ..
ضلت في سريرها ماتبي تتحرك .. فكرت باللي صار امس .. انا زوجة فهد ؟
تنهدت بعمق ..
قامت توضت وصلت الفجر ..
لبست بلوفر اسود من اديداس .. الى نص الفخذ .. وبنطلون ابيض ..
تأملت حجابها .. هو زوجي عادي ما اجلس بالحجاب ..
استثقلت الفكره انها تقابله بدون حجابها .. لفت حجابها وطلعت من الغرفه ..
كالعاده وقفت عند باب مكتبه تسمعه يقرا قرآن بخشوع .. صوته فيه كمية راحه مو طبيعيه ..
ماشاء الله تبارك الله ..
سمعت صوت روز تحت .. عرفت انها جوعانه ..
نزلت بسرعه وحطت لروز اكلها ..
دهنت لها ساندويتش باللبنه .. قررت تفطر قريب من الاسطبلات ..

خذت الساندويتش وكوب حليب .. وحطتهم في صينيه صغيره .. حطت جوالها بجيب بلوفرها وطلعت ..

افطرت وهي تفكر باللي ناوي يسويه فهد ..
تاملت المكان .. هنا المكان اللي قال لها فهد فيه انه بيتزوجها .. وانها فاقده الذاكره ولا يعرف لها اهل ..
ما تدري تصير ممنونه له او لا ..
لكن يكفي انه انقذها من الموت وآواها من بعد ربي وحافظ عليها ولا سوا أي شيء يضايقها ويحسسها انها نكره .. عاملها بلطف بدون مقابل ..
وحرص على راحتها وسعادتها .. وأهداها قطوه ومو مقصر معها ابد من الناحيه الماديه ..
تنهدت بعمق .. حست ان فراق هالمكان قرب .. المكان اللي تعتبره وطنها وبيتها ..
سمعت صوت من وراها : ممكن اجلس ؟
------------------

بعد العشاء .. جالسين يتقهوون ..
الام والأب ومشعل .. بدون نايف وجوان ..
واضح على ام نايف الضيقه ..
مشعل : يمه ويبه .. انا نويت اكمل نص ديني ..
لحضات من الصمت ..
أبو نايف : ماشاء الله ياولدي ذي الاخبار الطيبه ...
أم نايف : الله يفرح قليبك .. هيفاء بنت خالك ياما تمنيتكم لبعض ..
مشعل بهدوء : يمه انا قررت وحاط عيني على وحده .. ولا ابيها تضيع من يدي
أبو نايف : ومنهي ذي ؟
مشعل : زميله معي بالمستشفى .. بنت محترمه وخلوقه وأهلها ناس طيبين
ام نايف : هزلت والله يا مشعل .. مالقيت الا وحده من المستشفى اللي كله اختلاط ؟
مشعل : يمه انا اعرف اخلاق البنت والله انها اجوديه ولا فيها قصور
ام نايف تقوم : قهوتكم ذي مابيها .. حسبتك بتفرحني طلعت بتتعسني زود ..
مشعل تضايق : يمه تكفين خلينا نتفاهم ما يهون علي زعلك يالغاليه ..
ام نايف مقفيه : اذا ما يهون عليك زعلي خذ هيفاء ..
مشعل يقوم : شكلك ناويه تكررين مصير اخوي نايف وحصه يمه ؟؟
لفت عليه بعصبيه : احترم امك يا دكتور ! انا امكم واعرف وين راحتكم
مشعل : اذا ما تزوجت اروى مانيب متزوج طول عمري .. مابي أعيش تعيس مثل نايف .. هذا هو هج من البيت بكبره .. يمه تكفين لا توقفين بنصيبي خليني اختار واتحمل عواقب الأمور
راحت ام نايف لغرفتها متنرفزه من مشعل ورافضه النقاش ..
اما مشعل كمل جلسته مع ابوه وهو ضايق من رفض امه الي ما توقعه ..

--------------

في فندق من افخم فناق دبي ..
جالس باللوبي .. يشتغل على لابتوبه .. ويشرب عصير برتقال ..
انتبه على العايله اللي جلست مقابل له ..
الاب : ريهاف اجلسي هنا بجيب شغله من فوق ..
جلست البنت ورفع عينه .. استوعب انها البنت الكفيفه اللي صدم فيها امس ..
حس انه مدين لها باعتذار .. لكن ما يقدر يعتذر ..
كانت لابسه عبايه سماويه منقشه بالابيض .. وحجاب ابيض ونضاره شمسيه .. اللي يشوف كشختها يقول تشوف ادق التفاصيل ما يدري انها كفيفه ..
حس ان برقبته اعتذار .. فقرر يتصرف مثل أي رجل اصيل ..شاف ابوها قرب سلم عليه : يا عم والله اني متفشل ولا ادري وش أقول ..
أبو ريهاف : تفضل ياولدي ..
نايف : امس بنتكم صدمتني بالغلط وانا انفعلت عليها ولا كنت ادري انها كفيفه .. حبيت اعتذر على وقاحتي اللي صارت ..
أبو ريهاف يبتسم : ماعليه ياولدي معذور وبنتي طيبه ما تشيل بقلبها على احد
ابتسم نايف وصار يأخذ ويعطي بالكلام ..
عرف انهم عايله سعوديه جايين يعالجون بنتهم عند دكتور شاطر هنا .. واحتمال يرجع لها نظرها بنسبة خمسين بالميه ..
دعا لها بالشفاء .. وسلم على ابوها وصعد لغرفته يرتاح ..
------------------------

دخلت للبيت واختها ماسكه يدها ..
جلست بالصاله بتعب .. راسها يعورها ..
تفاجأت بالممرضات الموجودات : يمه الله يهديك ماقلت لك مابي هالممرضات ؟
ام فهد جلست بهدوء بعد ماخذت منها الخادمه عبايتها : تجهزي بكره بيجون اعمامك وخوالك يسلمون عليك وتحمدون لك بالسلامه .. جبت لك ملابس لبكره لا تشيلين هم
فتحت فمها بصدمه : يمه اللحين انا مسويه حادث وتعبانه والجماعه كلهم بيجون ؟ ناقصني يعني ؟
ام فهد : مو مسموح لك ترادديني
سحر نغزت فجر يعني خلاص امي قالت كلمه يعني بتتفذ بدون نقاش ..
راحت لغرفتها ضايق صدرها .. لحقتها سحر ..
فجر بتعب : انا مو طايقه نفسي ..
مو ناقصه عزيمه وخرابيط وبزارين ينططون فوق راسي وناس منافقه ..
تنهدت سحر ..: الله يعيينا على هالمجاملات اللي ما انزل الله بها من سلطان .. اول مره اشوفك تراددين امي
فجر : لاني من جد احتاج الهدوء والراحه ..
فتحت البوكس الموجود شافتها بجامه سكريه ساتان .. اكمامها وياقتها دانتيل ابيض ..
كانت البجامه فخمه لكن : سحر من جدكم بلبس بججامه ؟؟
سحر تضحك : والله مدري توني اشوف
فجر : اللحين انا اللي ما انزل الا وريحة دهن العود سابقتني وما اخلي شيء بالدولاب الا البسه البس ذي ؟ حسيت نفسي نفاس ..
سحر تضحك : يابنت الحلا اهجدي لا تسمعنا امي والله ما يصير لنا خير .. يلا حطي راسك وارقدي وراك صجه ولجه بكره ..
-------------------------
اصايل : تفضل
جلس على طرق الكرسي الخشبي الطويل .. : اولاً مبروك يا يا اصايل .. مو على زواجنا .. على رحلتنا للسعوديه اليوم بالليل ان شاء الله .. وهذا كان الغرض من الزواج انني اوديك للسعوديه ..
اصايل مصدومه : اليوم بالليل ؟؟!
فهد رفع حاجب : ليه وش هالارتباطات اللي عندك ؟
اصايل : مو ارتباطات لكن ما تجهزت
فهد : سوزي تجهز اغراضك .. وغير كذا انا مجهز لكم كم شغله بالسياره ..
اصايل بغصه : وروز ؟
فهد : روز بعد بتاخذينها معك
ابتسمت بفرح : وسوزي ؟
فهد ضحك : شرايك تاخذين المزرعه معك ؟
نزلت راسها بحزن : هي اقرب شخص لي يافهد
فهد ابتسم : ان شاء الله بترجع ذاكرتك .. وبتلقين الناس القريبين لك فعلاً
اصايل : ان شاء الله
فهد : عموما انا الان عندي شغل لازم اخلصه قبل السفر .. وفي الطياره بنتناقش عن أمور كثير .. واهمها البيئه الجديده اللي بتدخلين فيها اللي هم اهلي ..
جهزي نفسك مع سوزي .. وفيه بوكس ابيض بالغرفه فيه أشياء مهمه لك ..

قام فهد وتركها لحالها ..
ياربي هون علي ليش احس اني خايفه كذا ؟ ليش احس اني مابي اروح من هنا ولا ابي اعرف احد ..

-----------------------

اتصل عليها وجاه صوتها الناعم ..
صقر : بشرى احتاج اكلمك .. عندك احد ؟
بشرى : لا اهلي برا
صقر انزلي بسرعه .. خمس دقايق
بشرى : صقر انت مجنون ؟؟ شلون انزل ؟ اهلي بيجون باي لحضه .. بيدفني محمد اذا شافك ؟؟
صقر وترها : بسرعه
نزلت بسسسرعه وهي مومهتمه بشكلها ولا ملابسها .. كانت لابسه بجامه قطنيه باللون الفستقي .. ضيقه بعض الشيء .. وريحتها عطر فالنتينو ..
فتحت الباب وشافته قدامها ..
قالت متوتره : صقر نعم شتببي ؟؟
كان متنح بجمالها .. ماقدر يشيل عينه منها ..
بدون شعور قرب وحضنها باقوى ماعنده ..
حضنها بقوه لدرجة انها حست ضلوعه دخلت بضلوعها .. كانت منكتمه تقريباً .. كان خانقها بيدينه القويه .. وقلبها يسكنه الخوف ..
استنشق شعرها بقوه .. وباس جبينها وجميع انحاء وجهها بهدوء .. : سامحيني يالغاليه وحلليني تكفين ..
طلع بسرعه .. وتركها مصدومه عند الباب ..
جلست على الثيل " الزرع " اللي في الحوش ..
مصدومه وتحس باحساس غريب .. تحس انها خايفه على صقر وتحاتيه .. تحس انه بالضمه خذا قلبها من ضلوعها للأبد ..
اتصلت عليه ثلاث مرات بس ما يرد .. هنا فعلا تمكن الخوف من قلبها ..
--------------------------
راحت لغرفتها ..
شافت سوزي مع خادمتين يرتبون اغراضها ..
تنهدت بحزن .. وفتحت البوكس الكبير اللي قدامها ..
كانت مجموعه عبايات .. " هذي العبايات لازم تنلبس بالسعوديه "
تاملت القطع الطويله الغريبه عليها ..
خذت لها عبايه كحليه أطرافها مزينه بالؤلؤ .. كانت عبايه راقيه وفخمه .. والباقي دخلتهم بالشنطه ..

ناظرت سوزي بحزن وارتمت بحضنها .. وسمحت لدموعها تنزل ..
وسوزي تبكي معها وتهديها .. كانت بنتها اللي ماجابتها .. محد يهتم ويعتني فيها غير سوزي ..
-------------------------

: والله يام مصعب ان البنت رافضه فكرة الزواج حاليا.. نعتذر منكم ومحمد يستاهل اللي احسن من حصه ..

سكرت الجوال من ام مصعب " ام محمد خاطب حصه "

ضايق صدرها على بنتها .. حرام تضيع من يدها هالفرصه .. حاكره نفسها بالغرفه تبكي على اطلال نايف اللي موداري عن هواء دارها ..
مبسوطه لانهم بيسوون زواج فارس بعد شهر ..
لكن ضايقه على حصه ..
-----------------------

لبست معطف رمادي من زارا .. الى الركبه .. فيه حزام تحت الصدر ..
وبنطلون ابيض ..
وجزمه رماديه ..
لبست حجابها الأبيض .. وخذت روز اللي جالسه بقفصها ..

تاكدت انها ما نست شيء .. خذت نظره اخيره للغرفه اللي حست انها جزء منها ..
كتمت دموعها وخوفها ونزلت تحت ..
شافته بهيبته لابس معطف كحي لنص الفخذ .. وبنطلون اسود .. شعره الكثيف مرجعه على ورا ..
فهد : جاهزه ؟
هزت راسها بمعنى ايه .. ضمت سوزي وودعت الخادمات .. وركبت سيارة البنتلي الموجوده امام الباب ..
كان يشوف جوازها اللي توه واصل ..
ابتسم .. ولف عليها مد لها الجواز : هذا جوازك
مسكت الجواز وجلست تقلب فيه .. : صورتي تضحك
فهد : بالعكس مره حلوه ..
ابتسمت وردت له الجواز ..
جلسوا بدون أي كلمه طول الطريق ..
وصلوا للمطار ..
كانت تمشي وراه .. اول مره تشوف ناس بهالكثره ..
كانت خايفه كثير .. مع انها كانت تروح مولات مع سوزي وأماكن عامه لكن ماكانوا الناس كذا ..
بدون شعور مسكت معطف فهد من يده ..
التفت لها وعرف انها متوتره ..
ابتسم وجلسوا في صالة كبار الشخصيات .. طلب لها ماء ..
فهد : لا تخافين .. اللحين نركب الطياره ..
شربت مويتها وهي تهز راسها بمعنى ايه ..
عشر دقايق وركبوا طيارة فهد الخاصه ..
كانت صغيره لكن من داخل فخمه ومرتبه ..
جلس في مقعده الواسع وجلست جنبه ..
تصفح الايباد .. أما هي مو عارفه وش بيصير ..
اصايل بخوف: فهد اللحين وش بيصير ؟
فهد وعيونه على الايباد : بنطير ..
اصايل : بنطول ؟
فهد : 15 ساعه تقريباً ..
انصدمت من الوقت الطويل ..
لكن قررت ما تصير بثره وتكثر الاسئله ..

ربع ساعه واعلن الكابتن انهم بيقلعون ..
بدت الطياره تمشي بسرعه ..
ثم أقلعت بالسماء ..
مسكت يد فهد بقوه من الخوف .. اما هو كان يضحك عليها
جلست تقرا المعوذات واية الكرسي بصوت عالي وهي مغمضه عيونها ..
فهد ضحك عليها من قلبه .. : اصايل شوفي الدريشه جنبك ..
فتحت عينها وشافت الأرض كيف تحتها .. بانوار الشوارع ..
فتحت فمها بصدمه وكانها طفل توه يستكشف شيء جديد ..

بعد ربع ساعه ..
فهد : اصايل .. احنا اللحين بنوصل ان شاء الله وبنروح لفندق نرتاح ثم نروح لاهلي .. لكن فيه أشياء لازم تعرفينها قبل ..
ركزت معه
فهد : انا مابي اهلي يعرفون ان زواجنا على ورق .. ابي كلهم يصدقون اننا تزوجنا عن حب .. وابيهم يصدقون ان اهلك هنا بامريكا مو عايشين بالسعوديه ..
اصايل : بس ليش ما نقول الصدق ؟
فهد بتفكير : لو قلنا الصدق ماراح تسلمين من ألسنة الناس .. وبتتعبين كثير .. احنا نبيهم كلهم يصدقون اننا الأزواج المثاليين اللي نحب بعض .. امي وخواتي وزوجتي .. ابيك تحترمينهم .. وتعاملينهم بالحسنى ..
اصايل بصدمه :ز و ج ت ك؟؟؟؟
فهد : ايه زوجتي تهاني .. لو جاك عوار راس منها بلغيني وعامليها بالطيب وخلي نظامك معها بالتطنيش ..
حست انها بتواجه الكثير من المتاعب .. خفق قلبها بقوه .. خافت من جد ..

فهد : وحجابك .. لاتلبسينه قدامي عند اهلي .. عامليني معامله طبيعيه
اصايل بتوتر : طـ يب .
فهد : لا تتوترين .. انا دايم وراك .. دايم يا اصايل ..
تنهدت ولفت تناظر الأرض تحتها .. سرحت بالمزرعه .. يالله قد ايش كانت مرتاحه هناك .. دعت ربها انه يسخر لها الأرض ومن عليها ..
------------------

اصايل .. هل بترتاح بالسعوديه ؟ هل بيتقبلونها اهل فهد ؟
مشعل .. هل بيتزوج اروى ؟ او بيطيع انه ويتزوج هيفاء ؟
صقر .. وش السر وراء تصرفه الغريب ؟
تهاني وش ردة فعلها من زواج فهد ؟




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 08-02-2018, 01:10 PM
اخوها عله اخوها عله غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


رووايه ررروعه وبكون بانتظار البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 08-02-2018, 05:20 PM
ghadahk ghadahk غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


الله اححححححلى شعوووور ادخل القى بااارت ❤❤❤

اصايل .. هل بترتاح بالسعوديه ؟ اممم احس بترتاح هل بيتقبلونها اهل فهد ؟ يمكن تهاني بس الي ماتتقبلها والبنات وامه بيتقبلونهاااا مررره
مشعل .. هل بيتزوج اروى ؟ ان شااء الله يتحرك ويتزوجهاا
صقر .. وش السر وراء تصرفه الغريب ؟ يمكن خانها
تهاني وش ردة فعلها من زواج فهد ؟ بتسوي افلاااااااام اترقب الاكشن الي بيصير 😂

تسسسسلم يددددك على البارتاااات الجمييييله دايماً❤❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 09-02-2018, 09:27 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
البارتات تجنن
اصايل وفهد بداية جميلة بس ماراح يسلمون من تهاني
مشعل واروى اتوقع يتزوجها بعد فترة
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 09-02-2018, 08:47 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها اخوها عله مشاهدة المشاركة
رووايه ررروعه وبكون بانتظار البارت الجاي
تنورين يا حلوه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 09-02-2018, 08:47 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها ghadahk مشاهدة المشاركة
الله اححححححلى شعوووور ادخل القى بااارت ❤❤❤

اصايل .. هل بترتاح بالسعوديه ؟ اممم احس بترتاح هل بيتقبلونها اهل فهد ؟ يمكن تهاني بس الي ماتتقبلها والبنات وامه بيتقبلونهاااا مررره
مشعل .. هل بيتزوج اروى ؟ ان شااء الله يتحرك ويتزوجهاا
صقر .. وش السر وراء تصرفه الغريب ؟ يمكن خانها
تهاني وش ردة فعلها من زواج فهد ؟ بتسوي افلاااااااام اترقب الاكشن الي بيصير 😂

تسسسسلم يددددك على البارتاااات الجمييييله دايماً❤❤❤❤

احلى شعور ادخل واشوف تعليقاتك
منوره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 57
قديم(ـة) 09-02-2018, 08:48 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارتات تجنن
اصايل وفهد بداية جميلة بس ماراح يسلمون من تهاني
مشعل واروى اتوقع يتزوجها بعد فترة
يعطيك العافية
وعليكم السلام

يعافيك ربي ومنورره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 58
قديم(ـة) 12-02-2018, 10:32 PM
ghadahk ghadahk غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


Waiting for the part ❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 59
قديم(ـة) 13-02-2018, 10:25 AM
Rawan75 Rawan75 غير متصل
©؛°¨غرامي جديد¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم ... يعطيج العافيه على الرواييههه الحلوووهه
بس بسال هل في تكمله ولالا.. ومتى موعد تنزيل البارتات؟
وشكراا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 60
قديم(ـة) 13-02-2018, 11:11 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها ghadahk مشاهدة المشاركة
Waiting for the part ❤❤❤
دقايق وينزل البارت

الرد باقتباس
إضافة رد

رواية وكأنه دعا ألا يفارق عقلي وكأن شعوب الأرض رددت آمين \ بقلمي

الوسوم
ألم , دعا , يفارق , سعنة , عقلي , وكلن , وكأنه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لأني ولدت أنثى/ بقلمي؛كاملة إلــــيــــنــــا روايات كامله - يتم نقل الرواية هنا بعد اكتمالها 815 11-04-2018 09:53 PM
رواية بوليسية سلسلة بلوتو - بقلمي بلوتو، روايات - طويلة 187 30-07-2017 04:15 AM
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
رواية غدر الحب بقلمي omnia reda Omnia reda روايات - طويلة 3 21-12-2015 07:15 AM
رواية قلبي مايتوبك يا أجمل ذنوبة / بقلمي _po_live روايات - طويلة 14 04-11-2015 12:17 AM

الساعة الآن +3: 01:46 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1