غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 13-02-2018, 11:12 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها Rawan75 مشاهدة المشاركة
السلام عليكم ... يعطيج العافيه على الرواييههه الحلوووهه
بس بسال هل في تكمله ولالا.. ومتى موعد تنزيل البارتات؟
وشكراا
وعليكم السلام ..
الله يعافيك .. ومن ذوقك ياحلوه
اككيد فيه تكمله .. البارتات مالها مواعيد محدده لكن تقريباً في الاسبوع انزل بارتين او ثلاث على حسب اشغالي
منوره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 13-02-2018, 11:28 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


البارت التاسع ..



مضت ثلاث ساعات .. باقي ١٢ ساعه ..
توترها مانعها من النوم .. تشوف فهد مغمض عيونه ..
تاملت الارض من تحتها .. قررت تستغفر ألف مره ..
انتبهت لفهد يقوم من مقعده .. شكله راح لدورة المياه ..
تنهدت بضيق ..


رجع وكان لابس بجامعه رماديه ..
فهد : البسي بجامتك ونزلي مقعدك ترا يتحول لسرير .. وعندك بالتلفزيون افلام شوفيها وفيه العاب بعد تتسلين .. نامي وارتاحي ..
هزت راسها ب اوكيه ..
..
شافته جلس بمقعده ونزله بحيث صار سرير .. لبس غطاء العين وتلحف واستسلم للنوم ..
حست بشعور غريب وهي تشوفه .. اول مره تشوف فهد نايم ..
حست ان ملابسها مضيقه عليها .. شافت بجامتها جاهزه .. جبن مقعدها .. لبست بجامه رماديه طقم لفهد ..
حطت قبوع البجامه على راسها ..
طلبت لها كوب حليب دافي يهدي اعصابها المتوتره ..
قررت تنسى التفكير وترتاح .. تفكر بالسعوديه واهل فهد وزوجته ..
شغلت لها فلم وحطت السماعات على راسها .. وتلحفت .. بدون شعور غطت في نوم عمييق ..


————————

جالسه في الصاله متوتره ..
المره الالف تتصل على صقر لكن بدون جواب
كانت معصبه كثير .. واعصابها شرار ..
كان امها وابوها وجيههم غريبه وكانهم يعرفون شيء ..
تهز رجلها اليمين بتوتر ..
جاء محمد وكان وجهه غريب هو بعد ..
جلس بالصاله وعيونها تسأل عن اللي فيهم ..
ياترا وش صاير ؟ الله يستر !
بشرى تحاول تخفي توترها : عسى ماشر وش فيكم مو على طبيعتكم ؟
ابو محمد : ابد يابوك مافينا الا العافيه

ام محمد موجهه نظرها لمحمد وكانها تامره يسوي شيء ..

قام محمد واشر لي ألحقه ..
طاح قلبي بحضني .. الله يستر ،، الله يجعل الامر خير .
رحت معه لغرفتي ..
محمد بهدوء : بشرى بكلمك بموضوع بس ابيك تهدين وتفكرين بعقلك ..
بشرى بتوتر وخوف: وش فيك يامحمد قولوا تراكم طيحتوا قلبي ، السالفه صقر صح ؟
محمد : ايه صقر ..
بشرى : وش فيه ؟؟؟
محمد : السالفه يا طويلة العمر ، ان صقر عنده اخ ، وهالاخ كانو يحسبونه ميت .. كانوا يحسبونه مات بتفجير باحد المساجد قبل عشر سنوات .. لكن طلع حي وبيد عصابه كبيره ..
بشرى انصدمت من المعلومه : شلون يا محمد ؟
محمد : صقر لما عرف سافر فوراً للشمال لان العصابه هناك .. وهو مع الشرطه عشان ينقذ اخوه والمفقودين الثانين .. لكن العصابه لا يستهان بها .. وادعي لصقر .. هو بلغنا عشان نبلغكبطريقه حلوه .. ويطلبك تسامحينه لانه ما يدري هو بيرجع والا لا .
بدون شعور اطلقت دموع من عينها .. توني بديت افرح .. توني بديت احب .. اكتفت بالصمت .. دموعها كانت تحكي ..
واساها محمد شوي .. ثم طلع وتركها براحتها ..

ضمت المخده ودخلت في دوامة بكاء ..
تكفى ياصقر ارجع .. تكفى لا يصير فيك شيء تكفى ..




———————————


وصل للدوام طفشان من نفسه .. جلس على مكتبه وطلب قهوه داكنه .. لعلّه يروق شوي ..
حاول يتصل فيها للمره الالف لكن كان مغلق ..
اتصل على نور تجيه بمكتبه .. سلمت عليه واشر لها تجلس ...
مشعل : ها بشري كيفها اروى ..
بضيق : دكتور مشعل أروى حالها مو بخير .. ابوها يصبحها بطق ويمسيها بطق ..
مشعل ويحس بقلبه يعوره على هالانسانه : ممكن تعطيني عنوانهم ؟ ضروري ترسلينه لي ..

قام بسرعه ويحس الارض ضايقه فيه ..
اشتاق لعيونها بشكل .. يتخيل هالعيون تبكي .. يتخيل البنت الحياويه تنجلد من ابوها .. تتعذب وتتألم هالانثى البريئه من الشخص المفروض يكون ضهرها وسندها ..
راح للكافاتيريا يشتت انتباهه

اتصلت على صديقتها وبلغتها انه طلب موقع بيتهم ..
ارسلته لها وهي طايره من الفرح .. الخطه نجحت خلاص ..
سوت تحديد للرساله لكن بالغلط أرسلت معها رساله ثانيه ..



انتبه على رسايل صوتيه من نور ..

صعق وهو يسمع المحتوى ..
صوتها " هاه نور وش صار على مشعل ؟ ما تحرك وقال لك انه بيخطب ؟ ما لمح بشيء ؟ تكفين لا يروح كل اللي سويته هباء منثور "

صدمه شقت مسامعه ..
خطه يا اروى ؟؟ انتي مسويه خطه عشان اتزوجك ؟ كذبتي ؟؟؟؟
وبقهر العالمين قام وطلع بالحديقه وصار يرفس اي حجره تجي قدامه ..
هين يا اروى .. والله لاعلمك وش يعني مشعل واستغفاله .

——————————
نور تبكي وترجف يا الله انا وش سووويت شلللوون حددت هالرساله بالغلط .. يارب ساعدني يارب ما يشوفها يارب

جاها اتصال سريع من اروى ، وبصوت باكي: نور تكفين قولي مقلب ؟

نور تبكي : والله اروى اسفه مدري شلون سويت تحديد

اروى تبكي: غبيه انتي والا غبيهه ؟ خربتي كل شيء .. خربتي كل شيء ، وينه مشعل ؟

نور : تو كنت اراقبه وكان بالكافاتيريا
سكرت الجوال ..
تاكدت ان ابوها مو موجود بالبيت .. لبست نقابها وطلعت برا

———————————

باقي ساعتين على وصولهم ..


جالسه تاكل وجبتها .. وتتابع فلم مصري ..
حاطه السماعات باذنها وضامن رجولها ومتلحفه بلحاف خفيف ..

التفت عليها : اصايل
ما انتبهت له
اشر لها وانتبهت ، وقفت الفلم والتفتت له ..
فهد : باقي ساعتين على الوصول ..
هزت راسها بمعنى انها تعرف ، وكملت فلمها
ضحك على شكلها اللي واضح داخله جو مع الفلم ..

لبس سماعاته وكمل شغله على اللاب حقه ..


———————————

دخلت للمستشفى تدور بعيونها عليه ..
قلبها يرجف .. مو بس قلبها ... الا كل خليه من خلايا جسدها ..

شافته جالس بالحديقه ماسك راسه بيدينه وكانه مصدع ..

مشعل ..

سمع صوتها .. صوتها اللي ياما عشقه وانبت في صدره بساتين ورود .. لكن اللحين كانه سكاكين في اذنه ..
رفع راسه لها وفي عيونه حقد ..
خافت من نظراته ؛ ممكن اكلمك ؟
مشعل بجفاف؛ مالي كلام مع وحده رخيصه مثلك .
اروى دمعت عيونها تلقائي .. اهانه كبيره من مشعل .. اهانه كبيره من الانسان اللي تحبه : رخخيصه ؟ عشان كنت ابيك ؟ عشان كنت احبك وابيك تخلصني من عذابي ؟
مشعل ضحك بسخريه : اي صح تستغلين مشعل الغبي بطرق بايخه استعطافيه .. طحتي من عيني .. وتقولين عذاب ؟ انتي حلال الذبح فيك

اروى اكتفت ببلع غصتها اللي كانها سكاكين في حنجرتها ..
مشعل بنظره استحقاريه : اتمنى ما اشوفك من جديد ..


وراح وتركها .. تتمنى تفسر له ويسمع لها لكن قلبه حقد عليها لدرجة ما يبي يطالعها حتى ..

استوعبت ابوها وراحت بسرعه للتاكسي يرجعها للبيت ..

———————————


جالسه تبكي بغرفتها ..
مصدومه ومو مستوعبه ،، صقر ؟
تذكرت اخر لقاء بينهم .. قبلاته اللي نشرها على وجهها .. كيف استنشقها بقوه .. وضمها بقوه ..
طلب منها السماح والحِل ..
قلبها انفجع .. تخاف ياخذه الموت منها ..او يخطفونه العصابه ..
نفظت افكارها السلبيه من راسها ..
يارب يارب رده لي بالسلامه يارب ..


دخلت ذكرى وهي ضايق صدرها على اختها .. من عرفت وهي تبكي ..
ضمتها وواستها بكم كلمه ..
لكن بشرى كانت مو راضيه تواسي نفسها ..
دخلوا أمها وابوها وكلموها تنزل معهم .. وصقر ماراح يصير له الا كل خير من ربي .


———————————

في دبي .. دار الحَيّ ..

جالس في اللوبي على لابتوبه .. امس كان اول يوم دوام له .. حس بشخص يجلس جنبه .. انتبه لعصاتها ..

ابتسم وسكر اللابتوب : كيفك اخت ريهاف ؟
ريهاف عقدت حواجبها وبتساؤل : من انت ؟
نايف : انا اللي صدمتك وغلطت عليك
ريهاف ابتسمت بسخريه : عادي منت اول واحد يسخر من عمياء
نايف ضاق صدره : انا اسف وحقك علي
ريهاف : بسامحك بس عندي شرط ..
ابتسم باستغراب : امري ؟
ريهاف : تشتري لي موكا من ستاربكس ..
ضحك : من عيوني .. كيف السكر ؟
ريهاف : بدون سكر
قام وطلب لها موكا ..
اخذ الطلب وهو يفكر بشرطها الغريب عشان تسامحه ..
وصل عندها شافها مركزه نظرها في الارض ..
حط الموكا في الطاوله اللي قدامها ..: تفضلي
ابتسمت : خلاص سامحتك ، بس لاعاد تعصب على كل من يصدمك .
تامل ابتسامتها الفاتنه لكن سرعان ما غض البصر بعد ما تذكر عقاب ربي ..
شربت مشروبها بهدوء : منت اول واحد يهاوشني عشان صدمته ..
نايف : انتي من الطفوله كفيفه ؟
هزت راسها بالنفي : لا من ثلاث سنوات .. صار لي حادث اثر على النظر عندي
نايف : باذن الله بيرجع نظرك وتشوفين الدنيا
ريهاف ابتسمت بسخريه : لو علي مابيه يرجع .. كل شيء حلو راح مافيه شيء يستاهل .
نايف : افا ، عندك ابوك واخوانك وخواتك
ريهاف بحزن : لا مابقى الا ابوي واخت وحده ، تخيل .. حتى خطيبي اللي انعقد قرانّا تخلى عني مع ان احتمال يرجع نظري
نايف بخاطره " اقدر اقول عنه اغبى انسان " : مافيه احد يستاهل تتضايقين عشانه ، اذا راح تاكدي انها خيره من ربي
ريهاف : اي والله الحمدلله بانت معادن الناس في هالثلاث سنوات ..

————————————
——————————


انتبهت له راجع من دورة المياه .. كان لابس لبس غريب عليها ..
تاملته بالثوب السعودي .. والشماغ ..
اول مره تشوف فهد كذا .. حست وقتها بهيبته وفخامته ..

انتبه لها تطالعه ورافع حاجبه : فيه شيء ؟
صدت عنه وبكذب : لبسك غريب ومو حلو
ضحك : هذا لبسنا التقليدي ، قومي البسي عباتك عشان ماباقي شيء على الوصول ..
اصايل : اذن الضهر؟
فهد يسكر كبكاته: اي اذن
قامت لدورة المياه وفهد يلاحقها بعيونه .. سبحان اللي علق قلبها بالصلاه .. مع اني ما سويت لها الا اني اعطيتها كتاب وبعض المقاطع لمشايخ ثقه تتثقف بدينها واللي لها واللي عليها ...توضت لصلاة الضهر ولبست عبايتها .. تاملت شكلها .. حست بشيء غريب ..
طلعت وصلت بالمصلى الصغير الموجود بالطياره ..

وصلت الطياره ..
اخذوا الحرس اغراضهم..
خذت شنطتها ومشت ورا فهد ..
تاملت المطار .. المكان مو غريب عليها .. تحس انها جات هنا .. الريحه والاصوات والناس .. كل شيء مألوف ..
حست بالم في راسها .. ووقفت
لف فهد عليها : انتي بخير ؟
هزت راسها بايجاب وكتمت المها ..

كانت سياره الروز واقفه تنتظرهم ..
الجوو حار جداً مقارنه بشمال بامريكا ..
فهد : اللحين بوديك للفندق تنامين وترتاحين وبروح اسلم على اهلي .. وبكره ان شاء الله تتعرفين عليهم ..

اصايل : ان شاء الله

ضلت تتامل شوارع هالمدينه .. كل شيء حولها مألوف .. كل شيء ..


وصلوا لفندق الريتز .. نزلت ونزلوا الموضفين اغراضهم ..

دخل فهد واصايل وراه مبهوره بجمال المكان ..
فهد : جوعانه ؟
هزت راسها بالنفي ..
دخلوا في جناح ملكي .. عباره عن غرفتين وصاله كبيره جداً بجدران زجاجيه ..

فهد : ارتاحي بالغرفه اللي تبين انا رايح لاهلي ..

طلع وتركها ..
خذت شاور دافي يريحها من ارهاق السفر ..
نطلت نفسها ع السرير ونامت بعمممق ..

——————-

دخل بيت اهله ..تفاجأو فيه كثير ..
سحر ركضت لحضن اخوها ..

سلم على امه وباس راسها ..
وجلس : وش قصتكم تدهرون اليوم ؟ فيه عزيمه شيء ؟ ولجر وينها؟
ام فهد ولايسه فستان بيج وتتوشح وشاح بنفسجي على كتوفها .. : ايه مسوين عشاء صغير بمناسبة سلامة فجر
فهد انصدم : ليه وش فيها فجر ؟؟؟
سحر : صار عليها حادث وهي رايحه للجامعه
ام فهد قاطعتها : حادث خفيف بس خيطوها خياط بسيطه في جبهتها
فهد مصدوم ؛ وانا اخر من يعلم ؟؟ ما كاني اخوها اللي ربيتها ولا ولي امرها ولا مسؤول عنها؟؟
ام فهد : يابوي تعوذ من ابليس ، مافيه الا الخير ..
قام بسرعه لاخته .. طق الباب ودخل ..

كانت تقرا كتاب ومستلقيه ع السرير .. اول ما شافته نطلت الكتاب وصارخت وركضت لحضنه
فهد : الف لا باس عليك ياروح فهد
فجر : لا تخاف الحمدلله جات سليمه
فهد : ورا ما علمتيني ؟
فجر ببراءه : حسبت امي علمتك ، وانا اقول غريبه فهد ما اتصل علي

حط ضمها من كتوفها ونزلوا تحت .. كانوا يتقهوون ..

فهد : يمه انا بقول لكم كلام ويمكن يصدمكم ..
عقدوا حواجبهم باستنكار وفضول ..
ام فهد : عساه خير ؟
فهد ؛ انا تزوجت قبل امس ، وزوجتي بجيبها اليوم بالعشاء تتعرفون عليها وتعرفون الناس عليها .

ام فهد قامت وباستنكار : وشو يا فهد ؟؟؟ كيف تتصوف تصرف مثل هذا بدون ما ترجع لي وتقول لي ؟

فهد ؛ انتوا تدرون اني ما احب تهاني .. وانا من حقي اعيش حياتي مع وحده احبها .. على العموم انا جيت اعطيكم خبر واقول لكم كرامة اصايل من كرامتي واللي يمسها ويجرحها يمسني ويجرحني .. اللي يهينها يهيني وانتبهوا احد يأذيها ..


كانت تسمع كل كلمه ..
نزلت من الدرج .. وعيونها متجمعه فيها الدموع ..
كانت ناحفه خمسه كيلوا .. صابغه شعرها اشقر وقاصته .. لابسه فستان زيتي ضيق فيه نقشات ذهبيه
وقفت بالصاله بصدمه : انت من جدك ؟
فهد رفع حاجب : اي نعم

تهاني تبكي: وباي حق تتزوج بدون ما تاخذ رايي ؟
فهد : حياتي الشخصيه .

تهاني بصراخ: الله لا يوفقك معاها .. تفاهم مع ابوي مالي جلسه معك

فهد ببرود :الله معك
وراحت فوق لغرفتها تبكي
فهد ؛ وذي وش جابها ؟

ام فهد : كانت جايه تبي تتصالح معك وعلى قولتها تفتح صفحه جديده ، ياليتك ما تسرعت

فهد : ثلاث سنوات صابر ومحتسب مع وحده عديمة مسؤوليه .. انا حر بحياتي يمه .. واصايل بتجي اليوم .. اكرموها والا بحفظ لها كرامتها وارجع لامريكا انا وياها طول عمري


انقهرت منه .. كيف يهددها بهالطريقه : فهد انتبه انك تتكلم مع امك
فهد : على عيني وعلى راسي يالغاليه .. لكن حبيت بس اعطيكم خبر .. تهتمون فيها .. وتهاني مالها الا الحشيمه والكرامه كانها بتجلس .. اما اذا تبي الطلاق فماراح أوقف في وجهها ..
ام فهد قامت بسرعه لغرفتها .. دليل على عصبيتها المفرطه ..
تنهد بضيق ..

اما سحر وفجر .. مصدومات من كل هاللي يصير ..

——————————————————-

حصه : انا موافقه
ام فارس : لا بالله ذي انهبلت ؟؟!!!!! ترفضين الشاب الاعزب اللي يبيك وتقبلين بالمتزوج ؟؟؟ تبين تخربين بيت ؟
حصه : انا موافقه .. ولو ما تزوجت حمد ماراح اتزوج .
فارس : حصه انتي مستوعبه حكيك ؟؟ محمد يحبك وشاريك ويبيك ! وانتي مقتنعه بحمد اللي عنده عيال وبيت ؟

حصه : هذي رغبتي
وراحت لغرفتها تاركه أمها المصدومه خلفها .......

——————————
اصايل كيف بتصير ردة فعلها مع اول لقاء مع اهل فهد؟
هل بتتقبلها ام فهد او بتحقد عليها ؟

فهد هل فعلاً بيدافع عن اصايل وبيوقف دايم معها ؟

مشعل واروى .. هل ممكن يسامحها ؟

نايف وريهاف .. هل بيصير بينهم قصة حب او مجرد سوالف عابره ؟

بشرى وصقر ،. ياترا صقر وش بيصير عليه ؟ بيموت ؟ او بينقذ اخوه من اقوى العصابات ؟
وكم بيبعد عنها ؟

حصه ، هل فعلاً بتوافق على حمد ؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 14-02-2018, 12:32 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


السلام عليكم
البارت يجنن

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 14-02-2018, 12:54 PM
ghadahk ghadahk غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


حبيييبتي بدعتتتتي بارت يستاهل الانتظااار!!

اصايل كيف بتصير ردة فعلها مع اول لقاء مع اهل فهد؟
هل بتتقبلها ام فهد او بتحقد عليها ؟ احس بتحب البنااات مره وام فهد ردة فعلها شكلها ماتبشر بالخير لكن ممكن تتقبلها عشان فهد ولدها

فهد هل فعلاً بيدافع عن اصايل وبيوقف دايم معها ؟ اكيييييد

مشعل واروى .. هل ممكن يسامحها ؟ حركتها وصخخخه مره لكن ممكن يتفهمها بعدين لانه يحبها لكن بعد مايعطيها درس انها ماتستغفله

نايف وريهاف .. هل بيصير بينهم قصة حب او مجرد سوالف عابره ؟ اتوقع بيحبون بعض

بشرى وصقر ،. ياترا صقر وش بيصير عليه ؟ بيموت ؟ او بينقذ اخوه من اقوى العصابات ؟
وكم بيبعد عنها ؟ ان شاااااء الله ينقذ اخوه ويرجع لهااا

حصه ، هل فعلاً بتوافق على حمد ؟ غبيه لو توافق عليه اتوقع بيقنعونها بمحمد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 14-02-2018, 02:27 PM
غرور الحربي غرور الحربي غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


حلو البارت ام فهد لو تدري من اصايل وانها غنية راح تغير تعاملها لان تهاني غنية لعشان كذا عجبتها رغم عدم اهتمامها باحد وشايفة نفسها عليهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 14-02-2018, 02:36 PM
غرور الحربي غرور الحربي غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


مشعل صدمته كبيرة واكيد ما راح يعذرها لان هدفها يحبها ويتزوجها اكيد طمعانة حاطت ابوها حجة واكيد راح تسوي مع غيره زي ما سوت معاه اش دراه اذا بدايتها كذا اش ضمنوا اكيد لها سوابق او تعلم بناتها نفس حيلتها والخافي كان اعظم لو سمع كلام امه ماصار اللي صار وامه تبغى له الخير وتعرف اخلاق البنت عكس اروى مايعرف اخلاقها معاه حق ينصدم لانها تمثل انها اخلاق ومحترمة ومودبة لانه على نياته ودعوة امه يبعد عن بنات الحرام انكشفت برسالة مررة يجنن البارت ابهرتيني يالمبدعة واستمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 15-02-2018, 09:06 AM
Rawan75 Rawan75 غير متصل
©؛°¨غرامي جديد¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


سلاااام باااارت حلووو وخفيف واحداث حلووهه
فهد واصااااايل كوووبل قلببببي الله يبعد عنهم الشر والناس الخبيثه
.....
اصايل شوي شوي راح ترجع لها الذاكره
موقفها مع اهل فهد راح يكون صعب من ناحيه تعامل ام فهد لها
ام فهد ماراح تتقبلها وبتكون حاقده عليهااا
....
فهد فعلا راح يكون وراها وراح يدافع عنها لانه الحبيب شكله حبهاا هههههههه بس ماندري عن سوالف امه وتهاااني كيدهن عظيييييم الحريم
.......
مشعل و اروى اتوقع ماراح يسامحهااا لانه كان يحبها ويبي يساعدها شعورالاستغفال خاااايس ويسسحك مالك قيمه
اروى يمكن كان قصدها ان يوصل له خبر ويتحرك وساعدها لانه تحبه وماتبي ابوها يزوجها احد غير مشعل
لكن انقلبت السالفه عليهااا ... اللهه يعينهاا ويهديهمم
.....
نايف وريهاااااف راح تصير بينهم علاقه حببب قويه وراح يساعدها تتعالج وراح ينسى بشرى مع الايام
.....
صقرررر حبييته من البداييه لا يممممممووووووووووووت تكففففييييييين حتى لو يرجع مصاب اي شي المهم مايموتت
بششرى حبيبتي كسسرت خاااااطرري توهااا بدت تحبه توها بدت تفرررح على طول جتها مصيبه
.....
حصصصصصصه الخببببله كانت بالبدايه كاسره خاطري بس الحين ختوولي تبي تخرب بيوت الناس
واتوقع بتصير فيها حاله نفسيه اي زوجين تشوفهم سعيدين مع بعض تقو تخرببينهم الله يشفيها ههههههههههه
.....
نسينا سعوووود وينه هذا شنو مجهز من مصايب الله يكافيناا شره
....
سالفه اخو صقر اهيا اللي بتقرب بين صقر وبشرى
.........
وبس والللههه ب انتظااااااااااارج ياحلووووههه ولا تفكرين تنهين الروايييه احنا نكفي ونوفييي
دمتي بحب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 16-02-2018, 12:30 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
وعليكم السلام ,,
شرفتيني بوجودك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 16-02-2018, 12:31 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها ghadahk مشاهدة المشاركة
حبيييبتي بدعتتتتي بارت يستاهل الانتظااار!!

اصايل كيف بتصير ردة فعلها مع اول لقاء مع اهل فهد؟
هل بتتقبلها ام فهد او بتحقد عليها ؟ احس بتحب البنااات مره وام فهد ردة فعلها شكلها ماتبشر بالخير لكن ممكن تتقبلها عشان فهد ولدها

فهد هل فعلاً بيدافع عن اصايل وبيوقف دايم معها ؟ اكيييييد

مشعل واروى .. هل ممكن يسامحها ؟ حركتها وصخخخه مره لكن ممكن يتفهمها بعدين لانه يحبها لكن بعد مايعطيها درس انها ماتستغفله

نايف وريهاف .. هل بيصير بينهم قصة حب او مجرد سوالف عابره ؟ اتوقع بيحبون بعض

بشرى وصقر ،. ياترا صقر وش بيصير عليه ؟ بيموت ؟ او بينقذ اخوه من اقوى العصابات ؟
وكم بيبعد عنها ؟ ان شاااااء الله ينقذ اخوه ويرجع لهااا

حصه ، هل فعلاً بتوافق على حمد ؟ غبيه لو توافق عليه اتوقع بيقنعونها بمحمد

ياهلا وسهلا بالزززين كله ..
إنتي من الناس اللي اتفقد ردودهم من كثر ما تشرحين صدررري ..
ياحبي لك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 16-02-2018, 12:32 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: رواية وكأنه دعا ألا يفارق عقلي وكأن شعوب الأرض رددت آمين \ بقلمي


اقتباس:
المشاركة الأساسية كتبها غرور الحربي مشاهدة المشاركة
مشعل صدمته كبيرة واكيد ما راح يعذرها لان هدفها يحبها ويتزوجها اكيد طمعانة حاطت ابوها حجة واكيد راح تسوي مع غيره زي ما سوت معاه اش دراه اذا بدايتها كذا اش ضمنوا اكيد لها سوابق او تعلم بناتها نفس حيلتها والخافي كان اعظم لو سمع كلام امه ماصار اللي صار وامه تبغى له الخير وتعرف اخلاق البنت عكس اروى مايعرف اخلاقها معاه حق ينصدم لانها تمثل انها اخلاق ومحترمة ومودبة لانه على نياته ودعوة امه يبعد عن بنات الحرام انكشفت برسالة مررة يجنن البارت ابهرتيني يالمبدعة واستمري
أحلى من يحلل ويتوقع ويدعم ..
شرفتيني بمرورك ياقلبي ..

الرد باقتباس
إضافة رد

رواية وكأنه دعا ألا يفارق عقلي وكأن شعوب الأرض رددت آمين \ بقلمي

الوسوم
ألم , دعا , يفارق , سعنة , عقلي , وكلن , وكأنه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لأني ولدت أنثى/ بقلمي؛كاملة إلــــيــــنــــا روايات كامله - يتم نقل الرواية هنا بعد اكتمالها 815 11-04-2018 09:53 PM
رواية بوليسية سلسلة بلوتو - بقلمي بلوتو، روايات - طويلة 187 30-07-2017 04:15 AM
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
رواية غدر الحب بقلمي omnia reda Omnia reda روايات - طويلة 3 21-12-2015 07:15 AM
رواية قلبي مايتوبك يا أجمل ذنوبة / بقلمي _po_live روايات - طويلة 14 04-11-2015 12:17 AM

الساعة الآن +3: 12:07 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1