اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 13-02-2018, 10:00 PM
قلبي هاجر اضلعي هرب مني اليك قلبي هاجر اضلعي هرب مني اليك غير متصل
©؛°¨غرامي جديد¨°؛©
 
الافتراضي رد: أمطرني حُباً/بقلمي


كنت متابعة لك خلف الكواليس , صراحة مَ اعرف اش اقول!!!
وربي الرواية مرا تجنن!
اول مرا اتابع رواية مي مكتملة.
واصلي ولا توقفي ,
المهم :
حبيت اختيارك لاسماء كدا الاسماء تجنن.
عععشقت طلال ونواف , يجننو!
امم اتوقع انو كيناز حتعاني لين تتطلق من محمد وحتتزوج الياس! > مَ ادري اش دا التوقع بس دا الي جاء ف بالي.
ان شاء الله ليا رجعة تاني.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 14-02-2018, 02:24 PM
صورة shomins al-r7ely الرمزية
shomins al-r7ely shomins al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


اقتباس:
المشاركة الأساسية كتبها قلبي هاجر اضلعي هرب مني اليك مشاهدة المشاركة
كنت متابعة لك خلف الكواليس , صراحة مَ اعرف اش اقول!!!
وربي الرواية مرا تجنن!
اول مرا اتابع رواية مي مكتملة.
واصلي ولا توقفي ,
المهم :
حبيت اختيارك لاسماء كدا الاسماء تجنن.
عععشقت طلال ونواف , يجننو!
امم اتوقع انو كيناز حتعاني لين تتطلق من محمد وحتتزوج الياس! > مَ ادري اش دا التوقع بس دا الي جاء ف بالي.
ان شاء الله ليا رجعة تاني.
يا احلى من يتابع من خلف الكواليس
وبأذن الله مكملة بدعمكم
توقعك محتمل ههههههههههههههههههههههههههههه ليش لا
بأنتظار رجعاتك ياقلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 16-02-2018, 09:58 PM
صورة shomins al-r7ely الرمزية
shomins al-r7ely shomins al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


البارت بإذن الله راح ينزل بعد الفجر حول الساعة سبع
عذراً على التأخير الغير مقصود 🧡


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 16-02-2018, 10:25 PM
روايات ميرا روايات ميرا غير متصل
©؛°¨غرامي جديد¨°؛©
 
الافتراضي رد: أمطرني حُباً/بقلمي


يالله تحمست

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 17-02-2018, 11:02 AM
صورة shomins al-r7ely الرمزية
shomins al-r7ely shomins al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


6
مدخل
"وألقيت عليكَ السلام في صمتٍ
كيف حالكَ يا كل حالي"
"""""
شال شماغه وحطه على كتفه بينما سحب العقال بيده :امش يلا ناخذ امي وامك ونرجعهم البيت
ارتبك نواف ووقف :طيب تمام ..يلا ماعندي مشكلة
استغرب منه طلال :شفيك ؟
هز راسه بسرعة :مافيه شي شفيك انت
طلال شك فيه :مافيني شي
تذكر ياقوت :ياقوت بترجع الحين ؟
طلال :لا بتتأخر ..تقول وراها شغل مع اروى
ابتسم نواف :والله !..خلاص انا بوصلها البيت
طلال بنظرة :ليش ماتبي ترجعهم معي ؟
بطفش:يعني ماتعرف امي ؟ بتقعد طول الطريق تسفل فيني لاني للحين ما اقتديت فيك
زفر :خلاص اجل ..برجعهم انا بس ملاحظ اننا جينا بسيارة وحدة ؟
تذكر وصفق راسه :يالله ..شلون نسيت
طلال :شاطر
طلع جواله :بدق على عبيد يجيب لي سيارة من البيت
طلال :بكيفك ..هات المفتاح بطلع
طلع المفتاح من جيبه ورماله وهو يلف عنه ويدق على عبيد
نواف :الو عبيد
عبيد:امر
نواف :انت موجود بالبيت ؟...ابيك تجيب لي سيارة للوكيشن الي برسلك إياه الحين
عبيد :أي سيارة !!
نواف :لا جيب لي الجيب اريح
عبيد :ابشر طال عمرك
نواف :يعطيك العافية
سكر منه وارسله اللوكيشن ودق على ياقوت يعطيها خبر انه بيرجعها
ردت :هلا نوني
نواف :لو سمحتي اخت ياقوت ..ماحب احد يناديني كذا
ياقوت :ابشر اخ نواف وش تبي ؟
نواف :برجعك البيت انا ..متى ماخلصتي دقي علي
ياقوت:بترجعني انا وزمرد ترا
ابتسم زيادة :الله يحيكم ..وشوفي المدربات بطريقك لو يبون احد يرجعهم انا حاضر
ضحكت :لا مايبون احد يرجعهم مشكور وكثر الله خيرك
نواف :مطولين اطلع الفلف ولا انتظركم ؟
ياقوت :عطنا ساعة بالكثير ..بنتعشى وبلم اغراضي بعد
نواف :تمام ..بكون بكفي قريب من هنا ..كلميني اول ماتخلصين
ياقوت :ابشر
سكر منها وطلع من الإدارة متجه لبرا المركز
"""""
همس :مساء الخير
ارتبكت اول ماشافته اساساً اول لمحة له حسته رجال غريب
بلعت ريقها من شكله ..ثوب مغبر واكمامه مشمرة وملامحه تعبانة غير مرة عن شوفتها له بالبنك ..كان كاشخ ومرتب
ردت بعد فترة :مـساء النور
قرب منها بهدوء وجلس على الكرسي الي قبالها ..تلفت حولها بغرفتها :مرتاحة بالغرفة ؟؟..حابة انقلك جناح خاص ترتاحين فيه ؟
رفعت حواجبها باستغراب :مافيه سلامات ..الحمدالله على سلامة..احسن الله عزاك -وبسخرية -تقول انقلك جناح ؟
ابتسم بإحراج وتوتر:سوري..الحمدالله على السلامة
شالت عيونها منه :الله يسلمك
محمد :انشغلت وماعرفت وش صارلك ..انا اسف
كيناز تنرفزت منه ..حست ودها ترميه بأي شي جمبها :اسف !! وش اسوي بأسف هذي ..انا اختي توفت محترقة ..انا كنت بغيبوبة أسبوع..تقولي اسف ؟-رفعت عيونها له وبحدة-مو انت كنت شاريني ؟ مو انت كنت مستعد تسوي كل شي ابيه بس عشان تتزوجني ؟ فالنهاية هذا كلامك ؟
غمض عيونه بقوة وفتحها بتعب :انا خايف
استغربت وقلبها مارتاح
محمد وعيونه بالأرض وماتناظرها:ماعرف انا ظلمتك ولا لا..من اللحظة الي وافقت انا فيها ..وانا مصمم اني اتغير معك -رفع عيونه-بس كل شي اختبص من يوم مانكشفت من مرتي وابوها ومن مانع الي انمسك
بلعت ريقها بخوف ..مو عارفة وش يخربط وش يقول ..وش عرفه بمانع ..وهو وافق على ايش
مدت يدها بهدوء ومن غير مايحس ودقت زر الدكتور وعلقت عليه وقلبها يدق
زفر محمد ومسح وجهه بيده :انا عارف انك مصدومة مني ..بس ممكن تعطيني فرصة! -مسك يدها وبترجي- تكفين اعطيني فرصة وراح اثبتلك اني تغيرت
انتفضت من مسكته وسحبت يدها بروعة منه :اترك يدي !
ترك يدها وبسرعة :انا اسف
انفتح الباب بقوة ودخل حسان وهو معصب
همست بسرعة لمحمد :مستعد تعلمني بكل شي اسئلك عنه ؟
هز راسه بسرعة ووجهه بارد من دخلة حسان
جا لمه حسان وهو معصب :انت وش جايبك هنا
محمد من حس ان كيناز واقفة معه تشجع :جاي لزوجتي مو لأحد غريب
سحبه حسان من ياقته بالرغم من نحفه بجمب محمد ورص على اسنانه:ماعندنا لك زوجة هنا ..تفهم ولا لا
دفه محمد بقوة وبعصبية :اتركني
شهقت كيناز :حسان!
بغا يطيح على الأرض من دفته لكن تدراك نفسه ووقف ومشى ناحيته ودفه بقوة :انقلع من هنا ..ماهو مرحب فيك
كيناز بصوت عالي :حسان خلاص !!
رفع محمد حواجبه :سمعت ؟
ناظر حسان لكيناز بصدمة :انتي منجدك؟
هزت راسها :ايه من جدي ..اتركه يا حسان
ضحك بقهر :اوكي ..بتركه -لف لمحمد-صدقني مارح تفلت من يديني ..الايام بيننا
ابتسم محمد والتفت لكيناز بابتسامة :اشوفك على خير-قرب منها وباس خدها
ومشى طالع من الغرفة
ناظرها حسان :ممكن افهم ؟
ماردت عليه وعدلت مخدتها تبي تنسدح
تأفف حسان وبحدة :كينااااز ..ممكن افهم؟
ناظرته بنرفزة :زوج يقابل زوجته وش تبي انت ؟
فتح عيونه :زوج وزوجته ؟ ماشالله معتبرة انك متزوجة وعايشة الجو
كيناز :وش تبي الحين ؟
حسان بتهديد :صدقيني يا انا ياهو بحياتك
حست نفسها راح تبكي :خلاااص يا حسان خلااااص اتركنى تكفى..توي صاحية توي مستقبلة ابشع خبر بحياتي توي اقابل زوجي توي استوعب
دخلت الممرضة الي استدعتها كيناز يوم ضغطت الزر
وكيناز ماعطتها فرصة تسأل اشرت على حسان :طلعيه مابي اشوفه
حسان ناظرها بعتب
حس بالممرضة تمسك ذراعه بتطلع :اكسكيوزمي سير
ناظرها بنظرات نارية :نعم!!-فلت منها-اعرف امشي
طلع وهو متنرفز منها..اول ما الرجال الي حطهم الياس يراقبون غرفة كيناز بلغوه ان محمد جا بحالة يرثى لها.. وهو قلقان وخايف عليها والحين واقفة معه وطاردته
شاف الياس واقف مع العساكر المتخفين الي برا غرفتها وراح ناحيتهم
الياس ناظره وسحبه من ذراعه وتكلم بهمس :محمد مايندرى وش وراه ووش نيته ..مانعرف شلون قرر يخطب كيناز وليش
حسان تذكر دفاع كيناز عنه :الحمار فار عقلها علي توها طاردتني
الياس :محمد ممكن يوصلنا لسامر لذالك-ناظر بحسان-لازم تتقرب منه ياحسان ..وتزودنا بالمعلومات اول بأول
حسان رفع حواجبه :اتقرب منه! ماقدر صعبة
الياس :تستهبل ؟ محمد ممكن يوصلنا لسامر..سامر خطر كبير عليكم يا حسان
حسان :مانع انمسك ..شدعوة تهتم بهالهارب ؟
الياس زفر :سامر هو وجه مانع ..كان يتعامل مع التجار وعصابات البلطجة بنفسه ..تتوقع مارح يحقد عليك ويجي ينتقم لأنك خربت كل شغله ؟
حسان بعدم فهم : شلون خربت شغله ؟
الياس :سامر كان ناوي ينقلب على مانع بعد عملية الحاوية ..بس بعد تدخلك انمسك مانع ومع مانع تورطوا اكثر التجار الي كانوا ناوين يوقفون بصف سامر الحين سامر خسر كثير بفضلك
ابتسم بهياط :يستاهل حقه وماجاه
ابتسم له الياس :عشان كذا كمل الي بديته عشان نمسكهم كلهم يا حبيبي
عوج فمه وهو موعاجبه :ان شالله
""""
طلعوا ياقوت وزمرد من المركز
زمرد وهي تناظر بالسيارات :وينه عبيد ؟
ياقوت تناظر معها ولمحت نواف..مشت ناحيته :امشي هناك ..وتراه مهب عبيد نواف
تأففت ولحقتها:يحول من هالسخيف
ياقوت :انتي السخيفة
حرك نواف ناحيتهم وركبت ياقوت بجمبه
زمرد لأنها ماتحب تجلس ورا تحس بكتمة راحت جلست ورا بالنص على الأقل تشوف الطريق وكأنها قدام
حرك نواف :كيف حالك يا زمزم
ماردت عليه
نواف لياقوت :صارت طرما ؟
تنرفزت وردت بنفس خايسة :امي تقول لا تكلمين الغرباء
فصل عليها : يا الهي .. انا ابن عمك ولست من الغرباء
ياقوت تفاجأت بفصلته وضحكت عكس زمرد الي متضايقة من ميانته معها ماردت
تعرف طبيعة عيشته برا السعودية مخليته اوبن مايند وهالشي مخليها تحاول تتحاشاه
نواف رجع يدق بالكلام :والدتك لاتجعلك تتحدثين مع الغرباء ولكن تركبين سياراتهم ؟
غمضت عيونها بقهر منه وتمت ساكتة افضل حل
نواف مستمر ماوراه شي :هل شرحت لك والدتك بنود التحدث من الغرباء ام قالتها لك من غير أي توضيح ؟
ياقوت دقته :خلاص مصختها
نواف :يا اختي أحاول ان افهم كلمة الغرباء لا اكثر ولا اقل
رجع يوجه كلامه لزمرد :هل قا..
قاطعتها زمرد بعصبية :خلااااااصصصص
بنفس الوقت الي دق فيه بريك قوي بسبب اليوتيرن الي نسا يلفه
من قوة البريك زمرد ماحست بنفسها الا وخشمها يدق بقوة بزر التكيف الي قدام تحت صرخة ياقوت
نواف تسمر مكانه يوم شاف جسمها كله جمبه
اما زمرد فكانت في موقف حرج شوي وتصيح ..ماكانت متمسكة ويوم دق البريك نطت قدام من قوته
ياقوت مسكتها بسرعة :بسم الله عليك فيك شي؟
غمضت عيونها وهي بينها وبين الصياح شعره وحاولت تمسك بأي شي وترجع ورا بيدها اليمين مسكت طرف مقعدة ياقوت وباليد الثانية مسكت فخذ نواف ورجعت لورا
اول ماحست باختلاف وطاحت عينها على يدها الي على فخذه انتفضت مثل المقروصة وصرخت
رجعت ورا وانكمشت على نفسها تصيح
نواف قليل الاحترام انفجر ضحك بينما ياقوت توترت ورجعت نص جسمها لورا :زمرد ..زمرد حبيبتي صار لك شي
زمرد من بين صياحها صرخت :رجعووونننني الببييييييييتتتت
بالقوة قدر يحرك السيارة بالرغم من أصوات البواري الي تضرب وراه
قدم جسمه ومسك الدركسون بيد واليد الثانية ماسك قلبه ويمسح دموعه ويضحك
ضربته ياقوت :خلاص اسكت يا سخيف..البنت بتموت
نواف حزن عليها من صوت صياحها ومسك فمه وحاول يسكت وهو يناظر الطريق وكاتم الضحكة
ياقوت حزنت عليها :وقف بنزل اجلس جمبها
نواف :خير وانا اجلس هنا كني سايقكم
ياقوت :شلون اجيبها هنا يعني
نواف ورجع يضحك:عادي ادق بريك وتجيك بسرعة
كتمت ضحكتها :سخييف
مارد عليها وكمل طريقه وهو كل مايتذكر الموقف يكتم ضحكته
اما ياقوت اول ماحست فيها هدت رجعت عدلت جلستها وفتحت المسجل تشغل أي شي يعبي الجو لين يرجعون
وزمرد منهارة بينها وبين نفسها من الفشلة وكل ماتذكر شلون مسكت فخذه تحس انها تبي تصيح مرة ثانية
فعلياً ودها تفتح باب السيارة وترمي نفسها وقبل ماترمي نفسها تطعن نواف بكعبها في نص قلبه عشان يعرف يضحك عليها مرة ثانية
فتحت جوالها تحاول تنسى الموضوع وهي تطقطق فيه
وصلوا بيتهم ودخل نواف بالسيارة مع البوابة
ووقف قدام الباب الرئيسي :فيكم حيل تطلعون ولا اضرب لكم بريك يوصلكم غرفكم ؟
ياقوت ضحكت :خلاص يا بزر
اما زمرد فتحت الباب ونزلت ورقعته بأقوى ماتملك حتى انها روعت ياقوت الي كانت متوقعة حركتها ناظرت بنواف: تستاهل
هنا نواف لعبته الاستفزاز فتح شباكه ورفع صوته: حبة حبة على قلبي حبة حبة
ياقوت :يع ياغبارك
نواف وهو يطلع جواله:والله خبري وانا بالثانوي هي الي طالعة وطاقة الدنيا
ياقوت :بتطلع ولا بتمشي
حط الجوال بأذنه :بدق على طلال اشوفه وينه
نزلت ياقوت من السيارة :اوكي ..يلا باي
اشر لها ورد عليه طلال :هلا
طلال :وينك فيه
نواف :عند بيتنا وينك انت
طلال :انا بالشقة ..جب معك عشا -سكر منه
ارخى جواله وحرك طالع من البيت
""""""
جلس على البار وحط كوب قهوته قدامه وهو سرحان يفكر بأمه وطلبها انه يوريها المركز مع ابوه
عجز عجز يفهم الي حوله..وده يصارح ابوه ويفهم منه كل الي ناوي يخبره بس مو قادر ..الموضوع من مجرد التفكير فيه ينقلب حاله
حسه مثل الباب المسكر مثل الحاجز بعلاقته مع ابوه
يحس بفضول لا شافه يتكلم مع ياقوت ويبتسم لها ويضحك معها لكن اذا شافه يتهجم وجهه وتنقلب كل موازينه
وده بيوم يتكلم مع ابوه براحة ويفتح له قلبه وده يشوف بسمته بسببه
بس عارف ان كل شي صعب دامه مصاب بهالفوبيا
الفوبيا الي مأذيته ومبعدة عنه اكثر شخص محتاج له ومخلية قلبه قاسي
دخل نواف الشقة وبيده كيس من هارديز وبباسي انتبه له جالس بثوبه وشماغه وحتى شوزه مافصخه :بسم الله الرحمن الرحيم شفيك
التفت له طلال :وعليكم السلام
استغرب:شفيك مابدلت جالس هنا تهوجس حتى الليتات ماشغلتها ..مخاوي انت
مارد عليه وناظر كوبه وهو يمسح بأصبعه على طرف الكوب وبسرحان
حط نواف الكيس والبباسي على البار :قم بدل وخلنا نشوف أي فلم يسلينا
طلال وعلى نفس سرحانه :وش اسوي عشان احس ان عندي اب ؟
نواف استغرب وفصخ جاكيته وحطه على ظهر الكرسي وجلس :شفيك ؟ مقابل ابوك ؟
هز راسه بـ لا
نواف :اجل؟
رفع عيونه له :ابي احس بوجوده ..تصّور اني قمت اغبط ياقوت عليه !
قاطعه نواف ووقف:احسب عندك شي -ثبت عيونه بعيونه وتكلم بقهر-تعرف انت من تشبه ؟ تشبه الفيل المحبوس بالسيرك ..الي قادر يحطم كل شي ويهرب من سجنه يهرب من حياة العبودية والاذلال بس مايقدر مب لأنه ضعيف لا ..لأنه يفكر انه ضعيف ..لأن هالفيل وهو صغير ربطوا رجله بثقل اكبر منه ويوم كبر وصار حجمه اكبر من الثقل بأضعاف وصار قادر يدوس عليه ويحطمه ماقدر ..لأنه للحين على فكرة انه مايقدر يتخلص من هالثقل وان هالثقل راح يعيق حريته
اشر عليه بسبابته :انت هالفيل انت الي مب راضي تستوعب انك كبرت ..انت محبوس داخل فكرة براسك داخل فكرة ان أي عامل يشوفك بيذبحك ..بينما العكس تماماً ...انت قادر تتخطى لو فكرت تتعالج ..لو فكرت تدق على ماجد وبس تأخذ موعد من عنده بتكون سويت اول خطوة عشان تتحرر من قيودك
ناظره لثواني ودخل غرفته يبدل بينما طلال جالس بمكانه يناظر الفراغ وكلام نواف يتردد بباله
يحس انه دخل قلبه لأن نواف نادراً مايفصح عن الي بداخله وكلامه وانفعاله وقهره اكبر دليل انه سكت له كثير ..وكثير..وكثير
قام بعد ماشرب قهوته دفعه وحدة ومشى لغرفته يبي يأخذ شاور يصفي ذهنه وافكاره
وقف قدام المرايا وهو يفصخ ثوبه وعيونه على وجهه ..وصل الثلاثين ومافي بحياته ناس كثيرة من قلة اختلاطاته ..اغلب معارفه مايتعدون العشرين او الثلاثين ان كثرت اهله ونواف ورياض هذا بالسعودية والي بأمريكا فماكان يختلط بأحد كثير وتعود على الانطوائية
وده يعيش مثله مثل أي احد وده يكون رجل اعمال يداوم الصبح ويرجع بيته الظهر وعنده زوجة تنتظره وهي مجهزة غداه وياخذها العصر هي وعياله لبيت اهله يتقهوون او يطلعون يتمشون ويغيرون جو وبالليل يروح لأخوياه
محتاج فقط حياة طبيعية ..حياة مثل الناس
لكن من البنت الي بتقبل تتزوج واحد مستحيل يطلع من بيته مستحيل يروح لأماكن عامة مستحيل يسكن بأي مكان
من الاخويا الي بيقبلون يخاوون واحد مايقدر يروح معهم الا أماكن محددة ومستحيل يطلعهم أماكن عامة
دخل الحمام وراسه مصدع من كثرة التفكير
""""
فتحت باب جناحهم وهي نعسانة ياقوت مصحيتها من صبح ربي عشان الافتتاح ومانامت عدل
طار كل النوم يوم سمعت انفعال أمها
دخلت بسرعة وهي تحاول تركز لقت ابوها جالس يناظر أمها وهي منفعلة
المشهد دايم يكون بهالصورة ..ابوها مركز معها وارام جالسة بجمبه وهو حاضنها ويلعب بشعرها وامها فاتحة فمها تبربر
ام زمرد بنرفزة :يعني شلون الحين ..شبتسوي
زفر أبو زمرد : يا بنت الحلال هالدورة انا ابيها من زمان واحلم فيها شلون تمنعيني عنها!!
ام زمرد تخصرت :وكم مدتها هالدورة بالله ..كم ؟ شهر؟شهرين؟ سنننننة يا يامن سنة
دخلت لمهم :بسم الله الرحمن الرحيم شفيكم ؟؟شسالفة الدورة
أبو زمرد بهدوء:هذي دورة يا بنتي بتخصصي مدتها سنة بألمانيا ..وامك معيية اروح
ام زمرد :يامن! انت وراك مستشفى..وراك اهل هنا..شلون تتركنا كذا وتروح
أبو زمرد :إدارة المستشفى انتي تمسكينها وماعندي احد يمسكه غيرك ..وغير كذا بنتواصل انا مب مقاطعكم شفيك يابنت الحلال
زمرد:الحين يبة لو امي عيت مانت رايح ؟
ام زمرد ضحكت بقهر:ياعمري عليك يا بنتي ..الرجال ارسل أوراقه وحجز وسوا كل شي توه يتكرم ويقولنا
فتحت فمها :اممما
ام زمرد :شفتي شلون ؟
تنهد ابوزمرد وباس راس بنته وقام :بروح الحين اخبر امي وابوي..عن اذنكم
انقهرت ام زمرد زيادة لأنه حتى ماطيّب خاطرها ولا وعطاها علم من بدري
فصخت زمرد عبايتها بهدوء وقامت وجلست عند أمها الي تغلي من القهر باست خدها ومسكت يدينها وحطتهم بحضنها وهي تلعب فيهم :يمة خلاص لاتزعلين نفسك
ناظرتها ام زمرد نفس حركات ابوها لا جاي راضيها من نظراتها لجلستها جمبها لبوستها لمسكة يدينها
دفتها :خير انتي الثانية مسوية ابوك
ضحكت :شفييييك اذكرك بأبوي عسى تحنين
ام زمرد :هو الي ماحن مهب انا
عدلت جلستها :لا والله صدق ..الحين انتي مانعته من الروحة ليش؟ ماهو حاب الدورة وينتظرها ليش رافضة روحته ؟
ماردت عليها
غمزت لها :ماتبينه يغيب عنك ؟ قولي عادي
ام زمرد رفعت حواجبها :لا والله ؟ صرنا نعرف نسولف هالسوالف
ابتسمت لها زمرد :ترا أتكلم من جدي..تخيلي ماراح عشانك ..تظنينه بيكون مبسوط ؟ حتى لو جاملك بتحسين فيه يسلك وهو متقطع على الدورة ذي ..عكس لما يروح راح يحس بغيابك عنه ويفقدك واذا رجع يرجع وهو مشتاق لك وهو مبسوط انه حقق الي بباله ...بعدين انتي تنازلتي عن تخصصك الي تبيه ودخلتي طب عشانه وهو يوم طحتي ومرضتي بالخبيث وقف معك وساندك من كل قلبه ..ضحيتوا لبعض بأشياء كثييير..بعد كل هالعمر من التضحيات بتوقفين بوجهه ؟
ناظرتها بصمت لفترة ثم اشرت لها على غرفتها :حبيبتي انقلعي نامي
ابتسمت لها بفشلة وقامت حبت راسها :اشوفك على خير
وتركت أمها تفكر بكلامها
""""
دخل بيتهم وهو مصدع واهم شي عنده ان كيناز وافقت تسمع له
مشى للملحق الي مسكر من يوم ماسكن البيت
طلع مفتاحه من جيبه ودخله
قام له الي بالداخل :سويت الي قلت لك عليه ؟
هز راسه وهو نظره مشوش
ابتسم له وطلع من جيبه كيس فيه حبوب طلع منها حبة :كل ماخدمتني ..كل ما اكرمتك وعطيتك -مد له الحبة -واذا جبت لي حسان ولا كيناز لك الكيس بكبره
لقط لحبة من يده بكل لهفة وشمها بسعادة :ابشر ..كم سامر عندي
ابتسم له سامر : اقعد سولف لي وش سويت
جلس محمد على الأرض وهو مبتسم :رحت لها المستشفى وقعدت اسولف معها..اخوها حسان مومتقبلني ابد ولاهو حاب وجودي
سامر بقهر:اهخخ من هالحسان .. دمر كل شي ببالي -ناظره-اصبر عليه وجب راسه ..خله يحبك
محمد :ماعرف شلون بسوي كذا ..لكن الله يعين
سامر :حولت لها مهرها وسلمتها السايق والشغالة؟
محمد :لا بس ان اسمها انرفع للفرع الرئيسي
سامر :ايه لا تعطيها الي تبيه بسهولة ..خلك ثقيل
محمد :مابعطيها-زفر-ممكن تخليني أقوم استفرد بحبتي ؟
استحقره :قم استفرد فيها بعيد ..لا تخيسنا
وبسرعة قام محمد وهو ماسك جيبه بأحكام يتأكد ان الحبة بجيبه وطلع من الملحق وسكره
وطلع لبيته
دخل البيت بهدوء لين سمع صوتها الخايف:يمة..شفيه لبسك كذا
من دون مايناظرها :طحت بالشارع
زفرت بنرفزة:محمد ..تراك صرت رجل اعمال وعندك مايسد عين الشمس ..اترك حركات الفقر الي تعودت عليها
لف بعصبية:يعني شلون ..انا طيحت نفسي بنفسي ؟
توترت من وجهه الي انقلب:لا ما اقصد..بس
قاطعها :لا بس ولاشي..امسكي لسانك لا اقلب عليك بيتك بكبره
سكتت وهو طنشها وطلع غرفته
مايعرف اذا الي يسويه صح ولا خطا ..هو جالس يلعب على سامر..وسامر اكثر شخص متيقظ وفاهم له
بنفس الوقت ..كيناز الي مرت فيه صعب جداً على أي رجل انه يتحمله كيف هي وهي مرة
دخل الحمام وسكر الباب وراه وقفله قفلتين
وجلس وطلع الحبة من جيبه يناظرها ..سامر عنده كيس منها كل ماخدمه ونفذ أوامره ..بيعطيه اكثر واكثر
كيناز بنت مسكينة لو ساعدها ووقف معها بيرضى ضميره الي عذبه عليها
لو لعب على الحبلين محد بيكشفه
لكن لازم ينتبه لسامر ويحذر منه
""""""
الصبح
واقفين قدام المدرسة
حسان زفر :أسبوع كامل كنت مبسوط اني ماني شايف وجه النحس حميدوه
حزام :فكنا من المشاكل تكفى..الي فيني كافيني
مشى حسان داخل ومعه حزام :يصير خير ان شالله
مشوا للأدارة اول شي عشان موضوع غيابهم وتحول للمدير وراحوا له
ضبطوا امورهم ومشوا لحصصهم
دخل حسان فصله بعد مادق الباب
المدرس :حسان ؟ قاطعنا أسبوع وشوي ..كويس طرينا على بالك وداومت
ناظر بالمدرس:كانت عندي حالة وفاة
هز راسه :احس الله عزاك..اجلس اجلس ورانا درس
مشى بهدوء لمكانه وهو يحاول ماتطيح عينه بأحد لين وصل مكانه بأخر الفصل
جلس بهدوء يناظر للمدرس وهو يشرح
انتبه له المدرس:وين كتابك ياحسان ؟
كتبه كلها بسيارة سمير السواق :........
المدرس عصب:اكلمك يا حسان وين كتبك
ضاق خلقه عليه :خلاص ياستاذ كمل
ترك القلم وبراسه استقعاد :لا مارح اكمل ..لين متى الإهمال وعدم الحرص
تم يتأمل المدرس الي جالس يهاوش
لين سمع :خلاص يا أستاذ اتركه عشاني
التفت بغيض من الصوت ..كان حمد مبتسم بخبث للمدرس
والي صدمه ان المدرس رجع يكمل الدرس ولا كأنه هاوشه قبل شوي
قرر يطنش ويحط راسه وينام ..ويكفي شره
بالرغم من الازعاج وبالرغم من صوت الشرح وبالرغم من صوت الجرس وبالرغم ازعاج الطلاب
نام حسان بعمق ..شايل هم السطح الي بيسكنون فيه ..وهم المدرسة الي مايعرف شلون يتخرج منها ..وهم كيناز ومحمد ..وهم حزام واكتئابه
كل هالهموم بتخليه يهتم لأزعاج فصل وطلاب؟
فجاءة ماحس الا بالموية الباردة الي تنصب على راسه خلته يقوم مرتاع
ناظر بحقد لحمد الي مبتسم وهو باقي ماسك قارورة الموية
وقف ودف يده بقوة :خييييييير انت ..شتبي
حمد :واحشني ..كم لك غايب ماحضرت ؟.. شلت همك يا أخي
مارد عليه ورجع جلس
جلس حمد على الماصة الي قدامه :لا صدق وينك غايب
حسان تنرفز منه :حميد ..اتركني ماني فاضي لك
حمد :شرايك نروح اليوم للساحة ؟ يقولون بن عاطي بيكون موجود
على الرغم من الاسم الي جذبه ..بس ماعاد حسان الي ممكن يهتم :حمد..ابعد عن وجهي
حمد رفع حواجبه :تبنا؟ ولا حياة الفقر غيرتنا؟
زفر بضيق ووقف بقوة وسحب ياقة حمد ناحيته همس بأذنه :توطيت ببطنك قدام بيتكم ..ماني عايز اتوطى ببطنك هنا
عصب حمد ودفه :تبطي عظم ..سامحتك عشان الخوة الي بيننا لكن تعيد نفس السالفة وتهدد فيها لا والله الا تخسي وتهبى
حسان بسخرية :انت سامحتني ونسيت لكن تذكر كلامك الي مستحيل انساه
تضايق واخفض بصره :تعرفني اذا عصبت وانقهرت وش اسوي
حسان :اذا اني قهرتك ماتدخل اهلي وحالتي باللي بيننا ..عندك يد تتفاهم معي ..اما تولي سعد ينتقم لك ..وتروح تلعب بالسملق الي كنت اعدهم اخوياي واشوفهم يغيرون وجيههم عني ..عشان مجرد سالفة بيني وبينك
حمد:افهم انك مانت راضي ؟
تنرفز حسان :انت قذفت اختي الي مثل امي ..قذفتها قدامي لا حشمتني ولا حشمت الأيام الي كانت بيننا..اذا سامحتك اليوم وتهاوشنا بكرة شبتسوي بعد؟
حمد انقهر :ياحسان هذا طبع فيني عجزت اغيره
حسان :بفضل طبعك ..عرفت اخوياي منهم ..اقصد عرفت ان ماعاد لي اخوياي ..مشكور لأنك كشفت حقايقهم ومعادنهم لي ..مشكور لأنك كنت شرارة فتنة ماكنت ناقصها
تضايق حمد منه وشال نفسه ومشى
اما حسان كان مشحون ويدور الي يفرغ شحناته فيه وكان حمد الشخص المناسب
جلس على كرسيه وهو مقروف من هالمدرسة باللي فيها
ابد ماكان ناقص حمد حتى يكمل عليه ويذكره بجروحه
"""""""
عدا يومين على خروج كيناز من المستشفى
وسكنوا بسطح عمارتهم
غرفتين ابلكاش وحمام مشترك ومطبخ ..سوري مش مطبخ ..ركن بزاوية السطح فيها دافور وطشت موية لغسل الصحون مع صنبور صغير
وقفت كيناز وهي لابسة بجامة وفوقها وشاح ثقيل وهي تناظر الاطلالة الي تطل عليها عمارتهم..الي هي حديقة وشارع عام:الحسنة الوحيد هنا الجو والاطلالة
جا وراها حزام :ايه عادنا شتا والجو يساعد
دق الباب وسمعوا صوت حسان وراح حزام يفتح وهو مستغرب ليش مافتحه
فتح الباب ودخل حسان وهو ماسك بيد تميس وبيد الثانية كيس فول ودخل وراه محمد وهو ماسك كيس اسود فخم حبتين
تفاجاءت كيناز بجية محمد وراحت له تسلم عليه :ليش ماعطيتني خبر انك بتجي
ابتسم لها بهدوء وحب جبينها رفع لها الكيس :جاي لك مخصوص عشان اعطيك الي بيخليني اقدر اعطيك خبر بعدين
ابتسمت:ليش متعب نفسك
مد لها الكيس :لا تعب ولا حاجة
اخذت الكيس:الله يعطيك العافية
انتبهت له داخل مع حسان وحسان هادي مو معصب
ناظرته لقته جالس يفرش السفرة ويفتح صحن الفول ويتهامس مع حزام
حسان بهمس :ودي أقوم ارنه ارنه لين يلحس الأرض
حزام بنفس الهمس :شدعوة تاركه ..اعرفك ماتمسك نفسك
حسان :الياس طلبني
كيناز لمحمد :تفضل تعش معنا
ابتسم لها :المرات الجاية ان شالله ..مضطر ارجع البيت
ابتسمت له ورافقته للباب ورجعت لهم بسرعة :سبحان مغير الأحوال ..ماتوقعت اشوفكم سوا
حسان :خلاص الادمي صار نسيبنا ..ومافيها رجعة
هزت راسها :الحمدالله
حزام :وش جايب لك
تذكرت الكيس تركته وراها
لفت ناحيته ومدت يدها لين اخر شي عشان توصله بس كان ابعد صارت تحاول تقرب له لين طفش حسان وقام يجيبه لها ووعطاها
ابتسمت :مشكور ..تشنجت وماوصلت له
مارد وجلس مكانه ياكل
فتحت الكيس وطلعت علبة مغلفة وملصق عليها ورق مكتوب فيه الى زوجتي الغالية
فتحت العلبة وانصدمت ..هي توقعت جوال بس ماتوقعت يجيب لها ايفون اكس
حزام انصدم معاها :الرجال واضح بطراان
حسان بدون اهتمام :واحد من اخوياي قبل ما اتهاوش معه ..كان يشتريهم كنه يشتري حلاو ..اسراف
رجعته بالكيس :مارح اعرف له
حزام :منجدك ؟؟ مستوعبة انك من ايفون فايف لـ اكس ؟
حسان :ماعليك ..بتقلب الفكرة براسها وفجأة بتحصلها هنا تصور فيه سناب
ابتسم حزام ومارد وجلس ياكل
كيناز تغير الموضوع :شلون المدرسة الحين
حسان :جالس أحاول افهم ..بس الواضح انهم مشوا بالمناهج كثير
حزام :واحد من اخوياي عطاني دفتر الكيميا والفيزيا اكمل دفاتري منه ..وبرجعهم بكرا عشان يعطيني الرياضيات والاحياء
صدع راس حسان :انا ليه دخلت علمي يارب..كل شي صعب
حزام :والله لو تحاول تفهم وتركز ..مابيصير كل شي صعب
حسان :انت اسكت يا دودة ..تبلع الكتاب بلع ..وانا ماعندي هالخاصية
كيناز :عالعموم ..حاولوا انكم تشدون حيلكم ..حتى تدخلون التخصصات الي تبونها
هز راسه حزام بينما حسان زفر بضيق
وده بكلية الملك فهد الأمنية ..بس يعرف الدراسة فيها يعني لازم يبعد عن كيناز وحزام ..وهالاثنين مستحيل ومن سابع المستحيلات انه يبعد عنهم
هو ابعد عنهم أسبوعين وراحت منهم ميرال
مو مستعد يفقد احد ثاني
التفت لكيناز :وش صار على وظيفتك ؟
كيناز :امس رحت للبنك ..وقالوا لي ارجع ..لانهم رفعوا اسمي للفرع الرئيسي وقبلوا فيني مبدئياً بس لازم انتظر حتى يكلموني اباشر العمل
حسان :وكم راتبك بيكون ؟
ابتسمت له : 13 الف
شهق :واو ..وش بتسوين هناك حتى يعطونك هالراتب
كيناز :بكون نائبة مدير قسم الفي أي بي ..ومو أي احد يمسك هالمنصب..خصوصاً ويومياً بتقابل شخصيات هامة
انبسط حزام:الحمدالله ..صبرتي ونلتي
كيناز :بقسم الراتب ..خمس الاف تروح لخالد المويندي والفين لك والفين لحسان واربع الاف مصاريف الشهر
ابتسم حسان :الله يفتح علينا ونغير هالخرابة
حزام :انا أقول ماتعطينا الفين احسها كثيرة ومابنصرفها كلها ..الف او تسمع مية تكفي
حسان :صادق..وانا اوافقه
هزت راسها :خلينا نتوظف اول ثم يصير خير
حسان :ازين..نقعد نتعشم نتعشم وفالنهاية نلاقيك قهوجية
حزام ضحك :عاد قهوجية قوية
كيناز بغرور :اسكت انت وياه ..منصبي الحمدالله ماينزلني لقهوجية ..وشو قهوجية ذي اصلاً
"""""
اول مرة يقول لنواف لا تجي معي
مشى بتردد بأسياب العيادة الخاصة وهو متوتر وبباله الف فكرة تراجع
وقف قدام الباب ودقه بهدوء خارجي وانهيار داخلي
سمع :تفضل
فتح الباب ودخل :السلام عليكم
فز له :هلااااا هلا والله بولد العم
ارتاح شوي من ترحيبه :هلا فيك
سلم عليه بحرارة وابعد عنه يناظر وجهه :طلال ؟ ..ماني مصدق انك جايني بنفسك العيادة
زفر :جايك وانا بحرب داخلية مابين التراجع واني أحاول اجيك
ابتسم وسحبه يجلس :تفضل تفضل ..دامك جيت ..اعرف انك خطيت اول خطة للعلاج
راح وسكر باب مكتبه بالمفتاح واتجه ناحية الكوفي ميكر :وش الي خلاك تجي
طلال :زهقت
:غريبة ؟؟بعد 23 سنة زهقت ؟توك تزهق
زفر :ماجد ..يعلم الله ان بعدي عن أبوي مقوي قلبي..لكن احتكاكه الأخير فيني خلاني احس بضغط مو طبيعي
ماجد :ماعليك ..وصلت خير..بإذن الله بتتعالج وترجع طبيعي ..تعيش حياة طبيعية
ابتسم من قلبه مجرد ماتخيل الحياة الطبيعية الي راح يعيشها
ماجد :وين نواف ..اخبره ذيلك
طلال :جيت بلحالي ..اقوي نفسي
ماجد لف ناحيته وناوله كوب قهوة :تقهوى وعيّن من الله خير..راح نبدى اول جلسة
طلال :تراك مو جالس تهديني ابد
ابتسم :ماعليك بتهدى
جلس على مكتبه:شخبار اعمامك ..العم معن والعم يامن وابوك
طلال حط كوبه على الطاولة :الحمدالله بخير وماعليهم خلاف
ماجد :عاد العم يامن على انه زوج عمتي الا اني ماشوفه كثير ..بالرغم من اننا بمجال طبي واحد
طلال :تعرف الانشغالات غير انه ماسك مستشفى الجالك
ماجد :ايه صادق ..الله يعينك
طلال :شخبار العم منصور
ابتسم بسخرية :متوفي الله يرحمه
انصدم :انت صادق ..الله يرحمه ..سوري ماعرفت بـ
قاطعه :معذور يابن الناس ..عاذرك من حالتك
تفشل منه :اسف
"""""""""
مخرج
"احد عنده سلف صاحب بلا وجهين
ورب البيت له 10 من اصحابي "


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 17-02-2018, 06:32 PM
قلبي هاجر اضلعي هرب مني اليك قلبي هاجر اضلعي هرب مني اليك غير متصل
©؛°¨غرامي جديد¨°؛©
 
الافتراضي رد: أمطرني حُباً/بقلمي


او ام ججججججي
ذذس از جججججججلططططه !!!!!
حبيت محمد وكرهتو ف نفس اللحظة وججججعع!
احسو يحوب كيناز ويكرهها , مدري!
طلولي حبيبي اخيراً ححيتعالج , يعُمري علييييييه.
نواف دا زوجي التاني , جد جد صُحبتو هوا وطلال شييييء!
يجنننننننننو!
حمد دا باين انو مرا كريه , الله يبعدو عن حسان.
حُزام دا حبيت شخصيتو جدا !
وبس والله .
-بطلت معد ابا كيناز والياس يتزوجو.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 21-02-2018, 04:56 AM
صورة shomins al-r7ely الرمزية
shomins al-r7ely shomins al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


السلام عليكم
اعتذر كثيراً على جزئية اليوم القصيرة والتي لاتكاد تُذكر
رأيت انه من مصلحة الرواية اني ادمج جزء الثلاثاء والجمعة بجزء واحد انزله يوم الجمعة
حتى احافظ على الرتم
اعتذر على قُصر جزء اليوم وأعدكم بما يرضيكم الجمعة القادمة والجُمعات التي تليها بإذن واحد احد
شكراُ وعذراً مجدداً


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 21-02-2018, 04:56 AM
صورة shomins al-r7ely الرمزية
shomins al-r7ely shomins al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


7
مدخل
"لن يشفيكَ الهرب, كل الشفاء بالمواجهة"
غادة الصالح
"""""
عطاه ابرة مهدئة حتى تتركه يسترسل بكلامه
خلاه ينسدح على الاريكة الشبه قايمة ..واخفض الإضاءة :طلال
طلال الي نظره مصوب للسقف:امر
ماجد :ابيك تغمض عيونك ..وترجع بالزمن ورا للوقت الي تحاول تنساه ..ارجع ل23 سنة بالخلف ..وسولف لي
زفر بهدوء وغمض عيونه وقام يتكلم بصوت مهزوز وببطئ :كان يوم مثل أي يوم العب عند ابوي ..امي كانت تتركني عنده اذا كانت عندها طلعة مهمة مع جدتي
كنت العب قدامه وارقى فوق الكنب واصارخ -ابتسم بتوتر- والظاهر وقتها اني ازعجته صارخ علي وقالي اطلع برا عند جدك -غمض عيونه بقوة وكأنه مايبي يكمل- امي وصته علي قالت له انتبه على سنان بس هو مانتبه علي وماعطاها وجه
كان مشغول يسولف بجواله وانا نزلت الحديقة
ذاك اليوم ماكان فيه احد والهوا كان يهب بشكل غريب والهدوء مرعب
نزلت الحديقة العب بلحالي -سكت يوم حس بدموع حارة تنزل على خدوده وعجز يكمل
ذكرى سيئة يكره يرجع لها ويخاف منها
يحس بصعوبة في التنفس وخوف شديد اجتاح قلبه
ارتجف يوم لمس ماجد يده وفز من مكانه ..فتح عيونه وهو يتنفس بصعوبة ويضرب على صدره ضربات متباعدة ويناظر حوله برعب
وقف له ماجد ومسكه من كتوفه وهو يقرب له :طلال ..طلال ..طلال
بس طلال ماكان يجاوبه ..خايف ..يناظر بالغرفة يخاف يكون فيه احد ..يناظر بالباب يخاف يدخل أي احد
مسكه ماجد واحتوى وجهه بيدينه وهو يناديه:طلال ..طلال ..طلال تسمعني
بقوة ثبت طلال عيونه بعيون ماجد الي همس له :مافيه احد يا طلال ..انا وانت بس الي موجودين ..مافيه احد غيرنا ..اهدى يا طلال
دفه بشويش عنه وارخى راسه الي صدع
تركه ماجد وراح لمكتبه :اشرب الموية الي بيمينك -فتح دفتر العيادة -راح اوصيك على مهدئات تخليك تسترخي ..كل ماجتك هالحالة ..تبلع حبة من كل وحدة..تمام؟
وقف ببطئ يخاف يدوخ:الجلسات بتكون متعبة بهالشكل؟
ابتسم :وبالجلسات الجاية ..التعب راح يخف..تذكر ان رحلة العلاج بدأت اول مافكرت تجيني ..وبأذن الله نقفل انا وياك صفحة هالمرض للأبد
ابتسم بتعب :بأذن الله
مد له الورقة الي كتب فيها العلاجات :تفضل..الجلسة الجاية بالاسبوع الجاية..لاتتتأخر
اخذ الورقة :يعطيك العافية طبيبنا..اشوفك الليلة
ماجد :ابد..اول الحاضرين ان شالله
ودعه وطلع من عنده بينما ماجد رفع جواله ودق على نواف
ماجد :هلا نواف
نواف:هلا حبيبي..جاك طلال ؟
ماجد :توه طالع من عندي ..رحلة العلاج معه خط طويل وصعب..بأذن الله يتخطاه
نواف :يارجال تهون ان شالله
ماجد :اهم شي انت قوي قلبك وطول بالك
نواف :شدعوة ؟
ماجد :لازم تكون معه بجلسات العلاج دامك اقرب شخص له
نواف:مهبول انت ؟...طليّل من بعد الي صار وانا معه ماتفارقنا ابد ..طلال صار روتيني ..ابد لا تهتم من هالناحية
ماجد :الحمدالله ..يلا اجل اشوفك الليلة
نواف :معزوم ؟
ماجد :لا جاي من نفسي
ضحك :الله يحيك
طاح نظره بملفات المرضى:يلا اجل وراي مرضى اشوفهم
نواف:طيب سلام ..نتناقش اكثر الليلة
""""""
قاعدة في البلكونة ولابسة ليقنز اسود وبدي ابيض وبلوفر اصفروبيدها جوالها شابكة السماعات
طلعت البلكونة تبي تغير جو وتستعد لعزيمة الليل بعدين
دق جوالها بنغمة الواتس فتحته بسرعة لقت رسالة من عبدالرحمن "انا تحت انزلي"
شهقت من قلبها ونطت تطل من فوق لقت سيارته داخلة من البوابة
بسرعة قامت وطلعت غرفتها وراحت لتسريحتها تناظر وجهها ..حطت مرطب احمر وتكحلت وحطت مسكرا وبسرعة مشت بالبلاشر على خدها ثم خذت عطرها وبخت منه بختين
وتوترت من شعرها شتسوي فيه لكن جابت شعرها على جمب ورفعت الكاب حق البلوفر ونزلت وهي تفكر بالكلام الي بيقوله
هوشتهم هالمرة كانت على سالفة شبه سخيفة بالنسبة له
نزلت بالدرج وهي مستعجلة وقابلت بطريقها وحدة من العاملات :القهوة جاهزة ؟
هزت راسها
ياقوت بعجلة :يلا اجل ..كويكلي
وقفت عند باب المجلس وخذت نفس عميق ومطت ملامح وجهها لين بردت ملامحها
دخلت بهدوء :السلام عليكم
كان جالس على الكنبة لابس ثوب اسود وشماغ احمر وسبحة بيده
بالنسبة لياقوت توترت منه ريحة عطره الثقيلة ووقفته لها اول مادخلت
سلمت عليه وباس خدها وجبينها :السلام عليكِ سرقتِ قلبي-تنهد-وعليكِ السلام فيما سرقتِ
ضحكت بخجل :كأنه انلعب بحسبة العبارة
بنفس هدوئه ابتسم:سخرت لرضاك الشعر
جوهر درر غالي سعر
امشي لك الدرب الوعر
ماجيب لك قافٍ ركيك
زمت فمها تخفى ابتسامتها وجلست جمبه :صح لسانك
ابتسم برقة:صح بدنك
ياقوت :افهم انك اقتنعت بكلامي
هز راسه بالنفي :ابداً..جاي اقفل الموضوع
انقهرت :وش الي قاهرك بالموضوع ؟؟
عبدالرحمن ببرود:انا اوصلك مشاوريك سواقك يوصلك..اما سالفة تسوقين لا
ياقوت انفعلت:وش فيها لو سقت؟ بعباتي اللهم انا الي ماسكة القيادة ..مافيه فرق
هز راسه بالنفي:لا
ضربت برجلها الأرض بنرفزة
ناظرها من فوق لتحت :انا رجال اغاار شلون تفهمين ؟ اغغار يابنت الحلال
ياقوت :تغار من وش ؟ من الدركسون يعني ولا الدواسات
مارد عليها وجلس يستغفر بسبحته
ياقوت من قوة الانفعالات وان الموضوع هامها وبقوة تربعت ووجهت جسمها ناحيته:عبدالرحمن يا حبيبي..لاجيت اسوق كل العالم بتسوق معي ماني بلحالي
رفع حواجبه :صدق؟ توي ادري
زفرت :طيب؟ وش السواة الحين
عبدالرحمن بهدوء:سواقة مافيه ..مرة تبين تسوقين اوديك الثمامة ولا المزرعة تسوقين لين تدوخين
سد نفسها :لا
ابتسم ووقف وماعطاها مجال :اوكي دام انحل الموضوع ..يلا البسي عبايتك وانزلي
فتحت عيونها:ماقفلته انا ولا حليناه ..باقي مصرة عليه
عبدالرحمن :طيب امشي نطلع نتغدى ونتفاهم برا..مكلم ابوك لاتخافين
زفرت وقامت غلبها بالموضوع وماكسر مجاديفها الا انه مصر وماتزحزح ابد :طيب بس نرجع بدري ..ورانا سهرة بشاليه
عبدالرحمن :ماعليك برجعك تلبسين وانا اوصلك بنفسي
ماردت وكلمت العاملة تجيب عباتها
""""""
دخلت المركز بهيبتها وخطواتها الوثقة
وراحت بصمت بجهاز التبصيم وطلعت لـ اللفت متجهة لمكتبها بعد مابتسمت لموظفات الاستقبال
دخلت المكتب وحطت شنطتها على مكتبها وفصخت العباية ووقفت قدام المرايا تعدل لبسها
لبست بنطلون اسود وبلوزة بيضا مشجرة شيفون وكعب اسود
تأكدت من المكيب السريع الي حطته ومن شعرها الي لمته من فوق وتركته مفتوح واخر شي تعطرت من عطر فيرزاتشي
دخلت سكرتيرتها :صباح الخير
التفت لها :هلا صباح النور
السكرتيرة:اليوم مافي شي..بس جولة سريعة على المركز
ابتسمت :تمام -سحبت جوالها من شنطتها-يلا
طلعت مع السكرتيرة تأخذ معها الجولة ..هالاسبوع قررت تترك ولدها ببيت عمها أبو رياض لين تاخذ على وضع المركز ثم تجيبه هو والعاملة الي جابتها له
نزلت للجم وشافت المدربات كلهم متجمعات بكلاس الزومبا وقاعدين يرقصون وقفت تناظرلهم من ورا الجدار القزاز وهي مبتسمة كارولينا وجنيفر اندمجوا سريع مع المدربات السعوديات
انتبهت لها جنيفر وصارت تأشرلها تدخل
ابتسمت واشرت لها بس اروى عيت تدخل واشرت لها انها بتمشي
الا ان جنيفر تحمست وطلعت لها وهي تسحبها هي والسكرتيرة للكلاس
دخلت معهم
هذي جلساتهم قبل ينفتح المركز للعملاء كانت اروى تحاول تحافظ على انسجام الموظفات ببعض حتى تكون بيئة العمل مريحة
"""""""
جالسة بزاوية الغرفة الشبه متهالكة وبيدها صورة أمها وابوها الي اخذتهم من ميرال ..ماخذت الا صورتين صورة أمها وابوها وصورة لها مع اخوانها وميرال
تتأمل بصورة أمها وابوها وهي تمسح بطرف أناملها على ملامحهم
ابوها الي مافيوم غابت من عيونه نظرة الافتخار فيها ..كلامها الي كل حرف منه ياخذه بعين الاعتبار ..وكل طلب تطلبه يتنفذ..كان يقولها انتي الي اشوفني فيك من صغرك ..انتي خليفتي
رجعت بالزمن ورا للذكريات الي بدت تتحاذف عليها مع كل تجعيدة تتأملها بوجه ابوها ..رجعت لليوم الي توفى فيه كيف انهيارهم يوم طاح عليهم كيف ترجوه يبقى معهم ولا يلحق امهم
ذاك الخميس تتذكره بكل تفاصيله من اوله ..يوم كان يراجع أوراق مشروعه على طاولة الطعام الصباح
وحسان وحزام بجمبه يتناقشون بمباراة امس وميرال تفطر بهدوء وهي كانت تفطر بسرعة لأن وراها دوام وتخاف تتأخر ,,قامت وحبت راسه وودعته وطلعت الدوام ويوم رجعت وهي جايبة معها الغدا وجهزته واخوانها تجمعوا
تذكر يوم كانوا جالسين على طاولة الطعام يحترون ابوهم يرجع ويتغدون سوا مثل أي يوم ومثل كل يوم عاشوه معاه
لين دخل وهو وجهه بارد بدون ملامح وزف لهم خبر خسارته للمشروع
فزوا له يحبون راسه ويواسونه بس ماكان معهم ماكان تفكيره معهم
كان يفكر بحجم الخسارة وحجم الدين الي فوق ظهره
ومالحق يفكر كثير ومالحق يشيل هم كثير ومالحق يزعل كثير لأنه طاح عليهم بسكتة قلبية
خلتهم هم الي يفكرون كثير وهم الي يشيلون هم وهم الي يزعلون
نفرت دموعها هي تتذكر كيف رجعوا بيتهم ذيك الليلة وهم منهارين وكل واحد منهم رمى نفسه بمكان يحاولون يستوعبون انهم انتركوا بلحالهم بهالعالم
ميرال طول ذاك اليوم بقى معها حسان لين درا بوفاته من حزام واضطر يترك ميرال ويروح لهم المستشفى
ليلتهم الكئيبة ذيك خلفت حزن عظيم مستحيل تنساه كيناز ..لان ذاك اليوم الأخير بحياته ..كأن اخر يوم تعيشه براحة
منهو واسطتها الي بتدق عليه ينقذها من القسم الي ماتبيه
منهو الي يلبي كل شي تشتهيه ويجي ببالها
منهو الي لاتراجعت يدفها ولاطاحت يقومها
تضحك ليش بغيابه وتبكي ليش بوجوده
كان شي عظيم بحياتها ويظل عظيم بقلبها
محد غطى فقدها بأمها غيره
بس مين يغطي فقده هو ..مين يغطي الفجوة الكبيرة الي تركها بحياتها
مسحت دموعها وهي تحاول تتماسك قد ماتقدر عشان حسان وحزام
سمعت باب السطح يدق حطت الصورة بشنطتها وقامت على حيلها وهي تناظر الساعة الي بيدها بدري على رجعة حسان وحزام
كيناز :مين؟
:انا المقدم الياس ..معليش على الازعاج بس لقينا أغراض لكم بالشقة ماحترقت وظلت سليمة
استغربت أغراض؟:طيب اتركها عند الباب وبشوفها
الياس :طيب
كيناز:الله يعطيك العافية ماتقصر
الياس :الله يعافيك
انتظرته يمشي ثم فتحت الباب تطل على الأغراض
كان صندوق خشب متوسط الحجم بس ثقيل ..مالحقت النار تلتهمه كله لأنها كانت حاطة فوقه صناديق أغراض ثانية
طلعت وسحبته بقوة للداخل ..هذا الصندوق فيه أغراض لهم من بيتهم القديم ..وماباعته ..كانت تبي تحتفظ بشي بسيط يذكرها بذاك البيت
مافكرت تفتحه على الأقل لين يرجعون حسان وحزام من المدرسة
""""""""
مخرج
"وقد يجمع الله كسير قلبٍ بكسيرٍ مثله
فيلتئما ويكتملا"


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 21-02-2018, 04:57 AM
أختي صغيرتي أختي صغيرتي متصل الآن
©؛°¨غرامي فعال ¨°؛©
 
الافتراضي رد: أمطرني حُباً/بقلمي


شكرا لك و بالتوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 21-02-2018, 05:04 AM
صورة shomins al-r7ely الرمزية
shomins al-r7ely shomins al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


اقتباس:
المشاركة الأساسية كتبها قلبي هاجر اضلعي هرب مني اليك مشاهدة المشاركة
او ام ججججججي
ذذس از جججججججلططططه !!!!!
حبيت محمد وكرهتو ف نفس اللحظة وججججعع!
احسو يحوب كيناز ويكرهها , مدري!
طلولي حبيبي اخيراً ححيتعالج , يعُمري علييييييه.
نواف دا زوجي التاني , جد جد صُحبتو هوا وطلال شييييء!
يجنننننننننو!
حمد دا باين انو مرا كريه , الله يبعدو عن حسان.
حُزام دا حبيت شخصيتو جدا !
وبس والله .
-بطلت معد ابا كيناز والياس يتزوجو.
انبسط بردك وبعفويتك كثييير
محمد قاعد يتخبط بين ضميره وادمانه
وطلال ونواف مثلك احبهم كثير
حِزام شخصيته عميقة وعقلانية والايام الجاية تثبت ان شالله
كيناز والياس ههههههههههههههههههههههههه
اسعدتيني


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1