غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 22-02-2018, 04:42 PM
قلبي هاجر اضلعي هرب مني اليك قلبي هاجر اضلعي هرب مني اليك غير متصل
©؛°¨غرامي جديد¨°؛©
 
الافتراضي رد: أمطرني حُباً/بقلمي


هههههههههههووووووولاااا.
احرجتيني يختي هههههههههههههههههههههههههههههههههههههههههههههههههه هههههههههههههههههههههههههههههههههههههههههههه.
المهم :
ماجد احس كدا حيكون دورو مرا كبير ف الرواية.
امم طلال ونواف هما التوب عندي لين دحين , يمههه منهم يجننو!!!
وياقوت ودا زوجها كيوت مرا , الله يرزقنا بس.
اروى كدا شخصيتها جميله مرا , لو عندي ولد حخطبها لو.
امممم كيناز يَ كيناز جد احترت احس حتساعد محمد وتخليه يتعالج ونفس الوقت احسها تناسب الياس.
لا تططولي علينا يَ مممممُزه.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 24-02-2018, 10:16 AM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


السلام عليكم
جزء اليوم
بنفس قصر جزء الثلاثاء
للتذكير
تغيرت مواعيد التنزيل واصبحت يوم الجمعة فقط بمعدل جزئين
حدث التغير لمصلحة الرواية وللمحافظة على الرتم
التقيكم الجمعة القادمة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 24-02-2018, 10:16 AM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


8
مدخل
"وَنَعُوذ بِكَ مِن طول التَّمني
وَحِرمَان الوُصُول!"
شمس الدين التبريزي
"""""
بالمجلس الي بالشاليه
خذت ام حمد فنجان القهوة من العاملة الي قهوتها :عقب هالسنين فكرتي فيها يا نازك ؟... عجيب امرك
ام طلال بنرفزة :انت ورا ماتركزين بسوالفنا ؟ اقولك حلمت فيهااا
عدلت جلستها بأهتمام :صدق والله؟ توه مكلمني حمد ومالحقت اركز ..عيدي السالفة
ام سعود بضجر:خلها تكمل ثم تعيد لك بعدين
ام حمد :لا خلها تعيد من البداية حتى افهم
ام عبدالرحمن :عيدي عيدي السالفة لا تصجنا
زفرت :السالفة يا حبيبتي ..تذكرين نورة اختي من امي..الي كلمتيها تحضر عرسي ؟
ام حمد :ايه وبعده؟
ام طلال:زوجها كان محامي لمجموعة شركات العويقلي الي باع لهم الماخوذ عساف املاك اخوك صالح ..ويوم استرجع صالح املاكه وهو درى بقرابتنا منعها توصلني وحلف عليها بالطلاق ان قربت صوبي او جابت طارييّ وانقطعنا لنا ثلاثين سنة ..بعمر سنان ولدي
ام حمد :ذي السالفة اعرفها وخالصين منها ..انا ابي الحلم وشهو
ام نواف تنرفزت :ذي الي يبي لها دق
ام عبدالرحمن انقهرت :توها بتقول الحلم وقاطعتينا
ضحكت :محد قالكم ماتفهموني ..خلاص كملي
طنشتها وكملت :حلمت فيها تجيني وهي تصيح وتمسك يديني وتوصيني على ناس ماعرفهم ..فزيت من نومي اصيح من منظرها
ام عبدالرحمن حزنت عليها :ماتدرين شصار فيها بعد كل هالسنين قوي قلبك وان شالله ربي يلطف فيها وفي حالها
ام حمد :وش اسم زوجها اذكر لنا جار محامي متوفي من سنتين ..لا يكون هو بس
ام طلال قطبت حواجبها تحاول تتذكر:محمد او عبدالله الخويزم كذا
ام حمد هزت راسها بالنفي:لا مب هو ..المحامي الي توفى بحينا كان اسمه عبدالعزيز
ام طلال :ان شالله معن يجيب لي خبر عنها..كلمته قبل كم يوم
دخلت ام زمرد ووراها بناتها زمرد وارام :لو سمحتوا الكل يسكت جاكم الحلو المسكت
ضحكت زمرد ومسكت يدها :يمة ماتنقال بمجالس الحريم
ام زمرد :عاد ذولي شلتي من قبل لا اجيبك يلا عاد
وقفت ام حمد تسلم عليها :شعندها الدكتورة مبسوطة
ام زمرد :لا والله ماني مبسوطة ..حبيبي يامن مسافر بكرا
ام طلال وهي بعد واقفة تنتظرها توصلها وتسلم عليها :بسم الله !! اول مرة يسافر
ام زمرد :هي لوكانت مثل سفراته الأوليات ماكان قلت شييييي
سلمت عليهم كلهم وجلست بقرف:رايح مع مجموعة أطباء اكفاء كوفد طبي لألمانيا ..في حالة سعودية عندها مرض غريب بالاعصاب وبيستمرون معها برحلة العلاج الي مدتها سنة وشي
ام نواف :وانتي وش مزعلك ؟ اهم شي انه من مجموعة الأطباء الاكفاء
ام طلال:بس سنة !!قوية
ام حمد :انتي شفيك زعلانة ..تفتكين منه شوي ..اوكي ماهي شوي بس يعني ترجعين إحساس العزوبية ومكالماتكم اخر الليل
كشت على نفسها:قال مكالمات اخر الليل قال ..مكلفني بإدارة المستشفى يعني فوق وجع الفرقى كرف
ام نواف:بتمر سريع هالسنة ..ادعي بس للمريض الي رايحين معه يتشافى ويفكك
ام زمرد:والله ادعي له بكل صلاة اصليها ..امتحنا الله يشفيه
""""""
قسم الرجال بالشاليه كان عبارة عن فيلا صغيرونة الدور الأول مقلط كبير ومجلس وحمامات ومطبخ والدور الثاني صالة وغرف نوم والصالة مقسمة نصين نص داخلي من ضمن الفيلا ونص خارجي كشرفة تطل على المسبح وثلاث جلسات موزعة
الرجال كانو بالمقلط والعيال جالسين معهم
ماعدى نواف وماجد طلعوا لجلسة خارجية قدام المسبح
ماجد:جلست معه جلسة اليوم ابي اعرف منها حدود الفوبيا الي قادر يتذكرها..حتى بعدها ابدى معه جلسات تنويم مغناطيسي ثم تعريضه للمصدر بشكل خفيف ثم قوي
نواف كان منصت له بتركيز :طيب نفسيته كيف بتكون بعد جلسات التنويم والتعريض للمصدر؟
زفر :هنا المشكلة ..محتاج لبيئة محفزة يبدى يتعالج فيها ..من الأخير تراه محتاج يصفي حساباته مع ابوه
نواف :انت تدري ان بُعد عمي عنه بسبب هالفوبيا ..كل ماشافه حس بالذنب وكره نفسه عشان كذا ابعد عنه
ماجد :طيب طلال فاهم الموضوع كذا؟
نواف:مو حنا عجزنا نفهمه لأنه راح ينهار علينا ..هذي هي المشكلة
سكت ماجد لبرهة يفكر
ونواف يناظره بصمت
ماجد:ضروري يحس بأبوه بطريقة غير مباشرة ..من دون مانبين له اننا قاصدين
نواف :وش هي الطريقة ؟
ماجد :اصبر اقلبها براسي
نواف ابتسم لطلال الي جاييهم :طرينا القط جانا ينط
طلال مارد وجلس معهم :ماشالله سوالف عمي صالح تصدع بالراس
ماجد :اشوفكم ناسين علومنا وماصارت تعجبكم
طلال :ايه والله ..مادري شالتخلف هذا
نواف بقرف:يعني مثلاً ..حركة صدر المجلس !! حركة صب القهوة لشخص ويقدم الي بجمبه والي بجمبه يقدمه يجي الصبح وهم يقدمون ببعض
ماجد :حركة صدر المجلس ذي مفروغ منها ..ان شالله تبي عمي سعد يجلس بجمب الباب ولا اخر الجلسة وش منظره
نواف :مافيه منظر ..مانقص من عمره ومقداره شي
ماجد:أقول اهجد ..هذي الأمور نعرفها مع الأيام ومع مجالس الرجال ..اصا
طلال :هذا ماجد ورد عليك كذا.. عبدالرحمن شبيسوي
نواف يهايط :وش بيسوي هالبدوي يعني ..وينه أقوله بوجهه
حس بلسعة اليمة على رقبته التفت بفزع
جلس عبدالرحمن بعد ماضربه بطرف سبحته :وهذا هو البدوي هنا ..قول يلا
مرر يده على رقبته :وانت ماعندك الا عنف ؟ وين لغة الحوار وين لغة التفاهم -التفت لطلال الي يضحك عليه مع ماجد-انت قوله لا تسكت له
طلال رفع حواجبه :وش أقوله
انحشر طبيعي يرمي كل شي على ظهر طلال:قوله عن سوالف عمي صالح
اخذ قارورة الموية الي على الطاولة وفكها بهدوء:وش فيه عمي صالح ماعنده الا كل علم طيب
ابتسم عبدالرحمن لنواف:الواضح ان العلوم كلها عندك
هجم بتهرب من الموضوع الأساسي:أقول احترم نفسك ولا ترا مانزوجك بنتنا
رفع عبدالرحمن حواجبه :صدق ؟
همس طلال له وهو يأشر على اصبعه البنصر:مملكين خلاص
لف له نواف:ايه احارشها عليك..عاد ماشالله ماتحتاجون شي من كلمة تتزاعلون
سكت ثواني يناظر بنواف بعد ماتذكر السنابة الي أرسلها له
توتر نواف من سكوته :شفيك !
وقف وهو يرفع عقاله :وش انت راسل قبل يومين
وقف ماجد :الواضح انها بتقب هنا ..بدخل داخل-ومشى تاركهم
وقف نواف وهو يشوفه يفرد العقال :نعم بتطق يعني ولا وشـ
صرخ بألم من ضربة عبدالرحمن بالعقال على فخذه: اااااااااااهخخ خير يبوي
ضحك عبدالرحمن :تعلم علومنا يالبزر ..لاتقعد تتحلطم علينا
فرك مكان الضربة وحقد على عبدالرحمن :وش ذا المزح البايخ
بكل برود عدل عقاله ورجعه فوق راسه :ذا مزح الرجاجيل..ودك بمزح البزران شف الشاليه الي بجمبنا عندهم الخير
طلال لحد يدوره جالس مكانه ويضحك على نواف
ناظره نواف :انت مبسوط ها
طلال والي من زمان ماضحك كذا ماقدر يرد عليه
نواف انبسط وماحب يخلي ضحكته توقف عند هالحد لف لعبدالرحمن :تبي مزح الرجال الي على مستواك هاه
عبدالرحمن رفع حواجبه :شبتسوي ؟ليتك جاي بثوب وشماغ الا مفشلنا وجاي ببدلة
ناظر نواف لبسة بنطلون جنز وتيشرت برشلونه :هذي بدلة يا جاهل ؟
مارد عليه
ونواف مصر :تراي العب حديد وموقف لي شهر
هز راسه باستفهام :طيب؟
راح له بسرعة ورفعه على كتفه وشاله وركض فيه ناحية المسبح ورماه عبدالرحمن كان اذكى تمسك فيه بقوة وسحبه معه وطاحوا اثنينهم
طلع نواف راسه ومسح وجهه بقهر
طلع وراه عبدالرحمن وهو يضحك
نواف انقهر زود ودفن راسه تحت :حمااااااار
""""""
واقف قدام العمارة وهو متردد ..نادته يجيها ..اكيد بتسأله ..على غيابه ..على مانع الي زل بطاريه
كان منهار ذيك اللحظة ومحتاج حبة غير ضغط عمه عليه
دخل دهليس العمارة وهو شايل هم ومتوتر من ردة فعلها ويمشي على قشر بيض مايبي يوصل بسرعة
طلع للسطح ودق الباب وهو يدعي ان اخوانها مايكونون موجودين ماهو ناقصهم
سمع صوتها :مين ؟
:انا محمد
فتحت الباب بهدوء ووقفت وراه تنتظره يدخل
دخل والتفت لها كانت واقفة ورا الباب بهدوء وابتسمت بحيا اول ماشافته
رد الابتسامة وصافحها وحب خدودها ودخل معها لنص السطح
جلس على الفرش الأحمر الي فارشينه بنص وحاطين ثلاث مراكي
سحب له مركى وتكى عليه :اخبارك
راحت لم كرتون الموية وسحبت قارورتين ومشت ناحيته :الحمدالله طيبة ..اخبارك انت
محمد :بخير دامك بخير
اخذ منها قارورة الموية وفتحها وشرب منها وعيونه معلقة عليها ملفته جمالها بياض بشرتها وملامحها الحادة عيونها وحواجبها المرسوم خشمها وفمها الصغير وشعرها البندقي الي توها منشفته وتاركته للهوا يلعب فيه
كانت لابسة قميص روز الوانه شبه رايحة فيها بس ماهتم جمالها طغى عن كل شي
سكر قارورة الموية وهمس بهدوء :امري بغيتيني بوش ؟
سكتت ثواني ثم تكلمت وهي ترجع شعرها ورا اذنها:ابي اعرف كل شي عنك ..صرفت اخواني حتى ماتقع في الاحراجات
حس كل شي طار منه كومة التبريرات والحجج الي جهزها عشان مايجاوب عليها اختفت غمض عيونه وزفر بضيق :ترا انا كنت قهوجي ببيت معزبي عامر اسكن مع السووايق الي ببيته ..انحديت على هالوظيفة بسبب الحاجة ..لكني كنت مخلص افز له قبل مايناديني والبي كل أوامره بأسرع وقت وبأروع مايكون ..لين ماصار بيني وبين سكرتيره فرق ..حتى انه عيّن صبي ثاني يقهويه هو وضيوفه وانا صرت سواقه الخاص ومرافقه الشخصي ..اخلص اموره الغير قانونية والي تحتاج لتعامل خاص ..لين يوم شفت بنته الي تطلع لي كل شوي وبكل مكان اعجبتني ولأني بموقف مايسمح له انه يرفض مني أي طلب لأني صندوقه الأسود ..خطبتها ووافق ..عزني ورزني واهداني بيت باسمي وسيارتين وحدة جيب والثانية مرسيدس وصرت بهالحالة الي تشوفيني فيها بالنهار وقدام الناس رجل اعمال ونسيب عامر العرانيبي وبالليل محاية لكل مصايبه الي محد يدري عنها
كيناز رفعت يدها تقاطعه وهو سكت :وش دخل مانع ..ووش علاقة هالقصة بسالفة زواجك مني
توتر اكثر ...قصته الي حاول يظللها فيها مانجحت
سكت يناظرها :هاه ؟
كيناز :انت قلت لي قصتك كيف صرت رجل اعمال ..بس هذا مايخصني ..تخصني سالفة زواجك مني وسالفة مانع
غمض عيونه وهو حاس انه انحشر
تنهد :مانع يصير ولد عم عامر ..تقابلنا كثير بسبب اعمال عامر الغير قانونية مع مانع ..مانع هذا مثل عامر له صندوق اسود ..اسمه سامر أتوقع ان بداياته مثلي من شخص فقير مايملك شي لصندوق اسود لأهم التجار بالبلد
كيناز توترت من أسلوبه :محمد اختصر
بلل شفاته وتكلم وهو على أسلوبه :خاويت سامر وصرت اقعد معه كثير والجئ له اغلب الأحيان بأمور يساعدني فيها كونه مع مانع له سنين اكثر من السنتين الي قضيتها معه
:سنتين ؟ قبل مايتوفى ابوي الله يرحمه
بلع ريقه هالمرة ووقف ..وقفت وراه :محمد وين ؟.. كمل
ماناظرها والتفت للباب بيطلع :اعتذر لازم اطلع
لو تكلم زيادة بيجيب العيد وبيكب العشا
كانت بالمستشفى ضعيفة ومع تعبه وعجزه تكلم بمشاعره عكس واقعه ..واقعه يحتم عليه يكتم حتى لو مايبي
تفاجئ بدخول واحد من التوأم من باب السطح وعيونه تنطق بالشر ومالحق يدفه لأن التوام الثاني سحبه من ثوبه من ورا وضربه على راسه بقوة
ارتاعت كيناز ولمت حسان من ورا وهي ترجع للخلف :خلاااص ذبحته
نفض نفسه منها بعصبية :اتركينييي
هبط حزام عند محمد الي طاح بالأرض وماتحمل الضربة كان ماسك راسه وملامحه وجهه تعبر عن الم فظيع :انت بخير ؟
دفه محمد ونوى يقوم بس حزام اصر ومسك يده يسحبه وقف بترنح ومامداه يسحب يده جره حزام من يده ناحية الجدار وبحركة سريعة سكر الكلبش على يده
وقف ثواني مصدوم وماهو مستوعب يحرك يده بس كانت ممسوكة بكلبش ليده اليسار والكلبش الثاني بعامود تصريف مياه نهايته يشق الأرض لجوف العمارة وبدايته ماياصلها
التفت بسرعة لكيناز الي ماتناظره وواقفة تتكلم مع حسان
حاول يسحب يده بس بالنهاية هذا كلبش ..ناظر بحزام الي دف كرسي صغير ناحيته وببرود :اجلس
انقهر انقهر انقهر شلون طاح بيدهم بهالطريقة شلووون
رفس الكرسي وبنرفزة :فك يدي احسن ماتشوفون تصرف مايعجبكم
جا له حسان وهو رافع حاجب :لا الله ؟ شعنده القهوجي ؟ مابتسوي لنا قهوة ولا وشو ؟
ناظره محمد بحقد :فك يدي بدون ما اطلبك مرة ثانية ..اثنين من رجالي تحت ولو تأخرت عليـ
مالحق يكمل لأن حسان قاطعه بلكمة على وجهه
جاته كيناز بحوف وسحبته :حسان تكفى خلاص
لف ناحيتها بعصبية :نعم ؟ ماتسمعينه شكان بيقول ؟ هذا له علاقة بموتة ابوي وله له علاقة بموتة ميرال ؟ خايفة عليه على كفين ؟..تبين تسمعين شبيقول ناظري وانتي ساكتة ولا ادخلي داخل
سكتت بقهر ورجعت ورا وهي تناظر بخوف ..ماهي حزنانة على محمد خايفة على حسان لا يتسبب فيه ويروح فيها
ضربوه حسان وحزام لين داخ وقعد بالأرض بتعب
تفل عليه حسان بقرف :قال ايش تقرب منه قال ..تخسي والله
ماقوى يرفع راسه ويناظره من قوة الدوخة ظل ساكت بألم
فتح حسان جواله وشغل التسجيل :كمل كلامك
مارد عليهم
حزام قرب منه وبتحذير :اذا ماحكيت كل شي ورب الكون مايردنا عن ذبحك شي
حسان بسخرية :اتركه ..لا صبينا الاسيد فوق راسه واحترق وهو حي بيعرف وقتها شلون يتم ساكت
باقي مارد ..حس انه ماصدقهم وكلها تهديدات بالهوا
صفر حسان :جب جب الاسيد ..ذا مايمشي بالتهديدات
وقف حزام بعد ماكان جالس على الكرسي الصغير وراح ناحية كيس كان عند الباب بداخله جالون واتجه ناحية حسان يناوله
توترت كيناز :انا بدخل
رفع محمد راسه ناحية حسان وهو غير مصدق تماماً
حسان ماهتم له وفتح الجالون ..وانتشرت ريحة غريبة
هالشي اربك محمد وتكلم بتوتر :وش تبون تعرفون
حسان ببرود :كمل كلامك -وبتهديد-واقسم بالله لو حسيت بس بكذب او تأليف ورب لأصبه فوق راسك كله
هز راسه بربكة : بتكلم بتكلم خلاص..انا بديت اشتغل مع عامر من سنتين بأمور غير عن اني قهوجي ..كان يحبسني بالملحق لساعات حتى اتعلم على التواقيع وازورها بكل دقة ..لين يوم جاه مانع وطلب مني ازور توقيع لعبدالعزيز الخويزم
انشد حسان له وحط الجالون جمبه وحزام بمكانه يسمعه وهو يعتصر بداخله من القهر
محمد :وسويت مثل مايبي وزورت الأوراق على هواه ..وكملت بشغلي وكنت اطلع مع سامر كثير اخر الليل بحفلات كان يسويها مانع بفلته ..كنت اشرب عندهم عصير منقا لكن له طعم غريب يخليني اروق بعد ماشربه ..كثرت سهراتي مع سامر وادمنت هالعصير الي من نفسي عرفت انه نوع من أنواع المخدرات ..بكذا صرت اشتغل لحساب عامر الي مايدري ولحساب مانع بعد..ان تممت المهمة عطاني حبة ..وان ماتممتها انحرم من الحبة
رفسه حزام وهويقاطعه :قل ادمنت وخلصني ..اخلص كمل
سحب نفس وهو يحس الدم الي يخرج من خشمه بدا يتخثر ويمنعه من التنفس:طلب مني سامر اتزوج بنت عبدالعزيز الخويزم ..ولأن توقيعه الصعب والي قعدت فوق شهر أحاول اتقنه بسرعة تذكرت الاسم وعرفت انه توفى بعد ماستخدموا توقيعي -رفع نظره بتوتر لحسان الي ماسك نفسه بقوة-قالي نبيك تتزوج بنته كيناز وعرفني على مديرها سعد وانا بعد ستة شهور قدرت اكسبه وقدرت بعد اكسب الموظفات الي مع كيناز ودبر لي سالفة الترقية الي ممكن كيناز توافق تتزوجني من خلالها ..وبعد مانمسك مانع وانا ماعرف شي
هجم عليه حزام وهو يصرخ فيه :وين مخبي سامر
دفه عنه بيده :ماعرف ماااعرف
سحبه حسان من ياقته بعصبية :انت مدمن ..من بيوردك من بعد سامر ..ليش باقي متمسك بكيناز الا مايكون بتحريض منه ..تتوقع بترجع الحين تأخذ حبتك يا كلب! -دفه بقوة
وقام سحب جواله وسكر التسجيل وراح للأتصالات ودق على الياس ووقف ينتظره يرد
محمد انتبه لحسان منشغل بجواله ارخى نظره لجالون الاسيد المفتوح بجمبه وبسرعة سحبه وطشه على حسان الي شهق ورجع ورا
"""""""
مخرج
"سلامٌ على الضاحك وفي صدرهِ بُكاءُ السنين"


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 24-02-2018, 10:20 AM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


اقتباس:
المشاركة الأساسية كتبها قلبي هاجر اضلعي هرب مني اليك مشاهدة المشاركة
هههههههههههووووووولاااا.
احرجتيني يختي هههههههههههههههههههههههههههههههههههههههههههههههههه هههههههههههههههههههههههههههههههههههههههههههه.
المهم :
ماجد احس كدا حيكون دورو مرا كبير ف الرواية.
امم طلال ونواف هما التوب عندي لين دحين , يمههه منهم يجننو!!!
وياقوت ودا زوجها كيوت مرا , الله يرزقنا بس.
اروى كدا شخصيتها جميله مرا , لو عندي ولد حخطبها لو.
امممم كيناز يَ كيناز جد احترت احس حتساعد محمد وتخليه يتعالج ونفس الوقت احسها تناسب الياس.
لا تططولي علينا يَ مممممُزه.
حبيبتي نورتي
احب توقعاتك وكيف تتغير بعد كل بارت ههههههههههههههههههههههه
ياقوت وزوجها ..ي شيخة الله يرزقك باللي احسن منه
اروى خلاص نصيبها جاهز ..ترقبيها بس هههههههههههههههه
كيناز الى الان مالقت نصها الحقيقي عاد افهميها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 25-02-2018, 03:36 PM
قلبي هاجر اضلعي هرب مني اليك قلبي هاجر اضلعي هرب مني اليك غير متصل
©؛°¨غرامي جديد¨°؛©
 
الافتراضي رد: أمطرني حُباً/بقلمي


-


هلا هلا بروايتي الحلوة.
مدري اش حيصبرني لين الجمعة التانية-قلب مكسور-.
المهم :
الامهات ياخي فله مرا هههههههههههههههههههههههههههههههههههههههههههههههههه ههههههههههههههههههههههههههه يجننو!
ام طلال هيا اخت ام كيناز وحتسير احداث كتير ويعرفو بعض وكيناز لا تتزوج الياس ولا تكمل مع محمد , تتزوج طلال - التالتة ثابثة-.
ماجد شكلو حيخش قائمة الي احبهم ههههههههههههههههههههههههههههه.
ودا محمد حححححححقير بس يحزني ف نفس الوقت , يعني عشانو كان مسكين سار فيه دا كلو!
حسان يمه فجعني ساير متوحش ,
انتظرك بششششوووق.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 27-02-2018, 03:42 PM
M.ALtemani M.ALtemani غير متصل
©؛°¨غرامي جديد¨°؛©
 
الافتراضي رد: أمطرني حُباً/بقلمي


بإنتظار البارت .. اليوم الثلاثاء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 27-02-2018, 10:51 PM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


اقتباس:
المشاركة الأساسية كتبها قلبي هاجر اضلعي هرب مني اليك مشاهدة المشاركة
-


هلا هلا بروايتي الحلوة.
مدري اش حيصبرني لين الجمعة التانية-قلب مكسور-.
المهم :
الامهات ياخي فله مرا هههههههههههههههههههههههههههههههههههههههههههههههههه ههههههههههههههههههههههههههه يجننو!
ام طلال هيا اخت ام كيناز وحتسير احداث كتير ويعرفو بعض وكيناز لا تتزوج الياس ولا تكمل مع محمد , تتزوج طلال - التالتة ثابثة-.
ماجد شكلو حيخش قائمة الي احبهم ههههههههههههههههههههههههههههه.
ودا محمد حححححححقير بس يحزني ف نفس الوقت , يعني عشانو كان مسكين سار فيه دا كلو!
حسان يمه فجعني ساير متوحش ,
انتظرك بششششوووق.
هلا والله
توقعك على كيناز وطلال قتلني 😂😂
اخاف تصير فيه مرة رابعة 😂💔
محمد حاجته للمال بأي وسيله حولته كذا للاسف ☹
حبو حسان هههههههههههههههههههههههههههههههههههههههههههههههههه ههههههههههههههههههههههههههههههه
ترقبيني الجمعة 💙

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 27-02-2018, 10:53 PM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


اقتباس:
المشاركة الأساسية كتبها m.altemani مشاهدة المشاركة
بإنتظار البارت .. اليوم الثلاثاء
كما ذكرت سابقاً
تغيرت مواعيد تنزيل الاجزاء
ترقبيني كل يوم جمعة بإذن الله عصراً

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 02-03-2018, 05:35 PM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


مساء الخير جميعاً
جزء اليوم ..تشوفون طوله مناسب ولا اطول زيادة
غير كذا
دعواتكم بكرا اختباري القدرات
وللي يتابعون من خلف الكواليس هاكم حساباتي
انستا
sho.tak_5
تويتر
s5p2019
اشوفكم الجمعة الجاية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 02-03-2018, 05:36 PM
صورة shomina al-r7ely الرمزية
shomina al-r7ely shomina al-r7ely غير متصل
©؛°¨غرامي مشارك¨°؛©
 
الافتراضي رد: أمطرني حُباً/بقلمي


9
مدخل
"كن كالشخص الذي تريد ان تلتقيه"
"""""""
رجع على ورا وصقع بالجدار وهو يناظر حسان
حسان ارتاع من الشي البارد الي انكب عليه وشهق بقوة ورجع ورا
ثوان صمت
محمد يناظر حسان بترقب
وحسان يحاول يستوعب الموقف
وحزام مصدوم
ثم انطلقت ضحكة قوية من حسان وحزام لدرجة حزام ماتحمل وطاح بالأرض يضحك
رفس حسان الجالون على محمد وحط الجوال بأذنه : صدق حمار
استغرب الياس :عسى هالضحكة دوم
ابتسم حسان وقرب من محمد :تقولي تقرب من محمد ؟
شك فيه :ايه ؟
حسان :اجل تعال خذه ..تقربت منه وطلعت منه الحكي كله وكلبشته بعد
وقف بصدمة :انت الي زارف الكلبشات
ابتسم بخفة :صح النوم
زفر بضيق من تهوره :انا جاي بالطريق ..انتبه لا تتهور زود..بتفاهم معك لا وصلت
حسان :انتظرك
سكر منه ورفع عيونه لحزام :امش ..شويات ويجون
مشى ودخل داخل عند كيناز ولحقه حزام تاركين محمد يعافر يده بالكلبشات ويحاول يفكها
كيناز كانت جالسة تناظر الفراغ وسرحانة
جلس عندها :شوي وبيجي الياس يتله ..اول شي يسويه انه يطلقك غصب عنه مو برضاه
رفعت حواجبها :ورا ماقلتها له قبل شوي؟
حسان :اذا قلت له طلق بيعند وبيركب فوق راسه عناد ..بالمحكمة بيطلقك غصب سواء برضاه ولا لا
ثنت رجلينها ولمتهم بيدينها ارخت راسها على ركبها وهي تناظر بالفراغ
زفر حسان ورفع جسمه وقرب منها ..ربت على كتفها بتردد :ماكنت ناوي اتصرف بهذي الطريقة ..كل يوم احترق وانا شايفه شيطان خناس مايندرى خيره من شره ..لو استدرجته بلحالي بيشك ويكون معه رجال ونبتلش
على نفس وضعيتها :ما الومك ..ماكسر ظهري الا غبائي يوم صدقت انه شاريني ..حتى يوم ترجاني اسمعه واساعده وخلاني ارفع صوتي عليك ..انكسرت يوم جيتني تعلمني باللي يخبيه.. كذّبتك بداخلي ولا قدرت اصدقك لين تأكدت بنفسي
غمضت عيونها تمنع الدموع انها تنزل بس نزلت
حسان :انتي ماتعرفين الرجال عدل..لك اخوان يعرفون منهو الي شاريك ومنهو الي يخسى يوصلك ويبطي يحصل منك نظرة
بكت وغطت وجهها بيدينها تحس بثقل بصدرها وتبلد فظيع لأي حدث يصيرلها ..من اول يوم صحت فيه من الغيبوبة وكيناز نفسيتها متنكسة اكثر من اول
دق جواله باسم الياس رفع نظره لحزام واشرله يقعد معها وقام برا
انتبه لمحمد يتحرك حركة غريبة ..راح ناحيته بسرعة وانتبه له يدخل حاجة بجيبه مسك يده ودخل يده بجيبه بقوة وطلع الجوال
فتح الجوال ولقاه مرسل رسالة لواحد من رجاله "انا انمسكت اطلعوا فكوني"
رمى الجوال بعصبية ومسكه من ياقته :شبيسون رجالك السملق يعني ؟
مارد عليه وظل ملتزم بالصمت
سمع صوت الياس يناديه ..فلت محمد من يده بقرف وراح يفتح له الباب
دخل ومعه اثنين من رجاله وهو معصب من حركة حسان
مسكه من ياقته ودفه على ورا :مهبول انت ؟ وش الي سويته
حسان ببراءة :ماسويت شي
شم الياس ريحة قوية وغريبة صادرة من حسان التفت للسطح بنظرة بانورامية :وش مهبب
حسان ابتسم :بانزيم وكم عطر مع تراب وماء ..خلطة مسويها مخصوص للحمار
الياس:وتروشت انت به
كشر:للأسف
تركه ومشى ناحية رجاله الي فكو محمد وكلبشوه :وين سامر ؟
مارد محمد وتم ساكت
الياس برفعة حاجب :ماتبي تقول ؟-ابتسم بسخرية -ماعليه دواك عندنا
""""""""""
شاليه الحريم كان بنفس تصميم شاليه الرجال ..الفارق ان ياقوت كانت طالبة كورنر كامل بعاملاته للكريب والوافل والميني بانكيك والقهوة العربية والتركية
ومخليتهم برا الفيلا بما ان الأجواء حلوة والحريم طلعوا برا اساساً
واقفة عند الكورنر تنتظر العاملة تجهز الميني بانكيك الي طلبته منها وتتحلطم فوق راس زمرد :اقولك معيي ابد..كني قلت له اكفر ..اليوم جا بالظهر وجلست أحاول اقنعه وهو يستغفر كني أقوله نسوي عرسنا بكنيسة
زمرد الي ماسكة جوالها وتطقطق فيه نزلته ورفعت عيونها لها:منجدك انتي ؟ القرار ماله شهرين وشوي من طلع وانتي ناشبة من الحين ؟ صدق غبية وتستاهلين يوم يعيي
رفعت حواجبها :نعم ؟
زمرد :نعامة ان شالله ..هالوقت كلن له راي بهالموضوع وكل رجال اكيد انه يغار على اهله ومارح يرضى ..لكن لاجت الصدقية وشاف الحريم كلهم ساقوا هو بنفسه بيقولك سوقي ..انطمي الحين وطيعيه لا تعاندين ازين لك وله
سكتت ثواني ثم كملت بانفعال :بس يقهر يقهر ..ماحب احد يمنعني من شي ابيه ..احس كني انهنت
شمقت لها وضربت كتفها :احسن.. زني فوق راسه وبتتقاطعون وبتعاندون بعض ثم تنفصلون ثم يعرس هو ثم يخلي حرمته تسوق وتموتين بحرتك وتخسرين كل شي زوجك الي يحبك والخردة الي تبينها
شهقت من استرسالها :يممممة بسم الله علينااا فال الله ولا فالك يالعوبة
اخذت صحن الميني بانكيك وجت بتمشي :انتي الي بتجنين على نفسك
مسكتها :هيه هيه صحني
فلتت منها زمرد ومشت :حطت عليه بستاشيو يالدايخة
كشرت ولفت تطلب لها واحد ثاني ماتحب البستاشيو ...تتحسس منه
جاتها زمرد مرة ثانية وطلبت وافل هالمرة
ووقفت تنتظر بجمبها :ترا بقولك شي
ناظرتها ياقوت
زمرد :اوكي نعرف ان المشاكل هي ملح العلاقات بس لا تصيرين اوفر وعلى أي شي تزعلين وتطنقرين وتعاندين ..حاولي تمشين وتعدين بعض الأمور ..وتتجاهلين السخافات الي ممكن تسبب توتر بينكم
تنهدت ياقوت وربتت على كتف زمرد :المشاكل الي تصير بيني وبين عبدالرحمن اول مانتصافى منها ننساها ..انتي حاولي تتخطين صدمتك وتنسين ..لا تتركين سالفة اندفنت من زمان تأثر فيك
زفرت بضيق :الحمدالله على كل حال
""""""
كان جالس بهدوء بمكانه لين انفتح باب الملحق بقوة
فز من مكانه منخرش من دخلة رجاله عليه بهالشكل
:طال عمرك محمد انقبض عليه ..ضروري نطلع من هالمكان
انغبن بداخله صرخ فيهم وهو يطلع من الملحق معهم:شلون انمسك ذا
:راح لبيت حسان
رص على اسنانه بقهر وركب السيارة وطلعوا بسرعة من المنطقة
:وين تبي يا طويل العمر
غمض عيونه بقهر وارخى راسه على ورا :ماعرف وين نروح ..اغلب اماكنا معروفة والمزارع تصادرت
:اخو طويل العمر مانع ..ممكن يساعدك؟
ابتسم بخبث وعدل جلسته :حلوووو..حوّل على بيته بسرعة
رفع جواله ودق عليه
انتظر لين رفع :الو ..استاذ عامر ؟ ..معك سامر ..محمد انقبض عليه ..ايه..جايك جايك ..عندي مواضيع اكلمك عليها ضروري ..مسافة الطريق انا عندك..ابشر
قفل منه وهو مبتسم براحة
وصل قصر عامر ومثل مانبه عليه بأخر المكالمة انه يدخل من الباب الخلفي بلحاله
كلم رجاله ينتظرونه برا ودخل داخل
رافقوه صبيان عامر للمجلس عند عامر الي كان جالس بكل جمود وبيده عصاه
:السلام عليكم
رد بهدوء:وعليكم السلام ..اجلس
جلس والتزم الصمت لين يفتح عامر الموضوع
جاه واحد من الصبيان وقهوى عامر وراح لسامر يقهويه
عامر :محمد لازم نطلعه
رفع حاجب :شلون ؟ اكيد انه اعترف لبنت الخويزم ..محمد راح خلاص
ابتسم بخفة :اذا انمسك..اكيد بيجينا استدعاء للتحقيق هاليومين ..لكن محمد احتاجه بين ايديني ..بنتي على ذمته وابي ..
قاطعه سامر :شلون قدرت تزوجه وماتربطه فيك أي قرابة او مصلحة
تضايق من السيرة :كان مقطوع من شجرة ..ارتبط فيني وصار وجهي قدام التجار والناس ..لين صرت ماقدر افرط فيه
ابتسم بسخرية :مثل مانع..اخوان وعلتهم وحدة
ابتسم على ضيقه :ودي افرغ السلاح براسك..لكن الوضع مايسمح
ضحك :للأسف تحتاجني كثير..لو حاولت تتخلص مني كل شي ينقلب ضدك..خصوصا وانا مطلوب امني ..مطلوب حي
عامر :وش تبي
سامر :انا بخلصك من كل شي ..ومستعد أوّقف التجار بصفك ..بس ابي راس حسان الخويزم
التفت عامر لواحد من رجاله الي واقف عند الباب :جب له حسان ذا
وقف سامر:وأتمنى لو توفر لي مسكن
ابتسم له:لاتخاف من هالناحية بياخذونك الصبيان
""""""
فتحت عيونها بإنزعاج من ازعاج ارام الي تصارخ عليها فوق راسها
ارام بنرفزة :قومي وجععع ..خلاص زهقت منك اوفف-وتركتها وطلعت من الغرفة
اول ماسمعت تسكيرة الباب رجعت غمضت عيونها ونامت
لين انفتح الباب مرة ثانية وهالمرة بهدوء
هالمرة ماصحت بسبب صوت ارام المزعج ..لا صحت من ريحة عطر ابوها
فتحت عيونها وفزت من مكانها
ابتسم ابوزمرد كان لابس جينز كحلي وقميص بولو سماوي وحاط النظارة الشمسية فوق راسه :ماتبين تودعيني على الأقل ؟؟
قامت له وهي متفشلة منه :سوري والله...سهرة امس كانت طويلة لوجه الفجر وانا خلقة ماكنت نايمة عدل
مشت ناحيته ووقفت على أصابع رجولها عشان تلحق تحضنه وتتعلق برقبته حبت راسه ويده وبهدوء:تروح وترجع لنا بالسلامة حبيبي -تغير صوتها-كل يوم كلمني سكايب تكفى
رجع حضنها مرة ثانية وطبطب على ظهرها :ان شالله من عيوني -همس لها -انتبهي لنفسك ولأمك واختك ..اعتمد عليك
صوتها تحشرج :ابشر
تركها ومازلت ابتسامته مرسومة وطلع من غرفتها
كانت ارام ماسكة شنطته :انا بسحبها عنك يبه
لعب بشعرها وراح للصالة عند ام زمرد الي واقفة تلبس عبايتها :مصرة ؟
لبست نقابها :الله لا يعوقني
ركضت زمرد وهي ساحبة عبايتها :لحظة بجي معكم
زفر :ياجماعة اشوف اني سلمت عليكم هنا يكفي ويوفي
ارام تحمست :انا بعد بجي معكم
زمرد :ترا مو رايحين نتمشى بنوصله المطار ونرجع
ارام :مالي دخل بوصله معكم
هز راسه بقلة حيلة :انا نازل ..لا تتأخرون
طلع من الجناح ونزل تحت للصالة الي يجتمعون فيها امه وابوه بالعادة
لقى فيها امه وابوه جالسين ومعهم طلال ونواف
:السلام عليكم
فزت له ام سعود :وعليكم السلام هلا هلا حبيبي
راح ناحيتها بسرعة وحب راسها ويدها:وشلونك يمة ..سمعت انك ماجيتي جمعتنا امس
ابتسمت :ياحبيبي والله اني تكيسلت اطلع قلت اقعد مع سعد ازين لي
سلم على ابوه وحب راسه وجلس عند رجل امه
ام سعود :خلاص بتسافر
حب يدها :ايه يا حبيبتي ..دعواتك لي بالتوفيق
:روح الله يسعدك ويوفقك ويسدد خطاك الله يفتح كل ابوابه بوجهك ويرجعك لنا سالم غانم
انبسط من دعواتها ورجع يحب يدها :امين يارب
نواف :وش شعورك ياعمي وانت مقبل على حياة العزوبية ؟
ضحك من جملته:لي ثلاثين سنة متزوج ..تظن بتأقلم على العزوبية الجديدة ؟
نواف:والله عاد المانيا حلوة وناسها حلوين ..كل أساليب حياة العزابية متوفرة
أبو سعود ماعجبه كلامه:كف اذاك عن عمك يالداشر ..وش ناوي عليه ترا الرجال متزوج وعنده بنات
بلع ريقه نواف :شدعوة يبه نمزح وياه
أبو سعود :لاتمزح وياه وقم وصله المطار
بكل طاعة :ابشر من عيوني
وقف طلال :استأذنكم يا جماعة بطلع لأمي فوق
أبو سعود :اذنك معك
راح لعمه الي وقف له وسلم عليه :تروح وترجع بالسلامة
ابتسم له يامن وشد على كتفه :الله يسلمك ..شد حيلك ابي ارجع القاك متصالح مع ابوك..تراه يعاني بدونك
هز راسه بتسليك وطلع من الصالة
بالوقت الي نزلوا فيه ام زمرد وبناتها
"""""""
واقف قدامه يناظره بحقد
كلمه يجيه المركز ضروري لأن محمد قال كلام خطير ولازم يعرفه
في النهاية طلع استدراج عشان يوقع تعهد بعدم التدخل في مهات رجال الامن
تكتف حسان:ماني موقع
الياس رفع حواجبه :عادي التوقيف ينتظرك
حسان:عادي ..عشان كل من سألني أقوله والله المقدم الياس طالب مني اتقرب من المجرم ..عشان يقدر يمسكه هو
ابتسم بقلة حيلة :اجلس اجلس خليني اعلمك
جلس قدامه :وشهو
الياس:محمد استجوبناه وعلمنا عن مكان سامر..مخبيه ببيته بس للأسف هرب لأنه علم رجاله الي اساساً هم رجال سامر
حسان باستغراب:طيب وش بتسون ؟
الياس :معممين اسم سامر وصورته على كل الدوريات بالرياض والقرى القريبة
حسان :ان شالله يمسكونه قريب ويفكنا
الياس :اها على يفكنا ذي ..من الي كان السبب في القبض على مانع قبل فترة ؟
سكت حسان وعيونه على الياس ينتظره يكمل
الياس :ومين كان السبب في القبض على محمد امس ؟
حسان :وش افهم من كلامك ؟
الياس :متوقعين ان سامر التجئ بأخر شخص ممكن يساعده الي هو عامر اخو مانع
حسان :طيب شدخلني انا ؟
الياس :انت كنت السبب في دمار خططه مستوعب ؟ طبيعي اذا التجئ بعامر انه يحاول ينتقم منك بشكل اول بأخر وبأي طريقة ممكنة
مسح وجهه بيده وبنرفزة :مارح نخلص ؟
الياس :ماعليك بتنفرج ..بتكون تحت حماية رجال المباحث لين ينمسكون اذناب الشر ..هذي مهمة خطيرة وسرية ..وانا ماقلت لك بعض تفاصيلها الا لأني اعرفك متهور ..لازم تعرف حجم الخطر الي حولك ..لازم تستوعب انهم مارح يضرونك قد مارح يحاولون يضرون اخوك واختك
تذكر ميرال وتهجم وجهه يوم تخيل انه حزام او كيناز ممكن يروحون من يده بسبب أي حركة غبية منه
الياس حزن عليه :توكل على ربك وادعه يكف اذاهم عنكم
هز راسه وقام :ممكن اروح ؟
الياس :تفضل
""""""""""
اول ماسمع نداء الرحلة تنهد وقام
قامت معه ام زمرد :هذا نداء رحلتك ؟
هزراسه وحضنها وحب جبينها :بشتاق لك..بناتي انتي امهم مايحتاج اوصيك لكن المستشفى امانة عندك ..اي شي يعسر عليك المحامي بيكون معك وبيساعدك
هزت راسها وهي تكتم صيحتها
جته زمرد وماهي اقل من أمها ووراها ارام الي تصيح من قلب
نواف جالس شوي بعيد عنهم يراقبهم متنرفز من هالدراما الي تصير قدامه قام ومشى ناحيتهم : شدعوة كل هالصياح ..وش بتسوين يا عمة لو اعرس طيب
ناظرته ام زمرد بحقد خلته يرتاع وسوا نفسه مايشوفها
ضحك أبو زمرد :يلا اجل فمان الله
زمرد راحت تحضنه مرة ثانية :تكفى يبة كل مالقيت فرصة تأخذ إجازة تعال لمنا الله يخليك
طبطب على ظهرها :خلاص حبيبتي ابشري..يلا بتفوتني الطيارة
ارام تحمست بالصياح :خلها تفوتك مانبيك تروووح
انقرف نواف من منظرهم الدرامي :والله لو انه بيروح يجاهد ..شفيكم ياجماعة
زمرد ماعطته وجه وراحت لأمها اما ارام ناظرته بنفس نظرة الحقد
طير عيونه فيها :خير ؟
ارام بنرفزة :كل تبن
أبو زمرد بعتب:هه..رومة ؟ عيب ياماما
ماردت عليه وراحت لأمها
التفت أبو زمرد لنواف :وصيت اخواني عليهم بس هم كل واحد مشغول بأهله وشغله ..مايحتاج اوصيك عليهم ..من فترة لفترة لو بس تتصل على لميس تشوف وش ناقصهم..ادري انه ماهم بحاجة شي بس ابيهم يحسون انه فيه احد معهم ويسأل عليهم
ابتسم له :ابشر من عيوني وعلى قولة النسيب على هالخشم
ارتاح أبو زمرد :تسلم عيونك ..يلا اودعك
ودعه وسلم عليه ومشى متجه لأم زمرد وبناتها الي يراقبون زول أبوهم لين اختفى مع بقية المسافرين بنفس الرحلة :يلا نمشي
اخذت ام زمرد شنطتها ومشت معه وبناتها وراه
انتبه لستار بكس اشر عليه :تبون قهوة تعدل مزاجكم ؟
ام زمرد ونبرة الزعل بصوتها:ايه واللي يسلمك
ابتسم :امروا وش تبون ؟
ام زمرد :عن نفسي ابي ايس كراميل مكياتو -التفت لبناتها-وش تبون انتم ؟
زمرد :ابي بلاك كفي وبس
ارام :نفسك ماما
هز راسه ومشى ناحية ستار بكس اما ام زمرد وبناتها جلسوا على اقرب كرسي ينتظرونه
""""""""
فتحت عيونها بأنزعاج من صوت جوالها
مدت يدها للكومدينها ومسكت الجوال ورفعته
فتحته وهي تحاول تفتح عيونها بصعوبة من ضوء الشاشة
ردت وحطته سبيكر وحطته جمب وجهها على المخدة :الوو
بصياح:ياقوووووت الحقييينييي
فتحت عيونها بخوف وناظرت بالمتصل وسكرت السبيكر وحطت الجوال باذنها :نوااال ؟؟
نوال كانت تبكي بحرقة وكلامها ماهو مفهوم
ياقوت :نوال..لاتصيحين ماني فاهمة منك أي شي
سكت نوال ثواني وياقوت ماتسمع الا شهقاتها :نواال قطعتي قلبي وش فيك
بالقوة استجمعت نفسها وكتمت بكيتها :محمد
زفرت بضيق:شفيه محمد
نوال :تذكرين يوم اقولك انه طلع متزوج علي؟؟
ياقوت :ايه ؟
جاهدت نفسها ماترجع تبكي :مسكوه الشرطة ببيتهاااا
ورجعت تبكي بصوت يقطع القلب
قامت من مكانها :انا جاية بيتك الحين انتظريني ابفهم منك كل شي
نوال وبعز بكاها :بيت ابوي مب بيتي
اخذت منشفتها ومشت ناحية الحمام :تمام ..انتظريني
سكرت منها وهي متوترة من موضوعها من اول مانخطبت منه وهي تحذرها من هالمحمد ..خصوصاً وماضيه وشغله مع ابوها مشكوك بأمره
"""""""""
مخرج
"ما كنتُ أؤمن بالعيونِ وسحرها حتى داهمتني بالهوى عيناك"


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1