اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 08-02-2018, 07:15 PM
Wadak ودق Wadak ودق غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


ياعمري… صح البارت قصير… لكنه ممتع… فيه أحداث… وبدايات لأكشن رائع…
سما بغياب راكان… بصراحة ما أعرف كيف رح تصرف ..رح تستعين بأهله ..أو أهلها… أو تلتزم الصمت .. ما اعرف ..
الخيانة… لا تُغتفر .. والموقف الأصح .. أن يخبروها بطريقة مناسبة قدر الأمكان… وإلا بقائها بغفلتها… مؤلم وخاصة من أقرب الناس لها… هل الشخص ميستاهلها ..
ولا تتأخري علينا… وياليت لو بالأمكان بارت طويل ومليئ بالأحداث والأكشن…
وأخيراً كل التوفيق أتمناه لك…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 09-02-2018, 07:13 AM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


راكان اسلوبه يقهر ومستفز ..
يبي ينتقم لرجولته ورفض سماء له بتعامله الزفت معاها..
وتالا نقالة الكلام ما حبيتها .. ودي اسطرها

سهى بالوقت اللي بتقول لريما فيه بيوقفها سامي وبيزعل منها عشانها خانت الثقه ..
ننتظر المزيد من الابداع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 09-02-2018, 11:20 PM
سلام .. سلام .. غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


البارت العاشر

سهى:خالتي بقولك شي .. سعود .. وينه
ريما باستغراب:مسافر .. ليش وش فيه .. سعود فيه شي
تكلمي
سهى وبعيونه دموع مسكتها وجلستنا بالسرير وجلست قبالها:
.. انا .. وسامي ... تو رحنا
ريما :ايه بسرعه كملي .. وش فيه
سهى بارتباك اكثر:انا وسامي .. دخلنا بيتك ..
و.. و سمعنا صوت حرمه بغرفتك مع سعود
ريما بصدمه ظلت تطالع سهى تنتظرمنها انها تقولها انه
كل هذا كذب:وش تقولين انتي
سهى ضمتها :تكفين لاانتبهي لنفسك اهم ماعليك نفسك
طز فيه .. انا.. خبرني سامي اني مااقولك..
بس .. مايرضيني انك تكونين مغفله ..
ريما ماتكلمت ظلت تناظر سهى بصدمه ..
من شدة الصدمه انربط لسانها
صارت ترجف
سهى مسكت يدينها :حبيبتي .. تكلمي صيحي .. صارخي
تكفين لاتسكتين .. مو زين عليك
ريما بصوت واطي يادوب ينسمع:ليش الحين
سهى :نعم
ريما بصوت اعلى وبصياح اكثر.. :ليش الحين ليش
صارت تبكي بصوت عالي اكثر وبصارخ
:ليش ليش
دخل سامي يركض
:قلتي لها
سهى باندفاع:ماارضى تكون مغفله ابيها تكون بالصورة .. وهي اللي تقرر وش بتسوي ..
بدون شعور سامي عطاها كف وبعصبيه .. :ليش تتصرفين من نفسك ..
قلت لك انا اللي اتصرف
سهى بعصبيه اكثر:والله ماتصير مثل الاطرش بالزفه .. بكرا اذا عرفت اول ما بتلوم بتلومنا انا وياك
سامي ناظر ريما :والله ياريما انه مايسوى ولا دمعه منك هالخسيس
ريماتضرب نفسها:ليش الحين
ليش
سامي:وش قصدك
ريما:ليش تقولون لي الحين .. اه .. ليش
سامي:والله مايطول منك شعره من الحين ..
الحين تطلبين الطلاق..
"نزل راسه"احمدي ربك انه ربي ما رزقك منه عيال
ريما بحزن وبقلب مكسور:من قال .. "حطت يدها على بطنها"
انا حامل
سامي بصدمه :نعمم
سهى بشهقة :متى
ريما بحزن وهي تطالع الارض :حامل صار لي شهر .. شهر حامل.. وماقلت لاحد .. اول ماعرفت اني حامل كان قبل امس.. قلت مااراح اخبر احد قبله .. بفجأة بالخبر الحلو .. بس مادريت انه بيفاجأني بالفاجعه هاذي ..
سامي:لاتضيقين صدرك ياخيتي.. ان شاءالله انها خيره لك ..
الحين انتي ادخلين توضي وصلي وادعي ربك ..
وبعدين نجلس نتفاهم بالموضوع .. اذا بترجعين له اولا
...................
سما
فتحت علبة الحليب .. ياربيه الحليب شوي بس يكفي
رضعه وحده.. وش اسوي الحين ..
دخلت غرفة راكان يمكن القي حليب ..
دخلت الغرفه لقيتها حوسه .. ونص الملابس طايحات بالسرير..
دورت الحليب مالقيت ..
شفت بالكومدينه صورته هو ومها بزواجهم
حسيت بشي يخز بصدري.. لهدرجه مالي كرامه وقيمه
وشفت الكومدينه الثانيه لقيت صورته لحاله
رفعت الصوره وصرت اتأملها
طويل وعريض المنكيبين على قولتهم هههه متعوب عليها المنكبيبن بس جد ماشاءالله عريض
دقنه كثيف وفيه شيب .. اسمر وشعره اسود حيل
كان واقف ولابس ثوب اسود .. ولاف عمامه اماراتيه ..
وماسك سلاح بيده ..بين انه كان بكشته.. اعوذ الله حتى بالصورة
مايضحك ههههه نفسيات.. يوه انا وش قاعده اخربط مو وقته
دقيت على راكان .. الى الحين خارج التغطية
.. يارب صبرك ..
مافيه الا اني ادق على سامي ..
رفعت الجوال بتصل عليه .. مايرد
دقيت مره ثانيه .. برضو مايدق ..
ياربيه
.. شكلي بتصل على يوسف .. بس اخاف يقول لامه
.. شكلي بحلفه انه مايقولها ..
دقيت على يوسف
سما:ياهلا وغلا ..
يوسف:هلا بهالصوت .. مابغيت اشوف اسمك يدق على جوالي
والله يعنني مثل البنات اذا تزوجن يتغيرن فرحانات بالعرس
سما:ههههههه .. لا والله بس مشغوله مع هالبزران
.. انت اخبارك والله اني مشتاقتلك .. ومشتاقة لطلال..
اعوذ بالله مااحد يجي يسلم علي ماتقل عندكم خالة
يوسف:هههههه ابد والله بخير يسلم عليكم .. وبعدين
ياخالة عيب نجيك وانتي عروسه توك متزوجك صعبه والله ..
وتعرفيننا انا وطليل اذا جيناك ماطلعنا ..
سما باحراج بان على وجهها :طيب .. اوعدني انت وطلال ..
تجون تسلمون علي
يوسف:ابشري والله
سما:بشرت بالجنه حبيبي.. طيب .. بطلب طلب.. لك ولا لذيب
ياذيب ..
يوسف:يخسى الذيب .. وش بغيتي
سما:ابيك تروح لصيدليه .. تجيب حليب الاطفال .. عمر
8 شهور
يوسف:ابشري ماطلبتي شي يالغاليه
سما:الله يسعدك ياحبيبي
بعد نص ساعه
دق الجرس
فتحت الباب
سما:هلا حياك ياعيني
يوسف:الله يحيك .. الا وينه نسيبنا سيارته مو موجوده
سما بارتباك:ايه طالع .. تفضل .. تعال تقهوى معي
يوسف:لا و والله اني مشغول .. تبين شي
سما:لا سلامتك .. خذ هاذي فلوس الحليب
يوسف:عيب عليك
يالله بس مع السلامه .. وسلمي لي على النسيب
بيطلع
سما:يوسف
يوسف:سمي
سما بارتباك:لاتخبر احد اني طلبت منك .. وخاصة سهى .. ذي
بخور السوق
يوسف باستغراب:ابشري .. سكري الباب على نفسك زين
... قفلت باب الشقه زين..
الى متى بجلس كذا ..
اذا كان ناوي يطول .. ليش ماودانا بيت اهلي
... اف بس احس اني خايفه لحالي .. بس ازين حل اني قلت ليوسف .. واعرفه يوسف شقردي اذا امنتيه على سر مايقوله
...........

سهى
اخر الليل قمت من النوم مالقيت ريما نايمه جنبي
استغربت وينها .. قمت بسرعه ادورها بدورة المياه مالقيتها
نزلت بسرعه .. لقيتها جالسة بالصاله
سهى اسرعت عندها:ريما.. وش مقومك هالحزه
ريما:مانمت من الاساس
سهى:تعوذي من ابليس ياخالة .. والله مايستاهل منك كل هذا
ريما بحزن:حسيت بطعنه بقلبي .. جرحني .. وكسر قلبي ..
انا اللي عطيته كل شي
عطيته .. قلبي وحبي وحياتي كلها بين يديه ..
تنازلت عن اشياء كثيره .. بس عشان ابي رضاه ..
واخر شي القى منه هذا الجزاء
"سالت دموعها .. مسكت قلبها"احس بغصه ..
ماني قادره اتنفس ..
تعبانه ياسهى تعبانه ..
متفشله بفعلته الشينه عند اهلي وانا اللي كنت مطيرته لسماء
من افعاله الزينه.. ماابي اطلعه بالشينه قدامكم..
راح كل هذا ..
طيب وش اسوي الحين انا حامل ..
بس مااقدر ارجع له .. كرامتي ماتسمح لي
سهى دموعها على خدودها:تبين تأخذين رايي .. تطلقي وعيشي معززه مكرمه عند اهلك .. ولاتعيشي بالاوهام معاه .. وعساه ياخذ وحده توريه نجوم الظهر .. يارب .. عسى حوبتك ماتعداه قولي امي ..
... ريما:سامي مصمم على الطلاق
سهى:وعندك راي ثاني غير الطلاق .. لاتفكرين بشي ثاني
مايستاهلك .. تطلقي وعيشي حياتك ..
ريما ظلت تناظرها بصمت
..........
سما
مر اسبوع .. على هالحال..
ماجاء الى الحين .. خايفه انه صار عليه شي ..
لا والمصيبه الحين اذا قلت لاهلي ولا اهله .. بيحطون اللوم
علي .. لاني ماخبرتهم من بدري

كنت جالسه أأكل فهودي ومعطيه الباب ظهري
حسيت بأحد واقف وراي
لفيت بسرعه يوم شفته واقف قدامي بطولة الفارع ابتسمت
لا ارادي:اخيرا
تعداني وهو يمشي بالعكازات ناظرته بصدمه منكسرة رجله
اكيد صار فيه شي
ركضوا تالا ولمار وطاحوا بحضنه وصاروا يبوسون فيه
لمار:بابا استقتلك يا بابا
تالا بتملك وهي تمسك وجهه وتلفوه جهتها:بابا وينك ؟.. ووشو هذا "وهي تأشر على العكازات"
راكان بابتسامه :طحت وتعورت وانكسرت رجلي
.. انتم كيفكم وش سويتوا بدوني
ناظرته وهو يسمك البنات قلت بنفسي يمه ياشوفة النفس والغرور يحسبنا بنموت بعده .. الحمدلله عشانا وماصار فينا شي
اللي قهرني اكثر ماعبرني ولا كأني موجوده
.. ايش علي منه ليش اهتم اذا عطاني وجه ولا لا
راكان دخل غرفته واخذ البنات معاه ناموا معاه ..
استغربت انه ماطل على فهودي نهائيا .. ولا اهتم فيه
كثر مااهتم بالبنات وفرحته فيهم..
وش علي منه ..
اخذت فهودي ونمت انا وياه ..
اول مره انام براحه بعد اسبوع .. اخيرا رجع ..
ارتحت يارب لك الحمد
...............
.....:حبيبي مااشتقت لي
.......:اشتقتلك حيل .. متى بس ترحميني واشوفك
نص ساعه بس
......... بدلع :حياتتي متشفق لشوفتي
........:اه .. اكثر مما تتصورين
.........:قريب ان شاءالله.. ...... ....

............
سهى
دخلت بيتنا
حصة:بدري يمه وشولوه ترجعين كان سكنتي هناك
سهى حبيت راسها:هههههه ودي والله
طلال:تخسين
سهى:ياشين القهر
.. المهم اخباركم ماشتقتلوا لي
صالحه :اف اشوف البيت اظلم .. اثاريكي جيتي
سهى بحقران :اقول طلول سمعت بالمثل ذا
طلال:وشو
سهى:الحقران يقطع المصران
حصه :هههههههاي صادقه بابنيتي
صالحه:قليلة ادب
سهى وانا ماشيه:ومن قال
دخلت غرفة سمر لاحظت عليها اول مادخلت نزلت الجوال
من يدها بارتباك وبحركه سريعه ..
سهى:السلام عليكم ياحلوه
سمر بارتباك :وعليكم السلام .. متى جيتي
سهى:تو ماجيت ...
اخباركم انتم وشسويتوا
سمر:ابد والله لاجديد بس خناق بخناق مع صالحه
زايده العيار هاليومين
سهى:ايه الله يشغلها عنا ... يالله بروح انام فيني نوووم


انتبهى البارت العاشر

ولاتنسوننا من تعليقاتكم الحلوه



آخر من قام بالتعديل سلام ..; بتاريخ 09-02-2018 الساعة 11:37 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 09-02-2018, 11:38 PM
سلام .. سلام .. غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


اقتباس:
المشاركة الأساسية كتبها wadak ودق مشاهدة المشاركة
ياعمري… صح البارت قصير… لكنه ممتع… فيه أحداث… وبدايات لأكشن رائع…
سما بغياب راكان… بصراحة ما أعرف كيف رح تصرف ..رح تستعين بأهله ..أو أهلها… أو تلتزم الصمت .. ما اعرف ..
الخيانة… لا تُغتفر .. والموقف الأصح .. أن يخبروها بطريقة مناسبة قدر الأمكان… وإلا بقائها بغفلتها… مؤلم وخاصة من أقرب الناس لها… هل الشخص ميستاهلها ..
ولا تتأخري علينا… وياليت لو بالأمكان بارت طويل ومليئ بالأحداث والأكشن…
وأخيراً كل التوفيق أتمناه لك…

اسعدني ردك بجد ... شكرا وياك يارب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 09-02-2018, 11:39 PM
سلام .. سلام .. غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


اقتباس:
المشاركة الأساسية كتبها الأوركيد الأسود مشاهدة المشاركة
راكان اسلوبه يقهر ومستفز ..
يبي ينتقم لرجولته ورفض سماء له بتعامله الزفت معاها..
وتالا نقالة الكلام ما حبيتها .. ودي اسطرها

سهى بالوقت اللي بتقول لريما فيه بيوقفها سامي وبيزعل منها عشانها خانت الثقه ..
ننتظر المزيد من الابداع
يووه ياراكان ياني اكره الشخصيات المستفزه اللي مثله
.. شكرا على مرورك الجميل . بأذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 10-02-2018, 12:40 PM
صورة الأوركيد الأسود الرمزية
الأوركيد الأسود الأوركيد الأسود غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


البارت نااارر مولع ..

احس ريما بتصير غبيه ولا راح تتطلق ... عشان اللي ببطنها .. وسامي بيوقف في وجهها وبيزعل بس بتعاند
سمر احسها تكلم احد من طرف صالحه وبتفضحها صالحه وبتنصرع وتموت ( احساس زي الزفت ادري بس اعذريني نفسيتي تعبانه هههه )
موفقه يارب وننتظر البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 12-02-2018, 03:03 PM
سلام .. سلام .. غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


اقتباس:
المشاركة الأساسية كتبها الأوركيد الأسود مشاهدة المشاركة
البارت نااارر مولع ..

احس ريما بتصير غبيه ولا راح تتطلق ... عشان اللي ببطنها .. وسامي بيوقف في وجهها وبيزعل بس بتعاند
سمر احسها تكلم احد من طرف صالحه وبتفضحها صالحه وبتنصرع وتموت ( احساس زي الزفت ادري بس اعذريني نفسيتي تعبانه هههه )
موفقه يارب وننتظر البارت الجاي

شكرا على مرورك ..
نشوف عاد اذا توقعاتك صح ولا لا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 15-02-2018, 09:13 PM
سلام .. سلام .. غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي



البارت 11

سما
قمت الصباح ولبست بجامة ناعمه ابيض واسود
كلمت امي وانا حدي مشتاقه لها.
لازم اقوله اليوم يوديني لها ..
بس بكلمه اذا كان مروق عشان يوافق..
بس هو كل مايشوفني ينقلب وجهه
بس ماعلي منه..جهزت الغداء وانتظرته يرجع
دخل وحسيته رايق ..
قلت بحط له الغداء بعدين اقوله
بعد الغداء دخلت انظف المطبخ ..
طلعت من المطبخ لقيته جالس على جواله ..
تقدمت وجلست بالكنبه المقابله له...
سما بنحنحه وتردد:راكان
مارفع عينه من الجوال:نعم
سما:اليوم ابي اروح لأمي بسلم عليها مشتاقتلها
راكان :لا
سما باستغراب:ليش لا.. من زمان ماشفتها
راكان:مو انتي اللي تقررين اذا من زمان ماشفتيها ولا لا
..انا اللي احدد "وهو يأشر على راسه بأصبعه السبابه"فهمتي
سما والغصه بحلقي ماابي اتكلم اخاف يبين على صوتي
اني ببكي :ايه طيب ليش مارحت لها من زواجي.. حرام عليك
تحرمني من شوفتها
راكانمشى بيطلع من الشقه
ركضت بسرعه الحقه
وقف لف بسرعه
اول مره اوقف جنبه بالقرب على طول رجعت على وراء


مسك عضدي .. لاحظت فرق الطول اللي بيننا راسي واصل
عند صدره
ارتبكت وتلعثمت من مسكته ظل واقف بمكانه ماتحرك..
على طول حطيت يديني على صدره ابعده عني
.. ركضت بسرعه ادخل غرفتي..
ندمت اني تكلمت من الاساس.. ان تكرم علي ورحمني
وداني عند امي .. اما غيره مستحيل اتكلم
مسكت قلبي احس الى الان مرتبكه .. يمه يخوف هيبه جد
احسه مايطيقني ومايواطني بعيشة الله .. ياربيه
مادري ليش .. هذا جزاي اني تنازلت عن حياتي
عشان عياله ..
بس الحمدلله عساه على اجر ان شاءالله
...........
راكان
حسيت انها لحقتني .. لفيت بسرعه لجهتها بشوف ردة فعلها..
ماتوقعت ابدا انها بتبكي ..
حسيت ان الموقف تافه..
فعلا اني متزوج طفله..
عكس مها .. كانت امرأه عاقله وناضجه ..
حسيتها انصدمت مني اني لفيت لجهتها ..
رجعت على وراء .. بس ماحبيت رجعوها ..
مسكت عضدها ماابيها تبعد .. ظليت اطالع عيونها..
بتهور مني بغيت ارفع يدي و امسح الدموع اللي بعيونها ..
بس الحمدلله تداركت هي الوضع وابعدت عني بسرعه
:الحمدلله
...............

ريما
جاوا عندي خواتي يواسوني الا سما بس اتصلت علي
حصة:افتكي منه وتطلقي لاتعيشين مع واحد أهان كرامتك
ولا حط لك اعتبار
ابتهال:اول مره تقول شي صح ياحصه واتفق فيه معاك
حصه تصك ابتهال بالمناديل اللي جنبها:ايه قليلة الحيا
قدامي بعد
ابتهال:ايه والله ازين من انها تصير من وراك
حصه:عاد صدق والله زوجي طلع اهون منكم كلكم
يلعب على المكشوف هههههه
ماعنده حركات الدس والخش كل شي واضح
فديته
ابتهال:هههههه والله صدق شر البليه ما يضحك
.. المهم وش قررتي الحين بترجعين له ولا بتنفصلين
ظليت اطالعهم بدون مااتكلم ..
ماتصل فيني لا امس ولا اليوم.. وقربت تخلص
الاسبوعين ماني عارفه ايش اسوي
وكيف راح اقابله بعد اللي سواها

..........

راكان

دخلت البيت لقيتها جالسه مع البزران
مسكت لمار وقعد العبها
راكان:قومي لبسي البزران بطلع اعشيهم
قامت بدون ماتتكلم شوي وجوني ملبستهم
وشفتها جلست بالكنبه ولا تجهزت لطلعه
عورني قلبي عليها يمكن انها ماتمون علي
لدرجه انها تطلع معاي .. ماتعتبر نفسها من العايله
راكان:قومي البسي انتي بعد
سما باستغراب:انا
راكان:ايه يالله بسرعه مستعجل
قامت دخلت الغرفه وخمس دقايق واشوفها
قدامي باابتسامه شاقه الوجه
لفت لجهة تالا بصوت واطي: قولي لبابا يالله جهزنا
يوم شفت ابتسامتها حسيت انها بنتي اكثر من انها زوجتي
الصبح وهي ماده البوز علي
والحين عشان بس بطلعها رضت وفرحانه
قلبها طيب جد هذا اللي لاحظته فيها
بس تنفرزت من حركتها انها ماتتجرأ وتكلمني لاحد الان
قلت بمشيها لها هالمره
راكان:يالله مشينا

رحنا المطعم

تالا :بابا انا ابي هذا
لمار :وانا ابي هذا بعد
تالا:لا انتي مو لازم انتي صغيره

سما:لا مو بزر .. قولي حبيبتي وش تبين
راكان:ماتدخلين بينهم .. كيفهم هم خوات
مالك دخل فيهم
سما:ايه بس حرام تمحي شخصيتها
راكان:ماتحسين بالغتي بالكلمه
سما:لا بس جد انت ماتشوفهم كيف بالبيت ك..
قاطع كلامها دخول القروسون وحط الاطباق على الطاوله

سما
حسيت بقهر بصدري .. اف مايرضى على هالتالا
والله اني احبها وهي طفله مااحط عقلي بعقلها..
بس حركتها تنرفزني جد ..
قرهني انه يدافع عنها ولمار لا
حسيته بس يبي يكسر كلمتي قدامها..
عشان ماافرض شخصيتي عليهم
يبي بس هو اللي يتحكم فيهم
والله ماعرفت وش اللي يرضيه يارب صبرني
............

سعود:حبيبتي ريوم كيفك ..
مشتاقلك حيل
اعد الايام عشان اجيك
بس كله من مديرنا الزفت كل شوي ممدد لنا الدوره
يقول يمكن نجلس 4 ايام زياده
عاد مدري بشوف
مااقدر استغني عنك مره ثانيه

ريما احس سكين تطعن صدري:ايه ... وانا بعد
سعود:وش فيك .. صوته فيه شي
ريما:لا حبيبي مافيني شي تطمن واستانس هناك لاتشيل همي
سعود:وين استانس وانا بعيد عنك ..
وهالمدير الزفت مايخليني بحالي
يالله يالله حبيبتي شويات وادق عليك مع السلامه
ريما:مع السلامه
بكيت بحرقه .. جد اني مغفله وكان معمي على عيوني
بسبب حبي له :حسبي الله ونعم والوكيل
..........

سهى

لمى:سهى شفتي وجدان اللي بثالث ب
سهى:ايه وش فيها
لمى:تركت الدراسه هالاسبوع هذا
سهى:ليش بسم الله
لمى:يقولون راحت مع امها تعالج برا وفوتت عليها هالسنه
عشان امها الله يشفيها يارب
سهى:ياحياتي .. الله يشفيها .. ليش هي وش فيها بالضبط
انا اتذكر انها مقعده بس فيه شي ثاني
لمى:ايه قبل تقريبا شهرين كانت لحالها بالبيت
وغلت لها مويه ويوم جت بتشيل المويه
انكبت عليها واحترق كل جسمها
سهى:ياحياتي الله يكون بعونها
فاطمه:ماتدرون وش مسويه بحياتها عشان ترحمونها كذا

سهى بنرفزه وحميه :اعوذ بالله اقول اتقي الله بس
وش هالكلام استغفري ربك لا الله يبلاك
ان كانت سوت شي فهذا شي بينها وبين ربها
حنا ماعلينا منها
بس حنا مالنا اللي الظاهر والظاهر
يقول لنا انها حرمه ضعيفه ومريضه
الله يكون بعونها
لمى بقهر اكثر:اعوذ بالله منك
قلبك اسود يافطيم
والله ماكنتي كذا
ظلت تناظرهم وقامت عنهم
لمى:الله يهديها كل مالها تتغير للسوء
كله من اخوها حسبي الله ونعم الوكيل عقدها
سهى:والله يالمى البيوت اسرار ماتدرين وش يصير
بهالبيوت الله يفرجها على كل مسلم


.........

ام سامي:ياوليدي الى متى وانت على هالحال
سامي بضيقه:اي حال يمه
ام سامي:ابي ازوجك انا خلاص تعبت منك..
تكفى اسمع كلامي وتزوج واستقر
خواتك اللي اصغر منك تزوجو وانت الى الحين عزابي
اصدقائك كلهم تزوجوا
سامي:لا مو كلهم باقي عزام

ام سامي بنرفزه منه:الحين كل هالكلام اللي قلته لك
ماركزت الا على ذي
سامي وهو يحب راسها:هههههه
يايمه الله يهديك خلاص..قفلي على الموضوع
اذا انا نويت اتزوج على طول اول ماتجي النيه براسه
بخبرك لاتخافين
ام سامي:ابي اشوف عيالك قبل لاموت
سامي:اعوذ بالله .. ياجعل يومي قبل يومك
لا ان شاءالله بتشوفينهم وتحظرين عرسهم بعد
ام سامي:اللهم امين يارب

سامي
اه يايمه لو تدري وش شاغل بالي
كان مافكرتي فيني وبزواجي
الله يكون بعونك ياريما

انتهى البارت






آخر من قام بالتعديل سلام ..; بتاريخ 15-02-2018 الساعة 09:23 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 15-02-2018, 09:26 PM
سلام .. سلام .. غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


الله يسعدكم ابي ردود على الرواية
عشان تعطيني طاقة ايجابيه اني اكمل الرواية..
عادي اتقبل النقد لو فيه احد بينقد عشان اكتب للأفضل ..
شجعوني عشان اكمل

... ولا يهونون طبعا اللي يردون كل مره الله يسعدهم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 15-02-2018, 09:37 PM
رووووح الحياااه رووووح الحياااه غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


الروايه جميله والأحداث حلوه كملي احنا متابعينك

الرد باقتباس
إضافة رد
الإشارات المرجعية

حزينة على ماضي ولىّ و فات /بقلمي

الوسوم
تضحية , سما . راكان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قصة رومانسية حزينة مناف الدبشي قصص - قصيرة 4 11-10-2017 02:11 PM
ذنبك ياخوي دمرني /بقلمي كويتيه و روحي المملكه روايات - طويلة 0 12-02-2017 04:31 PM
تضحية تحولت إلى أُضحية بِقلم قيثارة الصِبا قصة حزينة قيثارة الصِبا قصص - قصيرة 2 13-12-2016 12:02 PM
اناشيد اسلامية حزينة ومؤثرة بدون ايقاع hassy خُطب - أناشيد - صوتيات و مرئيات إسلامية 0 06-11-2016 10:44 AM
قصة الأثم /بقلمي قلم مضطرب قصص - قصيرة 6 31-03-2016 12:53 AM

الساعة الآن +3: 03:15 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1