غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 24-02-2018, 06:50 PM
Wadak ودق Wadak ودق غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


حلو البارت… ولو قصير… وأهم حدث فيه سما وراكان… الباقي احداثهم ثانوية فقط ..
سما ياسما حبيتها بهل البارت… احب الشخصية القوية الي تعرف الي عليها ويلي مو عليها… تصرفها مع اخت زوجها… صائب جدا وتركها البيت وذهابها لبيت اهلها موقف صحيح ..
اتمنى ما تتأخري بالبارت القادم ويكون أطول من هذا البارت بأحداث أعمق وأكشن متنوعه…
حبيت روايتك ورح أبقى أحبها اتمنى لك كل التوفيق ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 25-02-2018, 05:18 PM
صورة ورود معطره الرمزية
ورود معطره ورود معطره غير متصل
©؛°¨غرامي جديد¨°؛©
 
الافتراضي رد: حزينة على ماضي ولىّ و فات /بقلمي


البارت جميل وواصلي احنا معك قلباً وقالباً

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 25-02-2018, 05:32 PM
غرور الحربي غرور الحربي غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


اعجبني تصرف سما انها مارضت بالمهانة وردت على اخته وتركت لهم البيت لان راكان مايستاهلها المفروض من اول كف ماتسكت اهم شي راحت لبيت اهلها اكيد اخوها سامي مايرضاها لها زيها زي ريما وان شاء الله تكون قوية وتاخذ حقها ولاترجع لان الكرة بملعبها تتشرط على كيفها ان شاء الله حضها احسن من اخواتها اتمنى تكون مميزة البطلة قوية شخصية ومحترمة وحكيمة وفرفوشة وتعرف ترسم وذكية وتعرف تتصرف بالمواقف القوية وتفهمها على الطاير وتحب الاطفال وتستعبط وكوميدية انا احب الشخصية اللي كذا احس تصرف سما صح ماغلطت ردت عليها رد تستاهله اتمنى تجلس عند اهلها ولاتتنازل واكيد بالنهاية اهله يمله ويطلبوا منه يرجعها زي ماطلبت امه يتزوجها واخواته كبار يقدروا يساعدوا امهم بتربية البنات والولد وهم ثلاثة ماتحملوا اكيد ينجبر يعتذر لعشان عياله ويطيح اللي براسه هو واخته غصب عنهم لانه ماراح يلقى مثلها تتحمله هو وبنته الكبيرة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 27-02-2018, 04:21 PM
صورة زهور الابتسامة الرمزية
زهور الابتسامة زهور الابتسامة غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


ماشاء الله
البارت جميللل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 28-02-2018, 10:21 PM
سهام الحربي سهام الحربي غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


متى مواعيد البارت لازم موعد ثابت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 02-03-2018, 01:58 AM
سلام .. سلام .. غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


اقتباس:
المشاركة الأساسية كتبها سهام الحربي مشاهدة المشاركة
متى مواعيد البارت لازم موعد ثابت

السلام عليكم راح يكون موعد البارت كل يوم سبت
بارت طويل
بارت واحد بالاسبوع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 02-03-2018, 08:39 PM
سلام .. سلام .. غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


السلام عليكم
معليش
اليوم راح انزل البارت
لاني بكرا بصراحه مااقدر انزله
وشكرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 02-03-2018, 09:11 PM
سلام .. سلام .. غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي




البارت 14
قمت من النوم على صوت قوي يطق الباب فزيت من السرير مفجوعه رفعت راسي بناظر الساعه .. اف ياربيه نمت كل هذا
فتحت الباب بسرعه
ام سامي بعصبيه وصراخ مبالغ فيها:يا قليلة الادب شكلي ماعرفت اربي .. ترفعين صوتك على ام زوجك .. انا ماربيتك على قلة الادب وش فيك تغيرتي
سما بصدمه من اللي اسمعه مين اللي وصل لامي الكلام ومين اللي قلبها ضدي انا كنت بقولها السالفة بس بطريقتي:ييمم
قطعت كلامي بسرعه وبعصبيه:انكتمي ياللي ماتستحين وطيتي راسي هاذي كبر امك كذا تسوين فيها
سما بانفعال والدموع بعيونها:يمه انتي فاهمه الموضوع غلط
.. يمه هو ضربني
ام سامي بانفعال:وليته كسر راسك بعد
سما انفعلت زياده من الكلام اللي تسمعه:يمه بس انا ماسويت شي والله يمه ماتصدقيني يعني انا تربيتك
ام سامي:دامك على قولتك انك تربيتي ليش فشلتيني عند الناس بيقولون هاذي ما عرفت تربي
سما بنفس الانفعال تمسك يدين امها:يمه من الاخر انا راجعه ماراح ارجع له .. ابي اتطلق
ام سامي بشهقة قوية ضربت صدرها :وشو .. ماعندنا بنات يتطلقن.. يالله بس لمي اغراضك وانزلي تحتك راكان يستناك
سما بصدمه :يمه وش تقولين هو تحت تبيني اروح معه ليش ماعندي كرامه ضربني وفشلني عند اهله وكذا .. يمه انتي عودتينا اننا ناخذ حقنا ومانسكت عنه .. يمه الساكت عن الحق شيطان اخرس
ام سامي باستعجال وتأشر بيدها:يالله يالله بس ينتظرك تحت
سما :بس ماراح اروح معه .. انا بقابله عشانك بس
ام سامي:بتروحين ورجلك فوق رقبتك
راحت امي ولا سمعت كل كلامي ناظرت نفسي الى الحين بالعباية فصخت العباية ونزلت لقيته جالسه بالكنب ومنزل راسه
يوم دخلت عليهم رفع عيونه وهو معقد حواجبه ويطالعني وهو باين عليه مشدوده اعصابه ومنفس
تقدمت منهم :السلام عليكم
راكان وامي:وعليكم السلام
وانا متكتفه انتظره يتكلم
ام سامي:وهاذي سما ووصلت يالله خذها وتوكلوا
سما حسيت بغصه امي ارخصتني .. وارخصتني كثير
ماابي اكسر كلمتها واعصيها .. ابي هو يتكلم ويقول ارجعي بس مستحيل يتنازل عن كبريائه
حسيت المكان خانقني وانربط لساني ماقدرت اتكلم طلعت فوق على طول اخذ شنطتي وعباتي عشان ارجع معاه
خلاص شكله هذا نصيبي ولازم اصبر عليه بهذا اليوم تأكدت انه مالي سند ما اقول الا الحمدلله على كل حال

قام راكان بيطلع قبل مايطلع مسكت عضده
ام سامي والحزن يقطع قلبها تكلمت وهي منزله راسها:
لاتنسى الوعد
راكان بخبث:ابشري المغرب وسامي عندك

طلعت ينتظرها بالسيارة حس بالانتصار انها رجعت له حتى لو بالحيلة .. بس هالمره ضبطت حيلته واضطرت ترجع معه

بس المره ثانيه يمكن ماترجع وتورط انا وعيالي بدونها .. مافيه الا اني اجبرها بالغصب تجلس معاي

ركبت السيارة

هدوء قاتل في السيارة انا ماتكلم وهو بعد .. انتظره يبرر تصرفه.. يعتذر بس خلاص شكل مافي امل منه .. ظليت اطالع السيارات من حولي كلن يمشي وراء دنياه .. بدون هدف .. مافيه شي عشان يوصل له .. كلن عنده هم ماتشيله الجبال .. بس مضطر يكمل حياته الى اللاشي .. انا نفسي سما .. من بعد اليوم ماانتظر من احد مقابل ..
ماحسيت الا يوم تكلم .. وصلنا .. انزلي
..رجولي مو حاملتني .. مافيني طاقة امشي .. ظليت بمكاني ماتحركت لافة وجهي جهة الشباك . محطمة كليا ..مانتبهت على نفسي الا من مسكته ليدي حسيت زي اللي صقعني كهرب فزيت على طول وفتحت الباب ونزلت
دخلت غرفتي فصخت العباية ورحت اتوضى واصلي واقرا قران واقرا واقرا لحد ماتروح الضيقة .. ماحسيت بنفسي الا غفيت بالسجاده مادري كم مر من الوقت بس من بعد ماصليت ارتحت

.........

مشيت مسرعه الى العمل بعد ما اوصلت داليا الى المدرسة
نظرت الى الساعه التي في معصمي .. اوه يا ألهى مضى من الوقت النصف ولم انتبه ..
فتحت باب المطعم الذي اعمل فيه ..
دق الجرس المتعلق في الباب .. انتبهت لدخولي زميلتي سارة
سارة:صباح الخير سوزان .. لماذا تأخرتي فاليوم يراقبنا المدير من خلال كاميرات المراقبة
سوزان بدهشة:اوه يا ألهي لا اريد ان اطرد ايضا ..
سارة:حسنا اعملي بحهد اكثر اليوم لكي لا يتم طردك
سوزان لا اعلم ماذا افعل الان استيقظت متأخرا اليوم من اجل انني لم انم طوال البارحة .. بعد الانتهاء من العمل سأطلب الاذن من المدير بالسماح لي للخروج باكرا من اجل البحث عن عمل ..

مر الوقت بسرعه ولم انتبه .. حل الظلام .. ولم اعد الى المنزل ..
خلعت ملابس العمل .. وارتديت ملابسي وهممت بالخروج ..
اصبحت اتفسح في الازقة والدهاليز .. لا اريد العودة الى البيت
ولم يكفي الوقت للخروج باكرا والبحث عن عمل .. مررت بجانب ذلك المكان .. تلك الذكرى او تلك الذكريات .. هززت رأسها لأطرد تلك الذكريات مت رأسي فالذي تركنا ورحل ولم يسأل عنا فلن اقف على اطلاله ابدا ..مررت بجانب طفل في العاشرة من العمر في يده خرقة سوداء .. يمسح بها احذية الماره بدراهم معدودات .. خطرت ببالي فكرة ان اعمل مثل هذا الطفل.. لجني المال الزهيد .. لبضع اشهر حتى اقدر على الوقوف على قدماي
ابتسمت لهذه الفكرة كالبلهاء .. مشيت مسرعه للمنزل ..
لم اجد داليا في الفناء .. دخلت الى الغرفة .. وجدتها مستلقة على السرير وتنظر الى الفراغ وفي يدها لعبتها اللي مازالت تحتفظ بها.. لم تنتبه لدخول .. تقدمت خطوة وجلست في ناحية السرير..
انتبهت لوجودي وانعطفت الى الجهة الاخرى .. لم تنظر لي ..
استمريت في التحديق بها ثم تكلمت:داليا .. ماذا بك ياحبيبتي؟
جلست وحضنتني ودفت رأسها في حضني :امي لا تتركيني
احسست ببلل في حضني ادركت بأنها تبكي .. بكيت معها وسمحت بدموعي بالانهمار مسحت على رأسها:لن اترككي ابدا
...........

سمر:حبيبي اشتقتلك
.......:انا اكثر .. لك فترة ماتتصلين
سمر:ايه مضغوطه مره يالله بالله القى لي وقت عشان
اتصل عليك ..
.......:على كذا لازم مكافئه
سمر بتردد وخبث :اوك .. اذا فاضي اليوم تعال ببيتي
ارسلك اللوكيشن الحين
...... وعيونه تبرق من الفرحه:اجيك طاير ..بس اكيد مافيه احد
سمر:ههههههه ليش خايف .. لاتخاف انا اصلا ماراح اقولك
الا اني متأكدة انه مافيه احد
.......:طيب طيب يالله ارسلي لي اللوكيشن
سمر:تعال على الساعه 9 اوك
........:اوك
سمر بفرحه على طول ارسلت له اللوكيشن وهي ترسله

دخل عليها مثل الاعصار يركض والعصبيه معميه عيونه اخذ الجوال منها وضربه بالجدار وصار يضرب فيها بدون وعي
يضرب ويضرب :مين تكلمين ياواطيه يابنت ....
"وهو يمسك راسها ويضربه بالجدار اللي وراها"مين .. حقيره وطيت روسنا .. والله لاكسر راسك قبل لاتوطين راسي
دخلوا عليهم امه والبنات وصارو يفككون بينهم .. دايم يصير
بينهم مشاكل بس هالمره غير ..
ام نايف وهي تحاول تمسك يدين نايف بس لاحياة لمن تنادي
:وش فيه قول وش اللي صاير
نايف وهو يلهث وصدره ينزل ويطلع من العصبيه :بن.. بنتك...
هاذي... للو...الواطي...ه وطط...تتت روو...سنننا
ام نايف وهي تضرب صدرها :وش تقول انت وش الكلام
هذا
نايف وبعيونه شرار يتطاير :والله يمه والله .. الله لايخليني
اذا خليتها عايشه اليوم
قرب بيضربها مره ثانيه وهي طايحه زي الجثة الهامده
رفعت راسها وصارت تتكلم بصعوبه ووجها ملطخ بالدم والدموع وبصراخ:ايه ايه انا ابي اوطي راسك انتي انسان مريض وحقير عقدتنا وتعبتنا ووترتنا تضربنا على الطالعه والنازله مافيه احد يردعك عنا انا ابي انتقم منك واوطي راسك ... ابي احرق قلبك زي ماتحرق قلوبنا كل يوم ..
ابي مره احس انك اخوي .. كل مره تجينا زي الثور الهايج تضرب وتصارخ وتزاعق بأي حق تسوين فينا كذا ..
يعني تحسب اني فرحانه اني اسوي كذا واخون ثقتكم فيني
بس انت انت اللي حديتين على كذا .."قربت منه وهي تزحف فتحت يدينها":اذبحني اذبحني وريحني وريح نفسك واغسل عارك بيدك عشان تصير رجل
ماهز فيه شعره الكلام اللي سمعه قرب منها وصار يرفس فيها
ضمتها ندى بقوه وصارت الضربات تجيها هي
وهي تصراخ وهاجر تدفه من وراء بس زي الجدار مايتحرك :ابعد عنها بتذبحها الله يخذك ابعد
بلحظات لاحظت ندى انها ارتخت بين يدينها ..
ابعدت راسها عن حضنها وشافت وجهها مغمضه
عيونها ورسها طايح
ندى بصرخخه :لاااااااا
هاجر طاحت عندها وصارت تضرب وجهها :يمه تكفين لا لا
فاطمه لاتروحين تكفين فااااطططمه
يضربونها على وجهها بس لاحياة لمن تنادي
ام نايف طاحت عندها :يمه بنيتي يمه تكلمي تكفين "بصراخ"روحي جيبي بصل

واقف وراء مذهول من اللي قاعد يصير رفع يدينها ويناظرهن
مو قادر يستوعب انا وش سويت .. لا انا مستحيل اقتل اختي لا االاااا
شالها بين يدينه بسرعه وبصراخ:جيبي عباتها بسرعه
اخذت عباتها ندى وغطتها
وراح معاه للاسعاف
الام منهاره مو قادره تتحرك
تضرب وجهها:يارب رحمتك ولطفك فينا يارب وش اللي صار فينا فجأه اهه "وهي تضرب صدرها"ليتي مت قبل هاليوم
ليتي مت قبل هاليوم
هاجر مسكه كتوف امها وتهديها وهي تحتاج من يهديها هاجر
ماتدري وش صار معاهم بالاسعاف

يركضون بالطوارىء وهو شايله جو الممرضات وبسرعه سدحوها على السرير
دخلوها غرفة العمليات
الممرضة:انتظروا برا ممنوع الدخول

ندى تدعي بصوت عالي وهو واقف حتى الدموع مو قادره تنزل مصدوم من اللي صار

.............

كلهم رايحين لبيت جدتهم ام سامي يتحمدون لسامي بالسلامه
بمناسبة خروجه من التوقيف والحادث اللي صار له
الا سمر جالسه بالبيت عندها اختبار ماقدرت تطلع
حتى صالحه طالعه ...

نزل من السياره وتقدم ببرود بيدخل البيت لقى باب البيت مفتوح
دخل بهدوء ولا اهتم للموضوع سمع صوت
عن الحوش قرب
شاف باب الصالة عند رجل
قرب من عنده بسرعه ويسمعه يتكلم بصوت واطي الرجال
ولاصق راسه بالباب
وهو يصوت بصوت واطي يادوب ينسمع وبيده الجوال
صقر:سمر .. سممر افتحي الباب انا جيت
وبدون شعور منه تقدم ومسك راسه من وراه وضربه بالباب
يوسف:يابن ال...... يابنال..... يالخسيس يالواطي يال........
يضرب بدون شعور
صقر بصعوبه انفلت بين يديه :مالي دخل مالي دخل
هي هي اللي قالت تعال .. سمر والله سمر

بخفة ضرب بطن يوسف ويركض طلع برا البيت

دخل مثل الاعصار ويركض لغرفة سمر
لقاها جالسه على السرير وقدامها الكتاب وتدرس منه
نقز بخف ووصل لعندها وعطاها كف طيحها على الارض
:يابنت.... .. تكلمين شباب .. لا وتجيبينهم للبيت بغيابنا
.. كم واحد قذر دنس هالبيت بوجودها ..
وهو يضربها بدون شعور
دخل عليهم طلال وركض فك سمر من يدينه ورجعها وراه:كسر يكسر يدك .. تمد يدك على اختك
يوسف وهو يصير ودموع على خدوده وبعصبيه وصراخ:
هالوسخه اختنا مو اختنا .. تدخل رجال بهالبيت ياطلال هاذي تربيت ابوي وامي فيها
طلال بدون شعور وبعصبيه وعيونها جاحضه على اخوه:وش تقول انت صدق هالكلام
يومسف بشعاف وبين دموع:والله العظيم شفته بعيوني
سمر بصياح وهي مو مستوعبه اللي يصير انهارت انهارت بينهم مو قادره تفهم وش اللي حصل جالسه تدرس بكل امان الله وفجأه
يدخل ويضربها زي الثور وهذا غير الكلام اللي تسمعه وهي تصيح:والله ماسويت شي وش تقو ل انتي والله ماسو
..قطع كلامها ضربه من طلال خلتها تسكت ضربها كف على افمها
طحت من بينهم على الارض وانصرعت
صارت ترافس بينهم
وعيونها تقلبت
يوسف يزحف على الارض ويتركى الجدار ويصير وماسك راسه من هول الصدمه مو قادر يتحكم باعصابه مايدري وش يسوي خايف تروح من بين يديهم
يركض طلال يدور علاجها فتح الدرج وقرب منها وحط راسها بحضنه واكلها علاجها بالقوه وضمها عشان يهديها

بهالوقت دخل عليهم ابوهم :وش صاير .."وهو يلتفت على ييوسف:وشبك ياوليدي
يوسف مو قادر يتكلم
تكلم طلال وقاله كل شي وهي طايحه بحضنه معغمي عليها

محمد من هول اللي يسمعه رجوله مو قادره تشيله طاح من طول ركض له يوسف :يبه تكفى لاتتركنا تماسك تماسك
محمد وبدا لسانه يلتوي ورجوله تتعكف:وو وووو ششش وشش
تتت فققوووولل

طلال ركض ودق على الاسعاف يجي يشلون ابوه

من ماراحوا للمستشفى
واقفين ينتظرون برا

يوسف:ياجعل يومي قبل يومك يالغالي
طلال بعصبيه وبفحيح:ورب البيت واللي خلق سبع اذا صار في ابوي شي ماحد يفك هالواطيه من بين يديني

...........

دخلت حصه البيت
حصه:سحر روحي جيبي السله اللي بالحوش فرغي الاغراض
اللي فيها
سحر:ان شاءالله يمه
تقدمت حصه بتدخل على سمر بتشوف اخبارها

دخلت تدورها بالغرفه مالقتها

جت بتطلع تدورها بالبيت .. لفت نظرها طالعه رجولها من وراء السرير اسرعت تروح لها
شافتها طايحه ومغمي عليها

حصه طاحت على الارض عندها:يمه بنيتي يمه وش فيها
"بصرخه" سهههههى .. سهى جيبي ماء
ركضت سهى تجيب ماء ودخلت عليهم
حصه وهي تمسح الماء بوجه سمر
:يمه سمر قومي يمه قومي
بدت تفيق وتفتح عيونها
شافتهم حوالينها
تكلمت بصعوبها واستوعبت اللي يصير ودموعها بدت تنزل:يم.. يمه.. وينك ليش رحتي وخليتيني
حصه تضمها:يمه ماخليتك بس قلت بروح اسلم على امي وسامي واجي .. عادي دايم اخليكم وش فيك .. ولا بس تبين تدلعين هههه
سمر ووهي تصيح اكثر:يمه لا تلخيني مره ثانيه بروح معك بكل مكان
حصه وهيوتمسح على شعرها :خلاص مره ثانيه باخذك
سهى :الله أكبر الله لنا الدلع صار كله لها
... الا اقول سميروه فاطمه ماجابت اغراض

قالت لي خلي الباب مفتوح عشان اخوي يحط الاغراض بالحوش
سمر وبالها مو معاهم خايفه من اللي صار ومن اللي بيصير ماتدري وش السالفه ردت بعد فتره:مدري ماشفت شي
سهى:وش فيك انتي مفهيه وبعدين ليش اغمى عليك غريبه
وماجوا يوسف وطلال وابوي

سمر تسمح دموعها وصارت ترجف من ذكرهم:مدري مدري ماشفت احد ولا ابي اشوف
حصه بشك من اللي فيه بنتها:انتي وشفيك وش اللي صاير مو على بعضك
سمر ضمت امها:والله العظيم يايمه مدري وش اللي صاير
"ضمتها اكثر وقالت لها كل السالفه وهي تصير وبين شهقاتها تكلمت" حصه وهي تضرب صدرها :
اعوذ بالله .. الحين وينهم هم
سمر:مدري اغمى علي ويوم قمت ماشفتهم
فزت حصه تدق عليهم واحد واحد بس ماحد يرد
صارت تدور بالبيت ماتدري وش تسوي .. انفتح باب الشارع
طلعت تركض بتشوف مين .. ولا تدخل ست الحسن والدلال صالحه توها جايه من الطالعه
حصه وهي تكش عليها:هاذي انتي .. وعوها
صالحه :بوجههك .. وش تبين انتي ماحد تعرض لك
حصه طنشتها ودخلت غرفة سمر مالها خلقها ابد

بعد ساعات دخلوا يوسف وطلال

دخلوا غرفة سمر وفزت حصه لهم
حصة بقلق:يمه يا يوسف وش فيكم "وهي تمسك وجهه":وجهك ليش اصفر .. وابوك وينه .. وش اللي صار تقول سمر دخلت تضربها وو..
قطع كلامها يوسف بعصبيه ونرفزه:الواطيه هاذي لاعد تتلكم وربي وربي لو مايقوم ابوي لادفنها ببمكانها
ماابي اشوف رقعة وجهها لحد مايقوم ابوي
سمر ويدها على فمها تمنع الشهقات تطلع ركض وطلعت من الغرفة والدموع ماليه وجهها
سهى:اعوذ بالله وش فيك انت عليها ووشفيه ابوي
يوسف تحسف انه انزل لسانه ونطق مايبي يقولهم وش صار
ماتكلموا يطالعون بعض وساكتين تحركوا بيطلعون من الغرفة
مسكت يدهم حصه توقفهم:تكلموا وش فيه محمد فيه شي .. لاتحرقون قلبي بسرعه تكلموا
طلال مسك يد امه وجلسها على السرير وجلس قبالها :يمه اسمعي للي ابقوله بس لاتسرعين ... يمه يوسف دخل "وقال كل شي"
حصه وهي تضرب صدرها: لا لا مستحيل بنتي ماتسوي كذا هاذي بنتي تربيتي دلوعتي هاذي الغاليه
طلال وهو منزل راسه:بس يمه الحين ماتستبعدين شي من احد الشر يجيك لوسط بيتك وانت مدلعتها بزياده عشان مرضها الله لايعقلها
حصه وهي تصك افمه:استغفر ربك هاذي اختك .. انا لو اشوفها بعيوني مااصدق "وهي تأشر على يدينها"هاذي تربيتي ماتطلع من شوري مستحيل .. انتم فاهمين الموضوع غلط .. سمعتو لها
يوسف وطلال ماتكلموا
حصه:سمعتوا لها
يوسف:بصراحه لا
حصه ارتحت شوي وزفرت :الحمدلله ..
ايه ادري بنتي مستحيل توطي راسي
يوسف:يايمه وش هالبرود اللي فيه
حصه :لاني واثقه واثقه بزياده بعد .. بنتي يايوسف تخاف الله
قبل ماتخاف منكم ومستحيل تسوي هالحركات وخلونا منها الحين وابوك وين وش صار فيه
يوسف وهو منزل راسه ومتكي على الجدار:ابوي بالمستشفى جاه انهيار عصبي
ضربت على صدرها:انا لله وش اللي صار
قوم قوم ودني له والله مااجلس دقيقه هنا قوم بسرعه

......... ....

دخلوا المستشفى ومروا من جنب ندى ونايف
ندى

تو ماطلع لنا الدكتور وقال دخلت غيبوبها وفيه كسر بالجمجمه واحتمال ماتقوم منها
اانهار نايف ورقدوه بالمستشفى وانا جالسه معاه ماني عارفه وش اتصرف

............
بمكان ثاني بنفس المستشفى

طلال كلم الدكتور اللي مختص بحالة ابوه
قال ان شاءالله يوم او يومين ويفوق
طلال:هاه يمه سمعتي وش يقول يقول ان شاءالله يومين ويقوم
حصه :لا قلبي مو متطمن ابحلس لحد مايقوم هذا نظر عيني
كيف تبيني اروح واترك لحاله
...........

البزران الى الحين ماجبتهم من اهلي .. وانا متعمد اني ما اجيبهم
دخلت البيت مالقيته موجوده اكيد بغرفتها
ترددت ادخل الغرفة او لا

بالاخير تقدمت ودخلت
لقيتها منسدحه على السجاده شكلها نايمه
صكرت الباب وقفلتها وانا متردد على اللي بأقدم عليه
بس فكرت كثير ومافيه الا هالحل
قربت مت عندها ونزلت لمستواها ظليت اتأملها .. ياسبحان اللي خلقها طفله بين يديني .. حتى بشرتها مثل الاطفال
رفعت يدي ونزلته على خدها
صرت اتحسس خدها وتكلمت بهدوء :سسمااا
سمما
تحركت بانزعاج من يدي وبصعوبه فتحت عيونها مااستوعبت اللي يصير باين من علامات وجهه
ههههه بصراحه ردت فعلها تضحك
ماتكلمت انتظرها تتكلم
فزت من مكانها
سما مفزوع فكت جلالها:وش فيها .. وليش انت هنا
ناظرتها بمكر ووقفت مقابلها :عشانك
سما والرعب دب بقلبي:وش تقول انتي ..
قرب من عندها
وهيوترجع على وراء لحد ماوقفها الجدار اللي وراها تلكمت والرعب باين من صوتها :راكان .. لا تنسى الشرط اللي بيننا
لاتخلف فيها تكفى
راكان ظليت اتأمل عيونها وحسيت فيها انكسار ماتوقعتها ضعيفة لهدرجه جتني راغبه جامحه بأني اكمل مابديته
قربت اكثر و ......

قمت الصباح وتلفت حواليني بستوعب انا وين نايم
لقيتها نايمه جنبي وهي معطيتني ظهرها

سما
بهاللحظه انا انكسرت كلي .. جاني زي الشلل ماقدرت اتحرك من اول ماقمت بس دموعي هي اللي تحكي حالي انظر الى اللاشي .. حقير وقذر اكرهه وكل يوم اكرهه اكثر خان الوعد الوحيد اللي بيننا .. مها مو قادره تروح من بالي انا اليوم صارت زوجته .. حسيت بحركته وراه اكيد قام غمضت عيوني بسرعه ماابيه يدري اني قايمه ماابي تشوف وجهه مابي صرت .. صرت ارجف بمكان

راكان

عرفت انها قايمه بس ماتبي تناظرني
تكلمت ببرود يقتل:انتي اللي حديتيني
سما فتحت عيوني وانصدمت من كلامه انا اللي حديته ..
على وشو
سما صرت اصيح بصوت عالي وشهقاتي مو قادره اكتمها:ماحدي.. يتك على.. شي

راكان بخبث :الحين بتجلسين على ذمتي غصبن عليك عشانك مو عشان عيال اخت مثل اول ... ومستحيل تطلبين الطلاق ..

سما لفيت بسرعه له وبعصبيه وصراخه:يالحقير .... صدق انك واطي ومافيك من الرجوله ذرة

راكان مسك معصمي وضغط عليه:احترمي نفسك احسن لك تراي صابر عليك بما فيه الكفايه
سما بانهيار تام مت اللي قاعده تشوفه وتسمعه:انت اللي صابر ولا انا .. وهيوتضرب خدها .. انا انا اللي جنيت على نفسي كان من اول ماوافقت اني اتزوجك .. تزوجت واحد حقير ونذل .. مدري وشلون كانت صابره عليك مها..
راكان بضحكه تنرفز:صبرت وانتي بعد بتصبرين غصبن عليك
سما :تخسى غصبن علي
راكان يضحك اكثر قام وطلع من الغرفة
سما
عرفت ان كل كلمه قاله صادق
ابصبر على العيشه معاه غصبن علي
مو حبن فيه
لا بس لان ماعندي سند
قمت اتروش وانا ابي اقطع نفسي اهز راسي تحت المويه
وابي اطرد هالليله مت بالي .ظ ابي انسى ابي انسى

طلعت مت الحمام ولبست وشغلت التكييف وانسدحت
صرت انتفض واناوتحت الغطا ودموعي ماليه المخده
حسيت راسي راح ينفرج من البكي

مر اسبوع وانا على هالحال جاب البزران وانا مو قادره عليهم ابد جتني صخونه هدتني حيل
بس استفرغ وانتم بكرامه وزكمه وصداع
لبست اثقل بجامه عندي
مااطلع من الغرفة كثير وفهودي جالس عندي

ماشفته من هاذيك الليله .. ماجاء البيت ابد
له اسبوع ماجاء ارتحت لاني احاول انسى اللي صار

قمت من السرير اركض بروح للحمام استفرغ
واقفه على المغسله واطلع كل اللي بكبدي .. جتني دوخه بعد الاستفراغ احسيت ابفقد توازني تكيت على المغسله وماحسيت الا باليد اللي انمدت تساندني
لفيت مفجوعه شفته وقف جنبي وماسكني عشان مااطيح
حاولت ابعده ماقدرت
راكان :لاتقاومين .. خليني اساعدك بس
سما بنرفزه منه مرتاحه طول هالاسبوع بدونه:ماابي منك شي
راكان ماتكلم وتركني جاء بيطلع من الحمام
ماحسيت على نفسي الا اني فقدت توازني وطحت على الارض
ركض بسرعه ونزل لمستواي وشالني من الارض بين يدينه
ماتحركت لاني مافيني حيل اقاوم
قرب من السرير ونزلني
وهو ينزلني ومايفص بيني وبينه شي وعينه بعيني تكلم
:انا تزوجت

..........

انتهى البارت

ولا تنسوننا من تعليقاتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 03-03-2018, 01:05 AM
Wadak ودق Wadak ودق غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


بارت رائع تسلم يمينكِ ..
ما إتوقعت راكان بهل القسوة والحقارة .. أبد ما حبيت شخصيته
يعني موقف أم سما سلبي جدا…
أووووووف أوووف على سما .. توجع القلب ..
شلون تزوج وبكل بجاحه .. وليش ميريدها… وما متقبلها زوجه له ..معقولة يكون حب بزوجته ؟!
ما أتوقع ..
اتوقع سما رح تحمل… ومازال عندي بصيص أمل انو يقدر قيمتها ويعاملها بالحسنى… ويكون زواجه كذبه ..
البارت الجاي يوم غد .. او السبت القادم ..
اتمناه يوم غد عن جدا شلون رح نصبر اسبوع كامل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 03-03-2018, 08:48 PM
سلام .. سلام .. غير متصل
©؛°¨غرامي مشارك¨°؛©
 
الافتراضي رد: حزينة على ماضي ولىّ و فات /بقلمي


اقتباس:
المشاركة الأساسية كتبها wadak ودق مشاهدة المشاركة
بارت رائع تسلم يمينكِ ..
ما إتوقعت راكان بهل القسوة والحقارة .. أبد ما حبيت شخصيته
يعني موقف أم سما سلبي جدا…
أووووووف أوووف على سما .. توجع القلب ..
شلون تزوج وبكل بجاحه .. وليش ميريدها… وما متقبلها زوجه له ..معقولة يكون حب بزوجته ؟!
ما أتوقع ..
اتوقع سما رح تحمل… ومازال عندي بصيص أمل انو يقدر قيمتها ويعاملها بالحسنى… ويكون زواجه كذبه ..
البارت الجاي يوم غد .. او السبت القادم ..
اتمناه يوم غد عن جدا شلون رح نصبر اسبوع كامل


الله يسلمك .. هذا من ذوقك ..

ان شاءالله يكون توقعاتك صح ههه

البارت اباسبوع الجاي ان شاءالله
انتظروني ببارت جديد



الرد باقتباس
إضافة رد

حزينة على ماضي ولىّ و فات /بقلمي

الوسوم
تضحية , سما . راكان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قصة رومانسية حزينة مناف الدبشي قصص - قصيرة 4 11-10-2017 02:11 PM
ذنبك ياخوي دمرني /بقلمي كويتيه و روحي المملكه روايات - طويلة 0 12-02-2017 04:31 PM
تضحية تحولت إلى أُضحية بِقلم قيثارة الصِبا قصة حزينة قيثارة الصِبا قصص - قصيرة 2 13-12-2016 12:02 PM
اناشيد اسلامية حزينة ومؤثرة بدون ايقاع hassy خُطب - أناشيد - صوتيات و مرئيات إسلامية 0 06-11-2016 10:44 AM
قصة الأثم /بقلمي قلم مضطرب قصص - قصيرة 6 31-03-2016 12:53 AM

الساعة الآن +3: 09:30 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1